Post: #1
Title: الجنيه ولا الدولار ياتو فيهم العندو سكرى!
Author: jini
Date: 01-04-2011, 02:27 PM
Parent: #0
تذبذب سعر الجنيه وانخقاضه غير المبرر!
الجنيه دا عندو سكرى!
يطلع وبنزل!
طيب ليه الحكومة ما ألغت نسبة أل 16% حافز!
اكيد الحكومة دخلت السوق محاولة لامتصاص صدمة الانفصال والتى ستطيح بالجنيه بحيث يبدو الارتفاع معقول ومبلوع ومهضوم!
استعدوا لانهيار اقتصادى يسير بذكره الركبان!
جنى
|
Post: #2
Title: Re: الجنيه ولا الدولار ياتو فيهم العندو سكرى!
Author: حذيفه ابراهيم الكباشي
Date: 01-04-2011, 02:45 PM
Parent: #1
سلامات يا جني
ارجو ان تكون بخير
شوف يا حبوب .. زي ما انتا عارف انو في سعرين للدولار
سعر بنك السودان: وهو السعر الحقيقي
سعر السوق الموازي: السعر المُزيف
طيب :
لي سعر بنك السودان هو السعر الحقيقي وسعر السوق الموازي هو السعر غير الحقيقي؟؟
اكبر مُشغل في السودان هو الحكومة لأنو الحكومة لوحدها عندها حوالي 90% من الناتج القومي
تمام؟
طيب بعد الحكومة بيجي القطاع الخاص
والقطاع الخاص مواردو من العملات الصعبة ضيقة جدا جدا
اذا افترضنا انو كل السودان فيهو 100 مليون دولار هذا يعني ان الحكومة تمتلك في ارصدتها
90 مليون دولار والقطاع الخاص يمتلك 10 مليون دولار
تمام كدا؟
طيب فلوس الحكومة قاعدة في بنك السودان (90مليون)
وفلوس القطاع الخاص (10مليون)
طيب نفرض انو القطاع الخاص بيتعامل بي جزو من مخزونو من العملة الاجنبية نقدا(كاش)
وخاتي الجزو التاني في البنك
حسب لوائح بنك السودان يمع منعا باتا ان يتم صرف اي مبالغ من الحسابات بالعملة الاجنبية نقدا بالعملة الاجنبية بمعنى اذا كنتا بتمتلك حساب في بنك التضامن بي قيمة مليون دولار لن تستطيع ان تصرف اكثر من 6الف دولار كائنا من كنت
المتبقي لينا في السوق الموازي كم ؟ هو 20% الي 30% من حجم العملات التي يمتلكها القطاع الخاص
الخلاصة:
السوق الموازي سوق مُزيف قائم على المضاربات ..
تجار العملة في السوق الموازي عبارة عن تجار عملة يبيعو لتجار عملة ومن ثم يقوم تاجر العملة بالبيع مرة اخرى الي تاجر العملة اخر
السوق الموازي يعتمد في ارتفاع وانخفاض اسعاره على مخاوف الجمهور
....
|
|