و بدأ عام الحزن في السودان... خليهم يقسموا!!!

شاهدت هذا المقطع و استمعت إليه فزادني حزنا على حزن... توقفت عند كل ثانية فيه... لكن أكثر ما لفت نظري العم من جنوب السودان و هو يقول يائسا خليه يقسموا في الدقيقة 22:44:

استمعوا إليه و هو يضحك ضحكة أمر من بكاء الثكلى. قدرنا أن نكون الجيل الذي يشهد تمزق بلد أحببناه لكنا لم نرع حقوق إخواننا فيه... عاشوا بيننا لسنوات و ها هم يغادرون و في الحلوق غصة و في القلوب مرارة.

Quote: استمعوا إليه و هو يضحك ضحكة أمر من بكاء الثكلى. قدرنا أن نكون الجيل الذي يشهد تمزق بلد أحببناه لكنا لم نرع حقوق إخواننا فيه... عاشوا بيننا لسنوات و ها هم يغادرون و في الحلوق غصة و في القلوب مرارة.

وفى تاريخ النظام عار حتى نهاية التاريخ

يا لها من بداية لهذا العام و يالها من ذكرى للاستقلال بطعم العلقم. كم أنا حزين و إخواننا يغادروننا بهذا الكم من الذكريات المريرة... استعلاء و ظلم و حياة على هامش الهامش و طعم الموت و الحريق يملأ القرى و من نجا من كل هذا لم نترك له إلا العيش في الأطراف.

Quote: وفى تاريخ النظام عار حتى نهاية التاريخ

هو كذلك يا معاوية... لكنه أيضا عارنا جميعا للأسف الشديد.

Quote: لكن أكثر ما لفت نظري العم من جنوب السودان و هو يقول يائسا خليه يقسموا في الدقيقة 22:44:

Quote: استمعوا إليه و هو يضحك ضحكة أمر من بكاء الثكلى. قدرنا أن نكون الجيل الذي يشهد تمزق بلد أحببناه لكنا لم نرع حقوق إخواننا فيه... عاشوا بيننا لسنوات و ها هم يغادرون و في الحلوق غصة و في القلوب مرارة.

لاحول ولاقوة إلا بالله العلي العظيم ...........

هذا الرجل السوداني البسيط قدم في دقيقة واحدة محاضرة قيمة لكل الساسة في الشمال والجنوب

بالله شفت يا عمر الزول دا لخص المشكلة كيف؟ و سمعت اللهجة الاتكلم بيها و نبرات صوته؟
يا حزني عليك يا بلد.

قال عمنا و الأسى يقطر من عينيه:
ياخي الموية حقنا دا... مش موية حق سودان؟ الشجرة دا كله القش دا بتاع سودان ما حقنا؟ كان ينمو و وضعو كويس مافي زول يكون مظلوم... لكن في جزو بياكل و جزو ما بياكل... و دا حاجات دا حقنا السودان كله... يعني قلبك ما بيوجع؟ السودان عزيز... كان بيحكم سوا والله السودان دا بيحكم دولة. و عنده حاجات كتير لكن مافي زول تمسك سودان و يوضعه كويس... (لحظات صمت و أسى مرير) خليه يقسمو... يقسمو... يقسمو موية... يقسمو كل حاجة... كلنا نمشي نعيش محلو و هسي نمشي نعيش في حقو... لكن دايره يكون واحد؟ دا منو البنظمو؟ سودان يكون واحد... دا زمان... مافي...
ثم نظرة إلى المجهول الذي سيقفز إليه شقا الوطن.

العوض سلام
وكل عام وانت بخير
وان كنت اعلم باننا لن نكون بخير مجددا بعد ان فقدنا هذا الجزء العزيز فقط لتجبر البعض
وانكارهم للظلم و الغبن التاريخي.

شوف بؤس الاطفال الهم من اصول مشتركه
شوف الدموع المتحجره و العبره الخانقه صوتهم؟؟!!


شوف بؤس المركب المغادرين فيها البترول وقروشه لم تصل لهم يشتروكن يخوتا رئاسيه ولا يفكرون
بوسائل المواصلات التي اغرقت الالف قبلهم.....!!

كان لابد ان يذهب الجنوب.....والمحزن لا جديد تجاه جبال النوبه او النيل الازرق او دارفور
ساسة لا يفقهون ومن اخطائهم لا يتعلمون.

يواصلون البطش و القمع
متى يتعلمون ان حق الحياه مقدس
واهمية العيش بكرامه؟؟؟واهمية العداله؟؟!!

و أنت و أولادك بخير يا تراجي.
فعلا يا تراجي لن يكون أي شيء كما كان.
شفت بؤس المراكب و الأدهى يا تراجي بؤس ما حملوه معهم... يا لعارنا يا تراجي دا كل الطلعوا بيه من وطن ظللنا نزعم أنه واحد؟ هل نجرؤ على لوم الجنوبيين أن اختاروا أن يهربوا من هذا الجحيم الذي أسميناه وطنا؟ ربنا يستر على ما تبقى من السودان يا تراجي.

أبكيتنى يا رجل
هذا الرجل يحمل عقل مفكر وقلب رضيع يفتقر اليه كل من حكم السودان
جنى

يا حزني و يا وجعي و يا ألم المساحات تمدد
أشطر هذه الروح نصفين
قسم هذا القلب و بعثر خلايا العقل


موجوع و محزون و محترق

العوض ..

Quote: يعني قلبك ما بيوجع؟

Look at this water
Is it not the water of Sudan?
These trees and this grass
It all belongs to Sudan
Does it not belong to us?
If someone were governing us well
Then no one would feel depressed
But some are benefiting, while others not
And this belong to all of us
It hurts
Sudan is precious
If we had shared equality this would have been the most powerful country
It has so many riches
But no one take charge of this country and led it well
Now there is just nothing
Let them divide it
Divide this reiver, divide everything
Let each one go his separate way
But you want Sudan to be one?
Who is going to guide us to united Sudan like before?
There is no one

Quote: هذا الرجل السوداني البسيط قدم في دقيقة واحدة محاضرة قيمة لكل الساسة في الشمال والجنوب

Quote: كان بيحكم سوا والله السودان دا بيحكم دولة

كان بيحكم سوا والله السودان دا بيأكل دولة
جنى

Quote: أبكيتنى يا رجل هذا الرجل يحمل عقل مفكر وقلب رضيع يفتقر اليه كل من حكم السودان جنى

مش بالله يا جني... المصيبة أن شعبا من العقلاء كشعبنا يقوده مجموعة من المجانين و يسوقونه إلى حتفه بأسرع ما يستطيعون. هسع لو قعد عمنا دا و مجموعة بس من الناس البسطاء والله كان حلوا كل المشكلة... عارف يا جني كان عندي كم يوم كدا كل مرة بشوف لي أحلام و هلاويس عن البلد و حالها و عن موضوع الانفصال دا... في واحد منها حلمت إنه نحن مجموعة من السودانيين المقيمين بمدينتنا دي جنوبيين و شماليين قلنا ياخي ناس نافع و باقان و غيرهم ديل ما حيصلوا لي نتيجة ليه ما نقعد نحن و نتفقو نحل المشكلة؟ ياخي يا ريت لو في طريقة أن تترك الفرصة للشعوب للتقرير في مصيرها مش بالاستفتا بس بل بالتعبير عما تريده حقيقة و معرفة إمكانية حدوثه من عدمها.

Quote: موجوع و محزون و محترق

هو عام الحزن يا سامي و عام الوجع. قبل كم أسبوع كان عندنا احتفال بعيد الأضحى هنا و شاركنا إخوان من جنوب السودان من غير المسلمين و قاموا و بشروا... الناس كانوا فرحانين و أنا كان كل ما يدور في عقلي بالله دي بلد يقسموها؟

قال المتنبيء في بعض شعره:
كفى بك داءً أن ترى الموت شافيا *** و حسب المنايا أن يكن أمانيا
و الآن أقصى ما نتمناه لبلد كان واحدا... بلد يفخر أبناؤه أنه حدادي مدادي... أقصى ما نتمناه أن نكون جيرانا متسالمين... حتى هذه الأمنية قد يفلح سارقو الأحلام في جعلها أمنية بعيدة المنال. أخشى ما أخشاه بدلا عن دولة فاشلة واحدة أن نكون قد عوضنا العالم بدولتين فاشلتين يفتك بهما الفقر و الاقتتال و الفساد و الديكتاتورية.

أرأيت اسمال الرجل الباليه يا العوض؟؟
ويقول بانه كان يعمل 30 سنه!!


30 سنه لا معاش لا تقاعد لا اي حاجه..
يقول بانه سيذهب ويقطع الخشب ليبني منزلا لاسرته!!
اي عار واي حزنا يا العوض؟؟؟

هل يشك ايا منا بانه عمل وباخلاص وغالبا اشق الاعمال لمدة 30 سنه؟؟!!


30 سنه يا العوض وبخلوا عليه بالحقنه!!
اين حقه فيما بناهو وقدمه لبلادنا؟؟!!







كان بلاد ان يذهبوا......وغدا يذهب ابناء جبال النوبه ايضا....
فقد ظلوا اوفيا لبلاد لم تحمل لهم سوى الظلم و التغريب عن ثقافاتهم واضطهادهم!!

وبعدهم دارفور.....فطالما ساساتنا لم يتعظوا...فالويل لنا....من غبائهم....

Quote: يعني قلبك ما بيوجع؟

قلبك بيوجع يا محمد... قلبك بيوجع و أنت تودع إخوانك و أخواتك أسوأ وداع... تودعهم بالطرد من بيتهم الكبير... تلجؤهم لأن يفارقوك و في القلب ما فيه من غبن و حزن.
و بيوجع أكتر لمن تتذكر أنك لم تشعر بوجع قلبهم من قبل عندما كانوا بقربك... لم نشعر بوجع قلوبهم لمن كان في جزو بياكل و جزو ما بياكل... جزو يشعل النار في الجزو الآخر... جزو يستيقظ أطفاله على أصوات القذائف و الحرائق فيهربون إلى الجزو الآخر ليعيشوا في هامش هامشه.
و هانحن الآن نتشارك جميعا وجع القلب والله المستعان. القلب أصبح يوجع و لا مكان فيه لمزيد حتى إذا أصابته سهام تكسرت النصال على النصال.

Quote: كان بيحكم سوا والله السودان دا بيأكل دولة

نعم لعلها ما قلت يا جني. ما دي بس الغلبني أفهمها... هسع عليكم الله في زول يعرف لي دي بكية ولا ضحكة؟

والله يا تراجي الواحد خجلان يقول ليهم أصبروا شوية و ما تعانونه يعاني مثله و لكن بصورة أقل بكثير إخوانكم في كل بقعة من بقاع السودان. المشكلة يا تراجي العقل يتكلم لغة و القلب يتكلم لغة أخرى مهما تحدث الناس عن ضرورة الانفصال أو المنطق من ورائه فالقلب لن يفهم إلا لغة الحزن على فراق إخوة و أخوات و تشظي بلد أحببناه كما هو.

و حانت ساعة الصفر. الثامنة تقريبا الآن بتوقيت السودان حيث يبدأ إخواننا الجنوبيون التصويت لتقرير مصيرهم.

THis should stay on top

Quote: استمعوا إليه و هو يضحك ضحكة أمر من بكاء الثكلى. قدرنا أن نكون الجيل الذي يشهد تمزق بلد أحببناه لكنا لم نرع حقوق إخواننا فيه... عاشوا بيننا لسنوات و ها هم يغادرون و في الحلوق غصة و في القلوب مرارة.

وحيلة عجزنا غُصة فى الحلق ودمعة...

شكرا ياالعوض

Quote: THis should stay on top

شكرا يا سعد. قدرنا أن نشهد هذا الرحيل الحزين.

Quote: وحيلة عجزنا غُصة فى الحلق ودمعة...

نعم أخت ندى لا نملك إلا الغصة و الشعور بحجم الظلم الذي ناله إخواننا على أيدينا و نحن نرى كم هم فرحون لاستقلالهم و توديعهم لهذا الجسد.