|
مشاهدات !!!
|
مشاهدات : من السودان الشقيق من مصر : أرض الخديوي حيث يعيش المستلبون و يتعلمون كيف - باسم الثقافه و الأدب - يغتالون الوطن !! من سودانيزولاين : منبر من لا موضوع له و من قلبي الذي ( يرقد فوق بقايا المدينة .. وردة من عطن .. هادئأ ... بعد ان قال لا للسفينة واحب الوطن ) !!!
|
|
|
|
|
|
|
|
Re: مشاهدات !!! (Re: أمين محمد سليمان)
|
ميول
علي جميع المشاركين في هذا البوست كتابة اسمائهم و اعمارهم و ميولهم : الداير يطلع ( أووف بوينت ) بالله يطلع لينا بره البوست ده لانو معانا عوايل !!
| |
|
|
|
|
|
|
Re: مشاهدات !!! (Re: أمين محمد سليمان)
|
إنفصال
بالنسبه للناس القاعده بره أحب أطمنكم إنو الانفصال ولا الوحده و الأستفتاء و الكلام ده كلو لا يوجد إلا في الجرايد و سودانيزولاين منبر من لا موضوع له !! سئيلي الله قعدت في السودان قريب تلاته اسابيع : زول جاب سيرة إنفصال و لا وحده ولا نضم في سياسه مافي : طفقت أفتح موضوع الوحده و الأنفصال و مالاتهم فما فعلت غير أن (إستبيضني ) الناس !!
| |
|
|
|
|
|
|
Re: مشاهدات !!! (Re: أمين محمد سليمان)
|
بورداب الخرطوم (جناح الونسه)
كلهم أمنجيه : رجالهم و نسائهم : شيبهم و شبابهم بورداب الخرطوم هم سبب بقاء هذا النظام : انهم السوس الذي ينخر في أجسادنا بورداب الخرطوم مسؤلين عن إنفصال الجنوب و عن ماساة دارفور و سيول طوكر : مسؤلين عن جلد الفتاه : عن جلدنا جميعا : عن موتنا كل يوم !!
| |
|
|
|
|
|
|
Re: مشاهدات !!! (Re: Yassir Tayfour)
|
سلام يا أمين,,, لحد ما أجيك راجع تانى ونواصل فى المشاهدات,, أتمنى أن أسمع تلك العصماء التى ألقيتهايومذاك,,,,
يا نوتة والله ونستنا لم تكتمل,, خليك أمين فى توزيع الزمن...
فرصة سعيدة تانى,,
| |
|
|
|
|
|
|
Re: مشاهدات !!! (Re: أيمن الطيب)
|
و عليكم السلام يا أيمن Quote: يا نوتة والله ونستنا لم تكتمل,, خليك أمين فى توزيع الزمن...
|
يا أيمن : مافي حاجه بتكتمل في السودان ، خلينا نتم الموضوع ده في قطر !! بعدين الصور دي بتنكتو فيها من وين ؟ سئيلي الله ما متذكرها !!
---------- حمور و ياسر علمت بمروركم !!
| |
|
|
|
|
|
|
Re: مشاهدات !!! (Re: أمين محمد سليمان)
|
Quote: بعدين الصور دي بتنكتو فيها من وين ؟ سئيلي الله ما متذكرها !! |
ما قلنا ليك يا أمين ياخي الشهرة متاعب. حمدا لله على السلامة و إن شاء الله رحلة موفقة و ما تكون نسيت تدي حمور الظرف بتاعه.
| |
|
|
|
|
|
|
Re: مشاهدات !!! (Re: Yassir Tayfour)
|
الدكتور أمين
نرجب بك بعد عودتك من جولتك التفقدية، ووقوفك بنفسك على ما آل إليه حال البلاد والعباد، ونهنئك وأنفسنا على عودتك لأرض الوطن.
| |
|
|
|
|
|
|
Re: مشاهدات !!! (Re: الصادق اسماعيل)
|
Quote: نرجب بك بعد عودتك من جولتك التفقدية، ووقوفك بنفسك على ما آل إليه حال البلاد والعباد، ونهنئك وأنفسنا على عودتك لأرض الوطن. |
آمين.
| |
|
|
|
|
|
|
Re: مشاهدات !!! (Re: الصادق اسماعيل)
|
هسي عليكـ الله دي مشاهداتكـ وين صوركـ في ليل القاهرة البهيج حينما كنت بصحبة حبيبنا ( حبيب نورة) ؟
ــ نزل الصور وسكت الخشامة .. (المعني بالخشامة هو ياسر طيفور )
| |
|
|
|
|
|
|
Re: مشاهدات !!! (Re: السيد المسلمي)
|
Quote: حليم صاحب خضر : البني أدم الوحيد في الزايله البمسك مويه و نار في نفس الوقت !! أين شرطة النظام العام ؟! |
> دي اوسكار يا دكتور
| |
|
|
|
|
|
|
Re: مشاهدات !!! (Re: مرتضى احمد عبد القادر)
|
سعادتك تحايا بعظمة وقدر الالقاب ياخ من شدة ماكترت بقينا مابنقدر نكتبا زاتو طبعاً كل يوم بتأكد لينا حجم الفايدة من حلك وترحالك واستقرارك فبسفرتك الاخيرة تعرت صن اير وطربت امستردام وحاكت KLM اخواتها السودانيات ثم انقق حمور ثلاث وعشرين من الجنيهات المصرية واكتسب مشاهدات جمة تعينه على اخت الكونج.. واشياء أُخر لن تسؤنا ان بدت بأى حال من الاحوال..
مراحب بالمشاهدات والمناظر والصور وايو حاجة
| |
|
|
|
|
|
|
Re: مشاهدات !!! (Re: بله محمد الفاضل)
|
سلام يا العوض Quote: و إن شاء الله رحلة موفقة و ما تكون نسيت تدي حمور الظرف بتاعه. |
حمور كمان بستناني ؟ ظروفو بجيبوها ليه لحدي خشم الباب : كاتبين فيها (شكرا لساعي البريد ) !! إنت قايل البلد دي ضاعت من هين ؟!!
| |
|
|
|
|
|
|
Re: مشاهدات !!! (Re: أمين محمد سليمان)
|
Quote: إعتذار
كان بودنا نلاقيك, لكن أتت الرياح بما لا تشتهي السفن !
|
الفيك اتعرفت يا أماني و أنا الكنت قايلك بتجيني المطار شايله الأعلام !!
| |
|
|
|
|
|
|
Re: مشاهدات !!! (Re: أمين محمد سليمان)
|
Quote: يا رد التلفون يا أضرب، عذبتنا ياخ! |
تلفوني رايح قبل ما أسافر باكتر من أسبوع ...
-------- يا ياسر إن شاء الله مرتك تكون بالاك بل العرديب !!
| |
|
|
|
|
|
|
Re: مشاهدات !!! (Re: أمين محمد سليمان)
|
Quote: يا خوفي من تجي يوم تقول مثلك لا يسأل عن مصدر |
البشري يا حبيبنا : دي ما سمعت بيها !! إن شاء بس القالها يكون من مفكري هذه الأمه من أمثالنا !!! الناس البتري بنور الله الزينا ديل ما مفروض يسالوهم جبتو الكلام ده من وين !!
| |
|
|
|
|
|
|
Re: مشاهدات !!! (Re: esam gabralla)
|
عصام متسببة ليك ساي في لغيان حجز انتا بعد صاحبك باعك انتا امشي و محل الما لقاهو امين دا انتا بتلقاهو .. اصلو كما تكونون يولى عليكم :)
أمين غايتو انا شايف انو حمور خوفك بويكي ليكس دي
نعمل رايحين قلتا كدا اخير
| |
|
|
|
|
|
|
Re: مشاهدات !!! (Re: esam gabralla)
|
مفكرة يا دكتور مفكرة لا تشيل هم صاحبة المقولة اختنا المفكرة ميادة
___________
يا ود جبر الله انت زعلت بجدك ولا شنو؟ ما راجينك يا معلم
| |
|
|
|
|
|
|
Re: مشاهدات !!! (Re: أمين محمد سليمان)
|
Quote: أمين غايتو انا شايف انو حمور خوفك بويكي ليكس دي
نعمل رايحين قلتا كدا اخير |
يا أمجد : ما تشوف طولو ده : صحبك أقصر قامه من إنو يبدا حرب زي دي معاي !!
| |
|
|
|
|
|
|
Re: مشاهدات !!! (Re: أمين محمد سليمان)
|
Quote: مفكرة يا دكتور مفكرة لا تشيل هم صاحبة المقولة اختنا المفكرة ميادة
|
والله يا البشري ميادة ولا مفكره ولا حاجه : المفكرين في بورد ما لا موضوع له ده اتنين : أنا و محسن خالد و محسن ذاتو أنا مجاملو ساي !!
| |
|
|
|
|
|
|
Re: مشاهدات !!! (Re: أمين محمد سليمان)
|
تحياتي يا فخيم Quote: سودانيزولاين : منبر من لا موضوع له
|
والله الواحد عايز يتفق وخايف من شيلان الحال او العدة لا فرق .. ثم إنه كيفنك واحاويلك يا دكتور ؟
| |
|
|
|
|
|
|
Re: مشاهدات !!! (Re: طلحة عبدالله)
|
ياخال
تعرف العماقة حقتك دي مفروض نديك بيه الربع الجايي ده برراك بس
تورينا الحاصل و كل من تسؤءل لة نفسة
تديهو النجيضة *
------------------ النجيضة بتاعت العمقاء مش بتاعت ناس نجد
| |
|
|
|
|
|
|
Re: مشاهدات !!! (Re: أمين محمد سليمان)
|
يا اللخو اخبار السودان الشقيق شنو؟ البمشى كلو يجينا يتكلم عن سمك عوضبة.. لدرجة المذكورة عايزة تعمل فرع فى بيت الفنون.. انا سمعت قالو العوض المسلمى بحضر دكتوراة فى عيون السمك.. بعدين بلدا فيها خضر وياسر طيفور اريتك كان مشيت فى الخريف... هو موضوع البوست ده شنو؟؟
| |
|
|
|
|
|
|
Re: مشاهدات !!! (Re: صديق الموج)
|
الصادق يا حبيبناQuote: نرجب بك بعد عودتك من جولتك التفقدية، ووقوفك بنفسك على ما آل إليه حال البلاد والعباد، ونهنئك وأنفسنا على عودتك لأرض الوطن.
|
البلاد و العباد بسلمو علينا و عليك لكن لا مبالاة الناس بالاحداث يمكن أن تري بالعين المجرده : الحكومه شدهت الناس في رقبتها و السودانيين الكانت ونستهم سياسه بقو يفرو منها فرار السليم من الاجرب !! الكلام كلو و الونسه كلها يا كوره يا سيرة الناس العندها قروش !!
| |
|
|
|
|
|
|
Re: مشاهدات !!! (Re: أمين محمد سليمان)
|
Quote: هسي عليكـ الله دي مشاهداتكـ وين صوركـ في ليل القاهرة البهيج حينما كنت بصحبة حبيبنا ( حبيب نورة) |
يا سيدنا ، القاهره ليلها كئيب كابة الحياه مع حمور في مكان واحد !! بعدين ياخي أنا بقدر علي حبيب نوره و برامج حبيب نوره ؟
| |
|
|
|
|
|
|
Re: مشاهدات !!! (Re: أمين محمد سليمان)
|
Quote: البلاد و العباد بسلمو علينا و عليك لكن لا مبالاة الناس بالاحداث يمكن أن تري بالعين المجرده : الحكومه شدهت الناس في رقبتها و السودانيين الكانت ونستهم سياسه بقو يفرو منها فرار السليم من الاجرب !! |
والله في دي بتفق معاك يا أمين... ياخي أنا مشيت قبل أربعة خمسة شهور عادي كنت بدي الناس هناك أخبار السودان. و وصفت لناس بيت الفنون كمان... مش كدا و بس كانو ما عارفين في حاجة اسمها بيت الفنون و اتفلسفت لما سألوني قالوا لي بيت الفنون دا شنو كمان؟ قلت ليهم ياخي دا العامله طارق الأمين... قاموا أحبطوني قالوا لي طارق الأمين دا منو؟ (معليش يا طارق لا شيء شخصي لكن دا ياهو حال الناس في السودان) قربت أقول ليهم كمان قولوا ما بتعرفوا بكري أبو بكر و بشاشا و ذو اليد... لكن احترمت نفسي. و ناس كتيرين ما كانوا عارفين الاستفتا متين و الأغلبية مع الانفصال بدون أي وعي بتبعاته. أما عوضية سمك دي الما بيخلو بوست هنا عن السودان من الكلام عنها فقد كان لي شرف تعريف عدد من أبناء السودان بها.
| |
|
|
|
|
|
|
Re: مشاهدات !!! (Re: Elawad)
|
من الاسكلا و حلا .... ضهبي للتياب بلا العضه كانت جامده يا بروف انا لقيت مرادي و اتفكفكت اهاالفنان كان كيف ؟
| |
|
|
|
|
|
|
Re: مشاهدات !!! (Re: Ashraf el-Halabi)
|
د. أمين سليمان صباحك زين ,,,
Quote: المشاهدات مهداه إلي أخي عبد الناصر الخطيب ممثلنا في أرض الماء و الخضره و الوجه الحسن !! |
بعد التحية والاعتذار عن عدم مشاهدتي للبوست , بقي الواحد يجي بي جاي يلقي الناس ما سكه في بعض يرجع تاني سعيد بقراءة مشاهداتك عن السودان الشقيق , بالمناسبة مؤخرا من تلفوناتي مع أخوي أتضح لي أنو السودان الفي سودانيز والسودان الهناك , في شوية فروق في الأولويات والاهتمامات بين ديل وديل , أمبارح مع أخ مكرم صاحب لأخ مكرم بعرفو برضو كان بحكي لينا في مشاهداتو بعد الإجازة الاضطر يختصره بعد ما قضي حاجاتو الماشي ليها لانو مافي زول فاضي ليهو أصلا. من عباراتو السودان كلو بقي في الخرتوم مره ببالي نشيد ياربي متين أشوف الخرطوم !!! وقالوا لى في الخرطوم الفسحة بالعربية وقالوا لى في الخرطوم جنينة البلدية . وفي كل الاحوال عوزة ميزانية
_ لو الحكاية فيها توزيع ظروف ماكنه مع بورداب الخرطوم جناح الترطيب والونسة بنمش إجازة سريعة _
أها دي من بدعنا الاسفيرية
Quote: ميول
علي جميع المشاركين في هذا البوست كتابة اسمائهم و اعمارهم و ميولهم : الداير يطلع ( أووف بوينت ) بالله يطلع لينا بره البوست ده لانو معانا عوايل !! |
عمرنا كبر اكتر من اللازم وميولنا تقليدية بحته ..
حمور ياخي انت شائل حسو ساى أنا غايتو متفائل لي في البلد الشغيغ ومن هسه مجهز عنوان بوست الاحتفاء بشهرتو ومجدوهناك
حمور زيادة على خطي مي زيادة
------------------------------------------------------------- **ناس بلد الخضرة والماء والوجه الحسن بقوا حاسدين الواحد عديل أنو من بلد الاثارة والاكشن الاسمو السودان مرات بقولو لى _ السودان مش حتقدر تغمض عينيك _
| |
|
|
|
|
|
|
Re: مشاهدات !!! (Re: أمين محمد سليمان)
|
أبو حميد يا حبيبنا ، سلام ياخي Quote: سعادتك تحايا بعظمة وقدر الالقاب ياخ من شدة ماكترت بقينا مابنقدر نكتبا زاتو طبعاً كل يوم بتأكد لينا حجم الفايدة من حلك وترحالك واستقرارك فبسفرتك الاخيرة تعرت صن اير وطربت امستردام وحاكت KLM اخواتها السودانيات ثم انقق حمور ثلاث وعشرين من الجنيهات المصرية واكتسب مشاهدات جمة تعينه على اخت الكونج.. واشياء أُخر لن تسؤنا ان بدت بأى حال من الاحوال..
مراحب بالمشاهدات والمناظر والصور وايو حاجة
|
شفت جوطة حمور دي كلها في تمنين جنيه دفعهم لبتاع التاكسي لمن رجعت من المطار : دي واجعاهو أكتر من أي شئ !! اقترحت عليه ارجعهم ليه فرفض في شكل (يتمنع و هو راغب ) !! بعداك أنا ذاتي عملت ميت ، بالنسبه للكونج فحمور علاقتو بالابداع زي علاقتي بقدو قدو !!
| |
|
|
|
|
|
|
Re: مشاهدات !!! (Re: أمين محمد سليمان)
|
Quote: دكتور امين كيفنك ياخي |
يا طارق ياخي ما لمينا فيك بعد الرحله و إنت سافرت قبل يوم من جيتي القاهره فما تقابلنا تاني ، فإن شاء الله نتقابل في ساعة خير . و ياخي عليك الله رسل لي ايميل عن كيفية الاعتناء بالصلعه عشان كلنا نستفيد لانو الشافتو عيني ده شغل منظم و مخطط و مرتب و أبدا ما ممكن يكون صدفه !!
| |
|
|
|
|
|
|
Re: مشاهدات !!! (Re: محمد عثمان ابراهيم)
|
..... .... ....المشاهدات .... خلـّها .... ....
... ...ادوك حق التذكره و تعويضاتا .... ..... ...و الاّ اكلو بعقلك حلاوه ...شاكلة الشكر لساعي البريد ..... ... ..... .... .... .... .... ..... .... . . . . . . ... .. .. ..محفوظه ...حقوقا ...لاخونا ود الصايم .... ...
| |
|
|
|
|
|
|
Re: مشاهدات !!! (Re: Hololy)
|
Quote: شفت جوطة حمور دي كلها في تمنين جنيه دفعهم لبتاع التاكسي لمن رجعت من المطار : دي واجعاهو أكتر من أي شئ !! اقترحت عليه ارجعهم ليه فرفض في شكل (يتمنع و هو راغب ) !! بعداك أنا ذاتي عملت ميت ، |
يادكتور ....... كدي ضربه بحسابات الحميدية ............ ياخ ده مبلغ خرافي
| |
|
|
|
|
|
|
Re: مشاهدات !!! (Re: omer osman)
|
طوال الربع الفائت لم استسغ القراءة لكثير من عضوية المنبر , وجدت في بعض بوستاتك التي نشرتها بعد عوتك وقبلها الكثير من العزاء وفي بعض مداخلاتك فتوجتك كاتبي المفضل للربع المنصر والذي اسأل الله ان لا يعيده
| |
|
|
|
|
|
|
Re: مشاهدات !!! (Re: سناء الصباغ)
|
تحياتي يا سناء .. ما عرفتك في بوست العزاء للاسف .. رغم انو البوست كان سبب في معرفة عدد من الاقارب منهم اماني العجب. لكن اتمنى لو عرفتك في حته ما عندها علاقة بأمين.
من يسأل عن تلفون أمين او ايميلو او عنوان الاسكايب بتاعو يكمنه مراسلتي على المسينجر. و توجد صور برضو.
| |
|
|
|
|
|
|
Re: مشاهدات !!! (Re: حمور زيادة)
|
بله يا حبيبنا ، و عليكم السلام يا صاح
Quote: الجنى وخالو والعابرين سلام
مشاهدات أم مناكفات
ترويحة للأرواح المغلغلة بي سبب وبدون
|
مشاهدات والله يا بله !! و ما تسميه مناكفات اسميه مهمه تنويريه !! كاحد مفكري هذه الأمه : يجب أنوه و احذر من الاستلاب و المستلبين الذين تسربو من غفلتنا إلي ساحات الأدب و المعرفه !! معركتنا طويله لكنا - بعون الله - سننتصر !!!
| |
|
|
|
|
|
|
Re: مشاهدات !!! (Re: أمين محمد سليمان)
|
سلام يا منال و سئيلي الله مشتاقين Quote: سلام يا وجيه
انا لسه ظرفي ما استلمته ..قالوا شوف عينهم البكيل فيها التراب سلموك ليها هبر هبر
__________
المستلبة تماماً |
ناس أمريكا (ظروفهم ) غير يا منال و لو الجماعه كانو سلموني الظروف سئيلي الله ما كان جيت راجع !!
| |
|
|
|
|
|
|
Re: مشاهدات !!! (Re: Yassir Tayfour)
|
Quote: شغلتنا أموالنا وأهلونا عن هذا البوست ، لنا عوده إن شاء |
حمدالله علي السلامة يادوك أموالنا!!؟. ما تكون ال٨٠ جنيه الجازفتهم من ود أختك
| |
|
|
|
|
|
|
Re: مشاهدات !!! (Re: أمين محمد سليمان)
|
سلام يا طلحه Quote: والله الواحد عايز يتفق وخايف من شيلان الحال او العدة لا فرق .. ثم إنه كيفنك واحاويلك يا دكتور ؟ |
أنا بخير طالما سوداننا بخير : هل سوداننا بخير يا طلحه ؟! شيل العده و الحال ما بقي مشكله : المشكله بقت في الامهات البتشتمو بكل أريحيه في منبر من لا موضوع له ده !!
| |
|
|
|
|
|
|
Re: مشاهدات !!! (Re: أمين محمد سليمان)
|
نصر يا حبيبنا ، سلام Quote: ياخال
تعرف العماقة حقتك دي مفروض نديك بيه الربع الجايي ده برراك بس
تورينا الحاصل و كل من تسؤءل لة نفسة
تديهو النجيضة *
------------------ النجيضة بتاعت العمقاء مش بتاعت ناس نجد |
عجبتني جدا قصة يدوني الربع الجايي أنظر ليكم فيه عشان تشربو ما تروو !!
----------- ياسر ، علمت بمرورك !
| |
|
|
|
|
|
|
Re: مشاهدات !!! (Re: Yassir Tayfour)
|
صديق يا موجنا الهادر في نص الصمت القاتل !! Quote: يا اللخو اخبار السودان الشقيق شنو؟ البمشى كلو يجينا يتكلم عن سمك عوضبة.. لدرجة المذكورة عايزة تعمل فرع فى بيت الفنون.. انا سمعت قالو العوض المسلمى بحضر دكتوراة فى عيون السمك.. بعدين بلدا فيها خضر وياسر طيفور اريتك كان مشيت فى الخريف... هو موضوع البوست ده شنو؟؟ |
السودان الشقيق يقرئكم السلام يا صديق و بقول ليكم أنا بخير لو انتو بخير .. البلد حصل فيها تغيير جذري في كل شئ - ما بالضروره تغيير سئ - و الناس القاعده بره و بتنظر دي لو بالجد عايزين يسقطو النظام ده مفروض يعرفو و يفهمو كل كبيره و صغيره عن الحاصل شنو جوه و عن التغيير في أمزجة الناس و مدي رغبتها و استعدادها لعمل أي شئ لاسقاط النظام !! الأنقاذ اغتالت في الناس رغبه الكلام في السياسه و كل مقتضياتها : ياخي النقه العاديه بتاعت الغلاء و الحياه البقت صعبه الناس خلتها !!
--------- طيب يا ياسر : سعدت بمرورك !!
| |
|
|
|
|
|
|
Re: مشاهدات !!! (Re: أمين محمد سليمان)
|
Quote: من الاسكلا و حلا .... ضهبي للتياب بلا العضه كانت جامده يا بروف انا لقيت مرادي و اتفكفكت اهاالفنان كان كيف ؟ |
يا حسبو ياخي مشية السودان دي لو ما كان فيها غير اليوم داك لكفاني !! الفنان كان تعيس تعاسة السنين . البركه في فاديه اليمني !!
| |
|
|
|
|
|
|
Re: مشاهدات !!! (Re: أمين محمد سليمان)
|
Quote: الأنقاذ اغتالت في الناس رغبه الكلام في السياسه و كل مقتضياتها |
يا أمين نحنا تعبانين تعب شديد وعدتك اجيك بالليل ـ جيت بالليل وما لقيت روحي ـ ياخي بلد عبارة عن لخبطة شديدة ليس الا ودعنا هذا المساء يا صديقي أكيج ملونق عاشت معنا أو في الحقيقة عشنا سوياً أجمل أيام العمر ودعناها ولعنا الظلام فعن شنو نحكي وعن شنو نكاتبك وعن منو نقول ـ ياخ ساعدونا بالتي هي أجمل تعلو يا نعيش كلنا حياة زي الانسانيين الفي العالم يانموت كلنا زي الانسانيين برضو دي رسالتي الوحيدة في البوست ده يا امين ـ وحياتك بقينا نشرب صرف صحي وناكل كسرة ومرات نبيت ام فكو وغايتو غايتو غايتو حليم برضو بقول ليك
انحنا خلاس مافضل شيتاً تلقوهو مننا في الاجازات ياخ وداعاً أكيج
يالترف هؤلاء الناس يا امين بتوعين سودانيز اونلاين لايعلمون البتة كم مرة جلدت فيها اكيج وكم مرة نامت بدون عشاء وكم مرة باتت في السجن وكم مرة وكم مرة يا للحقارات ياصاحبي؟
ــ وأنا جاي راجع (منتهي) تذكرت الدوش جالت بخاطري اكيج ومايكل (الوريتك ليهو داك) فتساءلت ونفسي يا أمين : هل نحنا كسودانيين صدقة جارية ولاجارين ساكت فعذراً لهذا الاستفراغ
ــــــــــ ياريتك تجي راجع يا امين
| |
|
|
|
|
|
|
Re: مشاهدات !!! (Re: خضر حسين خليل)
|
Quote: سئيلي الله قعدت في السودان قريب تلاته اسابيع : زول جاب سيرة إنفصال و لا وحده ولا نضم في سياسه مافي : |
يا أمين يسألنى الله ده كلام الغواصات ذاتو !! يازول إنت متأكد فى القاهره دى لاقيت حمور بس ؟ عموما المسوده سوف تصلنا قريبا وإلى ذلك الحين لك مودتى وتحياتى ,, زى السمعت فى كلامك ده سيرة الدوحه . عموما الدوحه وأهل الدوحه برحبوا بيك فى أى وقت ,, وحق التاكسى أقلعوا من أميره الشيخ بعدين ,,
| |
|
|
|
|
|
|
Re: مشاهدات !!! (Re: كمال سالم)
|
Quote: سئيلي الله قعدت في السودان قريب تلاته اسابيع : زول جاب سيرة إنفصال و لا وحده ولا نضم في سياسه مافي : |
يا كيمو السالم، هذا المقتبس يدل على أن هذا الأمين لا يمت لشعبنا بصلة، ولا بقضاياه، وأظن أن الذين كانوا حوله أو في معيته حناكيش، أصبعهم في "هناية" غيرهم..
| |
|
|
|
|
|
|
Re: مشاهدات !!! (Re: حبيب نورة)
|
تم القبض علي خال حمّور وهو في حالة شرود ذهني مُريب !
مصادر مُطلِعة أكدت زيادة نسبة السحلب في دم الخال بدرجةٍ مثيرةٍ للقلقِ والغبارِ و الأترِبة !
| |
|
|
|
|
|
|
Re: مشاهدات !!! (Re: حبيب نورة)
|
حبيب نورة أنا جايِّ القاهرة قريب جداً، وأتوقّع منك أن تسوقني لكل الجخانين التي سقت لها هذا الللا أمين، أزروايِّزْ، سوف أفعل ما فعله صابر أتير، وأعود أدراجي.
| |
|
|
|
|
|
|
Re: مشاهدات !!! (Re: Yassir Tayfour)
|
Quote: طيب يا ياسر : سعدت بمرورك !! |
و الله يا ود طيفور الزول دا إست######ك إستوساخ ما عادي..
إنت الوحيد اللي قال ليك الكلام دا...
و كمان كررها إمعاناً منه في إستوساخك...
دنـيـا.......
سلام للجميع.
.
| |
|
|
|
|
|
|
Re: مشاهدات !!! (Re: ABUHUSSEIN)
|
وجهة نظر مناضلي المنبر : العار لاجهزة الأمن لاعتدائها علي الدكتوره مريم !! أمنجية المنبر : أخوان الدكتوره جزء من أجهزة الأمن هذه !! الحقيقه : العار لاجهزة الأمن لاعتدائها علي الدكتوره مريم و العار لأخوان الدكتوره كونهم جزء من هذه الأجهزة !!!
| |
|
|
|
|
|
|
Re: مشاهدات !!! (Re: أمين محمد سليمان)
|
سمارت يا ذكيه ، سلام يا صديقه و الله يسلمك و يديك الصحه و العافيه قريت كلامك المسحتيهو ده و بتفق معاك فيهو ميه ميه لكن شكلو ناس بيتكم هرشوك
| |
|
|
|
|
|
|
Re: مشاهدات !!! (Re: أمين محمد سليمان)
|
حلب لب يا حبيبنا ، سلام يا أشرف Quote: كيف كانت العلقة يا دوك ?
فقد نما إلى علمنا أنك كنت عالقا بمطار كايرو
عموما حمد الله على السلامة |
ياخي والله ظللت عالقا في مطار القاهره حتي ملني و مللته : عزائي إنو أول مره كنت ماشي السودان و تاني مره كنت راجع لعيالي و في المرتين كنت متخارج من حمور !!!
| |
|
|
|
|
|
|
Re: مشاهدات !!! (Re: أمين محمد سليمان)
|
يا محمد عثماننا الذي نحب : عرفنا سمارت الذكيه سحبت كلامها ليه ، إنت مالك ياخي ؟!! قريت مداخلتك كذا مره و شكرا علي طيب كلماتك في حقي و حق مشاهداتي و لو إنو ما قادر أفهم سبب سحبها .
| |
|
|
|
|
|
|
Re: مشاهدات !!! (Re: خضر حسين خليل)
|
يا ناصرنا في بلاد الظلم ، سلام يا صديق Quote: سعيد بقراءة مشاهداتك عن السودان الشقيق , بالمناسبة مؤخرا من تلفوناتي مع أخوي أتضح لي أنو السودان الفي سودانيز والسودان الهناك , في شوية فروق في الأولويات والاهتمامات بين ديل وديل , أمبارح مع أخ مكرم صاحب لأخ مكرم بعرفو برضو كان بحكي لينا في مشاهداتو بعد الإجازة الاضطر يختصره بعد ما قضي حاجاتو الماشي ليها لانو مافي زول فاضي ليهو أصلا. من عباراتو السودان كلو بقي في الخرتوم مره ببالي نشيد ياربي متين أشوف الخرطوم !!! وقالوا لى في الخرطوم الفسحة بالعربية وقالوا لى في الخرطوم جنينة البلدية . وفي كل الاحوال عوزة ميزانية
|
أهو جنس كلامك ده البخلي كمال سالم حبيبنا يقول لينا كلامكم كلام غواصات !! البلد اتغيرت يا ناصر و الناس المهتمه بالعمل السياسي حقو يصحو و يشوفو التغيير ده اثرو شنو في العمليه السياسيه لانو من أهم أسباب بقاء النظام ده إنو المعارضه منفصله تماما عن ما يحدث في الداخل .
Quote: حمور ياخي انت شائل حسو ساى أنا غايتو متفائل لي في البلد الشغيغ ومن هسه مجهز عنوان بوست الاحتفاء بشهرتو ومجدوهناك
حمور زيادة على خطي مي زيادة
|
شوف يا ناصر : اليوم الحمور يبقي كاتب كبير يشار له بالبنان بتعصر عليه و كلامي الكعب عنو كلو بنكرو : حتي ذلك الحين (دعونا نؤكّد ونصرِّح بصورةٍ قطعيةٍ واضحة: نحن لا نتضامن مع حمور زيادة بتاتاً، بل سنعمل لإسقاط حملته النجوميّة بوضوح. ) أو كما قال شيخنا التلب قدس الله سره !!
| |
|
|
|
|
|
|
Re: مشاهدات !!! (Re: أمين محمد سليمان)
|
Hololy يا حبيبنا ، سلام يا صاحب Quote: ...ادوك حق التذكره و تعويضاتا .... ..... ...و الاّ اكلو بعقلك حلاوه ...شاكلة الشكر لساعي البريد ..... ... .....
|
والله لغاية اللحظه دي زول اداني تعريفه مافي ( إلا يكون حمور شالها و علفها بره بره ) لكن : لنا من الصبر ما هو كفيل باسترداد حقوقنا و لو بعد حين !
| |
|
|
|
|
|
|
Re: مشاهدات !!! (Re: أمين محمد سليمان)
|
Quote: يادكتور ....... كدي ضربه بحسابات الحميدية ............ ياخ ده مبلغ خرافي |
يا سعادتك : المبلغ الخرافي ده ما ياهو الجاب الوجع الخرافي ذاتو !!
| |
|
|
|
|
|
|
Re: مشاهدات !!! (Re: أمين محمد سليمان)
|
أساسي : حبيبنا الدباب :Quote: طوال الربع الفائت لم استسغ القراءة لكثير من عضوية المنبر , وجدت في بعض بوستاتك التي نشرتها بعد عوتك وقبلها الكثير من العزاء وفي بعض مداخلاتك فتوجتك كاتبي المفضل للربع المنصر والذي اسأل الله ان لا يعيده |
ياخي كتر خيرك علي طيب كلامك في حقي ، لكن كلامك ده بيبين بؤس هذا المكان !!
----------- مستغرب انك ما مسحت مداخلتك ليه !!
| |
|
|
|
|
|
|
Re: مشاهدات !!! (Re: أمين محمد سليمان)
|
الزوول يا حبيبنا غايتو دي بالغت فيها !!
الغريبه إنو أنا لا متذكر لحظة الصوره و لا لمن أيمن صورني ولا أنا ذاتي كنت بهبب في شنو بيديني و كرعيني و بالحماس ده !!!
| |
|
|
|
|
|
|
|