شاموق (من حق قطاع الشمال تكوين حزبه باي اسم حتى اسم الحركة الشعبية ) - السلعلعيون يبلعوا

الكاتب الاسلامي احمد محمد شاموق من اصحاب الاعمدة الراتبة بالرائد لسان حال المؤتمر الوطني
وهو من الاصوات القليلة التي تتميز بعقلية واعية والرجل اسلامي قديم وليس وافدا جديدا
ليس له نفوذ وصوته منخفض ذلك صحيح ولكنه يظل منطلقا من قناعات لا مصالح متبدلة ومتحولة
المرء لا يملك الا ان يحترم الرجل في قراءته الواعية للواقع اليوم
ادلى بدلوه اليوم في موضوع قرار قطاع الشمال بالحركة الشعبية تكوين حزبه باسم الحركة الشعبية لتحرير السودان

المصدر جريدة الرائد 5/1/2011

نفس المنطق قال به الاخ عبدالكريم الامين (كيكي) في معرض رده على الشفيع وراق في مداخلته ادناه

هلا يا ود ابراهيم
ونشكر الكاتب شاموق علي هذا الوعي المتقدم والاحساس بالاخر واحترام خياراته
وده خطوة ايجابية ان تاتي اصوات ومن داخل الجب الكيزاني وتقول كلام محترم زي ده

الأخ محمد إبراهيم علي.


من حق أعضاء الحركة الشعبية بشمال السودان أن يكون لهم حزب بهذا الاسم. الحزب موجود ومسجل وهو أكثر سودانية من كثير من الاحزاب

المستوردة عربيا. ويجب أن يتزكر الجميع أن لهذا الحزب نواب منتخبين بواسطة الشعب السوداني الفضل. وهنالك أيضا حاكم ولاية النيل الازرق

مالك عقار. حديث مندور المهدي حديث غبي وأخرق ويدل على جهل عميق في دعوته لياسر عرمان لكي يبحث له على وطن أخر كأن هذا الوطن ملك

للمؤتمر الوطني . مفهوم السودان الجديد مهما طال الزمن هو الذي سوف يسود في نهاية الامر وهو الذي سيعيد توحيد السودان حتى ولو كان

ذلك بعد مئة عام.

مرحب يا محمد ابراهيم
طبعا انت اكيد مريت على البوست هناك
وعرفت انو ما عندنا مشكلة مع عرمان او كل قطاع الشمال
و مشكلتنا مع الحركة الشعبية (الأم)
ما عايزنها تدخل في (أيٍ) من شئون الشمال
بدءاً بدارفور وانتهاءاً بجبال النوبة والنيل الازرق
يعني الحركة تشيل جنوبها وتمشي
وسلفاكير وكمان من قبله باقان قالوها واااضحة

سلام يا كيكي

Quote: وده خطوة ايجابية ان تاتي اصوات ومن داخل الجب الكيزاني وتقول كلام محترم زي ده

شاموق من الاصوات العقلانية وسط الجماعة ديل لكن ما عندو غير عمودو ده مع انو اسلامي قديم لكن (مهمش)
مثل هذه الاصوات يجب ان تجد دعم من المعارضة ويرفع ليها المايكات عشان صوتها يعلى

سلام يا دينق

Quote: ويجب أن يتزكر الجميع أن لهذا الحزب نواب منتخبين بواسطة الشعب السوداني الفضل. وهنالك أيضا حاكم ولاية النيل الازرق مالك عقار

الناس ديل نسو طبعا نواب الحركة الجو البرلمان من النيل الازرق باسم الحركة الشعبية وما في واحد يقدر يقول ليهم تغيرو الاسم الا هم براهم يغيرو
بعدين الناس دي طبعا لا بقرو الدستور ولا القانون الواحد يتصل علي صحفي ويقول ليهو تعال نديك تصريح وهاك يا تصريح

سلام الشفيع

Quote: وعرفت انو ما عندنا مشكلة مع عرمان او كل قطاع الشمال

كان كده اصحى آبوى
انتو مشكلتكم كلها مع قطاع الشمال ده وبوستيك انت معنونو باسم عرمان بل اعلام المؤتمر الوطني طالب عرمان بالذات بمغادرة الشمال بعد الانفصال
طبعا الخلاكم تعملو تكس راجع لما اكتشفتو انو في ناس تاني في قطاع الشمال وممكن يعملو (جنجال كبير )
مالك عقار والحلو ظهر يحمي رفيق الغابة عرمان
ده طبعا اذا ما اقتعنعتو بالدستور المديكم الشرعية واللي بقول انو من حق عرمان ولا غيرو يعمل بكرة حزب باسم الحركة الشعبية لتحرير السودان

امسك في كلام شاموق ده مراقة كويسة ليك

Quote: ولا غيرو يعمل بكرة حزب باسم الحركة الشعبية لتحرير السودان

انشالله يعملوهو ويفوز فى الشمال ويوحد البلد تانى يا باشمهندس