Post: #1
Title: كيف تحل هذه المسألة؟
Author: Balla Musa
Date: 12-31-2010, 03:00 PM
Parent: #0
واحدتكون عارف الإجابة.
دى مافى لحدى الآن.
اتنين تستعين بالجمهور
إضراب
مظاهرة
عصيان مدنى
تلاتة حذف إجابتين
المواجهة المسلحة
أربعة الإستعانة بصديق
المجتمع الدولى
فى طريقة أخرى؟
|
Post: #2
Title: Re: كيف تحل هذه المسألة؟
Author: Balla Musa
Date: 12-31-2010, 03:19 PM
حاولت أن يكون العنوان من سيربح المليون
لكن الجميع يؤكد أن الجائزة خفضت
ولأننى لم أعرف القيمة بالضبط لذلك أصبح العنوان عن حل المسألة!
|
Post: #3
Title: Re: كيف تحل هذه المسألة؟
Author: Amira Elsheikh
Date: 12-31-2010, 03:35 PM
Parent: #2
اتنين تستعين بالجمهور
داخل الاستديو ولا خارج الاستديو ..?
قال جمهور قال هو فضل. فيها جمهور...
سلام يادكتور بلة
|
Post: #4
Title: Re: كيف تحل هذه المسألة؟
Author: Balla Musa
Date: 12-31-2010, 04:36 PM
Parent: #3
| Quote: قال جمهور قال هو فضل. فيها جمهور... |
دى نقطة مهمة
طبعا داخل الأستوديو
أميرة ازيك وكل عام وانتى طيبة
|
Post: #5
Title: Re: كيف تحل هذه المسألة؟
Author: سيف النصر محي الدين محمد أحمد
Date: 12-31-2010, 04:49 PM
Parent: #4
بتتحل براها يا بله.
تحت شعار: يرزقك من حيث لا تحتسب.
|
Post: #6
Title: Re: كيف تحل هذه المسألة؟
Author: Balla Musa
Date: 12-31-2010, 04:53 PM
Parent: #5
| Quote: بتتحل براها يا بله. |
ياسيف
الساعة بتدق والزمن محدود..
المهم حاول فى الفقرة الإعلانية وتذكر أننا على الهواء مباشرة.
|
Post: #7
Title: Re: كيف تحل هذه المسألة؟
Author: عبدالعزيز حسين عبدالرحيم
Date: 12-31-2010, 05:03 PM
Parent: #6
ودالعم
غايتو صعبة صعبة صعبة
| Quote: اتنين تستعين بالجمهور |
دا أهم كرت الجوكر لكن تشغله كيف والغريب أنو ممكن يكون ضدك لانو في اللعبة دي لو قبضوه في ورقك بتحسب خمسين زي البلاطة في الضمنه
تخته مع ديل
Quote: إضراب
مظاهرة
عصيان مدنى
|
ما بلفق لانو ذكي وعارف مصلحته وين رغم أنو دي كروته الأصلية وطوالي تنزله معاهن يقولوا ليك ارفع ورقك ما تامي والدليل ياها دي المظاهرات الايام الفاتت بتاعت حزب الامه والبنات المجلودات بي دو مالفق معاهن وغيرهن ما بنزل معاهن ولا بلعب ولا بخاطر مفضل يكون قاعد جنب الآس والشايب وما يباري الدوات والتريسات الخربانه
|
Post: #8
Title: Re: كيف تحل هذه المسألة؟
Author: Balla Musa
Date: 12-31-2010, 05:07 PM
Parent: #7
عب عزيز
الكوت كدا:
Quote: اتنين تستعين بالجمهور
إضراب
مظاهرة
عصيان مدنى |
حاول تانى
|
Post: #9
Title: Re: كيف تحل هذه المسألة؟
Author: Amira Elsheikh
Date: 12-31-2010, 05:44 PM
Parent: #8
اها ....(الله كريم ) كيف معاك ؟؟
تنفع.؟ِ....
__________________
وانت طيب وتسلم
|
Post: #10
Title: Re: كيف تحل هذه المسألة؟
Author: ياسر بيناوي
Date: 12-31-2010, 05:49 PM
Parent: #9
احتمال تتحل منها وليها ما وارد ....؟
يعني تتحل اوتوماتيكي
خالص الود
|
Post: #11
Title: Re: كيف تحل هذه المسألة؟
Author: Balla Musa
Date: 12-31-2010, 05:51 PM
Parent: #9
Quote: اها ....(الله كريم ) كيف معاك ؟؟
تنفع.؟ِ.... |
أميرة
انتى كنتى فى السودان والظاهر أكلتى سمك عوضية!
|
Post: #12
Title: Re: كيف تحل هذه المسألة؟
Author: عبدالعزيز حسين عبدالرحيم
Date: 12-31-2010, 06:10 PM
Parent: #11
يا بله يعلم الله حاولت ومستعين في المحاولة
بي انتفاضة 64
وبي انتفاضة 85
وبي المظاهرات أيام الصادق
وبي الاحداث الجارية وبي وضع كرت الجوكر أزائها
كدي انت جرب مع المعطيات السابقة وهي المفعل الحقيقي لكرت الجوكر
|
Post: #13
Title: Re: كيف تحل هذه المسألة؟
Author: عبدالعزيز حسين عبدالرحيم
Date: 12-31-2010, 06:15 PM
Parent: #12
| Quote: انتى كنتى فى السودان والظاهر أكلتى سمك عوضية! |
عوضية الامنجيه يا أخي دا عنوان لي بوست أي لحظة متوقعه
أصبر الايام الجاية وشوف قلت ليك أصلا ما تعتمد على كرت الجوكر لانه زهجان وقرفان
اختصر ليك المسأله
يازول انا عن راي شخص تغير كل اللعيبة ويدكوا الطربيزة ويجو ناس تانين ولا كيف ؟ غايتو دا عني انا
|
Post: #15
Title: Re: كيف تحل هذه المسألة؟
Author: عبدالعزيز حسين عبدالرحيم
Date: 12-31-2010, 06:18 PM
Parent: #13
بره الموضوع
باللحمه البين وبينك وبي كل عزيز عندك وبالله الواحد الاحد كان لقيتني في أي ملف خاطبني بيها عا########ي ومكيفاني ومريحاني في حناني متعني بيها يا أخي وحقي عليك
|
Post: #14
Title: Re: كيف تحل هذه المسألة؟
Author: Balla Musa
Date: 12-31-2010, 06:17 PM
Parent: #12
Quote: احتمال تتحل منها وليها ما وارد ....؟
يعني تتحل اوتوماتيكي |
الكلام دا يابيناوى قالو واحد زعيم معارضة سنة 1990
قال الحكاية لوح تلج خلوه براه (الهوى) بدوبو..
تصدق لوح التلج دا اتحجر بفعل (الهوى) والتجاهل؟!
|
Post: #16
Title: Re: كيف تحل هذه المسألة؟
Author: Balla Musa
Date: 12-31-2010, 06:21 PM
Parent: #14
| Quote: يازول انا عن راي شخص تغير كل اللعيبة ويدكوا الطربيزة ويجو ناس تانين ولا كيف ؟ غايتو دا عني انا |
عب عزيز
يعنى نجيب لعيبة من الصين؟
دا بيدخلنا فى خيار الإستعانة بأجنبى.
|
Post: #17
Title: Re: كيف تحل هذه المسألة؟
Author: Balla Musa
Date: 12-31-2010, 06:26 PM
Parent: #16
| Quote: باللحمه البين وبينك وبي كل عزيز عندك وبالله الواحد الاحد كان لقيتني في أي ملف خاطبني بيها عا########ي ومكيفاني ومريحاني في حناني متعني بيها يا أخي وحقي عليك |
يا عب عزيز
عايز تجيب لينا الهوا مع ناس الهامش؟!
عييييييييييك هههههههههه
|
Post: #19
Title: Re: كيف تحل هذه المسألة؟
Author: عبدالعزيز حسين عبدالرحيم
Date: 12-31-2010, 06:38 PM
Parent: #17
بله يا دمي ولحمي وساتر عرضي وخالفني وضهري
| Quote: يعنى نجيب لعيبة من الصين؟ |
انت قالني فاره ولا بتسيك ما خاتي مراقه وقلت عن رائي الشخصي اللعيبة موجودين يلا حلها براك كان ما رضيان كلام اخوك
|
Post: #18
Title: Re: كيف تحل هذه المسألة؟
Author: Amira Elsheikh
Date: 12-31-2010, 06:32 PM
Parent: #8
طيب الله يدينا ويديك .....
____________________
سمك عوضية ؟؟؟؟؟
|
Post: #20
Title: Re: كيف تحل هذه المسألة؟
Author: Amira Elsheikh
Date: 12-31-2010, 06:40 PM
Parent: #18
انتى كنتى فى السودان والظاهر أكلتى سمك عوضية!
الليلة ووووووب ودا اوعى يكون بأثر على خلايا الانتماء ؟
|
Post: #21
Title: Re: كيف تحل هذه المسألة؟
Author: Balla Musa
Date: 12-31-2010, 06:44 PM
Parent: #20
| Quote: الليلة ووووووب ودا اوعى يكون بأثر على خلايا الانتماء ؟ |
أميرة
سمك بضيفو لغذاهو هورمون مؤتمر وطنى.
بعد دا أحكمى براك!
|
Post: #22
Title: Re: كيف تحل هذه المسألة؟
Author: Balla Musa
Date: 12-31-2010, 06:48 PM
Parent: #21
| Quote: اللعيبة موجودين يلا حلها براك كان ما رضيان كلام اخوك |
عب عزيز ( دى عشان نفسد سم المهمشين)
أها عليك الله عايزين حل جادى بدون تشفير..
البوست دا جادى لكن لحدى الآن ماخد شكل هزلى (يعنى مروس وكدا).
|
Post: #26
Title: Re: كيف تحل هذه المسألة؟
Author: Balla Musa
Date: 12-31-2010, 07:18 PM
Parent: #22
عندنا فى شمال شندى منطقة إسمها المسياب
عندهم إبل راحن
فقصوا الدرب لحدى ماوصلوا أبودليق وهناك الدرب انقطع عليهم
شكوا أن الإبل هنا فى المنطقة دى..
شافوهم جماعة همباتة من البطاحين, حلفوا على المسياب حرام وطلاق واكرموهم..
سألوهم بعد الشية والمرارة وهذا الكرم:
خير يا اخوانا؟
قالوا ليهم لا مافى حاجة جابنا الطريق..
فودعوهم ورحلوا قافلين الى بلدهم..
لما رجعوا لاقاهم الدالى..
الدالى زول ضكران ومابخاف إلا من ربه..
سأل أولاد عمو
حكوا ليه القصة من طق طق لنحن راجعين المغيرب..
زعل الدالى وشنق طاقيتو الحمرا وقال ليهم:
حرم وطلق لو كنت معاكم كنت الواحد فيهم خليت خشمو مع اضانو..
كيف تجوا راجعين وتخلوا إبلكم للبطاحين..
قالوا ليه ياخى الحكاية ما خوف لكن استحينا بس.
وهسع مافات حاجة اركب معانا وارح سوى العايزو ونحنا بتلقانا قدامك..
أها الدالى ركب مع الجماعة ويغلى لحدى ماقال يا ابودليق سلام..
البطاحين شافوا اللورى وتانى مرحب حرحب.. حرم تدخلو.. حرم تتفضلو.
الدالى عايز ينضم, البطحانى قال ليه أفو آ الجعلى!
حرم ماتتكلم فى شى قبل ماتاخد واجبك..
وحرم ان جيت فى رقبة نحلها معاك..
الدالى سكت ودورت الشية والمرارة والشاى والجبنة والدوبيت وذكر النسب البين البطاحين والجعليين..
خلص الموضوع
أهاالجماعة بلكزوا فيه الدالى عشان يتكلم..
قام الدالى اتنحنح وقال:
والله يا اولاد عمى نحنا عندنا إبل مفقودة وراح لينا الدرب هنا دحين كلموا رواعنكم البلقاها بنديهو البشارة..
البطاحين قالوا ليهو أبشر بالخير
حرم كان مالقيناها نديكم غيرا
وحلفوا على الجماعة يبيتو
ونادوا تلاتة من الرواعية وقالوا ليهم تمشوا تشوفوا ابل الجعليين دى وكان مالقيتوها ماتجو..
تانى يوم بعد الجماعة فطروا
سلموهم ابلم تامة
أها الجعليين طلعوا ربع العدد بشارة (للرواعية).
والجماعة راجعين واحد شليق قال للدالى:
أها وينو كلامك ماقلت بتخلى خشم الواحد عن(د) نخرتو؟
الدالى قبل عليهو وقال ليهو
آناس إبلكم تطير والله الكرم القابلونا بيهو الناس دى الواحد يعفى جناه خلكم من الإبل!!
أها دا حل من التراث السودانى (الجلابى)
هنا الجماعة دفعوا ربع القيمة وهم متأكدين أنو إبلم مسروقة وديل السارقنها, لكن أولا ماعندهم دليل
وثانيا القانون بتاع مطاولات وثالثا استحوا من الكرم..
نحن الآن مامستحين لأنو مافى كرم
وعارفين القانون مابجيب حاجة
والدواس موازين القوة فيهو مختلة
وحقنا مسروق وكل يوم بصبح الحرامى بزيد قوة ونحن بنضعف
وكل يوم جديد الحرامى بجرمك ملايين من حقنا..
فالحل نشوف طريقة نحصل فيها مابقى من الأرض والسلطة والثروة.
دى قصة البوست دا!
|
Post: #24
Title: Re: كيف تحل هذه المسألة؟
Author: Amira Elsheikh
Date: 12-31-2010, 07:02 PM
Parent: #21
سمك بضيفو لغذاهو هورمون مؤتمر وطنى.
الهرمون دا الناس بتجى شايلها معاها ولا بدو
لعوضية ترشو مع الخلطة? باقى اختك ادبية
لووووووووول ..طيب اكلت مع منو دى بتفرق ولا ما بتفرق ؟؟؟؟؟
|
Post: #23
Title: Re: كيف تحل هذه المسألة؟
Author: عبدالعزيز حسين عبدالرحيم
Date: 12-31-2010, 07:00 PM
Parent: #20
يا بله هسع أنا لو كنت كرت جوكر وشفت دو الشيريه خشم البنات فلانه ولا كلام تريس الديناري ابوجلمبو بي زاته مع أربعة شيرية عرمان عرمان ولا أربعة ابوعيسى و لا حتى سبعة ديناري الصادق ابوكلام مش احسن لي كرت الشايب ودامة الهارت بتاعت الانقاذ
|
Post: #25
Title: Re: كيف تحل هذه المسألة؟
Author: عبدالعزيز حسين عبدالرحيم
Date: 12-31-2010, 07:07 PM
Parent: #23
يا بله أنت لاعب أغرب لعبة ناس باقان وسلفاكير سحبوا كل الاسود خلو ليك الشيريه قصاد الهارت والديناري أحسب على كدا
|
Post: #27
Title: Re: كيف تحل هذه المسألة؟
Author: Balla Musa
Date: 12-31-2010, 07:22 PM
Parent: #25
Quote: الهرمون دا الناس بتجى شايلها معاها ولا بدو
لعوضية ترشو مع الخلطة? باقى اختك ادبية |
أميرة
ركزى معانا
الهرمون دا تبع الغذا
يعنى فى كل خلية فيه
عوضية زاتا المسكينة ماعارفا الحكاية دى.
|
Post: #28
Title: Re: كيف تحل هذه المسألة؟
Author: Balla Musa
Date: 12-31-2010, 07:25 PM
Parent: #27
عب عزيز
لو جيت للبوهية
كلنا شيريا واسود.
والشى دا ياعب عزيز ما كتشينة
الشى جورج قرداحى
انت ماقاعد تشوف الام بى سى؟
|
Post: #29
Title: Re: كيف تحل هذه المسألة؟
Author: Amira Elsheikh
Date: 12-31-2010, 07:39 PM
Parent: #28
Quote: نحن الآن مامستحين لأنو مافى كرم
وعارفين القانون مابجيب حاجة
والدواس موازين القوة فيهو مختلة
وحقنا مسروق وكل يوم بصبح الحرامى بزيد قوة ونحن بنضعف
وكل يوم جديد الحرامى بجرمك ملايين من حقنا..
فالحل نشوف طريقة نحصل فيها مابقى من الأرض والسلطة والثروة.
دى قصة البوست دا! |
|
Post: #30
Title: Re: كيف تحل هذه المسألة؟
Author: Balla Musa
Date: 12-31-2010, 09:18 PM
Parent: #29
أميرة
زى المداخلة حقتك الأخيرة دى بدون تعليق بتبور البوست
زى الواحد لما يخلى باقى فى كباية العصير (التابووو بقول بتبور البنات الفى البيت)
|
Post: #31
Title: Re: كيف تحل هذه المسألة؟
Author: Balla Musa
Date: 01-01-2011, 06:15 PM
Parent: #30
وعشان نصل للحل محتاجين لعقلاء من المعارضة وعقلاء من المؤتمر الوطنى
مع جعل خيار الإستعانة بصديق مفتوحا دوما.
|
Post: #32
Title: Re: كيف تحل هذه المسألة؟
Author: Amira Elsheikh
Date: 01-01-2011, 06:21 PM
Parent: #31
Quote: وعشان نصل للحل محتاجين لعقلاء من المعارضة وعقلاء من المؤتمر الوطنى
مع جعل خيار الإستعانة بصديق مفتوحا دوما. |
الصديق دا منو ؟؟؟
يعجبنى تفاؤلك يادكتور..
----------------------------
الربع داشكلى متعاقدة مع بوستاتك
استحملنى شوية
|
Post: #33
Title: Re: كيف تحل هذه المسألة؟
Author: سيف النصر محي الدين محمد أحمد
Date: 01-01-2011, 06:56 PM
Parent: #32
يا بله
ذكرتني زمااااااان عبد الرحمن سعيد في القاهرة قال انهم في القيادة
الشرعية قادرين على محاصرة القصر الجمهوري ظاااطو في اي وقت يقرروه
لكن-و خلي بالك من المكنة الجاية دي يا بله- ما عاوزين يلجؤوا للخيار
ده حتى يفسحوا الطريق أمام الحركة الجماهيرية لتقوم بتغيير النظام.
|
Post: #34
Title: Re: كيف تحل هذه المسألة؟
Author: Balla Musa
Date: 01-01-2011, 07:15 PM
Parent: #33
Quote: ذكرتني زمااااااان عبد الرحمن سعيد في القاهرة قال انهم في القيادة
الشرعية قادرين على محاصرة القصر الجمهوري ظاااطو في اي وقت يقرروه
لكن-و خلي بالك من المكنة الجاية دي يا بله- ما عاوزين يلجؤوا للخيار
ده حتى يفسحوا الطريق أمام الحركة الجماهيرية لتقوم بتغيير النظام. |
أبو السيوف
ماسمعت بناس القرية الأكل الذئب أغنامهم؟
طلعوا قاصين الدرب
وبرة الحلة شافوا الذئب راقد تحت شجرة
قام واحد قال ليهم نهجم عليه
قالوا ليه لا خلينا نقص الدرب لحدى مانصلوا.
|
Post: #36
Title: Re: كيف تحل هذه المسألة؟
Author: سيف النصر محي الدين محمد أحمد
Date: 01-01-2011, 08:00 PM
Parent: #34
| Quote: قالوا ليه لا خلينا نقص الدرب لحدى مانصلوا. |
اها عبد الرحمن سعيد المذكور هذا قصً الدرب لامن دخل مع الذئب
جوة بيتو، الغريبة أنو ما اتأكل لحدي هسي!
يا اخي أنا سمعتو بيخطب في المسيرة الحاشدة و النفرة المهولة التي
خرجت للتنديد بقرار اوكامبو ضد الأخ الرئيس و ما قدرت اصدق أنو
ممكن الزمن يجمع بين الشتيتين بالشكل ده!
اها هسه يا بله مع متل ديل كيف ممكن نحل المسألة؟
|
Post: #35
Title: Re: كيف تحل هذه المسألة؟
Author: رشا سالم
Date: 01-01-2011, 07:56 PM
Parent: #33
سلامات دكتور بلة..
انا بقترح ومقتنعة جدا بالحل الرابع..
الاستعانة بصديق(قوات اجنبية) وما تكون(افريقية)(لانهم عايشين نفس ازماتنا)
لانو وبعيدا عن عقدة النقص,نحنا ناقصين قيم كتيرة..
البلد فيها موارد وبترول ودهب وارض ومطر وكل شي بس ناقصين بني ادمين!
انا مؤمنة بأنو التغيير بيبتدي من فوق وبينزل لتحت
في شكل هرمي..يعني ما ممكن انتظرلغاية ما الناس تتعلم
وتعرف مشاكل البيئة ومضار الباعوض حتي اعمل ليهم شبكة تصريف صحي!
مفروض السلطة في البلد هي البتعلم الناس وتوريهم هم مفروض
يكونوا في ياتو مستوي..معليش كلامي ما واضح خليني اوضح اكتر..
لو اخدنا مثلا دول الخليج(لانهم قريبين لظروفنا من ناحية بتاعت مستوي
فهم العامة)دولهم بتوفر ليهم الحاجة وبعد داك تعلمهم يستخدموها
يعني بتبني المدرسة والمركز الصحي وممكن تلقاهم اول ايام بيجو المدرسة
نص النهار ولا بيسوقوا معاهم البهايم للدكتور..لكن بعد فترة امورهم بتظبط
اها لو جينا للمسألة بتاعتنا وحلها..فنحنا محتاجين الانجليز يجونا تاني!
عشان نبدا من اول نتعلم الانضباط والنظام والنضافة والترتيب..
وبعد داك يدونا حصص عن حقوق المواطن والوطن..(مافي زول يقول دا احتلال)
دا عقد عمل حندفع ليهم قروش عشان يجوا ويدرسوناكيف نبقا ناس وناخد دروس
عصر كمان لانو الفايتنا كتير..ممكن نعمل عقد العمل دا مع اليابان لانو
الناس عندهم عقدة من ابين عيون خدر ديل!
ونحنا لو جبنا ناس ومسكناهم البلد ما خسرانين حاجة ,المثل بيقول
ادي الخبز لخبازه ولو ياكل نصه! ونحنا لينا 55 سنة مع ناس ماعارفه
تفرق بين المخبز والسلخانة!
وما ماشين نخسر حريتنا! لانو ببساطة احنا ما عارفين يعني شنو حرية!
نحنا ناس جايطين ساي..حكومة علي معارضة علي مواطن عادي
همنا رزق اليوم باليوم..ما بنعرف نزعل متين ولا نزعل علي شنو..
العندو قروش يسوي بيت تحفة وبرة الشارع يكون جار الكوشة! ما مشكلة!
نجدع الوساخة في الشوارع ونكب الموية في الحفر ونشتكي من البعوض! ومافي
حكومة حتنضف الشارع وبرضو يجو ياخدو قروش النفايات! وبرضو ندفع!
في حاجة غلط في تركيبتنا وبرضو بنقول اننا احسن ناس ونحنا الساس
ونحنا الشمام الاصفر! الاصفر ما الاخدر! لانو الاصفر لون بيدل علي الاصول
العربية ونحنا حاشانا انو نتلخبت مع العبيد!
الواحد يقول ليك الدكتور عمل لي عملية غلط,تقول ليهو امشي اشتكي,
يقول ليك: خليتو لله! طيب ما تشتكي عشان ما يضر ليهو زول تاني..وبرضو
خليهو لله المانع شنو؟ما ممكن الاتنين يتعملو؟
الواحد يكون عامل فيها مثقف وابوهو شيوعي ومسميهو الشفيع ويقول ليك
بدي صوتي للبشير! تقول ليهو ليه؟ يقول ليك عشان ما ينطوا في راسنا
الغرابة ديل! اخير لينا الجعلي المأصل!(اصل في عينكم)
.....
يازول انا القرحة قايمة علي..وما بقدر اكتب اكتر من كدا ..المهم انا مع
الاستعانة بصديق ..وشكرا
|
Post: #37
Title: Re: كيف تحل هذه المسألة؟
Author: عبدالعزيز حسين عبدالرحيم
Date: 01-01-2011, 08:18 PM
Parent: #35
Quote: عندنا فى شمال شندى منطقة إسمها المسياب
عندهم إبل راحن
فقصوا الدرب لحدى ماوصلوا أبودليق وهناك الدرب انقطع عليهم
شكوا أن الإبل هنا فى المنطقة دى..
شافوهم جماعة همباتة من البطاحين, حلفوا على المسياب حرام وطلاق واكرموهم..
سألوهم بعد الشية والمرارة وهذا الكرم:
خير يا اخوانا؟
قالوا ليهم لا مافى حاجة جابنا الطريق..
فودعوهم ورحلوا قافلين الى بلدهم..
لما رجعوا لاقاهم الدالى..
الدالى زول ضكران ومابخاف إلا من ربه..
سأل أولاد عمو
حكوا ليه القصة من طق طق لنحن راجعين المغيرب..
زعل الدالى وشنق طاقيتو الحمرا وقال ليهم:
حرم وطلق لو كنت معاكم كنت الواحد فيهم خليت خشمو مع اضانو..
كيف تجوا راجعين وتخلوا إبلكم للبطاحين..
قالوا ليه ياخى الحكاية ما خوف لكن استحينا بس.
وهسع مافات حاجة اركب معانا وارح سوى العايزو ونحنا بتلقانا قدامك..
أها الدالى ركب مع الجماعة ويغلى لحدى ماقال يا ابودليق سلام..
البطاحين شافوا اللورى وتانى مرحب حرحب.. حرم تدخلو.. حرم تتفضلو.
الدالى عايز ينضم, البطحانى قال ليه أفو آ الجعلى!
حرم ماتتكلم فى شى قبل ماتاخد واجبك..
وحرم ان جيت فى رقبة نحلها معاك..
الدالى سكت ودورت الشية والمرارة والشاى والجبنة والدوبيت وذكر النسب البين البطاحين والجعليين..
خلص الموضوع
أهاالجماعة بلكزوا فيه الدالى عشان يتكلم..
قام الدالى اتنحنح وقال:
والله يا اولاد عمى نحنا عندنا إبل مفقودة وراح لينا الدرب هنا دحين كلموا رواعنكم البلقاها بنديهو البشارة..
البطاحين قالوا ليهو أبشر بالخير
حرم كان مالقيناها نديكم غيرا
وحلفوا على الجماعة يبيتو
ونادوا تلاتة من الرواعية وقالوا ليهم تمشوا تشوفوا ابل الجعليين دى وكان مالقيتوها ماتجو..
تانى يوم بعد الجماعة فطروا
سلموهم ابلم تامة
أها الجعليين طلعوا ربع العدد بشارة (للرواعية).
والجماعة راجعين واحد شليق قال للدالى:
أها وينو كلامك ماقلت بتخلى خشم الواحد عن(د) نخرتو؟
الدالى قبل عليهو وقال ليهو
آناس إبلكم تطير والله الكرم القابلونا بيهو الناس دى الواحد يعفى جناه خلكم من الإبل!!
|
v
|
Post: #38
Title: Re: كيف تحل هذه المسألة؟
Author: Balla Musa
Date: 01-02-2011, 04:37 AM
Parent: #37
| Quote: اها هسه يا بله مع متل ديل كيف ممكن نحل المسألة؟ |
يا ابو السيوف
ماعبد الرحمن زاتو أصبح من ضمن المسألة المحتاجة للحل.
|
Post: #39
Title: Re: كيف تحل هذه المسألة؟
Author: Balla Musa
Date: 01-02-2011, 04:46 AM
Parent: #38
| Quote: الاستعانة بصديق ..وشكرا |
يا دكتورة رشا
بالمناسبة الصديق العايزاه إنتى وبالمواصفات دى موجود وبياخد حقو بدون أى أعباء..
والمشاكل الذكرتيها دى عارفا وماعندو شغلة بيها واحتمال عايزا تستمر..
فنحنا عايزين صديق يساعد فى الحل حتى لو متأكد من الإجابة خمسين فى المية.
شكرا ليك
|
Post: #40
Title: Re: كيف تحل هذه المسألة؟
Author: Balla Musa
Date: 01-02-2011, 04:47 AM
Parent: #39
كيفك ياعزو
أها راس السنة كيف؟
نيفة ول سليقة؟!
|
Post: #41
Title: Re: كيف تحل هذه المسألة؟
Author: عبدالعزيز حسين عبدالرحيم
Date: 01-02-2011, 05:08 AM
Parent: #40
Quote: أها راس السنة كيف؟
نيفة ول سليقة؟! |
سليقة ..... سلقية
وفي زول عنده نيفه بكون فاضي يكتب ، الكلام الفوق دا ما كلام سليقة
راس السنة بعد الكلام الفوق دا يعلم الله اتدمدمت للصباح من القولون العصبي للصباح والساعة دقت وأنا برجف وما قادر اتحرك منه وحماك الله
|
Post: #42
Title: Re: كيف تحل هذه المسألة؟
Author: ندى عثمان حسن
Date: 01-02-2011, 05:50 AM
Parent: #41
Quote: نحن الآن مامستحين لأنو مافى كرم
وعارفين القانون مابجيب حاجة
والدواس موازين القوة فيهو مختلة
وحقنا مسروق وكل يوم بصبح الحرامى بزيد قوة ونحن بنضعف
وكل يوم جديد الحرامى بجرمك ملايين من حقنا..
فالحل نشوف طريقة نحصل فيها مابقى من الأرض والسلطة والثروة.
دى قصة البوست دا! |
بعد دا كلوو يادكتور , الطريقة عاد إلا تجى من السما.
|
Post: #44
Title: Re: كيف تحل هذه المسألة؟
Author: Balla Musa
Date: 01-03-2011, 01:09 AM
Parent: #42
| Quote: بعد دا كلوو يادكتور , الطريقة عاد إلا تجى من السما. |
يا ندى
البوست دا كلو عشان لما تجى من السما تحملا الوا ط ة!
|
Post: #43
Title: Re: كيف تحل هذه المسألة؟
Author: Balla Musa
Date: 01-03-2011, 01:07 AM
Parent: #41
| Quote: يعلم الله اتدمدمت للصباح من القولون العصبي للصباح |
ياعزو
ياخى قولون عصبى أصلك العقاد؟!
|
|