عشاق الأفلام و المسلسلات - 2011

بسم الله نبداء
كل أفلام 2010 الحضرتوهو أدونا نبذة و كده

طبعاً اللي ما شاف ديكس 2010 الموسم الخامس
يشوف ليهو طريقة يشوف بيها
لأنه المؤلف ده مبدع
و المخرج مجنون
و ديكس ده زول من كوكب تاني
و تسلسل الأحداث يجيب ليكـ أزمة
و الحمدلله إبتعدو عن المشاهد الخليعة ده أهم ما في الموضوع.

Inception

ده لناس الانطباعات الزول بتاع تايتنكـ داكـ ظاااطو


ليوناردو ديكابريو
لكن المرة دي في قصة خيال علمي و ليس حبكانة مدمعة

ازيك يا نوبى
كل سنة و انت و و الاسرة الكريمة بالف خير
زمان كنت زولة سنمات...هسى الا نرجى DVD يطلع....جار علينا الزن نعل شنو!!.
the social-network من اجمل افلام السنة الفاتت. والجميل فيه انه من اول* الافلام عن الSilicon Valley**
طبعا ح اجى راجعه بالتفاصيل... الان انا متاخرة على الشغل نصف ساعة. بس قلت ارفع البوست عشان ما يغطس
________________________________________________________-
* ده الفلم التانى تكنكيا. بس الفلم الاول ما لقى رواج شديدذى الفلم ده
** Silicon Valley (للماعاعرفين) منطقة فى كلفورنيافى البى ايريا (سانفرانسسكو) قات فيها صناعة الكومبيوتر و السفوتير. فيها رئاسة قوقل و فيسبوك و كتير من الشركات دى. (ماعدا ماكيروسفت...لانها قامت و لازالت فى سياتل واشنطن)

Quote: و الحمدلله إبتعدو عن المشاهد الخليعة

طيب الحاضرنلا شنو!!

سلامو يانوبى وكل عشاق الأفلام

من اجمل أفلام 2010:-

social network

eat, pray and love

the tourist

my name is khan

it is the best

التلاتة أفلام، وبنفس الترتيب..
جريمة وآكشن ذكي جدا، من بداية كل فيلم وحتى آخر دقيقة..

_____
سلام نوبي وضيوفك
وكل سنة وانتو بألف خير..

شنو يا جماعة الحندكة دي!
أي واحد يخش هنا يجي طابق الفيلم في يدو!!

انت متأكد انو البوست دا 2011؟

يا عابد السنة لسه في أولها يعني دايرنا نبداء ليكـ من الآخر ولا كيف ؟

شنو يا نوبى جنك سينمات و(تلفزيونات)
:
:
الحاجات دى كضب ساى ماتعيش معاها

كوبي اند بيست، بيست اند كابو



تقريباً أجمل فلم في 2010 بعد أجمل فلم على الاطلاق Inception



ساعة ونص من المتعة الفلم دا

----------------------------------------------

فلم بن افلك The Town (انتاج، اخراج ، تمثيل)

جميل برضو - دراما، جريمة



--------------------------------

Buried

عمل متقن شديد ، وعبقري وممتع لمن غلط

بطولة: ريان ربنلودز و تلفون بلاك بيري



--------------------------------


The social network

في زول ما داير يعرف قصة موقع الـ facebook كاملة؟ قصة مذهلة بالجد






مارك زوكربيرج سيد الاسم مؤسس طالب هارفرد المراهق الجينيوص والعمل الفيس بوك وبقى ملياردير
الفلم بعرض قضية سرقة الفكرة والمحكمة والكلام داك كلو باسلوب فلاش باك جميل

----------------------------------------------
افلام 2010 الا نقعد نتذكرها ليك يا معلم



لكن في نسخة مسربة ديفيدي اسكرين من فلم True grade مع مات دامون وجيف بريدجز، ريميك للفلم الشهير الزمان داك
هسي دي نزلتو واتخيلي حيكون سمح.

TOWN
LINSTOPPABLE
THE NEXT THREE DAYS


سلامات يا نجوان
و سعيدين بالطلة و كل سنة و إنت بالف خير
مرات الصور ما قاعدة تظهر عندنا يا ريت تساعدينا بإسم الفيلم كتابة
ننتظر منكـ تحليل أو نبذة عن أفلامكـ المرشحة لعام 2010 كما عودتينا.
لكـ التحايا..

فوق الى ان نلتقى

فيصل ...كل سنة وانت كويس وهابى نيو اير ليك ولكل عشاق الافلام والمسلسلات

ندي
إنتي غشيتي سيتي سنتر سينيما و جيتي هنا !




_
حركة أمس دي ما جميلة نهائي ياخ..
عارفة مش كده !!

Quote: طيب الحاضرنلا شنو!!

ذكرتني لقطة
في واحد في المسلسل ده بيحب مديرتو و الاتنين شغالين في قسم شرطة ( صول و ضابط) الضابط المرا طبعاُ
اها كان شاكي فيه و قام تابعها في حلقة و داهمها ليكـ مع واحد تاني مقلعين هدومهم و المداهمة كانت في لحظة إنهم قاعدين يلبسو
و فرحان إنه قبضهم متلبسين و كده - للأسف طلع هم زاتهم عاملين كمين لشرطي مرتشي ..
بس برضو ما قدرت أعرف علاقة الكمين بدون هدوم بالشرطي المرتشي شنو !


_
ود الزين أفتينا في الموضوع ده ( بتاع لاغرويتا و الهناي الفموي زي ما قال هاشم )

سمارتي يا صديقة
غايتو كيبوردكـ ده إنتهي منكـ
لكن برضو عبّر عن حالي هسي

Quote: زمان كنت زولة سنمات...هسى الا نرجى DVD يطلع....جار علينا الزن نعل شنو!!.

فيلم السيليكون فالي ده شكلي ح أبداء بيهو بإذن الله
بس ما يكون فيهو شطحات شديدة في الخيال العلمي
في إنتظاركـ عشان تدينا نبذة تنويرية و تمدينا بالتاني و التالت و كده

Quote: شنو يا نوبى جنك سينمات و(تلفزيونات) : : الحاجات دى كضب ساى ماتعيش معاها

الاستاذ احمد التجاني
السينما بالجد من أرقى الفنون، وكان ما خاف الكضب أم الفنون زاتو، ممكن تكون فيها رياضة ذهنية وعقلية وامتاع بصري وسمعي وروحي الخ
عشان كدا بنحبها

----------------------------------

فيصل نوبي يا صديقي، اديك مسلسل شديد؟
جد جد

ود الزين جيب ياخ جيب
اخوكـ داير يحضر الموسم السابع من مسلسل البنقوية لكن محمد قاعد ينوم متأخر ياخ
ما عارف أعمل شنو
الا أحضرو بعد صلاة الصبح


_
ود الصايم
دي هدية ليكـ عشان تكون معانا في الموود (لاغوريتا)

يا عابد بالله عاين للصورة و إتذكر في الموسم الرابع لامن باتيستا قال ليها لامن تفكي شعركـ بتكوني أحلي
الزول ده معلم و صعلوكـ كبير ياخ


_
احمد التجاني
لو لقيت طريقة إنكـ تستمتع بالمشاهدة تديها شوية زمن و تختار المادة المناسبة
ح ترجع تمسح كلامكـ ده و تكتب لينا بوست إعتذار كبير

The Book of Eli






فيلم من بدايات العام المنصرم يشدك كثيرا من بدايته الى النهاية ..تقليدى ولكن التصوير مبالغة واداء \يزنل واشنطون جاء كما العادة مميزا

سلامات يا حامد
و لكـ التحايا و نتمني لكـ صيد وافر من الخيط الحالي
ياريت تدينا نبذة عن الفيلم ( بوليسي - رومانسي - ... الخ )
و كل سنة و أنت بالف خير يا زميل

Quote: بس برضو ما قدرت أعرف علاقة الكمين بدون هدوم بالشرطي المرتشي شنو !

بالله عمك باتيستا طلع "صول"!
ياخ الكمين داك دردقة للضابط المرتشي، في الافلام الامريكية يا عمك الزول بكون عفن من كلو، مرتشي ومجرم وبتاع نسوان وسكير وأي حاجة
ياخ لكن عفن ياخ الزول دا بالجد، سك ليك ديكس جنس سكة! ، الغريبة من دكستر عرف انو ياهدا الساكيهو ما تم معاهو 10 دقايق ، يعني كنا حارقين دمنا ساكت في باقي الحلقات

----------------------------------
Just take it
tik tik tik
the sound of ur life

Quote: Inception ده لناس الانطباعات الزول بتاع تايتنكـ داكـ ظاااطو

يانوبى ازيك ...وكل سنة وانت طيب ..
انسيبشن دا انا دخلت بحمد وطلعت بخوجلى ...

نحجز معاك لوج لسينما ٢٠١١ دى..

تحياتى

2010 ونواصل..


shutter island



سكورسيزي وليوناردو، ثنائي مجنون عديييل

فلم مجنون، أحب السوداوية زاتو

_____________________

الاخت أميرة الشيخ..

فلم انسيبشن داير شوية فيزياء بس وبتصلح معاكـ

أميرة الشيخ حبابكـ
و كل سنة و إنتي زي ما عايزة
و مرحب بيكـ في عضوية نادينا المتأرجح ده و ناسو الحلوين ..

زي ما قال ليكـ عابد

Quote: فلم انسيبشن داير شوية فيزياء بس وبتصلح معاكـ

أضف ايل ذلكـ
يعني ما تحضري فيلم اذا كنتي ما قاعدة تحبي المادة بتاعتو أو ما شايلاها
يعني ركزي مع الرومانسي اذا حابة رومانسيات
آكشن لو كنتي مع ناس الحركات
و الخيال العلمي و البوليسية و هلم جر ..
بي كده بتلاقي نفسكـ مستمتعة بالفيلم للطيش
لكن قصة إنه الزول يمسكـ من طرف علي ذوق الناس ده معناها بيحضر ساي
هسي ما تشوفي التؤامة اللي فيها انا و اخوي الكاشف ( محمد يوسف الزين )
نحن توجهاتنا السينمائية مختلفة تماماً لكن برضو قاعدين نتقاطع في نقاط كده لووووووووول
ما تكوني قريتي ردي ده برضو علي شاكلة ( حمد و خوجلي )
خليوهو ( حمد و وردي و نانسي ) لوووووووووووووول

Quote: الاخت أميرة الشيخ.. فلم انسيبشن داير شوية فيزياء بس وبتصلح معاكـ

محمد يوسف الزين ..سلااام ..
اجيبها من وين الفيزياء وانا شايلها تاريخ ياود امى؟...

Quote: و كل سنة و إنتي زي ما عايزة و مرحب بيكـ في عضوية نادينا المتأرجح ده و ناسو الحلوين ..

شكرا يانوبى على الترحيب واعتمدنى فى ناديكم ....(اها استلم بطاقة العضوية من وين وكيف?)
يانوبى متفقة معاك فى مسالة (المادة بتاعة الفيلم) هى مقصود بيها ميولك والانترست بتاعك
فى ياتو نوع من الافلام ودى متفق عليها ...لكن مرات الاعلان عن الفليم بكون ياخادع يا ناقص
ومرات بطولة الفليم ليها اثر فى تحديد اتجاهك لحظتها ..
تحياتى ليك ولمحمد الزين

Quote: بالله عمك باتيستا طلع "صول"!

لوووووووووووول
مشيها ياخ مشيها يعني ود الصايم فارز ليكـ صول من دو ري ؟

ياخ لكن برضو المخرج دقس في الحتة دي لأنه الكمين نجح و الجماعة قبضوهو
يطب التاني ده مالو عامل فيها مقلع و بيلبس برضو ؟
بالنسبة للباقي ده لسه ما وصلناهو ياخ قلنا ليكـ محمد بينوم متأخر ياخ
و نحن زاتو قاعدين ننوم بدري ... لوووووووووووووووووووول

لووووووووووول، انت البنقوية ياهو weeds صاح؟ نوم بدري ياعمك احسن ليك
متذكر مسلسل روما؟

بمناسبة الدقسات دي،
ياخ الحضر فلم "المدفون" Buried دا منو؟
فلم متر في مترين بس بالله! حكو ليك البلاك بيري دا لمن آمن

أها..الفلم دا من كترة ما متقن حصلت فيهو دقسة كبيرة في النص!

نفسي في زول حضرو عشان اقولها ليهو

____________________________
المسلسل القاصدو ليك قديم 2001
Band of brothers حضرتو؟
عشرة حلقات عن انزال نورماندي في الحرب العالمية التانية

يا سلااااااااااااام ياخ
حقو تخلي المسلسل ده عشان تحضرو ما تبيخو ليهم
ياخ الجيش ده سمح خلاس


البنقوية ياهو ويدس زاتو
ياخ المعلمة دي بتعمل فيهو عمايل غريبة خلاس
اوعكـ ثم أوعكـ ثم أوعكـ تحضر المسلسل في البيت
و لامن تحضر أسمع بي سماعات ( لووووووووووووول)

بالنسبة للمدفون ده مشروع الجمعة الجاية ( قيلولة محمد) و كده
لوووووووووووووووووووووووول
بالله محمد ده بقي لينا زي جرس البيوت أيام الابتدائي
بيووووووووووووووووووووت

إنت يانوبي عمك بكري دا مالو مابيرفع ليك بوستاتك دي؟؟ (وهابي ولا شنو)؟؟ هههههه!!

==
مع الإعتذار للأخت ندى بس الفيلم حقيقي خيبة أمل كبيرة ماتعودناها من جوليا روبرتس،،
إذ أنها وبعد ثورتها العظيمة على حياتها وزيجاتها وتمردها على كل ذلك لم أدر الناتج!!
هل الأحسن العودة إلى الحياة بأنماطها التقليدية؟
هل فشلت مخططاتها وهي تغادر لإيطاليا ثم إلى الهند ثم إلى جزيرة بالي؟؟
أنا لم أفهم (وهذا الأرجح) رسالة الفيلم!! هل متروك لكل مشاهد إختيار السناريو الذي يحب؟؟

eat, pray and love




==
سؤال يانوبي : مارأيكم في مشاهدة الأفلام بتقنية ثري دي؟؟

Quote: مارأيكم في مشاهدة الأفلام بتقنية ثري دي؟؟

بكل صراحة
تعتمد علي الفيلم او القصة
يعني ممكن يخليكـ قاعد مندمج و ممكن يخليكـ قاعد في غرفة فيها شافعين كل واحد في ركن بيجدعو بعض باللعب و المخدات و الكواريكـ
بس كمان كونها تدخلكـ الموود بتاع الفيلم لامن تزوغ من الحاجات او تتمايل مع حركة المحيط دي حاصلة.

أجمل أفلام في 2010 كانت
Avatar

Book of Eli

Twilight New Moon

أم بالنسبة للمسلسلات لإأكتر مسلسل
عجبني كان Prison Break (season 4)

سلام نوبي و الشباب
واحد من اجمل الأفلام SAW 3D أو SAW 7
طبعا قصة الثري دي وهمة احيانا في افلام ما في داعي ليها فيها ابدا

من الافلام المميزة لكن ما قدر الراو العملو ليها The Last Air-bender فانتازيا و فيه شغل مؤثرات رهيب لكن برضو ما بتفوق على افاتار مثلا

فلم unstoppable مثير ومشوق وبقوم النفس لكن الحبكة ضعيفة و فيها حاجات ما منطقية
بعدبن مافيه جريمة يا نجوان اللهم إلاّ إهمال السائق
والطريقة الإتحلت بيها الازمة فيها كلفتة إلى حد ما

The Book of Eli برضو فيه دخنة في مكان ما

هاري بوتر ما لحقتو في السينما نزلت نسخة مضروبة لسة ما حضرتها

سلامات يا نادر
ياخ الجزء الرابع من بريزون بريكـ ده أسواء جزء في المسلسل كلو ياخ حرام عليكـ.
خربو بيهومزاجنا من المسلسل كلو كلو..
الظاهر عليهم ما قاعدين يخشو الوطنية - ( بتل لا يموت )

فلم رعب واكشن وخيال علمى واثارة













الفيلم من وحي الخيال ولا يتصل بصورة قريبة أو بعيده بالواقع

الشهور الفاتت كلها كنت بحضر فىBones








مسلسل جميل جدا جدا و مكتوب صورة جميلة خالص.
و بحضر شهور لانى ذى صديقى نوبى....عندى ناس كده حياتى كلها حول نومهم. صاحيين ما بقدر حتى احك راسي

بعد ما خلصت Bones او حصلت الحلقات الجديدة بديت فى حضور مسلسل قديم لكنه عزيز على البى Ally McBeal

Quote: بس برضو ما قدرت أعرف علاقة الكمين بدون هدوم بالشرطي المرتشي شنو !

فيصل إزيك
كانت فاتحة أزرار البلوزة الفوق لأنها كانت بتطلع في ال wire الإستخدمتو في تسجيل حوارها مع الفارة داك من صدرها
حتي باتيستا قاليها : you are wired أو حاجة زي دي
الموضوع ما عندو علاقة بالجنس، أعتقد الصفقة الدردقو بيها الزول داك كانت مخدرات
_____________________________

محمد يوسف، حضرت فيلم الزول المدفون، واحدة من الدقسات إنو الزول المفروض إنو عربي إتلكم بلغة تانية، والعربي في التلفون كان مكتوب بالأقلب
اطلع بالعندك
_______________________________
للناس الحضرو ROME
أوصي ب the Tudors
بس viewer discretion is advised
يوصي بحضوره بعد منام الزوجة والعيال :-)

تحيه للجميع وكل عام والجميع بخير وخاصه لنوبي صاحب البوست ....

سنه 2010 كانت ضعيفه أفلاميا ....
بالنسبه لعالم المسلسلات .....ألما حضر مسلسل Boardwalk Empire اصلو محضر أي حاجه ....
الحلقه الأولي أخرجها سكورسيزي وكانت أغلي حلقه تصور في تاريخ التلفزيون

http://en.wikipedia.org/wiki/Boardwalk_Empire

House season 7



بس الشمارات قالت دا اخر سيسون

بالنسبة للافلام


Tron's legacy & Avatar & Inception
كانو ابداع في التصوير و المؤثرات

أجمل قصة كانت
my Name is Khan
&
Eat Pray & Love

افلام الرومانس اتألقت السنة دي
up in the air
&
valentine's day

Quote: بس الشمارات قالت دا اخر سيسون

Amjed.....استغفر يا اخى.

سبحان الله شوف مسألة الاذواق دي كيف

بالنسبة لي Inception دا أجمل فلم في التاريخ وبعديهو The dark knight طوالي
والاتنين من عمل المجنون الاسمو كرستوفر نولان دا



لكن الاذواق وهكذا، عشان كدا زي البوستات دي سمحة.

________________________________

عزان يا سعيد
انت مية مية يا زميل ، كلامك صاح بالنسبة للحلقة بتاعت Dexter بالنسبة لـ لوتيننت لاغويرتا ديك
اجمل حاجة في ديكستر دا انو ما بخذلك كلو كلو، مسلسل من قولة تيت سمح لحدت اخر حلقة في سيزون 5 ، سايكلوجي على ادرينالين على الغاز كلو جميل.

بالنسبة للغلطة بتاعت فلم المدفون..
حكاية الكتابة العربي دي مشيتها ليهم يازول، اصلاً الفلم الهوليودي لو في حوار كومبارسي بالعربي بكون وهمة ساكت، انا ما عارف بجيبو منو يكتب ليهم العربي، تقريباً الا فلم "سيريانا" داك الكان فيهو اهتمام في الناحية دي، وشوية فلم "بوديز أوف لايز" بتاع ريدلي سكوت داك، معظم الافلام ما بهتمو بالتفاصيل.

الدقسة وصححني اذا فهمتها غلط..
واحدة من الحبكات في الفلم انو تلفونو بظهر بدون رقم صاح؟ وقام بعد عمل البلاك بيري بالانجليزي قام ضرب لمرتو في امريكا وخت ليها النمرة في الانسر مشين صاح؟! طيب الزول دا استقبل تلفون من موظف في الشركة الشغال فيها، الزول الاتعافن معاهو داك؟! وقعت ليك؟!

الصادق عوض

Quote: بالنسبه لعالم المسلسلات .....ألما حضر مسلسل Boardwalk Empire اصلو محضر أي حاجه .... الحلقه الأولي أخرجها سكورسيزي وكانت أغلي حلقه تصور في تاريخ التلفزيون

شكراً على الادفايز
وجاري التحميل

الفيلم دا قصتو عاديه نوعا ما ,,
لكن جوني ديب لا يعلى عليه اينما حل ,, دايما بيدي للفيلم تيست مختلف (^_^)
اما انجلينا جولي ففي الزباله كنتما ,, مكرره .. مصنوعه ,, عروسه باربي جدن جد (^_^)


احلى شي في الفيلم ريكاشنات جوني ديب .. وفيهو تخلعات ظريفه وسسبنس (^_^)

----------
مافي زول يقول لي تخلعات يعني شنوو

Quote: اما انجلينا جولي

يا زميلة..

رايك شنو في أداء انجلينا في فلم changling بتاع عمنا استوود؟!

ادونا روابط للافلام دى

والله مع إنو الواحد مشغول لكن مما المانع من مشاهدة فلم

ممتمع يرحل بنا عن هذا التوتر وزيادة الاسعار وهلمجرا

وعشان ماتقول الزول دا داير يخرم بالبوست دا لمنحى تانى

أكرر طلبى الروابط حتى نكون شركاء فى المشاهدة

شركاء دى كيف عليك الله

تحياتى

الفكرة توثيقية وجميلة

ابراهيم يا زميل

Quote: ادونا روابط للافلام دى

بتنزل بـ torrent ?

لو بتشتغل بتورنت أبشر كلو موجود، وروابط مضمونة وسريعة
واكتب القائمة بتاعتك من الافلام الفوق دي ونجيبها ليك.

اما اذا داير روابط مباشرة زي رابيد شير ونوت لود وهوت فايل، شوف نوبي مثلاً

العزيز نوبى تحياتى

شكرا أخى محمد يوسف بس ال Torret

ماعندى والله

شكلها بقت على نوبى إنكرب معانا

والروابط بتاعت الأفلام او مواقع مضمونة وأمنه من الفيروسات

وتحياتى

بالعكس يا ابراهيم
بالنسبة لناس ما معتادين على الدوانلوود احسن ليهم التورنت. لانو مشاكلو شوية.

طيب اوريك الطريقة..

اعفص هنــــــــــــــا اول حاجة ونزل البرنامج المجاني دا



اعمل ليهو ست أب في جهازك، واستنى الروابط
الروابط حتكون شكل ملفات سعتها كم كيلو بايت، تنزلها وتضغط عليها دبل كليك بس وحتفتح ليك في البرنامج
يمكن التغيير الوحيد الحتعملو في البرنامج انك تحدد مع كل ملف داير تنزلو وين.

Shutter.Island


ليوناردو دي كابريو برضو

جميل جدا"

انا انا انا برررضو ,
دايره من الافلام دي .. البرنامج ثبتو خلاص .. شكرا يا زميل (^_^)





------------
بالنسبه لي انجلينا جولي .. برررضو ما بحبها (^_^)

بالمُناسبة
انا لسه متضايق من "فيلمكــ"
بتاع السنة الفاتت يا برعى,,,

صاحب البوست سلامات وتشكر على هذا الجمال

للاخت داليا والاخ سليمان اضغطوا تحت في الويبسايت
وادخل اسم الفلم في البحث وابحث

http://torrentz.eu

ولكم مودتي

الملكـ
عارف والله عارف
لكن يد القدر قوية ياخ

طيب يا زملاء

دي الروابط لمعظم الافلام الاتذكرت هنا
وكلو صورة دي في دي واخر حلاوة

بس في الاول لازم الناس يكون عندها كودك في الجهاز عشان تشغل ملفات الـ AVI والـ Mkv والمصايب دي

الجهازو فيهو افلام وشغالة ينسى الموضوع دا، والما عندو كودك في وندظو يرفع يدو،، أوكي ما بطال هاكم..

اعفص: هنـــــــــــــــــــــــا


طيب الروابط
ديسبيكابل مي ياخ
من هنـــــــــــــــــــــــا


]

والترجمة من

هنـــــــــــــــــــــــا

----------------------------------

The social Netwark
من هنــــــــــــــــــا




-----------------------------
Buried
من هنـــــــــــــــــــــــا




والترجمة من هنـــــــــــــــــــــــا


-------------------------------

نواصل...

Quote: احدة من الحبكات في الفلم انو تلفونو بظهر بدون رقم صاح؟ وقام بعد عمل البلاك بيري بالانجليزي قام ضرب لمرتو في امريكا وخت ليها النمرة في الانسر مشين صاح؟! طيب الزول دا استقبل تلفون من موظف في الشركة الشغال فيها، الزول الاتعافن معاهو داك؟! وقعت ليك؟!

مية المية يا محمد يوسف، دقسوا فعلا، لأنو لمن إتصل علي وزراة الخارجية قالوا ليهو الرقم ما ظاهر
من الدقسات التانية البتذكرها:
مرة في مسلسل Rome دقسوا دقسة كبيرة لا تليق بمستوي هذا العمل الكبير
لمن جابوا مصر في عهد كليوباترا جابوا المصريين بتكلموا عربي، ودي مفروض ينجلد فيها الناس العملوا المراجعة التاريخية، لأنو مصر ما عرفت العربي إلا بعد الفتح الإسلامي بعد داك بزمن طويل
مرة برضو في فيلم عن رهينة أمريكي في لبنان في السبعينات (hostage) إسمو علي ما أعتقد، جابوا التلفزيون في قهوة لبنانية وفيه غنية (نور الشمس) بتاعة باسكال
طبعا هي كانت طفلة الوكت داك
تحياتي

شكرا فيصل نوبى على هذا البوست واتوقع استمراره ليوم 1-1-2012
بفضل عشاق هذا الفن الانسانى الرفيع-السينما.

هوليود يا عزان بتخاطب المشاهد الامريكي في المقام الأول
و الأمريكي أكتر شخص في العالم لا يعلم - ولا يهتم بان يعلم - عن العالم حوله أي شيئ
فكرة الأمريكان عن العرب و الشرق الاوسط بما فيه مصر الفرعونية و طالبان و حتى الهند القديمة هي عالم الف ليلة وليلة
لو لاحظت طريقة تصوير العرب في الأفلام الزي المضحك و العقال الغريب حتى الأفلام المصورة في بلدان عربية و عن مواضيع عربية لا يهتموا بالتفاصيل
في فيلم اسمو سيريانا بطولة جورج كلوني ومات ديمون مصور في دبي و احداثه عن امير دولة خليجية يتعرض لعملية ارهابية
حتى ابسط التفاصيل - كزي الأمير مثلا - ما اهتموا بيها
والمشاهد الامريكي ما بهتم ولا بلاحظ

ده فيلم جميل

!

Up
any new !

Quote: مرة في مسلسل Rome دقسوا دقسة كبيرة لا تليق بمستوي هذا العمل الكبير لمن جابوا مصر في عهد كليوباترا جابوا المصريين بتكلموا عربي، ودي مفروض ينجلد فيها الناس العملوا المراجعة التاريخية، لأنو مصر ما عرفت العربي إلا بعد الفتح الإسلامي بعد داك بزمن طويل

عزان يا زميل..
يازول التوب ون بتاع الدقسات يحتلوهو السودانيين عن جدارة، بالدقسة الحأقولها ليك هسي دي، انا للان وخلال خمسطاشر عام ظللت اتسائل انو الدقسة العملوها ديك كانت مقصودة نظام حقارة في المشاهد ولا كانت دقسة بالجد!

اتخيل في مسلسل عرضو التلفزيون السوداني اسمو "اللواء الابيض"، ظهر عبدالفضيل الماظ في لقطة وهو لابس فنلة مرسوم عليها "كابتن ماجد"!!

________________________________


سبب رفع البوست هو شكر الزميل العمل لينا ادفايز لمسلسل "بوردووك امباير" Boardwalk empire
ياخي ما قصرت معانا كلو كلو

هوي...
دا مسلسل مجنوون مرة واحد
شديد شدة مبالغ فيها.
المشكلة بس انو زي مسلسل "روما" برضو فيما يخص الـ 18+



ياخي انا من زمان ناس "آل كابون" والشباب بتاعين شيكاغو ديل بتكيف ليهم
ياخي عندهم فساد جميل خلاص.
أي زول مرتشي وأي حاجة ممكنة، واي زول ممكن يموت عاادي
والريد واين فور أول يا صحبي




جد جد، المسلسل دا (قصة حقيقية: المكان اتلانتك سيتي الممر الخشبي على البحر حيث "الريتش مين" وفندق التمساح نوكي تومسون أمين مال بيت مال الكفار، الزمان سنة 20 في القرن الماضي) مكتوب بطريقة مبالغ فيها، والشخصية الرئيسية فيها "نوكي تومسون" دا زول خرافي عديل.

الكاتب بالمناسبة بتاع مسلسل "سوبرانوز" نفسو

ياخي الفرقة البين الشرير في الافلام الهندية والشرير في اتلانتك سيتي كبيرة شديد

____________________
ملحوظة المسلسل لا يوافق اذواق الآتية اسماءهم، عشان ما تجو تمعطوني بعدين..
1- محمد الطيب يوسف
2- فيصل نوبي

_________________________

لو ربنا مد في عمرنا والخرطوم ما ولعت يوم 26 يناير على راي البوستات البرة دي، وكل الامور مشت تمام، حاجي اناقشكم في اشاعة جميلة قريتها في الانترنت الليلة
انو السيكوال الجاي من باتمان ذا دارك نايت حيمثل دور الجوكر فيهو اعظم الممثلين الشيطان الكبير دانييل دي لويس.
أكبر تحدي مع افضل دور لعب على شاشة السينما "المرحوم هيث ليدجر: الجوكر:"




UP

من منكم تابع هذا المسلسل الرائع
Spartacus: Blood and Sand

كل حاجه فيهو Perfect
قصه .. اداء .. مؤثرات سمعيه وبصريه غايه فى الروعه
قصه تصور مرحله فى التاريخ الانسانى بكل تفاصيلها .. حتى ادق التفاصيل ستجدها فى هذا المسلسل
تعرض المسلسل لنقد الطبقات المحافظه .. ولكن كان لابد من عرض القصه بهذه الصراحه لان الرمزيه او السطحيه لا تنتج عمل تاريخى مميز
تم تاخير انتاج الموسم الثانى من المسلسل نسبه لاصابه بطله Andy Whitfield بالسرطان وجارى البحث عن من يحل محله فى الموسم الثانى
ولكن لان نسبه التوقعات كانت كبيره والجمهور ينتظر الموسم القادم بكل شقف فقد تم انتاج سلسله من 6 حلقات لتعرض فى هذا العام ( تم عرض اول الحلقات الاسبوع الماضى ) .. تصور تلك الحلقات مرحله ما قبل احداث الموسم الاول.

Storyline Watch the story of history's greatest gladiator unfold with graphic violence and explicit sex[/U
]

وللاسف نسبه لما تحته خط فالمسلسل لا يصلح للمشاهده العائليه .. وبرغم من ذلك يبقى هو من اكثر المسلسلات روعه فى نظر الكثير من النقاد
وطبعا راى انا شخصيا

شكراً يوسف الولي على Spartacus
ياخ سمعة "الانشنت روم" دي طوالي كعبة ليه

بخصوص المادة التاريخية، كنت اظن ولوقت طويل أن قصة Spartacus قصة خيالية fiction زيها زي قصص هوميروس الاغريقية.
فلم عمك كيرك دوقلاس المشهور طبعاً"سبارتاكوس" ، وترجمة اللبنانيين زمان "سبارطة"
وبعدين جا فلم ريدلي سكوت "قلادييتر" القريب من القصة دي برضو

بعد البحث لقيت المسلسل لـ Steven DeKnight برضو، الزول دا العمل "سمول فيل" المسلسل المشهور وكم مسلسل تاني

شكراً،

Quote: سبب رفع البوست هو شكر الزميل العمل لينا ادفايز لمسلسل "بوردووك امباير" Boardwalk empire ياخي ما قصرت معانا كلو كلو

لا شكر علي واجب
:)

الاخ محمد
لا تشكرنى بل اشكر هؤلاء العباقره الذين اخرجو للبشريه اعمالا تسظل تشهد لهم بالعبقريه والنبوغ .. والمؤسف ان ( ناسنا ) لايزالون فى حق السكر والعبش وسيدى وسيدك
.. حقيقه عشان ما اشيل ذنب اى واحد حيمشى يشوف المسلسل لازم اجيب ال disclaimer التالى وهو من الجماعه العملو المسلسل .. وعشان برضو المشاهده تكون بفهم جديد وقرايه صحيحه للصوره او المنظر القدامك

Spartacus depicts extreme sensuality, brutality and language that some viewers may find objectionable. The show is a historical portrayal of ancient Roman society and the intensity of the content is to suggest an authentic representation of that period.