والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنافس المسحوقة» !

كلّو على حساب صحّتي وصحّتك

أحبّ الصحافة..ولكن لا أحب الإثارة الصحفية
وأول ما سمعت من أحد زملائي في العمل وهو يقرأ الخبر
حسبته يمزح
فدخلت على الشبكة العنكبوتية
فإذا بي-ليس بالعنكبوت-!!
بل الخنافس كماااان!!
هوي يا أخواتنا السودانيات الفي الخليج
تب تاني ما "تختصرونا" بمارتديلا..او سجق!!
أكل طبيعي بس!!
والسلام
جاياكم أخبار الخنافس!

المصدر:-
«

Quote: الصحة»: المرتديلا والسجق يحتويان «الخنافس المسحوقة» كملون طبيعي الوسط – محرر الشئون المحلية أفاد رئيس مجموعة سلامة الأغذية المستوردة بقسم مراقبة الأغذية في إدارة الصحة العامة جاسم مبارك بأن المرتديلا والسجق يحتويان على المادة الملونة (E120) ضمن الملونات الطبيعية التي يتم استخلاصها من الخنافس المسحوقة. وأكد مبارك رداً على سؤال لـ «الوسط» بشأن ما تناقلته المنتديات الإلكترونية على الشبكة العنكبوتية بأن» هذا اللون مسموح باستخدامه في صناعة الأغذية والأدوية ومستحضرات التجميل طبقاً لمواصفة لجنة دستور الأغذية الخاصة بمضافات الأغذية والمتابعة لمنظمة الصحة العالمية والمواصفة الخليجية». وأوضح مبارك «نفيدكم أن المادة (E120) والتي تسمى الكارموزين من ضمن الملونات الغذائية الطبيعية نظراً لأنها تنتج من حمض الكارمينيك الذي يتم استخلاصه من الحشرات القشرية مثل الدودة القرمزية أو حشرة القرمز البولندية، Polis Cochinel إذ يتم غلي الحشرات المجففة في الماء لاستخلاص الحمض منها ثم تتم معاملة المحلول الرائق ببعض المواد للحصول على المادة الملونة (E120) أما بقايا الحشرة فيتم التخلص منها ولا تدخل في صناعة الأغذية بأية طريقة مع العلم أن تلك الحشرة تعيش على نبات الصبار النظيف ولا تأكل القاذورات». ويمضي مبارك «وهذا اللون مسموح باستخدامه في صناعة الأغذية والأدوية ومستحضرات التجميل طبقاً لمواصفة لجنة دستور الأغذية (Codex) رقم 192/1992 الخاصة بمضافات الأغذية والمتابعة لمنظمة الصحة العالمية والمواصفة الخليجية رقم 23/1998 الخاصة بالمواد الملونة المستخدمة في الأغذية وله عدة أسماء غير (E120) مثل C. 1175470 – Cochonel – Carmosia – Natural Red4». واستطرد رئيس مجموعة سلامة الأغذية المستوردة «أما فيما يتعلق بما ورد عن الإصابة بالحساسية من هذه المادة فإن ذلك مرتبط ببعض الأشخاص الذين لديهم حساسية تجاه ذلك اللون كغيره من المواد الغذائية مثل البيض والفول والأسماك ومنتجات الحليب والمكسرات التي تنتج عنها حساسية لدى بعض المستهلكين لذا فإننا ننصح هؤلاء الأشخاص بعدم تناول مواد غذائية تحتوي على ذلك اللون أو عدم الإفراط في تناولها تجنباً لحدوث الحساسية لديهم». وأضاف «وأما الأمراض المسرطنة وغيرها من الادعاءات التي يسببها ذلك اللون فإن الواجب على من يدعي ذلك أو نشره إثباته بالأدلة أو البحوث أو الدراسات العلمية الحقيقية والمعتمدة من قبل الجهات أو المنظمات العالمية مثل المنظمة المشار إليها سابقاً». وكانت المنتديات الإلكترونية قد تناقلت تحذيراً من تناول منتجات المرتديلا والسجق بسبب ما ذكرته من احتواء مكوناتها على الخنافس المسحوقة وتُسمى (al Cochine )، وأشارت الرسائل الإلكترونية إلى أن هذا المكون موجود في كل منتجات المرتديلا والسجق وأنه يُكتب على شكل رمز»E120». وجاء فيها «تؤدي كتابة الرمز بدلاً من الخنافس المسحوقة إلى خداع المستهلك الذي لا يعلم حقيقة هذه المادة، اذهب الآن وأحضر أي لحم معلب لديك في المنزل وانظر بنفسك وستشاهد بمنتهى البساطة أنه ضمن مكوناتها المركب «E120»، ودعونا نتعرف على هذا المركب الغذائي». وأوردت «هو ببساطة مجرد ملون وحافظ غذائي يستخدم في تلوين المرتديلا وغيرها والتي بالعادة تصبح لا لون لها بعد مرورها بعدة عمليات - الله أعلم ما هي - لتحضيرها للأكل فيكسبها هذا المركب اللون الأحمر المميز والمحبب والذي يجعل الشخص يشعر وكأنه يأكل اللحم ولكن في الواقع هذا اللون الأحمر مستخرج من حشرة تعيش على الصبار حشرة صغيرة يمكن سحقها ببساطة باليد أو بأي شيء ثقيل فإذا هشمت خرج منها اللون الأحمر، انظر للصور أدناه و تمعن بما نأكله!». وأضافت أن «مجموعة كبيرة من الحشرات والخنافس نتج عن سحقها بمنتهى البساطة هذا اللون القرمزي الداكن علماً بأنه ليس دم الحشرة فقط بل مسحوق جسمها أي الشعر الذي على جسدها وقشورها وكل شيء فيها من أمعاء وعيون وغيرها وهي تعيش على الصبار». وواصلت الرسالة المتناقلة عبر المنتديات «وبعد أن كانت تُستخدم بشكل بدائي لأصباغ المنسوجات تحولت الآن لسلعة أكثر أهمية فجعلوها مركباً غذائياًّ معترفاً به في أوروبا ويصدر تحت مسمى «E120» حتى لا يعرف عامة الناس أن ما يأكلونه يحتوي على الخنافس والحشرات، علماً بأنه لا يوجد فقط في المرتديلا وما شاكلها بل في معظم المعلبات وحتى في العصير والحلوى الحمراء للأطفال». وبينت «وليت الأمر يقف عند الاشمئزاز من أكلنا للحشرات، فالمركب الغذائي المشار إليه ليس مسموحاً به في كثير من الدول لما يسببه من حساسية للأطفال، وأمراض مسرطنة ولنعد لحكاية الحشرة التي نأكل مسحوقها وما أخطارها الغذائية؟». وأشارت «يكفي أن تكتب اسم هذا المركب الكيميائي في محرك البحث google وبجانبه كلمة سرطان أو مخاطر لتجد الموضوعات المكتوبة عن هذا المركب تحديداً للتحذير مما يسببه من سرطانات على المدى البعيد، فهو مسجل حتى في المواقع الغربية تحت المركبات الغذائية الضارة وكثير من الدول منعت استخدامه». صحيفة الوسط البحرينية - العدد 3032 - السبت 25 ديسمبر 2010م الموافق 19 محرم 1432هـ

استاذ عماد ...السلام عليكم ..

Quote: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنافس المسحوقة» !

يعني مسحوق اكل مسحوق ...

تمبس ضاع!!

Quote: تمبس ضاع!!

بوستيك ضاع ياعماد ...ظهر المشتري ..هههههه

Quote: بوستيك ضاع ياعماد ...ظهر المشتري ..هههههه

والله يا ود القاضي اخاف-بعد الكلام دا كلو-تاااني نشتري!!

Quote: بمارتديلا

دي من اسمها بدعــة من البدع .. وكل بدعة ضلالة وكل ضلالة في النار ..
فهي لم تكن تًعرف علي عهد السلف فاتق الله يا شيخنا ..


ــــــــ
عموماً كامل التضامن مع الاخ تمبس في سندوتشاتو .. ويرجع لاقتراحنا الاول..

وبالمره كده شوفو معاكم المكدوس بتاع داليا ..
ما يقوم يطلع مشبع باليورانيوم ومغسول بالماء الثقيل ..


ــــــــــــــــــ
واحد قوقال وحريف كده يورينا الماء الثقيل هو شنو ..

كتب حيدر الزين :

Quote: بمارتديلا دي من اسمها بدعــة من البدع .. وكل بدعة ضلالة وكل ضلالة في النار .. فهي لم تكن تًعرف علي عهد السلف فاتق الله يا شيخنا .. ــــــــ عموماً كامل التضامن مع الاخ تمبس في سندوتشاتو .. ويرجع لاقتراحنا الاول..

!!
شكرا ل"خفّتك" الأكثر"دموية"من حُمرة خنافس المارتديلا!!
يازول كلامنا مو عن البدعة..
عندك قاعدة "الأصل في الأشياء الإباحة..." بس
لكن..عندما يكون في خوف على الهلاك بتجي "ولاتقتلوا أنفسكم"/ لاضرر ولاضرار
أذهب عنك ربي "تكجّن" منهج السلف وفهمهم!
البدعة بتكون في الأكل؟!!
وبمناسبة الإبداع والإبتداع.. رفعت حكومة البشير -آنفا- شعارا جميلا :
"نأكل ممانزرع..ونأكل مما نصنع"
ولو طبّقوه:
لما احتاجت بعض نسائنا لشراء خنافس "سندوتش" سريعة-آسف- أقصد: مارتيلا/ او سجق!!

Quote: كتب حيدر الزين :

الظاهر علينا خفضونا من الترقية وبعد ما كنا ( الزميل ) بقينا حيدر ازبليطة ساااي

Quote: نأكل ممانزرع..ونأكل مما نصنع" ولو طبّقوه: لما احتاجت بعض نسائنا لشراء خنافس "سندوتش" سريعة-آسف- أقصد: مارتيلا/ او سجق!!

لو طبقوهو كانوا حا يطبقوهو زي تطبيق الشريعة والاسلام الهسع دا ..
الكنت انت وشيخك بتدبجوا ليهو المديح والقصائد شئ اسد وشئ امل الامة ..
وفي الوقت دا اساساً خنفساية حتلقاها في السودانحايمة مافي من الجوع
خلي لمن تلم فيها تحشاها سندوتش ..

ــــــ
اوع تقول لي بتشرب كوكاكولا ومركب دريم بوكس برضو كدة نظرتي ليك بتتغير

لا لون ولا طعم لها .... انتو دايرين تتوضو بيها؟

مرتدلا وسجق .. قال
استغفر الله ...

في سودان البخت ده ...في ناس اكلت جراد حي وبفرفر ....
وفي ناس اكلو الجقر
وفي ناس البروتين دي إلا يبلعو ليهو الفاصوليا البيضه ... ما ياهو

وناس كتار زينا إحنا ديل ....ماكلين.. نيم عديل كدي وحاجات تانيه كثيره ...الواحد ما داير يجيب سيرتها

صحي الارزاق من عند الله سبحانه وتعالي و لله في خلقه شئون ..

ناس البحرين ديل وكت الناس ( اتكلفت ) وطحنت ليهم الخنافس ...بدره سفوفه ..يعني .. الغلبه في شنو

كتب محمد مصطفي مجذوب:

Quote: لا لون ولا طعم لها .... انتو دايرين تتوضو بيها؟ مرتدلا وسجق .. قال استغفر الله ... في سودان البخت ده ...في ناس اكلت جراد حي وبفرفر .... وفي ناس اكلو الجقر وفي ناس البروتين دي إلا يبلعو ليهو الفاصوليا البيضه ... ما ياهو وناس كتار زينا إحنا ديل ....ماكلين.. نيم عديل كدي وحاجات تانيه كثيره ...الواحد ما داير يجيب سيرتها صحي الارزاق من عند الله سبحانه وتعالي و لله في خلقه شئون .. ناس البحرين ديل وكت الناس ( اتكلفت ) وطحنت ليهم الخنافس ...بدره سفوفه ..يعني .. الغلبه في شنو

مرحبتين اخ محمد
!!
قلت لي

Quote: وناس كتار زينا إحنا ديل ....ماكلين.. نيم عديل كدي وحاجات تانيه كثيره ...الواحد ما داير يجيب سيرتها

!!!!
ريّحت الجماعة!!!..وكما قيل: إذن فليمدّد أبوحنيفة رجليه!!

Quote: في سودان البخت ده ...في ناس اكلت جراد حي وبفرفر .... وفي ناس اكلو الجقر وفي ناس البروتين دي إلا يبلعو ليهو الفاصوليا البيضه ... ما ياهو

غايتو ضحّكتني ضحِك..دا إحباط عجيب برائحة المارت...؟!
بالمناسبة يا أخ محمد عندي صديق طبيب بيطري ويعمل في بلدية بلد خليجي..
زاد توجّسي توجّسا..بل خلّيني أعملها ليك ب"التوكيد اللفظي" المبيّن لنوع الفِعل!: .. توجّساً شديدا..
ماذا قال؟ : قال هم دائما -عند الغارات التي "يشنوها-كبلدية- على البضائع ذات الجودة السيئة- يضبطون أشياء مسرطنة/ ألوان ممنوعة صحّيا/..إلخ
هذا غير "الألوان" الممنوعة التي تراها"تلمع" على بعض أنواع القهوة العربية
بس نقول الله يحفظنا جميعا..وأولادنا وأولادكم

Quote: تمبس ضاع!!

ود الصائم
أب سنّ بيضحك على أب سنّين!!
رمتني ب"خنافسها"..و..!!
إبدا بنفسك..وابحث عن نسبة "الخنافس" في الدم!!

ود القاضي الكسلاوي كتب:

Quote: يعني مسحوق اكل مسحوق

فايز ود كسلا الرائع..
مرحبتين
يعني تقصد : أصغر مِنّك دوسو"؟!!!
أنا أصلي والله عندي حبة وسوسة مع أي منتج صناعي-مش طبيعي-!!
أها عايرة وأدوها سوط!!
دايما مع أولادي نقاش واعتراض "لذيّذ" من الحِلوين..وكمان مرات يقولوا لي:
أبوي حرام عليك..الشبس العُماني فيهو شنو؟! عمو د. يوسف بيجيبو عادي لأولادو!!
وصاحبك-والله-قلبو متقطّع عليهم..داير يشتري..وخايف من حكاية الEEEEEEEEE الجنّنتنا دي!!!
أها..-يخمّو ويصرّو-إدّرعتَ ليهم بسلاح جديد..المارتديلا والسجق!!
ولانامت أعين المطاعم السريعة الأمريكية-إياها-ديك كمان بتجيب اللحم من الكوشة!!
وألّفت في ذلك كتب!!

السيد / عماد

هل أكل الخنافس محرم ؟

ده كلو هين ..

الخنافس بالكمية دي بلقوها وين ؟؟

Quote: ده كلو هين .. الخنافس بالكمية دي بلقوها وين ؟؟

محبتين استاذ/ معتصم

غايتو تعليقات ناس محبَطين

معتصم

لك التحيه والود ...
كيف يا بلدينا ؟
باين عليك طولت من السودان .. ونسيت حماماتو (حمامات .. دي لزوم الحضاره ) عشان اصلو نحن عندنا ليها اسم واللا اسمين تانين.....

هناك يا بلده ..
اكان بيت ادب .. واللا قلة ادب ... او ادبخانه بالتركي ...واللا حتي تواليت بالافرنجي .. لو كان (محل الانتاج) مؤسس بي مصاص واللا بير والا حتي سايفون ابو مواسير ...انتاجنا من الخنافس والجندب والضببه بتنوع من حيث الحجم واللون وبكون اكتر (غذارة) ( بالغين يا ناس ... مش بالقاف ) من انتاج مشروع الجزيره (قطن وقمح) في غابر الزمان ...زمن كان يا ما كان

وانا من ما قريت موضوع عماد ده النوم بقي لي خذاذ ... وقلت (جنوب وطار) اخير اشوف لي في الشمال مشروع ابليس مافكر فيهو ... اصلوا الجماعة اتقاسموه شمال السودان ما خلو لينا التكتح معاهم غير سكه .. النائب العام والمدعي العام ومحاكم النظام وقضاه بتاعين جلد وقضاه الواحد فتحت خشمو يقول ليك خمسه سنه ... مع انو متوسط عمر الانسان في السودان قالو بقي ما بفوت الثلاثه وثلاثين سنه

دحين انا قعدت افكر قلت في نفسي مدام الحكايه بقت بدره وعجدينه وطحينه ... فركك يا ولد علي مفرش وفرشين في شمش السودان الحاره ديك البقيفوا فيها الناس .... وولاد الناس المناكفين .. ديل ....لامن ينشفا ريق الخلفوهم .. اكيد بتنشف لي الحصاد بتاعي

وبعدين اقوم اجيب لي شوية عيال من المشردين البلقطوهم ناس النظام العام بدل ما يجلدو فيهم ليل نهار...اخير يقعدوا نهار .. ليل يقبضوا لي في الخنافس والجندب وحاجات زاحفه وحاجات راجفه

واها أمشي لي اولاد حاج عطا الله يرحمو حي ميت ...(لا مش الفريق عطا بتاع الامن .. ده فوق راسنا من فوق ما بنتطاول عليهو) ..
عطا القاصدو انا ...ده واحد جارنا في الصحافه قبال نبيع بيتنا هناك ...كان عندو طاحونه .. زي طاحونه ابوي الله يرحمو هو كمان ..
هسع انا شايف طاحونة عطا دي واقفه قلت أأجرها لي من اولاده .. انفعهم وانفع روحي

واجيبي لي بتاعين ورنيش (جامعيين .. دبلوم .. بكلاريوس ..ما بتفرق اصلوا الشهادات الوزراء ومديرين الجامعات والناس كلها عارفه .. وانا زاتي عارف (سجن .. سجن غرامه .. غرامه ) بقت تتزور) . المهم الورشنجيه ديل يكون عندهم خبره في تلميع .. ظاهر وباطن عشان يلمعوا لي الانتاج

وداير لي كمان كيمان من اكياس الصعوط ( يفضل المستعمل Recycled...لزوم النكهه وتكلفتهم اكيد بتكون اقل ) اصلو الرزق تلاقيط

اها يا ناس
ده مشروع استثماري اما داير ليهو دراسه جدوي واللا هم ... والسوق معروف ...
فدحين الداير يدخل معاي فيهو يقول من هسع ... ما تجوني تحت تحت تسلطوا علي الجماعه يكاوشوني زي ما كاوشوا ناس ريال ودولار عشان يقوم واحد واصل واللا متواصل يلطش فكرتي دي

الله ينور بصيرتك .. يا عماد... زي ما نورت بصيرتنا

اانا زهجان....................................
انا قرفان.....................................
انا داير اطق.................

Quote: السيد / عماد هل أكل الخنافس محرم ؟

باشمهندس معتصم
سلام الله عليكم..وتحياتنا معاك لصلاح والأهل الكرام
سؤالك جميل..بس تقصد مادة غذائية تتكون كلها من مسحوق هذه الخنافس..أم تحتوي على بعض مسحوقها؟
الكلام فيهو خلاف قديم
أُكُل المارتديلا ساي..والفتوى جاياك!! بس أنا -إن شاء الله-تاني عوفة ساي ماني ماكِلها!!

انا لله وانا اليه راجعون

تضامني مع داليا الكباشي فهي في حوجة اكثر الى وصفات جديدة للفطور


عماد: هل ذكر شئ عن السجوك السوداني ولا ندوس في دوسنا

ــــــــــــــــ
سؤال طبي : هل هناك ضرر من تناول الخنافس وما شابه (غير القرف)؟

أخونا محمد إبراهيم
فلتتنفّس ونساؤنا الصّعَداء!!
تب ماعندنا كلام مع شريعة ربنا..بس الشريعة راعت "العوافة"
دا ليكم إنتو..ماعارف محمد المجذوب حيلقى ليهو شيئا من عزاء!!
وهذا من أشهر واوثق المواقع الكترونية-عندي- في الفتوى -ونحسب أن إخواننا المفتين من أميز الباحثين:-المصدرislamweb.net -الشبكة الإسلامية:

Quote: رقـم الفتوى : 139374 عنوان الفتوى : حكم تناول طعام يحتوي على أجزاء من الخنافس تاريخ الفتوى : الأربعاء 15 رمضان 1431 / 25-8-2010 السؤال هنالك بعض الأصباغ الحمراء التي تدخل في صناعة الأغذية والتي تكون مستخلصة من نوع من الخنافس المعروفة بتناولها للتوت الأحمر. فهل تكون هذه الأغذية حلالاً في هذه الحالة؟ الكثير من المسلمين في أميركا يتناولون أغذية تدخل في تكوينها هذا الصبغة ويريدون معرفة الحكم؟ الفتوى الحمد لله والصلاة والسلام على رسول الله وعلى آله وصحبه، أما بعـد: فقد سبق أن بينا اختلاف أهل العلم في أكل الحشرات، انظر تفاصيل ذلك في الفتوى رقم: 8361، فمذهب المالكية أن أصناف الحشرات جميعاً حلال. قال العلامة خليل المالكي مع شرحه عاطفاً على المباح: وحية أمن سمها إن ذكيت... وخشاش أرض.. كعقرب وخنفساء وبنات وردان وجندب ونمل ودود وسوس.. وافتقر نحو الجراد للذكاة بما يموت به. يعني أن ذكاة هذه الحشرات تكون بما تموت به أو بما يعجل موتها من قطع جناح أو حرق. وعلى هذا القول لا حرج في تناول الطعام الذي دخلت فيه أجزاء من هذه الحشرات إذا ذكيت بما تموت به. والله أعلم

أها ناس أمريكا تنفّسوا الصعداء كمان
مبروك يا ود الصائم !
أقرُش ساي!!

Quote: سؤال طبي : هل هناك ضرر من تناول الخنافس وما شابه (غير القرف)؟

طب شنو وهندسة يااستاذ محمد ..ودالصايم جار تمبس وصاحبه 41 سنة وقال الزول ده صباح مساء سجوق ومرتدلا مخنفسه والحمدلله يتمتع بصحة جيدة ويصارع في هذا المنبر ومافي زول متضرر منو غير ناس دينق ومنعم وكم واحد كده ...

التكفيري الوهابي الارهابي \ عماد موسي محمد

كل الحاجات التي ذكرتها من الممكن تتصلح

البصلح عقلك الوهابي المغلق الداعي للتكفير وارهاب النساي ايه؟؟؟؟

يا اخ صبرى
خشونة لفظية و تطرف و اساءة لاخ ليس هذا موضعها
هدانا الله و اياكم

Quote: لتكفيري الوهابي الارهابي \ عماد موسي محمد كل الحاجات التي ذكرتها من الممكن تتصلح البصلح عقلك الوهابي المغلق الداعي للتكفير وارهاب النساي ايه؟؟؟؟

اها انت رايك شنو فى الخنافس (البتتاكل )

كتب وائل السيد

Quote: يا اخ صبرى خشونة لفظية و تطرف و اساءة لاخ ليس هذا موضعها هدانا الله و اياكم

Quote: لتكفيري الوهابي الارهابي \ عماد موسي محمد

كل الحاجات التي ذكرتها من الممكن تتصلح

البصلح عقلك الوهابي المغلق الداعي للتكفير وارهاب النساي ايه؟؟؟؟

Quote: اها انت رايك شنو فى الخنافس (البتتاكل )

..مرحبتين يا عزيزي وائل 0000ناس صبري ديل زي ناس بوش يمارسو الإرهاب ولو اعترضتا عليهو يقولو..من ليس معنا فهو ضدنا

Quote: التكفيري الوهابي الارهابي \ عماد موسي محمد كل الحاجات التي ذكرتها من الممكن تتصلح البصلح عقلك الوهابي المغلق الداعي للتكفير وارهاب النساي ايه؟؟؟؟

!!
الناس في سِنو..وإنت في سِنو!!!
مشكلتكم مش عقلي بس..مشكلتكم إنو في ناس بيكونوا زيّكم..غربيين..وملحدين.وووإلخ
وعندهم الكفر والإسلام وااحد..مافي فرق..
بعد شوية تلقاهم أسلموا!!
هاك "الإرهاب دا"! :
http://www.google.com.qa/url?sa=t&source=web&cd=3&ved=0...Zfxw9ICtnlrPnWyVgديل جنّو..ولا غنت المجنون!!
كدي شوف بالله- في كم واحد أمريكي أسلم سنتك الفاتت دي
وإنت لسة بتكرر في كلامك الماعارف غيرو دا
شكري لك على المرور رغم الشتيمة

صبري ...سلامات ..

Quote: التكفيري الوهابي الارهابي \ عماد موسي محمد كل الحاجات التي ذكرتها من الممكن تتصلح البصلح عقلك الوهابي المغلق الداعي للتكفير وارهاب النساي ايه؟؟؟؟

ياصبري ..الفكر الوهابي ليس بارهابي ولا داعي للتكفير واذا كان الاخ عماد يدعوا للارهاب والتكفير فمعناها ماعنده علاقة بالوهابية فناس التكفير شي والوهابية - الله يطراهم بالخير - شي تاني ...ياخي افرزوا وارحمونا يرحمكم الله ...

http://www.google.com.qa/url?sa=t&source=web&cd=1&ved=0...vyj9E062hFPITrYU8agw
احسن حاجة إنو الواحد ما يمشي يقرأ في قائمة "الحتويات"..يعتر ليهو على E مسرطِن..أو مادة"خنزيرية"
كتّر خير أخونا أبوبكر شدّاد-بالله ساعدونا بالرابط بتاعو-من داك اليوم اللي جاب فيهو إنو باحث مسلم أمريكي حذّر المسلمين من كمية المواد المستخرجة من لحم الخنزير-التي يتم"رفد"!!! الحلويات بها!!

ناكل ساااي ..ونحن دمنا جاري "خنزير"..والولد بس واقع فيك داير"حلاوة..حلاوة"!!!-وهو ماعارف-مسكين-بأنو"السمّ في الدسم"!
ياخوي والله الكسرة بموية أحسن لينا من الببس والجبس واخواتها
أمك تجيبليك "الطرقة" من الصاج تلعلع ..ليها طعم..وفيها محبة..
نقوم يا ود الصائم نقع في الداهية البيسموها المار2 "دلّة" دي !!!
اللهم سلّم..سلّم

كتب فيصل الرشيدك

Quote: وبالمره كده شوفو معاكم المكدوس بتاع داليا .. ما يقوم يطلع مشبع باليورانيوم ومغسول بالماء الثقيل .. ــــــــــــــــــ واحد قوقال وحريف كده يورينا الماء الثقيل هو شنو ..

يا خوي خلّيك بعيد من "النووي!!" و"الماء الثقيل"دا!!
هسّع لو ساي كتبت "ذُرة" سودانية يجوك ناس صبري الشريف يقولوا
المتطرّفين عايزين يدخلوا الصناعة الذرية..!! وعايزين يصدّروا الإرهاب
-هم دايريرنك تكون مع الماكدونالد و"الكباب"!!
كمان لو قلت "النووي" وإنت تقصد الإمام النووي تقوم قرون استشعارتهم
ناس صبري ديل عايزين النووي لحبيبتهم إسرائيل!!
إنت ما سمعتو بيقول: الماعندو محبة..ماعندو الحبّة!!!
بس محبّتو دي "حصري"!!exclusive !

Quote: طب شنو وهندسة يااستاذ محمد ..ودالصايم جار تمبس وصاحبه 41 سنة وقال الزول ده صباح مساء سجوق ومرتدلا مخنفسه والحمدلله يتمتع بصحة جيدة ويصارع في هذا المنبر ومافي زول متضرر منو غير ناس دينق ومنعم وكم واحد كده ...

!!!
عضلات تِبِش!!

بالمناسبة يا فايز نحن كمان كبشر بنساعد في تعريض أنفسنا لخطر السرطانات وغيرها..حكى لي أخ طبيب كنت أتكلم معه حول هذا الموضوع..قال لي زرنا أحد الإخوة في المدينةالنبوية فأخذنا إلى مطعم لأخ سوداني فباع لنا الفول ووضعه-وهو حار- على كيس البلاستيك..ومعروف أن مادة هذا الكيس تتحلّل داخل الطعام فتسبب السرطان والأمراض الخطيرة
أخونا الطبيب تعجّب جدا..إنو نحن بنصدّر معانا عاداتنا السيئة خارج بلدنا.. وهذا -حسب ما عرفه بعد ذلك- تكرّر منه كثيرا..
قولوا لي بربكم كم نحن نؤذي أنفسنا وإخواننا بهكذا عمل وأعمال من شاكلة بوضع بروميد البوتاسيوم على الدقيق لجعله منتفخا..وهذا في سوداننا كثير بينما نحن نسبب الموت لإخواننا من أجل حفنة فلوس

Quote: انا لله وانا اليه راجعون تضامني مع داليا الكباشي فهي في حوجة اكثر الى وصفات جديدة للفطور عماد: هل ذكر شئ عن السجوك السوداني ولا ندوس في دوسنا ــــــــــــــــ سؤال طبي : هل هناك ضرر من تناول الخنافس وما شابه (غير القرف)؟

يا اخوي المارتديلا والسجق هما هما!!! ..أكان سودانية بعلم السودان هي المارتديلا والسجق!! ..يالها من خدّاعة..خدعتنا بحمرتها 0000.أتاري دا لون "الدم"!!!

هنا معلومات عن لون الكارمنcarmine الغذائي (موضوع االبوست)
المستخلص من حشرات Dactylopius coccus تربى على نبات الصبار
من ويكيبيديا
http://en.wikipedia.org/wiki/Cochineal


مزارع تربية الحشرة



رقم 120 في التصنيف العالمي للمضافات الغذائية
Class Names and the International Numbering System for Food Additives
وفي الترقيم الاوربي ُE120
اول ما تلقوا E120 في البطاقة الغذائية الخاصة بالمحتويات اتذكروا المقولة السودانية اصغر منك دوسوا و بالهناء والشفاء

Quote: هنا معلومات عن لون الكارمنcarmine الغذائي (موضوع االبوست) المستخلص من حشرات Dactylopius coccus تربى على نبات الصبار من ويكيبيديا http://en.wikipedia.org/wiki/Cochineal[/QUOTE] أختنا نازك الطيب شرّفتي الخيط بمشاركتك الرائعة.. كمان معاها وصية : أصغر منك دوسو!!! أتمنى من أي أخت متداخلة هنا أن تتعهد لنا بعدم عمل هذا """الشئ"" في البيت !!! Quote: أصغر منك دوسو !!! !!!!! كم "دسنا" يا بت الحلال من عمل أيديهن -نون النسوة-!! بعد دا "الدواس" عدييل!! المي حار ولالعب قعونج!! شكري ويحفظك ربي

---

Post: #33 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-05-2011, 10:41 PM Parent: #32 أها جاييكم ل فتنة الفول السوداني المسحوق "الدكوة" ..أمسكوا الخشب لبكرة-! إن شاء الله

---

Post: #34 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 05:45 AM Parent: #33 تخزينه لفترات طويلة يسبب تعفّن الفول وتسببه عن تحويله إلى مسحوق إلى أضرار صحية خطيرة منها السرطان

---

Post: #35 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: haroon diyab Date: 01-06-2011, 05:58 AM Parent: #34 سلامات يااستاذ وبوست مفيد للصحة زي الخيار المفيد للجبنة اظهر فيها بعض الجوانب الخفية . بس اي حاجة ولا تجينا في الملوحة اصلو عندنا فكرة لمة اليومين ديل... مشتاقين

---

Post: #36 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عبدالرحمن الحلاوي Date: 01-06-2011, 06:42 AM Parent: #35 سلام يا عماد والزملاء المشاركين في البوست ...ما في أفضل من الطبيعة بس الطبيعة وين ؟؟؟؟ كل شي مصنع !! الدواجن ، الخضروات ، الفواكه ..مسمدة ومجمدة وأكلنا السوداني برضو فيه كميات نشويات عالية ( الكسرة ) أو بروتين عالي سواء في اللحوم أو البقوليات ( الفول) مثلا ..لكن يمكن معالجة الأمر بتناول كمية محسوبة والتخلص منها بالرياضة بأي نوع من انواعها مشي ، وقوف ، جري ...إلخ او نخرج من أزقة المدن لريفنا الكبير ونبحث عن حياة طبيعية وللأسف الريف طارد أصلا ..الاتجاه نحو الطبيعة يبدا بإصلاح البنى التحتية في الريف من رصف الطرق وإصحاح البيئة .

---

Post: #37 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: doma Date: 01-06-2011, 07:02 AM Parent: #36 عماد موسي السلام عليكم انت يا ولدي سجوق شنو ومارتديلا شنو؟؟ الويكه دي مالها؟؟؟!! والطماطم بي زيت السمسم مالو ؟؟؟!!! والسخينه الحاره البوخها يلوي مالبها ؟؟؟ لا توســـــــــــــــــــــخ ايديك لا تغلط عليك

---

Post: #38 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 07:05 AM Parent: #36 Quote: سلام يا عماد والزملاء المشاركين في البوست ...ما في أفضل من الطبيعة بس الطبيعة وين ؟؟؟؟ كل شي مصنع !! الدواجن ، الخضروات ، الفواكه ..مسمدة ومجمدة وأكلنا السوداني برضو فيه كميات نشويات عالية ( الكسرة ) أو بروتين عالي سواء في اللحوم أو البقوليات ( الفول) مثلا ..لكن يمكن معالجة الأمر بتناول كمية محسوبة والتخلص منها بالرياضة بأي نوع من انواعها مشي ، وقوف ، جري ...إلخ او نخرج من أزقة المدن لريفنا الكبير ونبحث عن حياة طبيعية وللأسف الريف طارد أصلا ..الاتجاه نحو الطبيعة يبدا بإصلاح البنى التحتية في الريف من رصف الطرق وإصحاح البيئة . الاستاذ/الحلاوي مداخلة "دسمة"..بس طبيعية غير "مصطنَعة"!! الطبيعة وييين..سؤال مركزي كنت أتحدث مع أخ طبيب ينحدر من مناطق الشايقة عن ظاهرة انتشار السرطان في مناطق الشمال..أتينا على سيرة أن اخواننا الشماليين عندهم اكتفاء ..فالخضروات..والنخيل..والفوكه.. واللحوم..كلها من مناطقهم.. فاعترض الدكتور قائلا إن هذا كان في السابق..منبها إلى أن معظم الناس هناك يشترون من أسواق الخرطوم أو من أماكنهم بسبب بروز عوامل عدة.. المهم..الشئ الطبيعي نفسه شبه محدود في بعض أماكن السودان..يعني من النادر ان تكتفي بنفسك في السلع الاساسية من لحوم وبيض وخضروات وفواكه وألبان وخبز..إلخ Quote: وأكلنا السوداني برضو فيه كميات نشويات عالية ( الكسرة ) أو بروتين عالي سواء في اللحوم أو البقوليات أحسنت يا حلاوي.زلكن بيني وبينك...الكسرة الآن في البيوت أفضل وىمن من خبز الخرطوم المشبّع ببروميد البوتاسيوم المسبب للسرطان..فتجد الخبز جميلا منتفخا..ولكن الحال كما قال الشاعر: لا تحسب الشحم فيمن شحمه ورم شكري الجزيل

---

Post: #39 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 07:17 AM Parent: #35 Quote: سلامات يااستاذ وبوست مفيد للصحة زي الخيار المفيد للجبنة اظهر فيها بعض الجوانب الخفية . بس اي حاجة ولا تجينا في الملوحة اصلو عندنا فكرة لمة اليومين ديل... مشتاقين هرون جارنا العزيز والله بالأكتر ياخوي ملوحتك دي أنا خايف تموصها و...!!! أها إنتو ناس السالفة دي طمّنونا شوية اليوم الصباح البلدية سحبت زعفران وزبيب http://www.google.com.qa/url?sa=t&source=web&cd=3&ved=0...7R8PMPKQMl13wFpkTcnQ نعمل شنو ياجماعة Quote: زي الخيار المفيد للجبنة لا"خيار" ولا مخرج من هذه المعضلات و"السحوبات" إلا بتقليل الاعتماد على الأسواق بس المشكلة لاتستطيع أن تعمل لك مزرعة دواجن ، وتربّي أغنام وتزرع خضروات وفواكه وتعمل معصرة زيت..ومصنع دقيق..إلخ!! أقوليك كلامك؟ إسال ربك السلامة ليك وللاولاد ولينا كلنا وتسلم إنت..وملوحتك و"خياراتك" كلها!!

---

Post: #40 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 07:23 AM Parent: #39 الكسرة الآن في البيوت أفضل وىمن من خبز الخرطوم المشبّع ببروميد البوتاسيوم المسبب للسرطان http://www.google.com.qa/url?sa=t&source=web&cd=3&ved=0...BGOGJTgNdzv0L1-PbloQ الرابط لأبي بكر أحمد المصطفى-رحمه الله

---

Post: #41 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 07:30 AM Parent: #40 Quote: أخونا محمد إبراهيم فلتتنفّس ونساؤنا الصّعَداء!! تب ماعندنا كلام مع شريعة ربنا..بس الشريعة راعت "العوافة" دا ليكم إنتو..ماعارف محمد المجذوب حيلقى ليهو شيئا من عزاء!! ياسلااام..دي نقطة مهمة..إنو الشريعة راعت البيئة التي يعيش فيها الإنسان فقد يكون لايميل لأكل معيّن..نعم قد يكون مباحا..حلالا..لكن يعافه..لاحرج..لكن لا اعتراض علىا الإباحة وهذه عندنا فيها دليل من الرسول صلى الله عليه وسلم فقد كان يأكل معه خالد رضي الله عنه في مائدة واحدة فأكل خالد بن الوليد الضب-طبعا ضب الخلا- واستحسنه- ..ولم ياكله رسولنا لأنه عافه.. وما أنكر على خالد..وهذه واحدة من أدلة السنة التقريرية: ان يسكت الرسول عن منع الشئ، فيدلّ على إباحته من غير نكيرٍ طبعا على من عاف الطعام لذلك..أنا المارتديلا دي من أمس كرهتا حُمرتها!! دي الحُمرة الأباها المهدي ولاشنو؟!

---

Post: #42 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 07:33 AM Parent: #41 ظهر ود الصائم في مداخلة وهو يضحك!! قائلا: Quote: تمبس ضاع!! البشوفك تضحك كدة يقول ما أكلت هذا الشئ في حياتك! صحة وعافية!!

---

Post: #43 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 07:44 AM Parent: #42 خالتنا الكريمة دوما كتبت: Quote: عماد موسي السلام عليكم انت يا ولدي سجوق شنو ومارتديلا شنو؟؟ الويكه دي مالها؟؟؟!! والطماطم بي زيت السمسم مالو ؟؟؟!!! والسخينه الحاره البوخها يلوي مالبها ؟؟؟ لا توســـــــــــــــــــــخ ايديك لا تغلط عليك وعليكم السلام يا خالتنا حصل لينا الشرف بزيارتك الكريمة يا خالة والله صدقتِ..الويكة" أم رِقيقة" مع الكسرة- من أحسن أكلاتي والطماطم مع السمسم والكسرة حاجة ما تخلص Quote: والسخينه الحاره البوخها يلوي مالبها ؟؟؟ أي والله-ذكّرتيني يا خالة وأنا في المرحلة المتوسطة في الدمازين الجميلة..كنت آتي البيت راجِلا وأحيانا جري..لآتي بيتنا -طبعا ماعندنا دراجات ولاسيارات-!!وأتناول شيئا من "سخينة" او كسرة بطماطم وأحيانا مع نزول المطر..فالدمازين طقسها سافنا غنية..وأمطار على مدار السنة ماعدا بعض الشهيرات وفِعلا: Quote: لا توســـــــــــــــــــــخ ايديك لا تغلط عليك بس يا خالة نحن في بلد غبر بلدنا..وهي تستورد الخضروات من اي مكان..يعني بقيت -شخصيا- عندما أكون داير اشتري طماطم وألقاها من "الأردن" أخاف-من آثار مفاعل "ديمونة"!! لأن الأردن يستورد عادي من فلسطين المحتلة..ولا أستبعد أن يأتوا بالطماطم من مناطق قريبة من ديمونة ويقول التجار إنها أردنية!! فتحولت إلى غيرها.. بس ربّك الحفيظ دمتي بأحسن صحة وعافية يا أمي

---

Post: #44 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 07:51 AM Parent: #43 Quote: بس ربّك الحفيظ زي ما قلت لخالتنا الكريمة دوما ودا يكون دعاءنا إنو نسأل ربنا إنو يحفظنا وأولادنا من كل شر لأننا أمة مستهدفة في طعامها وشرابها بل في عقيدتها وأخلاقها فمالم يكن عندنا كدول وشعوب كِفاية وتركيز على منتجاتنا: صناعة/ زراعة...إلخ غزتنا الشركات متعدّدة الجنسيات والأسواق والبضائع-وفيها الغث والسمين- أها بمناسبة "السمين" دي! بالله بتشوفو الدجاج المثلج "سمين" ومحقون بالمواد"إياها" كيف؟!! لكنه "غث"!! وللأسف وأنا-أعترف- آكله كثيرا ماذا أفعل؟ لا أستطيع أن أربّي حتى دجاجتين!! بس الله يحفظنا وإياكم

---

Post: #45 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 08:02 AM Parent: #43 باحث أمريكي مسلم : دهون الخنزير يتم التخلص منها وتستخدم...طعمة الدول الاسلامية أها دا كلام خطير ومبحث مهم جابو أخوناأبوبكر شداد Abobakr Shadad بالله أقروهو بتمعن..أنا ما أقول أخوانا الفي أمريكا بس.. هذه المواد -التي-يحبها أطفالنا زي عيونهم!!!- "منتشرة إنتشار "النار" في "الدكاكين/الهشيم!! كمان لو اخونا أبوبكر شداد دخل علينا ينورنا بشئ من معارفه نكون متشرّفين تحياتي لكم أجمعين..وتمنياتي لكم بصحة وعافية

---

Post: #47 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 08:13 AM Parent: #45 من شريط Abobakr Shadad Quote: ومع الكساد التجاري الكبير الذي لحق بالصناعات التي تعتمد على دهون الخنازير في منتجاتها، لجأت شركات التصنيع الى اعتماد لغة مشفرة من أسماء كيميائية معقدة لا يفهمها الا الجهات الرقابية التي تطالبها بالكشف عن مكونات منتجاتها أما عموم الناس فلا يمكنهم ذلك. ويقول خان ان هذه الأسماء المشفرة يمكن ايجادها بسهولة في منتجات مثل: معجون الأسنان، معجون الحلاقة، اللبان، الشيكولاتة، والحلوى، والبسكويت، والأطعمة المعلبة، ومعلبات الفواكه وبعض حبوب الفيتامينات. كما يقول ان دهون الخنازير تتواجد في هذه المنتجات تحت أسماء مشفرة مثل: E100,E110,E120,E140,E141,E153,E210,E213,E214,E216, E234,E252,E270,E280, E325,E326,E327,E334,E336,E337,E422,E430.E431,E432,E433, E434,E435,E436.E440,E47,E471,E472,E473,E474,E475, E476,E477,E478,E481,E482,E483,E491,E492,E493,E494,E495,E542E570,E572,E631,E635,E904 الله يسترنا..

---

Post: #48 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 08:59 AM Parent: #47 كمان أثر شئ "يعصّبن"/يزعّلني على بنيّاتي في البيت موضوع تسخين الخبز المثلّج على لهب الغاز مباشرة..وهذه-حسب-خبراء-خطيرة صحيا.. وكمان لسة بعض أفران الخبز في قطر تصرّ على بيع الرغيف الساخن على أكياس البلاستيك التي قد تتحلل على مادة الخبز.. وهذه كذلك فيها تحذير من ضررها الكبير: http://www.google.com.qa/url?sa=t&source=web&cd=3&ved=0...Vimx5erHdBzNbv7YYWtA

---

Post: #49 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 09:26 AM Parent: #48 بمناسبة البروميد المنفّخ رغيف سودانّا!! عندي شقيق معي بالدوحة..هو-مثلي-بل أحرص مني على انتقاء هذه الأمور طبعا أنا بتعامل ب"شدّة" مع البيبسي و"الميرندا"..حيث بمجرد ما تقع عيني على البيبسي حتى أقوم بنفسي بأخذه إلى "الحمّام" كمطهّر-أكرم الله القارئين- -طبعا مع اعتذاري الشديد لمحبّي البيبسي!!! أما أخونا دا..فحاجة غير!! ما إن تأتي له بكوب ماء حتى يرفعه فوق مستى عينيه ليتفحّص نقاءه!! ثم بعد ذلك يشربه..وعلى هذا فقِس جميع الماكولات والمشروبات لدرجة ان بعض أقاربي قالوا إذا شرب -فلان- مويتنا دي أشرب وإنت مغمّض!!!!! المهم..إلتقيت مع أخينا هذا في وفاة أختنا-يرحمها الله-في السودان..وعندما رأيته يأكل الرغيف"المُبرمَد"!!-من بروميد البوتاسيوم- حتى مازحته: أها حتعمل شنو مع الرغيف "المنفّخ" دا؟!! فقال لي ضاحكا: والله بس نتوكّل هو في السودان مافي طريقة زاتو تفتّش على قول أخونا محمد المجذوب!

---

Post: #51 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 09:34 AM Parent: #49 مرات بسمع بعض أخوانا من "حلفا" الجديدة يتكلموا عن حالات سرطان خطيرة هنالك-بسبب الأسبوستوس! وهذا يخالطنا في نومنا وأكلنا وشربنا..إذ هو الذي نتخذه حائطا أو سقفا يقينا البرد أو المطر من جهة أخرى وفي مدينتي الجميلة السابقة: الدمازين رأينا الشركات الإيطالية التي شاركت في بناء خزان الروصيرص في الستّينات قد بنت بيوت العمال والموظفين بهذه المادة"الأسبوستوس" ولما كان ضرره معروفا ومعلوما، فلماذا لاتبدأ الحكومة بالتخلص من هذا النوع الردئ من مواد البناء حفاظا على أجيالنا من هذه الأمراض الخطيرة.. اللهم سلّمنا وسلّم أهلنا أجمعين

---

Post: #50 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: nazar hussien Date: 01-06-2011, 09:32 AM Parent: #48 Quote: ناس البحرين ديل وكت الناس ( اتكلفت ) وطحنت ليهم الخنافس ...بدره سفوفه ..يعني .. الغلبه في شنو والله تباري ال E100 علا تجوع في حلقك دا... مالك ومال المصاصا في العلب والورق أفتح واكل ساكت...خنافس ...بيتلز.. زي ما تطلع...في زول كتلتو مارتدلا؟

---

Post: #52 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 09:43 AM Parent: #50 Quote: والله تباري ال E100 علا تجوع في حلقك دا... مالك ومال المصاصا في العلب والورق أفتح واكل ساكت...خنافس ...بيتلز.. زي ما تطلع...في زول كتلتو مارتدلا؟ !! مرحبتين نزار حسين فِعلا..يعني الإنسان ما يوسوس -لكن يحذر-ويعمل الأسباب- Quote: مالك ومال المصاصا في العلب والورق أفتح واكل ساكت...خنافس ...بيتلز.. زي ما تطلع...في زول كتلتو مارتدلا؟ زي ماتجي تجي!!! طبعا دا بدخّلنا يا نزار في موضوع التوّكّل على ربّنا.. ذكّرتني يا نزار بإنو خالد بن الوليد مرة شرب السمّ..ولم يضرّه بشئ!! لأنه-رضي الله عنه- يعرف أن الله بيده سلب خاصّية هذه المادة السامة.. لكن من في زماننا وغير زماننا في مثل خالد إيمانا؟-إلا من سبقه من الصحابة بعد الرسول- Quote: في زول كتلتو مارتدلا؟ رسائل مطمئِنة إلى ود الصائم ومن لفّ لفه!!

---

Post: #54 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 10:06 AM Parent: #52 Quote: ماهي برومات البوتاسيوم؟ - هو ملح يذوب في الماء استخدم منذ القرن السابع عشر كمضاد للتشنجات او ليعمل على ارتخاءالعضلات عند الكلاب حتى الآن لم تفهم الميكانيكية التي يعمل بها، ولكن تم اثبات انه ينافس الكلوريد داخل الخلية والناقل العصبي مما يعمل على زيادة الشق السالب بها ويزيد الاستقطاب بها، وعادة لا ينفصل البروميد عن البوتاسيوم، يستخدم بروميد البوتاسيوم كعلاج للكلاب حيث ان عمر نصف الحياة له في الكلاب حوالي 24 يوماً، * ما نسبة تأثير اضافة برومات البوتاسيوم على القيمة الغذائية لفيتامين ب1؟ فيتامين ب1 يوجد في الخميرة التي تستخدم في الخبز ومن المعروف ان هناك تداخلا واضحاً بين فعل فيتامين ب1 وبين الادوية التي تعمل على ارتخاء العضلات مثل برومات البوتاسيوم لذا فقد يكون هناك تأثير من هذه الناحية فتحدث زيادة في ارتخاء العضلات عند وجود العنصرين معاً، املاح الكربونات والسترات تقلل القيمة الغذائية لفيتامين ب1 وكذلك مادة التنين في الشاي والقهوة ومادة السلفات تقوم باتلاف الفيتامين ب1، وقد يكون هناك فعل مشابه لبرومات البوتاسيوم والله اعلم لانه اصلا لا يجوز استخدامه للاستعمال الآدمي، الأعراض الجانبية لبرومات البوتاسيوم، * مالاعراض الجانبية لبرومات البوتاسيوم؟ - الاعراض الجانبية لبرومات البوتاسيوم محددة تمثل في زيادة الارتخاء العضلات، زيادة التبول وفي حالات نادرة امراض جلدية، برومات البوتاسيوم غير مصرح به في اي صورة في الولايات المتحدة الامريكية، ولكن صرح بها لبعض الدول الاوروبية، ولكن منظمة الغذاء والدواء الامريكية قد قامت بالتصريح لبعض المعامل لتصنيفه في صورة دواء للحيوانات وليست للاستخدام الآدمي، ونخلص الى ان هذه المادة يجب الا تستخدم بواسطة الانسان، ولكن يبدو ان طبيعة برومات البوتاسيوم من ناحية حساسيتها الشديدة للرطوبة قد اغرى اصحاب المخابز لاستخدامها كمادة مضافة في صناعة الخبز لجعله يبدو بالشكل منتفخاً ومضغوطاً بدون مسمات مما يجعل المستهلك يقبل على شرائه، * هل يستطيع المستهلك معرفة اذا كان الخبز يحتوي على هذه المادة؟ - لا يستطيع المستهلك معرفة اذا كان الخبز يحتوي على هذه المادة بمجرد النظر ويحتاج الامر لتحليل معملي لاثبات وجود المادة في الخبز، ولكن اذا شك المستهلك في استخدام المادة في الخبز بمجرد هيئته يمكنه التبليغ لهيئة المواصفات والمقاييس التي تقوم بدورها بفحص الخبز المعني وقد منعت هيئة المواصفات والمقاييس استخدام هذه المادة في صنع الخبز او المعجنات في كثير من الدول، ولكن بعض اصحاب النفوس الضعيفة من اصحاب المخابز مازالوا يستخدمونه بعيداً عن اعين الرقابة، * هل يعزى ارتفاع نسبة السرطان في بعض مناطق بالسودان الى تناول المواطن الخبز المضاف اليه مادة البرومات؟- حتى الآن لم يتم بصورة قاطعة اثبات ان زيادة حالات السرطان في بعض مناطق السودان تعود الى استخدام هذه المادة خاصة وان انتشار الحالات في مناطق قد تكون بعيدة عن استخدامه يجعل الامر صعباً، وقد يعود انتشار مرض السرطان لاسباب كثيرة لها علاقة بتلوث البيئة وتلوث الغذاء، وقد اشارات بعض الدراسات الى استخدام مادة برومات البوتاسيوم كمبيد حشري في المزروعات مما قد يعرض الانسان لخطر تناوله عن طريق تناول الاغذية التي تم رشها بالمبيد، ولما ثبت من علاقة وثيقة بين استخدام تلك المادة وتسببها في مرض نناشد اجهزة الرقابة في كل مواقعها بخطر استخدام تلك المادة وزيادة وعي المستهلك باضرارها، منقول نقلته من موقع"بيوتنا"

---

Post: #53 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عبداللطيف خليل محمد على Date: 01-06-2011, 09:45 AM Parent: #50 عماد : شنو مرتديلا و سجق و ( خنافس ) .. و الكلام الكبار دا ؟ خلي أهلك يرسلوا ليك شوية رواب و قرقريبة و تملة .. و كول ناشف .. و إنهجر و عوس .

---

Post: #55 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-06-2011, 11:04 AM Parent: #53 Quote: عماد : شنو مرتديلا و سجق و ( خنافس ) .. و الكلام الكبار دا ؟ خلي أهلك يرسلوا ليك شوية رواب و قرقريبة و تملة .. و كول ناشف .. و إنهجر و عوس . !!!! دي احلى حاجة والله يا عبداللطيف .. لكن والله عواسة السودان دي ذاتا في الخليج صعبة على النسوان ومش كدة وبس..كمان دخلت الشركات المتعددة"الكسرات"!!!، عندنا مثلا هنا في الدوحة مطعم سوداني مشهور إسمه :الفيتامينات" يقوم ب"تصدير" الكِسرة السودانية المصنّعة إلى جميع أنحاء الدوحة والكيس الصغير ب3 ريال قطري فقط..!! ودا زاتو مامعروف عجينو جاي من وين ر كيف "قرقريبتو"!!! لكن يعني أحسن من غيرو كمان المشكلة مش أنا ولا إنت من أبناء الجيل "القديم"!! ..المشكلة ناس "المزاجات" من أولادنا..أولاد الزمن الحلوين..اللي بس يدوك الأوامر لكن بظرافة..!!الواحد فيهم ما بقدر على كسرتنا كل يوم الله يحفظنا ويحفظكم واولادنا واولادكم جميعا شكري

---

Post: #56 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-08-2011, 08:22 PM Parent: #55 Quote: عماد موسي السلام عليكم انت يا ولدي سجوق شنو ومارتديلا شنو؟؟ الويكه دي مالها؟؟؟!! والطماطم بي زيت السمسم مالو ؟؟؟!!! والسخينه الحاره البوخها يلوي مالبها ؟؟؟ لا توســـــــــــــــــــــخ ايديك لا تغلط عليك http://www.google.com/url?q=http://www.guardian.co.uk/w...uPsGMrtDv1k_-2yXLgqQ http://www.dw-world.de/dw/article/9799/0,,14756020,00.html أها يا خالة دوما ..أنا ماقتّ ليك أنا ما بثق في الحاجات المصنّعة دي؟!!!..معقول ألمانيا زاتا؟ الله يحفظكم بس

---

Post: #57 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-09-2011, 07:12 AM Parent: #56 Quote: وأوضح مبارك «نفيدكم أن المادة (E120) والتي تسمى الكارموزين من ضمن الملونات الغذائية الطبيعية نظراً لأنها تنتج من حمض الكارمينيك الذي يتم استخلاصه من الحشرات القشرية مثل الدودة القرمزية أو حشرة القرمز البولندية، Polis Cochinel إذ يتم غلي الحشرات المجففة في الماء لاستخلاص الحمض منها ثم تتم معاملة المحلول الرائق ببعض المواد للحصول على المادة الملونة (E120) أما بقايا الحشرة فيتم التخلص منها ولا تدخل في صناعة الأغذية بأية طريقة مع العلم أن تلك الحشرة تعيش على نبات الصبار النظيف ولا تأكل القاذورات». بعد يوم يومين يقولو ليك لقد اكتشفنا أن...إلخ !!! وما بين تناول الطعام إلى "الاكتشاف" ربما تهلك أمم!! أها ياهارون دياب.... الزعفران المنعتو البلدية هنا في قطر طلَع فيهو مشتقات بترولية!!!! يعنى بدل ما تشرب قهوة..تستمتع"!! برشفة"بترول"!!!

---

Post: #58 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-09-2011, 07:24 AM Parent: #57 http://english.aljazeera.net/news/europe/2011/01/2011183423421309.html يا خالة Doma بس إن شاء الله ماتكونوا أكلتو بيض من الجماعة ديل الخبر -وعن بلد أوربي- يتبع وسائل دقيقة في مراقبة الأطعمة يصوّر لنا تنامي القلق و"التوجّس" من حاجات"الدكاكين "دي!!

---

Post: #59 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-09-2011, 07:33 AM Parent: #58 " Quote: If it is confirmed that the company knew since March that its fat was tainted but it did not inform authorities than that is highly criminal activity," Ilse Aigner, the agriculture minister, told n-tv. صرح وزير الزراعة الألماني: إذا تم التأكّد بأن الشركة-"المذكورة- تعرف منذ مارس الماضي بان دهونها ملوّثة ب"الديوكسين" وققصدت عدم إخبار السلطات ، فإن هذا يُعدّ نشاطا جراميا كبيرا

---

Post: #60 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-09-2011, 07:39 AM Parent: #57 http://www.google.com.qa/url?sa=t&source=web&cd=1&ved=0...6KIVUqfDmKKuLcFd1hGQ كمان من "الدكاكين" دي و" المولات" الكبيرة تجد فيها أشكالا وانواعا من الأطعمة ذات الشكل "الجميل المغري" لكنها مُهَندَسة وراثيا"!!!!!! مع ألمانيا مرة اخري

---

Post: #61 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: خال فاطمة Date: 01-09-2011, 07:52 AM Parent: #60 1) عدس شوربة 2) عدس بالكشنة 3) عدس فته 4) عدس بالصلصة 5) عدس مطبوخ 6) عدس بالفاصوليا 7) عدس بالعدس. كده تم الأسبوع .. بالصحة والعافية.

---

Post: #62 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-09-2011, 09:17 AM Parent: #61 Quote: ) عدس شوربة 2) عدس بالكشنة 3) عدس فته 4) عدس بالصلصة 5) عدس مطبوخ 6) عدس بالفاصوليا 7) عدس بالعدس. كده تم الأسبوع .. بالصحة والعافية. !! خال فاطمة/ المحترم شرّفتنا Quote: عدس بالعدس دي حلوة دا لزوم إشغال القائمةmenu الأسبوعية بحاجة نهرب بيها من بتاع "الدكاكين" داك!!! المشكلة تلقى العدس ذاتو يا خال فاطمة -"مضروب"!!! contaminated وكمان الشكلة الوليدات بتاعننا المدلعين بتاعين الخليج ديل!! يحفظك ربي وأولادكم وأولادنا أجمعين

---

Post: #64 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-09-2011, 11:32 AM Parent: #62 http://www.google.com.qa/url?sa=t&source=web&cd=1&ved=0...7W2JUhskv7pEwr_iJjFA حوارات وفوائد عن السلامة الغذائية food safety

---

Post: #65 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-09-2011, 11:47 AM Parent: #64 * الإكثار من الصلاة..والشكر..والذكر..وتخيّر قيام الليل * ابتعِد عن المواد الحافظة-طبعا قدر الإمكان * ليكن تركيزك على الخضروات والفواكه وغسلها جيدا، و شرب الألبان الطازجة الاهتمام بالرياضة سواء مشي/جري/قدم/ سلة/ وبالنسبة للكبار فإن رياضة المشي لا تُضارَع *عدم السهر *الابتعاد عن مواقف الانفعالات والغضب واالتأثّر النفسي صحّة وعافية

---

Post: #66 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-11-2011, 08:00 AM Parent: #65 جاء إلى الدوحة من السودان-قبل أيام- شقيقي هشام موسى وبدا يكلّمنا عن صحّته، وأنها كانت-زي البومب!!- قبل ما تظهر مشكلة"تلوث المياه"...يا للهول يا مسئولين مياه المواسير والشرب تتلوث بالصرف الصحّي؟! ياجماعة هوي اتقوا الله في موضوع "سلامة الأغذية" والموية دي!! إن لم تتداركوا الأمر..ربما يموت ناس بسبب طمع بعض التجّار الذين لايهمهم ماذا يأكل الناس من طعام صحّي..أو بسبب التلوث أو الإهمال ياجماعة دي أروااااح ناس الله يخلّيكم

---

Post: #67 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-12-2011, 11:21 AM Parent: #66 طبعا أنا أقصد تلوّث المياه اللي كان في العاصمة بلدنا دي تحتاج ل"صنفرة" نضيفة!! والتغيير الشرعي الهادي..المتدرّج..للبشر.. خيرٌ من مليون مظاهرة!! مشكلتنا مش مشكلة موارد مشكلة في الإنسان .. خاصة بعض المسئولين والمسئولات.. اللي صاروا زي "أم جُركُم"! بس تاكل كل "الخريفات"!! منشار طالع ونازل كمان لكن شمس التغيير ستشرق-بإذن ربي

---

Post: #68 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-12-2011, 11:28 AM Parent: #67 محمد مجذوب كتب: Quote: هسع انا شايف طاحونة عطا دي واقفه قلت أأجرها لي من اولاده .. انفعهم وانفع روحي واجيبي لي بتاعين ورنيش (جامعيين .. دبلوم .. بكلاريوس ..ما بتفرق اصلوا الشهادات الوزراء ومديرين الجامعات والناس كلها عارفه .. وانا زاتي عارف (سجن .. سجن غرامه .. غرامه ) بقت تتزور) . المهم الورشنجيه ديل يكون عندهم خبره في تلميع .. ظاهر وباطن عشان يلمعوا لي الانتاج منتهى الإحباط!! يمكن يكون موضوع الشهادات "المضروبة" دي جزء من أسباب مآسينا أي خيانة هذه..أن يتكسّب الإنسان بشهادة كاذبة ويُطعِم أولاده منها ديل ماشافو دكتورنا العصامي: "قريب محمد راجع"؟ "انتفض" فجأة..وبدأها من الصفر.. حتى وصل "خرّيجا" في الجامعة التي اشتغل فيها عامِلا.. ثم الماجستير ثم الدكتوراة

---

Post: #69 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-13-2011, 07:27 AM Parent: #68 هل سنعود مرة اخرى لطعام "حصري" من"كسرةالصاج" و"دقيق" الطحين والطاحون؟..مع "الخبز البلدي" لأهلنا الحلفاويين و"ملاح البيت" وخضروات من "مزارع شعبية عامة"-بدون إضافات أو أشياء مصنّعة وجينات- وكذا مزارع دواجن وأغنام وخراف-تتبع لجمعيات تعاونية شعبية؟ أتمنى ذلك..حتى نقاوم تدمير صحة الناس بسبب طمع الشركات متعدّدة الجنسيات والدول الصناعية... وطمع بعض تجار السوق المحلي إلخ وليس هذا بمستحيل.. يحتاج لوقفات وتعاون وإرادة كفى لعِبا بصحة الناس

---

Post: #70 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-13-2011, 09:07 AM Parent: #69 وهاكم-إخوتي وأخواتي- تفكّروا في آثار فتنة أخرى تدخل عبر أنوفنا ورئانا في تلك "المجمعات/الأسواق/مواقف الحافلات/ الصالات..إلخ فتنة التدخين.. الذي وقفت جميع دولنا العربية الإسلامية أمامه"مستسلمة" فلا هي"تهش" ولا"تنش" بشأنه!! هي عاجزة عن منع الاستيراد، وعاجزة عن تطبيق نظام حازم لمنع التعدّي من المدخنين على غير المدخنين:التدخين السلبي اللهم احفظنا بحفظك يا حفيظ Quote: محمد صلاح : كشف الدكتور أحمد محمد الملا استشاري الصحة العامة ومكافحة الأمراض مدير عيادة مكافحة التدخين التابعة لإدارة الأمراض الباطنية بمؤسسة حمد الطبية عن خطط تطوير العيادة وإدخال طرق علاجية جديدة أبرزها طرق العلاج بالليزر، مشيرا إلى أن العيادة في انتظار دواء جديد للتدخين من بدائل النيكوتين، موضحا أن الدواء الجديد سيرفع نسبة الشفاء 40 — 45 % عن الأدوية التقليدية. وقال إن التدخين يسبب أكثر من 85 % من سرطان الرئة بالعالم، منوها بأن التدخين له علاقة بسرطانات الثدي والرحم لدى النساء وسرطان المعدة وأمراض القلب والشرايين.ولفت الملا في حوار خاص لـ(الشرق) إلى أن نسبة الإجهاض تزداد لدى النساء المدخنات كما تزداد أيضا نسبة تشوه الأجنة، مبينا أن 37 % من سكان قطر من المدخنين معظمهم من الشباب. ونبه إلى خطورة (السويكة) التي يستخدمها عدد كبير من الشباب، موضحا أنها تؤثر على صحة الفم والأسنان وتؤدي إلى سرطان الفم. وذكر مدير عيادة مكافحة التدخين بحمد الطبية أن التدخين السلبي يسبب أمراض السرطان والربو وأمراض القلب والشرايين مثله في ذلك مثل التدخين الإيجابي. ونوه بأن عيادة مكافحة التدخين بحمد الطبية عالجت ما بين 6000 — 8000 مريض منذ افتتاحها، مشيرا إلى أن العيادة تستقبل 20 حالة يوميا. من "الشرق" القطرية-

---

Post: #71 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-13-2011, 09:15 AM Parent: #70 كثير من المعمّرين من أجدادنا العرب عندما يُسأَلون عن سبب قوة أبدانهم وإطالة أعمارهم-بإذن الله- يقولون: التمر..اللبن-طبعا الطبيعي- مع الخضروات..الزعتر..الفواكه وما شابه أما ناس"مارتديلا.." و"جلاكسي" و"جبسي" و"ببسي" .زإلخ دي ربما "تردي"-قتيلا- هذا الإنسان المسكين

---

Post: #72 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-13-2011, 10:09 AM Parent: #71 من اجل طعام آمن

---

Post: #73 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-16-2011, 06:36 AM Parent: #72 وجود رقابة داخلية/التقوى/ للأفراد والمؤسسات ومسئولي الحكومات يجعل منهم حصنا منيعا لأي ضرر يصيب هذا الإنسان: في مأكله أو مشربه أو ملبسه أو الجو الذي يتنفّس هواءه.. إنهم يعلمون أنما يحاسبهم ربهم على أي ضرر في تفريطهم في هذا الأمر المهم"لاضرر ولاضِرار"

---

Post: #74 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-17-2011, 09:59 AM Parent: #73 http://www.google.com.qa/url?sa=t&source=web&cd=2&ved=0...Bp8v2SZBBoegt9Nv7shQ طعام متوازن

---

Post: #79 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-18-2011, 06:59 AM Parent: #73 تأمّل في مطبخك /ثلاجتك كم ستجد من "المصنّع" "المهجّن"/"المثلَّج" "المهدرَج" "المدجّن"!!

---

Post: #75 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: حمد عبد الغفار عمر Date: 01-17-2011, 11:11 AM Parent: #47 الاخ عماد تحية أنا عندي تجربة مريرة جدا مع المارتديلا دي كانت اكلتنا المفضلة ولكنها كانت سبب رئيسي لتأخير الانجاب لدينالفترة بدون معرفة السبب والسبب هو فيروس داء القطط Toxoplasmosis والذي يسبب الاجهاض المتكرر لدى النمساء والموجود بصورة خاصة في المارتديلا واللحمة المفرومة وكل ما يرتبط بها من أكل ودا طبعا لان القطط والفئران (الناقل لهذا الفيروس) بتكون دائما في مفارم اللحمة الكبيرة في المصانع حسب كلام الدكتور ابن الحلال الكلمنا دا تعرف من ديك وانا المارتديلا دي لو لقيتا في الشارع بفكو ليها لذا بنصح الابتعاد عنها بقدر الإمكان.

---

Post: #76 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-18-2011, 06:19 AM Parent: #75 المحترم حمد سلام الله عليكم والله مداخلة مهمة خلاص عن المارتديلا "السجمانة" دي- مع الاعتذار لمحبّي المارتديلا- جاييك بإذن الله

---

Post: #77 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-18-2011, 06:43 AM Parent: #75 Quote: الاخ عماد تحية أنا عندي تجربة مريرة جدا مع المارتديلا دي كانت اكلتنا المفضلة ولكنها كانت سبب رئيسي لتأخير الانجاب لدينالفترة بدون معرفة السبب والسبب هو فيروس داء القطط Toxoplasmosis والذي يسبب الاجهاض المتكرر لدى النمساء والموجود بصورة خاصة في المارتديلا واللحمة المفرومة وكل ما يرتبط بها من أكل ودا طبعا لان القطط والفئران (الناقل لهذا الفيروس) بتكون دائما في مفارم اللحمة الكبيرة في المصانع حسب كلام الدكتور ابن الحلال الكلمنا دا تعرف من ديك وانا المارتديلا دي لو لقيتا في الشارع بفكو ليها لذا بنصح الابتعاد عنها بقدر الإمكان. أشكرك أخ حمد على المرور الكريم والتعليق وحقيقةً هذا أمر خطير وكمان الخطر دخل في "اللحم المفرومة" التي تستعملها الأخوات السودانيات هنا في الخليج لعمل "التقلية" وجميع الأطعمة من مستلزمات اللحم المفروم Quote: كانت سبب رئيسي لتأخير الانجاب لدينالفترة بدون معرفة السبب والسبب هو فيروس داء القطط Toxoplasmosis والذي يسبب الاجهاض المتكرر لدى النمساء والموجود بصورة خاصة في المارتديلا واللحمة المفرومة والله حاجة خطيرة بجد وعلي "الميتين" في المرتديلا أن يراجعوا حسابات الحقل المفارقة لحسابات البيدر!! *والكلام ليك يا...ود الصائم!

---

Post: #78 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: Khalid Kodi Date: 01-18-2011, 06:55 AM Parent: #77 يتمخض الوهابى ليلد فسيخا .

---

Post: #80 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: حمد عبد الغفار عمر Date: 01-18-2011, 09:09 AM Parent: #78 الأخ عماد سلام للتوضيح اللحمة المفرومة المقصودة هي اللحمة الجاهزة في البقالات والبتكون مجهزة في مصانع كبيرة تسمح بدخول القطط والفئران لمكائن الفرم ولكن اللحمة الطازجة البفرموها قدامك في الجزارة دي ما أعتقد انو ممكن تكون فيها اصابة عشان ما يكون في تعميم ونحرم الناس من التقلية والنعيمية الحلوة دي

---

Post: #81 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 01-18-2011, 09:26 AM Parent: #80 Quote: الأخ عماد سلام للتوضيح اللحمة المفرومة المقصودة هي اللحمة الجاهزة في البقالات والبتكون مجهزة في مصانع كبيرة تسمح بدخول القطط والفئران لمكائن الفرم ولكن اللحمة الطازجة البفرموها قدامك في الجزارة دي ما أعتقد انو ممكن تكون فيها اصابة عشان ما يكون في تعميم ونحرم الناس من التقلية والنعيمية الحلوة دي يا سلام عليك ياحمد ملاحظة جميلة..عشان الناس ممكن تشتري الحمة"طازجة" من القصّاب ثم تُفرَم في البيت وجميل إنك خلّيتني أعمل حساب من "المفروم"/غنم/بقر لكن والله أخاف إنو أكون مرتبط بيهو لأن الحصول على مفروم طبيعي صعب شوية دعواتك معانا

---

Post: #82 Title: Re: والله ماعارف ناكل شنو: "الوسط البحرينية":«الصحة»: المرتديلا والسجق يحتويان «الخنا Author: عماد موسى محمد Date: 02-08-2011, 08:34 PM Parent: #81 Quote: والسبب هو فيروس داء القطط Toxoplasmosis والذي يسبب الاجهاض المتكرر لدى النساء والموجود بصورة خاصة في المارتديلا واللحمة المفرومة