Post: #1
Title: آخر زمن ..!! قصيدة لعبد القادر الكتيابي
Author: أسامة عبد الجليل
Date: 01-03-2011, 09:12 AM
آخر زمن ..!!
عبدالقادر الكتيابي
ــــــــــــــــــ
...آخر زمن ..!! يا دنيا
آآآآآهـ .. آخر زمن ..
مين كان بصدق لو زمان ـ
حكو ليهو بالمحن البقن ؟؟!!
كل الخلوق اتغيرت ..
كل الحقايق .. كل شي ..
ما باقي غير داك السما و هادي الأرض ـ مَدَّ المدى الـ ما اتغيرن ..
كبرت مدن ـ وكأنما كانت بيوت ـ
مخفية في بطن الأرِضْ
نشرت نشور ..
بين يوم وليلة و سيل نفوس
ماجت تجوس جواها في صورة بشر ..
وهي ما بشرْ !!!
آخر زمن ..
يا دنيا آآآه ؟؟
آخر زمن ...
مين كان بصدق لو زمان
شاف شَمْسْ تطلع شان تغيب بس !! وانتهى اليوم والسلام ..
وين الضحى ؟
وين العصير ؟
وين المغيرب و قُبَّة الليل والْحُجا .. ؟
كيف دنيا كاملة بتختفي وتجي دنيا غير ؟
وين الحلم ..؟
طلعت شَمِسْ .. غابت شمَسْ..راح العمير ..
زيَّ الهوا الشايلو الهوا ..!
زي حَلْمة كانت في منام !!
كيف اختلف طَعَمَ الطَعَمْ ؟
كيف اختلف حتى الكلام ؟ !!
بقى من زَبَد ..
مهما كِتِرْ .. ما فيهو خير !!
ما فيهو حبَّة من الصِدِقْ ..
مع اِنو ما بين القَلِبْ واَصْل اللسان يا دوووب ـ أقلَّ من الشِبِر
أو قول شبير !!
لكن بتوحل فيهو خيل .. رايات ملوك .. أقدار رجال .. حتى اللِّحى ..
حتى الكُبار ....
وكأنه ما في رقاد شبر ..
و كأنه ما في سؤال نكير ..!!
حتى الجمال ! الكان محال .. غرَّز معاهم في الوحل ..
راح الغنا وراح الشعر ..
آخر زمن يا دنيا يا آخر زمن ..
مِحَنَكْ تهد حيل الخيال ..
و مروة الروح والبدن
زي الكأنو بدون وعود وبدون رعود ..
وبدون برِقْ ـ
صبَّتْ علي كل الأرِضْ
مطرة فِتَنْ ..
دخلت على كل البلود ..كل البيوت ..
و الدم رخص .. يا دنيا يااا..
آخر زمن ..
يا دنيا هل دنية زمان ..كانت وهم ..؟؟
أم حلمة كانت في منام .. ؟؟!!
آخر زمن ..
يا الله بس
حسن الختام .. !!
|
Post: #2
Title: Re: آخر زمن ..!! قصيدة لعبد القادر الكتيابي
Author: أسامة عبد الجليل
Date: 01-03-2011, 10:21 AM
Parent: #1
Quote: وين الضحى ؟
وين العصير ؟
وين المغيرب و قُبَّة الليل والْحُجا .. ؟
كيف دنيا كاملة بتختفي وتجي دنيا غير ؟
وين الحلم ..؟
طلعت شَمِسْ .. غابت شمَسْ..راح العمير ..
زيَّ الهوا الشايلو الهوا ..!
زي حَلْمة كانت في منام !! |
|
Post: #3
Title: Re: آخر زمن ..!! قصيدة لعبد القادر الكتيابي
Author: معاوية عبيد الصائم
Date: 01-03-2011, 02:16 PM
Parent: #2
Quote: وين المغيرب و قُبَّة الليل والْحُجا .. ؟
كيف دنيا كاملة بتختفي وتجي دنيا غير ؟
وين الحلم ..؟
|
الصديق اسامة ود عبد الجليل
تحياتى
كل سنه انت و الولاد بالف خير
مودتى دوما
|
Post: #4
Title: Re: آخر زمن ..!! قصيدة لعبد القادر الكتيابي
Author: حبيب نورة
Date: 01-03-2011, 02:31 PM
Parent: #3
أنيق كالعادة
التحية للشاعر الجميل أستاذنا الكتيابي
|
Post: #5
Title: Re: آخر زمن ..!! قصيدة لعبد القادر الكتيابي
Author: أسامه الكرور
Date: 01-03-2011, 05:29 PM
Parent: #4
Quote: آخر زمن ..
يا الله بس
حسن الختام .. !! |
العزيز أسامه عبدالجليل
كل سنه وإنت والجميع بخير
كيفك والعيال .. أُمنياتى لكم بدوام الصحه والعافيه
|
Post: #8
Title: Re: آخر زمن ..!! قصيدة لعبد القادر الكتيابي
Author: أسامة عبد الجليل
Date: 01-04-2011, 05:48 PM
Parent: #5
مرحبتين عزيزنا أسامة
وكل سنة وإنت وأسرتك وكل أحبابك
بألف خير يا جنابو.
وشكرا لك للمشاركة في محن آخر الزمن
وشكرا لشاعرنا الكبير عبد القادر الكتيابي
وربنا يرزقنا جميعا حسن الختام.
|
Post: #7
Title: Re: آخر زمن ..!! قصيدة لعبد القادر الكتيابي
Author: أسامة عبد الجليل
Date: 01-04-2011, 03:39 AM
Parent: #4
حبيب نورة
يا أخي شكرا ليك إنت ذاتك على هذه الطلة البهية.
وكما قال شاعرنا
يا الله بس حسن الختام.
|
Post: #6
Title: Re: آخر زمن ..!! قصيدة لعبد القادر الكتيابي
Author: أسامة عبد الجليل
Date: 01-04-2011, 00:18 AM
Parent: #3
صديقي معاوية لك الشكر والتقدير
وكل سنة وأنت وأسرتك أيضا بألف خير.
هذه القصيدة أحسستني بغصة لأنني أراها لامست حقائق
واقعنا الذي نعيش اليوم .
|
Post: #9
Title: Re: آخر زمن ..!! قصيدة لعبد القادر الكتيابي
Author: أسامة عبد الجليل
Date: 01-07-2011, 07:22 AM
Parent: #6
يبدو أن مساحة الشعر قد تراجعت في هذا المنبر
فلم أعد أقرأ للشعراء المجيدين فيه إلا لماما.
من بين الشعراء إني أفتقد الشاعر أبو ذر المطر.
التحية لشاعرنا الكتيابي.
|
|