Post: #3 Title: Re: .....هنا نتلقى العزاء......في الوطن! Author: Tragie Mustafa Date: 12-29-2010, 05:52 AM Parent: #1
يحكي لي احدهم بان عم حسين الاسطى البناء يخبرهم بانه افضل عماله سايمون قد غادر للجنوب.....واتصل به من هناك ليخبره بانه لم يقوى على وداعه وانه ترك له العدة مع فلان!! فيبكي عم حسين من امانته ويبكي على ابنه سايمون ويبكي الدنيا ويلعن الساسه الذين فرقوا بينهم!!
.....سنبكي كثيرا يا عم حسين...هذا قدرنا لاننا لم نعرف قيمة اخوتنا هؤلاء!!
Post: #4 Title: Re: .....هنا نتلقى العزاء......في الوطن! Author: Tragie Mustafa Date: 12-29-2010, 05:56 AM Parent: #3
من بين دميعاته يتذكر عم حسين بانه وعد سايمون ان يبحثوا معا عن حذاء خاص لابن سايمون الذي وولد له طفل بمشكلة في قدمه.... وحدثه عم حسين من قبل بان له ابن اخت لو عاد من سفره سيحضر له الحذاء!!
ومن بين دميعاته يقول.....اكان جات الجزمه برسل ليه الا يا ربي بعرف ليه عنوان؟؟!!
Post: #5 Title: Re: .....هنا نتلقى العزاء......في الوطن! Author: Tragie Mustafa Date: 12-29-2010, 06:00 AM Parent: #4
يقشش ديمعاته عم حسين ويفكر بانه لا حل له ليبقى على اتصال بسايمون الا الحرص على شريحة موبايله فهو لا علاقة بينهم الا هذا الهاتف.....بلاد لا عناوين بريديه لها ولا يحزنون. بلاد تعلق فيها العلاقات على رقم هاتف لو ضاع....يفقد الصلة بسايمون!
سبحان الله ....انه لم يعرف كم هو يعز هذا الشباب حتى غادره بلا رجعه في فراق غريب لم يسمع بمثله من قبل...فكيف من كانوا شعبا واحد سيصيروا فجأة شعبين؟؟!!
عن كل ابنج واشوي وانيب وفرونيكا وتريزا واستيلا وارينقو بحياتنا فالنحكي عن كل جون و وقوج و وجوك وشول ودينق وملوال واموم ومشار بحياتنا.....
محمد علي باشا كان اذكى من حكامنا غزا السودان بحثا عن الرجال!! ونحن حكامنا الاغبياء يتخلوا عن ثروة بشريه منتجه ومبدعه ومخلصه لا فاسده لا متقاعسه...بايدينا....ويدعي الذكاء!!له الله الوطن.
Post: #9 Title: Re: .....هنا نتلقى العزاء......في الوطن! Author: شكرى سليمان ماطوس Date: 12-29-2010, 06:33 AM Parent: #7
Quote: ومن بين دميعاته يقول.....اكان جات الجزمه برسل ليه الا يا ربي بعرف ليه عنوان؟؟!!
مليانه افلام هندية .. والله يا تراجي ... انا من زمان بقول عليك كاتبة سيناريو من الطراز الفريد .. الناس البتدي السعفة الذهبية .. والحصان التركوازي ديل ما يجو سودانيزاونلاين دي يشوفوك بتكتبي في شنو ..
لو ختينا الطيب رحمة قريمان وتنديداته المتشنجة ، ح يجي (الكاوبوي) اياهو يقول في محكم عنفوانه: يا سلالالام يا تراجي .. الآن دقات قلبي تتسارع .. ودموعي تنهمر بي عين واحدة .. اين لي بمناديل الورق والمحارم ..
عليك الله يا تراجي بحكم علاقتك القوية ساعدي عم حسين وسايمون .. في مسالة العنوان دي .. وتكون الحبكة بالخلطة الهندية ..
والله حسع دي قريمان تلقيهو قاعد يبكي جنس بكا .. قطعتي قلبو عديل كدا ..
Quote: محمد علي باشا كان اذكى من حكامنا غزا السودان بحثا عن الرجال!!ونحن حكامنا الاغبياء يتخلوا عن ثروة بشريه منتجه ومبدعه ومخلصه لا فاسده لا متقاعسه...بايدينا....ويدعي الذكاء!!له الله الوطن.
ووين بشــاشا الاله الكوشي .. بل اين مناهضي التيار العنصري في البورد اين محللي الخطاب العنصري .. الناس دي ما بتعرف تقرا ..؟
وين الناس العندهم كاروشة بتاعت عنصرية يجو يفكفكو لينا الكلام دا ..
يا بشاشا .. الليلة يوم حوبتك جـــات .. عليك الله تعال اقلب لي هوبـا بالطريقة الكوشية في البوست دا ..
إنت يا مناضلة عارفه محمد علي باشا دا نظريتو شنـو لما غزا ؟؟
يعني الاتنين بينظروا للآخر ( اللي هو في الحالة دي الاخوة الجنوبيين ) كثروة بشرية منتجة يستفيدو منها باعتبار محمد علي باشا حاكم .. وتراجي عاوزة الحكام بتاعننا يفكروا زي محمد علي باشا وما يفوتو الثروة المنتجة دي ساااي ..
Quote: يا عمكـ .. بإعتباري من اصدقاء الاخت العزيزة المناضلة وأقوم مقام الأميــر الكوشي ( مقشاشة ) مدّ الله في ايامو فيسرني ان ( أحاول ) مع اختلاف المقامات ان اجيبك ومن نفس كلام الاخت المدافعة عننا ..
كان حاولته مهما حاولته ما بتقدر .. بي اختصار الأمير الكوشي بشاشا عوووووووك ..& عييييك .. بيشم عنصرية الجلابة على بعد مية فرسخ .. وبيعالج بالصدمة وبموت موت مع تراجي .. وكان رشيتو بي اللبن برشك بالدم .. لذلك .. لا اعتقد إنك تمتلك مهارات تؤهلك أن تكون أمير كوشي .. كالأمير المبجل بشاشا ..
Quote: نظرية محمد علي باشا الكبير تقول : انه رجال السودان ثروة بشرية يستفيد منهم كعبيـــد وكجنود في بناء جيش دولته الحديثة ...
والله دا كلام خطير يا حيـدر .. خطير جدا .. تراجي دي ما قرت تاريخ ولا حساب مثلثات ..؟ يعني علاقة الجنوبيين بالشمال عبارة عن علاقة ثروة بشرية تشتغل وتخلص وتبدع حسب أمر السلطان والحاكم ..؟ لاحظ ثروة بشرية دي عاملة كيف ..؟
Quote: وتراجي عاوزة الحكام بتاعننا يفكروا زي محمد علي باشا وما يفوتو الثروة المنتجة دي ساااي ..
والله يا حيدر المعادلة دي ما يفكفكه ليك إلا بشاشا .. يا الطيب رحمة قريمـان
Quote: يا تمبس انت راجل فنان ياخي عليك الله الحتة المقطوعة دي مش زي القطعوها من جسمك؟؟؟؟
سلامات يا جعفر هاشم .. تفتكر إنو الحال دا عاجبني .. ؟ ما اظنو الحمى قاعدة تخلي ليها حتة في الجسم سليمة لكن دا الواقع الاتفرض ووجب التعامل معاهو بصورة عقلانية .. طالما دي خيارات سعى ليها البعض .. من الناحية الأخرى .. تعتقد إنو اجي ابكي علشان الكلام الكتبتو تراجي مصطفى هنا دا .. وهي نفس التراجي البتكلمنا كل ليل وصباح عن الجلابـة وما ادراك ما الجلابة .. إذا كان هناك من سعى بقوة للكروكي المرفق .. فإن امثال تراجي ومن شايعها .. هم من ساهموا في تقطيع هذه الاجساد مثلهم ومثل غيرهم .. وانطلاقا من هذا المكان وفي اماكن أخرى ..
Post: #42 Title: Re: .....هنا نتلقى العزاء......في الوطن! Author: Ahmed Gabir Date: 01-09-2011, 08:11 AM Parent: #20
بسم الله الرحمن الرحيم و يا جماعة انا حساس و كل حاجة لكن خريطة ماتبقى من السودان الشمالى لو ختيتو مسطرة الحدود بتكون عديلة و بالتالى جنوب كردفان و جنوب النيل الازرق و دارفور و يكون عندنا خريطة سهلة و كل سنة و كلكم بخير
Post: #19 Title: Re: .....هنا نتلقى العزاء......في الوطن! Author: Ahmed Yousif Abu Harira Date: 12-29-2010, 08:11 AM Parent: #17
Quote: هنا نتلقى العزاء......في الوطن
احسن الله العزاء فعلا شئ محزن للغاية
خيبة وفشل
نبكي كالنساء وطننا لم نحافظ على وحدته كالرجال او كما قيل ....
Post: #25 Title: Re: .....هنا نتلقى العزاء......في الوطن! Author: عثمان الحسن أبوروف Date: 12-29-2010, 11:10 AM Parent: #19
الغالية تراجي
مع الشعور بالحزن والخيبة
لكن لا بد من التعامل بواقعية والنظر إلى المستقبل
فلتكن علاقات أقتصادية كالعلاقات القائمة بين دول الخليج حرية حركة وتملك وتجارة ودخول عن طريق البطاقة ومراعة الجانب الأجتماعي والثقافي
المطلوب طرح واع يتناول العلاقات الأقتصادية الوشائج الأجتماعية البعد الأستراتيجي الجانب العاطفي وأقصد مراعاة أن كثير من ابناء الجنوب ولدوا وترعرعوا في الشمال ولا يمكن نكران هذا الحق
التعاون المطلق
وأرادة الله جعلت أن نكون مرتبطين جغرافيا ومتداخلين
وعلينا أن نقتدي بجنوب أفريقيا
فهنالك كانت تفرقة عنصرية مباشرة وصريحة والسودان أكثر بلاد الله تصاهرا وتمازجا بالرغم من جشع السياسين
ولذلك أثق في نبل الشعب السوداني وأحلم بقطار من نمولي جنوبا إلى حلفا شمالا ومن سواكن شرقاإلى كتم غربا
بلا حواجز
Post: #26 Title: Re: .....هنا نتلقى العزاء......في الوطن! Author: عثمان الحسن أبوروف Date: 12-29-2010, 11:10 AM Parent: #19
الغالية تراجي
مع الشعور بالحزن والخيبة
لكن لا بد من التعامل بواقعية والنظر إلى المستقبل
فلتكن علاقات أقتصادية كالعلاقات القائمة بين دول الخليج حرية حركة وتملك وتجارة ودخول عن طريق البطاقة ومراعة الجانب الأجتماعي والثقافي
المطلوب طرح واع يتناول العلاقات الأقتصادية الوشائج الأجتماعية البعد الأستراتيجي الجانب العاطفي وأقصد مراعاة أن كثير من ابناء الجنوب ولدوا وترعرعوا في الشمال ولا يمكن نكران هذا الحق
التعاون المطلق
وأرادة الله جعلت أن نكون مرتبطين جغرافيا ومتداخلين
وعلينا أن نقتدي بجنوب أفريقيا
فهنالك كانت تفرقة عنصرية مباشرة وصريحة والسودان أكثر بلاد الله تصاهرا وتمازجا بالرغم من جشع السياسين
ولذلك أثق في نبل الشعب السوداني وأحلم بقطار من نمولي جنوبا إلى حلفا شمالا ومن سواكن شرقاإلى كتم غربا
اما الفاقد التربوي الانقاذي فاليتخارجوا....فانهم لا مكان لهم بيننا.
الاخوة....الخلاصه.... انه سكان الاحياء الفقيره يعرفون الجنوبين وبينهم علاقات وتواصل لذا هم من يعانون الآن...من هذا الفراق بينما ناس نافع وغيرهم متجدعين لا يعرفون فداحة ما فعلوهوا بنا....
سنواصل التوثيق..... ساغيب قليلا....كم يوم واعود كونوا بخير.
أم حازم ذهبت البلد في اجازة صغيرة ولم أجد الأخوين تو ولوكا أشطر معلمي الياسة والبلاط في مدني وعلمت من الأخ مهدي أنهما وأسرهما غادرا كرها للجنوب ربنا يحفظهم بيننا ملح وملاح وصداقة دخلت البيوت ...... نشاطركم الأحزان الخوف أن أذهب أقرب إجازة ولن أجد أحباء الحي من ناس دارفور وكردفان والنيل الأزرق الطيب مطصفى الله ومنبره عيلهم اللعنة لا يمد في عمره .. أخوكم الحزين الشفيع
Quote: سنواصل التوثيق..... ساغيب قليلا....كم يوم واعود كونوا بخير.
.. في انتظار السينارستيتا .. تراجي مصطفى الشهيرة بي تراجي مصطفى .. عايزين نشوف قصة اسماعيل باشا ومحمد علي باشا .. وعلاقتم شنو بي المناضل بشــاشا .. والمسئول عن جلب المطــر الطيب رحمة قريمان
Post: #31 Title: Re: .....هنا نتلقى العزاء......في الوطن! Author: Abdelmuhsin Said Date: 01-05-2011, 04:49 AM
احسن الله العزاء
Post: #32 Title: Re: .....هنا نتلقى العزاء......في الوطن! Author: Tragie Mustafa Date: 01-05-2011, 05:04 AM Parent: #31
عدنا و العود لم يعد احمد.....
شكرا لكل من مروا......
وياله من عام يبدأ بغصات وليست غصة واحده؟؟!!
Post: #33 Title: Re: .....هنا نتلقى العزاء......في الوطن! Author: عبدالعزيز حسين عبدالرحيم Date: 01-05-2011, 05:29 AM Parent: #32
العزيزة الجسورة تراجي
Quote: وياله من عام يبدأ بغصات وليست غصة واحده؟؟!!
نعم صدقتي من الحزن لم أحضر حفل راس السنة البهيج والأصحاب سألوني مالك ما مروس أجبتهم في حزن وأسى ولوعة وقلبي يقطر دماً وحزناً نروس والوطن بتمزق نروس والوطن يتشظي والجنوب ينفصل ويرحل عنا أخوانا الاعزاء المروسين ليها شنو فأنصرفو يكسوهم الحزن تصدقي يا أم حازم من بداية السنة ما اكلت باسطة حتى الأن حزناً على فقد هذا الجزء الغالي من الوطن وحتى البيبسي بقيت أشربه دايت من الحزن لمن قريت قصتك الفوق دي ساهرت حزين اتقلب في فراشي من اللوعه وصورة عم حسين وسايمون لم تفارق ذهني
التحية لك أيها الجسورة وأنتي تنقلي لنا أوجاعنا الحقيقة وتروي ما غاب عنا
وان شاء الله رحلتك كانت موفقة وسط الثلوج وزمهرير البرد والتعب وانتي تتكبدين المشاق من اجل قضايا الهامش والمهمشين .. جعله الله في ميزان حسناتكـ ..
كنا قد اهدينا لك بمناسبة الرحلة والثلج وقيادتك للعربة كل هذه المسافة .. اهدينا لك بطيخة وباقي حلة .. بس الظاهر بكري جاع وقرصت معاهو فقام جازفهم وقشّ خشمو .. لكن ولا يهمكـ هنا الحبحب علي قفا من يشيل والحلل هبطرش ..( دا عشان ماتلومينا وتقولي ما فقدوني وقت غبتا في سبيل قضاياهم )
نرجع للموضوع .. والله حاولت للمعزة الشديدة اقنع تمبس دا واجاوب بدلاً عنك .. لكني شايفوا ما راضي وقال لي ابدن انا عاوز القول من خشم سدتو بتاعات المؤتمرات .. فدحين جاوبيهو وفكي نفسك من عكلتو دي .. الزول دا لياقة فُل يضرب الصباح المارتديلا ويجيك هنا والله سك سك لغاية فلاديفيا ..
أنا مرو من هنا .. لكن بي صراحة كدا .. انا اصلو ما شكرن انا موضوعي مع الجلابي المستهبل دا .. ومع محمد علي باشــا .. الجبتيهو لينا دا .. إذا العود أحمد المصطفى عديل كدا ..
(تفظلي)
Post: #35 Title: Re: .....هنا نتلقى العزاء......في الوطن! Author: عبد الحي علي موسى Date: 01-05-2011, 06:52 AM Parent: #34
Quote: .....هنا نتلقى العزاء......في الوطن
ربنا يجبر الكسر. لكن... هذا هو المولود الوحيد الذي سيعود من برزخه لأصله. تحياتي تراجي
Post: #37 Title: Re: .....هنا نتلقى العزاء......في الوطن! Author: عماد موسى محمد Date: 01-05-2011, 09:11 AM Parent: #35
Quote: يقشش ديمعاته عم حسين ويفكر بانه لا حل له ليبقى على اتصال بسايمون الا الحرص على شريحة موبايلهفهو لا علاقة بينهم الا هذا الهاتف.....بلاد لا عناوين بريديه لها ولا يحزنون. بلاد تعلق فيها العلاقات على رقم هاتف لو ضاع....يفقد الصلة بسايمون!
يا طراجي .. الجلابي دا .. التلفون بتاعو دا النغمة الفيهو شنـو ..؟ أوعه يكون مشغلو هزاز .. والله كان شغال هزاز .. لي بكرة سايمون ما يرد ليهو..
Post: #41 Title: Re: .....هنا نتلقى العزاء......في الوطن! Author: احمد محمد احمد عتيق Date: 01-09-2011, 07:49 AM Parent: #40
وحكى لي احدهم بان الجنوبيين الحارسين بيته ...عندما لم يجدو شخصا ليتسلم المفاتيح وهم مغادرين عملو محضر في الشرطة الشعبية بالحي وسلموهم المفاتيح ..قمة الامانة فعلا ..
الله يجعل كيدهم في نحرهم لكل من ساعد او ساهم او يساهم في تمزيق الوطن الغالي والله يحفظ بلادنا من شر
الفتن .. انه سميع قريب مجيب الدعاء ...
Post: #44 Title: Re: .....هنا نتلقى العزاء......في الوطن! Author: يوسف السماني يوسف Date: 01-09-2011, 09:28 AM Parent: #43
تراجي مصطفي تحياتي
Quote: ....الحزن الذي يثقبنا......
والحزن الذي يتجول بشوارع بلادنا....
يحدثني بعض الاصدقاء بالداخل
مامعني ان نحيا ولاندري بان العشق سيبقي سجينا في الدول كماغني مصطفي علية رحمة الله لن اعزي ولكن ساحبس الحزن في الدواخل لان ساحابات الامل ستظللنا حتي تمطر يوما وتزيل محل الوطن .