حــل نهائي لأزمة المواصلات

افضل حل و عن تجربه
موش الساعتين ولا التلاته البتكون منتظر فيها دي!!
بدل تقعد تسب و تتلفظ و تحرق اعصابك
نزل اغاني * في تلفونك و ركب الهيد فوون الفوق دا
و متع نفسك و اشتري اعصابك







---
* اووووعا من الغناء الحزايني, الوضع ما مستحمل
لكن كتر من اولاد الصادق و طه سليمان و الربع و انت نازل

عايز تصل مكان شغلك بدري!!
اطلع بعد صلاة الصبح مباشرة
لو شالتك نومه و طلعته 6:40 !!
احتمال ضعيف تلقي مواصلات طوالي
لكن للضمان كدا ما تنسي ال هيد فوون و انت طالع

موقف المواصلات الجديد بالخرطوم الواقع في الجهه الغربيه من كبري الحريه
من ابغض الاماكن للناس
في الصباح
يعج بالركاب و الفراشه و لافتات مرشحي رمز الشجره
حتي يخيل اليك ان الشجره تحتها فكي


اخر اليوم
ركاب و لافتات بس!!
سألت جارنا تابع لاحد افرع الشجره
انت ليه اخر اليوم ما بكون في فراشه في حين انو اللافتات قاااعده
رد علي .. فأما الزبد فيذهب جفاء واما ما ينفع الناس فيمكث في الارض
قلت ليه .. صدق الله العظيم, لكن للضمان كدا: زبد انت و حسكنيت اي بركه الجيت بركه الجيت

طيب
وهو كذلك

Quote: طيب وهو كذلك

يا حليلك
شكلك سبيت لمن قلته بس

طيب بالنسبة للناس الشايلين تلفونات روبيكا كيف ؟
ثم بالنسبة للناس الماعندها تلفونات من اساسو؟ نظامهم شنو الناس ديل ؟



ـ
بجيك بعدين بحكي ليك حكاية ميمي صاحبي مع المواصلات
وربك يعيني اني ما انسي امر البوست ده




الليلة ما ملاحظ ياحسبو انو الشتاء جادي ؟

موقف الخرطوم(ميدان جاكسون)
كل يوم بالطريقه دي



طبعا المشهد دا متكرر كل يوم, بتكون واقف من 4 عصُر لو محظوظ بتركب الساعه 6 مساء
و الله صحي, علي قول الامين البشاري نقلا عن شيخ الفتيحاب

-------




ال هيد فوون يا شباااب

Quote: الخرطوم: هويدا المكي: أخطرت السفارة البريطانية بالخرطوم موظفيها وأسرهم بعدم الشرب من مياه الحنفيات وعدم استخدامها في نظافة الاسنان، بعد أن اثبت فحص معملي أجري في بريطانيا، تلوث المياه بالبكتريا «الفيلقية».

يبدو ان البكتريا الفيلقية (طارت) لااخونا دا فى راسو..
فبالله ماتركزوا ..وماتهتموا..

بكتريا بتاع شنو يا محمد
حسبو ده انسان مصفح





ــــــ
بالنسبة للسؤالين الفوق
حليم قال ياحسبو : بالنسبة للشايلين روبيكا وبالنسبة للما شايلين
عليهم التوجه لأقرب كافتيريا

Quote: بالنسبة للسؤالين الفوق حليم قال ياحسبو : بالنسبة للشايلين روبيكا وبالنسبة للما شايلين عليهم التوجه لأقرب كافتيريا

عليك الله ادي حليم دا صوتين
بعد يتوجه لاقرب كافتيريا البعافر في الحافلات منو؟
انت قايل غنية ( عباسيه مورده الشال نعلاتي منو) دي قالوها في وين ؟

يا محمد

Quote: يبدو ان البكتريا الفيلقية (طارت) لااخونا دا فى راسو.. فبالله ماتركزوا ..وماتهتموا..

يا عمك بكترياء فيلقيه و تصلب مواصلاتي كمان

تصدق يا صاحب أول من قريت العنوان قلت حسبو صاحبي إشترى ليهو عربية..
___
قال هيدفون قال!
الموية ريحتها كيف؟

حسبو الشتت قصبو

ياخي سبحوا ... كل و احد فيكم يشتري ليهو سبحة طويلة و قضوا الوقت في ذكر الله ........ بلاش غنا و كلام فارغ
انت قايل الانقاذ دي ما قاصدة الحكاية دي ؟؟؟

دا كلو عشان توفر ليكم المناخ الملائم لتجميع الحسنات

ناصر يا سيد الرصه

Quote: ياخي سبحوا ... كل و احد فيكم يشتري ليهو سبحة طويلة و قضوا الوقت في ذكر الله ........ بلاش غنا و كلام فارغ انت قايل الانقاذ دي ما قاصدة الحكاية دي ؟؟؟ دا كلو عشان توفر ليكم المناخ الملائم لتجميع الحسنات

افووو دا كلامك!!
وفرت لينا بكتيريا عبر المواسير عشان الناس تتغذي
و وفرت لينا لافتات هبطرش في الموقف عشان لمن تكون واقف و المواصلات ماف تتأمل في لافتة الشجره و تطرا الله
يا زول وفرت لينا جنس توفير


--
لكن سبحتك حاجه تمام

ياسر تيفور
عربية بتاع الساعه كم! اسياد العربات الخاصه غلبهم عديييل, الشارع بتحرك بالقطاره
يعني لو عندك عربيه خاصه إلا تمرق في الاوقات الميته عشان تصل سريع
بس ما تسألني من الاوقات الميته دي متين



و عبرك بنوجه رساله لاصحاب العربات الخاصه
عليكم بال MP3

أنا إفتكر إنو الناس تتعشي وترقد تنوم وتتابع اخبار السودان من شاشة الجزيرة
ياخ السودانيين ديل عجيبين الدنيا مقلوبة وتلفزيون السودان ولا شغال بالموضوع الشغلة
وحسبو بتكلم في المواصلات وحليم بفتش في رصيد عشان يناضم حبيبتو وياسر طيفور قاعد في
كندا وكندا قاعدة في كندا ونحنا قاعدين في الكلاكلة ومورتا مشي يجيب فول وطعمية
وأميرة قاعدة في الدوحة ومحمد عبدالرحمن العبرة خانقاهو ومعاوية عبيد قرب يسحلب
والدنيا جايطة جوطة شديدة ومايكل سافر الليلة والعيش بعدما بقوه خمسة عيشات رجعوه
الليلة لي تلاته عيشات وامين في مشاهداتو نظام خواجة جانا ومرق بانطباعات وحمور في
القاهرة وروجينا اتصلنا بيها الليلة والشتاء جانا تاني اشد وأثقل وغايتو
حالة اخير منها قدو قدو

أنا والله ماعارف
هل الغلط فينا نحنا كشعب ولا الغلط فينا كشعب الظروف خلتو الحاجة الاسمها الشعب السوداني ؟
الناس ديل حيرتاحو في عضمهم متين ياربنا ؟ حياكلو ويشربو ويمرقو ويجو ويعيشوا بي سلام متين ؟
حينومو مرتاحين وهادئ البال متين ؟
هو الفاضل قدر ايش من العمر عشان نواصل في امنياتنا وأحلامنا ؟ ياخ مامعقول زيتنا يكون طالع من الاستقلال لي هسي ؟ عملنا ليكم كشعب شنو بالضبط ياناس الحكومة وياناس المعارضة (الشغالة هزاز هسي؟)
ومتين من حقنا كمواطنين ساكت نحدد مصيرنا ونقول للغلط (استوب) لمتين حتحرسونا بالدبابات والطائرات
(وكمان جابت ليها طائرات بدون طيار) نحنا زهجنا من روحنا ومن حياتنا قرفنا والله حتي من أحلامنا الابت تتحقق ـ كرهنا ياسادتنا الاجلاء حاجة اسمها السودان ـ السودان الحلمنا بيهو ما بيشبه الحاصل ده السودان ده كان من شأنه يسعنا كلنا جنوبيين علي شماليين علي غرابة علي ناس الشرق ـ السودان ده كبير وناسو أكبر وناسو أجمل من الكوارث الحاصلة دي ؟ السودان ده بشيلنا كلنا انصار سنة علي انصار (سِنة) شيوعيين علي اسلاميين بعثيين علي اتحاديين حزب امة علي ناصريين بس كيف الدبارة .
ياخ كرهتونا بتاع الدكان وبتاع الدكان وبتاع الرغيف وبتوعين البتوع .
ياخ هو العمر ده قدر ايش عشان تعملو فينا البتعملوهو ده ؟
نحنا زهجنا وقرفنا وفوضنا أمرنا لله
منكم لله كلكم
طلعتو زيتنا

يا خضر
قبل شويه كان معاي جارنا صاحب المرادمات, دق الباب و طلب مني امشي معاه نجيب طعميه من ليلي في الزلط
اكتشفت بعد مسافه انو بخرتو نفاثه, قلته لي دا شنو يا عمك من متين الكلام دا
قال لي يا حسبو انا اعمل شنو !!
دا الحل الوحيد عشان انسي
قال اولاده الاسبوع الفات جاهم التهاب في الكلي, و بعد الادويه و العلاجات , مشي اشتري Dispenser بالشي الفلاني و كل يوم و يوم مويه صحه كبيره
قال لي يا حسبو نحن النيل علي بعد امتار مننا و نشرب في الخرا؟
ما عرفته اقول ليه شنو, المهم اشتريت ليهو الطعميه
و فارقتو و هو بسب لليوم ال ...

Quote: أنا والله ماعارف هل الغلط فينا نحنا كشعب ولا الغلط فينا كشعب الظروف خلتو الحاجة الاسمها الشعب السوداني ؟ الناس ديل حيرتاحو في عضمهم متين ياربنا ؟ حياكلو ويشربو ويمرقو ويجو ويعيشوا بي سلام متين ؟ حينومو مرتاحين وهادئ البال متين ؟ هو الفاضل قدر ايش من العمر عشان نواصل في امنياتنا وأحلامنا ؟ ياخ مامعقول زيتنا يكون طالع من الاستقلال لي هسي ؟ عملنا ليكم كشعب شنو بالضبط ياناس الحكومة وياناس المعارضة (الشغالة هزاز هسي؟) ومتين من حقنا كمواطنين ساكت نحدد مصيرنا ونقول للغلط (استوب) لمتين حتحرسونا بالدبابات والطائرات (وكمان جابت ليها طائرات بدون طيار) نحنا زهجنا من روحنا ومن حياتنا قرفنا والله حتي من أحلامنا الابت تتحقق ـ كرهنا ياسادتنا الاجلاء حاجة اسمها السودان ـ السودان الحلمنا بيهو ما بيشبه الحاصل ده السودان ده كان من شأنه يسعنا كلنا جنوبيين علي شماليين علي غرابة علي ناس الشرق ـ السودان ده كبير وناسو أكبر وناسو أجمل من الكوارث الحاصلة دي ؟ السودان ده بشيلنا كلنا انصار سنة علي انصار (سِنة) شيوعيين علي اسلاميين بعثيين علي اتحاديين حزب امة علي ناصريين بس كيف الدبارة . ياخ كرهتونا بتاع الدكان وبتاع الدكان وبتاع الرغيف وبتوعين البتوع . ياخ هو العمر ده قدر ايش عشان تعملو فينا البتعملوهو ده ؟ نحنا زهجنا وقرفنا وفوضنا أمرنا لله منكم لله كلكم طلعتو زيتنا

الله في يا خضر

ياحسبو الاسهل الناس ترحل وتسكن فى الشغل او تحت الكبرى الجمب الميدان اياهو .

.قال موصلات قال ؟

Quote: ياحسبو الاسهل الناس ترحل وتسكن فى الشغل او تحت الكبرى الجمب الميدان اياهو .

قيد الدراسة يا أميره


--
الغريبه زادو تعريفة المواصلات الليله
كدي وفرو لينا المواصلات اول بعد داك الزيادة ما مشكلة
اي حاجه ماشة زايده بعكس المواطن الماشي يرخص و يرخص و يرخص

لكن لقيتكم نكارين للنعمة كيف؟
دة بدل تحمدوا الله على وجود الانقاذ ..
ده جزاء المشروع الحضاري ؟؟
نكارين نعمة كيف!

_______
الشجرة الفي الموقف دي اتخيلا شجرة وارفة ظلالها واتكل تحت اقرب فرع...
مش بركة الخلوا ليك مخيلتك شغالة؟

Quote: قبل شويه كان معاي جارنا صاحب المرادمات, دق الباب و طلب مني امشي معاه نجيب طعميه من ليلي في الزلط اكتشفت بعد مسافه انو بخرتو نفاثه, قلته لي دا شنو يا عمك من متين الكلام دا قال لي يا حسبو انا اعمل شنو !! دا الحل الوحيد عشان انسي قال اولاده الاسبوع الفات جاهم التهاب في الكلي, و بعد الادويه و العلاجات , مشي اشتري Dispenser بالشي الفلاني و كل يوم و يوم مويه صحه كبيره قال لي يا حسبو نحن النيل علي بعد امتار مننا و نشرب في الخرا؟ ما عرفته اقول ليه شنو, المهم اشتريت ليهو الطعميه

لا حول و لا قوة إلا بالله. مع إني ما فهمت بخرته نفاثة دي شنو لكن بتخيل شكل الزول لما أولاده قدامه بمرضوا من الموية و يدفع الوراه و قدامه عشان يعالجهم و بعد داك عشان يسقيهم موية نضيفة في بلد لم يحدث أن استهلكت نصيبها من مياه تعد الأنقى في العالم... ياخي ناس الإنقاذ ديل يعملوا ليهم شنو عشان يقتنعوا إنه حتى مطلب الناس السابق بإنهم يرجعونا لمحل أنقذونا منه دا خلاص نسيناه... بس يفكوا البلد دي عكس الهوا و أصلا ما ممكن الأوضاع تكون أسوأ من كدا.
تحياتي يا حسبو و ربنا يعينا و يعينكم.

Quote: لا حول و لا قوة إلا بالله. مع إني ما فهمت بخرته نفاثة دي شنو لكن بتخيل شكل الزول لما أولاده قدامه بمرضوا من الموية و يدفع الوراه و قدامه عشان يعالجهم و بعد داك عشان يسقيهم موية نضيفة في بلد لم يحدث أن استهلكت نصيبها من مياه تعد الأنقى في العالم... ياخي ناس الإنقاذ ديل يعملوا ليهم شنو عشان يقتنعوا إنه حتى مطلب الناس السابق بإنهم يرجعونا لمحل أنقذونا منه دا خلاص نسيناه... بس يفكوا البلد دي عكس الهوا و أصلا ما ممكن الأوضاع تكون أسوأ من كدا. تحياتي يا حسبو و ربنا يعينا و يعينكم.

والله هذا ما حصل يا العوض
الراجل يا العوض رجع للعرقي القال عنو معفن و زايدنو إسبريت
عشان ينسي الوضع المهين دا
يعني التقول اصلا الكلي دي مستحمله موية الصرف الصحي عشان يزيده بالإسبريت كمان

الله في

يا سارة

Quote: الشجرة الفي الموقف دي اتخيلا شجرة وارفة ظلالها واتكل تحت اقرب فرع...

قدُر ما قلبنا خيالنا يمين في شمال ابت تنستر معانا
باقي ليك دي ما ياها (طلعها رؤوس الشياطين) ؟