اصبحت بالدرجة التي لحدت الآن بكري ما وقف حيدر الزين مما جا راجع .. وعادية لدرجـة .. الواحد زاتو بقى ما بيفكر للوقفو من الما وقفو .. يعني ممكن وعادي جدا الخ محمد بشرى الخضر يكون اتوقف خلال الشهور المنصرمة .. من الربع الفات لحدت الربع دا .. يكون اتوقف اكتر من خمسة ستة مرات .. والواحد ما شاعر بي المسالة دي .. أو المسالة بقت عادية وماف اي غــاغا وكواريك
مسيخ بالقدر الذي : يكتب فيه ملاسي بوستـا .. ويدخل الزميل عصام جبر الله يرد في نفس البوستا المفتوح وملاسي ما يسالو .. فقط يكتفي بي فتح بوست .. يتسأل فيهو عن لييه بكري ما شال البوست دا وخلى كل البوستات القديمة ..
Quote: لا مسيخ ولا حاجة.. بس انت (خشمك) ملان (سكر) و(طحنية)!!
وما رتدلا حلواني أخـوان وإنت الصادق ..
رد المارتدلا (بمثابة) قطع الطريق على المتسكعين والبؤساء في هذا البوست .. ودلالة على إنو حكاية المارتدلا دي ولا محرقاني
الجدير بالذكر إنو أحد اصدقاء المرحلة الثانوية مكلف نفسو ومرسل لي رسالة في الجوال .. (ومسيح) لي في الفيس بوك على شاكلة: واشماتة الروس فيك من بوش بالطش لي ساندوتشات شفع الروضة ..
المدعو اعـلاه يا طلحة تنظير .. تجاربه التراكمية طورت من مستواه في ساحات الحوار .. من قطعان البط والأوز .. اصبح يدلو بدلوه في المواضيع الحساسة والمصيرية ..
التجارب التراكمية طبعا يا طلحة المقصود بيها فترات التوقيف الطويلة والمتابعة من الخارج .. وإنت كزول رياضي بتدرك الفرق ما بين اللاعب في دكـة الاحتياطي ونظيره في داخل الميدان ..
اخشى إنو بعد فترة التوقيف الجاية .. يجي يفتي لينا في أحوال الاستفتاء والانفصال .. إلخ .. اقوليك حاجة..؟ والله خايف يجيبوهو في النيل الأزرق .. يا قناة هارموني اسوة بالمحللين .
Quote: نزلوا كفيديو واستمتع معاي بالله مع اغنية عبد المنعم حسيب
الأغنية دي يا حيدر أول مرة اسمعه كان من حنان النيل مع اوركسترا السمندل في الإمارات سنة 89 ومن اليوم داك معلقة معاي .. والبت رفيعة أحمد دي ما قصرت والله جيهته برضو .. لكن سمح الغناء في خشم سيدو
Quote: عندي شريطو في السودان الله يحييني وارجع اجيب ليك كوبي منو
صالح الضي لو عندك تسجيل القاهرة الزمان داك .. اتصرف وشوف ليك طريقة ترسلو لي .. بعدين مسالة تقولي في السودان دي .. صدقني .. بتعاملو معاك بعد السفر .. (كورثـة) غلا يكون عندك سحارة ومفتاحة معاك ..
Quote: لا اخوك تفتيحة .. انت قايل المفاتيح ما شالوها والا ششنو ؟ ياعمكـ انتو يشيلوا الكردت كارد بتاعكم ونحن يشيلو مفاتيحنا
.. تفتيحة شنو يا حيدر .. احتمال كبير الشنطة القافل فيها الحاجات دي .. يا الدولاب .. يا الكيس بتاع الشرايط .. يجيبو ليك منو نسخة طبق الأصل .. ويتصرفو في النسخة القديمة .. عادي بتحصل في أرقى العائلات .. متخمخم لي بي ظرف مفتوح من السودان لانو فيهو ورق مهم .. جيت لقيتو مقفول نفس القفله حقتي .. لكن فاضي من جوه ..
والله يا جستابو دي من ضمن الاغاني المفضلة جدا .. عندي في العربية .. وفي الكمبيوتر وفي البيت .. الاغنية دي لو سمعها بالصباح .. يا بالليل شديد انا بضمن ليك إنو اصطباحيتك بتكون زي الورد ..
المشكلة رطل السكر زاد ونحن أمة بنشرب كما تعلم سكر بالشاي ما شاي بالسكر نظام الشعبية – الخرطوم – الشعبية والواحد الغريبة لمن تقول ليهو يا أخي قلل السكر شوية يقول ليك ما دي الحاجة الوحيدة البتعمل لينا لياقة وهو في أحسن حالتو فشنك لو جرى منو خروف الضحية إلا ينادي على أبو مروه في زمن عز فيه أبو مروه وإن وجد بيقوم دفره = العسل كمان مغشوش يقول ليك عسل الهاشمي الرافسنجاني (الأخيرة دي من عندي أكيد) لعلاج البهاق والصدفية والصلع والثعلبة وتفتيح البشرة وتكبير وتصغير (نظام زوووم يا عمك) ولعلاج الشلل وحالات عسر الهضم ووجع العيون وعيييييك يعني "عصا موسى عليه السلام" = أها بإنعدام أو صعوبة الحصول علي الصنفين أعلاه السكر والعسل بقي ما في غير حلاوة قطن يا مان وإنت عارف حلاوة قطن عبارة عن غفوة وفي رواية أخرى تشبه لعبة خطف الطاقية أقول ليك حاجه خلينا نتفاءل بي البور(ض) في عام 2011م مع أولمبياد واوسي يمكن الشرتالي سيد الشي زاتا يغير قصة شعره أتمنى أن يكون سبب المساخه وضح
شايفك الايامات دي يا ملا ضاغط شديد على .. اللاكتوز والفرتكوز والسكروز وإلخ .. عليك الله عييب لي البروتينات والنشويات .. اللالوب يا عزيزي فيهو قيمة غذائية مبالغ فيها والعجب لو بلعتو بعد مرحلة تدوير المواد في داخل الفم .. ياخ إنتو براكم الحاجاتكم القاسية .. وما عايزين حاجاتكم تكون مسيخـة ..؟ حسع من الله خلقك .. سمعت ليك بي زول في السويد قاعد يجلد عناقريب في العاصمة استوكهولم .. واللا في ميامي في نجيد مراتب .. براكم تعملوها في نفسكم وتجو تمسخوها على الواحد في البورد ..
.. يا ملا طحنية .. في الحتة دي لابد من إنك تكون مفتح .. وما تتفاعل مع الحدث .. لانو لو اتفاعلته إلا تشوف ليك حلة تانية ..
مرة زمان كنا بنتكلم عن الريموت كنترول ايام طلع جديد .. عندنا واحد شليق قال عندو استريو بشتغل (بالنظرة) بي صورة أوضح: تعاين ليهو كدا يقوم يشتغل قمنا سميناهو طوالي (نظرة) .. واتسيح ليهو في المنطقة .. عندنا زولة عمتنا في الحلة كدا لذيذة جدا بتاعت جلكسات وبين قوسين ( ) .. لقتو ليك في الدكان مطرف كدا وبظبط في البوش .. قالت ليهو : عليك الله يا نظرة يا ولدي بعد تتعشو جيب لي المسجل بتاعك الفوقو عينين .. تخيل زي دا وضعو بكون عامل كيف ..؟
Post: #26 Title: Re: البور(ض) بقى مسيييخ Author: خالد المحرب Date: 12-26-2010, 10:52 AM Parent: #18
Quote: اظنها كندية كان بجيبوها في تلفزيون السودان طواااالي
ما كمان ما ممكن ياجنابو تجيب لينا حاجات من زمـن عبود .. وزمن الطحنية بالمتر المكعب ..
والله استعنت بي صديقين .. وهم جهابزة السمع بالنسبة لي .. وتوقع إنو تسمع حاجة كويسة عن الزولة دي
والله بتذكره طراطيش طراطيش كدا .. الوكت داك يا جستابو الواحد كان بشرب اللبن من الساعة خمسة .. والساعة تمنية ونص بالمساء يكون صحى عشان يمشي المدرسة .. عليك الله دقيقة يا جنابو ياخ
Quote: تمبس كيفك اظنك انت بى الصح فى الجامعه الايام دى ما زى كضب البنيه دى اعتبرنى كبسور والتحيه عبرك لزميلة البورد معليش الكبر حصل والنظر بقا شويه بقن الحروف يطا قشن يطقاشن دى تمبس بكسر الشين والنون لغة سناجك
يا أبو أحمد ..سلامات جامعة شنو يا الدخري .. ؟ دي جامعة وكتاب وروضة .. تطلع من الصباح بي ساندوتشاتك تجي راجع بعد المغربية .. اليوم الما بتشيل فوقو ساندوتشاتك زي العندكم تسميع في المكتب ودرس عصـر وبالرغم من ذلك يا محرب قرايت الكبر سمحة والله
Quote: ولو حبوا يزودوا يكون بيض بالجبنة منها هو رخيص وتانياً مُشبع
ردك دا بضيفو لي رد .. الزميل محمد بشرى الخــدر .. إن شاء الله .. وإن شاء الله ح راد ليكم قبلما الأرشفة الجديدة دي تنتهي .. ح ارد ليكم طبعا بي طريقة ما ح تقدرو تردو لي إلا من خلال موقع الفيس بوك ..
Quote: في النهاية كدا تلقى انك بتتشاكل ليك مع نفرين
.. إنت بتهبشم مالك ..؟
انا غايتو بذكر إنك قبل كدا هبشت البورداب الخواجات .. ايام الأزمة العالمية ,, بالتالي حقو تختار حسب الوضع الاقتصادي .. أو اقليك حاجة .. بعد إجازة الميزانيات ,, والسنة المالية ما تنتهي والله ماف واحد يشتغل بيك شغله ..
Quote: داير اشتكي الاتنين ديل (تامبا وفيصل) لي قدوقدو ............
ممكن امشي معاك الكبجاب يا جستابو .. (وانفي) ما حدث هنا.. وعادي جدا اورط ليك فيصل الرشيد .. والله زي فيصل دا يا حلات الدق فوقو .. يدقوهو ليك دق العيش .. تجيب فيديو الدق حقو .. والله ماف واحد هنا دا يتضامن معاهو
بالمناسبة يا تمبس ... بالاضافة لحمد فتح الرحمن أعلاه بشهد انه الزول زااتو بيكابس في بوفيه السحاب من الساعة اتناشر ضهر ومرات تلقاهو (كابس ) الكبسة من صبحاً بدري
Quote: بالمناسبة يا تمبس ... بالاضافة لحمد فتح الرحمن أعلاه بشهد انه الزول زااتو بيكابس في بوفيه السحاب من الساعة اتناشر ضهر ومرات تلقاهو (كابس ) الكبسة من صبحاً بدري
ـــــــــــــ والله صحي
وشهد شاهد من منطقتنا
عريسناحيدر ان شاء الله انت كمان يوم سندوتشاتك يجي قريب ، بس ماتكون زي ناس الرياض قالوا الواحد عشان يلعب كوشتينة يوم الخميس بيقدم لي اذن خروج من يوم الاحد لووووووولز
ناس الشرقية بي تلفون بس قبل ماتشك الورق تلاقيهم يتطاقشوا
Quote: ياخي في حركة مملة كدا .. الزول يجي ينبذك .. تقول ليهو جر .. يجي البعدو ينبزك .. تقول ليهو جر .. يجي الزول الاول تاني ينبذك .. تقول ليهو جر .. يجيك نمرة اتنين يدورك تاني .. الخ الخ الخ .. في النهاية كدا تلقى انك بتتشاكل ليك مع نفرين .. و انت قايل نفسك بتصلح في المجتمع
Quote: بالمناسبة يا تمبس ... بالاضافة لحمد فتح الرحمن أعلاه بشهد انه الزول زااتو بيكابس في بوفيه السحاب من الساعة اتناشر ضهر ومرات تلقاهو (كابس ) الكبسة من صبحاً بدري
ـــــــــــــ والله صحي
يا حيدر الزين عليك الله سلم لى على حمد فتح الرحمن ياخ
Quote: الزول زااتو بيكابس في بوفيه السحاب من الساعة اتناشر ضهرومرات تلقاهو (كابس ) الكبسة من صبحاً بدري
ايوة يا حيدر انا مصدقك .. زي الزول زاتوو دا بيكون عندو (موارك) جايبه معاهو من السودان النوع البكتون بتاعت (تبخ) ديك .. يا (ك....لاب) ليدو .. والكنترول طبعا بحدد ليهو طريقة الاستعمال .. وفي ياتو منطقة والساعة كم .. يجي يقولي والله بنلعب كشتينة من يوم السبت .. بالنسبة لي حمد فتح الرحمـن ما بضمنو ليك .. والله ساندوتشاتو تكون تطاقش ..والله اقوليك حاجة .. بكون عندو (عمـود) عديل كدا
Quote: ان شاء الله كمان بعد السندوتش بيدوك حق التحلية هههههه مايكون داخلين بيهو صندوقتحياتي للكنترول لوووووولز
...
اااي ياخ رشني رش مركز كدا عشان الواحد لما يجي داخل البوست دا يحس بي جسمو (منمــل) مش زي واحد كدا من المنطقة الشرقية شابكني اجيب ليك ساندوتشات فول وطعمية .. والتاني من الأمارات العربية المتحدة قال في خواجــة سايق ليهو قطيع بط
رشني بمقدار .. أعمل زغبير من البوست يومين تلاتة وأجي أعتذر للجميع .. محمد الصايم مثالا
غايتو ضرو عيشكم .. الثغرة الفتحته ليكم زميلة البورد .. تلاتة اراشيف لي قدام ما تنسده ..
ملحوظـة: بس ما تضغط علي أخوك يا معلم .. لاني بقيت محمول وبيني بينك في ناس راجيين مشروع البلع
Quote: أعمل زغبير من البوست يومين تلاتة وأجي أعتذر للجميع .. محمد الصايم مثالا
يا تامبا ياخ البتاع التحتو خط دا خليهو لي سالم كدا يومين تلاتة لغاية الأرشفة دي بس لانو سادي بيهو فرقة في بوست الدعي الذي تعرف .. وبعد كدا هو لك .. إن شاء الله تغطسو في علبة صلصة ..
Post: #48 Title: Re: البور(ض) بقى مسيييخ Author: محمد عبد الماجد الصايم Date: 12-26-2010, 12:53 PM Parent: #46
ما تضغط على نفسك ابوي انا .. نهاية الارشفة دي .. سردب طوالي .. الناس دي بقت ما بترحم .. ويبدو إنو ناس جرجيرة بيفتشو ليها من فترة طويلة .. غايتو تأكد مما لا يدع مجالا للشك إنو محمد بشرى الخدر أو أي كان اسمه .. قلبو باليمين عديل كدا
Quote: تشيل عمودك مليان كبسة... ترجع للكامب مليان رمال... وهكذا عواميدليك... السندوتشات دي من حرض وغربا...
وينك يا كمال ياخ ليك وحشة والله .. يعني تجيبك المارتدلا دي ..؟ قبل كم يوم كدا في مركز تجاري لقيت ليك (العواميد) الصغيرة بتاعت النيكل دي قفلت ليك علي واحد .. لانو مقاساتو مناسبة تعرف الخطة بتاعت المرحلة الجاية بالزنقة بتاعت الشغل دي .. شكلي ح (اكبس) من الصباح من البيت .. واجيب يازول (كسرتي وملاحي) معاي المكتب انا غايتو ما قاعد ادس اي حاجة .. حال ما دخلته في البرنامج دا .. ح اجيكم بي عمودي البورد دا اصلها بايظة بايظة .. بعدما الشفوت الفوق ديل متربصين .. لانو خير وسيلة للدفاع الهجوم ..
يا بوليس تصدق قبل فترة اتذكرت ليك موضوع الاغنية بتاعة المغنية الكندية دي انا بصراحة ما متاكد انها كندي بس متذكر انه كان في علم كندا في الاستديو البتغني فيهو وحاولت افتش عليها لكن علي منو عمك قوقل قال لي معقول يا اساسي لا متذكر الاغنية لا متذكر ستها ودايرني اجيبها ليك؟ زميل دراستك انا يا اسئس . اتخيل قوقل احتار معاي لكن وللضمان كدا اتذكرت ليك جزء من الاغنية بالرغم من اني واثق انه غلط بس اللحن في لساني
الم تكن تغني وتقول : افري ثنق ون ام سونق , ام جست سين اوي ,( everything When am song am just seen a way ) او شيئ من هذا القبيل الانجليزي الاخوك ما عنده علاقة بيهو بس ذاكرة الطفولة الواحد بقي عايش بذاكرته ليهو فترة واي حاجة فكت منه
يا حيدر بالله صداقتي وبكري لا يقاس عليها خليك بعيد انت وضع الدائم هنا علي شفير ما تخلينا نديك لزة بسيطة للربعين الجايات ديل
تمبس كتر خيرها داليا العلمتك الاكل , يا حليل اقصى امانيك التي لم تتعد . نفر رز ربع شواية
Quote: تمبس كتر خيرها داليا العلمتك الاكل , يا حليل اقصى امانيك التي لم تتعد . نفر رز ربع شواية
والله بس نظام الفيز شكلو معقد شويـة .. ياخ هو زول صاحبو شال منو تشدير قاليهو بطلع ليك رخصـة وتاني ما جاهو .. يجي يفتي ليك في نهاية العام الفين وعشرة .. حظك ضرب والله .. انا كان لقيتك الزمن داك .. كان طلعته ليك رخصتين ..
والله حنينة يا أمدرمان فعلا .. فعلا حنينة يا امدرمان
Quote: وبعد كدا هو لك .. إن شاء الله تغطسو في علبة صلصة ..
يا تنظير .. الزول دا داخل نطاق المنطقة حقتنا .. وقبل يومين مجازفين منو بوست .. حتى بعد أن اعتذر فيهو .. لذلك اليومين دي فاقد سوائل .. خليني ارفع ليك لياقتو يومين كدا وارجعو ليك
Quote: بدوك مع الساندوتش نضارات واللا ساي كدا دا ..؟
نضارات والا شيالات ..كاااااااااااااااك
ـــــــــــــــــــــ ياخ ما ترسل بالمناسبه السعيده دي جوز نضارات ..عندي تلاته حبات ويوم الجمعه بجوني اتنين عوارض ..شابكني يا فيها يا نفسيها .. فدحين رسل جوز من النوع النجيض.. ماركة حلواني فرد
Quote: إنتو قايلين تفرد أساسي وخضرمته دي سااااااااااااااي كدا
قاااعد ساااي يا راوية .. ياخ دا من زمنا بيكتب فيهو الاغاني الانقليزية باللغة العربية على شاكلة : ووي آر (زا) ووورلد .. وي آر (زا) شلدرين .. إلخ
Post: #73 Title: Re: البور(ض) بقى مسيييخ Author: بدر الدين الأمير Date: 12-26-2010, 05:11 PM Parent: #71
تمبس اول امس كنت مساهر مع صديقنا محمد السنى وهو جارى وهو هذه الايام عزابى المهم بعد الذى منو والذى منو وبعد ماتعشينا وتانى اتونسنا السنى قال لى انت ماشى وين ما تنوم هنا قلت للسنى انت عارفنى مابلعب في الفطور وهو اهم وجبة عندى وانت زول وجبتك الرئيسية هى الغداء قال ماعندك مشكلة احلام قبل ما تسافر ملت التلاجة باشكال وانواع من تمبس ..وانا ماركزت مع كلمة تمبس قمت فتحت التلاجة اوشوف تلك الاشكال والانواع من المرتديلا وفهمت النتكة وهاك ياضحك هستيرى ................... ومن لحظتها السنى بدأ في كتابة نص مسرحى كوميدى ساخر بعنوان سندوتشات تمبس وفيه مقاربة بينك وبين مستر سندوتش مقترع السندوتش وقايم على الشفقة والناس الشفقانين
Post: #100 Title: Re: البور(ض) بقى مسيييخ Author: محمد البشرى الخضر Date: 12-27-2010, 08:52 AM Parent: #73
Quote: ملت التلاجة باشكال وانواع من تمبس
كاااااااااااااكـ
Quote: ومن لحظتها السنى بدأ في كتابة نص مسرحى كوميدى ساخر بعنوان سندوتشات تمبس وفيه مقاربة بينك وبين مستر سندوتش مقترع السندوتش وقايم على الشفقة والناس الشفقانين
كااااااااااكين
غايتو العملتو الزميلة المناضلين من 2002 ما قدروا عليه
تتذكر زماااااان زمن الاغاني الحلوة دي في واحدة خواجية اظنها كندية كان بجيبوها في تلفزيون السودان طواااالي عندها غنية سمحة خلاص غنية رايقة وحلوة شديد ......
لا قادر اتذكر مقطع من الاغنية ولا قادر اتذكر هي منو .....
الاخ عمر عثمان على ما اعتقد انت تقصد ( ميري فاتريلا ) إن صح الاسم
المحترم تامبا .. كيف يكون البورد مسيخ ..وبه هذه الوجوه الجميلة ومبتسمة .. ، لكن الظاهر عليك من الزمن البعيد داك .. البسموه جميل .. وكذلك جنابو .. أغاني تينا شارلس هذه كنا نسمعها ونحن شباب في بداية العشرينات .. ايام الديسكو في سانت جيمس .. أجمل أغاني تلك الفترة .. كانت لبوب مارلي .. وقبله كان جون ترافولتا ولم يعمر كثيرا في الغناء .. أجمل الأفلام علي الاطلاق أفلام سيدني بوتيه وفيلم الشغب .. أفضلهم .. ثم لا أنسي أول الأغاني حبا لنفسي تلك الفترة .. منتصف السبعينيات..Hit the road Jack ..وراي جارلس ..
البورد مسيخ لو مشيت لناس فلان وفرتكان ديلك ..وجميل لو عشت وسط المَلَاحَة دي ..
يا ادم العمار ..اشهد الله انك معلم وذوااااق .. تقبل تحياتي ..
On the day that you left me ou said you had no regrets There's a bond between us That hasn't been broken yet And the feelings between us Will never diappear How can you be far away When your spirits here
التعديل لقطع الضنب ..
Post: #83 Title: Re: البور(ض) بقى مسيييخ Author: omer osman Date: 12-27-2010, 07:04 AM Parent: #82
Quote: لكن علي منو عمك قوقل قال لي معقول يا اساسي لا متذكر الاغنية لا متذكر ستها ودايرني اجيبها ليك؟ زميل دراستك انا يا اسئس . اتخيل قوقل احتار معاي
ههههههههههه ............
والله يااساسي انا لاخليت عمك قوقل ولاعمك يوتيوب .......... لمن حوصته عديل كده
Quote: غايتو بعد ده الا بالانتربول ...............
غايتو يا جستابو ان بديت اتذكر ليك الزولة دي طشاش طشاش .. كانت لابسه ليها بنطلون لماااع كدا .. منففخ بالجمبات .. ياخ انتربول شنو .. انا من امبارح ما خليت اليوتيوب ولا القوقل ولا اي واحد من الناس ديل .. كلام ادم العمار قرب المسالة لانو في واحد من الجماعة الاستعنت بيهم قالي هي .. ميري باتريلا .. لكن والله ما مرت علي ..
إنتو البلد دي ما فيها كنديين واللا شنـو ..؟ خليك من الكنديين .. ماف ناس كانو بيحضرو التلفزيون السوداني أيام بجيبو نشيد يا حارسنا وفارسنا ويا جيشنا ومدارسنا .. إلخ ما كان عندكم تلفزيونات بالأبيض والأسود .. إلخ ..؟
ما كنتو بتحضرو برنامج لقطـات بتاع فريد عبد الوهـاب ..؟
Post: #92 Title: Re: البور(ض) بقى مسيييخ Author: omer osman Date: 12-27-2010, 07:44 AM Parent: #85
Quote: غايتو بعد ده الا بالانتربول ...............
انتربول شنو يا جنابو ...
معقول بقيت تنسي قدر ده ..بالمناسبه قابلت صديقك الروحي العم اسكوبار في بوينس ايرس ..حكي لي عن صداقتكم التي امتدت من اربعينيات القرن الماضي وحتي الان .. ومغامراتكم في البوليس الحربي المصري قبل الاستقلال وقبل انتقالكم الي البوليس السوداني .. حقيقه للرجل قصص جميله لا تمل ..هو يبلغك سلامه الحار ..وقال ليك الرطوبه هلكتو .. والانترنت والمويايل ما عنده شغله معاهم .. لقيت صوره ليكم الاتنين معلقه في باب الديوان بتاعه ..تجمعك واياه امام سينما بربر سنه 1958 ..
يا فيصل لما تجي تنزل ليك فيديو اللبس النضارات .. عشان ما تعمل لي الفيديو ضنب .. .. طبعا كنت ناوي انزل حاجة لي ويتني .. أجمل اغانيها والبحب اسمعه .. all the man that i need فترقبوها
Quote: وبالمناسبه دي اخبار الحاجه ويتني شنو .. صوته رجع والا لسه والا ما حيرجع ..
والله يا معلم .. زعلان ليها عديل كدا .. حتى ولو رجع .. تاني ح تعرف تغني ..؟ الليلة الصباح كنت بحضر في برنامج في التلفزيون جابو Jean Fonda .. وقعت قبل فترة على ركبته .. عملو ليها ركبه جديدة لنج .. ومع الصيانة عمره بقى زي طلطار سنـة ..
طبعا الملف الفوقاني دا يا فيصل .. يكون هيج اشجانك .. واشجان العديدين .. تلقاك من النوع الكان بربط ليك راسو وبتاع بريك دانس .. طبعا ناس اساسي والزووول زاتو الحقبة الزمنية ديك تلقاهم كانو بموتو ليك مووت في البارطيات البشغلوها بي المسجل ابو سماعة واحدة .. وعلى شرط يكون ناشونال
يا تمبس شفته ليك صوره عند واحد اخونا وانت غازي ليك خلال بتاع خشب ..ولابس حزام خشب ..وشارلستون مشخت وجزمه دبابه .. حقو ارسله ليك تعلقه في الديوان ..
()
Post: #93 Title: Re: البور(ض) بقى مسيييخ Author: omer osman Date: 12-27-2010, 07:52 AM Parent: #86
Quote: معقول بقيت تنسي قدر ده ..بالمناسبه قابلت صديقك الروحي العم اسكوبار في بوينس ايرس ..حكي لي عن صداقتكم التي امتدت من اربعينيات القرن الماضي وحتي الان .. ومغامراتكم في البوليس الحربي المصري قبل الاستقلال وقبل انتقالكم الي البوليس السوداني .. حقيقه للرجل قصص جميله لا تمل ..هو يبلغك سلامه الحار ..وقال ليك الرطوبه هلكتو .. والانترنت والمويايل ما عنده شغله معاهم .. لقيت صوره ليكم الاتنين معلقه في باب الديوان بتاعه ..تجمعك واياه امام سينما بربر سنه 1958 ..
ياسلام يافيصل ياولدي ............
هيجت اشجاني وفتحت سحارة الذكريات والزمن الجميل ......... جميل جدا انك طمنتني على عمك اسكوبار كانت لنا ايام وشقاوة .... ههههه مابقدر اقول ليك اكتر من كده
ربنا يتوب علينا ............ ويا حليل سينما بربر ......... زمن الكراسي منسوجة حبل والهواء يهزك ليك شاشة السينما القماش يخلي الممثلين يرقصوا بدون موسيقي ...
Quote: (عدل بواسطة احمد محمد بشير on 27-12-2010, 08:02 ص) (عدل بواسطة احمد محمد بشير on 27-12-2010, 08:08 ص) (عدل بواسطة احمد محمد بشير on 27-12-2010, 08:08 ص) (عدل بواسطة احمد محمد بشير on 27-12-2010, 08:08 ص) (عدل بواسطة احمد محمد بشير on 27-12-2010, 08:08 ص) (عدل بواسطة احمد محمد بشير on 27-12-2010, 08:09 ص) (عدل بواسطة احمد محمد بشير on 27-12-2010, 08:09 ص) (عدل بواسطة احمد محمد بشير on 27-12-2010, 08:09 ص)
يا جماعة الزول دا يا تكبشروهو .. يا توروني الحاصل شنـو ..؟ انا جني وجن الكتابة البمسحوها دي ويعدلوها
ووين الكبشرجية ؟؟
Post: #105 Title: Re: البور(ض) بقى مسيييخ Author: احمد محمد بشير Date: 12-27-2010, 09:14 AM Parent: #104
هههههههههههههههههههههههه الا يمشو يجيبو المداخلة من السيرفر يا تمبوس. ما شايف سرعة التعديلات دي كيف في الدقيقة الواحدة عدلت اكتر من 3 مرات. اذا في زول جهازو سريع ممكن يكون كبشرها.
أول مرة مما جيت البورد دا تقول ليك حاجة صاح .. والله البورد دا يا أبو الجورج لو ما فيهو إنت وبعض الفارات التانيين .. كان عسل نحل ابيض من سلسلة جبال الانقسنا ما يطعمو ..
Quote: ياخ ما ترسل بالمناسبه السعيده دي جوز نضارات ..عندي تلاته حبات ويوم الجمعه بجوني اتنين عوارض ..شابكني يا فيها يا نفسيها .. فدحين رسل جوز من النوع النجيض.. ماركة حلواني فرد
والله يا فيصل اتذكرتك قبل كم يوم .. كنت في مركز السوني .. لقيتم فارشين ليك النضارات دي زي الهم في القلب .. يعني زي وضعيتك دي .. تكمل قروشك نضارات سااااي يا حبه زي الزول الجا عمرة داك وقعد عشرة سنة .. لما رجع قالوليهو يازول إنت عشرة سنة قاعده كيف وإنت عمرة وجاي اباطك والنجم .. قاليهم والله بس مسلسلة في ضهــر مسلسلة ..
Quote: والله يا فيصل اتذكرتك قبل كم يوم .. كنت في مركز السوني .. لقيتم فارشين ليك النضارات دي زي الهم في القلب ..
طيب وكت اتذكرتني ما كان تتصرف .. انتو بتتذكروا فينا ساااكت من غير اي حاجه ..هو الذكير ده ساي ملح كده .. وانا اقول مالي قبل كم يوم كده قاعد بالليل تحت العمود فجأه كده اشم ليك ريحة لحمه نيه .. جنبي واحد شفت خالو زمااااان في السبعينات كان شغال في لحوم مكسيم قام قال لي يا زول قو بسم الله دي ما لحمه نيه ..دي مرتديلا .. خالي كان بجيبه لينا زمان بالطاقه ..زي القماش .. قمت قلت في نفسي اللهم اجعلو خير ..تمبس ده بقي يسري روحيا من السعوديه لحدي الاشلاق ..
ــــــــــــــــــــــــــــ * هسه سيبنا من الحنك العاضي بتاع المولات ده ..حترسل لينا باقي النضارات متين .. دايرين نثتثمر
Post: #112 Title: Re: البور(ض) بقى مسيييخ Author: احمد الأمين على إدريس Date: 12-27-2010, 01:12 PM
معقولا ياخ
بى مارتديلتو .....؟ و بى بليع ود الصايم .. ..؟ و بى الفواكه والجوافة والفركتوز الحايم دا..؟
تمبس ياخ بايخ ما مسيخ المهم الواحد يمر يكشح السلام والتحايا لك وللمواقف ولحلوانى اخوان
الاخ تمبس اشكرك على تنزيل الاغنية ......برضوا تقول البورض مسيخ غايتو بوستيك ده اداهو ملح شوية ..... و كمان لو كان حالى زاده سكر فكة لينا زهجة اخر الشهر دي شوية ......
Quote: احتمال كبير يا ادم ............
الاسم الاول (ميري) صاح 100% لكن التاني ده مابتذكروا
يلا واصلوا معانا ياجماعة ..............
يا عمر جبنا الوتد باقي عليكم الخروف
Quote: يا ادم العمار ..اشهد الله انك معلم وذوااااق .. تقبل تحياتي ..
On the day that you left me ou said you had no regrets There's a bond between us That hasn't been broken yet And the feelings between us Will never diappear How can you be far away When your spirits here