والله يا الدقير كل تبريرات لزيادة الاسعار غير مقنعة

اولا شماعة الازمة العالمية دي شماعة ايضا غير مقنعة
فكل الدول بما فيها امريكا اعلنت انها تعافت من الازمة
والسودان نفسه في بداية الازمة قال انه لا تاثير لها عليه
لانه غير مرتبط بالسياسة الاقتصادية الامريكية ودا تصريح قالو عوض
الجاز في مستهل الازمة لما كان وزير مالية يعني الجد شنو دلوقت عشان تبقي الازمة العالمية
هي المبرر للزيادة

الاستاذ الشامي جمعه مباركه

بالجد حاجه تجيب للواحد المرض حضرت اللقاء وحسيت انو الدقير سعيد جدا بالوضع الاقتصادي السوداني وان الزياده تستبطن الخير كما قال
وان السنوات الماضية للانقاذ كان الشعب السوداني يعيش في رغد من العيش عظيم وحتى الجيران طالهم الدعم الكبير للمواد البتروليه

فعلا يا الشامي بريق السلطه يعمي الابصار
تحياتي

تحياتي اخ شقدي

Quote: وحتى الجيران طالهم الدعم الكبير للمواد البتروليه

تبرير الدقير لرفع الدعم عن البنزين بدعوي التهريب
الذي جعل الدعم يذهب للاجنبي من التبريرات الفطيرة ايضا
فلماذا لاتحاصر الدولة عمليات التهريب بدلا من رفع الدعم عن المواطن
اللهم الا ان يكون الدقير يعلم ان هؤلاء المهربين من المقربين

قال نحن وفرنا حريات كتيرة جدا بدليل انو في اكثر من عشرين صحيفه تتحدث بما تشاء
و قال انو الدولة ما بتعتدي علي زول إلا يكون الشخص دا بهدد امن المواطن
مقدمة البرنامج سألته.. وين هددت بنت الصادق المهدي المواطن حتي تتعرض للضرب
رد علي مقدمة البرنامج .. حقيقة انا ما عندي تفاصيل كامله عن الحادث دا, لكن إنتي ليه ماسكه في دي بس


شفته التبرير دا كيف يا الشامي !!

اسع الدقير دا الجابرو شنو على المهانة و الوضع المحرج دا شنو
اساسا ما فى زول بسالو من الزيادات دى
فهى من اختصاص اهل الجلد و الراس
و هم قلة قليلة تعد على اصابع يد واحدة من صفوة اهل الانقاذ
و هم من يبتون فى مثل هذه القرارات الخطيرة و لا يستشيرون فيها احد
و حتى و لو استشاروا احدا فلن يكون الدقير الذى لولا انه تنازلوا له عن احدى الدوائر الجعرافية لما تمكن من دخول البرلمان المزور
و هم يعرفون حجمه الحقيقى و حجم الشريحة الحزبية التى ينازعه عليها زملاؤه و رست فى النهاية على اشقائه
فيا ايها الدقير:
خلى الطابق مستور
و اكل اكلك و قش خشمك
ثم اقفله و اختم عليه بشمع احمر
و ساعدنا و ارحمنا بصمتك من مثل هذه الهبالات
فلست انت من يسال من هذه الزيادات