Post: #1 Title: شربنا مياه الصرف الصحي لمن قلنا بس Author: حسبو عكاشة Date: 12-22-2010, 09:02 PM Parent: #0
بالنسبة لناس امدرمان منذ ثلاثه ايام مضت و الي هذه اللحظه تفتح الماسورة تجيك مويه بنكهة الصرف الصحي تدعي ... اللهم اجرني في مصيبتي و تبقي كاشح
Post: #2 Title: Re: شربنا مياه الصرف الصحي لمن قلنا بس Author: حسبو عكاشة Date: 12-22-2010, 09:06 PM Parent: #1
يا ناس مدينة الشهيد علي عبدالفتاح عذبتووووووونا
Post: #3 Title: Re: شربنا مياه الصرف الصحي لمن قلنا بس Author: حسبو عكاشة Date: 12-22-2010, 09:11 PM Parent: #2
من شهر فبراير و الناس بتشرب موية الصرف الصحي !! الواحد بقي سايفون عديل كدا
Quote: بتاريخ 2010/2/16م، نشرنا تحت عنوان «نهر صرف صحي يصب في النيل بأمدرمان»، كشفنا من خلاله بالصورة تدفق كمية كبيرة من مياه الصرف الصحي الذي ينبع من مدينة الشهيد «علي عبدالفتاح» الجامعية للبنات، أمدرمان، ويصب في النيل على بُعد أمتار قليلة جنوب محطة مياه بيت المال.. فتصدت وزارة البيئة والآثار، ولاية الخرطوم، للقضية البيئية والصحية وزارت موقع نهر الصرف الصحي، وأخذت ثلاث عينات منه من مناطق مختلفة، والتقت بمسؤولي المدينة الجامعية الذين دافعوا عن فعلتهم أن المياه «مُعالجة».. والسؤال هنا: هل مياه الصرف الصحي الخاصة بداخلية الشهيد علي عبدالفتاح الجامعية للطالبات معالجة فعلاً؟ وإذا كانت معالجة هل يجوز صحياً التخلص منها داخل النيل؟
---- التحليل المختبري
«الرأى العام» تحصلت أخيراً على نتيجة التحليل المختبري لعينات مياه «نهر الصرف الصحي..» من ثلاثة مواقع حتى تصريفها في النيل، وثبت أنها تفوق المعدل المسموح به، طبقاً لمعايير الصرف الصحي، والمياه العادمة الصادرة من منظمة الصحة العالمية، وفقاً للمادة 25 «1» من قانون حماية وترقية البيئة لسنة 2008م.. وعبارة «تفوق المعدل المسموح به» تعني صراحة أن مياه الصرف الصحي لداخلية الطالبات «ملوثة»، حيث أثبت التحليل المعملي احتواءها على كمية عالية «جداً» من البكتيريا المسببة للإسهال المعوي، التي يطلق عليها علمياً «بكتيريا القولون».. وللأسف هذه الكمية التي تتدفق على نيل أمدرمان وتختلط بمياهه كفيلة بقتل الإنسان الذي يتناولها، إذ تبلغ نسبتها في المياه حوالى «900»!!
«400» لتر يومياً
معلوم أن مدينة الشهيد «علي عبدالفتاح».. الجامعية للطالبات بأمدرمان، تأسست منذ العام 1998م وتعد أكبر مجمع سكني طلابي، بمساحة «24» ألف متر مربع، وتسع «4200» طالبة، وتعاني منذ فترة من عيوب في آبار السايفون، لذلك تفتق ذهن إدارة المدينة على هذا الحل السهل والخطر بتصريف مياه الصرف الصحي داخل النيل، علماً أن كمية مياه الصرف الصحي التي تخرج من مدينة الطالبات وتصب في النيل مباشرة تقدر بحوالى «400» لتر يومياً!!
تأكيد التلوث
بتاريخ 2010/3/30م، بعث د. عمر مصطفى عبدالقادر المدير العام لوزارة البيئة والآثار، ولاية الخرطوم، خطاباً للسيد مدير داخلية علي عبدالفتاح الجامعية للطالبات، بأمدرمان، خطاباً يوضح تلوث مياه الصرف الصحي التي مصدرها المدينة الجامعية وتصب في النيل، هذا نصه:
«بالإشارة للموضوع أعلاه - مياه الصرف الصحي- وبعد الزيارة الميدانية، وإجراء التحليل المختبري لعينات مياه الصرف الصحي بالداخلية من ثلاثة مواقع حتى تصريفها بالنيل، ثبت بأن هذه المياه تفوق المعدل المسموح به طبقاً لمعايير الصرف الصحي، والمياه العادمة الصادرة من منظمة الصحة العالمية، ووفقاً للمادة 25 «1»، من قانون حماية وترقية البيئة للعام 2008م.
عليه يمنع منعاً باتاً تصريف تلك المياه في النيل، ويجب إجراء معالجة سليمة، وإعادة استخدامها في الري وفق ضوابط استخدام مياه الصرف الصحي، وذلك في فترة لا تتجاوز أسبوع من تاريخه، حتى لا نضطر لإتخاذ الإجراءات القانونية».
د. عمر مصطفى عبدالقادر
المدير العام لوزارة البيئة والآثار - ولاية الخرطوم
خطاب تحذيري
واستناداً إلى نتيجة تحليل عينات المياه، التي أثبتت معملياً تلوث مياه الصرف الصحي، توجهت الإدارة العامة للبيئة، وزارة البيئة والآثار، ولاية الخرطوم، بخطاب تحذيري لإدارة المدينة السكنية الجامعية بإيقاف تدفق مياه الصرف الصحي فوراً في النيل، سواء أكانت معالجة أم لا، مع تنويرها بالكيفية التي يمكن التخلص منها دون أضرار صحية أو بيئية كاستخدامها لري الأشجار والحدائق القريبة منها، بالتنسيق مع الجهات ذات الصلة.. يؤكد ذلك تقرير وزارة البيئة الآتي:
«بعد التأكد من عدم سلامة مياه الصرف الصحي المتدفقة من داخلية «علي عبدالفتاح» في مياه النيل، قامت وزارة البيئة والآثار، ممثلة في الإدارة العامة للبيئة بالآتي:-
? تم إخطار إدارة الداخلية بوقف تدفق مياه الصرف الصحي الى النيل، وفقاً لقانون حماية وترقية البيئة لسنة 2008م.
? تم إخطار هيئة مياه ولاية الخرطوم بإجراء اللازم.
? الدعوة لاجتماع مع الجهة المعنية للإتفاق على كيفية استخدام مياه الصرف الصحي - بعد معالجتها- عن طريق ري الأشجار والحدائق العامة بالتنسيق مع الجهات ذات الصلة.
المياه المعالجة
قد يتساءل القاريء: ما هي المياه المعالجة؟ وكيف تتم معالجتها؟.. تبدأ خطوات المعالجة بعمل ترسيب لعزل الأشياء العالقة، وترسيب المواد الثقيلة، ثم تصب عليها مواد كيميائية لامتصاص الروائح والغازات، بعدها تأتي مرحلة المعالجة البيولوجية بالكلور لقتل الميكروبات والديدان وبالتالي تصبح المياه معالجة وشبه نظيفة، وخالية من الأحماض والقلويات، غير أن التحليل المختبري لعينات مياه الصرف الصحي لداخلية الشهيد علي عبدالفتاح أثبتت احتواءها الزائد في معدل الأحماض والأس الهيدروجيني، والأكسجين الكيميائي والحيوي فوق الحدود المسموح بها.
?? أخيــــراً ??
? نتساءل أخيراً: أين نتيجة عينات مياه نهر الصرف الصحي التي أخذتها هيئة مياه ولاية الخرطوم لتحليلها بالمعمل الخاص بها، بحكم أن المياه الآسنة تصب في النيل على بعد أمتار قليلة جنوب محطة مياه بيت المال، التي يشرب منها آلاف المواطنين من سكان أحياء أمدرمان الشرقية؟ تساؤل أخير: لماذا هذا الصمت من وزارة الصحة ولاية الخرطوم؟
?? اختتمت هذا التحقيق بزيارة ميدانية لنهر الصرف الصحي بنيل أمدرمان بشارع النيل أمدرمان عصر السبت الماضي، وتحديداً في تمام الخامسة، واندهشت لاستمرار جريانه داخل النيل، بل إنه بكميات أكبر، إذ أن منظر المياه وهي تتدفق من أعلى المصرف أسفل الكوبري الذي يجتاز شارع النيل، يخال لك أنه شلال نياجارا.. كما لحظت كثافة الزبد الأبيض على سطح المياه.. فهل «يتحدى» نهر الصرف الصحي الجميع؟!!
Post: #5 Title: Re: شربنا مياه الصرف الصحي لمن قلنا بس Author: حسبو عكاشة Date: 12-22-2010, 09:17 PM Parent: #3
والله انت مترف جدا يا خضر حسين ياخ اخوانك جهة امدرمان بقفلو مناخيرهم حتين يشربو و تقول لي رغيف !! القصة ما قصة رغيف
Post: #6 Title: Re: شربنا مياه الصرف الصحي لمن قلنا بس Author: خضر حسين خليل Date: 12-22-2010, 09:18 PM Parent: #3
Quote: الواحد بقي سايفون عديل كدا
وحياتك ياحسبو حسيت بيك انت ومورتا لما اتلاقينا حسيت بيكم صرف صحي صرف صحي
ــــــ طلعتو اولاد مجاري
Post: #4 Title: Re: شربنا مياه الصرف الصحي لمن قلنا بس Author: خضر حسين خليل Date: 12-22-2010, 09:13 PM Parent: #2
الحال من بعضو يا فردة
نحنا برضو ناس يثرب ما قصرو معانا أجر وموية وعافية
بنكهة المجاري
Post: #7 Title: Re: شربنا مياه الصرف الصحي لمن قلنا بس Author: خضر حسين خليل Date: 12-22-2010, 09:22 PM Parent: #4
بالمناسبة تاني ما تاكل ملاح تقلية قال ليك التقلية الحايمة دي كلها عبارة عن شوالات خيش
ــــــ بس الشهادة لله بطحنوها كويس
Post: #10 Title: Re: شربنا مياه الصرف الصحي لمن قلنا بس Author: خضر حسين خليل Date: 12-22-2010, 09:27 PM Parent: #7
ثم ياخ كتر خيرهم انهم ما كشحو الموية في صحاري بيوضة هسي كنتو حتشربو شنو ؟
ثم ياخ هل دي ظروف عشان تجي تحكي لينا عن الصرف الصحي والشاربنها شنو زاتو ؟ هو انتو بتاكلو في الاساس عشان تشربو موية ؟
عالم عجيبة ياخ
Post: #8 Title: Re: شربنا مياه الصرف الصحي لمن قلنا بس Author: Yassir Tayfour Date: 12-22-2010, 09:23 PM Parent: #4
حسبو وخضر شكاويكم كترت شديد، إخشوشنو ياخ، النعمة لا تدوم! غيركم ما لاقي موية يغتسل بيها عشان يطيع ولي الأمر، غيركم ما لاقي مجاري ينوم فيها.. وإنتو عندكم الأتنين، موية ومجاري، وبرضو ما راضين؟ يعملو ليكم شنو بالظبط؟ ___ إنما أهلك الذين من قبلكم دلعهم وكترة شكاويهم، فبالله عليكم بطلو الجرسة..
Post: #12 Title: Re: شربنا مياه الصرف الصحي لمن قلنا بس Author: الطاهر ساتي Date: 12-22-2010, 09:31 PM Parent: #8
شايف الليلة ناس هيئة مياه الخرطوم بيطمئنو في الناس قالو اللون الرمادي الفي الموية عبارة عن طحالب بتتوالد والطحالب بتتوالد فى ديسمبر من كل عام وماتخافو . توالد طبيعي ومابيضر
كلام بالشكل ده فى جرائد الليلة
... بعدما ينتهو من التوالد نبارك ليهم ونقول للطحالب :حمد لله على السلامة ويتربى فى عزهم
Post: #16 Title: Re: شربنا مياه الصرف الصحي لمن قلنا بس Author: خضر حسين خليل Date: 12-22-2010, 09:39 PM Parent: #12
Quote: شايف الليلة ناس هيئة مياه الخرطوم بيطمئنو في الناس قالو اللون الرمادي الفي الموية عبارة عن طحالب بتتوالد والطحالب بتتوالد فى ديسمبر من كل عام وماتخافو . توالد طبيعي ومابيضر
التحية لهيئة ناس الموية
Quote: بعدما ينتهو من التوالد نبارك ليهم ونقول للطحالب :حمد لله على السلامة ويتربى فى عزهم
والله بالغت يا الطاهر ـــــ صحيح الايدو في الطحالب مازي الايدو في البكتريا
مشتاقين يازول
Post: #23 Title: Re: شربنا مياه الصرف الصحي لمن قلنا بس Author: حسبو عكاشة Date: 12-22-2010, 10:04 PM Parent: #12
Quote: شايف الليلة ناس هيئة مياه الخرطوم بيطمئنو في الناس قالو اللون الرمادي الفي الموية عبارة عن طحالب بتتوالد والطحالب بتتوالد فى ديسمبر من كل عام
سلامات , استاذ الطاهر ناس الهيئة ديل نسو انو شهر فبراير برضو شهد توالد علي مستوي الطحالب غايتو لو مرتين في السنه ما مشكله (فبراير و ديسمبر) لكن كمان لو اكتر من كدا نحن بعد دا بنمرق تظاهرة ضد الطحالب ديل و يا دار ما دخلك طحلب
Post: #14 Title: Re: شربنا مياه الصرف الصحي لمن قلنا بس Author: خضر حسين خليل Date: 12-22-2010, 09:33 PM Parent: #8
والله سؤالاتك كلها صاح ياياسر ونحنا انما أهلك زاتها شوية علينا ياخ نحنا هولاكو زاتو
بقينا نمص اي حاجة قدامنا أنا الليلة من الصباح شغال بقول الحمدلله يازول جنس حمد وشكر مبالغ فيهو
ــــــ وعاش أطفال المجاري (حراً مستقلاً) اجازتك الجاية جيب لينا معاك موية صحة التميس حيجيبو لينا معاوية والدقيق اخونا خليل الذي بقطر
Post: #9 Title: Re: شربنا مياه الصرف الصحي لمن قلنا بس Author: حسبو عكاشة Date: 12-22-2010, 09:27 PM Parent: #4
اتوقع زيادة التعريفه بالنسبة للحمامات العامه و خصوصا ميدان جاكسون
.. .. ..
او ان سوق ( البامبرص) سوف يشهد اقبال لا مثيل له
Post: #13 Title: Re: شربنا مياه الصرف الصحي لمن قلنا بس Author: حسبو عكاشة Date: 12-22-2010, 09:32 PM Parent: #9
Quote: وحياتك ياحسبو حسيت بيك انت ومورتا لما اتلاقينا
صاحبك مورتا الليله فاجأه الحنين الصرفي و هو في نص السوق العربي و الفاره كان ماشي بدون بامبرص
فما كان منه إلا ان فعلها علي قارعة الطريق و العهده علي فوجي
Post: #15 Title: Re: شربنا مياه الصرف الصحي لمن قلنا بس Author: خضر حسين خليل Date: 12-22-2010, 09:36 PM Parent: #13
فوجي نهائي ما ممكن يكضب وماعندو مصلحة
ــ كفارات يامورتا
Post: #11 Title: Re: شربنا مياه الصرف الصحي لمن قلنا بس Author: محمد المختار الزيادى Date: 12-22-2010, 09:30 PM Parent: #4
اول يوم اخدت لى دوش من الصباح و طلعت على الجريده, وانت عارف مع صابون الحمام المويه ما بتتشمه كويس, اختى ضربت لى بعد نهاية اليوم و كلمتنى بالحاصل, ياخ انا حسيت ليك بنفسى ريحتى طير طير, و حتى الان ما زلنا نشرب موية الصحة, .................. قاتلهم الله اهل الانقاذ و من شايعها
Post: #17 Title: Re: شربنا مياه الصرف الصحي لمن قلنا بس Author: أيمن الطيب Date: 12-22-2010, 09:42 PM Parent: #11
يا حسبو يا عكاشة..
سلامات يا حبيب,,,عملتها ظاهرة خالس خالس,,
أهااااااااااااااااا,, عشان كدا بتمشو تشربو شاى فى شارع 15 الواحد يا دوووب وقع ليه,,
صاحبك مورتخاى إن شاء الله رجع من العمرة !!!
وخضر خليل دا الفيهو إنعرفت,, هو وقريبو العامل راسو زى لفة المركز الإسلامى داك!!
المهم فى الموضوع,,
لازم تعملو إختبارات حمل!!!!
عل وعسى..
الزمن ما معروف يا ولدنا مع البتشربو فيهو دا!!
مودتى وشكرا على الشاى الجميل,,
Post: #18 Title: Re: شربنا مياه الصرف الصحي لمن قلنا بس Author: خضر حسين خليل Date: 12-22-2010, 09:51 PM Parent: #17
Quote: لازم تعملو إختبارات حمل!!!!
ههههههههههه خليك جادي يا ايمن ياخ نحنا بنمر بمنعطف صرف صحي خطير ـــــــ
والله يا أيمن أنا لي هسي زعلان من روحي خليها علي الله يافردة
Post: #20 Title: Re: شربنا مياه الصرف الصحي لمن قلنا بس Author: Elawad Date: 12-22-2010, 09:56 PM Parent: #17
Quote: بعدما ينتهو من التوالد نبارك ليهم ونقول للطحالب :حمد لله على السلامة ويتربى فى عزهم
يتربى في عزكم إنتو يا أستاذ الطاهر.. الطحالب عملت العليها اتوالدت لكن التربية بعد دا على بطون شعبنا المسكين. يا حسبو دي والله جريمة جنائية عديل كدا و مكتملة الأركان... مياه صرف صحي تصرف في النهر و قريب من محطة الموية و جنوبها كمان؟ ياخي القتل العمد دا أصلا إلا يكتبوا عليه قتل عمد؟ ياخي لعنة الله على الإنقاذ بكرة و عشية موية الله دي لوثوها على الناس والله حاجة تدبرس بالزول على الدبرسة العليه... ربنا يعين غايته. ياخي ناس الإنقاذ ديل ما سمعوا بالحديث (إذا قتلتم فأحسنوا القتلة) صاح دا للحيوانات لكن بالله ما من حقنا نحلم إننا نتعامل زي الحيوانات؟
Post: #64 Title: Re: شربنا مياه الصرف الصحي لمن قلنا بس Author: حسبو عكاشة Date: 12-24-2010, 11:11 AM Parent: #20
Elawad
Quote: يا حسبو دي والله جريمة جنائية عديل كدا و مكتملة الأركان... مياه صرف صحي تصرف في النهر و قريب من محطة الموية و جنوبها كمان؟ ياخي القتل العمد دا أصلا إلا يكتبوا عليه قتل عمد؟ ياخي لعنة الله على الإنقاذ بكرة و عشية موية الله دي لوثوها على الناس والله حاجة تدبرس بالزول على الدبرسة العليه... ربنا يعين غايته. ياخي ناس الإنقاذ ديل ما سمعوا بالحديث (إذا قتلتم فأحسنوا القتلة) صاح دا للحيوانات لكن بالله ما من حقنا نحلم إننا نتعامل زي الحيوانات؟
المواطن يمرض يموت يحرق دي حاجات عاديه جدا, لكن بس واجعني الافتراء في حق الطحالب المسكينه
ذنبها شنو الطحالب !!
Post: #21 Title: Re: شربنا مياه الصرف الصحي لمن قلنا بس Author: محمد إبراهيم علي Date: 12-22-2010, 09:59 PM Parent: #17
الطحالب زاتا مفيدة وكلها كلوروفيل بختكم الحكومة بتغذي فيكم وبالمجان كمان مرة طمي نيل ازرق طااااااعم ومرة كلوروفيل وثم ثانيا مفروض الحكومة اصلو ما تتدخل في موضوع توالد الطحالب ده حفاظا على التوازن البيئ
Post: #19 Title: Re: شربنا مياه الصرف الصحي لمن قلنا بس Author: حسبو عكاشة Date: 12-22-2010, 09:53 PM Parent: #11
Quote: حسبو وخضر شكاويكم كترت شديد،
والله نحن ذاتنا بنبالغ يعني شنو نشرب مياه الصرف الصحي!! ما نشرب!! الطالع منك داخل ليك موش مننا و فينا!!
يلا مجاري مجاري
Post: #22 Title: Re: شربنا مياه الصرف الصحي لمن قلنا بس Author: أيمن الطيب Date: 12-22-2010, 10:03 PM Parent: #19
Quote: ههههههههههه خليك جادي يا ايمن ياخ نحنا بنمر بمنعطف صرف صحي خطير
Post: #24 Title: Re: شربنا مياه الصرف الصحي لمن قلنا بس Author: خضر حسين خليل Date: 12-22-2010, 10:04 PM Parent: #19
حسبو يافردة
أجن الليل بي جاي المهم عازمكم انت ومورتا لتر ونص موية صحة
ــ ماش انوم
Post: #25 Title: Re: شربنا مياه الصرف الصحي لمن قلنا بس Author: خضر حسين خليل Date: 12-22-2010, 10:09 PM Parent: #24
والله ماقادر اتخيل منظر حسبو ومورتا وهم راقدين في الدايات
ـــ ياأيمن إنت زول ولا ظابط ياخ
Post: #27 Title: Re: شربنا مياه الصرف الصحي لمن قلنا بس Author: أيمن الطيب Date: 12-22-2010, 10:27 PM Parent: #25
يا خضر حسين سلاما سلاما يا صاحب,, خلاص عرفنا التكنيك البيش بتاعكم,,
Quote: إنت زول ولا ظابط ياخ
ظابط نظام عام غرق؟؟؟؟
Post: #26 Title: Re: شربنا مياه الصرف الصحي لمن قلنا بس Author: حسبو عكاشة Date: 12-22-2010, 10:22 PM Parent: #11
محمد المختاز الزيادي, سلام
Quote: اول يوم اخدت لى دوش من الصباح و طلعت على الجريده, وانت عارف مع صابون الحمام المويه ما بتتشمه كويس, اختى ضربت لى بعد نهاية اليوم و كلمتنى بالحاصل, ياخ انا حسيت ليك بنفسى ريحتى طير طير, و حتى الان ما زلنا نشرب موية الصحة,
موية الصحه ذاته بالشي الفلاني و ما بمقدور كل الناس تشتريها و تزيد تكاليف زيادة علي روحه ارخص حاجه في البلد دي المواطن
الله في يا زول
Post: #28 Title: Re: شربنا مياه الصرف الصحي لمن قلنا بس Author: حسبو عكاشة Date: 12-22-2010, 10:37 PM Parent: #26
ايمنوف يا لقطه
Quote: أهااااااااااااااااا,, عشان كدا بتمشو تشربو شاى فى شارع 15 الواحد يا دوووب وقع ليه
يا عمك انت من زمن شاي 15 !! الواحد بقي ما فيهو حيل من شدة الافراط في شراب موية المجاري اما بخصوص كشف الحمل, من يوم عرفنا انها موية صرف صحي قلت لي مورتا هوي يا زول انت ما حاسي بانك عايز تستفرغ و بتبزغ كتير زيي !! قال لي .. ااااي قلت ليه ... من هنا و علي الدايات يا فردة نمشي نكشف بدري بدري و نحن في طريقنا عرفنا انو موية الصرف الصحي جايه من داخلية بنات !! طوالي دقينا خلف و جري علي الحمام و الرايش ما يديك الدرب
Post: #29 Title: Re: شربنا مياه الصرف الصحي لمن قلنا بس Author: أيمن الطيب Date: 12-22-2010, 10:47 PM Parent: #28
يا حبسو ,,,
Quote: و نحن في طريقنا عرفنا انو موية الصرف الصحي جايه من داخلية بنات !! طوالي دقينا خلف
قلت ليك الظروف ما معروفة ,,
امشو ياخ أمشو!!!
والله صحى*
* بالنسبة لعمك الرشّ الجماعة داك زاتو...
مالكم دايرين تجيبو لينا الكلام !!!
Post: #30 Title: Re: شربنا مياه الصرف الصحي لمن قلنا بس Author: مرتضى احمد عبد القادر Date: 12-22-2010, 10:55 PM Parent: #26
نشرب مقالب نشرب طحالب،، برضو بلادنا تمام التمام تحصل بلاوي تحصل مصايب،، ويفضل حبيبنا رئيسنا الهمام نبيع دم قلبنا وندفع ضرايب،، لتحيا الحكومة ويحيا النظام
مورتا لا علاقة له بحسبو وخضر حسين وكل من لفه لفهم
Post: #31 Title: Re: شربنا مياه الصرف الصحي لمن قلنا بس Author: أيمن الطيب Date: 12-22-2010, 11:04 PM Parent: #30
يا مورتا,,,,
حمدالله على السلامة,,
جدة غير,,,
Post: #32 Title: Re: شربنا مياه الصرف الصحي لمن قلنا بس Author: Yassir Tayfour Date: 12-22-2010, 11:25 PM Parent: #31
يا أيمّن الطيب، يا ريت المواطنون ما "يكسرو" الحلاوة في الحمامات طالما الموية دوارّة، زي الدنيا.. ___ مورتا أشرب عصائر بس، لو سمحت!
Post: #33 Title: Re: شربنا مياه الصرف الصحي لمن قلنا بس Author: مرتضى احمد عبد القادر Date: 12-22-2010, 11:47 PM Parent: #32
أيمن مشتاقين يا عمك وفعلا حبوبه غير
أب تفه يا عميق البلد ملانه موية صحه وعصاير ناس حسبو يشربو في الطحالب هوايه ساي منهم
Post: #34 Title: Re: شربنا مياه الصرف الصحي لمن قلنا بس Author: Osman Musa Date: 12-22-2010, 11:50 PM Parent: #32
ودعكاشة سلامات وبعدين قول لخضر القصة دي كلها فيتامين فيتامين ألف وبي 1 وسي ودي وكي . وبعدين ياودعكاشة فيتامين كيي ده اصلو من الكاكه . يعني الحكومة دي تقلب هوبة ؟
Post: #35 Title: Re: شربنا مياه الصرف الصحي لمن قلنا بس Author: حسبو عكاشة Date: 12-23-2010, 11:32 PM Parent: #34
Osman Musa, كيف حالك
Quote: ودعكاشة سلامات وبعدين قول لخضر القصة دي كلها فيتامين فيتامين ألف وبي 1 وسي ودي وكي . وبعدين ياودعكاشة فيتامين كيي ده اصلو من الكاكه . يعني الحكومة دي تقلب هوبة ؟
الهوبه صعبه لكن يكلمو طالبات الداخلية ياكلو اكل كويس عشان نحن نشرب حاجه كويسه
Post: #36 Title: Re: شربنا مياه الصرف الصحي لمن قلنا بس Author: محمد البشرى الخضر Date: 12-23-2010, 11:40 PM Parent: #35
حسبو يا حسبو لاقاني صم وير خبر فحصكم دا شلت هم جا في بالي فحص ابو الزهور مقروءا مع موضوع شحدة القرمة القبل كم يوم الحمد لله طلعت سليمة
Post: #37 Title: Re: شربنا مياه الصرف الصحي لمن قلنا بس Author: حسبو عكاشة Date: 12-23-2010, 11:57 PM Parent: #36
ودالبشري يا رايق
Quote: حسبو يا حسبو لاقاني صم وير خبر فحصكم دا شلت هم جا في بالي فحص ابو الزهور مقروءا مع موضوع شحدة القرمة القبل كم يوم الحمد لله طلعت سليمة
نبري من ابوالزهور يا عمك عملنا الفحص القالو ايمن النتيجه قالو بكرة و شكلها ماشه علي انها تكون
Positive
Post: #38 Title: Re: شربنا مياه الصرف الصحي لمن قلنا بس Author: محمد عبدالرحمن محمد Date: 12-24-2010, 00:05 AM Parent: #37
Quote: و شكلها ماشه علي انها تكون
Positive
حسبو ازيك؛ أتاري امبارح مورتا قالي رسل [حق اللبن] لي حسبو!!! عموماً ألف ألف مبروك..
__ بالمناسبه خضر عندو خبر؟
Post: #39 Title: Re: شربنا مياه الصرف الصحي لمن قلنا بس Author: الوليد الرشيد وراق Date: 12-24-2010, 00:18 AM Parent: #38
Quote: أتاري امبارح مورتا قالي رسل [حق اللبن] لي حسبو!!!
Post: #40 Title: Re: شربنا مياه الصرف الصحي لمن قلنا بس Author: حسبو عكاشة Date: 12-24-2010, 00:20 AM Parent: #38
محمد عبدالرحمن محمد, سلامات يا لذيذ
Quote: أتاري امبارح مورتا قالي رسل [حق اللبن] لي حسبو!!! عموماً ألف ألف مبروك..
الله يبارك فيك ياخ مورتا استخدم الحبوب قال خايف الفضيحة, قلت ليه فضيحة شنو!! شباب امدرمان اغلبهم Positive
Quote: بالمناسبه خضر عندو خبر؟
خضر كتر خيرو من ما سمع بالخبر, رسل حق اللبن
Post: #41 Title: Re: شربنا مياه الصرف الصحي لمن قلنا بس Author: حسبو عكاشة Date: 12-24-2010, 00:25 AM Parent: #40
الوليد بدل تضحك كدا رسل لي اخوك حق البامبرص
او
امشي افحص
ساكن بحري انت ؟؟
Post: #42 Title: Re: شربنا مياه الصرف الصحي لمن قلنا بس Author: الوليد الرشيد وراق Date: 12-24-2010, 00:35 AM Parent: #41
ياعمك الفلتر الفلتر ما سمعت بالإختراع ده ؟ غايتو مورتا بنتظرنى لما أجى وبجى جارى شايل باغاتو
Post: #43 Title: Re: شربنا مياه الصرف الصحي لمن قلنا بس Author: حسبو عكاشة Date: 12-24-2010, 00:39 AM Parent: #41
ساكوبيز ظريف الحي بعد ما عرف انو المويه القاعد يشربه بتجي من حمامات طالبات الداخليه ابت نفسو إلا ان ينشد....
اقول قولك عشان استمتع بشراب بولك اجري وراك عشان استمتع بي خراك تعالي نشيل قصرية ريدنا و نخري بعيييييييييد
Post: #44 Title: Re: شربنا مياه الصرف الصحي لمن قلنا بس Author: الوليد الرشيد وراق Date: 12-24-2010, 00:47 AM Parent: #43
Quote: اقول قولك عشان استمتع بشراب #### اجري وراك عشان استمتع بي #### تعالي نشيل ##### ريدنا و #### بعيييييييييد
إنا لله يا حسبو والله مداخلتك وللا مخارجتك دى المفروض تكون بالطريقة الفوق دى
Post: #45 Title: Re: شربنا مياه الصرف الصحي لمن قلنا بس Author: حسبو عكاشة Date: 12-24-2010, 01:12 AM Parent: #44
Quote: إنا لله يا حسبو والله مداخلتك وللا مخارجتك دى المفروض تكون بالطريقة الفوق دى
يا ولي دا نحن بنشربو نجي هنا ندسدسو ؟
Post: #46 Title: Re: شربنا مياه الصرف الصحي لمن قلنا بس Author: مرتضى احمد عبد القادر Date: 12-24-2010, 01:19 AM Parent: #45
الواحد محتاج كمامه عشان يخش البوست دا
Post: #47 Title: Re: شربنا مياه الصرف الصحي لمن قلنا بس Author: حبيب نورة Date: 12-24-2010, 01:24 AM Parent: #46
ودي بتشربوها إسكيتّو ؟؟؟
Post: #49 Title: Re: شربنا مياه الصرف الصحي لمن قلنا بس Author: حسبو عكاشة Date: 12-24-2010, 01:35 AM Parent: #47
Quote: ودي بتشربوها إسكيتّو ؟؟؟
دا كلامك!! كمان علي الريق طعمها يجنن
Post: #48 Title: Re: شربنا مياه الصرف الصحي لمن قلنا بس Author: حسبو عكاشة Date: 12-24-2010, 01:26 AM Parent: #46
Quote: الواحد محتاج كمامه عشان يخش البوست دا
و كمامه عشان تفتح الماسورة
امشي عامل باغاتك الحايم بيها في الحله دي شغالين فلترة انت و وليد و سايبني راقد رز ؟
Post: #50 Title: Re: شربنا مياه الصرف الصحي لمن قلنا بس Author: Yassir Tayfour Date: 12-24-2010, 01:49 AM Parent: #48
حسبو نا الله ونعم الوكيل! من غضب الله عليكم، بلاد شاقيها نيل من جنوبها لشمالها، غير الروافد الكثيرة التي تصب فيه، والناس حول هذا النيل وروافده عطشى، فتأمل.. __ تقول لي: العير في البيداء يقتلها الظمأ والما فوق ظهورها محمول؟
ما الفرق بين العير وهذا الشعب العايِّر؟
Post: #77 Title: Re: شربنا مياه الصرف الصحي لمن قلنا بس Author: حسبو عكاشة Date: 12-24-2010, 02:05 PM Parent: #50
ياسر تيفور اسئلتك دايما تعسفيه
Quote: ما الفرق بين العير وهذا الشعب العايِّر؟
زي الفرق بين مشكلتنا دي و بين خطيب مسجد الحله قبل شويه جزاه الله عنا الف خير
دعى المصلين بالتصدق درءا للمخاطر التي تحيكها امريكا و اسرائيل علي السودان قال الصدقه بترفع البلاء
Post: #51 Title: Re: شربنا مياه الصرف الصحي لمن قلنا بس Author: مرتضى احمد عبد القادر Date: 12-24-2010, 01:51 AM Parent: #48
توضيح: اكرر تقديري لمشغوليات الحكومة ومشاكلها و عدم إعتراضي على شرب المياه المطعمه بمياه الصرف الصحي وعدم إعتراضي او إمتعاضي من الزيادات في الأسعار
Post: #52 Title: Re: شربنا مياه الصرف الصحي لمن قلنا بس Author: احمد محمد بشير Date: 12-24-2010, 01:54 AM Parent: #48
الله ينقم منهم.................ارفعو اياديكم بالدعاء ليتخارج هؤلاء الحرامية من بلدنا. تلقاهم قاعدين يشربوا موية الصحة النقية ولا هاميهم.
Post: #53 Title: Re: شربنا مياه الصرف الصحي لمن قلنا بس Author: الامين موسى البشاري Date: 12-24-2010, 02:12 AM Parent: #52
لا حولاااااااااااااا يا حسبو يعني دا ذنب ناس هيئة ولاية الخرطوم بتوزع ليكم شــوربة طحالب بالمواسير تقوموا تحتجوا عليهم اها شوف دا : شــوربة طحالب!!
Post: #54 Title: Re: شربنا مياه الصرف الصحي لمن قلنا بس Author: مرتضى احمد عبد القادر Date: 12-24-2010, 03:00 AM
ننتظر فتوى من هيئة علماء السودان حول صلاحية إستخدام الماء المخلوط بمياة الصرف الصحي في الوضوء ليطمئن قلبنا
Post: #55 Title: Re: شربنا مياه الصرف الصحي لمن قلنا بس Author: مرتضى احمد عبد القادر Date: 12-24-2010, 03:16 AM Parent: #54
ساكوبيز قال من عرف بقصة موية الصرف الصحي دي ما عارف يتغسل بالمويه دي ولا يشيل من بولو يغسل الماسورة !!؟ الرجاء افتوهو يا اهل المنبر
Post: #56 Title: Re: شربنا مياه الصرف الصحي لمن قلنا بس Author: عبدالكريم الامين احمد Date: 12-24-2010, 08:59 AM Parent: #55
Quote: أقعدوا أضحكو لمن نجى نزوركم فى الدايات
ياااخ والله اي لايييييييك
وكامل تضامني مع حسبو ومورتا ومع خضر ومع الدايات لوووووول
ومع صحبي ابو خليل المتواجد الان بالسودان وخبره مقطوع ولعله في الدايات وياسبحان الله او كما قال شيخي ابو ضفيرة
Post: #57 Title: Re: شربنا مياه الصرف الصحي لمن قلنا بس Author: محمد عبدالرحمن Date: 12-24-2010, 09:08 AM Parent: #56
Quote: ومع صحبي ابو خليل المتواجد الان بالسودان وخبره مقطوع ولعله في الدايات وياسبحان الله او كما قال شيخي ابو ضفيرة
والله دا كمان (وحمو) بكون كعب خلاص...احتمال كبير يكون وحم اسفيرى ...
Post: #58 Title: Re: شربنا مياه الصرف الصحي لمن قلنا بس Author: yaser mostafa Date: 12-24-2010, 09:26 AM Parent: #57
خالد حسن ابراهيم المدير العام لهيئة مياه ولاية الخرطوم هو صاحب أكبر سجل للفشل في كل المرافق التي أدارها..
لم يتولي ادارة مؤسسة أو شركة الا و هوي بها من حالق..
يحل الخراب في ركابه أينما حل ..
انتقد الوالي أدائه انتقادا لاذعا و كان قاب قوسين أو أدني من اقالته قبل عدة أشهر..
سأعود للحديث بنفصيل أكثر عن وصفة الفشل السحرية التي يحملها هذا الشخص...و عن حال هيئة مياه ولاية الخرطوم المرزوءة به...
شكرا صاحب البوست,
Post: #75 Title: Re: شربنا مياه الصرف الصحي لمن قلنا بس Author: حسبو عكاشة Date: 12-24-2010, 01:18 PM Parent: #58
yaser mostafa
Quote: سأعود للحديث بنفصيل أكثر عن وصفة الفشل السحرية التي يحملها هذا الشخص...و عن حال هيئة مياه ولاية الخرطوم المرزوءة به...
منتظرنك يا حبيب بالتفاصيل مع انو التفاصيل واضحه زي عين الشمس
Post: #59 Title: Re: شربنا مياه الصرف الصحي لمن قلنا بس Author: عبدالكريم الامين احمد Date: 12-24-2010, 09:29 AM Parent: #57
Quote: والله دا كمان (وحمو) بكون كعب خلاص...
ممكن يتم وحمو ده كلو وهو يردد قالن شنو قالن شنو
-----------
وبالجد يا حسبو حكاية موية الصرف الصحي البتتسرب لموية الشراب دي حكاية عجيبة ياااخ والبلد ديك يا ربي ما في (رود كوري دور) ولاشنو...؟؟ الرود كوري دور ده هو المسار المحدد في تصميم الطريق العام الذي يضع خطوط الصرف الصحي في مسار وخطوط مياه الصرف الصحي في مسار وبمسافة محسوبة وهذه المسافة كافية الا تتخلبت مياه الصرف الصحي مع الموية الحلوة (اوكما قال شيخي بوسف عبدالفتاح)... لخبببببببتة الصرف الصحي دي قد تودي الي ظهور فصيل جديد من البورداب يمكن برااحة ان نطلق عليهم بورداب الدايات
Post: #60 Title: Re: شربنا مياه الصرف الصحي لمن قلنا بس Author: مرتضى احمد عبد القادر Date: 12-24-2010, 10:38 AM Parent: #59
رود كوري دور لينا نحن ياكيكي !!! الله يسامحك
Post: #61 Title: Re: شربنا مياه الصرف الصحي لمن قلنا بس Author: محمد عبدالرحمن Date: 12-24-2010, 10:45 AM Parent: #60
Quote: رود كوري دور لينا نحن ياكيكي !!! الله يسامحك
كيكى انطوانيت
Post: #62 Title: Re: شربنا مياه الصرف الصحي لمن قلنا بس Author: عبدالكريم الامين احمد Date: 12-24-2010, 10:53 AM Parent: #61
Quote: رود كوري دور لينا نحن ياكيكي !!! الله يسامحك
0 يا مورتا كخبير صرف صحي سابق بصرح بانو مافي حاجة بتحلكم من حكاية الدايات القالها ايمن دي الا الرود كوري دور ده فعشان كده (كيب الرود كوري دور هوووووووت) كمطلب شعبي
Post: #63 Title: Re: شربنا مياه الصرف الصحي لمن قلنا بس Author: مرتضى احمد عبد القادر Date: 12-24-2010, 11:09 AM Parent: #62
الدايات اكتر من الرايحات ياكيكي كتر خير الحكومة الجابت لينا المويه لحدي بيوتنا ياخ نحن شعب بنقدر ظروف الحكومة، ما دايرين أي رود كوري دور نحن زاتو إتعودنا على المويه كدا وبدينا نحبها الشغله دي تعوديه نحن بس دايرين نتطمن المويه دي بتوضي !!؟ ساكوبيز داير يعرف يتغسل بي المويه دي ولا يغسل الماسوره بي بولو !!؟ فركزو لينا في مشاكلنا الحقيقية وما تتعبو الحكومة معانا ساي
Post: #65 Title: Re: شربنا مياه الصرف الصحي لمن قلنا بس Author: خضر حسين خليل Date: 12-24-2010, 11:13 AM Parent: #63
بتوضي يامورتا بتوضي
ـــــ هسي الحنك مافي الوضو الحنك في الدايات ياصاح
Post: #66 Title: Re: شربنا مياه الصرف الصحي لمن قلنا بس Author: محمد عبدالرحمن Date: 12-24-2010, 11:17 AM Parent: #65
Quote: الحنك في الدايات ياصاح
الدايات هينة كما قال مغنى المدينة:
ازلقيييى زلقو البلا. حتببببى حتة الشرا..
وكفاكم شر القتال...
Post: #68 Title: Re: شربنا مياه الصرف الصحي لمن قلنا بس Author: خضر حسين خليل Date: 12-24-2010, 11:25 AM Parent: #66
يا محمدعبدالرحمن ناس حسبو ومورتا ديل ليهم ستة شهور بشربو في القصة دي حسبها براك وشوف لو في امكانية للغنية الجبتها دي
ستة شهور ياخ
ــــــ ديل الدايات طوالي يا ابوحميد
Post: #69 Title: Re: شربنا مياه الصرف الصحي لمن قلنا بس Author: مرتضى احمد عبد القادر Date: 12-24-2010, 11:27 AM Parent: #66
نشكر الحكومة على انها وفرت لينا ماء وكمان له طعم ولون ورائحه
Post: #70 Title: Re: شربنا مياه الصرف الصحي لمن قلنا بس Author: حسبو عكاشة Date: 12-24-2010, 11:32 AM Parent: #59
كيكي الجميل
Quote: والبلد ديك يا ربي ما في (رود كوري دور) ولاشنو...؟؟
فيها قدو قدو بس يا عمك
Quote: لخبببببببتة الصرف الصحي دي قد تودي الي ظهور فصيل جديد من البورداب يمكن برااحة ان نطلق عليهم بورداب الدايات
و عبرك بنوجه نداء عاجل ... يااااا بورداب الدايات و المجاري المجاورة!! إتحدو
اتحدو ضد الطحالب لانها ماشه تتوالد اكتر و اكتر
Post: #67 Title: Re: شربنا مياه الصرف الصحي لمن قلنا بس Author: حسبو عكاشة Date: 12-24-2010, 11:24 AM Parent: #57
قول كلام غير دا ياخ هيئة مياه الصرف الصحي قالو موية المواسير دي صحيه و ما بتضر بل بتمد الجسم بالكثير من الفيتامينات
الحكومة بتغذي فينا علي قول محمد علي ابراهيم
Quote: الطحالب زاتا مفيدة وكلها كلوروفيل بختكم الحكومة بتغذي فيكم وبالمجان كمان مرة طمي نيل ازرق طااااااعم ومرة كلوروفيل وثم ثانيا مفروض الحكومة اصلو ما تتدخل في موضوع توالد الطحالب ده حفاظا على التوازن البيئ
مشتاقين يعلم الله الواحد نسي كان يعبي ليك كم باغه كدا عشان تتغذو بيها هناك في الدوحه ما مشكلة, الاجازة الجايه
Post: #71 Title: Re: شربنا مياه الصرف الصحي لمن قلنا بس Author: احمد محمد بشير Date: 12-24-2010, 11:36 AM Parent: #67
والله يا جماعة ومع احترامي ليكم .......................لكن!! البوست خاصة بمشكلة "كبيرة جدا" ولو حصلت في اي بلد من بلاد لانقلبت الحكومة. ومع ذلك شايف في وجوه ضاحكة زي دي في البوست!! لييييييييه كدة يا سودانيييين؟!
Post: #72 Title: Re: شربنا مياه الصرف الصحي لمن قلنا بس Author: حسبو عكاشة Date: 12-24-2010, 11:49 AM Parent: #71
احمد محمد بشير, كيفنك
Quote: والله يا جماعة ومع احترامي ليكم .......................لكن!! البوست خاصة بمشكلة "كبيرة جدا" ولو حصلت في اي بلد من بلاد لانقلبت الحكومة. ومع ذلك شايف!! في وجوه ضاحكة زي دي في البوست!! لييييييييه كدة يا سودانيييين؟!
ياخ انت راجل طيب انت قايل المشكلة في مياه الصرف الصحي بس!! , الناس ليها قريب تمنية شهور بتشرب و تكرع بعر بعر و الطحالب زايده في غيها و السكر طلع السما و الرغيف بقي يتعزز و السمك غمر
و عزانا الوحيد في ...
شر البلية ما يضحك
Post: #73 Title: Re: شربنا مياه الصرف الصحي لمن قلنا بس Author: خضر حسين خليل Date: 12-24-2010, 11:51 AM Parent: #71
نحنا بنفش مغصتنا بالضحك يا أحمد ليس الا
Post: #74 Title: Re: شربنا مياه الصرف الصحي لمن قلنا بس Author: الوليد عمر Date: 12-24-2010, 12:20 PM Parent: #67
Post: #78 Title: Re: شربنا مياه الصرف الصحي لمن قلنا بس Author: GamarBoBa Date: 12-24-2010, 02:48 PM Parent: #74
دغالة مني ساي حشغل الفيديو اوتو بلاي...ان شاء الله ناس الليمت ريت رصيدكم يكمل
_
بالجد يا مورتا وحسبو وخضر كلامكم بقي كتير مرة الخبز ومرة البرنجي ومرة منعوا الصعوط ومرة دقوا البنية ومرة ناس المرور...ومرة ناس السدود عايزين يشردوا ربع السودان الفضل بالنسبة للموية بتاعة امدرمان دي مناعة ياخوانا....زي ما قال عادل امام الما مسئول... تقول لي كيكي تفكيكي....ياخي تحليل مبالغ فيه من عادل امام لا هندسة لا غيرها _ ساكت الجمعة الفاتت مرقتوا مظاهرة ميول ...أتاري امدرمان ميولاتها غريبة جدا الايام....بالجد كنتو اوفففف بوينت من هذا المنبر احي اهلنا الذين يشربون الموية من المصادر الطبيعية ....ولزاما علينا أن نعود لعهد الجركانات من النيل....والله أكبر والعزة للسودان.....
Post: #79 Title: Re: شربنا مياه الصرف الصحي لمن قلنا بس Author: حسبو عكاشة Date: 12-25-2010, 09:40 AM Parent: #78
شكرا علي الموسيقي التصويرية يا بوبا تستاهل جغمة مويه من ماسورتنا
Post: #76 Title: Re: شربنا مياه الصرف الصحي لمن قلنا بس Author: رانيه محمد الشيخ Date: 12-24-2010, 01:26 PM Parent: #1
ولا الريحه ككككككككككككر علينا
لكن بالجد من يومين دقست واول ما فتحت الحنفيه اتمضمضت ووووووووووووووواى من الحصل لى اخير ما نحكى
لكن بالجد الحاصل دا حيمرض البشريه
Post: #80 Title: Re: شربنا مياه الصرف الصحي لمن قلنا بس Author: Yassir Tayfour Date: 12-25-2010, 10:33 AM Parent: #76
Hassabo, Khidir and Morta Instead of cursing the darkness/government, light a candel; means buy a water purification/filteration system. This one starts at 22.9 dollars _____ This one starts at 89.9 dollars Try to optain this one because it kills sperms and prevents pregnancy
Post: #81 Title: Re: شربنا مياه الصرف الصحي لمن قلنا بس Author: محمد عبدالرحمن محمد Date: 12-25-2010, 11:28 AM Parent: #80
Quote: Try to optain this one because it kills sperms and prevents pregnancy
علي المابعرفو شنو داك يا ياسر إنك قعد تتعاطى -على الأقل- كراك!! وعاملي فيها ما بتخاف! ما تكتب بالعربي!!
بعدين أصحاب الأجزخانات مالك مجارطن في رزقن؟
Post: #82 Title: Re: شربنا مياه الصرف الصحي لمن قلنا بس Author: أيمن الطيب Date: 12-25-2010, 12:08 PM Parent: #81
والله الواحد غلبو اليقولو!!!
لكن يا مورتا وحسبو للضمان كدا أنا شايف بعد كل هذا الحوار البناء والهادف لحل مشكلة الميا المختلطة بتلك الشياء التى يصعب تحديد ماهيتها ومكوناتها وخوفا عليكم من الحمل خارج الموضع المخصص له وبوجود بعض الخبرات بينكم بما فيها بعض مستوردى أجهزة الكشف المبكر عن البتاع فى البتاع مع الصباح وبما أنو البلد بقت بلد قلب وبزنس من كل نوع وشكل حتى لو كان مصيبة زاتو فنحن جاهزين لمد يد العون وإستيراد أحدث ما وصلت إليه تكنولوجيا اجهزة مرحلة ما قبل الدايات وكدا وإن بقت القصة دايات دايات فيبقى ننتقل لمرحلة أخرى ونشوف السوق بقول شنو,,
على كل حال مبدئيا كدا شوفو المنتجين ديل وراجعو الخبير د. ياسر طيفور العريس ورجل الأعمال القمر بوباى بصفته صاحب رخصة تجارية جاهزة لممارسة العمل,,
سنوافيكم بالتفاصيل لاحقا,,
Post: #83 Title: Re: شربنا مياه الصرف الصحي لمن قلنا بس Author: حسبو عكاشة Date: 12-26-2010, 08:39 PM Parent: #76
رانيا, سلام
Quote: لكن بالجد من يومين دقست واول ما فتحت الحنفيه اتمضمضت ووووووووووووووواى من الحصل لى
اطمئنك انو الموضوع دا ما قبل يومين
Quote: بتاريخ 2010/2/16م، نشرنا تحت عنوان «نهر صرف صحي يصب في النيل بأمدرمان»، كشفنا من خلاله بالصورة تدفق كمية كبيرة من مياه الصرف الصحي الذي ينبع من مدينة الشهيد «علي عبدالفتاح» الجامعية للبنات، أمدرمان، ويصب في النيل على بُعد أمتار قليلة جنوب محطة مياه بيت المال..
اتمضمضي ساااااااي الحبه ما بتجيك
Post: #84 Title: Re: شربنا مياه الصرف الصحي لمن قلنا بس Author: حسبو عكاشة Date: 12-26-2010, 08:54 PM Parent: #83
ايمنوف & طيفور شغلتكم دي مكلفه جدا الحقونا بالبديل الانسب من ناحية السعر لانو الشغله دي ماشه تتأزم
Post: #85 Title: Re: شربنا مياه الصرف الصحي لمن قلنا بس Author: البدري عبد الله Date: 12-26-2010, 08:59 PM Parent: #84
السلام عليكم ورحمة الله
Post: #86 Title: Re: شربنا مياه الصرف الصحي لمن قلنا بس Author: البدري عبد الله Date: 12-26-2010, 09:05 PM Parent: #85
تبا لكل من تسول له نفسه تحوير وتحويل كل ويلات ومصائب الوطن العزيز واختصارها في شأن شخصي وذاتي . . . . .
.
البدري عبد الله مناضل ومشرد في منافي الصقيع
Post: #87 Title: Re: شربنا مياه الصرف الصحي لمن قلنا بس Author: حسبو عكاشة Date: 12-26-2010, 09:34 PM Parent: #85
البدري
Quote: السلام عليكم ورحمة الله
و عليكم السلام و رحمة الله
اتفضل اشرب مويه
Post: #88 Title: Re: شربنا مياه الصرف الصحي لمن قلنا بس Author: محمد عبدالرحمن Date: 12-26-2010, 09:42 PM Parent: #87
Quote: اتفضل اشرب مويه
Post: #89 Title: Re: شربنا مياه الصرف الصحي لمن قلنا بس Author: البدري عبد الله Date: 12-26-2010, 09:50 PM Parent: #87
المدعو حسبو عكاشة او ايا كان اسمه..
Quote: اتفضل اشرب مويه
يا سيدي الفاضل نحن هنااتينا الى هذا المكان من كل حدب وصوب من اجل قضايا كبيرة في جوهرها ومعناها ..قضايا تصل الى حد ان نكون او لا نكون ..فيا سيدي الفاضل رفقا بنا وبهذه المساحات الممنوحة لك ولغيرك من كرام الاعضاء من اجل خلق واقع جديد وصورة غير التي نراها ونعايشها في شتى ربوع وطننا الحبيب..قلتها لك سابقا واقولها لك ثانية ولا مشكلة عندي ان اظل اكررها ما حييت ...
. . . . الناس في شنو والحسانية في شنو ؟!!
Post: #90 Title: تحذير من السفارة البريطانية لرعاياها بعدم شرب مياه الحنفية في الخرطوم Author: SILVER MOON Date: 12-28-2010, 02:29 PM Parent: #89
تحذير من السفارة البريطانية لرعاياها بعدم شرب مياه الحنفية في الخرطوم الثلاثاء, 28 كانون1/ديسمبر 2010 06:57
هذا تحذير تم تعميمه من السفارة البريطانية ينهى عن شرب مياه الحنفية لتلوثها بالبكتيريا..... وانتو يا بني السودان من يحذركم؟ احسن براكم حذروا انفسكم وضارفوا ليها لانو القاعدين في محل المسئولية ما سائلين في غير نفسهم دحين عمموا المعلومة يا مسئولين
Subject: drinking water warning from british embassy this notice just went out to British Embassy folk. Don't drink the tap water. ** Dear All, As part of new health & safety procedures, TWS staff recently took water samples from all our residential properties to screen in the UK for Legionella bacteria. We have now been notified that some of the samples have tested positive. We are waiting for the arrival of the detailed results, as well as formal advice and guidance from FCO Health & Safety. Once the specific measures to be taken locally have been confirmed, details will be circulated to all staff. Post management of course take this matter extremely seriously and we will keep staff fully informed. However, I can confirm that no cases of Legionnaires’ disease have been diagnosed locally from amongst either staff or families. Of course, should anyone feel unwell or have health concerns then they should as always contact Esther for advice. The UK Health and Safety Executive offers further information on Legionnaires’ disease at their website: http://www.hse.gov.uk/legionnaires/index.htm As a precautionary measure, while a full action plan is prepared, staff are reminded: Do not drink the water from the taps in your houses. UK staff properties have been issued with water dispensers; Do not brush your teeth with tap water, but instead use bottled water. This email is not intended to alarm you, but it is important that you are informed of this situation. We will circulate further information and guidance as soon as it is available. With thanks,
Post: #91 Title: Re: تحذير من السفارة البريطانية لرعاياها بعدم شرب مياه الحنفية في الخرطوم Author: حسبو عكاشة Date: 01-03-2011, 07:50 AM Parent: #90
Quote: وجود هذه البكتريا في مياه الشرب بولاية الخرطوم قد يقود الي هذه الاعراض و المضاعفات: - المرض الذي تسببه هو مرض خطير يسمي مرض ليغيونير Legionnaires' disease - تدخل هذه البكتريا الجسم و تعمل علي تدمير الجهاز المناعي - تظهر الاعراض بعد يومين الي عشرة ايام بعد الاصابة بالبكتريا - تشمل الاعراض، الحمي، الصداع، وجع العضلات، انعدام الشهية، و الفتور المستمر - تظهر بعدها الكحة و قد تكون مصحوبة ببلغم به دم - ايضا تظهر اعراض الاسهال، الالام البطن، فقدان الوعي الجزئي و الدوخة - قد تؤدي الاصابة بهذه البكتريا الي مرض الفشل الكلوي - معظم اعرض المرض تظهر من خلال التهاب الصدر الخطير ( ذات الرئة).
Post: #92 Title: Re: تحذير من السفارة البريطانية لرعاياها بعدم شرب مياه الحنفية في الخرطوم Author: مرتضى احمد عبد القادر Date: 03-14-2011, 11:27 AM Parent: #91
كان لابد أن نشكر الهيئة القومية للمياة على التحسين الملحوظ في طعم ورائحة المياة في الفتره السابقه ونود الإشاره إلي أنه لا ضير من القليل من اللخبته لها مع مياة الصرف الصحي فكثيرون الآن يعانون ومنهم صاحب البوست من عملية اللخبته الذاتية نسبة لإدمانهم
لعناية أمين نوته عونا له في حملته لعلاج الأخ حسبو عكاشة
Post: #93 Title: Re: تحذير من السفارة البريطانية لرعاياها بعدم شرب مياه الحنفية في الخرطوم Author: khaleel Date: 03-14-2011, 11:37 AM Parent: #92
اوعي يكون طلع
جنا سبعة شهور
سلامات حسبو
Post: #94 Title: Re: تحذير من السفارة البريطانية لرعاياها بعدم شرب مياه الحنفية في الخرطوم Author: Hadia Mohamed Date: 03-14-2011, 02:04 PM Parent: #93
دة كلام مخيف جدا , ومكتوب فى الصحيفة على عينك يا تاجر يعنى بلدنا دى فيها حرية صحافة ولا شنو , لان خبر مثل الخبر دة فى مصر القريبة دى بقفل صحيفة وبرجف الوزير والمحافظ بسكن فى الحمام يومين بقينا هوانات وهملة بس.
