كدا دا ووووووووب؛ وكدا دا كاااااااك

كدا وووب كدا كاااك
الوحدة واللاّ الانفصال
الوحدة نحن نقولها وووب
والانفصال برضيه كااااك
الزورة واللاّ الاتصال
الغربة أم ذل ارتحال
العودة أم جرسة نوال

كوم العيال
ذل السؤال
صوت المطر
واللاّ الجفاف
برد الشتا
حر السموم
الجفاف وووب والفيضان وووب
هو شنو الماوووب؟
سجم الدولار في الارتفاع
والانخفاض

ضلّ الضّحى وقهوة بلال
التربية وزود الدلال
حَرَد العيال
واقع المحال
جرد الخيال
سنة أو صوفية
قال بي سياسة أو بي حرب
قال السلطة رزق الحلال الكوزنة والدوزنة
والشيعنة والشوعنة
تبعية واللا دا استقلال
جوة واللاّ برة
مافيش محال
العرس بيت الحلال
كله مال
وكله بنقول ليه وووب

كدا وووب...وووب وكدا كاااااك


و خُلق هلوعاً
جزوعاً منوعا وما قنوعا
ولا يعرف كوعاً من بوعاً
أقل زنقة يصبح جربوعاً
يحفر يحفر لما ما يلقى ليه موضوعاً
ظلوماً جهولاً
وقالوا ما حمّال أسية
وقالوا حمّال التقيلة
ياتو فيهم البشيلا

ويا حليلا ديك السودنة
إنتو سمّوكم سوادنة
ولي خرفانكم قالوا سواكنا
وجنّكم إنتو تروحوا الدافنة

كدا ووب وكدا ووووووب

الوحدة جات
املو الباغات
والثعلب فات
وفي ديله أربع لفّات

الوحدة والانفصال
الوطن والارتحال
الهجرة والاغتراب
مشكلتك شنو بين المشورة والنصيحة
أسئلة ملحة، وأخرى صريحة وخطيرة
بين الوطنية وتأييد الانفصال

رؤوس أقلام

للنقاش

والنصيحة

عبّر عن نفسك


ولنفسك

عندك مشكلة قولها


يا زول


نحن مالنا ياخي


صحي كسلانين


شوفوا معانا نحن مالنا؟

شلل شلل
قاعدات فلل
جايبات محل
قاطعين كمان أي حبل
حبل الولف
حبل الرحم
حبل الوطن
السؤال الوجيع
المسكوت عنه
ردود الأفعال في جميع الحالات
وهل فضّل الغرب أن يشتعل الحريق بأيدينا من دون تدخل عسكري
من أين جاء زرع ألغام تقرير المصير
ماهي مآلات الانفصال
والخير الذي أزيل من المسؤول عنه
من يستطيع أن يعفي نفسه من أنه مشترك بشكل أو آخر فيما حدث
بين العاطفة والعقل والواقع العملي مسؤولية الصحافة والصحفيين بين الذاتية والموضوعية؛ وهل لمحمد أحمد دور يذكر؟

كاااااااااااااك

كنا ناس شبه الأراك
بقيتنا من ناس كاك وكاك
ماعرفنا إيه داير وراك
نصبت لينا كم شراك
شوفتنا الويل لي رؤاك
لي كل زول باع واشتراك

لو كان ضنب
ما كان في شي
وكان معليش

لا أتخيل أن أرى الجزء السفلي من الخارطة
إنها ليست خارطة من ورق
إنها لحم حي
من يستطيع أن يمحو ذلك من ذاكرتي؟
هل يمكن أن ترى جسداً من دون نصفه
أيقف من دون ساقين
وإن قطع فلن يحدث لأنه في مخيّلتي وذاكرتي
فلا تجهدوا أنفسكم لإقناعي
فذاك عين يقين المستحيل
فلا لن أميل إلى تصديق أن العود مستحيل
عبثاً تجيل الفكر
في أرض النخيل
لا لن يستحيل متاهةً لا ماء لا ظل ظليل

مراكز قوة
لا حول ولا قوة
تكسر ليك ترقوّة
مهما تنادي أبو مروّة
ما تلقاها دي الخوّة
وين ياناس أبومروّة؟

رايس العاملة زي الفنط،
ومكبّرالنا النبض العالي ببنط،
لا بغنيها المال الوافر ولا يزيدها بسنط،
شايلة حقد الدنيا كله وهي ما لاحقة طول الجنط،
مالها عزولة زي الشولة
وفارقة ببنط

[B]

-
بتكرهي ليه شمالنا الراقي؟
ما احنا حضارة الزمن الماضي معاه الباقي
صهيونية واللاّ بتشبهي حاجّاً باقي؟
مصيرك يوم ذاتك تِتْباقي
تعرفي إنو الشعب الباقي
ما بستسلم لي شعب بواقي

الظلم دا شيتاً فظيع

وفايت الشنيع

الناس بقت تشري وتبيع

وتشرى وتباع

زي المتاع

زايد شديد وفي اندفاع

يتباعوا زي سقط المتاع

حتى الخروف بيقولها باع

لو يضبحوه لكن بشر بيزيدوا باع

قال ليك موت من غير دفاع

صوتك يكتّم دون دفاع

وووب الفرد


وماحانّي على أخوه الفرد

ويوم منفرد


وكل آتيه يوم القيامة فرداً


بعدين ما تتحاسب مع ناسك ولا مع حزبك ولا مع مذهبك بس إنت وربّك

قول كم قميص وبنطلون
ما بتدي ليك الدنيا لون
ما لاقيها داك زولاً حنون
ينثر حنان ينشر فنون
وإنت خامشة عليك ظنون
وطبيعة من طبع الجنون
غالب عليك هدف أن تكون
أو لا تكون
ما كفاية فات العمر
وبقيت ممكون
بالسنين
أعوام وإنت ماسك ليك سنين
كسنيّ يوسف كالحين
لكن دا يوسف كان جميل
وختّى زاد لي كل عام قبال يبين
طبعاً ما كان وضّاء جبين
وإنت كالح ليك سنين
أعوام مضت يا مسلمين
والعمر زاد كدراً وطين
ورجعت تاني زي ما كنت خلقة طين
ويبقى الطنين
وتدور ساقية الأنين
وقواديسا من كدر وطين
كوديق معفّر كل طين
وتسقيك من ماء معين
بس إنت مين؟
ما إنت من كدر وطين
قول بس قميص
أو قول قميصين يا أمين
خلي الجُرس خللي الأنين
--

يعني ما تقول ووووووب

الوحدة جات
املو الباغات
والثعلب فات
وفي ديله أربع لفّات


مبااااااااااااااااااااااااااالغة يا مسنوح

ات فاطي سطير؟

Quote: الوحدة جات املو الباغات والثعلب فات وفي ديله أربع لفّات مبااااااااااااااااااااااااااالغة يا مسنوح ات فاطي سطير؟

مولاّنا شيخ شيوخ المساااااااانيح


الفاطي سطور


الطالب الفيزا من ناس بور


نحن لغاية فرز النتيجة وإعلان الفورة

سنظل متفائلين ومعيّلين خير

إنت بس قوّي وقلبك وشيل الفاتحة في السجود

وشيل الدعا مع القنوت

واللا إنتو صوفية ساي يا ناس الشربوت



يا أخي مرحب بيك

طلّتك بهية

والثعلب فات حأغنيها ليك بعدين
يا سعادة المستشار

هاك حسي الغنّيوة دي

ما ليك لي ناس تانيين


--


يا الله لزّمنا الصبر
وريّحنا من عيشتنا دي عيشة ليل جبر
لي ناساً بشر
وكان للجبر
دايرنه منك إنت من جبر الكسر
لكن هادول ما فيهم البجبر كسر
ولا هو حر
إنت اسمك الجبار ما بقصف عمر
لي كل زول ما لزم الصبر
ولا هو قال يوم يعتذر
ولا انتفض قام شدّ مئذر
وانتظر
قال بنتحر
ومسك له في فرعاً حق عُشر
ما لاقي منه غيرَ شرْ
وهذا الهزيم المنتشر
كل الضجيج المنتشر
دقس انفجر
هرج ومرج
كل الحرج
وديمة عايشين في لجج
ويخوضوا هاتيك اللُجج
يتلقّوا بس لي كل حُجج
خيلم هناك عاملات عَجج
من دون طحين
أو قول عجين
يا ربي جنّبنا اللّجج
وتكرمنا بي كم عُمرة حج
ونفارق الزهج

لو عندك جرسة تعال كبّهاجاي ونكون إخوان


كدا ووب

يا هم براك عامل محن
وما بتحن ولا بتحنّن
ورّيتنا أسرار الزمن
جننتنا ما إنت جن
وإنت ما فاقد حنان
كمان داير تفقّدنا الزمن؟
تلعن زمن؟
ما إنت دا الخارب الزمن
وجالب المحن
بالله حِنْ
أو شوف لك مصيبةً واندفن
مصايبك إنت عاملة لي إحن
ومفجّرا لي كل الشجن
ونزلت طن
من حجمي طن
من وزني طن
وزاد الحزن
كم طن وطن
وطنين وطن
نسّاني داك طعم الوطن
ما لاحق عصفورة أم شجن
القالت يوم لا شيء يعدل الوطن
وكمان بشوف وشّك سكن
رمدان مرمّد بالسكن
زي حلّة من هجروها ديل ليهم زمن
من جوّة برضو معفّرة وترابا طن
ما موقدة نارم زهد وعفاف وكوم عجن
لا ديلا ما لاقين عليهم زول يحن
لو مفتتن
دي الفتنة كارك يا الجالب الحِدْ والحزن
وياكا اللّي والد لي محن



--


عاملني بالإحسان
وأعاملك كمان إنسان
وأزود عنك من الوجدان
من دون منٍّ بامتنان
تحيا فيَّ بلا عنوان
في عبق كل الألوان
وأعطيك هذا النيشان
ملء فؤادي وكلَّ كيان
-
أُعبر... عنك يافنان


عزيزي القارئ

تعرف لو كان في الإحسان دا


ما كان صار اللي صار

[/B]

ما الفائده من الصراخ بعد صمت ادمى القلوب
حين اقتلعوا الظفر لم نتألم
حين بتروا الاصبع لم نتكلم
حين شقوا الساق لم نتعلم
فما الجدوى من البكاء حين سعوا لتكفين الميت

Quote: ما الفائده من الصراخ بعد صمت ادمى القلوب حين اقتلعوا الظفر لم نتألم حين بتروا الاصبع لم نتكلم حين شقوا الساق لم نتعلم فما الجدوى من البكاء حين سعوا لتكفين الميت

نضيف أسئلة الأستاذة رانيا

إلى الأسئلة المطروحة؛ أما:

رانيا محمد الشيخ
اسم رانيا براه آية
جايي طالّي زي مراية
وزي ما اتفاءلنا قبلاً
زاد وأكتر من بداية
الصراخ المالي دارنا
هو ما أُسّ الحكاية
بس يا بنيتي
السودان لسّا ما مات وما حيتكفّن
ناس السياسة ديل ما بتعرفوهم
زي الحربويات وبي سبعة أرواح
--
أما كلامك الفصيح النصيح
اللّي كله حقايق
حأجيه تاني إن شاء الله

مرورك يدعو إلى التفاؤل
فلا تيأسي هكذا
أشكر لك مرورك البهي

ردك زادنى انبهار بسياقه الجميل
لكن صدقينى اللى حيتكفن ليس السودان
فسوف يظل وطنا ارضا لن يستطيعوا شقها من الجذور حتى لو اختلفت المسميات والعصور
اللى بيتكفن هو الانسان
اللى على مدى العصور بتسلب منه انسانيته وهو صامت ومستسلم الى ان وصل الالم العظام
ربنا سبحانه وتعالى قال
لا اغير ما بقوم ما لم يغيروا ما بأنفسهم
لذلك الحل فى ايدينا
فلا يجب ان ننتظر المعجزات

Quote: كاااااااااااااك كنا ناس شبه الأراك بقيتنا من ناس كاك وكاك ماعرفنا إيه داير وراك نصبت لينا كم شراك شوفتنا الويل لي رؤاك لي كل زول باع واشتراك

يا زول هوي حرَّم باعونا واشترونا...


وبعضُ بنيك
احتلبوا كل رحيقَ الورد
استلبوا كل فصول العُمرِ
وباعونا بخساً
بخسا
للتجارِ
وأفواجِ الغُرماء!

رائع والله يا قريبي..

Quote: يا زول هوي حرَّم باعونا واشترونا... وبعضُ بنيك احتلبوا كل رحيقَ الورد استلبوا كل فصول العُمرِ وباعونا بخساً بخسا للتجارِ وأفواجِ الغُرماء! رائع والله يا قريبي..

شاعرنا الجميل

حللت أهلاً ونزلت سهلاً

فعلاً باعونا
لكن ما بقدروا يشترونا
لأننا وإن كان بي أضعف الإيمان أبينا
هم كلهم بروحوا لكن وطنّا فينا وفينا
وجاري مع الدم في شرايينا
وتاني ما بقولوا الروب ويجونا
لكن بي دربهم شن تاني بودّينا

Quote: استلبوا كل فصول العُمرِ وباعونا بخساً بخسا للتجارِ وأفواجِ الغُرماء!

وإن احتلبوا ربيع العمر

وللغرماء بخسا أعملوا فينا

نصالاً حدّها أبكت مآقينا

فرجوعهم من غرمهم آت لوادينا

وعندها فإنهم حتماً ملاقونا

وخلّيك قريب بي دررك

يمكن شواطين الإنس والجن تستجيب

Quote: ردك زادنى انبهار بسياقه الجميل لكن صدقنى اللى حيتكفن ليس السودان فسوف يظل وطنا أرضا لن يستطيعوا شقها من الجذور حتى لو اختلفت المسميات والعصور اللى بيتكفن هو الإنسان اللى على مدى العصور بتسلب منه إنسانيته وهو صامت ومستسلم إلى أن وصل الألم العظام ربنا سبحانه وتعالى قال: (إن الله لا يغيّر ما بقوم حتى يغيّروا ما بأنفسهم) لذلك الحل في أيدينافلا يجب أن ننتظر المعجزات

رانية محمد الشيخ


كلامك يارانية كله في الصميم

وشايل خيراً وكتير وعميم

وما تظنّيني ما شايف الواقع

الـ أطلّ بي وشه القبيح وذميم

لكن الملايين العايشة في تأزيم

بفرجا ليهم الله الكريم ورحيم

كان خربت كمان برضو الووب بجيبم ريم

لكن إنت بالأحمر ما تقوليه

عشان ما أقول ليك دي قالت ووب وتمتا كمان بالكاك

وخليك قريبة يا أستاذة يا راقية

ولك كل الود

Quote: من المسؤول عنه من يستطيع أن يعفي نفسه من أنه مشترك بشكل أو آخر فيما حدث بين العاطفة والعقل والواقع العملي مسؤولية الصحافة والصحفيين بين الذاتية والموضوعية؛ وهل لمحمد أحمد دور يذكر؟

لن نقول نحن شيئاً ولكن التاريخ هو الذي يقول قولته


ومن يغالط، أو يحاول تبرئة نفسه، سيجد التاريخ بالمرصاد


فهل كل هؤلاء مسؤولون:



أولاً الإنجليز الله لا يريّح ليهم بال


-

من أزهري الاستقلال
إلى أمهريّي الاستهبال
من أسر كبيرة السجال
هم السبب وإن تكسّرت النصال على النصال
وإن قيل فيها وكل من قد قال
ومن ادّعوا زوراً مسائل النضال
نساء أو رجال
كبار أو أطفال
جنوب أو شمال
وكل اتجاه الريح حيث مال
كلهم سواء في السؤال
ألم يكونوا كلهم سواء وكما الأقدام والحجال

كل الأنظمة كل الحكومات كل الأحزاب

كل منظمات المجتمع المدني

سواء منظمات كنسية أو غيرها

والجنوب هل أثر السماع الشقي والغسيل

في رأيه وسلوكه

هل هي انتهازية النخب سواء أكانت تدّعي نضالاً

أو الحكومات سواء ادّعت جهدا بذلته

هل الكل مسؤولون؟

إنها أسئلة تحتاج إلى نقاش بموضوعية وتجرّد وشفافية







هل كل مولود ولد قبل التاسع من يناير؛ يعدّ مشتركاً؟

إنه مجرد سؤال



كبير صغير، وزير خفير؟

للوحدة نحن نقولا وووب
(في ناس كدا)!
والانفصال برضيه وووب
(كتير كدا)
ويقولوا ليك:
-
أنا ظنّي خاب
ولا خاطري طاب
راجيه بس يوم الحساب
ينجينا من هذا العذاب
والله يا أبو الشباب
كايس رضاك المِنّي غاب
شايف هواك فوق للسحاب
لكن أسف غطّاه ضباب
ألقاه وين بعد الشَّعر صوّح و شاب
وطموحنا داك جوّاه رهاب
غطّى حتّى على السراب
وبقينا قولة يُمّة ياب
لا استغفر الله ولا هو تاب
وين البلد وين الصحاب
ما هجّوا ساقوا الاغتراب
خلّوا البلد مخلوعة باب

Quote: وين البلد وين الصحاب ما هجّوا ساقوا الاغتراب خلّوا البلد مخلوعة باب

بالله وين داك الرّباب
نعزف عليه ننده صحاب
تركوها للنوح والعذاب
قاعدين هناك ياكلوا الكباب
ويقولوا ليك نحن في عذاب
مستمتعين مفضلين عيشة الرطاب
ويقولوا ليك نحن في عذاب
ما إنتو فضلتوا الاغتراب
وبتدّعوا مضطرين طلعنا صرنا في يباب
لا يا حبيب إت ساكك الراحات وطاب
ما تدّعي شغل النضال بالاكتتاب
لو إنت بالجد عايش في العذاب
ارجع تعال لاقي الصحاب
حيقولوا ليك أهلاً حباب
خليك معانا ما تغشى باب
لو فتحوه ذلّوك فيه أصناف عذاب
وإن اتقفل بتسوي ووب
تبكي على فقد البلد وإنت البلد
ما سويتلها أي حساب
مستني بس كيف تدخلها بالمدخل الخلفي
بي سلم خدم؛ اختشي وسف التراب
خواجة لما يخدموه بيزيد طغا فوق الطغا
الفاتحو إنت ألف باب
أخشى الله داك يوم الحساب
شان سُلطة زي السَّلَطة وإنت راجيك الحساب

برضو بيقول لي ووووووووووووب

Quote: نوال

حبيبنا عبدالفتاح

نوال دي منو؟؟

Quote: حبيبنا عبدالفتاح نوال دي منو؟؟

Quote: حبيبنا عبدالفتاح نوال دي منو؟؟

والله يا فديو عليك جنس لذاذة
إيه رأيك في اسم الدلع دا
طبعاً عندي حق أدلّعك ما أنا كان ما قدر جدّك أبقى قدر أبوك
-
ما يهمّك المهم طلّتك حلوة
ومشاركتك على العين والراس

والله كتلتني بالضحك، عليك الله من كل الهتش دا ما لاقتك إلا نوال دي
الظاهر عليك لسّع ما اتزوجت
لكن هي ما نوال؛ هيّ
(العودة أُم جرسة نوال)
ياصاحب الإزميل
هي العودة أم جرسة نوال
سمّها ما شئت نوال منال زلال ابتهال اعتدال نهال دلال؛ أي آل والسلام، ولا يهمّك
يا سيد الاسم الجميل

أصلو في رجال
بيتعنتروا علينا ويشيلوا حال
قالوا ساكين النضال
والعيشة بس في الارتحال
ولما يفكّروا في الرجوع ينشاف مُحال
لأن ديك بتّي نوال
معصلجة وبتقول محال
أرجع أنا في ديكي حال
ومن أوّل جديد أصحى الفجُر زي ناس بلال
وأقعد أفتش للخُلال
عشان أمشّط شعري قال
وعشان أزور أهلي القُلال
أستنّى للأمجاد وحال
كتّاحة كيف وخريف وصيف شوف الدلال
والكهربا بالجمرة للواطيها قال
وأقعد أشجّع في الهلال؟
وكُرعي تِكتّح غايتو حال
والبؤس كيف عامل ملال
والمافي كيف يخرب لي كل بال

--
نوال منو؟
نوال دي الجو
والمطر النو
كتاحة الصو
وناس جو وما جو
كان قالولو الهو
يركب للجو
تلقاهو انزو
من خلعتو ديك يبقى فو فو
داك الهرّاش أصبح صو صو
أو قول سوسو
هادي ورزين شيتاً ما بسو
يفضل تأجيل لي شأن العودة ما قادر يسو
لأنه الخربشة جاته من زول نو نو

بس خلاس
يعني بعبارة أخرى
سبع البرمبة يأتمر بي أمر النسوان
ولما يزيد إحباطه يتعلل بالنضال
وكسر النّصال على النّصال
ونوال ترمز إلى أي امرأة تُقعِد زوجها ونفسها عن العودة للبلد والأهل والوطن
--
ودا محور من محاور نقاش الووب
-
التعديل لإضافة الفقرة من بس خلاس



وخلّيك قريب؛ وبعدين تعال إنت مع الوحدة واللا الانفصال واللا مع نوال؟







ولازم تجي وتجاوب على السؤال وكويس إنك فتحت محور الووب مع الاغتراب

البشبهو الهكر ديل منو؟

سؤال برضو عايز إجابة شفّفة ومقنعة



جونا ناس عاملين كدا زي الهكر
فاطّين يمين كمّين سطر
قولوا قولوا
معاي كُر وألف كُر
وكُركُر دفر يقلع لعينهم
قال مدوّر لي شغل الفُجر
إن شا الله يوم ما يجيك فجر
ولا ضهر ولا عصر
جار وانتشر
أصلو الهكر
قالوا له حر
يعمل يكر
وتاني بيكرر
كر كررر
الفاضي يستر
أو يعمل إنو
ما شاف الـ ظهر
ولا اعتذر
إن شا الله خاترك ما يسر
ولا تضوق هنا طول العمر
لأنك إنت بس شايل كدر
وتقعد تمغّص في البشر
شن تستفيد بس يا فقُر
من برجلة ناس والفكر
من دربكة حال والنظر

ووب من نوع جديد
سودان جديد
وأنا عندي عيد
بتمنّاه من زمن الرشيد
لكني وا أسفاي
لا جالي عيد
ولا عدت تاني من جديد
واحسرتي هيّجت فيني البانجديد
والأركويت والنيل نخيل تنبت جديد
والوحدة أعلنت الوعيد
وأنا ما داير أعيد
قولي الزمان ذاك المجيد
سئمت قولك يا لبيد
شن فايدة الدنيا أم وعيد
وقتين تشيل مِنّي النشيد
يا منقو ما بس كان تجود
ما تركب الراس العنيد
خلّيني أردّد للنشيد
وارجع أقول الدنيا عيد
كان حيرجع الخليل بس من جديد
ويا عازة تبقى نغمة حلوة وللنشيد
الغربة ما حارة وصعيبة يا وليد
بس شن نسو هوي يا وليد
أقسمنا بالقسم الغليظ قولة نعود
لكن أسف هل من جديد
بيقولوا سودانّا الجديد
ياخي رجّعونا محل بعيد
نرجع نعيش تاني التخلف من جديد
بدل تقولوا لي جديد
داك بفرق الأم والوليد
وبجيب كمان غُصّة نشيد
لا بيُزْدرد ولا يرجِّع وتستفيد
لا بيُزْدرد ولا يرجِّع وتستفيد
لا بيُزْدرد ولا يرجِّع وتستفيد
--

Quote: وأقعد أشجّع في الهلال؟

عمنا عبدالفتاح

مالو الهلال ؟؟؟؟ عيبوا لي!!

بالنسبه لموضوع الوحده والإنفصال أخوك إنفصالي درجه أولى

وده من باب آخر العلاج الكي

ناس فشلوا يعيشوا في وطن واحد

ناس عندها إحساس إنها مواطنيين درجه تانيه

الحل الوحيد نخليهم يمشوا يبقوا مواطنين درجه أولى

مافي وحده بالغصب

سنين طويله من الحرب والقتل والدموع

كده نجرب ....كل ناس يعيشوا في دولتهم

يافدياس معليش حصل خطأ فنّي
(1) مالك عايز تدوّر شكلة معاي بعد ما قلنا الكدايس نامت
قال منو إنّي عيّبت الهلال
لا لا لا دي بتّي نوال، وراجلا القال عايش عال العال
وبالمناسبة كنت هلالابي زمان زمن ناس جكسا والدحيش وقاقرين وكانت في كورة؛ أما لما الكورة ضاعت بالرياضة الجماهيرية، وقّفت التشجيع؛ طبعاً الزمن داك لسّع ما ولدوك ذاته. أيضاً إنتو تعبانين ساكت في كورةً مغّصتنا ومغّصتكم.
المهم القصد إنو الناس القاعدين برّة متقندفين حتى تشجيع الكورة حاصرينه في دول عربية وغربية...إ‘لخ وأنا بهمّز فيهم بالكلام دا، يعني حتى في الكورة في ناس (مكجنين) أي حاجة سودانية ولك العتبى حتى ترضى؛ ويرضو الهلالاب كلهم إن شاء الله بس ود الصايم ما يشوف الكلام دا

بالنسبه لموضوع الوحده والإنفصال أخوك إنفصالي درجه أولى

وده من باب آخر العلاج الكي

ناس فشلوا يعيشوا في وطن واحد

ناس عندها إحساس إنها مواطنيين درجه تانيه

الحل الوحيد نخليهم يمشوا يبقوا مواطنين درجه أولى

مافي وحده بالغصب

كمان ما في انفصالاً بالغصب
وديل بغصبونا على الانفصال: صحي الإنجليز غشّوهم والكنيسة خدعتهم( دي الزّرعوها فيهم).
وهم راسهم ألف سيف؛ ينفصلوا منو الأدّاه هو أو غيره حق الانفصال.
الوحدة ما بي غصب
الوحدة لقينا موجودة حتى من دون تعب
لكن نقول شنو كعب الكعب
وصعب الصعب
راكب لراسو ومكتئب
لازم يجيب الاكتئاب
--
لكن يا صاحب الإزميل
تأييدك للانفصال
تاني حيخلّيني أدوّر معاك النضال
زي زمن شغل الكدايس الصّغار الحلوين والجُهّال
وياحليلم قال!

Quote: زي زمن شغل الكدايس الصّغار الحلوين والجُهّال وياحليلم قال!

بالمناسبه الكدايسيه دي وين صاحبك سجيمان

جيت راجع بعد غيبه ما لقيته؟؟

بعدين يا عمك نضال شنو الداير تناضله في فدياس المسكين

فدياس لا عنده حق التصويت لا شغال في الإنتباهه

الراي عندي زي ما جربنا الوحده وما ظبطت

خلونا نجرب الإنفصال يمكن يظبط

Quote: زي زمن شغل الكدايس الصّغار الحلوين والجُهّال وياحليلم قال!

بالمناسبه الكدايسيه دي وين صاحبك سجيمان

جيت راجع بعد غيبه ما لقيته؟؟

بعدين يا عمك نضال شنو الداير تناضله في فدياس المسكين

فدياس لا عنده حق التصويت لا شغال في الإنتباهه

الراي عندي زي ما جربنا الوحده وما ظبطت

خلونا نجرب الإنفصال يمكن يظبط

Quote: بالمناسبه الكدايسيه دي وين صاحبك سجيمان جيت راجع بعد غيبه ما لقيته؟؟

صحبك كمان يا فدياس؟

عليك الله كان ما زرته وسلمت عليه بتلقاه في صحيفة التيّار

بعد عشرة.

والله زول طيّب خلاص وونّاس

وسلّم لي عليه اليومين ديل أنا بعيد؛

أما الباقي أنا ممغوص مغصة خليها ساي

Quote: بعدين يا عمك نضال شنو الداير تناضله في فدياس المسكين

أنا عارف؟ ترى بسمعم بقولوها كتير؛ ليها حق ميادة تسميه نتال


يا أخي أنا أقصد الونسة والدردشة معاك أصلي بحبّك في الله

Quote: خلونا نجرب الإنفصال يمكن يظبط

أها نبدأ معاك النتال:





سمعت يوم الانفصال ظبط كدي مع أي زول
الانفصال والله بيجيب- وبحليفتا- لي كل هول
يخرب كمان كل الفصول
فصل السنة وفصل التلاميذ والكهول
غيّر وبدل يا مَهُول ليك كل قول
إلاّ تقول الانفصال؟ ما هو البـ قول
لا في سواكن ولا في محمد قول
لا عند سلمى لا قاقول
تاننقول قولة جديدة تصبح كول (call)
أو حاجة تدخل لينا هادي عقول
والبيقولها من ناسنا ما بيفرق من ابن سلول

ونواصل بعد الفاصل يا هلالابي

وخليك ماهل



واعرف لينا معاك الحاصل

Quote: يا أخي أنا أقصد الونسة والدردشة معاك أصلي بحبّك في الله

حباب الونسه والدردشه يا عمك

وما أجمل المحبه في الله

Quote: حباب الونسه والدردشه يا عمك وما أجمل المحبه في الله

حبابك وحباب ونستك والدردشات


والمحبة الجاتنا في الله ياخي ما حياة


كل الحياة

Quote: سنين طويله من الحرب والقتل والدموع كده نجرب ....كل ناس يعيشوا في دولتهم

وكأن كثيرون مثلك يقولون ذلك وأسوأ

ونقول لهم



للوحدة نحن نقولا ووب

والانفصال برضيه ووب

-


وأنا ظنّي خاب
ولا خاطري طاب
راجيه بس يوم الحساب
ينجينا من هذا العذاب
والله يا أبو الشباب
كايس رضاك المِنّي غاب
شايف هواك فوق للسحاب
لكن أسف غطّاه ضباب
ألقاه وين بعد الشَّعر صوّح و شاب
وطموحنا داك جوّاه رهاب
غطّى على حتى السراب
وبقينا قولة يًمّة ياب
وين البلد وين الصحاب
ما هجّوا ساقوا الاغتراب
خلّوا البلد مخلوعة باب

Quote: وكأن كثيرين مثلك يقولون ذلك وأسوأ ونقول لهم

نأسف على الخطأ النحوي في كثيرين

-
أها يا صاحب نقول ليهم
-




كلّنا ذاك الرجل
كلّنا ذاك الرجل
وإن بلغنا التاج محل
إن لم نكن فلِمَ المحلْ؟
ولم الطيور ترتحل؟
تبتغي زاداً في غير ما هذا المحل
ترنو إلى السهل الجبل
لم تترك شيئاً ولا تزل؛ حتّى زُحل
أنا لا أقول دعوا الجدل
بل لا تقربوه فهو مضل
الأمّ إن جاءها الحَبَلْ
فالعنق منها قد احتبل
معذورة فارخوا الحبل
ارخو لها الحبل
فالشدّ في الحال مُخِل
يؤوي لراحتك الخلل
إن كنت تبغي جدّ حل
فاترك جدالاً جد ممل
والناس في زمن المحل
لا بد أن يستافوا كل ذل
وهي إن كسوتها الحُلل
أيضاً فلا ولا حلل
لين تسلك الأرض الذَّلل
فالكل خلق من عجل
هلع جزوع لا مهل

فكيف تبغاها تهل
دوماً جنابك أن تجل
ولا تكل أو تمل
(يا أخينا ما تشوف ليك حل)
خل الأمور تمشي الهوينى
وبي مهل
والجأ لربك في وجل
يأتيك بالفرح المُهِل
من غير ما قطع الحبل
أو كوم مشكلات ترتجل
أولاد يفوتوا من العسل
يخرْطوا في داك البصل
دموع غزار تملأ المقل
شيتاً يشيل من كل عقل
كان أصلو وين ذاته العقل

على مهلك بس ما تغيب كتير

Quote: فدياس لا عنده حق التصويت لا شغال في الإنتباهه

القصة ما حق تصويت

ولا انتباهة أو دقاسة
واسمع ونستي:

القصة شوفا تعال بجاي


إنت ذاتك زيّو فاتِك
متنبّي قابل آسك
وكل لعبة فيها سك سك
برضو تلقا فيها ناسك
لو موافق املا كاسك
وكان سكرت أنا ببقى ناسك
أصلي ما جاي من غراسك
ابقى عشرة شوي تماسك
سكرتك ما بتعفي ناسك
ابقى فاهم عبّي راسك
لا تغبّي أصلو فاسك
جوة راسك
ما بجيلك من دراسك
كرّو تاني انسى ناسك
لأنو وحدك تشوفه باسك
وإنت بؤسه ما معلّق فوق لراسك!
أو رقبتك تبقى ساسك
يحفرولك لي غراسك
ما بلقوا شيتاً يبقى ناسك
واللاّ زاهد في حساسك
هو باسك وإنت بسته وتاني باسك
لا بتلقا يوم داك ناس حراسك
لا إنت حرّاس لي جراسك
بتقولا ما داير مساسك
سامري قد جا مساسك
ابقى راجل وبس تماسك
ياهو جالك يوم قصاصك
قلنا ليك عقلك في راسك
ما سمعت ركبت راسك
لما توصل لي مداسك
خلّ كراسيك يرفعه داك مقاسك
واللاّ ناسك يبقوا عشرة على غراسك
ويدعو ليك يقِلُّوا راسك أو يعيروا زود لطاسك
صدقة جارية على عطاسك
دعوة حانية بعد فطاسك
تبقى ذكرى بعد دراسك
ما بينسو ماهم ناسك
وينو عنتر وين فراسك
وينو يومك داك دواسك
وينو جسّاسك مراسك
الغضنفر وين حساسك
كله دفقتو هناك لناسك؟


وينا ذاتا ديل ناسك
في فلوريدا يا حسافة ويا خساسة
على السياسة

فديو قرّب تعال ما تبتعد

مع الاعتذار لي ودالأمين

متابعين يا عمك

لمن نشوف آخرتها

Quote: متابعين يا عمك لمن نشوف آخرتها

ويا سيدي ليك

برضو نقول ليهم:



عينك في الفيلة
وتطعن في الظّللة
يا ناس يا هملة
ياخي ما كتّرتو الثقلة
وما تسووا عند ناس الهللة
مالكم بالله كتّرتو ومسّختوها الشغلة
الظلم يا ناس درس
زي ولادة الشيخ في دينه مندس
بس حلاة دينا من الله منغرس
هدية من عودة وهَنا
في نيل هنانا وعزَّنا
نرشف زلال العودة نرعاه الجنا

ويا عزيزي أيضاً:

منقو مالك بس ديمة شابكني أبيت
وإنت خيطك لو قطعته ببقى زي الحكاية ديك كيت وكيت
بس داير تفوت، لو باقي بس، وما داير تبيت
لي أي مشي أنا دا الأبيت
لأنه مشيك بخرِّب كل بيت
بيتك وبيتي وبيت كل زول؛ زولاً بخيت
فارق لسعده من فكرت أو قول ابتديت
داك قطّع لي دنّه البي رزم منظوم ربيت repeat))
خطوات توقّع في القلب مبيت
نقرشة نوبة، رنّة دليب، ورنّة طمبور والصفارة تيت
برضو بتقول لي أبيت
مالك مزرقن وشابكني بس في أبيت
هنا أوهناك ياخي مالو ما كله بيت
في وطن حّدادي مدّادي كان هنا أو هناك كله مبيت
وكم كمان يحلو المبيت

برضو خليك قريب

هاك دي برضو يا صاحب الإزميل:

من بوست لزمراوي الشاعر دمعتين للوطن:
تقول هذه الأستاذة:آسف لا أذكر اسمها الآن
ولأن الساسة "غالبا ما يسعون وراء مصالحهم حتى لو كانت ضد مصالح الشعب، مؤكدةً أنها لا تبرئ في ذلك المسؤولين الشماليين ولا نظراءهم الجنوبيين.
-دا كلام في الصميم
وراه كمان خيراً عميم
بس مين دا يبقالنا الهميم
يحط للفيل في عينه فيم
يحرق شنينه يمشي الجحيم

فدياس

بالمناسبة

قربنا نركب قطرك

بس خليك قريب وما تبتعد

الاعزاء القرّاء

نواصل:












ناس بتتنفس سياسة
تاكل تشرب في السياسة
والأكل يا ريته لو كان بي كياسة
ومن المعادن سحب النفاسة
وجنّوا قالوا لا مساسا
دينك إيمانك سياسة
عفوك وغفرانك بقى سياسة
وين راحت منك ديك كياسة
خلعت جلبابا ولباسا
عريانة جت شوف الخساسة
وصار حلم حياتم داك أبو الكباسة
ليل علي نهار بس طيران لي دباسة
--
زولاً حكم عشرين سنة
وكيفن أكل عيش بي يباسا
ما يقدر يلوّن لي سياسة
كان يغري ديلك يلزمُم درب الفراسة
كان مسلمم ومبسملم سووا السياسة
كان رضّى للعقله متربس ترباسا
لكن هو ذاته ما فقد السياسة

فدياس مالك تاني غطست
الله يعينك

المهم هاك:

الخارم بارم دا

النت كعب
واللا يا ربي الحظ ضرب
عشان يرّيح من طلب
ويبعد كمان رمحاً علينا جاي ملتهب
بعدما صعب الدرب
ماش بس يودينا الترب
نقدر نقول صعب الدرب
عشان رياح دي علينا تب ما تهب
وأحوالنا تاني تضطرب
تبت يدا أبالهب وتب
تعّب خلوق عين التعب
صدّر مشاكله للعرب
ومن جاورم من الشرق واللا الغرب
وجنوبنا اسكت خله ساي
ما صار ملتهب
بي فعايل أبو لهب
والناس بقت راكبا الصعب
وأعلى ما في الخيل نصب
كترة تعب
نشرب ومانروى تب
والنغمة مزيكة قرب
لكن ملأ كل القرب
لين اندفق ورطب تب

وعشان نبقى معاك يا فديو

عايزين نشطب على حكاية الوحدة والانفصال

ونعرج على محاور تانية مما ذكر أعلاه:



إنت لو طيّبت خاطره
ماكان بشيل وش القباحة وشاترو
وهدفك إن ت ديمان معافرو
شوف الشعر كيفن مؤافرو
كدي قوم اعفى ليه وخد بخاطرو
وإن كان أبى رشّو وكمان حاصرو
ولي كدا راشيه وعاصرو
قال بغيظ دمّو مكاجرو

فوق

الصديق العزيز / عبد الفتاح أبو شيمة ....

تحياتي وحبي وتقديري ؛؛؛

Quote: لا أتخيل أن أرى الجزء السفلي من الخارطة إنها ليست خارطة من ورق إنها لحم حي من يستطيع أن يمحو ذلك من ذاكرتي؟ هل يمكن أن ترى جسداً من دون نصفه أيقف من دون ساقين وإن قطع فلن يحدث لأنه في مخيّلتي وذاكرتي فلا تجهدوا أنفسكم لإقناعي فذاك عين يقين المستحيل فلا لن أميل إلى تصديق أن العود مستحيل عبثاً تجيل الفكر في أرض النخيل لا لن يستحيل متاهةً لا ماء لا ظل ظليل

أعتقد يا صديقي في أن ما ذكرت أعلاه فصل الخطاب .. السودان يمر بمرحلة مفصلية في تاريخه .. وحده أو إنفصال .. ومهما كانت التبعات فإن الانفصال أقسى ما يكون .. أن تصحو الصباح وتلقى بلدك وقد اتقسمت نصفين في الوقت الذي يسعي في العالم للإئتلاف والتكتلات الكبيرة هنا وهناك .. نجد أخوة لنا من دمنا ولحمنا يسعون بل ويفرحون للانفصال ... تذكرت هنا بوست لأحد أخواتنا عنوانه فيما أذكر (أحببته هكذا ..) وبه خارطة السودان كاملاً وصوّر جميلة بسهولة ووديانه .. وصوّر أخرى والخارطة مقسومة ...

حقيقة أعيد وأكرر إن الانفصال مصيبة كبرى وأخاف أن تكون آثاره كارثية على البلد بأجمعها .. وأدعو الله ليل نهار أن يكون الخيار هو الخيار الأمثل وهو الوحدة يا عبد الفتاح ...

اللهم ألطف بسوداننا وجنبه شر المحن والمآسي .. واهدنا جميعا إلى سواء السبيل ...

مع خالص تحياتي وتقديري ؛؛؛

Quote: حقيقة أعيد وأكرر إن الانفصال مصيبة كبرى وأخاف أن تكون آثاره كارثية على البلد بأجمعها .. وأدعو الله ليل نهار أن يكون الخيار هو الخيار الأمثل وهو الوحدة يا عبد الفتاح ... اللهم ألطف بسوداننا وجنبه شر المحن والمآسي .. واهدنا جميعا إلى سواء السبيل ...

أخونا إدريس

من الطبيعي أن يخشي الإنسان من المجهول ومن الطبيعي أن نحاول التمسك بالقديم أي كان

لكن دعنا ننظر للإنفصال من وجهه نظر أخوتنا الجنوبيون

هم يرون الآن أنفسهم كشعب جنوب أفريقيا عندما إنعتق من جبروت الأقليه البيضاء

لديهم إحساس قوي بضروره التحرر

فلماذا نحرمهم من ذاك الحق

لمجرد إن هذه أرض الأجداد ( أحيلك لتصريح باقان ) هو كتشنر كان من أجدادكم


ربما يكون في هذا الإنفصال خيراً لهم ولنا

Quote: ربما يكون في هذا الإنفصال خيراً لهم ولنا

حبيبنا فدياس

إنت بتقول ربما



ونحن متأكدين إن الانفصال ما فيه خير لي أي زول:











قلنا ليك الانفصال ما فيه خير

لا لي عمر لا بشير

لا منقو داك ولا دي سهير

لا ميري لا بت الوزير

هوي يا ولدنا يا ود عزالدين

شوف لك درب بِيعزّ الدين

الوحدة جاية من التوحيد ودا شي في الدين

ولتعارفوا إن أكرمكم عند الله أتقاكم

الكلام دا لو قالوه ناس عندها مصالح مع الانفصال

لكن كدا يكون بس كلام زهج يبقى مهين

Quote: أعتقد يا صديقي في أن ما ذكرت أعلاه فصل الخطاب .. السودان يمر بمرحلة مفصلية في تاريخه .. وحده أو إنفصال .. ومهما كانت التبعات فإن الانفصال أقسى ما يكون .. أن تصحو الصباح وتلقى بلدك وقد اتقسمت نصفين في الوقت الذي يسعي في العالم للإئتلاف والتكتلات الكبيرة هنا وهناك .. نجد أخوة لنا من دمنا ولحمنا يسعون بل ويفرحون للانفصال ... تذكرت هنا بوست لأحد أخواتنا عنوانه فيما أذكر (أحببته هكذا ..) وبه خارطة السودان كاملاً وصوّر جميلة بسهولة ووديانه .. وصوّر أخرى والخارطة مقسومة ... حقيقة أعيد وأكرر إن الانفصال مصيبة كبرى وأخاف أن تكون آثاره كارثية على البلد بأجمعها .. وأدعو الله ليل نهار أن يكون الخيار هو الخيار الأمثل وهو الوحدة يا عبد الفتاح ... اللهم ألطف بسوداننا وجنبه شر المحن والمآسي .. واهدنا جميعا إلى سواء السبيل ... مع خالص تحياتي وتقديري ؛؛؛

أخي إدريس قلت لك إنني جدُّ تعبت

من وهدة الوحدة هزُلت وارتعشت

فقدت روحي وعلى وجهي انكفأت

وهالني ما قبل أيام قرأت وسمعت

Quote: حقيقة أعيد وأكرر إن الانفصال مصيبة كبرى وأخاف أن تكون آثاره كارثية على البلد بأجمعها

ماهي بدت وزي حربوية تاني اتلوّنت
أبت أبت وقال مشتتة وفعلاً شتّتت
ولي قلوبنا ياما ياما خربشت
وطارت هناك في عش بومة وعشّشت
في النهاية كمان بي كل بساطة هناك مشت
على إسرائيل تنال رضاها ولي حتة حتة اتشتّت
وعلى قول فدياس
ما القصة خلاس
وخبر الليلة حيكون- زي ما قالوا- بكرة ببلاش
ما خلاص البقى طاشي وطاشي طاش
والبقى كاشّي وكاشّي أخد الكاش
يا دوبك ديّ بدا المطر الرّشاش
والجاييك بكرة إن شا الله ما ينعاش
العقل ودّر والراس ما خلاص بقى في الدش داش

ولم يتبق


إلا أن نرفع الأكفّ ضارعين معك وبدعائك



اللهم ألطف بسوداننا وجنبه شر المحن والمآسي .. واهدنا جميعا إلى سواء السبيل ...

عبدالفتاح أبوشيمة
سلام كدى قول بسم الله والله نحن في زمن لا ينفع فيه بكاء ولا مكاكا
انطبق علينا المثل البقول ده حار وعلي بالطلالاق ده ما بتكوي به

Quote: عبدالفتاح أبوشيمة سلام كدى قول بسم الله والله نحن في زمن لا ينفع فيه بكاء ولا مكاكا انطبق علينا المثل البقول ده حار وعلي بالطلالاق ده ما بتكوي به

أشرقت الأنوار

مرحبتين حبابك

كويس والله ناس فرنسا

سمعوا كلامنا وحلّقوا فوق

وجونا واتلاقينا


يا ابنتي العزيزة


حقيقة البوست غرضه الاحتجاج على البكا والنواح وعدم الرضى الذي يلازمنا


كثيراً نحن السودانيين

وعدم الحمد وهو محور من محاور هذا البوست

وعشان ما تعدّيني في البكائين

عايزك تشوفي محاور أخرى غير موضوع الوحدة والانفصال (ديمة بنقول فيها الوووب والحي وووب)

ونتحاور فيه وخصوصاً يبدو إنك جديدة مع تجربة الاغتراب

واحتفاء بقدومك خذي هذه القضايا:



كلّنا ذاك
وستشيخ يوماً يا حنون
ويهدّدن ذاك المنون
وستعجزن عن كم فنون
عاقرتها تعمى عيون
فلم التجنّي يا حنون
لم التعالي واسمك المحفور نون
--
لا شيء يحوجك الجنون
أو أن تقارف ذا المجون
فالكتابة من الفنون
لا تغلّفها بأسيجة تهون
فنحن يوماً مُدلفون
في باب هن أو لا تهون
فلم التجنّي يا حنون
ولم الشتائم والظنون
فاليوم كنّا وغداً قد لا نكون
هل نترك الذكرى الحنون
فالناس دوماً يذكرون
مهما نسوا يتذكّرون
وعندها دعواتهم
وعندها اذكروا محاسن الموتى تهون
ولأنهم يتذكّرون
ما فتئوا يدّعون
لك أو عليك يهمهمون
ويدمدون
لنبيّهم يعصون
لا يذكرون لك إلا ما يُشين
والشفاعة بالديون
أو هكذا يتصرّفون

--

ولقطة من هذي:




حلمٌ راودك
دار بخلدك
تغالبك نفسْ
وإن أدخلت رهين حبس
فلا تنبس
نفسك فاحبس
لا تتنفّس
أو حتى تعطس



معذرةً وهذي:


صرت رهين محبسين
محبس الغربة والمرض الأنين
يقضّ مضجعي الأنين
ويرتشيني دين
تجالد الدموع كل عين
وأنا هنا من دون والدين

قرأت أنك قارئة


لذا أختبر صبرك على القراءة

والتي وحدها تنجينا



ألف مرحب يا أستاذة منى

وأشكر لك

أها يا منقويتي:



إن قعدت وللاّ مشيت
شن ماش يحصللّي يا حبي لامن أبيت
ياه الكدر حالي من قمت من تبّيت
وكان قُت الدواس جرّبته زي سوميت
وأنا باقي زي حالي وإنت الأبيت ومشيت
ووكتين مشيت ذاته للحيطة اتعدّيت
فايت كُبارك يوت ناس علوة أب جرنيت
عبد الفضيل وعلي ليه مانطّوا خربوا البيت
ولا باعوا لي شبراً مت الأرض عشانو الزيت
باكربتندم يا با شان فرطت قلت أبيت
لمن تكوس لي بتلقان مهم جفيت
إلا إنت بس كيفن ماش وتلاقي بخيت
ما غيرتها الجرة ما باقي غير ربّيت
من قبل إنجليز شالو ا لقطن والخيت
ناس خلوك بلا هدماً أو ساقية تروي البيت
خلوك مع بهايماً بس تعشقو السوميت
لا قلت العري تتلافاه تلبس خيت ولاقت
البقر تنميها بالأوبريت
قعدت تكاوي ناس البيت
من تبيت وقمت مشيت
والخشب المهوقن لا صدرته لا خاويت
ولعت الحريق م نمولي البعيدة لي غادي حتى جبيت
لا اتعلّمت لاك قريت
لا علمت ناس البيت
ووكت ضاع العمر أكتر كمان جنيت
بارحت البلد ومشيت
وللغريب خاويت
وفي الغريب اخترت أسوا عدو للبيت
مشيت تل أبيت للقدس اتحاشيت
بالكر ما تشوف يا سلفا شن ساويت
وكتين العهد بي جرة قلم شلت
ولغادي رميت
لما تشوف قرنق قوله إنك أبيت
واتجاوزت حدك في كلامو رميت
وضربت وضربتو عرض الحيط
وسودانا الحبيب بالطول والعرض دنّيت
ما قت الجوار ولا قت ناس البيت
وقدت الحرب ولي طير الحديد حاحيت
مع تجار السلاح اتولفت واتخاويت
وقبضت التمن شان ياخدوا كل الزيت
وإنت تنهمك في دعارة جوة البيت
ما برموك عضم لي لحمتك شاويت
وفقدت العكز الكان يساند البيت
والقطية وقعت فقدت مرق البيت (أو ركيزتا بي سوس نخر واسيت)

Quote: والقطية وقعت فقدت مرق البيت (أو ركيزتا بي سوس نخر واسيت)

ما قصّر معاك نَخّرْ دا لاما مشيت
وإت فرحان بي وساوسه غدرت بالسوميت
لكنه اتصقل لامن لمع وقعدت تتجارى
آناس رجعوني البيت
ديل أجيال جديدة قالولك إنت أبيت
نحن ولاد شهيد بي دمه رووا الزيت
ولما جاك مفرهد لي غيرنا بس أوليت
نحن زرعنا دمه قام الشجر
ظلل علينا البيت
وإت قدقد مراكبك من دون خشا اتواريت
غرقت مركبك درب الجهالة مشيت
سويت الفنادق مع سياحا قت تبيت
بي أولاد حرام طنبجت قلت البيت
تحديد النسل شرّعت زي ناس قيت
علمانية قت بتنجدك توريت
وانتشر الفساد من نمولي لي توريت
والإيدز انتشر وقف نمو وياريت
لو سمع لي كلامو ضوالبيت
في الجامع هناك أزبد ومسحت قلت زبد
لامن مسحت البيت
وجاك القدر ووقعت ما سميت
قرضت ناس وياما في لحظة اتواريت
وقالت الأرض بقيت ميراث أنا لي ولدو ضوالبيت

ديك عين بكت من خشيتو والتانية تحرس في الخلال
وفي الحلال، والله عال وعال العال، وين داك ننال؟
ما خلاص بقت راحت كمان سترتنا للدار يا بلال
لا عين بتبكي على اللّي صار بي موية زلال
ولا حارسنا داك لبلدنا زار
ولا داك بجنّبني الودار
وصار اللّي صار
وآه يا منار
كنّا فنار
كل دار
عار

Quote: ديك عين بكت من خشيتو والتانية تحرس في الخلال وفي الحلال، والله عال وعال العال، وين داك ننال؟ ما خلاص بقت راحت كمان سترتنا للدار يا بلال لا عين بتبكي على اللّي صار بي موية زلال ولا حارسنا داك لبلدنا زارعار ولا داك بجنّبني الودار وصار اللّي صار وآه يا منار كنّا فنار كل دار عار

عار
وأيّ عار
قلناله غرّد يا كنار
بقى غير حزن؛ كل الكدار
يفلق بجاي يعمل جروح على العوار
وين يختشي دا منتشي وقالب الحكاية لي هظار
داك مرتشي وعامل خشي أخير مشي من دون ازدهار
حتشوف يخوي شغلاً كدا زي في العراق والصوملة في قندهار
لا حول ولا قوّة من وعلى اللي صار في العراق أو قندهار

ناس الغرب
(الغربيّون)
وكتين الضغط يرتفع
يخشوا ليك في حاجة باردة
مش بقولوا
بي ريلاكس
آند بي كول
يبقى بس اتكولو
وابقو بس زي حاجة باردة
خاتي دمّه كمان في باردة
وهي أصلاً برضو باردة
وطولا بس كم ألف ياردة
باله سلبة ما تقول أصلاً
بحار دا
خلو اليروح ما الشاردة شاردة
وإن كحلنالا المراودا
أو غلبنالها الفراودة
برضو شاردة يعني شاردة

يا أبو بلال ياخي كيف الحال
جدك هداك ماهو فعلاً نال
داك صبرو عجيب ما ليه مثال
أحد أحد يكرر يكرر لا زال
لين جاه الفرج من زولاً نال
لي كل رضى ربّه ورسولاً قال
راضي عليك وعلى بنتك قال
ودخل الجنة من دون مثقال
ويجوك أحفاده يقولوا محال
نرجع لي ماضي أبونا بلال
معقول ياناس تكون دي الحال
لا حاج أحمد لا بنتي نوال
ما يخلوني أجيب لسؤال
أو أعرض حال
دا عرض الحال ما داك بالمال
مجاني وبس لي طرح سؤال وراه سؤال
مين داك القال جدك ما ياهو بلال؟

أبو بلال مالو؟

الزول وقع لامن دمع

ما عاد فيه نفع

قولة هناك أنا بس مع

لكنه ما يمكن بلع

*






*

إنتو يا ناس السياسة
كان حكومة أو معارضة
حالكم وقف والحالة كيف
اتشنقلت وسلوكا ضاربة
أو هي متمارضة
أزماتكم حاجة عارضة
بس لازم تبقى عاضّة
عضّة النملة
وهي أضعف حاجة قارضة
المواعيد متضاربة ومتعارضة
ما بهمهم لو بقت زي أي حاجة باردة
مالو لو الناس حرقو وغرقو
ما كل حاجة فيها واردة
ونحن نحكم كل ورادة وكل شاردة؟
لا اشربوا الشاي بس يكون حق العبابدة
عشان تكون دي حشاه باردة

لو كان دي الكراع حفيت
وإن ما كان البطن دفيت
دي عاد عاد ما بتجيب كفيت
ولا الناس ما تقول ليك عفيت
يبقوا عليك بدل واحد بقوا اتنين يجيك موتا ولا شفيت
دنيا عجيبة يا عفت ويا صفوت
بتبقى في ناس لا قعدت ولا مشيت
ولا ابتعدت ولا قربت
وبين عطشت وما رويت
وما فتئت وما انفكّيت
وبين ناس راوية يا حكمت
وتاني لا موتاً ولا هو شفيت
معلق بين سترة الحال وبين لهفة ما ألفيت

Quote: وتاني لا موتاً ولا هو شفيت معلق بين سترة الحال وبين لهفة ما ألفيت

لا شحدت ولا اتخلت
كرامتا ديمة تتمرمط
فكر مشغول عرض مبهول لا بعدت ولا اتخلت
بين بين غايتو يستر الله لناس لا غمضت عينا لا بكيت واتفشت
بين بين رتينة لا ضوت ولا انطفيت
برضو بقولوا للاسم ألفت
وين ألفت فارقوا درب ناس شمت وما اتشمت
عطس لامن نفسه تقول مرقت يرجع تاني يتحمد ويستغفر ويستنفر
ويسترجع زمن أول ولا نسيت
قادر الله في ناسو كان أداها ما شكرت
وإن أخد القليل من حقه انفجعت وبي ولويلا ما ارتجعت
عقاد نافع ونور ساطع ديل حاجات لا انعرفت ولا عرفت
في شر العمل والبون شاسع وكتين في همها استشرت
مسكين يا وليد وإت ماشي في دربك
يجوك هناك شواطين إنس لا بتفتر ولا اتهدت
ويناجوك تتوسوس وتتونس وما استكفت
نارا هناك تمام حميت
دقتا ناعمة وانطحنت
طبختا لسا ما نجضت
لا هلت ولا غبت
بس بين بين جيوشا كلها احتشدت
ولا رفعت لداك بيرك ولا هي ذاتا ارتفعت
رفعت راسا لكن تاني ما هويت
وأديناها من صبرا بلا ناراً تقول وجت
نزيدا وقود من أفعالنا
واترمدنا نحن عديل لكن لا بتترمد ولا هو كمان زاد واقودا واحترقت
بين بين قلنا عايشين في نفاقنا لين نفقت نفوس كانت زمان هيمانة باللقيا
لا حصلنا مشوارا ولا اتهدينا وانخذلت
نسينا لكل أفراحنا وفي أحزانا ما لبثت
وتتفلت وتتغلط وتتبشتن وتتجهجه وديك الإيد ما ربتت
على أكتافنا لا راسنا لقا التحنان ومن سكراتا ما وعيت

تعالوا نهبش


مظاليم الاغتراب

سواء كانوا أحياء أو ميتين

بعدين نرجع تاني:

يا المرحوم ما بعرف أنوم
لا تنزّلننا الخرتوم
أحسن لي هنا وأنوم
حتى إن كنت باكل دوم
بس لا تودّيننا للخرتوم
وإن قرّضت ني التوم
أحسن لي من خرطوم
حتى إن كان خرتوم عموم
أصل هناك ركشاتا الكتيرة تحوم
وكتاّحةً تجضّم فيني طول اليوم
كان ساهرت ما بعرف أنوم لي نوم
عشان النوم بيجيب اللوم
ما اللوم البقولوه ناس التوم
حدا الجيران بجيني اللوم
ما دايرة أمشي للخرتوم
ديل صحيانين من فجر ظلوم
ونحن ديمة مساهرين في التلفزيون
كيفن يعني تقول لي أقوم
وتشتمني بنهاري الليل بالمعلوم
وليلي نهار زي أي غشوم
عليك الله لا تنزلننا الخرتوم
أصلي هناك ما بعرف أعوم
كان صبت مطرة ما بعرف أعوم
وكان جا الفيضان ما بعرف أعوم
خلينا هنا في النشاف الدوم
ولا أمشيها دي الخرتوم
حتى حكولي غلاوة التوم
كمان هناك ما بعرف أنوم
حتى إن غنوا لي بكريك بالدوم
يا شيخي ما تبقى ظالمني
أحسن ليك تكون مظلوم

يقولوا

ووب بي جاي


تجيهم ووب

بي غادي


شوفوا الجماعة اللي استعمرونا


وقاصدين فصل الجنوب

عشان الإسلام ما يمش قدام

جاتم ووب من جوّة البيت:

يابو بلال
ياخي كيف الحال
القصة هي موّال
واللاّه شغل جوّال
--
مسكين داك توني بلير
الشرّبنا لبن الطير
كتير أكلنا بس لي صير
شغله كتير وفي التزوير
تابع بوش على التزوير
وقول الزور دون تفسير
تابع بس ما يهمه كتير
إيه الصار وماشي يصير
في بغدادنا في كشمير
روح حاحيه داك الطير
وجيب لي تاني لبن الطير
بنشربو ليك في كشمير
جاتنا أخيتو خيرا كتير
شافت فطرتا وتمطير
دخلت في قلوبنا كتير
يلطف بيها ربي كتير
ما ياهو اللطيف وقدير

ياخي قولوا وووووووووووووب

Quote: ياخي قولوا وووووووووووووب

وتاني ووب

ودا اللي خايفين منه جا
وين أروح أنا يا رجا
البنية قالت إنو جا
ولدنا دا جاب اللي جا
يبدوها بالتجار شرار
بعدين تجي وزارتم ذاتا بنار
ويحكموهم ليل نهار
ونصير عبيدا في ودار
بالله يا دينق دا حوار
واللاّ الفكي جار على الحُوار
ما عارف إيه اللي صار
قاعد لي في بلد جوار
أحسن لك من تفقد قرار
قالبها الشغلة لي هظار
ياخي إنت وين بس يا مرار
قلبك دا مات من انتظار
في الترطيبة ليلك والنهار
وتناضلّلي من كيبورد نار

قلت اكتبنا

اكتب فينا كل حكاوي الجرد

اجردنا اجرد فينا كل حساب

الحد الواصل للأعماق

وكل خطانا على الأعتاب

وكل (خطاوينا)

بل كل خطأٍ فينا

مذ عهد المجد

Quote: قلت اكتبنا اكتب فينا كل حكاوي الجرد اجردنا اجرد فينا كل حساب الحد الواصل للأعماق وكل خطانا على الأعتاب وكل (خطاوينا) بل كل خطأٍ فينا مذ عهد المجد

لهفي على أيام أن كنّا
أسارى الود
واللّقيا سحابات مغنّجة
ترشّ بعض الطيب، بعض العشق
كل الرشد
والآن أضحت أمانينا السراب الّلحد
ألا فامدد يديك
أصوغ من تحنانهما كل الجَلَدْ
من دون وعد
أي سَدْ
فلتسُد يا معتمد
لكن مهما فعلت
فلن تكون واحد أحد
فالله هو الواحد أحد
فردٌ صمد
وقادر أن يحيل حياتنا للعود
ذاك الأحمد
فالعود أحمد
فيا جبال الحزن تصبّري
ولتقدحي كل الزّناد وكل زند
يشحذ مرارة حزنه، وينتفض، ويحيلها
كيما كل ما حوله، والكلُّ فينا يرتعد

Quote: Quote: لهفي على أيام أن كنّا أسارى الود واللّقيا سحابات مغنّجة ترشّ بعض الطيب، بعض العشق كل الرشد والآن أضحت أمانينا السراب الّلحد ألا فامدد يديك أصوغ من تحنانهما كل الجَلَدْ من دون وعد أي سَدْ فلتسُد يا معتمد لكن مهما فعلت فلن تكون واحد أحد فالله هو الواحد أحد فردٌ صمد وقادر أن يحيل حياتنا للعود ذاك الأحمد فالعود أحمد فيا جبال الحزن تصبّري ولتقدحي كل الزّناد وكل زند يشحذ مرارة حزنه، وينتفض، ويحيلها كيما كل ما حوله، والكلُّ فينا يرتعد - قلت اكتبنا اكتب فينا كل حكاوي الجرد اجردنا اجرد فينا كل حساب الحد الواصل للأعماق وكل خطانا على الأعتاب وكل (خطاوينا) بل كل خطأٍ فينا مذ عهد المجد

ولكم ارتد
ذاك المجد
ياااا لذاك المجد
أندلس ضاعت عند الحد
والأبنوس تقلّص لم يبعد
ولن يبتعد
مثلك يا أندلس الجد
لكنّ غُصّته هاهي فينا
وعند الجد
يجدّ الجد
لا مراكب نحرقها
يا طارق أنت الجد
الآن بلا أولاد أو أحفاد أو محتد
فالغابة والصحراء
يلتحمان يختلفان
وكأن الماضي كان رفدة معبد
فلماذا انهد؟
لماذا انهد؟
انهد!
انهد!
...

ودا ووب بالجد

الصبر طيب يا رجل مهما يكون درب المحل


بالصبر تقدر يوم تحل كل المسائل دون وجل


لو يمكروا ربّك بسهّل يا رجل


مهما يكيدوا الحسبنة بتديك ضُل

من أزهري لي ود خليل
عبود هناك والصادق ودنميري والسوار
والبشير كلهم إتْ ما دايرم
معناتا بس كعكتك بس دايرة
ما تقولا بس من دون خجل ومضايرة
لكن كمان أوزانا ودّيتوها وين ميزانا وينا معايرة
واللاّ القصة بس نظريات مداورة ومناورة
وبعضهم بيقول عنها نظرية للمؤامرة
لكن كعكتنا دي ما دايرة ليها معافرة
دايرة اعتراف من أولا لي آخرا
التاريخ بيكتب ما بفط ويداورا
أو يزوّر بي هناك ويضايرا
للماضي لا شتم لا يعايرا
عليه بس بالواقع في
آخرا، ما مهم لو
كنت زنجي
واللا عربي

من أزهري لي ود خليل
عبود هناك والصادق ودنميري والسوار
والبشير كلهم إتْ ما دايرم
معناتا بس كعكتك بس دايرة
ما تقولا بس من دون خجل ومضايرة
لكن كمان أوزانا ودّيتوها وين ميزانا وينا معايرة
واللاّ القصة بس نظريات مداورة ومناورة
وبعضهم بيقول عنها نظرية للمؤامرة
لكن كعكتنا دي ما دايرة ليها معافرة
دايرة اعتراف من أولا لي آخرا
التاريخ بيكتب ما بفط ويداورا
أو يزوّر بي هناك ويضايرا
للماضي لا شتم لا يعايرا
عليه بس بالواقع في
آخرا، ما مهم لو
كنت زنجي
واللا عربي

كنت زنجي
واللا عربي
واللا كنت إبليس
يا هل ترى ظالماً أو
ناصرا، كل ديل حسابا بس
في الآخرة شئت أبيت تتحاسبن
في الآخرة من محاباة أو ديك مسايرة

لكنه يرتادنا السؤال
إلى أين المآل؟
والعمر دال
والحظ مال

Quote: لكنه يرتادنا السؤال إلى أين المآل؟ والعمر دال والحظ مال

يا عمنا

بس نسأل الله حسن الخاتمه

Quote: يا عمنا بس نسأل الله حسن الخاتمه

حسن الخاتمة عاد من وين يجينا يا محبوب
إن كانت النفوس وازّانا للمشبوب
والشُّبهة التي تقول نجري عليها هَبوب
فصلنا القلب ودّيناه غادي جنوب
نسينا دين الله ودا اللّي جابو لينا كبوب
انقسمت البلد يا حبِّي يا محبوب
ناسو اتفرزعوا راحوا شمال وجنوب
ما بسألهم الله يوم الحساب وذنوب
بتتقّل علينا وخاتمتنا تاني كبوب
-
بتعرف معنى كبوب
يا فديو؟

Quote: بتعرف معنى كبوب يا فديو؟

يا عمنا مش ده ود عم الخبوب

Quote: يا عمنا مش ده ود عم الخبوب

آي ياهو ود عمّو لزم تب

يا شيخ العرب


آي ياهو الخبوب والربوب والجبوب
وكل شي بوب
لكن والله طلعت
بوب وأرباب ذاتو
قايلك يا جعلي
عررروب خرطوم
ساي
دي نحن بنقولا بالرطانة كبوب
يعني كعب
سجم
رماد
نحس
وشين
وخراب سوب

...إلخ.

وعشان ما تمرق مني ساي

وتجيني تاني

هاك التمرات

اتصبّر بيهن لامن تصل البيت

بس الكلام ما موجه ليك لي ناس تانيين:


أنا لا يهمّني من تكون

أو من تكونين؟

ويهمني ما تكتب أو تكتبين؟

فهو الذي يبقى هنا خطاً مبين

إما تكن في الخالدين

أو فلتكن من سبة دنيا ودين

تحيا بها وتموت ضمن الميتين


يعني المعنى يعني

يا وليدي فدياس

يا خي إنت ما عارفو

متى ترمّ عظمي تلك فاكهة الحنين
والفرق بين بين
ولم أعُدْ أُدين أحداً أو أستبين
مثل تحقيق السنين
الوالغات في كدر وطين
يحققون فيم يا حنين
بعد أن مضى عمري واحترقت سنيُّه
كما السفين غاص في بحر عميق كما تيه دفين
ابحث عن التيه الدفين
تجدني أستعين
أكتم السر على قضاء حوائج السنين
أين أنا منك يا بدين
يا خضرةً يانعةً خالدةً على مر السنين
أمّي التي ما غادرتك تستهين
الآن بالأوطان بالأقطان بالكفن المهين
تقول ما الذي بقي لكم حتى هكذا تكابرون
وكل عدو لكم تشاورن
وعلى رايه تستخيرون
كان أولى أن تكونوا مهملين
غائبين
ولا تكونوا هكذا من ضمن غادرين
كأنكم بعض بعض عابرين
لقنطرة كانت هنا مذ غابر السنين

Quote: آي ياهو الخبوب والربوب والجبوب وكل شي بوب لكن والله طلعت بوب وأرباب ذاتو قايلك يا جعلي عررروب خرطوم ساي دي نحن بنقولا بالرطانة كبوب يعني كعب سجم رماد نحس وشين وخراب سوب ...إلخ.

والمعركة قال مستمرة!
بعد ما ناس قالت الانفصال
ياهو حادث حادث
لسا في ناس بهناك بتكابس
كضابين ما يسوا بسابس
هوي يا ناس الطابور الخامس
اقعدوا بغادي وعبّوا ترامس،
أنا شايف خشمكم يابس،
ومافيش حد يحابس حابس،
أصل الشغلة دايرة مكابس،
تفتح ديك البؤرة بسايس،
يعرف يدي لي خيله سبارس
مش برسيم من زمناً دارس.
دي الشغلة بقت فن وتقوم بيه هناك مدارس.
يا ناس الطابور الخامس
حقّكم راح صار حديثاً دارس
ما داير له فهم أو امتحان هناك في مارس
أصلا مارس زي ما قالوا شهر كوارث
كان لي ناس هناك في مدارس،
أو ناس ساكّالها كوارث قبال مارس

ومعركتنا لا تزال مستمرة

مع أهل الووب

لين يجي هيّوب

هو صحيح
لا حياء في الدين
لكن برضو في الدين في الحياء
والحياء ذاته جوّاه في شي لابد يمشي بي دين
للعندو الدين
وما عاد هو في الميّتين



اط آل

اختشي

سعادتك

باكر تلقى سعادتك

واقف قدّام ربّك

حافي وحالق زي ولدة أمّك(أمّك أمّك أمّك)

عريان جت ولا في زول يفكر لك

مافي معاك لا أبوك لا أمك( أمّك أمّك أمّك)

لا أخوك إنت لا خالك وعمّك

ولا إنت ذاتك بس يمكن همّك

ولو كان في يمكن شي من عملك

وقبل أن نكمل الخط السابق

دعنا عزيزي القارئ
نستريح قليلاً

دعهم إذن يتواجدون
واحرّ قلباه على من لهم يتواددون
هم يدركون
وهناً بخيطٍ يمسكون
بل كما لخيط العنكبوت يجرجرون
وهنٌ به هم يدركون
أترى همو يتجمّلون
أم هم واهمون
إذ ينسجون خيوط وهم
لخطوط الطول والعرض المنون
عبثاً به يتمسكون
لا يرعوون

ومع هذه الاستراحة مع

العاشق خالد شقّوري

يخاطب المغتربين الناجعين:

سايب اهلك ونخلك راحل قول وين ماشي وين آ صاح
الشمس النايري ابت تطلع النيل يا زول اصبح رحراح
الضل قصر ما غتى رويس ولدا ساكب عرق الكتاح
الواطة ابت تديك الخير ولا انت عليك ما هابي رياح
***
قولي وين ماشي ووين غاشي ولي شن سايب بلد الصلاح
النسمة ان جاتك بتجيك ملياني عبير عند الفياح
الموية ان داير تلقاها نقاعا واطيب من الراح
ان درت نغيم الموج تلقى وان درت كمان الطير صداح
***
ارجع ارجع يا زول ارجع
الضحكة هناك من جوة الجوف الفرحة هناك ما فيها الخوف
الشقى ارحم في ضل النيم وبعيد من ناسا واقفة صفوف
جم ناس حبان تلقى المكسور مشيول في كتاف واحد مكفوف
الجن الاحمر فاقد الحيل في خلوة حاج الخير مكتوف
دكان الشيخ فوق الواطة كيمان كيمان ما فيهو رفوف

تخذتك في فؤادي سلّماً أرقى به
أروم دوماً مغنماً
لكن قلبي من رانِه لم يفهما
أو يتفهّما
فأطبق السواد جوانحاً وعمّما
فضاقت الدنيا علي أعمى لعيني وغمّما

..
.
كدا وووب وكدا الروب

-------------

سلام يا اوبوشيمة

يا تبلدينا الضل الفينا

مويتك تروي العطشان تروينا




والله الرّوب ذاته قلناه وقالوه
يا قدلة العمم الهمام الناس ما نسيوه
تسلم أبوي ويسلم ليك كل الفته والفاتوه
بي قصد أو من دون قصد فطّوه
الحق ما بروح وكتين أهل طلبوه
حليل وكتين مسير وأقوك زمان رفضوه
حتى الانتخاب اتنازلو وخلوه
سلام جانا معزولين من أخوي وأخوه
في صومعة الزهد اتوهطنا والناس ياما بهناك ضايقة حلوه
طلتك جابت لي العيد النسيت لحلوهو
يجزيك الكريم ويتم ليك حلوه
كل عام وإنت تتفقّد لربعك وتخفف كمان لجروحو
وبجيك تاني كان ما العيد ضايقني بي خروفو لحوحو
يديك العافية وتسلم

يا الغريب الفاري يللا لي بلدك


بس وراك شوف الدنيا كيف خربت


حالة الأولاد شوفا كيف صعبت


وإنت فاري هناك يا حرام فلتت

هذا الموسم من مواسم




العودة ...



باكر تلقى سعادتك واقف قدّام ربّك
حافي وحالق زي ولدة أمك
عريان جت ولا في زول يفكر لك
مافي معاك لا أبوك لا أمك
لا أخوك إنت لا خالك وعمك
لا إنت ذاتك بس يمكن همك
ولو كان في يمكن شي من عملك
بس واقفين ياكا إنت وعملك
مذهولين حتّاه عملك
بعاين فيك وأوراقك وقلمك
ويقول ليك آزول شن فهمك
ليش ورطني معاك في ألمك
وقفتنا تطول وملخبت عملك
شن تحدر لي أنا منك ولك
حتى هنا كمان داير تبقى ملكلك
دا ياهو ذاته بي غادي هلكك
غلطت كتير على ناسك وأهلك
ولسانك دي ما ياهو الـ هلكك
كان متبري كمان منك من نفسك

كل عام والجميع بخير وعلى خير وفي خير

وينك إنت وين داك محلك
ما خلاص كان خيلك جفلت
وخيلي كمان ويّاك زي جفلك
ما عارف كيفن توصلّك
أصلك خاتي على عيونا مُحلّك
توب بسواده ياما ويحلِّك
ظلمة ليل لي جبينه يدلّك
وأنا ما مثلك كل يوم متدلّك

كان دار أبوك حرقت
شيل لك شلية وفرتك
والحارة ما مرقت
ست الدوكة ما عركت
هاداك عجينا لبك
قدر ما جرينا الكمشة ما جفت
ومنابنا من هبرات ختفوها ما استنت
واتقسمنا وادينا وغنمنا ما سرحت
زرّبنا كيماننا وهبوبة جات عصفت
لا الكوم فضل يا خوي لا مويتا همدت
الأخضر اليابس ما كلها انجرفت
واليانكي لي حقه اتدلى بالهلكك
قسم عويناتك ما بقيتا في لككك
أسد الكزاز ما مات ذكراه ارتبكت
وندمت قال يا زول من فعلتك ولكك
والتضحيات راحت في حلتا الحرقت
شوفولها قطية غير حقتا الحرقت

لو إنتو دايرين جد لي حلتا الحرقت
والهبرة لو دايرين شيلو النضافة جتت
كان ديلا ما هامين في الفيها واتلهفت
استنوا يا يابا لو عازة اتلفتت
أو لو تعبّّركم بي طلّتا وتربت
على كتافينكم أو راس يتيم هبشت
ما إنتو دي ل جانين والحارة ما مرقت
شليل هداك ما راح بس عازة اتلهفت
قسمتوا واديها لي كم حتت وحتت
جنوبكم الغاشي وداك الغرب ماشي
والشمس ما شرقت وبقيتوا بس قايلين لا لا ما لفقت
القصة ما لفقت
وست الدوكة بي صحها قامت مرقت
شالت مواعينا من الفجر نجعت
سابت رواكيبا درب الشمال سلكت
حتى المسالمين ديك نارم خلاص ولعت
والكل بقى في لكك
لا بفرا لا هو سمكك
خليك مستني لا خيل هناك عركت

يا التاعبين رويح
سوّيتو ليها القيح
بي كترة سواتكم
لي كل شي قبيح
هل ممكن في يوم ز يدا
فضيل ووجهه صبيح
تشيلو الدعا وإن كان
تروح للريح
يا جابتا الفرجة
يا الروح دي
تبقى ذبيح

لا خيل هناك عركت
لا عصيدة اتعلكت
خليك بس في ديك
ونضالك البكريك بي دوم بقى يسليك
لا من يسل روحك
في نومك اليمديك
ونخلك التكفيك
وقوم صيح خلاص يا ديك
للآخرة بتوديك
صيح صيح خلاص يا ديك
الآخرة بتناديك
وإت شابك بس في ديك
أنا حقي ما بديك
وبشيل كمان واديك
والقصة عيك في عيك
والسلمة درب البير
والبير بشيل عفريت
لكنه ما بيشيل له زول عكليت
ولا بدي حق الزيت
والحارة ما مرقت
والعازة في الكبريت

السودانيون

وكل المسلمين

في مشارق الأرض

ومغاربها

كل عام وأنتم بخير

Quote: والسلمة درب البير والبير بشيل عفريت لكنه ما بيشيل له زول عكليت ولا بدي حق الزيت والحارة ما مرقت والعازة في الكبريت

والحفرة والدخان
ومهانة الإنسان
الكان ندي ونديان
واتفرزن الكيمان
والعند أخوي عندي
تب ما بقيت إنسان
سرحان كدي وسهتان
ومسبة للأكوان
واتفرزت الكيمان
والزول بقى الأسيان
يا خليل زمانك كان أفضل من الكيمان
ديل البقن ريقان
من بوش لأوبامان
ويامان خلاص يا مان
خليها ترفع شان
تديك كمان نيشان

في العيد آآآزول؟!



قال لي محبط أخاك لا بطل
بعد أن شارفت قربه رحل
يقال لي قم وارتحل
فقد وقع نصيب بيتك في غير ذا محل
فبعد أن صارت الولايات تهفو أو تنفصل
فما عاد موقعك من الإعراب هنا يا رجل
إذن قم وارتحل
هناك تجد استقبالاً حافل
وأكل فلافل وبعض خل

آآآآآآخ

امشي اشرب ليك شربوت واكل ليك عنكوليب ونوم

يا أخي إنت رائع يا شيقا!

كل سنة وإنت طيب يا الطيب

Quote: امشي اشرب ليك شربوت واكل ليك عنكوليب ونوم

مسكين أنا الما أكلت عنكوليب
ولا أقدر كمان اشربه دا الشربوت
أصلي من الحلوين ديلاك يا حبّوب
كنت فاكرك حتقول لي نمشي الجنوب
بي فيزا أو مع مسنوح أدوب
لكني آآآخ فات الأوان وغطّوا لي كل السهوب
بي شي مجنزر أو كروب
يمكن تكون أقرب كتير لي ديك حروب
ما فاضل إلا إني أزيدا وووب
يا لطيف من القلوب
البلد راحت في كبوب
ونحن نعضعض في الطيوب
وكمان نمزمز بي شي شربوت وعنكوليب
والمصانع مافي مانع لكن في ووب
ودكتورنا داك سوّاله روب
زيّك يا مسنوح وهوب
مولانا فوّتنا الدروب
سكر شديد
من دون
مشروب
يا مستشار
قول لي وين؟
وين الخيار نبقى من ناس
كاك ووووب؟
وللاّ نرجع للدروب
من تاني ونزيل الشحوب
أحي ووووب
قلناه روووب
يا ربّي فتح للدروب
نرجع زمن أول نتوب
للطيبة والتحنان نؤوب
ونجافي هاتيك الحروب

جاري من جوة وبعيد

باديها من أول جديد

راكب لداك راسو العنيد

وعمرو ما شاف ليه عيد

من شوقه ختف لي بريد

بريدو أو ما كان بريد

ناشر لأخبار لي شريد

الموت حق
تفاصيل الحساب لمن لدية استطاعة للمساهمة في العزاء
اسم المستخدم
Den Sudanesiske Foreningen i Norge

رقم الحساب
12540542021

عنوان البنك

Cultura Sparebank
Postboks 6800, St. Olavs plass, 0130 Oslo.

للاخوة داخل اوروبا وامريكا
IBAN-Kalkulator
IBAN nummer
: NO3812540542021

والسوفت كود للبنك

Cultura Banks SWIFT/BIC: CULTNOK1

مافيه شق

ولا حتى طق




رحم الله سمندلاوي

كلنا كدا ليه؟

إنتو ما الكل هنا هتيفة
منو الفيكم يوم شفناه جد جد شايلاً سيفا
تشتموا بعض بالزيفا
وكمان جيفة
وين العفة يا فيفا
ما كله كلام صدر خوفا
للما قادر أبداً يعبّر إنه بيشوفا
أو يقدر يقوم صوفا
يسوي في نفسو معروفا
كمان يدفع لمصروفا

وحين يغني الناس لأقزام
ما فعلوا شيئاً غير أن أهالوا تراب
الخزي على جبين هذا الإنسان
وارتكبوا كل فاحشة سيان
ما بين الغفوة والنسيان
وبين الغفلة والحرمان
وبين نكون أو ما كان
فقدت علاقتي الأولى والأوفى والأغلى
لكن ما عاد إلى الإنسان بل النسيان
ومحاور أخرى في معمعة تدعو إلى الغثيان
كم حاولوا سرقة التاريخ من براثن الطغيان
وفشلوا وليس فيهم أسيان
ولا عزاء ولا سلوان
لكنه فقد اطمئنان
ومافي المهرجان
صار بلا عنوان
إذ أقفر المكان
والخيل الجافلات صرن بلا هديان
تركته يستغرق في وحدته يجتر هذيان

ياخي هو إنت
إما إنت يا بلاش
يبقى رايك وللا
غيرك بس طناش
معناها إنو إما إنت
وللا ما عاش
طول عميرك
راكبه راسك
ديمة داش
ياخي اصحى
اللي خلقك
أدى غيرك اندهاش
الدنيا ما دامت لزول
يوم مصيرك في دهاش
ابقى خيرك ديمة
للناس هاش باش
تبقى زي مطراً دعاش
أو أقلها تبقى زي مطراً رشاش
تبقى فقري
بِعدِّي فقري
تلقاني برضك
فيمن عاش وعاش
يا زول تواضع
تبقى ذكرى
ويذكروك في اللي عاش
لكن تكرضم معاه تقرضم
يعني إيه ما كله ماش
بكرة تبقى لحظة بس
نظروها ليك في اندهاش
لكن تكون ديمة في غلبة
هو باله سلبة
وإنت ما بتسوى داش
اصلو حرفك إما
ينعش
إما يدخل كمان
في غرفة إنعاش
عالجه أسلوبك
من كلام زي الدراش
بدوب بسرعة
يصفوه ليك في قطعة شاش
ما بتطلع منو غنوة وللا دوبيت
لمن دا شاش
خلينا نستمتع بكلمة
تسوي للزول اندهاش

يفرح بجيتك يلاقيك
كم هاش وباش
مش يختوك في خانة واحدة
مع ديلك أوباش
--
لو سعيت لاصلاح دا إنت
يقولوا ليك ما إنت زفتة
--
نسوي شنو مع ناساً بنحبهم وهم يكرهون
ونودّهم وهم يجمحون
نقالدم وهم يجفلون أصل القصة لون
ويفرق معاك في كل لون
حتى العيون مي ياها ديك العيون
العرفتك والشافتك سوت فنون
قول لي بس بالله كيف يهون

شوفوا القبضاي
سوى الحاحاي
ولما قبضوه
قال البايباي
فوا أسفي
يا هو دي أساي
حلفت يمين
ماسرق باباي
ولا شيتاً سموه
الشاشاي
ما ياني أنا
ياهو الهبباي
فوا أسفاي
إن ما جيت
من زي ديل
فواذلّي ويا دوناي
ويا خوفاي ويا حيفاي
على بلداً صبح بايباي
وعلى ناساً يزيدوا قساي
وطّو رويسي غلوه دواي

هو دا روب وللاّ ووب

لو السهل صار ممتنع
كافينا داك شغل اللبع
لا شاف كمان لا هو السمع
ولا درى ولا ياهو داك المقتنع
إنه السهل دا ممتنع
ست الودع
ارمي الودع
يمكن دا زولك يقتنع
إنه حوا والدة يا ورع
الله البيدي لي كل جميل أو مفترع
ويقولوا الزول ما جدع
لازم يسويها البدع
ونجمو فوق الناس لمع
ويضوي زي شمع الشمع
والزول يكون عصي دمع
ويشيل وجع
فوق الوجع
يحقن دمع
لو ماتوا ليه يشيل يرتجع
لامن يزيد فوقه الوجع
لين ينفجر حتى لو كان في الأسر
ما يرتدع
لامن يبدع للبدع
يزيد وجع
يضغط على الجرح الوجع
لامن أقول له بالله دع
الشاة دي مذبوحة وجع

صباحات شوقنا بي خيرن

صباحك طلت الياسمين

وكل عيد وانت العيد

سلامات يازول يارائع

Quote: صباحات شوقنا بي خيرن صباحك طلت الياسمين وكل عيد وانت العيد سلامات يازول يارائع

تسلم يا جميل

ويسعد صباحك

ومساك

كل أوقاتك

ويجبر بخاطرك

ليك حق

ما إنت زي

شجرة نخيل

لو ما وجود

زيك هنا


كان نفوت

لي ضل ضحى

وفنجان

جبنة

في ترب

أو في

سلا

وإنت الجمال

وإنت الحلا

يا صفوة


يديك العلا

لك كل الود

بس في

الكورة

لا تقول

ووب
ولا هو

الروب

وخليك

دايماً

زولاً حبوب

لكن نحن

خلاص

قلنا

الووب

لم أكن محظوظا بمتابعة هذا البوست من أوله لكن راقني حينما تابعته في الصفحة الثانية . وأكثر ما لفت نظري ردودك الشعرية المرتجلة في حينها والتي تعمق الثقة في نفسي بشاعريتك الفطرية والمتكئة على معينك المترع بالروعة .. سأشحذ همتي لاحقا بعد الدخول في الفورمة .. وإلى ذلك الحين لك ودي ..

Quote: لم أكن محظوظا بمتابعة هذا البوست من أوله لكن راقني حينما تابعته في الصفحة الثانية . وأكثر ما لفت نظري ردودك الشعرية المرتجلة في حينها والتي تعمق الثقة في نفسي بشاعريتك الفطرية والمتكئة على معينك المترع بالروعة .. سأشحذ همتي لاحقا بعد الدخول في الفورمة .. وإلى ذلك الحين لك ودي ..

صفحة أولى تانية

تالتة
كل الفصول يازول مايهمك

مرحب حباب بمعلم الأحباب

المهم إنك جيت وشرّفت

ولو إنو ناس السياسة كووووووووولهم

مجافيننا

ونحن بنتعذب عشانهم
هاك شوف عذابنا دا
أنا بس خايف أتعذّب
وللا كمان أقوم اتمقلب
كل عملنا يقوم يتشطّب
ونبقى في ويك واك ونتشقلب
نكون لا شفنا حساب ولا اتضرّب
ولا اتلافينا عتاب ونتذهّب





أنا جد شاكر تشريفك لينا

إن شاء الله نجيك في المسرات

وما تشوف شر ياخي

قلنا يا فتاح أحسن نستأذن سيد الدار عشان ما يقولوا سراق فوق للسور تلب ... وعشان ما تدوني في راسي كع كاع ولا بهجائكم أتأنب ... .... جيتكم خاشي توش وشوفوني تاني كان أطلع واتمقلب ...... 0 0 0 0 0 حبيبنا فتاح شكرا على هذه الحديقة

Quote: قلنا يا فتاح أحسن نستأذن سيد الدار عشان ما يقولوا سراق فوق للسور تلب ... وعشان ما تدوني في راسي كع كاع ولا بهجائكم أتأنب ... .... جيتكم خاشي توش وشوفوني تاني كان أطلع واتمقلب ...... 0 0 0 0 0 حبيبنا فتاح شكرا على هذه الحديقة

مرحب حباب محسن


يا حبيبنا يا محسن
إن شا الله يوت تحسن
أصل الولف كتال كاتلني إن أحسن
طلاتك السمحة ما بقت تبيّض سن
إذنك معاك ما إنت سيد الدار
خيرك علي مدرار
عدّل لي كل مسار
وراك بقيت محتار
كيفن هجينا الجار
ندمان وسافي تراب
من ورطة الأقدار
الباب دا مفتوح ليك مالك تتلب دار
أديك فوق الراس
أفي علي وحسار
تاني لا في هجا لا حرف
يمرق على الدوار
بس اتوصى بالموضوع
والجرسة في كوع بوع
نحن النسويها بعدين نقول مبيوع
أحوالنا ماتعجب دي الباقي ليها ذيوع
فضحتنا في الدنيا وبقينا فيها شيوع
يا رب تهدي السر والبلد تقول مرجوع
طلقانة دي الصارت وهناك كم موجوع

يا فتاح الشغلانة بسيطة ما تكبر الموضوع ... بس انا متحسر من عدم دخولي بدري وموجوع .. ومن وقت دخل اتحكر في قلبا زي التكني لي زمن مزروع ... .. رويت من ملح الأرض و رتعت فيها رتوع .. .. وطلاق جعلي ما بعرف الميل الإنقلب في محلو مرجوع .... ... أخوك أنا يا فتاح يا الراكز يا الماك مهلوع

Quote: يا فتاح الشغلانة بسيطة ما تكبر الموضوع ... بس انا متحسر من عدم دخولي بدري وموجوع .. ومن وقت دخل اتحكر في قلبا زي التكني لي زمن مزروع ... .. رويت من ملح الأرض و رتعت فيها رتوع .. .. وطلاق جعلي ما بعرف الميل الإنقلب في محلو مرجوع .... ... أخوك أنا يا فتاح يا الراكز يا الماك مهلوع

الحبيب محسن

مش برضو بتقولوا كدا للإمام


ههههههههه


-






أنا وين لقيتك لامن آباك
ما تبقى حساس
زول نعاس
خليك مصحصح زي دباس
منو القال أنا ما فهمتك يا سيد الربوع
غير كتير ماسكاه الشلل وشغل السياسة اللي بقت ما عندها موضوع
أنا فرحان بي جيتك من قبل الشروع
ووقعت لي في جرح مع إنه كان موجوع
نطّطتَ فيه وبلبعت فيه لا ما شفيته من هذي الوجوع
أنا ما كبرت لا صغرت دي طريقتي في متابعة الموضوع
عاملة لي مشكلات مع ناس كتيرة ضالعة فيها ضلوع
وما تتحسر الجابك يجيب عقابك من أهل السياسة أو ساي من أهل الربوع
وبعدين ياخي عندك الكلام السمح دا مالك داسيه ف ضلوع
امرقوا ياخي والله أحسن من وجع السياسة البقت ما ليها موضوع
أنا غايتو كان السودان انفصل ما يجيني زول لي صوت وللا بيوع
بشيل سوط وبدرعه في ضهره لامن يبقى موجوع
ز يزول البطان الجانا مسروع
من دون حبل المهل ذرّوه لاسبوع
زي عيشاً مشتت خربوه في المشروع
فاكر القصة ساهلة واتملا في سره بي دموع
وإنت ليك زمن في قلبي مشتول ومزروع
هييييع ارتع يا بطل زي ما تريدو رتوع
وكان للطلاق أنا قاصد كونه الجنوب داير يطلق عزة من غيرها مرجوع
زي اللوري غرّز في وادينا داك السموه أبو ضلوع
ناس ساي تتجاعص عشان مصالح ودفوع
وين الناس لو شاربين ملح الأرض ماكانوا بقوا في شرا ومبيوع
الباع البلد وين تاني يلقى شموع
وكيف يضوي ليله ونهاره صار مذيوع
خباراته المشت ساحت ما خلت جبل مسكينة ما اتعرفلها كوع من بوع
ومسكين زولي صار سُبة زمانو والعرض مخلوع
وداك راح الأمان الكان وفعلاً حسبوه في المهلوع
وجاتنا الحروب من تاني تقول أسبوع وراه أسبوع
واتشحتفت النفوس ما لاقية أي شفوع
واتشكلو الجماعة في المجموع
وبقينا نحجّز فيهم ونبكي ليها دموع
لكن وين مع ركوب الراس الماله أي موضوع؟
وجابولنا اليهود شان يعيثوا فساد ويشيلو مويتنا البقت موضوع
واللي بيجو من أبواب وأبوابا خلفية يا ما شاعوا فيها شيوع

كلام في السلك طالع نافورة من ينبوع ... بس إن شاء الله يصادف أذن واعية ويكون مسموع ......... وكل زول مليان خوف يزور حروفك بتهدي الروع ...... وكل سقيا ما بتروي عطش بلادي كاسا محرم علي وممنوع ... وتعالوا نتوحد ونبقى للوطن ضد أي دخيل حماية ودروع ....... ومتين نبدل خصامنا إلفة ونحقق حلم مشروع ؟؟

Quote: كلام في السلك طالع نافورة من ينبوع ... بس إن شاء الله يصادف أذن واعية ويكون مسموع ......... وكل زول مليان خوف يزور حروفك بتهدي الروع ...... وكل سقيا ما بتروي عطش بلادي كاسا محرم علي وممنوع ... وتعالوا نتوحد ونبقى للوطن ضد أي دخيل حماية ودروع ....... ومتين نبدل خصامنا إلفة ونحقق حلم مشروع ؟؟

ياخي إنت رائع

هاك اتسلى بي دي

لغاية ما أحضر ليك رد:




دا موجه للجماعة إياهم:

وكتين الله عرفو بالعقل
مالمكم مساليط بالفعل
ما تسوقوا ياناس بي مهل
خلوكو من شغل الغفل
دي الدنيا ما دار تنشعل
والنار تهب صعب الفعل
ماهي وكتين تشتعل
ما بتخلي زول ولا سهل
حتى البهايم في جفل

أخوي فتاح ردك قبل ما تقولو وحاتك إت لي وصل ........... معزوف بي ربابة حنينة والله أحلى من الزجل . ........... ....... سألتك بي ربك حروفك قبل ترسلا قاعد تعطنا في عسل ؟؟

Quote: خوي فتاح ردك قبل ما تقولو وحاتك إت لي وصل ........... معزوف بي ربابة حنينة والله أحلى من الزجل . ........... ....... سألتك بي ربك حروفك قبل ترسلا قاعد تعطنا في عسل ؟؟

خوي فتاح ردك قبل ما تقولو وحاتك إت لي وصل ........... معزوف بي ربابة حنينة والله أحلى من الزجل . ........... ....... سألتك بي ربك حروفك قبل ترسلا قاعد تعطنا في عسل ؟؟



يا أخي دا إنت اللي
بقيت بتنقط في العسل
ما توريني بس إيه الحصل
يا أخي كنت شايف شي وهسي في
شي تاني بيعتدل
أنا لا عسل ولا بعرف أقول زجل
أنا بس كان ردت زول حبي ليه بس ينفعل
ما بهمني إيه البيحصل والحصل
بس ديمة بشوفوا زول عسل
بس عليك الله تاني ما ترجع لي داك بصل
قول رايك زي ما تريد لكن يكون بس في مهل
الدنيا شن فيها العشوق غير كلمة طيبة تقوم تهل
وتنوره داك الطريق لي كل ضهبان في السهل
ويحبو فيك كل الأهل
ما شفت الزول وكتين انتقل
الكل رادو وابتهل
والدعوة جاته زي حُلل
كل الأهل كل الطيوف الراحلة والماشيات زحل
والكل كان زي الأهل
وأكتر كمان من الأهل
والبشهدوله وكتين ينتقل
دي شفاعة جاته من دون خلل
كلامي ما موجه لي أخوي بس للكل وكل
ديل البتاوقو وخايفين يدخلو في مهل
مع إنو ديمة بنقول أهلاً وصلْ
وسهلاً دا حلْ
ما يا أخي
إنت زول
فُلْ
وفايت
كل العسل
وزينة للخير الوصل
بقيت بتتفقد أهل
ما خاتّي شيمات
بيني بينك شان
ما تغرق وبس تصل
بس خلك ماشي في الخط
الجديد وراح تصل مهما حصل
وإن شا الله ياربي تصل لي كل مناك من دون علل

يا أخي دا إنت اللي بقيت بتنقط في العسل ما توريني بس إيه الحصل يا أخي كنت شايف شي وهسي في شي تاني بيعتدل أنا لا عسل ولا بعرف أقول زجل أنا بس كان ردت زول حبي ليه بس ينفعل ما بهمني إيه البيحصل والحصل بس ديمة بشوفوا زول عسل بس عليك الله تاني ما ترجع لي داك بصل قول رايك زي ما تريد لكن يكون بس في مهل الدنيا شن فيها العشوق غير كلمة طيبة تقوم تهل وتنوره داك الطريق لي كل ضهبان في السهل ويحبو فيك كل الأهل ما شفت الزول وكتين انتقل الكل رادو وابتهل والدعوة جاته زي حُلل كل الأهل كل الطيوف الراحلة والماشيات زحل والكل كان زي الأهل وأكتر كمان من الأهل والبشهدوله وكتين ينتقل دي شفاعة جاته من دون خلل كلامي ما موجه لي أخوي بس للكل وكل ديل البتاوقو وخايفين يدخلو في مهل مع إنو ديمة بنقول أهلاً وصلْ وسهلاً دا حلْ ما يا أخي إنت زول فُلْ وفايت كل العسل وزينة للخير الوصل بقيت بتتفقد أهل ما خاتّي شيمات بيني بينك شان ما تغرق وبس تصل بس خلك ماشي في الخط الجديد وراح تصل مهما حصل وإن شا الله ياربي تصل لي كل مناك من دون علل

آسف القوقل كروم بيلخبت الشغل؛ أخير البطئ داك


المهم لك الود كل الود

وبرضو تقول لي ما عندك علاقة بالزجل .... صدقت لأنو الزجل من حروفك اندس وخجل .... وحتى القمر من سماهو اتواضع لي جمال قولك نزل .......... وخريف حروفك هطل بي خيرو وابل مرة ومرة طل ........ بالله عليك في حلاوة أكتر من كدا ولا في عسل ......... مشكلتي إني فقير حرف ولا كان مليتك مدح ومليتك غزل ...... عذرا يا اخوي حرفي قصير لي سماك العالي ما وصل ...... .... وقبيح القول عهدا علي فارقتو فراق الطريفي للجمل ..

Quote: الطريفي للجمل ..

هو طريفي دا
ماله فارق للجمل
في التربية ما بنقبلا
زي هذا قول
أصلاً بأصّل للكسل
أمثال كتيرة
معشعشة من دون علل
نحن ديمة مفترض
نعيش أمل
مهما حصل
واليأس ما نفارق لدربه
ونسكّو داك الاسمه الأمل
هو طريفي
جمله حتى كان سرقوه
دا زي بوستيك داك
حق الأمل
إنه الأهل
يشوفوا حل
ويتلموا
في قدحاً كبير
من غير حِلل
شابكلي كل واحد حلتي
لا دا صحني وديك
حلتك
زي لخبتة رمضان داك شهر العسل
شبكونا ودّرنا الأهل
العاشوا فينا سنين طويلة
ما بتستقل
شن تستقل؟
هم كانوا عبيد هنا
شان تستقل
أصلا زمان
استعبدونا الإنجليز
قلنا لازم نستقل
لكن هادول
كان مستعبدم الأزهري؟
ولا الإمام؟
واللا النمير؟
أم ذا البشير؟
ياخي الفهم
داير له
حل
يسمعوا
كلام يهود الأمريكان
ناس بوش وناس ريقان
حتى الوليد الجا جديد
استبشرنا بيه
صار هو ذاته
داير ليه حلل
آناس ما تخلوا
ووب
ومعاه روب
ورونا بس الـ حيحصل
والحصل
بكرة بتبق نارنا
ونتفق
وراح نلقى حل
وحتعودوا لينا
من دون قفل
للمخ
ولا يتّربس فعل
حترجعوا
وراح تندموا
زي ما ندم
زول الأهل
لما غفل
عن الأهل
وبناله
داك التاج محل
إنت طول عمرك مكسل
سايق المهل
قاعد
بتشرب في مريسة
في السهل
طول عمرك
لا دار تفتش
لي جمل
ولا الطريفي
ذاته
ما بحاول يصل
الياس ضرب
أطنابه
في كل الحلل
الناس جميع
دايرين
يمسكوا
بس في عضّة نمل
ياخي مالخير كتير
بكفي الأهل
والجانا من
أيتها محل
مالكم تدورولنا المحل
تاني بتدور ديك حروب
والناس مشتتة في السهل
يا ناسنا وين شغل العقل
لا طلعتوا فتشتوا الجمل
ولا كمان مارقيننا من دا المحل
زراعة طب ما بتهل
حتى المشاريع الورثناها
صارت في محل
داك المرض
ودي الجهل
ونحن شابكين
بس جدل
في بس جدل
يا الله
تنجدنا ونصل
نمرق هناك
لي ناس وصلوا لي زحل
ونحن نجتر ذكريات
لا بتجيب سمن
ولا داك عسل
نحلم حلم
ونضرب لجرّتنا
العسل
ويندفق
السمن ومعاه العسل
يا ربي بس فوِّقنا
حتى إن كان زرعنا
بس بصل
حتى البصل
يا زول مفيد
بغنيك من كمّين مرض
وبفرز لحل
ويزيل علل
لكنو وين
داك المزارع
البيزرع
بي مهل
كل الشباب
جارية التصل
لي درب الغنى
من دون خلق
خلقاً يوهل
بي مهل
شيكات تطير
والناس دي طير
تجري وتسير
في درب سجناً
مافيه لا ماء نمير
ولا تشم فيه الهوا
دي الكسل
ولا تحصل لي جمل
ولا تواسيه
طريفي داك
الكان من أهل
وكان زول أصل
أما البشارة الجبتها لي
زيها أبداً ماحصل
فرق الطريفي للجمل
كان ببقى ليك هو المثل
قبلته وكتين
بقدر يجيب لي كل حل
وزي ما قلت ليك
الدنيا شن فيها
خربانة أم بنايا قش
وعمرها ما فيها غير غش للأهل
مرقت تب
وأكيد تصل
لي كل هدف
ختيته قدامك أهلّ
ومرحب حباب
زولي العسل
دي طلّتك عندي
بالدنيا
بقينا أكتر من أهل

النقول ليك شوية عن حال العاشق المحروم ....................................................... يقوم من نومو يتصايح يتباكى ويتنايح ويفشي سرو بي كلمة ويقول لكل الأمة .. ما النجمة ديييييك زولي البحبو ......... نادوه لي أتهنأ بي قربو ........ ما هو الحنين البعزو وبفتخر بو ........ بريدو من جواي ريدة ما بقدر أوصفا .............. لا بالقول و لا بالكتابة ما بنصفا .... .... حاولت كتير أدندن وانقرش على وتر الحب كان ريدتي أقدر أعزفا وكان ريدتي أقدر أعزفا وكان ... وكان ..

Quote: النقول ليك شوية عن حال العاشق المحروم ....................................................... يقوم من نومو يتصايح يتباكى ويتنايح ويفشي سرو بي كلمة ويقول لكل الأمة .. ما النجمة ديييييك زولي البحبو ......... نادوه لي أتهنأ بي قربو ........ ما هو الحنين البعزو وبفتخر بو ........ بريدو من جواي ريدة ما بقدر أوصفا .............. لا بالقول و لا بالكتابة ما بنصفا .... .... حاولت كتير أدندن وانقرش على وتر الحب كان ريدتي أقدر أعزفا وكان ريدتي أقدر أعزفا وكان ... وكان ..

يازول إنت مشيت على بوست اسمه الحب
وقعت بي غادي رب
وجايي بهنا تجر الروب والووب
ما كفاية ناسنا كتار قالوه داك الروب
وسوولنا كم حي ووب
والردحي صار مسكوب
وقتين قلب يتراجف واقف حد المحبوب
يبقى المسائل فاضت وفاتت حدود الووب
ما بمرقك منها تاخد معاي مشروب
مارقينه من جوة جوة القلب محبوب
مليان بعاطفةً سميها بس مشبوب
يا ريت دا لو كان في وفي كل البلد مصبوب
ما كنا قلنا الروب ولا كان شغلنا الووب
كان بنينا من أول شيتاً فدا المحبوب
وما كنا فارقنا لي داك وطن مربوب
من قمنا تبينا سووها لينا حروب
ودايرين يقسموها ويشيلوا كل طيوب

والعشق للأوطان
دايم مدى الأزمان
أهل المصالح ديل
قاعدين حدا الديوان
عايزين يحرمونا
كيف نكرم الضيفان
دايرين مصالحهم
مايهم بني الإنسان
يفترقوا ويغوروا
في أسرة في الميدان
واحد من بيت واحد
راح يبقى في النسيان
والتاني قاعد لي
أصبح من الضيفان
كيفن تلاقيهم
وإت باني للجدران
زي إسرائيل ما سوت
لي أجمل الأوطان
مسرى الرسول الكان
مهبط جميع أديان
يا حليلنا ما رحنا
وغشينا دا النسيان

يا عازّة

ووب على امك

ووبيــــن علي

كيفن نتوه يا الحبيب ونحن بني السودان .. ... صدورنا قبل دورنا مفتوحات لكرم الضيفان .... ... بالعز نتباهي فوق عديلنا وكل سمح لينا عنوان ..... نتخاصم ونختلف ونتصافى ونرجع تاني أخوان .... نشمر سواعد الجد ونبنيه سو ى السودان .... ياربي تهدئ النفوس وتوحدنا أفارقة وعربان

الكلام ما ليك يا مليك
إخوانا ديل كان انفصلوا ما بقوا الضيفان
والاسمو كان عوج الدرب
مابقى من ناس الدرب الأعوج
داير يخرب للكيمان
بنادي في خليل عشان
يدخل الميدان
وأهلنا الفي الجنوب
بقوا ينادوا لي ناس الحروب
ويخططوا للمهرجان
داك مهرجان الدم ال########
وينه الكرم في ذا الأوان
ياهو دا الهرم على جبيننا الليلة بان
وبدل فرح جاك أفعوان
عمال يحرّش ال########
هو ما اتعود يظهر يبان
زي ما خاف هناك من غرقد
هنا موقف ديدبان
يا لسخرية هذا الزمان
يا ولدي يا محسن
أنا بقيت تعبان
من ظلم ذوي القربي
من ذلك الشمتان

لك كل الود يا جميل

لو السهل صار ممتنع
كافينا داك شغل اللبع
لا شاف كمان لا هو السمع
ولا درى ولا ياهو داك المقتنع
إنه السهل دا ممتنع
ست الودع
ارمي الودع
يمكن دا زولك يقتنع
إنه حوا والدة يا ورع
الله البيدي لي كل جميل أو مفترع
ويقولوا الزول ما جدع
لازم يسويها البدع
ونجمو فوق الناس لمع
ويضوي زي شمع الشمع
والزول يكون عصي دمع
ويشيل وجع
فوق الوجع
يحقن دمع
لو ماتوا ليه يشيل يرتجع
لامن يزيد فوقه الوجع
لين ينفجر حتى لو كان في الأسر
ما يرتدع

مت بغيظك وازدد حقداً
لا لن تنال حظاً سعداً سعداً
بل ستظل للمجرم رفداً رفداً
وتعانقه وجداً برداً ودّا
فلتهنأ بعكاظك وفداً وفداً
لن يمسكك أو يحدّك حدٌ حدّاً
لأنك لن تنجز منه أو له وعداً
فمن لا يملك لا يعطي عندا
فارقت لحرية إذ صرت عبداً
لأوامره ونواهيه معاً أو ضدّاً
فاقنع باستعباد جدّ وجدّ
تتوارثه جيلاً ولداً وآخر جدّا
ولن يقوى لك زناد زندا
فقد اخترت سيفاً هندا
فلتهنأ يا جون برفيق رفدا
حتى تتجاوز هذي الشدة

ووب

يا قبطان الزمن الأول
رحت لوين ما تقول كلمني
كان تاني في قول
قول كمان حلّمني
وين سفر الزمن القالوه قبيل
بين الماضي وهدا الحاضر
أما المستقبل فدا مجنني عشان كدي بسأل
وين رايح مني
قام فارس الزمن الأول قبّل مني
كأني مجرد زولاً كنت بغني
أو بحلم ساكت أو كت متمني
أنا ما بتمنى دنا عشت الواقع
عطرتو بفني
لا تفوت كدا ساكت ولا تجاملني
قول لي حكاية سفر الزمن الطوّل وسمعناه
هل كان دا تجنّي؟
وعلى الخيال العلمي كان خفسة يني
وينّي حليلو كم كم ظلموه في الأمثال
وضروب الفن
دا هو خواجة وللا ساي خاوتني

Quote: لين ينفجر حتى لو كان في الأسر ما يرتدع

ونغني يا ست الودع
شيلي الودع
لي كشكشيه
ما تخلي حباته التقع
لميه هناك
صفيه هناك
لامن أقوم من الوقع
إيقاع ملثم بالرقع
وعيون هناك بتهاتي
بالظلم الوقع
نلقط تميرات الوقع
نفتل حبال ودّ الطلع
نشتار لعيد العيد دمع
لي بعد دار وندانا داك المتسمع
جنوي تعالوا دفع دفع
قبال ركيزتنا التقع
ويقولوا عاد لكنه أبداً ما نفع
أريتو كان غادي اترزع
بدل يجينا لي فزع
أو لي نفير ما عاد يسووله بدع
راح زمنه داك من الفزع
وشيتا هلع
صاب البشر من دون ورع
ساكين دريب قرشا وقع

ما حد سمى ولا هو من نفسه ارتفع
وعممنا ماعادت رؤوس
حتى الجُمع
لا عيد بجيبا ولا
جمع الجُمع
ما عدت في زمن اليباب
فرق الصحاب مافيش جمع
طرحاً كتير ضرباً كتير والقسمة
ما عاد يجتمع
زول مع رفيقه والكل دمع
على الزمن الجميل أرح نقع
وين تاني داك ما فات رتع
زي البهم محبوسة من زمن الرضع
أديتا سوط عارية وأدوها اللبع
بالله عاد ممكن تعود من تاني
لا أنا مع
زولك شبع
من الوجع
هجّ ورتع
والله يا ست الودع
غشّيتي فينا زمن طويل
كان داك حسيسك بتْسَمِع
إلا بعد دا مافي قولا بتْسمِع
وأخير تودعي للودع
خلينا ننجم في الوجع
يمكن نقع
ويمكن نقوم من تاني
ويروح الوجع
ونكفكفه داك الدمع
نشوف لملحو كان بتزرع
يخصب الأرض اللي صارت بور وبلقع
ومن تاني نقعد نجتمع

ومن تاني نقعد نجتمع

فوق جدوله وديك الترع

ونحرسا زي أبو أحمد الصبر اندرع

جواتنا زي صدر الدرع

ويبقى صعباً ممتنع

وليبقى سهلاً ممتنع

ونجيبه بي درب الورع

لكنه ما جانا الطمع

القالوا ودّر ما جمع

الحسرة جابته والدمع

يهطل عديل زي المطر الـ سيله داك كل الزبد جمّع جمع

هو القال ليك منو إنه الزبد بعمل ترع!

دي ما بتنفقع زي بالونة قابلت الشوك والشوك برع

@

أول ديسمبر لو جيت بمذمّة
ارجع تاني ما دايرين لمّة
وكفاية علينا اللي حاق من ظلما
أرجوك لا تجيبلنا داك يناير لي ظلم الأمة
وتاني نزيد في همنا هما
أول ديسمبر لو جيت لدرادر
ارجع تاني لي أمورك عافر
ما دايرينك بي استقلالك شيله وسافر
نحن كفاية الجاتنا جراير
لو جايي تقسم أبدا لا تعشم
نحن لما نقوم نتقرضم
بنسوي في شيا يوت نتلوم
حقارة حقارة أبداً ما بنندم
كان قاومن الحل الأظلم
ولو قلنا ما بنقبلو ظلم
لا تقوم نفسك ولا تتخم
وأصلا ما دايرين نتعلم
من شغل كبارنا الفاتو لدورم
وبس خلونا برانا نهمهم
خجلانين لي وشوشنا ندمدم
معقولة استقلالين في بلد متعلم
قبلنا الأول وتجيب التاني إنت ما متعلم؟

كيف متعلم وإنت تحرق دم
كيفن متعلم وإنت زايد الغم
عايز بس تأكلنا السم
وتدفق دم
الدم
الدم
يمين تندم
ومهماك تتخمخم
وتعمل فيها نخبة ومتعلم
فإنت صحيح ما عندك دم
وفت حد الذم
وجاييك ندم

جفلن خيلك


اقيف على حيلك


وارفع بيرك


ودودر ودور


ماتقول على كيفك


ولا كيف كيفك

عبدالفتاح يا أخوي كيفك ؟ غبنا وجينا لقيناهو لسع مخضر خريفك ... خشينا بي قلب قوي عارفنك دوم بتكرمو ضيفك ... سائل مولاي يزيدك تشريف على تشريفك ...

Quote: تشريف على تشريفك ...

ياخي ما الشرف ليكم عيال أشراف

بقودوكم كمان أشراف

ونحن شنو البشرّفنا مساكين نحن يا أهلنا

غيابك برضو ألّمنا كيفن بس بخدّر لينا خريف

أو يتنضّر لينا جريف

ما تبقالنا زي اللي بقولوله سحابة صيف

تعال قادل وانجمّ في المزاج والكيف

نحن قلُبنا عليك وقلَبنا كمان على حبك دون تخفيف

بس ناس السياسة أبونا يا نبقاها ديمة معاهم أو مافيش أي نصيف

ونحن أبينا مضمارم جارين فيه صيف

وخريف قاعدين بس نونّس روحنا للتخفيف

تعال بس إنت بنختّك جوّة؛ جوّة الجوف وماك محتاج لأي تعريف


ياخي ما الشرف ليكم عيال أشراف بقودوكم كمان أشراف ونحن شنو البشرّفنا مساكين نحن يا أهلنا غيابك برضو ألّمنا كيفن بس بخدّر لينا خريف أو يتنضّر لينا جريف ما تبقالنا زي اللي بقولوله سحابة صيف تعال قادل وانجمّ في المزاج والكيف نحن قلُبنا عليك وقلَبنا كمان على حبك دون تخفيف بس ناس السياسة أبونا يا نبقاها ديمة معاهم أو مافيش أي نصيف ونحن أبينا مضمارم جارين فيه صيف وخريف قاعدين بس نونّس روحنا للتخفيف تعال بس إنت بنختّك جوّة؛ جوّة الجوف وماك محتاج لأي تعريف

شكرا ليك يا راقي يا ظريف .... وشكرا لي حرفك الانيق ولطيف .... ... الشرف والعفة قدام جنابك تدي التحية وتعظيم تقيف ..... .. ونحن والله بنحبك بي صدق وبدون تزييف .. . وعشان إنت في ميدان الكلام لاعب موهوب وحريف .. وكان جابو سيرة الحب أووووك قليبك رهيييف ... وختام قولي في رعاية الله البي عبادو لطيف

Quote: وختام قولي في رعاية الله البي عبادو لطيف

قول يا لطيف
تطلع نضيف
من دنيا دي في خريف و صيف
تقول بتنبض نزيف
عايشين زمن بالجد مخيف
ما عاد في داك ظلاً وريف
والضيف يقولوله أقيف
حرّم تشرّف وقوف يا لطيف
وصلّي عليه سيدنا الشفيف
يا زول طلاق ما بتمشي قيف
ولا بتركب في دا خريف
الريح توجوج زي كفيف
تضرب هنا وتضرب هناك وعينها ما ترف الرّفيف
ولا زول بقول جانا الشتا قبل الخريف
وما عاد ينزرع ذاك الجريف
واللوبيا عطّرت الرصيف
قل الولف دقس العريف
ما عاد بيتفقّد فريق ولا حتى قيف
تمساح كبير جاهم هنا ختف البهايم والرهيف
من ناس تجبجب كل صيف
مافيش برد
لكن ما ياها حكاية ووب وووب
وحكاية بناتنا حكن عن سقط النصيف
قالت وما أردت إسقاطه لكنه جانا الخريف
شوف يا محسن شوف بالله كيف

--
في الحب دا بننادي كل زول شفيف
وبنصاحبه بس لو كان حريف
ما حرفنة شطة وشطيطة لكن بس حريف
كان ناراً هجت قامت تزيد في يا لطيف

ما عاد فراقه يلوح لا في خريف أو داك صيف
ود بستمر حتاه كان غاب منه طيف
يناجي طول ليله المخيف
وينقرش الوتر الحنين وكتين مراكب ماشة
مباريات ليها قيف
وبي لهجة حانية يقولوا ليك بالله شيف
ما يقوله شوف لا والله شيف
والمطبخ الدايماً نضيف
شغله ما عاد داك النضيف

الغربة كيفن حارة
برضو القعاد ما حار
بقينا بين نارين
الأحلى شال لمِرار
ما بيحملو الثوار
لا ديك حطب الدار
ولا شلة الزوار
الكل في حاله ودار
وزي ما البلد احتار
وصار قبلة الزوار
تستقبل الأخيار(الأغيار)
وتطرد وليد الدار
ضاقت بو دي الأخبار
الجاية من سنار
دولتنا بقّت نار
صار التشظي خيار
دعوة أناس كفار
خطفوها أهل الدار
زادوها نبض أوار
اتشعللت أقطار
من نمولي لي سنار
والووب حصل من تان
زي إسبان أضاقوا مرار
بي حجة التثوار

لست ملكك وحدك
ولا بالعندك
والعندك مُجَمْرك
بي حساب من عددك
أنا ما دفعت العندك
كيفن بس أعدّك
إنت مالك العندك
وأنا دافع الوردك
سددتو ياهو دا حقك
وكان ما سددت بتركب عندك
وتاني ماني بسندك

أها يا اللي اكتشفت الذرة

وحظك جايي من خلف الجرة

مالك عامل في جرك زي فرة


شايل وشك وكيف بتصرّه


ما تورينا الطغى شن سرّه

سلام أبشيمة شاعرنا الكبير في المنبر
قولك دارلو جبني وإنوهاط في البنبر
السودان طعيم رايحتو زي العنبر
كل مايقول يشوت في القون تجده مكعبر

كعبرو لينا ولداً شابه الخواجه
مابتلقاهو في الحوبه وزمان الحاجه
عدمان العطاء ماختا فيها دجاجه
رويان ديمه في الويسكي العليهو زجاجه

زجاجة الويسكي طيرت العقل من راسو
شقلب قلموا تب وأنقلب كراسو
وإترخت الشللف وإتصكت ضراسو
بالفي عقلو قال ياني البيحكم ناسو

ناسو البسطا واثقين في البجيها مكرفت
ماقايلنو بوماً في المحن بتلفت
ولاخابرنو لخبط بره عربد وزفت
في يوم سكرو عادي من الحرس بتكفت

بتكفت يمين لامن يطيرو جنو
مع إنو الكريمات في الوطن والدنو
ود ناسا عزاز لا أتهانو لا إدنو
تعبو وراهو بالغاليات دوام بفدنو

Quote: ناسو البسطا واثقين في البجيها مكرفت ماقايلنو بوماً في المحن بتلفت ولاخابرنو لخبط بره عربد وزفت في يوم سكرو عادي من الحرس بتكفت

ياربي الحكم بنفع فيه زولاً يتلفّت

وكتين تجيه الحوبة لي ناسه العزاز حيرفّت

ووكت السكرة يرموله اليمين يتكفّت

ووكتين شايفنو في الفنادق ربّت

مالها دي النفوس ما عافت ولا اتعفّت

ما لاقين غير زولا قواعده اتنسفت

ياخي دي عصابة حقة ناشزين ومرفّت

لا جيش علمم لا درب السياسة مشفّت

لا عرك الخبر لاهو في السياسة اتعفرت

Quote: زجاجة الويسكي طيرت العقل من راسو شقلب قلموا تب وأنقلب كراسو وإترخت الشللف وإتصكت ضراسو بالفي عقلو قال ياني البيحكم ناسو

الله يرحم نميري


حليل ود نمير وكتين دفق مقداره
خلى النيل يطير من فرحه بي أطياره
لكن الزمن اتبدّلن أدوراه
بقو يطفّو بي كل السكر نُوّاره
مالا الوحدة كان صغار وكبارو
يتحكم فيها من عكلت وأظهر لي كل عواره
جيْتك يا الهميم طيّبت علي نوسارو
دا الجرح الأليم ما عارف بودّي لوين عوّارو
يا سيد البلد إنتو أهل الحضارة وزين نوّاره

Quote: زجاجة الويسكي طيرت العقل من راسو شقلب قلموا تب وأنقلب كراسو وإترخت الشللف وإتصكت ضراسو بالفي عقلو قال ياني البيحكم ناسو

مالكم ما لخبتوله راسو علي كراسو
من قام هب من زمن الحرب ودواسو
دا المسكين ما عارف تب ساسو من راسو
كيفن تسمحولو يتحكم فيه رويسو وياسو
ياخي ما إنت الأمير ومن فهمت دراسو
ارمي حممك دي يمكن يفوق لي راسو
قبال ما تقع دي الفاس في راس وراسو
يمكن ينتبه ويحدد وين راح يكون دا غراسو

بالله الناس

في طشمة

يقرّروا مصير بلد







يديك العافية

يا ولدي

تعبت خليني أرتاح شوية

الله يسدك زي ما أسعدتني

وشرّفتني بي قدومك

أب ضراعاً خدرة
إن شاالله من كل مرض

تبرى وتستبرى[/B]


















أنا أقول شنو بس


إنت يا أمير؟





نحن ما بنقدر نجازي الناس العاديين

كمان نسعى لي أمير

دا كلام خطير

Quote: كعبرو لينا ولداً شابه الخواجه مابتلقاهو في الحوبه وزمان الحاجه عدمان العطاء ماختا فيها دجاجه رويان ديمه في الويسكي العليهو زجاجه

يا أمير ود فتحي حبّي ليك اتمكّن
في القليب ملقاله ألف مليون مسكن
إنت جيتني منين بس يا وليد المسكن
إتّ ماكل تمراً من نخيل المسكن
وللا ياكا وليداً من عباقر يشكن
من فراقك ليهم يبكوا ليك ويبكن
قالوا وادينا صار خلا واتكرتن
من وباء جاه لما خيل اتعركن
يا ريتا لو خلوها للقيامة يبركن
بدل عروضنا هناك بالغريب يتباركن
تقدمنلو الطاعة من دون رضاهن ويبكن
قالوا ليهن تعالن في المزاد اشتركن
نبيعه وطناً غالي للغريب يتمكّن
وكتين مشن لي طوعه صار يبيع المسكن
حتى استقباله فاتراً متمحّن
وإنت وكتين عاجز مالك مغلبن أصلاً
يركبن وابور وفي اللواري اتشبكن
عدموا زول الوجعة اليجبرن وانكسرن
حتى زيت كركار ما لقوه ويبكن
والشتا القراص والجوع كدا اتمكّن
وينن ديك الوعدوا بي جنان تتعدّن
ياخي بس أدوهن الضروري وممكن
كان لهفتو الخير من وين يجيبه الممكن
ما خلاص ما بدت العركة الـ للجيوب بتمكّن
هم مالاقين صير لا سمك متّركن
ياخي ديل غشوكم بالأمل في مسكن
والدراري تدور براها تدوّرلكن
لا لقينا دراري ولا عقاد المسكن

مين يطلّع قرشاً وهو في السكر متدركن
الوسكي والكافور والوجبة من كافرتن
تجيه بالطيارة مع السلاح دا مكرتن
يستعدوا لحرباً راح تمحنم تتمكّن
تاني نرجع تاني لي مربع يبكن
والتشرد جانا كيفن نفارق ربعاً
يا دابو قالوا انجمّن
وصغارنا هادول من دون علم اتكربن
والنفس كان طالع أكسجينه اتكربن
والشجر داك ذاته نومه ما اتكربن
والبقر هادول ذات حليبها اتجربن
ساد الهلع وادينا الموية جات تتلبّن
والموية جيت تشريها بي كاش وشيكات كبرن
والكواديق صارت بي طينتا تتعجّن
مافي موية تروح لي جار أو بتعرف درباً
يودي لي ناس جوة ماسورتا اتجبّن
طمع الدنيا وين ووين نحنا يامن أجبن
رحنا في الرجلين عشان ما فنادقن انخربن
بي تجارة جديدة تجيبا إيدز معلبن
شيتا أشقر لونه وشي كمان متهجّن
بقينا وين من وين دي الأمور ما يعجبن
داك العدو المفخور بي شماته يعربن
لا بدفع المعلوم ولا قروشه يبشكن
بكشيشه فوق الزون يا تلحقه وتتبشتن
أو كمان تتدهول في حنانك ترطن
الليلة وين الليل بي غناه اتعجّن
ونايه صار مشروخ في بكاه اتمرقن
ما صار عصب مشدود بي وتر بيحنن
دا شال قسا السكران عيونه شوف متمحن
متنيل بستين نيلة ونيلنا ذاته مياهه ديك ما عكرن

لك كل الود يا رجل يا أمير إنت

لا أزال أيها الأمير

محتفلاً ومحتفياً


بقدومك الميمون




ياحليل صافينا الكان تشوف لي سمكه زي الزينة
لا بتشوف وزين ولا بجعة وترازينا
الطيور ما رحلت لي برة من وادينا
والحروب ما حلت من تاني يا حادينا
شن ماشي يفضل لينا الله لينا ولينا
الناس كان بتقدم لي مويتا وعجينا
حسي ما اتندم لما فات وادينا
لقاها وجعة أهله فايتة العناد الفينا
وظلم ذوي القربي أشد مضاضة منا
والكان مواعد بي جنة في وادينا
صار يزوغ من أهله في حجتم يا زينا
كأنه ما عرفوه لامن قبل لاقوه ولا هو عتّر فينا
حرام علي يا زينة
يا القدلتك وزينة
أسيب كمان لي سهلك
وأغش في نفسي وأمهلك
لي هلكة البادي والبادينا
ما إنت كالوزينة وإنت كلك زينة يحفظك مولاي
غناها دا الغناي
وصارت نسم لحجاي
وأقول براي لولاي
ماكان ودر حداي
ولا كان خدر وداي
ولاني ببقى براي
كان شقلبوه غناي
أو كان كسرتو الناي
حافضل أنا الحداي
وحيجي ركبنا السواي
مش في رجا الحداث
وفي زحمة الأحداث
يبقى الحزن بثاث
ويشيلو مني آثاث
كان زول فقد إحساس
لا تخافوا منه يا ناس
الفيه عقل كراس
ماكان بقى الهراس
لي خيرو خير الناس
ويسمع هداك وسواس
ويترك وراه فراس
يمين يجيبوا الكاس
مهما طلع نسناس
فوق شجره خوّف ناس
أو داك عجب ينباس
من زول عديم إحساس
ويصدقه في جراس
يديه ديك الكاس
يشرب في دم الناس

ونواصل

Quote: سلام أبشيمة شاعرنا الكبير في المنبر قولك دارلو جبني وإنوهاط في البنبر السودان طعيم رايحتو زي العنبر كل مايقول يشوت في القون تجده مكعبر

سلام يا أمير لي

ولكل الأمراء

ياخي المداخلة دي أول واحدة
حتى مداخلاتي ما جن منجبدة
والشعر عند يا ود البطانة الفزّ وراح للشمال واتحدّى
جيبولي الولد البقول عن جدّه
ويحلف بالقسم وصلته لي وين حدّه
أتحدابك العرب والرطّانة ذاتم ولدة
يجيبولي الهميم الباقي ساكن الجدّة
وكتين راحت الوحدة أم زفاراً عدّة
راجيك يا الهميم تسكّن جروح بي مدة
جابت لي الهوان المافي فيه أي مودّة

أسعدتني


بحضورك البهي

وإن شا الله تبقى لي