أماسي الخرطوم.. وقناة النيل الأزرق

ما بطال.. تخفف على الناس شوية.. لكن بقالكم بي تخفف..؟ إنت جاي على الأماسي دي.. وجاي جعان وتدافر في المواصلات.. وهم الكتب والكراسات وإيجار البيت والحياة والمرة العايزة تلدي.. والديون.. وبي هناك الهم الكبير في الراس
ياربي جنوبنا الغالي ينفصل والله ما ينفصل.. والله العناية الإلهية تتداركنا..
والفنانين الكبار يرددوا في مسرح ليالي الخرطوم أغاني قيلت في الستينات.. يا حليوة.. ويا سكر.. ويا عسل.. والكمنجات تعزف والعازف ذاتو كبير خالي ذهن من هذه المعاني ولا يقدر على تنفيذها على ارض الواقع ولا يعيشها في ذهنو.. ولا هي أداة تفاعل في حياته.. يعزف.. المهم اي كلام في اي كلام.. ما تحكها للآخر.. يا حليوة يا عسل.. يا سكر.. يا بصل.. المهم حاجة كدة.. بس ما أخرج خارج النوتة الموسيقية..
وشباب يهجج ويرقص.. والسموءل راعي الحكاية..
يطلعوا من هجيجهم ده يفتشوا في البكاسي ويصلوا أم بده دار السلام كيف؟ وهم يهججوا في أماسيهم دي وجاني طيفو طائف بالتفكير ف إنو يصل كيف؟
والعشاء شنو؟
موية فول راجيهم قاااعد
وهواجس
الأماسي دي
دايرا ليها زول فائق رايق لذيذ.. إتفرغ ليها من حاجاتو دي كلها قلباً وقالب. عشان يستوعبا ويعيشا ويستمتع بيها
..........
وغايتو الله يفرحنا الفرح الذي حزن بعده

أماني الزول يجي الأماسي دي.. وكلو هم قدر سبيب راسو؟
أماسي دي للناس البي يمسواا
يعني أمورو موضبة كلها ومافي اي حاجة في أي حاجة
. اللهم إلا كان تجي( تضرب الهم بالفاقة)
أنا يخيل لى لورفعت يديك بالدعاء عشان ربنا يلطف بما هي مقبلة عليهو البلد موش دي أماسي برضو.. احسن من ديك في هذه الظروف.. وجايز دعوتك يصدفا ملك تجيب.. وتستجاب
يعني أماسي فوق فروتك ومصلايتك وتقروقتك كدة بي رواقة.
أو دعوة بي لسان حال كدة.. موش دي اماسي خرطوم برضو..
في ناس أماسيهم كدة
وناس أماسيهم كدة
كل الناس كدة!
إلا في زول كدة؟
معقولة بس؟