Post: #1
Title: ابناء المناصير بكسلا يدعمون مجموعة الخيار المحلي ( صور)
Author: مجموعة الخيار المحلي
Date: 12-19-2010, 10:46 AM
Parent: #0
ابناء المناصير بكسلا يدعمون مجموعة الخيار المحلي
بدعوة كريمة من رابطة ابناء المناصير بمدينة كسلا والمناطق المجاوره قامت قيادة مجموعة الخيار المحلي بزياره للمدينة في يوم الجمعه 17 ديسمبر 2010 للالتقاء بجماهير المتاثرين بالولايه.
حظيت الزيارة باهتمام بالغ من قبل الجماهير بغرض الاطلاع علي برنامج المجموعه وموقفها وبرنامجها حيال الوضع المتردي للمتاثرين بالنظر لتجاهل الحكومه للقضيه وسياستها لشراء الوقت مع تواطؤ كامل من اللجنه السابقه وانسحابها الكامل من القضيه.
بداء برنامج الزياره باجتماع مغلق مع اللجنه التنفيذيه للرابطه استمر حتي موعد صلاة الجمعه. لم يكشف اي من الجانبيين عن ما دار في الاجتماع،إلا ان الاستاذ عبد الواحد ابراهيم الناطق الرسمي باسم مجموعة الخيار المحلي صرح لاحقا ( بأن الاجتماع تناول الوضع الراهن بالمنطقه وكيفية العمل المشترك لتفعيل المطالبه بالحقوق، واضاف ان الجانبين اكدا علي ان الوضع يحتم علي الجانبين العمل المشترك وتم الاتفاق علي مجموعه من الخطوات لم يفصح عنها. واشار الي ان الاجتماع تناول ايضا التطورات السياسيه التي تواجه البلاد ومجمل تداعياتها علي قضية المتاثرين).
في الظهر اقيم اللقاء الجماهيري الحاشد حيث خاطبه اعضاء الرابطه وقيادات مجموعة الخيار المحلي.
وتعتبر رابطة ابناء المناصير بكسلا اقوي رابطه للمناصير خارج منطقتهم وظلت الرابطه تدعم قضية المتاثرين بلا حدود، كما ارسلت الرابطه الكثير من المعونات للمنطقه ايام الكارثه ولا زالت تواصل جهودها لدعم المنطقه.
وفي تصريحه اعلاه قال الناطق الرسمي باسم المجموعه ( ان مجموعه الخيار المحلي تنفذ برنامج متكامل لزيارة جميع ابناء المناصير في مختلف بقاع السودان وخارجه لتوحيد جهودهم للتمسك بارض اجدادهم بالنظر للظروف التي تمر بها البلاد ومالات الصراع الذي يفت في عضد الدوله وهنالك مخاطر ماثله باننا سنصبح مجموعه بدون ارض ان لم نوحد جهودنا ونتماسك للدفاع عن ارضنا والبقاء فيها. واضاف ان ادارة السد بالتعاون مع اللجنه السابقه تقوم بتنفيذ سياسة ( الافراغ الناعم) عن طريق دفع الاموال لكل من يخرج من المنطقه وان هذا البرنامج يشرف عليه اعضاء من اللجنه السابقه وهو برنامج خطير الغرض منه تنفيذ ما فشلوا في تنفيذه بالقوه بطرق ناعمه ولكننا سنقف ضده بكل حسم)
الجدير بالذكر ان مجموعة الخيار المحلي،- خلافا للجنه السابقه – تتمسك بقيام مشروعات التوطين في المنطقه ويشمل ذلك بناء المساكن وتنفيذ المشروعات الزراعيه وفتح الطرق واعادة تشييد الخدمات وربط المنطقه بالكهرباء بجانب التعويض الكامل للمواطنيين عن ما دمر من محاصيل ونخيل ومزارع وغيرها ومراجعة كشوفات الاستحقاق التي اعلنتها الدوله حيث حرم اكثر من ثلثي المتاثرين من التعويض.
|
Post: #2
Title: Re: ابناء المناصير بكسلا يدعمون مجموعة الخيار المحلي ( صور)
Author: مجموعة الخيار المحلي
Date: 12-19-2010, 10:54 AM
Parent: #1
البروفسير ابوالقاسم عثمان كروم رئيس الرابطه في كلمة ترحيب بقيادة مجموعة الخيار المحلي
|
Post: #3
Title: Re: ابناء المناصير بكسلا يدعمون مجموعة الخيار المحلي ( صور)
Author: مجموعة الخيار المحلي
Date: 12-19-2010, 11:00 AM
Parent: #2
الدكتور النور قسم الله عضو اللجنه التنفيذيه للرابطه والمحاضر بجامعة كسلا رحب بالمجموعه وقدم المتحدثون اثناء اللقاء
|
Post: #4
Title: Re: ابناء المناصير بكسلا يدعمون مجموعة الخيار المحلي ( صور)
Author: مجموعة الخيار المحلي
Date: 12-19-2010, 11:07 AM
Parent: #3
الشاعر الاستاذ حبيب بابكر عمر، زعيم شعراء المناصير قدم مجموعه من القصائد
( نحن من النيل وين نروح .. يجري فينا مسارب الروح)
|
Post: #5
Title: Re: ابناء المناصير بكسلا يدعمون مجموعة الخيار المحلي ( صور)
Author: مجموعة الخيار المحلي
Date: 12-19-2010, 11:12 AM
Parent: #4
جانب من الحضور
|
Post: #6
Title: Re: ابناء المناصير بكسلا يدعمون مجموعة الخيار المحلي ( صور)
Author: مجموعة الخيار المحلي
Date: 12-19-2010, 11:20 AM
Parent: #5
الاستاذ علي الكليس
مسؤول التوطين بمجموعة الخيار المحلي
تحدث عن ممارسات قيادة اللجنه السابقه وخيانتها للامانه التي
كلفها بها المواطنون وانكسارها امام المؤتمر الوطني وتنازلها عن حقوق المتاثرين
وصمتها عن ما يجري من شطب للمستحقيين واهدار لحقوقهم المشروعه في التعويض
قدم الكليس الكثير من الادله والبراهين والاخطاء المتعمده التي ارتكبتها اللجنه
السابقه. وقد قوبلت كلمة الكليس بحماس طاغ من الجماهير
|
Post: #7
Title: Re: ابناء المناصير بكسلا يدعمون مجموعة الخيار المحلي ( صور)
Author: مجموعة الخيار المحلي
Date: 12-19-2010, 11:29 AM
Parent: #6
جانب من الحضور
|
Post: #8
Title: Re: ابناء المناصير بكسلا يدعمون مجموعة الخيار المحلي ( صور)
Author: مجموعة الخيار المحلي
Date: 12-19-2010, 11:36 AM
Parent: #7
الشيخ حسن محمد خير
رئيس اللجنه التنفيذيه لمجموعة الخيار المحلي
قال "ان حرائرنا يفترشن الصخور وان حياتنا مستباحه
وقد طفح الكيل وبلغ السيل الزبي وان لابد مما ليس منه بد"
|
Post: #9
Title: Re: ابناء المناصير بكسلا يدعمون مجموعة الخيار المحلي ( صور)
Author: مجموعة الخيار المحلي
Date: 12-19-2010, 11:42 AM
Parent: #8
جانب من الحضور
|
Post: #10
Title: Re: ابناء المناصير بكسلا يدعمون مجموعة الخيار المحلي ( صور)
Author: مجموعة الخيار المحلي
Date: 12-19-2010, 12:15 PM
Parent: #9
الاستاذ علي عسكوري
رئيس مجلس المناصير
قدم تحليلا ضافيا للمظالم التي وقعت علي المناصير
وفند الاشاعات التي تروج لها اللجنه السابقه بالوكاله عن ادارة السد وجهاز الامن
وخاطب عسكوري الحضور قائلا " اننا لا نريد كما من الناس بلا فعاليه، نريد فقط ان يتقدم من هو جاهز للموت
والتضحيه من اجل الحقوق... الما جاهز و ما مستعد نحن عازرنه" واضاف " ان التجربه اثبتت ان المجموعه الحاكمه من المؤتمر الوطني تفهم لغه واحده فقط وان اهلنا قد صبروا كثيرا، وقد باعت اللجنه التي كان الناس يعولون عليهاالقضيه بدراهم بخسه واختفت" واشار عسكوري الي قضية المشروعيه
وقال ان اللجنه السابقه انتهي تفويضها منذ يونيو 2008 والان لا توجد اي لجنه لها تفويض غير مجلس ولجنة مجموعة الخيار المحلي وان اي شخص من اللجنه او المجلس السابق يتحدث باسم المواطنيين ستتم معاقبته، وقال انهم بداوا يعتدون علي قياداتنا ( مشيرا للاعتداء علي حسين زيدان عضو اللجنه التنفيذيه لمجموعة الخيار المحلي) واضاف ان قيادات من اللجنه السابقه يدفعون الاموال - كما فعلوا من قبل - لتأجيج العنف الداخلي بين المناصير، وقال اننا لسنا دعاة فتنه ولن نجاريهم في هذا الامر ولكننا قادرون علي الدفاع عن انفسنا واننا الان منشغلون بالقضيه الكبري وان قضيتنا الاساسيه مع الدوله وليست مع مجموعه اخري
واشار الاستاذ عسكوري الي المخاطر التي تواجه البلاد وتاثر علي قضية المتاثرين، وقال ان اهلنا ضحوا وان دفع حقوقهم واجب تقره كل الشرائع
وقال اننا لن نقبل " عطية مزين" والفتافيت التي تروج لها اللجنه السابقه وان لدينا حقوقا مشروعه يجب علي الدوله دفعها طوعا او كرها"
واضاف عسكوري ان التوطين بالخيار المحلي واجب اقرته الاتفاقات التي ابرمت مع الدوله وان علي الدوله تنفيذه وليس الالتفاف حوله واجهاضه وتمييعه عن طريق اللجنه السابقه
|
Post: #11
Title: Re: ابناء المناصير بكسلا يدعمون مجموعة الخيار المحلي ( صور)
Author: مجموعة الخيار المحلي
Date: 12-19-2010, 12:38 PM
Parent: #10
لاول مره النساء حضور متميز
|
Post: #12
Title: Re: ابناء المناصير بكسلا يدعمون مجموعة الخيار المحلي ( صور)
Author: تولوس
Date: 12-19-2010, 01:33 PM
ياربي ناس السواقي ديل كلهم تبع الحركة الشعبية ويتبنون اجندتها الخفية ؟؟
|
Post: #13
Title: Re: ابناء المناصير بكسلا يدعمون مجموعة الخيار المحلي ( صور)
Author: فايزودالقاضي
Date: 12-19-2010, 01:53 PM
Parent: #12
التحية لاهلنا المناصير بالسودان عامة وبكسلا خاصة ...وتحية خاصة جداً لاستاذي بمدرسة كسلا الثانوية المخضرم / حبيب بابكر ..
نسال الله ان يرفع عنكم الظلم وعن كل مظلوم ...
وبالتوفيق ..
|
Post: #14
Title: Re: ابناء المناصير بكسلا يدعمون مجموعة الخيار المحلي ( صور)
Author: عبد الواحد أبراهيم
Date: 12-19-2010, 01:55 PM
Parent: #12
| Quote: ياربي ناس السواقي ديل كلهم تبع الحركة الشعبية ويتبنون اجندتها الخفية ؟؟ |
بالله عليك اسالهم وورينابعدين.
|
Post: #15
Title: Re: ابناء المناصير بكسلا يدعمون مجموعة الخيار المحلي ( صور)
Author: تولوس
Date: 12-19-2010, 02:30 PM
Parent: #14
انت الشلاقة العليك شنو ... في زوول سالك ...؟
انا بسال نفسي
|
Post: #16
Title: Re: ابناء المناصير بكسلا يدعمون مجموعة الخيار المحلي ( صور)
Author: عبد الواحد أبراهيم
Date: 12-19-2010, 02:36 PM
Parent: #15
Quote: انت الشلاقة العليك شنو ... في زوول سالك ...؟
انا بسال نفسي |
اسال نفسك سرا يعنى وانت مقطموما تزعجنا بتساؤلاتك المها سر دى
|
Post: #18
Title: Re: ابناء المناصير بكسلا يدعمون مجموعة الخيار المحلي ( صور)
Author: تولوس
Date: 12-19-2010, 02:54 PM
Parent: #16
الموجعك شنو ...؟؟
ماقلتو حريات:p
|
Post: #19
Title: Re: ابناء المناصير بكسلا يدعمون مجموعة الخيار المحلي ( صور)
Author: مجموعة الخيار المحلي
Date: 12-19-2010, 03:11 PM
Parent: #12
| Quote: ياربي ناس السواقي ديل كلهم تبع الحركة الشعبية ويتبنون اجندتها الخفية ؟؟ |
انت يا جناح الطيب مصطفي
مواقفك وتأييدك لاغراق المناصير، والقتل في امري وكجبار وبورتسودان
واغتصاب نساء دارفور معروفه
نتحداك لو تجيب ادانه منك لايا من هذه الجرائم
أمشي مارس عنصريتك الكريهه بعيد مننا
|
Post: #21
Title: Re: ابناء المناصير بكسلا يدعمون مجموعة الخيار المحلي ( صور)
Author: تولوس
Date: 12-19-2010, 04:17 PM
Parent: #19
اعوذ بالله من الشيطان الرجيم ...
شبح
يامن كتبت هذه الكلمات هل ادوك تفويض من مجموعة الخيار المحلي لتكتب هذه الكلمات في حقي او تشفي والسلام؟
Quote: مواقفك وتأييدك لاغراق المناصير، والقتل في امري وكجبار وبورتسودان
واغتصاب نساء دارفور معروفه
نتحداك لو تجيب ادانه منك لايا من هذه الجرائم
أمشي مارس عنصريتك الكريهه بعيد مننا |
اولا انا لست عنصري ولكني اكره الحركة الشعبية ومشاريعها المخستكة وكذلك حركاتها الوليدة ووكل التي تحمل اسمها وسماتها لانها تمارس العنصرية الكريهة كما ذكرت .. وقالو الجمل ما بشوف عوجة رقبتو
وثانيا انا ادين كل عمليات القتل التي حدثت في السودان في شماله وشرقه وغربه وجنوبه الذي كان ..لاني فقدت عزيز لدي بالفعل واعرف معني الحرب وقتل الابرياء ومواقفي معروفة ومشهودة ودونك بوست انزلته بالامس
تجده هناانتهاك اخر لحقوق المواطن ...مقتل رجل يشعل النار بالكلاك...برصاصة من دورية شرطة
وانا فعلا اويد قيام كل السدود لخير كل السودان ومع كل التعويضات الضرورية والعادلة ومثل الغالبية من اهلك وفي نفس الوقت ارفض ان يقتل الناس لانهم عارضوا ذلك ...
خليك راجل واكتب باسمك يا شبح ... مافي زوول بيدق ليه زوول هنا هي كلمات نكتبها فيمكث ما ينفع الناس ويذهب الزبد جفء
|
Post: #22
Title: Re: ابناء المناصير بكسلا يدعمون مجموعة الخيار المحلي ( صور)
Author: عبد الواحد أبراهيم
Date: 12-19-2010, 05:09 PM
Parent: #21
| Quote: وثانيا انا ادين كل عمليات القتل التي حدثت في السودان في شماله وشرقه وغربه وجنوبه الذي كان ..لاني فقدت عزيز لدي بالفعل واعرف معني الحرب وقتل الابرياء ومواقفي معروفة ومشهودة ودونك بوست انزلته بالامس |
ممتاز وبلغة القوم (جزاءك الله خير) لموقف الادانة الباهر!
Quote: وانا فعلا اويد قيام كل السدود لخير كل السودان ومع كل التعويضات الضرورية والعادلة ومثل الغالبية من اهلك وفي نفس الوقت ارفض ان يقتل الناس لانهم عارضوا ذلك ...
|
دى طبعا كلام خارم بارم ساى ... هل تعرف فى الاصل كم هو عدد السدود التى تنتوى الحكومة تشيديها ؟
وهل تعلم المواطنيين الذين من المفترض انهم متأثرون بالسدود جميعهم يرفضوناه عدا سد مروى الذى تقبله الاهالى
وكانوا يظنون انه مفيد للسودان ولهم وطلع ( مشروع العصبة العنصرية )
بعدين يا تلس كيف انت مع التعوضيات الضرورية ؟! فى تعويض ضرورى وآخر غير ضرورى (اللهم ذنا فهم)
نفس عبارات العصبة العنصرية ... وبعدين ليه اصلا انت بتتكلم فى موضوع ما بتعرفوا شن دخلك بالسدود؟
| Quote: خليك راجل واكتب باسمك يا شبح ... مافي زوول بيدق ليه زوول هنا هي كلمات نكتبها فيمكث ما ينفع الناس ويذهب الزبد جفء |
اها رايك اذا طلع الكاتب /ة من السيدات ؟ بطل التسرع ... وهو بالله انت بتقدر على الدق .. يعنى انت (قدوقدو) زاتوا ؟
|
Post: #23
Title: Re: ابناء المناصير بكسلا يدعمون مجموعة الخيار المحلي ( صور)
Author: تولوس
Date: 12-19-2010, 05:44 PM
Parent: #22
اوع تكون انت من كتب الكلام اعلاه باسم مجموعة الخيار المحلي ؟؟؟
الشجاعة صفة حميدة ياهذا احييييك :p
انت ما بتدير حوار .. انت عندك برنامج شغال عليه (هنا مكانك - الخيار المحلي )
| Quote: وبعدين ليه اصلا انت بتتكلم فى موضوع ما بتعرفوا شن دخلك بالسدود؟ |
هل تصدق العبارة دي انا ما كنت حاسب حسابها انا شن دخلي بالسدود؟؟؟ سؤال وجيه والله ...ولكن !!! الست من ابناء نهر النيل !!! الست من تنازل عن ارضه في الدامر عن طيب خاطر لاجل السدود؟؟؟ لا لا السؤال ده مافي محله !!!
وبدوري احوله للحركة الشعبية حيث محله هنا...واقوليها شن دخلك بالسدود في الشمال ؟؟
| Quote: اها رايك اذا طلع الكاتب /ة من السيدات ؟ بطل التسرع |
صدقني لافرق فقد سبق قلمـ ه/ها وافرغ بما في جوفه
|
Post: #24
Title: Re: ابناء المناصير بكسلا يدعمون مجموعة الخيار المحلي ( صور)
Author: مجموعة الخيار المحلي
Date: 12-19-2010, 09:02 PM
Parent: #23
| Quote: الست من ابناء نهر النيل !!! الست من تنازل عن ارضه في الدامر عن طيب خاطر لاجل السدود؟؟؟ لا لا السؤال ده مافي محله !!! |
و الله لا اتنازلت ولا حاجه
الارض قلعتها منك ادارة السدود غصبا عنك
هو انت كنت من اصله حا تعمل حاجه...!
كمان عايز تعمل لينا فيها بتاع اريحيه
والله قلعوها منكم قلع ولي هسي تطنطنوا وزعلانيين بس خيبانيين وغالباكم الحيله
وخايفيين من اسامه عبد الله! والله مغبونيين ما قادرين تتكلموا من الخوف
تتنازل شنو هو انت عندك حاجه عشان تتنازل منها
والله اسامه عبد الله يكشكم في اي اتجاه عايزه،
عارفنكم وجربناكم كان بتقدروا تقولوا لا
بالله يا استاذ عبد الواحد سيبك من قدوقدو بتاع السدود دا.
دا زول فاشل ما عنده موضوع
|
Post: #25
Title: Re: ابناء المناصير بكسلا يدعمون مجموعة الخيار المحلي ( صور)
Author: تولوس
Date: 12-20-2010, 04:52 AM
Parent: #24
اعوذ بالله من الشيطان الرجيم ..شبح
Quote: و الله لا اتنازلت ولا حاجه
الارض قلعتها منك ادارة السدود غصبا عنك
هو انت كنت من اصله حا تعمل حاجه...!
كمان عايز تعمل لينا فيها بتاع اريحيه
والله قلعوها منكم قلع ولي هسي تطنطنوا وزعلانيين بس خيبانيين وغالباكم الحيله
وخايفيين من اسامه عبد الله! والله مغبونيين ما قادرين تتكلموا من الخوف
تتنازل شنو هو انت عندك حاجه عشان تتنازل منها
والله اسامه عبد الله يكشكم في اي اتجاه عايزه،
عارفنكم وجربناكم كان بتقدروا تقولوا لا
بالله يا استاذ عبد الواحد سيبك من قدوقدو بتاع السدود دا.
دا زول فاشل ما عنده موضوع |
بحق لو ده منطق الخيار المحلي .... الرماد كال حماد...
كلامك المقتبس اعلاه يحوي كل هذه الصفات..
فلس اي بمعني لايحمل اي شئ مفيد ...خلط المفاهيم .. عدم موضوعيه .. ضبابية ..توهان ..توتر(قلع .غصب.تهديد .)
نفس منطق الحركة الشعبية والحركات المصاحبة لها...
هل تصدق اني احب ادارة السدود لانها عملت حاجة للوطن ...اين انتم منها ...و الخيار المحلي في شنو؟
قوم لف
|
Post: #26
Title: Re: ابناء المناصير بكسلا يدعمون مجموعة الخيار المحلي ( صور)
Author: مجموعة الخيار المحلي
Date: 12-20-2010, 10:13 AM
Parent: #25
| Quote: ولكني اكره الحركة الشعبية |
نحن الكراهيه دي غير موجوده في قاموسنا
حتي زولك الاضينه الطيب مصطفي ورغم انه يبث في الكراهيه صباح مساء ما بنكره
انما بنعارض النهج والطريقه بتعاته
فبالله ورجاءا اطلع بكراهيتك دي من البوست دا
امشي مارس الكراهيه بتاعتك في اي محله تانيه
|
Post: #27
Title: Re: ابناء المناصير بكسلا يدعمون مجموعة الخيار المحلي ( صور)
Author: عبد الواحد أبراهيم
Date: 12-21-2010, 12:03 PM
Parent: #26
Quote: اوع تكون انت من كتب الكلام اعلاه باسم مجموعة الخيار المحلي ؟؟؟
الشجاعة صفة حميدة ياهذا احييييك :p
|
يا زول انت ماك نصيح انا بكتب باسمى برضو داير غلاط فى اسمى بعدين انا
ما بخاف من حكومتك دى بدباباتهاخاف من شنو منك انت مثلا؟
بعدين انت داير تطالعى ولا شنو؟
|
Post: #28
Title: Re: ابناء المناصير بكسلا يدعمون مجموعة الخيار المحلي ( صور)
Author: تولوس
Date: 12-21-2010, 04:54 PM
Parent: #27
|
Post: #29
Title: Re: ابناء المناصير بكسلا يدعمون مجموعة الخيار المحلي ( صور)
Author: نجلاء سيد أحمد
Date: 12-21-2010, 05:57 PM
Parent: #27
التحية لاهلنا المناصير بالسودان عامة وبكسلا خاصة
|
Post: #30
Title: Re: ابناء المناصير بكسلا يدعمون مجموعة الخيار المحلي ( صور)
Author: عبد الواحد أبراهيم
Date: 12-23-2010, 08:55 AM
Parent: #29
| Quote: التحية لاهلنا المناصير بالسودان عامة وبكسلا خاصة |
الاستاذة المحترمة اولاً نشكرك على وفقتكم مع عموم اهلك السودانيين والسودانيات
وفى مقدمتهم المراة التى يريدون اضطهادها كنوع من العدالة لاضطهادهم الرجال
طبعا ما وقع على اهلنا لهو جرم كبير وخطير سيدفع ثمنه المجرمون عاجلا او اجلاً
وسيكون الثمن غالى وغالى جدا.
فلسنا نحن من نغادر ارضنا ولسنا نحن من نخاف المواجهة وكان على جهاليل الانقاذ
قراءات التاريخ جيداً ولكنهم فى غيهم يعمهون .
|
|