الدكتور جيكل و المستر هايد ... و من شايعه....

طبعا الدكتور جيكل و المستر هايد هو عنوان لرواية
قرأتها في بداية التسعينات من القرن الماضي ....
للكاتب روبرت لويس ستيفسون...

تروي كيف ان للشخص الواحد نوازع خير و شر في داخله ...

و كيف ان احد هذه النوازع قد يطغي على الاخري .....
فتظهر صفة ما على شخص ما و قد يكون هو نفسه لدية صفات اخري مخفية

اما عندنا هنا في البورد فالحال يختلف تماما ........

التعديل لتعديل بعض الاخطاء في الطباعة

فالدكتور جيكل و المستر هايد
هما اسمان لشخص واحد .... هو الدكتور جيكل

اما صديقه المستر هايد .....
فهو الشخصية التي يتحول اليها الدكتور جيكل بمحض إرادته
بعد ان يتناول عقارا اكتشفه هو بنفسه و اراد ان يكون هو نفسه من يجربه
فتحول لمتطوع ....لاجراء التجربة .....

فيتحول الدكتور الرصين الرزين الطيب ذو الاخلاق الفاضلة و الرفيعة

الى شخص اخر مختلف تماما في الوقاحة و السفالة و الغلظة و الرعونة و البلاده

و بالتالى يسمح لنفسه ان يتصرف تصرفات لن يسمح لنفسه ليتصرفها ان ظل هو
في جلباب ذلك الطبيب العظيم و الباحث الكبير .... و الرجل المحترم ....

اها بعض الاخوان هنا
عجبتهم تجارب الدكتور جيكل ......

فكل واحد اختار ليه مستر هايد يكون شخصيته التانية ...

لكن الطبع يغلب التطبع ......

يجي المستر هايد شايل نفس طباع الدكتور جيكل او العكس

يجي كله شر و بذاءة فاحيانا تلقي الواحد باسمه القديم .... افضل بمراحل
و يجيك بالاسم الجديد .......... و يكون اسواء بمراحل

طبعا انا اقصد هنا الناس البجوا باسمين دييل

رغم ان الاسلوب و احد و التعابير واحدة و القاموس اللفظي ياهو ذاته ...
ما دايرين الناس تعرفهم ... طيب دي تجي كيف ؟؟؟؟؟؟؟؟؟؟

طيب الحكاية بتكون ما دايرة ليها ذكاء ..... و هكر عشان يقفشوه

غايتو الله يدينا خيرهم ساي ...........

طبعا الواحد بكون معروف هنا في البورض ده
باسلوب معين في الكتابة ....
و اتجاه شوته برضوا بكون معروف ...

اها الواحد لما يكون داير يغير و احدة من ديل
بقوم ينفذ الخطة ( ب ) و هي انو يسجل
في البورض بإسم تاني ......

لكن لما يجي بالاسم التاني ده و يكرر نفس الاسم الاول ...

كدي الفايدة هنا وين من الحساب الجديد بالاسم الجديد ؟