يرضون لبنتهم بالزواج من مطلق...بينما يرفضون لشقيقها الزواج من مطلقة..لماذا الأزدواجية?

يرضون لبنتهم بالزواج من مطلق...بينما يرفضون لشقيقها الزواج من مطلقة..لماذا الأزدواجية?

عندما تقدم زميل أبنتهم في العمل لطلب يدها من أسرتها...سالوها سؤالين فقط:
هل تعرفين انه مطلق....ولديه أطفال?........أجابت بنعم.
هل مازلت تريدنهو زوجآ لك ?..........أجابت بنعم.
قالوا : علي بركة الله .....ألف مبروك.
دون التعمق في أسباب الطلاق......او المسبب فيه.
حيث بدات التجهيزات لحفل الزواج.

من احدي دول العالم الأول حضر شقيقها العازب لحضور الفرح الكبير.....
....في اليوم الثاني....وفي جلسة أسرية حول الغداء أنهالوا عليه بالأسئلة الساخنة:
متي سوف تتزوج
أياك والأجنبية
من التي عجبتك من بنات الأسرة في الحفل
أو من الحاضرات أمس
أي سودانية ما مشكلة
.....عندما سمع صاحبنا الجملة الأخيرة...
أبتسم
وتشجع
وقال: في المدينة العايش فيها اتعرفت علي سودانية بنت ناس...مطلــــــ
وقبل ان يكمل الحرفين الأخيرين......ــــقــــــة...............
توقفت الضحكات...
وتحولت الوجوه السعيدة بزواج بنتهم بمطلق....
الي أخري حزينة لمجرد ان أبنهم يريد الزواج من مطلقة...
كما أجمعوا علي الموافقة لرغبة أبنتهم....أجمعوا علي الرفض...
مع ذكر جملة واحدة فقط هي:
لو كانت كويسة كان راجلا ما طلقا.
دون ان يعرفوا........ هي السبب أم الزوج في الطلاق.

Quote: لو كانت كويسة كان راجلا ما طلقا.

إنهم يتجملون فقط
السبب الواضح انو المطلقة تصبح (سكند هاند) والمطلق دائما لا يتأثر

المحترم علي ميرغني

Quote: إنهم يتجملون فقط السبب الواضح انو المطلقة تصبح (سكند هاند)

السكن هاند عيبها شنو...خاصة اذا صاحب الحق راضي

Quote: والمطلق دائما لا يتأثر

السؤال:
لماذا الأزدواجية عند الكثير من الأسر السودانية عند النظر بين المطلقة والمطلق?
ولماذا الحكم المسبق بان النساء هن دائمآ سبب الطلاق?
لعيوبهن
وأخلاقهن
وعمايلهن


تحياتي

اخي بلير


نهارك سعيد


حضرت ندوة في المانيا بهدف حقوق المطلاقات


واحد شاب من اهالينا تحدث مع منظمات الندوة

وقال ليهم انتم السبب يعني مافينا واحد امو او اختو او خالتو او عمتو

تقبل بان يتزوج من مطلقة

قلب الندوة راسها علي قفاها والنقاش احتد

كل الجمهور ايد كلام الشاب

اخواتنا دخلن في حرج شديد
(قال ليهم اول كلمة تقولها مالك الجدبدة مابتقدر عليها)

Quote: السكن هاند عيبها شنو

شخصيا ما شايف فيها عيب... بس البقنع الناس ديل منو

Quote: خواتنا دخلن في حرج شديد (قال ليهم اول كلمة تقولها مالك الجدبدة مابتقدر عليها)

العزيز سيف
كل عام وانت بخير

Quote: وقال ليهم انتم السبب يعني مافينا واحد امو او اختو او خالتو او عمتو تقبل بان يتزوج من مطلقة.

مع الأسف الشديد دي الحقيقة المؤلمة انوا العنصر النسائي في غالبية الأسر السودانية أكثر تعصبآ وتشددآ مع المطلقات عكس العنصر الرجالي والذي أحيانآ يبدي نوع من المرونة....
اليس من المفترض ان تكون المراة أكثر تفهمآ وتشجيعآ لبني جنسها?

Quote: (قال ليهم اول كلمة تقولها مالك الجديدة مابتقدر عليها)

مازال هذه الجملة ذات مفعول قوي ومؤثر عند الرجال بالرغم تتطور البشرية..ويكون الاجابة عليها من الرجل عمليآ(الزواج من البكر)...
لكن ما تقول لي زولكم عجبني شديد
تحياتي

المحترم علي

Quote: بس البقنع الناس ديل منو

الناس ديل ما بقتنعوا الا بالطريقة العارفنها وبس
ربك يسهل

Quote: السكن هاند عيبها شنو..

السؤال محوّل لمحمد عبدالماجد الصايم .... أو أىّ واحد من المودوريترز ...

(وين اعضاء اللجنة؟)









... المهم ....

فعلا ازدواجيه فايته الحد
انا بتفرس شدددددددددديد من المفاهيم دى
الزول يا يمين يا شمال
لكن على حسب المصلحه شييييييييينه لمن بهناك
الانسان مفروض يعامل الناس كما يحب ان يعامل
وللاسف بتبقى حاااااااره لمن تجى من الكبار والقدوه

Quote: السكن هاند عيبها شنو

على حسب نوع الاستعمال ...

انت يا بلير ياخوى السكن هاند بتاعكم ده
استعمال وين :-
يعنى استعمال دبلوماسى .
استعمال كوريا .
استعمال اوروبا .
و اللله يكافيكم من استعمال السودان كعب شديد
عمره كامله ما بتخارجك ... غايتو شوفو ناس
قسايه الداية رايهم شنو ...

Quote: السؤال محوّل لمحمد عبدالماجد الصايم .... أو أىّ واحد من المودوريترز ... (وين اعضاء اللجنة؟)

يا تبارك ناس اللجنة لسة ما نزلوا الشغل... مروسين
تحياتي

Quote: فعلا ازدواجيه فايته الحد انا بتفرس شدددددددددديد من المفاهيم دى الزول يا يمين يا شمال لكن على حسب المصلحه شييييييييينه لمن بهناك الانسان مفروض يعامل الناس كما يحب ان يعامل وللاسف بتبقى حاااااااره لمن تجى من الكبار والقدوه

كلامك صحيح يا رانية........
والمحزن انو صاحبنا صرف النظر عن الزواج...ومما رجع اتغير من صاحبتنا المطلقة بدون ما يقول ليها السبب(قال خايف يجرح مشاعرها)....والمسكينة تتسائل;ياربي الزول أتغير مالو مما جاء من السودان...سمع ولا جابوا ليهو

تسلمي يا غالية

العزيز طارق أحمد

Quote: و اللله يكافيكم من استعمال السودان كعب شديد عمره كامله ما بتخارجك ... غايتو شوفو ناس

صدقت في حكاية الأستعمال السوداني دي.............
اصلو الناس البيعرفوها من بدري قالوا:خلال الزواج وبدايات الطلاق كانت زي الكومر الحكر من سوء الاستعمال السوداني..........
لكن حسي لو شفتها قالو بقت شديدة.......
ولما تجي داخلة في أي لمة سودانين....العزابة بطيروا في عيونهم(بس خايفين لانها مطلقة)..والمتزوجين بطاوقوا بالدس(لانو مافي طريقة للتدبيل...القانون الامريكي ما برحم)...
اصلوا عملت عمرة أمريكية قوية....من النوع البخلي العجوز صبية

لك ودي

لكن كده ما صح منه
ان الزول يختفى بلا اى مبرر
الحاجه دى ما بتتخيل قدر شنووووووووووووووو بتعذب الوحده طول حياتها
ليه دايما الرجل بيفتكر انه لمن يختفى ويدس بفهم انه ما يجرح مشاعرها وهو فى الحقيقه طعنها فى الصممممممممممممميم
اخير لمن يصارحها حتزعل يوم اسبوع سنه وتتجاوزها
لكن صدقينى الاختفاء المفاجىء وتهرب صعب المرأه تتجاوزه طول عمرها
وبيبقى سؤال معلق نفسها تعرف اجابته طول حياتها
يا ريت يرحمها ويصارحها
وجع لحظه ولا وجع كل لحظه
اتمنى تبلغه رسالتى ونصيحتى ورجائى

Quote: لكن كده ما صح منه ان الزول يختفى بلا اى مبرر

متفق معاكي

Quote: الحاجه دى ما بتتخيل قدر شنووووووووووووووو بتعذب الوحده طول حياتها ليه دايما الرجل بيفتكر انه لمن يختفى ويدس بفهم انه ما يجرح مشاعرها وهو فى الحقيقه طعنها فى الصممممممممممممميم

لانوا ما بكون جنبها وشايف معاناتها...كما انو بفتكر انو الم وعذاب الابتعاد أخف من الم وعذاب الصراحة.

Quote: اخير لمن يصارحها حتزعل يوم اسبوع سنه وتتجاوزها لكن صدقينى الاختفاء المفاجىء وتهرب صعب المرأه تتجاوزه طول عمرها وبيبقى سؤال معلق نفسها تعرف اجابته طول حياتها

أكيد يومآ ما سوف تعرف...واتمني ساعتها ان لا يكون التأثير السلبي كبير

Quote: يا ريت يرحمها ويصارحها وجع لحظه ولا وجع كل لحظه

اضم صوتي اليك واقول صارحها من اجل الاحترام والعرفة والصراحة التي كانت بينكم.

Quote: اتمنى تبلغه رسالتى ونصيحتى ورجائى

أنشــــــاء اللــــــــــــه

سؤال اليوم
ليه دايما الرجل بيفتكر انه لمن يختفى ويدس بفهم انه ما يجرح مشاعرها
لك مني كل التقدير يا رانية