Post: #1
Title: هل المريخ نادي غني ؟
Author: محمد البشرى الخضر
Date: 12-30-2010, 07:30 AM
Parent: #0
يقوليك المريخ أحد أغنى أندية القارة
سؤالي هل فعلا المريخ نادي غني
له اصول تدر عليه
له منتجات و تذكارات يبيعها لمحبيه
له عضوية تدفع اشتراكات سنوية او شهرية
له تعاقدات مع شركات رعاية تدر عليه دخلا كبيرا سنويا
هل يُطلب المريخ لزيارات ومهرجانات و مباريات ودية يجني مها عائدا كبيرا
هل يستثمر المريخ في اللاعبين بمعنى يبيعهم/ يعيرهم بمبالغ تفوق ما اشتراهم به و صرفه عليهم
عشان نقول فعلا المريخ نادي غني اسوة بالأندية الغنية المعروفة
الأسئلة لعقلاء الوصيفاب فقط , ناس لن نوالي و رئيس طوالي و طوينا الملفات يمتنعون رجاءً
|
Post: #2
Title: Re: هل المريخ نادي غني ؟
Author: على محمد على بشير
Date: 12-30-2010, 07:33 AM
Parent: #1
Quote: ناس لن نوالي و رئيس طوالي و طوينا الملفات يمتنعون رجاءً
|
انا ممتنع تلقائيا
بس حبيت اسلم + رقابه لصيقه
|
Post: #3
Title: Re: هل المريخ نادي غني ؟
Author: omer osman
Date: 12-30-2010, 07:45 AM
Parent: #2
Quote: سؤالي هل فعلا المريخ نادي غني
له اصول تدر عليه
له منتجات و تذكارات يبيعها لمحبيه
له عضوية تدفع اشتراكات سنوية او شهرية
له تعاقدات مع شركات رعاية تدر عليه دخلا كبيرا سنويا
هل يُطلب المريخ لزيارات ومهرجانات و مباريات ودية يجني مها عائدا كبيرا
هل يستثمر المريخ في اللاعبين بمعنى يبيعهم/ يعيرهم بمبالغ تفوق ما اشتراهم به و صرفه عليهم
عشان نقول فعلا المريخ نادي غني اسوة بالأندية الغنية المعروفة |
اكيد لا ........... باستثناء نسبي للحتة دي : | Quote: له تعاقدات مع شركات رعاية تدر عليه دخلا كبيرا سنويا |
لكن المؤكد ان سيد الكور والفنايل (جمال الوالي) هو الغني ..... ربنا يزيدو
|
Post: #4
Title: Re: هل المريخ نادي غني ؟
Author: نادر الفضلى
Date: 12-30-2010, 07:49 AM
Parent: #3
الأخ محمد البشرى
تحياتى وكل سنة وإنت طيب
الصيت ولا الغنى
أو كما قال اللاعب السعودى ماجد عبد الله عندما سئل ..
يقولون أنك سودانى ... فأجاب .. يقولون !
|
Post: #7
Title: Re: هل المريخ نادي غني ؟
Author: محمد البشرى الخضر
Date: 12-30-2010, 08:03 AM
Parent: #3
وعليكم السلام ابو علوة حياك الغمام
هلا جنابو
حتى الحتة بتاعة الرعاية دي صدقني جاكات ساي ولا استثناء نسبي ولا حاجة
الكنتة كلها انو جمال الوالي غني مش المريخ الغني
ودا شي طبيعي في اندية عالمية كتيرة انو صاحب النادي هو الغني
صاحب النادي خليت بالك مش رئيس النادي
دا الخلل هنا الاندية برة شركات , صاحب النادي بشتري اسهمها عدبل و بعد داك يعمل الدايرو ما في زول بقول ليه حاجة
عندنا لأ
لا الاندية شركات و لا رؤساءها أصحاب ملك بل متطوعين لخدمة النادي و الجمعية العمومية الجابتهم - مفروض كدا
وأي قرش بدفعوه تطوع منهم وكرم و بعضهم بعتبروا ديون زي ما عمل الارباب و الوالي قبل كدا
عشان كدا لما اقرا للصحفيين الوصيفاب يتغزلوا في غنى ناديهم و يسخروا من فقر الهلال بستغرب فيهم
الناس ديل جادين , المريخ سجم رمادو كنادي ما عندو
البمشي مصاريف النادي ليومين مافي خلينا جادين
القنزب عند الوالي و الوالي عايز سلطان
يسجل هكر الدنيا و العالمين مافي زول يقول ليه بغم
ويوم الوالي يحرد ولا يقول مستقيل مسيرات التحانيس ما تديك الدرب
ياخي لدرجة يوم اجتماع القاعة عشان الوالي يرجع على بال ما اتمنع شوية كدا واحد غمر عديل كدا - دي غايتو سمعتها سمع ما بجزم بصحتها
اها طال الزمن أم قصر طالما الوالي - لا يمتلك النادي أو اسهم فيه - فهو يوما ما سيذهب
وين البدائل ووين الاستثمار و وين ضمان استمرار الصرف بالمعدل العالي الحالي؟
طبعا الكلام عن المريخ يعاد بالنص عن الهلال و بقية الاندية
الفرق الهلال و باقي الاندية عارفين الحال ومعترفين بيه ما عايشين في الخيال زي الوصيفاب
|
Post: #10
Title: Re: هل المريخ نادي غني ؟
Author: omer osman
Date: 12-30-2010, 08:43 AM
Parent: #7
| Quote: ياخي لدرجة يوم اجتماع القاعة عشان الوالي يرجع على بال ما اتمنع شوية كدا واحد غمر عديل كدا - دي غايتو سمعتها سمع ما بجزم بصحتها |
ههههههههههههه موووووبالغة ........ عمك ده بكون من النوع البغطي وشو واضناينو لمن يكون في ضربات جزاء 
|
Post: #5
Title: Re: هل المريخ نادي غني ؟
Author: على محمد على بشير
Date: 12-30-2010, 07:50 AM
Parent: #2
ياخ انا اتراجعت عن كلامى الفوق دا
وعاوز اشارك بالرد على جزء من اسئلتك دى
واصل المدير الفني لفريق المريخ حسام البدري مهامه الفنية مع فريق المريخ، وذلك بحضوره مساء الأمس لمتابعة تمارين فريقي الشباب والناشئين، حيث وقف بنفسه على قدرات ومهارات المجموعة التي وقع عليها الاختيار لتكون نواة المستقبل الكروي لفريق المريخ وتابع البدري باهتمام بالغ التمرين وسجل كل ملاحظاته على اللاعبين وناقشها مع مساعده فاروق جبرة، ومع الكابتن محمد موسى الذي أشرف على فريق الشباب والناشئين..
وتأتي هذه الخطوة بقصد وقوف البدري بنفسه على إمكانيات وقدرات هؤلاء اللاعبين ليختار منهم العناصر القوية التي تمكنه من تنفيذ خططه الفنية مع الفريق الأول..
من جهة أخرى ستتواصل تمارين فريق الشباب والناشئين صباح يوم غد الجمعة عند الساعة الثامنة صباحا، حيث أكد الكابتن محمد موسى للاعبي الفريق ذلك وشدد عليهم في الالتزام بمواعيد وزمان التمارين..
وقد حضر التمرين كابتن عادل أمين والضوء قدم الخير وكابتن عبد الرحمن زيدان، كما حضره أيضا الكابتن مجاهد محمد أحمد نائب مدير الكرة بالمريخ، وحضر من مجلس الإدارة كل من الأستاذ حسن يوسف وعادل أبو جريشة وطارق عثمان تفاحة..[/red]
المصـــــــــــــــدر
اذا مشاركتى دى ما عجبتك يا ابو حتوت او وجدت انها لا تخدم استفساراتك
ادينى خبر وبجى اقلعا من جزورا
ودى الذى تعرف
|
Post: #8
Title: Re: هل المريخ نادي غني ؟
Author: نادر الفضلى
Date: 12-30-2010, 08:11 AM
Parent: #5
| Quote: لكن المؤكد ان سيد الكور والفنايل (جمال الوالي) هو الغني ..... ربنا يزيدو |
جنابو عمر عثمان
تحياتى وكل سنة وإنت طيب
جمال الوالى ربنا يخلف عليهو ويزيدو .. العاجبنى فيهو مهما تقلبت الأحوال
ما بحمبك ويشيل كورو وفنايلو . وما بقول أدونى قروشى
|
Post: #6
Title: Re: هل المريخ نادي غني ؟
Author: محمد عمر جبريل
Date: 12-30-2010, 08:01 AM
Parent: #1
| Quote: يقوليك المريخ أحد أغنى أندية القارة |
سلام ود البشرى ..
برغم تقديري الشديد لانجازات جمال الوالي في الفترة الفاتت دي
لكن برضو أعتقد إنو بعض الصفقات تمت فقط من أجل الفرقعة الإعلامية
وارغو والحضري مثالا ..
أنا ما قاصد إنو وارغو ما حريف وللا حاجة لكن المبلغ المدفوع لصفقة إنتقال وارغو
للمريخ لا يوازي إمكانيات اللاعب .. ولكن فقط من أجل تسليط الضوء على نادي المريخ
عشان الصحف والقنوات الفضائية ومواقع الانترنت تتحدث عن صفقة <نادي المريخ السوداني>
ودي الحاجة العايزها جمال الوالي .. خلق زخم إعلامي لاسم المريخ .. وقس على ذلك صفقة الحضري أيضا
وفي النهاية (كللت) محاولات الوالي بالنجاح بدليل
| Quote: يقوليك المريخ أحد أغنى أندية القارة |
|
Post: #9
Title: Re: هل المريخ نادي غني ؟
Author: محمد البشرى الخضر
Date: 12-30-2010, 08:17 AM
وعليكم السلام باشمهندس نادر وكل سنة وانت طيب
تقريبا نفس فهم اخونا محمد عمر - له التحية بالمناسبة السعيدة دي
طيب سؤال يا شباب ما هي فايدة الصيت أو السمعة و الفرقعة الاعلامية سواء داخلية او خارجية
اها صدى الملاعب كل يومين مستضيف جمال الوالي و معلن عن صفقات مدربين ولاعبين و غيرو
الفايدة الفعلية على الارض شنو؟
حباب ابو علوة لاقينك وين احنا تاني كان غيرت رايك برضو حبابك
لكن للأسف الصور ماظاهر عندي في المكتب ارجاتي ارجع البيت و اشوفها إن شاء الله
عموما مبروك بداية التدريبات و حضور كل من كابتن عادل أمين والضوء قدم الخير وكابتن عبد الرحمن زيدان، كما حضره أيضا الكابتن مجاهد محمد أحمد نائب مدير الكرة بالمريخ، وحضر من مجلس الإدارة كل من الأستاذ حسن يوسف وعادل أبو جريشة وطارق عثمان تفاحة
نجي للسؤال يلاّ : هل المريخ نادي غني
|
Post: #11
Title: Re: هل المريخ نادي غني ؟
Author: رؤوف جميل
Date: 12-30-2010, 08:51 AM
Parent: #9
[B]قى معلومة تحت تحت تقول ان جمال الوالى
حالف يغير اسم المريخ الى.........
وان الشعار الجديد سيكون الاسود مع ......
ذى ما اقترح ابو الزمل امس
وده تحت شعار
كل النادى فى جيب الوالى
|
Post: #12
Title: Re: هل المريخ نادي غني ؟
Author: Amira Elsheikh
Date: 12-30-2010, 08:42 PM
Parent: #11
ياود(البشري)..سلاااااااااام....
خلااااااص امور ناديكم ظبطت وبقيت تشوف فى نادى المريخ غنى ولا ماغنى؟؟
____________________
بوست خالى موضوع كالعادة
|
Post: #13
Title: Re: هل المريخ نادي غني ؟
Author: Maawya Hussein
Date: 12-30-2010, 09:05 PM
Parent: #12
يا ابو علوة الفي الصورة رقم 19 دا العجب !
____________
سؤال تاني ...المبالغ البصرفا جمال الوالي علي المريخ من مال خاص ولا من ارباح اسبثمارات شركات المؤتمر الوطني ؟
|
|