معاي تطلع ..وراي تقطع..إنت مازولي ..إنت مابتنفع

هذا مقطع لاحدي الأغنيات في قناة العجائب ،،قناة زول ...وحاولت اكتب ليكم بعد الأبيات من هذه الأغنيه :

صدقني أحسن ليك ..إنت بس تقنع ..قلبي من ريدك خلاص ودع

إنت بس ريدك ..سوى لي وجع ..مهما حاولت ..ليك ما برجع ..



وبرضو تقول لي ترباس بي-45 مليون !!

وين أصحاب الفن والفن الحديث والغير حديث والهابط والطالع وكل أنواع الفنون ؟

عارف يا قريبى

من اسهل الاشياء فى هذا الزمن انك تكون شاعر

و الاسهل من دا انك تكون فنان و ليك معجبين

بس هم ما غلطانين

غلطان انت البتمشى تفتش فيهم فى قناة زول

لك و للاسرة التحايا

الاخ الفاضل د صديق
تحية طيبة

يا راجل الغنية المقصودة في رأئي تستاهل فعلا يفتحو ليها ستين بوست
مش لانها عجيبة
لكن لانها مؤشر زبالة وسيء لمجتمع سيء وزبالة زي الغنية

غصبا عني لاني سمعتها اكتر من مرة بكل الدهشة حفظت مطلعها

معاي تضحك
وبي وراي تقطع
انت ما زولي انت ما بتنفع

يا أخي الكريم
ده كلام يتقال في اللساتك وانت قاعد مع اصحابك تتونس في المغربية بعد التمرين
يتقال في ونسات خاصة جدا
لكن يقوم واحد ما عارف جاي من وين ويعملوا اغنية

حقيقي الاشياء كلها تشبه بعض
الا السودانيين البره السودان
ما بيشبهوا الكلام الفاضي القاعد يحصل في السودان

حقيقي اي شيء بقى يجي من السودان
يحسسني غصبا عني اني غريب عن البلد الاسمها السودان دي

انا لله وانا اليه راجعون

تحياتي ياحيدر
والله تقول شنو ..على التعتر عامل مرور عام على القنوات في مطارده لما كل لديه علاقه بلاستفتاء..لكن فجأه أشوف ليك هذا الشاب الذي لايتعدي عمره 19 سنه في فيديو كليب عجيب وغريب ...والله قناة زول دي أصلا مابتشبه اسمها ...لانو الزول السوداني قطعا ماكده...



كمال الشادي
شكرا على المرور يازقازيقي يا أصيل ..والله كلامك صاح ميه في الميه ...وهذا هو الوسط الذي ينشط فيه مثل حماده بت وانت نازل


الله يكون في العون