نان القاعد لها شنو....!!!.....؟؟؟؟

Quote: نان القاعد لها شنو....!!!.....؟؟؟؟

http://sudaneseonline.com/articles.php?action=show&id=4001


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: http://sudaneseonline.com/articles.php?action=show&id=4001

نان القاعد لها شنو؟!!

٭ أحد عُمد الشايقية - فيما يُقال - دعا يوماً (المُلاك) كافة إلى اجتماع طارئ بداره للتدارس في أمرٍ ما..
٭ فهُرِع نحو دار العمدة المُلاك كلهم أجمعون إلا النور الحِسين أبى و(استكبر)..
٭ قال إنه أكثر أملاكاً و(عِزَّاً) من العمدة نفسه فكيف يُدعى مع (زعيط ومعيط) ولا يُتدارس معه لوحده..
٭ وأسرّها العمدة في نفسه..
٭ وعوضاً عن التدارس في الأمر الذي دعا العمدة بسببه إلى الاجتماع ذاك جرى تفاكر (سرِيِّ!!) في أمر آخر..
٭ وعند الفراغ من التفاكر هذا فوجئ المُلاك بالعمدة يُحضِر مصحفاً ثم يطلب منهم القسم عليه بإنفاذ ما خلص إليه الاجتماع من توصيات في سرِّيةٍ تامة..
٭ لم ينس العمدة أن يخصّ طه (أب صويفة) بتحذير خاص رغم القسم المُغلَّظ..
٭ قال له بنبراتٍ متوعدة: (كدي النشوف بت أبو الريش باكر بعد باكر حايمي في «الجرف» تربرب للماشي والجاي)..
٭ ثم حال الحول..
٭ ودعا العمدة إلى اجتماع طارئ آخر بداره..
٭ وحضر المُلاك كلهم أجمعون بمن فيهم - هذه المرة - النور الحسين..
٭ وابتدر العمدة الاجتماع محييّاً الحاضرين ثم صوَّب نظره تجاه النور وعلى فمه مرتسمةٌ ابتسامة ذات مغزى..
٭ إبتسامة انتقلت عدواها للحاضرين جميعاً عدا النور الحسين..
٭ ثم بعد برهةٍ من الصمت المخيف جرى الحوار التالي بين العمدة والنور..
٭ العمدة: (دحين يا ود الحسين ساقيتك اللِّيلَة السقّاي حصلَّها شنو؟..!)..
٭ النور: (والله يا عمدة ما اصلو..... ).
٭ العمدة مقاطعاً: (طيب جنينتك الفي نوري شن حصلّها؟)...
٭ النور: (والله يا عمدة برضو ..)....
٭ العمدة مقاطعاً: (سيبنا منها، طيب أرضك الفي الجريف كيفِنهَّا؟)..
٭ النور: (يا عمدة، أنا الحصلِّي اسكت خلُّو، ما أصلو ....).
٭ العمدة مقاطعاً: (أها يا النور ما تقولِّي بيوتك الفي كريمة برضو لحقّتها القلناهم ديل؟!)...
٭ النور: (والله يا عمدة لحقن أمات طه عديل)..
٭ وهنا اتسعت ابتسامة العمدة، وتضخّمت، وتحوّرت حتى غدت ضحكةً بانت لها نواجذه..
٭ وانتقلت العدوى - كذلك - إلى الحاضرين أجمعين عدا النور الحسين بالطبع..
٭ وبعد أن (شبع) الملاك - وعمدتهم - ضحكاً حانت اللحظة التي انتظرها العمدة حولاً كاملاً..
٭ فاكفهرّ فجأة الوجه الذي كان باسماً وضاحكاً..
٭ و(تكوَّر) الفم الذي كان (منبسطاً)..
٭ ثم انطلقت منه رصاصات استقرت في قلب النور: (نان دحين يا ود الحسين يا خوي القاعد لَّها شنو؟...!!!!).
٭ وبعد ثوانٍ لم يعد النور الحسين (قاعداً!!!).
٭ فما عادت له (أراضٍ!!) تجعله من (المُلاك)..
٭ والانقاذ تستحق الآن تساؤلات من شاكلة تلك التي وجهها العمدة للنور الحسين..
٭ فمن حقنا أن نسألها: ذاك الجزء من الأرض بشمال السودان (دحين حصلّو شنو؟!).
٭ ونتخيَّلها - أي الإنقاذ - وهي (تحاول!!) أن ترد قائلة (والله يا شعبي ما أصلو .....)..
٭ ونقاطعها سائلين: طيب ذاك الجزء من الأرض بشرق السودان، (شن حصلُّو؟!!).
٭ وهكذا تترى الأسئلة من هذه الشاكلة..
٭ وكذلك الأجوبة..
٭ ثم يحين أوان السؤال الكبير..
٭ ونسأل: (أها يا الإنقاذ؛ ما تقوليلي أرض الجنوب كلها لحقَّتيها أمات طه؟!!)..
٭ وتتلجلج الإنقاذ تماماً مثل ود الحسين..
٭ ثم تتعالى من بين أرجاء أرض السودان (الفاضلة!!!) صيحات ذات (حُرقة):
٭ (نان دحين القاعدالها شنو؟)......!!





الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: (كدي النشوف بت أبو الريش باكر بعد باكر حايمي في «الجرف» تربرب للماشي والجاي)

Quote: (أها يا الإنقاذ؛ ما تقوليلي أرض الجنوب كلها لحقَّتيها أمات طه؟!!)..

و نان القاعدين ليها شنو !!
بترودار و لا بتروناس
لا بقى فيها دار
و لا خليتو فيها ناس

انت قايل يا الشايقي أولاد بمبة ديل وكتين يهتفوا ويقولو ( قاعدين ليه ما تقوموا تروحو )
قايله جات سااي كدي ؟؟
المشكلة أهلكـ ديل ما سائلين في حد يهتف ويقول ( نان القاعدلها شنو ؟؟)

أخوي عمران

Quote: قاعدين ليه ما تقوموا تروحو

هي زاته بلهجة أبونا العمدة: إيه نان القاعدلها شنو....؟؟

شكراً عمران

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: لا بقى فيها دار و لا خليتو فيها ناس

الناس يا أسعد الريفي موجودين...
لكن
جعانين وتعبانين وضارباهم الملاريا ومفتت مفاصلهم التايفويد....
وبيشربوا موية ملوثة في قلب عاصمة التوجه الحضاري....
وناس الجزيرة راجين حراتة الليزر وعيونهم طششت وما لاقين ليزك....
ناس الشرق من أول مرة شفتهم قبل 40 سنة لسة بيقيفوا في درب العربات شايلين مواعين الموية،،، العالم تشحد قروش وهم موية...
والغرب قاتل ومقتول ولا القاتل عارف ليه هو قاتل ولا المقتول عرف ليه قتلوه....
والجنوب تراه راح في حق الله...
وناس كوش قالوا دايرين يحاربوأ...
والنيل الأزرق والجبال قالوا جاهزين وسلاحهم معمر وقالوا عددهم أكبر من ناس دارفور....



أيه نان القاعدلها شنو يا خرابي؟؟؟؟

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

يا الشايق بالله لو تكرمت

احكيلي قصة امات طه

عشان نقدر نقيم الوضع ...!!!

طارق ....
قلت لي داير تعرف قصة أمات طه؟؟؟

Quote: من هن أمات طه؟!! نسمع كثيراً بـ (أُمّات طه)! .. ونستخدم هذا المقطع لضرب المثل لفرد أو مجموعة انتقلوا أو كادوا أن ينتقلوا إلى جوار ربهم، يقال –مثلاً-: - ( فلان ده لحق أمات طه)!.. أو: - (الجماعة ديل لحقوا أمات طه)! .. ولكن السؤال الذي يلح بطرح نفسه: - (من هو طه؟)!!.. وإذا لاحظت ستجد أنه يمتلك أكثر من أم، وهذا في حد ذاته استفهام آخر..!! فمن المعروف أن أي ابن آدم له أم واحدة.. إلاّ أن طه قد كسر هذه القاعدة فصارت له أمهات كُثُر !! وإذا سلمنا بكل هذا.. سيواجهنا سؤال آخر .. فـ (أمات طه) المذكورات الظاهر أنهن إختفن في ظروف غامضة فصرن مضرباً للأمثال!!. أين ذهبن؟!. وأين ذهب طه نفسه؟! ولماذا لم يعود الجميع؟!.. توجد تفسيرات قليلة لما تقدم ولكنها لا تشفي الغليل كما أنها لا تجيب عن كل الأسئلة أعلاه! . وجدنا الحل..! عموماً.. بما أننا لا نعرف طه .. ولا أمهاته.. ولا سبب اختفائهن .. فهذا- بلا شك- يعتبر سبباً كافياً لمشروع قصة نعرف منها إجابة الأسئلة أعلاه.. لذا دعونا نطلق لشطحاتنا العنان.. ونتشبث بهذه الفكرة حتى نجد القصة الحقيقية كاملة. الرواية الأولى:- طه وأمهاته: كان طه طفلاً صغيراً، وُلد في إحدى المستشفيات، وسط مواليد كُثر في ذلك اليوم، وطه يختلف عن أقرانه بأنه كان أجمل طفل وُلد في هذه القرية، وكل الأطفال من حوله كانوا من (الدقاشم والقشاعم)، وفي هذه المستشفى أى طفل يولد يوضع في غرفة بها جميع الأطفال الذين ولدوا في ذات اليوم، وكل منهم يُعطى رقماً محدداً موضحاً في الدفتر أنه ابن فلانة، كل الأطفال تم إعطائهم أرقامهم، إلاّ أن طه سقط سهواً.. لم يعط رقمه الخاص به!!.. وعند مرور الأطباء نهاية اليوم وجدوا طفلاً بلا رقم!! واحتاروا فيه، ابن من هذا؟!!.. ولتمييزه عن البقية أطلقوا عليه اسم (طه) مؤقتاً ريثما تحل المشكلة. بدأوا رحلة البحث عن والدته، وبالمنطق بما أنه تبقى طفل واحد، لذا فالمرأة التي لم تسجل في الدفتر هي أمه، ولكن ما حدث هو أن كل امرأة في ذلك العنبر رأت طه أدعت أنه ابنها، وأنكرت تماماً أن المسجل في الدفتر يتبع لها، وأصرّت كل واحدة أن طه هذا ابن بطنها!! وهكذا صار لـ طه أمهات كُثُر!! واحتد النقاش بين (أمات طه) في العنبر، وتعالت الأصوات: - ده ولدي أنا .. لا لا ما ولدك. وتطور الأمر فنهضن جميعهن من السراير ونسوا آلام الوضع، واشتبكن (النُفس) في (شكلة ليها ضل)، وتطايرت (السفنجات والشباشب)، وهاك يا لبع وزعميط شعر بين النسوان)، يتخلله بعض الخربيش بالاظافر والعض بالأسنان، تم استدعاء شرطة النجدة لتفض الاشتباك، ونُقل جميع (أمات طه) إلى قسم الشرطة، وأدخلن إلى الحراسة حتى ينظر في أمرهن، كل أهل الحلة عرفوا مشكلة (أمات طه)، وصاروا يتساءلون إذا كن كل هؤلاء النسوة هن (أمات طه)، فمن أنجب بقية الأطفال؟ تصاعد الأمر، حتى عقدت لهن جلسة في المحكمة ليسمع القاضي أقوالهن، والذي حدث هو أن كل واحدة تمسكت بأن طه هو ابنها!.. وبما أنه في ذلك الزمان لم يظهر فحص فصائل الدم ولا البصمة الوراثية، لذا كان الأمر مشكلة حقيقية!. في إحدى الجلسات في المحكمة نهضت واحدة من (أمات طه) وأبدت اقتراحاً للقاضي وقالت: - يا مولانا القاضي .. المشكلة دي أدينا ليها يوم واحد بس بنحلها برانا. وبعد مشاورة الأخريات تم إجازة الطلب وأطلق سراح (أمات طه) التي ألقت الاقتراح اجتمعت بهم وطرحت فكرة لتحل بها المشكلة نهائياً فقالت:- أنا عندي حل بريحنا كلنا. أشاروا إليها بطرحه. قالت: ( بما إنو كلنا مصلبطين في طه ده، وأي واحدة بتقول حقها رايكم شنو نشتري سفنجة من الدكان، ونقوم نمشى البحر الليلة العصر، ونجدع السفنجة بعيييد جوة البحر، ونعمل سباق أول واحدة بتلحق السفنجة يبقى طه حقها!!! أها رايكن شنو؟؟). تلفتن أمات طه نحو بعضهن، وكل واحدة أدارت الفكرة في رأسها ووافقن على هذا الاقتراح، وعندما حان الميعاد شدوا الرحال إلى النيل ومعهن سفنجة مقاس حداشر، أمسكت واحدة من أمات طه بالسفنجة، وقذفتها بعيداً داخل النيل، ودخلن جميعهن الماء عوماً وراء السفنجة، كُن يقتربن والسفنجة تبتعد .. وتبتعد .. وهن يجاهدن للوصول، وفي هذه اللحظة سمع أهل الحلة بالحكاية وتدفقوا نحو النيل لردع هؤلاء المجنونات، وفي داخل النيل فجأة ظهر تمساح كبير .. إنفرد بكل واحدة على حده ... وأكلها!! نعم أكلها عديييل، وعندما حضر أهل الحلة وجدوا أن جميع (أمات طه) السبعة صرن في بطن التمساح.. ومن ديك أصبحن أمات طه مضرباً للأمثال... أما بالنسبة لـ (طه) والله ما عارف الحصل عليهو شنو بعداك. القصة برواية أخرى:- وهي الأرجح ::: قالو ام طه دا ماتت خلتو صغير واتربى في البيت الكبير ربنو خالاتو وكانن بحبنو شديد وفجا طه قام مرق وما جا عائد تاني ومرقن اكوسن فيه خالاتو اللهن اي واحدي فيهن بتحبو كانها امه الوالداهو اكان شفتيهن واي واحدي بقت تكوس بي حلة براهة وصلن لي ابعد المسافات ولي الليلة لاظهر طه لاظهرن اماتو والله اعلم

هذه القصة كما وردت هنا: http://www.sudaneseonline.com/vb/t26669.html


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

والله يا الشايقي حكاية امات طه السردتها دي

تصلح ان تكون سيناريو لفيلم هندي بطولة طه "اميتاب باشتان"

لكن هل هذه القصه حقيقية ولا من بنات افكارك " بنات طه "

Quote: لكن هل هذه القصه حقيقية ولا من بنات افكارك " بنات طه "

الشي يا طارق يقول لك طه طش شافع تقوم تسوي ليهو بنات؟؟؟


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.