Post: #1
Title: على ذمة عمر البشير (رئيسكم).........
Author: Amira Elsheikh
Date: 12-30-2010, 07:32 PM
فى الغربة النت والتلفزيون زينة الحياة الدنيا
لولا (جغمسة) عمر البشير وكلامو البقى ِماعندو لا راس لا قعر ياكافى البلا ...
خطاب تسسد منو اضنينك و تلبسس كمامات ...لكن الله ابتلانا وماعلينا الا الصبر ..
كنت فى امانة الله اضانى بااااردة من الدراب والكضب حق التلفزيون ...
تنوم .ِ.تصحى.. تقرا الجرايد.. رغم فداحة وسؤ الانتباهة برضو كنت بقرا الجرايد
لكن التلفزيون نسال الله السلامة ..
|
Post: #2
Title: Re: على ذمة عمر البشير (رئيسكم).........
Author: Amira Elsheikh
Date: 12-30-2010, 07:43 PM
Parent: #1
فتحت التفزيون القى خطاب عمرالبشير مخاطب ناس الجزيرة
وعلى ما اظن فى عيد (الشهيد) الكم كدا ماعارفة...
بسم الله ما قالها لم ليك فى الناس ومن قول تيت
ياجماعة عارفين الفساد والانحلال الحِاصل فى الدول الحولنا ..?
عارفين ولا اقول ليكم? انحلال وفساد اخلاقى كبير وقولو ربنا يحفظنا
الكورس (الجمهور )ربنا يحفظنا..اها ياجماعة سؤال
عارفين الاسرة بتتكون كيف?عارفين ?
طبعا ياجماعة الاسرة بتتكون من راجل ومرة ..صح؟ رااااجل ومرة
و صداق وشهود وعقد واعلان ومهر معروف ومدفوع... طبعا دا عندنا هنا ..
ِاها عارفين الاسرة فى الغرب بتتكون كيف ؟؟؟؟؟
قولو اعوذ بالله ...قولو اعوذ بالله..ِ.
الجمهور (الكورس )يردد خلفه اعوذ بالله ..
قالو الاسرة بتتكون من راجل ومرة وطبعا دا طبيعى ...
لكن برضو قالو الاسرة عندهم بتتكون من راجل وراجل او من مرة ومرة قولو اعوذ باللله
الجمهور اعوذ بالله .... ..
اسى اعوذ بالله من منو ياجماعة?
|
Post: #4
Title: Re: على ذمة عمر البشير (رئيسكم).........
Author: Amira Elsheikh
Date: 12-30-2010, 07:49 PM
Parent: #2
خطابات عمر البشير فى الفترة الاخيرة (نسأل الله السلامة) ياقول حبوبتى
خطابات ممجوجة ومخجلة وماليها اى قيمة .....
|
Post: #5
Title: Re: على ذمة عمر البشير (رئيسكم).........
Author: ممدوح أبارو
Date: 12-30-2010, 07:50 PM
Parent: #2
وإنتي الموديك تفتحي التلفزيون شنو؟
ياخ نحنا القاعدين في بلد الجن دي ما بنشوفو
بعد دا كلووووو مشتاقين وزعلانين أها !!!
|
Post: #7
Title: Re: على ذمة عمر البشير (رئيسكم).........
Author: Amira Elsheikh
Date: 12-30-2010, 08:04 PM
Parent: #5
ممدوح ابارو ..سلااام يغشاك....
هناك فى السودان انت ما محتاج لتلفزيون ولا لا اى كلام فارغ
الوقت مليان والحياة شايفة قدامك على مسرح الواقع
لكن هنا محتاج تشوف تلفزيون وتحضر عمر البشير
وبعد شوية الدفاع الشعبى وكتائب المجاهدين ....
دا قدرنا ياصديقى ..لو جربت الغربة بتعرف قيمة التلفزيون
_________________________________________________
زعل الاصدقاء محبة ياممدوح وانا قافلة على كدا..تصدق?
|
Post: #6
Title: Re: على ذمة عمر البشير (رئيسكم).........
Author: كمال عباس
Date: 12-30-2010, 07:54 PM
Parent: #2
مرحب بيك يا أميرة وعودا حميدا .. Quote: الغربة النت والتلفزيون زينة الحياة الدنيا
لولا (جغمسة) عمر البشير وكلامو البقى ِماعندو لا راس لا قعر ياكافى البلا ...
خطاب تسسد منو اضنينك و تلبسس كمامات ...لكن الله ابتلانا وماعلينا الا الصبر ..
كنت فى امانة الله اضانى بااااردة من الدراب والكضب حق التلفزيون ...
تنوم .ِ.تصحى.. تقرا الجرايد.. رغم فداحة وسؤ الانتباهة برضو كنت بقرا الجرايد
لكن التلفزيون نسال الله السلامة .. |
.....
الزول الكارثة دا جغمسها في القضارف وزادا درابا في نيالا - فاروق أبوعيسي -ماعندوا قبيلة !! و د ي والله ماسبقوا عليها عبود واللا نميري حتي!!
غايتو شايفو كويس معاكم : جغمس ليكم قوانين الكورة وسجل ليكم رامي والحضر ي!! ------ قال أهلية وديموقراطية الحركة الرياضية قال !!
........ بالمناسبة كترة التجليط والقلش والتسريج دا موشر جيد ( صاح بحرق الأعصاب وبمرض القلب _) لكنو بوري كيف أنو الشخص دا منطلق نحو قاع الهاوية بسرعةالصاروخ !!
. .....
|
Post: #10
Title: Re: على ذمة عمر البشير (رئيسكم).........
Author: Amira Elsheikh
Date: 12-30-2010, 08:17 PM
Parent: #6
الاستاذ كمال عباس...سلااااام.....
خطاب القضارف اطلعت على جزء كبير منو بالمنبر وكذلك خطاب نيالا ..
لكن خطاب ولاية الجزيرو حضرتو كلو وياريتنى ماحضرتو وكنت بين مصدقة ومكذبة ..
بالله افتى فى اهلية وديمقراطية الحركة الرياضية ?
طيب نحن البرجع لينا اهليتنا وديمقراطيتنا شنو يا استاذ كمال ...?
بالجد خطاباتو بقت مخجلة ومقززة ومنفرة اكتر مما كانت عليه ...
|
Post: #8
Title: Re: على ذمة عمر البشير (رئيسكم).........
Author: Al-Shaygi
Date: 12-30-2010, 08:06 PM
Parent: #2
Quote:
فتحت التفزيون القى خطاب عمرالبشير مخاطب ناس الجزيرة
وعلى ما اظن فى عيد (الشهيد) الكم كدا ماعارفة...
بسم الله ما قالها لم ليك فى الناس ومن قول تيت
ياجماعة عارفين الفساد والانحلال الحِاصل فى الدول الحولنا ..?
عارفين ولا اقول ليكم? انحلال وفساد اخلاقى كبير وقولو ربنا يحفظنا
الكورس (الجمهور )ربنا يحفظنا..اها ياجماعة سؤال
عارفين الاسرة بتتكون كيف?عارفين ?
طبعا ياجماعة الاسرة بتتكون من راجل ومرة ..صح؟ رااااجل ومرة
و صداق وشهود وعقد واعلان ومهر معروف ومدفوع... طبعا دا عندنا هنا ..
ِاها عارفين الاسرة فى الغرب بتتكون كيف ؟؟؟؟؟
قولو اعوذ بالله ...قولو اعوذ بالله..ِ.
الجمهور (الكورس )يردد خلفه اعوذ بالله ..
قالو الاسرة بتتكون من راجل ومرة وطبعا دا طبيعى ...
لكن برضو قالو الاسرة عندهم بتتكون من راجل وراجل او من مرة ومرة قولو اعوذ باللله
الجمهور اعوذ بالله .... ..
اسى اعوذ بالله من منو ياجماعة?
|
أميرة الشيخ
في ذمتك الزول ده قال الكلام الفوق ده؟؟؟
أنا غايتو ما سمعتو ،،، وأحمد الله إني ما سمعتو كان هو قالو.....
حسي أقول شنو زاتو ما عارف....
المهم دخلت البوست وأتورطت...
وبرضو ما عارف أقول شنو؟؟؟؟؟؟؟؟؟؟؟؟
الله الهادي والشافي من كل سقم وجنون وعقوق..................
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #14
Title: Re: على ذمة عمر البشير (رئيسكم).........
Author: Amira Elsheikh
Date: 12-30-2010, 08:51 PM
Parent: #8
Quote: ميرة الشيخ
في ذمتك الزول ده قال الكلام الفوق ده؟؟؟ |
الاخ الشايقى ..سلام
فى ذمتى والله يقطعنى حتة حتة قالو ..
والله انا ذاتى ماعارفة اقول شنو وخجلاااااااااااااااانة( لينا )عديل
حكمة ربنا باقى الكلام والكضب كان عادى ومتعودين على اكتر منو
لكن الافتاء بشان تكوين الاسرة دا يبدو تخصص جديد
|
Post: #3
Title: Re: على ذمة عمر البشير (رئيسكم).........
Author: كمال سالم
Date: 12-30-2010, 07:46 PM
Parent: #1
يابت الشيخ حمدلله على السلامه ومشتاقين والله ,,
إنشاء الله خليتى ناس أمك وأخوانك كلهم بخير ,
تتصورى يا أميره الرئيس ده تسبب فى موت الكثيرين
فى اليومين الفاتو ديل عندما إستمعوا للدراب الكتير
البيطلق فيهو اليومين دى !!
فى ناس ماتو بالذبحه وفى ناس بالسكته وناس بالليزر ,
مساكين قلوبهم رهيفه ما قدروا يستحملوا كمية الكضب
الكتير .
وطبعا ديل غير العشره ألف بتاعين دارفور وال28 ضابط
بتاعين رمضان والسته بتاعين العمله .
تعرفى يوم القيامه الله حينكت ليك الرئيس ده من بين الخلوق
دى كلها ويقول ليهو تعال ياعمر أنا عايزك إنت أول واحد !
|
Post: #16
Title: Re: على ذمة عمر البشير (رئيسكم).........
Author: Amira Elsheikh
Date: 12-30-2010, 09:07 PM
Parent: #3
اووووو كمال سالم ....سلامين وتسلم
مريت على بوستيك(كضب عمر البشير) وتقريبا هو نفس الخطاب لكن المحيرنى انك
اتقاضيت عن اكتر حتة غريبة وممجوجة فى الخطاب ,,,,,وهى حتة الفتوى بتاعة
تكوين الاسرة ......ودى كانت فى الافتتاحية بتاعة الخطاب ..
الزول دا مكتبو الاعلامى وين .؟ ماعارفنو بتاع شلاليت ؟
نسأل الله السلامة
________________________
الاسرة بخير وفى نعمة الحمدلله ..تشكر على السؤال عن
الاحوال والحال
|
Post: #9
Title: على ذمة عمر البشير (رئيسكم).........
Author: جعفر محي الدين
Date: 12-30-2010, 08:11 PM
Parent: #1
أميرة عودا حميدا
في زول ما بخاف الله قاعد يونس البشير بالليل
بقول ليه شنو ؟ الله أعلم
الراجل على نياته بصدق الونسة كلها
وبجي الصباح يتونس معانا بيها
مش ريسنا ؟!
|
Post: #11
Title: Re: على ذمة عمر البشير (رئيسكم).........
Author: ود الباوقة
Date: 12-30-2010, 08:25 PM
Parent: #9
| Quote: على ذمة عمر البشير (رئيسكم)......... |
اميرة
ان لم تكن لديك جنسية غير السودانية
فهو رئيسك بحكم الدستور
|
Post: #19
Title: Re: على ذمة عمر البشير (رئيسكم).........
Author: Amira Elsheikh
Date: 12-30-2010, 09:23 PM
Parent: #11
Quote: اميرة
ان لم تكن لديك جنسية غير السودانية
فهو رئيسك بحكم الدستور |
ودالباوقة ......
المداخلة دى محولة لكيكى التفكيكى .....
انت افتينى فى كلام الرئيس ونحن بنفتيك فى كلام الدستور
اتفقنا؟
|
Post: #12
Title: Re: على ذمة عمر البشير (رئيسكم).........
Author: Hadeer Alzain
Date: 12-30-2010, 08:29 PM
Parent: #9
يا برنسيسة سلامات وعودآ حميدآ
وكل سنة وإنتي والأهل بألف خير
الريس دا بجغمس كدا ذكرني آخر أيام صدام حسين
أنا لو محلو بفبرك لي هارت أتاك ولا وات سو إيفر 
وبقول لعلي عثمان هاك مفاتيح البلد شيل شيلتك، وبتخارج !
حقو أرسل ليهو الفكرة الجهنمية دي !
|
Post: #13
Title: Re: على ذمة عمر البشير (رئيسكم).........
Author: الطيب رحمه قريمان
Date: 12-30-2010, 08:38 PM
Parent: #12
الاميرة اميرة الشيخ
لك التيحاي الطيبة
حضور و متابعة
|
Post: #15
Title: Re: على ذمة عمر البشير (رئيسكم).........
Author: عبدالعزيز الفاضلابى
Date: 12-30-2010, 09:02 PM
Parent: #13
{حقو أرسل ليهو الفكرة الجهنمية دي }
خلاس ياهدير ,, كلمى بكرى يعمل ليهو ماسنجر
وقومى انتى امغمتى كده دغمسي ليك فكرة ورسليها ليهو.
سلامات يا اميرة
والله بوستك الجاب المسنوح ود ابارو موهين.
|
Post: #20
Title: Re: على ذمة عمر البشير (رئيسكم).........
Author: Hadeer Alzain
Date: 12-30-2010, 09:30 PM
Parent: #15
Quote:
خلاس ياهدير ,, كلمى بكرى يعمل ليهو ماسنجر
وقومى انتى امغمتى كده دغمسي ليك فكرة ورسليها ليهو.
|
بكرى يعمل مسنجر ولا رسالة على صفحات المنبر؟ 
بعدين يا أستاذ فاضلابي اللوبي الكيزاني دا كان إقتنع بالفكرة الجهنمية ..!
مااا بعدم ليهو دغمسة وفبركة (ديل أسياد الشي زاااتا!)
بس عليك الله ما فكرة جهنمية تخارجو وتخارجنا؟!
|
Post: #48
Title: Re: على ذمة عمر البشير (رئيسكم).........
Author: Amira Elsheikh
Date: 12-31-2010, 05:30 PM
Parent: #15
يافاضلابى سلااااام,,,,,
اتبنى فكرة هدير عليك الله وروج ليها ولو سمعت بيها جابت حقها
ماتنسانى من الدغمسة برضو
تسلم وتحياتى لودابارو
|
Post: #45
Title: Re: على ذمة عمر البشير (رئيسكم).........
Author: Amira Elsheikh
Date: 12-31-2010, 12:47 PM
Parent: #13
الاخ الطيب رحمة قريمان ..سلام ..
متابعة ومعاها خلعة عديل من السواطة حقة الريس دى
|
Post: #17
Title: Re: على ذمة عمر البشير (رئيسكم).........
Author: Amira Elsheikh
Date: 12-30-2010, 09:10 PM
Parent: #12
Quote: أميرة عودا حميدا
في زول ما بخاف الله قاعد يونس البشير بالليل
بقول ليه شنو ؟ الله أعلم
الراجل على نياته بصدق الونسة كلها
وبجي الصباح يتونس معانا بيها
مش ريسنا ؟! |
جعفر محى الدين ..سلااااااااااام....
والله تحليلك دا منطقى وعجبنى شديد ....
انا كنت متخيلة يا بحلم ويالزول دا عايش قى القرون الوسطى
وقايل الناس ماجايبة خبر ...
قلت لى ريسكم؟
مبروك عليكم ..
|
Post: #18
Title: Re: على ذمة عمر البشير (رئيسكم).........
Author: Amira Elsheikh
Date: 12-30-2010, 09:21 PM
Parent: #12
هدير الزين ....بالجد مشتاقين وليك وحشة .....
والله الفكرة سمحة وبكون كيزان المنبر فكرو فيها لكن ما اشتغلت ..
سى سى لنافع على نافع وودالباوقة .....
________________________
مشااااقين خالس خالس والله شاهد
|
Post: #21
Title: Re: على ذمة عمر البشير (رئيسكم).........
Author: مها عبد الله
Date: 12-30-2010, 09:35 PM
Parent: #18
تحياتي أميره
رئيسهم المجرم البشير ضاقت به من كل صوب ، فلجأ للشعب ( المسكين ) ليدعم موقفه ويحافظ علي السلطه التي سرقها ، بدأ من القضارف والجزيره ثم نيالا ، مستخدما عباراته السازجه العبيطه ليتلاعب بعواطف الشعب الذي أنهكه الفقر والمرض و الحروب ، وواعدا ( زيفا ) بالتنميه وإقامة مشروعات ( وهميه ) لإلهاء الشعب عن جريمته الكبري ( تمزيق أكبر بلد بأفريقيا ) !
|
Post: #22
Title: Re: على ذمة عمر البشير (رئيسكم).........
Author: MOHAMMED ELSHEIKH
Date: 12-30-2010, 10:20 PM
Parent: #21
| Quote: جريمته الكبري ( تمزيق أكبر بلد بأفريقيا ) ! |
غايتو نرجع نقول:
الليلة وووووووووووووووووووووووووب
سلام بت الشيخ وزوارك
|
Post: #56
Title: Re: على ذمة عمر البشير (رئيسكم).........
Author: Amira Elsheikh
Date: 12-31-2010, 07:47 PM
Parent: #22
Quote: غايتو نرجع نقول:
الليلة وووووووووووووووووووووووووب |
محمد الشيخ .....سلاااام
والله دى وووووووب لحدوت الصباح
|
Post: #23
Title: Re: على ذمة عمر البشير (رئيسكم).........
Author: عمران حسن صالح
Date: 12-30-2010, 10:25 PM
Parent: #21
أميرة يا بت الشيخ
الوجع شديد
بقينا مادة قنوات العرب المعفنة
نحن الحيطة القصيرة حقت غرف الأخبار لديهم
وتابعمي من النيل للأخبار مروراً بالعربية والجزيرة
سخرية ما بعدها سخرية ختانا فيها الزول العجيب ده
ماخدة رجالة وبعبارات لا تشبه أيِ رئيس دولة في الدنيا
عسكري ولا مدني
من نوع بلها واشربه والحسوا كوعكم والزارعنا غير الله اليجي يقلعنا
وقرف متواصل
بقيت أسأل الله يقيف من خطاباتو الجماهيرية دي عشان عيون العرب الساخرة تاني يوم في المكاتب والشوارع
رغم ان قرفهم فايتنا بى مراحل
لكن منو البقول البقلة في الإبريق
ويانا المادة الما بتجيب ليهم مشاكل وهواء
.
.
.
حسبي الله ونعم الوكيل
|
Post: #24
Title: Re: على ذمة عمر البشير (رئيسكم).........
Author: عبدالعزيز الفاضلابى
Date: 12-30-2010, 11:40 PM
Parent: #23
*لكن منو البقول البقلة في الإبريق*
إنت ياعمران البقلة دى ياكافى البلا ماكان جنبها (طشت)?
الوداها تركب راسها فى الابريق شنو?
|
Post: #60
Title: Re: على ذمة عمر البشير (رئيسكم).........
Author: Amira Elsheikh
Date: 01-01-2011, 06:00 PM
Parent: #24
مرحبتين ياعزيز يافاضلابى
|
Post: #25
Title: Re: على ذمة عمر البشير (رئيسكم).........
Author: قاسم المهداوى
Date: 12-30-2010, 11:47 PM
Parent: #23
أميرة
سلاااام وتحايا
اها دى من اسرة (دغمسة)
والفرق بينهم كم بحساب الربح والخسارة
وايضا معزرة
لو فكيتى لى طلاسم المعانى والله ادعو ليك
ربنا يحفظك ويقويك ويسدد خطاك
وكمان لو حابب احشر او احشو المفردتين ديل فى الونسة
كمثال توضيحى يعنى اقول شنو مثلا
قاسم المهداوى
|
Post: #26
Title: Re: على ذمة عمر البشير (رئيسكم).........
Author: عبدالكريم الامين احمد
Date: 12-31-2010, 00:06 AM
Parent: #25
Quote: ودالباوقة ......
المداخلة دى محولة لكيكى التفكيكى ..... |
اووووووووه اميرة بت الشيخ
واشرقت الانوار الاسفيرية والله...
البشير رئيس ناس ود الباوقة ومن لف لفهم اليومين دي متعة ودهشة ودارما علي باليمين (صوصل)
ما بكون جضم زيها في مسرح الرجل الواحد..
الزول مرة تعاين ليهو كده تقول الزول ده شوووووطن
ومرة كده بصراحة بتقول الزول ده لافيها بكرت او بكرتين
ومرات بتقول القصة دي مسرحية من مسرح الرجل الواحد وبشة ده عاوز ينافس السني وصوصل ويضيف للمسرح السوداني الق ودهشة جديدة...
ياخ انا من خطاب القضارف المتعني فيهو متعة السنين بقت خلاص مكتفي ومعفي من حضور خطابات البشير
بقرار من الطبيب
ود الباوقة ..
قاعد يطمن في نفسو
ولكن الكلام البطمن البشير ده منووووووووووو
|
Post: #27
Title: Re: على ذمة عمر البشير (رئيسكم).........
Author: Rawia
Date: 12-31-2010, 00:15 AM
Parent: #26
أميرة إزيك
وحمدلله بالسلامة
وإن شاء الله خليتي العقاب طيبين
المكاشفي صاحبنا بيسأل منك
يو بيتر بيهيف
أصلو هو بيشيجع البشير من المقاعد الامامية... لالالا بيشجع من مقاعد كبار الزوار
_________
هسة لو كنتو خليتوني كملت الحملة بتاعتي بتاعة رئيس وسيم
ماكان هسة تكونو في نعيم؟
|
Post: #28
Title: Re: على ذمة عمر البشير (رئيسكم).........
Author: محمد حيدر المشرف
Date: 12-31-2010, 01:15 AM
Parent: #27
قسما يا اميره ما حصل عملت كوبي لى كلام اقتبسو, زى ما عملت هنا
بديت بى المدخل المباغت والمدهش بتاع الاسره ..
تانى ادهشتنى فكرة (الكورس) ومساله الخطاب التفاعلى خد وهات وختامه رقص
خليتو قمت عملت كوبي لكلام كمال عباس عن واحد اسمو رامى, قلت اسالك ده سجلناهو بتين؟
لاقانى التعليق ( الاوسكار ) بتاع هدير, قمت خليت رامى
| Quote: أنا لو محلو بفبرك لي هارت أتاك |
هارت أتاك يا هدير !!
..
حمدلله على السلامه يا أميره ..
الدوحه نورت ..
|
Post: #29
Title: Re: على ذمة عمر البشير (رئيسكم).........
Author: كمال عباس
Date: 12-31-2010, 01:46 AM
Parent: #28
سلامات يامشرف
| Quote: خليتو قمت عملت كوبي لكلام كمال عباس عن واحد اسمو رامى, قلت اسالك ده سجلناهو بتين؟ |
سوري أقصد رمزي !! رمزي صالح !!
......
|
Post: #30
Title: Re: على ذمة عمر البشير (رئيسكم).........
Author: محمد حيدر المشرف
Date: 12-31-2010, 01:53 AM
Parent: #29
شفت المضحكات المبكيات العايشنها دى كيف يا عزيزي كمال !!
بس مسألة فبركة هارت اتاك دى عبقريه جدا!!
|
Post: #31
Title: Re: على ذمة عمر البشير (رئيسكم).........
Author: عليش
Date: 12-31-2010, 02:33 AM
Parent: #30
اميره...
.....
.....
....
|
Post: #66
Title: Re: على ذمة عمر البشير (رئيسكم).........
Author: Amira Elsheikh
Date: 01-01-2011, 06:46 PM
Parent: #31
عليش ......
اتوقعت اشوفك او القاك قدامى فى السودان
الحصل
شنو؟
تحياتى
|
Post: #65
Title: Re: على ذمة عمر البشير (رئيسكم).........
Author: Amira Elsheikh
Date: 01-01-2011, 06:44 PM
Parent: #30
| Quote: بس مسألة فبركة هارت اتاك دى عبقريه جدا!! |
شكلو دا بقى الامل الاخير يادكتور .....
تعالو نروج للفكرة دى عسى ولعل .....
تحياتى يادكتور حيدر المشرف
|
Post: #50
Title: Re: على ذمة عمر البشير (رئيسكم).........
Author: Hadeer Alzain
Date: 12-31-2010, 06:30 PM
Parent: #29
Quote: لاقانى التعليق ( الاوسكار ) بتاع هدير,Quote: أنا لو محلو بفبرك لي هارت أتاك
هارت أتاك يا هدير !!
|
لوووول يا ود المشرف .. أوسكار عديييل كدا؟! .. تسلم ياخ
آآي هارت أتاك !
الريس دا من الشايفاهو دا، عالم الله، دايرة ليهو المخارجة بأقل الخساير
ليته يعي! ويا حبذا لو الفبركة حصلت سررريع كدا قبل الإستفتاء والإنفصال
| Quote: بس مسألة فبركة هارت اتاك دى عبقريه جدا!! |
وكمان خدماتنا وأفكارنا مجانية، بس اليتخارج ويخارجنا !
|
Post: #32
Title: Re: على ذمة عمر البشير (رئيسكم).........
Author: بدر الدين الأمير
Date: 12-31-2010, 02:48 AM
Parent: #28
| Quote: على ذمة عمر البشير (رئيسكم) |
اميرة الشيخ متى العودة واهلا بعودتك
بس من قال ان لعمر البشير ذمة ....
بس برضو احمدى ربك انك اليوم لاسمعتى ولاشاهدتى الترابى على البى بى سى
كان الوجه الآخر للبشير الذى صنعه ... أي صنمه ...
والترابى في حديثه من الانظمة الدكتاتورية
وهزله من كل دكتاتور ومصيره ...
لقد كان نسخة اخرى من النمرود ذلك الذى يحيى ويميت ...
لكن تغزله في علاقة انسانية مع انسان الجنوب ... وليس السلطة في الجنوب بعد الانفصال
ذكرنى بقصة سيدنا عمر حين أكله لصنمه وقتله لابنته ....
قبل اسلامه
بس بين اصرار البشير على الكفر واسلام الترابى
هناك دين طلع وشعب طلع دينو ... وبرضو باسم الدين
تنهدات: طلع الكفر علينا من ممارسات الإنقاذ
|
Post: #33
Title: Re: على ذمة عمر البشير (رئيسكم).........
Author: صديق الموج
Date: 12-31-2010, 03:12 AM
Parent: #32
بت الشيخ كيف حالك
طبعا انا كنت خايف اخواتنا يسمعوا جنس الكلام ده،
غايتو الجاتكن فى سمعكن سامحتكن..
بعدين شفتى الغرب قالها كيف؟
ليس الغرب بالسكون انما الغرب بفتح الغين وكسر الراء..
انا متاكد 90% فهمو ان هذا هو مايحصل فى دارفور باعتبار
الغرب حقت الرئيس دى..
لكن اقول ليك الرئيس بتكلم باعتبار الكلام ده ما بسمعوه
الا المساكين الكاتلاهم الملاريا ديل..و الغريبة الطربيزة جنبو فيها
مليون مايك وكل مايك عليه لوغو بتاع قناة..
شوفى كان الاقتراح بتاع الهارد اتاك ده مانفع يقوم
وزير اعلامنا يطرد مراسلى القنوات ديل كلهم ويخلو رئيسنا
يجغمس ويدغمس فى اهلنا المساكين ديل...
مادام الله ابتلانا بيه قالو فى المثل:
الليك ليك لو لبن عشر سويه فى عينيك
الله يقدرنا على لبن عشرنا ده وكفى الله بقية العالم رزايا وشتارة رئيسنا،،،
|
Post: #68
Title: Re: على ذمة عمر البشير (رئيسكم).........
Author: Amira Elsheikh
Date: 01-02-2011, 07:56 AM
Parent: #33
Quote: بت الشيخ كيف حالك
طبعا انا كنت خايف اخواتنا يسمعوا جنس الكلام ده،
غايتو الجاتكن فى سمعكن سامحتكن..
بعدين شفتى الغرب قالها كيف؟
ليس الغرب بالسكون انما الغرب بفتح الغين وكسر الراء..
انا متاكد 90% فهمو ان هذا هو مايحصل فى دارفور باعتبار
الغرب حقت الرئيس دى..
لكن اقول ليك الرئيس بتكلم باعتبار الكلام ده ما بسمعوه
الا المساكين الكاتلاهم الملاريا ديل..و الغريبة الطربيزة جنبو فيها
مليون مايك وكل مايك عليه لوغو بتاع قناة..
شوفى كان الاقتراح بتاع الهارد اتاك ده مانفع يقوم
وزير اعلامنا يطرد مراسلى القنوات ديل كلهم ويخلو رئيسنا
يجغمس ويدغمس فى اهلنا المساكين ديل...
مادام الله ابتلانا بيه قالو فى المثل:
الليك ليك لو لبن عشر سويه فى عينيك
الله يقدرنا على لبن عشرنا ده وكفى الله بقية العالم رزايا وشتارة رئيسنا،،، |
صديج مونق........سلاااام.........
سمعتنا بعد الجلد الفى شارع الله والرسول داك فضل فيها شنو?
ولا من يوم ما اتوقع قانون الانتهاك العام نحن سمعتنا بقت فى المحك
الانقاذ جات ومافى شئ تسوى غير ضرب البنات واهانة كرامتن..
زايدا اشانة السمعة والساقية لسة مدورة ...
تناقض الخطاب زاتو مش فى كلمة الغرب وبس...
بداية الخطاب قال الدول الحولينا وفجاتن كدا الدول الحولينا دى بقت الغرب ,,,شفت كيف؟؟
مثلك حق لبن العشر دا بدخل فى باب الدغمسة ..
لا بنكحل عينينا بيهو ولا شيتين هو عينينا عماهن وطبظن لينا ..
انت كان داير تكحل عينيك بيهو كحلن ياصديج ..
|
Post: #34
Title: Re: على ذمة عمر البشير (رئيسكم).........
Author: حسن الطيب يس
Date: 12-31-2010, 03:20 AM
Parent: #32
يا اميرة
سلام
الراجل ده يوم واحد و يلحق أخوه الطيب سيخة
خلاص إتلحس
|
Post: #35
Title: Re: على ذمة عمر البشير (رئيسكم).........
Author: هواري نمر
Date: 12-31-2010, 03:44 AM
Parent: #34
| Quote: طيب نحن البرجع لينا اهليتنا وديمقراطيتنا شنو يا استاذ كمال ...? |
أوسكـــــــــــــــار
___
بت الشيخ
سلامة الوصول ياخ!!
بس المحيرني.(لغاية أمس ما عندك نية كتابة)
الحاصل شنو؟؟
يكون عمر البشير (جغمس تاني ولاّإيه؟)!!
ههههههه
|
Post: #36
Title: Re: على ذمة عمر البشير (رئيسكم).........
Author: عبدالأله زمراوي
Date: 12-31-2010, 06:59 AM
Parent: #35
عودا حميدا اميرة...
لو جمعوا كل خطابات هذا الرجل في كتاب، فسوف يكون حتما أسوأ كتاب ينشر
في التأريخ. وبعدين لاحظي أيضا سرعة الإنكسار من خطاب لخطاب وسرعة الإنحدار في اللغة
والرقصات الشتراء الغريبة (لاحظي حركات الساقين والإنحناءة والعصا الحزينة).
وبجدية تامة اتساءل: كيف لرجلٍ قاتلٍ وممزق لوطنه شر ما تمزيق وسارقٍ ويواجه
تهما فظيعة أن يرقص؟؟؟ يااخي نحنا البسيطين (من الشعب السوداني) الواحد يخجل يرقص
في عرس بنتو. ياااخي والله الرقيص دة لازم نشرع ليه في قانون العقوبات السوداني ونجرمو
ونعاقب من يرقص على جثث ضحاياه بالجلد 100 جلدة وبرضو على انغام صقيرااا حااام....
ظالمٌ إختارَ مكمن قبره
واجمٌ حيرانَ
يرقصُ كالنساء..
لقد ذبحنا البشير والله ذبحنا بسكينة بصل!
مرحب بعودتك يا اميرة...
|
Post: #37
Title: Re: على ذمة عمر البشير (رئيسكم).........
Author: الصادق صديق سلمان
Date: 12-31-2010, 07:33 AM
Parent: #36
بت الشيخ سلام
دا كلو انا ماهاميني قدر ما هماني حكابة الفتوى الرياضية
الزول دا حتى قانون الفيفا افتى فيهو ياخ
لكن حتة الجغمسة دي قطعت مصارين كتفي بالضحك
وكيكي دا فردة عديل كدا
ناقش الحاصل بالذات في الحتة بتاعت (الكرتين ) دي
سلام يا كيكي
|
Post: #38
Title: Re: على ذمة عمر البشير (رئيسكم).........
Author: haroon diyab
Date: 12-31-2010, 07:53 AM
Parent: #37
اميرة الشيخ
الف حمد الله علي السلامة
|
Post: #39
Title: Re: على ذمة عمر البشير (رئيسكم).........
Author: Mohamed Yassin Khalifa
Date: 12-31-2010, 08:12 AM
Parent: #38
سـلامات يا أميرة،
وكل عام وأنت والأهل والوطن بخير!
طبعاً كلام البشير ده عشراقة محتضر، ذيو ذي تشاوسيسكو صدام وكل طغاة العالم الودعو
المشكلة إنهم ما بيعرفوها لغاية ما تصلهم النهاية.. والزول ده نهايتو قريبة
ودمتي...
...............
دي بالغتي فيها... والله حسع ازعل منك بالجد
|
Post: #40
Title: Re: على ذمة عمر البشير (رئيسكم).........
Author: محمد علي شقدي
Date: 12-31-2010, 08:35 AM
Parent: #39
وكيف تاكل الاسرة بعد ان التكوين وكيف تتعالج وتتعلم وتعيش اسرة كريمة
انا ياالاميرة بعد التحايا العطرات اكتفيت باستدعاء المثل المفصل وجاهز علي مجموعة خطب الدغميس 0000 طبيز عديم المييز
|
Post: #41
Title: Re: على ذمة عمر البشير (رئيسكم).........
Author: ندى عثمان حسن
Date: 12-31-2010, 10:30 AM
Parent: #40
ياأميرة
أنتِ ذاتك "تبالغين " والله, فى كم قناة سودانية تانية , لزومو شنو تصاقرى السيد الرئيس وتقيفى ليو فى حلقو؟!
السيد الرئيس , مافى أى زول مالى عينو عشان يعمل حساب لـ لغة خطاباتو ولايراعى ماتبقى لينا من مشاعر , شوفى خطاب القضارف,عليك الله مابقنعك أنو مافى أمل ؟
أستعينوا بالصبر والصلاة .
________________
ثم مشتاقين والله
|
Post: #42
Title: Re: على ذمة عمر البشير (رئيسكم).........
Author: Abdlaziz Eisa
Date: 12-31-2010, 11:00 AM
Parent: #41
العزيزة الصفوية/ بت الشيخ
سلام
كنت أتجول ومعي أخ من هنا.. فتحت الجزيرة على خطاب القضارف..
الرجل شاف البشير بيرقص على طول سألني.. مين ده؟
قلت: ده الرئيس.. قال.. أنا آسف لكن الرجل ده مجنون؟!!
ولم كان بيفهم ما قاله الرئيس كان جنّ هو نفسه...!!
يا أميرة
الله يكون في عون الجميع من هذا الوباء..
القدر العجيب..
تحياتي..
|
Post: #87
Title: Re: على ذمة عمر البشير (رئيسكم).........
Author: Amira Elsheikh
Date: 01-04-2011, 08:15 AM
Parent: #42
Quote:
كنت أتجول ومعي أخ من هنا.. فتحت الجزيرة على خطاب القضارف..
الرجل شاف البشير بيرقص على طول سألني.. مين ده؟
قلت: ده الرئيس.. قال.. أنا آسف لكن الرجل ده مجنون؟!!
ولم كان بيفهم ما قاله الرئيس كان جنّ هو نفسه...!!
|
عبدالعزيز عيسى ....سلااااااااااااام....
.كان تلحقو بالترجمة وتكمل ليهو الناقصة شان تانى مايسال ذاتو ..
تحياتى وكل سنة وطيب
|
Post: #43
Title: Re: على ذمة عمر البشير (رئيسكم).........
Author: GamarBoBa
Date: 12-31-2010, 11:11 AM
Parent: #41
يا بنات هوووووي اتلمن
كان أميرة كان هدير كان ندي كان غيرها ...انتو معارضة ولا شنو؟؟ ...ثم معارضة البنات ديل قايلنها بتودينا لقدام؟؟
ياخي إن صوتهن عورة...ومرة مرة بسمع ليك بمبادرة اسمها قهر النساء...والله صحي
ادو الرجال فرقة يناضلوا معاكم.....كرهتوا الناس النضال....انتو قايلين بطريقتكم دي بتحلوا حاجة؟؟
ثم انتو مش قاعدين برة؟؟انتو قايلين في عبدالقادر الحبوبة في الخرطوم عشان تحرجونا كدة
يعني نتكلم في الريس عشان يدقونا ويزيلوا بيوتنا مثلا؟؟
ياخي خليكم رومنسيات شوية...اتكلموا عن زهرة الاقحوان وربيع اللازوردي.مالكم ومال الريس قال شنو يا جماعة
ما اتيتن لحوار والله
كمان متبرية من الريس ؟؟؟ قالت (رئيسكم)...ود الباوقة افتح في الزولة دي هسسسسسة بلاغ،وانا بشهد معاك...الليلة وووب
_
غايتو ضحك قدر ده ما ظنيت ضحكته قريب كدة....أنا لما يقولوا الريس حيخاطب بكون منتبه لكلمة واحدة وبعمل فلتريشن بس سد أو كجبار أو دال...لكن شايفه بعمل في دولة عربية..بسيطة ما فرقت معانا...مش انتو عرب؟؟زعلانين ليه؟
يحيا الريس وهيييييع علي قول ود الباوقة
|
Post: #44
Title: Re: على ذمة عمر البشير (رئيسكم).........
Author: MOHAMMED ELSHEIKH
Date: 12-31-2010, 11:32 AM
Parent: #43
| Quote: ادو الرجال فرقة يناضلوا معاكم.....كرهتوا الناس النضال....انتو قايلين بطريقتكم دي بتحلوا حاجة؟؟ |
شكلك عايز تقول:" ادو الرجال فرصة يتفرجو فيكم وانتو تتجلدو جلد غرائب الماعز"
وبرضو الليلة ووووب
الأحمرار للترحيب الصفوي
|
Post: #46
Title: Re: على ذمة عمر البشير (رئيسكم).........
Author: د.محمد حسن
Date: 12-31-2010, 01:12 PM
Parent: #44
لانو يا اميرة الفساد العندنا فساد اسلامي
ويكفيك ما تتناوله مجالس الخرطوم مؤخرا عن مولانا الذي حملت منه الفتاة سفاحا وتنكر قال ( ماحقي) ولما قالوا ليه نقارت بال DNA قال ليهم انا متزوجها عرفي
ودقي يا مزيكا ورأسني يا جدع
اميرة ازيك
|
Post: #89
Title: Re: على ذمة عمر البشير (رئيسكم).........
Author: Amira Elsheikh
Date: 01-04-2011, 12:17 PM
Parent: #46
| Quote: لانو يا اميرة الفساد العندنا فساد اسلامي |
د. محمد حسن ..سلاااام.......
الاسلام دا تعب منهم ونحن ذاتنا تعبنا وقلناالروب
باسم الاسلام جلدونا وباسم الاسلام شوهو سمعتنا وباسم ااسلام سرقو عيشنا
وباسم الاسلام هانو كرامتنا وباسم الاسلام عملو كلو شئ كعب قدرو عليهو...
|
Post: #47
Title: Re: على ذمة عمر البشير (رئيسكم).........
Author: ندى عثمان حسن
Date: 12-31-2010, 01:26 PM
Parent: #43
| Quote: كان أميرة كان هدير كان ندي كان غيرها ...انتو معارضة ولا شنو؟؟ ... |
ولاشنو
| Quote: ثم معارضة البنات ديل قايلنها بتودينا لقدام؟؟ |
قدام ولامحلك سِر , فرقت بشنو؟ ود الباوقة كلمك بالنصيحة وقال ليك الا اليابان , خلينا نعوس مع العايسين وبالمرة نجرب القرقريبة الجديدة.
| Quote: يعني نتكلم في الريس عشان يدقونا ويزيلوا بيوتنا مثلا؟؟ |
والله ما ح نقصر ح نتضامن ونفتح بوستات ونبكى ونشيل لافتات , لا لجلد الرجال
| Quote: ياخي خليكم رومنسيات شوية...اتكلموا عن زهرة الاقحوان وربيع اللازوردي.مالكم ومال الريس قال شنو يا جماعة |
عدد اتنين بوكية ورد اقحوان لأميرة وهدير , وعلبة كبيرة قلوب واربعة لافتات حمراااا لزوم الخجل وكدة."أميرة وهدير على طول الوقت تكونن مثبتات اللافتات دى على الخدود, زين؟"
| Quote: ما اتيتن لحوار والله |
حوار شنو ياآمر فى الشتا دة؟ بعدين لو أميرة أو أنا قاعدين الووون,حوار شنو لينا كمان؟ ان شاءالله هدير تكون أحسن حالا وتجى تحاور "ماتخذلينى بالله ياهدير"
|
Post: #49
Title: Re: على ذمة عمر البشير (رئيسكم).........
Author: عبدالله الشقليني
Date: 12-31-2010, 05:33 PM
Parent: #47
لديّ إحساس بقرب رحيله عن دنيانا ..
|
Post: #91
Title: Re: على ذمة عمر البشير (رئيسكم).........
Author: Amira Elsheikh
Date: 01-04-2011, 12:27 PM
Parent: #49
| Quote: لديّ إحساس بقرب رحيله عن دنيانا .. |
امين ويسمعك منك ربنا استاذنا الشقلينى ....
|
Post: #53
Title: Re: على ذمة عمر البشير (رئيسكم).........
Author: Hadeer Alzain
Date: 12-31-2010, 07:22 PM
Parent: #47
Quote:
بعدين لو أميرة أو أنا قاعدين الووون, حوار شنو لينا كمان؟
ان شاءالله هدير تكون أحسن حالا وتجى تحاور "ماتخذلينى بالله ياهدير" |
ندوية إزيك وعساك بخير وعافية
أنا بث الشي المانعني الحوار لقيط الكلمات العربية كلمة كلمة بالماوث 
عملية مملة ومضيعة للوكت، غير كدا الجماعة كان تعبوا معاي بالأحورة والنقة !
صادق الأمنيات لكي ولأميرة بعام جديد
ملئ بالسعادة والنجاحات واللا-لونلينيس !
__________________
عام سعيد لكل المتداخلين والقراء
|
Post: #92
Title: Re: على ذمة عمر البشير (رئيسكم).........
Author: Amira Elsheikh
Date: 01-04-2011, 12:38 PM
Parent: #53
تسلمى ياهدير ونحن برضو بدورنا بنتمى ليك حياة ملئية بالسعادة والمبة طالما مافى لون ليس
|
Post: #96
Title: Re: على ذمة عمر البشير (رئيسكم).........
Author: Amira Elsheikh
Date: 01-05-2011, 10:27 AM
Parent: #53
Quote: أنا بث الشي المانعني الحوار لقيط الكلمات العربية كلمة كلمة بالماوث
عملية مملة ومضيعة للوكت، غير كدا الجماعة كان تعبوا معاي بالأحورة والنق |
سيم سيم ياقول هنود الخليج ..
|
Post: #90
Title: Re: على ذمة عمر البشير (رئيسكم).........
Author: Amira Elsheikh
Date: 01-04-2011, 12:21 PM
Parent: #47
Quote: والله ما ح نقصر ح نتضامن ونفتح بوستات ونبكى ونشيل لافتات , لا لجلد الرجال
|
الليلة ووول ..لا لجلد الرجال دى اوسكااااااااااااار ياندى
| Quote: دد اتنين بوكية ورد اقحوان لأميرة وهدير , وعلبة كبيرة قلوب واربعة لافتات حمراااا لزوم الخجل وكدة."أميرة وهدير على طول الوقت تكونن مثبتات اللافتات دى على الخدود, زين؟" |
والا نامت اعين المناضلين الجدد(ناس قمر بوبا)
|
Post: #52
Title: Re: على ذمة عمر البشير (رئيسكم).........
Author: Hadeer Alzain
Date: 12-31-2010, 06:54 PM
Parent: #43
Quote: يا بنات هوووووي اتلمن
كان أميرة كان هدير كان ندي كان غيرها |
أبينا !
| Quote: ...انتو معارضة ولا شنو؟؟ |
أنا وندوية دي غايتو مناضلات سايبر ساي أي "مناضلات من سايبرهن" ...
إلا بت الشيخ الإتبرت من الريس دي مناضلة واقع .. وطابور خامس كمان! !
كل عام وأنتم بخير والسودان بخير ..
|
Post: #88
Title: Re: على ذمة عمر البشير (رئيسكم).........
Author: Amira Elsheikh
Date: 01-04-2011, 08:25 AM
Parent: #43
والله ياقمر انت الما اتيت لحوار وعجبنتنى (بستفة) هدير وندى ليك وهييييييييع ٢ على قول ودالباوقة ...
تانى ما تجيب سيرة بنات فى خشمك ثمح ؟ والحالة امانى الامين زعيمة الجندريات الجدد ما جاتك ,,
Quote: ياخي خليكم رومنسيات شوية...اتكلموا عن زهرة الاقحوان وربيع اللازوردي.مالكم ومال الريس قال شنو يا جماعة
ما اتيتن لحوار والله |
الليلة ووووب ..
غايتو لوعرفنا معيار الرومانسية شنو ما بنقصر معاك وحنتحفك بقصيدة عصما عن الصلعة والبصل وو..
| Quote: .لكن شايفه بعمل في دولة عربية..بسيطة ما فرقت معانا...مش انتو عرب؟؟زعلانين ليه؟ |
هييييييييييييييييييييييييع دولة عربية وااااااااااااااحدة ذات لغة واحدة ودين واحد والماعاجبو يشرب من البحر ومن السد
تااانى الليلة ووووووووووووب
|
Post: #85
Title: Re: على ذمة عمر البشير (رئيسكم).........
Author: Amira Elsheikh
Date: 01-03-2011, 02:11 PM
Parent: #41
أنتِ ذاتك "تبالغين " والله, فى كم قناة سودانية تانية , لزومو شنو تصاقرى السيد الرئيس وتقيفى ليو فى حلقو؟!
والله ياندى انتى البتبالغى مش انا ...
الخطاب فى كل القنوات السودانية وغير السودانية
بما فى ذلك قناة ابوى وابوك (قناة الجزيرة)...
انت عارفة انا ماحضرت خطاب القضارف ودى نعمة كبيرة
لانى فى السودان امشى مع امى السوق ونشترى الخضار واللحمةثم (نجى )نسويه(نفركهم)
اى والله ونتغدى ونشرب الشاى والقهوة فى ضل الشتاء وفى امانة الله ..
يعنى انا فاضية لخطاب البشير وقتها ..
ثم ثانيا ليه ما جيتى السودان?
بيع براحة كدا ..
|
Post: #84
Title: Re: على ذمة عمر البشير (رئيسكم).........
Author: Amira Elsheikh
Date: 01-03-2011, 02:01 PM
Parent: #40
وكيف تاكل الاسرة بعد ان التكوين وكيف تتعالج وتتعلم وتعيش اسرة كريمة
محمد شقدى ..سلاااام ......
هو دا ماشايلو ومتخيل انو الناس دى عايشة فى نعمة
وبتاكل ايس كريم وبيتزا والحمدلله ..
مش محلات الاكل مالية البلد وتيييييب
|
Post: #81
Title: Re: على ذمة عمر البشير (رئيسكم).........
Author: Amira Elsheikh
Date: 01-03-2011, 10:17 AM
Parent: #39
دي بالغتي فيها... والله حسع ازعل منك بالجد
محمد يسن خليفة الله لاجاب الزعل ...
يعنى عايزنى اكتب رئيس ناس ودالباوقة والسيدح والمكاشفى ولا كيف??
ياقول ودالباوقة الا يكون جوازك اجنبى حتى يكون ما رئيسك ....
تحياتى ..............
|
Post: #80
Title: Re: على ذمة عمر البشير (رئيسكم).........
Author: Amira Elsheikh
Date: 01-03-2011, 10:12 AM
Parent: #38
تسلم ياهارون يادياب وكل سنة وانت طيب
|
Post: #72
Title: Re: على ذمة عمر البشير (رئيسكم).........
Author: Amira Elsheikh
Date: 01-02-2011, 01:16 PM
Parent: #37
الصادق الهلالابى ..ازيك
والله بعد فتوتو فى اهلية وديمقراطية الحركة الرياضية(على ذمة كمال عباس)
انا ممكن اكون وزير شباب ورياضة منازلهم ....
زول يحصلنى بالفتوى دى سريع
|
Post: #75
Title: Re: على ذمة عمر البشير (رئيسكم).........
Author: كمال عباس
Date: 01-02-2011, 09:39 PM
Parent: #72
سلام أستاذة أميرة
Quote: بعد فتوتو فى اهلية وديمقراطية الحركة الرياضية(على ذمة كمال عباس)
انا ممكن اكون وز ير شباب ورياضة منازلهم .... |
في الحقيقة قدو قدو الكبير لم يفتي في أهلية وديموقراطية الحركة
الرياضية ولكنو " فتفتا / فطسا" وتغول عليها!!
.........
تحياتي وأحترامي
|
Post: #93
Title: Re: على ذمة عمر البشير (رئيسكم).........
Author: Amira Elsheikh
Date: 01-04-2011, 01:11 PM
Parent: #75
Quote: في الحقيقة قدو قدو الكبير لم يفتي في أهلية وديموقراطية الحركة
الرياضية ولكنو " فتفتا / فطسا" وتغول عليها!!
......... |
استاذ كمال عباس ...
الزول دا بفتى فى اى حااجة ولا هما شئ ....
بقى على الرياضة المسكينة؟
عشرين سنة من (الفتونة) فينا وعلينا .......
ماتتحسس ...
احترامى ,,,,,
|
Post: #71
Title: Re: على ذمة عمر البشير (رئيسكم).........
Author: Amira Elsheikh
Date: 01-02-2011, 08:25 AM
Parent: #36
Quote: عودا حميدا اميرة...
لو جمعوا كل خطابات هذا الرجل في كتاب، فسوف يكون حتما أسوأ كتاب ينشر
في التأريخ. وبعدين لاحظي أيضا سرعة الإنكسار من خطاب لخطاب وسرعة الإنحدار في اللغة
والرقصات الشتراء الغريبة (لاحظي حركات الساقين والإنحناءة والعصا الحزينة).
وبجدية تامة اتساءل: كيف لرجلٍ قاتلٍ وممزق لوطنه شر ما تمزيق وسارقٍ ويواجه
تهما فظيعة أن يرقص؟؟؟ يااخي نحنا البسيطين (من الشعب السوداني) الواحد يخجل يرقص
في عرس بنتو. ياااخي والله الرقيص دة لازم نشرع ليه في قانون العقوبات السوداني ونجرمو
ونعاقب من يرقص على جثث ضحاياه بالجلد 100 جلدة وبرضو على انغام صقيرااا حااام....
ظالمٌ إختارَ مكمن قبره
واجمٌ حيرانَ
يرقصُ كالنساء..
لقد ذبحنا البشير والله ذبحنا بسكينة بصل! |
اساذنا عبدالاله زمرواى ....تحياتى.....
فكرة جمع خطابات الريس دى فكرة جهنمية قريبة لفكرة الهارت اتاك حقت هدير الزين ..
بس الزول الحيجمعها ويعمل ليها انليسز هو الحيصاب بالهارت اتاك ,,,,
الزول دا اليرقص رقيصو لكن ما لكن مايفتى فى اى حاجة تانية
ودا طلبنا الوحيد
لانو اى طلبات تانية متعلقة بالحريات واحترام حقوق الانسان وشنو وشنو دى هو ما شايلها حسب خطاب القضارف
|
Post: #70
Title: Re: على ذمة عمر البشير (رئيسكم).........
Author: Amira Elsheikh
Date: 01-02-2011, 08:02 AM
Parent: #35
Quote: بت الشيخ
سلامة الوصول ياخ!!
بس المحيرني.(لغاية أمس ما عندك نية كتابة)
الحاصل شنو؟؟
يكون عمر البشير (جغمس تاني ولاّإيه؟)!!
ههههههه |
والله ياهوارى لحدوووووت اسى ماعندى نية كتابة لكن تقول شنو........
عمر البشير بقت الجغمسة عندو تخصص رسمى وشعبى ِ
تحياتى وتسلم يازول
|
Post: #69
Title: Re: على ذمة عمر البشير (رئيسكم).........
Author: Amira Elsheikh
Date: 01-02-2011, 07:59 AM
Parent: #34
Quote: يا اميرة
سلام
الراجل ده يوم واحد و يلحق أخوه الطيب سيخة
خلاص إتلحس |
حسن الطيب ...سلام ...
الانقاذ دى شيطان بسبعة ارواح من جات كل يوم بنقول خلاص قرررببب واهو الحال فى حالو ,,,,
غايتو كابوس وربنا يزيلو ِ
|
Post: #67
Title: Re: على ذمة عمر البشير (رئيسكم).........
Author: Amira Elsheikh
Date: 01-01-2011, 07:11 PM
Parent: #32
Quote: اميرة الشيخ متى العودة واهلا بعودتك
بس من قال ان لعمر البشير ذمة ....
بس برضو احمدى ربك انك اليوم لاسمعتى ولاشاهدتى الترابى على البى بى سى
كان الوجه الآخر للبشير الذى صنعه ... أي صنمه ...
والترابى في حديثه من الانظمة الدكتاتورية
وهزله من كل دكتاتور ومصيره ...
لقد كان نسخة اخرى من النمرود ذلك الذى يحيى ويميت ...
لكن تغزله في علاقة انسانية مع انسان الجنوب ... وليس السلطة في الجنوب بعد الانفصال
ذكرنى بقصة سيدنا عمر حين أكله لصنمه وقتله لابنته ....
قبل اسلامه |
مرحبتين يابدر الدين الامير ....
الترابى وعمر البشير وكل كوادر الاسلامين وجهين لعملة واحدة
واصبحنا كالمستجير من الرمضاء بالنار
خطابات الترابى لا تحرك فينى ساكن ولا اتفاعل معها اطلاقا
اما خطابات البشير اصبحت تثير الضحك والقرف فى ان واحد
منو البشير ومنو الترابى ؟؟؟
|
Post: #64
Title: Re: على ذمة عمر البشير (رئيسكم).........
Author: Amira Elsheikh
Date: 01-01-2011, 06:43 PM
Parent: #27
Quote: هسة لو كنتو خليتوني كملت الحملة بتاعتي بتاعة رئيس وسيم
ماكان هسة تكونو في نعيم؟ |
ياروووو انت براااااااااااك انسحبتى من الحملة
والله نحن كنا بنقاتل لاخر دقيقة ورفعنا قوائم المرشحين وبقوة عين شديدة
لما جكس المنبر بقى يتضاير مننا واتحسس ...
ومازلنا فى انتظار الرئيس الوسيم شكلا وفكرا
------------------------------------------------
المكاشفى سأل منى عديييييييييل كدا يارو ؟
ما من خلف حجاب ؟
|
Post: #63
Title: Re: على ذمة عمر البشير (رئيسكم).........
Author: Amira Elsheikh
Date: 01-01-2011, 06:39 PM
Parent: #26
Quote: ياخ انا من خطاب القضارف المتعني فيهو متعة السنين بقت خلاص مكتفي ومعفي من حضور خطابات البشير
بقرار من الطبيب |
كيكى التفكيكى ....
والله قرييييت كركبتك وتفكيكك لخطاب القضارف الماجايب حقو
وكل ما تشرق شمس يوم جديد زولنا دا بطنبجها زيادة ....
والله نحن محتاجين حبوب انتى خطابات البشير وزول تانى اسمو الخضر والى الخرطوم
اجارك الله ....
ياكيكى والله الناس هناك ما شغالة بخطابات البشير دى لانها ماجايبة حقها
الناس مشغول باسعار اللحمة والدقيق والخضار والزيت
كيلو اللحمة ب20جنيه ياكيكى
كيلو الدقيق 3 جنيه ونص والزيت ستة جنيه وهكذا انا من شدة ما قعدت فى البيت
كتير ومشيت مع امى السوق قررررربت اجن من غلا الحاجات تقول لى خطاب عمر
البشير؟؟
عندو نفس يفتى فى احوال الاسرة ونحن الاسرة عندنا ماقادرة تجر نفسها
|
Post: #62
Title: Re: على ذمة عمر البشير (رئيسكم).........
Author: Amira Elsheikh
Date: 01-01-2011, 06:32 PM
Parent: #25
Quote: اها دى من اسرة (دغمسة)
والفرق بينهم كم بحساب الربح والخسارة
وايضا معزرة
لو فكيتى لى طلاسم المعانى والله ادعو ليك
ربنا يحفظك ويقويك ويسدد خطاك
وكمان لو حابب احشر او احشو المفردتين ديل فى الونسة
كمثال توضيحى يعنى اقول شنو مثلا
|
قاسم يامهدواى ...حبابك عشرة....
جغمسة ياها من اسرة دغمسة وفى رواية اخرى بت عمها لزم ...
الجغمسة الكلام المامفهوم وماواضح وفى ورواية اخرى ملولو
حبوبتى الله يرحمها لما كنا ندخل الممطبخ ونعمل حاجة ما راكبة عدلها
تقول لينا دة جغمسة شنو يا بناتى وتعيد الحاجة تانى من اول جديد....
اها حكومة المؤتمر الوطنى دى من اولها لاخرها جغمسها ودغمسها مامعروف
اولها من اخرها ..
|
Post: #58
Title: Re: على ذمة عمر البشير (رئيسكم).........
Author: Amira Elsheikh
Date: 12-31-2010, 08:25 PM
Parent: #23
Quote: بقيت أسأل الله يقيف من خطاباتو الجماهيرية دي عشان عيون العرب الساخرة تاني يوم في المكاتب والشوارع
رغم ان قرفهم فايتنا بى مراحل |
ياعمران يا صالح انت متفائل شديد الخطابات الجماهيرية اصبحت المتنفس
لسعادة الريس بالاضافة لفقع مرارتنا ..وبعدين الخطابات دى حتى لوقف ردودالافعال ماحتقيف ولا حتتغير
يادوب حتسبك وتبقى صالحة لكتاب الدراما والمسلسلات التاريخية
كدى اتخيل معاى مسلسل اسمو عمر اليشير حيكون عامل كيف? ..
هو المرارة دى بتتفع كم مرة يا عمران يا اخوى
|
Post: #51
Title: Re: على ذمة عمر البشير (رئيسكم).........
Author: Amira Elsheikh
Date: 12-31-2010, 06:50 PM
Parent: #21
مها عبدالله ......سلام ...
الغريبة بعين قووووية بتكلم عن تكوين الاسرة
وهو من ساهم فى تشريد وتفكك الاسرة سواء بمايسمى بالصالح العام
او سرق قوت المساكين وسحب الدعم عن العلاج والتعليم وصار الشعب
المسكين فى حيرة من امره ....وهو مستمر فى كذبو
|
Post: #54
Title: Re: على ذمة عمر البشير (رئيسكم).........
Author: Alshafea Ibrahim
Date: 12-31-2010, 07:34 PM
Parent: #51
ياأميرة
أنتِ ذاتك "تبالغين " والله, فى كم قناة سودانية تانية , لزومو شنو تصاقرى السيد الرئيس وتقيفى ليو فى حلقو؟!
السيد الرئيس , مافى أى زول مالى عينو عشان يعمل حساب لـ لغة خطاباتو ولايراعى ماتبقى لينا من مشاعر , شوفى خطاب القضارف,عليك الله مابقنعك أنو مافى أمل ؟
أستعينوا بالصبر والصلاة .
________________
ثم مشتاقين والله
شكرن اميرة وضيوفها
عام سعيد
الشفيع
|
Post: #94
Title: Re: على ذمة عمر البشير (رئيسكم).........
Author: Amira Elsheikh
Date: 01-04-2011, 01:15 PM
Parent: #54
Quote: ثم مشتاقين والله
شكرن اميرة وضيوفها
عام سعيد
الشفيع |
الاستاذ الشفيع ابراهيم ....
تسلم وشايفاك عجبك كلام ندوش بالله ادفع ليها الاتعاب وماتنسى تعمل لينا CC من الاتعاب
كل سنة وانت طيب ثم مشتاقين والله
|
Post: #55
Title: Re: على ذمة عمر البشير (رئيسكم).........
Author: Amany Elamin
Date: 12-31-2010, 07:35 PM
Parent: #51
أميره الماشويه,
كل سنه وانتي بخير وصحه وسعاده,
|
Post: #57
Title: Re: على ذمة عمر البشير (رئيسكم).........
Author: ايمن التاج
Date: 12-31-2010, 08:13 PM
Parent: #55
يابت الشيخ
سلام وتحايا وعاسعيد عليك وعلى اسرتك
انا ما عارف لكن كل ما امع الزول بتحير وبغلبني اقول اي حاجه .. قدر ما تتخيلي انو في غباء في الدنيا دي .. تلقي الزول ده نوعه مختلف .. غايتو الله يعين العباد على مصائب الزمان . وده اكبر واحد فيهم .. السيد الرئيس ده ..
يا اخي غايتو كل سنه والناس بخير
تحايا
ــــــــــــــــــــــــــــــــــ
ايمن تابر
|
Post: #59
Title: Re: على ذمة عمر البشير (رئيسكم).........
Author: MOHAMMED ELSHEIKH
Date: 12-31-2010, 08:37 PM
Parent: #57
| Quote: لديّ إحساس بقرب رحيله عن دنيانا .. |
الشلقيني الوردة الحمراء الفي البروفايل بتاعك دي لطشتها من د.مصطفى محمود؟
شكلك لم تأتي لحوار
|
Post: #61
Title: Re: على ذمة عمر البشير (رئيسكم).........
Author: طارق الكوتش
Date: 01-01-2011, 06:11 PM
Parent: #59
اووووووووه بت الشيخ
ياخ المنبر نووووووور
سلامات وحمد الله على سلامة العوده
لك من الشوق كميات
اهلا بك وبكتاباتك الجميله
وكل سنه وانت وجميع افراد اسرتك فى الف عافيه
|
Post: #73
Title: Re: على ذمة عمر البشير (رئيسكم).........
Author: الفاتح شلبي
Date: 01-02-2011, 01:53 PM
Parent: #61
| Quote: خطابات عمر البشير فى الفترة الاخيرة (نسأل الله السلامة) |
بت الشيخ إزيك
جايبينه كمان مباشر فى التلفزين؟
وااااااااا فضيحتاهـ
عشان كدهـ فى شعور عام بانه سودانيتنا نازلة لي تحت زي جنيهنا
Icon:
|
Post: #99
Title: Re: على ذمة عمر البشير (رئيسكم).........
Author: Amira Elsheikh
Date: 01-05-2011, 10:45 AM
Parent: #73
Quote: جايبينه كمان مباشر فى التلفزين؟
وااااااااا فضيحتاهـ |
الفاتح شلبى ..سلااام ..
مباااااااااااااشر وفى كل التلفزيونات ..يعنى ماتلفزيونا بس ....
|
Post: #74
Title: Re: على ذمة عمر البشير (رئيسكم).........
Author: معاوية المدير
Date: 01-02-2011, 02:10 PM
Parent: #61
Quote: لو جمعوا كل خطابات هذا الرجل في كتاب، فسوف يكون حتما أسوأ كتاب ينشر
في التأريخ. |
يا جماعة عبد الإله ده ببالغ، واللآ شنو؟
علي اليمين يكون امتع كتاب ينشر في التاريخ.
ويا كتب جحا، وود نفاش إياااها البورة الضربتكن...
سلآم يا بت الشيخ، وحمدًا لله علي السلآمة.
معليش مشية السودان دقت في العرآضة...
|
Post: #76
Title: Re: على ذمة عمر البشير (رئيسكم).........
Author: طارق جبريل
Date: 01-02-2011, 10:25 PM
Parent: #74
ياخي كيفنك
عمر البشير دة جليهو
دة خرف زماااااااااااااان
|
Post: #77
Title: Re: على ذمة عمر البشير (رئيسكم).........
Author: معاوية الزبير
Date: 01-02-2011, 11:08 PM
Parent: #76
يا طارق كلامك دا كان تقولو هناك في (الإسم) على قول أخوانا المصريين
مشتاقين ياخ وفرحانين لي مشيتك السودان
------------------
أميرة الشيخ يا مناضلة الكيبورد .. هوني عليك يا أختاه
بتكتلي روحك بالطريقة دي
انتي شفتي حاجة .. انتظري الانفصال يتم والجماعة يستفردوا بالجزء الشمالي
الجزء الشمالي من أي حاجة ، اليمين دا حقهم طبعا
|
Post: #78
Title: Re: على ذمة عمر البشير (رئيسكم).........
Author: وليد عبد اللطيف
Date: 01-03-2011, 07:02 AM
Parent: #77
Quote: يابت الشيخ حمدلله على السلامه ومشتاقين والله ,,
إنشاء الله خليتى ناس أمك وأخوانك كلهم بخير , |
|
Post: #79
Title: Re: على ذمة عمر البشير (رئيسكم).........
Author: saif massad ali
Date: 01-03-2011, 08:22 AM
Parent: #78
اميرة بت الشيخ
هو ماشي بعيد ليش
مايمشي القضارف
عشان الوالي كرم الله يوريهو ليهم داخل المؤتمر الوطني
وكمان تبادل ازواج معاها
|
Post: #82
Title: Re: على ذمة عمر البشير (رئيسكم).........
Author: البدري عبد الله
Date: 01-03-2011, 10:35 AM
Parent: #79
اخيتنا بت الشيخ
السلام عليكم ورحمة الله
حمدا لله على السلامة وكل سنة وانت طيبة ...
كلام رئيسنا ما بناباهو ..لكن الفيك اتعرفت
|
Post: #102
Title: Re: على ذمة عمر البشير (رئيسكم).........
Author: Amira Elsheikh
Date: 01-05-2011, 11:00 AM
Parent: #77
Quote: انتي شفتي حاجة .. انتظري الانفصال يتم والجماعة يستفردوا بالجزء الشمالي
الجزء الشمالي من أي حاجة ، اليمين دا حقهم طبعا |
معاوية الزبير ..سلام ..الله لا شوفنى اكتر مما شفت ...
ماسى الانقاذ دى تانى ما حتتكرر ولو دا حصل لازم التاريخ يكتب كان هنا شعب اسمه السودان
تحياتى
|
Post: #101
Title: Re: على ذمة عمر البشير (رئيسكم).........
Author: Amira Elsheikh
Date: 01-05-2011, 10:55 AM
Parent: #76
Quote: عمر البشير دة جليهو
دة خرف زماااااااااااااان |
جليت جليت جليناهو .....والله لو بالساااااااااااهل كدا نجلى
لكن صعب ياود جبريل وبراك شفت الحاصل بعينك فى البلد من غير تذويق ولا مساحيق تجميل اسفيرية
|
Post: #100
Title: Re: على ذمة عمر البشير (رئيسكم).........
Author: Amira Elsheikh
Date: 01-05-2011, 10:50 AM
Parent: #74
Quote: يا جماعة عبد الإله ده ببالغ، واللآ شنو؟
علي اليمين يكون امتع كتاب ينشر في التاريخ.
ويا كتب جحا، وود نفاش إياااها البورة الضربتكن...
|
i agree with you
Quote:
سلآم يا بت الشيخ، وحمدًا لله علي السلآمة.
معليش مشية السودان دقت في العرآضة... |
معاوية المدير تحياتى وكل سنة طيب .
.مشية هوارى دقت فى القائم الايمن وسيف الكامل فى الايسر وهكذا يعنى مابراك ..
غايتو انا زعلانة منكم
|
Post: #98
Title: Re: على ذمة عمر البشير (رئيسكم).........
Author: Amira Elsheikh
Date: 01-05-2011, 10:33 AM
Parent: #61
Quote: اووووووووه بت الشيخ
ياخ المنبر نووووووور
سلامات وحمد الله على سلامة العوده
لك من الشوق كميات |
طارق الكوتش ..سلاااااام....
ياخ تسلم على الترحيب الحار وكل سنة وانت طيب ولك الود
|
Post: #97
Title: Re: على ذمة عمر البشير (رئيسكم).........
Author: Amira Elsheikh
Date: 01-05-2011, 10:30 AM
Parent: #57
سلاااام يا ايمن تابر وكل سنة وطيب ....
المهم نقول اللهم اجرنى فى مصيبتنا دى
|
Post: #95
Title: Re: على ذمة عمر البشير (رئيسكم).........
Author: Amira Elsheikh
Date: 01-04-2011, 01:17 PM
Parent: #55
Quote: أميره الماشويه,
كل سنه وانتي بخير وصحه وسعاده, |
You to
miss you ya bit
|
Post: #83
Title: Re: على ذمة عمر البشير (رئيسكم).........
Author: عادل الباهي عبدالرازق
Date: 01-03-2011, 10:49 AM
Parent: #1
الاخت أميره
تحياتي
كنت قد أستمعت لخطاب للبشير في بدايه التسعينات يوم 1 يناير من قاعه الصداقه بمناسبه عيد الاستقلال كان خطاب موزون وتحدث أن البلد تفتح زراعيها لابنائها المعارضين وفي يوم 2 يناير أيضا أستمعت لخطابه بمناسبه أفتتاح ميناء بشائر بسواكن بعد ما أخذ ليهوا عرضه عرضتين مع قيقم قام قال والله المعارضين لوعاوزين يجوا داخلين البلد دي الا يغتسلوا في بحر سواكن دا من الوقت داك الزول عرفتوا لاعندوا مستشار أعلامي ولا نيله زول قاعد في السهله ساكت .
|
Post: #86
Title: Re: على ذمة عمر البشير (رئيسكم).........
Author: saif massad ali
Date: 01-03-2011, 03:33 PM
Parent: #83
|
|