Post: #1
Title: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: نادية عثمان
Date: 01-01-2011, 02:44 AM
معليش يا أستاذنا الجميل محمد وردي !
معليش لجمهورك الجاك يسمع يا ( وجهها) وكان منتظر طلتك بفارغ الصبر !
معليش لأنو بلدنا فيها ( نظام عام) ضد الفرح وبستكتروا المتعة على خلق الله ولو ليوم وأحد في السنة !
تعبك يا أستاذنا في بروفات لحنك الجديد من كلمات الشاعر العملاق أمل دنقل ( ياوجهها)
مابروح هدر وكان جمهورك ماسمعوا في ليلة إشراق شمس العام الجديد زي ماكنت بتتمنى إلا انه مصيرك تغنيه ومصير جمهورك يسمعوا باذن الله !
نحنا جينا بس عشان نفرح معاك بالسنة الجديدة وحاملين التمنيات بأن يكون عام خير ومحبة وسلام وحبذا ( وحدة) على السودان !!
وأبدع العملاق محمد وردي شديد في أغنية ( أقابلك) الأغنية الوحيدة الغناها في ( الليلة ديك) وبالجد كانت رائعة وجميلة حد الدهشة ؟!
المصريين عندهم مثل بيقولوا فيه ( يا فرحة ماتمت .. خدها ال.... وطااااار ) !!
و.... كرهتونا ياخ !!
|
Post: #2
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: نادية عثمان
Date: 01-01-2011, 03:01 AM
Parent: #1
الناس بس كانت عاوزة تفرح بالاستماع للفنان القامة وردي ونفسي أعرف (عدم) النظام في كدا شنو بالله ياناس ( النظام) ؟!!
|
Post: #3
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: نادية عثمان
Date: 01-01-2011, 03:04 AM
Parent: #2
وما ( النظام العام) براهو الكان السبب ، لكن ( شلضم) برضو ( شلضم) ( النظام) وإختفى في ظروف غامضة !!
|
Post: #4
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: نادية عثمان
Date: 01-01-2011, 03:25 AM
Parent: #3
شلضم ده المتعهد بتاع الحفل .. اسمو الأول على ما أعتقد إبراهيم !!
شلضم ( لما) قروش كتيرة ماشاء الله وربنا يزيدو .. وماحاسدينو .. لكنه ما نظم الحفل كويس وظلم الناس شديد !!
|
Post: #5
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: أمين محمد سليمان
Date: 01-01-2011, 03:32 AM
Parent: #4
سلام يا ناديه و كل سنه و انتي و الجميع بخير و صحه و عافيه
ممكن تدينا تفاصيل ما حدث ؟
|
Post: #8
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: نادية عثمان
Date: 01-01-2011, 06:37 AM
Parent: #5
الأكرم أمين
تسلم يارب وكل سنة وأنت وكل من تحبهم بالف خير وعافية يارب
| Quote: ممكن تدينا تفاصيل ما حدث ؟ |
الحدث إنو الأستاذ الكبير محمد وردي كان عندو حفلة رأس السنة في وأحدة من قاعات الخرطوم
وكعادته مضبوط في مواعيده وجاء في كامل البهاء والإستعداد للغناء لجمهوره بكل الروائع
وكان عندو عمل فني جديد الكل في إنتظاره اسمو (ياوجهها) من كلمات القامة المصري امل دنقل
غنت قبل الاستاذ وردي الفنانة نانسي وكان في سوء تنظيم واضح في الحفل لأنو الناس مالاقية كراسي تقعد ودافعة قروشها وهرجلة كدا
المهم غنت نانسي باستعجال ونزلت بعد ماقدمت الأستاذ وطلعت فرقة الأستاذ ويادوب غنى ( أقابلك) كأجمل مايكون الغناء وقبل مايقفل الاغنية
سكتت الفرقة بامر النظام العام وهتف الجمهور غاضب لما الأستاذ وردي قال ليهم ( أنا والله داير أغني لكن النظام العام مانعني) !!
بحكي ليك يا امين عن العملوه الناس والإحباط الدخل روحهم والزعل والغضب من النظام العام ومن منظم الحفلة ومن إغتيال البهجة بدم بارد !!
|
Post: #6
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: قاسم المهداوى
Date: 01-01-2011, 03:34 AM
Parent: #4
مرحب بيك
وعام سعيد
| Quote: معليش لأنو بلدنا فيها ( نظام عام) ضد الفرح وبستكتروا المتعة على خلق الله ولو ليوم وأحد في السنة |
النظام العام يقودة فرد ينتمى لكل المنظومة
اعنى أدارة الدولة من البشير وحتى وزير داخليتنا ( الغير سودانى ) رئيس اتحاد طلاب ارتيريا
صاح ولا ما غلط ؟
والنظام العام مش ضد الفرح وبس
هو ضد كل ما هو غير مؤتمر وطنى ؟؟؟
برضو صاح ولا ما غلط ؟؟؟؟؟
ولا كــــــيف ؟؟؟؟؟
قاسم المهداوى
هامش
انا ألوم قناة الجزيرة للمرة الثانية
لانها تنقل الخبر قبل ان تتأكد
من اقوال ( محمد سعيد الصحاف )
|
Post: #7
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: قاسم المهداوى
Date: 01-01-2011, 03:39 AM
Parent: #6
رايك شنو
وزير داخليتنا
كان رئيس اتحاد طلاب اريتيريا بالقاهرة
يعنى عرفيا يسمى ( مرتزق )
لان المرتزق هو المأجور والغير وطنى
ولا كـــيف ؟؟؟؟؟
ارجو ان اسمع منك راى فى هذا الموضوع ؟؟؟؟
قاسم المهداوى
|
Post: #9
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: نادية عثمان
Date: 01-01-2011, 06:43 AM
Parent: #7
قاسم المهداوي
عامك سعيد وكل سنة وأنت وجميع أهلك وأحبابك بألف خير
والسودان بخير وفيهو مساحة للفرح والتسامح والجمال الروحي يارب
بالنسبة لأسئلتك الفوق نعم النظام العام ضد النظام العام !!
وبالنسبة لمنو كدا المأجور ومرتزق علاقتو شنو بموضوع البوست ؟
وبالنسبة لـ ( كيف ) كويسة الحمد لله !!!!!
كن بخير
|
Post: #10
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: نادية عثمان
Date: 01-01-2011, 06:56 AM
Parent: #9
كان في ناس بتبكي بدموعها حسرة على ضياع حفل دفعوا ليهو دم قلبهم وجايين يفرحوا ويمشوا ينوموا !!
ووسط الجوطة والهرجلة كانت في حاجة كبيرة يا أمين
كان شفتها ساندنها عيالها جات عشان تحضر حفل الأستاذ محمد وردي ، طلعت من الحفل ترغي وتزبد عشان خربوا مزاجها !!
الناس يادوب كانت بتستعدل للفرحة رغم سوء التنظيم الشديد من ( شلضم) متعهد الحفل الباع للناس الترماي وغطس !
غايتو الناس كسرت صحان العشاء وقلبت الترابيز وكوركوا بأعلى صوت ( وردي ، وردي ، وردي) !!
قلنا ايمكن (سيد النظام العام) يدي الناس دي فرصة لفاصل على الأقل لكن قالوا الزمن المحدد إنتهى وبس !!
|
Post: #11
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: ود الباوقة
Date: 01-01-2011, 07:02 AM
Parent: #10
الاخت نادية
في بوست مجاور عنوانه النظام العام يقتحم الحفل
وعنوان هذا البوست اخذها النظام وطار
وحسب علمنا ان الحفل يبدا من الساعة ..... ويتنهي .....
تدخل النظام العام واقتحامه للحفل هل تم بعد فوات زمن الحفل
ام قبل ذلك
مودتي
وكل عام وانت بالف خير
|
Post: #12
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: نادية عثمان
Date: 01-01-2011, 07:11 AM
Parent: #11
ود الباوقة حبابك
وعامك سعيد عليك وعلى البلد يارب
Quote: تدخل النظام العام واقتحامه للحفل هل تم بعد فوات زمن الحفل
ام قبل ذلك |
النظام العام وقف الحفل في حوالي الواحدة والنصف !
وعارفين الحفل في الأيم العادية بينتهي حداشر لكن في رأس السنة تفتكر في داعي يضايقوها على الناس كدا ياود الباوقة ؟!
الحفل بدأ متأخر بسبب سوء تنظيم المتعهد لكن الناس دفعت قروش وماإبتهجت ورفضت تطلع من القاعة والبعض بكى بالدموع !
غايتو ( النظام) عمل ( فوضى) لأنو لمن دخل ووقف الحفل باعتبار انتهاء الزمن الناس كسرت الأطباق وجاطت القاعة فوق تحت !!
|
Post: #14
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: محمد عبد الماجد الصايم
Date: 01-01-2011, 07:18 AM
Parent: #12
| Quote: الحفل بدأ متأخر بسبب سوء تنظيم المتعهد لكن الناس دفعت قروش وماإبتهجت ورفضت تطلع من القاعة والبعض بكى بالدموع ! |
ندوش .. كل سنة وإنتي طيبة ومشتاقين يعلم الله!
نجي الخرطوم تمشي القاهرة نرجع الرياض تمشي الخرطوم!!
ما دفاع عن النظام العام، لكن هل يمكن
تحميلهم مسؤولية الحصل دا بصورة كاملة؟
|
Post: #17
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: نادية عثمان
Date: 01-01-2011, 07:44 AM
Parent: #14
أخوي وصديقي العزيز محمد ود الصايم
عالم الله الشوق بحر يا أبو البنيات الحلوات
وبالجد كان نفسي الأقيك لكن الله غالب والحياة متاعب !
لكن كان حيين بنتلاقى باذن الله
Quote: ما دفاع عن النظام العام، لكن هل يمكن
تحميلهم مسؤولية الحصل دا بصورة كاملة؟
|
لا طبعا .. لأن المسئولية الأكبر بتقع على ( شلضم) متعهد الحفل لأنو طالما عارف إنو النظام العام مامديهو تصديق غير لواحدة ونص
ماكان في داعي يبدأ الحفل متأخر وجايب الأستاذ وردي ونانسي مع بعض !
شلضم ياود الصايم ( لم) قروش الحفلات واللهم لا حسد وطفش وخلا الناس تكورك عاوزة قروشها على الأقل لمن ماسمعوا غناء !!
مأخذي على النظام العام انو في يوم زي ده بحرس الناس في الشوارع ويخليهم للصباح يبقى المانع شنو يغنوا للصباح بدل اللف في البرد بلا معنى ؟!
الناس يا محمد ثاروا وكسروا وجاطوا بعدما طلبوا من ناس النظام يخليهم يغنوا ويسمعوا لوردي .. والنظام رفض تماما يزيد الوقت ولا دقيقة !!
وردي قاعد من الساعة عشرة في عربيتو برة القاعة ولمن دخل ويادوب حيا الناس وبدأ يشدو ( أقابلك) والناس فرحت جا ( النظام) قال يلا كفاية !!
بقت على الناس هرجلة شلطم وعدم مرونة النظام العام وده الزعل الناس ..!
تدفع دم قلبك وماتسمع وردي عليك الله ماحارة ؟!
|
Post: #18
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: محمد عبد الماجد الصايم
Date: 01-01-2011, 07:50 AM
Parent: #17
Quote: لا طبعا .. لأن المسئولية الأكبر بتقع على ( شلضم)
متعهد الحفل لأنو طالما عارف إنو النظام العام مامديهو تصديق غير لواحدة ونص
ماكان في داعي يبدأ الحفل متأخر وجايب الأستاذ وردي ونانسي مع بعض ! |
تمام يا ندوش .. دا الكلام!
ليه النظام العام يتحمل خطأ (شلضم) أو أيا كان اسمه؟
وهل المتوقع من النظام العام التساهل في أمر معروف
وتحميلهم المسؤولية وعمكـ (شلضم) يزوغ بالقريشات؟
النظام العام نفّذ أمر معروف سلفا .. ليه اللوم؟
|
Post: #13
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: طارق الكوتش
Date: 01-01-2011, 07:14 AM
Parent: #9
استاذه ناديه كل سنه وانت واستاذ وردى بخير وعافيه
والسنه الجايه ربنا يحقق لينا مراسى الشوق ويرجع لينا الليالى
>>> هى الليالى التمر بدونك هى الليالى ...
| Quote: وبالنسبة لمنو كدا المأجور ومرتزق علاقتو شنو بموضوع البوست ؟ |
على حسب حديث الاخ مهداوى
المأجور ومرتزق هو وزير الداخليه وهو نفس الشخص المسئول عن النظام العام
ورئيس الحكومه هو المسئول عن وزير الداخليه الماجور و المرتزقه و المسئول عن النظام العام
وعنوان بوستك هو يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
وموضوع البوست عن النظام العام الذى لم يترك الاستاذ وردى بالتغنى فى ليلة راس السنه برائعة المصرى امل دنقل
.... بالمناسبه انا بسمع ومنذ قدوم الانقاذ بتدخلات النظام العام فى راس كل سنه ميلاديه وفض الجميع
قبل الراس بحوالى ساعه > يعنى الساعة 11 مساء بتوقيت السودان >>> عشان كده بقتح على السودانيين
المقيمين بالداخل وفى حالة استمرار هذا النظام الترويس على حسب توقيت الصين >>> لوووولز > صوره
من المقترح ده لكيكى التفكيكى
ومتابعين
|
Post: #15
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: نادية عثمان
Date: 01-01-2011, 07:21 AM
Parent: #13
طارق الكوتش حبابك
والله شرحك لمداخلة الأخ قاسم فهمتها أكتر مما فهمت مداخلتو !!
وعشان كدا برجع ليها تاني
وكل رأس سنة والسودان وشعبه بخير يارب
ونقول لجمهور العملاق وردي هاردلك وبس !!
|
Post: #16
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: نادية عثمان
Date: 01-01-2011, 07:29 AM
Parent: #7
قاسم
جيتك تاني بعد شرح الكوتش
Quote: وزير داخليتنا
كان رئيس اتحاد طلاب اريتيريا بالقاهرة
يعنى عرفيا يسمى ( مرتزق )
لان المرتزق هو المأجور والغير وطنى
ولا كـــيف ؟؟؟؟؟
ارجو ان اسمع منك راى فى هذا الموضوع ؟؟؟؟ |
نعم المرتزق هو المأجور والغير وطني أوافقك !!
|
Post: #19
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: طارق ميرغني
Date: 01-01-2011, 07:53 AM
Parent: #16
اختنا العزيزة ناديه
حمد الله علي سلامة الظهور
وكل سنه انتي بالف خير
العجيب الاسم الذي يحمله
هل النظام العام يعني قتل الفرحة او البسمة في شفاه الناس؟؟؟
|
Post: #20
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: نادية عثمان
Date: 01-01-2011, 08:15 AM
Parent: #19
الأخ العزيز طارق ميرغني
حبابك وكل سنة وأنت وأحبابك بألف خير
| Quote: هل النظام العام يعني قتل الفرحة او البسمة في شفاه الناس؟؟؟ |
عارف؟
الناس ليها أكتر من عشرين سنة إتعودت خلاص على نهاية الحفلات الساعة حداشر
لكن كمان رأس السنة ده يوم وأحد والناس بتكون في اليوم ده بالذات صاحية وحايمة في الشوارع لحدي الصباح
فالشيئ المحير ليه مايخلوا الناس يغنوا داخل قاعة مغلقة ساعتين ولا تلاتة زيادة البحصل شنو يعني ؟!
ولا أعفي شلضم متعهد الحفل وبالجد الناس دعت عليهو وكرهتو أمبارح !
|
Post: #21
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: لؤى
Date: 01-13-2011, 11:34 AM
Parent: #1
Quote:
يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
|
نادية
سلامات
.
|
Post: #22
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: عبد الله كسلا
Date: 01-13-2011, 12:12 PM
Parent: #21
الأخت الشاعرة المرهفة .. والأديبة الأريبة .. والصحفية والمذيعة الرائعة نادية عثمان ..
شئ مؤسف فعلاً إنه الناس تدفع مبالغ كبيرة لحضور حفل بيحصل مرة في السنة .. وماتحضرو ..
والشئ المؤسف أكتر إنه الناس دي زاتها ما عارفة حقوقها .. يعني معقول الناس تدفع المبالغ دي والحفل يتفرتق حسب قانون النظام العام .. والناس ترجع بيوتها وخلاص .. واليبكي يبكي .. واليموت يموت من الغيظ .. وخلاص المسألة تنتهي على كده ..
ليه الناس دي ما ترفع دعوى تعويض على المهرج النظم الحفلة طالما إنه بداها متأخرة وطالما هو ما طلع تصريح بالتأخير .. وما يخلوهو يتهنى بقروشهم دي .. لأنه ده نصب وإحتيال عديل كده ..
وده نفس الشئ الكان وما زال بيحصل من الخطوط الجوية السودانية في التعامل مع المسافرين السودانيين لأنهم ما بيطالبوا بتعويض لمن تأخرهم لساعات وربما لأيام ..
ولو الحكاية دي حصلت مرة واحدة بس .. كان كل منظموا الحفلات والمسؤولين عن الخطوط الجوية السودانية .. حيفتحوا عينهم ويعملوا حسابهم .. لكن لأنهم عارفين ما في حاجة حتصل ليهم عشان كده بيواصلوا في مسلسل الحقارة والإستهتار بالمواطن السوداني الغلبان ..
غايتو ربنا يعوِّض الناس تعبها وقروشها ..
وبالرغم من إختلافي مع تطبيق قوانين النظام العام .. إلاَّ أنهم ما غلطانين طالما بينفذوا في قانونهم المعروف لكل الناس .. وأولهم منظم الحفل ..
وآسف للإطالة ..
|
Post: #24
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: نادية عثمان
Date: 01-21-2011, 06:28 PM
Parent: #22
الأكرم عبد الله كسلا
حبابك ملايين وشاكرة كلماتك الطيبات في وصف شخصي الضعيف
| Quote: ليه الناس دي ما ترفع دعوى تعويض على المهرج النظم الحفلة طالما إنه بداها متأخرة وطالما هو ما طلع تصريح بالتأخير .. وما يخلوهو يتهنى بقروشهم دي .. لأنه ده نصب وإحتيال عديل كده .. |
حسب الجرائد الزول ده فعلا في ناس رفعوا فيهو شكاوي للبوليس وفتحوا بلاغات !
وحسب ماعرفت برضو انو هو وعد بعمل حفلة تانية لنفس الناس الحضروا الحفل الأول و( باظ) !
لكن بعد داك هو سكت والجرايد سكتت !
شفت كيف ؟!
|
Post: #23
Title: Re: يا فرحة ما تمت .. خدها ( النظام) وطار ..!! الفنان العملاق وردي شكراً جميلاً رغم الحصار !!
Author: نادية عثمان
Date: 01-21-2011, 10:25 AM
Parent: #21
سلامات لؤي
كيفك وكيف وردي الصغير عساكم بخير يارب
يا الله عليك يا لؤي ياخ !
ماشفت مداخلتك الجميلة دي إلا هسة فحقيقة بقت عيدية الجمعة المباركة !
تسلم شدددديد
ويسلم الإمبراطور وردي يارب ..
|
|