Post: #1
Title: نحو خمس البريطانيين سيبلغون مئة عام او اكثر! حديد إنجليزى موش كتبلاص زينا!
Author: jini
Date: 12-30-2010, 03:51 PM
Quote: نحو خمس البريطانيين سيبلغون مئة عام او اكثر
معمرات بريطانيات
مخاوف من ضغوط على نظام الصحة والتقاعد
تشير الارقام الحكومية البريطانية الى ان نحو خمس من يعيشون في البلاد ستصل اعمارهم، او ربما، تتجاوز مئة عام.
وتقول دائرة العمل والتقاعد البريطانية ان الارقام تشير الى وجود نحو عشرة ملايين من سكان البلاد، اي نحو 17 في المئة، سيصلون الى عمر مئة عام.
واستخلصت هذه النتائج من تنبؤات احصائية تم الوصول اليها من خلال تحليل ارقام ومعطيات صدرت من دائرة الاحصاء الوطني البريطانية حول متوسط الاعمار في بريطانيا.
وقال الوزير المسؤول شؤون التقاعد ستيف ويب ان الارقام "مدهشة"، وجعلت قضية اصلاحات التقاعد امرا ضروريا.
واضاف ان "الملايين منا سيقضون نحو ثلث اعمارهم في التقاعد مستقبلا"، موضحان ان الحكومة مصممة على اصلاح نظام التقاعد لجعله مرنا وقابلا للاستمرار على المدى البعيد.
وتتنبأ الارقام الحكومية ان يصل عدد من يبلغون مئة عام او اكثر بحدود نصف مليون شخص بحلول عام 2066، منهم نحو 7700 يصلون الى 110 اعوام، وهم ما يعرفون باسم المعمرين السوبر.
اما الارقام الحالية فتشير الى ان ما يقرب من 11800 شخص يعيشون في بريطانيا بلغت اعمارهم مئة عام، واقل قليلا من مئة شخص بلغت اعمارهم اكثر من 110 اعوام.
وتقول ارقام الحكومة ان هناك ما يقرب من عشرة ملايين شخص ستصل اعمارهم الى مئة عام، ونحو ثلاثة ملايين تبلغ اعمارهم اقل من 16 عاما، ونحو 5,5 مليون شخص تترواح اعمارهم بين 16 الى 50 عاما، ونحو 1,3 مليون شخص تترواح اعمارهم بين 51 الى 65 عاما.
اما عدد من تجاوزت اعمارهم 65 عاما فبلغوا قرابة 875 ألفا.
وهناك مخاوف حكومية من تزايد الضغوط على النظام التقاعدي ونظام الرعاية الصحية بسبب زيادة متوسط اعمار البريطانيين بشكل ملحوظ.
|
|
Post: #2
Title: Re: نحو خمس البريطانيين سيبلغون مئة عام او اكثر! حديد إنجليزى موش كتبلاص زينا!
Author: Frankly
Date: 12-30-2010, 03:59 PM
Parent: #1
وإنت فرحان أوي يا برعي؟
الخبر سلبي بكل ما تحمل الكلمة من معنى بالنسبة للبريطانيين خاصّة وبالنسبة للأوربين عامّة وهو خطر شيخوخة أوروبا وهو أخوف ما تخافه المؤسسات الإجتماعية والإقتصادية والتنموية والدينية
وعند عقد مقارنة بنسبة الأعمار عند المسلمين في داخل أوروبا تعرف بعض السبب الذي يذهب العجب
بعضهم يخشى من أسلمة أوروبا نسبة لهذه الشيخوخة التي تصيب المجتمعات الأوروبية
فحتى المسلمين من الأوربيين يكونون أسر ذات تعداد يفوق تعداد المعدل من بني جلدتهم
كدا كيف معاك؟
|
Post: #3
Title: Re: نحو خمس البريطانيين سيبلغون مئة عام او اكثر! حديد إنجليزى موش كتبلاص زينا!
Author: jini
Date: 12-30-2010, 04:03 PM
Parent: #2
Quote: وإنت فرحان أوي يا برعي؟
الخبر سلبي بكل ما تحمل الكلمة من معنى بالنسبة للبريطانيين خاصّة وبالنسبة للأوربين عامّة وهو خطر شيخوخة أوروبا وهو أخوف ما تخافه المؤسسات الإجتماعية والإقتصادية والتنموية والدينية
وعند عقد مقارنة بنسبة الأعمار عند المسلمين في داخل أوروبا تعرف بعض السبب الذي يذهب العجب
بعضهم يخشى من أسلمة أوروبا نسبة لهذه الشيخوخة التي تصيب المجتمعات الأوروبية
فحتى المسلمين من الأوربيين يكونون أسر ذات تعداد يفوق تعداد المعدل من بني جلدتهم
كدا كيف معاك؟ |
ويا مرعى انا بغران من الاهتمام بالصحة شوف شكل الناس الفى صورة دى!
انت لو لقيت لى عمر زى دا تقضيهو تسبيح بطال معاك!
باقى موضوعك ما بلزمنى لانى ممكن ارد عليهو رد يحيرك!
جنى
|
Post: #4
Title: Re: نحو خمس البريطانيين سيبلغون مئة عام او اكثر! حديد إنجليزى موش كتبلاص زينا!
Author: Elawad
Date: 12-30-2010, 04:47 PM
Parent: #3
شنو يا مرعي و برعي ياخي ما تهدو اللعب ربنا يهدينا و يهديكم.
و فعلا الخبر يدل على مدى العناية بصحة الناس و يجعلنا نأسى لحال الناس في بلادنا. و برضه أكيد عنده إنعكاسات أخرى.
|
Post: #5
Title: Re: نحو خمس البريطانيين سيبلغون مئة عام او اكثر! حديد إنجليزى موش كتبلاص زينا!
Author: jini
Date: 12-30-2010, 05:38 PM
Parent: #4
Quote:
شنو يا مرعي و برعي ياخي ما تهدو اللعب ربنا يهدينا و يهديكم.
و فعلا الخبر يدل على مدى العناية بصحة الناس و يجعلنا نأسى لحال الناس في بلادنا. و برضه أكيد عنده إنعكاسات أخرى. |
شابكنى يا برعى قولنا ليهو مرعى!
اخونا مرعى دا لو الموضوع عن الكنجرو برضو يدخل الاسلام وعلى احسن الظروف زى المصريين اى موضوع عن السودان ينظروا ليهو بعيون نيلية!
اوروبا دى يا كافى البلاء ما ممكن تتحول للاسلام بالقناعات!
يعنى تتحول فقط بكثرة هجرات المسلمين وتناسلهم وقلة تناسل الاوربييين طيب الشيخوخة دخلها شنو هم بشتكوا من زيادة الصرف على المسنين وانهم بكبدوا الميزانية ودافعى الضرائب مبالغ باهظة ودى طبعا حيلقوا ليها حل انسانى واخلاقى!
يا اخى معدل العمر عند السودانيين 45 سنة وهو معدل متدنى وماساوى ينبئ عن تدهور الخدمات الصحية ووفاة احد الوالدين فى سن مبكرة مما يؤدى الى اثار سالبة على تربية الابناء وبالذات فى وقت بات فيه السودانيين يتزوجون وهم يقتربون من الاربعين يعنى الواحد يموت بعد شهر العسل مباشرة !
قال رسول الله صلى الله عليه وسلم: { أعمار أمتي بين الستين إلى السبعين، وأقلُّهم من يجوز ذلك }
يعنى السودانيين ليس من امة محمد!! او اقلهم الذى يتجاوز السبعين!
يا عمى ناس جزيرة اكيناوا لمن يموت واحد فيهم فى سن الـ 95 بقولوا عليهو إتختف "جاهل وصغير"!
يا مرعى شغل مخك وفتح عينك تآكل ملبن!
جنى
|
Post: #6
Title: Re: نحو خمس البريطانيين سيبلغون مئة عام او اكثر! حديد إنجليزى موش كتبلاص زينا!
Author: Elawad
Date: 12-30-2010, 06:47 PM
Parent: #5
والله يا جني فاهمك... و كمان ممكن أدعي إنه قاعد أفهمك من العنوان و لو جبت مقال فيه عشرة ألف كلمة بخمن إنت جبته عشان ياتو جملة و تسعين في المية تخميني قاعد يطلع صاح. عشان كدا كان واضح لي جدا غرضك من الخبر دا و الأسى البصيب الواحد لحال أهله.
لكن أخونا فرانكلي خش فيك شمال... واضح جدا دي مخلفات حوار سابق و أنا حبيت تهدوا اللعب... هسع يجي بشاشا يقول جلابي مستهبل ما داير أهله يتشاكلوا.
ذكرتني بحكاية ناس جزيرة اكيناوا ديل أول ما جيت كندا واحد بتكلم عن زول كان بشتغل لحام و ما بتبع إجراءات السلامة و قال الزول دا مات صغير جدا في خمسيناته ولا ستيناته... والله أول قايله قاعد يهزر.
|
Post: #7
Title: Re: نحو خمس البريطانيين سيبلغون مئة عام او اكثر! حديد إنجليزى موش كتبلاص زينا!
Author: Bashasha
Date: 01-01-2011, 10:06 PM
Parent: #6
| Quote: هسع يجي بشاشا يقول جلابي مستهبل ما داير أهله يتشاكلوا. |
العوض شلوم،
بحمده، في اسرتنا فوق للمية عادي!
جدي رحل فوق لل106 اختو فوق لل110 في تاريخنا القديم اشتهرنا كسودانيين مش نوبيين علي نطاق ذاك العالم بطول العمر الكان خرافي بي مقاييس اليوم!
نقاء البيئة، الاكل من الارض النقية والماء النقي، مباشرة، فوق للحياة الشاقة جسديا، او قبلها راحة البال، او دفئ العشيرة في الاسرة الممتدة، بالاضافة للجينات، كلها ادت الي ظاهرة التعمير في دنقلا في الماضي.
|
Post: #8
Title: Re: نحو خمس البريطانيين سيبلغون مئة عام او اكثر! حديد إنجليزى موش كتبلاص زينا!
Author: Mustafa Muckhtar
Date: 01-01-2011, 10:56 PM
Parent: #7
| Quote: [بحمده، في اسرتنا فوق للمية عادي! ] |
الله يمد في عمرهم يا بشاشا..
لكن بالنسبة للسودان كله متوسط العمر 45 سنة.. الناس بتموت قبل يومها..
في بريطانيا الناس في المتوسط بتعيش 40 سنة أكثر من كده
المحيرني أخونا فرانكلي زعلان ليه..
يا خي انتو أعماركم قصيره.. بعني حتنكحوا الحور العين بدرى
و الا ايه يا مرعي؟؟؟!!!
|
Post: #9
Title: Re: نحو خمس البريطانيين سيبلغون مئة عام او اكثر! حديد إنجليزى موش كتبلاص زينا!
Author: Elawad
Date: 01-02-2011, 01:53 AM
Parent: #8
Quote: العوض شلوم،
بحمده، في اسرتنا فوق للمية عادي!
جدي رحل فوق لل106 اختو فوق لل110 في تاريخنا القديم اشتهرنا كسودانيين مش نوبيين علي نطاق ذاك العالم بطول العمر الكان خرافي بي مقاييس اليوم! |
و عليكم السلام و رحمة الله يا بشاشا
ربنا إن شاء الله يديك زي عمرهم و أطول في طاعته. بس أعمل حسابك يا بشاشا من الخرف والله يتخيل لي إنت خرفك بكون صعب شديد.
|
Post: #10
Title: Re: نحو خمس البريطانيين سيبلغون مئة عام او اكثر! حديد إنجليزى موش كتبلاص زينا!
Author: Bashasha
Date: 01-02-2011, 03:21 AM
Parent: #9
Quote: يا خي انتو أعماركم قصيره.. بعني حتنكحوا الحور العين بدرى
و الا ايه يا مرعي |
مصطفي سلامي،
طبعا الحور العين في وعي ديدان الوهابية من ذنوجة الاعراب، هن النساء البيض تحديد!
شفتا زي ده؟
والاغرب حقيقة هو الاستشهاد للفوذ بالغلمان!
لا وجود لرغائب غرائزية، شاذة، علي هذا النحو في مرجعية ثقافتنا الكوشية، الافريقية!
|
Post: #11
Title: Re: نحو خمس البريطانيين سيبلغون مئة عام او اكثر! حديد إنجليزى موش كتبلاص زينا!
Author: Mohamed Yassin Khalifa
Date: 01-02-2011, 07:00 AM
Parent: #10
| Quote: والاغرب حقيقة هو الاستشهاد للفوذ بالغلمان! |
بالغت يا بشاشا فوكها!
بس بيني وبينك... بـ متل تفكير ناس فرانكلي ديل الواحد مفروض عليه مايستبعد
|
|