Post: #1 Title: كان افضل له ان يقرا من ورقة بدلا عن هذه الجهجهة! Author: النصرى أمين Date: 12-31-2010, 06:19 PM
او على الاقل كان يمكنهم ان يضعو لوح شفاف واحد فقط امامه بدلا من اتنين
الواحد راسو لفى
زى المروحة
Post: #2 Title: Re: كان افضل له ان يقرا من ورقة بدلا عن هذه الجهجهة! Author: سلمى على محجوب Date: 12-31-2010, 06:24 PM Parent: #1
هو بقرا من القزازات القدامو دي ؟؟؟
والناس ديل كلهم جايين من وين ؟
من الولايات ولا من الخارتوم؟
Post: #3 Title: Re: كان افضل له ان يقرا من ورقة بدلا عن هذه الجهجهة! Author: النصرى أمين Date: 12-31-2010, 06:33 PM Parent: #2
جهجهنا ياسلمى وجهجهه القزازات زاتها....
خلوها يلاحق فيها لانو شكلها مبرمجة بسرعة معينة
Post: #4 Title: Re: كان افضل له ان يقرا من ورقة بدلا عن هذه الجهجهة! Author: النصرى أمين Date: 12-31-2010, 06:36 PM Parent: #3
الاحتفال بصورة عامة جيد ومنظم وخلى من المفاجات..
اداء كورال معهد الموسيقى كان اكثر من ممتاز ....
كلمة الرئيس كانت محافظة وهادئة ومنطقية....
ماعدا انو اعترف رسميا ان السودان اتاثر بالازمة العالمية
Post: #5 Title: Re: كان افضل له ان يقرا من ورقة بدلا عن هذه الجهجهة! Author: سلمى على محجوب Date: 12-31-2010, 08:39 PM Parent: #4
وناس سودان ده
وينهم ؟؟
Post: #6 Title: Re: كان افضل له ان يقرا من ورقة بدلا عن هذه الجهجهة! Author: النصرى أمين Date: 12-31-2010, 09:37 PM Parent: #5
Quote: وناس سودان ده وينهم ؟؟
انا زاتى كنت بفتش ليهم.. الظاهر ما عزموهم... او فرزو عيشتهم من بدرى ....
مقدم البرنامج قال
نرحب بالسيد رئيس الجمهور عمر البشير ونائب رئيس الجمهورية على عثمان ونرحب بالباقين ...
Post: #7 Title: Re: كان افضل له ان يقرا من ورقة بدلا عن هذه الجهجهة! Author: النصرى أمين Date: 12-31-2010, 09:48 PM Parent: #6
شوفو المساسقة دى
Post: #8 Title: Re: كان افضل له ان يقرا من ورقة بدلا عن هذه الجهجهة! Author: صديق الموج Date: 01-01-2011, 01:44 AM Parent: #7
غايتو يا النصرى انت لاحاظ خلاص.. والل قرايته ذكرتنى المراة البتدخن تلقاها تتلفت من الدخان جيهة جيهة كلما بعثرته الريح.. المونتر زاته سرعته ما مظبوطه معاه.. لكن يا النصرى الخطاب ماناقص الرقصه؟؟؟.. انا عرفت ليك الرقصه سببها الاندفاع لما يتكلم من راسه بفتكر روحو قال كلام جميل عشان كده الناس بتهلل يعنى السبب الناس القدامه ديل هم البملوه غرور يعنى زى يوم القضارف والا خطاب دارفور الاخير كان لقى زول واحد شجاع قال ليه يارئيس ده شنو النيلتو ده؟ ما كان برقص.. لكن يشبكهوهـ هللوله وتكبير تهليل وزولك يقول كده ينطط الله يصلحك يا ريس،،،،
Post: #9 Title: Re: كان افضل له ان يقرا من ورقة بدلا عن هذه الجهجهة! Author: almulaomar Date: 01-01-2011, 04:54 PM Parent: #1
النصري عام سعيد يا أخي و ورقة شنو دا راجل لو عاين لي الورقة حا يفك العصاية ولو فك العصاية حا يجلي الميكرفون ولو جلا المايكرفون حا تقع النضاره ولو ثبت على النضارة حا ينسي موضوع الرقصة ، المسألة بصراحة أصعب من مشاهدة فيلم معقد جداً برواية ألمانية وترجمة إسبانية لي ناس أمثالي حرف القاف يجهجههم ويقيف ليهم في الحلق وفي نفس الوقت يكون ولد جيرانكم مشغل التلفزيون بأعلي صوت لمشاهدة مباراة في كرة القدم وترن ترن ترن يقوم موبايلك يضرب. وهي أصلاً ما فرقت كتير لأنه بيؤكد قول وفسلفة الحبوبات "كان سكت إتبوم وكان نضم جهجه العالم بتصريحاته وعصاته والبدلة السفاري وبي حالي ما هو داري جافاني)
Post: #10 Title: Re: كان افضل له ان يقرا من ورقة بدلا عن هذه الجهجهة! Author: النصرى أمين Date: 01-01-2011, 11:42 PM Parent: #9
يا الموج
Quote: غايتو يا النصرى انت لاحاظ خلاص
وانت يا الموج قايل لقب "محلل معلومات" الذى اطلقته على نفسى جاى من فراغ؟
ده جاى من امكانيات مذهلة وقدرات خارقة..ورؤية ثاقبة...وفكر عميق
لو كنت مكان الواقفين على امر الحفل لنصحتهم بان يقرا الرئيس خطابه من ورقة امامه حتى يستطيع الوقوف والنظر الى الحضور واخد انفاسه بدلا من الشلهدة دى ....
بالعدم ...يتم التدريب على التقنية دى واعطاء الرئيس الفرصة ان يوقف الشريط حتى يستجمع انفاسه
Post: #11 Title: Re: كان افضل له ان يقرا من ورقة بدلا عن هذه الجهجهة! Author: النصرى أمين Date: 01-02-2011, 00:26 AM Parent: #10
يا ملا جهجتنا بين صورة البروفايل وحروفك الحمراء العملاقة....
ياخ لو ادونى فرصة اشير للرئيس (يعنى ابقى مستشار) كنت حيرت ليك اعداءه ......
اهم درس ليهو هو التركيز وعدم الاستعجال و anger management وقلة الكلام وبرود التعابير ....وغموض المعانى..
نظام امسك لى واقطع ليك ما بنفع
Post: #12 Title: Re: كان افضل له ان يقرا من ورقة بدلا عن هذه الجهجهة! Author: Elawad Eltayeb Date: 01-02-2011, 12:25 PM Parent: #11
يا نصري يا أخوي إنت زول معارضة وكلامك ما ممصدر
نحن عايزين زول من الناس الما بتحتاج تجيب المصدر ديك، يجي ويصرح إنو الرئيس كان بيقرا من اللوح عشان نعتمد البوست ده
لأنو أنا محتاج أطبع الموضوع ده وعندي واحد صاحبي كوز غالاط لدرجة إنو ناكر إنو كوز، قال لي إنت قايل الرئيس محتاج يقرأ من الورقة؟ أنا قلت ليهو الرئيس ده قاعد يطلع من النص وناس البروتوكولات ما بخلوهو يمرح.
Quote: بالعدم ...يتم التدريب على التقنية دى واعطاء الرئيس الفرصة ان يوقف الشريط حتى يستجمع انفاسه
الظاهر الجماعة ديل فيهم عميل مندس بيلز التكست بسرعة عشان يجهجه الرئاسة، وده الحصل. إلاّ يكون واحد صيني جديد.
Post: #13 Title: Re: كان افضل له ان يقرا من ورقة بدلا عن هذه الجهجهة! Author: النصرى أمين Date: 01-02-2011, 01:33 PM Parent: #12
سلام العوض غايتو زولك ده لو نكر انو الرئيس كان بقرا من لوح شفاف ..يكون بالغ عديل..
واضح جدا فى الاحتفال انو تركيز الرئيس الكامل كان فى متابعة الكتابة التى تظهر امامه ..مرة على اليمين ومرة على الشمال ....
برضو واضح انو الكتابة تتحرك بسرعة ثابته والدليل انو رقبه الرئيس تتحرك بنفس السرعة ....بالظبط زى مروحة التربيزة ...
غايتو ناس المراسيم دى شكلهم كده من نوع الولاء قبل الاداء
Post: #14 Title: Re: كان افضل له ان يقرا من ورقة بدلا عن هذه الجهجهة! Author: almulaomar Date: 01-03-2011, 03:53 PM Parent: #13
Quote: anger management
مافي تعبير أسهل من كده شوية والله بالله تا الله تلحق يا النصري تكرر مثل هذا الكلام ربما أقول ربما تختفي ويصعب على الجميع إقتفاء أثرك ويقوم الشرتاي بكري يضيفك لقائمة الذين شُرِدوا بسبب كتاباتهم في سودانيز أونلاين تعرف يا النصري تحليلي للوضع بيقول أن فخامة الرئيس بيحاول وكده يعني يكون شعبي ولأن شعبي إنقرض وإنبهط وأنزرد إنعكس ذلك على كلام وسياسة وتصرفات فخامته. تقول الحكمة القديمة: الكـــــلبة نايمة بس برضو ما تمشي بي الشارع دا عام سعيد عليك وعمر مديد في نجاح وفلاح وصلاح وعافية.