Post: #1
Title: وزير المالية(بالاضافة الى انه كان تاجر مواشى) ماهى سيرته الذاتية؟
Author: النصرى أمين
Date: 01-06-2011, 05:50 PM
لمدة يومين كاملين ظللت ابحث فى النت عن اى معلومة عن
السيد وزير المالية علي محمود عبد الرسول ..
لاشئ اطلاقا....
كل الذى اعرفه عنه الان انه كان يتاجر فى المواشى فى التسعينيات ...
لو واحد جاب لينا السيرة الذاتية هنا ...يكون ماقصر ....
|
Post: #2
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: مُحَمَّدٍ عِوَضٌ احْمَدُ
Date: 01-06-2011, 06:05 PM
Parent: #1
| Quote: كل الذى اعرفه عنه الان انه كان يتاجر فى المواشى فى التسعينيات ... |
حالة عجيبة
من البقر.. للبشر..
|
Post: #3
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: جلال نعمان
Date: 01-06-2011, 06:10 PM
Parent: #2
يا النصري
كيف
علي ذمة واحد صاحبي
قال الرجل عنده دكتوراه في فرائض الوضؤ
من جامعة القراءن الكريم
ولا ادري ان كانت هذه الروايه صحيحه!
لكن بديت ارجح صحتها بعد الشفناه دا!
|
Post: #4
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: Mohammed Ahmed Saeed
Date: 01-06-2011, 06:17 PM
Parent: #3
الرجل دفعتى
جامعة الخرطوم كلية الاقتصاد
دخلنا 79 واتخارجنا 83
|
Post: #5
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: Mohammed Ahmed Saeed
Date: 01-06-2011, 06:19 PM
Parent: #4
ياالنصرى
لو انت النصرى بيت المال أسال منو ود حلتكم حسين أحمد أسد دفعتو فى الاقتصاد البحت ونحن ناس محاسبة من سنة تانية فارقناهو لى يوم الليلة
|
Post: #6
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: النصرى أمين
Date: 01-06-2011, 06:23 PM
Parent: #5
ضان يا تشكيل ضان
سريع وخفيف ولذيذ ومربح
|
Post: #7
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: النصرى أمين
Date: 01-06-2011, 06:25 PM
Parent: #6
سلام يا جلال
الوزير ما دكتور
اسمه دائما يبدا بالسيد:
|
Post: #8
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: النصرى أمين
Date: 01-06-2011, 06:33 PM
Parent: #7
سلام محمد احمد سعيد
Quote: لو انت النصرى بيت المال أسال منو ود حلتكم حسين أحمد أسد
دفعتو فى الاقتصاد البحت ونحن ناس محاسبة من سنة تانية فارقناهو لى يوم الليلة |
دفعة اقتصاد 83 كنت بالكاد اعرفهم واحد واحد من كثرة الحكاوى البنسمعها من حسين
اسد ..
حتى الان مازلت متزكر طالب اسمه ارباب كان كارثة وحكاويهو نسمعها fresh من حسين,,,
كذا مرة مشيت معاهو الجامعة وضربنا الغداء الماخمج والتحلية المجانية ....
لكن على محمود ده ما متزكره خالص ....
الظاهر عليهو زى حسين ..اتخرج وطوالى على سوق الله اكبر..
كتاب تانى ما فتحو...
|
Post: #9
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: Mohammed Ahmed Saeed
Date: 01-06-2011, 06:47 PM
Parent: #8
النصرى
تحياتى لك ولكل ابناء بيت المال
ارباب يعيش الان بفرنسا ( باريس) وبقى مجموعة كوارث رد اللة غربة الجميع
أخونا على محمود ربنا يهدية خوفى من ان تنطبق علية مقولة (ماسك قرون البقرة والجماعة مدورين حليب)
|
Post: #10
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: النصرى أمين
Date: 01-06-2011, 06:53 PM
Parent: #9
يا محمد احمد
Quote: أخونا على محمود ربنا يهدية خوفى من ان تنطبق علية مقولة
(ماسك قرون البقرة والجماعة مدورين حليب) |
بالجد كده انا احترت وانا بسمع ليهو فى محاولة لايجاد مبررات للزيادات
بقى يقول ...
عندنا ثروة معدنية
وعندنا ثروة حيوانية
وعندنا ثروة ما اعرفش ايه..
ونحن ممكن نعمل شنو شنو..
وممكن نعمل الشنو داك ....
ويمكن نصدر سجك (اى والله)
|
Post: #11
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: مريم بنت الحسين
Date: 01-06-2011, 07:00 PM
Parent: #10
هههههههههههههههه حلوه بتاعت السجق دي والله ...
انت يا النصري يا خوي... الناس دي قصّتها شنو، قالوا معتمد الخرطوم بتاع دواجن كمان...
|
Post: #12
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: النصرى أمين
Date: 01-06-2011, 08:02 PM
Parent: #11
سلام يا مريم
الزول ده قال انو السجك السودانى يتم تصديره لدورة مجاورة
تقوم باعادة تعبئته وتصديره back للسودان ...
وبتسائل ليه يعنى ...
|
Post: #13
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: محمد حيدر المشرف
Date: 01-06-2011, 09:03 PM
Parent: #12
سجق يا النصري !!
قال سجق !!!
|
Post: #14
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: النصرى أمين
Date: 01-07-2011, 01:11 PM
Parent: #13
سلام محمد حيدر
انا والله ما متاكد انو قال سجك او سجق لكن الشى المتاكد منو
انو تركيزو كلو انو ممكن يسو وممكن يعملو وممكن يصدرو
والسودان فيهو والسودان غنى والسودان شنو شنو ...
هو بتكلم وانا ذهنى شغال بالله الحاجات دى كلها يادوب
اكتشفها الوزير ..
ويادوب بعد 21 سنة حيبدا يشتغل فيها ...
|
Post: #15
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: Mohammed Haroun
Date: 01-07-2011, 01:25 PM
Parent: #14
يا النصري كل سنة وإنت طيب
يا أخي إنت قايل تاجر مواشي دي مهنة هامشية ولا شنو؟؟ تاجر المواشي بتعامل مع كل الشرائح الإقتصادية في البلد .... أكبر التجار عندنا في الغرب هم تجار المواشي ...
غايتو شكراً للمعلومة ... أنا شخصياً ما كنت عارف إنو الأخ / علي محمود كان تاجر مواشي ... يعني لو شالوه من الوزارة ما عنده مشكلة ...
تحيات أخوك ودهارون
|
Post: #16
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: النصرى أمين
Date: 01-07-2011, 01:39 PM
Parent: #15
سلام محمد هارون
ابدا والله ..انا عارف تجارة المواشى (خاصة تصديرها) مربحة جدا جدا ....
ولمن يكون الزول كادر اسلامى فالربح حيكون مضاعف عشرات المرات ,,,
انا استمعت للوزير ده وكنت براقب بدقة كل كلمة تخرج منه ...
الحاجة الطلعت بيها انو ما عنده الشجاعة يواجه الحقيقة وفى نفس
الوقت ما عنده مقدرة السياسى المحنك البقدر يوصل اخبار سيئة للجمهور ...
لغاية دلوقت متاكدين من حاجتين
انو خريج جامعة الخرطوم كلية الاقتصاد (قسم اقتصاد) عام 1983
انو اشتغل فى التسعينيات فى تجارة المواشى (ضان) (تصدير)
غير كده مافى اى معلومة مؤكدة ...
|
Post: #17
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: haroon asram
Date: 01-07-2011, 02:48 PM
Parent: #16
الاخ النصري
والله عجيبة هذه الدنيا نحن لم تمنح لنا فرصة للمشاركة
في السلطة منذ ميلاد الدولة السودانية ولكن عند ما نمنح
فرصة يقالوا لنا هولاء تجار البقر او ربما رعاة البقر cow boys
يا اخي متي يحكم السودان بقيادات تنقراطية علي العموم انا برغم
اختلافي مع هذه الحكومة اعتبر ما ذهبت اليه في بوستك عبارة عن تحريض
علي ابناء الغرب بعدم تولي اي مناصب قيادية فيما يسمي السودان النيلي
وعلي علمك الوزير الذي تتحدث عنه كان وزير دولة بالمالية قبل ان يكون والي
جنوب دارفور وبالتالي انه ليس غريباً علي وزارة المالية ولكن ربما جاء في وقت
الوزارة المالية تمر اصعب ايامها ولكن دعونا ننتظر هل يستطيع العبور ام لا
وقبل الختام نقول للذين يقولون ان البشير جاء بحكومة الغرابة ( وزارة المالية و
وزارة التربية و وزارة العدل والاوقاف ) نامل ان لا تصبوا الزيت علي النار لان هذه
العبارات هي التي جعل اخواننا الجنوبيين ان يختاروا دولتهم فلا تجربوا المجرب
ولك تحياتي
|
Post: #18
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: النصرى أمين
Date: 01-07-2011, 05:49 PM
Parent: #17
شكرا اخ هارون على المداخلة الثرة...
مع انى ما جبت سيرة غرب ولا شرق ولا جنوب ولا شمال لكن
معلومة انو الوزير من الغرب نعتبرها زيادة للتعريف بالوزير الجديد
اما انو كان والى جنوب دارفور فدى بالتاكيد تجلس وبمزاج فى ال CV
او Resume او السيرة الذاتية .....
كونه كان وزير دولة بوزارة المالية برضو زيادة ممتازة للبروفايل بتاعو
لغاية دلوقت عندنا:-
خريج اقتصاد جامعة الخرطوم 1983
عين وزير دولة بوزارة المالية (التواريخ مجهولة)
عمل كوالى لجنوب دارفور
عمل بتجارة الضان فى التسيعينيات
اما عبارتك
Quote: اعتبر ما ذهبت اليه في بوستك عبارة عن تحريض
علي ابناء الغرب |
فلا تعليق عليها
|
Post: #19
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: abdelgadir mustafa
Date: 01-07-2011, 06:22 PM
Parent: #18
الرجل بدا موظفا ببنك التضامن الاسلامى على ما اعتقد
ثم بنك الثروه الحيوانيه حتى وصل مساعد مدير عام
ثم وزيرا للماليه بدافور على ما اعتقد
ووزير ماليه بولايه البحر الاحمر
وزير دوله بوزاره الماليه
ثم واليا لجنوب دارفور
ثم وزيرا للماليه
وهو خريج جامعه الخرطوم كليه الاقتصاد حسبما زكر اعلاه
|
Post: #20
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: النصرى أمين
Date: 01-07-2011, 07:03 PM
Parent: #19
شكرا اخ عبدالقادر
الان لدينا صورة واضحة عن من هو وزير المالية
Quote: الرجل بدا موظفا ببنك التضامن الاسلامى على ما اعتقد
ثم بنك الثروه الحيوانيه حتى وصل مساعد مدير عام
ثم وزيرا للماليه بدافور على ما اعتقد
ووزير ماليه بولايه البحر الاحمر
وزير دوله بوزاره الماليه
ثم واليا لجنوب دارفور
ثم وزيرا للماليه |
سؤالين
كيف استطاع ان يجمع بين كل هذه الوظائف والمتاجرة بالبهائم(الضان)
هل احتفظ بوظيفته اثناء التجارة ؟
ام استقال منها لفترة مؤقتة للتفرغ للتجارة ثم رجع للوظيفة ؟
على حسب فهمى البسيط انو عمليات تصدير البهائم تحتاج لتفرغ شبه كامل...
السؤال التانى
قوائم الصالح العام ما جات مارة بهناك ؟
|
Post: #21
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: النصرى أمين
Date: 01-08-2011, 04:47 AM
Parent: #20
لسه
|
Post: #22
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: abdulhalim altilib
Date: 01-08-2011, 06:15 AM
Parent: #21
أخي العزيز / النصري
تحياتي ،
Quote: سؤالين
كيف استطاع ان يجمع بين كل هذه الوظائف والمتاجرة بالبهائم(الضان)
هل احتفظ بوظيفته اثناء التجارة ؟
ام استقال منها لفترة مؤقتة للتفرغ للتجارة ثم رجع للوظيفة ؟
على حسب فهمى البسيط انو عمليات تصدير البهائم تحتاج لتفرغ شبه كامل... |
يا النصري يا أخوي .. إنت حاكِّيها كده مالك ؟ جننت الراجل جن ؟! حاسد واللا بغران ؟! هههه
ربنا أداهو ، وربما استطاع التوفيق بين الكل !؟
وزي ما قال الكوميديان سعيد صالح (دع الخلق للخالق) .
المهم .. ناكل كِسرة (بكسر الكاف) لأنها أغلى وأحلى ، وبلاش رغيف لأنو رخيص وخفيف !؟
مودتي ،
( ليمو )
|
Post: #23
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: Elsanosi Badr
Date: 01-08-2011, 06:48 AM
Parent: #22
يا النصري اخوي ... خلي وزير الماليه رئيس البلد زاتو مؤهلاتو شنو !!!!
علي اليمين ده تاجر (بنقو) ما يبقي ... الا يكون حارس (خانه)
بالجنبه كده ... ات الرئيس ده (بيتصقع)??
غايتو انا عندي احساس كده انو الزول ده بيعملها....
_______________________________
النصري اخوي الكيزان ديل (محن) سودانيه...
|
Post: #24
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: النصرى أمين
Date: 01-08-2011, 01:05 PM
Parent: #23
سلام يا التلب
| Quote: يا النصري يا أخوي .. إنت حاكِّيها كده مالك ؟ جننت الراجل جن ؟! حاسد واللا بغران ؟! |
كيف ما احكها ياخ؟
وهو طائر الشؤم ...
ملايين من الغلابة انطحنو طحن بسبب قراراته الاقتصادية(او القرارات الحكومة التى تتلبت خلفه)
لمن مشيت السودان اخر مرة لقيت معظم الناس البعرفهم تحت خط الفقر باميال عديدة..
دلوقت بعد قرارات الوزير هم ميتين معمليا ....
|
Post: #25
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: النصرى أمين
Date: 01-08-2011, 01:11 PM
Parent: #24
سلام يا السنوسى
| Quote: غايتو انا عندي احساس كده انو الزول ده بيعملها |
القاعدة تقول
اى انقاذى فاسد
واى وزير حرامى
حتى يثبت العكس
يعنى كلهم حرامية ولصوص حتى ياتينا الدليل بالعكس ....
والدليل قد يكون بسيط جدا مثل هل تبدو علامات الثراء والراحة عليه وعلى
اسرته واصدقائه ومعارفه ....
انا شخصيا لو لقيت الدليل ده ما محتاج لمراجع عام ولا شيطان احمر
|
Post: #26
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: Hisham Ibrahim
Date: 01-08-2011, 01:26 PM
Parent: #25
عندو كم طاحونة دقيق ...
لأنو شجع الكسرة الأغلى من الرغيف ...
والا هو قاعد في كوكب تاني وجاء يستثمر في كوكب الأرض
وحظو الزي أيامنا رمتو فينا ...
أقعدو صابرين وعافية ...
|
Post: #27
Title: Re: وزير المالية(بالاضافة الى انه كان تاجر مواشى) ماهى سيرته الذاتية؟
Author: النصرى أمين
Date: 01-09-2011, 05:07 AM
Parent: #26
سلام هشام
ده هو نفس الوزير القال للناس يرجعو ياكلو كسرة بدلا عن الرغيف!
|
|