Post: #1
Title: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: وليد عبد اللطيف
Date: 01-06-2011, 09:47 AM
هذه كانت مداخلة لي بوست بهاء عيسى
| Quote: امكانيات المدرب مازدا مناسبة مع امكانيات المنتخب |
شكل ومستوى المدرب ومنهجيته ورؤيته الفنية تتضح في شكل اللاعبين وطريقة اداءهم حتى وإذا خسر أو ربح الفريق
سؤال : را يكم شنو في التشكيله وطريقة الاداء ...
غايتو يامازدا الحاجة الوحيدة الفيك عجبتني قشرتك ( اناقة كاملة ) برضو حسنه كبيرة
ملاحظين هذه الايام انا ماسك في قصة لبس اللاعبين والمدربين والجاهز الفني .... برضو ح نتكلم عن تصميم شعار المنتخب
|
Post: #2
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: وليد عبد اللطيف
Date: 01-06-2011, 10:03 AM
Parent: #1
الحارس بهاء الدين معروف برعونته وتهورة في الانفرادات
ماذا فعل المازدا في معالجة هذه المشكله التي يتميز بها هذا اللاعب قبل مشاركته
ومعروف ممكن الحارس يلخبت الحسابات كلها للمدرب في اي لحظة من عمر المباراة
وكان الهدف الذي احرز في منتخبنا كالتالي :
ضعف دفاعي في التغطية وهجمة واحده
بعد ان تخطى المهاجم لاعبي الدفاع بكل سهوله ودون مقاومه تذكر منهم يخرج له الحارس بهاء بتهور كبير
مرتكب معه ضربة جزاء وتاني ماشفنا اي هجمة من الفريق الخصم ...
--------------------
هذه الصور نشكر عليها الاخ بهاء عيسى
|
Post: #3
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: وليد عبد اللطيف
Date: 01-06-2011, 10:16 AM
Parent: #1
تصم الشعار بايخ جدا جدا جدا
التقول رايح لينا علم دا شنو دا
التي شيرت ... الشورت ... الشراب كلها بها علم السودان بطريقة مزعجة
واول مره اعرف انه مثلث شعار السودان غير الاخضر يوجد لون اخر وهذا مالاحظته
في احد شورتيات اللاعبين ... معقوله بس
|
Post: #4
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: Amira Elsheikh
Date: 01-06-2011, 10:28 AM
Parent: #3
Quote: غايتو يامازدا الحاجة الوحيدة الفيك عجبتني قشرتك ( اناقة كاملة ) برضو حسنه كبيرة
ملاحظين هذه الايام انا ماسك في قصة لبس اللاعبين والمدربين والجاهز الفني .... برضو ح نتكلم عن تصميم شعار المنتخب |
وليد عبداللطيف .....سلام وكل سنة وانت طيب ..
قنعت من خيرا فى اللعب واللاعبين .. قلت احسن تشوف طريقة اللبس ?
برضو شغل كويس ومابطال شان ما يبقى علينا بشتنة لعب ولبس ...
لكن حسب ظنى اخير اللعب من موضوع اللبس ...
مرة من سفراتى بالقطرية شايفة ليك وفد رياضى لابسين فل سووت بس درجات اللون متفاوتة
كل درجة من بلد ..قلت برضو كويس ما بطال ... لما عاينتى للرجلين عينك ماتشوف الا السفنجات والشباشب .
تقول لى موضوع اللبس ???
|
Post: #5
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: عبدالله السفاح
Date: 01-06-2011, 10:34 AM
Parent: #4
حبيبنا وليد
والله الواحد من الزعل ما قادر يكتب
نكتب عن شنو وننتقد شنو ؟؟؟؟
الحال كلو ماااااااااااااااااايل
|
Post: #6
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: وليد عبد اللطيف
Date: 01-06-2011, 10:45 AM
Parent: #4
اميرة الاميرة
Quote: لكن حسب ظنى اخير اللعب من موضوع اللبس ...
مرة من سفراتى بالقطرية شايفة ليك وفد رياضى لابسين فل سووت بس درجات اللون متفاوتة
كل درجة من بلد ..قلت برضو كويس ما بطال ... لما عاينتى للرجلين عينك ماتشوف الا السفنجات والشباشب .
تقول لى موضوع اللبس ??? |
قصة الكورة دي قنعنا منها ياخ
ياخي الطليان اسياد اللبس يقولون اذا اردت ان تعرف اناقة الرجل انظر الى حذاءه
وشوف جنس الحالة دي اخر صور ليهم في مصر
|
Post: #7
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: وليد عبد اللطيف
Date: 01-06-2011, 10:52 AM
Parent: #6
الاخ الجميل ...عبد الله السفاح
Quote: حبيبنا وليد
والله الواحد من الزعل ما قادر يكتب
نكتب عن شنو وننتقد شنو ؟؟؟؟
الحال كلو ماااااااااااااااااايل
|
ربنا يهونها عليك
واجب علينا ان نبني منتخب وليس ان ياتي مازدا مجاملا لفرق هلال مريخ .
واجب كما فعل منتخب اسبانيا استفاد من مشروع فريق برشلونه وحسب تصريحاتهم
قالوا هذا مشروع 15 عام وشوف اين وصلوا حصدوا كاس اوربا وكاس العالم
|
Post: #8
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: وليد عبد اللطيف
Date: 01-06-2011, 11:11 AM
Parent: #7
بالله كمان بالمره شوفو لينا قصة اطراف المنتخب الجارية ساكت زي السيل ومافي شيء يثبتهم غير صافرة الحكم
دائما هذه هي مشكله اطراف الكره السودانية ...
نفسي يوم اشوف لاعب يحدد لاعب ويعكس له الكره
حتى من خلال حركة الهجوم معهم تحس الهجوم جاري بس عشان يدخل خط المرمي
ويقول بعد ذالك انا وصلت المرمى ومافي واحد عكس لي الكره ...
حتى الضربات الثابته تحس انه مافي جمل تكتيكية يتفقون عليها او عملوا على التمارين عليها
واقفين وسارحين وكنت عايز اشبه لكن استغفر الله العظيم ...
اين المازدا هنا ...
|
Post: #9
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: وليد عبد اللطيف
Date: 01-06-2011, 11:59 AM
Parent: #8
قصة المضحك المبكي
مثل اللقطة الفوق
عمر بخيت وعلاء الدين بابكر اختلفوا في تنفيذ الركله الحره امام مرمى الخصم
اها من غير اتفاق في تنفيذ الضربة وشكلهم لم يتمرنوا عليها من قبل
ويظهر لي اقرب واحد للكرة هو الذي ينفذ الفاول امر عجيب
اها ياحبايبي ياحلوين يقوم علاء الدين جاري ويمرر عمر بخيت الكره في ظهره وضاعت
و طبعا ضاعت فرصة ممكن تحقيق هدف منها ..
مارفت اضحك وللا ابكي
اين مازدا هنا
.
.
بنفس هذه الطريقة تكرر المشهد نجح مهند الطاهر في تنفيذها ... وعجبتني جدا
ولكن لم اذكر او اشاهد اللاعب الذي كان معه ساعدونا بالشريط يامعاوية حسين
دي نجحت بمجهود اللعيبه فقط
والمهارات والاشياء التي يضيفها المدرب على اللاعب تظهر
والاشياء التي يقدمها اللاعب داخل الملعب بمجهودة برضو بتظهر
ارى انها كانت من مجهود مهند وزميله فقط والمازدا ليس له دخل بها ...
|
Post: #10
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: اسامه خليفه
Date: 01-06-2011, 12:05 PM
Parent: #9
وليد .. سلام
انت مازدا دا بدفع قروش عشان يدرب ولا كيف ؟
الفرقة كانت جاهزه ولكن بدون اي خطة ...
وكل التعديلات التي اجريت كانت غير موفقه تماما ... بالجد الكج في مازدا ..
|
Post: #11
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: وليد عبد اللطيف
Date: 01-06-2011, 12:15 PM
Parent: #10
الاخ اسامه خليفة
Quote: وليد .. سلام
انت مازدا دا بدفع قروش عشان يدرب ولا كيف ؟
الفرقة كانت جاهزه ولكن بدون اي خطة ...
وكل التعديلات التي اجريت كانت غير موفقه تماما ... بالجد الكج في مازدا .. |
مازدا مابيدفع قروش زمان في كل هزيمة كان شماعتهم مازدا شغال مجاني
اها عمل درون مع غانا عملوا ليهو عقد لتدريب الفريق القومي
وخسر المباراة الاخيرة قدموا له خطاب شكر ...
المشكله مافي مازدا المشكلة المنتخب ليس له وجيع ( يتيم )
تحياتي
|
Post: #12
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: وليد عبد اللطيف
Date: 01-06-2011, 12:43 PM
Parent: #11
الفهم شنو المازدا لاعب بأتنين ارتكاز الى نهاية المباراه
وماعنده فهم تغير طريقة اللعب حسب سير المباراه ونتيجتها
مع فريق لاعب مدافع طيلة المباراة
.
.
الكابتن علاء الدين يوسف ... ود حلتنا احرجتني اقول عنك شنو هسه للناس دي
الاداء لايشبه لاعبي منطقة بحري
من مميزاتهم الحرفنه والعنف القانوني والضغط في المباراه ولو غلبتهم يستعملو الدبابيس لايقاف
الهجوم ويكونوا نجوم المباراة وفي نفس الوقت بائعين المباراه ... شفت كيف
ما ممكن ياعلاء الدين ترتكب مخالفات ظاهرة ممكن يخسر الفريق بسببها لاعب
لكن ماعارف فهمك شنو عايز تقنع الحكم بأن لعبك نظيف وعلى الكره
ياخي نحن بره الملعب وعلى الشاشه عند هجومك للخصم قاعدين نتضاير ...
معليش ارجع وشوف طريقة لعب خالك يونس قرمه او شقيقك
العنف القانوني امثال ... حافظ عبيد ... والشيخ ادريس ... وعصام عموش ... وهينو ... والسد العالي (سليمان فارس) .. عبد الجليل ... وبد الدين بخيت
دي دفاعات عشان تلعب ضدها اسبوع مابجيك نوم ... عوافي ياعلاء الدين ياخ
يعني المنتخب وفريق الهلال في كل مبارا ة يضع في حساباته في اي لحظة ممكن يلعب ناقص
صورة للكابتن حافظ عبيد لاعب الهلال السابق حديثة
اذا لعب في الدفاع يخوفك واذا لعب في الوسط يحيرك
وامثاله كثر في بحري ...
|
Post: #13
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: Hisham Amin
Date: 01-06-2011, 01:09 PM
Parent: #12
مازدا
مازدا
الفرق الكينية توقف عطائها الكروى بعد زوال قورماهيا وليبرس
وحسب علمى ان اللاعب الكينى فى هذة الايام وفى ظل تقصير الدولة
تجاة الرياضة عامة لا يمتهن الكرة ولا يتابعها وفى المباريات
الدولية تتم دعوة اللاعب الى المشاركة بعد دفع مبلغ مالى لة
فى شكل تعاقد ينتهى بعد انتهاء المباريات المتفق عليها و بعد
الاستأذان من مقر عملة ثم ينتظم فى التدريب قبل اسبوع او اسبوعين
من بدء المشاركات.
اى ان فرق كينيا لا تمتهن ولا تتابع الرياضة ان صح القول كما
كانت فى السابق ويمكن حسب راى هزيمتها وبالعشرة ولكن وجود مازدا
وافكار مازدا وتدريب مازدا العقيم جعلت من اللقمة الثائغة شوكة حوت
فى حلق الشعب السودان .
اسال الله العلى العظيم ان يذهب مازدا غير مأسوفا علية كما اذهب
سلفة شداد يا رب
|
Post: #14
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: وليد عبد اللطيف
Date: 01-06-2011, 01:25 PM
Parent: #13
بالله شوفوا اختنا دي خاطرها مكسور كيف
وهي ترى مهزلة وملطشة اخوانها
هل ليس من حقها ان تزغرت فرحا ؟؟
كما قال الفنان عثمان حسين ( حارمني ليه )
|
Post: #15
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: وليد عبد اللطيف
Date: 01-08-2011, 07:33 AM
Parent: #14
Quote: لكن وجود مازدا
وافكار مازدا وتدريب مازدا العقيم جعلت من اللقمة الثائغة شوكة حوت
فى حلق الشعب السودان .
|
يوم امس في عالم الرياضة الفاتح النقر قال كلام خطير
قال : ليه الناس تنتقد مازدا وحاول يعمل كمية من المبررات
واسخفها قال : الذين انتقدوا مازدا في الصحف ليس لهم علاقة بكرة القدم ولم يلعبوها قبل كدا
اندهشت جدا من كلام كابتن كبير ومدرب مثل الفاتح النقر
ياخي بشوف ناس بتكتب هنا بس عن كرة القدم احيانا اتخيل لو كانوا بلعبوا كورة وعندهم نفس الفهم دا كان مستواهم بكون شنو
وحتى اذا احترفوا التدريب كان سوف يكون لهم مستوى طيب
وهذه عقدة لاعبي كرة القدم اذا تحدث معهم شخص في فنون كرة القدم ابسط شيء يسالوه
عن اذا لعب كرة قدم ام لا
كلام غريب يالفاتح النقر ...
|
Post: #16
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: احمد محمد احمد عتيق
Date: 01-08-2011, 10:40 AM
Parent: #15
يا وليد الحال من بعضو ..هو شنو الشي المفرح ..حتى نسعد بفريقنا القومي ...
يا شيخنا .....
|
Post: #17
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: Hisham Amin
Date: 01-08-2011, 11:39 AM
Parent: #15
Quote: يوم امس في عالم الرياضة الفاتح النقر قال كلام خطير
قال : ليه الناس تنتقد مازدا وحاول يعمل كمية من المبررات
واسخفها قال
: اندهشت" color=red>الذين انتقدوا مازدا في الصحف ليس لهم علاقة بكرة القدم ولم يلعبوها قبل كدا
اندهشت
يعنى تانى لو عاوزين نكتب عن الكرة يا النقر
نجيب معانا شهاداتنا ونعمل ليها سكان علشان انت تقتنع بينا ؟؟؟
اية رائيك انتا زاتك انا عندى فييك راى لو دو مرائاتك
|
Post: #18
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: وليد عبد اللطيف
Date: 01-08-2011, 11:41 AM
Parent: #17
ياهشام ... سلامات
ماتوجع قلبك ساكت
صراحة النقر حاول يدافع للمدرب مازدا بس ماعرف يعبر
|
Post: #19
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: Hisham Amin
Date: 01-08-2011, 12:01 PM
Parent: #18
يا وليد انا عارف انة النقر عاوز يدافع عن مازدا
لكن السؤال (لـــــــــــــــــية) يدافع عنة وعلشان شنو
مدرب فاشل ونتائج فاشلة وفريق يتخبط كالممسوس من الجن
لماذا يدفع عنة؟؟؟
الم يسمع النقر بالاتحاد السعودى وطردة للمدربين الفاشلين؟؟؟
خافو الله فينا يا من يقال عنكم عباقرة الكرة
|
Post: #20
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: عبدالكريم أحمد الامين
Date: 01-08-2011, 01:12 PM
Parent: #19
** ود عبداللطيف ..
** ســـــــــلام ..
## قناعتى الذاتيه بهذا المازدا لايصلح لتدريب فريق رابطه ناهيك عن فريق فى درجه أو فريق قومى ,, غايتو اللعيبه اللعبو المباراه الاولى ضد كينيا لو دربم ابو اللول كان رشو كينيا ..
** الخوف الكوره الجايه من التلاتات ,, هذا الرقم المُحبب لمازدا .. (والعذر الجاهز أنو المُشاركه الغرض منها الإعداد!!! ولى شنو ؟؟؟ ماعارف !!!)
### غايتو الكوره والتدريب وعلاقة مازدا بيهم زى علاقتى بهندسة الفيزياء الفضائيه وأثرها فى توجيه الصواريخ الليزريه ..
(ودام الود بيننا)
(ابو محمد فؤاد)
|
Post: #21
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: وليد عبد اللطيف
Date: 01-08-2011, 01:24 PM
Parent: #20
يا سعادة المستشار
| Quote: والعذر الجاهز أنو المُشاركه الغرض منها الإعداد!!! ولى شنو ؟؟؟ ماعارف !!! |
المشكلة الان بقت في الفاتح النقر
ماعايز الناس تنتقد اسلوب مازدا في التدريب امس في عالم الرياضة
بقول الناس الذي انتقدت مازدا ماليهم حق الانتقاد لانهم لم يلعبوا كرة قدم بالله شوف
|
Post: #22
Title: Re: ماذا يفعل المازدا بمنتخبنا القومي ... احضرونا وافتونا يا أهل الرياضة ...
Author: الصادق صديق سلمان
Date: 01-08-2011, 01:29 PM
Parent: #18
يا وليد سلام ياخ
الوجع كتير يامان وفي الأساس السودان دا والمواطن السوداني ليس لديهم من يريد ان يفرحهم
كلو زول شغال لي بطنو دي وبس.
الصادق
|
|
|