Post: #1 Title: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 11:05 AM Parent: #0
يا اخوانا صحيح عادة يشرفنا اخوة واخوات للمشاركة في مواضيعنا المطروحة اسفيريا وكل يقدم(تقدم) ما تجود به قريحته/ا وعندما يطرحون ( يطرحنّ) مواضيعهم( مواضيعهنّ) قد لا نتداخل معهم/نّ .
رايكم شنو ؟
دقونا بس انا مسردب للدبّيل (بضم الدال وتشديد الباء من دبل يدبل دبلة ) غايتو ( ما تجي واحدة بندرية تفسر الدبّيل دي بالتعدد في الزوجات)
Post: #2 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: معاوية المدير Date: 01-02-2011, 11:07 AM Parent: #1
ود اعمي، سـلآم.
يا زول ماني لآيمنك تب...
Post: #3 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: خالد المحرب Date: 01-02-2011, 11:08 AM Parent: #1
Quote: يا اخوانا صحيح عادة يشرفنا اخوة واخوات للمشاركة في مواضيعنا المطروحة اسفيريا وكل يقدم(تقدم) ما تجود به قريحته/ا وعندما يطرحون ( يطرحنّ) مواضيعهم( مواضيعهنّ) قد لا نتداخل معهم/نّ .
دا شنو سبيوى ولا الطيب بس المجنون
Post: #4 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 11:11 AM Parent: #3
المدير
Quote: ود اعمي، سـلآم.
يا زول ماني لآيمنك تب...
حرم استحقيت اسمك طااااااب
Post: #5 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 11:13 AM Parent: #4
المحرب اخوي
Quote: دا شنو سبيوى ولا الطيب بس المجنون
لا شموس - تعرفها ولا ساك الدنيا ام بنايا قش دي ؟
Post: #8 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عفاف الصادق بابكر Date: 01-02-2011, 11:23 AM Parent: #5
Quote: دقونا بس انا مسردب للدبّيل (بضم الدال وتشديد الباء من دبل يدبل دبلة ) غايتو ( ما تجي واحدة بندرية تفسر الدبّيل دي بالتعدد في الزوجات)
غايتو فكرة السرديب أحسن من سياسة قدو قدو ..
Post: #9 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عفاف الصادق بابكر Date: 01-02-2011, 11:23 AM Parent: #5
Quote: دقونا بس انا مسردب للدبّيل (بضم الدال وتشديد الباء من دبل يدبل دبلة ) غايتو ( ما تجي واحدة بندرية تفسر الدبّيل دي بالتعدد في الزوجات)
غايتو فكرة السرديب أحسن من سياسة قدو قدو ..
Post: #21 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عفاف الصادق بابكر Date: 01-02-2011, 12:16 PM Parent: #5
Quote: دقونا بس انا مسردب للدبّيل (بضم الدال وتشديد الباء من دبل يدبل دبلة ) غايتو ( ما تجي واحدة بندرية تفسر الدبّيل دي بالتعدد في الزوجات)
غايتو فكرة السرديب أحسن من سياسة قدو قدو ..
Post: #6 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: جعفر محي الدين Date: 01-02-2011, 11:17 AM Parent: #3
يا ود شيقوق سلام طبعا إنت بتكون الآن عارف بالتقريب الذين سيقومون بزيارتك هنا على العموم أنا بعمل بحكاية - ليس الواصل بالمكافئ - في ناس بتجبرنا نزورها بطرحها الراقي وموضوعيتها الهادفة وفي ناس ما بنجيهم لأنه الدراب دائما بيكون مكوم جنب الباب ولو جيت ماري بالشارع ساهي عشان تقرأ اسم اللوحة على الباب يمكن تتفلع
غايتو أنا ما تشيل همي لأني مقل جدا في افتراع البوستات بس في جماعة من زوارك المعتادين ما شاء الله كلهم يوم بوست
وإن كان لي أن أشارك في هذا الطرح فاقول بعد بسم الله الرحمن الرحيم يجب أن يكون دافعنا لزيارة أي بوست - باستثناء الاجتماعيات - هو الحوار الهادئ والنقاش المنطقي بعيدا عن العصبيات والأمور الشخصية وطبعا في أحيان كثيرة الجواب يكفيك عنوانــــــــه فيوفر عليك عناء الزيارة التفقدية
Post: #7 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: ندى عثمان حسن Date: 01-02-2011, 11:17 AM Parent: #3
استاذ الطيب سلامو
ومرات بوستاتنا مابتستاهل الجية, لكن عشان كتبت ليك قبل كدة فى بوست ورفعتو ليك وزدت ليك عدد المداخلات , انت لازم ترد لى الزيارة , فهم القدم بالقدم, زى مشاوير المجاملات عند ناس يمة أم سترين عليها الرحمة , جيتونا بنجيكم ماجيتونا كمان بنتسدا.
طبعا كنت بتحير جداً لما أشوف موضوع قيّم وجميل وعدد المتداخلين فيهو لايتجاوز اصابع اليد الواحدة وفجأة تلقاهو فى الصفحة السبعمائة , شوية شوية أكتشفت انو الأمر هنا بمشى بفهم أعرفنى وأعرفك وأرفع لى البوست بتاعى وانا بالمقابل أى ويل دو ذا سيم .
غايتو انا بخش وبكتب ومابستنى زول يرد على مداخلتى , بالمقابل برضو مابقيف من كتابات الاخرين لانهم مابعبرونى "على قلة كتاباتى".
Post: #11 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 11:27 AM Parent: #7
جعفر محي الدين
Quote: وإن كان لي أن أشارك في هذا الطرح فاقول بعد بسم الله الرحمن الرحيم يجب أن يكون دافعنا لزيارة أي بوست - باستثناء الاجتماعيات - هو الحوار الهادئ والنقاش المنطقي بعيدا عن العصبيات والأمور الشخصية
كتر خيرك كلام زى الدهب والله
نعم العقل والله
عميق ودي
Post: #10 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: almulaomar Date: 01-02-2011, 11:26 AM Parent: #1
يا ود شيقوق الكلام دا ما مظبوط ولا تفتكر أخي أن الشاعر الذي قال "ما بنمشي لي ناس ما بجونا" كانت من منطلق عزة نفسي مابيه على ، بل هناك أسباب كثيرة ربما يكون في مقدمتها أن لديهم كلــــــب شرس يربض أمام الباب ويتمضمض بعارقيب الرجال (ما يجي واحد حنكوش يخلط بين العراقي والعرقوب). المهم ما لازم أجيك عشان تجيني في بوستي فربما أحضر يعني دخول وأقرأ وأستمتع هنا لكنني لا أملك إضافة التكتح للموضوع وبالتالي أمرق زي الشعرة من العجين ، وإذا كنت قادراً على الإضافة في أى موضوع لا أنتظر إذن صاحبه بما تتيحه لي عضويتي من حرية التنقل والتشعبط بين البوستات والحال كذلك ما بقول والله ود شيقوق ده - على سبيل المثال - قاطعني في بوستي بتاع الإيه كده مش عارف عشان كده ما برد أو أدخل ليهو بوست ما دمت أونلاين وربما يبلغ بي الحقد مبلغه فأتمنى أن لا يتداخل أى أحد في بوستك ومن ثم يصبح بايركساً وتصاب بالإحباط ربما خاصة بعد أن يخيب ظنك. يا زول جهجت اللنش بريك خاصتي ، فسوف أتوقف هنا حتى لا تبرد أم رقيقة وتصبح أم غليظة
Post: #12 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: خالد المحرب Date: 01-02-2011, 11:30 AM Parent: #10
Quote: هم ما لازم أجيك عشان تجيني في بوستي فربما أحضر يعني دخول وأقرأ وأستمتع هنا لكنني لا أملك إضافة التكتح للموضوع وبالتالي أمرق زي الشعرة من العجين ، وإذا كنت قادراً على الإضافة في أى موضوع لا أنتظر إذن صاحبه بما تتيحه لي عضويتي من حرية التنقل والتشعبط بين البوستات والحال كذلك ما بقول والله ود شيقوق ده - على سبيل المثال - قاطعني في بوستي بتاع الإيه كده مش عارف عشان كده ما برد أو أدخل ليهو بوست ما دمت أونلاين وربما يبلغ بي الحقد مبلغه فأتمنى أن لا يتداخل أى أحد في بوستك ومن ثم يصبح بايركساً وتصاب بالإحباط ربما خاصة بعد أن يخيب ظنك.
اتفق مع الملا عمر تماما
Post: #17 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abdelrahim Elamin Date: 01-02-2011, 11:51 AM Parent: #12
و العجب يا الطيب لو زول كتب مداخلة لأحد ما وما رد ليهو و يمكن فيها سلامات و تحيات وخلافه .. أعتقد أن قلة الزمن و المشغوليات للبعض بتكون هي السبب في عدم زيارة البوستات و التعليق عليها أو الاكتفاء بالقراية فقط . المهم يا الطيب زرناك الآن .. أبقي زورنا في بوستاتنا القادمة.
تحياتي الطيب شيقوق
Post: #13 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 11:36 AM Parent: #10
ندو
Quote: فهم القدم بالقدم, زى مشاوير المجاملات عند ناس يمة أم سترين عليها الرحمة , جيتونا بنجيكم ماجيتونا كمان بنتسدا.
هههههههههههههههها وكمان مرات تبقى فيها سوالف زى سالفة عمي - مرة اتوفى اخوهو وجاءه للعزاء زيد ولم يحضر مع زيد شقيقه ( شقيق زيد) اها يقوم يتوفى والد زيد ذاتو ويقوم عمنا دا يركب دابتو وعصاتو في اباطو متكامل محل العزاء ولسؤ الحظ يستقبله اخو زيد الذي لم يعزي عمنا في اخيه وطوالي عمنا يقول ليهو ( امشي يا وليد لا غادي انا ما جيتك انت انا جيت لاخيك زيد البيعرف الواجب )
Quote: غايتو انا بخش وبكتب ومابستنى زول يرد على مداخلتى , بالمقابل برضو مابقيف من كتابات الاخرين لانهم مابعبرونى "على قلة كتاباتى".
دا الكلام النجيض - يا ندى اختي - وابقى عليهو وانا ذاتي معاك دائما مسامح ولو كان طارق جبريل السجم .
Post: #15 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 11:43 AM Parent: #13
Quote: الكلام دا ما مظبوط ولا تفتكر أخي أن الشاعر الذي قال "ما بنمشي لي ناس ما بجونا" كانت من منطلق عزة نفسي مابيه على ، بل هناك أسباب كثيرة ربما يكون في مقدمتها أن لديهم كلــــــب شرس يربض أمام الباب ويتمضمض بعارقيب الرجال (ما يجي واحد حنكوش يخلط بين العراقي والعرقوب). المهم ما لازم أجيك عشان تجيني في بوستي فربما أحضر يعني دخول وأقرأ وأستمتع هنا لكنني لا أملك إضافة التكتح للموضوع وبالتالي أمرق زي الشعرة من العجين ، وإذا كنت قادراً على الإضافة في أى موضوع لا أنتظر إذن صاحبه بما تتيحه لي عضويتي من حرية التنقل والتشعبط بين البوستات والحال كذلك ما بقول والله ود شيقوق ده - على سبيل المثال - قاطعني في بوستي بتاع الإيه كده مش عارف عشان كده ما برد أو أدخل ليهو بوست ما دمت أونلاين وربما يبلغ بي الحقد مبلغه فأتمنى أن لا يتداخل أى أحد في بوستك ومن ثم يصبح بايركساً وتصاب بالإحباط ربما خاصة بعد أن يخيب ظنك.
هيييييع يا المقفع الكندي والله الليلة جبت حكي لا يختلف عما قاله الكندي عندما قال :-
فــإن يأكـلـوا لحـمـي وفــرت لحـومـهـم وإن يهدموا مجدي بنيت لهم مجدا وإن ضيـعـوا غيـبـي حفـظـت غيويـبـهـم وإن هم هووا غيي هويت لهـم رشـدا وإن زجــــروا طــيــرا بـنـحــس تــمـــر بـــــي زجـــرت لـهــم طـيــرا تــمــر بــهــم ســعــدا ولا أحــمـــل الـحــقــد الـقــديــم عـلـيــهــم وليس كريم القوم من يحمل الحقدا فــذلــك دابـــــي فـــــي الـحــيــاة ودابــهـــم سجيـس الليالـي أو يزيروننـي اللحـدا لـهــم جـــل مـالــي إن تـتـابـع لــــي غــنــى وإن قـــــل مــالـــي لـــــم أكـلـفــهــم رفــــــدا
Quote: يا زول جهجت اللنش بريك خاصتي ، فسوف أتوقف هنا حتى لا تبرد أم رقيقة وتصبح أم غليظة
اها اكان ما جيت تاني لا بيني لابينك يا الملأ اخوي .
Post: #14 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abdlaziz Eisa Date: 01-02-2011, 11:42 AM Parent: #10
Quote: رايكم شنو ؟
دقونا بس انا مسردب للدبّيل (بضم الدال وتشديد الباء من دبل يدبل دبلة ) غايتو ( ما تجي واحدة بندرية تفسر الدبّيل دي بالتعدد في الزوجات)
ده ردي ليك
وكما جيتني ما بخليك..
ومحل ما تشرّك شركك نهبر ليك
شيقا
شايفك تردد في دبلة ودُبلة ودبلات.... ما أظنك قبضت..
Post: #16 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 11:48 AM Parent: #14
عزوووووووو
النصيحة المنبر دا كلو ما فيهو زول زيك - على اليمين اصلك ما بتحاسب ولا بتحارب ولا بتخاصم
Quote: ده ردي ليك
وكما جيتني ما بخليك..
ومحل ما تشرّك شركك نهبر ليك
يا زول ما فتح عندي في المكتب - عليك النبي انت او غيرك يجي ينزل لينا اغنية ( ما بنمشي لناس ما بيجونا وفي القلعة رحلوا يعذبونا) تكون تلقائية
Quote: شايفك تردد في دبلة ودُبلة ودبلات.... ما أظنك قبضت..
Post: #19 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abobakr Shadad Date: 01-02-2011, 12:01 PM Parent: #16
ود شيقوق او شيقا كما يحلول جاهدا ان يدلعك اخونا عبد المجيد المقابل
تحياتى واقول جئت بنقطه هامه
ربما التداخل تحكمه عدة ظروف مثل فارق الزمن او ضيق الوقت او سرعة الانترنت او الموقف المبدئى من صاحب البوست او غيرها لكن الذى لا يمكن تجاهله هو اتجاه البعض لقراءة بوست معين وفهم ما جاء فيه من افكار ثم الانتظار لزمن وقدره خمسه دقائق لاطلاق بوست بنفس القكرة والمعنى ولكن بعنوان اكثر لعلعة
هل يقع هذا المنحى ضمن مساقات الهبر الاسفيرى ؟؟
لك الود ولو داير امثله نديك
Post: #18 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: saif massad ali Date: 01-02-2011, 11:53 AM Parent: #14
الطيب اخوي
يمكن عدم زيارتك ليهم لعلة ما
مثلا زول جنو عرس النسوان كان رجالهم عندهم علاقة مع الزول ده بياكلو نيم طوالي
كمان كان المواضيع سياسيه بتجيب ليك الهواء او الغسل الاخير ده اخير عدم زيارتها
اها الاخطر في الامر انت من البندر وانا من الضهره كان جيتني بتحتاج لمترجم
مرات الحديث يبقالي زي بوخ البايته
Post: #20 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: بشير دفع الله Date: 01-02-2011, 12:01 PM Parent: #14
ود شيقوق .. سلامات ..
انت فى زول هبشك ؟؟؟
بعدين كان تبدل ما بنمشى ب قد لا نمشى !!! حسب تفاسيرك !!
وكل سنه وإنت طيب ..
Post: #22 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: طارق جبريل Date: 01-02-2011, 12:18 PM Parent: #20
يا شقي الحال انت اقعد اطلق في النيران دي
Post: #23 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: ندى صالح الطيب Date: 01-02-2011, 12:42 PM Parent: #22
Quote: سياسة (ما بنمشي لي ناس ما بيجونا في بوستاتنا ) ما رأيكم فيها
الاخ الاستاذ ود شيقوق لك التحية وكل سنة وانت طيب
طبعا السياسة دى هى السائدة ولكن لا اعمم .
بحسوا بيها الناس الجدد خاصة اذا لم يكن لديهم اصدقاء او أقرباء قى المنبر
انا فهمى للكتابة هنا ولان احيد عنها اتعامل مع المكتوب وليس من كتبه
لانه من المجموعة اياها او الحزب الفلانى او الافكار العلانية لا يمنعى من الكتابة اذا كان عندى ما اكتبه
ودائما دائما اختلاف الراى لا يفسد للود قضية .
Post: #24 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 12:51 PM Parent: #23
شداد
Quote: ود شيقوق او شيقا كما يحلول جاهدا ان يدلعك اخونا عبد المجيد المقابل
وين شقي الحال دا - المسكين بيكون بيجري في عملية سيزيريان ولا شغال بالجيهو والما بجيهو
Quote: ربما التداخل تحكمه عدة ظروف مثل فارق الزمن او ضيق الوقت او سرعة الانترنت او الموقف المبدئى من صاحب البوست او غيرها لكن الذى لا يمكن تجاهله هو اتجاه البعض لقراءة بوست معين وفهم ما جاء فيه من افكار ثم الانتظار لزمن وقدره خمسه دقائق لاطلاق بوست بنفس القكرة والمعنى ولكن بعنوان اكثر لعلعة
احسنت اخي ابو بكر دى برضها اسباب موضوعية جدا
هل يقع هذا المنحى ضمن مساقات الهبر الاسفيرى ؟؟
Post: #25 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Mahjob Abdalla Date: 01-02-2011, 12:56 PM Parent: #24
السلام عليكم... و نحن مدمنون للبوستات المسنوحة دون ترك اثر ... فما هو موقعنا القانوني في هذه الحالة؟
Post: #27 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 01:00 PM Parent: #24
ود المساعد
Quote: يمكن عدم زيارتك ليهم لعلة ما
يعني ممكن تكون لمشاكل اسرية مثلا؟
Quote: مثلا زول جنو عرس النسوان كان رجالهم عندهم علاقة مع الزول ده بياكلو نيم طوالي
مسنوح بقت تجدع زي فيسل هليل
Quote: كمان كان المواضيع سياسيه بتجيب ليك الهواء او الغسل الاخير ده اخير عدم زيارتها
ايواااااااااا زى بوستاتك انت اكان قمنا صاقرناها يخمشونا من المطار بدل تعدي اجازتك اكل عنكوليب مع ام عيالك يخلوا ام عيالك كل يوم شايلة عمودها ومتكاملاك عوضها فيك بسمة خلف القطبان
Quote: اها الاخطر في الامر انت من البندر وانا من الضهره كان جيتني بتحتاج لمترجم
بالذات برالمة الضهاري بيكتبوا بفرضية علم الكافة بمفردات ضهاريهم
Post: #26 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Amira Osman Date: 01-02-2011, 12:59 PM Parent: #23
Quote: دقونا بس انا مسردب للدبّيل (بضم الدال وتشديد الباء من دبل يدبل دبلة ) غايتو ( ما تجي واحدة بندرية تفسر الدبّيل دي بالتعدد في الزوجات) .
الاستاذ الطيب سلام، فعلا الحكايه ما فيها تعدد زوجات لكن حيكون فيها "عنف ضد الرجال"،
Post: #28 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 01:09 PM Parent: #26
البشير ود دفع الله
Quote: ود شيقوق .. سلامات ..
انت فى زول هبشك ؟؟؟
بعدين كان تبدل ما بنمشى ب قد لا نمشى !!! حسب تفاسيرك !!
لالالالالالا انا داير اعرف الهبشوهم بس وما هي ردود افعالهم
استطيغ معرفة سلوك الصديق الشخصي من خلال سلوكه الاسفيري
Post: #29 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: أبوبكر أبوالقاسم Date: 01-02-2011, 01:11 PM Parent: #26
ود شيقوق سلامات
Quote: و العجب يا الطيب لو زول كتب مداخلة لأحد ما وما رد ليهو و يمكن فيها سلامات و تحيات وخلافه ..
الكلام دا مهم خالص خاصة إنو فى ناس فاكينها فى روحهم ورافعين القزاز لزوارهم ، أو تلقاهم يردوا بمزاجهم يفطوا البفطوه ويردوا على البردوا عليهو والماعاجبو: ما يتداخل معاهم.
Post: #36 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Amira Elsheikh Date: 01-02-2011, 01:43 PM Parent: #29
ود شيقوق ازيك ... الموضوع داالناس اتكملت فيهو كتيييييير وبطرق مختلفة .... ناس قالت هنا فى قروبات وناس قالت تكتلات وناس قالت صحبى وصحبك واخيرا بقت قريبى وقريبك ...انا دا كلو ما شايلها لكن بحترم اراء الناس ,,, سودانيز اون لاين دى من صعب تتابع كل البوستات وتقراها وترد عليها... مرات بوسيتك زاتو بتزهج منو وتقرررررب تجدعو لكن الواحد بيرجع ويستغفر ... ايقاع سودانيز اصبح سريع وفى ناس بتنزل عشرات البوستات فى اليوم شان كدا المتابعة بتبقى صعبة وصعبة شديد ..... مرات بكون تتداخلت فى بوست وناوية اواصل فيهو اجى بكرة القى روحى نسيت البوست وما متذكره ,,, بعد كم يوم البوست يجى نابع وقتها رغبة الكتابة او التداخل فى البوست تكون انتفت ممكن برضو ضيق الوقت وبرضو اهتمامات الناس وميولها متباينة ناس انترستت فى السياسة وناس فى الكورة وناس فى الادب والله فى سودانيز حدى الصفحة التانية ونادر ما اعمل سيرش لانو صعب ياجماعة ... غايتو انا ماعندى مشكلة اى موضع يستهوينى بدخل فيهو بغض النظر عن كاتبو منو .. الا محلات الاساءة والنبذ بديها ضهرى .. بجيك راجعة تانى ويالانجليزى ِi will be back
Post: #94 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: صلاح أبودية Date: 01-03-2011, 07:08 AM Parent: #36
ود شيقوق كل سنة وإنت طيب عجبنى كلام أميرة الشيخ .. كل سنة وهى طيبة !
Quote: الموضوع داالناس اتكملت فيهو كتيييييير وبطرق مختلفة .... ناس قالت هنا فى قروبات وناس قالت تكتلات وناس قالت صحبى وصحبك واخيرا بقت قريبى وقريبك ...انا دا كلو ما شايلها لكن بحترم اراء الناس ,,, سودانيز اون لاين دى من صعب تتابع كل البوستات وتقراها وترد عليها... مرات بوسيتك زاتو بتزهج منو وتقرررررب تجدعو لكن الواحد بيرجع ويستغفر ... ايقاع سودانيز اصبح سريع وفى ناس بتنزل عشرات البوستات فى اليوم شان كدا المتابعة بتبقى صعبة وصعبة شديد ..... مرات بكون تتداخلت فى بوست وناوية اواصل فيهو اجى بكرة القى روحى نسيت البوست وما متذكره ,,, بعد كم يوم البوست يجى نابع وقتها رغبة الكتابة او التداخل فى البوست تكون انتفت ممكن برضو ضيق الوقت وبرضو اهتمامات الناس وميولها متباينة ناس انترستت فى السياسة وناس فى الكورة وناس فى الادب والله فى سودانيز حدى الصفحة التانية ونادر ما اعمل سيرش لانو صعب ياجماعة ... غايتو انا ماعندى مشكلة اى موضع يستهوينى بدخل فيهو بغض النظر عن كاتبو منو .. الا محلات الاساءة والنبذ بديها ضهرى .. بجيك راجعة تانى ويالانجليزى ِi will be back
وبزيد عليهو لو سمحت (هى .. ما إنت )إنو مرات تجى تكتب مداخلة تلقى واحد أو واحدة زى أميرة الشيخ دى كتبت مداخلتك بضبانتها التقول قاعد ليك فى نص كنكوجك !! لك ولها كل الود .
Post: #30 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 01:18 PM Parent: #22
Quote: يا شقي الحال انت اقعد اطلق في النيران دي
انت فاقد ليك ام دلدوم في فقرتك نامن تترتع على قفاك
Post: #31 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 01:21 PM Parent: #30
ندى بت عم صالح
لك التحية وكل سنة وانت طيبة
Quote: انا فهمى للكتابة هنا ولان احيد عنها اتعامل مع المكتوب وليس من كتبه
لانه من المجموعة اياها او الحزب الفلانى او الافكار العلانية لا يمنعى من الكتابة اذا كان عندى ما اكتبه
ودائما دائما اختلاف الراى لا يفسد للود قضية .
وجع - يا ريت قومي يفقهون
Post: #32 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 01:26 PM Parent: #31
محجوب عبد الله
كل عام وانت بالف خير
Quote: و نحن مدمنون للبوستات المسنوحة دون ترك اثر ... فما هو موقعنا القانوني في هذه الحالة؟
كدا كويس يا مسنوح
تحب العنكوليب ولا الدردقو ؟
Post: #33 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 01:30 PM Parent: #32
اميرة بت عثمان
كل عاااااام وانت بالف خير
Quote: فعلا الحكايه ما فيها تعدد زوجات لكن حيكون فيها "عنف ضد الرجال"،
وهم لابسين سكاكينهم في ضرعاتهم ساااااااااااى؟
Post: #34 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 01:36 PM Parent: #33
ود ابو القاسم
Quote: الكلام دا مهم خالص خاصة إنو فى ناس فاكينها فى روحهم ورافعين القزاز لزوارهم
لا لا يا الحبيب انت بس ابعد من البوست وغنيلو
Quote: ، أو تلقاهم يردوا بمزاجهم يفطوا البفطوه ويردوا على البردوا عليهو والماعاجبو: ما يتداخل معاهم.
هوي بوستات التعازي ما داخلة معانا - هسع من حينك جيت تنكت المحن ؟
Post: #35 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: ياسر بيناوي Date: 01-02-2011, 01:38 PM Parent: #33
المسنوح ازيك
انا غايتو ما بتعامل بالفهم دا
في سياستي البوست ان بقي يستاهل بخشوا بغض النظر عن الفاتحو منو
وبوستاتي لمن افتحا ما بلوم ايي زول لو ما خش
المهم عندي الموضوع وبس
خالص الود
Post: #37 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Mahjob Abdalla Date: 01-02-2011, 01:47 PM Parent: #35
Quote: كدا كويس يا مسنوح
تحب العنكوليب ولا الدردقو ؟
يا مسنوح... انا اتبندرت لاكثر من 15 عاما و عايز ترجعني للعنكوليب و الدردقو يا اخي مالك علينا
Post: #38 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: فيصل محمد خليل Date: 01-02-2011, 01:48 PM Parent: #35
ناس مابنمشي لناس ما بيجونا ديل يمكن يكون معاهم الحق لكن العجب في الناس الشايفا حالها . تلقى الموضوع عاجبو بس ما يخش بمداخلة لزوم اهميات و كدا . وفي نوع تاني بيكون مكجنك عشان كدا ما بيخش معاك. ونحن بنحترم استايل كل واحد.
Post: #39 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 02:07 PM Parent: #38
بناوي
Quote: في سياستي البوست ان بقي يستاهل بخشوا بغض النظر عن الفاتحو منو
وبوستاتي لمن افتحا ما بلوم ايي زول لو ما خش
انت بركة تستاهل يقلدوك وشاح الكاظمين الغيظ والعافين عن الناس
Post: #40 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 02:12 PM Parent: #39
محجوب
Quote: يا مسنوح... انا اتبندرت لاكثر من 15 عاما و عايز ترجعني للعنكوليب و الدردقو يا اخي مالك علينا
لا قاصد اذكرك بس يا شجم الرماد عشان ما تاكل الكنتاكي والبيتزا وتنسى خالتك ستنا وعمتك ام نعيم بهناك
Post: #41 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 02:16 PM Parent: #40
ود الهليل
Quote: ناس مابنمشي لناس ما بيجونا ديل يمكن يكون معاهم الحق لكن العجب في الناس الشايفا حالها . تلقى الموضوع عاجبو بس ما يخش بمداخلة لزوم اهميات و كدا . وفي نوع تاني بيكون مكجنك عشان كدا ما بيخش معاك. ونحن بنحترم استايل كل واحد.
يا اخي انت ديموقراطي شدييييييييييييد
بس مالك نفسك قائم ؟
Post: #42 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: فيصل محمد خليل Date: 01-02-2011, 02:20 PM Parent: #41
يا شيقا Mahjob M. Abdalla لم ياتي لحوار بل لاجندة اخرى التجاهل التجاهل التجاهل ___ يا محجوب يا بتاع حسن عيسى (حصاحيصا )
Post: #43 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الفاتح ميرغني Date: 01-02-2011, 02:30 PM Parent: #42
جيناكم يا حبايبنا بعد غربة وشوق نغالب في ويغالبنا!
كل سنة وأنت طيب
Post: #44 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Sabri Elshareef Date: 01-02-2011, 02:41 PM Parent: #43
جيناك وما طالبنك رد الزيارة الا اذا احببت وكمان جيناك يا نهر الجماهير العريض
معانا بوستاتنا اتفرج في الفيديو المناظرة واتمتع اذا لقيت لك رد ختو
واذا شاهدت وذهبت سعيد بشوفتك وطلتك
ودعناك الله وسلام لاهل السودان في مهجركم\ن القريب
Post: #45 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: haroon diyab Date: 01-02-2011, 02:44 PM Parent: #44
يازول ماتجي
برضو بنجيك
كل سنة وانت طيب
Post: #48 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 02:53 PM Parent: #43
الفاتح ود ميرغني
Quote: جيناكم يا حبايبنا بعد غربة وشوق نغالب في ويغالبنا!
هييييييييييييييع العشاء اب لبن دي المحرية فيك بالحيل
Post: #46 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عبدالفتاح أبوشيمة Date: 01-02-2011, 02:46 PM Parent: #41
Quote: دقونا بس انا مسردب للدبّيل (بضم الدال وتشديد الباء من دبل يدبل دبلة ) غايتو ( ما تجي واحدة بندرية تفسر الدبّيل دي بالتعدد في الزوجات)
طيب هو شنو الدُبّيل فهمنا ياحضرة المستشار اللي كلامك سار مليون مشوار فتّح لجروح عاملالنا عوار والراس ذاته لافّي دوّار
والاستلطاف عاضض ع الدار سياسة هاديك عالية كعلم في رأسه نار وما معاي يبقى ضدي نهار ليه الناس شغلتا بتنهار ما عارفين الميزان حتى لو قنطار ما بعمل شي إلا إنه حمار الازدواج ما صار معيار شغلتك دي منها حارقاني النار ليه الإنسان ما يشتار لي بكرة هداك خوفاً من نار ما بنمشي لي ناس ما بجونا لو بقت دعوة القصة راح تبقى شنار خلوا المعيار المكتوب هو شيتاً بندار وللا فيه أسرار خلنا نقتدي بي سنة الأبرار أهلك لو كعبين فكأنما تسفهم الملة الما فيها هظار وابقى دايماً أحسن من رفيقك اللي يوت محتار ما داير يمرق من فلكه الدوّار امشيله كتير لامن يخجل وعينيه في ازورار يمكن يرجع ويجيك بحوار يفيدكم اتنين مع الزوار حبيبي كتير عانيت ولا زلت بعاني من شغل الأغيار تصنيف ما تعرف قصده الخوار فلنختلف كما نشاء ولكن الدور دوار يمكن أحتاج ليك ذاتك تحتار هل حتساعدني وللا تظل كدا عكس التيار - ويمكن نواصل يا سعادة المستشار
لك التحية يا لمّاح
اللي ما بقيت تاكل ملاح
أو تشرب موية رحراح
كلامك فيهو الصاح والصاح
Post: #47 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 02:49 PM Parent: #46
فيسل
Quote: يا شيقا Mahjob M. Abdalla لم ياتي لحوار بل لاجندة اخرى التجاهل التجاهل التجاهل ___ يا محجوب يا بتاع حسن عيسى (حصاحيصا )
يا سجم الرماد ما تشفق خلينا نشوف اجندتو - طيب الظن طيب الظن طيب الظن يا اللخو
Post: #53 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Mahjob Abdalla Date: 01-02-2011, 03:11 PM Parent: #47
Quote: يا شيقا Mahjob M. Abdalla لم ياتي لحوار بل لاجندة اخرى التجاهل التجاهل التجاهل ___ يا محجوب يا بتاع حسن عيسى (حصاحيصا )
فيسل يا هبيب... كل عام و انت بخير... اسمعها مني و تجاهل بعد ذلك . من يوم 10 يناير ... الريس بكري و تماشيا مع تعليمات الريس الكبير ... قال ممنوع الكتابة بالرطانة و علي من يخالف ذلك نفيه الي الدولة المجاورة... اعمل حسابك و ابقي بندراوي زينا كده
Post: #49 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عمر علي حسن Date: 01-02-2011, 02:54 PM Parent: #40
Quote: غايتو انا بخش وبكتب ومابستنى زول يرد على مداخلتى , بالمقابل برضو مابقيف من كتابات الاخرين لانهم مابعبرونى "على قلة كتاباتى".
Quote: يا ود شيقوق سلام طبعا إنت بتكون الآن عارف بالتقريب الذين سيقومون بزيارتك هنا على العموم أنا بعمل بحكاية - ليس الواصل بالمكافئ - في ناس بتجبرنا نزورها بطرحها الراقي وموضوعيتها الهادفة وفي ناس ما بنجيهم لأنه الدراب دائما بيكون مكوم جنب الباب ولو جيت ماري بالشارع ساهي عشان تقرأ اسم اللوحة على الباب يمكن تتفلع
غايتو أنا ما تشيل همي لأني مقل جدا في افتراع البوستات بس في جماعة من زوارك المعتادين ما شاء الله كلهم يوم بوست
وإن كان لي أن أشارك في هذا الطرح فاقول بعد بسم الله الرحمن الرحيم يجب أن يكون دافعنا لزيارة أي بوست - باستثناء الاجتماعيات - هو الحوار الهادئ والنقاش المنطقي بعيدا عن العصبيات والأمور الشخصية وطبعا في أحيان كثيرة الجواب يكفيك عنوانــــــــه فيوفر عليك عناء الزيارة التفقدية
قالوا لخالتي اسماء بت كوداب ان فلانة زعلانه منها لانها ما جاتها في بكا خادمهم .. فردت خالتي ببساطة وعفوية : خلاس لامن تموت خادمنا ما تجيني !
ومع ذلك انا من نوع الكوت الاول ومؤيد لكوت جعفر محي الدين (الثاني)
شفت ازّاي ؟
عمر علي حسن
Post: #51 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 03:00 PM Parent: #49
Quote: سنة حلوة ومليانه بتحقيق ما ترغب فيه انت واسرتك
الف مرحب بيك عزيزي صبري الشريف ازدان البوست بطلتك البهية يا زعيم
Quote: جيناك وكنا طلعنا منك
نحن مرفوعي الرؤوس ( محجوب شريف )
جيناك وما طالبنك رد الزيارة الا اذا احببت وكمان جيناك يا نهر الجماهير العريض
لله درك يا محجوب فانت دوما صانع الحروف التي تلهب الاحاسيس والمشاعر
Quote: معانا بوستاتنا اتفرج في الفيديو المناظرة واتمتع اذا لقيت لك رد ختو
واذا شاهدت وذهبت سعيد بشوفتك وطلتك
بالحيل يا صبري انه لشرف لي ان اجد مساحة في خاطركم
Post: #155 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: د.محمد حسن Date: 01-05-2011, 03:42 PM Parent: #10
Quote: ربما يكون في مقدمتها أن لديهم كلــــــب شرس يربض أمام الباب ويتمضمض بعارقيب الرجال (ما يجي واحد حنكوش يخلط بين العراقي والعرقوب). >
سبقتني
اهنيك
ود شيقوق سلام
Post: #156 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-05-2011, 05:12 PM Parent: #155
الف مرحب دكتور محمد حسن
والف شكر على المرور
Post: #50 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: هالة الأقرع Date: 01-02-2011, 02:58 PM Parent: #1
العم الطيب شيقوق
مساء الخير و عساك مرتاح و بخير
طبعاً السياسة دي ما عندي
و الموضوع البيعجبني و بحس أني ممكن أقدم
فيه شيئ مفيد و لا بتلفت للشخص إن كان زارني
أو ما زارني لأنو القيمة بالإضافة و حقيقي في ناس ممكن
تزورك و ما تفيد و لا تضيف أي شئ بالتالي الواحد
بنفس القدر بيبعد عن أي بوست بيشعر إنه ما ممكن يضيف فيه فائدة
سنة سعيدة و حلوة عليك
كل الود و الإحترام
Post: #52 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 03:10 PM Parent: #50
هارون دياب
كل عام وانت بالف خير
Quote: يازول ماتجي
برضو بنجيك
يا اخيييييييي ما اصبتني في مقتل لكن
يا اخي العفو والعافية
Post: #54 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 03:39 PM Parent: #52
الخال ابو امير
Quote: قالوا لخالتي اسماء بت كوداب ان فلانة زعلانه منها لانها ما جاتها في بكا خادمهم .. فردت خالتي ببساطة وعفوية : خلاس لامن تموت خادمنا ما تجيني !
هلا هلا فتحوا عيونكم دي ما ياها ال reciprocity ذاتا يا خال
Quote: ومع ذلك انا من نوع الكوت الاول ومؤيد لكوت جعفر محي الدين (الثاني)
يا رجال انت ما عندك هم في المنتدى دا غير تشيل مخلايتك ملانة فرح تدفق منها في بوستات البخات بس ومحل رهيفة تنقد
عليك النبي المسكت شباكو تجي المرة الجاية تاخد ليك تكية و تبهلا كوووووووووولها هنا وخلي لسان الباقين ملح ملح
Post: #55 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 03:47 PM Parent: #54
هلوية بت اخوي
كيفك وكل عام وانت والاهل وخاصة اخوك الرجع البيت و جدع الجينز ولبس العراقي والسروال للبطان ( البطان يعني الجلد بالسوط)
Quote: طبعاً السياسة دي ما عندي
و الموضوع البيعجبني و بحس أني ممكن أقدم
فيه شيئ مفيد و لا بتلفت للشخص إن كان زارني
أو ما زارني لأنو القيمة بالإضافة و حقيقي في ناس ممكن
تزورك و ما تفيد و لا تضيف أي شئ بالتالي الواحد
بنفس القدر بيبعد عن أي بوست بيشعر إنه ما ممكن يضيف فيه فائدة
حاشاك حاشاك انت بت الزعيم - انا متابعك وعارفك بوست ما فيهو فائدة ما بتعتبي عليه طب ( تعرفي العتبة؟)
عليك ببوستات عمو شيقا بس لانو سلفي وبحب الحكي عن السلف الصالح بس
Post: #56 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 03:52 PM Parent: #55
شييييييييييييييمة
Quote: لك التحية يا لمّاح
اللي ما بقيت تاكل ملاح
أو تشرب موية رحراح
كلامك فيهو الصاح والصاح
انت ما تعمل ليك ديوان - وحاة الله تشبع فلوس نامن تقول بسسسسسسسسسسسسس
Post: #57 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: هالة الأقرع Date: 01-02-2011, 03:57 PM Parent: #55
أخوي مسكين عامل ما هاميهو
ما جاهو نتيجة لبس العراقي و السروال
صابر و ممكون
Quote: ( تعرفي العتبة؟)
أي بعرفها إلا تكون عتبةً تانية ما بعرفها
Quote: عليك ببوستات عمو شيقا بس لانو سلفي وبحب الحكي عن السلف الصالح بس
و هو كذلك و دي الحاجات التبستاهل
يعتّبوا عليها
سلامات نديّة
Post: #58 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 04:06 PM Parent: #57
هلوية
Quote: و هو كذلك و دي الحاجات التبستاهل
يعتّبوا عليها
هيييييييييييييع عمو عافي منك دنيا وآخرة - معليش كنت فاكرك شهادة عربية وكدا لكن لقيتك هييييييييييع تاني
دحين بابا مشى الوردة؟
تعرفي الوردة ؟
Post: #59 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: هالة الأقرع Date: 01-02-2011, 04:10 PM Parent: #58
الكذب خيبة بس الوردة الواااااااحدة دي بعرفها الوردة التانية لا المشى ليها أبوي أو لسى
برضو آثار الشهادة العربية مبارياني
Post: #60 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Mahjob Abdalla Date: 01-02-2011, 04:15 PM Parent: #59
Quote: يا سجم الرماد ما تشفق خلينا نشوف اجندتو - طيب الظن طيب الظن طيب الظن يا اللخو
و لو سمعت كلام فيسل ده و عملت تجاهل تجاهل تجاهل
اقوم اكدك ليك البوست بتاعك ده
Post: #61 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 04:18 PM Parent: #59
Quote: الكذب خيبة بس الوردة الواااااااحدة دي بعرفها الوردة التانية لا المشى ليها أبوي أو لسى
من كلمة (مبارياني) دي لقيتك هيييييييييييييع بت قبائل بالحيل
Post: #62 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 06:13 PM Parent: #61
بدون زعل
Post: #64 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abdlaziz Eisa Date: 01-02-2011, 06:39 PM Parent: #62
العزيز/ شيقا
مداخلتان وفيهن أغاني وين مشن؟؟
الليلة تأكد لي بما يدع مجالا للشك أن البورد ده مقدود!!
تحياتي
Post: #63 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عمر علي حسن Date: 01-02-2011, 06:24 PM Parent: #61
Quote: عليك النبي المسكت شباكو تجي المرة الجاية تاخد ليك تكية و تبهلا كوووووووووولها هنا وخلي لسان الباقين ملح ملح
ابشر ! وخالتي قاعدة .. تحمد ربها
الجمام والخرج والعتبة ديل بنعرفهم نحن ..
انا حسع كنت حايم في بوستات ثانية من ابو صفحتين وثلاته .. خفت لو لقوني جوه يدقوني بلا مغسة .. وبالمناسبه اكترهم اولادي .. لكني اكتشفت ان (السن بتضاحك نديدها ) .. ودا واحد من اسباب انهم ما بيجونا في بوستاتنا
عمر علي حسن
Post: #67 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 07:16 PM Parent: #63
الخال
Quote: انا حسع كنت حايم في بوستات ثانية من ابو صفحتين وثلاته .. خفت لو لقوني جوه يدقوني بلا مغسة ..
Post: #65 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: هالة الأقرع Date: 01-02-2011, 06:51 PM Parent: #61
العم الأرباب ود شيقوق
الله يكرمك
اي الخُرُج بعرفو :) البركة في خالي زمااااااااااااان سألني
لقاني ما بعرفو وراني بس الما بعرفو الوردة
قبل ما عارفة بس حسيت إني رديت عكس الإتجاه و لا ما بعرف
يمكن رديت عن نفسي و نسيت أقول رايي عموماً في الموضوع
بس بفتكر لو أي زول فكر بطريقة جاني و ما جيتو
الحكاية مُضرة خصوصي في البوستات الفيها واجبات
و البوستات البتحتاج معلومات أو تصحيح المعلومات
و إلا نبقى زي قصص اللوم و الشكر بره النت
بالنسبة لمجتمع الحريم خصوصي جاتني و ما جاتني
و ما بمش ليها
Post: #66 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abdlaziz Eisa Date: 01-02-2011, 07:12 PM Parent: #65
مبرووووووووووك بوصول فيسل للبوست ده.. كدا انت محظوظ بوجود شخصيات بارزة هنا...
الرهيفة ............
Post: #69 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: باسط المكي Date: 01-02-2011, 07:20 PM Parent: #66
الطيب سلامات كل عام وانت بخير اناشخصيا اصابتني هاء السكت يالحبيب
Post: #70 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 07:25 PM Parent: #66
هالة بت التلب ( تعرفي التلب؟)
عزو
جاييكم بس معاى ضيوف
Post: #165 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-09-2011, 09:04 AM Parent: #66
Quote: بس بفتكر لو أي زول فكر بطريقة جاني و ما جيتو
الحكاية مُضرة خصوصي في البوستات الفيها واجبات
و البوستات البتحتاج معلومات أو تصحيح المعلومات
و إلا نبقى زي قصص اللوم و الشكر بره النت
بالنسبة لمجتمع الحريم خصوصي جاتني و ما جاتني
تسلمي بتي هالة الاقرع كلام في الصميم
عزو
وينك يا مسنوح؟
Post: #172 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: تاج السر محمد حامد Date: 01-09-2011, 01:58 PM Parent: #66
Quote: طبعا كنت بتحير جداً لما أشوف موضوع قيّم وجميل وعدد المتداخلين فيهو لايتجاوز اصابع اليد الواحدة وفجأة تلقاهو فى الصفحة السبعمائة , شوية شوية أكتشفت انو الأمر هنا بمشى بفهم أعرفنى وأعرفك وأرفع لى البوست بتاعى وانا بالمقابل أى ويل دو ذا سيم .
فاوضنى بلا زعل أخوى الطيب .. والتحية عبرك للاخت ( ندى) التى ترجمت حروفها ببساطة أهلنا الطيبين .. فجاءت كلماتها سلسة ومعبرة ومن غير أى تكليف .. فلها التحية والتقدير والاحترام ولاخونا الطيب محبة بلاحدود وإنشاء الله نجيكم فى السمح والزين ..
تاج السر
Post: #68 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: محمد الجيلى Date: 01-02-2011, 07:19 PM Parent: #65
سلامات أستاذنا الطيب
مفروض الدخول للبوستات يكون من أجل الموضوع وليس الشخص!
بنرد على مواضيع وما راجيين زول يجينا في بوستاتنا
تقديري
Post: #71 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 07:51 PM Parent: #68
ود الجيلي
Quote: بنرد على مواضيع وما راجيين زول يجينا في بوستاتنا
اهااااااااا دا ياهو الكلام السمح ذاتو يا ود الجيلي
Post: #72 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: حاتم الفاضل Date: 01-02-2011, 07:59 PM Parent: #71
الأستاذ الطيب إنها حال السودان والسودانيين وعليها قس (بكسر القاف) ..
...
Post: #73 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 08:02 PM Parent: #71
هالة
Quote: اي الخُرُج بعرفو :) البركة في خالي زمااااااااااااان سألني
لقاني ما بعرفو وراني بس الما بعرفو الوردة
الوردة يا بتي عند ناس الضهاري ( تعرفي الضهاري؟) هي الذهاب للموية في النهر ( بس نحن زمان بنسميهو البحر )
انت ماك سمعتي الشاعر القال :
ورد ( بكسر الواو وتسكين الراء) اذا ورد البحيرة شاربا ورد الفرات زئيره والنيلا
الورد هو الاسد وورد البحيرة شاربا يعني ذهب ليشرب من البحيرة وورد الفرات زئيره والنيلا يعني زئير الاسد ورد او وصل نهر الفراد فورد فعل ماضي والفرات مفعول به وزئير فاعل والملاحظ يا بتي هنا ان الفاعل تقدم على المفعول من حيث الاعراب ولا برضكم كشا مشا في اللغة العربية؟
لقيتي عمو كيف؟
Post: #74 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 08:06 PM Parent: #73
عزو
Quote: مبرووووووووووك بوصول فيسل للبوست ده.. كدا انت محظوظ بوجود شخصيات بارزة هنا...
الله يصرفو
Post: #75 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 08:11 PM Parent: #74
استاذنا باسط مكي
كل عام وانت بخير
Quote: اناشخصيا اصابتني هاء السكت يالحبيب
راجع ود ميرغني زول بالحيل متخصص في فك الشفرات
Post: #77 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 08:14 PM Parent: #75
حاتم
Quote: الأستاذ الطيب إنها حال السودان والسودانيين وعليها قس (بكسر القاف) ..
ما تكسر لعمك لانو ناقشها بدون تكسرها ليهو
Post: #159 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: هالة الأقرع Date: 01-06-2011, 03:35 PM Parent: #73
عمي التلب
Quote: لقيتي عمو كيف؟[/
QUOTE]
كده لقيتك لكن
Post: #76 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Safia Mohamed Date: 01-02-2011, 08:14 PM Parent: #68
السلام عليكم كل سنة وانت طيب
قلنا نمسي
وننزل لومنا المن زماان داك لو متذكر كان بها لو ما الله يكون في العون المهم ما تنسى النوع الاجتماعي بلعب دور كبيير ايا كان الموضوع لو منزله جكس تلقى ناس كتار حايمة المهم لا نعمم ولكن ملاحظات
من زمن الزعلة ديك كان اخر بوست اتداخل معاك فيه اليلة قلت كدي النستغفر الله ونسلم تحياتي للجميع
صفية
توضيح: الزعلة في موضوع بسيط جدا واختلاف رؤى ليس الا ولا تحمل اي نوع من الاتهامات قد يرد على الخاطر
Post: #78 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: حاتم الفاضل Date: 01-02-2011, 09:04 PM Parent: #76
Quote: ما تكسر لعمك لانو ناقشها بدون تكسرها ليهو
الكسرة ما ليك يا عمك الكسرة للذين لا يجيدون قراءة اللغة وهم كثر (بضم الكاف والثاء)
تحياتي لك يا أستاذنا الطيب
...
Post: #79 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 09:13 PM Parent: #78
صفييييييييييية
Quote: قلنا نمسي
وننزل لومنا المن زماان داك لو متذكر كان بها لو ما الله يكون في العون المهم ما تنسى النوع الاجتماعي بلعب دور كبيير ايا كان الموضوع لو منزله جكس تلقى ناس كتار حايمة المهم لا نعمم ولكن ملاحظات
من زمن الزعلة ديك كان اخر بوست اتداخل معاك فيه اليلة قلت كدي النستغفر الله ونسلم تحياتي للجميع
صفية
توضيح: الزعلة في موضوع بسيط جدا واختلاف رؤى ليس الا ولا تحمل اي نوع من الاتهامات قد يرد على الخاطر
اوع بس حركات الجكس على الهاتف ؟
اقسم بالله اقسم بالله ما متذكر اى حاجة المهم حسيت تواريتي عن المنبر تماما ولكن لماذا ؟ الله يعلم ما عارف يا صفية
Post: #80 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 09:25 PM Parent: #79
حاتم
Quote: الكسرة ما ليك يا عمك الكسرة للذين لا يجيدون قراءة اللغة وهم كثر (بضم الكاف والثاء)
تسلم يا ابني - بس انت طيب ولو ادوك ضربة جزاء جااااااااااااهزة تقوم تشوتها برة القون
Post: #81 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Safia Mohamed Date: 01-02-2011, 09:46 PM Parent: #79
Quote: اقسم بالله اقسم بالله ما متذكر اى حاجة المهم حسيت تواريتي عن المنبر تماما ولكن لماذا ؟ الله يعلم ما عارف يا صفية
ء
سلام تاني عارفاك ما بتكون متذكر النذكرك بوست العكاكيز لما قلت ليك نحن بعكاكيزنا بنضاربااتذتركت ولا ازيد شوي تفاصيل
تحياتي صفية
Post: #82 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: طارق ميرغني Date: 01-02-2011, 09:55 PM Parent: #81
اخي الطيب
زيارة البوستات تحكمها عوامل عده من ضمنها الاهتمام المشترك بين الاعضاء
سوي كان سياسي او ثقافي او فني او حتي مهني
او تحكمها العلاقات العامة من صداقة او تعارف او حتي قرابه
او المنطقه التي يعيش فيها صاحب البوست
من ناحية اهل او سكن او اقامة
ولا شنو؟؟
Post: #83 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 10:02 PM
Quote: عارفاك ما بتكون متذكر النذكرك بوست العكاكيز لما قلت ليك نحن بعكاكيزنا بنضاربااتذتركت ولا ازيد شوي تفاصيل
والله يا صفية اختي ماسح تماما وما متذكر وحياتك
انا صفية اختي بتاريخ اليوم مسجل اكثر من 20 الف مشاركة ما في حد قال لي جرحتني
Post: #84 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: حاتم الفاضل Date: 01-02-2011, 10:04 PM Parent: #81
Quote: تسلم يا ابني - بس انت طيب ولو ادوك ضربة جزاء جااااااااااااهزة تقوم تشوتها برة القون
لك التحية ما عارف (يا ابني) أهي للتصغير أم لتكبير نفسك (عمراً)؟ حقيقة لا أعرفك ولكني اقرا لك ولكل من يكتب في هذا المنبر وليس لدي أسماء معينة. أكتب في المواضيع التي تستهويني ولا أنتظر رداً ولا تداخلا من أحداً أتفاعل مع كل المواضيع التي تمس دواخلي.
لك مليون تحية
.. الكرة أصلا برة القوووون
Post: #85 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 10:10 PM Parent: #84
حاتم
انت مش فوق قلت
Quote: الكسرة ما ليك يا عمك الكسرة للذين لا يجيدون قراءة اللغة وهم كثر (بضم الكاف والثاء)
بالتاكيد لاني اكبر منك عمرا يا العزيز
Post: #86 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-02-2011, 10:13 PM Parent: #85
طارق ميرغني
Quote: زيارة البوستات تحكمها عوامل عده من ضمنها الاهتمام المشترك بين الاعضاء
سوي كان سياسي او ثقافي او فني او حتي مهني
او تحكمها العلاقات العامة من صداقة او تعارف او حتي قرابه
او المنطقه التي يعيش فيها صاحب البوست
من ناحية اهل او سكن او اقامة
تسلم يا صديقي فهذه فعلا القواسم المشتركة الداعية لتلك التكتلات
Post: #87 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: رانيه محمد الشيخ Date: 01-02-2011, 11:18 PM Parent: #1
المشارك مفروض يشارك فى المواضيع البيحس انه بيضيف فيها ما بيجامل فيها
يعنى ما عشان زول رد عليك تفتش على بوست له ترد عليه
كده حتفقد معنى المشاركه والاستفاده يا فرده
Post: #88 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: بدر الدين احمد موسى Date: 01-02-2011, 11:27 PM Parent: #87
الطيب شيقوق كل سنة وانت طيب
والله للاسف دي سياسة مهمة جدا, ومفروض يتعمل بيها. يعني تمشي وتتداخل مع زول, وابدا ما تشوفو في بوستاتك, طبعا ليها معنى واحد!
Post: #89 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 06:01 AM Parent: #88
رونو
Quote: المشارك مفروض يشارك فى المواضيع البيحس انه بيضيف فيها ما بيجامل فيها
لا فض فوك يا رائعة
Quote: يعنى ما عشان زول رد عليك تفتش على بوست له ترد عليه
عيبي انا مرات بمشي بفتش بوستات الجوني وكان ما لقيت حاجة اكتبها بقول واحدة من المفردات الاتية :
لو كان زول ضهاري بقول ليهو هييييييييييع عافي منك دنيا وآخرة او مسنوووووووووووووح
ولو كان زول بنادر بقول ليهو ( اصبحنا رغم البين روح واحدة في جسدين - او اى من العبارات التي يمكن ان تذوب صاحب البوست رقة ولطافة )
لقيتيني كيف ؟
ان شاء الله خالي عمر يجي في المداخلة دي دايس ابنصيهو سااااااى وبالو بعيد مع الشدر اللافي مع سرعة لوريهو زى السورو .
Post: #90 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abdlaziz Eisa Date: 01-03-2011, 06:35 AM Parent: #89
سلام
لا يا رنو.. أحيانا وفي كثير من البوستات زي ده مثلا.. أتلب في النص.. بعدين أشوف البوست ده عنوانه شنو؟ هدفه شنو؟ وصاحبو منو؟ وقالوا فيه شنو؟ وبعد ديل كولهن لو ما لقيت فجة أدخل راسي معاهم.. اعمل ترفيع..(فوق.. فوق) وأشتت..
ولو افتكرت أن كلمة أشتت دي بتفرح ناس جوة البوست, أو صاحبه زي شيقا ده يعني, أقوم أحت جوة وماني طالع...
تحياتي
Post: #108 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: رانيه محمد الشيخ Date: 01-03-2011, 12:43 PM Parent: #90
والله يا عبدالعزيز الحكايه دى ماااااا بحسها منطقيه المشاركه مفروض تضيف لبوست ما ترفعه وبس انا بتفرس شديد لمن ادخل بوست واقرا البدايه والقى الردود كلها دفرى ساى المنتدى هو منتدى حوار ونقاش واخذ وعطاء
Post: #91 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: almulaomar Date: 01-03-2011, 06:46 AM Parent: #89
يا زول مقفع شنو نحنا ناس ظروف المحل والجفاف أرغمتنا مكرهين أن يممنا شطر العاصمة ولما طاب لنا المقام فيها من باب "من عاشر قوماً أربعين يوماً صار منهم أو شتت منهم" ولما لم يكن لنا قبلة نشتت إليها بعد أن ضاقت علينا الأرض بما رحبت كان علينا أن نحاول مسايرة البندره والعلومه والفلهمة سااااكت (حتى وإن لم تكن خايله فينا أو لافقه معانا) والتي تقتضي إحدى ضروراتها أن نكون easy going وإن كان تحت تحت ما زلنا نحاكي horse إمرؤ القيس (إِذَا جَاشَ فِيْهِ حَمْيُهُ غَلْيُ مِرْجَلِ) والحال كذلك يا ودشيقوق مرات كده بنحرن كما تعلم وفي أحسن حالات تسامحنا بيكون البطان في أمصارنا سداد فالعرق دساس والإيدو أونلاين ما زي الإيدو أوفلاين. وكان حري بك أن تستشهد بأشعار الهمباته فهم شعراء بادية نبلاء وعليك الله عيبهم لي.
Post: #93 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: ادم الهلباوى Date: 01-03-2011, 06:58 AM Parent: #91
الأخ الكريم / ول شيقوق
حبينا نقول صباح الخير ونشوفك كيفن اصبحت
عساك طيب
..
Post: #92 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 06:54 AM Parent: #89
بدر الدين احمد موسى
Quote: والله للاسف دي سياسة مهمة جدا, ومفروض يتعمل بيها. يعني تمشي وتتداخل مع زول, وابدا ما تشوفو في بوستاتك, طبعا ليها معنى واحد!
لا عليك الله فسرها بطيب المقاصد -
Post: #95 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abdlaziz Eisa Date: 01-03-2011, 07:11 AM Parent: #92
Post: #96 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: محمد الكامل عبد الحليم Date: 01-03-2011, 07:38 AM Parent: #1
تحية الي سعادة المستشار....لا اخفي ارتياحي لما تطرحه دوما من مواضيع او مرئيات او فذلكات...مما يكسر الملل والرتابة او يدعو الي العصف الذهني...الاحظ الشلليات في المنبر والتعامل بينها بطريقة خذ وهات...هناك بعض التفكير الجهوي البغيض....هناك الكثير من (تكسير الثلج ) كما تقول الثقافة العامة...هناك من يؤمن بالحوار وتعدد الاراء...هناك( غواصات)....تخدم اجندتها....ولا يخفي ذلك علي المتابع الحصيف...اخرون ان تداخلت معهم لا يشتغلون بالرد لاختلافك الفكري معهم....البعض يتعامل بذوق عال ويؤمن بتلاقح الافكار....
علي ضوء ما تقدم يا استاذ شيقوق يتضح لك مدي اهمية تبادل الافكار والاراء لكن سيتضح لك بطبيعة الحال مدي التباين في الثقافات والاراء....حيث لا تخفي ثقافة ..(.ما بنمشي لي ناس ما بجونا...)....هل نقول ....0(دا الجنن عبد القادر)....
فكيف يجمعنا منبر واحد ان لم نصبر علي بعضنا البعض ...هذا علي اقل تقدير...
لك وللجميع الاحترام
Post: #97 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عبدالفتاح أبوشيمة Date: 01-03-2011, 08:44 AM Parent: #96
Quote:
تحية الي سعادة المستشار....لا اخفي ارتياحي لما تطرحه دوما من مواضيع او مرئيات او فذلكات...مما يكسر الملل والرتابة او يدعو الي العصف الذهني...الاحظ الشلليات في المنبر والتعامل بينها بطريقة خذ وهات...هناك بعض التفكير الجهوي البغيض....هناك الكثير من (تكسير الثلج ) كما تقول الثقافة العامة...هناك من يؤمن بالحوار وتعدد الاراء...هناك( غواصات)....تخدم اجندتها....ولا يخفي ذلك علي المتابع الحصيف...اخرون ان تداخلت معهم لا يشتغلون بالرد لاختلافك الفكري معهم....البعض يتعامل بذوق عال ويؤمن بتلاقح الافكار.... علي ضوء ما تقدم يا استاذ شيقوق يتضح لك مدي اهمية تبادل الافكار والاراء لكن سيتضح لك بطبيعة الحال مدي التباين في الثقافات والاراء....حيث لا تخفي ثقافة ..(.ما بنمشي لي ناس ما بجونا...)....هل نقول ....0(دا الجنن عبد القادر).... فكيف يجمعنا منبر واحد ان لم نصبر علي بعضنا البعض ...هذا علي اقل تقدير... لك وللجميع الاحترام
لا فض فوك
وشيقا
إن شاالله يموت عدوك
وفوقكا
Post: #98 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 09:18 AM Parent: #97
معليش يا اخوانا زحمة الدوام صرفتنا عنكم شوية
خلوني اتناول لي كأس مييييييييييي ( لغة ناس طارق جبريل سجم الرماد) واقبل علي الردود .
عزو
Quote: ولو افتكرت أن كلمة أشتت دي بتفرح ناس جوة البوست, أو صاحبه زي شيقا ده يعني, أقوم أحت جوة وماني طالع...
دا شنو كتلتني بضحكة يا اخي - ذكرتني النوع البجي الحفلات متأبط شرا ومولع لط ( حماك الله لو بقيت ما من سلة البهجويين ) ولما الفنان يبدأ يترنح مع الاغنية يروح طالع ليهو فوق في المسرح وتفوح منه رائحة (بت السودان) ولما الفنان يتنسم عطر بت السودان يأخدلو منو جفلة لا وراء ومن ثم تبدأ نهايات الحفل مع بداياته ويترتب على ذلك نوم الفنان بالمقدم المدفوع وعييييييييك.
Post: #99 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 09:30 AM Parent: #98
الملا عمر
كيفك يا حبيبي
يا زول مقفع شنو نحنا ناس ظروف المحل والجفاف أرغمتنا مكرهين أن يممنا شطر العاصمة ولما طاب لنا المقام فيها من باب "من عاشر قوماً أربعين يوماً صار منهم أو شتت منهم" ولما لم يكن لنا قبلة نشتت إليها بعد أن ضاقت علينا الأرض بما رحبت كان علينا أن نحاول مسايرة البندره والعلومه والفلهمة سااااكت (حتى وإن لم تكن خايله فينا أو لافقه معانا) والتي تقتضي إحدى ضروراتها أن نكون easy going وإن كان تحت تحت ما زلنا نحاكي horse إمرؤ القيس (إِذَا جَاشَ فِيْهِ حَمْيُهُ غَلْيُ مِرْجَلِ) والحال كذلك يا ودشيقوق مرات كده بنحرن كما تعلم وفي أحسن حالات تسامحنا بيكون البطان في أمصارنا سداد فالعرق دساس والإيدو أونلاين ما زي الإيدو أوفلاين. وكان حري بك أن تستشهد بأشعار الهمباته فهم شعراء بادية نبلاء وعليك الله عيبهم لي.
[B] يا رجال حكيك المسبّك دا الزمن دا كووووووووولو داسيهو وين
متمنى بس تجيني ضيف يا الملا عشان اقوم اعزمك فطور وما اضبح ليك علا الديك اب علاعل واديهو السمحة ام ولدي تسبكو لينا سبكة تمام تاكل نامن تقوم شايل طين في راحاتك تحت .
Post: #100 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 09:33 AM Parent: #99
ادم هلباوي
Quote: حبينا نقول صباح الخير ونشوفك كيفن اصبحت
حبابك وكتر خيرك بالحيل على الطلة البهية
دحين وين كبر ؟- يمكن مشى العمرة؟
Post: #103 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 10:13 AM Parent: #100
اخي محمد الكامل عبد الرحيم
Quote: تحية الي سعادة المستشار....لا اخفي ارتياحي لما تطرحه دوما من مواضيع او مرئيات او فذلكات...مما يكسر الملل والرتابة او يدعو الي العصف الذهني...
اكرمت يا صديقي بس اخشى ان تفقدك بندريتك بعضا من مفردات ضهارينا
Quote: الاحظ الشلليات في المنبر والتعامل بينها بطريقة خذ وهات...هناك بعض التفكير الجهوي البغيض....هناك الكثير من (تكسير الثلج ) كما تقول الثقافة العامة...هناك من يؤمن بالحوار وتعدد الاراء...هناك( غواصات)....تخدم اجندتها....ولا يخفي ذلك علي المتابع الحصيف...اخرون ان تداخلت معهم لا يشتغلون بالرد لاختلافك الفكري معهم....البعض يتعامل بذوق عال ويؤمن بتلاقح الافكار....
دي حقيقة اخي الكامل غير اني ارى ان تواصل الناس في هذا المنبر شبيه بتواصلهم تحت صيوانات البكاء ( العزاءات) حيث نجد بعض من روادها عاملين ليهم حلقة براهم وبعيدين عن الاخرين يضحكون ويتسامرون لوجود عوامل مشتركة بينهم - ونجد حلقة اخرى يتوسطها احد ظرفاء القرية يحكي ويستمع اليه الاخرون ، وآخرون لا تهمهم هذه الحلقة او تلك وانما في انتظار اللاندنج بتاع عمود مجيّه وكااااااارب عشان يروح يسفسف ويتكامل بيتو.
يا اخي لا تأبه لسلوك الاخرين الاسفيري لأن بعض منهم ربما يفتقر الى فن ال communication وبيكون عايز يديك كلمة ترضيك يحشر ليك كليمة تخليك تفكر النهار كلو عن مقاصده ان كانت نبيلة او للنيل منك . وفي هذه الحالة الاخيرة وعشان تريح بالك رد ليهو بفرضية حسن نواياه اما لتصحيح مساره ان كان حسن النية ولكن (خانو التعبير) او لاكتشاف مقاصد التجني عليك عشان تبعد من الشر وتغنيلو.
Quote: فكيف يجمعنا منبر واحد ان لم نصبر علي بعضنا البعض ...هذا علي اقل تقدير...
أحسنت يا عزيزي ود الكامل
Post: #104 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 10:16 AM Parent: #100
شيمة
Quote: لا فض فوك
وشيقا
إن شاالله يموت عدوك
ما تناسبونا يا اخي خلينا نشبع من تمركم دا سااااااى
Post: #123 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 08:14 PM Parent: #100
ما بنمشي لي ناس ما بيجونا
Post: #101 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: هويدا شرف الدين Date: 01-03-2011, 09:33 AM Parent: #99
!
Post: #102 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: محمد الكامل عبد الحليم Date: 01-03-2011, 09:46 AM Parent: #97
تحية....دعنا نسبح يا عبد الفتاح في فضاءات التسامي ...والتسامح....لن نترك من هذه الدنيا غير السيرة العطرة...
ونصنع المثال وحسن الاقتداء ...ونقف ضد القبح....ونتغني بالجمال....شن قولك
Post: #105 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 10:19 AM Parent: #102
اللييييييييييلة
Quote: !
هدهد
الشوق ليك حزم عنكوليب
Post: #106 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: وليد عبد اللطيف Date: 01-03-2011, 12:10 PM Parent: #105
في ناس بتجبرك تمشي ليهم حتى ولو ما جوك وكمان مابعرفوك اصلا ...
Post: #107 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: محمد الكامل عبد الحليم Date: 01-03-2011, 12:24 PM Parent: #106
تحية......وليد انت معزوم معنا علي عشاء اسفيري....لك الاحترام
Post: #109 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 12:46 PM Parent: #107
الوليد
Quote: في ناس بتجبرك تمشي ليهم حتى ولو ما جوك وكمان مابعرفوك اصلا ...
دا نوع خالي حسن طه - ود البوب
ود الكامل
يبدو ما قريت ردي ليك فوق
Post: #112 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: محمد الكامل عبد الحليم Date: 01-03-2011, 01:52 PM Parent: #109
تحية وردية عطرية لود شيقوق....البندرية لن تنسينا افراح الحصاد...والطنابير التصحي الكانو نايمين...منها نستمد االمروءة...ونتمدد بكريم المعاني ان لم يسعد الحال ويسعف بكريم العطاء....وحين ناتي للبندر تجئ معنا البساطة والسماحة والتواصل ...لناخذ (ا ب ت ث) التذوق...قبل ان نغرق في اللجة... وما ادراك ما هي ...
حين تصور المنبر كيصوان العزاء ... يشترك الجميع حينئذ في المواساة...فعلهم الانساني هذا يحمله المصير الانساني....فكيف لشركاء الهم ان تعصف بهم رياح الفانية...(فرندقس بلا قبيل)...
وحين ننتظر الصينية المدنكلة كاننا نحلق حول الملهاة( الدنيا ام قدود).....اين المرحوم يا سعادة المستشار؟
لك الحب
Post: #110 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عبدالفتاح أبوشيمة Date: 01-03-2011, 01:14 PM Parent: #102
Quote: تحية....دعنا نسبح يا عبد الفتاح في فضاءات التسامي ...والتسامح....لن نترك من هذه الدنيا غير السيرة العطرة...
ونصنع المثال وحسن الاقتداء ...ونقف ضد القبح....ونتغني بالجمال....شن قولك
الحب دا ما بشروه بي قروش ولا فيه مقابل عشان ندوش الحب دا بس طيبة وشوش والكلمة رشريش الرشوش الحب دا تدي وما تحوش شيل الحبيب فوق الرموش وحب الوطن تنتج عيوش ما تخربشه وتحدث خدوش
-- لن نترك من هذه الدنيا غير السيرة العطرة... --
ياريت لو تعرف ناسنا عطر الكلمة وبوح الكلمة تأسر فيك زي الحلمة ود الكامل زول الحكمة والدنيا شن فيها غير ضل الكلمة والسيرة العطرة بتبدا بي كلمة والعشرة الدايمة محمولة كلمة مالك مال ديني وللا حنيني مالك مال حزبي وتفكيري أديتك كلمة قول لي الفيني رد علي وخليك حنيني ما تحقد في بي شي تلويني ولا تفرد كلمة عشان تكويني أنا أصلاً جيتك عشان اقراك فيني وإنت كمان تقرا تواسيني لكن تستعدي عشان تكويني ما اتخلقنا جميع بالفيك وفيني دا ما قدر الله مالك مابيني ما بكرة بموت من جديد تبكيني وتذكر لمحاسن ما شايفا فيني بعد ضيعت معاك عمراً ماضيني كنت بعيد وجد كنت ضنين نحن وين قاعدين شان تحدر فيني ما إنت بعيد وأنا لي سنيني وسياسة الجن اللي مالياك الحيني باكر تنساها لي مصالحي الفيني عشان مصلحتك إنت ما مابيني شن جد عشان ودادك جاني اليوم الأغبر ما شفت حنيني وحسي جيت تتندم بعد مت سنين وشبعت الموت كنت ماك سائل فيني وكتين جاك يوم ضعفك زاد ليك حنيني وعايز تستغفر للعملتو فيني بس كيف تلقاني ما اتبرزخت سنين ويوم ما نتلاقي هناك ما عدت أتذكر غير نفسي الفيني لا فاكر أبوي ولا أمي حنيني ولا ديك أولادي لو اتشربكو فيني أفوت زي نعجة دارة لكن زهجت من زيني
وقد تلتقي كلماتنا
يا محبوبين
شيقا
الرطب السمح
عند السنجك
اللي عندنا ما عاد ليك سنينات ليه
وبعدين قلت لي ديوان
ديوان حتى واحدة كدي أول كلم لينا صاحبك يدينا مكتبة أول نلمهم في حتة واحدة بعدين وليداتنا يلقطوا منه اللي بقدروا عليه ديوان وين نحن ناس مساكين حق المواصلات ذاته بالدين كيف نطبع لدواوين؟
Post: #111 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abdlaziz Eisa Date: 01-03-2011, 01:23 PM Parent: #110
كبيت ليهو السكر وبقيت في البحلني من الحمام!!
Post: #113 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: محمد الكامل عبد الحليم Date: 01-03-2011, 01:59 PM Parent: #110
اخوي عبد الفتاح......حروف من نور....يسطع النور من الداخل...ينبلج ويتمدد سماحة....
شركاء نحن في الهم الانساني .....وفي الحب ايضا يا صديق....تسلم.....
(اذا الدنيا باجمعها حبيب واحد ذخر ...اذا ضاءت مطالعه فكل سمائنا بدر....)
Post: #114 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 03:24 PM Parent: #113
ود الكامل
Quote: وحين ناتي للبندر تجئ معنا البساطة والسماحة والتواصل ...لناخذ (ا ب ت ث) التذوق...قبل ان نغرق في اللجة... وما ادراك ما هي ...
اين نحن الان من اللجة أدخلناها ام قاب قوسين او ادنى منها؟
Quote: حين تصور المنبر كيصوان العزاء ... يشترك الجميع حينئذ في المواساة...فعلهم الانساني هذا يحمله المصير الانساني....فكيف لشركاء الهم ان تعصف بهم رياح الفانية...(فرندقس بلا قبيل)...
لا ابدا وانما هو تشبيه في سياق إستحسان الوجه المكفّن بالجمال
Quote: وحين ننتظر الصينية المدنكلة كاننا نحلق حول الملهاة( الدنيا ام قدود).....اين المرحوم يا سعادة المستشار؟
اجد مرحوما هو التسامح ومولودا نحن في انتظاره هو العشم في صناعة مدينة فاضلة للتسامح نفسه
Post: #115 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 03:27 PM Parent: #114
شيمة
Quote: شيقا
الرطب السمح
عند السنجك
اتاريك عراف انا كت قايلك ساكت
Post: #116 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 03:28 PM Parent: #115
Quote: كبيت ليهو السكر وبقيت في البحلني من الحمام!!
مالو بعضي؟
Post: #117 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abdlaziz Eisa Date: 01-03-2011, 04:50 PM Parent: #116
Quote:
مالو بعضي؟
لا لا ب ع ض ي!!!
Post: #118 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 05:32 PM Parent: #117
Quote: لا لا ب ع ض ي!!!
بنقل القش لعيالو؟
Post: #119 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abdlaziz Eisa Date: 01-03-2011, 06:24 PM Parent: #118
الحمام البيعضي ده خليناه... نمشي مع القماري..
Post: #120 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 06:27 PM Parent: #119
Quote: الحمام البيعضي ده خليناه... نمشي مع القماري..
يا زول شايف لي شريط اسود لكن ما بين لي حاجة
ات عملت شنو؟ او ظروف بريدية ملغومة ؟
Post: #121 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abdlaziz Eisa Date: 01-03-2011, 06:45 PM Parent: #120
هسي جربته.. شغال زي الصاعقة..
راجع عنكوليبك ده...
افرز العدار...
Post: #122 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 07:14 PM Parent: #121
Post: #124 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عبدالمجيد المقابل Date: 01-03-2011, 08:19 PM Parent: #122
Quote: وين شقي الحال دا - المسكين بيكون بيجري في عملية سيزيريان ولا شغال بالجيهو والما بجيهو
حبيبنا شيقا , كل عام و أنت بخير , .. الأسبوع الفات دا كلو كان سفر, يا دوب أستقريت اليوم ! طبعا" أنا بحب البوستات السيدها رافع شعار ( يا ضيفنا لو زرتنا في بوستنا لوجدتنا نحن الضيوف و أنت صاحب البوست) التحية عبرك لدكتور أبوبكر شداد
Post: #125 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 08:36 PM Parent: #124
البروف المقابل
كل عام وانت بالف خير
Quote: حبيبنا شيقا , كل عام و أنت بخير , .. الأسبوع الفات دا كلو كان سفر, يا دوب أستقريت اليوم ! طبعا" أنا بحب البوستات السيدها رافع شعار ( يا ضيفنا لو زرتنا في بوستنا لوجدتنا نحن الضيوف و أنت صاحب البوست)
يا العزيز نحن عارفون ومقدرون بس ريدتنا ليك خلتنا نديك هبشه عشان نلقى منك لحيقة زي دي
Post: #126 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: سيف الدولة كامل Date: 01-03-2011, 09:11 PM Parent: #125
المسنوووووح ,,سلامات وكل سنة وانت طيب
تجيك صاقعة تكتل عدوك وتخليك يا الفحل.
Post: #127 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-03-2011, 09:40 PM Parent: #126
ود الكامل
Quote: تجيك صاقعة تكتل عدوك وتخليك يا الفحل.
ياها دي خوتكم ناس البندر فزعكم بجي للزول بعد يوهطوهو في ود الاحد طااااااااااااب ويجوا ناس الطاهر الدرديري للدعاء والماء الثلج ........فإن كان محسنا فزد في احسانه وعيييييييك صاح؟
Post: #128 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: حواء سليمان ابراهيم Date: 01-03-2011, 10:05 PM Parent: #127
Quote: غايتو انا بخش وبكتب ومابستنى زول يرد على مداخلتى , بالمقابل برضو مابقيف من كتابات الاخرين لانهم مابعبرونى "على قلة كتاباتى".
نفس الكلام دا بنطبق علي يا ندى ليك النحية ولصاحب البوست كمان
Post: #129 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-04-2011, 04:13 AM Parent: #128
الاستاذة حواء سليمان
الف مرحب بيك وبمرورك المتميز وكل عام وانت وافراد اسرتك الميامين بالف خير
Post: #135 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: محمد الكامل عبد الحليم Date: 01-04-2011, 12:24 PM Parent: #128
تحية .....لانك ذوق تستاهلي الحروف المعطونة بي عسل....ولو كان شخصك الكريم هو من قابلته في تورنتو وقدم لي الدعم والمساعدة عند قدومي الي تلكمو البلاد لاول مرة يصبح الاحتفاء بك مضاعفا.... والاشادة بك ليس من قبيل لزوم ما يلزم بل تفيض بالاحترام لقامات سامقة من بلادي....
Post: #130 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: محمد الكامل عبد الحليم Date: 01-04-2011, 06:29 AM Parent: #116
تحية لود شيقوق...مركز الاضاءات الظريفة....
(لله در عصابة نادمتهم يوما بجلق في الزمان الاوحد)...كما قال الشاعر.... اعني الظرفاء المتداخلين ..عبد الفتاح...وصاحب الرطب الجنية وصاحبة العلامة التعجبية...ووليد وهو يتاوق...وبقية العقد الفريد المنظوم حول عمامة سعادة المستشار
لكم الحب
Post: #131 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-04-2011, 06:58 AM Parent: #130
ود الكامل
Quote: لله درّ عصابةٍ نادمتهم يوماً بجـِلَّقَ في الزمان الأولِ
لله درك ودر شاعرنا حسان بن ثابت وهو يقول :-
أولاد جفنة حول قبر أبيهمُ قبر ابن مارية الكريم المفضلِ
يسقون من ورد البريص عليهمُ برَدى يصفّق بالرحيق السلسلِ
بـِيضُ الوجوه كريمةُ أحسابهم شمَ الأنوف من الطراز الأولِ
يغشون حتى ما تهرّ كلابهم لا يسألون عن السواد المقبلِ
Post: #132 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عبدالرحمن الحلاوي Date: 01-04-2011, 07:46 AM Parent: #130
الطيب سلام البوستات خشم بيوت فيها النافع الممتع وفيها الذي يزيد تعاستك تعاسة فتخرج منها كصائد يتعقب فريسة ومن البوستات ما تخرج منها بخفي حنين وفي تقديري أن المسألة مزاجية صرفة أحيانا واحيانا إجباري تتداخل من اجل الإضافة أو قنطرة لآخر ..وكل عام وأنتم بخير ..قاطع مالك يا زول ؟؟
Post: #133 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-04-2011, 08:18 AM Parent: #132
ود المضوي
حبابك حبابك وكل عام وانت بالف خير
Quote: البوستات خشم بيوت فيها النافع الممتع وفيها الذي يزيد تعاستك تعاسة فتخرج منها كصائد يتعقب فريسة ومن البوستات ما تخرج منها بخفي حنين وفي تقديري أن المسألة مزاجية صرفة أحيانا واحيانا إجباري تتداخل من اجل الإضافة أو قنطرة لآخر ..وكل عام وأنتم بخير ..قاطع مالك يا زول ؟؟
والله كلامك صاح .
مالك الليلة نفسك قائم كدا ؟ كلامك دا كلام زول محبط من سودانيز كوووووولها يا ود عمي .
Post: #134 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abdlaziz Eisa Date: 01-04-2011, 11:58 AM Parent: #133
Quote: نفس الكلام دا بنطبق علي يا ندى ليك التحية ولصاحب البوست كمان
حــــــــــــــــــــــــــــــــــــــــــــواء
يعني الواحد وين ما يلقى مقاسة يلبس!!
بتعرف البودا يا شيقايكس!!!!!!!!!
ما تمشي تقول لي ده الإله بتاع أهلنا ديل!!
Post: #146 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عبدالرحمن الحلاوي Date: 01-05-2011, 04:26 AM Parent: #133
Quote: مالك الليلة نفسك قائم كدا ؟ كلامك دا كلام زول محبط من سودانيز كوووووولها يا ود عمي .
والله سودانيز أونلاين أبداً ما قصرت في الاجتماعيات ولا السياسة ولا المعرفة ولا الأخبار أبداً ...بس برضو في سوق أم دفسو بتلقى الدفيس والنفيس ههههههه تحياتي اظهر لينا بي هناك تحياتي
Post: #136 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: محمد الكامل عبد الحليم Date: 01-04-2011, 12:36 PM Parent: #132
تحية .....لاننا نتقاسم هم الوطن وهو من مازق الي اخر تزداداحباطاتنا وتعاستنا...وبما ان قطرات الماء المستمرة تنحت الصخور تستمر محاولاتنا في التعامل والتنوير والتفاكر وتلاقح الافكار ومواجهة الاوضاع بما يخدم الهدف الاسمي ....وطن ديمقراطي ..حدادي مدادي...
فلا تصاب بالوهن والقنوط يا صديقي فالفجر ات
مع الاحترام
Post: #137 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-04-2011, 02:58 PM Parent: #136
ود الكامل
Quote: تحية .....لاننا نتقاسم هم الوطن وهو من مازق الي اخر يزداد احباطتنا وتعاستنا...وبما ان قطرات الماء المستمرة تنحت الصخور تستمر محاولاتنا في التعامل والتنوير والتفاكر وتلاقح الافكار ومواجهة الاوضاع بما يخدم الهدف الاسمس..زوطن ديمقراطي ..حدادي مدادي...
تسلم يا الحبيب
Post: #138 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عبدالفتاح أبوشيمة Date: 01-04-2011, 03:30 PM Parent: #137
[QUOTE](لله در عصابة نادمتهم يوما بجلق في الزمان الاوحد)...كما قال الشاعر.... اعني الظرفاء المتداخلين ..عبد الفتاح...وصاحب الرطب الجنية وصاحبة العلامة التعجبية...ووليد وهو يتاوق...وبقية العقد الفريد المنظوم حول عمامة سعادة المستشار
لكم الحب
ولك كل الحب كل الحب
يا سيد الحب
شيقا زولك دا قال عنده ناس تتحب
نان إنت مالك بتهضرب
شي بلح وشي رطب
اتهنضب يا زول
ما تقوم تجي واقع رب
ود عبد الحليم ما تسوق الزول
للأستاذ داك عشان يأدبه طب
--
شيقا إنت عارف السبب
لي صوتك لومك شنو؟
إنتو ما عايشين معانا إنتو بس عايشين فصام والمشكلة القصة هيك عمر ما بترمي أمام بس دايرة بس حبة نظام كيف توفق بين هواك وبين ناس وئام عشان تعيشوا في وئام أو أقله في سلام
ناس في ساس وساس يسوس وناس بهناك في ساط يسوط أما هديل بيعوسوا عواسة ألطف شي يتلاقوا الساسة الدارسين في فنه دراسة -- شيقا هاك دا معاك جلمنتوشي لا شعراً يجيب ملطوشي ولا نثراً يهدى لبوش-- ناس لا بترحم ولا بترضى رحمة ربي ترحم تجينا وتدعم تفضل بس كل يوم تتكلم وما بتتعلم من أخطاها كمان تتندم قسوة شديدة كابسة قلوبا شي متكلضم
إلا لو بقيتوا داجين في الخصام يبقى خلاص وعلى الدنيا السلام
Post: #139 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عبدالفتاح أبوشيمة Date: 01-04-2011, 03:34 PM Parent: #137
ولك كل الحب كل الحب
يا سيد الحب
شيقا زولك دا قال عنده ناس تتحب
نان إنت مالك بتهضرب
شي بلح وشي رطب
اتهنضب يا زول
ما تقوم تجي واقع رب
ود عبد الحليم ما تسوق الزول
للأستاذ داك عشان يأدبه طب
--
شيقا إنت عارف السبب
لي صوتك لومك شنو؟
إنتو ما عايشين معانا إنتو بس عايشين فصام والمشكلة القصة هيك عمر ما بترمي أمام بس دايرة بس حبة نظام كيف توفق بين هواك وبين ناس وئام عشان تعيشوا في وئام أو أقله في سلام
ناس في ساس وساس يسوس وناس بهناك في ساط يسوط أما هديل بيعوسوا عواسة ألطف شي يتلاقوا الساسة الدارسين في فنه دراسة -- شيقا هاك دا معاك جلمنتوشي لا شعراً يجيب ملطوشي ولا نثراً يهدى لبوش-- ناس لا بترحم ولا بترضى رحمة ربي ترحم تجينا وتدعم تفضل بس كل يوم تتكلم وما بتتعلم من أخطاها كمان تتندم قسوة شديدة كابسة قلوبا شي متكلضم
إلا لو بقيتوا داجين في الخصام يبقى خلاص وعلى الدنيا السلام
شيقا عينك حارة
عاديتنا بي أميتك
الإلكترونية دي
Post: #140 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: خالد علي محجوب المنسي Date: 01-04-2011, 06:24 PM Parent: #139
قلتَّ ما بنمشي لي ناس ما بجونا ونحن ما قطعنا كرعانا لكن أنت عامل لينا العمر لي حدو والسير لي مردّو البدورنا بندورو واليابانا .....
ما شايفنا في إنجمامتنا لينا اربعة أيام العوينات خرابة الزي قدود الجلد الدايرو بتشوفو والما بتدورو بتمسح لي
هييييييع كراع البقرة جيابا وضاحة ظهرت
كع وكف ولي قدام
Post: #141 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-04-2011, 07:18 PM Parent: #140
Quote: وضاحة ظهرت
هييييييييييييع انت مهم لكن وضاحة السجم اهم منك
شييييييييييييييييمة المسنوح بتقول في شنوووو؟
Post: #142 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عبدالفتاح أبوشيمة Date: 01-04-2011, 09:55 PM Parent: #141
Quote: شييييييييييييييييمة المسنوح بتقول في شنوووو؟
ود شيقوق ما تشتغل بي الشغلة وخلي القصة تمش في مهلة وارم كلامي كله في السهلة بوستيك دا وقع لي في جرحاً بللة
بقول لكن ما كله ليك
نحن ما بنغلط عليكم
بس لما تغلطوا إنتو فينا نقوم بجد نصبر عليكم قال صبرنا إنتو وين شفتوا الصبر يا بهدلة نحن لما نقوم عليكم ما بنحزم زي حزم الفيلة ونأدبكم أدب الفيلة وتبقوا قاعدين في الضللة من غير رصيد لو حتى هللة لا شغل لا مشغلة والفكر في بلبلة ما درى للمسألة ولا طايق السأللة كل حاجة تجاهلا ماعاد يناظر للعلا ولا بأي مداخلة عايشا بس سهللا حتى عيش الريف غلا والله جد دي المهزلة ما كان أخير تستعدلا
طبعاً يا مسنوووووووووووح
الكلام للناس اللي بنمشي ليهم وما بجونا
ويا ناس خلف الله عذبتونا
Post: #143 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Siddig A. Omer Date: 01-04-2011, 10:38 PM Parent: #142
الاخ الاستاذ..الطيب....
هذأ البوست...يعيد...لى...نفس..الموضوع...و الذكرى
"ما جأتنى فى "بكى"...أبوى!!!!"
و الله....
"ما..أمشى ليها...فى "بكى"....
"امها..."
نحن..كدها....الى ..حين...
نشتهر..
صديق القاعد بعيد
Post: #144 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Asma Abdel Halim Date: 01-05-2011, 00:46 AM Parent: #143
الطيب أخوي زمنا مو الزمن ده البورد كان Gangista عديل أتذكر في زول فتح بوست بعنوان كومي وكومك. بوستاتك مأهولة تمام دحين دايراك تشتغل لى فى سياسة تانية فحواها "جايين هنا ليه؟ نحن قاعدين نمشي ليكم؟" والله فى ناس كان جوك داخلين تمرق تخلي بوستك عديل. دحين يابا اعقل كراعك و be careful what you wish for
Post: #145 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: munswor almophtah Date: 01-05-2011, 03:51 AM Parent: #144
يا شيقوق جمعنا ونحيى
التهديد شنو يا شيخ العرب
ولك السلام
منصور
Post: #147 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-05-2011, 05:19 AM Parent: #145
شمشم
Quote: طبعاً يا مسنوووووووووووح
الكلام للناس اللي بنمشي ليهم وما بجونا
ويا ناس خلف الله عذبتونا
ناس خلف الله ديل مين يا مسنوح؟ عزو وفيسل؟
Post: #148 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-05-2011, 05:23 AM Parent: #147
وواحدين كمان حتى مبدأ الغائب عذرو معاهو داقين بيهو عرض الحائط
شكرا يا الصديق على الزيارة الطيبة
Post: #149 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-05-2011, 05:50 AM Parent: #148
اللوردا اسماء عبد الحليم
سلام وكل عام وانت بالف خير
زمنا مو الزمن ده البورد كان Gangista عديل أتذكر في زول فتح بوست بعنوان كومي وكومك.
وهسع يا استاذنا المنبر دا ما بيخلو من بعض جيوب المافيا
Quote: بوستاتك مأهولة تمام دحين دايراك تشتغل لى فى سياسة تانية فحواها "جايين هنا ليه؟ نحن قاعدين نمشي ليكم؟"
في ناس برضو بجوك مضرة بس يا اسماء
Quote: والله فى ناس كان جوك داخلين تمرق تخلي بوستك عديل. دحين يابا اعقل كراعك و be careful what you wish for
لا بحاول اشوف مويتهم واسبح معاهم في اتجاه مسار تيارهم وادودرهم ادودرهم ادودرهم لحدى اغطس ليك حجرهم
لقيتيني كيف؟
تخريمة
مرة قلت لمحمد المرتضى لما تتداخل اسماء او انت في البوست بتاعي ما بشفق للرد عليكم عشان الاسماء اللامعة بتصير ليك تلال ( تلال يعني جاذبة للقراء وجاية من المتلة والمتلة هي محل نثر الحبوب عشان الطير يجي نازل) لجمهور القراء وبتزيد عدد متصفحي البوست.
Post: #150 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-05-2011, 05:53 AM Parent: #149
ود المفتاح ذااااااتو
والله شرف عظيم
Quote: يا شيقوق جمعنا ونحيى
التهديد شنو يا شيخ العرب
نحن (قانصين) ليك وآهو طب وقعناك في الشرك يا المنصور
Post: #151 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: محمد الكامل عبد الحليم Date: 01-05-2011, 12:15 PM Parent: #139
عبد الفتاح....لك التحية ومثلها لسعادة ود شيقوق....رويدا رويدايزداداصدقاء الكلمة الطيبة..زهذا تمهيد لصياغة مراسيم محاربة القبح...وتلمس ضوء الشمس في كل باب....وحين نطرق الابواب تفوح الانحاء باريحية اللقاء...والصواني وهي تدور بين الحضور ..والكل و كانه يحمل روح عصفور...
وحين نلتف حول الشاي كاننا نعيد البرامكة الي عهد قوقل او نزف عروس النيل للخليل...بشرفه الباذخ....ومن يكون المغني يا تري؟ وبماذا سيصدح يا شيقوق....عبد الفتاح حاضر ببديهته الماطرة بالحروف ..بل المعاني... هل نبدا بصياغة المراسيم ام ننتظرهن عسي ياتين...اقصد الحروف يا عبد الفتاح
Post: #152 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-05-2011, 12:55 PM Parent: #151
كامل
Quote: وبماذا سيصدح يا شيقوق....
بهذا الابداع يا صديقي
Quote: اقصد الحروف يا عبد الفتاح
كان حيكون فاهمها كيف؟ هههههههههههههههههههها
Post: #153 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abdlaziz Eisa Date: 01-05-2011, 01:02 PM Parent: #151
جيت مار بي بيتنا وشباكم الأخدر.....................
Post: #154 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-05-2011, 03:24 PM Parent: #153
Quote: جيت مار بي بيتنا وشباكم الأخدر.....................
هيييييييييييييييييع كع
Post: #157 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عبدالفتاح أبوشيمة Date: 01-05-2011, 10:43 PM Parent: #154
ود عبد الحليم
ويا عزو
ويا فيسل هليل
وجميع أحباب
شيقا
من دون فرز
أنا زعلان
قولوا
لي
شيخ العرب
يبطل
اللي بقول فيه
دا وللا كلنا حنفوت
وحنموت كمان
ود عبد الحليم
أنا بتكلم جد
اعمل ليه رسالة داخلية
قول تمهل يا سايق الفيت
أشكر لك
وسأعود بعد
أن يرفق بنا هذا المسنوح
ثمح؟
Post: #158 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abdlaziz Eisa Date: 01-06-2011, 07:06 AM Parent: #157
Quote: ود عبد الحليم
ويا عزو
ويا فيسل هليل
وجميع أحباب
شيقا
من دون فرز
أنا زعلان
قولوا
لي
شيخ العرب
يبطل
اللي بقول فيه
دا وللا كلنا حنفوت
وحنموت كمان
ود عبد الحليم
أنا بتكلم جد
العزيز/ عبدالفتاح أبوشيمة
سلام
ياخوي خير ان شاء الله!!
كان على المسنوح.. المسألة ساهلة..
عندنا كمشة قوية... فكيها المحرب وفيسل.. عند الضرورة.. نضعه بين فكي الكماشة..
لا عليك.. أمره بسيط..
تحياتي
Post: #160 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abdlaziz Eisa Date: 01-06-2011, 07:12 PM Parent: #158
Post: #161 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Abdlaziz Eisa Date: 01-06-2011, 07:15 PM Parent: #160
Post: #162 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عبدالفتاح أبوشيمة Date: 01-06-2011, 07:25 PM Parent: #161
Quote: ياخوي خير ان شاء الله!!
كان على المسنوح.. المسألة ساهلة..
عندنا كمشة قوية... فكيها المحرب وفيسل.. عند الضرورة.. نضعه بين فكي الكماشة..
لا عليك.. أمره بسيط..
تحياتي
يعني ما شايف براك
يا عزو
لكن كويس إنك قاعد تسلينا
واصل
وجيب ليك حاجات تحننه علينا
Post: #163 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Asma Abdel Halim Date: 01-07-2011, 10:35 PM Parent: #162
Post: #164 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: Fawzi Babiker Date: 01-07-2011, 11:35 PM Parent: #163
الاخ الستاذ الطيب شيقوق
لك الف تحية والله
انا من المقلين جدا وطبيعة الشغل هى السبب. بس لما ادخل المنبر بكون زى الفراش بتنقل بين الزهيرات الجميلات (يا زول هوى بقصد البوستات). لكن والله يا الطيب عندى احساس انو المداخلات حسب الشلة والمعرفة. المهم البقول لينا الماععندها ضيل يحاحى ليها مولاها!!!!بنقول ليهو ياخوى ام صلمبويتى ولا كدكاى زول!!!!!!
Post: #166 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: عبدالفتاح أبوشيمة Date: 01-09-2011, 09:58 AM Parent: #163
إعادة
عشان تجاوب على السؤال
الأول دا: طيب هو شنو الدُبّيل فهمنا ياحضرة المستشار اللي كلامك سار مليون مشوار فتّح لجروح عاملالنا عوار والراس ذاته لافّي دوّار
والاستلطاف عاضض ع الدار سياسة هاديك عالية كعلم في رأسه نار وما معاي يبقى ضدي نهار ليه الناس شغلتا بتنهار ما عارفين الميزان حتى لو قنطار ما بعمل شي إلا إنه حمار الازدواج ما صار معيار شغلتك دي منها حارقاني النار ليه الإنسان ما يشتار لي بكرة هداك خوفاً من نار ما بنمشي لي ناس ما بجونا لو بقت دعوة القصة راح تبقى شنار خلوا المعيار المكتوب هو شيتاً بندار وللا فيه أسرار خلنا نقتدي بي سنة الأبرار أهلك لو كعبين فكأنما تسفهم الملة الما فيها هظار وابقى دايماً أحسن من رفيقك اللي يوت محتار ما داير يمرق من فلكه الدوّار امشيله كتير لامن يخجل وعينيه في ازورار يمكن يرجع ويجيك بحوار يفيدكم اتنين مع الزوار حبيبي كتير عانيت ولا زلت بعاني من شغل الأغيار تصنيف ما تعرف قصده الخوار فلنختلف كما نشاء ولكن الدور دوار يمكن أحتاج ليك ذاتك تحتار هل حتساعدني وللا تظل كدا عكس التيار
التعديل لنزول مداخلة خطأ
Post: #167 Title: Re: سياسة (ما بنمشي لي ناس ما بيجونا في بوستاتنا ) ما رأيكم فيها ؟ Author: الطيب شيقوق Date: 01-09-2011, 11:46 AM Parent: #166