ما كفاي يا قلبي الجمال خلاك تذوب شوي وسهر ودر شباب عمرك هدر
شال النضار الكان مفرهد ومزدهر خلي الشجي وخلي اليباب الكلو ثانيه بعيشو لحظات من سراب احسو في روحي اغتراب واحس بشوق وشقي وعذاب نار في الضلوع وجرح اليم
تذكار عزيز يا قلبي شايلو اسي وهموم
====================
Post: #4 Title: Re: ____احسو في روحي اغتراب____ احسو شوق وشقي وعذاب____ جرح اليم وجرح اليم!!!!!! Author: salah ismail Date: 12-29-2010, 04:11 AM Parent: #3
======================
قصة الحب القديمة ابتهالات المدن تفتح مسا مات الصباح تتنفس الوحشة الاليمة... ونظرة الشوق في عيونك تبقي غيمة وفي انتظارك في المواني علي المدي ضحكة تجمع بعدك الضو من نجومه يا سما الفرح الموزع بين اناشيد انتصارك وبين وجع الم الهزيمه الفي عنيك والباقي منك في الهتافات البعيدة لون سكوتك وانقسامات في توالي تبني ابيات القصيدة.... كان نغنيك وانت لسة علي الوتر الحان جديدة او نقولك في الكلام نحكي الحكاوي عن الحصل نملاك ريدة نجمع اطرافك مراحل في زمن صمتك ونكتب قصة الحب القديمة الف مرة والف مرة والف نقراها ونعيده نحتمل لوعة فراق اهات وحسراتك تفصّد بالدموع حول المدن ترسم حدوده.... نيل هناك ونخلة في الضفة المعاك واقفه تسمع كل يوم لحظات بكاك في ضل وجودة تكبر اطفال المدارس في الفصول اتعلمت منك تشاكس في السكات واتعلمت لازم تقول.... وزي شموس ارضك تولع في النهارات كل يوم تتحدي ليل كل الدروس رغم الفصول الاتلغت كانت مفيدة... علمينا الانتظار وابقي الرصيف ورينا كيف نحبي ونتاتي وتكلينا عشان نقيف شيلينا فوق ورم الكتوف يا عزة ما دايرين نشوف نتشابي نمرق للشمس نتحدي بيك كل الظروف اربطي الجرح اللئيم الانفتح بالباقي من توب الفرح... جرح اليم لون النزيف..احمر مخيف