Post: #1 Title: (الداير يطلع الشارع يجرب) Author: وليد الطيب قسم السيد Date: 01-03-2011, 05:52 PM Parent: #0
الخرطوم: هادية صباح الخير
أكّدت شرطة ولاية الخرطوم، كامل جاهزيتها لتأمين الإستفتاء، حتى بعد إعلان النتيجة في التاسع من يناير الجاري، فيما حذّرت إدارة الشرطة بتطبيق القانون على الذين يلوِّحون بالخروج إلى الشارع تحت أيِّ مُسمى. وأكّد المهندس إبراهيم محمود حامد وزير الداخلية، لدى مخاطبته الجمع الشرطي المشارك في تأمين الإستفتاء بميدان الفروسية في الخرطوم أمس، جاهزية الشرطة لتأمين الإستفتاء، وتأمين ممتلكات المواطنين وحفظ أمنهم وسلامتهم. وطالب الوزير، الشرطة بحماية الجنوبيين الموجودين بالعاصمة والولايات الأخرى، وبالمقابل حماية الجنوب للشماليين الموجودين هناك، وأكد أن رئاسة الشرطة تعمل على تغيير لائحة العمل التي تحدد البدلات لرجال الشرطة، وقال إن الشرطة ستحارب كل مظاهر الفساد والظواهر السالبة. وأكد حامد أنه إذا حدث الانفصال فهو لا يعني نهاية الدنيا، وطالب القيادات الجنوبية بتفويت الفرصة على الأعداء والمتآمرين. من جانبه، أعلن د. عبد الرحمن الخضر والي الولاية، عن زيادة مواقع بسط الأمن الشامل لتصبح (600) موقع بدلاً عن (400)، ووعد بزيادتها هذا العام الى (1000) موقع، وأوضح أنه تمّت مضاعفة خطوط الإتصال بشرطة النجدة لتصل (400) خط بدلاً عن (100)، وأكد أن شرطة الولاية تعمل على تأمين المواطنين وحماية الغذاء والكساء، وقال إنها مسؤولية الحكومة لتكون خادمة للمواطن، وأكد الخضر الجاهزية لحفظ أموال وممتلكات المواطنين، وأضاف: (الحديد راقد والرجال جاهزون). وأكد الخضر السعي للوحدة حتى بعد الانفصال، وقال: علينا تأمين (72) مركزاً للتصويت، وأولوياتنا هي تأمين الجنوبيين في الشمال، كما عليهم تأمين الشماليين في الجنوب، وأوضح أن الولاية وضعت في خطتها لهذا العام (128) مشروعاً تنموياً بينها مشاريع للشرطة.
Post: #2 Title: Re: (الداير يطلع الشارع يجرب) Author: saif massad ali Date: 01-03-2011, 06:01 PM Parent: #1
الهريط والظريط فوق ام كم
Post: #3 Title: Re: (الداير يطلع الشارع يجرب) Author: وليد الطيب قسم السيد Date: 01-03-2011, 06:05 PM Parent: #2
جرب يا سيدى واترك الهريط والظريط لنا
Post: #14 Title: Re: (الداير يطلع الشارع يجرب) Author: بدر الدين اسحاق احمد Date: 01-03-2011, 06:51 PM Parent: #3
Quote: عن زيادة مواقع بسط الأمن الشامل لتصبح (600) موقع بدلاً عن (400)، ووعد بزيادتها هذا العام الى (1000) موقع، وأوضح أنه تمّت مضاعفة خطوط الإتصال بشرطة النجدة لتصل (400) خط بدلاً عن (100)،
جاهزيـة 100% ....
وليد سلام
Post: #4 Title: Re: (الداير يطلع الشارع يجرب) Author: Elbagir Osman Date: 01-03-2011, 06:08 PM Parent: #1
زمان كان في واحد حاكم السودان
إسمه جعفر نميري
القائد الملهم الملهم
لثورة مايو الظافرة والمنتصرة أبدا بإذن الله
وكانت تخدمه نفس الشرطة
والجيش
وقال :"مافي زول بيقدر يشيلني"
وعندما نزلنا الشارع
يوم 26 مارس 1985
ملأنا الشوارع
نهارا وليلا
أحد عشر يوما
حتى صباح السبت 6 أبريل 1985
وخلال أيام تظاهرنا
سير أركان النظام
موكبا لردعنا
قال فيه د. أبو ساق
أنهم "سيطاردوننا كالأرانب
وسيسحقوننا كالعقارب"
فأنظر من الذي أضحى مطاردا
...
وليد إبني
نحن الشعب
نحن مصدر كل السلطات
نحن أقوى قوة في البلاد
نحن أقوى من كل الأسلحة وكل أدوات القمع
إذا أجمعنا على موقف
وأرانا مقبلون على ذلك
أما الشرطة
فهم أبناؤنا
ولا يحلم طاغية بإنهم سوف يبيدون شعبهم
من أجل أن يظل مكنكشا في السلطة
الباقر موسى
Post: #5 Title: Re: (الداير يطلع الشارع يجرب) Author: Alshafea Ibrahim Date: 01-03-2011, 06:13 PM Parent: #4
شكرا اخوي الباقر تحياتنا لصاحب البوست وضيوفه وأجزم أن الشرطة التي زاد عددها وضمت ولمت كل من هب ودب ستكون شريحة اساسية وهامة في الإطاحة بالطغاة الفاسدين المفسدين - الشفيع
Post: #8 Title: Re: (الداير يطلع الشارع يجرب) Author: عثمان نواي Date: 01-03-2011, 06:22 PM Parent: #6
ان لم تكن تملك زاكرة فانت معزور ولكن الشرطة تملك الزاكرة الجيدة تهريشات من فوة الجبن ولكنها سوف تخرس كما فعلتها سابقاً نثق في الشعب اكثر من ثقتنا في هذه الشرطة ولا اي قوة في هذا الوطن الممزق يا اخي سلام عثمان نواي
Post: #7 Title: Re: (الداير يطلع الشارع يجرب) Author: وليد الطيب قسم السيد Date: 01-03-2011, 06:17 PM Parent: #4
Quote: وليد إبني
نحن الشعب
لا يا بابا الشعب انتو بعاد منو كل البعد 21 سنة ما خرجتو ليه؟؟؟؟ ثم قدمت للشعب ده شنو حينما اتتكم السلطه بطبق عسكرى؟؟؟؟اترك الامر مستور يا سيدى العزيز ولكم ان تجربو هذه المرة..... دمت بخير طالما انك منزوى فى اقصى اركان الدنيا ولك ان تصرح...هو بقروش؟؟
Post: #9 Title: Re: (الداير يطلع الشارع يجرب) Author: وليد الطيب قسم السيد Date: 01-03-2011, 06:27 PM Parent: #7
Quote: اذا الشعب يوما اراد الحياة فلابد ان يستجيب الكجر
الشباب نسو انو الكجر والشعب اصبحو كتلة واحده
Post: #10 Title: Re: (الداير يطلع الشارع يجرب) Author: الفاضل يسن عثمان Date: 01-03-2011, 06:30 PM Parent: #7
وليد المسكين،الشارع كمان صار من ممتلكات الاسلامويين شكلك ماتخلقت للفهم بل ............
ياوليد الريس قبل كم سنة قال زي كلامك كده والناس طلعت من الغرب والشرق والشمال والجنوب لامن قال يااتفاقيات ارحميني ..ثم اسلوب الدايرنا يطلع لينا والداير يجرب مع احترامي ليك ده كلام بلطجية وليس حكام اسلاميين ...الناس من حقها تعبر عن رأيها وبالطرق السلمية ... ياوليد ياخي انتو مادام جابتكم اصوات الشعب - كما تقولون - مالكم خايفين من الشعب الجابكم ؟!! ماتخافوا الناس ديل بحبوكم واكيد لو طلعوا عايزين يكرموكم ...
تحياتي واحترامي ياعزيز ..
Post: #11 Title: Re: (الداير يطلع الشارع يجرب) Author: عبد العظيم احمد Date: 01-03-2011, 06:36 PM Parent: #4
Quote: زمان كان في واحد حاكم السودان
إسمه جعفر نميري
القائد الملهم الملهم
لثورة مايو الظافرة والمنتصرة أبدا بإذن الله
وكانت تخدمه نفس الشرطة
والجيش
وقال :"مافي زول بيقدر يشيلني"
وعندما نزلنا الشارع
يوم 26 مارس 1985
ملأنا الشوارع
نهارا وليلا
أحد عشر يوما
حتى صباح السبت 6 أبريل 1985
وخلال أيام تظاهرنا
سير أركان النظام
موكبا لردعنا
قال فيه د. أبو ساق
أنهم "سيطاردوننا كالأرانب
وسيسحقوننا كالعقارب"
فأنظر من الذي أضحى مطاردا
...
وليد إبني
نحن الشعب
نحن مصدر كل السلطات
نحن أقوى قوة في البلاد
نحن أقوى من كل الأسلحة وكل أدوات القمع
إذا أجمعنا على موقف
وأرانا مقبلون على ذلك
أما الشرطة
فهم أبناؤنا
ولا يحلم طاغية بإنهم سوف يبيدون شعبهم
من أجل أن يظل مكنكشا في السلطة
الباقر موسى
سلام الباقر
ولم يمر عام على الانتفاضة حنى خرجت جماهير الشعب تهتف اب عاج ولا النعاج ( كانت الجماهير تقصد ...)
Post: #12 Title: Re: (الداير يطلع الشارع يجرب) Author: رانيه محمد الشيخ Date: 01-03-2011, 06:38 PM Parent: #11
Post: #17 Title: Re: (الداير يطلع الشارع يجرب) Author: عوض محمد احمد Date: 01-03-2011, 08:19 PM
يا ناس كلامكم دا ما جايب همو الناس ديل بيفهمو لغة واحدة لغة النيران و الرصاص و المدافع و الجثث و الدماء حينها ينزوون فى الجحور كما فعلوا يوم دخل خليل و صحبه ام درمان
Post: #18 Title: Re: (الداير يطلع الشارع يجرب) Author: Elbagir Osman Date: 01-03-2011, 08:28 PM Parent: #15
الشرطة أولادنا
وجربناهم
السنة الفاتت
متذكر .. مظاهرات 7 ديسمبر 2009
الشباب في الشرطة
كانوا بيتفاهمو مع الشباب في المظاهرات
ويوروهم يتخارجوا من ناس الأمن كيف
كما فعل أسلافهم معنا في أبريل
وقفتهم التي خلدها محجوب شريف
حين قال
"الضبط والربط انتمى
للشعب شعب الملحمة"
وحين قال
"نعم بنادق لا ترتد
لصدر الشعب
الغدر دخيل
مارس ..حارس
ليس يخون
الألف اللام السين الواو الألف النون
السودان الوطن الواحد
ما قد كان وما سيكون"
الباقر
Post: #19 Title: Re: (الداير يطلع الشارع يجرب) Author: مرتضي عبد الجليل Date: 01-03-2011, 08:42 PM Parent: #18
Post: #29 Title: Re: (الداير يطلع الشارع يجرب) Author: الفاضل يسن عثمان Date: 01-03-2011, 11:41 PM Parent: #28
وبلع المقتبس بوستيهو كالعادة. بعدما تطور وصار يشير للمصدر.
Post: #30 Title: Re: (الداير يطلع الشارع يجرب) Author: elsawi Date: 01-04-2011, 02:01 AM Parent: #29
الأخ وليد سلامات (الداير يطلع الشارع يجرب) للأسف عنوان بوستك مستفز جداً لكل سوداني شريف و ينم عن جهلك بالشعب السوداني و بالإنسان السوداني يا وليد السودانيين ديل ما بخافوا ولا برضوا الحقارة تصميم رباني كده نسوي شنو في خلقة الله و قصة الإرهاب و التخويف دي ما بتقسم معاهم و اظنك عارف كده كويس يعني انت هسه قايل بالسطرين الكتبتهم هنا خلاص خوفت الشعب السوداني؟
Post: #31 Title: Re: (الداير يطلع الشارع يجرب) Author: Deng Date: 01-04-2011, 07:56 AM Parent: #30
الله الله.
كاتب البوست ده مش زولنا حرامي النت ولا ده وليد تاني !!
صحي الاختشوا ماتوا.
Post: #32 Title: Re: (الداير يطلع الشارع يجرب) Author: مرتضي عبد الجليل Date: 01-04-2011, 08:05 AM Parent: #31
Quote: الله الله.
كاتب البوست ده مش زولنا حرامي النت ولا ده وليد تاني !!
صحي الاختشوا ماتوا.
ياهو زاتو يا دينق,بتاع المخبخ الاوتوماتيكي...علي قولك
الإختشوا ماتوا. تحياتي يا دينق.
Post: #33 Title: Re: (الداير يطلع الشارع يجرب) Author: shammashi Date: 01-04-2011, 08:09 AM Parent: #31
ولي الأديب المرهف
تتذكر أبو ساق لمن قال سنضربهم ضرب العقارب؟ كلامو داك لسحوا بعد اسبوع.
الناس لمن تتنظم وتطلع إنت وشرطتك وأمنك ما حتقدروا تقيفوا قدامن. وخاصة الجبناء الإنتهازيين الزيك ديل. بعدين الشرطة دي إنت لو أمين طوالي تمشي تسلم نفسك ليهم قبل يستلموك ناس دينق قائد عام شرطة الاسافير.
الأيام دي شايف بوستاتك ومداخلاتك كترت وأنا مقدر الظرف النفسي الإنت فيهو بعد القبض عليك بالجرم المشهود. يعني زي بتحاول تقول للناس الموضوع دا ما هاميني وكدا. والله هاميك وحارق فشافيشك جوة الجوة لمن زغرد فيها صوت الناي ذاتو. داير تخم الناس وتعمل فيها الواد كدا بتاع كتابات رقيقة وكدا. حركاتك دي تعملا لي زول ماعندو كي بورد يا منقة.
Quote: والداير يتلب أنصاص الليالي في قوقل يعمل شنو؟
وليد500 , من سرقات مجهودات الآخرين عبر قوقل الى تحدى الشعب السودانى البطل عبر سودانيز أون لاين.
فى إنتظار المزيد مما فى المخيخ....
Post: #35 Title: Re: (الداير يطلع الشارع يجرب) Author: Amani Al Ajab Date: 01-04-2011, 03:20 PM Parent: #34
Quote: (الداير يطلع الشارع يجرب)
Quote: جاهزيـة 100% ....
Quote: سيتم ردم كل من يشوشر ويعكر الصفو العام
Quote: سير أركان النظام
موكبا لردعنا
قال فيه د. أبو ساق
أنهم "سيطاردوننا كالأرانب
وسيسحقوننا كالعقارب"
خوف الأنقاذ وممالئيها من الشعب مفهوم ومبرر .. فقد كنس هذا الشعب دكتاتوريتين في العامين 1964 و-1985 ..
ولست أدري إن كان من يتوعدون الناس هنا سيلاحقون أبناء الشعب في الشوارع بالنبوت عندما تقع الواقعة أم سينزوون كما فعل د. أبو ساق بعد حديته البائس تاركاً الفئران والعقارب تتجول في الشوارع بعد أن تبخر جهاز أمن الطاغية"وأصبح تايوتا بس كما وصفه شاعر الشعب محجوب شريف "
Post: #36 Title: Re: (الداير يطلع الشارع يجرب) Author: Elbagir Osman Date: 01-04-2011, 03:49 PM Parent: #35
يرتجف الكيزان هذه الأيام
وهم يرون إجماع الشعب وقادته على مواجهتهم المواجهة الحاسمة
فيسارعون إلى الإختباء خلف الشرطة والجيش
الشرطة والجيش أبناء هذا الشعب
وإذا كنتم تراهنون على أنهم سوف يبيدون هذا الشعب
لتظلوا أنتم في الحكم
فإنتم واهمون واهمون واهمون
الباقر
Post: #37 Title: Re: (الداير يطلع الشارع يجرب) Author: وليد الطيب قسم السيد Date: 01-04-2011, 06:05 PM Parent: #36
تحياتى للجميع
ياتو شعب البتتكلمو عنه؟؟؟؟
شعب السودان شعب انقاذى ولا خوف منهم هذا الجانب مضمون بالنسبة لنا يا سادة ما نقصدهم هنا اصحاب التصريحات الداعيه لسقوط الانقاذ بالقوة(ياسر عرمان_________ المؤتمر الشعبى_____حزب الامة وبقية الضقه وكل من صرح بالخروج هولاء هنالك احتفاليه خاصه بهم وفى انتظار خروجهم
حبيبنا الوليد الله يزيدك تطمين .. نحن ذاتنا عايزنك تطمئن جدا وخليك زول إيمانك قوي وردد بتمعن قوله تعالى : ( وتلك الأيام نداولها بين الناس ) .. (و ينزع الملك ممن يشاء )
Quote: وردد بتمعن قوله تعالى : ( وتلك الأيام نداولها بين الناس ) .. (و ينزع الملك ممن يشاء )
محسن يا أخوي الكلام ده ما قروهو...
وأتحداه لو يسمع ماقبلها وما بعدها من آيات الذكر الحكيم بدون ما يرجع لقوقل..؟؟؟
ديل لابسين عمة الإسلام للتنكر بس وضرب الناس بإسم الدين وهم ما عندهم التكتح.... لا يكذب الرجل وهو مؤمن... لا يسرق الرجل وهو مؤمن... لا يزني الرجل وهو مؤمن... لا يقتل الرجل وهو مؤمن... والكثير يا أخي... ديل يسرقوا ويقتلوا ويكذبوا نهاراً جهاراً ويصلون ويدعون التقى والعفاف... ديل فاكرين أنهم سيخلدون في هذه الفانية.... ناسيين الموت وناسيين الحساب أمام رب عادل رحيم شديد العقاب....
أسأل الله ألا يجعل فيهم مجرماً أو متستر على جرم أو مؤيد له إلا أن يرينا فيهم عجائب قدرته في الدنيا قبل الآخرة....
Post: #44 Title: Re: (الداير يطلع الشارع يجرب) Author: وليد الطيب قسم السيد Date: 01-08-2011, 09:49 AM Parent: #42
.
Post: #45 Title: Re: (الداير يطلع الشارع يجرب) Author: وليد الطيب قسم السيد Date: 01-08-2011, 10:03 AM Parent: #44
الخرطوم : الانتباهة
أكد الفريق مهندس محمد عطا المولى عباس المدير العام لجهاز الأمن والمخابرات الوطني استقرار الأوضاع الأمنية بالبلاد، وقال إن عملية الاستفتاء لجنوب السودان ستمضي دون صعوبات واضطرابات بأي درجة، ودعا عطا قيادات المجتمع ورموز العمل الديني والدعوي إلى تبصير المواطنين بقيم التسامح وإشاعة روح الحوار بين كافة الطوائف والجماعات لما فيه خير البلاد ومصالح أهلها. وقال عطا لدى مخاطبته أمس برئاسة الجهاز بالخرطوم لقاء ضم عدداً من العلماء والمشايخ والقيادات الفكرية إن الجهاز ظل يدير حوارات متصلة مع بعض العناصر المحسوبة على بعض الجماعات الإسلامية بشأن تصحيح بعض المفاهيم المغلوطة لدى تلك العناصر.
وكشف عطا عن أن الحوارات التي تواصلت لفترة أدت لنتائج إيجابية وأحدثت تغييراً في مفاهيم بعض العناصر التي كانت توصف بالتطرُّف.. مشيراً إلى أن تحركات بعض القوى لم تجد استجابة من الشباب وأن بعض العناصر المحسوبة على تلك التيارات تم التعامل معها وفق الإجراءات التي تحفظ الأمن العام، مشيراً في هذا الصدد لضبط بعض المشتبه بهم في منطقة السلمة، ودعا الفريق عطا الأئمة والدعاة إلى التمسك بالوسطية في الطرح مؤكداً أن المرحلة الحالية من تاريخ البلاد تتطلب أجواء جيدة ومعالجة أي إشكالات قد تُعيق تحقيق البلاد لغايات شعبها في السلام والتنمية، وشدَّد عطا على أن جهاز الأمن والمخابرات ومع تأكيده على جدوى الحوار إلا أنه سيتعامل بالحسم الصارم مع أي مجموعة تسعى لفرض تصوراتها بالعنف، مشدداً على أن سلامة البلاد ومواطنيها من ثوابت الشريعة الإسلامية التي أكد أنها من مرجعيات الإنقاذ وثوابتها.
Post: #46 Title: Re: (الداير يطلع الشارع يجرب) Author: عادل الباهي عبدالرازق Date: 01-08-2011, 10:03 AM Parent: #1
وليد قسم السيد
حواء السودان لم تعقر بعد والشعب السوداني أثبت علي مدار التاريخ
هو الشعب المعلم الذي لا يقهر فموضوع الداير يطلع الشارع يجرب السمك
مابهددوهوا بالغرق بكره والله الكيزان ديل يشربوا ما يرووا . واعاهدك
يا جماعة الأمن مستتب .. بالأمس الساعة 11 م طريق الحصاحيصا مدني كوستي مليان عساكر على طول الخط تفتيش كل العربات والأشخاص بشكل يؤكد هلع وفزع جرذان الإنقاذ وعدم اطمئنانهم ... دعونا نردد مع هتيفي حكومة المؤتمر اللاوطني : الأمن مستتب .. ولكن القيم منتهكة والحقوق مهدرة ..
Post: #48 Title: Re: (الداير يطلع الشارع يجرب) Author: طه إبراهيم عبد الله Date: 01-08-2011, 01:23 PM Parent: #47
الأخ وليد السلام عليكم وتحية طيبة للجميع كثرت التصريحات من أركان نظام الإنقاذ في هذا الشأن .. قلق توجس خوف هواجس الليل والنهار بلا انقطاع .. يكاد المريب يقول خذوني
Post: #49 Title: Re: (الداير يطلع الشارع يجرب) Author: Nazik Eltayeb Date: 01-08-2011, 01:50 PM Parent: #48
دعوهم يستفزوا هذا الشعب لعل برميل بارود الشعب الساخن جداً ينتظر كلمة منهم لينفجر في وجههم فيتلفتوا ولا يجدوا لساناً يطالبون به الناس ان يلحسوا كوعهم و لا يدأً يكتب بها كلمات من شاكلة (الداير يطلع الشارع يجرب). كلام و اسلوب ######## لنظام خائف يحاول جس النبض ...شي مقرف هي الثورة لمن تقوم بتشاور الزيك ما بتفاجئكم وتخليكم تجروا تفتشوا المخابئ
Post: #50 Title: Re: (الداير يطلع الشارع يجرب) Author: معاوية عبيد الصائم Date: 01-08-2011, 01:59 PM Parent: #49
Quote: سيتم ردم كل من يشوشر ويعكر الصفو العام
شكرا اخونا وليد
كلامك ميه ميه يا ود الباوقة نتردم ماعندنا اى مانع؟
لكن وليدك لص قوقل صبى الانتباهة البردوم منو؟
اين الشرطة الاسفيرية لدينا لص بالثابتة؟
Post: #51 Title: Re: (الداير يطلع الشارع يجرب) Author: وليد الطيب قسم السيد Date: 01-08-2011, 04:49 PM Parent: #50
Post: #64 Title: Re: (الداير يطلع الشارع يجرب) Author: وليد الطيب قسم السيد Date: 01-15-2011, 07:22 AM Parent: #57
Quote: نعم هو نفسه و ليد 500 ذلك الكوز المأفون الذى برر التعذيب .
الاهبل الطيب رحمه قريمان انت مفتكر جنس كلامك ده صعب على اتناولك به؟؟؟؟؟؟
Post: #58 Title: Re: (الداير يطلع الشارع يجرب) Author: الطيب رحمه قريمان Date: 01-15-2011, 05:03 AM Parent: #56
الاستاذ الباقر عثمان
لك التحية الطيبة
نعم هو نفسه و ليد 500 ذلك الكوز المأفون الذى برر التعذيب .
Quote: إذا أنت وليد 500
الذي كتبت مؤيدا للتعذيب
باعتباره ردعا
Post: #59 Title: Re: (الداير يطلع الشارع يجرب) Author: Elbagir Osman Date: 01-15-2011, 05:46 AM Parent: #58
والآن تتحدى الشعب السوداني
أن يخرج ليعبر عن رفضه لسياسات الإنقاذ؟
Post: #60 Title: Re: (الداير يطلع الشارع يجرب) Author: Elbagir Osman Date: 01-15-2011, 07:08 AM Parent: #59
هل تهدد الشعب السوداني بالإبادة
إذا تظاهر ضد الحكومة؟
الباقر
Post: #61 Title: Re: (الداير يطلع الشارع يجرب) Author: وليد الطيب قسم السيد Date: 01-15-2011, 07:19 AM Parent: #60
Quote: هل تهدد الشعب السوداني بالإبادة
إذا تظاهر ضد الحكومة؟
الباقر
اضحكتنى من الصباح سيدى الباقر
ياتو شعب ده البتتكلم عنه؟؟؟؟؟ الشعب السودانى شعب انقاذى مائه المائه والجيش فى السودان متصالح مع الشعب والعكس نحن ما بنتحدث عن الشعب ...الشعب هو الانقاذ والانقاذ هى الشعب
حديثنا هنا يا سيدى العزيز المعارضه (معارضة السجم)هى القالت عاوزين نسقط الحكومة وسوف نخرج يوم 9 |1 انتظرنا ولم يحضر احد ما تعلق الشغلانيه فى الشعب نحن بنتكلم عنكم انتم شخصيا (((المعارضة)))
Post: #62 Title: Re: (الداير يطلع الشارع يجرب) Author: موسي عيسي Date: 01-15-2011, 07:19 AM Parent: #60
إنك كنت لا تعلم فاعلم بأن للدواس رجال ، نعم مثلك لا يعلم من حرر
السودان من جبروت الطغيان ، فالرجال تحت القش بس انت اعمل حسابك
و إن كنت تتوقع انه الشرطة سوف تحمي النظام ثق عندما يخرج الشعب فلا
شرطة لا خلافه
فنحن لها وقتها فاسال من نحن !!!!
مليون شهيد لعهد جيد .
و الله يا وليد سوف نقدم ارواحنا و اهلينا مهرا رخيصا من اجل تحرير شعب السودان
و ذل و هوان الانقاذ ، و إن ارى سويعات النزال قد دنت بس بلً أضانك ياولي ؟؟؟
Post: #65 Title: Re: (الداير يطلع الشارع يجرب) Author: وليد الطيب قسم السيد Date: 01-15-2011, 07:26 AM Parent: #62
Quote: إنك كنت لا تعلم فاعلم بأن للدواس رجال ، نعم مثلك لا يعلم من حرر
السودان من جبروت الطغيان
طيب علمنى يا صديقى....
Post: #63 Title: Re: (الداير يطلع الشارع يجرب) Author: DKEEN Date: 01-15-2011, 07:22 AM Parent: #60
وليد ياصحبي
القبل منك كان قوي كان عندو نفس البنكنوت نفس الهوس نفس البطانة الكهنوت وذي ماقبيلك ضيعوهو بضيعوك
نصيحتي ليك ياحبوب..اعدل خطابك وماتشيل وش قباحة ماليك فيهو صالح
Post: #66 Title: Re: (الداير يطلع الشارع يجرب) Author: ابراهيم احمد سليمان Date: 01-15-2011, 07:56 AM Parent: #63
بس خلو بالكم من الغنوشى لأنو برضو رضع من الديكتاتورية
وما حيكون نافع زى بنى على وبطل ودالباوقة
Post: #67 Title: Re: (الداير يطلع الشارع يجرب) Author: موسي عيسي Date: 01-15-2011, 08:05 AM Parent: #66
نوعك من الرجال ممكن رجال الشرطة ترهبهم من انتزاع حقوقهم المهضومة !!!!
و لكن أبناء رجال كرري السيل ما يرهبهم ، وقت الجيوش اتكالبت علي السودان
من كل حدب وصوب وجدوا رجالا كالأسود الضارية و هزموهم شر هزيمة و سوف
يتكرر ذلك اليوم قريبا ووقتها شوف كيف يكون مصير الشرطة سوف ينحازنون للشعب
لانهم الان يغلون غلي الحميم ؟؟
Post: #68 Title: Re: (الداير يطلع الشارع يجرب) Author: د.يوسف محمد طاهر Date: 01-15-2011, 08:32 AM Parent: #59
Quote: (الداير يطلع الشارع يجرب)
لا حولا ولا قوة إلا بالله العلي العظيم ... قمة التحدي والاستخفاف بمطالب الشعب ... كلمة يتردد أعتى الطغاة عن قولها مباشرة . انظر إلى أقوال فرعون لما اقترب هلاكه : قال تعالى :﴿وَنَادَى فِرْعَوْنُ فِى قَوْمِهِ قَالَ يقَوْمِ أَلَيْسَ لِى مُلْكُ مِصْرَ وَهَـذِهِ الاٌّنْهَـرُ تَجْرِى مِن تَحْتِى أَفَلاَ تُبْصِرُونَ - أَمْ أَنَآ خَيْرٌ مِّنْ هَـذَا الَّذِى هُوَ مَهِينٌ وَلاَ يَكَادُ يُبِينُ - فَلَوْلاَ أُلْقِىَ عَلَيْهِ أَسْوِرَةٌ مِّن ذَهَبٍ أَوْ جَآءَ مَعَهُ الْمَلَـئِكَةُ مُقْتَرِنِينَ - فَاسْتَخَفَّ قَوْمَهُ فَأَطَاعُوهُ إِنَّهُمْ كَانُواْ قَوْماً فَـسِقِينَ - فَلَمَّآ ءَاسَفُونَا انتَقَمْنَا مِنْهُمْ فَأَغْرَقْنَـهُمْ أَجْمَعِينَ - فَجَعَلْنَـهُمْ سَلَفاً وَمَثَلاً لِّلاٌّخِرِينَ﴾ وقال تعالى ﴿فَحَشَرَ فَنَادَى - فَقَالَ أَنَاْ رَبُّكُمُ الاٌّعْلَى - فَأَخَذَهُ اللَّهُ نَكَالَ الاٌّخِرَةِ وَالاٍّوْلَى ﴾ مع العلم بأن ( الفاء ) من حروف العطف التي : تفيد العطف مع الترتيب والتعقيب . أي العطف بلا مهلة أو تراخ ... يعني بعد تصريحه مباشرةً أخذه الله أخذ عزيز مقتدر . تصريح غير موفق يا وليد ... وصدقني إذا أراد الله للأمر أن يتم يستبدل المعارضة الضعيفة برجال لم يكونوا يوماً ما في حسابات العصبة الحاكمة وتكون النهاية المحزنة لكم والمفرحة للشعب السوداني على أيديهم ... وأمامكم الآن مثال بليغ لمن يعتبر في زين العابدين بن علي والذي كتم أنفاس الشعب التونسي ولم يضعف المعارضة بل أنهاها من الوجود على التراب التونسي ... قال تعالى في الحديث عن مصير بني إسرائيل في آخر المطاف : " فَإِذَا جَاءَ وَعْدُ أُولَاهُمَا بَعَثْنَا عَلَيْكُمْ عِبَادًا لَّنَا أُولِي بَأْسٍ شَدِيدٍ فَجَاسُوا خِلَالَ الدِّيَارِ ۚ وَكَانَ وَعْدًا مَّفْعُولًا " وهذا ما نتوقعه لكم إن شاء الله .
Post: #69 Title: Re: (الداير يطلع الشارع يجرب) Author: Elbagir Osman Date: 01-15-2011, 02:40 PM Parent: #68
طيب يا وليد
يا مؤيد التعذيب
إذا خرج ناس المعارضة
- لممارسة حقهم الدستوري في التظاهر السلمي -
ماذا ستفعلون بهم؟
الباقر
Post: #70 Title: Re: (الداير يطلع الشارع يجرب) Author: Elbagir Osman Date: 01-15-2011, 04:56 PM Parent: #69
وعندما يخرج الشعب للشارع
كيف ستفرقون بين الشعب فتتركوه
وبين المعارضين .. فتفعلون بهم ما تهدد به
ولم تفصله بعد
الباقر
Post: #71 Title: Re: (الداير يطلع الشارع يجرب) Author: Amani Al Ajab Date: 01-15-2011, 05:05 PM Parent: #70
Quote: تحياتى للجميع
ياتو شعب البتتكلمو عنه؟؟؟؟
شعب السودان شعب انقاذى ولا خوف منهم هذا الجانب مضمون بالنسبة لنا يا سادة ما نقصدهم هنا اصحاب التصريحات الداعيه لسقوط الانقاذ بالقوة(ياسر عرمان_________ المؤتمر الشعبى_____حزب الامة وبقية الضقه وكل من صرح بالخروج هولاء هنالك احتفاليه خاصه بهم وفى انتظار خروجهم
الأخ وليد قسم السيد إذا الشعب مضمون وإنقاذي لماذا الخوف والهلع وصرف الأموال؟ هل ضرب وتعذيب واعتقال الشعب من وجهة نظرك إحتفالية ؟ المد الجماهيري قادم ولن يوقفه التهديد والوعيد.. إن دولة الظلم ساعة ..
Post: #72 Title: Re: (الداير يطلع الشارع يجرب) Author: محمد أبوالعزائم أبوالريش Date: 01-15-2011, 05:16 PM Parent: #71
فيها ايه انسان بِعزّك لمّا إطلُب مره صورة فيها هامتك ويوم قيامتك وانهزامك بالضرورة
إنت لو واثق في روحك كان زمان رديت علينا وكانت الصورة البديعة جهرت بالنور عينينا
ياخي صورتك زي غمامه كلما تبعد تقرّب ولمّا نمشى على شروقها من طريقنا تقوم تغرّب
Post: #83 Title: Re: (الداير يطلع الشارع يجرب) Author: على عجب Date: 01-19-2011, 00:35 AM Parent: #82
الزول دا اكيد ما نصيح
Post: #84 Title: Re: (الداير يطلع الشارع يجرب) Author: عمار يس النور Date: 01-19-2011, 05:17 AM Parent: #83
Quote: الشرطة أولادنا وجربناهم
السنة الفاتت
متذكر .. مظاهرات 7 ديسمبر 2009
الشباب في الشرطة
كانوا بيتفاهمو مع الشباب في المظاهرات
ويوروهم يتخارجوا من ناس الأمن كيف
صدقت و الله العظيم
في عام 1991 وفي أحداث 17 يوليو بجامعة الخرطوم تم إعتقالي مع مجموعة من الطلاب و وضعنا داخل خور مقابل لمكتب القبول و كافتيريا العاملين بواسطة ضابط في الامن ملتحي برتية عقيد و معه مجموعة من الاولاد الصغار الذين يحملون رشاشات. تم وضعنا في هذا الخور لاكثر من 3 ساعات متواصلة في عز حر يوليو الحارقة كان خلالها يكيل لنا هذا العقيد كمية من السباب القذر الذي استحي ان أذكره هنا و يتوعدنا بما سوف يحصل لنا عند ترحيلنا. و كان يتصل بواسطة جهاز لاسلكي للإسراع بإرسال عربات البوكسي لترحيلنا. وحدث ان جاء مجموعة من الصحفين الاجانب بالقرب من منزل السفير الامريكي. عندها قام بتسليمنا لدورية شرطة فيها ضابط برتبة رائد فأدخلنا إلى كافتيريا العاملين حيث قام هذا الضابط بإطلاق صراحنا فورا عندما وجد ان هذا العقيد و رجال أمن النظام قد إختفوا من الشارع.
و الله على ما أقول شهيد.
نحي الشرطة السودانية لانهم في النهاية أبناء الشعب و سوف ينحازون له ولا عزاء للمأجورين.
Post: #85 Title: Re: (الداير يطلع الشارع يجرب) Author: Elbagir Osman Date: 01-19-2011, 11:23 AM Parent: #84
ولا نزال في الإنتظار
Post: #86 Title: Re: (الداير يطلع الشارع يجرب) Author: Elbagir Osman Date: 01-19-2011, 10:03 PM Parent: #85
عشان نساعدك
نحن متعودين نطلع كدا
وكدا
أها
لما تلقانا طلعنا كدا
وملينا الشوارع كلها
حتعمل لينا شنو؟
الباقر
Post: #87 Title: Re: (الداير يطلع الشارع يجرب) Author: وليد الطيب قسم السيد Date: 01-20-2011, 09:37 AM Parent: #86
Quote: في إنتظار وليد خمسمية مؤيد التعذيب
يجي يورينا
داير يعمل فينا شنو
لو طلعنا الشارع؟
تحياتى للجميع
نحن طبعا بنتكلم عن المعارضه عشان ما تخلط الامور شايفك بتمشى وبتجى تخلط ما تود خلطه.....
قلت لى لو طلعتو البحصل شنو؟؟؟
انتو كدى جربو ما تبقى متل كسلان فى كتاب المطالعه فى الصباح ازرع من هنا لهناك واحش الزرع من هنا لهناك واطلع مظاهرة من هنا لهناك..جرب يا سيدى العزيز وبتجد الاجابه بكل سهوله انت بس تجرب كيف دى المشكله....طيب اسال متظاهرى الامس مش هم من عندكم....غايتو لو ما سرعة 280 فى الدقيقه جرى كانو بيعطوك اجابه وافيه.....برضو بقول ليك جرب....داير تطلع الشارع جرب....جرب وبص جرب...
Post: #88 Title: Re: (الداير يطلع الشارع يجرب) Author: وليد الطيب قسم السيد Date: 01-20-2011, 09:43 AM Parent: #87
الخرطوم: مدني: جعفر باعو- هادية
هاجم مساعد رئيس الجمهورية، نائب رئيس المؤتمر الوطني لشؤون الحزب، د. نافع على نافع، القوى السياسية المعارضة، واتهمها بالسعي لخلق فتنة في الشمال تحت دعاوى عدم شرعية الحكومة، واصفاً مساعيها بالفاشلة والباطلة، فيما عززت الشرطة قواتها على مداخل ومخارج الخرطوم تحسباً لأية انفلاتات أمنية.بينما أكد والي الخرطوم ان الامن في ولايته «خط احمر لن نسمح بتجاوزه».وحمَّل نافع خلال مخاطبته اجتماع مجلس شورى الوطني بالجزيرة في دورة الانعقاد الثانية أمس، الأحزاب والحكومات المتعاقبة على حكم البلاد مسؤولية انفصال الجنوب، مشيراً إلى أنها عمَّقت الفجوة بين أبناء الشمال والجنوب، مؤكداً أن الوطني بذل جهوداً مضنية لإقناع الجنوبيين بأهمية الوحدة. وقال نافع إن من يزعم أن الوطني هو سبب الانفصال مثل «من يبحث عن شيء في خشم بقرة»، ووعد نافع المعارضة برد الصاع صاعين حال المساس بأمن واستقرار الشعب، وأكد أن حزبه مع الحريات، لكنه ليس مع الفوضى.وأفاد: «الذين يظنون أنهم حققوا انتصاراً معنوياً بهذا الكلام واهمون»، وحذّر: «مافي لعب بالحريات ومافي فوضى والبادئ أظلم». وأضاف أن الأحزاب سبقت الوطني في القبول بتقرير مصير الجنوب، مشيراً إلى أنها كادت أن تعتمد العلمانية في الشمال إبَّان مباحثات أسمرا في 1995م. وكشف عن تقارير لمنظمات دولية كانت تتحدث في الانتخابات الماضية عن تحالف قوى المعارضة باعتباره خطوة لإسقاط النظام. وذكر أن القضية مازالت بين معسكرين «الحركة الشعبية واليسار» ومعسكر آخر يعتبر أن الإنقاذ سلبت منه الحكم، مؤكداً أن الإنقاذ ماضية في طريقها رغم العقبات.
وأشار نافع لنواحٍ إيجابية أبدتها الحركة مع الوطني بشأن التنسيق في المرحلة المقبلة لقطع الطريق أمام اللوبي الصهيوني وزارعي الفتن، لافتاً لوجود مساعٍ حثيثة من قبل الوطني لتطوير العلاقة على الأرض لمصلحة الشمال والجنوب.من ناحيته أكد د. عبد الرحمن الخضر والي ولاية لخرطوم حرص حكومته على بسط الأمن لتحقيق الاستقرار والتنمية مشيراً إلى أن الأمن والاستقرار خط أحمر لن يسمح بتجاوزه وأن الأجهزة الأمنية ستكون بالمرصاد لكل من يحاول انتهاك أمن الخرطوم.
وقال الخضر لدى افتتاحه ثلاثة من مواقع بسط الأمن الشامل أمس إن فلسفة وجود موقع لبسط الأمن الشامل ومكتب للمعاون الإداري بكل حي هو أن تكون الحكومة قريبة من المواطن لتضمن له أمنه وسلامته.إلى ذلك بدأت شرطة ولاية الخرطوم في نشر قوات إضافية بمداخل ومخارج الخرطوم وأمام الجامعات بالولاية، تحسبا لأية انفلاتات أمنية قد تحدث، ومنعاً لقيام مظاهرات بالجامعات. وأكد الناطق الرسمي باسم الشرطة فريق أحمد إمام التهامي لـ «الإنتباهة» أمس، أن الشرطة تمركزت بكافة المناطق التي يرجح قيام أحداث شغب أو مظاهرات فيها، وذكر أن نشر القوات يهدف إلى تأمين الولاية من أية تفلتات أمنية قد تحدث.
وفي السياق شكلت قيادات سياسية سودانية جبهة معارضة جديدة للحكومة من العاصمة البريطانية لندن باسم «الجبهة الوطنية المعارضة».الى ذلك أكد د. أحمد عباس، المتحدث الرسمي باسم الجبهة، لـ«اليوم السابع» خلال زيارته لمصر أمس أن الجبهة تضم في كيانها عدداً كبيراً من التنظيمات السياسية والمجتمع المدني، وقال هناك عناصر سياسية داخل الجبهة داخل السودان أيضاً.
Post: #89 Title: Re: (الداير يطلع الشارع يجرب) Author: وليد الطيب قسم السيد Date: 01-20-2011, 10:27 AM Parent: #88
دور بينا البلد ده
Post: #90 Title: Re: (الداير يطلع الشارع يجرب) Author: Elbagir Osman Date: 01-20-2011, 01:36 PM Parent: #89
ضربتوهم بالعصي والغاز المسيل للدموع!
الباقر
Post: #91 Title: Re: (الداير يطلع الشارع يجرب) Author: Elbagir Osman Date: 01-21-2011, 04:47 AM Parent: #90
كتب وليد 500 مؤيد التعذيب
Quote: واطلع مظاهرة من هنا لهناك..
جرب يا سيدى العزيز
وبتجد الاجابه
الإجابة ضرب بالعصي؟
قتل بالرصاص؟
يعني دا فهمكم الوصلتو ليهو؟
تحكموا الشعب السوداني
بتخويفه من الضرب
أو القتل؟
متأكدين إنكم بتعرفوا الشعب السوداني؟
ومقتنعين بإنه يمكن حكمه بالخوف؟
ياخ إنت ونافع بتاعك دا ناس بائسين خلاص
لي مصلحتكم
فكروا في حاجة تانية
الباقر
Post: #92 Title: Re: (الداير يطلع الشارع يجرب) Author: حمور زيادة Date: 01-21-2011, 05:14 AM Parent: #91
Quote: فى انتظار فار من فيران المعارضه يطاوق بس
Quote: (الداير يطلع الشارع يجرب)
Quote: انتو كدى جربو ما تبقى متل كسلان فى كتاب المطالعه فى الصباح ازرع من هنا لهناك واحش الزرع من هنا لهناك واطلع مظاهرة من هنا لهناك..جرب يا سيدى العزيز وبتجد الاجابه بكل سهوله انت بس تجرب كيف دى المشكله....طيب اسال متظاهرى الامس مش هم من عندكم....غايتو لو ما سرعة 280 فى الدقيقه جرى كانو بيعطوك اجابه وافيه.....برضو بقول ليك جرب....داير تطلع الشارع جرب....جرب وبص جرب...
يا وليد انت قايل الدكتاتورية هي شنو ؟ ما ياها كلامك الانت بتعترف بيو على الحكومة ده. المعارض فار و بس خليو كدي يمد راسو عشان نوريه ليه .. المعارض خليهو يجرب ينزل الشارع و الله الا تمرقو رجليهو .. يا وليد بوستك و كلامك ده مفروض يردو عليهو المؤيدين للنظام ما المعارضين .. لأنك نبذت الحكومة نبذ شديد ياخ. ما شفت لي زول بيشكر حكومتو بانها دكتاتورية و ذات قبضة امنية.
Post: #93 Title: Re: (الداير يطلع الشارع يجرب) Author: الطيب برير يوسف Date: 01-21-2011, 06:00 AM Parent: #92
بعيدًا عن مسار البوست.. وقريبًا منه بوجه من وجوه الإيحاء أرى أن "التوفيق الكامل" قد حالف صاحبه "وليد الطيب قسم السيد" فمن يختار أن يكتب "اسمه" على صفحة الرمل قريبًا من "الموج".. فليس بمستغرب أن يذهب وعيه بعكس قانون "المنطق" البسيط وليس بمكنته أن يغادر مربع "المغامرة" وهو يبصر الخاتمة في مرآة "تونسية" كأجلى ما تكون صورة "الموج" في علوّه المنحدر كما أنه لن يكون بمقدوره أن يبصر بقلب واعٍ أو يدرك بعقل مستنير.. حقًّا.. "إن الشيء من معدنه لا يستغرب"
Post: #94 Title: Re: (الداير يطلع الشارع يجرب) Author: Elbagir Osman Date: 01-21-2011, 06:19 AM Parent: #93
كتب وليد بتاريخ 12-09-2007
مايلي:
Quote: وطالما الامن هو تحقيق السكينة والطمانينة والاستقرار للفرد والجماعة بالتالى ماهو الشى البخجل منه الواحد كونه احد منتسبيه..... بعدين مافى حاجه اسمها تعذيب من دون وجه حق هم من اجل حماية المواطن وليس العكس والكلام البتسرد هنا كلو عباره عن خراطيف شباب فقدو المنطق وغلبهم البعملو................
قد يكون هنالك تعذيب لكن يمكننى ان اطلق عليه ردع ردع لكل من تسول له نفسه خيانة هذا الوطن والنيل منه وتجد رجال الامن له بالمرصاد
Post: #95 Title: Re: (الداير يطلع الشارع يجرب) Author: حمور زيادة Date: 01-21-2011, 06:35 AM Parent: #94
Quote: بعدين مافى حاجه اسمها تعذيب من دون وجه حق هم من اجل حماية المواطن وليس العكس والكلام البتسرد هنا كلو عباره عن خراطيف شباب فقدو المنطق وغلبهم البعملو................
قد يكون هنالك تعذيب لكن يمكننى ان اطلق عليه ردع ردع لكل من تسول له نفسه خيانة هذا الوطن والنيل منه وتجد رجال الامن له بالمرصاد
لا اله الا الله .. يا وليد انت قلت الكلام ده جد ؟ اهون ان يكون الباقر كذب عليك من ان يكون ده راي زول في تعذيب الناس. ارجوك قول انو الكلام ده ما كلامك ياخ و انو افتراء. لا حول ولا قوة الا بالله.
Post: #96 Title: Re: (الداير يطلع الشارع يجرب) Author: حمور زيادة Date: 01-21-2011, 06:43 AM Parent: #95
يا وليد شايفك في بوست دينق بغادي استشهدت لنفسك بقصة عمر بن الخطاب فأظنك به معجب .. هاك القصة دي عنه .. قام عمر بن الخطاب خطيبا فقال: إني لم أبعث عمالي ليضربوا أبشاركم و يأخذوا أموالكم من فعل به ذلك فليرفعه إلي أقصه منه. فقال عمرو بن العاص: لو أن رجلاً أدب بعض رعيته أتقص منه؟ فقال عمر رضي الله عنه : إي والذي نفسي بيده. ألا أقصه وقد رأيت رسول الله صلى الله عليه وسلم أقص من نفسه؟
عارف يا وليد .. لو طلع ده رأيك فعلا فانا اتمنى انك تكون شغال في الامن و بتعذب الناس .. عشان ما تاخد اثم التأييد ساي . ده رأي محزن جدا و ما زلت اتمنى ان يكون كذبوا عليك.
Post: #97 Title: Re: (الداير يطلع الشارع يجرب) Author: Nagi Ahmed Date: 01-21-2011, 07:22 AM Parent: #96
هديمك يا وليدمقدود و صابحنا الفقر و الجوع صبح باب التكل مسدود كمل حتي الملح في البيت وشن همّ الملح في البيت وكت ملح الدموع موجود؟! دحين يا وليد هو ديل موُ قالوا ناس إنجاز ؟!! وشن سّولنا مما جونا غير حرقو الفضل بالجاز ؟ كّل شيتا صعب في السوق من الكبريتة للطايوق و كان جانا البخت تموين رطيل سكر و صابونتين نجيب من وين ؟ و اخوك مرفود و عدمان الشهر ملين ؟ أمس زازيت اكوس الدين مشيت لسمية بت مامون لقيت جابولها تلفزيون سمح بالحيل تشوف الصورة بى كم لون وكت في نشرة ألأخبار ظهر مك البلد يضحك جضومو كبار مزرر الكرش بزرار لا مهموم لا مغموم لا زعلان و شيهو يراري بالألوان.. وقّد في حشايا تباق نار طريت رفد الوليد و الجوع و سال دمع الغبينة الحار اريتك يا ملك فد يوم يخلى الجوع عينيك ما تنوم أريتك يا ملك فد يوم تحس بي غصة المظلوم دحين يا وليد هو ديل ما لهم و مال الدين وكت قولهم كلام الله و فعالهم ما فعال صالحين كتير فيهم عديل حقار و بالقرآن كمان تجار و كضابين أكان بنزين عدم .. أو جاز وتعبوُ الناس و ضاقو خلاص صفوف واقفين يقولولك إرادة الله وكان عدم الرخيص و الغالى في التموين يقولولك ده . غضب الله و كان الموية صبحت طين يقولولك ده من امريكا والعملا حمونا الشب ولاد الكـــــــــــلب عشان الشعب يحرن تب يقبّل من صراط الدين دحين يا وليد هو ديل ما لهم و مال الدين أكان كنزو الدهب و المال بلايينهم تسوى جبال وعرباتهم تخطف العين و بناياتم قصور في قصور وحاة الله و كتاب الله أكان ادونا طوب فد سور كان سوينا الف أويضة لي مسكين
شكرا هاشم صديق
Post: #98 Title: Re: (الداير يطلع الشارع يجرب) Author: Elbagir Osman Date: 01-21-2011, 01:44 PM Parent: #97
نعم سيخرج الشعب للشارع وسيستمر مسلسل ضربه واعتقاله وقتله الذي لم يتوقف منذ العام 1989 ولكن في النهاية ارادة الشعب هي الغالبة ... ولكن السؤال هل سيعفي الشعب عن جلاديه كما فعل مع سدنة مايو اعتقد لا والف لا لن نعفي عن جلادينا ولو كانوا اشقاءنا ومن ناصر هذه الانقاذ بمثقال ذرة هو سواسية مع اكبر مجرميها عفى الله عما سلف غير موجودة في قاموس الشعب السوداني
Post: #100 Title: Re: (الداير يطلع الشارع يجرب) Author: Elbagir Osman Date: 01-22-2011, 04:25 AM Parent: #99
وليد
ياخي ما تجاوب على حمور دا
Post: #101 Title: Re: (الداير يطلع الشارع يجرب) Author: Elbagir Osman Date: 01-23-2011, 06:29 AM Parent: #100
وليد
لا أسكت الله لك كيبوردا
الباقر
Post: #140 Title: Re: (الداير يطلع الشارع يجرب) Author: عبدالحافظ سعد الطيب Date: 01-30-2011, 09:31 AM Parent: #100
Quote: وطالما الامن هو تحقيق السكينة والطمانينة والاستقرار للفرد والجماعة بالتالى ماهو الشى البخجل منه الواحد كونه احد منتسبيه..... بعدين مافى حاجه اسمها تعذيب من دون وجه حق هم من اجل حماية المواطن وليس العكس والكلام البتسرد هنا كلو عباره عن خراطيف شباب فقدو المنطق وغلبهم البعملو................
قد يكون هنالك تعذيب لكن يمكننى ان اطلق عليه ردع ردع لكل من تسول له نفسه خيانة هذا الوطن والنيل منه وتجد رجال الامن له بالمرصاد
مجرد توظيف قلمك للترويج بالتبجيل والتذمير والتطبيل والأشادة بسلطة غير شرعية مجرمة وهى بداخلها
تدرك ذلك وتقوم لفرض سلطتها بالتزوير وبالحروب المقدسة وتارة لكسب الزمن بالتفاوض فى حد ذاتة لأمر جلل وعظيم
ناهيك بأن تقوم وعلى الملآ بالأعتراف والتشرف بأداة الهدر والقهر للكيان الأنسانى والتعذيب أقسم بان ذلك
مرض عضال أذا اردت ان تتأكد من ذلك حاول رفع صورتك على الملأ لماذا هذا الطلب لأن كل الذين باعوا
انفسهم رخيصة وصاروا ضمن هذة الأدوات يخفون شخصياتهم
ودائما متلثمين يختشون حتى من انفسهم هؤلاء وان كنت منهم نسميهم بالمثقفون الخائنون لقضايا أممهم
نسأل الله لك الشفاء
Post: #106 Title: Re: (الداير يطلع الشارع يجرب) Author: وليد الطيب قسم السيد Date: 01-23-2011, 03:42 PM Parent: #95
بعدين مافى حاجه اسمها تعذيب من دون وجه حق هم من اجل حماية المواطن وليس العكس والكلام البتسرد هنا كلو عباره عن خراطيف شباب فقدو المنطق وغلبهم البعملو................
قد يكون هنالك تعذيب لكن يمكننى ان اطلق عليه ردع ردع لكل من تسول له نفسه خيانة هذا الوطن والنيل منه وتجد رجال الامن له بالمرصاد
Quote: لا اله الا الله .. يا وليد انت قلت الكلام ده جد ؟ اهون ان يكون الباقر كذب عليك من ان يكون ده راي زول في تعذيب الناس. ارجوك قول انو الكلام ده ما كلامك ياخ و انو افتراء. لا حول ولا قوة الا بالله
خيانة الوطن يا رجل....من يخون الوطن مش يستحق التعذيب فقط انما يجب ان يطلق عليه النار بدون رمش عين حتى.....بتشرف كتير سيدى حمور ذيادة بانى قلت ذلك....ويمكننى ان اعمل برواز لحديثى هذا واضعه فى مدخل كبرى امدرمان
Post: #105 Title: Re: (الداير يطلع الشارع يجرب) Author: وليد الطيب قسم السيد Date: 01-23-2011, 03:36 PM Parent: #93
الطيب برير يوسف
عليه.....لاتستغرب يا سيد برير
Post: #104 Title: Re: (الداير يطلع الشارع يجرب) Author: وليد الطيب قسم السيد Date: 01-23-2011, 03:31 PM Parent: #91
Quote: يعني دا فهمكم الوصلتو ليهو؟
تحكموا الشعب السوداني
بتخويفه من الضرب
أو القتل؟
متأكدين إنكم بتعرفوا الشعب السوداني؟
الباقر من بداية حديثنا مع بعض افهمتك بان المقصودين هنا المعارضة وليس الشعب بدور وبترجع وبتعلق الموضوع فى الشعب نحن والحمد لله بنعرف الشعب والشعب بيعرفنا عشان كده مافى دشمان فيما بيننا....المصيبه فيكم انتم نحن بنعرفكم حق المعرفه لكن انتو ولمدة 22 سنه ما عرفتونا وده سبب تخبطكم يمين شمال التخويف والضرب لكم وحدكم لا احد غيركم ارجو ان يكون الامر قد وقع ليك
Post: #102 Title: Re: (الداير يطلع الشارع يجرب) Author: وليد الطيب قسم السيد Date: 01-23-2011, 02:29 PM Parent: #90
Quote: ضربتوهم بالعصي والغاز المسيل للدموع!
ابدا ما لمينا فيهم استعملو طريقة الكارجارو....وهى الجرى باقصى سرعة
Post: #103 Title: Re: (الداير يطلع الشارع يجرب) Author: وليد الطيب قسم السيد Date: 01-23-2011, 02:36 PM Parent: #84
عمار يس النور ما يستفاد من القصة؟؟؟؟؟؟؟
Post: #107 Title: Re: (الداير يطلع الشارع يجرب) Author: سامي صلاح محمد Date: 01-23-2011, 03:51 PM Parent: #103
Quote: أكّدت شرطة ولاية الخرطوم، كامل جاهزيتها لتأمين الإستفتاء، حتى بعد إعلان النتيجة في التاسع من يناير الجاري
أصحى يا اللخو بداية الإقتراع في 9 يناير و النتيجة في فبراير
ما فهمنا الكبكبة من شرطة الولاية و الا من الصحفية الجات جارية بالخبر و الا إنت
طبعاً بتكون لهطتو و على حسب خبرتك الإسفيرية القوقلية القائلة كلو عند العرب صابون
لا فارز الإقتراع من الإتباع
السطر دا يفضح الحالة الوصلتو ليها
Post: #108 Title: Re: (الداير يطلع الشارع يجرب) Author: وليد الطيب قسم السيد Date: 01-23-2011, 04:11 PM Parent: #107
Quote: السطر دا يفضح الحالة الوصلتو ليها
لا يا شيخ.....اها نحن وصلنا للحاله دى وحضرتكم فى ياتو حالة؟؟؟؟؟
Post: #109 Title: Re: (الداير يطلع الشارع يجرب) Author: سامي صلاح محمد Date: 01-23-2011, 04:17 PM Parent: #108
نحن في حالة تخلينا نميز بشكل واضح بين 9 يناير هل هو يوم إقتراع و الا يوم نتيجة
الزول دا ودوهو الضل الحمى طارت ليهو في راسو
بقى يهضرب و يلخبط في التواريخ
Post: #110 Title: Re: (الداير يطلع الشارع يجرب) Author: Elbagir Osman Date: 01-24-2011, 02:45 AM Parent: #109
وليد
ناخذك على قدر كلامك
قلت الضرب لنا وحدنا (المعارضة)
وليس للشعب السوداني
كيف تفرقون بين المواطن العادي والمعارض
(عند ضربكم للتظاهرة الأخيرة مثلا)
وماذا إذا قرر المواطن "العادي" أن يعارض؟
الباقر
Post: #111 Title: Re: (الداير يطلع الشارع يجرب) Author: وليد الطيب قسم السيد Date: 01-24-2011, 06:07 PM Parent: #110
Quote: كيف تفرقون بين المواطن العادي والمعارض
المواطن العادى ما بيخرج على نفسو....
المعارض ما بهمو امر الوطن عشان كده بيخرج وبلعلع وبكب الزوغه
الحكومة دى لو حكمت السودان الف سنة ما بخرج عليها مواطن عاقل كيف يحصل ما تودون ان يحصل وهو فى حالة نماء وتقدم...حتى اسال سيدى الصادق
شفتا كيف؟؟
Post: #112 Title: Re: (الداير يطلع الشارع يجرب) Author: Elbagir Osman Date: 01-24-2011, 07:31 PM Parent: #111
Quote: المواطن العادى ما بيخرج على نفسو....
المعارض ما بهمو امر الوطن عشان كده بيخرج وبلعلع وبكب الزوغه
يعني بي تعريفك دا كل من يخرج
فهو معارض
ودمه حلال!
الباقر
Post: #113 Title: Re: (الداير يطلع الشارع يجرب) Author: Elbagir Osman Date: 01-25-2011, 05:56 AM Parent: #112
وين حمور يا جماعة
يجي يشوف الهنا النحن فيهو دا
Post: #114 Title: Re: (الداير يطلع الشارع يجرب) Author: وليد الطيب قسم السيد Date: 01-25-2011, 09:33 AM Parent: #112
Quote: الحكومة دى لو حكمت السودان الف سنة ما بخرج عليها مواطن عاقل كيف يحصل ما تودون ان يحصل وهو فى حالة نماء وتقدم
Post: #115 Title: Re: (الداير يطلع الشارع يجرب) Author: Elbagir Osman Date: 01-25-2011, 10:59 PM Parent: #114
ففيه جرب الأمن المركزي المصري أن يقف أمام غضبة الشعب
وكل سنة وإنت طيب
الباقر
Post: #117 Title: Re: (الداير يطلع الشارع يجرب) Author: Elbagir Osman Date: 01-26-2011, 07:57 AM Parent: #116
لاحظ أن رجال الأمن هم الذين يهربون
Post: #118 Title: Re: (الداير يطلع الشارع يجرب) Author: Elbagir Osman Date: 01-26-2011, 08:01 AM Parent: #117
ويا وليد يا إبني
لما تهب عواصفنا
ما حيلة قوانينك
شفت ميدان التحرير دا
الباقر
Post: #119 Title: Re: (الداير يطلع الشارع يجرب) Author: وليد الطيب قسم السيد Date: 01-26-2011, 08:34 AM Parent: #118
يا صديقى وحاتك ما عندكم عواصف كل ما عندكم كلام فقط لا غير كل ما تحملو كلام لا شى سوا كلمات.......
Post: #120 Title: Re: (الداير يطلع الشارع يجرب) Author: Elbagir Osman Date: 01-26-2011, 08:13 PM Parent: #119
وليد
هاك الـ"لا شى سوا كلمات" دي
ديل فيهم ناس جو من حتات بعيدة
وجربوا
ومرقوا
عندك ليهم شنو؟
بتخوفهم بالضرب بالعصي والبمبان؟
أم بالموت؟
وتحكمهم بالخوف؟
وليد
إنت حقيقة بتعرف الشعب السوداني؟
عندك اجداد حكوا ليك بي "سد الفرقة"؟
الباقر
Post: #121 Title: Re: (الداير يطلع الشارع يجرب) Author: Elbagir Osman Date: 01-26-2011, 11:48 PM Parent: #120
أين أنت يا وليد؟
الباقر
Post: #122 Title: Re: (الداير يطلع الشارع يجرب) Author: BousH Date: 01-27-2011, 00:29 AM Parent: #121
أزيك وليد 500 ولد قسم السيد المهمش القادم من البطانة .... اسأل الغرابة اولا ... ايه يعني واحد اسمو قسم السيد! اتذكرتني ... بوش بتاع زمان يعني 2002م ... ايام كان سودانيز اون لاين غرفة دردشة ..
القصة التي ذكرتها كانت في مجمل تصديقي لما كتبه الاخ الباقر عثمان و الذي قال ان الشرطة سوف تنحاز للشعب كما فعلت في مظاهرات 7 ديسمبر 2009.
القصة التي ذكرتها حدثت في عام 1991 في عز و قوة الإنقاذ و جبروته و خلاصتها ان ملازم شرطة هو من اخلى سراح الطلاب الذين كان يخطط عقيد أمن النظام لإرسالهم إلى بيوت الاشباح.
في هذا اليوم (17 يوليو 1991) الذي اتحدث عنه، قتل رجال الامن في جامعة الخرطوم الشهيدالطالب طارق زهري باشا و أصابوا اكثر من عشرة طلاب بطلقات في ارجلهم إثنين منهم تم بتر أرجلهم. فلك ان تتخيل أن ملازم شرطة يعصي أمر عقيد أمن النظام و يطلق عدد أكثر من 50 طالب (كنت أنا واحد منهم) تم إعتقالهم بواسطة هذا العقيد.
ما يستفاد من هذه القصة الحقيقية يا وليد الطيب هو أن الشرطة في النهاية ح تنحاز للشعب.
Post: #127 Title: Re: (الداير يطلع الشارع يجرب) Author: وليد الطيب قسم السيد Date: 01-27-2011, 03:36 PM Parent: #125
Quote: .ما يستفاد من هذه القصة الحقيقية يا وليد الطيب هو أن الشرطة في النهاية ح تنحاز للشعب.
الشرطة هى السلطه الحقيقيه يا سيدى الفاضل وهى والشعب كتلة واحده الشعب كلو اصبح شرطة المعلومه دى قد تكون ضائعه من مجموعه كبيره هنا جيب لى سودانى واحد مقيم فى السودان لاينتمى لى فرع من فروع الشرطة؟؟؟قد تجد عدد بسيط مع شريحة الطلاب التى فى نهاية دراستها قد مرت بتجنيد ما عاوز اوصل ليك انو شعب السودان هو السلطة الفى البلد......دمت سيدى شاكر مرورك وتكبدك الشرح.....
Post: #126 Title: Re: (الداير يطلع الشارع يجرب) Author: محمد المعتز Date: 01-27-2011, 03:22 PM Parent: #1
نقدم ليك دعوة معانا انت قاعد ليك في منفي ما لك والوطن.... بعد الجند والحديد نست الحكومة ان تقفل الشارع!!!!
Post: #128 Title: Re: (الداير يطلع الشارع يجرب) Author: على عجب Date: 01-27-2011, 04:10 PM Parent: #126
Quote: بعدين مافى حاجه اسمها تعذيب من دون وجه حق هم من اجل حماية المواطن وليس العكس والكلام البتسرد هنا كلو عباره عن خراطيف شباب فقدو المنطق وغلبهم البعملو................
قد يكون هنالك تعذيب لكن يمكننى ان اطلق عليه ردع ردع لكل من تسول له نفسه خيانة هذا الوطن والنيل منه وتجد رجال الامن له بالمرصاد
لاتطلقوا النار
الباقر والمتداخلون الكرام
ماتقومون به شيء مناف لقيم الانسانية، وفيه استغلال بشع لظروف الشخص الذي تخاطبونه
كان الاجدي ان تطيبوا خاطره ببعض الكلمات الرقيقات وتمضوا في حال سيبيكم، بدل ان
ان تستغلوا ظروفه الخاصة فهو لم يبخل عليكم باي معلومة توضح مدي تصنيفة من ذوي
الاحتياجات الخاصة- انظر المقتيس اعلاه- وقد بذل في ذلك ما استطاع فلماذا تتجاهلون ؟
رجاء (لا تطلقوا النار) فمثل هذا الشخص مشمول بالحماية مثله مثل الجرحي والمدنيين
والاعيان المدنية اثناء النزاعات المسلحة.
Post: #129 Title: Re: (الداير يطلع الشارع يجرب) Author: Elbagir Osman Date: 01-28-2011, 00:30 AM Parent: #128
مرحب عمار
إنحيازالشرطة للشعب
ورفضها أن تكون أداة قمع في يد الإنظمة الديكتاتورية
أصبح من الثوابت السودانية
لذلك يحاول الإنقاذيون
تصفية أبناءها
واستبدالهم بعناصر موالية
وتكوين أجسام أخرى
و و
ولن يجدي كل ذلك
فسيظل رجال الشرطة ونساؤها أبناء وبنات هذا الشعب
ولن يتحولوا لأداة لإبادته لمصلحة قلة فاسدة
الباقر
Post: #130 Title: Re: (الداير يطلع الشارع يجرب) Author: Omer Mustafa Date: 01-28-2011, 00:37 AM Parent: #1
Quote:
Post: #131 Title: Re: (الداير يطلع الشارع يجرب) Author: Elbagir Osman Date: 01-28-2011, 09:54 PM Parent: #130
وليد
أين أنت؟
الباقر
Post: #132 Title: Re: (الداير يطلع الشارع يجرب) Author: Elbagir Osman Date: 01-29-2011, 07:32 AM Parent: #131
؟
Post: #133 Title: Re: (الداير يطلع الشارع يجرب) Author: Elbagir Osman Date: 01-30-2011, 03:51 AM Parent: #132
الأخ علي عجب
اليوم 30 يناير2011
والشباب طالع الشارع
دايرين نسمع من وليد
ولومك على
نعاملو معاملة خااااااصة
الباقر
Post: #134 Title: Re: (الداير يطلع الشارع يجرب) Author: وليد الطيب قسم السيد Date: 01-30-2011, 06:31 AM Parent: #133
الساعات القادمه سوف تثبت ليك انو السلطه فى السودان هى الشعب الشعب السودانى شعب انقاذى مائه المائه وما يحدث هنا فى الاسفير مجرد طرطشه فاضيه ورايح ارجع ليك واريح احدثك حديث خاص عن الانقاذ وعن الشعب السودانى وما تمثله لهم الانقاذ اهو نحنو فى يوم 30 يناير والحشاش يملا شبكتو.......
Post: #135 Title: Re: (الداير يطلع الشارع يجرب) Author: Elbagir Osman Date: 01-30-2011, 06:38 AM Parent: #134
وليد
البوست دا أساسا حول تهديدك للشعب السوداني
قلت الداير يطلع يجرب
أهم ديل الشباب طالعين
عندك ليهم شنو؟
الباقر
Post: #136 Title: Re: (الداير يطلع الشارع يجرب) Author: Elbagir Osman Date: 01-30-2011, 06:45 AM Parent: #134
وليد
البوست دا أساسا حول تهديدك للشعب السوداني
قلت الداير يطلع يجرب
أهم ديل الشباب طالعين
عندك ليهم شنو؟
سيطان
عكاكيز
بمبان
موية
رصاص
إبادة
عندك حاجة أكتر من ديل؟
أنا سألتك
ما عندك جدا ليك أو حبوبة
شرح ليك معنى "سد الفرقة"
في كرري كان الأنصار بحاربو صفوف
الصفوف قبائل وخشوم بيوت
مدافع جيش كتشنر الرشاشة (الكانت سلاح محرم حينها)
كانت تحصد أجزاء من الصفوف
فكانت تأتيهم الأوامر من رؤوس المية والأمراء
بسد الفرقة ..فيتقدم عدد من المحاربين يسد الفرقة التي تكونت بسقوط من قبلهم
يحركهم أن الموت الجماعي بالرصاص أهون عليهم من أن يقال أن أولاد فلان كسروا الصف
لو إنت بتعرف الكلام دا
كنت تعرف إنو البتهددم ديل
هم أحفاد أولئك
وتربوا على نفس القيم
وواهم من يظن أنه يحكم الشعب السوداني
بتخويفه من من العصا أو الموت
الباقر
Post: #137 Title: Re: (الداير يطلع الشارع يجرب) Author: Saifelyazal Elmaki Date: 01-30-2011, 06:58 AM Parent: #136
الأخ وليد تحياتي
Quote: (الداير يطلع الشارع يجرب)
يا وليد ياخي استفزاز الناس بيجعل الخصم في قوة أكبر منك الاستخفاف بالناس ما كويس يا وليد ولكم تجارب سابقة في جامعة الخرطوم عندما تجبر الكيزان واستفزوا الطلاب وكانت الجامعة مليئة بالسيخ والملتوف وكتائب القسام ورياح الجنة تهب ماذا كانت النتيجة ؟؟ هبّ جميع الطلاب بجميع توجهاتهم السياسية والحيادية والقنوا الكيزان دراساً لن ينسوه أبداً فهربوا كما تهرب الفئران من السموم لو خرج الشعب السوداني اليوم ما موقفك أنت ؟؟ وهل يخرج البشير للشعب لترجمه الجماهير ؟؟؟
Post: #138 Title: Re: (الداير يطلع الشارع يجرب) Author: وليد الطيب قسم السيد Date: 01-30-2011, 07:21 AM Parent: #137
انتو عايشين فى حلم باقى 3 ساعات وسوف تخرسو لى الابد
اقصد المعارضة ما الشعب الشعب هو الانقاذ انتظر وشوف 3 ساعات ما كتيره
Post: #139 Title: Re: (الداير يطلع الشارع يجرب) Author: Elbagir Osman Date: 01-30-2011, 07:41 AM Parent: #138
Post: #141 Title: Re: (الداير يطلع الشارع يجرب) Author: وليد الطيب قسم السيد Date: 01-30-2011, 03:41 PM Parent: #139
اها ثورة الملايين
مش قلت ليكم انتو ما بتعرفو الشعب السودانى
رايكم شنو نستورد ليكم شعب جديد.....
Post: #142 Title: Re: (الداير يطلع الشارع يجرب) Author: وليد الطيب قسم السيد Date: 01-31-2011, 04:16 PM Parent: #141
والله انكم مضحكة......
Post: #143 Title: Re: (الداير يطلع الشارع يجرب) Author: Elbagir Osman Date: 01-31-2011, 04:37 PM Parent: #142
خروج كل فرد من الذيون خرجوا ليواجهوا سياطكم وعصيكم ورصاصكم
يساوي الآلاف من من تخرجونهم في مظاهراتكم مدفوعة الثمن
ولن نحتاج أبدا لاستيراد شعب
فشعبنا موجود في السودان وحده
نعم يئن تحت قمعكم وإفقاركم له
يمكنكم أن تخدروا أنفسكم
بأنكم قد أخفتموه حتى بات لا يستطيع أن يحتج
لا تعولوا كثير وطويلا على ذلك
ألا يدعوك للتساؤل خروج البنات والأولاد
الذين لم يروا شيئا غير الإنقاذ ضدها؟
الباقر
Post: #144 Title: Re: (الداير يطلع الشارع يجرب) Author: وليد الطيب قسم السيد Date: 01-31-2011, 06:03 PM Parent: #143
Quote: ولن نحتاج أبدا لاستيراد شعب
فشعبنا موجود في السودان وحده
نعم يئن تحت قمعكم وإفقاركم له
يمكنكم أن تخدروا أنفسكم
بأنكم قد أخفتموه حتى بات لا يستطيع أن يحتج
لا تعولوا كثير وطويلا على ذلك
ألا يدعوك للتساؤل خروج البنات والأولاد
الذين لم يروا شيئا غير الإنقاذ ضدها؟
والله يا الباقر اخوى عينكم قويه ساى يا ريتكم سمعتو راى الشارع السودانى عنكم بالله اسال اى واحد من معارفك من طرف وهو رايح يعكس ليك الحاصل...... انتو بتتكلمو بالجد عن شعب اخر غير الشعب ده او عن سودان اخر غير سودانا ده ياخى الكريم اعيدو ترتيب اورقكم فحلمكم ده صعب تحقيقه فى ارض الواقع ..الواقع بيحمل خلاف ما تحملون والشعب بيحلم خلاف ما تحلمون......
Post: #145 Title: Re: (الداير يطلع الشارع يجرب) Author: Elbagir Osman Date: 02-01-2011, 08:08 PM Parent: #144
والله إنتو الماسكين إضنين الأسد
بس أمسكوا قوي
الباقر
Post: #146 Title: Re: (الداير يطلع الشارع يجرب) Author: وليد الطيب قسم السيد Date: 02-03-2011, 09:34 PM Parent: #145
اليوم يوم 3 يا الباقر يوم 26 انتحر يوم 30 انتحر يوم 3 انتحر
لو حددنا يوم واحد لمريدى البشير لوجدت الشعب السودانى كلو فى الشارع بهتف باسم البشير
يكون من شنو يا ربى.........
Post: #147 Title: Re: (الداير يطلع الشارع يجرب) Author: Elbagir Osman Date: 02-03-2011, 10:16 PM Parent: #146
أيام شباب بلادي كثيرة لا تنتهي
أما تأييد الشعب كله للبشير
فأنت راجل نكتك ظريفة
الباقر
Post: #148 Title: Re: (الداير يطلع الشارع يجرب) Author: Elbagir Osman Date: 02-09-2011, 10:07 PM Parent: #147
شبان وشابات زي الورد
شقت خطواتهم الواثقة شوارع الخرطوم ومعظم مدن السودان
وعطرت هتافاتهم سمواتها
لم يرهبهم وعيدك
ولا وعيد من تعمل لحسابهم
ماذا فعلتم
طالت هراواتكم المرتجفة أبدانهم
أنفردتم أشباحا ببعضهم في أقبية تعذيبكم
ولكن ..
هل كسرتم إرادتهم؟
هل ضمنتم أنكم زرعتم الخوف في قلوبهم وقلوب الشعب السوداني
فيبقى ميتا لا يرفع صوتا ضد جرائمكم .. إلى متى
بضعة أسابيع .. أشهر ..
لقد كسر شباب يناير قلاع الخوف التي عملتم على بنائها في نفوس الشعب
ولن ترمموها إلى الأبد
أما احتجاج بنات وأبناء الشعب
فلن تقف أي قوة في العالم
أمام موجاته التي لن تتوقف
حتى تحرر شعبنا من دولتكم الفاسدة الظالمة
و .. يكفيك أن تنظر إلي ما آلت إليه إمبراطورية الشرطة وأمن الدولة المصريين على مرمى حجر منك
