ليلة دوحوية من الزمن الاسطوري.....!!!

وتحت سقف خيمة مركز اصدقاء البيئة التي ابدع عادل التجاني باختيارها لكي تكون منصة وبساط ريح حملنا بالامس علي اجنحة الفن السوداني المعتق والمدهش باغانيه الخالدات وبحضور باقة من اصحاب الوجدان المبدع والمقدرة علي تطويع الحنجرة ثم الاوتارعلي الة العود ثم مداعبة الاوكورديون..
باقة حملت لنا...
صه يا كنار
وعازة
والملحمة
ثم الدكتور النور حمد محلقا ومتجولا في بستان اغاني الكابلي وزيدان بعزفه المتفرد وصوته المدهش..
عادل التجاني واغانيه التي تذهل وتسكر واعجب باني لا زلت بي سكرو..
فرح ذلك الفتي الاتي من عمق سنار حيث (حي الجنينة) ويا سسسسسسلام علي فرح عندما غني يا فرايحي اللون لاحمد ربشة... اغنية ابكت صديقا وفنانا اخر بقامة وطن (ازهري نور الهادي) واحد من احرف الذين عزفو علي الة الاكورديون في وطني... بكي ازهري وساحت روحه شفيفة حلقت في صديق عمره (ربشة) وبكي ايضا عندما تم التغني للوطن...
مامون ذلك الفن الذي يمشي علي قدمين كان نغمة وصوت واضافة كبري الي تلك الجلسة المدهشة
عثمان دغيس وقمة الفرحة والابداع والدهشة في حضور معلمه الذي عمله ذلك السحر وحتي وان لم يلتقيان الا ان شهادة عثمان دغيس في عزف وطريقة واستايل ازهري كانت لمسة وفاء واخلاص جيل لجيل...
احمد عبد المنعم ويا سسسسسسسلام علي احمد عبدالمنعم عندي تغني ذلك المهندس الجميل بكيلوباترا
بالامس كانت ليلة من ليالي كيلوباترا..
زمراوي شاعر الوطن والثورة كان بيننا بشعره الذي حلق بنا عاليا وخفاقا ولم يعيدنا حتي الان...؟؟
حتي الان يا زمراوي نحن معلقين علي بساط ريح واشعارك هي الصدي وصوت الريح في الفضاء .. في كل الفضاء..
وسنعود الي ليلة
العوووووووود والاوكودويون بالصورة والحديث عن كل الحضور الذي كان مرهفا شفيفا وراقيا
وودعنا 2010 بجلسة للتريخ

كلامكـ دا قولو لبدر الدين الأمير!!

Quote: كلامكـ دا قولو لبدر الدين الأمير!!

هلا يا عمك
ويا ليتك ياعمك كنت معانا بالامس
فالمزيكة لمن تجي من ناس عارفة شغلها كيييييف ومرهفة بتجنن بوبي
وبتخليك طاشم وسكران وتعجبو كيف بك طشمو...!!

بدر الدين كنا والله نتمني ان يكون معنا فالجلسة كانت رائعة بالجد

الدكتور النور حمد
عزف بمهارة عالية واغاني من النوع الذي يجعلك تتدردق علي رمال صحاري العرب في بردها القارص

وسنعود حبة حبة ونحن الي الغريق ذاهبون

Quote: وتحت سقف خيمة مركز اصدقاء البيئة التي ابدع عادل التجاني باختيارها لكي تكون منصة وبساط ريح حملنا بالامس علي اجنحة الفن السوداني المعتق والمدهش باغانيه الخالدات وبحضور باقة من اصحاب الوجدان المبدع والمقدرة علي تطويع الحنجرة ثم الاوتارعلي الة العود ثم مداعبة الاوكورديون.. باقة حملت لنا... صه يا كنار وعازة والملحمة

كيكي يا لذيذ

والله بختكم

وسنتكم حلوة ان شاء الله يا ناس الدوحة

Quote: فالمزيكة لمن تجي من ناس عارفة شغلها كيييييف ومرهفة بتجنن بوبي

اين النظام العام!!!!!!!
كيكى سنة جيدة واكثر رحمة
واقل جنونا ....تحياتى

يا كيكي ما تضغط علينا شديد ياخ!
الجلسة ح تكون رائعة كيف لو شرّف عمكـ دا؟
ما ياهو نسمع شنّيف كل مرة والمسلسل المعيود دا!!



_
بس إن شاء الله ماف زول غنى لمصطفى سيد أحمد!!

Quote: كيكي يا لذيذ والله بختكم وسنتكم حلوة ان شاء الله يا ناس الدوحة

هلا يا ابو جمال
وكل سنة وانت بالف خير وبركة وسنة سعيدة للجميع

-----------

Quote: اين النظام العام!!!!!!!

هلا يامعاوية
والامن الامن ياخي فاضي لينا امس من مساككة الحفلات العامة
وكل سنة وانت بالف خير وبركة

-------

Quote: بس إن شاء الله ماف زول غنى لمصطفى سيد أحمد!!

هلا ياعمك
الجمع الكريم بكون عمل ساتر وما مغني للراحل مصطفي.. يقوم بدر يسمع اغنية لمصطفي حااااايمة في ليل الدوحة داااك ويجي يخنقنا بالكرفتة بتاعتو سااااااكت مع راس السنة ده

وبعدين لو جاء وعمل تبخيس اخوك مع الطرب والبهجة الامس دي حيستدعي فقه الكاسوري في فريق زنقو
ويجروا ورا الخيمة دي ويفك فيهو واحد هووووووووووووك كروووووووك اسبيرات تاني لمعتز قريش ما ينفع لووووول

Quote: ويجروا ورا الخيمة دي ويفك فيهو واحد هووووووووووووك كروووووووك اسبيرات تاني لمعتز قريش ما ينفع لووووول

وأين المدعو معتز قريش هل صبأ مرة أخرى

ياكيكي ياخ شوفوا لينا حتة في الدوحة دي انشا الله راكوبة

ازهري نور الهدي في ظهوره الاسفيري الاول في الدوحة التي عطر بحضوره الباهي ارضها..
مبشرا




وعازفا



وباكيا في اغنية غنيت للوطن



وحوار اجيال وهذا الشيل من ذاك الاسد



وبرفقة مامون مغنيا
والسني في حالة تجلي واندياح ودموع

Quote: وأين المدعو معتز قريش هل صبأ مرة أخرى

هلا يا الصادق وحبابك
اختفي هذا الرجل من رادارات الرصد والمتابعة منذ بوسته الشهير الذي دعي ضد البشير
ولكن هنالك تسريبات عن مساككة ومطاردات تشهدها دورات الدوحة له من قبل اعضاء التنظيم اياه
وعموما سنتابع اخباره ونفيدكم بها اول بالاول

---------

Quote: ياكيكي ياخ شوفوا لينا حتة في الدوحة دي انشا الله راكوبة

هلا يا كونت
وحبابك يا كونت في الدوحة ورقبتنا سدادة

الفنان عادل التجاني والفنان العجيب فرح
واغنية لوردي تكاد ان تجنن المستمع جنون قبورة

الفنان عثمان الدغيس
والله معلم يا دفعة

center>


المبدعين النور حمدو مامون وفرح

غايتو نحن مروسين فى شغلنا وفى امانة الله
حكمة الله الناس بجو يروسو عندنا شفت الحقارة دى كيف...


كل سنة وانت ولك ناس اللليلة الاحتفالية طيبين
ومرحبا بالاستاذ ازهرى نورالهدى بيننا




_______________________________
مبروك العضوية (وش خبيث)
اللليلة وووووووووووووووووووب

من هسع 2022 >> اووووه كيكى اووووووه ميسى حيكون من جوه الجك
وكتروا من الفول المدمس و قصب السكر والفطور الساعه 1 ظهر سمك




:::::::

كل سنه وانتوا طيبين ياخ وربنا يحقق ليكم كل الامنيات

Quote: مبروك العضوية (وش خبيث) اللليلة وووووووووووووووووووب

هلا يا دهشة
وموضوع العضوية ده لو جابو في الجرايد فدي حتكون 15 الليلة ووووووب ونص

وكل سنة وانتي بالف خير وبركة
ولو ما الجلسة دي كنا جينا اتجدعنا (ملح) في فندقكم الحدادي ومدادي ونتلخبت مع الشعوب
والامم العجيبة المالية البلد دي جنس لخبتتتتتتتتتتة

Quote: من هسع 2022 >> اووووه كيكى اووووووه ميسى حيكون من جوه الجك وكتروا من الفول المدمس و قصب السكر والفطور الساعه 1 ظهر سمك

هلا يا كوتشب
وسنة سعيدة يا صديقي الجميل ولكل الفتية الرائعين الذين عبروا الميدان الغربي وهم حاملين (التي اسكوير)
وجالسين القرفصاء يا كوتشب وشاحدين الله وشيخي شكرالله طولة العمر حتي نكون في استقبالكم في 2022
بالورود والفول والقضب سكر ولو عاوزين قدو قدو زاااتو فنحن حاضرين وجاهزين
بس تعالو
وكل الود يا هندسة

العضو كيكي ومحاولة لركوب موجة الدهشة والنقرشة علي العود التي سارت امس ولاتبالي بالرياح

احمد عبد المنعم والملحمة والفنان الراقي مامون

الشاعر زمراوي
يا زنبقة العشق
حضور كارزيمي والقاء شعري ولع جمر الحي

كيكى وجميع قاطنى الدوحة من مقيمين ومواطنين

التحيات لكم
وكل عام وأنتم بخير

وإن قالوا حمد من الإخوان المسلمين فليفرح بذلك كل المسلمين
فأين هو من عمر
فياله من تبر أمير
ويال ترابنا من الخزى للوطن والدين

التحيات لكم يا كيكى
والتحيات للشمس التى أشرقت عليكم بنور ربها
والتحيات للعدل عند حمد والرقة والصدق عند النور حمد ونور الهدى وزمراوى وفرح ودغيس
ولكل أذن مرهفة عندكم
ألا ليت عمر ورهطه يسألون حمد وصحبه عن الدين والسياسة وليت كل كوزة تصبح موزة!

كمال سالم نشوي ومتعة واندياح حتي النخاع

Quote: التحيات لكم يا كيكى والتحيات للشمس التى أشرقت عليكم بنور ربها والتحيات للعدل عند حمد والرقة والصدق عند النور حمد ونور الهدى وزمراوى وفرح ودغيس ولكل أذن مرهفة عندكم ألا ليت عمر ورهطه يسألون حمد وصحبه عن الدين والسياسة وليت كل كوزة تصبح موزة!

سلام يا دكتور
وكل سنة وانت بالف خير..
وقطر بلد جميل وحالم وطموح وكرام هم اهله...
والقوم في هذه البلد يصنعون التاريخ بمثابرة ومنهجية وشفافية عالية
ونحلم ان يكون السودان بهذا الوعي والحماس لبناء بلادنا المفجوع بنخب انتهازية
ومتبلدة الاحساس بالعمل الخلاق الذي يرسل الدول الي مصاف العالمية في كل شي..
وكل الود والتقدير

أخخخخخخخخخخ ..... يا ربي كنت وين؟

كل عام والجميع بخير

_________
يا كيكي ياخ .. وين أزهري ده ؟ مطلوب القبض عليه !!

سلامات يا كيكي وكل سنة وانت طيب..

والله مفتقدة لجلسة زي دي..عشان الواحد عندو عبرة واقفة ليهو

في حلقو وماراضية تتفشا..

راس السنة عندنا ما عندو اي فرق من يوم 7 شهر تسعة..عاااااااادي

ما لقيت وش حاسد..ختيت ليك وردة

Quote: والله مفتقدة لجلسة زي دي..عشان الواحد عندو عبرة واقفة ليهو في حلقو وماراضية تتفشا.. راس السنة عندنا ما عندو اي فرق من يوم 7 شهر تسعة..عاااااااادي ما لقيت وش حاسد..ختيت ليك وردة

هلا يا دكترة وكل سنة وانتي وعموم الاهل بالف خير..
وياريت يارشا لو كلكم كنتو معانا يوم امس فالبهجة والدهشة كانت متوفرة بكميات تجارية كافية لكل الوجدان السوداني المرهف وقادرة عبر الدوزنة والنقرشة علي العود ثم مداعبة الاوكورديون من انامل خبيرة وضليعة وفنانة ان تجعلكم جميعا تخشون في حال مثل حال فناننا الجميل ادناه..



وبالامس يا رشا هنا في الدوحة كانت هنالك تخمة في منصات الاحتفال براس السنة
ولكنا اخترناها سودانية خالصة.. عبر الزول السمح الراقي عادل التجاني الذي جعل من كل هذا الجمال والدردقة امرا ممكنا

الاديب الامين كاكوم وكمال سالم
واندياح ودهشة وبهجة
وفي الخلف عادل التجاني والاستاذ عبدالله الفكي متاملا بمتعة عالية

يا لروعة هذه الصورة وهذا الجمال
سعدت كثيرا بهذا التواجد الجميل
وتمنيت أن أكون بينكم فى آخر ليلة فى العام 2010
كل عام والجميع بألف خير وسعادة وعام جديد سعيد على الجميع

Quote: يا فرايحي اللون لاحمد ربشة... اغنية ابكت صديقا وفنانا اخر بقامة وطن (ازهري نور الهادي) واحد من احرف الذين عزفو علي الة الاكورديون في وطني

يافرايحى اللون لحن عبداللطيف خدر "بتاع الاكورديون" الذى يلحن معظم الحانه على الاكورديون ربما ذلك سبب بكا أزهرى أحد أمهر عازفى الاكورديون السودانيين ...أزهرى المهذب الحساس المؤدب الإضافة الكاملة فى مدرسة الاكورديون السودان لوهبة " بتاع المزيكا-حسب مصطلح ابوصلاح فى بدور القلعة وجوهرا " والفاتح الهادى واكرت وود الحاوى وعصفور " بتاع محمد وردى " له الرحمة ...
للمتابعين ادخلوا اليوتيوب وابحثوا عن غنا قديم لاحمد المصطفى وكابلى فى جنيف تجدون أزهرى واكوردونه يسار كمنجة عربى ويمين بنقز خميس ومزهر بشير عباس وصفارته"بالخشم " ثم النقيب المشدود على قلوبنا احمد المصطفى ومزهره وكابلى وعوده الفصيح وجميعم جلوسا ثم أسمعوا الغنا ال مش خمج والعزف الشفيف لناس أزهرى وعربى هذا العزف الذى يحاكى همس الجفون " حسب وصف الصحفى الريفى لعزف اسماعيل عبدالمعين على العود "
تحية لأاكورديون أزهرى

Quote: أخخخخخخخخخخ ..... يا ربي كنت وين؟ كل عام والجميع بخير _________ يا كيكي ياخ .. وين أزهري ده ؟ مطلوب القبض عليه !!

هلا يا ابو الريش
وافتقدناك يعلم الله كزول اساسي يمنح الجلسة متعة المزيكة

وابو الزهور لو عاوزو ممكن تلقاهو في سوق واقف بجرب ليهو عوود عشان يشتريهو



او تلقاهو عامل لي سافوتة وحايم بي كراكير سوق واقف ومفتش علي حاجات عجيبة كده
عمري عامر ما سمعت بيها في الدوحة دي




ولكن للضمان اديهو الوووووووو علي الرقم ده
33895714

فوز بشري اسد قناة الجزيرة المدهش بالحيل كان هناك ايضا..
بجانب احد الاخوة من الحضور فاتني اسمه وله التحية فلقد كان ذو اضان موسيقية موغلة في الالتقاط والشفافية

Quote: يا لروعة هذه الصورة وهذا الجمال سعدت كثيرا بهذا التواجد الجميل وتمنيت أن أكون بينكم فى آخر ليلة فى العام 2010 كل عام والجميع بألف خير وسعادة وعام جديد سعيد على الجميع

هلا يا ساني
وطال بينا الحنين والشوق والله
وكل سنة وانت والاسرة بالف خير...
وجلسة كانت يا ساني ولا اروع ومدهشة بالحيل
وياريت تتكرر وقريبا باذن الله

Quote: تحية لأاكورديون أزهرى

ازهري زول فنان بالحيل ومرهف ارهاف عجيب..
وبالامس الرجل بكي وجدا للوطن في اغنية وطنية ابدع فيها الاخ فرح..
انا شخصيا ركبت اربع قمر صناعي ومحطة مراقبة وصاقت ابو الزهور ده مصاقرة السنين

الدكتور النحرير ابو الحسن- احمد عبد المنعم - كمال سالم وكاكوم
كانو هناك

ياسلام يا عبدالكريم !

وما أكرمها من ليلة، عامرة بالفن والمحبة والعبق، والعشق السودانوي الأصيل !
ليلة عيد ! لذاك الوطن الجميل المعهود ! ولأهله الأصفياء الأنقياء ممثلين في هذه
النخبة الراقية من أبناء ذاك الزمن الجميل المجيد !
ليلة تستعيد مؤنة مائة عام أو يزيد ! من ذاك المكتنز في رحم تلك الأرض الرحبة
الغنية الثرية الرحيمة !
فكم سعد بأولئك النفر المدهشين المشرقين كما وجه القمر حين التمام !. فيستحيل
الكلام ويعجز الوصف والتعبير في شأن بني وطني الأحباء .

فشكراً لكل الشامخين الأوفياء ، حضورهم الراقي الجميل .

هلا يا مامون
والف شكر وتقدير يا زول يا فنان عي كل شي ليلة امس
فلقد كانت جلسة محضورة وابدعتم فيها ايما ابداع

وكانت غناء نضيف وعلي هامشها شهدت تبادل مهارات وورشة فنية
وحوار اجيال

برفقة فنانين كبار بالحيل

وين الغنا ياكيكى ؟؟
يأخ أمبارح شلنا الوطن فى (عيون حدقاتنا ) .
بالله ياجماعه ده وطن يفرطوا فيهو ؟؟!!
يأخ العالم كلوا أمبارح محتفل برأس السنه إلا نحن ,,
فقد كنا محتفلين بالوطن ,,
فى حب يا أخوانا أكتر من كده ؟؟
لعنة الله على الكان السبب !!

Quote: برفقة فنانين كبار بالحيل

يتوسطهم زول جميل بالحيل

Quote: وين الغنا ياكيكى ؟؟

هلا يا ابو كمال
وحبابك يا دهشة واندياح
ونعم احتفلنا بالوطن الجريح وغنينا له بوجدان مغموس في براثن الحزن والوطن سينشطر
والغنا يا كمال قاعد اعالج في التسجيل واتمني ان اوفق حتي انزلو ليكم هنا لانو معصلج شوية كده
وتحياتي يا زول يا وطن

Quote: يتوسطهم زول جميل بالحيل

تحياتي يا ابو جمال
والف شكر وتحية وتقدير وامتنان وود كثير بالحيل

Quote: يافرايحى اللون لحن عبداللطيف خدر "بتاع الاكورديون" الذى يلحن معظم الحانه على الاكورديون ربما ذلك سبب بكا أزهرى أحد أمهر عازفى الاكورديون السودانيين ...أزهرى المهذب الحساس المؤدب الإضافة الكاملة فى مدرسة الاكورديون السودان لوهبة "

التحية لأستاذي الفنان أزهري ...
تلك كانت ليلة مجنونة وساحرة
يلفها سحر وعبق غريب وتمتلئ حنينا للوطن ولشفيف ومعتق غنانا السمح ...
من لم يبك حنينا للوطن بكى طربا وعشقا للغنا الطاعم ..
واللمة الِإنتقائية للحضور الفنان ...

عن نفسي كنت مكتفياً من العالم والدنيا بوجود صديقي وأستاذي أبو الزهور ...
وليلتها أشهدت الحضور ... وها أنذا اشهد العالم كله ممن يقرأني أنه لولا أستاذ أزهري وأستاذ لما كانت لي علاقة بالأكورديون .....!!
كان هو صاحب المدرسة الأولى التي قادتني لحب ومن ثم تعلم تلك الآلة العميقة ....
كم أنا سعيد برفقته ووجوده بينا بالدوحة وكم أتمنى أن نتعاون في ألا يفلت من الدوحة ومنا ...
خاصة وأنه أعجب بالدوحة وجوها وناسها ..
أسرعوا قبل ما يجي الصيف ويغير رأيه ...ههههههه

ليلة لم يكن مرتب لها

عشان كده طلعت رائعة وجميلة جمال من حضرها
من الفنانين والأدباء

جاءت الفكرة قبل ساعة واحدة من هذه اللمه
وبدأت الاتصالات لهذه النخبة

ولبى الجميع النداء فلهم الشكر والتقدير

وحقيقة طلعت ليلة من أجمل الليالي كان الجميع فيها في حالة امتزاج تام بين الفرح
والحزن النبيل لوطن قد نفقد قلبه النابض الأخضر الجميل (الجنوب الحبيب)

شكراً كي كي لهذا البوست والتغطية غير المتوقعة
وقد سعدنا فعلاً بوجود الاستاذ أزهري بيننا وكذلك الأستاذ كاكوم
أما الباقين فهم أهل الدار

كل المحبة

يا سلام يا كيكي

كميه من الابداع والمبدعين والالق المنور

حاسدكم عديل كده....!!!

Quote: وحقيقة طلعت ليلة من أجمل الليالي كان الجميع فيها في حالة امتزاج تام بين الفرح والحزن النبيل لوطن قد نفقد قلبه النابض الأخضر الجميل (الجنوب الحبيب)

هلا يا فن
والف شكر ياعادل
ولا حديث يعلو علي وصفك الراقي لتلك الجلسة العفوية في كل اشيائها

Quote: كان هو صاحب المدرسة الأولى التي قادتني لحب ومن ثم تعلم تلك الآلة العميقة .... كم أنا سعيد برفقته ووجوده بينا بالدوحة وكم أتمنى أن نتعاون في ألا يفلت من الدوحة ومنا ... خاصة وأنه أعجب بالدوحة وجوها وناسها .. أسرعوا قبل ما يجي الصيف ويغير رأيه ...ههههههه

هلا يا فن
ولكم كنت سعيدا بان تكون انت تحديدا في رفقة الفنان ازهري
ولكم اسعدني افادتك للتاريخ والوفاء العالي في حديثك عن سطوة ازهري في وجدانك الفني

وتحياتي

Quote: بس إن شاء الله ماف زول غنى لمصطفى سيد أحمد!!

الله يجازي محنك يا ود الصايم ......

كل سنة وانتو طيبين يا ناس الدوحة جميعا ..

رُب صدفةٍ خيرٌ من ألف ميعاد كما يقولون. فقد إتصل بي الفنان عادل التيجاني
طارحاً فكرة ليلة نتلاقى فيها على أعتاب السنة الجديدة في خيمة
مركزه الجميل دائما. وللحقيقة فإن تلك الليلة كانت ليلةً ليلاء بحقٍ وحقيقة،
كان الحضور رائعا رغما عن أحزاننا الكبيرة،حتى أن أستاذنا عبد الرحمن نجدي
قال لي بالأمس بأنها أجمل ليلة له منذ أن قدم للدوحة، فتأمل.

ومناسبة طيبة أن نرحب بالزميل الموسيقار أزهري
نور الهادي في الدوحة فقد أمتعنا بعزفه وروحه الطيبة...

شكرا يا باشمهندس على هذا البوست...

السر قدور في برنامج اغاني واغاني
قال : كنا داخل روضه مافيش حد سوانا
غير ان البلبل يهتف بي هوانا
محمود عبد العزيز ردّ
وقال : انتو زمنكم كان في روضه
هه هه هه ههههههههههههههههههها
اها ياحبيبي بمناسبة الكلام دا يتخيل الدوحه مثلها مثل الروضه تماما
ومليانه بجمال الزهور والطيور التي تتمثل بالاشخاص المقيمين فيها
ياخي دي ناس احلى من اهداف ميسي في الليغا الاسبانية
انا لو مكانك ياكيكي بعد الصورة بتاعتك بالعود كنت اتشربكت وقلت ليهم مافي طريقة الليله إلا اغني
وكان يكون ظهور فنان جديد بالدوحة ...

ويالها من ليلة !

كانت تجسيداً لكل المعاني الجميلة في حب هذا الوطن !
أناس إلتقوا على الحب بلا أى رغبة ولارهبة ! غير ذاك
الرباط المتين لذوي القربى في الأرض والتراب والتراث
والتاريخ ووحدة المصير !
وكان خير تمثيل لأولئك الميامين الأبرار الأوفياء الأنقياء
الأصفياء من بني وطني !
فما أبهاها من ليلة عامرة زاخرة .. وعلى يمينك عبدالإله زمراوي
وفي شمالك المفكر المناضل : د. أبوالحسن ، وعبدالرحمن نجدي ،
والأمين كاكوم ، و د. النور حمد ، ومحمد السني دفع الله ، والفنان
المرهف أزهري ، والأديب فوزي وكل الحضور الرائعين !

كان تمثيل ضوئي !

هلا يا هندسة

شكرا يا صديقي كثيرا على كل شئ وعبرك للجميع على كل هذا الكرم الحاتمي الفياض، بداية بصاحب الدار الأستاذ عادل التجاني وصاحب الفكرة
والى كل تلك الكوكبة الراقية من نجوم الوطن الجميل الذين ضمتهم الدوحة الجميلة والذين أضاءوا تلك الليلة الجميلة بحبهم الكبير للوطن الجريح
تشكراتي لهم فردا فردا والذين أثبتوا لي من خلال ما تغنوا به من أغنيات وطنية و ما قرأ من أشعار في حب الوطن السودان أن من يعيشون خارجه يعيش الوطن في دواخلهم
ويحتفظون بأجمل وأنبل وأكرم ما تميز به السوداني المثالي في دوخلهم العامرة بكل خير وحب ووفاء ونبيل مقصد....

شكرا لكم جميعا يا سوداني الدوحة يا أعظم السفراء......

هلا بالجميع
وتحياتي يا ابو الزهور
وسعدنا والله بزيارتك الي الدوحة التي اضافت لنا الكثير
وحمد الله علي سلامة الرجوع الي بريطانيا
وتحياتي لكل الاسرة الكريمة