Post: #1
Title: ضعف تجاوب الحملة ( من يوم الامس ) مع الصحفي حتي اصبحت ( سهرة من الامس )
Author: HAIDER ALZAIN
Date: 12-29-2010, 11:33 AM
لماذا ضعف تجاوب اعضاء المنبر مع الصحفي ابوذر الامين
فأتت باهتة بصورة اقل - بل ومخجلة - مقارنة بما شهدناه من حملات اخري
هنا تطاقشت فيها البوستات والمداخلات وحركت بعض اقلام الرأي العام محلياً وعالمياً ..
ـــــــــــــ
|
Post: #2
Title: Re: ضعف تجاوب الحملة ( من يوم الامس ) مع الصحفي حتي اصبحت ( سهرة من الامس )
Author: HAIDER ALZAIN
Date: 12-29-2010, 11:40 AM
Parent: #1
قريــت قبل يومين ثلاثة علي ما اذكر بوستاً عنوانه يفيد بوجود حملة لمناصرة
الصحفي المعتقل من قبل نظام المؤتمر الوطني - نائب رئيس تحرير جريدة رأي الشعب
الناطقة باسم - المؤتمر الشعبي - في الفترة من يوم 28/12/2010 وحتي 03/01/2011
علي ما اذكر .. واتوقعت انه المنبر سيكون منذ الامس علي قدم ساق في الموضوع دا
ــــــــ
لكن للامانة لم يخطر ببالي مجرد خاطرة اني انقر البوست اشوف الفيهو
|
Post: #3
Title: Re: ضعف تجاوب الحملة ( من يوم الامس ) مع الصحفي حتي اصبحت ( سهرة من الامس )
Author: tmbis
Date: 12-29-2010, 11:53 AM
Parent: #2
طالما فيها عبد المنعم بيجــو .. اكيد ح تفشل ..
|
Post: #4
Title: Re: ضعف تجاوب الحملة ( من يوم الامس ) مع الصحفي حتي اصبحت ( سهرة من الامس )
Author: HAIDER ALZAIN
Date: 12-29-2010, 12:04 PM
Parent: #2
سؤال بيفرض نفسو ..؟
هل لعلاقة الصحفي ابو ذر الامين برأي الشعب والمؤتمر الشعبي تأثير انه الناس تزهد من الحملة
ولم تنسى للآن انه المؤتمر الوطني هو الوليد - الغير شرعي - لحسن الترابي ؟؟!
وانه حرية الرأي والتعبير البيطالب بيها مناصري ابوذر الامين كانت الجبهة الاسلامية هي اول
من اغتالها حينما كان علي راسها حسن الترابي وانه الاعتقالات ومصادرة الحريات دي في بدات
في عهده كأسواء ما يكون ؟؟!
|
Post: #5
Title: Re: ضعف تجاوب الحملة ( من يوم الامس ) مع الصحفي حتي اصبحت ( سهرة من الامس )
Author: HAIDER ALZAIN
Date: 12-29-2010, 12:09 PM
Parent: #4
أم الناس قنعت من خيراً ممكن يجي من النظام دا عن طريق ضغط الرأي العام
بل قدر ما يضغط الرأي العام ويفضح جرائم الانقاذ وانتهاكاتها ويعري ممارساتها
فدا بيعني مزيد من التزمت وخنق الحريات .. وعنتريات لا اول لها ولا آخر
ففضل الناس يلوكو وجعهم ومغصتهم جواهم ويسكتو علي الحاصل داعيين ربهم بمعجزة
تنجيهم من شرور فرعون وقومه ؟؟!
|
Post: #6
Title: Re: ضعف تجاوب الحملة ( من يوم الامس ) مع الصحفي حتي اصبحت ( سهرة من الامس )
Author: HAIDER ALZAIN
Date: 12-29-2010, 12:17 PM
Parent: #5
| Quote: طالما فيها عبد المنعم بيجــو .. اكيد ح تفشل .. |
أنا عن نفسي يا تمبس مع الخيار الاول وما قادر انسي انه كل المصائب الفيها نحن هسع دي
من وراء راس الترابي وجماعته .. والاكاذيب والنفاق بدات منه هو ومن زمرته ومستمرة حتي الآن
واستغرب لأي زول يكون مناضل او يساري كصاحبي منعم بيجو دا ويمشي بكل قواه العقلية يخت يده في يد
الترابي او حزبه ويدافع عن صحفيهم ..
وما قادرة تلفق في راسي ( ليس تشكيكاً في بيجو ) ولكن تشكيكاً في ذاكرة الشعب نفسه
وتشكيكاً في ضميرهم النضالي طالما ما فارزين منو هو الجلاد ومنو الضحية ..
( أها فطرت .. شايفك قبيل تكشكش في كيسك ( الاصفر ) قلنا نمشي ونجيك 
ـــــــ
التعديل لتوضيح لون الكيس
|
Post: #7
Title: Re: ضعف تجاوب الحملة ( من يوم الامس ) مع الصحفي حتي اصبحت ( سهرة من الامس )
Author: الزبير صالح الزبير
Date: 12-29-2010, 03:22 PM
Parent: #6
Quote: هل لعلاقة الصحفي ابو ذر الامين برأي الشعب والمؤتمر الشعبي تأثير انه الناس تزهد من الحملة
ولم تنسى للآن انه المؤتمر الوطني هو الوليد - الغير شرعي - لحسن الترابي ؟؟!
|
الاستاذ حيدر تحليلك صائب
عني شخصيا تضامنت معة من منطلق العدل لا يتجزأ والحرية لنا ولسوانا
لكن هذة القضية عبارة عن مشاجرة في بيت الضب ( مشاكل عائلية )
|
Post: #8
Title: Re: ضعف تجاوب الحملة ( من يوم الامس ) مع الصحفي حتي اصبحت ( سهرة من الامس )
Author: HAIDER ALZAIN
Date: 12-29-2010, 07:16 PM
Parent: #7
سلامات عزيزنا الزبير صالح .. متفقين تماما علي قصة المشاكل العائلية وازيد عليها
من ناحيتي لم - ولن - اتضامن مع ابو ذر ابداً .. ولا مع اي زول بينتمي مع الجبهة الاسلامية القوميـــة ( سابقاً ) او الآن
وإلا دا ممكن يكون مبرر انه يجي زمن يزول فيهو حكم الانقاذ الآن وأجد نفسي - بإسم حرية التعبير والحريات والهرطقة دي - مضطر اتعاطف مع اسحق احمد فضل الله او الطيب مصطفي
او مع الهندي عز الدين ومن ماثلهم من ابواق المؤتمر الوطني
جنوب افريقيا عشان تحقق ما حققته اليوم عملت علي بشفافية عالية الوضوح لتحقيق عدالة فريدة تمثلت اليوم في التعايش السلمي بين الظالم والمظلوم اصبح المظلوم فيها اليوم له القدح المعلي او اليد العليا
حينما عفي عمن عذبه وظلمه - في روح تسامحيه نادرة - نبتت من إعتراف الظالم بخطئيه وطلبه للسماح
اليوم المؤتمر الشعبي - وعراب الانقاذ - لم يطلب السماح وان ادعي انحيازه للخيار الديمقراطي فينبغي له بكل تجرد ان يوضح ما خفي عن الشعب من حيثسات هذا الانقلاب علي حكومة ديمقراطية شرعية من ناحية
ثم يوضحوا الانتهاكات والتجاوزات التمت في عهدهم - خاصة وانه المؤتمر الشعبي يضم بين قياداته عدد كبير ممن كانوا متنفذين - وقصة خلوها مستورة دي ما بتدل الا علي التستر والتغطية بين شركاء الجرم
حتي يعودوا لمواقعهم ..
ويجب عليهم ايضاً بعد هذا التوضيح تقديم اعتذار واضح وبين لجماهير الشعب السوداني .. ثم بعد ذلك يختار الشعب هل يمد يدهم اليه ام لا ؟؟
اما قصة بعض قادة احزاب المعارضة البيسارعوا انهم يمدو يدهم في يد عراب الانقذ فهي لا تعبر الا عن ضعفهم وهوانهم علي انفسهم وعلي الناس وعلي ضعفهم
والا كيف يثقوا بمن خانهم الضحي الاعلم واقصاهم في المهاجر وشردهم في الخارج ولم يمد يده لهم الا بعد ان جارت عليه الخطوب بيد تلاميذه ؟؟؟
لذا لم ولن ويستحيل ادعم امثال اباذر - بوق المؤتمر الشعبي - والد المؤتمر الغير وطني - والا كنت بغير مبدأ مثل الكثير من اتباع الاحزاب عديمة المبدا ذات السعي اساساص لكيكة السلطة
والآن قالها لهم البشير واضحة ...
أعلي ما خيلكم اركبوه
ولن يركبوهو ولكن غداً سنسمع تبرير اخر
تحياتي
|
Post: #9
Title: Re: ضعف تجاوب الحملة ( من يوم الامس ) مع الصحفي حتي اصبحت ( سهرة من الامس )
Author: سمير شيخ ادريس
Date: 12-29-2010, 08:57 PM
Parent: #8
| Quote: لعلاقة الصحفي ابو ذر الامين برأي الشعب والمؤتمر الشعبي تأثير انه الناس تزهد من الحملة ولم تنسى للآن انه المؤتمر الوطني هو الوليد - الغير شرعي - لحسن الترابي ؟؟! وانه حرية الرأي والتعبير البيطالب بيها مناصري ابوذر الامين كانت الجبهة الاسلامية هي اول من اغتالها حينما كان علي راسها حسن الترابي وانه الاعتقالات ومصادرة الحريات دي في بدات في عهده كأسواء ما يكون |
| Quote: من ناحيتي لم - ولن - اتضامن مع ابو ذر ابداً .. ولا مع اي زول بينتمي مع الجبهة الاسلامية القومية (سابقاً ) او الآن وإلا دا ممكن يكون مبرر انه يجي زمن يزول فيهو حكم الانقاذ الآن وأجد نفسي - بإسم حرية التعبير دي مضطر اتعاطف مع اسحق احمد فضل الله او الطيب مصطفي والحريات والهرطقة دى |
| Quote: اما قصة بعض قادة احزاب المعارضة البيسارعوا انهم يمدو يدهم في يد عراب الانقذ فهي لا تعبر الا عن ضعفهم وهوانهم علي انفسهم وعلي الناس وعلي ضعفهم والا كيف يثقوا بمن خانهم الضحي الاعلى واقصاهم في المهاجر وشردهم في الخارج ولم يمد يده لهم الا بعد ان جارت عليه الخطوب بيد تلاميذه ؟؟؟ |
سلامات واشواق حيدر الزين
صاحب الراى العديل وزين
دة ملخص الازمة كله المخلى المعارضة ما قادرة تتقدم خطوة او تكون مقنعة للناس وذات فعل مجدى
يبدو ان المعارضة لم ولن تتعلم ابدا يا عزيزى وما بقاء النظام لقوته بل لجهلها وعدم وعيها
حاولت اتصل بالرقم ال لقيتو ابارك والاقيك
لكن كان مقفول دايما .. عموما مبروك ..
|
Post: #10
Title: Re: ضعف تجاوب الحملة ( من يوم الامس ) مع الصحفي حتي اصبحت ( سهرة من الامس )
Author: HAIDER ALZAIN
Date: 12-31-2010, 03:46 AM
Parent: #9
شكراص يا سمير صديقي انصفتني ايما انصاف
لا احب ان ارد عليك اليوم حتي اجيك بالموزون بما يعادل قدرة تركيزك علي لب القضية
محبتي حتي السبت
دم بخير
ـــــــــ
|
Post: #12
Title: Re: ضعف تجاوب الحملة ( من يوم الامس ) مع الصحفي حتي اصبحت ( سهرة من الامس )
Author: أمين محمد سليمان
Date: 12-31-2010, 04:12 AM
Parent: #11
الطريفي ياخي كنا مؤملين العرس ده يهد حيلك شويه : جيت هديت حيلنا نحن !!! 
ككلام عام و مبدئي إتفق معاك و مع شيخ ديننا سمير في مسالة العفو عن الكيزان : بالنسبه لي المحك هو المحاسبه : يعني كمواطن متضرر و تضرر من الكيزان الفي الحكم و الفي المعارضه ما عندي مانع علي العفو التام لله و الرسول إذا حوسب هؤلاء الناس علي ما اقترفت يداهم بحق سوداننا الشقيق : لكن يتشاكلو في الحكم و يجو المناضلين يصورو لينا الكيزان أسياد البل ذاتم و يسوقون لينا كمناضلين يفتح الله !!!
المانع شنو بكره ناس علي عثمان يعملو إنقلاب علي البشير و يسجنوه و يبلو و يجينا بكري و ثلة من المناضلين يقولو لينا تضامنو مع البشير حبيبنا : الراجل تاب و الحساب يوم الحساب ؟!!
لكن لا أعتقد إنو الناس احجمت عن التضامن مع ابوذر لاسبابنا دي : افتكر الجزء الأكبر لانو حملة التضامن جات في نفس وقت الأنتقال للربع الجديد و دي بخلي في جوطه في المنبر بتستمر لفتره من الزمن !!
نصيحتنا لبكري لو عايز يتضامن مع شخص أو مجموعه ما يعملها في نفس أسبوع الأنتقال للربع الجديد ...
|
|