Post: #1 Title: نعم........ كنت ضابطاً Author: علاء الدين صالح Date: 01-02-2011, 05:35 AM Parent: #0
أو لتكُن.. إعترافات ضابط سابق
Post: #2 Title: Re: نعم........ كنت ضابطاً Author: علاء الدين صالح Date: 01-02-2011, 05:46 AM Parent: #1
الإعتراف فضيلة واعتزاز
Post: #3 Title: Re: نعم........ كنت ضابطاً Author: omer osman Date: 01-02-2011, 06:02 AM Parent: #2
وأنا اقول شايفك وين شايفك وين .....
ازيك ياعلاء ............. مشتاقين والله
Post: #4 Title: Re: نعم........ كنت ضابطاً Author: فايزودالقاضي Date: 01-02-2011, 06:38 AM Parent: #3
لاحول ولاقوة الا بالله ...بس ان شاء الله كنت زول كويس ماقدوقدواى ...
Post: #5 Title: Re: نعم........ كنت ضابطاً Author: الطيب رحمه قريمان Date: 01-02-2011, 06:41 AM Parent: #4
الاخ علاء
تحياتى
ضابط شنو يا علاء ؟
جيش ؟
شرطة؟
و لا سجم رماد ؟
Post: #6 Title: Re: نعم........ كنت ضابطاً Author: د.نجاة محمود Date: 01-02-2011, 06:46 AM Parent: #5
ايقاع؟؟؟
كل سنة وانت طيب يا ملكنا
Post: #7 Title: Re: نعم........ كنت ضابطاً Author: محمد عبد الماجد الصايم Date: 01-02-2011, 06:51 AM Parent: #6
أنا ذاتي ضابط نفسي!! وكل واحد مفروض يضبط نفسو!!
Post: #31 Title: Re: نعم........ كنت ضابطاً Author: علاء الدين صالح Date: 01-02-2011, 10:19 AM Parent: #7
Quote: أنا ذاتي ضابط نفسي!! وكل واحد مفروض يضبط نفسو!!
إن شاء الله بس الواحد يقدر يضبط نفسو مع ود القاضي و(أمثاله) ديل الله يدينا الصبر بس يا عمّكـ
Post: #8 Title: Re: نعم........ كنت ضابطاً Author: وليد عبد اللطيف Date: 01-02-2011, 06:51 AM Parent: #6
Quote: ايقاع؟؟؟
غايتو غير دي مابعرف ليهو شيء كل يوم عامل لينا كركبة في الشقة اسيء يجيكم يقول ليكم وليد حرق لينا حلة الكوارع اسمها بالسعودي (مقادم ) هه هه هه . .
كل سنة وانتِ طيبة يادكتورة
Post: #9 Title: Re: نعم........ كنت ضابطاً Author: Kamal Karrar Date: 01-02-2011, 06:58 AM Parent: #8
يا جماعة... هل كونو الواحد
يكون ضابط أو حتى أمنجي...
هل هذا شيء سيء مثلا؟؟؟
ولا هي الممارسة التي تحدد السوء من غيره..
يعني هسع في بلد في العالم ما فيها"أمن" مثلا؟؟؟
لكن طبعا "أمن" لي " أمن" يفرق...
عشان كده الوظيفة كأسم مجرد ما فيها مشكلة..
الصورة التي تمارس بيها الوظيفة هي التي تحدد
يعني برضو ممكن يكون في طبيب سييء ...
بس ما سمعنا بي واحد بينبذوه بإنو طبيب مثلا..
ولا شنو؟؟؟
تحياتي يا علاء ويا عمر عثمان وكل رفاق السلاح
ورفاق الوطن..
Post: #10 Title: Re: نعم........ كنت ضابطاً Author: جمال الباقر Date: 01-02-2011, 07:26 AM Parent: #9
الحمد لله ان اتى غير حالفا هذه المرة
حلِف بالذي خلقني من تُراب ثم من نُطفة ثم سوَّاني رجُلا.. إنّو محمد ناصر هو وائل طه محي ال أحلِف بالذي بنى السماء بغير عَمَد، البيحصل دة قِمّة القرف والعَفَن والزبالة وما فيهو ذرّة
شهدتُ بأُم عيناي (وليس في مقطع فيديو ولا في التلفاز) مئات الجُثث والأشلاء المتناثرة وبِرَك الدماء.. هذه الجملة كانت في بوست احلف بالذي بنى السماء
الان فقط عرفت اين شهدت ام عيناك تلك الجثث والاشلاء
التعديل لكلمة بوست
Post: #11 Title: Re: نعم........ كنت ضابطاً Author: فايزودالقاضي Date: 01-02-2011, 07:33 AM Parent: #10
Quote: الان فقط عرفت اين شهدت ام عيناك تلك الجثث والاشلاء
هل تقصد اخي جمال انهم بتاعين جثث واشلاء وكتالين كتلا ؟!!!
Post: #35 Title: Re: نعم........ كنت ضابطاً Author: علاء الدين صالح Date: 01-02-2011, 11:10 AM Parent: #11
Quote: هل تقصد اخي جمال انهم بتاعين جثث واشلاء وكتالين كتلا ؟!!!
طبعاً أكيد لا يا شاطر عايز تعمل فيها الود فهلوي؟
Post: #34 Title: Re: نعم........ كنت ضابطاً Author: علاء الدين صالح Date: 01-02-2011, 11:04 AM Parent: #10
Quote: الان فقط عرفت اين شهدت ام عيناك تلك الجثث والاشلاء
يا دكتور بالغتا لكن الجثث والأشلاء دي أنا شفتها وكنت حاضرها ليلة إغتيال راجيف غاندي إثر تفجير إنتحاري في قرية سريبرمبودر قرب مدراس عاصمة ولاية تاميل نادو والكلام دة كان في مايو 1991 (والتاريخ دة مذكور في المداخلة المعنية). بعدين انا في 91 لسّة كنتا في الهند وما اتخرّجتا ولا استلمتا شهاداتي أنا إتعيّنتا ضابط في أغسطس 92
Post: #33 Title: Re: نعم........ كنت ضابطاً Author: علاء الدين صالح Date: 01-02-2011, 10:47 AM Parent: #9
Quote: يا جماعة... هل كونو الواحد
يكون ضابط أو حتى أمنجي...
هل هذا شيء سيء مثلا؟؟؟
ولا هي الممارسة التي تحدد السوء من غيره..
يعني هسع في بلد في العالم ما فيها"أمن" مثلا؟؟؟
لكن طبعا "أمن" لي " أمن" يفرق...
عشان كده الوظيفة كأسم مجرد ما فيها مشكلة..
الصورة التي تمارس بيها الوظيفة هي التي تحدد
يعني برضو ممكن يكون في طبيب سييء ...
بس ما سمعنا بي واحد بينبذوه بإنو طبيب مثلا..
ولا شنو؟؟؟
تحياتي يا علاء ويا عمر عثمان وكل رفاق السلاح
ورفاق الوطن..
أحييك أخي كمال على هذا الفهم الراقي وأشد على يدك رغم إنّو دي أول مرة أتداخل فيها معاك
Post: #32 Title: Re: نعم........ كنت ضابطاً Author: علاء الدين صالح Date: 01-02-2011, 10:33 AM Parent: #8
Quote: غايتو غير دي مابعرف ليهو شيء كل يوم عامل لينا كركبة في الشقة اسيء يجيكم يقول ليكم وليد حرق لينا حلة الكوارع اسمها بالسعودي (مقادم ) هه هه هه
الأيام ديك يا وليد ما بتتعوّض تاني شوف حياتنا زاتا كانت بسيطة كيف عليك الله
Post: #30 Title: Re: نعم........ كنت ضابطاً Author: علاء الدين صالح Date: 01-02-2011, 10:16 AM Parent: #6
Quote: ايقاع؟؟؟
كل سنة وانت طيب يا ملكنا
د. نجاة تحياتي الخالصة وكل سنة وإنتي طيبة وكل الأسرة بألف خير لا ما ضابط إيقاع والله يا دكتورة ويا ريت لو كنتا ضابط إيقاع على الأقل لا فيها مأموريات ولا سفر ولا بهدلة
Post: #16 Title: Re: نعم........ كنت ضابطاً Author: علاء الدين صالح Date: 01-02-2011, 08:26 AM Parent: #5
Quote: الاخ علاء
تحياتى
ضابط شنو يا علاء ؟
جيش ؟
شرطة؟
و لا سجم رماد ؟
الأخ الطيب تحياتي واحترامي وظيفة أكّلتني عيش ما ممكن بأي حال أقول عليها سجم رماد أصابع اليد ما واحدة يا الطيب شيمة الزرِع فيهو المعولق والنَضِر.. فيهو البنفسج والرياحين والسِدِر
Post: #21 Title: Re: نعم........ كنت ضابطاً Author: علاء الدين صالح Date: 01-02-2011, 08:42 AM Parent: #5
Quote: جيش ؟
شرطة؟
و لا سجم رماد ؟
وبعدين لمعلوميتك يا الطيب ترتيبك دة كدة ما صاح جيش سجم رماد حتّين شرطة
دة لو مسكناها من ناحية مرتبات بس خلّيك من الحاجات التانية
Post: #13 Title: Re: نعم........ كنت ضابطاً Author: علاء الدين صالح Date: 01-02-2011, 08:17 AM Parent: #4
Quote: لاحول ولاقوة الا بالله ...بس ان شاء الله كنت زول كويس ماقدوقدواى ...
والله يا فايز ربنا يعلم خائنة الأعين وما تخفي الصدور واهلنا بيقولوا شكّار نفسو إبليس بس المشكلة الناس حتصدّقك كيف لمن تتفاجأ بإعترافات زي دي
Post: #12 Title: Re: نعم........ كنت ضابطاً Author: علاء الدين صالح Date: 01-02-2011, 07:58 AM Parent: #3
Quote: وأنا اقول شايفك وين شايفك وين .....
ازيك ياعلاء ............. مشتاقين والله
جنابو يا حبيب والله الشوق بحر تعرف يا عمر أنا إتمنّيت إنّي لو كنتا في الشرطة معاكم على الأقل بتكون زول معروف ولابس الرسمي دة وأي زول شايفك وكلما جاتك ترقية ممكن تعمل حفلة تجيب فيها ندى القلعة زول بيسألك مافي لكن زي ما عارف نحنا الكلام دة كلو ما كان عندنا حتّى كون إنّي ضابط دي ما كانت معروفة إلّا في نطاق ضيق محصور ما بين العمل والأُسرة والأهل والجيران القريبين وقليل جداً من الأصدقاء الكلوز شديد لو واحد في الشارع قال لَيْ جنابو ساي دي بتدخلني في حيص بيص
Post: #14 Title: Re: نعم........ كنت ضابطاً Author: فايزودالقاضي Date: 01-02-2011, 08:21 AM Parent: #12
الاخ علاء الدين ...سلامات ...
Quote: حتّى كون إنّي ضابط دي ما كانت معروفة إلّا في نطاق ضيق محصور ما بين العمل والأُسرة والأهل والجيران القريبين وقليل جداً من الأصدقاء الكلوز شديد
صدقني ياعلاء انا قبل اقرأ بوستك ده كنت عارف انك كنت ضابط والكلام ده ذكروا لى احد المقربين وكنت مستغرب انك ماذكرت الكلام ده في بوست ولا واحد جاب سيرة الموضوع ده ...ومادام فتحت الباب ده فاكيد حايكون لينا كلام في كل ممارساتك وادوارك وكل زول مهما تخفى ليهو يوم ينكشف فيهو ...
تحياتي واما احترامي فنخليهو لنهاية البوست ...
Post: #17 Title: Re: نعم........ كنت ضابطاً Author: محمد عبد الماجد الصايم Date: 01-02-2011, 08:26 AM Parent: #14
Quote: تحياتي واما احترامي فنخليهو لنهاية البوست
يعني في احتمال يفقد احترامكـ؟
Post: #19 Title: Re: نعم........ كنت ضابطاً Author: فايزودالقاضي Date: 01-02-2011, 08:33 AM Parent: #17
Quote: يعني في احتمال يفقد احترامكـ؟
بنسبة 98% ... وده حسب الحايكتبو ومدى تطابقه مع الحقايق التى اعرفها ..
Post: #20 Title: Re: نعم........ كنت ضابطاً Author: محمد عبد الماجد الصايم Date: 01-02-2011, 08:37 AM Parent: #19
Quote: بنسبة 98% ... وده حسب الحايكتبو ومدى تطابقه مع الحقايق التى اعرفها ..
يعني كنت عارف عن الزول دا حقائق (مهببة) ولابد بيها لحدي ما يجي يتكلم براو؟
Post: #40 Title: Re: نعم........ كنت ضابطاً Author: علاء الدين صالح Date: 01-02-2011, 11:30 AM Parent: #20
Quote: يعني كنت عارف عن الزول دا حقائق (مهببة) ولابد بيها لحدي ما يجي يتكلم براو؟
مُش حاجة غريبة فعلاً يا ود الصايم؟ بعدين مهبّبة شنو ومكندشة شنو؟ أنا أول ولّا آخر واحد يشتغل ضابط؟ كلام عجيب
Post: #38 Title: Re: نعم........ كنت ضابطاً Author: علاء الدين صالح Date: 01-02-2011, 11:25 AM Parent: #19
Quote: بنسبة 98% ... وده حسب الحايكتبو ومدى تطابقه مع الحقايق التى اعرفها ..
بس انتهي من الردود
Post: #37 Title: Re: نعم........ كنت ضابطاً Author: علاء الدين صالح Date: 01-02-2011, 11:20 AM Parent: #17
Quote: يعني في احتمال يفقد احترامكـ؟
لو حأفقد إحترام ود القاضي بسبب إني كنتا ضابط فليذهب ود القاضي واحترامه لي غير مأسوف عليهما
Post: #36 Title: Re: نعم........ كنت ضابطاً Author: علاء الدين صالح Date: 01-02-2011, 11:17 AM Parent: #14
Quote: صدقني ياعلاء انا قبل اقرأ بوستك ده كنت عارف انك كنت ضابط والكلام ده ذكروا لى احد المقربين وكنت مستغرب انك ماذكرت الكلام ده في بوست ولا واحد جاب سيرة الموضوع ده ...ومادام فتحت الباب ده فاكيد حايكون لينا كلام في كل ممارساتك وادوارك وكل زول مهما تخفى ليهو يوم ينكشف فيهو ...
تحياتي واما احترامي فنخليهو لنهاية البوست ...
ود القاضي تحياتي كلامك دة فاجأني وأحبطني وأحزنني شديد عشان كدة ما حأقدر أرُد عليهو
Post: #15 Title: Re: نعم........ كنت ضابطاً Author: وليد عبد اللطيف Date: 01-02-2011, 08:23 AM Parent: #12
Quote: حتّى كون إنّي ضابط دي ما كانت معروفة إلّا في نطاق ضيق محصور ما بين العمل والأُسرة والأهل والجيران القريبين وقليل جداً من الأصدقاء الكلوز شديد
يعني نفهم اننا ما كنا كلوز شديد . . نعم نعم عشان كدا كنت اشوفك دائماً بتدخل المكتب الخاص بالسجون يازول انت كنت تابع لي وين ...
Post: #18 Title: Re: نعم........ كنت ضابطاً Author: وليد عبد اللطيف Date: 01-02-2011, 08:31 AM Parent: #15
Quote: يعني في احتمال يفقد احترامكـ؟
Post: #22 Title: Re: نعم........ كنت ضابطاً Author: omer osman Date: 01-02-2011, 08:44 AM Parent: #18
ياجماعة كدي نقول بسم الله نخلي الراجل يكمل كلامه ............ وبعدين كل زول حر في تقييمه واحترامه
دعونا لا نستبق الاحداث .......... علاء واصل
Post: #23 Title: Re: نعم........ كنت ضابطاً Author: محمد عبد الماجد الصايم Date: 01-02-2011, 08:45 AM Parent: #22
جنابو .. دعونا نستبق الأحداث .. فقد سقطت الأقنعة!!
Post: #25 Title: Re: نعم........ كنت ضابطاً Author: Balla Musa Date: 01-02-2011, 09:08 AM Parent: #23
Quote: بنسبة 98% ...
ودالقاضى
محل النقط دى نخت قبل ول بعد؟
Post: #47 Title: Re: نعم........ كنت ضابطاً Author: علاء الدين صالح Date: 01-02-2011, 11:57 AM Parent: #25
Quote: محل النقط دى نخت قبل ول بعد؟
معليش يا دكتور أنا كلامك الفوق دة ما وقع لَيْ مع إنّو موجّه لود القاضي فلك أن توضّح إن شئت وإن لم تشأ فليس على الأصدقاء حرج
Post: #45 Title: Re: نعم........ كنت ضابطاً Author: علاء الدين صالح Date: 01-02-2011, 11:52 AM Parent: #23
Quote: جنابو .. دعونا نستبق الأحداث .. فقد سقطت الأقنعة!!
يعني يا ود الصايم إنتا عايز أي زول أول ما يجي خاشي المنبر دة يقوم اورررررررررر يحكي للناس قصة حياتو؟ إنتا قايل الناس الحايمة هنا دي كلها وشّوشها مكشوفة؟
هسّا بتقدر تعرف لَيْ الشخصية المعاي في الصورة دي عندها عضوية في المنبر دة ولّا لأ؟؟ أها أنا بحلف ليك بالله إنّو الزول دة زميل
Post: #42 Title: Re: نعم........ كنت ضابطاً Author: علاء الدين صالح Date: 01-02-2011, 11:40 AM Parent: #22
Quote: ياجماعة كدي نقول بسم الله نخلي الراجل يكمل كلامه ............ وبعدين كل زول حر في تقييمه واحترامه
دعونا لا نستبق الاحداث .......... علاء واصل
جنابو ياخ الله يكتِّر من أمثالك يا ريت لو كل الناس تتعامل مع الأمور بمثل حكمتك
Post: #24 Title: Re: نعم........ كنت ضابطاً Author: معاوية عبيد الصائم Date: 01-02-2011, 09:05 AM Parent: #18
دخلت مجبرا للبوست.... الحوش ...............لقب البيت الكبير فى الموردة............سرحنا ومرحنا فى الزمن السمح.... لعلاقتنا بالزميل انور ......خال علاء صالح والزميل مصطفى السمين.. فىالحوش اعلاه
تلك الفترة ........كانت فترة اعتقالات واسعة..تم اعتقال ....انور و مصطفى وحينها كنت عضو فى رابطة المعلمين الاشتراكيين انت يا علاء صالح...على ما اذكر والله اعلم
فانا اعلم .......كل اسرة الحوش..حيث المرور والمبيت والاكل فى اى لحظة حتى مغادرة ......................السودان.. بعدين اسرتكم دى بعد جهد جهيد عرفت مكان الاعتقال... بتاع انور ود الحوش
واوقات الزيارة فى سجن كوبر بيحفوا شان زيارة للمعفن صديقى ........انور
فانت كنت .......ضباط كشافة ولا شنو؟
تحياتى لانور ومصطفى وسميه صالح
بوست متزمزغ على قول ود الباوقة
بعدين بعد الناس مرقت كتب تعهد لامن الكيزان يحدد فيهو اماكن حركتو بعد الشغل واختار ماتعرف بحدائق مايو وكان بشيل الملايه وعلبة البرنجى لاقامة جبرية يومية..هنالك....للمرة التانية.... كنت ضباط شنو ضباط دوريات فى الحلة؟
اول واخر مداخلة لى معاك فى حوش بكرى
Post: #26 Title: Re: نعم........ كنت ضابطاً Author: جعفر محي الدين Date: 01-02-2011, 09:15 AM Parent: #24
أهلا علاء الدين صالح مش عارف كيف حيكون مسار البوست لأنه بالتأكيد هناك قوانين ولوائح بتحكم العمل في الأجهزة الأمنية - إن كان فهمنا سليما للعنوان بحسبان أنك عملت ضابطا بجهاز الأمن - وهذه الحسابات قد تربك سير الحكي هنــــــــا سنكون حضور للمتابعة أولا ثم النقاش ثانيا
Post: #27 Title: Re: نعم........ كنت ضابطاً Author: nazar hussien Date: 01-02-2011, 09:25 AM Parent: #26
هي ضابط أمن دي بفكوها ساكت كدي في حوش بكري... انت قايل كان كنت ضابط...(كنت دي بتفكك من الجماعة...والله يصلوك في قوانتانمو... ويحشوك برنجي لامن تقول بس...
وبما انك نفيت ضابط شرطة دي وبعض الناس هنا دا ما شافوك في صيف العبور والميل شنو كدي ما عارف اكيد بتكون
ضابط ايقاع... ضابط زمن عطشقي...
ا
Post: #64 Title: Re: نعم........ كنت ضابطاً Author: علاء الدين صالح Date: 01-02-2011, 01:34 PM Parent: #27
Quote: وبما انك نفيت ضابط شرطة دي وبعض الناس هنا دا ما شافوك في صيف العبور والميل شنو كدي ما عارف اكيد بتكون
ضابط ايقاع... ضابط زمن عطشقي...
نزار ياخ أقول ليك ضابط تقول لَيْ عطشجي؟ بعدين حصل شفتا ليك قطر حايم بى نُص امدرمان؟ والحاجة التانية ضباط سجم الرماد البودّيهم صيف العبور والميل أربعين شنو؟؟ مالك دار تجنني؟
Post: #63 Title: Re: نعم........ كنت ضابطاً Author: علاء الدين صالح Date: 01-02-2011, 01:25 PM Parent: #26
Quote: أهلا علاء الدين صالح مش عارف كيف حيكون مسار البوست لأنه بالتأكيد هناك قوانين ولوائح بتحكم العمل في الأجهزة الأمنية - إن كان فهمنا سليما للعنوان بحسبان أنك عملت ضابطا بجهاز الأمن - وهذه الحسابات قد تربك سير الحكي هنــــــــا سنكون حضور للمتابعة أولا ثم النقاش ثانيا
هلا وغلا يا عزيزي جعفر أنا ذكرت أنني كنت ضابطاً وتركت الباب موارباً ليفسّر كل قاريء العنوان حسب هواه ولم أقطع بالعمل في جهاز الأمن من عدمه العِبرة في الخواتيم يا جعفر
Post: #28 Title: Re: نعم........ كنت ضابطاً Author: فايزودالقاضي Date: 01-02-2011, 09:35 AM Parent: #24
الاخ معاوية ...سلام ..
Quote: اول واخر مداخلة لى معاك فى حوش بكرى
دي برضو بتحددها الاحداث ..وهل انت كنت حاضر فيها بصورة او اخرى ولا لأ ؟!! عموماً يامعاوية خليك متابع ...
ـــــــــــــــــــــــــــــ رحم الله صديقي وقريبي (ج ، ف) الذي عذب حتى فارق حياته ..
Post: #29 Title: Re: نعم........ كنت ضابطاً Author: معاوية عبيد الصائم Date: 01-02-2011, 10:00 AM Parent: #28
Quote: رحم الله صديقي وقريبي (ج ، ف) الذي عذب حتى فارق حياته ..
ود القاضى قريبك سودانى ولا قريب وزير الداخلية؟ وقد تسحب جنسيتك ما لم تثبت سودانيتك.. وتسلم للحضرى ونزع الصورة ووضع صورة الحضرى وذلك لعدم وجود دفاتر......بعدين الشعب السودانى كلوااا فارق الحياة فى سودان سوزكى الجديد بتاع ود الباوقة؟
سلام ليك وللحضرى ياسودانى مع وقف التنفيذ
التحية لوزيرنا الجانا من اريتريا.....شكرا
Post: #39 Title: Re: نعم........ كنت ضابطاً Author: د.نجاة محمود Date: 01-02-2011, 11:30 AM
رح
Quote: م الله صديقي وقريبي (ج ، ف) الذي عذب حتى فارق حياته
نان انت مالك ما لحقوك صاحبك دا؟ كل يوم يجنا واحد كتلو صاحبي كتلو صاحبي ووهو عاااااااايش العوجة ما جاتو.. هل كنت في الامن ولا عمرك ما تما بس؟
Quote: نان انت مالك ما لحقوك صاحبك دا؟ كل يوم يجنا واحد كتلو صاحبي كتلو صاحبي ووهو عاااااااايش العوجة ما جاتو..
يادكتورة يعني انت راجية واحد ميت يجي يقول ليك كتلوني ؟!!! ولا عايزانا نحن قبل يكتلوه بيوم نقول كتلوه بكره ؟!!
Quote: هل كنت في الامن ولا عمرك ما تما بس؟
عمري تم لكن شغال في الزمن الاضافي ...
ــــــــــــــــــــــــــ انت بتضايقي مالك يادكتورة كل ماينكشف قناع للنظام .؟!!!
Post: #74 Title: Re: نعم........ كنت ضابطاً Author: علاء الدين صالح Date: 01-02-2011, 02:14 PM Parent: #51
Quote: انت بتضايقي مالك يادكتورة كل ماينكشف قناع للنظام .؟!!!
هو النظام القاعد واحد وعشرين سنة دة لِسّة عندو باقي أقنعة ما انكشفت يعني؟ أسمع كلامي يا ود القاضي وشوف ليك هواية تانية أشغل بيها نفسك أكتِب شِعِر أمدح مارس الدجل والشعوذة أي حاجة تانية أخير ليك من ممارسة السياسة
Post: #69 Title: Re: نعم........ كنت ضابطاً Author: علاء الدين صالح Date: 01-02-2011, 01:59 PM Parent: #39
Quote: هل كنت في الامن ولا عمرك ما تما بس؟
يا دكتورة زي فايز دة ما بينفع زاتو في الأمن عدواني لمن غلط ويوم بيكتُل ليهو زول
Post: #46 Title: Re: نعم........ كنت ضابطاً Author: ibrahim alnimma Date: 01-02-2011, 11:56 AM
Quote: جنابو يا حبيب والله الشوق بحر تعرف يا عمر أنا إتمنّيت إنّي لو كنتا في الشرطة معاكم على الأقل بتكون زول معروف ولابس الرسمي دة وأي زول شايفك وكلما جاتك ترقية ممكن تعمل حفلة تجيب فيها ندى القلعة زول بيسألك مافي لكن زي ما عارف نحنا الكلام دة كلو ما كان عندنا حتّى كون إنّي ضابط دي ما كانت معروفة إلّا في نطاق ضيق محصور ما بين العمل والأُسرة والأهل والجيران القريبين وقليل جداً من الأصدقاء الكلوز شديد لو واحد في الشارع قال لَيْ جنابو ساي دي بتدخلني في حيص بيص
سلام ياعلاء ومتابعين الي النهاية ونشوف تحياتي عبرك لاصدقائي سمية وعزالدين وجميع الاسرة الكريمة
Post: #76 Title: Re: نعم........ كنت ضابطاً Author: علاء الدين صالح Date: 01-02-2011, 02:35 PM Parent: #46
Quote: سلام ياعلاء ومتابعين الي النهاية ونشوف تحياتي عبرك لاصدقائي سمية وعزالدين وجميع الاسرة الكريمة
إبراهيم يا حبيب كيفك وكيف أولادك؟ تحياتك تصل اليوم يا غالي والله يا إبراهومة ما عندي حاجة بعملا وبجي بعدين أخجل منها وقطعاً لن أفعل ما فعله رئيس وزراء بريطانيا قديماً ليثبت للرئيس الأمريكي وقتها روزفلت.. أنه ليس لديه ما يخفيه
Post: #50 Title: Re: نعم........ كنت ضابطاً Author: Ahmed Gabir Date: 01-02-2011, 12:33 PM
?????????
Post: #77 Title: Re: نعم........ كنت ضابطاً Author: علاء الدين صالح Date: 01-02-2011, 02:39 PM Parent: #50
Quote: ?????????
أحمد والله ما إنتا براك لكن نعمل شنو بس.. ظروف كتيرة قد تجعلك تأتي متأخراً
Post: #54 Title: Re: نعم........ كنت ضابطاً Author: Ahmed Gabir Date: 01-02-2011, 12:42 PM
Quote: ود القاضى قريبك سودانى ولا قريب وزير الداخلية؟ وقد تسحب جنسيتك ما لم تثبت سودانيتك..
يازول ده جده الرسول صلي الله عليه وسلم بحق وحقيقة يعني شريف ابن شريف ..يمشي السعودية مع قريبك الريس يُعامل معاملة شريف وحفيد للرسول صلي الله عليه وسلم والبشير يعامل كرئيس فقط ..شفت كيف ؟!!! والسعوديين حافظين الانساب عارفين المنهم والمجلي منهم ...هههههه .
Quote: التحية لوزيرنا الجانا من اريتريا.....
ماعارف نحن الجينا السودان ولا السودان الجانا !! لكن المؤكد عندنا انت الجيتنا والجيت منهم نكروا انك جيت منهم ...هههههه
Post: #80 Title: Re: نعم........ كنت ضابطاً Author: علاء الدين صالح Date: 01-02-2011, 02:45 PM Parent: #60
Quote: يازول ده جده الرسول صلي الله عليه وسلم بحق وحقيقة يعني شريف ابن شريف ..يمشي السعودية مع قريبك الريس يُعامل معاملة شريف وحفيد للرسول صلي الله عليه وسلم والبشير يعامل كرئيس فقط ..شفت كيف ؟!!! والسعوديين حافظين الانساب عارفين المنهم والمجلي منهم ...هههههه
كويس إنك سمعتا كلامي واشتغلتا بالدجل أمسك في حفظة الأنساب ديل شديد خليهم ينفعوك
Post: #66 Title: Re: نعم........ كنت ضابطاً Author: علاء الدين صالح Date: 01-02-2011, 01:45 PM
Quote: فايز ما تنسى برضو صديقي وحبيبي (وصديقك أيضاً) مامون درويش الذي عُذّب حتى فارق حياته في سجون الأمن الأريتري
رحم الله اخانا وزميلنا وصديقنا مأمون درويش رحمة واسعة وادخله فسيح جناته ..واقتص من قاتليه ومن تهاون في رده الى اهله سالماً..
Post: #52 Title: Re: نعم........ كنت ضابطاً Author: علاء الدين صالح Date: 01-02-2011, 12:37 PM Parent: #24
Quote: دخلت مجبرا للبوست.... الحوش ...............لقب البيت الكبير فى الموردة............سرحنا ومرحنا فى الزمن السمح.... لعلاقتنا بالزميل انور ......خال علاء صالح والزميل مصطفى السمين.. فىالحوش اعلاه
تلك الفترة ........كانت فترة اعتقالات واسعة..تم اعتقال ....انور و مصطفى وحينها كنت عضو فى رابطة المعلمين الاشتراكيين انت يا علاء صالح...على ما اذكر والله اعلم
Quote: اول واخر مداخلة لى معاك فى حوش بكرى
نحنا السودانيين كدة يا معاوية عبيد يا سلام والله يا معاوية ما طالبني حليفة نحنا كنا عايشين في الموردة أكتر من أهل مافي واحد بيميّز دة قبيلتو شنو ولّا منتمي لياتو حزب ولّا شايت وين الناس هناك في الموردة وفي كل السودان عايشين حياة بتاعت بساطة تجمع بيناتهم المودّة والحُب والأريحية في التعامل مافي خُبث مافي حقد مافي تصنيف للون أو عرق أو فكر أو دين يا ريت الناس في منبر بكري دة تكون زي ناس الموردة أنا الشيوعيين العرفتهم في الموردة والإنتا برضو بتعرفهم يا معاوية ديل أحلى وأغلى وأصفى وأوفى وأجمل وأنبل ناس أنا عشتا معاهم في حياتي كواكب كثيرة لا يسع المجال لذكرها بالله يا معاوية تعال أحكي للناس هنا عن ذكرياتك في مجتمع الموردة ومجتمع أحياء امدرمان عشان الناس دي تتمعّن في معاني العُشرة النبيلة وسماحتها وعشان الناس دي تندهش لمن تعرف كيف مصطفى السمين كان بجيبو ليهو البنبر عشان يركب في البوكس لمن ناس الأمن يجو يعتقلوهو
التعديل لإزالة الأسماء بناءً على رغبة الأخ زمراوي
Post: #41 Title: Re: نعم........ كنت ضابطاً Author: علاء الدين صالح Date: 01-02-2011, 11:34 AM Parent: #15
Quote: يعني نفهم اننا ما كنا كلوز شديد
ما القصد يا وليد لكن أنا بتكلّم عن الفترة من 92 لحدي 95
Post: #43 Title: Re: نعم........ كنت ضابطاً Author: السيد المسلمي Date: 01-02-2011, 11:50 AM Parent: #41
واصل يالبوح ياعلاء ولا تلفت لتشتيت الكورة الذي يمارسه البعض !
Quote: التعديل لإزالة الأسماء بناءً على رغبة الأخ زمراوي
شكرا ويديك العافية يااخي علاء...
Post: #95 Title: Re: نعم........ كنت ضابطاً Author: علاء الدين صالح Date: 01-02-2011, 04:00 PM Parent: #61
Quote: شكرا ويديك العافية يااخي علاء...
الشُكر ليك يا زمراوي فلولا تنبيهك لما انتبهت والله
تحاياي
Post: #94 Title: Re: نعم........ كنت ضابطاً Author: علاء الدين صالح Date: 01-02-2011, 03:58 PM Parent: #56
Quote: يااخي يمكن ديل كوادر سرية، فاضحهم ليه؟
حاشاي حتّى أن أفكر في ذلك يا عبد الإله لذلك تم التعديل وشُكراً للتنبيه
Post: #92 Title: Re: نعم........ كنت ضابطاً Author: علاء الدين صالح Date: 01-02-2011, 03:51 PM Parent: #53
Quote: غالبية خريجي الهند في التسعينات ضباط امن __ يعني انت لسه ما ضابط هو الضبطية دي كيف ؟ لو ما هي جنس ال بتسوي فيه دا
أول مرّة يا بيجو تتداخل معاي بصورة محترمة نسبياً على غير عادتك عشان كدة أنا حأكون معاك محترم للطيش كلامك أقرب للحقيقة وهي ملاحظة ذكية منّك إنّو فعلاً في عدد كبير من خريجي الهند في بداية التسعينات تم استيعابهم كضباط أمن أما بالنسبة لـ(جنس البسوي فيهو أنا دا) فدا لازم تفِتّو وتحِتّو عشان أنا أفهم والناس برضو تفهم ولو ما فتّيتو يا بيجو أنا حأفِت الإنتا كنتا بتسوّي فيهو داك كدة دا بدون أقواس
Post: #58 Title: Re: نعم........ كنت ضابطاً Author: جمال الباقر Date: 01-02-2011, 12:55 PM Parent: #49
Quote: الجثث والأشلاء دي أنا شفتها وكنت حاضرها ليلة إغتيال راجيف غاندي إثر تفجير إنتحاري
يعني جثث هنود ؟؟؟يمكن على قولك هنود ....بس المتاكد منو انو انا ما هندي
Post: #96 Title: Re: نعم........ كنت ضابطاً Author: علاء الدين صالح Date: 01-02-2011, 04:11 PM Parent: #58
Quote: يعني جثث هنود ؟؟؟يمكن على قولك هنود ....بس المتاكد منو انو انا ما هندي
عارفك روسي يا دكتور وروسي (دسْتويِن) كمان مافي فرق كبير بين الهنود والروس الهندي بيهوزِز راسو والروسي بيهوزِز لسانو
Post: #59 Title: Re: نعم........ كنت ضابطاً Author: علاء الدين صالح Date: 01-02-2011, 01:03 PM Parent: #49
Quote: الأخ علاء الدين معليش سامحني في دي حارقاني
يا إبراهيم النعمه
Quote: ولا مو هييييييييك؟
نصيحة لوجه الله ما تحاول تخفف دمك بتتطنبجها زيادة خليك مواصل في سماجتك وثقالتك دي طوالي اخير
معليش أنا إضطريت أعمل أرنب نُط وافُط عشان أصل أخوي عبد العزيز دة
يا أبو عبدة ياخي البوست دة ماشي آخر حلاوة كدى استهدى بالله وما تقوِّم نفسك ساي بعدين ياخ إبراهيم النعمة دة ما ياهو عنكبة شنكبة عضلات تبِش بتاع المدينة المنوّرة؟ أها الزول دة قريبي وود أهلي وفردتي عديل كدة، رايك شنو؟ عبد العزيز عليك الله روِّق المنقة ياخ هسّا بقوم أخلّي واحد من الدفعات الورانا يستنّاك في المطار عشان يوصِّلك عطبرة
Post: #83 Title: Re: نعم........ كنت ضابطاً Author: علاء الدين صالح Date: 01-02-2011, 03:01 PM Parent: #48
Quote: سلامات جنابو علاء تعرف انا كنت متردد و ما داير اصدق لحدى ما شفت صورتك ...... شكلك كنت معلم كبير
تحياتى
والله يا وائل دي أول مداخلة أضحك فيها الشغلانية لو بالصور العميد أمين محمد سليمان من سنة وشوية مفروض يفتح البوست بتاعو
Post: #55 Title: Re: نعم........ كنت ضابطاً Author: ابو القاسم حسن Date: 01-02-2011, 12:46 PM Parent: #41
سلام علاء ممكن تكون 92 الى 95 شغال في شركة مثلاً شركة تامين او تنمية التعديل لزوم الرجوع للفترة المقصودة
Post: #57 Title: Re: نعم........ كنت ضابطاً Author: د.نجاة محمود Date: 01-02-2011, 12:54 PM Parent: #55
Quote: ولا مو هييييييييك؟
الناس ديل كلهم ما بشبهوك
لانهم ما بكضبو في زول..
ولا مو هيك؟
Post: #62 Title: Re: نعم........ كنت ضابطاً Author: معاوية عبيد الصائم Date: 01-02-2011, 01:23 PM Parent: #57
Quote: بسم الله الرحمن الرحيم
ألاخ معاوية وينك قافل تلفونك لية?
أحمد جابر
اوووووووو ابو (قرفة) مبروك الوليد وشائل الاسم رسل جوالك فى الخاص.......يا ماعندك خاص..... الجوال عند الشوية .....اتصرف مع سلامى لود خالتك اوباما ....انت بترجع حمدنا الله ....الله تعلم......سلامى للاولاد
أنا أثق بأنك كنت ضابط كويِّس جداً جداً.. __ أوعّ تكون ضابط صحة؟
Post: #99 Title: Re: نعم........ كنت ضابطاً Author: علاء الدين صالح Date: 01-02-2011, 04:35 PM Parent: #72
Quote: أنا أثق بأنك كنت ضابط كويِّس جداً جداً.. __ أوعّ تكون ضابط صحة؟
وأنا كنتا متأكّد إنّك حتكون من القلائل الممكن يتفهّموا الحتة دي ويقدّروا موقفي دة يا صاحبي في الزمن الصعب
Post: #67 Title: Re: نعم........ كنت ضابطاً Author: ibrahim alnimma Date: 01-02-2011, 01:47 PM Parent: #57
أظنك ياعبدالعزيز وبعض الظن اثم انك ماكل في خاطرك عندما تداخلت في بوستك المعني ، انت شايف دي تخفيف دم؟ علي كل حال اذا عندك اي مداخلة تثبت بيها ثقالتي انا علي استعداد للرد علي اي مداخلة تراها
Post: #100 Title: Re: نعم........ كنت ضابطاً Author: علاء الدين صالح Date: 01-02-2011, 04:43 PM Parent: #67
Quote: ملحوظة: ياعبدالعزيز انا فاهم التكتيك بتاعك كويس ......فلن تبلغ مرماك واليك هذا البوست الوحيد الذي تعرفت فيه عليك ويمكنك ان تشير الي اي ثقالة فيه واكون لك من الشاكرين.المحترم معاوية عبيد الصائم لوسحت الرجاء أثبات أتهاماتك أو نفيها مع الشكر علاء تحياتي مجدداً
إبراهيم تحياتي مُزجاة لك دوماً بعميق احترامي يا ريت تتصافوا إنتا وعبد العزيز لأنكم إنتو الإتنين ناس حلوين يا عنكبة ياخ مالو لو صافيتو إنتا ومرّة مرّة بقيت تجيهو؟
Post: #70 Title: Re: نعم........ كنت ضابطاً Author: ibrahim alnimma Date: 01-02-2011, 02:00 PM Parent: #57
Quote: ولا مو هيك؟
هيك يادكتورة، الشهداء اكرم منا جميعاً ليس لانهم لا يكذبون فحسب ، انما ايضا لانهم لا يتماهون في جلادهم ولا يساومون في قضايا شعبهم اليس كذلك؟ ولكن بالمقابل يمكنني ان اسالك سؤال دون حاجتي لاثباته متي كذبت عليك؟ وهل يمكنك الاتيان باثبات ذلك وامامك المنبر العام هذا وهي الساحة التي عرفتك فيها ، فهل لك اني تدليني علي مواقع الكذب ان امكنك ام هي الخصومة السياسية؟
Post: #73 Title: Re: نعم........ كنت ضابطاً Author: د.نجاة محمود Date: 01-02-2011, 02:09 PM Parent: #70
Quote: ام هي الخصومة السياسية؟
لا يا اخ العرب
هل ممكن توريني الخصومة السياسية دي نفرها شنو انت مع منو وانا مع منو؟ نورنا انار الله عقلك بعد دا
Quote: لو حأفقد إحترام ود القاضي بسبب إني كنتا ضابط فليذهب ود القاضي واحترامه لي غير مأسوف عليهما
سيبك من احترامي ... وركز وانت بتكتب عن الفترة ديك اكتب عن قصة عمر شاويش بجنوب مدراس في عام 89 وكذلك اكتب عن كيف عملت كضابط مباشرة بعد وصولك السودان عام 92 وكيف كنت اشتراكي في الهند في نظر الكل وكيف تحولت مباشرة الى ضابط دون ان يعرف ذلك اقرب الناس ليك.. ولا كنت اشتراكي و( جواك جبهة اسلامية ) ؟!!! ..ماتسألني عرفت كيف ولا متين ومن منو ؟؟ وانا من زمان راجي بوست زي ده ياعلاء يتفتح ..وماحبيت ابتدر الكلام لكن مادام جا منك فاستعد ...واحترامك ماعايزو فقد سبقتك في ذلك ...
Post: #78 Title: Re: نعم........ كنت ضابطاً Author: د.نجاة محمود Date: 01-02-2011, 02:41 PM Parent: #75
انتو "الامني" دا قايلنو شنو؟ ما هو جمع المعلومات عن زملائك والتلويح بها في كل ملف..ز
Quote: انتو "الامني" دا قايلنو شنو؟ ما هو جمع المعلومات عن زملائك والتلويح بها في كل ملف
والبشيل هذه المعلومات وياذي بيها اخوانه واصدقاءه وزملاءه اسمه شنو عندك يادكتورة ؟!!!
Post: #108 Title: Re: نعم........ كنت ضابطاً Author: علاء الدين صالح Date: 01-02-2011, 05:29 PM Parent: #85
Quote: والبشيل هذه المعلومات وياذي بيها اخوانه واصدقاءه وزملاءه اسمه شنو عندك يادكتورة ؟!!!
أها إنتا أقعد ألفح الكلام الزي دة من خشوم الناس وبعدين نبقى في بوستات إعتذار وبوستات مخبازة بالسمن
لإضافة كلمة
Post: #86 Title: Re: نعم........ كنت ضابطاً Author: Adam Mousa Date: 01-02-2011, 03:15 PM Parent: #78
Quote: هسّا بتقدر تعرف لَيْ الشخصية المعاي في الصورة دي عندها عضوية في المنبر دة ولّا لأ؟؟ أها أنا بحلف ليك بالله إنّو الزول دة زميل
هسع(الكاشف) ضابط البنقز ده ذنبو شنو.. يا ضابط الايقاع انت؟؟
Post: #87 Title: Re: نعم........ كنت ضابطاً Author: عمران حسن صالح Date: 01-02-2011, 03:23 PM Parent: #86
ولله في خلقه شئون
Post: #111 Title: Re: نعم........ كنت ضابطاً Author: علاء الدين صالح Date: 01-02-2011, 05:43 PM Parent: #87
Quote: ولله في خلقه شئون
ونِعم بالله يا عمران حاجة بتزعِّل شديد، صاح؟
Post: #88 Title: Re: نعم........ كنت ضابطاً Author: ASHRAF TAHA Date: 01-02-2011, 03:24 PM Parent: #86
المعاك انت ابو نضارات عرفتك على حس قولتك المعاي ... الشخصية التانية دي انا غايتو ما عرفتها
في خيارات؟
Post: #91 Title: Re: نعم........ كنت ضابطاً Author: ASHRAF TAHA Date: 01-02-2011, 03:49 PM Parent: #88
Quote: أو لتكُن.. إعترافات ضابط سابق
لي هسة غير الصورة اللهي في بروفايك مافي شي يذكر غير مرة بنضارة ومرة بي سجارة
وين السرد
خليك من الجايين يتفلفسو ديل
ولا الجـ(ن)و قايمين سداري
متابعة ...
Post: #113 Title: Re: نعم........ كنت ضابطاً Author: علاء الدين صالح Date: 01-02-2011, 06:01 PM Parent: #91
Quote: لي هسة غير الصورة اللهي في بروفايك مافي شي يذكر غير مرة بنضارة ومرة بي سجارة
وين السرد
خليك من الجايين يتفلفسو ديل
ولا الجـ(ن)و قايمين سداري
متابعة ...
والله يا أشرف ما كان قصدي أمُط الشغلانة كدة بس المشكلة كانت في الردود دي أهم حاجة عندي وبسميها "الإستنظاف" السرد خلاص قرّب شديد والله ما تمشي بعيد واقفل الريموت في التلاجة
Post: #112 Title: Re: نعم........ كنت ضابطاً Author: علاء الدين صالح Date: 01-02-2011, 05:55 PM Parent: #88
Quote: المعاك انت ابو نضارات عرفتك على حس قولتك المعاي ... الشخصية التانية دي انا غايتو ما عرفتها
في خيارات؟
يا أبو الشوش أدّيك خيارات وحبّتين طماطم وربطة جرجير كمان الزول دة إسمو الأول محمد والله صحي
Post: #185 Title: Re: نعم........ كنت ضابطاً Author: مرتضي عبد الجليل Date: 01-03-2011, 09:49 AM Parent: #112
Quote: ضابط شنو يا علاء ؟
جيش ؟
شرطة؟
و لا سجم رماد ؟
Quote: لا ما ضابط إيقاع والله يا دكتورة ويا ريت لو كنتا ضابط إيقاع على الأقل لا فيها مأموريات ولا سفر ولا بهدلة
Quote: جنابو يا حبيب والله الشوق بحر تعرف يا عمر أنا إتمنّيت إنّي لو كنتا في الشرطة معاكم على الأقل بتكون زول معروف ولابس الرسمي دة وأي زول شايفك وكلما جاتك ترقية ممكن تعمل حفلة تجيب فيها ندى القلعة زول بيسألك مافي لكن زي ما عارف نحنا الكلام دة كلو ما كان عندنا حتّى كون إنّي ضابط دي ما كانت معروفة إلّا في نطاق ضيق محصور ما بين العمل والأُسرة والأهل والجيران القريبين
Quote: الجثث والأشلاء دي أنا شفتها وكنت حاضرها ليلة إغتيال راجيف غاندي إثر تفجير إنتحاري في قرية سريبرمبودر قرب مدراس عاصمة ولاية تاميل نادو والكلام دة كان في مايو 1991 (والتاريخ دة مذكور في المداخلة المعنية). بعدين انا في 91 لسّة كنتا في الهند وما اتخرّجتا ولا استلمتا شهاداتي أنا إتعيّنتا ضابط في أغسطس 92
الاخ علاء سلام
والله انا مستعجل وماني راجييك للنهاية!
اصلا الفلم الهندي لو حضرت فيه العشر دقايق الاولي بتكون عرفت الحاصل شنو.
انا سؤالي ليك يا علاء :
هل للجهازالذي كنت ضابطا فيه علاقة بإغتيال راجييف غاندي!!!؟ ولو علي سبيل التدرب؟؟؟
والسلاميا علاء.
Post: #110 Title: Re: نعم........ كنت ضابطاً Author: علاء الدين صالح Date: 01-02-2011, 05:41 PM Parent: #86
Quote: هسع(الكاشف) ضابط البنقز ده ذنبو شنو.. يا ضابط الايقاع انت؟؟
آدم ياخ إنتا ليه ما داير تصدّقني؟ طيّب أحلف بالذي جعل الأرض مهادا والجبال أوتادا.. إني ما كنتا ضابط إيقاع وإنّو الزول المتصوّر معاي دة كان ورانا بى دُفعتين في الكُليّة أها شُفتا كيفِن؟
Post: #89 Title: Re: نعم........ كنت ضابطاً Author: ناذر محمد الخليفة Date: 01-02-2011, 03:43 PM Parent: #78
تعال ادي الناس دي النجيضة المافيها لف ودوران ..ولا تغيير في الاحداث ...
ــــــــــــــ يمهل ولا يهمل ..
Post: #116 Title: Re: نعم........ كنت ضابطاً Author: علاء الدين صالح Date: 01-02-2011, 06:14 PM Parent: #90
Quote: تعال ادي الناس دي النجيضة المافيها لف ودوران ..ولا تغيير في الاحداث ...
الله يطوِّلِك يا روووووح ياخي إنتا بس أطلع منّها سمِح؟
Post: #93 Title: Re: نعم........ كنت ضابطاً Author: ASHRAF TAHA Date: 01-02-2011, 03:53 PM Parent: #89
Quote: [أدينا النجيضة يا علاء !!!
اهو ده البقولو عليهو كورة واطة
Post: #117 Title: Re: نعم........ كنت ضابطاً Author: علاء الدين صالح Date: 01-02-2011, 06:20 PM Parent: #93
Quote: اهو ده البقولو عليهو كورة واطة
أخُت الكورة واطة كيف يا أشرف وانا من قبيل بلعب ريزر كرة طائرة؟
Post: #114 Title: Re: نعم........ كنت ضابطاً Author: علاء الدين صالح Date: 01-02-2011, 06:08 PM Parent: #89
Quote: أدينا النجيضة يا علاء !!!
أستاذ ناذر إنتا بس هوّنها بتهون النجيضة شديدة ولضيضة وصارت أقرب إليكم من حبل الغسيل
Post: #107 Title: Re: نعم........ كنت ضابطاً Author: علاء الدين صالح Date: 01-02-2011, 05:23 PM Parent: #78
Quote: انتو "الامني" دا قايلنو شنو؟ ما هو جمع المعلومات عن زملائك والتلويح بها في كل ملف..
ويا ريت لو معلومات صحيحة ميّة في الميّة يا دكتورة أنا عارف الباسووردات دي بدّوها لأي زول من طرف كدة ليه؟ بالله مُش مفروض بكري يطلب من بعض الناس CT Scan بدل الـC.V ؟؟
Post: #105 Title: Re: نعم........ كنت ضابطاً Author: علاء الدين صالح Date: 01-02-2011, 05:13 PM Parent: #75
Quote: سيبك من احترامي ... وركز وانت بتكتب عن الفترة ديك اكتب عن قصة عمر شاويش بجنوب مدراس في عام 89 وكذلك اكتب عن كيف عملت كضابط مباشرة بعد وصولك السودان عام 92 وكيف كنت اشتراكي في الهند في نظر الكل وكيف تحولت مباشرة الى ضابط دون ان يعرف ذلك اقرب الناس ليك.. ولا كنت اشتراكي و( جواك جبهة اسلامية ) ؟!!! ..ماتسألني عرفت كيف ولا متين ومن منو ؟؟ وانا من زمان راجي بوست زي ده ياعلاء يتفتح ..وماحبيت ابتدر الكلام لكن مادام جا منك فاستعد ...واحترامك ماعايزو فقد سبقتك في ذلك ...
وانتا يا فايز قايلني خجلان ولّا خايف من الكلام الحأقولوا؟ أنا بعد ما اتخرّجتا من الكليّة مباشرة إتعيّنتا ضابط في مكاتبنا الفي منطقة المقرن لقيت ضباط أقدم منّي شغّالين في نفس المكاتب دي منهم أمير (خريج الخرطوم)، طارق (خريج الجزيرة) كمال، إبراهيم، يوسف ومجموعة أخرى وأول مأمورية كانت للدويم
إحترامي ليك بحتفظ بيهو عشان أوزّعوا على من يستحق من أبناء سبيل المنبر الخشّوا البوست دة مُتشكّرين ومقدّرين
Post: #101 Title: Re: نعم........ كنت ضابطاً Author: علاء الدين صالح Date: 01-02-2011, 04:48 PM Parent: #70
Quote: ولكن بالمقابل يمكنني ان اسالك سؤال دون حاجتي لاثباته متي كذبت عليك؟ وهل يمكنك الاتيان باثبات ذلك وامامك المنبر العام هذا وهي الساحة التي عرفتك فيها ، فهل لك اني تدليني علي مواقع الكذب ان امكنك ام هي الخصومة السياسية؟
وبرضو لازم تتصافوا إنتا ودكتورة بيان لأنكم الإتنين أكبر من كدة بكتير رجاء خاص أخي إبراهيم
Quote: بعدين انا في 91 لسّة كنتا في الهند وما اتخرّجتا ولا استلمتا شهاداتي أنا إتعيّنتا ضابط في أغسطس 92
يعني انت شاركت في معركة بدر الكبري
Post: #118 Title: Re: نعم........ كنت ضابطاً Author: علاء الدين صالح Date: 01-02-2011, 06:30 PM Parent: #106
Quote: يعني انت شاركت في معركة بدر الكبري
أبو عرفة ياخي أنا بكورك من الصباح لمن صوتي راح يا اخوانّا ناسنا ديل ما عندهم شغلة بالمعارك والحروب الحرب دي عندها ناسا ونحنا عندنا شغلنا براهو بالجد كدة
Post: #98 Title: Re: نعم........ كنت ضابطاً Author: علاء الدين صالح Date: 01-02-2011, 04:30 PM Parent: #57
Quote: الناس ديل كلهم ما بشبهوك
لانهم ما بكضبو في زول..
ولا مو هيك؟
يا دكتورة عنكبة دة صاحبي وقريبي وعُشرة عُمر وانتي في مقام أكبر خالاتي الله يرحمها ممكن أخُش ألطِّف الجو شوية كدة بيناتكم؟
على فكرة يا دكتورة أنا غيّرتا صورة بروفايلي وشلتا صورة أستاذة منال عشان ما أسبِّب ليهاأي إحراج أنا عارف الموضوع very critical وكدة لكن كان لا بُدَّ مما ليس منه بُد
Post: #104 Title: Re: نعم........ كنت ضابطاً Author: د.نجاة محمود Date: 01-02-2011, 05:00 PM Parent: #98
Quote: والبشيل هذه المعلومات وياذي بيها اخوانه واصدقاءه وزملاءه اسمه شنو عندك يادكتورة ؟!!!
هووووووووووووي يا زول اوعى تكون بتعرض بي باقي ناس المنبر ديل عضيرين وبصدقوا كلام المناضلين
يا يابا نحنا ربونا بسير المحفضة ما بتلقط اي خبر عن زول ولا بتجيب سبرة زول و الا سير المحفضة ياباك.
العجب كان "كظبتا" تتناوب فيك سيور المحافض لما تقول بس...
عشان كدا العب غيرها..ز
بيان كوزة بيان هاكر بيان بيان شهادتها وهمية بيان تعيش عل اموال الشعب المسكين دا كلو يثير الضحك لكن عاد بيان في "الامني" دي بالجد واسعة شديد.
Post: #119 Title: Re: نعم........ كنت ضابطاً Author: علاء الدين صالح Date: 01-02-2011, 06:34 PM Parent: #104
Quote: عشان كدا العب غيرها..
وهاك شيل كورتك دي وامشي العب بعيد في حوش الرجال
Post: #178 Title: Re: نعم........ كنت ضابطاً Author: فايزودالقاضي Date: 01-03-2011, 08:09 AM Parent: #104
دكتورة نجاة ..سلام ...(بالمناسبة انت لمن يسلموا عليك ليه مابتردي السلام ؟!! مش رد السلام واجب ؟) ..
Quote: بيان كوزة بيان هاكر بيان بيان شهادتها وهمية بيان تعيش عل اموال الشعب المسكين دا كلو يثير الضحك لكن عاد بيان في "الامني" دي بالجد واسعة شديد.
يادكتورة انا قلت ليك قبل كده ..انت يااما بتفترضي كلام وتقومي تردي عليهو يااما انك تردي على اخرين في كتاباتي ..يااحتمال بتكتبي وانت ماعارفة بتكتبي في شنو !!!.. اولاً مابظن انك هكر لانو الهكر عايزلو زول بتاع تقنية ويفهم في الاختراق وانت حدك اختراق البوستات بكلام ماليهو علاقة بالموضوع الاساسي ..وشهاداتك وحاجاتك الخاصة ماانا البحث فيها ومابتهمني وبنتقد الزول الببحث فيها وكمان انا واثق انك فعلاً دكتورة وبصدق ..وماعندي اى معلومة لأكلك لاموال الشعب ومابقدر اتهمك بتهمة زي دي لمجرد اختلاف في الرأى ومن غير دليل ..واما بخصوص الامني دي فانا ماجا على بالي اتهمك بيها ابداً ..وكل كلامي ليك في ردودي في بوستات مختلفة انك زولة متناقضة بتتكلمي عن انك بتختلفي مع ناس الحكومة بنسبة 100% والاقيك في الواقع بتتفقي معاها بنسبة 500% وقلتها ليك صراحة قبل كده ريحي نفسك واعلني انضمامك للنظام فقد تجاوزتي كل شروط الانضمام اليه بإمتياز ..فتلاقي الافكار والرؤى كافية لان تكوني كوزة ...ده كان كلامي اما غير كده مااتهمتك باى حاجة ..واعتقد اتفاقك مع الكيزان بهذه النسبة بتغني عن الحاجات التانية ..
تحياتي واحترامي ..
ـــــــــــــ فايزمظاهرات ..
Post: #115 Title: Re: نعم........ كنت ضابطاً Author: د.نجاة محمود Date: 01-02-2011, 06:09 PM Parent: #98
Quote: دكتورة عنكبة دة صاحبي وقريبي وعُشرة عُمر وانتي في مقام أكبر خالاتي الله يرحمها ممكن أخُش ألطِّف الجو شوية كدة بيناتكم؟
يا علاء لو عنكبة دا ختاني العوجة ما بتجيه لكن شيتا مباريني طارح نفسو مناضل كبير والبلد ضيقة وانامع الخيانة شينة منه والله..
ناس الامنو فوبيا ديل بري منهم انا
Post: #120 Title: Re: نعم........ كنت ضابطاً Author: علاء الدين صالح Date: 01-02-2011, 06:40 PM Parent: #115
Quote: يا علاء لو عنكبة دا ختاني العوجة ما بتجيه لكن شيتا مباريني طارح نفسو مناضل كبير والبلد ضيقة وانامع الخيانة شينة منه والله..
ناس الامنو فوبيا ديل بري منهم انا
العوجة ما بتجيهو ولا بتجيكي إنتي برضو من دخل بوستاتي فهو آمِن
آمِن ساكِت.. آمِن جداً
Post: #179 Title: Re: نعم........ كنت ضابطاً Author: فايزودالقاضي Date: 01-03-2011, 08:22 AM Parent: #115
يادكتورة ....سلام ..
Quote: لكن شيتا مباريني طارح نفسو مناضل كبير والبلد ضيقة وانامع الخيانة شينة منه والله..
انا متين باريتك يادكتورة ؟!! انا بكتب في منبر عام ديمقراطي ومن حقي اكتب محل ماعايز .. وانت كذلك ..ولم اطرح نفسي كمناضل كبير ولا صغير ..انا بختلف مع نظام وده من حقي فما عارف ليه انت منزعجة مع حق زي ده ..ليك الحق تنزعجي اذا طرحت نفسي كمعارض وفي حقيقتي اكون تبع النظام لكن غير كده ماعندك حق تعترضي على اتجاهاتي ..ومن ناحية البلد ضيقة فعلاً ضيقة ...ولو كنت مع الخيانة كان لقيتيني شغال مع النظام ومؤيد ليه ....فمعارضة النظام ليست مسبة ولا هي خيانة ...
تحياتي واحترامي ..
Post: #97 Title: Re: نعم........ كنت ضابطاً Author: علاء الدين صالح Date: 01-02-2011, 04:20 PM Parent: #55
Quote: سلام علاء ممكن تكون 92 الى 95 شغال في شركة مثلاً شركة تامين او تنمية التعديل لزوم الرجوع للفترة المقصودة
يعني يا أبو القاسم بعد التعديل دة كلّلللو تجي تقول لَيْ ممكن؟ كويّس خالص طيب في ضابط بيشتغِل في شركة؟ يعني بتاع سيكيوريتي قصدك؟ كدي راجع مداخلة ود القاضي الأخيرة الشحمانة دي وقول لَيْ رايك
Post: #102 Title: Re: نعم........ كنت ضابطاً Author: ابو القاسم حسن Date: 01-02-2011, 04:51 PM Parent: #97
اتمنى انك تكون اطلعت على ما كتبت قبل التعديل
عايز تقنع منو انك كنت شغال مع الجماعة ديل !!!؟؟؟؟؟
92 - 95 كانوا اشرس يعني بصدق انهم ممكن يشغلوك معاهم . مستحيل
لكن في البوست دا صدقني طوالي نط السؤال المحير :
انور بكونوا قبضوه ناس الامن اها ( افو ) القبضو منو ؟ مع كل الاحترام والتقدير له والمحبة الصادقة
يعني ممكن لو ما شغال الا ضابط ( حركة ) في شركة التنمية تكون ضابط حرس صيد
المداخلة براجعها ليك بصبر
Post: #109 Title: Re: نعم........ كنت ضابطاً Author: أمين محمد سليمان Date: 01-02-2011, 05:40 PM Parent: #102
أخونا علاء ، سلام و لعلك طيب
Quote: والله يا وائل دي أول مداخلة أضحك فيها الشغلانية لو بالصور العميد أمين محمد سليمان من سنة وشوية مفروض يفتح البوست بتاعو
قدر ما حاولت أفهم دي ما قدرت : فياخي نورنا الله ينور عليك .
Post: #121 Title: Re: نعم........ كنت ضابطاً Author: عمران حسن صالح Date: 01-02-2011, 06:49 PM Parent: #109
Quote: أحلف بالذي جعل الأرض مهادا والجبال أوتادا.. إني ما كنتا ضابط إيقاع وإنّو الزول المتصوّر معاي دة كان ورانا بى دُفعتين في الكُليّة أها شُفتا كيفِن؟
وكمان عجبتني الـ CT SCAN دي
Post: #134 Title: Re: نعم........ كنت ضابطاً Author: علاء الدين صالح Date: 01-02-2011, 07:28 PM Parent: #121
Quote: وكمان عجبتني الـ CT SCAN دي
عمران أنا بتكلّم جد بالمناسبة معرفة الحالة العقلية والذهانية للأعضاء مسبقاً بتجنّبنا المشاكل الواقعين فيها دي كُللللها والله صحي
Post: #122 Title: Re: نعم........ كنت ضابطاً Author: محمد عمر جبريل Date: 01-02-2011, 06:53 PM Parent: #109
ياخ أنا قايلك أستاذ ساي ... تطلع بتاع أمن !!! دي على وزن .. دا أنا بخاف من الكـــــلـب ........ إلخ . .. عموما في انتظار نهاية السرد حتى (ندلو بدلونا)* في الموضوع ده
سلامات استاذ علاء الدين و والله عندي حاجة كدة قريب من الكلام البتقول فيهو ده عّلا خجلان أحكيها __________________
* العبارة دي أنا بالجد ما فاهم معناها ولا فاهم المناسبة بتاعتها
Post: #124 Title: Re: نعم........ كنت ضابطاً Author: محمد عمر جبريل Date: 01-02-2011, 06:58 PM Parent: #122
هذا وللعلم أني أفهم المعنى المرادف للجردل وصم تايمز أطلع على (برجك اليوم)
Post: #139 Title: Re: نعم........ كنت ضابطاً Author: علاء الدين صالح Date: 01-02-2011, 07:44 PM Parent: #124
Quote: هذا وللعلم أني أفهم المعنى المرادف للجردل وصم تايمز أطلع على (برجك اليوم)
محمد عمر المعنى المرادف للجردل دة أوّع يكون الطشت يا زول مع ناس ذو اليد ديل ما تستبعد الأبراج تكون بقت 13
Post: #129 Title: Re: نعم........ كنت ضابطاً Author: محمد البشرى الخضر Date: 01-02-2011, 07:09 PM Parent: #122
Quote: ياخ أنا قايلك أستاذ ساي ... تطلع بتاع أمن !!!
سلام يا محمد و يا علاء ياخي الراجل ما جاب سيرة الأمن نهائي ضابط دي طاقية واسعة تشمل فيما تشمل ضابط علاقات عامة / ضابط شؤون ادارية / ضابط موارد بشرية و ضبطيات اخرى كثيرة لا علاقة لها بالقوات النظامية
اهو متابعين يا قول الصادق بس بالله ما تطول يا علاء اكتر من كدا
Post: #136 Title: Re: نعم........ كنت ضابطاً Author: محمد عمر جبريل Date: 01-02-2011, 07:36 PM Parent: #129
Quote: ياخي الراجل ما جاب سيرة الأمن نهائي
رلّلي !! تقرأ بالانجليزية المصرية الركيكة
وتحياتي للعريس أب تفة
Post: #140 Title: Re: نعم........ كنت ضابطاً Author: علاء الدين صالح Date: 01-02-2011, 07:54 PM Parent: #129
Quote: سلام يا محمد و يا علاء ياخي الراجل ما جاب سيرة الأمن نهائي ضابط دي طاقية واسعة تشمل فيما تشمل ضابط علاقات عامة / ضابط شؤون ادارية / ضابط موارد بشرية و ضبطيات اخرى كثيرة لا علاقة لها بالقوات النظامية
اهو متابعين يا قول الصادق بس بالله ما تطول يا علاء اكتر من كدا
والله يا ود البُشرى إنتا بى جاي وجنابو في الصفحة الأولى ضربتما مثالاً للحكمة والموعظة الحسنة أبشِر يا محمد بس باقي لَيْ ردّين وحأشرُد*
_______________________ ياسر طيفور علّمنا التنقيط ودي حاجة سيئة طبعاً
Quote: ياخي الراجل ما جاب سيرة الأمن نهائي ضابط دي طاقية واسعة تشمل فيما تشمل ضابط علاقات عامة / ضابط شؤون ادارية / ضابط موارد بشرية و ضبطيات اخرى كثيرة لا علاقة لها بالقوات النظامية
ود البشرى حللللوة وملعوبة دى والله ، ريحتنى فى حنانى ...
__ ياعلاء لمتين يعنى حنبارى البوست دا ... خلصنا بقى
Post: #137 Title: Re: نعم........ كنت ضابطاً Author: علاء الدين صالح Date: 01-02-2011, 07:39 PM Parent: #122
Quote: ياخ أنا قايلك أستاذ ساي ... تطلع بتاع أمن !!! دي على وزن .. دا أنا بخاف من الكـــــلـب ........ إلخ . .. عموما في انتظار نهاية السرد حتى (ندلو بدلونا)* في الموضوع ده
سلامات استاذ علاء الدين و والله عندي حاجة كدة قريب من الكلام البتقول فيهو ده عّلا خجلان أحكيها
محمد عمر يا حبيب المعايش جبّارة والله محمد حسين كسلا مُش كان دكتور ولاعب كورة؟ الأستاذية بالنسبة لَيْ كانت هواية قبل الإنقاذ لكن مهنتي الموضّحة في الكارنيه مع بدايات الإنقاذ كانت ضابط عليك الله أحكيها يا محمد ياخ الخجل لزومو شنو؟ أحكي وكان نقصَت حرّم بتمّها ليك
Post: #123 Title: Re: نعم........ كنت ضابطاً Author: البدري عبد الله Date: 01-02-2011, 06:56 PM Parent: #109
Quote: : والله يا وائل دي أول مداخلة أضحك فيها الشغلانية لو بالصور العميد أمين محمد سليمان من سنة وشوية مفروض يفتح البوست بتاعو
Quote: قدر ما حاولت أفهم دي ما قدرت : فياخي نورنا الله ينور عليك
يا نوتة كل سنة وانت طيب ياخ ...
Post: #125 Title: Re: نعم........ كنت ضابطاً Author: أمين محمد سليمان Date: 01-02-2011, 07:04 PM Parent: #123
يا بدرنا العالي
Quote: يا نوتة كل سنة وانت طيب ياخ ...
أبقي طيب كيف ياخي و أنا مفروض أفتح البوست (بتاعي ) قبل سنه و نص ؟!!
Post: #127 Title: Re: نعم........ كنت ضابطاً Author: البدري عبد الله Date: 01-02-2011, 07:04 PM Parent: #123
اخونا علاء الدين السلام عليكم ورحمة الله
ياخ انا ومعاي مئات الاعضاء والمتصفحين متابعين من الدغش ..لحدي ما وصلنا قريب نهاية الصفحة الثانية..واخشى تن نبلغ الصفحة العاشرة دون ان نقرأ شيئا له علاقة بعنوان البوست..ارجو شاكرا منك الدخول في الموضوع كما ارجو ايضا من الاخوة المتداخلين الصبر حتى يتم بّل الابري وبعدين كل زول يشرب الفيها النصيب ...
Post: #142 Title: Re: نعم........ كنت ضابطاً Author: علاء الدين صالح Date: 01-02-2011, 08:08 PM Parent: #127
Quote: اخونا علاء الدين السلام عليكم ورحمة الله
ياخ انا ومعاي مئات الاعضاء والمتصفحين متابعين من الدغش ..لحدي ما وصلنا قريب نهاية الصفحة الثانية..واخشى تن نبلغ الصفحة العاشرة دون ان نقرأ شيئا له علاقة بعنوان البوست..ارجو شاكرا منك الدخول في الموضوع كما ارجو ايضا من الاخوة المتداخلين الصبر حتى يتم بّل الابري وبعدين كل زول يشرب الفيها النصيب ...
الحبيب البدري تحياتي طلبات سيادتك والسادة القُرّاء أوامر ياخ مو على عيني بس أخلّص الردود دي وطوّالي نبدا ولو عايزني أفُط ما مشكلة هو السرد زاتو ما كتير وود القاضي ما قصَّر شغّال يسرُد من صباح الرحمن
Post: #132 Title: Re: نعم........ كنت ضابطاً Author: علاء الدين صالح Date: 01-02-2011, 07:21 PM Parent: #109
Quote: أخونا علاء ، سلام و لعلك طيب
قدر ما حاولت أفهم دي ما قدرت : فياخي نورنا الله ينور عليك .
دكتور أمين تحياتي يا غالي وائل قال لَيْ إنو ما كان مصدِّق إني ضابط إلّا بعد ما شاف صورتي اللابس فيها نضارات سودا فقلتا ليهو ما معناه إنو لو شغلة الضباط بيتأكّدوا منها بالصور بس أمين محمد سليمان ممكن يكون عميد عديل وبالتالي كان مفروض يفتح ليهو بوست إعتراف زي بتاعي دة من قبل سنة وشوية
يعني زي العميد الواقف معاي في الصورة دة
Post: #126 Title: Re: نعم........ كنت ضابطاً Author: علاء الدين صالح Date: 01-02-2011, 07:04 PM Parent: #102
Quote: لكن في البوست دا صدقني طوالي نط السؤال المحير :
انور بكونوا قبضوه ناس الامن اها ( افو ) القبضو منو ؟ مع كل الاحترام والتقدير له والمحبة الصادقة
يعني ممكن لو ما شغال الا ضابط ( حركة ) في شركة التنمية تكون ضابط حرس صيد
المداخلة براجعها ليك بصبر
قاسم حسن إنتا منو؟؟ مادام بتعرف أنور ومصطفى معناها إنتا بتعرفني وانا بعرفك Give me a hint or clue about something .that indicates or make you known in an indirect manner ?Got it بعد كدة تتخارج من البوست دة سريع قبل ما أرسّل لى بكري إيميل بمتداخل غير مرغوب فيه أنا جنّي وجن ألقى لّيْ زول هنا بيعرف عنّي معلومات أيام انا ضابط وفي رواية أُخرى آخد راحتك في مراجعة المداخلة المعنية واحفظ حروفها حرف حرف
Post: #128 Title: Re: نعم........ كنت ضابطاً Author: علاء الدين صالح Date: 01-02-2011, 07:06 PM Parent: #126
Quote: يعني ممكن لو ما شغال الا ضابط ( حركة ) في شركة التنمية تكون ضابط حرس صيد
قرّببببببببتا
Post: #130 Title: Re: نعم........ كنت ضابطاً Author: البدري عبد الله Date: 01-02-2011, 07:12 PM Parent: #126
Quote: أبقي طيب كيف ياخي و أنا مفروض أفتح البوست (بتاعي ) قبل سنه و نص ؟!!
سنة ونص الشوية دي ؟!! يا نوتة ياخ انت مفروض تكون لغاية هسي تكون مذكراتك بتتناقش في برنامج لاري كنج او ما شابه ..وتكون الجزيرة جابتك زماااان في برنامج مهمة سرية..هذا ان لم ننسى الندوات والليالي السياسية المخصصة لمثل هكذا امر جلل..
Post: #131 Title: Re: نعم........ كنت ضابطاً Author: محمد عمر جبريل Date: 01-02-2011, 07:18 PM Parent: #130
Quote: يا نوتة ياخ انت مفروض تكون لغاية هسي تكون مذكراتك بتتناقش في برنامج لاري كنج او ما شابه
لاري كينج !! ياخ أمين دا حدو أوبرا بس دا زول بتاع VPN و والله إنه لخطر لو تعلمون عظيم ..
Post: #133 Title: Re: نعم........ كنت ضابطاً Author: البدري عبد الله Date: 01-02-2011, 07:22 PM Parent: #131
Quote: و والله إنه لخطر لو تعلمون عظيم ..
حد يصحي حمور ياخوانا ..
Post: #135 Title: Re: نعم........ كنت ضابطاً Author: محمد الجيلى Date: 01-02-2011, 07:30 PM Parent: #133
الأخ علاء سلامات
ضابط إتصالات ضابط إداري ضابط حركة . . . . إلخ
المهم تكون أوفيت بما وكلت إليه من عمل وأرضيت ضميركـ ودا بكفي
في إنتظار التفاصيل
تقديري
Post: #138 Title: Re: نعم........ كنت ضابطاً Author: سيف النصر محي الدين محمد أحمد Date: 01-02-2011, 07:42 PM Parent: #135
Quote: Quote: يعني ممكن لو ما شغال الا ضابط ( حركة ) في شركة التنمية تكون ضابط حرس صيد
قرّببببببببتا
ما دام حرس صيد و قرببببببتا و مكاتبكم الفي المقرن، تبقى دي جنينة الحيوانات.
صاح؟
Post: #141 Title: Re: نعم........ كنت ضابطاً Author: عبد المنعم ابراهيم الحاج Date: 01-02-2011, 08:03 PM Parent: #138
ضابط في تنظيم معارض . تأمين أفراد.
Post: #146 Title: Re: نعم........ كنت ضابطاً Author: علاء الدين صالح Date: 01-02-2011, 08:43 PM Parent: #141
Quote: ضابط في تنظيم معارض . تأمين أفراد.
عبد المنعم إزيّك ياخ إنتا مشيت بعيد شديد تأمين الأفراد دا اشتغلناهو قبل وبعد الإنتفاضة وضابط التنظيم المعارض دي ماسورة ساكت يا اخوي أشيل سلاح واشتغِل تكتيك واستراتيجيات حرب وبيادة عشان في النهاية أجي أخُش جيش الحكومة ويمسّكوني صُفّارة حكم يا ابوي أخير شغلة القرود بتاعت د. سيف ديك
Post: #144 Title: Re: نعم........ كنت ضابطاً Author: علاء الدين صالح Date: 01-02-2011, 08:31 PM Parent: #138
Quote: ما دام حرس صيد و قرببببببتا و مكاتبكم الفي المقرن، تبقى دي جنينة الحيوانات.
صاح؟
دكتور سيف لكن ما بالغتا وشذّيت ياخي العمال الكانو بيقدّموا الأكل للأسد والقرنتية هسّا شغالين في الـ Catering بتاع فندق برج الفاتح يعني أنا كنتا حأشتغل شنو في الجنينة؟ الظاهر البوست إيّاهو جهجه ليك المنهجية اللغوية بتاعتك فالشغلة بتاعت القرود الفي بالك ديك بالظاء ما بالضاد
Post: #143 Title: Re: نعم........ كنت ضابطاً Author: علاء الدين صالح Date: 01-02-2011, 08:16 PM Parent: #135
Quote: الأخ علاء سلامات
ضابط إتصالات ضابط إداري ضابط حركة . . . . إلخ
المهم تكون أوفيت بما وكلت إليه من عمل وأرضيت ضميركـ ودا بكفي
في إنتظار التفاصيل
تقديري
حبيبنا محمد الجيلي ياخي مشتاقين والله لينا زمن ما اتلاقينا من أيام جمع الشتات
أها شفتا يا محمد إنتو كدة دايماً أصلو ما بتحسنوا الظن هسّا عليك الله الوظائف التلاتة دي محتاجة الواحد يفتح ليها بوست؟ الحمد لله أوفيت وأرضيت ضميري تسلم يا أبو حميد
احتراماتي
Post: #145 Title: Re: نعم........ كنت ضابطاً Author: محمد الجيلى Date: 01-02-2011, 08:34 PM Parent: #143
Quote: حبيبنا محمد الجيلي ياخي مشتاقين والله لينا زمن ما اتلاقينا من أيام جمع الشتات
أها شفتا يا محمد إنتو كدة دايماً أصلو ما بتحسنوا الظن هسّا عليك الله الوظائف التلاتة دي محتاجة الواحد يفتح ليها بوست؟ الحمد لله أوفيت وأرضيت ضميري تسلم يا أبو حميد
احتراماتي
الزمن طوّل والله يا عزيزنا والشوق كميات والله
أخباركـ وإن شاءالله أموركـ كلها تمام
ياخ نحسنوا أكتر من كدا كيف
والله إلاّ نقول ليكـ لا إنت ضابط ولا يحزنون
إحتراماتي يا عزيز
Post: #147 Title: Re: نعم........ كنت ضابطاً Author: سيف النصر محي الدين محمد أحمد Date: 01-02-2011, 08:45 PM Parent: #145
Quote: يعني أنا كنتا حأشتغل شنو في الجنينة؟
يا علاء يا خي وظائف جنينة الحيوانات دي مقتصرة بس على تقديم الأكل للحيوانات، خد عندك مثلا: كان عندنا جار في الكلاكلة عليه رحمة الله شغال ناظر جنينة الحيوانات. اها في ذمتك كنت عارف أنو الجنينة عندها ناظر؟؟ عادي ممكن يكون فيها ضباط يا مان take it easy
Post: #149 Title: Re: نعم........ كنت ضابطاً Author: علاء الدين صالح Date: 01-02-2011, 09:02 PM Parent: #147
Quote: يا علاء يا خي وظائف جنينة الحيوانات دي مقتصرة بس على تقديم الأكل للحيوانات، خد عندك مثلا: كان عندنا جار في الكلاكلة عليه رحمة الله شغال ناظر جنينة الحيوانات. اها في ذمتك كنت عارف أنو الجنينة عندها ناظر؟؟ عادي ممكن يكون فيها ضباط يا مان take it easy
آي توك إت إيزي شديد والله أها أنّورّيك كمان يا دكتور أنا لمن قلتا للأخ أبو القاسم قرّبتا ما كنتا قاصد ليهو الكلام البالأحمر كنتا قاصد التانية عشان مافي زول يخرخر بعدين
Post: #150 Title: Re: نعم........ كنت ضابطاً Author: علاء الدين صالح Date: 01-02-2011, 09:07 PM Parent: #145
Quote: الزمن طوّل والله يا عزيزنا والشوق كميات والله
أخباركـ وإن شاءالله أموركـ كلها تمام
ياخ نحسنوا أكتر من كدا كيف
والله إلاّ نقول ليكـ لا إنت ضابط ولا يحزنون
إحتراماتي يا عزيز
والله ضابط يا ود الجيلي كلّها عشرة دقايق والوثيقة حتلقاها هنا
مودتي يا غالي
Post: #151 Title: Re: نعم........ كنت ضابطاً Author: علاء الدين صالح Date: 01-02-2011, 09:13 PM Parent: #150
الأحباب الأعزاء
أشكُر لكم صبركم وتحمُّلكم وأشكر لكم جميعاً كلماتكم التي دعمتني طوال مسيرة هذا البوست وعودة لعنوان البوست
نعم........ كنت ضابطاً
Post: #152 Title: Re: نعم........ كنت ضابطاً Author: علاء الدين صالح Date: 01-02-2011, 09:19 PM Parent: #151
منعم بيجو
بالذات ودون الآخرين
بقولا ليك بالفم المليان
إنتا برااااااااااااك آوت اوف بوينت
Post: #153 Title: Re: نعم........ كنت ضابطاً Author: علاء الدين صالح Date: 01-02-2011, 09:25 PM Parent: #152
Post: #161 Title: Re: نعم........ كنت ضابطاً Author: علاء الدين صالح Date: 01-02-2011, 09:50 PM Parent: #153
Post: #154 Title: Re: نعم........ كنت ضابطاً Author: بشير أحمد Date: 01-02-2011, 09:26 PM Parent: #152
اها وفايز ود القاضي ياكل باسطة ؟
التحايا لكم ...
Post: #155 Title: Re: نعم........ كنت ضابطاً Author: بشير أحمد Date: 01-02-2011, 09:30 PM Parent: #154
يافايز حقو تاكل قرض عدييل كده.
Post: #158 Title: Re: نعم........ كنت ضابطاً Author: محمد الجيلى Date: 01-02-2011, 09:36 PM Parent: #155
Post: #159 Title: Re: نعم........ كنت ضابطاً Author: عبدالعزيز حسين عبدالرحيم Date: 01-02-2011, 09:38 PM Parent: #155
والله يا علاء الدين كانت واضحة بس خفنا نخربها ليك وعشان تلم اكبر كمية
بالجد انا حسب ما عارف انك معلم وكنت قايلك ضابط في لجنة امتحانات أو ضابط في لجنة تصحيح الامتحانات أو ضعها وأفتكرت انو ممكن تكون في وظيفة بالمسمي دا وهي شغله حساسه ومفروض فيها السرية ودا عن ظني
لكن كضابط أمن بعيدة منك وأسالني اكتويت بيها قبل أيام
Post: #166 Title: Re: نعم........ كنت ضابطاً Author: علاء الدين صالح Date: 01-02-2011, 10:20 PM Parent: #159
Quote: والله يا علاء الدين كانت واضحة بس خفنا نخربها ليك وعشان تلم اكبر كمية
بالجد انا حسب ما عارف انك معلم وكنت قايلك ضابط في لجنة امتحانات أو ضابط في لجنة تصحيح الامتحانات أو ضعها وأفتكرت انو ممكن تكون في وظيفة بالمسمي دا وهي شغله حساسه ومفروض فيها السرية ودا عن ظني
لكن كضابط أمن بعيدة منك وأسالني اكتويت بيها قبل أيام
بالله كانت واضحة يا أبو عبدة؟؟ ياخ أنا لَيْ 3 أيام شغّال بالورقة والقلم شي رسم وشي نظريات رسمتا لَيْ خطة كورة وصلايب ودائرة سنتر.. حسام البدري بتاع شنو ياخ لا خلّيت فيثاغورث ولا نظرية تناقص المنفعة الحدية
دى شنقة يعنى .؟ من صباح الرحمن الناس دى مستنية نهاية البوست تطلع لينا ضابط مشروعات ياعلاء .؟
Post: #169 Title: Re: نعم........ كنت ضابطاً Author: علاء الدين صالح Date: 01-03-2011, 00:31 AM Parent: #163
Quote: دى شنقة يعنى .؟ من صباح الرحمن الناس دى مستنية نهاية البوست تطلع لينا ضابط مشروعات ياعلاء .؟
الأخ مزمل كيفك يا حبيب أنا من خلال مداخلتي دي بعتذر لكل من لم يستسيغ نهجي في طرح موضوع البوست فهو وإن كان مذاقه بطعم المزاح إلّا أنه لا يخلو من الملونات الصناعية بنكهة الملح والخل.. فلهم جميعاً العُتبى
Post: #165 Title: Re: نعم........ كنت ضابطاً Author: علاء الدين صالح Date: 01-02-2011, 10:10 PM Parent: #155
Quote: يافايز حقو تاكل قرض عدييل كده.
يا دكتور ياخ الراجل دة صاحبي شديد واليومين ديل الراجل عريس وكدة فخلّينا في الباسطة أحسن
Post: #156 Title: Re: نعم........ كنت ضابطاً Author: محمد البشرى الخضر Date: 01-02-2011, 09:34 PM Parent: #154
ساهرت بينا ياخ
Quote: اها وفايز ود القاضي ياكل باسطة ؟
يا دكتور شكلو ود القاضي ناقش الكنتة مداخلاتو كلها كلامها يحتمل قراءات على وجوه مختلفة
اولاد جدة لعبوا بينا إن شا الله يلم فيهم الحبشي مطرفين
Post: #180 Title: Re: نعم........ كنت ضابطاً Author: بشير أحمد Date: 01-03-2011, 08:28 AM Parent: #156
ابوحتوت
تحياتي؛؛؛
Quote: يا دكتور شكلو ود القاضي ناقش الكنتة مداخلاتو كلها كلامها يحتمل قراءات على وجوه مختلفة
اولاد جدة لعبوا بينا إن شا الله يلم فيهم الحبشي مطرفين
فعلا اللعبة مكشوفة ؛والاتنين قاعدين في جدة ؛ _________________
وياعبد العزيز ارخي فايز ده ؛والناس ديل متفقين.
Post: #200 Title: Re: نعم........ كنت ضابطاً Author: علاء الدين صالح Date: 01-03-2011, 07:26 PM Parent: #180
Quote: فعلا اللعبة مكشوفة ؛والاتنين قاعدين في جدة ؛ _________________
وياعبد العزيز ارخي فايز ده ؛والناس ديل متفقين.
دكتور بشير تحياتي
والله القصد كان ونسة ومحاولة لقراءة واستنباط ردود الأفعال ولا أنفي عن نفسي تهمة التخطيط لهذه المحاولة
Post: #199 Title: Re: نعم........ كنت ضابطاً Author: علاء الدين صالح Date: 01-03-2011, 07:14 PM Parent: #156
Quote: ساهرت بينا ياخ
يا دكتور شكلو ود القاضي ناقش الكنتة مداخلاتو كلها كلامها يحتمل قراءات على وجوه مختلفة
اولاد جدة لعبوا بينا إن شا الله يلم فيهم الحبشي مطرفين
ود البشرى تحياتي لكن ما شاء الله لقيتك خطير التحية ليك ولكل الشباب القُرّاء والمشاركين ويا اخوانّا أي زول زعل مننا أو أصابه شيء من حتى بطلب منو يعفو لينا والعفو والعافية لله ورسوله صدّقني يا ود البشرى ما لعبنا بيكم والله لكن الشغلة كلها ونسة وحبيت أعمل حاجة نيو لوك مع بداية السنة وكدة (والشكر لكل من جعل هذا ممكناً)
عميق احترامي للجميع
Post: #157 Title: Re: نعم........ كنت ضابطاً Author: Adam Mousa Date: 01-02-2011, 09:35 PM Parent: #154
Quote: أحلف بالذي جعل الأرض مهادا والجبال أوتادا.. إني ما كنتا ضابط إيقاع وإنّو الزول المتصوّر معاي دة كان ورانا بى دُفعتين في الكُليّة أها شُفتا كيفِن؟
اها زمان عندنا استاذ فى الثانوى (الله يرحمو) بدرسنا بلاغه فكان بقول لمن تجد ادوات القسم كتيره فتأكد انو الكلام كضب..!!!
فانا دحين مما شفت معاويه عبيد الصايم عمل عبدالفتاح للبوست دا فعرفت انو القصه مطه ساكت..عشان كده مسكت فى ضابط الايقاع قوى..
لكن يا ودالقاضى ماأخدت سيكـ عديل كده..
التعديل لاضافة كده
Post: #160 Title: Re: نعم........ كنت ضابطاً Author: عبدالعزيز حسين عبدالرحيم Date: 01-02-2011, 09:42 PM Parent: #157
يا علاء يا أخي مع حبي وأحترامي ليك
تسمح لي شده وسحبة في إبراهيم النعمة دا .... طبعا بعد ما تقنع من البوست
والقاضي زول حلو إنشاء الله تعضيهو في راسو
Post: #168 Title: Re: نعم........ كنت ضابطاً Author: علاء الدين صالح Date: 01-02-2011, 11:28 PM Parent: #160
Quote: يا علاء يا أخي مع حبي وأحترامي ليك
تسمح لي شده وسحبة في إبراهيم النعمة دا .... طبعا بعد ما تقنع من البوست
والقاضي زول حلو إنشاء الله تعضيهو في راسو
أخي عبد العزيز لك تحياتي الخالصة
ياخي لو بتحترمني فعلاً أول حاجة رجاءً عدّل مداخلتك الفوق دي فأسلوبها لا يليق بشخص مثلك أقدّره حق تقديره والحاجة التانية أنا لم ولن أسمح باستغلال بوستاتي في مهاترات شخصية وهذه مسألة مبدأ أخي عبد العزيز كما أنني أوضحت لك في مداخلة سابقة بأنه تربطني تداخلات أُسرية ووشائج إجتماعية مع الأخ إبراهيم النعمة ولكنك يا عبد العزيز لم تعر مناشدتي لك أدنى إهتمام مافي داعي يا عبد العزيز يا أخي فنحن هنا نسعى للتعارف وللمودّة وللمعزّة ولخلق أحلى صلات التواصل الإنساني
عميق احترامي ومودّتي
Post: #162 Title: Re: نعم........ كنت ضابطاً Author: عبد المنعم ابراهيم الحاج Date: 01-02-2011, 09:52 PM Parent: #157
Quote: منعم بيجو
نطالب بإسم الشركة والمرتب .. ياخي شهدة السير والسلوك دي أي مغترب طلعها حتى بدون مايكون شغال في نفس الشركة التي تستخرجها.
المهم في البوست دا بأنه ضغط على ألغام في إنتظار التفجير. سنتابع كما قال الصادق.
Post: #208 Title: Re: نعم........ كنت ضابطاً Author: علاء الدين صالح Date: 01-03-2011, 09:23 PM Parent: #162
Quote: نطالب بإسم الشركة والمرتب .. ياخي شهدة السير والسلوك دي أي مغترب طلعها حتى بدون مايكون شغال في نفس الشركة التي تستخرجها.
المهم في البوست دا بأنه ضغط على ألغام في إنتظار التفجير. سنتابع كما قال الصادق.
عبد المنعم تحياتي يا غالي رسِّل لَيْ إيميلك في الخاص برسّل ليك نسخة كاملة من الشهادة بدون حذف أو إتصل على أخونا الطيب شيقوق يرسل ليك نسخة من السي في وصور شهاداتي المعاهو بتلقى الشهادة دي من ضمنهم أكتر من 20 عضو في المنبر دة عندهم نسخة من سيرتي الذاتية وصور شهاداتي كلها شيل أي واحدة من شهاداتي وأمشي إتحرى عنها ولو لقيت واحدة منهم مضروبة تعال أفتح بوست وأفضحني في المنبر دة بعدين يا منعم دي ما شهادة حسن سير وسلوك دي شهادة خبرة حسن السير والسلوك المغتربين ما بيطلعوها من شركات القاصدها إنتا ديك بيطلعوها من المباحث وإسمها (فيش وتشبيه) Certificate of Police Record دي البيطلّعها أي مغترب واسألوا أهل الإغتراب إن كنتم لا تصدقون بعدين أنا الجابرني شنو أطلّع شهادة زي دي من سنة 95 وأستنى بيها الزمن دة كلّو عشان اجي أفتح بيها بوست؟ أنا شلتا إسم الشركة والراتب والتلفون والإيميل لأنها ما عندها علاقة بالبوست ولا تهم كل الناس وياخي لو عايزني أنزّلها كاملة بنزّلها ليك مافي مشكلة وليس لديّ ما أخفيه يا صديقي
عميق احترامي
Post: #203 Title: Re: نعم........ كنت ضابطاً Author: علاء الدين صالح Date: 01-03-2011, 08:28 PM Parent: #157
Quote: أحلف بالذي جعل الأرض مهادا والجبال أوتادا.. إني ما كنتا ضابط إيقاع وإنّو الزول المتصوّر معاي دة كان ورانا بى دُفعتين في الكُليّة أها شُفتا كيفِن؟
Quote: اها زمان عندنا استاذ فى الثانوى (الله يرحمو) بدرسنا بلاغه فكان بقول لمن تجد ادوات القسم كتيره فتأكد انو الكلام كضب..!!!
آدم يا حبيب تحياتي الخالصة ياخ هسّا يا آدم بعد كلام أستاذكم دة الله يرحمو، كلّو كلّو ما نفتح بوستات يعني؟ بعد دة إلّا نقلبها طلاق وحرَّم ساااااي الحمد لله ياخ إنّو بوست وائل طه فيهو أداة قسم وااااحدة بس الباقي هيّن
Post: #164 Title: Re: نعم........ كنت ضابطاً Author: علاء الدين صالح Date: 01-02-2011, 10:06 PM Parent: #154
Quote: اها وفايز ود القاضي ياكل باسطة ؟
باسطة ساكِت؟ باسطة وطحنية لكن الزول دة شكلو ناقش الفيلم
دكتور بشير تحياتي ياخ
Post: #167 Title: Re: نعم........ كنت ضابطاً Author: عبد الخالق امن الله Date: 01-02-2011, 11:11 PM Parent: #164
غايتو قديت الناس قد طبعا داير تستغل الهمة بتاعت وايل طه وتعمل فيها ما عارف شنو,,,,,,,,,, صلاح جادات تاني
Post: #170 Title: Re: نعم........ كنت ضابطاً Author: معاوية المدير Date: 01-03-2011, 00:36 AM Parent: #167
Quote: أبقي طيب كيف ياخي و أنا مفروض أفتح البوست (بتاعي ) قبل سنه و نص ؟!!
يا امين سليمان ما تجي تفتح البوست بتاعك تخارجنا بعد إتخارجنا من علاء الدين. غايتو جنس حراق روح!!!
منتظرنك في بوست الشاعر يا علاء الدين. والله صحي.
التعديل نسبةً لأني نسيت حكاية دكتور وكاتب. يا كاتب دكتور امين عليك الله سلّم لي علي البدري...
Post: #172 Title: Re: نعم........ كنت ضابطاً Author: أسامة البلال Date: 01-03-2011, 01:06 AM Parent: #170
قال ضابط مشروعات قال!!
علي وزن معزة ولو طارت. ممكن تورينا المشروعات دي شنو؟ مش ممكن تطلع مشروع إعتقال أو مشروع تصفية خصوم.. مشروع بيت أشباح!! عشان نقتنع ونقنع الناس الحضرت مداخلاتا
أسي الناس تودي مداخلات الإدانة والشجب الجهزتا ليك وين ؟!
Post: #212 Title: Re: نعم........ كنت ضابطاً Author: علاء الدين صالح Date: 01-04-2011, 00:14 AM Parent: #172
Quote: قال ضابط مشروعات قال!!
علي وزن معزة ولو طارت. ممكن تورينا المشروعات دي شنو؟ مش ممكن تطلع مشروع إعتقال أو مشروع تصفية خصوم.. مشروع بيت أشباح!! عشان نقتنع ونقنع الناس الحضرت مداخلاتا
أسي الناس تودي مداخلات الإدانة والشجب الجهزتا ليك وين ؟!
وطيّب الناس برضو الجهّزت مُداخلات التضامن تودّيها وين؟
Post: #210 Title: Re: نعم........ كنت ضابطاً Author: علاء الدين صالح Date: 01-03-2011, 10:42 PM Parent: #170
Quote: منتظرنك في بوست الشاعر يا علاء الدين. والله صحي.
ود المدير ياخي أحلف ليك بشنو وشنو داك إنو ليك وحشة ولّا أقول ليك أخير نخلّيها شنو واحدة لأنو تعدُّد أدوات القسم فيهو إنّه هسّا يجي آدم موسى يقول لّيْ وحياة أستاذنا المرحوم إنتا كضّاب
هو بوست الشاعر وينو؟؟ الله يسألني كُايسو لّيْ خمسة يوم كواسة الجِن
Post: #171 Title: Re: نعم........ كنت ضابطاً Author: Balla Musa Date: 01-03-2011, 00:54 AM Parent: #167
سلام ياعلاء
أولا ال98% دى لغة أرترية ماعندك معاها قضية..
ثانيا
البوست دا لو عملت من عينتو واحد تانى قول على شعبيتك السلام.
Post: #173 Title: Re: نعم........ كنت ضابطاً Author: عثمان محمد كرار Date: 01-03-2011, 01:28 AM Parent: #171
طبعا ياشباب ناس الامن لما الواحد ينزل معاش بيقومو يدوه شهادة خبره من اي شركه او وزاره زراعه تجاره حسب التخصص في الجهازاو يكون عامل ليه شركه خاصه لاي طاري خاصه لتسهيل العمل في الخارج فياخي اطلع واضح
Post: #174 Title: Re: نعم........ كنت ضابطاً Author: د.نجاة محمود Date: 01-03-2011, 05:28 AM Parent: #173
Quote: ناس الامن لما الواحد ينزل معاش بيقومو يدوه شهادة خبره من اي شركه او وزاره زراعه تجاره حسب التخصص في الجهازاو
اهااااااا المعلومة الما عامة دي عرفتها كيييييييف؟
Post: #175 Title: Re: نعم........ كنت ضابطاً Author: فايزودالقاضي Date: 01-03-2011, 07:30 AM Parent: #174
الاخ علاء ...سلام ...
كلامك ده قوله لزول ماعنده تلفزيون 40 بوصة ...محاولتك لتغير البوست والقضية واظهارها بانها فبركة مابتحلك ياعلاء ...عملك كضابط مشروعات لاتغير حقيقتك ...ومحاولتك للاستعانة بالدكتورة لتشتيت الكورة ومهاوشتنا بقضايا هامشية كانت لعبة مكشوفة منك ومنها ..انت ياعلاء كنت عايز تطرح نفسك كضابط له مذكرات عايز يكتب عنها ..مذكرات منتقاة بيضاء الصفحات ..ونسيت انو في ناس عارفنك كويس وعارفين تاريخك وماكنت بتتوقع يجي واحد يقعد ليك في البوست ، ووالله لو ماشايف انها ماجميلة في حقي كان نزلت رسالتك لي في المسانجر ..ياعلاء بقولها ليك انت والدكتورة العبوا غيرها ... واذا كنت شايف انها مشت على الجماعة فما بتمشي على انا ...
سؤال : هل عملك كضابط مشروعات يلغي عملك كضابط في جهة آخرى ؟!!..وهل ضابط الامن ماممكن يكون ضابط مشروعات لاى عمل داخل الجهاز ..؟!!
Post: #176 Title: Re: نعم........ كنت ضابطاً Author: فايزودالقاضي Date: 01-03-2011, 07:34 AM Parent: #175
Quote: قال ضابط مشروعات قال!!
علي وزن معزة ولو طارت. ممكن تورينا المشروعات دي شنو؟ مش ممكن تطلع مشروع إعتقال أو مشروع تصفية خصوم.. مشروع بيت أشباح!! عشان نقتنع ونقنع الناس الحضرت مداخلاتا
الناس الكلام ده ماترميهو ساى ..
Post: #177 Title: Re: نعم........ كنت ضابطاً Author: عبدالعزيز حسين عبدالرحيم Date: 01-03-2011, 07:58 AM Parent: #176
يا فايز
تحية وسلامات
Quote: الناس الكلام ده ماترميهو ساى ..
عشان ما نبقى في حوجة أم ضبينينه الما بتنتهي
علاء الدين دا قال كلامه وأنتهى
أنت عندك حاجه أي حاجه (قواله ، شوف ، فهم ، ظنون) تعال قولها هنا ولا كيف
Post: #181 Title: Re: نعم........ كنت ضابطاً Author: د.نجاة محمود Date: 01-03-2011, 08:47 AM Parent: #177
Quote: كلامك ده قوله لزول ماعنده تلفزيون 40 بوصة ...محاولتك لتغير البوست والقضية واظهارها بانها فبركة مابتحلك ياعلاء ...عملك كضابط مشروعات لاتغير حقيقتك ...ومحاولتك للاستعانة بالدكتورة لتشتيت الكورة ومهاوشتنا بقضايا هامشية كانت لعبة مكشوفة منك ومنها ..انت ياعلاء كنت عايز تطرح نفسك كضابط له مذكرات عايز يكتب عنها ..مذكرات منتقاة بيضاء الصفحات ..ونسيت انو في ناس عارفنك كويس وعارفين تاريخك وماكنت بتتوقع يجي واحد يقعد ليك في البوست ، ووالله لو ماشايف انها ماجميلة في حقي كان نزلت رسالتك لي في المسانجر ..ياعلاء بقولها ليك انت والدكتورة العبوا غيرها ... واذا كنت شايف انها مشت على الجماعة فما بتمشي على انا ...
سؤال : هل عملك كضابط مشروعات يلغي عملك كضابط في جهة آخرى ؟!!..وهل ضابط الامن ماممكن يكون ضابط مشروعات لاى عمل داخل الجهاز ..؟!!
انتو السودان دا ضاع من شوية...
العقلية بتاعة التحليلات far-fetched المبوظة السودان والحوارات
Post: #219 Title: Re: نعم........ كنت ضابطاً Author: علاء الدين صالح Date: 01-04-2011, 03:39 AM Parent: #181
Quote: انتو السودان دا ضاع من شوية...
العقلية بتاعة التحليلات far-fetched المبوظة السودان والحوارات
كلامك سليم يا دكتورة بس النصيحة ليك يا الله فايز ما تبع العقلية دي
All those who offer an opinion on any doubtful point should first clear their minds of every sentiment of dislike, friendship, anger or pity (Sallust)
Post: #182 Title: Re: نعم........ كنت ضابطاً Author: nazar hussien Date: 01-03-2011, 08:49 AM Parent: #177
Quote: شركة الزقزوق للأجهزة المنزلية
معناها: يا قول رؤوف خليف كنت ضابط اجهزة منزلية...ورقوك
Post: #183 Title: Re: نعم........ كنت ضابطاً Author: فايزودالقاضي Date: 01-03-2011, 09:08 AM Parent: #182
Quote: العقلية بتاعة التحليلات far-fetched المبوظة السودان والحوارات
انا عارف مداخلاتك ومساككتك لي نهاتيها حاتحبيني كود اختك ..
Post: #221 Title: Re: نعم........ كنت ضابطاً Author: علاء الدين صالح Date: 01-04-2011, 04:19 AM Parent: #183
Post: #184 Title: Re: نعم........ كنت ضابطاً Author: د.نجاة محمود Date: 01-03-2011, 09:09 AM Parent: #182
الاهداء الى المحقق كونان فائز
عندما رأته لاول مرة كان في مظاهرة يحمل لافتة الحزب الشيوعي ويهتف ضد الحكومة رغم ان المظاهرة كانت ضد تحويل داخلية الطلاب الى مكان آخر… تعرفت عليه كان دائم التلفت سالته قال لها:- لان الامن يراقبني طول الوقت,,,
يوما في منتصف السوق تركها وركض بشارع جانبي بعد اسبوعين قابلته سالته قال لها:- “الزول العامل فيها ببيع سبح داك في “الامن وشافني.. في جيل تشكلت عقليته بقصة في بيتنا رجل وسلسلة الهارب دكتور رتشارد كامبل الذي يبحث عن الاكتع قاتل زوجته ليسلمه الى العدالة ويبرئ ساحته وافقت ان تأخذه الى بيتهم حين أخبرها انه في خطر داهم من رجال الامن
,,, :- فكرت ان تساعده بتخبئته في بيتهم وهو بيت مناسب فهي ابنة وحيدة وسط ذكور وامها متوفية.
.فقالت:- له يمكنك الاختباء في بيتنا وسيظن الناس انك صديق احد اخوتي.
. فكر قليلا وقال لها :لالا رجال الامن هؤلاء في اي مكان وهو يفكر ربما احد اخوانها في الامن بعد تفكير طويل في كيفية تأمينه مرت قربهم بنت انصارية سنة..ترتدي اسود من راسها حتى قدميها فصرخت وجدتها.. قالت له تذهب معي الى بيتنا على انك صديقتي انصارية سنة. وتبقى هناك مرتديا العباية والخمار لان كل من في البيت رجال.. راقت له الفكرة ومزيدا من التعمية قالت ستقول لاهلها ان صديقتها بكماء وكلها اسبوع… بالفعل ذهب معها مختبئا في زيه المختار.. في اليوم الخامس اخبرها اصغر اخوتها : يا منى صاحبتك بتبول واقفة…
Post: #186 Title: Re: نعم........ كنت ضابطاً Author: مرتضي عبد الجليل Date: 01-03-2011, 09:53 AM Parent: #184
Quote: ضابط شنو يا علاء ؟
جيش ؟
شرطة؟
و لا سجم رماد ؟
Quote: لا ما ضابط إيقاع والله يا دكتورة ويا ريت لو كنتا ضابط إيقاع على الأقل لا فيها مأموريات ولا سفر ولا بهدلة
Quote: جنابو يا حبيب والله الشوق بحر تعرف يا عمر أنا إتمنّيت إنّي لو كنتا في الشرطة معاكم على الأقل بتكون زول معروف ولابس الرسمي دة وأي زول شايفك وكلما جاتك ترقية ممكن تعمل حفلة تجيب فيها ندى القلعة زول بيسألك مافي لكن زي ما عارف نحنا الكلام دة كلو ما كان عندنا حتّى كون إنّي ضابط دي ما كانت معروفة إلّا في نطاق ضيق محصور ما بين العمل والأُسرة والأهل والجيران القريبين
Quote: الجثث والأشلاء دي أنا شفتها وكنت حاضرها ليلة إغتيال راجيف غاندي إثر تفجير إنتحاري في قرية سريبرمبودر قرب مدراس عاصمة ولاية تاميل نادو والكلام دة كان في مايو 1991 (والتاريخ دة مذكور في المداخلة المعنية). بعدين انا في 91 لسّة كنتا في الهند وما اتخرّجتا ولا استلمتا شهاداتي أنا إتعيّنتا ضابط في أغسطس 92
الاخ علاء سلام
والله انا مستعجل وماني راجييك للنهاية!
اصلا الفلم الهندي لو حضرت فيه العشر دقايق الاولي بتكون عرفت الحاصل فيهو شنو.
انا سؤالي ليك يا علاء :
هل للجهازالذي كنت ضابطا فيه علاقة بإغتيال راجييف غاندي!!!؟ ولو علي سبيل التدرب؟؟؟
والسلام يا علاء.
Post: #187 Title: Re: نعم........ كنت ضابطاً Author: فايزودالقاضي Date: 01-03-2011, 10:01 AM Parent: #186
علاء ..سلام ..
Quote: يا دكتورة عنكبة دة صاحبي وقريبي وعُشرة عُمر وانتي في مقام أكبر خالاتي الله يرحمها
ياعلاء اذا انت من مواليد 53 - قبل الاستقلال - يعني عمرك 58 سنة الآن فكيف الدكتورة تبقى اكبر خالاتك - الله يهديك - انت قايلها حضرت المهدية ولا شنو ؟!!!
Post: #188 Title: Re: نعم........ كنت ضابطاً Author: د.نجاة محمود Date: 01-03-2011, 10:22 AM Parent: #187
Post: #224 Title: Re: نعم........ كنت ضابطاً Author: علاء الدين صالح Date: 01-04-2011, 04:49 AM Parent: #188
Quote: بعدين عايزة اقوليك كلام
خالتك دي ذي ابوذر الغفاري تكتب وحدها وتموت وحدها
ود القاضي يضربك الضريب شقّاق العناقريب هسّا مزعّل خالتي الدكتورة دي مالك ولّا عشان ما عندك خالة دكتورة يعني إن شاء الله يوم الخميس تجيكم مطرة تاني
Post: #223 Title: Re: نعم........ كنت ضابطاً Author: علاء الدين صالح Date: 01-04-2011, 04:39 AM Parent: #187
Quote: ياعلاء اذا انت من مواليد 53 - قبل الاستقلال - يعني عمرك 58 سنة الآن فكيف الدكتورة تبقى اكبر خالاتك - الله يهديك - انت قايلها حضرت المهدية ولا شنو ؟!!!
سنة 53 كان في بامبرز؟ عشان تعرف إنّك زول مُفتري ساي
Post: #222 Title: Re: نعم........ كنت ضابطاً Author: علاء الدين صالح Date: 01-04-2011, 04:32 AM Parent: #186
Quote: الاخ علاء سلام
والله انا مستعجل وماني راجييك للنهاية!
اصلا الفلم الهندي لو حضرت فيه العشر دقايق الاولي بتكون عرفت الحاصل فيهو شنو.
انا سؤالي ليك يا علاء :
هل للجهازالذي كنت ضابطا فيه علاقة بإغتيال راجييف غاندي!!!؟ ولو علي سبيل التدرب؟؟؟
والسلام يا علاء.
مرتضى تحياتي يا حبيب والإستعجال لزومو شنو هسّا يا مرتضى؟ إنتا خشّيت البوست الليلة يا دوب والنهاية كانت امبارح يا حبوب بعدين دة فيلم كرتون ما فيلم هندي ما شايف معاوية عبيد بيشبه تاوتاو كيفِن؟ الفيلم الهندي لو شُفتا إعلانو ساكت بتكون عرفتا الحاصل فيهو شنو أسألني أنا القريت في الهند
Post: #189 Title: Re: نعم........ كنت ضابطاً Author: فايزودالقاضي Date: 01-03-2011, 10:40 AM Parent: #184
دكتورة نجاة ...سلامات ..
Quote: الاهداء الى المحقق كونان فائز
شكراً على الهدية ...
Quote: عندما رأته لاول مرة كان في مظاهرة يحمل لافتة الحزب الشيوعي ويهتف ضد الحكومة رغم ان المظاهرة كانت ضد تحويل داخلية الطلاب الى مكان آخر… تعرفت عليه كان دائم التلفت سالته قال لها:- لان الامن يراقبني طول الوقت,,,
يوما في منتصف السوق تركها وركض بشارع جانبي بعد اسبوعين قابلته سالته قال لها:- “الزول العامل فيها ببيع سبح داك في “الامن وشافني.. في جيل تشكلت عقليته بقصة في بيتنا رجل وسلسلة الهارب دكتور رتشارد كامبل الذي يبحث عن الاكتع قاتل زوجته ليسلمه الى العدالة ويبرئ ساحته وافقت ان تأخذه الى بيتهم حين أخبرها انه في خطر داهم من رجال الامن
,,, :- فكرت ان تساعده بتخبئته في بيتهم وهو بيت مناسب فهي ابنة وحيدة وسط ذكور وامها متوفية.
.فقالت:- له يمكنك الاختباء في بيتنا وسيظن الناس انك صديق احد اخوتي.
. فكر قليلا وقال لها :لالا رجال الامن هؤلاء في اي مكان وهو يفكر ربما احد اخوانها في الامن بعد تفكير طويل في كيفية تأمينه مرت قربهم بنت انصارية سنة..ترتدي اسود من راسها حتى قدميها فصرخت وجدتها.. قالت له تذهب معي الى بيتنا على انك صديقتي انصارية سنة. وتبقى هناك مرتديا العباية والخمار لان كل من في البيت رجال.. راقت له الفكرة ومزيدا من التعمية قالت ستقول لاهلها ان صديقتها بكماء وكلها اسبوع… بالفعل ذهب معها مختبئا في زيه المختار.. في اليوم الخامس اخبرها اصغر اخوتها : يا منى صاحبتك بتبول واقفة…
يادكتورة الشخص الزي ده لايخرج من احتمالين : ياما انه فعلاً مراقب ومامتوهم ..او انه مامراقب ومتوهم هذه الاشياء ولو كانت الاولي فخير وبركة ولو كانت التانية فمعناها الشخص ده مريض ويجب ان يعامل معاملة المريض ولايُتهكم عليه ..لذلك عليك وعلينا ان نشخِّص هذا المرض .. واعتقد المتوهم بهذه الاشياء مريض باالفصام العقلي ( الشيزوفرينيا) ..لذلك ليه ماتبحثي في خلفية هذا الشخص ومالذي جعله يتوهم هذه الاشياء وليه الشيوعيين بالذات هم من يتوهمونها - كما لمحت بذلك - ؟!! يادكتورة دي حالة افرزتها ممارسات معينة ولا تأتي هكذا دون سبب وبدل تتهكمي عليهم كان تناقشي الظروف الامرضت هؤلاء - عافانا الله واياك ..
معقولة شيزوفرينيا !!!
ــــــــــ كونان فائز ..
Post: #190 Title: Re: نعم........ كنت ضابطاً Author: محمد يوسف الزين Date: 01-03-2011, 11:23 AM Parent: #189
علاء الدين داير النصيحة؟!
انت زول حقار والله
Post: #191 Title: Re: نعم........ كنت ضابطاً Author: د.نجاة محمود Date: 01-03-2011, 11:55 AM Parent: #190
يا كونان دي من وهمة النضال
راجع كتاب اصلاح الخطا بين الجماهير حتجد انه واحةمن الحاجات المنهي عنها.ز
الاحساس بالاهمية وتورم وانتفاخ الذات
بعمل الامنوفوبيا
Post: #192 Title: Re: نعم........ كنت ضابطاً Author: كمال ادريس Date: 01-03-2011, 12:02 PM Parent: #190
هذا البوست يؤكد قناعتي في حرفنة الضابط شرلوك هولمز في قيادة الرأي العام.
راجع كتاب اصلاح الخطا بين الجماهير حتجد انه واحة من الحاجات المنهي عنها.
يادكتورة انتي بتقري في حاجات وفلسفات وتجارب لآخرين وتسقطيها علينا اسقاط وتفسريها بذات التفسيرات وكأننا صور وبيئات ونفسيات تكرر الاخرين.. الحكومة بتاعتنا تجاوزت التخابر والتجسس عبر عناصر وبقى فعلها عينك ياتاجر ومن غير مصدر فكونك مامعاهم فإنت عدوهم ..
Quote: يا كونان بالله ما يكون عندك A Chip On Your Shoulder
كلام خالتك دا كلام عام خالتك ما بتخاف وكتين قسموا الخوف كانت غائبة
اي كلام عايزة تقولو بتقولو دززززززززززز
بدون لف او دوران
برضو لو كنت كوزة كنت اعلنتها هنا وصتا عين اي راجل في المنبر دا والمنابر المجاورة بيها
تيك ات ايزي يا ولدي..
يادكتورة ماتتعصبي عشان كده ماكويس لصحتك ..مافي حاجة تستاهل زعلك ..بعدين الكوزنة دي ماشي اختياري .. دي حاجات تجي براها وانتي نايمة ..او حاجة تتلبس الواحد من غير ما يحس بيها لذلك لا لوم عليك ..
احترامي وتقديري ..
ـــــــ كونان
Post: #195 Title: Re: نعم........ كنت ضابطاً Author: يوسف محمد يوسف Date: 01-03-2011, 01:49 PM Parent: #193
ولدنا علاء الدين
تصدق يا علاء انا كنت على قناعة تامة انو صلعتك الفى رأسك دى ... لا يمكن تكون صلعة ضابط !!
الضباط خلوا حك الرأس زمان ..
مودتى
Post: #197 Title: Re: نعم........ كنت ضابطاً Author: محمد أحمد الريح Date: 01-03-2011, 03:04 PM Parent: #195
Quote:
يعني انت شاركت في معركة بدر الكبري
جهاز الأمن لديه 1300 شركة شغالة فى السوق والعهدة على الترابى.
مع التحية
Post: #198 Title: Re: نعم........ كنت ضابطاً Author: د.نجاة محمود Date: 01-03-2011, 04:50 PM Parent: #197
والله يا علاء غياتو لحقت القرد في هذه القصة مع المستنيرين ما برحموا من يسل كديستهم وبطلع اجرامهم من قبل عملوها لتمبس حين طرشق بالونة سرقة جثمان الخاتم عليه الرحمة واسع انت طرشقت بالونة براءة وائل طه..
عشان كدا لازم تحصل عليك قصة القرد دي..
حدث ذات يوم في غابة
قيل ان هناك قردا وقع فريسة لاضطهاد النمر نائب الملك الذي كلما يراه يسأله: القرد طاقيتي وين؟.. فيرد القرد: ياتو طاقية! فيصرخ النمر ويضربه ضربا مبرحا وهو يردد قلت ليك اديني طاقيتي..
عندما كثرت الاعتداءات على القرد المسكين ذهب و أشتكي لملك الغابة.. فنادي الاسد النمر ولامه قائلا: ياخي قصة الطاقية دي شنو؟!! . انت لو عايز اصلا تدق القرد دا شوف ليك حاجة تانية لانه بالصورة دي الرعية حتعرف انك ظالم وكدا.. فسأله النمر" ماذا افعل؟ قال الاسد: ارسل القرد الى السوق لشراء موز مثلا فاذا احضره اخضر قل له لماذا اخضر او طويلا قل له لماذا طويلا وهكذا. فسمع القرد ما دار بين الاسد و النمر فعندما ارسله النمر لشراء الموز اشترى كل انواع الموز.. رأى النمر الموز فسأله لماذا يبدو طويلا؟ قال القرد: القصير تحت الطويل. نظر النمر وساله: لماذا القصير اخضر ؟ قال له القرد :الاصفر القصير تحت. ساله: لماذا الاصفر القصير قويا؟ قال له: الاصفر الرخو تحته. نظر اليه النمر وقال له:
Post: #207 Title: Re: نعم........ كنت ضابطاً Author: عبدالعزيز حسين عبدالرحيم Date: 01-03-2011, 09:10 PM Parent: #206
فايز يا حقار بريدك والله
لكن أصبر
Quote: كل القرض وحلى بالباسطة ...قصرت معاك ؟!!!
القرض اكلته يا ######## بس اصبر لي ختيتها ليك وبلقاك في ملف ميت
يا حقار مستكتر علي الباسطة
العفو لله والرسول
Post: #232 Title: Re: نعم........ كنت ضابطاً Author: فايزودالقاضي Date: 01-04-2011, 06:56 AM Parent: #207
حبيبنا ..سلامات ...وسعيد جداً بسماع صوتك وربنا يديم التواصل ..
Quote: فايز يا حقار بريدك والله
احبك الله الذي احببتنا فيه ...وتسلم على المشاعر الجميلة وربنا يديم المحبة بين الناس ..
Quote: لكن أصبر
يعني تحبنا وتهددنا ..ده حب بالخسارة معانا ...
Quote: القرض اكلته يا ######## بس اصبر لي ختيتها ليك وبلقاك في ملف ميت
يااخوي انت كتبت شنو ومرصد بكري شالها ..؟!!! بعدين نطمنك انا مابمشي في ملفات ميتة ولا ملفات في سكرات الموت انا زول شوارع عامة وكبارى منورة ...
Quote: يا حقار مستكتر علي الباسطة
كيف استكثرها عليك وانا القلت ليك حلى بيها بعض القرض ...
Quote: العفو لله والرسول
يشهد الله مافي تجاهك الا كل خير ومحبة ...
ودي واحترامي ..
Post: #229 Title: Re: نعم........ كنت ضابطاً Author: علاء الدين صالح Date: 01-04-2011, 06:30 AM Parent: #198
Quote: قيل ان هناك قردا وقع فريسة لاضطهاد النمر نائب الملك الذي كلما يراه يسأله: القرد طاقيتي وين؟.. فيرد القرد: ياتو طاقية! فيصرخ النمر ويضربه ضربا مبرحا وهو يردد قلت ليك اديني طاقيتي..
Quote: والله يا علاء غياتو لحقت القرد في هذه القصة مع المستنيرين
الفرِق بس في الطاقية يا دكتورة ديل هنا بيسألوا عن الأزبليطة
Post: #228 Title: Re: نعم........ كنت ضابطاً Author: علاء الدين صالح Date: 01-04-2011, 06:26 AM Parent: #197
Quote: جهاز الأمن لديه 1300 شركة شغالة فى السوق والعهدة على الترابى.
مع التحية
أهـ إشاعة ساي لو كُنتا قُلتا لَيْ والعُهدة على تراجي كان صدّقتك
Post: #227 Title: Re: نعم........ كنت ضابطاً Author: علاء الدين صالح Date: 01-04-2011, 06:19 AM Parent: #195
Quote: ولدنا علاء الدين
تصدق يا علاء انا كنت على قناعة تامة انو صلعتك الفى رأسك دى ... لا يمكن تكون صلعة ضابط !!
الضباط خلوا حك الرأس زمان ..
مودتى
الريِّس يوسف تحياتي واحتراماتي والله يا سعادتك صلعتي دي جايبة لَيْ الكُج عديل مُستكتِرة علينا الدبّورة وحاميانا ندبِّل بالسنيورة غايتو بس خلّيها مستورة
Post: #226 Title: Re: نعم........ كنت ضابطاً Author: علاء الدين صالح Date: 01-04-2011, 05:06 AM Parent: #192
Quote: هذا البوست يؤكد قناعتي في حرفنة الضابط شرلوك هولمز في قيادة الرأي العام.
كمال يا حبيب إزيّك شُكراً يا كيمو ياخ فلقد أخجلتم تواضعنا دة لو إنتا ما قاصد زول تاني طبعاً
Post: #225 Title: Re: نعم........ كنت ضابطاً Author: علاء الدين صالح Date: 01-04-2011, 05:00 AM Parent: #190
Quote: علاء الدين داير النصيحة؟!
انت زول حقار والله
معنى كلامك دة أمشي أقدِّم في شرطة المحاكم ولّا كيف؟
Post: #220 Title: Re: نعم........ كنت ضابطاً Author: علاء الدين صالح Date: 01-04-2011, 04:16 AM Parent: #182
Quote: معناها: يا قول رؤوف خليف كنت ضابط اجهزة منزلية...ورقوك
Post: #218 Title: Re: نعم........ كنت ضابطاً Author: علاء الدين صالح Date: 01-04-2011, 02:31 AM Parent: #177
Quote: عشان ما نبقى في حوجة أم ضبينينه الما بتنتهي
علاء الدين دا قال كلامه وأنتهى
أنت عندك حاجه أي حاجه (قواله ، شوف ، فهم ، ظنون) تعال قولها هنا ولا كيف
عبد العزيز شيل رجلك من الأبَنْص خالص وشِد فرملة اليد
Post: #217 Title: Re: نعم........ كنت ضابطاً Author: علاء الدين صالح Date: 01-04-2011, 02:19 AM Parent: #176
Quote: الناس الكلام ده ماترميهو ساى ..
ترميك مطرة زي الرّمتني يوم الخميس الفات
Post: #216 Title: Re: نعم........ كنت ضابطاً Author: علاء الدين صالح Date: 01-04-2011, 02:15 AM Parent: #175
Quote: الاخ علاء ...سلام ...
كلامك ده قوله لزول ماعنده تلفزيون 40 بوصة ...محاولتك لتغير البوست والقضية واظهارها بانها فبركة مابتحلك ياعلاء ...عملك كضابط مشروعات لاتغير حقيقتك ...ومحاولتك للاستعانة بالدكتورة لتشتيت الكورة ومهاوشتنا بقضايا هامشية كانت لعبة مكشوفة منك ومنها ..انت ياعلاء كنت عايز تطرح نفسك كضابط له مذكرات عايز يكتب عنها ..مذكرات منتقاة بيضاء الصفحات ..ونسيت انو في ناس عارفنك كويس وعارفين تاريخك وماكنت بتتوقع يجي واحد يقعد ليك في البوست ، ووالله لو ماشايف انها ماجميلة في حقي كان نزلت رسالتك لي في المسانجر ..ياعلاء بقولها ليك انت والدكتورة العبوا غيرها ... واذا كنت شايف انها مشت على الجماعة فما بتمشي على انا ...
سؤال : هل عملك كضابط مشروعات يلغي عملك كضابط في جهة آخرى ؟!!..وهل ضابط الامن ماممكن يكون ضابط مشروعات لاى عمل داخل الجهاز ..؟!!
كتّر خير جيّة الأولاد الخلّتك تشتري إل سي دي 40 بوصة قدّيت لينا عيونّا بتلفزيونك الـ14 بوصة أب جعباط داك
"هي كحكم الغناء حلالها حلال وحرامها حرام" (ذو اليد بن سليمان)
Post: #215 Title: Re: نعم........ كنت ضابطاً Author: علاء الدين صالح Date: 01-04-2011, 01:15 AM Parent: #174
Quote: اهااااااا المعلومة الما عامة دي عرفتها كيييييييف؟
يكون لابس قناع ونحنا ما عارفين؟
Post: #214 Title: Re: نعم........ كنت ضابطاً Author: علاء الدين صالح Date: 01-04-2011, 01:11 AM Parent: #173
Quote: طبعا ياشباب ناس الامن لما الواحد ينزل معاش بيقومو يدوه شهادة خبره من اي شركه او وزاره زراعه تجاره حسب التخصص في الجهازاو يكون عامل ليه شركه خاصه لاي طاري خاصه لتسهيل العمل في الخارج فياخي اطلع واضح
يا شباب الزول دة موجّه ليكم الكلام لو سامعين قولوا سامعين
Post: #213 Title: Re: نعم........ كنت ضابطاً Author: علاء الدين صالح Date: 01-04-2011, 01:00 AM Parent: #171
Quote: سلام ياعلاء
أولا ال98% دى لغة أرترية ماعندك معاها قضية..
ثانيا
البوست دا لو عملت من عينتو واحد تانى قول على شعبيتك السلام.
دكتور بلّة تحياتي وعميق احترامي يا غالي
والله كلامك دة أكيد حأنظُر ليهو بعين الإعتبار أي حاجة إلّا الشعبية دي ياخ تعرف يا دكتور، نوعية البوستات دي زي سيجارة البنقو حنينة شديد ياخ وبتورّيك من قولة تيت لو بتنفع معاك ولّا ما بتنفع فمن المرّة الأولى يا ولّعَت ليك إشارة حمرا يا خدرا
Post: #209 Title: Re: نعم........ كنت ضابطاً Author: علاء الدين صالح Date: 01-03-2011, 10:23 PM Parent: #167
Quote: غايتو قديت الناس قد طبعا داير تستغل الهمة بتاعت وايل طه وتعمل فيها ما عارف شنو,,,,,,,,,, صلاح جادات تاني
عبدو البرلوم تحياتي زيدني من دلّك شوية وكتّر الأشواق عليّا بكرة قلبك يصفو ليّا وتملا بالأنوار عينيّا ما تستعجل يا عبدو إستنّى البوست الجديد بتاعي عن وائل طه وبعد داك أحكُم ياخ
Post: #211 Title: Re: نعم........ كنت ضابطاً Author: نادية عثمان Date: 01-03-2011, 10:57 PM Parent: #209
علمني والدي رحمة الله عليه أن العسكرية شرف ورجولة ! وأن العساكر رجال وهبوا أرواحهم لخدمة الغير والحفاظ على ممتلكاتهم !
لا أعلم أنك كنت في العسكرية يوماً ولكني أعلم تماماً أنك إنسان بحق ورجل فاضل وكريم الأخلاق .. فليحفظك الله ياعلاء الدين وكن بألف خير دوماً .. سمح؟
Post: #231 Title: Re: نعم........ كنت ضابطاً Author: السيد المسلمي Date: 01-04-2011, 06:51 AM Parent: #211
شوف ياعلاء حكاية إنكـ طلعت ضابط مشروعات لا تنفي عنكـ تهمة الأمنجية بتاتاً.. فوهمة مثل هذه وإن أنطلت علي المدعو ودالقاضي فلن تنطلي علينا هكذأ .. أكبر دليل علي أمنجيتكـ هو دخول دكتورة بيان للدفاع عنكـ حتي وبعد أدعائكـ عدم الجدية ! والدليل التاني هو كتابتكـ لهذا البوست والإثارة التي مارستها فيه في الوقت البمر فيهو البلد بظرف مفصلي هام جداً!! بالعربي كدا .. صرف أنظار القراء والمتابعين عن الوضع الراهن هو عمل أمني محض .. وربما شارككـ في هذا فايز ومن لفة لفه دون أن يدروا ..
ألا هل بلغت ..الهم فأشهد تحياتي ..
Post: #234 Title: Re: نعم........ كنت ضابطاً Author: علاء الدين صالح Date: 01-04-2011, 07:44 AM Parent: #231
Quote: شوف ياعلاء حكاية إنكـ طلعت ضابط مشروعات لا تنفي عنكـ تهمة الأمنجية بتاتاً.. فوهمة مثل هذه وإن أنطلت علي المدعو ودالقاضي فلن تنطلي علينا هكذأ .. أكبر دليل علي أمنجيتكـ هو دخول دكتورة بيان للدفاع عنكـ حتي وبعد أدعائكـ عدم الجدية ! والدليل التاني هو كتابتكـ لهذا البوست والإثارة التي مارستها فيه في الوقت البمر فيهو البلد بظرف مفصلي هام جداً!! بالعربي كدا .. صرف أنظار القراء والمتابعين عن الوضع الراهن هو عمل أمني محض .. وربما شارككـ في هذا فايز ومن لفة لفه دون أن يدروا ..
ألا هل بلغت ..الهم فأشهد تحياتي ..
باللاي يا أبو السيد الدنيا دي ما غدّارة ودوّارة؟ قول لَيْ كيف؟ يعني أنا ماشّي في الردود بالترتيب كويّس معاك؟ وقبل ثواني ردّيت على مُداخلة الأستاذة نادية شُفتا كيفِن؟ أجي هسّا ألقاك وِش وكمان كاتب لَيْ كلام زي وش شريف نيجيريا إنتو الزول لمن يجي يعمل مُداخلة ما بيشوف القبليهو كاتب شنو كُلّو كُلّو؟؟ والله صحي ياخ شتّان ما بين المُداخلات المُرطّبات والمُداخلات المُكمّدات
Post: #233 Title: Re: نعم........ كنت ضابطاً Author: علاء الدين صالح Date: 01-04-2011, 07:09 AM Parent: #211
Quote: علمني والدي رحمة الله عليه أن العسكرية شرف ورجولة ! وأن العساكر رجال وهبوا أرواحهم لخدمة الغير والحفاظ على ممتلكاتهم !
لا أعلم أنك كنت في العسكرية يوماً ولكني أعلم تماماً أنك إنسان بحق ورجل فاضل وكريم الأخلاق .. فليحفظك الله ياعلاء الدين وكن بألف خير دوماً .. سمح؟
أستاذة نادية كل سنة وإنتي طيبة وشُكراً على كلماتك الرقيقة الطيبة مُتابع عمودك الرائع في صحيفة الأخبار وربّنا يوفقك ويسدِّد خُطاكي يا رب وإلى الأمام دوماً يا أختي الفاضلة تسلمي يا غالية الحروف
البوست ده أحبطنى جداً كنت متابعو بأهتمام حتى جيت لقيتو بقى تلات صفحات وشفت النهاية بتاعتو..
أتخيل سبب الأحباط شنو..كنت بس داير اسأل التقديم كيف وهل بلحقونى دفعتى يعنى ببقونى عميد نجى نلقاها ضابط مشروعات..
وبعدين ناس الأمن ديل الزول ممكن يكون شغال معاهم وبدق ليهو فى زول كدا وبجضم فيهو فجأتن كده يقيف من الدق وينفض أيدينو ويقول ليهم (ضميرى صحى) على طريقة الأفلام الهندية
أحب راج كومار زاتو
Post: #237 Title: Re: نعم........ كنت ضابطاً Author: علاء الدين صالح Date: 01-04-2011, 05:15 PM Parent: #235
Quote: البوست ده أحبطنى جداً كنت متابعو بأهتمام حتى جيت لقيتو بقى تلات صفحات وشفت النهاية بتاعتو..
أتخيل سبب الأحباط شنو..كنت بس داير اسأل التقديم كيف وهل بلحقونى دفعتى يعنى ببقونى عميد نجى نلقاها ضابط مشروعات..
وبعدين ناس الأمن ديل الزول ممكن يكون شغال معاهم وبدق ليهو فى زول كدا وبجضم فيهو فجأتن كده يقيف من الدق وينفض أيدينو ويقول ليهم (ضميرى صحى) على طريقة الأفلام الهندية
أحب راج كومار زاتو
حبيبنا حاتم كيفك يا ملك وكل سنة وإنتا طيّب تعرف يا حاتم الزول البعيش مع الهنود ديل مستحيل يكون زول aggressive الكلام دة أنا بقولوا من خلال تجربة بتاعت سنين والهند غيّرتني أنا تحديداً كتير في الحتة دي يعني أنا قبل ما أمشي الهند كنتا عدواني لأبعد درجة (ترباية الموردة وفرتيق الحفلات وحاجات تانية حامياني) مشيت أخدتا لَيْ كم سنة في الهند رجعتا حتّى ناس بيتنا إستغربوا خلّيك من باقي الناس لو إتمعّنتا في مسيرة المهاتما غاندي حتعرف طبيعة التكوين الفطري والسلوكي بتاع الناس دي الهنود ديل شعب مسالم لدرجة قف، ما تشوف الدشمان والكسِر الفي أفلامهم هسّا غاندي دة لو كان سوداني كان قلبا زمان وريّح نفسو حتّى زملاءنا الدرسوا هناك واشتغلوا ضباط في الأمن مستحيل تلقى زول فيهم رفع يدّو على زول ساكت دة غايتو أنا البعرفو وأشهد بذلك
عميق احترامي يا غالي
Post: #236 Title: Re: نعم........ كنت ضابطاً Author: د.نجاة محمود Date: 01-04-2011, 12:56 PM Parent: #233
يا علاء هذا فراق بيننا ياخي طلعت بتعمل في دعاية مجانية لحكومة الانقاذ
وعامل لينا بتهدي اغاني؟
قال حبيت عشانك كسلا قال..
خلاص ياخي شوفنا انجازات الانقاذ كلها..
ود القاضي اوعاك تستمع بالاغنية دي سمح؟
Post: #238 Title: Re: نعم........ كنت ضابطاً Author: علاء الدين صالح Date: 01-04-2011, 05:42 PM Parent: #236
Quote: يا علاء هذا فراق بيننا ياخي طلعت بتعمل في دعاية مجانية لحكومة الانقاذ
وعامل لينا بتهدي اغاني؟
قال حبيت عشانك كسلا قال..
خلاص ياخي شوفنا انجازات الانقاذ كلها..
ود القاضي اوعاك تستمع بالاغنية دي سمح؟
ياخ معقول بس يا دكتورة؟ لا عاش من يفرّقنا يا خالة أي حاجة ولا زعلِك وعشان كدة وقّفتا الأوتوبلاي
ودي غُنية تانية مُهداة ليكي ولكل الناس القيافة including Peugeot وإنتي حُرّة في أن تعتبري فايز وود المسلَّمي من ضمن الناس دي أو لا تعتبريهم أنا غايتو بهديها للكل وإنتي مخيَّرة
ولو ممكن تسمحي لّيْ أهدي الغُنية دي لى زول خارج البورد بهديها لصديقي رقم 8 كابتن الهلال هيثم مصطفى عشان ود القاضي يفهم حاجة بس قال الحضري قال
Quote: يا علاء هذا فراق بيننا ياخي طلعت بتعمل في دعاية مجانية لحكومة الانقاذ
وعامل لينا بتهدي اغاني؟
قال حبيت عشانك كسلا قال..
خلاص ياخي شوفنا انجازات الانقاذ كلها..
متفق معاك ومابسمع الغنية عشان خاطرك لكن اسحبي عبارة (قال حبيت عشانك كسلا قال ) الا كسلا يادكتورة ...كسلا دي نحن بناقطع فيها الحكومة والمعارضة ومؤتمر البجا ذاتو ...
ياعلاء قلت ليك من الاول الدكتورة دي تبيعك في اقرب ملف اذا طلعت من خطها ..حذرتك لكن انت عامل فيها بتاع مشروعات ...اها كده علاقتك مع الدكتورة بقت مشروع وانتهى ...
Quote: ود القاضي اوعاك تستمع بالاغنية دي سمح؟
مش قلت ليك حاتحبني ...
Post: #240 Title: Re: نعم........ كنت ضابطاً Author: علاء الدين صالح Date: 01-04-2011, 07:00 PM Parent: #239
Quote: متفق معاك ومابسمع الغنية عشان خاطرك لكن اسحبي عبارة (قال حبيت عشانك كسلا قال ) الا كسلا يادكتورة ...كسلا دي نحن بناقطع فيها الحكومة والمعارضة ومؤتمر البجا ذاتو ...
ود القاضي ياخ كسلا دي أشرقت بها شمس وجدي فهي في الحق جنّة الإشراق دكتورة نجاة مُداخلتها كُلّها لا تخلو من المزاح فـ Take it easy يا عزيزي كدى هسّي خلّينا في المهم ما قُلتا لَيْ رايك شنو في حبّيت عشانِك الهلال دي
Quote: ياعلاء قلت ليك من الاول الدكتورة دي تبيعك في اقرب ملف اذا طلعت من خطها ..حذرتك لكن انت عامل فيها بتاع مشروعات ...اها كده علاقتك مع الدكتورة بقت مشروع وانتهى ...
فايز قُل لا عاش من يفصلنا فأنا ودكتورة نجاة وحدتنا في صداقتنا ورغم الجغرافيا إلّا أنه تربطنا وحدة التاريخ والحاضر والمصير والكفاح المشترك
