Post: #1
Title: بورداب جدة رحبوا بي بينكم
Author: محمد عمر الفكي
Date: 01-07-2011, 05:57 PM
Parent: #0
ابتدأ من 14/2/2011 (عيد الحب) سوف ابدأ عملي بجدة باذن الله .
الاخ نصر الدين عثمان سوف اقوم بالتنسيق معك لموضوع دراسة الابناء اما لموضوع السكن فان عملي سوف يكون بشارع فلسطين قرب مستشفى سليمان فقيه لذا ارجو مساعدتكم الكريمة في العثور على اي سكن قريب من هذا الشارع.
فراق مكة ليس سهلاً لكن العزاء في انها قريبة من جدة فقد استخرت واستشرت واستقر رائي فقررت وتوكلت على الله.
يلا ايدكم معانا
|
Post: #2
Title: Re: بورداب جدة رحبوا بي بينكم
Author: جمال الباقر
Date: 01-07-2011, 06:02 PM
Parent: #1
مرحبا بك اخي محمد عمر بيننا
نزلت اهلا وحللت سهلا
|
Post: #3
Title: Re: بورداب جدة رحبوا بي بينكم
Author: جمال الباقر
Date: 01-07-2011, 06:03 PM
Parent: #2
Quote: استخرت واستشرت واستقر رائي فقررت وتوكلت على الله.
يلا ايدكم معانا |
على بركة الله
|
Post: #4
Title: Re: بورداب جدة رحبوا بي بينكم
Author: البشير دفع الله
Date: 01-07-2011, 06:10 PM
Parent: #3
أهلا ومرحبا وحبابك تب
|
Post: #5
Title: Re: بورداب جدة رحبوا بي بينكم
Author: محمد عمر الفكي
Date: 01-07-2011, 06:18 PM
Parent: #4
دكتور جمال
ابن العم البشير
شكراً لكما على الترحيب وباذن الله لنا لقاءات.
|
Post: #6
Title: Re: بورداب جدة رحبوا بي بينكم
Author: خالد المحرب
Date: 01-07-2011, 07:31 PM
Parent: #5
اتصل بى عمك الشيخ ابوحريره سكنك جاهز
عمك الشيخ ساكن فى شارع الرابطه الاسلاميه
وذكر لى فى شقه فاضيه فى نفس العماره الحق عليها
|
Post: #7
Title: Re: بورداب جدة رحبوا بي بينكم
Author: جعفر محي الدين
Date: 01-07-2011, 07:31 PM
Parent: #5
أوه
محمد عمر الفكي
مرحب بك لاعبا رسميا وأساسيا في فريق بورداب جدة
مع أمنياتنا الصادقة لك بالتوفيق والنجاح في عملك الجديد
وليس لدينا أدنى شك بأنك ستكون إضافة حقيقية لهذا الفريق الشاب (ههههه)
|
Post: #8
Title: Re: بورداب جدة رحبوا بي بينكم
Author: محمد عمر الفكي
Date: 01-07-2011, 07:57 PM
Parent: #7
يا ابو احمد
والله كتر خيرك، ما قصرت واتصلت على عم الشيخ وان شاء الله بنقضي تب. غايتو يا اب احمد غلبنا النسوي ليك والنسوي معاك قدرمانعاين فيهو نلقى نفسنا مطلوبين.
شيخ جعفر
شاكر ليك الترحيب وشاكر قبلها للتوجيه والنصح.
غايتو كان فريقك دا ياهو فريق الناس البجو فطوركم السنوي والله دا فريق يونس شلبي وسمير غانم بتاع فيلم 4 - 4 - 2 احسن منهم.
|
Post: #9
Title: Re: بورداب جدة رحبوا بي بينكم
Author: نورالدين الفحل
Date: 01-07-2011, 08:07 PM
Parent: #8
الاخ محمد عمر الفكى الف مرحب بيك جدة نورت بيكم
نتمنى لك طيب الاقامة بها انت والعائلة الكريمة
|
Post: #10
Title: Re: بورداب جدة رحبوا بي بينكم
Author: محمد عمر الفكي
Date: 01-07-2011, 08:31 PM
Parent: #9
الاخ نور الدين
جدة منورة بيكم وفخر لينا انه نجاوركم وزي ما قال شيخ جعفر لاعب "اساسي" في فريق بورداب جدة.
|
Post: #11
Title: Re: بورداب جدة رحبوا بي بينكم
Author: كمال ادريس
Date: 01-08-2011, 00:51 AM
Parent: #10
حباب محمد عمر ... لكن صحبي السيدح خليتو لمنو؟ خاصة بع سفرة خالد العبيد.
|
Post: #12
Title: Re: بورداب جدة رحبوا بي بينكم
Author: محمد عمر الفكي
Date: 01-08-2011, 10:07 AM
Parent: #11
كمال
يا حليلك، السيدح فاضي لينا من طلوع الجبال؟
تحياتي لكما
|
Post: #13
Title: Re: بورداب جدة رحبوا بي بينكم
Author: ادم شحوتاي
Date: 01-08-2011, 10:37 AM
Parent: #12
الأخ محمدعمر الفكي
تحية وسلام
حبابك الف يازول وجدة نورت
|
Post: #14
Title: Re: بورداب جدة رحبوا بي بينكم
Author: وليد عبد اللطيف
Date: 01-08-2011, 10:41 AM
Parent: #13
محمد عمر مرحب بيك
خلاص نعتمدك معانا
|
Post: #15
Title: Re: بورداب جدة رحبوا بي بينكم
Author: محمد عمر الفكي
Date: 01-08-2011, 11:34 AM
Parent: #14
العم العمدة شحوتاي
الاخ وليد
شكراً لكما على الترحيب ويا وليد اعتمد 100% باذن الله.
|
Post: #16
Title: Re: بورداب جدة رحبوا بي بينكم
Author: وليد عبد اللطيف
Date: 01-08-2011, 11:44 AM
Parent: #15
الان كان معي الاستاذ جعفر محي الدين
وقال لنا الاخبار السارة وبيك تزاد جده ... نور
|
Post: #17
Title: Re: بورداب جدة رحبوا بي بينكم
Author: اساسي
Date: 01-08-2011, 11:50 AM
Parent: #16
بالرغم من انه جدة منورة بينا الا ان مزيدا من الانوار امر جيد
مرحب بيك يا ود الفكي وان شاء الله الديار ترحب بيك
ونشوفك اساسي في بورداب جدة بعد ان طال جلوسك من مقاعد الاحتياطي في مكة
|
Post: #18
Title: Re: بورداب جدة رحبوا بي بينكم
Author: صلاح عثمان
Date: 01-08-2011, 12:32 PM
الأخ محمد عمرالفكي
مرحبا بك في عروس البحر الأحمر
و نتمنى ان يطيب لك المقام بين اخوانك بورداب جدة
على الأقل نكسبك ضد ود جبريل
و السكن عليك بحي الصفا
معقل السودانين و فول إبراهيم
مع تحياتي
|
Post: #19
Title: Re: بورداب جدة رحبوا بي بينكم
Author: محمد عمر الفكي
Date: 01-08-2011, 01:42 PM
Parent: #18
يا وليد شيخ جعفر دا راجل بركة وكتر خيره وربنا يقدرنا على رد جميله.
الاخ صلاح
شكرا ليك وربنا يهون
اساسي
| Quote: بالرغم من انه جدة منورة بينا |
مشكور على الترحيب النون في "بينا" دي على ما اعتقد نون تفخيم وليس نون للجمع يعني جدة منورة بيك براك انت يا اخوي قايل رقبتك رشاد ولا شنو؟
|
Post: #20
Title: Re: بورداب جدة رحبوا بي بينكم
Author: معاوية عبيد الصائم
Date: 01-08-2011, 01:51 PM
Parent: #19
ود الفكى يا صاحب مليون و 56 الف و122 مرحب
رغم ما مقتنع بالمسالة لانو كم مرة قطعت وعد ولم تاتى
عموما يا عمك نحن منتظرين ..مرحب بيك فى جدة وطبعا
النقلة ذات تاثير عالى فى كل التفاصيل.... جدة غير وغير
تانى
يلزمك كورس سياحى ومعرفى بالمنطقة
ونعتبرك من فقراء مكة .....يعنى مجانى
اخوك فى الله (والوطن)
رجل البر والاحسان و (التدريب)
معاوية عبيد
للتنسيق يمكنك الاتصال بالسكرتير
ود القاضى لو فاضى
|
Post: #21
Title: Re: بورداب جدة رحبوا بي بينكم
Author: محمد عمر الفكي
Date: 01-08-2011, 02:57 PM
Parent: #20
ود الصائم،
انت الجبتو لرقبتك واوعي بعدين من عندي شغل وانا مشغول وما ادراك ببقى ليك في رقيبتك دي.
مشكور
|
Post: #22
Title: Re: بورداب جدة رحبوا بي بينكم
Author: فايزودالقاضي
Date: 01-08-2011, 03:09 PM
Parent: #21
اخونا محمد عمر الفكي ...سلامات ويامرحب بيك بينا ووسطنا ...
يازول بلد فيها ود القاضي لو جيتها مابتندم ..اشكر ربك وصلي ليل نهار لذلك ... المهم لو عندك قدرة بتاعة 50 الف ريال في السنة اشوف ليك شقة في نفس العمارة الانا فيها ...
يامحمد حاول تعال يوم الخميس لاسباب فنيه ...
نورتنا والله ...
|
Post: #23
Title: Re: بورداب جدة رحبوا بي بينكم
Author: محمد عمر الفكي
Date: 01-08-2011, 04:47 PM
Parent: #22
| Quote: المهم لو عندك قدرة بتاعة 50 الف ريال في السنة اشوف ليك شقة في نفس العمارة الانا فيها |
مشكور يافايز
يازول حقو تحمد ربنا انه انا لسه عائش؟ غايتو لقيت شماراتك خطيرة؟ انت يا اخوي انتينا ولا الفا ولا ساتلايت؟ شكيتك على الله.
مشكور يا ود القاضي على الترحيب وبرضو على الخلعة الدخلتها في قلبي، يا اخوي انا مع ود الصائم.
مشروع الخميس من هسي لو اساسي فيهو انا برة
|
Post: #24
Title: Re: بورداب جدة رحبوا بي بينكم
Author: فايزودالقاضي
Date: 01-08-2011, 05:28 PM
Parent: #23
| Quote: مشروع الخميس من هسي لو اساسي فيهو انا برة |
يازول انت ماعايز تقيم في جدة ولا شنو ؟!!! كلامك ده قالوا السيدح قبل سنتين اساسي زعل ورجعه بدربه لمكه والى هذه اللحظة بجي بإذن من اساسي وبعد تحنيس مننا...انت عايز تسافر بالنقل الجماعي ولا شنو ظ!! ...امشي بوس يد عمك اساسي فهو رقم يستهان به ...
|
Post: #25
Title: Re: بورداب جدة رحبوا بي بينكم
Author: محمد عمر الفكي
Date: 01-08-2011, 07:00 PM
Parent: #24
لا حولا يا فايز انت ما تقول لي كدا وانا مستغرب السيدح اتاريه ساخطو"اساسي" كل يوم طالع من جبل ونازل من جبل والله قربت اشوف ليهو بنغالي يعمل له "كافتريا" في نص الطلعة يبرد فيها ويقوم
اساسي حبيبنا وزول ضميرو ابيض واخو اخوان "غايتو دا القاله لي خالد العطا" لكن زولكم دا يا فايز الايام دي شايفو متلح "السميرانوف"كتبتها صاح؟ اخوك الحاجات دي بسمع بها سمع بس.
تعرف يا فايز شلت تلفون المدرسة من نصر الدين عثمان عشان اسجل الاولاد قالوا لي مافي طريقة في نص السنة الا تسجلهم بداية ابريل فحاكون مضطر لمدة شهر كامل اساسق من مكة لجدة وبالعكس وكمان ايجارين هنا وهناك ، لكن مافي مشكلة شايف ود الصائم التزم تب مافيها حاجة لو يجيني الصباح بدري فيى مكة والعصر يرجعني ولو جلى ود الصائم النشوف اساسي البتشكرو فيهو دا (على وزن نكتة المداحين سمعتها؟)
|
Post: #26
Title: Re: بورداب جدة رحبوا بي بينكم
Author: محمد عمر الفكي
Date: 01-09-2011, 07:33 AM
Parent: #25
يا شباب، منتظرينكم لموضوع السكنز اي حاجة في اي حاجة
|
Post: #27
Title: Re: بورداب جدة رحبوا بي بينكم
Author: امير مصطفى احمد
Date: 01-09-2011, 08:20 AM
Parent: #26
ود الفكي
مرحب بيك في جدة
بما ان مكان عملك في حي الحمراء تقريبا فيمكنك البحث عن شقة رخيصة تكون ثلاث غرف وحمامين ممكن تكون في حدود الاربعين الف ( بس ) في السنة ، وممكن ود القاضي يشوف ليك (راعي ) العمارة علشان يدفعك دفعتين وليست دفعة واحدة لظروف النقل المقدرة .
اها بالنسبة للمدارس فما شاء الله عليه الحي مليء بالمدارس ، وفي المتوسط المدارس بالنسبة لل KG بتكون من تسعة الى 11 الف في السنة ، اما بالنسبة لل GRAD فبتصل لحدت 18 الف في السنة
وإن شاء الله ما حد حوش
|
Post: #28
Title: Re: بورداب جدة رحبوا بي بينكم
Author: محمد العوض
Date: 01-09-2011, 10:21 AM
Parent: #27
ود الفكي مرحبا بيك في جده عروس البحر
واذا محتاج اي حاجه في السكن والمدارس كلنا فداك
والسبب انك حاتكون معاي في احضار الكوره من خارج الملعب
B]
|
Post: #29
Title: Re: بورداب جدة رحبوا بي بينكم
Author: محمد عمر الفكي
Date: 01-09-2011, 12:37 PM
Parent: #28
الاخ امير
مشكور على الترحيب وكتر خيرك،
غايتو انت وود القاضي بارقامكم دي حدكم معاي السلام عليكم وعليكم السلام يا ناس انتو بصحكم؟ 40 و 50 .
الاخ محمد الخير
شكرا لك
بس خليني اطرق كرعي اصلو الناس ديل 90% من كورتهم برة الملعب والعشرة الباقية مدافرة.
|
Post: #30
Title: Re: بورداب جدة رحبوا بي بينكم
Author: علاء الدين صالح
Date: 01-09-2011, 01:49 PM
Parent: #29
الأخ محمد عمر الفكي
لك تحيّاتي وتقديري
مرحب حبابك وسط أهلك وأحبابك بورداب جدة
لو ما شالتك البلد نشيلك فوق رموش العين
|
Post: #31
Title: Re: بورداب جدة رحبوا بي بينكم
Author: عاطف رميتي
Date: 01-09-2011, 02:10 PM
Parent: #30
ود الفكي
ياخي حبابك وانت تنور جدة وابشر
مودتي بلا حدود
|
Post: #32
Title: Re: بورداب جدة رحبوا بي بينكم
Author: محمد عمر الفكي
Date: 01-09-2011, 02:19 PM
Parent: #31
الاخ الاصغر علاء الدين صالح (مش اصغر البورداب) ولا انا غلطان؟
يسلم راسك ياخي ويسلم كل بورداب جدة.
الاخ عاطف
الله يخليك وجدة منورة بيكم.
|
Post: #33
Title: Re: بورداب جدة رحبوا بي بينكم
Author: Sidig Rahama Elnour
Date: 01-09-2011, 02:21 PM
Parent: #29
مرحبا ًبالاخ محمد عمر الفكي بيننا
نورت وإن شاء الله نقابلكـ عام قريب ...
حا نسأل ليكـ عن السكن إن شاء الله ،
نزلت أهلاً وحللت سهلاً
|
Post: #34
Title: Re: بورداب جدة رحبوا بي بينكم
Author: محمد عمر الفكي
Date: 01-10-2011, 09:07 AM
Parent: #33
يا صديق
كتر خيرك ياخي وبارك الله فيك ونحن لازلنا في انتظار معونة ومساعدة بورداب جدة في موضوع السكن.
شكراً لك.
|
Post: #35
Title: Re: بورداب جدة رحبوا بي بينكم
Author: نصر الدين عثمان
Date: 01-10-2011, 09:26 AM
Parent: #34
أخي محمد .. سلام،
ألف مليون مرحب بيك في جده ..
مع أمنياتنا لك بالتوفيق في عملك الجديد
--------
وعذراً للتأخير
|
Post: #36
Title: Re: بورداب جدة رحبوا بي بينكم
Author: محمد عمر الفكي
Date: 01-10-2011, 10:15 AM
Parent: #35
شكراً يا نصر الدين وكتر خيرك .
اسف ما رجعت لك لكن خلاص نسقت مع الجماعة وان الله حيانا من بداية الفصل الدارسي الجديد حتكون في اول ابريل.
شكراً يا غالي
|
Post: #37
Title: Re: بورداب جدة رحبوا بي بينكم
Author: Mahmoud Mustafa Mahmoud
Date: 01-10-2011, 12:33 PM
Parent: #36
مرحباً بك أخي محمد عمر الفكي..
ومن واقع مكان العمل ،، جغرافياً كدا... أرشحك للسكن في الرويس أو مشرفة أو بني مالك..
والرويس أقرب طبعاً..والعجب لو بقت عندك بنت في الابتدائي الحكومي..الابتدائية 18 بنات..حاجة كده....
ولو ولدك في الابتدائي حكومي.. عندك عمرو بن العاص خلفها طوالي..وأبوبكر الصديق حاجة ما تخلص..
لكن بتاتاً ما تفكر في الأندلس والحمراء والكلام دا..
أوعك..
خليك عافل طيب؟؟
حبابك تاني
|
Post: #38
Title: Re: بورداب جدة رحبوا بي بينكم
Author: محمد عمر الفكي
Date: 01-10-2011, 01:26 PM
Parent: #37
الاخ محمود
كتر خيرك وبارك الله فيك ويلا ايدك معانا،
المدارس موضوعها انتهي وعندهم ترحيل بس باقي لي السكن المناسب.
تسلم يا ذوق.
|
Post: #39
Title: Re: بورداب جدة رحبوا بي بينكم
Author: جعفر محي الدين
Date: 01-10-2011, 01:38 PM
Parent: #38
النجم الصاعد محمد عمر الفكي
ما دام موضوع المدارس اتحل وفيه فسحة لحدت أبريل
موضوع السكن حيتحل إن شاء الله
حنضرب ليك أكباد الكيبوردات في أصقاع النت
ونجوب مواقع العقار الجداوية حتى نظفر لك بشقة محندقة وبت حلال
|
Post: #40
Title: Re: بورداب جدة رحبوا بي بينكم
Author: محمد عمر الفكي
Date: 01-10-2011, 01:49 PM
Parent: #39
يا اخي انت يوم شكرك ما يجي
|
Post: #41
Title: Re: بورداب جدة رحبوا بي بينكم
Author: خالد حامد الجزولي
Date: 01-11-2011, 08:58 AM
Parent: #40
مرحباً بك
أخي محمد عمر الفكي
جدة تنور بيك إن شاء الله
سوف نلتقي
حتماً نلتقي
تحياتي
أبو الجزل
|
Post: #42
Title: Re: بورداب جدة رحبوا بي بينكم
Author: محمد عمر الفكي
Date: 01-11-2011, 10:19 AM
Parent: #41
شكراً جزيلاً الاخ خالد وباذن الله نتقابل
تحياتي
|
|