Post: #1 Title: حفلة رأس السنة ... سنة يا انا!! Author: الامين موسى البشاري Date: 12-31-2010, 04:18 PM Parent: #0
أولا كل عام والجميع بخير اتمنى للجميع عام جديد ملئ بالنجاحات وأن يحقق كل واحد منا ما لم يستطع تحقيقه في العام الماضي 2010 لكل منا ذكريات ستبقى عالقه في ذهنه بكل اشكالها وانواعها فرحها وكرهها كل هذه الاحــداث سيحصل لها أرشفه في شــروخ ذاكرتنا سيأتي يوم نجترها ونستلهم العبر منها واحياناً نحاسب انفسنا على الاخطاء التي ارتكبناها في العام المنصرم مرددين عام جديد بأي حال جئت.. يا عام؟ كل منا يحب لديه امنيات وآمال عراض للعام الجديد وأحيانا نتباشر ونتفاءل بقدوم العام بحفلة رأس السنة ساعود بذاكرتي للوراء قليلا لنرى كيف يكون احتفال رأس السنة ومن تلك الذكريات احتفال مميز جدا برأس السنة كان احتفالا بروعة ذلك اليوم حيث كنا ثلاثة أصدقاء نحتفل برأس السنة في الشقيقة ســـوريا عام 1990 لقد كان احتفالاً باذخاً لا زالت بعض ذكرياته تراود نفسي بتكرار تلك الليلة ويا ليتها تعود كنا ثلاثة سودانيين ومعنا بعض الاصدقاء والصديقات يمثلون أمم متحدة كامله من حيث تنوع جنسياتهم ليلة تحدينا فيها هارون الرشـــيد في البذخ والصرف واللهو كانوا جميعهم سكارى ما خلا أنا ولذلك اتت تعبيراتهم وهزلهم غاية في المرح والسعادة لقد اسكرتهم الخمرة الموجودة في ملاهي سوريا ولكنني سكرت بالنشوة معهم ومشاركتهم أفراحهم فأنا والحمد لله لا اتعاطى ام الكبائر يا قولة ود الباوقة لوووووووووول
....يتبع
Post: #2 Title: Re: حفلة رأس السنة ... سنة يا انا!! Author: الامين موسى البشاري Date: 12-31-2010, 04:25 PM Parent: #1
دعــونا ونحن نستشرف بزوغ فجر العام 2011 نتذكر هذا القول: لا تأسى على الأمس فإنه مضى وســـوف لن يعـــود... ولا تحـــزن على اليوم فإنه لا محالة راحل... ولنفكر في الغــد فإنه آت.... عام 2011 سيكون هو عام الرمادة بالنسبة للسودان هو العام الذي سينفصل فيه الجنوب ويتجزأ فيه الوطن ستمية حته يا قولة المصريين ولكن اليوم يوم فرح وعيد لكل منا آماله وأحلامه التي يسعى لتحقيقها فدعونا في الفــرح وحفل رأس السنة
...يتبع
Post: #3 Title: Re: حفلة رأس السنة ... سنة يا انا!! Author: الامين موسى البشاري Date: 12-31-2010, 04:27 PM
Post: #5 Title: Re: حفلة رأس السنة ... سنة يا انا!! Author: الامين موسى البشاري Date: 12-31-2010, 04:33 PM Parent: #3
هنا نموذج لحفل رأس الســنة:
عدت سنة ومرت سنه ولفت سنة وبين كل سنة وســــــــنة في رأس ســنة ســنة يا أنا
****
قررنا مرة كلنا نمشي لراس الســـنة نســــوق معانا فلانة.. وفلانة... وفلانة.. لكن!! هناية منو البجيبه هنا مش منى؟ خلوها علي أنا أنا البجيبه لحدي هنا
**** مشينا كلنا لراس السنة معانا فلانة وفلانه ومنى آآآآآآآآي منى قعدنا مقبلين كدا كلنا وختينا باقة الهناي بهنا وكاس منهن كاس مننا كاس منهن و كاس مننا صاحبتنا بقت مسنسنه سنه يا منى!! بدت الحفلة بدا الرقيص الناس تهيص رقيص الهنا شـــنو يا منى؟ الجماعة ديل ما برقصوا بجنبنا؟ منو أنا ايوا يا منى قمنا على الرقيص وغلبه تقيف واتكلت علي كتفي أنا وأحيييييييييييييي انا وكانت منى لابسه من غير هدوم بهنا .. وبهنا (محلات خليها ساي وبرضو شغلو الخيال) خلصت الحفله ويلا يا منى غلبه المشي واتكلت على كتفي انا وأححيييييييييي يا أنا وصلنا بيتهم ودا بيتكم يا منى منى: لالا... لالالا دا ما بيتنا دا بيتكم يا بت منى: طيب وقت دا بيتنا منو الكتب اسم ابوي هنا فجأه طلع ابوها منو منى؟ منى: اي يا امي انا ودا مصير كل واحدة تمشي لرأس السنة
تاني تجي!!
Post: #4 Title: Re: حفلة رأس السنة ... سنة يا انا!! Author: عمران حسن صالح Date: 12-31-2010, 04:31 PM
انت اقعد أِشبكنا يتبع يتبع الناس حسي في الصين راقده سلطة
Post: #6 Title: Re: حفلة رأس السنة ... سنة يا انا!! Author: خالد المحرب Date: 12-31-2010, 04:40 PM Parent: #4
Quote: عام 2011 سيكون هو عام الرمادة بالنسبة للسودان هو العام الذي سينفصل فيه الجنوب
شى محزن والله شى مر هذا السودان الكبيييييييييييييييييير اول دوله عربيه مساحه شى محزن والله انوهذا السودان بتنوعه العرقى والدينى ظل موحدا شى محزن والله انو هذا البلد بقا بلدين الاخ البشارى كل سنه وانت طيب معليش يا سودان معليش
Post: #10 Title: Re: حفلة رأس السنة ... سنة يا انا!! Author: الامين موسى البشاري Date: 12-31-2010, 08:01 PM Parent: #6
Quote: شى محزن والله شى مر هذا السودان الكبيييييييييييييييييير
خالد المحرب
حباب شيخ العرب وكل سنة وانت طيب الليلة يوم فرح يا شيخ العرب ونحن مستقبلين العام الجديد دحين المحاثيث خلنا نخليها جانباً والله يجازي اللي كان الســبب بس برضو في سبب محيرني لماذا نهتم باحتفال رأس السنة الميلادية بينما نتجاهل الاحتفال برأس السنة الهجرية
كن بخير
Post: #7 Title: Re: حفلة رأس السنة ... سنة يا انا!! Author: الامين موسى البشاري Date: 12-31-2010, 04:40 PM Parent: #4
Quote: انت اقعد أِشبكنا يتبع يتبع الناس حسي في الصين راقده سلطة
عمران يا صاحب سلام .. وكل سنة وأنت طيب يومي حق رأس السنة زعلان عليهو زعل شديد كنا في ريعان الشباب وأنا استعد لدخول الجامعة حينها كانت ليلة مميزة جدا بس قلبت نكد في النهاية لأني بقيت اعتل في اصحابي ديل بعد ما بقوا طينة للحكاية بقية خليك قريب
... برضو يتبع
Post: #8 Title: Re: حفلة رأس السنة ... سنة يا انا!! Author: الامين موسى البشاري Date: 12-31-2010, 04:48 PM Parent: #7
Post: #9 Title: Re: حفلة رأس السنة ... سنة يا انا!! Author: Abdlaziz Eisa Date: 12-31-2010, 04:49 PM Parent: #7
كل عام وانتم بخير
Post: #11 Title: Re: حفلة رأس السنة ... سنة يا انا!! Author: الامين موسى البشاري Date: 12-31-2010, 08:08 PM Parent: #9
Quote: كل عام وانتم بخير
عبد العزيز ول أبا عيســى
حبابك 1000 وكل سنة وأنت طيب مشــــرف احتفالنا دا والله وربنا يحقق امانيك وأماني الجميع
