حجة فاطنة

حجة فاطنة
هو إنت ساكنة
قصّتك ما قصّة ماكنة
اسمك أمي وبتي فاطنة
صبرك اللي حير الجن الفي سواكنا
في أمان الله كنت راكنة
جوكم كلاب مغسولة في موية آسنة

حجة فاطنة
إنت ما شايلة الكتير
كنت مرتاحة كتير
معززة ومكرمة
قاعدة جوة بيتك الزيِّ بير
جات الحرابة ختّتك من بير في زير

وياما ضاق بيك الزوير
بي أمر جاك من وزير
قمت تشهلتي كايسة للزير الكبير
في حفير
وياما ضاقت بيك نفسك
فرّيتي فُتّي للبلد الكبير
والحوش الكبير
كايسة المنام بس في سرير

وجات لقت السلم ذاته ليه بير

وتاني وقعت جوة بير

ولدا الأثير صار أسي

ر سافر هناك لي بعيد جواة حواصل خضر طير

وبرضو ما سردت باقي القصة للوزير
جاتا حوبة برضو أخطر من خطير
ضغطت المعايش على بنية زي حرير
لمت الصندوق للجار والعشير
وجاها ساري الليل سلب كل الحرير
بس حجة فاطنة
والله أحسن من وزير
تبني للبيت الصغير
دي حجة فاطنة ست ماكنة
تعبت كل التساكنا

ولسا ماشين في الطريق

لي حجة فاطنة

حجة فاطنة

ابتلاءاتك تقومي من حفرة

تاني تقعي في دحديرة

لكن برضو صابرة كمان أميرة

خليتيني وكل زول في ألف حيرة


ترانا ماشين في الدرب لين نلفى جيرة

ابى الغالى
عارف انى مرات فى مصطلحات ما بعرفها

Quote: ابتلاءاتك تقومي من حفرة تاني تقعي في دحديرة لكن برضو صابرة كمان أميرة خليتيني وكل زول في ألف حيرة ترانا ماشين في الدرب لين نلفى جيرة

Quote: عارف انى مرات فى مصطلحات ما بعرفها

أووووه بنتنا العزيزة والكريمة
طلتك زادتنا شيمة
فوق شياممنا الأثيرة
رانية
وما لو يا بنتي ماله
ما إنت في دنيانا برلومة
خمسين سنة نحن قريناها قراية بس قراية
ولسا ناس شيقوق هدول بيقولوا حاجات ما بنعرفا
وإنت معذورة بنيتي

عشت في بيئات كتيرة
والثقافات العسيرة
واللسان عند أمك وأبوك
برضو حيرة
كونه تكتبي زي كلامك
إلا ديل ناس حجة فاطنة
قعدوا في الخرطوم كتير
لكن كلامهم ياهو كلامهم
لو سمعتيهم بقولوا يحيروك في الحيرة
لسا ماسكاهم ثقافتهم
والكلم عربي اصيلا لكن أبد ما بتفهم
ليك ولينا
لأن الأذن تانية
والكلم بي غنة تانية
دي الثقافات يا أميرة
من كويت لي مصر تاني غير لسان أمك أثيرة
ما أصولهم من مصيرا
ولما عدت لي بلدكم كانت خلاص
ثبتت حفيرا وبقيت في دحديرا
ما عارفة تمسكي في
Your mother's tounge
وللا في دردشات بنات الجامعة
وللا في لغة الكتابة
-

معليش اتأخرت عليك

أصلي مشغول شديد كنت

والمادة اللي نزلتيها ما بتفتح معاي

راجعيها وخليك قريبة

الله يديك العافية

حجة فاطنة

دي قصتا قصة طويلة

جاية من أمصار بعيدة

والحكايات جد مديدة

جاية من كل الحواضر والبوادي ديك البعيدة


يا ذر عيوني

إن شفت ياسر في الحلم

قوله أخوك يا ما في الدنيا انظلم

لو جيت عليكم

قول لي كيف يبقى الحكم

أكيد هناك مافيش ظلم

ونواصل

ود منقاش
أنا شوفي طشاش
مالك خليتني فايتني طناش
ما سبت خبر بي إنك ماش
أو حتى إشارة زي أيّ دعاش
إن كان مافيش مطراً رشّاش
صايبني تقول شللاً رعّاش

لما الأمّات لاقيتهم باش
بي كل الشوق العشته معاش
قالدني الحزن نايشني نياش
والعقل خلاص صابه الهبّاش
حليل داك زمنك داوشني دواش
لما أقول ليك زولاً هبّاش
مخيخك عامللي خشاش

وإت شابك تضحك في كل دهاش
ضارب للدنيا كل طناش
ما سائل فيها بس كأنك ماش
وكأنك دافع حسابك كاش
مشيت لي خطبة درباً دشداش
هتفت عديل لا عاش لا عاش
مالك بالله عني تنحاش

حتّاه وداعك في الإنعاش

آه يا يمة وليدك طاش

وأنا بقيت بي وراه دراش

دا وليد الحجة فاطنة
حجة فاطنة
كانوا كلهم
جنب ديك الجبال
عايشين ثبات في نبات
لين جات السياسة تمرمطم
تعدم حياة ناس منهم
شايلين سلاح
خلوا الحكومة
ومرمطوا الشعب
الأهم
تركوا المهم
وهلكوا الأهم
قاصدين أمم
فيها الفهم
لكنها دايماً في العشم
عند الكبار يكون في فهم

Quote: دا وليد الحجة فاطنة حجة فاطنة كانوا كلهم جنب ديك الجبال عايشين ثبات في نبات لين جات السياسة تمرمطم تعدم حياة ناس منهم شايلين سلاح خلوا الحكومة ومرمطوا الشعب الأهم تركوا المهم وهلكوا الأهم قاصدين أمم فيها الفهم لكنها دايماً في العشم عند الكبار يكون في فهم

حجة فاطنة


حاجة ماكنة


صابرة راكنة


بي كبابيها البتلمع ومي عواطنة

كيف استطاعت

أن تبني بيتاً

يؤويها وأبناءها

وأهلها

تلك قصة كفاح

طويلة سنأتي إليها

فيما بعد

إن شاء الله

بنت طوبة


وتاني طوبة

من كبابي الشاي

رطوبة


معليش يا جماعة نمرق من جو الحزن دا

بعدين ننشد لي حجة فاطنة

أخت أمي عازة

طيبة رازّة

رانية

Quote: عارف انى مرات فى مصطلحات ما بعرفها

انت شهادة عربية ولا شهادة انجليزية ؟

Quote: أووووه بنتنا العزيزة والكريمة طلتك زادتنا شيمة فوق شياممنا الأثيرة رانية وما لو يا بنتي ماله ما إنت في دنيانا برلومة خمسين سنة نحن قريناها قراية بس قراية ولسا ناس شيقوق هدول بيقولوا حاجات ما بنعرفا وإنت معذورة بنيتي

الحالة دي بسطت ليها اللغة كمان؟

مسنووووووووح

Quote: الحالة دي بسطت ليها اللغة كمان؟ مسنووووووووح

إنت عارف يا شيقا

الكلمة اللي غلبتها بتكون دحديرا

ما تشرحا ليها يا خي

ينوبك ثواب

وبعدين يا شيقا

إنت لو شفت حجة فاطنة دي
وسمعتها تتكلم
والله تقيف متبكّم
مع إنه كلامهم أقرب كلام للفصحى

مع إطلالة استفتاء

الخراب السهل

وشنو كدا في الجبال

حجة فاطنة اتجهجت

مع تقلبات الساسة والسياسة

كيفن بنت وكيفن تسيب

دا شي معيب

الفارسة

شن بتسو

في جو النحيب

والكل تقول ووب وووب

وقول يا لطيف

على حجة

تنداح

بالطيوب

فاطنة أمي

وفاطنة بتّي
وفاطنة عازة

اللي قالوا ما عاد ليها عوزة

آه يا لوزة

لوزة القطن
اللي قالوا اقسموها
وقسموها
لا عاد طويل التيلة
ولا قصيرها

ولا كمان

الموزة موزة


محبط أخاك لا بطل

إلى أن يأتي ذلك الفجر يطل

.
..
حجة
فاطنة
اليوم سمعت
إنو من أهلكم ماتوا ناس
رغم استفتا الخراب
بدل ما يهدوا
ولّعوا النار
والودار
حجة
إنت
مالو
حظّك
ديمة أتعس
من كل تعيس
قلت تمشي حتى زورة
للأهل القالو فضلو
شان تودّيهم
تشدّي
من
أزرهم

الله يعين الحاجة فاطنة

ألو...

حجة فاطنة

الريدة ليك

فــيــنا ساكنة

إلا عازة يومينّا ديل

شفنا كيف ألوانا داكنة

والسحب شايلة دمعة

في عيونا ماهي

بايــنــة

أصل الموية

راكنــــة

وش مكلضم

لي معلّم

كل قرايته

كان بيحفظ

نشيد

منقو

قل

Quote: قالوا الجنوب فصلوه يمّة فاطنة بتي إنت أمّة شايلة لي حزن اليتامي في الظروف المدلهمّة هل يعودمن تاني وطنك وإنت عازة يا إغلى ماما

عشان ولّعت في أبيي

نعيدا

تاني

--




.
..
حجة
فاطنة
اليوم سمعت
إنو من أهلكم ماتوا ناس
رغم استفتا الخراب
بدل ما يهدوا
ولّعوا النار
والودار
حجة
إنت
مالو
حظّك
ديمة أتعس
من كل تعيس
قلت تمشي حتى زورة
للأهل القالو فضلو
شان تودّيهم
تشدّي
من
أزرهم

حرام يا ناس

الحجة دي ما تعبت شديد

@

حجة فاطنة

مرة مرة تجيني شاكية

من بنية ديمة باكية

من انسرقت فلوسها زايد مبلغ الصندوق

وما لقت ليها مواسية

ديمة باكمة ومرة باكية

الحزن منها تمكن

والعلاج قالوا ممكّن

فيها جنّناً بس يجنّن

قلت نصابين هادولا

لكنها مشت تفتش لي حلولا
-
يا لحزنك حجة فاطنة


دا حزن عازّة

فوق

لحين

ميسرة

فنيــــــة


معذرة

أخي القارئ

حجّة فاطنة

دي مواطنـة

جوة القلوب دي ساكنة

لكن متوزّعة بين مسقط رأسها وهذي المدينة الآمنة



نواصل بعد أيام إن شاء الله

برضو راجنك
و راجين حاجة فاطنة

دكتور عادل أهلاً بيك

يا ظريف
نورت بوستينا

يديك ألف عافية




حجة فاطنة
مهما ووين تكون هي ساكنة
ماهي مبروكة
ومساكنة لي حجة فاطنة
كلهن في حشمة داكنة
لبسوا توب العفة باينة
ولي كبابيك الشربتها
من دون مداهنة


بجيك بس لسع ما فهمت حاجة

حجة فاطنة البعرفا

ست مجتهدة بي قياما البدري

جاتنا

من أقاليم طاردة للناس المساكنة


بي حروب بالجد هي طاحنة

حروب فرضوها ناساً ماهي ناسنا

أصروها يقسموا البلد المن زمان


عاشوا فيها الناس مواطنة و(نواصل)

لا قالوا زنجي وللا عربي


أو هادول ناساً مراطنة


عاشوا فيها اتصاهروا


كان بُيُض أو ألوانا داكنة


خلفوالناس اللي بقولولهم سوادنة


في كل شي متوالفين كان فرح


أو حتى دافنة

Quote: أو هادول ناساً مراطنة عاشوا فيها اتصاهروا كان بُيُض أو ألوانا داكنة خلفوالناس اللي بقولولهم سوادنة في كل شي متوالفين كان فرح أو حتى دافنة

حجة فاطنة!


جات مسلمة

ما أسلمت هي بي هنا

جات مؤمنة

إنو الله حيرزقا بالجنا
لكن

كيفن تربيه الجنا

ما مشكلة

ما الله هو الكان رازق هناك

برضو هو الرازق هنا

في أرض تطرح للجنا

من دون عنا

Quote: حجة فاطنة! جات مسلمة ما أسلمت هي بي هنا جات مؤمنة إنو الله حيرزقا بالجنا لكن كيفن تربيه الجنا ما مشكلة ما الله هو الكان رازق هناك برضو هو الرازق هنا في أرض تطرح للجنا من دون عنا

سما

كانت تمطر

هناك

وتطري الأرض الحنينة

تطرح كتير كان للجنا

والضرع كان ضرع الهنا

كان تكفي ليك إنت وأنا

بقينا

في كبايتا

اللي مرة تجيب طوب البنا

والتانية كان جابت

طويبة للجنبة التعاني من العنا

برضو الحمد مرفوع لواه

بعيد هناك لي جنا الجنا

وبي كدة بنت البيت

طوبة طوبة شان يسكن فيه الجنا

لي جنا الجنا

لكن مسيكينة قالولها

ارجعي للبلود

خُتّي الملودة مع الجنا


وآآآآه يا أنا

حجة فاطنة


أمي فاطنة


ويابنتي فاطنة


قصتك ما جاية ماكنة


بس يا حبايب

حبل المهلة يربط

بالصبر

وإن كانت كل المياه راكدة ساكنة

حجة فاطنة
مرات يقولولك فطين
اسم الدلع لما تحسي
فيه الخبث بيجيك وجع
ويذكّرك وجع الولادة والطلق

ألو...
حجة فاطنة الريدة ليك فــيــنا ساكنة
إلا عازة يومينّا ديل شفنا كيف ألوانا داكنة
والسحب شايلة دمعة في عيونا ماهي بايــنــة
أصل الموية راكنــــة
وش مكلضم لي معلّم
كل قرايته كان بيحفظ نشيد منقو
اعلم
إني حبيت المعلم
اللي كان سبب
في اللي ضلم





-


الكلام الفوق إعادة

عشان
فاتت غادي بي زيادة
رغم إنو حجة فاطنة
بتقدر الطيف كله من مراغنة
للأمة كلها
والاتحادي
والجداد ديل

بتقول عليهم
كل هادول ما ولادي

عبد الفتاح...كيفنك...لك تحياتي العاطرة...

اختزال الوطن في الام مدلول يستبطن الميلاد والنشاة وتفاصيل الحياة بحلوها ومرها...وان شئت الدفء والحضن والامن قبل وبعد الميلاد...يصوغنا منذ الذرات الاولي ويعيدنا اليه في ترابه ذرات اولي فتامل...

فاطنة هي عازة..دواء يشفي الوبال...من لا يجيد الانحناء في مقامها خاسر...واي خسران ...ومن لا يزود عن حياضها نادم حيث لا ينفع الندم ...

عندما تعربد بنا هاجسات الشوق نلوذ اليها ففي محرابها الاتكاء يحلو والمقيل

لك الحب والاحترام

ود عبد الحليم شخصياً

يا مراحب يا حبايب


مداخلتك دي إلا أقسم ليك الرد

عشان ما أثقل عليك


ودائماً الثراء العطر يأتي من قبلكم دوماً


أها بسم الله نبدا بي تحيتك

محمد الكامل عبد الحليم:
عبد الفتاح...كيفنك...لك تحياتي العاطرة...
ياخي دا إنت الكيفنك
واحشني شديد
والليلة عيد
وكتين جيت تزيد
لي دا الألم المجيد
لكنه وين داك الجديد
ما خلاص العيد دا أصلاً ما ببقى عيد
هو فرحان بالوليد
اللي بغره طلعو من بطن عازة بحديد
وجأ ووجأ
لامن بقت مسكينة عازة زي قطعة حديد
واتصلّبت فقدت نطق وكيف سهّمت ما دايرة تزيد أو تعيد
ما ألجموها بالتعاون مع بشر ماهم بشر هم زي جريد
هملوه أهله من دون نضافة اتحتّ واقف واتكسرت أوصاله بيد
قال ما بينزل لي صعيد
وأصله الصعيد في فهمهم داك التراب الليل وطن ما عليه كلام ولا أي زود
ذرّاته بس قاعدة التولول زي وليد
حرموه من حبل الوصل حبل الوريد
قال أنا بس داير أموت حتى إن شهيد
في حدا الوطن أنا قلبي بقى زي الجليد قول الحديد
وتاني تب ما في أي عيد
لامن يذوب فيني الأصل وللا الفصل ويذهب لبيد
ويجي لبيد
ما يقول سئمت ولا يزيد

Quote: ود عبد الحليم شخصياً يا مراحب يا حبايب

بالضبط زي ضل النخيل
لكنه داك حزن النخيل
ما زاد كتير بقى زي مطر نار
من وبيل لا بشوف نهار ولا بغطيه ليل
لكنه قال الليل طويل
لا بد يزول إن شا الله بي جاه الرسول
أبو البتول؛
ماهو الملول
واللي ما قال أبد لي أي شي كلمة لا
شليل مهما تفتش ما بتلاقيلو دليل
ونواصل مع الزول الدليل

معاك نحن لسا
يا ملاك
الفاتح
طّل علينا
قلت لي مالا عزة
يا حريف
فهمت الطايرة
وأكيد بتجينا
تشيل الحايرة
--
عازة قسمولها القلب
فطروه آه وا حسرتي
قبلت جاي وتاني جاي
ما لقيت غير فطين لي قبلتي
أصل الأوادم خلقة قسايين قلب
من فات خليل اتآمروا على عزة رمز رمز عزتي
قت شن تاني بنسو في ناس بقت من عترتي
حبيتا جد زي ولدتي
مرقوا الضنب زي السحاحير الليل قبيل بكوسوا بس بشتنتهم وبشتنتي
نسوا للولف
حبل الكتف
حرف الألف
كل الولف
ما قلنا أف
ولا يوم فكرت ساي في شي اسمه الوقف
لكن الليلة قالولي قف
هنضب مكانك واعترف
إنك إنت ياكا قطعت لي حبل الولف
معقول كدا معقول ألف
عن مبادئي القمت بيها وديمة بنقول ما بنختلف
وما تخاف ما مني خوف
بنصفك بس انتصف
لا تقولا لي كل شي ليك بعترف
صدقتهم أديتو يتنفس ينف
قام رامي المخاتة على جبيني
قال لي ياخي قوم ولف
أنا ما خلاص جاتني الفريصة عشان زي ما أنا ألهف
أنا تاني قال ما بتلهف
هو منو الداير يلهف
حق التاني إن كنت أصلاً زول بتنصف

والجواب لسا ماكمل

قال بقيتني تاني وكنت أول
تاني حول
روح ودوّل
ما بجيك أنا تاني أحول
ما بشوف في كل اتجاه أنا لاتجاهي خلاص تحول
شفت كيف ود عبد الحليم


لسا الردود جاية ليك

تعباً تعبناه وتعبوه ديك أبواتك اللي عبدوا العليم
ما كان في نفوسهم أي شر أو شي ظليم
كان الصبر شغل الحليم
ياهو شاغلم ما خلّو كيم
إلا غرسولها الصلاة ما كان فهيم
لكن وليدنا هناك طلع غشيم
فاكر خواجات ينجدوه من الجحيم
ختوله كم خرزات ودع وقالوا ما جاييك خيراً عميم
لكن يقولولو هاداك الجحيم
راجيه بي ظلمه الظليم


قرّبت يا جميل ما تزعل

ونتابع معك يا محمد الكامل؛ وقربنا


وسوء ظنون تحمل فنون

والعنصرية حاقدة عيون
بس كيف يهون
عندك خصامي يا جنون
كيفن تظن إني باكلك ما إنت ما كبدي والعرنون
كيفن زول بياكل لي كبدته دا كلام جنون
مابلقى العلاج غير زحمة هم منافقون
ما بيدوا شي بل بياخدوا كل العيون
والموارد الجاية من رب كون
بالله قول لي كيف يهون
إنك تشبع روحك بي كرزة ظنون
لا بيغني ولا إلا يحزنون

ود عبد الحليم نحن لسع مع مداخلتك الثرة




حجة فاطنة جاني زول بحرّك فيني
كل ساكنة
أصلاً ما داري وينك تكوني ساكنة
هل في قليبو وللا في الوجدان معاطنة
لكنه عارف إنك فيك ساكنة
وهو ساكن بي فنونه جواك في حتة عاطنة
بي حنة الولف القبيل عطوره بتقول ليك هاكنا
حتينا بي حبل الولف في حتة ماكنة
ما في زول يقدر يزيحنا حتى لو شال المواطنة
نحن أصلاً من زمان زيتنا في بيتنا
إلا جو الأغراب وفيهم من حلو اللسان يبنوها داكنة



ونواصل

يبنوا لي ظلام ليل حتى نجومه راكنة
لا بتودي لا بتجيب لي قولة هاكنا
هي بتفرق ما بتجمع عشان تلملم كل خير في حتة آمنة
هو شنو التجي لزول بي وقار شاغل أماكنا
تقول امش ما عندي ليك ولا حتة داخنة
امش بلادك غادي للبلد البغادي إنت ما جبت هلاكنا
معقول يا ناس أحبهم ويتهموني بي شغيلات المماكنة
هي شن هوية فاتت الميات سنين
وتجي وتقول ألوانا داكنة
نحن ما يانا برضو ألوانا داكنة
وللا إنت سكنك من رماد النار وداخنة
ماني عنصر من أرض بي خيرا آمنة
وللا إنت عنصر غير بشر جايي من كواكب تانية داكنة
ما كلنا أولاد أويدم سموه آدم
شان صورته خدراء ومراكنة
يا حوا بتك قسموها فتشنا فاطنة
يمكن حجة فاطنة
ونواصل

ود عبد الحليم

بي باقي الكلمتين ديل

نقول ليك عود لينايا...

--
تقدر تعلم لي وليداتا المواطنة
تنادي ديلك المراغنة
كل حزب دا طريقه عاقنا
ما بنقولوله التفضل لي براكنا
حزب أمة وإن كان وش ضلمة برضو ناسنا
والوليد اللي جونا
يقولوا دينّا
ما برضو ناسنا
كل زول سوداني حر في مراسنا
نقعد تحت جنحين حجة فاطنة
لا نلاوز ولا نراطنا
أمة واحدة محمدية للولف ممتدة ساقنا
أي زول مهما تشلخ أو تسلّح أو تملّح في سواكنا
برضو زولنا كاره كارنا
وابتهالاته ابتهالنا
ما بندير أمورنا كدا على عواهنه
درب واضح هو المواطنة
ونتلم تحت جنحين الحجة فاطنة
لا نلومها ولا العصا شلناه في دارنا
هي التجيب لي كل ودارنا
نداديها بي هظارنا
وانتظارنا
ونطيعا في كل الأوامر الواردة دارنا
ماهي درة كايسين لي عمارها وهي عمارنا
بس إنتو يا ناس السبح
شوفوا علاجاً لي وليد صار يجابد في أهلنا
يبقى يمرق برة خالص دون مشورنا
قال بشيل فاتحتنا دي يقراها في بلد المراطنة
قال بسبح بي حمد ناساً ماهمّ ناسنا

حجة فاطنة قالوا تاني بيتهموك
قالوا ثوري وللا قللي لي جلالك
بغنوا في حضرة جلالك
ويقولوا ليك القومة هيلك وحلالك
لكنهم بس رغم ذلك
ديل بقطعوا لي وصالك
برضو أوصالك خصالك
يرحلوبه كل مالك
من دون دي نظرة لي مآلك
ولا حتى نظرة لي مهالك

هم ماعرفوا العليهم لذا بضمدوا لي جراحك قالوا بس كايسين وحالك

مرة تانية ارتحالك

ما كفاهم شالوا طوبك كل عزالك

فاتوا بيه لي دوالك

هل حلّت فاطنة مكان عزّة؟
وأين ذهبت عزّة؟
ولم؟
إن كان الناس قالوا لخليل نفسه
لقد شبعت موتاً
ونسي الناس من أسميتها عزّة
وغدروا بها
وبقروا بطنها
واقتسموا كبدها
اثنان يقفان من هناك ومن هنا
ومن هنا ومن هناك
نعم لم تبق إلاّ فاطنة
فقد ذهبت عزّة معهم
إلى غير رجعة


أسئلة!

@

وبنوها المصلّون
لم تعد كثرتهم تغني من الحق شيئاً
إذ اشتركوا في القسمة الضيزى
وقالوا نكمم الأذان
كما حدث عند بورقيبة
ومن بعده ولكن ألم تكن فاطنة من ستّّات البيت
وبنت بيتها طوبة فطوبة وأصبحت غريبة كالذين قيل لهم طوبى
للغرباء أهي غريبة فعلاً أم هذا أيضاً مما يتقوّل به هؤلاء وأولئك؟
مع شكري لك محمد الكامل عبدالحليم مع تمنياتنا بالتوفيق ومزيد من إطلالاتك الرائعة

حاجّية
منو القال ليك راح نفترق يا سوسنة
يا فاطنة هوي مصيبتي فيك إنك أنا
ما عرفت مين فينا إنت أم أنا أم الجنا؟
ومنو الجنا؟
يا دمعة جات ما من هنا
لا منّك إنت لا منّنا
يا ربي دا حذر الجنا
وللا ياهو ذاته الجنا
وحرام عليك يا الفُتّنا
بي جد افتكرناك الجنا
وافتكرتنا أم الجنا
أها شلت المرق والميدنة
جدّعتهم بعيد هناك أو هنا

ما قال خلاص خليتا ليك الميدنة


ما دايرها تب بي هناك أو بي هنا


خليها معاك هناك بس ما بي هنا


لكن معاك في درباً جديد للسودنة

قلت له افرد جناحك كمان افرد لطولك زيي أنا
وما تعاين بعيد هناك، وعاين هنا
جوة القلوب شوف لحنهن ينسج علينا شغل الضنا
كمان معاك لحني أنا
سنة يا أنا قال ياخي ما جننتنا
ضوّقتنا فُرق الضنا مسكين أنا
بعد تعبي فيك اللي راح هدر جايي تقول إنو أنا

أنا أنا؟!

أنا دا السقيتك كل زمني خمر الغنا

واللا قت لك فارقنا بس هوي يا جنا

والله فعلاً مسكين بالجد طلعت أنا

يا ريتني ما سمعت لي قول الخنا

كنت فاكرك عند كلمتك مش كدي ديمة مصهينا

حجة فاطنة

قالولها قومي شيلي كرعيك من هنا

أصلي ناو أقطع من هنا

أو من هنا أو من هناك لين هنا

وعنك ما ضقت أي هنا

في زول بسيب لي ورثه آجنا؟

هي عازة مش نامت هنا

اشمعنا بس اشمعنا بس واشمعنا أنا

هي عازة ما ولدت لغيرك من دنا



آه يا وطناً كان هنا


ونواصل

نان أنا حقي وينو ووين أنا

بالله دا حكم القضا بالعنعنا

ونصيبي بس دي المسكنة

وإنت اللي تاخد السكنا

والساكنا تفرقني ليه من أمنا متقولِّنا

شن سويت أنا

شن سويت أنا


عشان تدردرنِنا وتوريني درب البشتنة
عشان بس ناس فلان قالوا لي ناس فلانة عني عنا
هو إنت كنت شفتنا وكم من عيال دوبتهم في دا العنا
حرشتهم بي ظنك إنت ما ظننا
أداك منو حق التقسم للضنا
لما قت لي قاضيك ما داير أنا
يمكن تحن أو قولتي تحننا

اللي غدروا بيك غشوك بس بالعنعنة

تكشكر ليهم بالهنا

أنا ما بدعيك إلا هم عاد للجنا

شان المصالح ما تبقى لي هم كان عشت أنا

أو مت أنا

ما يضوقو لي طعم الهنا

كان تورث رضاي مش فرعنة

حتى الشجر قعدت تحكي غصنك إنت، وداك غصننا

حتى اللغات اللي قمت بيها ما لي أنا

منو الحيفهم ليك كلامك مننا

هن قالو ليك نفهمم بالعندنا

والمافهم عنو وللي يبعد عننا

ركب لراسو شان عندنا

إنت بتعاند لروحك ما لي أنا

وبكرة تشوف قولي ليك ما كان هيمنة

بس إنت العقد صابت تقول كل المنى

يا ما باكر تعترف بالعندنا

كل الحنان الكان زمان يبقى المنى

ما أظن تلاقي تاني مار بي هنا

لأنك برضو حتكون كراكب للضنا

ومن العناد كل اللي كان والعندنا

فوق

يرفع مقامك فوق
يا شاعر الون تو العشوق

حبيب نورة

يجبر بخاترك آجنا فطين الما هنا
شفت ككّيف فطومة قالولها إنت تب ما من هنا
ولا عاد جناك هو داك الكان جنا
جنى علي وقال لي ارحل من هنا
حجة فاطنة قايلينها جات مع حجيجاً بي هنا

أشكر لك

مرورك

لكن ما شبعنا

لازم تجي تنثر لينا شوية درر

للحاجة دي

بس عازة ما راحت خلاص من دون إحم أو دندنة
قطّع قليبا فراقا منقو والهنا
حار الفراق يا زولي يا أجمل منى
وردن خلاص ألبل عطاش ما بي وسمنا
جايين من بعيد بالكاكي خاربين كل الدنا
جو بيع وراهم
وداك دوارهم
وبالسكرة طاحت ميدنة

حجة فاطنة
قالت
عزّة باعوها وتوارو
خلف دين طلبوه شارين
لي ودادك

وللمحبة الجارية في دم الغلابة

من ولادك

ياخي اشفقوا
دي زي ما هي بلادهم

ما بلادك
ليه بس كايسين

لي جلادك
وإنت مين
في الدنيا عابك

إلا أعدائك
دوام خيلا عابك

هم ما بستحقوا
ليها ذرة واحدة

من ترابك

قولي ليهم وا خرابي

ووا خرابك

مين اللي لسع

جاري شابك

في خرابك

هوي يا حجّة فاطنة


وعازة ديك
لو في مكانها ديمة راكنة
ما كان بقت قصة سواكنة
والجن دا راكب لي مداخنا
--
طاريك يا بلد
بي كتّاحتك القبلية
ورياح الخماسين اللافحة في عينيّ
ولي غضب المطر لمّان يجيك زندية
يهدم للبيوت ما يخلّي فيها الضيّة
زي شيخ الخلاوي كل شي يقول بالنيّة
هديك ست الحلال تقول آبنية
جيبي لي قوام كوريتي دي اللبنية
قبّال ما السخل يشوّفوني الخيّة
ونكون في مهل من قرصة الفجرية

يا بلدي العزيز

دا الألم اللي فيك أحسن ليّ

من فد كيّة

لي نفساً تعاني من الفراق يا خيّة

عيشة الذل هناك ما عدّمتني السيّة

بقيت مكسور خواطر من العلي والبيّ

يا حجّة

قلبك على جناك

وقلب جناك

على حجر

حجر

حجر!

ليه بس كدا

ليه يا فقر؟

كنت والدة
زي أي واحدة
وتكوني شاهدة
على الفرح
الببقى طامح
سرعة للزمن الجميل
سمع وليدك لي كلامك بقيتي خالدة
بتصنعي الفرح الجميل
ما إنت والدة تقوقي
زي قمري الأصيل
وتكوني وادعة
زي ما كنت واعدة
تزرعي الفرح الجميل

وتفتّشي لي ضل النخيل
عن حبّة شليل
وشليل وين راح
وآه يا حليل
هل ممكن يعود زمنه الجميل
أم مستحيل
يا بنية هوي ما فيش أبد داك مستحيل
وكتين هناك طبعاً نبيل
واللحظة كيفن فيك تخيل
أنا بس علي أعبي وأشيل
لحظات من الفرح الجميل
ما بهمني روحة شليل
ولا سكة السفر الطويل

لا سلّة الروح من قبيل
بس المهم إني لقيتك ودنياي ليل
عطّرت أشواق النخيل
سقيتيني ليه بي طرفاً كحيل
دعوة فرح نرتاد دروب زمناً جميل
بالعاطفة والحب النبيل
نلقاه دا الولد الشليل
ونعيش أمل فتناه قبيل

يا حجّة نحن من ناساً قبيل
من زمن زمناً جميل
كنا بنهيّص في الظليل
وفي الضلام لي ناس شليل
وبنعزّو وطننا دا بالحيل وحيل
لكن فلت منّا الدليل
وبدل يدلّنا بقينا بنفتّش دليل
يا ربّي وين راح الدليل
هم شالوا عزّة قلنا ماشي
كمان جارين ورا بتّي النخيل
ياخي دا جد مستحيل
إنت آآ بتّي النخيل
ماشة لي وين كمان بالليل
ياخي مستحيل
تلقي الشليل
وللاّ يلقاك ديل
يا حليلا ديك الأمّة ديل
جارين ورا ضنباً طويل
ما عيب كدا والدنيا ليل

الله عليك إت يا خليل
وين ما تكون والدنيا ليل
ويرحمك في الزمن الجميل

هي صحي البلد بالجد ماكنة
واسعة جت أكيد تلقاها دافنة
مش زي بلاد بالعافية شافنا
ضيقا أضيق لي سواكنا
إلا عنصر
ورفع خنصر
وجرّ بنصر
قولي إني أنا بس اللي حر
وللا يجبر
للمراغنة
أو ديك أشراف المهادنة
بس روحو غادي عازنة
مي جاية كمان فيها ريحة عافنة
استغلوها الوليدات اللي ماهي آمنة
ودّرونا بالمكاجنة
وتاني ناويين للمباينة
حالفين يزيلوا حجة فاطنة

من أين جاء هؤلاء
إلى الشمال
حيث النيل والهواء؟

سؤال جلب لي الإعياء