Post: #1 Title: ساحتسي جعة الكانجي مورو وسارقص مع امونة كبسي رقصة اللللللللكووووو و....!!! Author: عبدالكريم الامين احمد Date: 01-03-2011, 08:22 AM Parent: #0
نعم علي طريقة الاسطوري رائد مسرح الرجل الواحد (امونة كبسي) وليس علي طريقة روجي ميلا التي اعتقد جازما بانها ورغم كل شحنتها الافريقة ما هي الا رقصة (معدلة) ومطلوشة من (الللللللللكو) الشهير (بتاع امونة كبسي) الذي كان يمارسه بدهشة وفن وحرفنةافريقية موغلة في الاستواء وهي تجسيد حركي افريقي عنيد وعربيد وبذئي لمنطقة الخصر عند (امونة كبسي) في حركته الدائرية بمنطقة الخصر ومنتصف الجسم ثم القذف بها الي الامام... وهذه الرقصة والحركة تسمي...((( اللللللللكو)))....!!!
Post: #2 Title: Re: ساحتسي جعة الكانجي مورو وسارقص مع امونة كبسي رقصة اللللللللكووووو و....!!! Author: عبدالكريم الامين احمد Date: 01-03-2011, 08:23 AM Parent: #1
واعتقد اللللللللكو هي كلمة ان لم تخني الذاكرة مستلبة من (لهجة الباريا) وتعني الجدع والقذف والمستمع لنطقها من لسان جوباي فصيح سيجد فيها متعة ولكن قمة المتعة هي ان تشاهدها لاييييييف من الاسطوري امونة كبسسسسسسي رائد الدهشة والدارما السودانية قديما في انطلاقه المقدس من كراكير _(الجنقلي) في خور باعو او كربعو وهو يجوب الطرقات بصافرته ذات الاصوات الحادة و دميته التي كانت تجسيدا لوعي وفنون اموونة كبسي في جنونه الغريب...!!!
Post: #3 Title: Re: ساحتسي جعة الكانجي مورو وسارقص مع امونة كبسي رقصة اللللللللكووووو و....!!! Author: عبدالكريم الامين احمد Date: 01-03-2011, 08:25 AM Parent: #2
وقبل ان ارقص وامتع ذاااتي الحزينة برقصة اللللللللكو في وداع جنوبنا المدهش ولو موقتا... ساجد نفسي من الضروري احتساء جرعات كبيرة وكثيرة وتجارية من جعات الكانجي مورو.... ولن تكون اندايتي هي تلك الشجرة الواقعة في حي ملكال احدي المحطات التي كانت ممرا وعبورا للاسطوري امونة كبسي في مروره المقدس الي سسسسسوق (كنجو –كجنو) وهو يردد نشيده التاريخي جوبا توريت .. كنجو كنجو بعيد...!!!
Post: #4 Title: Re: ساحتسي جعة الكانجي مورو وسارقص مع امونة كبسي رقصة اللللللللكووووو و....!!! Author: عبدالكريم الامين احمد Date: 01-03-2011, 08:27 AM Parent: #3
ولن تكون اندياتي هي تلك الرواكيب المتخمة بالشخوص ودراما (السمسم) عندما يتخمر او دهشة العيش عندما تذهب حبيباتهه في داخل (برم التقطير) لتنتج عرقي من العيش الرهيب العربيد القادر علي كتل الحيل... فلن اكتل حيلي الان... فانا في رفقة (امونة كبسي ) سائرين صوب ذلك السوق الخرافي في اطراف ذلك الحي المهيب (سوق رجال مافي ) في نواحي اطلع بره......وستكون انداية (ما ما سعدية) هي المقر الرسمي والمعتمد مني ومن امون كبسي وجوقتنا التي سيكون فيها شوتي...وسبت رقو رقو.. ودجدج ثم الاسطورية حواء منداري وساعمل علي ان يرافقنا (مودي...وكاك واميقو)
بالله ماتنسى وانت ماشي تسلم على يابا مناسي ومدرسة الملكيه الابتدائيه وجوبا ون ...وكمان ماتنسى جامع نمره تلالته..ومركز الشباب ورجاف نايت ###### أو RNC كما يحلو لناس جوبا،،،بعدين بعد تخلص من حي ملكال وكنجو كنجو ماتنسى دار الرياضه جوبا ولازم تذكر الرجل هرم الاعلام الرياضي في جوبا في تلك الأيام ،سليمان دعايه حيث كان يجوب كل شوارع جوبا بتللك العربه الشهيره وهو يطلق صيحاته (ناس ملكيه قال نار بره الليله..لكن ناس كتور قال كلام بتاعهم في نجيله بعدين )ياسلااام ياخ والله كانت أيام ...
Post: #8 Title: Re: ساحتسي جعة الكانجي مورو وسارقص مع امونة كبسي رقصة اللللللللكووووو و....!!! Author: جعفر محي الدين Date: 01-03-2011, 12:26 PM Parent: #7
يا كيكي إتكم بقني في الدوحة تاعك دي وبونسوا كلام سين سين كدى خلي انا قابلوا اتكم في أطلع بره عند بنيه دا عسان نمشوا سوا سوا لحي ملكية وسوق كنجوكنجو وبليل كالس انن بجي يشوف نقاره في نجكورين
Quote: بالله الزمن دا كلو انا انطقا كجومورو ...!!!
بعدين ماما يعديه دي انا قايلا بتاعة روضه ... تقول لي اندايه
المهم لمن تجي ماشي قول لي عووووووق
تحياتي يا طارق والنطق السليم للكانجي مورو او كينجي مورو وحتي هذا النطق المكتوب لابعبر بدقة عن اسمها عندما تسمعه منطوقا من قبل زول من ناس جوبا (فهو اسم ذو رنين عجيب)... وكينجي الكا عليها يا بنت لذينة كده ويلا عوووووووووك يا طارق فنحن الان علي مرمي حجر من انداية ماما سعدية حيث هو مجلس للتزود بكميات من الكينجي مورو وسنطلق في كل فيافي السودان وشعارنا اليوم خمرا وكينجي مورو وغدا امرووو
وتحياتي يا زول يا سمح
Post: #10 Title: Re: ساحتسي جعة الكانجي مورو وسارقص مع امونة كبسي رقصة اللللللللكووووو و....!!! Author: عبدالله شمس الدين مصطفى Date: 01-03-2011, 02:37 PM Parent: #9
Quote: بالله ماتنسى وانت ماشي تسلم على يابا مناسي ومدرسة الملكيه الابتدائيه وجوبا ون ...وكمان ماتنسى جامع نمره تلالته..ومركز الشباب ورجاف نايت ###### أو RNC كما يحلو لناس جوبا،،،بعدين بعد تخلص من حي ملكال وكنجو كنجو ماتنسى دار الرياضه جوبا ولازم تذكر الرجل هرم الاعلام الرياضي في جوبا في تلك الأيام ،سليمان دعايه حيث كان يجوب كل شوارع جوبا بتللك العربه الشهيره وهو يطلق صيحاته (ناس ملكيه قال نار بره الليله..لكن ناس كتور قال كلام بتاعهم في نجيله بعدين )ياسلااام ياخ والله كانت أيام ...
يا سسسلام ياخي يا الصادق يا دفعة ويا سسلام علي تلك الايام الرائعات في جوبا المدينة التي كم نحبها ونحب اهلها الطيبون ياتري اين يا الصادق زملائنا في جوبا الابتدائية...اين هم الان والوطت يتقطع ويتمزق ولن تعود جوبا هي جوبا القديمة وتسامح تعايشها في مكلية وفي نمرةثلاثة وفي اطلع برره وفي كتور... وسنجوب كل تلك المناطق يا الصادق ثملين وسكاري من الغضب والزهج علي حال واحوال البلاد
هلا يا هشام وفلياتي معنا كل محبي الخير والسلام والمحبة لهذه الوطن الذي كان جميلا وسيظل اجمل مهما تجننت وتفننت النخب الكاذبة.. وسنحتسي الكانجي مورو ونترنح من الحزن والغضب والحنق ولكن لن نصيح صحية السكاري الشهيرة في نواحي اطلع بره (ولووووو لوووووووووو) بل سنهتف بالصوت العالي عاش نضال الشعب السوداني
Quote: إتكم بقني في الدوحة تاعك دي وبونسوا كلام سين سين
سين سين... سين سين كيزان كربو بلد (خربوبلد) ..انا بقي سين سين سلام تاكي يا جك بالله ما تونسو كلام تا ناكجوري وتا اطلع برره دي وانا جي قني في دوهة... بعدين كاروشة دقو انا ميت سااااكت
وسلام يا جني ماما يا جعفر يا سهبي يا جماعة تا جامعة جوبا
Quote: وتعرف يا كيكي دي تكون معاها ولا بعدها (جعيرة) كبيرررة عشان يكتمل هذا المشهد الدرامي الحزين.
هلا ياعمدة وحبابك يا صديقي في دراما الحزن والزهج الغاضب من سطوة الدقن الزيييف وفعلا الكانجي دي وبعد رقصة اللكوو عاوزة ليها جوعيرة من النوع الرهيب وقبلها دايرة ليها وقفة وسط مجموعة من بني كوز وتصرف ليهم عربي فاااااسخ ورابط وتنبذهم وانت ثملا نبذ السنين
هلا يا ابو الشوش وحبابك في مدارات ومسيرة جوقة اللكوووووووو وحنعمل ونحن في مسيرتنا المقدسة دورات وورش لرقصة اللكووووو لكل الشرفاء من ابناء بلادي حتي نلككككك الجبهجية والموتمر الوطني والمطبلين والانتهازية لككككككك جماعي.... وانت يا ابو الشوش سنستدعي ليك روح الاسطوري امونة كبسسسسسسي حتي يدربك علي اللكوووووووو في نسخته الاستاندر
إختصاراً يُسَمَى الكانجى، ولا تُنطق الجيم، وتُفَخم النون، ويُطلِق أستاذنا عبداللطيف على الفكى على هذا النطق (الأنفموي)، كقولك (عريان نِل) أي كما ولدته أمه فنون كانجي مثل نون نل وتكون دائماً مكسورة، والكانجي أجوده ما صُنِعَ من السمسم آوان حصاده، ولعوامل متعلقة بالحداثة وتداعياتها بالإضافة للعبقرية النسائية السودانية، ظهرت أنواع من الكانجي مصنوعة من الطحنية. ويعتبر الكانجي من مادة غذائية عالية، تزيد الطاقة زيادة رهيبة، وكان بعض مدربي كرة القدم ينصحون اللاعبين بتناول (جك) كانجي، و(عبار) الكنجي الحديث هو الجك (آيي جك الله ورسلو الواحد دا)ن وسكرة الكانجي لا (يطيرها) إلا النوم (أم فتفت ربما ربطتها).
أهلاً بدولة الجنوب القادمة، لهم نتمنى الرفاهية والخير والحرية، ونتمنى لما تبقى من السودان الحرية والاحترام المتبادل بين شعوبه وثقافاته المختلفة. ولك التحية يا كيكي.
إلا.. تقسيم...الوطن...لاوطان... صديق القاعد بعيد - متابع
Post: #30 Title: Re: ساحتسي جعة الكانجي مورو وسارقص مع امونة كبسي رقصة اللللللللكووووو و....!!! Author: عبدالكريم الامين احمد Date: 01-04-2011, 06:17 AM Parent: #27
Quote: إختصاراً يُسَمَى الكانجى، ولا تُنطق الجيم، وتُفَخم النون، ويُطلِق أستاذنا عبداللطيف على الفكى على هذا النطق (الأنفموي)، كقولك (عريان نِل) أي كما ولدته أمه فنون كانجي مثل نون نل وتكون دائماً مكسورة، والكانجي أجوده ما صُنِعَ من السمسم آوان حصاده، ولعوامل متعلقة بالحداثة وتداعياتها بالإضافة للعبقرية النسائية السودانية، ظهرت أنواع من الكانجي مصنوعة من الطحنية. ويعتبر الكانجي من مادة غذائية عالية، تزيد الطاقة زيادة رهيبة، وكان بعض مدربي كرة القدم ينصحون اللاعبين بتناول (جك) كانجي، و(عبار) الكنجي الحديث هو الجك (آيي جك الله ورسلو الواحد دا)ن وسكرة الكانجي لا (يطيرها) إلا النوم (أم فتفت ربما ربطتها).
هلا يا الصادق وحبابك وشكرا علي الوصف العجيب لنطق الكانجي مورو(وفعلا حكاية ود النل) دي فيها تقاطع في (نطق) الكانجي مورو وسوق رجال مافي الذي تم ذكره اعلا كان سوق عجيب.. سوق ضاجي بحاجات رهيبة واهمها هي الخمارات التي تقع في عمقه واعتقد جازما بان الوصفة والخلطة وكل كيمياء الكانجي مورو يتم صناعتها بصورة تشششششششششهيك في قرطعة اقرب جك من هذا المشروب السمسمي الرهيب...!!! --- والتسريبات من السودان تفيد بان حتي (الام فتفت) صارت اشاعة وما قاعدة تفك ليها سكرة كده باخوي واخوك مع الحزن والانهيار التام والشامل ده
Post: #31 Title: Re: ساحتسي جعة الكانجي مورو وسارقص مع امونة كبسي رقصة اللللللللكووووو و....!!! Author: عبدالكريم الامين احمد Date: 01-04-2011, 07:04 AM Parent: #30
Quote: أقدر حزنك المضاعف يا كيكي
هلا يا ابو الشوش وسحابة يا صديق من الحزن الغريب.. حزن مشحون بامل وغضب وقد تزوره سحابة تحي الاخوة الجنوبيون علي خيارهم ولكنه في مجمله مشهد من مشاهد انفطار الوجدان وانشطاره علي قارعة الحدود الدولية التي نفرق ما بين الفتي واصدقاء بقامة جبال الامانتوج من عهود الصبا والطفولة وشخوص في هذه الحياة علمونا فيما علمونا (كتابة الحرف) ونحن اطفال صغار في صفوف الدرس والتحية لاستاذي ومديري الاول في هذا الدنيا الاستاذ الماهول (سعيد سرور) واستاذ عنتر وست الرضية والتحية والاشواق لذلك الخفير المرح (لاسولي) الذي كان يمنح المدرسة دهشة وسطوة الاباء الافارقة الحنان.. والشوق والموازرة للالاف من الشخوص والاصدقاء و الصديقات والامهات والخالات والعمات من اهل الجنوب العظام
Post: #32 Title: Re: ساحتسي جعة الكانجي مورو وسارقص مع امونة كبسي رقصة اللللللللكووووو و....!!! Author: عثمان دغيس Date: 01-04-2011, 10:21 AM Parent: #31
كيكي يا دفعة واااااااااا حزني على بلدي ... ووااااااااا وجع قلبك يا عثمان دغيس ..! ياخي سوقنا معاك ومعانا أكورديونا الما خمج .. سجن سجن ..... غرامة غرامة ...
المشكلة ناس الجنوب زااتم بقوا يجلدوا ...! يعني الناس تطير وين ....!
Quote: وسنحتسي الكانجي مورو ونترنح من الحزن والغضب والحنق ولكن لن نصيح صحية السكاري الشهيرة في نواحي اطلع بره (ولووووو لوووووووووو) بل سنهتف بالصوت العالي عاش نضال الشعب السوداني
Post: #36 Title: Re: ساحتسي جعة الكانجي مورو وسارقص مع امونة كبسي رقصة اللللللللكووووو و....!!! Author: جعفر محي الدين Date: 01-04-2011, 05:36 PM Parent: #35
Quote: اول من سنواجهو بالكلووووووو هو الضابط في الجيش السوداني عمر حسن احمد البشير وسنقوم بلكوووووووووو جماعي ومدوزن وعنيف في مواجهتة
I like this too much
بالله يا كيكي ما تنسى تصور الفيلم دا كله وركز لينا على المقطع الفوق دا بالله (بتذكر نـــــــــارو بتاع سينما الديوم ) ما ياها برضو نفس النون بتاعت الكنجو مورو
وبالله يا كيكي جازف لينا تلفونك هنا لصاحبنا علي دا
Quote: أنا عاوز مساعدة أنا في جوبا يا ناس ادوني تلفون عبدالكريم
يا زوار
و الرجاء ان تتزكر الرفيق علي ويكة و ابوجهل مكنيكي الجامعة
المقتبس أعلاه من رسالة وردتني بالإيميل من Ali Shahto فارسل التلفون بتاعك عشان نحولو ليه
علي وزن كيييييكي سلام (او كما قالت بكنام سعيد ذات يوم بعيد (حياها الغمام))
وينك انت يا زول الاشواق بالكوم والردوم وبالله خش لي كراكير الماسنجرات واجدع لينا تلفونك في الدوحة فمياه كثيرة عبرت الجسر منذ ذهابك الي الخرطوم والساعة الثامنة من صباحات الدوحة صاررت لاتعني الكثير ..فلا هاتف خليلي ولا يحزنون وبارك الله في محمد عبدالرحمن الماسك الوردية وومتعني بالدهشة
وكيف عليك الله البنادر والخراطيم التي ماتت فوانيسها البوقدن..؟؟
Quote: بالله يا كيكي ما تنسى تصور الفيلم دا كله وركز لينا على المقطع الفوق دا بالله (بتذكر نـــــــــارو بتاع سينما الديوم ) ما ياها برضو نفس النون بتاعت الكنجو مورو
يا سسسسسلام يا جعفر علي (نارو) بتاع سينما الديوم وحياه الغمام اينما كان هذا الشخص الملان دراما ولسع يا جعفر الرحلة ستطول وعمر البشير حيحلو مننا الحلا بلة وخاصة بعد الكانجي مورو التي ذهبت الان عميقا في الراس من اثر الغضب والزهج ..
باقي عايز لي جوعيرة كبيرة