الوهابي الارهابي ....

الردود في البوست علي مسئولية صاحبها ..

يعني زي ما قال ابليس :

لا تلوموني ولوموا أنفسكم ماأنا بمستصرخكم وما أنتم بمستصرخي

خبراء ومسؤولون سعوديون يطالبون بـ«إصلاح» المناهج الدراسية بعد أن اتهمتها أوساط غربية بتشجيع التطرف الديني.

دعا خبراء ومسؤولون سعوديون اجتمعوا على مدى ثلاثة ايام للنظر في وضع التعليم في المملكة في اطار «اللقاء الوطني السادس للحوار الفكري» الخميس الى اصلاح برامج التعليم المتهمة في الغرب بتشجيع عدم التسامح والتطرف الاسلامي.

واكد المشاركون في ختام لقائهم الذي كانت بدأت اولى حلقاته في 2003 «ضرورة مراجعة واقع التعليم وتبني استراتيجية وطنية مشتركة لتطوير التعليم العام والعالي والفني بجميع مكوناته وعناصره ترتكز على التطورات الاقتصادية والاجتماعية والسياسية والمتغيرات المحلية والعالمية».

واضاف المشاركون ان هذه الاستراتيجية «تتضمن مراجعة لسياسة التعليم والاستمرار في مراجعة المناهج والمقررات الدراسية وتطويرها والارتقاء بالمستوى الوظيفي للمعلمين والمعلمات واعضاء هيئة التدريس».

ومع تأكيد ان «الاسلام (...) هو المنطلق لمنظومة التعليم» في السعودية فقد رأى المشاركون في الحوار ان «ثمة متغيرات عالمية تستلزم مراجعة واسعة ورؤية جديدة لتطوير التعليم».

وستتم احالة توصيات هذا اللقاء الذي تم في مدينة سكاكا (شمال) الى وزارتي التربية والتعليم العالي في المملكة.

وكانت صحيفة «عكاظ» السعودية اشارت في تشرين الاول/اكتوبر الى ان المملكة ستدخل بداية من العام الدراسي المقبل، اصلاحات على تعليم الدين في المدارس الابتدائية والثانوية في السعودية.

======================
المصدر: ميدل ايست اونلاين - « الرياض »

علماء السعودية يحذرون من تعديل المناهج التعليمية
نشر 03 كانون الثاني/يناير 2004 - 02:00 GMT
وقع نحو 150 سعوديا بينهم قضاة وأساتذة جامعة ورجل دين له علاقة بمتشددين اسلاميين على وثيقة تحذر المملكة من تغيير المناهج التعليمية بالمدارس والتي تستند الى الدين الاسلامي.

والتحذير تم توقيعه في الاول من كانون الثاني/ يناير جاء بعد يوم واحد من توصية قدمها مثقفون ورجال دين وشخصيات بارزة سعودية تطالب باجراء اصلاحات في التعليم في نهاية مؤتمر عقد لمعالجة جذور التشدد.

وتكافح السعودية ضد موجة هجمات يشنها اشخاص يشتبه في انهم متشددون اسلاميون يعتقد انهم على صلة باسامة بن لادن زعيم تنظيم القاعدة. وأدت الهجمات الانتحارية الى سقوط اكثر من 50 قتيلا منذ ايار / مايو عام 2003 .

وفي تشرين الاول/ اكتوبر بدأ مسؤولو وزارة التعليم السعودية حذف اشارات في المناهج يرون انها تشجع على التشدد.

واتفقت السعودية وخمس دول خليجية اخرى الشهر الماضي على اصلاح الكتب المدرسية للمساعدة في القضاء على التشدد.

وانتقد التحذير التغييرات المقترحة في المناهج الدراسية باعتبارها رضوخا لضغط اميركي وشروع "في سياسة تجفيف منابع الدين ... بوحي من قوى الكفر العالمي".

وقال البيان "ان حذف أو تشويه ما كتبه علماء الاسلام وأئمة الدعوة من كتب ظهرت بركتها وعم نفعها لاجيال متعاقبة يأتي عكس التوجه الذي تنادي اليه الدولة وتحتاجه أشد الحاجة وهو تثبيت الولاء بمقتضى العقيدة".

وانتقد الاصلاحيون في المملكة التحذير. وقال اصلاحي طلب عدم نشر اسمه ان البيان محاولة من جانب المتشددين الذين يستفيدون من الوضع القائم للاحتفاظ بنفوذهم.

ومن بين الموقعين على البيان الشيخ سفر الحوالي وهو رجل دين له علاقة بمتشددين اشارت تقارير الى انه شجع بعضهم على الاستسلام للشرطة. ومن بينهم ايضا ناصر العمر وهو استاذ بجامعة اسلامية وعبد الله بن جبرين المرجع الديني السابق.

© 2010 البوابة (www.albawaba.com)

الوهابية كطائــفة اسلاميــة ( اُتهِمت ) بتشجيع التطرف ...
اغلب السلفيين ينكرون كلمة وهابيـــة التي تعني الانتماء لطريقة او مذهب محمد بن عبد الوهاب ويصّرون على تسميتهم بالسلفية
أي اتباع السلف الصالح....
الوهابيـــة اسياد الجلد والراس ما ناكرينها ويقول الشيخ محمد مجدد الدعوة في رأس المائة عام كما بشر بلك المصطفي
انه علي راس كل قرن سيأتي من يعيد الدين لحظيرته الاولي

فما بالكم يا قوم ...



اواصل>>>>>

بالمناسبة :
عندي مشكلة في الكيبورد بالبيت ونتي زفت
اي كلمة ما مفهومة بيكون وقع منها حرف

تموها خيال بس ...

واوعدكم اني حا احترم نفسي وما انب زول ( بليييييييز)

ــــــــــ
تضحك العلب

أول مما جاء محمد بن عبد الوهاب أرسل رسائله انه الدين فيهو بدع كتيرة ودعى الناس انهم يحاربو البدع دي
ومن ضمن البدع حسب منظورو القباب ومساجد الصحابة ومسجد زوجة النبي الكريم الطاهرة العفيفة - عائشة بنت الصديق - وكان الناس بيزوروها لكي يستعيدو جمال زمنٍ مضي
ما كان فيهو لا نت لا فيديو عبر اليوتوب لا تلفزيون بلازما .. ويعرفوا كيف الناس دي قاست شظف العيس وقسوة الحياة عشان يوصلوا الدعوة

االوهابية المتخمين الآن بثروات البترول حتي حد التخمة - لقو انه دا ممكن يصرف الناس عن عبادة الله - وانه بدعة ووصو اتباعهم بازالة هذه الضلالات ومحاربة من لا يمت للوهابية
الوهابية ( اللي هي مجددة الاسلام في القرن البعدو ) مُش كدة وبس بل بمقاتلتهم وسبي نسائهم لانهم يحق فيهم قول انهم ديار كفر

ــــــــــ
والعاوز اليقول عوووك بنزل ليهو مراسلات محمد بن عبد الوهاب مع الملك سعود وغيرهم من امراء الحجاز


اواصل >>>>>>

الأخ/ حيدر الزين

سلام

تعديل المناهج السعودية خاصة التربية الإسلامية بدأ منذ سنين..

أول تعديل كان في 2005م حيث حذفت فقرات عديدة بمنهج التربية الإسلامية المرحلة الثانوية..
دروس الجهاد.. تعديل كبير فيها..

الملتقى الثالث ربما المقصود به التعديل الثالث..



تحياتي

الاخ عبد العزيز عيسي

سلامات ومرحب بيك

كل الاخبار الانا جبتها بترجع لما قبل عام 2005م يعني 2003 و 2004م
متابع القصة دي وليس مقصودي انها اليوم
لكن مقصودي انه هناك مراجعات في الفكر الوهابي نفسه من اصحاب الشأن - اسياد الجلد والرأس -
فما بال الدخلاء يتحدوا من يصفهم بما وصفوا هم انفسهم به ...

دم بمودة

ود الزين كيف حالك

Quote: ضرورة مراجعة واقع التعليم

قرار صدر من الادراه الامريكيه بعد هجمات سبتمبر

وتم وضعه موضع التنفيذ منذ سنين

كويس انهم بدو ينفذو

حيا الله النشامي !! ههههه

سلامات يا خضر الطيب

وكويس انو بقينا نتفق

شوف يا حبة
الموضوع دا اتطبق من سنة 2005م

إنت قايل حفرة صدام حسين دي اي زول عندو القدرة يجرب يدخلها عشان يجروهو منها ههههه

ـــــــــ

****

stop
لن اواصل الآن ...

مارق برة بجيكم بكرة

ـــــــــــ
وتاني نقول وهابي ارهابي

say whaaat وهابي ارهابي

say whaaat وهابي ارهابي

ماحصل اختلفنا ياحنين

Quote: إنت قايل حفرة صدام حسين دي اي زول عندو القدرة يجرب يدخلها عشان يجروهو منها ههههه

هاي المرجله ؟ ههههههههه

سلام ياود الزين
الفرق الفاصل بين أهل الذوق ( المتصوفة) وبين علماء العقل والنقل وأسوأهم الوهابية هو أن المتصوفة كلما زادوا علما زادوا تواضعا, وذلك لأن المتصوف هدفه تحقيق معنى العبودية والعبودة(والكلمة الأخيرة لابن العربى), أما علماء النقل والعقل وأسوأهم الوهابية يزيدهم العلم تعاليا..
والتعالى يورث الغرور, ثم الزحف نحو السلطة, فإن ملكها أصبح إرهابى وظالم, وإن لم يملكها تزلف للسلطان فاصبح ذليلا, وإن أصبح ذليلا تعقدت نفسه فيصبح كارها للآخر وينتهى إرهابيا بالوكالة.

بوست غير مفهوم من زول غير مفهوم (الزمان والمكان)


-----------------
شكلك كده عايز تقنطر ليك كم كورة كده عشان ناس ود موسى وجماعته يجو يشوتو وضفاري كمان

عامكم سعيد ومبارك

الشفيع ..

إعفص هنا للفهم ..

الوهابى عماد موسى محمد!!

حيدر الزين وضيوفه

أنا سألت عماد موسى دا سؤال واضح جداً، وما جاوبني عليه وأحالني لشيخ كدا في الخرطوم قال لي اتصل بيهو، قلت ليهو يا خ أتصل بيهو وورينا الفتوى ولسة أنا منتظر وبالطبع هو بيكون بيقرا في البوست دا


السؤال كان عن إنو المسلمين الهسة ديل لو حاربوا الكفار وهزموهم فهل من حقهم سبي نسائهم ورجالهم وإتخاذهم رقيقاً (وفي بالي مراسلات عبدالوهاب وسعود.

على العموم شكراً لهذا البوست والذي يصب في التنوير والتوعية

مرحبتين يا الصادق اسماعيل .. وسعيد جداً لمتابعتك للخيط دا

Quote: السؤال كان عن إنو المسلمين الهسة ديل لو حاربوا الكفار وهزموهم فهل من حقهم سبي نسائهم ورجالهم وإتخاذهم رقيقاً (وفي بالي مراسلات عبدالوهاب وسعود.

يا حبيبي ما يجاوبك عماد..
ما بيجاوبك لكن هاك اسمعها مني انا واليجي يقول لي كضاب

عقيدتهم الوهابية حسب ما جاء في فكر ابن عبد الوهاب تجيز ليهم يسبو نساء المخالفين حتي ولو شهدوا ان لا اله الا الله وان محمداً رسول الله
ويستعبدوك انت ات نفسك
ودا القامت عليهو الفكرة لا احد مسلم بحق غيرهم وهم الفرقة الناجية من الطوائف الكم وسبعين

وخلي عماد والا شيخه بتاع الخرطوم اليجي هنا بكل شجاعة ينزل مراسلات بن عبد الهاب ويفسرها لينا


لك التحية

شكرا يا دكتور
عفصنا
وفهمنا
----------------------
انت و ود الزين
مالكم والحاجات دي؟

Quote: الوهابي الارهابي ....

هسى وهبة يكون موقفو شنو؟؟؟

يا باشمهندس

Quote: انت و ود الزين مالكم والحاجات دي؟

تقول شنو!!

على قول ناس الجيش :
السعيد البيشوفها في غيره
و الشقي البيشوفها في نفسه

شكراً يا محمد قرشي ان كفيتني عناء التوضيح للاخ الشفيع وراق

يا الشفيع :

Quote: زول غير مفهوم (الزمان والمكان)

يازول زول غير مفهوم كيف؟؟

الزمان 31/12/2010م
المكان سودانيز اونلاين

ابقي غير مفهوم في عضمي وزماني ومكاني ؟؟؟

والا قصدك شنو
عموماً عشان ما تفتح لي بوست تاني مسلف باسووردي للشيخ الجعلي بتاع كدباس هههههههه


تحياتي يا جميل وطولنا منك

الاخ \ حيدر الزين

تحياتي الطيبة


شكرا لك لليقظة والانتباه لخطر الوهابية وجماعات الارهاب الاسلامي


تعرف منهاج السعودية يعلم التلميذ ان يبغض في الله ؟؟


ووهابية المنبر هنا كفروا وارهبوا من يخالفهم الراي من النساء والرجال

وتشكرات كبيرة للتصدي لهذا الخطر الوهابي الذي اشبهه بالايدز

علينا العمل من اجل فضح هذا الفكر التخريبي للعقول والقلوب

جذور الارهاب فى العقيدة الوهابية

صبري الشريف

Quote: تعرف منهاج السعودية يعلم التلميذ ان يبغض في الله ؟؟

شكلك مالي يدك ومطلع كدي عليك الله جيب لينا نماذج من مناهج السعودية وورينا كيف بتخلي التلميذ يبغض الله ؟

سلامات يا حيدر وكل سنة وانت طيب


قبل ايام بدرس في و لدي تأريخ اوربا الحديث
الساعة الالقى ليك كاتبين انه الارهابين الصرب كتلو الارشدوك
يعني الارهاب دا من الحرب العالمية الاولى
كان زمان الصرب اسع بقو المسلمين
ما في ارهاب من المسلمين ولكن هناك رهاب من المسلمين

مع المودة

سلامات يا دكترة .. وكل سنة انتي والعائلة بخير ..

يا دكتورة المشكلة الحقيقية مُش في نظر الآخر لينا شنو ؟
المشكلة بعتقدها نحن بنعتقد عن نفسنا شنو ؟ وليه وصلنا للحاجة دي
بعضنا بالمناسبة - او بالاصح بعض ولادنا - بينظروا للاسلام بانه ارهابي ودا بينبع من تأثير غسيل المخ البيمارس عليهم من بعض الاعلام الغربي - صبري الشريف نموذج واضح -
يعني صبري كمثال لا عاوز يقرأ لا يعرف لا يتناقش معاك نقاش جدي - بيجي يديك خمسة اكليشيهات معروفة كدة ويتخارج
وفيهم البعض كمان ليهو مصالح سواء مكتسبة او عاوز يكتسبها بالمزيد من كتابتو فبتلقاهو بيقول مالا يؤمن به
وفينا البيبحث بحق عن حقيقة التغبيش العايشة فيهو الامة دي بدون ما يقعد يرمي كلامو علي عواهن الالة الاعلامية الغربية اننا ارهابيين
فيما يخص الغرب
اساسا الغرب دا ما بتعيش ديمقراطيتو دي الا علي علي اساس بعبع يخلقها ويعيش علي انه لازم يتوحد علي محاربتها والا بينتفي اي اساس علي وحدتهم فيما بينهم
وصدق العلي العظيم عندما قال في توصيف حالتهم :
(لا يُقَاتِلُونَكُمْ جَمِيعًا إِلَّا فِي قُرًى مُحَصَّنَةٍ أَوْ مِنْ وَرَاءِ جُدُرٍ بَأْسُهُمْ بَيْنَهُمْ شَدِيدٌ تَحْسَبُهُمْ جَمِيعًا وَقُلُوبُهُمْ شَتَّى ذَلِكَ بِأَنَّهُمْ قَوْمٌ لا يَعْقِلُونَ) الحشر 14

المشكلة انهم ما بيقدرو يعيشو الا ببعض افكار العضراء البيجوا كل يوم يوصفوا ليك ارهابيتنا دي
بل ويؤسسوا ليها دينياً
ووقت تزنقهم يقولوا ليك دا كلام الله والرسول
وحكمة ربنا لفائدة ناس الغرب ديك انه بيتفقوا الملاحدة علي السلفية علي كل الخموم انهم يقولوا كلهم نفس الكلام لتعزيز فكرة ارهاب الاسلام

ربنا يستر بس


***

Quote: هسى وهبة يكون موقفو شنو؟؟؟

وهبة باعترافو - بعضمة لسانو - وهابي وبيدعم بن لادن وكان بينهم مراسلات وقضايا كتيرة مشتركة



والمغالطني يا مكاوي اليسأل اسامة بن لادن

Quote: الفرق الفاصل بين أهل الذوق ( المتصوفة) وبين علماء العقل والنقل وأسوأهم الوهابية هو أن المتصوفة كلما زادوا علما زادوا تواضعا, وذلك لأن المتصوف هدفه تحقيق معنى العبودية والعبودة(والكلمة الأخيرة لابن العربى), أما علماء النقل والعقل وأسوأهم الوهابية يزيدهم العلم تعاليا.. والتعالى يورث الغرور, ثم الزحف نحو السلطة, فإن ملكها أصبح إرهابى وظالم, وإن لم يملكها تزلف للسلطان فاصبح ذليلا, وإن أصبح ذليلا تعقدت نفسه فيصبح كارها للآخر وينتهى إرهابيا بالوكالة.

د. بلة سلامات

من ربنا خلقني وشق سمعي وبصري ما شفت زي تعالي وتكبُر وغرور الاخ عماد موسي..

يآخ اي زول بياخد ويدي في نصيحتك ليهو
لكن زول تنصحو يبلك كدة بدون سبب ما قابلني ...
علي النعمة كلامك اعلاه صحيح وواضح وبيثبتو موقف اخونا دا الاخيــر

أي زول قال ليهو انت غلطان بلاهو ..!!

دا دين شنو دا البيدعو ليهو لو ما كان بيحمل كلمة شكراً لنصيحتك اخي ثم ياتي ليبسط ما حصل له

****
عارف يا دكتور بلة امثال عماد وغيرهم مهما صدقت عزيمتهم لكنهم اول من يطفش الناس من الدين الاسلامي بجفاء طبعهم وجلافة تصرفهم
الدين المعاملة - كما قال -

لك التحية
والتحية لاهلنا الصوفية في كل مكان ممن زادهم العلم تواضع ومودة وحببهم للخلق وحبب الخلق اليهم

ولا عزاء لبدو المعرفة وغلاظ القلوب

http://www.aljazeera.net/Channel/archive/archive?ArchiveId=92694



لك هذا الرابط يا عبد العزيز وهي حلقة بين الدكتور سيد القمني قديمة

واتمني ان تبحث اكثر عن هذا المنهاج المتخلف للوهابية

Quote: تعرف منهاج السعودية يعلم التلميذ ان يبغض في الله ؟؟

يعني يا صبري نحن ناخد بي رأيك و لا رأي الرسول صلى الله عليه و سلم..؟؟؟؟؟

Quote: عن البراء بن عازب - رضي الله عنه - قال : قال رسول الله - صلى الله عليه وسلم - : ( أوثق عرى الإيمان الحب في الله والبغض في الله ) رواه الإمام أحمد في مسنده وحسنه الشيخ الألباني رحمه الله في السلسلة الصحيحة ح ( 998 )

.

ابو حسين


شكرا اوردت لعبد العزيز ما لا يشك فيه ابدا


انا قلت منهج انت قطعت القول بحديث نبوي


اها يا عزو وقع ليك

Quote: ابو حسين شكرا اوردت لعبد العزيز ما لا يشك فيه ابدا انا قلت منهج انت قطعت القول بحديث نبوي اها يا عزو وقع ليك

صبري دا منهاج الرسول ما منهاج السعودية

و لا إنت عايز الناس تنسى الرسول صلى الله عليه و سلم و تتابع

الضلالي المنافق اللي إنت بتسوق ليه هنا...؟؟؟؟؟؟


.

Quote: صبري دا منهاج الرسول ما منهاج السعودية

أبوحسين
ياخى الراجل قال ليك شكرا!!

بعدين صبرى مفتكر الرسول (ص) عندو تابعية وحفيظة نفوس.

Quote: لا تلوموني ولوموا أنفسكم ماأنا بمستصرخكم وما أنتم بمستصرخي

الأستاذ حيدر الزين ، السلام عليكم ورحمة الله وبركاته ..
دخلنا للفائدة ، ولفت انتباهي ، المقتبس أعلاه ، في بداية البوست ، وحبيت أصحح الآية الكريمة بعد إذنك.
إلا إذا كان هناك قراءة متواترة بها وأنا لا أعلم ، ولكن منكم نستفيد ، والآية هي قوله تعالى :
وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدْتُكُمْ فَأَخْلَفْتُكُمْ وَمَا كَانَ لِيَ عَلَيْكُمْ مِنْ سُلْطَانٍ إِلَّا أَنْ دَعَوْتُكُمْ فَاسْتَجَبْتُمْ لِي فَلَا تَلُومُونِي وَلُومُوا أَنْفُسَكُمْ مَا أَنَا بِمُصْرِخِكُمْ وَمَا أَنْتُمْ بِمُصْرِخِيَّ..) من الآية (22) سورة إبراهيم.

تحياتي الطيبة .....

شكراً يا دكتور عارف الركابي .
حقيقة اتقبل تصويبك بصدر رحب رغم ان ما اوردته لم يكن في صياغة آية قرانية كريمة وإلا كنت - كالعادة - نصصتها واوردت رقمها وعلى الاقل السورة
لكني اوردتها في الجملة السابقة كتشبيه وقول ومثال فقط

ما اتيت به انت برسم وقراءة للقرآن الكريم هو ما اتلوه وأعرفه لذا الحق معك - حتي ولو لم اكن اقصد ما اوردته كقرآن يُتلي - لكن الحق يُقال وانت محق يا دكتور

لك محبتي وشكراً للتنبيه

جعلك ربي دايماً من حراس كلماته واياته

دي هدية لحيدر و ضيوفه ..


Re: الوهابى عماد موسى محمد!!

تعالوا قزقزوا معانا شوية



_____________________
أنا ماعندي مشكله مع الوهابيين و لا المتصوفة ..
بس عندي مشكلة كبيرة مع أمثال دون كيشوت ده (عماد سابقا)

Quote: لك محبتي وشكراً للتنبيه جعلك ربي دايماً من حراس كلماته واياته

أستاذ حيدر ، أشكر لك رحابة صدرك ، وحسن تعاملك ودعاءك
وأسأل الله لي ولك دوام التوفيق والحفظ ...

Quote: والتحية لاهلنا الصوفية في كل مكان ممن زادهم العلم تواضع ومودة وحببهم للخلق وحبب الخلق اليهم

على ضوء المقتبس أعلاه وأنت تؤيد في تعليقك على الفرق بين الوهابية والصوفية ، خاصة في مسألة التواضع ، رغبت أن أجد تعليقاً لظواهر نجدها عند كثيرين من المتصوفة فيما يتعلق بالتعامل بين (الشيوخ) و(المريدين) ، وتعرف أننا عشنا ورأينا هذه المشاهد حسب البيئات التي نشأنا فيها، خذ على سبيل المثال:
*الانحناء عند السلام للشيوخ والخضوع لهم.(واخشاهم دوماً كخشية ضيغم)
*المناداة بيا سيدي ومناداتهم عند الضر (إن ناب خطب في البلاد نزيل قل يا ولي الله اسماعيل)
*المشي حبواً لدى بعضهم
* طلب غفران الذنوب (حملت ذنوباً كالجبال وإنني اتيت إليهم خائفاً أترقب ،،، ومرغت باالأعتاب خدي تذللاً إذ الباب مفتوح لمن يك مذنب)
*كشف الرؤوس للشيخ ، بل النساء احياناً يتم كشف رؤوسهن.
*الخوف من الشيخ وأنه يفعل (وينفخ) و(يطير الواحد) (ويوقفو قربة)ولذلك بعض المحاكم يطلب الخصوم أن يتم تحليف خصومهم بالشيخ فلان بدلاً عن الحلف بالله.
وهل هذا من الإرهاب أم من المحبة؟! أم ماذا
*سؤالهم من دون الله ودعاؤهم والاستغاثة بهم.
*رضى كثيرين من الشيوخ بما يفعله بعض المريدين من مظاهر الذل والانكسار والخضوع.
*قولهم كن بين يدي شيخك كالميت بين يدي المغسل
وقد صاغها الشيخ البرعي في ديوانه فقال:
كن ثابت عندهولا تضحك عندهو
في كربك أندهوبتغيثك جندهو
سيب غيرو وليه روح قبال تفنى وتروح
سلملو وكن طروح كالجسد المافي روح
وقوله عن أبيه في قصيدة الشيخ المعلم:
الا يا من تريد الوصل شمر وقف بالباب صامت لا تكلم
وأدخل بالخضوع بغير كبر وعند مقامه أبرك وسلم
لتحظى بالفيوضات العوالي عياناً وبعضها في النوم يحلم

النماذج والأمثلة كثيرة في هذا ، وصدق ده من حفظي
أشكل علي هذا مع بيانك وغقرارك عن قضية التواضع !!!
ونحن نعلم أن النبي عليه الصلاة والسلام كان اشد تواضعاً ، وكان يقول القادم : أيكم محمد؟!
لماذا هذه الخصوصيات والهيلمانات؟!
لماذا هو في مكان وهم على الأرض؟! ولا يجلسون جنبه؟!
هل هذا هو التواضع؟!
وفي المقابل هل السلفيون عندهم شيء من هذا ؟! وهل كتبهم وقصائدهم تأمر بشيء من هذا؟!
آمل توضيحاً بارك الله فيك .
وكمان لو في تعليق على هذا النموذج العصري : وشوف (العكاز) ده بيسوي في شنو، وكمان (الحذاء) ماذا فعل!!!
http://www.youtube.com/watch?v=nPToGrJagwg&feature=related

ولك تحياتي الطيبة ومودتي

عزيزنا صبري الشريف ..
لك التحية

والله في الحقيقة كدة ما فهمت من مداخلاتك مع ابو حسين
إنت قصدك الوهابية ككل والا بتتكلم عن الاسلام .!!
معليش اختلط فهمك عندي يا ريت تعود للتوضيح بروحك الطيبة العهدناك فيها

مودتي

رسالة SMS وصلتني من الأخ أحمد عبدالله


السـلام عليكم

ممكن تسأل لي صبري في بوست (الوهابي الإرهابي)
أنه هو بيبغض الوهابية ديل في شنو..؟؟؟؟
لأنه لا شك بيبغض و غارق في البغض حتى النخاع
و يستنكر على المسلمين البغض لأجل ربهم!!!!!

أحمد عبدالله

حيدر أباد

Quote: حيدر أباد

يازول ما ابدت اي حاجة والله ...

***

شكرا يا صبري الشريف

إنت يا حيدر الزين دونكيشوت ده ما هزمك هنا الوهابى عماد موسى محمد!!
تاني الفنجطة ليك شنو

ـــــــــــــــــــــــــــــــــــــــ
يا دونكيشوت الكلام ده سخرية منك ما تقوم تجي تكوته تقول أنا بعترف ليك بيحاجه
طبعا الزول لازم يشرح النكته لعمده ده ..

Quote: إنت يا حيدر الزين دونكيشوت ده ما هزمك هنا

نعم نعم يا اخا العرب ..
فلقد كرّ علي دونكيشوت ممتطياً صهوة فرسه البلقاء ..
ثم اتي لمضاربنا فحرق الخيام وقتل المعزة وال###### ثم كرّ علينا مرة اخري
ممتطياً صهوة جمله الاقرع فسبي النساء والاطفال ..
اما انا فالحمد لله قد نجوت بنفسي بعد ان اعتليت حماري الاعرج وفررت منهزماً
علي وجهي بين الوديان والسهول ..
الجدير بذكره اني ما زلت حتي الآن اهيم علي وجهي خوفاً من سيف دونكيشوت البتار
والآن اكتب لك وانا متكئاً علي قوز رملة في منطقة ما من الربع الخالي..

انجدوووو وووني الغوث الغوث الغوث فقد هزمني دونكيشوت ..


ــــــــــــ
والله يا محمد عباس وقد كب لي هزيمة نكراء اتخيلت نفسي جاري وعمك دا بي وراي وهو يقول اقبض اقبض

Quote: وكمان لو في تعليق على هذا النموذج العصري : وشوف (العكاز) ده بيسوي في شنو، وكمان (الحذاء) ماذا فعل!!! http://www.youtube.com/watch?v=nPToGrJagwg&feature=related

يا دكتور
احترامي وتقديري
العكاز السحري
ولا المتبعنو مجانين
قوم عائمون في جهل عظيم
يتسال الناس عن السودان لماذا تتكالب عليه المصائب تلو الاخرى ؟؟
ولا يعلمون
ان هنالك من يسجدون لغير الله ويجعلون له الانداد
رحماك ربي
رحماك