غدا سوف اتخذ اشجع قرار فى حياتى ولن اتراجع عنه مهما كان السبب وسوف احتفظ الاسباب فى نفسى

غدا مساء بحلول نهاية السنه الميلادية ستاخذ قرار نهائى وهذا القرار من اشجع القرارات التى اكون قد اتخذتها فى حياتى
وسوف احتفظ الاسباب لى نفسى
والقرار ليس زواج ولاخطوبه قرار اجمعت عليه مع نفسى ولانكوص ولا تراجع عنه

Quote: والقرار ليس زواج ولاخطوبه قرار اجمعت عليه مع نفسى ولانكوص ولا تراجع عنه

محمد عادل أعقل وتريّث !!

الحبيب احمد
عقلتها وتوكلت على الله لا تراجع

محمد عادل:

تمنياتنا اليك بالنجاح والتوفيق
في كل الدروب التي تختارها، علي المستوي الشخصي
او الشأن العام وهمومه.
ونسعد اذا جاء قرارك ما يعضد في أمر ذلك.


مودتنا وتقديرنا.

الحبيب الفاضل
جزاك الله الف خير
وباذن الله سيكون القرار بدايه فى الطريق الصحيح

القرارات الشخصية تبقى شان خاص ولا يجب الاعلان عنها فى الاسافير

وفى كل الاحوال بالتوفيق



------------------------------
دا اذا شخصى

اميره ماتخافى ماشخصى
راكبه قطر الاسكندرية انتى

سلامات يا محمد عادل

هل القرار هو الانضمام للمؤتمر الوطني ..مفاجأة 2011 ؟؟؟

الدكتور الصادق
اخر شئ فى الدنيا اعملو

الاخ محمد عادل

تحياتي يا رجل اتمنى ان تلجأ لبعض الاصدقاء الذين تثق فيهم وطرح الامر عليهم
لانه كما يبدو امر هام في مسيرة حياتك وكما تعلم يا اخي ما خاب من استشار وانت
رجل في مقتبل العمر لك اسرة يجب ان تضعها في عين الاعتبار قبل اتخاذ اي قرار
ربما ياتي عليهم بما لا يشتهون......معجب انا بحماسك وحسك الوطنى الذي اتمنى
ان يجري مجرى الدم في اوساط شبابنا الحرى فالوطن يحتاجكم انتم الان اكثر منا
ولكن اعيب عليك بعض التسرع احيانا وعدم القدرة علي ضبط الانفعال وهي اشياء
هامة يجب ان تنتبه لها...... ارجو يا صديقي لك التوفيق في كل مسعى تريده داعيا
الله ان يكف عنك الاذى ويسدد خطاك.

.........
فك تسجيل !! التوقيع في كشوفات حزب الأمة القومي....!!
قووون واللا دقت في العارضة?

الحبيب كمال
احتمال اسجل فى نيل الحصاحيصا واتخزن للهلال الموسم الجاى

I hope life treats you kind And I hope you have all you've dreamed of.
And I wish to you, joy and happiness.

الحبيب الخير
اشكرك على هذه الكلمات الرائعات وساعمل بالنصيحة ياحبيب اشكرك

محمد ادم
كيف احوالك
مروس وين بكره منير واتلغى

اخي محمد عادل

اتمني ان يكون فيه خير لك ولغيرك

وبالتوفيق ان شاء الله

الحبييب طارق
انا شائف انو فيهو خير كتير

ياجماعة الزول ده ما يتهور يفجر نفسه فى القصر الجمهورى
امسكوه،،،

الحبيب محمد عادل
تحياتي
دون الخوض في التفاصيل..
اذا عزمت فتوكل على بركة الله

الحبيب اسماعيل
وعلى بركة الله توكلت

ياريت ياعم صديق اعمله اكون ارتحتى

غداً بدأ يا محمد عادل

الحبيب عمران اليوم الساعه 9 مساء

Quote: الحبيب اسماعيل وعلى بركة الله توكلت

وهو المطلوب يا حبيب .. وفقكم الله.،

يازول بكره بدا قبيل انت ماحددت الساعه كم فى بداية البوست
قمنا على الخرخرة..
وبعدين تسعه ليه عازم ناس عشاء،،،

مش راس سنه لازم 9 ياعم صديق
الحفله تبدء 9

محمد ود عادل
اي حاجة بس اختا لينا مكاجرة ناس المؤتمر الوطني الماعنهم امان ديل
\و بالتوفيق

محمد عادل
عام سعيد وبخيت
وربنا يحقق الامانى
الاخوة فى تونس (ناس سيدى بو شنو كدا ما عارف )
واقعين انتحارات تقيلا
شىء بالكهرباء وشى احتراق بالنار
و,,,,,
يا حبيب الانتحار ما معانا كويس
مودتى وتقديرى




قاسم المهداوى

أخانا الصغير محمد عادل
نسأل الله إن كان في الأمر خيراً أن يحققه لك، وإن كان فيه شراً أن يبعده عنك..

استخر ربك فى كل امرك
ربنا يهديك الى مافيه الخير

الحبيب حماده

عام سعيد

بالتوفيق لكل ما تنوى !

بس .. ارجو ان لا يكون القرار التوقف عن الكتابة فى المنبر .. تبقى عوجه !!

مودتى

حبوبتي والله ليها حق ........... بس نقول شنو

هي نائمة هسع ............ ومافي داعي اصحيها ....

العرس ما داير لي خوفه

عديل تب ,,

الحبيب محمد؛
ربنا يوفقك لما فيه الخير..

_______________

Quote: حبوبتي والله ليها حق ........... بس نقول شنو هي نائمة هسع ............ ومافي داعي اصحيها ....

وتااااااني جِبْ سيرة البحر؟

كيف يا محمد عادل

داير تخلى التمباك ولا شنو؟

Quote: الاخ محمد عادل تحياتي يا رجل اتمنى ان تلجأ لبعض الاصدقاء الذين تثق فيهم وطرح الامر عليهم لانه كما يبدو امر هام في مسيرة حياتك وكما تعلم يا اخي ما خاب من استشار وانت رجل في مقتبل العمر لك اسرة يجب ان تضعها في عين الاعتبار قبل اتخاذ اي قرار ربما ياتي عليهم بما لا يشتهون......معجب انا بحماسك وحسك الوطنى الذي اتمنى ان يجري مجرى الدم في اوساط شبابنا الحرى فالوطن يحتاجكم انتم الان اكثر منا ولكن اعيب عليك بعض التسرع احيانا وعدم القدرة علي ضبط الانفعال وهي اشياء هامة يجب ان تنتبه لها...... ارجو يا صديقي لك التوفيق في كل مسعى تريده داعيا الله ان يكف عنك الاذى ويسدد خطاك.

الواحد ما حصل فكر فى قرار شجاع فى حياتو
ارجو ان لا تبخل علينا بيهو..فنكون انا وانتا اول من اتخزوا قرار شجاع
فى حياتهم...هو المافى شنو !! بس كعب العدم


ــــــــــ
كل سنه وانتا طيب

Quote: اشجع قرار فى حياتى

Quote: والقرار ليس زواج ولاخطوبه

محمد عادل يا إبني أدّيك معلومة بس ليك ولى زمانك
الزواج لا يعتبر قرار شُجاع إطلاقاً، بالعكس دة قرار مافي أسهل منّو كلو كلو بس عايز شوية تركيز
القرار الشجاع إنّك تتزوج المرا التانية وتجيبها تقعِّدا في نفس البيت


تحيّاتي يا غالي

Quote: أخانا الصغير محمد عادل نسأل الله إن كان في الأمر خيراً أن يحققه لك، وإن كان فيه شراً أن يبعده عنك..

ماعارف لكن بشعر في دواخلي انه ابتفه بيضحك


يازول اضحك هو في زول عندو معاك شئ

عديلة ان شاء الله ياابوعديلة .

دعاء صلاة الاستخارة
عَنْ جَابِرٍ رضي الله عنه قَالَ : كَانَ رَسُولُ اللَّهِ صلى الله عليه وسلم يُعَلِّمُنَا الاسْتِخَارَةَ فِي الأُمُورِ كُلِّهَا كَمَا يُعَلِّمُنَا السُّورَةَ مِنْ الْقُرْآنِ يَقُولُ : إذَا هَمَّ أَحَدُكُمْ بِالأَمْرِ فَلْيَرْكَعْ رَكْعَتَيْنِ مِنْ غَيْرِ الْفَرِيضَةِ ثُمَّ لِيَقُلْ : ( اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ . وَيُسَمِّي حَاجَتَهُ ) وَفِي رواية ( ثُمَّ رَضِّنِي بِهِ( رَوَاهُ الْبُخَارِيُّ (1166)

الاخ عادل
عليك بالدعاء أعلاه وسوف يكون عليه صحة قرارك من عدمه ان شاء الله مع الامنيات لك بالتوفيق

Quote: حبوبتي والله ليها حق ........... بس نقول شنو هي نائمة هسع ............ ومافي داعي اصحيها ....

ذكرتني عمي أبو عبيدة الراجل الساخر حتى النخاع والذي وصل لأداء فريضة الحج ولأنه يسخر من أي شيء في كل وقت فقد كان يقول عبارة في كل موقف يدعوه للسخريةاثناء أداء مناسكه:
" يا اخوانا انا بناتي موصياتني قالن لي اوع تنضم في الحج"

يا باشمهندس غريبة: ياخي ناس رابطة الأبيض وصوك؟ والتزمت ليهم ماتجيب سيرة الحبوبة دي؟ ربنا يرحمها ان كانت حية او ميتة؟
ياخي ماتبقى زي (..................... انا زاتي ود الشيخ دا موصني)
الزول الكل ما لقا ليه لمة ناس ينسى الوصايابتاعة المكتب القيادي ويقعد يقول في الكلام " المجغمس"

الاخ محمد عادل
تحياتي

أيا كان هذا القرار الذي سوف تتخذه نصيحه أخويه دائما لا تحرك قدمك من مكانها مالم تتأكد أن القدم الاخري ثبتت وأياك والتهور .

وبرضو الايام دي الكيزان روحهم محراقاهم والله بقوا زي الزول الروحوا عاوزا تطلع فمن الحكمه ان لا ترمي بنفسك في التهلكه حتي لا يبقي ليك بنبي .

موفق بأذن الله أذا كان فيه خيرا لك .


مودتي

محمد عادل.

بالتوفيق يا عزيزي.

قالها شعبولا من قبل
فى اووول يناير
ح ابططل السجااااير ... هى ى ى ى ى ى










ــــــــــــــــــــ
وما زال الشعبولا ملك التدخين
من الاخر كدا يا عادل انت اختار ليك حاجة كدا
تتبطل فعلا .. عشان ناس المنبر ديل فتاشييين ..

لكن يا شباب كتار شكلهم عارفين الزول د ناوى على شنو لانهم شابكينوا ربنا يوفقك وقشه ما تعتر ليك يا ربى نكون انا وود الموج وود الشيخ برانا المسطحين???

يا محمد عادل ممكن القرار ده تأخرو لما بعد 9 ينائر؟
الظروف مامعروفه يمكن فكى الإنقاذ يقلب الهوبه ونلقى
الصناديق كلها صوتت للوحده .
وآنذاك سوف تتغير أمور كثيره ويمكنك أن تقرر زى ماداير ..

تحياتى ,,

الحبيب محمد عادل كل سنه وانت طيب.

زمان فى رأس سنة 2000 كنا انا والاحباب الاعزاء

سالم زريبة

عبدو حماد

ياسر محمد رمضان

كنا قد اتينا للتو من جامعة النيلين وجلسنا

جوار الاميرة العزيزة النخيل بدار حزب الامة

وانا كنت خرمان شديد للشاى فطلب لنا الحبيب

سالم شاى.

لكن لسوء حظى جلست الى جوار احد الاحباب لا اعرفه

وجات النخيل تحمل له كوبا من الشاى وقالت له تفضل

فأخذ رشفه جامدة ووضع الكوب على الارض مع رجل الكرسى

الذى كان يجلس عليهو حينها كانت كل احاسيسى متجه صوب النخيل

فبدون ما احس وجدت نفسى قد شارفت على انهاء كوب اخى الحبيب

الذى كان يضعه الى جوار الكرسى . ولم انتبه الى ذلك الا بعدما

همس لى الحبيب سالم كعادته بطريقة مهذبة فى اذنى(اسمع انت عارف انك

شربت شاى الزول دا انت بتعرفوا) فأصابنى الحرج واعتزرت لصاحب الشاى

وقمت وفى نفسى شئ من حتى ورجعنا سويا الى منزل الحبيب احمد جزو بن عم الحبيب

سالم وانتظرنا السنه الجديدة هناك.

فقلت للشباب انا اليوم عندى اخطر قرار عايز اقابل بيهو العام الجديد.

فقام سالم قال لى والله يا ادم عيسى قرار خطير زى دا الا يكون عايز تخلى الشاى

وما بتقدر.

وفعلا القرار كان هو ترك الشاى نهائيا و نفذت هذا القرار الصعب جدا جدا لمدة

ست شهور لكن والله رجعت ليهو كيف انا حتى الان ما عارف والان قدامى كباية شاى.


طيب نجى ليك انت يا حبيب محمد عادل.

القرار الخطير الذى تريد ان تتخذه

اخشى ان يكون هو ترك السياسة ولو بقى

دا هو قرارك ارجو ان تتمهل شوية ربما ينفلق الصبح بعد التاسع من يا ناير

ونصبح نلقى الجماعة ديل اى واحد فيهم داخل ليهو جحر .

واحزر ما تبقى عليك كباية الشاى.


كل سنة وانت واسرتك والجميع بألف خير

مع تقديرى[

بالتوفيق


يا مُحمد

بكري ده قولو ليهو محتاجين أخبار كـ SMS
يعني حسي الساعة تسعة دي ما حا اكون فاتح البتاع ده ، أعمل شنو ؟
ياخي الشمار حا يكتلني !!

عمران ماعندك السى ان ان ياخى ده محمد عادل افتكرتو ادريس علم الهدى،،،

Quote: لست انا فى مقام الحبيب الامام الصادق المهدى ولا الاب الحبيب القائد السيد مبارك المهدى ولا الدكتور حسن الترابى ولا السيد محمد عثمان المرغنى ولا محمد ابراهيم نقد ولا فاروق ابوعيسى شاب طموح ولقد جلست مع نفسى كثيرا واتخذت هذا القرار واسال الله العلى القدير بان يوفقنى فيه ولا يرجعنى عنه هو عدم ممارسة اى عمل او نشاط سياسى ولقد قررت ان اكون متفرج ومتابع ليس الا اشكر جميع الاحباب والاخوان الذين شاورتهم فى هذا القرار

لقد قررت اعتزال العمل السياسى واى نشاط سياسى