Post: #1 Title: سنة سعيدة بورداب امريكا اوربا كندا استراليا Author: mohmmed said ahmed Date: 12-29-2010, 06:59 AM
كل ما يجى عيد ونبارك للبورداب فى البلاد القصية نلقاهم شغالين وما عندهم اجازة مساكين فى عيد الفطر والاضحى واجازة المولد والسنة الهجرية
اها راس السنة دا نتمنى ليكم بهجة واحتفالات وسنة سعيدة
Post: #2 Title: Re: سنة سعيدة بورداب امريكا اوربا كندا استراليا Author: النذير حجازي Date: 12-29-2010, 07:02 AM Parent: #1
شكراً يا محمد وإنت طيب
تحياتي
Post: #3 Title: Re: سنة سعيدة بورداب امريكا اوربا كندا استراليا Author: mohmmed said ahmed Date: 12-30-2010, 05:28 AM Parent: #2
اقتنصوا اقصى لحظات البهجة
سنة سعيدة اخى النذير
Post: #4 Title: Re: سنة سعيدة بورداب امريكا اوربا كندا استراليا Author: خالد العبيد Date: 12-30-2010, 05:53 AM Parent: #3
سلام يا محمد ياخ انت زول جميل البتذكر الناس الـ في سقط لقط السنة الجاية تعال روس معانا بس ما بضمن انك ترجع !! سيدني مشهورة باجمل الالعاب النارية في العالم يوم راس السنة لك منا الحب والسلام والتحية
Post: #5 Title: Re: سنة سعيدة بورداب امريكا اوربا كندا استراليا Author: mohmmed said ahmed Date: 12-30-2010, 06:27 AM Parent: #4
سنة سعيدة خالد
ويازول
كدى وسع الدعوة شوية بدل روس معانا خليها اكسر معانا
لمن نتابع احتفالات العالم بالسنة الجديدة فعلا بنشوف العاب نارية رائعة عندكم
لو لقيت الزميل انيس دانيال بارك ليهو السنة الجديدة
Post: #6 Title: Re: سنة سعيدة بورداب امريكا اوربا كندا استراليا Author: نادر الفضلى Date: 12-30-2010, 07:32 AM Parent: #5
Quote: كل ما يجى عيد ونبارك للبورداب فى البلاد القصية نلقاهم شغالين وما عندهم اجازة مساكين فى عيد الفطر والاضحى واجازة المولد والسنة الهجرية
اها راس السنة دا نتمنى ليكم بهجة واحتفالات وسنة سعيدة
الأخ محمد سيد أحمد
تحياتى وكل سنة وإنت طيب
ويا سلام عليك ومشكور وأنت تذكر المشتتين فى أقاصى الأرض الأمريكان أعيادهم شحتفة .. يهاتوا ليك بالكريسماس وزحمة وصفوف وتسوق وهدايا وصرف وسفر .. ويرتفع معدل الجريمة سرقة وقلع عشان يتحصلوا على المال للإحتفال، .. دا كلو والإجازة يوم واحد فى الكريسماس وكذلك راس السنة .. وين مع الأعياد الماهلة بتاعت ثلاتة وأربعة أيام .. بالمناسبة الشغالين فى المحلات بيكونوا مداومين فى عطلة رأس السنة
Post: #7 Title: Re: سنة سعيدة بورداب امريكا اوربا كندا استراليا Author: mohmmed said ahmed Date: 12-30-2010, 01:50 PM Parent: #6
سنة سعيدة يا نادر دا البحنن اجازاتكم المشحتفةدى
نحنا هنا الاجازات ماهلة زمان فى اليمن اى يوم واقع بين اجازتين اجازة
وعندهم حاجة اسمها سبلة والسبلة هو ضنب الفار والمقصود بعد الاجازة تاخد ليك كم يوم كدا زيادة سبلة
زمان برضو لمن كنا فى المدارس المصرية كان عندنا اجازة غريبة كدا اسمها يوم وعد بلفور
Post: #9 Title: Re: سنة سعيدة بورداب امريكا اوربا كندا استراليا Author: عزيز عيسى Date: 12-30-2010, 06:56 PM Parent: #8
شكرا يا محمد على اللفتة البارعة وكل سنة وإنت وأسرتك وكل أخوانا السودانيين بخير وبنتمنى العام القادم يكون خير وبركة على الجميع
على فكرة الشركة التي أعمل لديها في عيد الفطر المبارك أدونا يوم إجازة وفي عيد الأضحى برضو يوم إجازة. وفي عيد الكريسماس الأسبوع الماضي كنا في إجازة 4 أيام والآن حتى كتابة هذه المداخلة طلبوا منا أن نغادر المكاتب ظهرا وإجازة لمدة 4 أيام أيضا. شفت الناس ديل جميلين كيف؟
Post: #10 Title: Re: سنة سعيدة بورداب امريكا اوربا كندا استراليا Author: Sabri Elshareef Date: 12-31-2010, 02:57 AM Parent: #9
محمد سيد احمد
تحية طيبة لك ولاهل السودان بالامارات ولاهلك
حقا الاحتفال في مدينة نيويورك ساحر ومدهش
تعرف المدينة بديعة وخط المشاة يقطعه ميات الناس وتجد الحبور والسرور والجمااال هل تصدق ان تسريحات بنات نيويورك تجدها غير متكرره
عشمي ان تحضر عيد معانا وزوغه تضمن الحياة الجميله طول العمر
نعم شقاء لكن يعقبه هناء
عيد سعيد سلام لكلالناس القابلناهم هناك انا وزوجتي العزيزة
وهي تشكر ال اهل العين لذلك الكرم وكم نتمني ان نعيدها تاني
ويا محمد اتمني زيارتنا
Post: #11 Title: Re: سنة سعيدة بورداب امريكا اوربا كندا استراليا Author: Amani Al Ajab Date: 12-31-2010, 04:18 AM Parent: #10
ياسلام عليك الأخ الكريم محمد سعيد أحمد لفته رائعة منك واسعدتنا كثيراً ... كم هو جميل ونحن في غربتنا التى فرضت علينا أن نجد من يتذكرنا .. كل عام أنت والجميع بالف خير.. وان يحفظ الوطن ..
