Post: #1
Title: اكتساااااح (3)
Author: tmbis
Date: 01-05-2011, 08:44 AM
Parent: #0
في هذا الاكتساااح .. بالرقم تــلاتة يجب التركيز على الجوقــة ..
أو الجوقاتية .. أو الجوكيــة .. أو اي كان اسمهم ..
|
Post: #2
Title: Re: اكتساااااح (3)
Author: tmbis
Date: 01-05-2011, 09:06 AM
Parent: #1
الجوقـة ..
هي مجموعة الاصوات اي كانت .. أو الحشد من الناس اي كانوا .. أو ما يقابلها من اشياء مجتمعة مع بعضها منظمة أو غير ذلك ..
التعريف دا لا يستند إلى علم إنما استنتاج شخصي بحت ..
لكن هناك غناء الجوقـة .. أو الأصوات التي تقوم مقام الآلات .. وهي نفس الفكرة التي استمدت منها مجموعة عقد الجلاد فكرتها من الاصوات التي تصاحب للنوبـة .. حيث تتعدد فيها الاصوات حسب مقاماتها لتأتي في شكل هارموني للمتلقى أو أنسجام واضح ..
الجوقاتية..
تصريف بتاع حلــة ساكت .. يشبه في تركيبته الغير مستندة إلى بلاغة ولا قواعد ونصوص .. إنما شغل أخوان سااي .. يشبه لحد بعيد راس البيت .. وخشم الباب .. وانزل من ضهـر الحيطـة .. وجيب لي كراع العنقريب .. إلخ
الجوكيــة:
الجوكي هو على حسب معرفتي المتواضعة جدا الركييب .. أو الذي يمتطي ضهر الخيل .. سوا أن كان متسابقا أو متفسحا.
|
Post: #3
Title: Re: اكتساااااح (3)
Author: ود الباوقة
Date: 01-05-2011, 09:30 AM
Parent: #2
اتوقع وصول قريمان بعد قليل .......
|
Post: #4
Title: Re: اكتساااااح (3)
Author: tmbis
Date: 01-05-2011, 09:39 AM
Parent: #3
| Quote: اتوقع وصول قريمان بعد قليل ....... |
لا يستطع .. فهو مشغول الآن .. باللذي سيوضح من خلال هذا البوست ..
|
Post: #6
Title: Re: اكتساااااح (3)
Author: tmbis
Date: 01-05-2011, 10:32 AM
Parent: #5
ايضا جاء في تعريف الجوقاتية .. أنهم من يدخلون اصواتهم مع بقية الأصوات ويحشرونها حشرا .. لحسب قناعته بأن صوته هو الأعلى أو الاكثر شجوا أو كرواني بما يكفي ..
مثلهم في ذلك .. مثل الزول الاشتر .. الذي يرقص وفق زمنه الخاص مصحوبا بصفقة تأكيدا منه على جودة ايقاعه الخاص .. يرقص قدام المسرح وجمب بتاع الايقاع مباشرة .. مما يترتب على ذلك .. شترة بتاع الايقاع ومن ثم تنشتر كل الفرقة الموسيقية .. دا في حال إنو ما شتر الناس البترقص كلها بمختلف ميولها الحسية وتعبيراتها الحركية ..
إذا .. الجوقاتية ديل اصعب ناس من حيث التصنيف بتاع الحفلة الفوقانية دا ..
|
Post: #7
Title: Re: اكتساااااح (3)
Author: tmbis
Date: 01-05-2011, 12:54 PM
Parent: #6
جوقايــة ..  .. وجوكـــي 
|
Post: #8
Title: Re: اكتساااااح (3)
Author: tmbis
Date: 01-05-2011, 01:05 PM
Parent: #5
يا عمران .. الغاز وووين ياخ .. مفروض تفهموها طايره .. هلي ليها علاقة بالاكتساااح معناته اكتساااح 
|
Post: #11
Title: Re: اكتساااااح (3)
Author: tmbis
Date: 01-05-2011, 01:33 PM
Parent: #9
يا الوليد ..
عفصته الرابط حقك دا مشيت لقيت الجماعة ديل ضابحين ليهم حاجات عجيبة جدا .. شي خنافس وأبو الجعران .. إلخ
وطبعا الشلة الانصرافية اياها عاملين لي حفلة بي هناك
طبعا كان مشيت اتلاويت معاهم اكون فـارة ..
بالنسبة لي أنا .. قاعد اكل مورتديلا دجاج الوطنية .. صناعة سعودية .. يعني خنافسة دي مضبوحة حلالا بلالا طيبا ..
من ناحية أخرى .. عليك الله حسع دي بالعقل كدا .. انا ساندوتشاتي البشيلة في كيسي الاصفر الصباح الصباح دي .. فيها سعرات حراية خنفساوية قدر كيف ..؟
بمعنى أوضح .. الساندوتش بتاع الرغيفة الصغيرة دي .. ممكن يكون فوقو معدل كم خنفسانه كدا .. عشان الواحد يضرب الخلاء دا ويجمع ليهو مجموعة مناسبة كدا .. يعمل العضة دي فريش .. وبالمرة يطعمه بي نمل سكر يا أبو الدقيق .. 
|
Post: #13
Title: Re: اكتساااااح (3)
Author: الوليد الرشيد وراق
Date: 01-05-2011, 01:48 PM
Parent: #11
| Quote: طبعا كان مشيت اتلاويت معاهم اكون فـارة |
سلام ياتمبس
أنا نزلت ليك الرابط وعارفك ما حاتهوب بهناك ....
بالنسبة لموضوع البوست الجوكية والجوقاتية أهو جاك واحد طاير
وتقدر تعمل فيهو دراسات وتحللو أو تخللو المهم أفيدنا بما توصلت إليه أخيرا ....
والحالات الذى دى المنبر( يعج )بها ....
والظاهر إنو أرض خصبة للجماعة ديل ....
فبالله محص وفرتك على مهلتك وورينا ....
ثم السلام عليكم
|
Post: #15
Title: Re: اكتساااااح (3)
Author: tmbis
Date: 01-09-2011, 09:28 AM
Parent: #13
سلام يا الوليد ..
Quote: بالنسبة لموضوع البوست الجوكية والجوقاتية أهو جاك واحد طاير
وتقدر تعمل فيهو دراسات وتحللو أو تخللو المهم أفيدنا بما توصلت إليه أخيرا |
هؤلاء لا يحتاجون لأي محاليل يا وليد .. هم براهم محللين انفسهم ..
بصورة أوضح قاعدين لي يوم زي دا من تاريخ السودان .. حتى يكتبوا في سودانيزاونلاين .. ابطالا .. ولهم حصرية الخبر العاجل ..
شوف زي دا توقعاتو شنو ..
فرض حظر تجوال
فارض حظر التجول من كيبوردو .. عشان شنو ما عارف
ياخ شعب اختار بمحض ارادتو تقرير مصيرو .. في زول مانعو ..؟
يمشي يصوت .. ويعمل العايز يعملو .. ولا يتستدعي حظر تجول .. ولا حظر طيران .. المسالة عادية جدا .. ودا كلام مكتوب من قبل فترة وجارية الترتيبات ليهو من مدة طويلة ..
|
Post: #10
Title: Re: اكتساااااح (3)
Author: tmbis
Date: 01-05-2011, 01:23 PM
Parent: #8
من هنـا وحتى الأحد الموعد المحدد لقيام الاستفتاء سنقرا ونتابع ..
ستخرج اسماء بدأت من الآن في التململ ..
بوستات تم اعدادها من فترة لتتناسب مع هذه الاحتفالية ..
ستخرج من أجل احتلال الموقع كما احتلته أيضا يوم الاثنين اياه وبشرو الكل بالفناء .. والموت الجماعي والتنكيل ..
ستخرج نفس الأصوات خلال الساعات القادمات .. لكن مكتسحـة بالخيبه أو بي جلالايب الدهنسة .. ودموع التماسيح ..
ستخرج نفس الأصوات من سقط .. لقط .. وحيث مـدن تنام على انغام الكلاسيك ميوزك والاضوار الخااافته من بقايا الكريسماس وراس السنة .. لتكتب عن مصادرها التي تنقل لها الوضع .. من موقع الحدث .. عن توقعاتهم .. وعن خواجات سايقين ليهم .. وزز أو بط .. وعن شوارع الخرطوم التي رحل سكانها وتركوها خاوية ..
وزز.. جمع وزة
وبط .. جمع بطـة
|
Post: #12
Title: Re: اكتساااااح (3)
Author: saif massad ali
Date: 01-05-2011, 01:34 PM
Parent: #10
تمبس
الوالي كرم الله والي القضارف
وين من الجوقة بالتاكيد في نصها
مش كده
|
Post: #14
Title: Re: اكتساااااح (3)
Author: ابو جهينة
Date: 01-05-2011, 06:17 PM
Parent: #12
يا علاء
حيرتنا ياخي
الكلمة دي : الجوقاتية
مشتقة من صميم النوبية بعد ( تبْدنتها ) أي جعلها تبداوية
فكلمة ( جوق JOAG) معناها يطحن
جوقاتية تبقى معناها : الطحانين ( الذين يطحنون )
هناك كلمات كتيرة زي دي
أها : واصل الإكتساح
|
Post: #16
Title: Re: اكتساااااح (3)
Author: tmbis
Date: 01-09-2011, 09:41 AM
Parent: #14
من اين لي بالدفء....في ليلة.... مثل هذه؟؟!!
..
.....هنا نتلقى العزاء......في الوطن!
جوكية من نوع فريد جدا .. ولها جوقــة .. ترفع عقيرتها بالصياح من خلفهـا ..
بالأمس كانت العودة لوجـه الخرطوم الأفريقي ... الخالي تماما من الاعراب ..
واليوم دموع التماسيح .. وعدم النوم .. بدواعي الحمى واصوات نواح اصدقائها الجنوبيين يبكون فقدهم للشمال ..
وثم مسلسل تركي عن جلابي مستنكح وصديقا له يسمى منقو ..
..
|
Post: #17
Title: Re: اكتساااااح (3)
Author: طلحة عبدالله
Date: 01-09-2011, 10:05 AM
Parent: #16
دا نفس البط القال عليهو المواطن أياه
واللا بط تاني يا تامبا ؟
لو ياهو يجب أن تتقدمه كلمة (قطيع) ليستقيم المعنى .
مع أرق الامنيات .
|
Post: #18
Title: Re: اكتساااااح (3)
Author: tmbis
Date: 01-09-2011, 10:29 AM
Quote: ستخرج من أجل احتلال الموقع كما احتلته أيضا يوم الاثنين اياه وبشرو الكل بالفناء .. والموت الجماعي والتنكيل ..
ستخرج نفس الأصوات خلال الساعات القادمات .. لكن مكتسحـة بالخيبه أو بي جلالايب الدهنسة .. ودموع التماسيح ..
ستخرج نفس الأصوات من سقط .. لقط .. وحيث مـدن تنام على انغام الكلاسيك ميوزك والاضوار الخااافته من بقايا الكريسماس وراس السنة .. لتكتب عن مصادرها التي تنقل لها الوضع .. من موقع الحدث .. عن توقعاتهم .. وعن خواجات سايقين ليهم .. وزز أو بط .. وعن شوارع الخرطوم التي رحل سكانها وتركوها خاوية .. |
..
يبدو أن خطوات ابناء الجنوب نحو تقرير مصيرهم في صباح هذا اليوم قد قطعت الطريق أمام الفئة اعلاهـا ..
وكذا الحال خطوات أبناء الشمال .. فكل عندو وعي وكلو عندو راي .. ولسان حالهم يقول .. مبروك عليكم وطنكم الذي اخترتموه .. ومبروك علينا وطننا الذي كنتم تشاركوننا فيه أشقاء أعزاء إلا من انفلت منكم في ذاك اليوم كالح السواد .. وعاد إلى رشده حالما أدرك حجم الجرم الذي ارتكبه في حق نفسه وآخرين وذلك بتملية اصحاب الحلاقيم الكبيرة الذين يسعون دائما إلى زرع بذور الفتنة ويتباكون بدموع التماسيح .. بعد ان خاب ما سعوا له ..
|
|
