مبارك الفاضل إنتهازي بدرجة إمتياز !!

لوكنت مكان السيد الإمام لما قبلت أن أصافحه ناهيك عن قبول عودته للحزب !

دون أي شروط

الحمد لله إنك ما كنت مكانو يا ابو السيد
ياخي ديل اهل و اولاد عم قبل كل شي
وعادي الإختلافات بتحصل والتنازلات شي طبيعي في السياسة

السيد حبابك

قعدت يوم مع شلة من الشباب سالتهم يا شباب في حينا الكبير دا منو مؤتمر شعبي ؟

أجمعوا كلهم على أنه فلان بس لكن رجع المؤتمر الوطني

سالتهم طيب منو حزب أمه عدو لي ناس حزب الامه وكلهم جناح الصادق سالتهم سمعتو بي حزب الامه الاصلاح والتجديد قالو ما سمعو بيه وحسب ظنهم أنو مبارك تبع الصادق

المؤتمر الشعبي والاصلاح والتجديد ديل احزاب كرتونية ساي ما عندها وجود في الواقع ولا الناس بتعرف عنهم حاجة وأنت في السودان وعارف كدي حاول شوف البتعرفهم من المؤتمر والوطني والبتعرفهم من حزب الامه والاتحادي وغيرهم مقارنة بي البتعرفهم من المؤتمر الشعبي والاصلاح والتجديد
غايتو أنا بعرف زميلنا محمد عادل بس ومبارك

Quote: المؤتمر الشعبي والاصلاح والتجديد ديل احزاب كرتونية ساي ما عندها وجود في الواقع ولا الناس بتعرف عنهم حاجة وأنت في السودان وعارف كدي حاول شوف البتعرفهم من المؤتمر والوطني والبتعرفهم من حزب الامه والاتحادي وغيرهم مقارنة بي البتعرفهم من المؤتمر الشعبي والاصلاح والتجديد

ياعبدالعزيز الناس دي ماشة ساهي من غير برنامج محدد عشان كدا ماقدرو يخلقو وجود في الواقع السياسي ..
لكن الأنا مستغرب ليهو إنو السيد الإمام بالرغم من خبرته كسياسي متمرس كيف يسمح لهذا المتملق الغريب الأطوار بالولوج في حزبه مرة أخري ..
وهل ياتري هذا القرار تم بعد مشاورة هيئة القيادة أو اياً كان اسمها ؟؟!

تحياتي .

ياعمكـ تاريخ مبارك الفاضل يكفي لرفضه من الرجوع مرة أخري للحزب ..
فإن كانت الحكومة قد أستخدمته في وقت سابق وقبلت به لخدمة أهداف محددة فما الحكمة من قبول عودته للحزب ..
أري أن الحزب به من الكوادر الحسنة السمعة والقادرة علي قيادة هذا الحزب دون الحوجة لهذا الكرت المحروق !

ابو السيد ..
انتهز هذه الفرصة لأهنئك والاسرة الكريمة بمناسبة العام الجديد

يا سيد عبدالعزيز...

خلينا من كرتونية حزب مبارك..

بالنسبة لكرتونية المؤتمر الشعبي..معقولة الجزء من الجبهه الذي على راسه شيخ حسن

مؤسس التنظيم ومنظره ((الوحيد)) والذي اهدى الاسلاميين السلطه..معقولة يكون هو الكرتوني

والوطني هو الحزب..

الحقيقة ان ما تبقى من حزب الجبهه هو المؤتمر الشعبي اما الوطني فهو اتحاد اشتراكي آخر

ولن يستطيع الحياة خارج ماء السلطه...

بالنسبة للموضوع الرئيسي ((انتو المزعلكم شنو))

سلامي واحترامي لصاحب البوست وجميع الاخوة المتداخلين..

غايتو يا ابو السيد لقيت عمر فضل المولى مافي و ضريت عيشك
أسي كان بائسي و بائسك ما تديك الدرب

Quote: الناس دي ماشة ساهي من غير برنامج محدد

احلى ما في البوست دا كلمة برنامج دي ... حلوة اوي في خشم زول مؤتمر لاوطني


برنامج شنو يا باش والسودان انتهى .!!!

وطن تمزق وانقسم
غلاء فاحش
خدمات أليو
الفشل الكلوي بقى اكثر من الملاريا

تلوث في كل شي

حروب في كل مكان
قتل سرقة نهب
نهب مؤسس ومحمي بقوة القانون الانقاذي

رئيس كاذب ادمن الكذب
عضوية فاسدة
خدمة مدنية نتنة الفساد

جيوش من العطالة والفاقد التربوي بسبب سياسات تكرس للجهل

انحطاط وتردي اخلاقي وفسوق ما بعده فسوق

هذا هو برنامج المؤتمر اللاوطني ...

التحية لحزب الامة القومي بكل اشكاله ..

اى عودة للوحدة بين الاحزاب وبين ماانشق منها هي ضربة للمؤتمر الوطني ..وسيحاول معاونو النظام بالمنبر التقليل من هكذا عودة وهاهو الكوز السيد يلعب هذا الدور البائس ...عودة مبارك الفاضل يجهجه باكات الكيزان ...

بعد ده الا تلعبوا حراس يا السيد ...الطوفان الشعبي جاييكم جهز مهربك ...


ـــــــــــــــــــــ
ثم تحياتي ..

Quote: اى عودة للوحدة بين الاحزاب وبين ماانشق منها هي ضربة للمؤتمر الوطني ..وسيحاول معاونو النظام بالمنبر التقليل من هكذا عودة

يافايز ياخوي الزول دا تاني مفروض ما يدقها في ميدان السياسية نوهائي..
لكن الظاهر حزب الأمة بقي زي مريخكـ يسجل في العواجيز والمواسير دون تحقيق نتائج ملموسة ..


ـــ
أعلم أنكـ لم تأتي لحوار

مرحب أخي الامين

Quote: بالنسبة لكرتونية المؤتمر الشعبي..معقولة الجزء من الجبهه الذي على راسه شيخ حسن مؤسس التنظيم ومنظره ((الوحيد)) والذي اهدى الاسلاميين السلطه..معقولة يكون هو الكرتوني والوطني هو الحزب..

هسع عاين في البورد دا شايف ليك مؤتمر شعبي حايم ولا بتكلم وياهو دا صحفي المؤتمر الشعبي مافي زول شغال بيه ولا مهتمين بيه
حزب بتاع شلة

أقول ليك حاجه حزب الامه زاته الكبير أهترئ وبلى وبقى محصور بين ودنوباوي والملازمين وكم محل كدا خليك من حزب مبارك الفاضل
والصادق المهدي بقى زعيم مجاملات ساي وتحشيش والناس اخير تسمع تحليل مباريات السنة الفاتت ولا تسمع كلامه وشباب الحزب بقى عندهم غير التحشيش بي العلى الله وأخر موضاتها والحزب فقد قواعده في دارفور وكردفان والجزيرة والشعب عارف كدا والدليل يوم داك مرقت مريم الصادق وأندقت في نص معقل الانصار

لو كنت الإمام حتة واحدة ..!!! أها نحن مبارك الإنتهازي دا قبلناه تب ... لكن لامن يجيكم في المؤتمر الوطني ما تقبلوه عشان إنتو ناس نزيهيييييين لا نهبتوا البلد ولا سرقتوا خيراتا ولا قتلتوا الشعب المسكين ولا خدعتوه باسم الدين ....

Quote: لو كنت الإمام حتة واحدة ..!!! أها نحن مبارك الإنتهازي دا قبلناه تب ... لكن لامن يجيكم في المؤتمر الوطني ما تقبلوه عشان إنتو ناس نزيهيييييين لا نهبتوا البلد ولا سرقتوا خيراتا ولا قتلتوا الشعب المسكين ولا خدعتوه باسم الدين

ياحبيب الظاهر عليك مامتابع ؟
هل تعلم ماهي الأسباب التي خرجت بمبارك من مستشارية الرئاسة ؟!
للأسف يامحسن هذا الرجل بلا مبادئ .

ياود العمدة كل ماذكرته لا يعطي مبرراً لقبول عودة مبارك الفاضل وبدون شروط كمان !

Quote: غايتو يا ابو السيد لقيت عمر فضل المولى مافي و ضريت عيشك أسي كان بائسي و بائسك ما تديك الدرب

كان ملينا شوالات من البؤس ..
شكراً لمن جعل حبسه ممكنا

كبسور ياحبيب .. إنت كفاكـ إنتهزاية ياخ !؟
دا شنو دا كلو مايلقي فرصة يقوم ينتهزا !



ـــ
عام سعيد وعمر مديد .

مرور للمكابرة والمواساة

غايتو لو صاحبى محمد عادل ما كان اعتزل العمل السياسى
كان جاء هنا ونفش ريشك ..
أحمد ربك ساهى يا خوى ...

Quote: لوكنت مكان السيد الإمام لما قبلت أن أصافحه ناهيك عن قبول عودته للحزب !

Quote: غايتو لو صاحبى محمد عادل ما كان اعتزل العمل السياسى كان جاء هنا ونفش ريشك .. أحمد ربك ساهى يا خوى ...

سبقتنى يا مزمل ..
السيد دا فعلا بتحرش ب محمد عادل عشان يرجعوا السياسه ..

يا محمد عادل.. التجاهل التجاهل التجاهل.. السيد لم يأتى لحوار ..

السيد قول حرقني

ــــــــــــــــــــــــــــــ

كل سنة و إنت طيب و كل أولاد المسلمي

الأخ المسلمى
ويا سليل الشيخ ابراهيم الكباشى
مومو..
اتبع ابواتك تعلو موجاتك
وسلامى عليك ياحبيب

Quote: كبسور ياحبيب .. إنت كفاكـ إنتهزاية ياخ !؟ دا شنو دا كلو مايلقي فرصة يقوم ينتهزا ! ـــ

كدي يا ابو السيد اشرح لينا كلمة انتهازي دي !
واذا ما عارفها معناها انت اكبر انتهازي زاتو

ود البشرى ....

Quote: غايتو يا ابو السيد لقيت عمر فضل المولى مافي و ضريت عيشك أسي كان بائسي و بائسك ما تديك الدرب

نسيت أرعوي ياخي ...... خليك دقيق ياخي.......



.

برغم تحزيراتكم ليهم

ناس الامانة العامة طلعوا بيان

Quote: بسم الله الرحمن الرحيم حزب الأمة القومي الأمانة العامة بيان مهم ظلت جماهير الأنصار وحزب الأمة القومي تتطلع ليقوم قادتها بتوحيد صفوفهم وتقوية موقفهم النضالي من أجل الدين والوطن وقد أعطت هذه الجماهير هذا التطلع جهدها ووقتها ######رت لذلك الحادبين منها عليه طوال سنوات التباعد التي استمرت لقرابة العقد من الزمان. لقد كان للخطوة الشجاعة القوية التي اتخذها قادة حزب الأمة الإصلاح والتجديد بقيادة الحبيب مبارك الفاضل بحل مؤسساتهم والإنضمام لمسيرة حزب الأمة القومي بقيادة الحبيب الإمام الصادق المهدي بمثابة هدية الإستقلال والتي وجدت قبولا وارتياحا جماهيريا كبيرا. إننا نعلن ترحيبنا بالأحباب أعضاء الإصلاح والتجديد ونناشد الآخرين ليحذو حذوهم وهم أعضاء أساسيين في حزب الأمة القومي وسيجدون أنفسهم صناعا للقرار وراسمين للسياسات التنفيذية في كياننا العملاق حزب الأمة القومي . فأهلا ومرحبا بهم يتقدمون صفوف النضال والعطاء لنعمل معاً مناضلين من أجل الوطن العزيز.. والله أكبر ولله الحمد الأمانة العامة أم درمان في 2 يناير 2011م

مابسمعو الكلام

Quote: مبارك الفاضل إنتهازي بدرجة إمتياز

لو افترضنا جدلاً صحة اتهامك

فتفسيره أنه قد أدرك ببصيرته الإنتهازية أن الإنقاذ ما بقى فيها عضة

لكننا نقول

كما يجب الإسلام ما قبله
فإن العودة لرحاب الديمقراطية يجب ما قبله من ميول شمولية

ولعلها تكون ضربة البداية لترميم الأحزاب التقليدية
وإنطلاق تحالفاتها الإستراتيجية

فالمصائب يجمعن المصابينَ

Quote: ياحبيب الظاهر عليك مامتابع ؟

ابوالسيد
سلامات
دي اظرف حاجه في الموضوع دا
ذكرتني نكته عجيبه مع الشخصيه الظريفه كمبا
نزلت البقاله اشيل حاجات معاي في العربيه
قلت ليهو اجيب ليك بارد شنو يا كمبا
قال لي جيب جواك بطل
قلت ليهو اخليك منو يعني وضح ياخي
قال لي جيب شامبيون يا ما متابع

انتهازي عشان ينهز شنو في حزب الامة ؟
لا اعتقد انه هناك انتهازي يمكن ان يختار حزب الامة ..
لو كان مبارك من هذه النوعية لما عارض الحكم
ولما لفخ صاحبكم لفخة خلتو لغاية اليوم يتحسس في موضعها ..
التحية للحبيب البلدوزر وهو يعود لقواعده ..
اما الانتهازيون فلا مكان لهم في حزب الامة..
من حسنات الانقاذ على الاحزاب السودانية وحزب الامة منها انها قدمت
لها خدمة بأخذها كل الانتهازيين وضمهم لصفوف مؤتمرهم .

روقو المنقه الدنيا قبائل سنة جديدة

ابو السيد

كل سنة وانت والاسرة بألف خير

Quote: ولما لفخ صاحبكم لفخة خلتو لغاية اليوم يتحسس في موضعها ..

لفخ منو الزول دا يا نيازي ولفخو بي كم عليك الله؟

Quote: لفخ منو الزول دا يا نيازي ولفخو بي كم عليك الله؟

ابننا الكباشى البكرى
ولد أبونا الشيخ ابراهيم الكباشى
مو مو
والله انتو بالذات ما عاوزكم تتسببوا فى تعكير بهجة فرحتنا
بلم شمل كيات الأنصار ووحدة حزبنا بالكلام الشين.
أهلنا الصوفيه كلامهم سمح وبحلِو الشبك
بالطبع سمعت:-
سمُوه المك
فى كان وكبن
كم حلَ شبك
حسن النادر

رجاءا ما تبحتوا الكلام الشين , عشان الكلام الشين بجيب الكلام الشين.

التحية لكل المرور .. وخلوني أعمل أرنب نطـ ( أو كنا قال صاحبنا) وأرد علي الأخ نيازي ..

Quote: ولما لفخ صاحبكم لفخة خلتو لغاية اليوم يتحسس في موضعها .. التحية للحبيب البلدوزر وهو يعود لقواعده ..

نيازي دا ياجماعة حسب فهمي البسيط قاصد حادثة محددة حصلت أو أُشيع أنها حصلت بين مبارك الفاضل وقيادي نافذ في الحكومة ..
حسب الرواية بتقول : كانت هناك ضايقة ماليةحادة في الحكومة وأثناء مناقشة حلها وسبل المخارجة منها ..
تحدث مبارك ( بإعتباره مستشارا للرئيس ) قائلاً : قروش البترول مشت وين ؟
ولأن سواله فُهم تجريمياً .. رد عليه صاحبنا : أشترينا بيهم الناس الزيكـ .
وبعدها تشنج مبارك وربما تعارك مع صاحبنا وربما أدعي أنه لفخه كما كتب نيازي ..
دي قصة ماعندها أي مصدر يعني تحكي تحت باب صدق أو لا تصدق !.

Quote: التحية للحبيب البلدوزر وهو يعود لقواعده

يانيازي .. مبارك الفاضل كـ سياسي عرف عنه التقلب وعدم الثبات في المواقف ..
بــ مراجعة بسيطة لتاريخه تجد أن دائماً كان يعمل لنفسه ليبني مجداً زائفاً ..
فـ منذ ظهوره في أخر حقبة ديمقراطية كان مثيراً للجدل ..
وحتي خروجه مع المعارضة وإنضمامه للتجمع الوطني كان شاذ المواقف ..
ومازالت تصريحاته المؤيدة للضربة الأمريكية للخرطوم ( مصنع الشفاء ) عام 1998 لم تبرح آذاننا ..
ثم بعدها تخلي عن التجمع وأنسلخ عن حزب الأمة القومي حتي يتسني له مزيداً من الكسب ..
لياتي وينضم للحكومة ويعمل مستشاراً لرئيس الجمهورية ..
ثم يختلف مع الحكومة بعد أن أكل كعكته تماماً وقدم لها من الخدمات ماقدم لإضافة الشرعية التي كانت تبحث عنها حينها ( قوانين التوالي السياسي)
وحاول بعدها أن يصبح حزباً منفرداً لكن وجد أن مافعله سابقاً يجعل من الصعب عليه صناعة حزب ذو مصداقية ففاقد الشئ لا يعطيه ..
فعاد مكسوراً لحضن الحزب الكبير ليبدأ بعدها رحلة أُخري من الإنتهازية السياسية .

دي ما بنعرفها اكتر منك

لانو انتو ك( إنتهازيين ) بتفهموا وتعرفوا بعض اكتر

اما الصادق المهدي فبكون عارف انو مبارك بيعمل معاهو الانت بتعملو مع قوش

بس ياها المصالح

ياأبوجوان خليك محضر خير ياخ !
ولو لم ترعوي ماعندي ليك غير التجاهل أو كما قال حبيبنا أدم موسي .


ــ
ترعوي دي عشان خاطر أوحسين

المصدر

Quote: { لماذا اتَّخذ السيد «مبارك الفاضل» قراره - أمس الأول - بحل أجهزة وهياكل حزبه (الإصلاح والتجديد) في هذا التوقيت بالذات، رغم أن الآلاف من مناصري حزب الأمَّة وكيان الأنصار، فضلاً عن الإمام الصادق المهدي - نفسه - ظلوا يطالبونه باتخاذ هذه الخطوة طيلة السنوات الماضية؟ { الكثير من الناس - وأنا منهم - كانوا ينتظرون أن ينسحب «مبارك الفاضل» من سباق الترشيح لمنصب رئيس الجمهوريَّة في الانتخابات الأخيرة لصالح ابن عمه المرشَّح السيد «الصادق المهدي»، فتكون تلك مناسبة (سياسيَّة) و(عاطفيَّة) تكتمل بها عمليَّة اندماج (الإصلاح) في (الأمَّة القومي) قبل اتخاذ قرار الانسحاب (الجماعي)!! {«مبارك» لم ينسحب لصالح «الصادق»، ليس لأنَّه كان ينفِّذ فكرة «الترابي» بتشتيت الأصوات في الجولة (الأولى)، فلم يكن هناك إجماع وسط (المعارضة) على العمل بتلك الفكرة، ولهذا فاجأ (المؤتمر الشعبي) بقية الأحزاب بترشيح «عبد الله دينق» لرئاسة الجمهوريَّة دون تنسيق معها، وكذلك فعلت «الحركة الشعبيَّة» بترشيحها «ياسر سعيد عرمان»، ثم سحبته - أيضاً - دون تنسيق مع (المعارضة)..!! { في رأيي أن «مبارك» لم يكن مقتنعاً بأن «الصادق» هو المرشَّح (المناسب) الذي يستحق (الإجماع) والالتفاف حوله، ولهذا لم ينسحب. {و«مبارك» ظل رافضاً دعوة «الإمام الصادق» بحل حزب (الإصلاح)، والعودة بهدوء إلى الحزب الكبير، فقد كان يعتقد أنَّه يرأس (حزباً) له كيان، وأجهزة ومؤسَّسات وجماهير، ولا بدَّ من تفاوض (الطرفيْن) من أجل الوصول إلى قرار (الوحدة الاندماجيَّة)، فلماذا يعود الآن، فجأة، ويقرِّر (حلَّ الحزب) زاعماً أنَّه قرار (المؤتمر العام) الثالث في مايو 2009م!! لاحظ أن القرار لم يُتَّخذ في يونيو 2009م، ولا يونيو (2010)، بل في يناير (2011)..!! أي بعد نحو عاميْن!! الأهم من ذلك أن (المؤتمر العام) المبهوت لم يقرِّر (حلَّ) الحزب، بل أكد على العمل على توحيد حزب الأمَّة..!! { «مبارك» يعود الآن إلى حزب (الأمَّة القومي) ويرضى أن يكون (عضواً).. لا رئيساً، ولا نائب رئيس، ولا أميناً عاماً، لأنَّه يسعى لتنفيذ أجندة سياسيَّة لا يستطيع تحقيقها تحت لافتة (خافتة) وحزب هلامي. { علاقات «سيد مبارك» (الاقتصاديَّة) مع جنوب السودان، حيث يستثمر أمواله هناك بمساعدة «الحركة الشعبيَّة»، وعلاقاته السياسيَّة في (الداخل) و(الخارج)، تفرض عليه أن يتحرك لملء (الفراغ) الذي يراه وتراه (جهات أخرى) في الحزب الكبير، وهو قادر (بطبيعته) على التحرُّك في مساحات واسعة وملء أي فراغ متاح..! { حسب معلوماتنا، فإن «الحركة الشعبيَّة» وأصدقاءها (الدوليين) و(الإقليميين) غير راضين عن أداء السيد «الصادق» وتفاعله مع خط (الحركة) خلال الفترة الماضية، وبالتالي فإنَّهم يحتاجون إلى رجل يستطيع أن (يوجِّه) الحزب باتجاه الجنوب وفق خطط وبرامج محدَّدة، ولا يوجد شخص مناسب لأداء هذا الدور سوى (سيد مبارك) {أولاً: يستطيع «مبارك» أن يعطِّل أي حوار (مثمر) مع المؤتمر الوطني، لأسباب (خاصَّة) بمبرِّرات (عامَّة)!! { ثانياً: يمكنه أن يتحرَّك بالتعاون مع «الحركة» - بعد الانفصال - لتشكيل جبهة معارضة فاعلة، على نسق (التجمُّع الوطني)، لإسقاط حكومة «البشير»، وعندما ينطلق باسم (الأمَّة القومي) أفضل من أن يستند على (حيطة) الإصلاح والتجديد (المايلة)، ومن ناحية أخرى فقد أشار إلى أهميَّة الاستفادة من قوات (قطاع الشمال) في حديث قبل أيام لتشكيل جبهة معارضة لـ (الإنقاذ)!! { ثالثاً: حزب الأمة القومي بالفعل يعاني من مشكلات تنظيميَّة وفراغات، خاصة بعد خروج جماعة (التيار العام) وبعضهم يمثلون (أعداء تقليديين) للسيد مبارك، ولهذا فإن صاحب (التجديد) يمكنه أن يحقِّق أهدافاً خاصة ورغبات (شخصيَّة) بملء الفراغات، لا سيما أن أبناء السيد الصادق (الذكور) صاروا مشغولين إما بوظائف (عسكريَّة) - عبد الرحمن وبشرى - أو أعباء اقتصاديَّة - (صديق). { لهذه الأسباب عاد (مبارك الفاضل) إلى حزب الأمَّة.. والهدف ليس (التوحيد) وإنَّما (التفكيك).[/QUOTE]