نوبيـــــو المنبر....نمرة كاملة عــــــــــد

كل عام وانتم بخير
قم انلق آنجو انلق
ويدا كينكمي ملي اون مندو نوبل
آقجولوي آآآآمين
افترعت هذا البوست لكي نتواصل
ونتعارف فعلي ما اعتقد نحن كثر يغيب عنا التعارف
ونتمني ان نتعارف عبر هذا المنبر فليات كل شخص ببياناته
ونبذة عن منطقته ..
وهناك نوبيون كثر ترعرعوا خارج مناطقهم الاصلية
وفقدوا الصلة بها نوعا ما فليتداخلو في هذا البوست
للتواصل والعودة الي جذورهم..فكم من شخص قريب لك
وانت لا تعرفه..
وكم من صديق فقدت الصلة به ربما يرشدك عضو في هذا المنبر عنه
ــــــــــــــــــــ
اسمك
منطقتك
اسم قريتك
مدي اجادتك للغة النوبية
اية معلومات عن منطقتك قد تفيد
ــــــــــــــــــــــــــــــ
يلا نبدأ
للمراسلة من خارج المنبر لغير النوبيين
[email protected]

_________________
التعديل بناء لطلب الاخ الفاتح شلبي

(1)
اسمك :Gamarboba
منطقتك:Seccot
اسم قريتك:Aburaqa
مدي اجادتك للغة النوبية:Full
اية معلومات عن منطقتك قد تفيد:Nill










_
woo noor kombo kogor

Quote: اسمك :Gamarboba منطقتك:Seccot اسم قريتك:Aburaqa مدي اجادتك للغة النوبية:Full اية معلومات عن منطقتك قد تفيد:Nill

معلومات اضافية ياخي
انا لي اكتر من كم سنةشايفك وما عارفك
بالله ورينا اسمك الحقيقي
لان القمر بوبا حاجة كده كانت حبوبتي
بتنتعلها حبوبتي ..

ــــــــــــــ
تسلم يا قمرنا

Quote: اسمك منطقتك اسم قريتك مدي اجادتك للغة النوبية اية معلومات عن منطقتك قد تفيد

انت ناس الحيكومة جندوك معاهم و الا شنو

غرغرغر

بجيك بالسيرة الذاتية قريب

اسمي "Hani Arabi Mohamed"

Quote: اسمي "Hani Arabi Mohamed"

هاني كل سنة وانت طيب
ياخي معلوماتك ناقصة امشي تمها وتعال لينا بكرة
وجيب شهادة ميلاد اصلية معاك
وكمان شهادة ميلاد اهلك الفي الجرور

ــــــــــــــــــ
تحياتي يا اركوس

الأخ/ عبد الحكيم نصر المحترم
تحياتي،،،

أولاً: التهنئة لك ولجميع السودانيين عامة والنوبيين خاصة بالعام الميلادي الجديد .

ثانياً: فعلاً هناك كثيرون في هذا المنبر لايعرفون بعضهم البعض بالرغم من أنهم تقريباً من منطقة واحدة.

الاسم: عمر عبد العزيز كيلاني

المنطقة: السكوت.

اسم القرية: جزيرة صاي

إجادة اللغة النوبية: متوسط.

معلومات عن جزيرة صاي: هي بلد الفنان خليل فرح ، كما أنها جزيرة المعلمين حيث عمل ومازال يعمل في مهنة التدريس الكثير منهم، كما بها بعض الآثارات المهمة شاهدةً على عظمة وشموخ النوبيين .

الأخ/ عبد الحكيم نصر المحترم
تحياتي وكل عام والوطن بخيرواهالى النوبةبخير /B]

Quote: تحياتي وكل عام والوطن بخيرواهالى النوبةبخير

تسلمي يا نجلاء

اها البوست ده فتحتوا علشانكم انتو
انا مثلا حاستي الشمية معدومة
بس شميت فيكي ريحة نوبية
ما عارف ليه ؟
بس احساس
يلا كده فتشي واسالي اهلك وارجعي لينا

ــــــــــــــــ
شكرا يا هميمة

Quote: اها البوست ده فتحتوا علشانكم انتو انا مثلا حاستي الشمية معدومة بس شميت فيكي ريحة نوبية ما عارف ليه ؟ بس احساس يلا كده فتشي واسالي اهلك وارجعي لينا

تسلم انامن جزيرة بدين

بفهم بس مابعرف اتكلم

Quote: تسلم انامن جزيرة بدين بفهم بس مابعرف اتكلم

اها ما خيبتي حاستنا
ودي مهمة البوست
هل بتزوري بدين؟
عارفة اهلك في بدين؟
حلتكم اسمها شنو؟
اهلك بيتكلموا نوبي؟
اشرحي حالتك ونحن مستعدين نتعاون معاكي عشان تتكلمي
ــــــــــــــ
سعيدين بيكي خالص

Quote: الاسم: عمر عبد العزيز كيلاني المنطقة: السكوت. اسم القرية: جزيرة صاي إجادة اللغة النوبية: متوسط. معلومات عن جزيرة صاي: هي بلد الفنان خليل فرح ، كما أنها جزيرة المعلمين حيث عمل ومازال يعمل في مهنة التدريس الكثير منهم، كما بها بعض الآثارات المهمة شاهدةً على عظمة وشموخ النوبيين .

عبد العزيز
كل سنة وانت طيب
اوراقك قبلناها بس زود المعلومات شوية
من وين في صاي(صيصاب ..ادو ..اردوين)؟
لو في صور من صاي مدنا بيها

ـــــــــــــــــــ
تسلم يا صايكي

Quote: انت ناس الحيكومة جندوك معاهم و الا شنو غرغرغر بجيك بالسيرة الذاتية قريب

فيصول
ليه ياخي كده من اول السنة؟
فال الله ولا فالك
قلنا نشوف كتلتنا كم عشان نستلم المنبر ده
حلوة الغرغرة دي
ثم تانيا انت السيرة الذاتية حتجيبها من وين؟
ــــــــــــــــ
تسلم يا عزيزنا

اسمك : ممدوح حمدالله عثمان
منطقتك: السكوت
اسم قريتك: عبود
مدي اجادتك للغة النوبية: نص نص
اية معلومات عن منطقتك قد تفيد: قرية فنانا القدير حسين آلالا

كيفك اخونا عبدالحكيم عام عام وانت طيب

Quote: اسمك : ممدوح حمدالله عثمان منطقتك: السكوت اسم قريتك: عبود مدي اجادتك للغة النوبية: نص نص اية معلومات عن منطقتك قد تفيد: قرية فنانا القدير حسين آلالا

اهو كده اينع البوست وحان قطافه
لقينا زول من بلد فناني المفضل
ــــــــــــــــــ
تسلم يا ممدوح خلي نص نص دي وجود لينا لغتك

ــــــــــــــــــــــــــ
داير اضيف طلب :
ممكن تذكروا لينا ان كنتم مداومين زيارة المنطقة ام لا

اسمك : ماهر محمد صالح
منطقتك: السكّوت
اسم قريتك: جزيرة نلوتى
مدي اجادتك للغة النوبية: 110%
اية معلومات عن منطقتك قد تفيد: نلوتى هى ثالث جزيرة مأهولة فى السكوت من جهة الشمال،،

أول جزيرة هى جزيرة أرجنتى وتقع قبالة عبرى وجزء من عمارة

ثانى جزيرة هى جزيرة صاى وسبق للأخ كيلانى أن أعطى نبذة عنها أعلاه ،، وصاى جزيرة كبيرة جداَ بها 4 مشايخ وتتطل على قرى تبج وأدم دوللى وكويكة ،، وبالبر الغربى تطل على توشكى وحميد .

ثالث جزيرة هى جزيرة نلوتى ،، وهى جزيرة صغيرة بمشيخة واحدة ،، وتطل لقرية عبود وجزء من كويكة شرقاَ ،، وإلى حميد وجزء من أبوارقة غرباَ .

وللعلم فقط فإنك لو كنت عوام يمكنك قطع المسافة التى تفصل هذه الجزر الثلاثة عوماَ.

ماهر محمد صالح

Quote: اسمك : ماهر محمد صالح منطقتك: السكّوت اسم قريتك: جزيرة نلوتى مدي اجادتك للغة النوبية: 110%

اهو ده الكلام
معلومات ما تخرش موية
وزول بيتكلم نوبي بنسبة فاقت الكمال لان الكمال
لله وحده........
تسلم يا ماهر
وكده نشوف ليك صور من منطقتكم بعد شوية

الاخ عبد الحكم السلام عليكم
جيناك دناقله يارسول الله بس للاسف الشديد لم نتعلم لغه الاجداد ياربي بنفع نحاول بعد العمر ده .نرجواالاستفاده من وجودنا في هذا البوست
اسمك :Akram omara
منطقتك:Dongla
اسم قريتك:ALgolid
مدي اجادتك للغة النوبية:Nill
اية معلومات عن منطقتك قد تفيد:Nill
تحيه لكل المتداخلين وكل عام وانتم بخير
اكرم

Quote: اسمك :Akram omara منطقتك:Dongla اسم قريتك:ALgolid مدي اجادتك للغة النوبية:Nill اية معلومات عن منطقتك قد تفيد:Nill

ليه كده يا اكرم لا حولاااا
ياخي ساقط لي في مادتين
امشي خش ليك كورس لغة شهرين عشان نقبلك
ــــــــــــــــ
تسلم يا ولدنا
وكل سنة وانت طيب
سعدنا بك
ومعا نكمل المشوار

Quote: منطقتك: السكّوت اسم قريتك: جزيرة نلوتى مدي اجادتك للغة النوبية: 110% اية معلومات عن منطقتك قد تفيد: نلوتى هى ثالث جزيرة مأهولة فى السكوت من جهة الشمال،، أول جزيرة هى جزيرة أرجنتى وتقع قبالة عبرى وجزء من عمارة ثانى جزيرة هى جزيرة صاى وسبق للأخ كيلانى أن أعطى نبذة عنها أعلاه ،، وصاى جزيرة كبيرة جداَ بها 4 مشايخ وتتطل على قرى تبج وأدم دوللى وكويكة ،، وبالبر الغربى تطل على توشكى وحميد . ثالث جزيرة هى جزيرة نلوتى ،، وهى جزيرة صغيرة بمشيخة واحدة ،، وتطل لقرية عبود وجزء من كويكة شرقاَ ،، وإلى حميد وجزء من أبوارقة غرباَ .

اها ماهر ده قريبي وانا من نفس المنطقة .. بس ال 110% ديه كتيرة علينا شوية (تربية خرطوم وكده).. والعشرة الفوق المية ديه يادوب كفاية علينا.. وبالمناسبةانتو النجاح عندكم من كم ؟

التحية لصاحب البوست (عبد الحكيم) وللجميع وكل سنة وانتم بالف خير.

ونهديكم هذه الصورة من جزيرة نلوتي





اسامه عثمان علي

اسمك : الفاتح شلبي
منطقتك : السكوت
اسم قريتك : جزيرة نلوتى Nolwata

مدي اجادتك للغة النوبية: أحسن من لغتي العربية

اية معلومات عن منطقتك قد تفيد

تحد جزيرة نلوتى, جزيرة صاي (أرض الخليل) من ناحية الشمال وتحدها قريتي حميد وابوراقة من الغرب وقرية عبود من الشرق, وتحيطها اكثر من 20 جزيرة صغيرة غير آهلة بالسكان تستغل معظمها بالزراعة.

شكراً عبد الحكيم على فتح هذهـ النافذة


تخريمة:

يا قريبي فيصل

الجماعة اياهم حتى ولو زودناهم بصورنا حيعملوا فينا أكثر من كدة شنو يعني ؟

Quote: اسمك : الفاتح شلبي منطقتك : السكوت اسم قريتك : جزيرة نلوتى Nolwata مدي اجادتك للغة النوبية: أحسن من لغتي العربية

شلبينتود
شغلكم نضيف اولاد نلوتة
معلوماتكم كافية
من نلوتة استاذي عاطف فرح واسرته
وكمال احمد مختار
لكم من التحايا اهالي جزيرة نلوتة الكرام

الاخ عبد الحكيم نصر
ايلو

اسمك: عثمان سيد محمد احمد صبري
منطقتك: جزيرة بدين - و ايضا كرمه النزل
اسم قريتك: الحله الجديدة وادي خليل
مدي اجادتك للغة النوبية: مش ولا بد - نسيت كل الذي تعلمته - مواليد الخرطوم و كدا
اية معلومات عن منطقتك قد تفيد: كرمه الحضاره، كرمه الاصاله، تقع في الضفة الشرقية للنيل من ناحية جزيره بدين

اسمك : فيصل محمد خليل (فيصل فاطمة اوشي)
منطقتك : وادي حلفا
اسم قريتك : المجراب
مدي اجادتك للغة النوبية :Perfect
اية معلومات عن منطقتك قد تفيد
تعالو شوفو معي وادي حلفا قبل الهجرة

Quote: اسمك : فيصل محمد خليل (فيصل فاطمة اوشي) منطقتك : وادي حلفا اسم قريتك : المجراب مدي اجادتك للغة النوبية :Perfect اية معلومات عن منطقتك قد تفيد

ايوة كدة تم قبولك
واقعد عافية

ـــــــــــــ
اشتغل معاي لان الزوار كتار او رسل لي اسكتي دمي(قباض الضيوف)

Quote: الاخ عبد الحكيم نصر ايلو اسمك: عثمان سيد محمد احمد صبري منطقتك: جزيرة بدين - و ايضا كرمه النزل اسم قريتك: الحله الجديدة وادي خليل

هلا بيك سيد صبري
مسكاقمي
وكل سنة وانت طيب
الرجاء مراجعة لغتك النوبية حتي يعتمد اوراقك

ــــــــــــــــــــ
تسلم علي المرور يا رائع
ومرحبا بك في المنبر

هلا يا حكيم



اسمك : قرشى محممد عبدون
منطقتك: المحس
اسم قريتك: كبرينارتى
مدي اجادتك للغة النوبية: اجادة تامة ومن مؤسسى جمعية اللغة النوبية-المقر الخرطوم
وتعلمت الكتابة على ايدى الدكتور عبد الحليم صبار واول محاولة لى لتعلم الكتابة كان مع اخوك الاستاذ ادهم والكلام دا كان فى حلفا الجديدة - اتحاد الروابط النوبية وكدا والرحلة كانت عبارة عن قافلة صحية وتعليمية

لو ادهم متذكر الكلام دا واثناء ما ادهم بيدرسنا ومجموعة ما بطالة من اهل قرية 6 زرتنا مطرة تقيلة جدا خربت علينا اليوم
موقع الجمعية على الانترنت وفى الحقيقة انا انقطعت عن الشباب ديل لفترة طويلة ما عارف الحاصل شنو بالزبط بالنسبة للانشطة..
اللينك
URL]http://www.nlsnubia.net/en/home.htm[/URL]
اية معلومات عن منطقتك قد تفيد: كبرينارتى قرية الخطيب يا حكيم ههههه

وكل سنة وانت طيب

قرشي عبدون
شكرا لك ولصورتك الرائعة
اوراقك مكتملة مية مية
اهدي لك صورة العريس الخطيب
(دايرين نشوفك في نوبة اونلاين)

مزمل خيرى
الولاية الشمالية
مشكيلة المحس
اجادتى للنوبية 100%
نبذة عن قريتى : ( فى زول مابيعرف مشكيلة ياحكيم .؟)
هاك طيب صور من مشكيلة :-







..
دى زيادة منى ساااى ..

ود الشيوخ مزمل
اهو ده الشغل
تمام يا ود مشكيلة
صورك معبرة ويا ريت تواصل صورك مع الشرح


ـــــــــــــــــــــ
يا مزمل نحن كتيرين خلاص في المنبر ده

او نقو مسكاجرو
السلام عليكم جميعا ولك التحية استاذ عبد الحكيم

ألاسم : نصر الدين محمد احمد شريف
المنطقة : السكوت - عبرى و جزيرة صاي ( صيصاب)
نبذة عن المنطقة: عبرى غنية عن التعريف و كذلك جزيرة الخليل و جيلى عبد الرحمن

احن اليك يا عبرى حنينا ماج فى صدرى

اجادتنى للغة النوبية : نوبى كامل الدسم 100%

صورة لمن لم يرى كبرينارتى الجميلة

يا حكيم
قبل كم يوم في زولة ضربت لي قالت لي في محل تياب نسائية اسمه قمر بوبا ياخي زعلت
زمان قبل قمر بوبا كنت بكتب هنا باسم بعنخي ولا تهراقا ما متذكر

المهم شفت قسم البوست ده مناطق
السكوت سلمه لماهر ابن الحكيم حجي محمد صالح وبالمناسبة كمال القلته ده نسيب ماهر
حيجضم ليك ناس السكوت جضيم

اي زول ما بعرف يكتب اديه بوست العم ولياب في نوبة اون لاين يمش يبدا طورسات لغة


بتاع عبود ده هسة نحن كنا بنعدي بجنوب عبود بنكورك لريس المركب العمومي (وووووو دودة) امن تاي تاي بجيك راجع ووو دوووداااااا احب ابراقة ذاتو



اخر شي : ياقرشي كبرنارتي دي خشتها الكهربا متين ياخوي...مبروك للخطيب وعقبالك ..قالو هريرة كمان خطب انت اقعد كدة زي الباسطة

يا قمر بوبا ما تقوقل لينا البلاد دي بقوقل ايرث
يعني يجيك الفاتح شلبي تجيب ليهو ابراقة دي من السما
يجيك حكيم تخت ليهو تولا قدامه
او وريني الطريقة بتاعت هاني عربي قريبي الجا
كتب اسمه ومشي بس التقول حيطة داخلية!!!

Quote: المهم شفت قسم البوست ده مناطق السكوت سلمه لماهر ابن الحكيم حجي محمد صالح وبالمناسبة كمال القلته ده نسيب ماهر حيجضم ليك ناس السكوت جضيم

ايوة والله عرفته في بوست سابق ذكرت اننا كنا بنستغل بيت كمال في الكلاكلة
كعذابة جاء ناطي وقال ده بيتي ومطالبني تعويض كنت زائغ منو جاني في البوست
ده...ياخي شوفو لي تسوية مع الراجل ده

Quote: Quote: اها البوست ده فتحتوا علشانكم انتو انا مثلا حاستي الشمية معدومة بس شميت فيكي ريحة نوبية ما عارف ليه ؟ بس احساس يلا كده فتشي واسالي اهلك وارجعي لينا تسلم انامن جزيرة بدين بفهم بس مابعرف اتكلم

الاستاذة نجلاء سيد احمد

مثلك لايمكن الا أن تكون نوبية

لك التحية و متابعين بوستاتك الرائعة حتى من قبل الحصول على العضوية و نشكرك على كل مواضيعك الهادفة

اسمك: إبارهيم عبد المجيد قناوي
منطقتك: نفس معلومات قريبي عثمان سيد صبري (أعلاه)
وما كنت ملاحظ ليهو انو قريبي
اسم قريتك: شرحو من أعلاه
مدي اجادتك للغة النوبية: صفر%
اية معلومات عن منطقتك قد تفيد
شرحو أعلاه

__________________________________

ملحوظة: مستعد للتتلمذ على يد أي من المشايخ لتعلم اللغة النوبية
وجاهز للتعلم بالوسائل الحديثة والتقليدية من السبورة حتى الضرب
أو الزواج من نوبية حتى.



كل علم والجميع بخير
وشكرا يا حكيم

آفيا لقو

Quote: اسمك: إبارهيم عبد المجيد قناوي منطقتك: نفس معلومات قريبي عثمان سيد صبري (أعلاه) وما كنت ملاحظ ليهو انو قريبي

هلا بيك يا دكتور
وعشان التعارف ده نحن فاتحين البوست

Quote: مدي اجادتك للغة النوبية: صفر%

ده اسمه كلام

Quote: ملحوظة: مستعد للتتلمذ على يد أي من المشايخ لتعلم اللغة النوبية وجاهز للتعلم بالوسائل الحديثة والتقليدية من السبورة حتى الضرب

بكرة الصباح اشتري كراسة وقلم وشيل ليك كرباج وتعال

Quote: أو الزواج من نوبية حتى.

الكلام ده ما يسمعوهو بنات النوبة في المنبر
ديل حيكرهوك البلي
ــــــــــــــــ
من اهدافي في المستقبل فتح دروس لتعليم النوبية
لحينه لكم بوست الاستاذ ولياب في منبر نوبة اونلاين
http://nubaonline.com/index.php/topic,387.0.html

مزمل صغر الصور فتلت البوست من قولة تيت


لانو الموضوع ماشي يبقي جمعية خيرية بإذن الله

Quote: الاستاذة نجلاء سيد احمد مثلك لايمكن الا أن تكون نوبية لك التحية و متابعين بوستاتك الرائعة حتى من قبل الحصول على العضوية و نشكرك على كل مواضيعك الهادفة

نصر الدين محمد شريف

تسلم ياخى اخجلت تواضعى ويسلم كل اهالى النوبة والشعب السودانى قاطبة

Quote: او نقو مسكاجرو السلام عليكم جميعا ولك التحية استاذ عبد الحكيم ألاسم : نصر الدين محمد احمد شريف المنطقة : السكوت - عبرى و جزيرة صاي ( صيصاب) نبذة عن المنطقة: عبرى غنية عن التعريف و كذلك جزيرة الخليل و جيلى عبد الرحمن احن اليك يا عبرى حنينا ماج فى صدرى اجادتنى للغة النوبية : نوبى كامل الدسم 100%

ياخي ناس السكوت ديل معلوماتهم مكتملة واوراقهم سليمة
تسلموا يا اصيلين
صيصاب خليل فرح وجيلي عبدالرحمن ومحمد صالح ابراهيم
والهاشماب..يا لها من قرية...
زاملني عاصم سعيد كك ودرسني لطفي سعيد كك
واصدقائي عصام وعماد شوربجي
لك الود اخي نصرالدين

الدكتور ابراهيم عبد المجيد قناوي

كيف احوالك و كيف الحي بيك

سالت عنك في اخر زياره لي للسودان و سمعت انك اغتربت ... ربنا يوفقك و يجعل ايامك كلها طيبة

( كلما امر بجامعة الملايو اتذكرك و اتذكر كوليج زابا و مجموعة الدكاترة التي كانو بها )


اخوك عثمان سيد صبري
ماليزيا

Quote: الدكتور ابراهيم عبد المجيد قناوي كيف احوالك و كيف الحي بيك سالت عنك في اخر زياره لي للسودان و سمعت انك اغتربت ... ربنا يوفقك و يجعل ايامك كلها طيبة ( كلما امر بجامعة الملايو اتذكرك و اتذكر كوليج زابا و مجموعة الدكاترة التي كانو بها ) اخوك عثمان سيد صبري ماليزيا

يا سلااااااااااام

يا عثمان ياخي

يا حليلك وحليل ايامك

والله الواحد ايام عمرو كلها كوم

وايام ماليزيا كوم براااااااهو

نفسي ياخي ازورا تاني

ووالله دايما في سيرتك

وبعد عمر طبعا جبنا علي = 4 سنوات وعلا = 2 سنة

تحياتي ليك ولكل الشباب بي هناك

Quote: Quote: أو الزواج من نوبية حتى. الكلام ده ما يسمعوهو بنات النوبة في المنبر ديل حيكرهوك البلي

يا حكيم ياخي انت راجل حكيم

خد كلامي ده على سبيل الحلم الجميل

وليس اسوأ الفروض

ونحنا يانا في النهاية عجم ممكن العربي ما يظبط معاناكويس

على العموم انا جاهز للتعليم ولو انو كرباج ما بجيب معاي

انا اقل حاجة كرسي كهربائي وانت طالع

تحياتي لكل اخواتي بنات ملكوك النيل

وحفيدات الكنداكة

اباهي بهن الشمس سطوعاً

نخلات بلادي

(كدة كيف ؟؟ بنتخارج يا حكيم ولا لع؟؟)

الأسم / خالد عبد الله محمود
المنطقة / دنقلا
القرية / القولد
المعرفة باللغة النوبية / صفر لكن القابيلة للتعلم موجودة
آخر مرة زرت القولد سنة 2007

Quote: الأسم / خالد عبد الله محمود المنطقة / دنقلا القرية / القولد المعرفة باللغة النوبية / صفر لكن القابيلة للتعلم موجودة آخر مرة زرت القولد سنة 2007

مرحب بيك خالد وكل سنة وانت طيب
ياخي ما عيب عليك جايب صفر في اللغة؟
يا زول شيل شنطتك وبستلة الاكل وحصل استاذ ولياب
من بكرة بدري الرابط موجود في مداخلة دكتور نبيل
اي غياب 10 جلدات ...سمح؟؟؟

محمد خليل إسماعيل

دفوي المحس - حلة بوس

اللغة 100 % ولله الحمد

الأستاذ / عبد الحكيم نصر

مسكاقمي

تحية خاصة لأهلنا النبيين الطيبين

والله يا عبد الحكيم أنا ما نوبي أنا عربي بس جيت أتطفل هنا عندكم شوية .. وعارف نفسي ما معزوم بس جابني الدرب وعاوز أتعلم الرطانة عارف يا عبد الحكيم عندي قريبي مزوج رطانية لما أهلها يجوها زيارة في البيت يقعدوا يرطنوا مع بنتهم ويخولوهو ليك أطرش في زفة


تخريمة :

يا مزمل خيري
مامعنى كلمة ( علينتود )
أصلو شايفها مكتوبة على السيارة

Quote: يا مزمل خيري مامعنى كلمة ( علينتود ) أصلو شايفها مكتوبة على السيارة

حسن مضوى ...
عشااااان اسئلتكم الكتيرة دى مابنحبكم تخشوا البوستات
حقت الرطانة ديل .. لوووول
..
علينتود معناها ود على
(تود) تعنى بالرطانة ولد .. يعنى علينتود بمعنى ود على
زى ود مضوى ، ود خيرى مثلا .

صاح ياحكيم .؟؟

Quote: والله يا عبد الحكيم أنا ما نوبي أنا عربي بس جيت أتطفل هنا عندكم شوية

اهلا بالطفيلي ود ضحوي
يا متطفل وتشرف ما عندك مشكلة

Quote: وعارف نفسي ما معزوم بس جابني الدرب وعاوز أتعلم الرطانة عارف يا عبد الحكيم

يا زول طالما جيت خشيت في البوست الحصري ده حرم تتعلم
جيب كراسك وقلمك وابقي داخل
ـــــــــــ
مرحبتين

الاسم : اسعد صلاح احمد بدري

المنطقة: جدي المحس (خطوتين من كدنتكار )


اللغة : 100% والحمد لله

ايوة كده يا محس وروا ناس السكوت انكم استاذة لغة
جدي وكدنتكار بطولات وتاريخ باحرف من دم
مرحب بيك عزيزي اسعد البدري
والله ذكرتني سنة اولي وقصيدة ديكي بدري

محمد خليل اسماعيل
من دفوي ومن بوس كمان
يا زول انت قريبي خلاص
نحن اهلنا واراضينا كلها في دفوي
كده عرفنا باهلك وبجيك صادي

ــــــــــــــ
تسلم وكل سنة وانت طيب
ولغتك مية مية يلا مقبول

الاسم:
ادهم عبدالرحمن نصر ⲁⲇϩⲁⲙ ⲁⲃⲇⲉⲗⲣⲁϩⲙⲁ̄ⲛ ⲛⲁⲥⲣ
يعني الغة النوبية : استاذ ورئيس قسم علي راي المصريين
القرية نفس قرية ناس عبد الحكيم (انت ما وريتنا معلومات عنك ليه ولا عشان فاتح البوست)
علي فكرة انا اخوهو الاصغر منو مباشرة
القرية :تولا شياخة تاجاب عمودية اردوان جنوب مركز دلقو
مقيم بالخرطوم

جبجوب
هلا بيك شقيقي

Quote: علي فكرة انا اخوهو الاصغر منو مباشرة

الزول ده كضاب هو اخوي اكبر الاكبر مني
وواقع الصور يغني عن السؤال
بالله شوفوا الزول ده!!!!!!!!!!
ــــــــــــــــ
بس بيني وبينكم في اللغة اصغر مني شوية

مسكاجمى

قم انلق انجو ويدا كنيكمى ملى اون مندو نوبل

اهالقتونى كيف ؟؟؟

Quote: اها ما خيبتي حاستنا ودي مهمة البوست هل بتزوري بدين؟ عارفة اهلك في بدين؟ حلتكم اسمها شنو؟ اهلك بيتكلموا نوبي؟ اشرحي حالتك ونحن مستعدين نتعاون معاكي عشان تتكلمي ــــــــــــــ سعيدين بيكي خالص

وانا اكتر سعادة للاسف مازرتةبدين بس اتمنى زيارتها

بحتاج تلفون واعرف المنطقة وبرجع

الكبار بتكلموا

حالتى صعبة عديل كدة علمونى بى سرعة وبجيب معاى فلقة ليكم اللحم وخلوا لينا العظم

عبد الحكيم ياخوي شايف مابراي ناس كتار ما بعرفو وعاوزين يتعلموا اللغه النوبيه,ماتشوفوا لينا حل.

Quote: قم انلق انجو ويدا كنيكمى ملى اون مندو نوبل

والله يااخت نجلاء لو ما اخاف الكضب دي ياها قم للمعلم وفه التبجيلا ذاتها ولو ماياها ادينا المعني ويبقي ده الدرس الاول

دي حلتنا انتو حلتكم وين

فكرة جميلة يا حكيم تولا والنوبة
كل سنة وانت ومن تحب بخير
إكة دوللى ماليدانى Ikka dolli malledani
الإسم: نورى جليلة/نورالدين منان
مكان الميلاد: كولبنارتى وكولبنارتى التى يتغنى بجمالها ليل نهار ابننا العاشق سمل ... عاش فيها البروفيسور وليام آدمز سنوات طويلة ويزور ما تبقى منها حتى الآن ... وهى كولبنارتى التى تغنى لها احمد آغا (آغانتود):

Iron Aig irbimenkangon
Aigon Ahmed Aaga lin
Kulbin Ahmed Aaga lin
Hammam eshefa mol lin
Omda oun Giraisi lin
Shaih oun Ahmed Gara lin

كولب من شياخات عمودية عكاشة تحدها من الشمال شياخة اكمة ومن الشرق شياخة عكاشة ومن الجنوب الغربى شياخة دال ومن الجنوب الشرقى شياخة سركيمتو... وتنقسم الى كولب غرب وكولبنارتى وكولب شرق وجزر عديدة من وايى الى موسى دونقى وإربة وبها آثار مسيحية وفرعونية وقلاع وقباب عامرنتود وآل هلالى ومسيد ابسونقى اقدم خلاوى التدريس وبها درس العالم القيروانى محمد صالح هلالى وعلى يده تلقى العلم الشيخ بابكر بدرى وكثيرون... الف البروفيسور وليم آدمز ثلاث مجلدات عن كولبنارتى سأجيئكم برابطها قريبا..
كولبنارتى من القرى النوبية التى غرق جزء كبير منها وغرقت جروفها والآلاف من نخيلها بمياه السد العالى فاضطر المقيمون من أهلها الى الإنتقال الى الأماكن العالية وظلوا عبر اربعة عقود يزرعون ويربون الماشية ويتسوقون فى وادى حلفا وعبرى ولا تصلهم اى خدمات من الحكومة ... هاجر جزء كبير من كولب الى حلفا الجديدة وبقى عدد كبير منهم يقاوم مياه السد العالى .. تم تعويضهم بأراض سكنية فى وادى حلفا ضمن إسكان وادى حلفا..
اللغة النوبية: اول لغة نطقت بها .. احبها وأذوب فيها تحدثا وكتابة.. واتمنى ان أراها تدرس فى جامعات العالم قبل ان اودع العالم..

نورى جليلة / نورالدين منان

Quote: الإسم: نورى جليلة/نورالدين منان

حرم مافي كلام تاني
السفراء كمان شرفوا؟
امانا النوبة ما ولادة

Quote: Iron Aig irbimenkangon Aigon Ahmed Aaga lin Kulbin Ahmed Aaga lin Hammam eshefa mol lin Omda oun Giraisi lin Shaih oun Ahmed Gara lin

شهد الكلام يا سعادة السفير
دايرنك تحكي لينا عن احمد اغا ووليم آدمز
وحمامات الشفاء..
احكي يا سعادة السفير

يا حكيم
ده الموقع البتنزل منو الخرائط
http://wikimapia.org

1 تبحث باسم المنطقة
2.تحدد نوع الخريطة
3.تكبر وتصغر

مثلا دلقو بالانجليزي يامرسي وممكن تمشي جنوبا وشمالا حتي حلفا
لو سجلت فيه اعتقد بتقدر تحفظها كصورة في العدم اعمل ليها برنت اسكرين ووديها الرسام واقطع الحتة البتعجبك وافتح ملف في الرسام واحد جديد ولصق هناك



ملاحظة يا شباب
الصور صغروها ونزلوها ببرنامج اوفيس فوتو اديتور
الصورة لازم تكون أصغر في العرض 600 بكسل الارتفاع ما مشكلة

وبالمناسبة هاني عربي من الناس المتمكنين في حكاية قوقل والخرط والمناطق حنسوه بزبط ليكم

الاخ Akram Omara

ياخ ضحكتنى لمن بناتى الشمار جابن جاريات الله يديك العافية يعنى مابرايى المسطحة

Quote: والله يااخت نجلاء لو ما اخاف الكضب دي ياها قم للمعلم وفه التبجيلا ذاتها ولو ماياها ادينا المعني ويبقي ده الدرس الاول

استاذ حكيم ماتترجم لينا ينوبك اجر لقيل ما اعتمدترجمة Akram Omara

اسمك .....نبيل محمد حامد
منطقتك ... المحس
اسم قريتك ....أملي
مدي اجادتك للغة النوبية..... في مرحلة تعلم الكتابة بالنوبية ( قلنا لادهم يدينا دروس ما اشتغل بينا ) وش زعلان
اية معلومات عن منطقتك قد تفيد.... دي تمها انت



بوست موفق جدا يا حكيم
واعتقد الاخ ولياب قبل عامين كان فاتح بوست مماثل
و كان بعد مجزرة كدنتكار و اندهشت جدا للعدد الكبير للنوبيين في المنبر
و لعدم مشاركة الكثيرين منهم في بوستات تخص القضايا النوبية

الحمد لله المشاركات زادت كتير في الشهور الاخيرة

و للاخوة و الاخوات الذين يريدون تعلم اللغة النوبية عليهم بمتابعة بوست الاخ و لياب
محاولة جادة للكتابة بالنوبية ... ايها النوبيون اجمعـوا هنـلأ

الادمين عبدالحكيم

كنت مشغول عشان كدا ما قدرت

اساعدك في الردود

بكره حاكون ادمين معك .


النوبة حبيبي و شرياني

والله انا قلت يا اخت نجلاء لو ما قم للمعلم تكون قم ناجي جلق وانشد رسم من بان.في انتظار عبدالحكيم للتفسير وليس الترجمه لانها مفروض لغتنا الام.
اضحك الله سنك وانشاء الله عام خير وسعاده لينا ولي السودان.
اكرم عماره

خضر حسين خليل
السكوت
ابوراقة



وبجيك بالصور ياحكيم

أما عن اللغة فحدث ولا حرج


يعني ان اربيق قسبن بجلوا




وجاييك ياحكيم

ــــــــــ
التعديل لسحب الصورة حأحاول اصغرها والامر يومئذ له

الاسم : احلام محمد وهبي
المنطقه: وادي حلفا بس مواليد عطبره
اجادتي للغه النوبيه نص نص وحتي النص نص اتعلمتها علي كبر وانا بحب الرطانه شديد واتمني اتعلما تحدثا وكتابتا .
وشكرا ليك يا عبد الحكيم علي البوست الجميل ده. يا ناس السعوديه انا بسأل عن اخلاص سعدالدين عشري وشاديه مبارك .

سمك .....عمر عبدالله عبدالرحمن

منطقتك ... دنقلا
اسم قريتك ....ناوا
مدي اجادتك للغة النوبية..... بكل اسف صفر ,,
وليكم اللحم , والعضم ,,

أكتر حاجة عجبتني في البص ده الكلام الكتوب تحت
اكا اووي
قوجا كوسمونوقا
هسون
تر
تارو
ويدادي


شوفوا ليكم زول يترجم القصة دي يا خوانا
(الصورة دي اخدتها في ابوراقة)
ويا ووتروا

Quote: اكا اووي قوجا كوسمونوقا هسون تر تارو ويدادي

ياخضر الكلام ده ما بيترجم
ياخي ده اي زول داير يسمعه يتعلم اللغة عديل كده
وده سر اللغة النوبية...
عليك الله زول معجب بمحمد وردي وما سمع
نايقا كني نايدن مقي
يقدر يقول وردي فناني المفضل؟
ياخي ده سر عجيب
ـــــــــــــ
يا زول ما تحاول

اسمك:احمد فضل كمبال فضل
منطقتك: اكد وسط \ سروج—من جهة الوالد
جزيرة دجرتي —من جهة الوالدة
مدي اجادتك للغة: تحدثا-ضعيفة "موقتة!!" النوبية-
فهما-جيدة "دسا فالا"

كمبال
مرحب بيك
ناس كمبال نزحوا من وسط المحس واستقروا في اكد
وهم فرع من ملوك كوكا..لدي اهل في اكد وسط
ـــــــــــــــــــ
برضو حسن لغتك
تسلم يا قريبنا

- أنـا / عزام حسن فرح محمد عبدالحميد (حاج) خليل ... ووالِدي مِن السكود (عبري/كويكة)
ثُم إني / عزام إبن فَوزِية بِنت زهرة بِنت عشة(عائِشة) بِنت زينب بِنت صافورا ... والدتي مِن المحس (صُلِبْ)

- في مرحلة الكِتابة بِالحرف النوبي التليد

- أدناه قَبه جدي لأبي سيدي الشيخ / شيخ إدريس علي المرضي بِقرَية كُويكة

ياخوانا الضيوف كتروا بالله عليكم الله واحد يساعدني في اكرامهم
لا حولاااا وين احمد بشير شكله كده
اصغر واحد يشيل الابريق ويغسل يد الضيوف
ياخي انتو كتيرين كترة
نبدأ في الترحيب من اخر زول
وبعدين الساعة 12 نوريكم حصيلة اليوم الاول

عزام حسن فرح
تسلم يا رايع
كنت اريدك ان تتحدث عن معمار هذه القبة الفريدة
فقد سمعت ان اشعة الشمس تظل بها منذ شروق الشمس
حتي مغيبها لان تلك الفتحات مبنية بطريقة فلكية مدروسة
منتظرين شرح وافي منك
اها القبة دي برضها في كويكة

اسمك علي سيد علي همد
منطقتك سكوت عبري
اسم قريتك تبج
مدي اجادتك للغة النوبية تصور لمن افكر بفكر بيها
اية معلومات عن منطقتك قد تفيد
تقع قرية تبج جنوب عبري بحوالي 2 كيلو متر جنوباً يحدها من الغرب جزيرة صاي كما أن هناك جزيرة بينها وبين جزيرة صاي تسمى سكار مملوكة لاهل تبج وغير آهلة بالسكان فكلها ارض زراعية وتحدها من الجنوب قرية كويكة
كل عام والكل بخير وتيحة خاصة للاخ عبد الحكيم

شكرا يا حكيم على صورة الخطيب وخالتنا الغالية فاطنة كلوش


صورة حلوة ومستفزة فى نفس الوكت






شولة

هلا يا قمر بوبا..الكهربا بتاعتنا من عشرة الاف قبل الميلاد ههههه ما نوبة ولا شنو ؟؟؟ وخبر جميل منك انو اباهريرة صحبى خطب..يلا سم الله وشوف لينا واحدة سكوداوية اصلو انا مما ناس السكوت كانوا جيرانا من الجهات الاربعة فى الكلاكلة وايام الجامعة حالف طلاق التلاتة الا اشوف لى واحدة سكوداوية ههههه

Quote: اسمك علي سيد علي همد منطقتك سكوت عبري اسم قريتك تبج

ابو علو مسكاقمي
لك وحشة ياراجل
تبج
كامل عكاشة وعصفور وساطور
ياخي ما تكتب عن الناس ديل
تسلم يا زعيم وخليك قريب

عمار عبدالرحمن
مرحب بيك اخوي
اها قلت لي من ناوا
يا زول ما بتطفش الناس من البوست ده
ياخي زمان ونحن شفع كانوا بيخوفونا بالدقر(السحاحير)

ــــــــــــــ
هل تعلم ان الفرعون عندما جادل موسي وجاء بسحرته
وفشلوا في هزيمة موسي نفاهم الفرعون الي ناوا؟
غايتو الله يكون في عون البوست ده

احلام وهبي
بتنا الصامدة في وجه تغولات بدرالدين
والله فكرة البوست منك..بعد بوست بدرالدين
قلت لازم نشوف وزننا..
اسمعي نحن بناتنا بينوبن ازواجهن بالله
كري السني ده علينا
ـــــــــــ
تسلمي يااختي
وما تنهرشي من الزول داك كله كله مداخلاته زي
الف بس بيكرر المداخلة 10 مرات انتي هسه فتيهو

عبد الحكيم وعبرة لأهلنا وعشيرتنا


مسكاقلو



الاسم: عرفة محمد سعيد

المنطقة : السكوت عبري (ست الاسم)

قدر معرفتي باللغة النوبية تحدثاً:-اوكاإنقرا إيمو

استيعاباً: سقد نكر(بكسر الكاف)


لي عودة

عرفة محمد سعيد
زميلتنا
مرحب بيكي وكل سنة وانتي بخير

Quote: اوكاإنقرا إيمو

يا استاذة والله انتي احسن من ناس كتار

Quote: استيعاباً: سقد نكر

سقدنكر قون بنجمي؟؟؟
برضو اوصيكي بكراسة وقلم وبستلة الاكل
وحصلي ولياب بدري قبل طابور الصباح..
ــــــــــــــــ
خلي دكتور سيف ده يجي هنا
علي الاقل يحصل المدرسة دي

خضروف
يا رفيق
ياخي ناس السكوت عاجبني
اوراقكم مكتملة مافي زول ساقط لغة
ايوة بالله كتر لينا من الصور
وكمان رحب معاي بالضيوف ديل
ونعمل ليهم حصر نهاية اليوم

ــــــــــــــ
لاحولااا المنبر ده الا يسموهو نوبة اونلاين
والله لو عفصت علي الرابط بتخش فيهو توووش
http://www.nubaonline.com/

القعدة احلوت
دكتور نبيل كمان نوبي؟
طيب ما برضو كل واحد يشوف لينا مجال تخصصه

ـــــــــــــ
ياخي ما تقوقل لينا املي دي
ورينا بيتكم

هسي انا اولادي النصهم محسي ونصهم شايقي ديل
محسوبين معاكم ولا لا

Quote: هسي انا اولادي النصهم محسي ونصهم شايقي ديل محسوبين معاكم ولا لا

طارق جبريل
حبيبنا انت ذاتك تعال لينا(ده كلام مجاملات ساكت)
اولادك ديل جيبهم نشوف مدي تمكنهم من اللغة واجراءات القبول
وذاتو ممكن يساعدوك في الحصول علي التنوب

ـــــــــــــــ
بالمناسبة اللغة بتساعدك كتير في حصولك علي النوبنة(زي السودنة)

ربنا يجمعكم علي الخير دائما يا عبد الحكيم,


انا نقتي اليل نوية انفع ادخل معاكم,,,,,,,


90% من اصحابي نوبة واتربينا مع بعض اعتز بيهم


شديد وناس اصيلين وعشريين, المربع الساكنين فيه


12 بيت 10 منهم من النوبة ونعم الجيرة,,,,,,,


تسلم ولكم حبي وتقديري.

Quote: ربنا يجمعكم علي الخير دائما يا عبد الحكيم, انا نقتي اليل نوية انفع ادخل معاكم,,,,,,, 90% من اصحابي نوبة واتربينا مع بعض اعتز بيهم شديد وناس اصيلين وعشريين, المربع الساكنين فيه 12 بيت 10 منهم من النوبة ونعم الجيرة,,,,,,, تسلم ولكم حبي وتقديري.

ياسلام يا استاذ
انت تشرف ومرحب بيك
ونحن في النوبة نعتز بالجميع
فمن نحن ومن انتم كلنا نشكل لوحة السودان
تسلم علي الكلمات الطيبات كطيبتك التي تبدو من ملامحك
وادبك في التخاطب عبر المنبر
شكرا لك ونحن نتشرف بمعرفة امثالك
ــــــــــــــــــ
شفت الكلام يا طارق جبريل
مش تجي توووش وتقول لينا اولادي مصيرهم شنو؟؟

حكيم ازيك
اختكم من الحفير مشو
لكن ما بعرف حرف خليك من جملة
عيبة كبيرة لكن واقع الحال يا جميل
مشيت لماما سعاد حسب وصيتك وفرحت بينا فرح شديد
وحتجى لزواج عزوز شفت كيف ؟
يا سلام عليك وعلى اهلى النوبة
يسلمو وتسلم

Quote: اختكم من الحفير مشو

سلمي يا سلامة
تمشي وتجي بالسلامة
سعدت بانك نوبية وتمتين الينا بصلة القرابة

Quote: لكن ما بعرف حرف خليك من جملة

ده علاجو طوال الشنطة الفيها الكراس والقلم وبستلة الاكل
وتصحي بدري تغسلي وشك وتضفري شعرك بشوية زيت وتحصلي مدرسة
ولياب اي غياب 10 جلدات...سمح؟

Quote: مشيت لماما سعاد حسب وصيتك وفرحت بينا فرح شديد وحتجى لزواج عزوز شفت كيف ؟

الكلام كمل
والف مبروك عزيزتي
وبينا الووو

اعلان هام:ـ
كل الذين يودون دراسة اللغة النوبية
تعلما وكتابة سنفتتح كورسات مكثفة خلال قادم
الايام في منبر نوبة اونلاين علي الراغبين
تسديد الرسوم والاشتراك في المنبر
وشنو تاني ؟؟؟
الرسوم :مجانا وتخفض ان كان استيعاب الطالب جيدا
العنوان نوبة اونلاين دوت كوم
http://www.nubaonline.com/
بجوار منبر سودانيزاولاين

حكيم.
مسكاقمي
الاسم مدحت عثمان فضل مختار.
المنطقة فريق المحس.ابليكي
اجيد اللغة النوبية.
اربيق كورجا بنجيل.
قرية فريق المحس قبالة قرية دفوي المحس وتقع بين قريتي مشكيلة وجدي
بها جميع المراحل الدراسية ودرس فيها معظم ابناء المحس ودنقلا.
واشتهرت بخلوة الشيخ تاج الختم قبل انتشار التعليم الحكومي في المنطقة
درس فيها الكثيرين من داخل وخارج السودان.


اليكم صور من فريق المحس.



فطور رمضان في فريق
يسلاااااااااااااااااااااام كابدلتون قوتار فلفيكا نيلوو???




فريق بجبالها ونخيلها



ولن ننسي شهداء فريق.
وشهداء نوري المحس المعز محمد عبد الرحيم وشيخ الدين حاج احمد
تغمدهم الله بواسع رحمته.

Quote: الاسم مدحت عثمان فضل مختار. المنطقة فريق المحس.ابليكي اجيد اللغة النوبية. اربيق كورجا بنجيل.

والله لو اتاخرت 5دقايق كنت حشيل حسك
اقول الزول ده مرته حمته من النوبيين
ابليكي دي حلتنا يا زول؟
اها يا ناس السكوت جاكم زول عربيهو مكسر

ــــــــــــــــ
شكرا مدحت الهميم علي الصور الرائعة
والمتني صورة مقبرة فقيرنتود والصادق
فهنالك اودعنا شهداء الغدر والخيانة

يا حكيم انا غايتو مع الزول ده

Quote: مزمل خيرى الولاية الشمالية مشكيلة المحس اجادتى للنوبية 100% نبذة عن قريتى : ( فى زول مابيعرف مشكيلة ياحكيم .؟)

و برضو ناس عبري عارضين علي الجنسية بس حاليا في مرحلة المفاوضات

Quote: يا حكيم انا غايتو مع الزول ده

يا دكتور هسه بنقوقل ليك الحكاية ونجيب ليك بيتك
بس عشان القبول وكده وعندنا نظام مدارس كنا دايرين
نشوف مستواك اللغوي وبما انك معلوم لدينا شوف
كراس وقلم رصاص واستيكة وبستلة الاكل وعلي سنة اولي
عدل..اي تاخير فيهو جلد..سامع؟

Quote: و برضو ناس عبري عارضين علي الجنسية بس حاليا في مرحلة المفاوضات

لا حول الله انت ما عارف قوانين البلد
دي بيسموها اقامة الجنسية موحدة
ياخي عرفة دي ماعارفة اي حاجة

هدوء حنعد:ــــــ
1ـ موسي احمد جعفر ــــــــــــــــــــــــــ السكوت ابراقة
2ـ فيصل محمد خليل ــــــــــــــــــــــــــ وادي حلفا مجراب
3ـ هاني محمد عربي ــــــــــــــــــــــــــ سقدان شرق المحس
4ـ عبدالعزيز الكيلاني ــــــــــــــــــــــ السكوت صاي
5ـ نجلاء سيداحمد ـــــــــــــــــــــــــــ المحس بدين
6ـممدوح عثمان ـــــــــــــــــــــــــــــ السكوت عبود
7ـ اكرم عمارةــــــــــــــــــــــــــــــ دنقلا القولد
8ـ ماهر محمد صالح ـــــــــــــــــــــــــ السكوت نلوتة
9ـعلي سيد همت ـــــــــــــــــــــــــــــ السكوت عبري تبج
10ـ خضر حسين خليل ـــــــــــــــــــــــــ السكوت ابراقة
11ـ عرفة محمد سعيد ــــــــــــــــــــــــ السكوت عبري
12ـ عزام حسن فرح ــــــــــــــــــــــــــ السكوت كويكة
13ـ الفاتح شلبي ـــــــــــــــــــــــــــ السكوت نلوتة
14ـ نصرالدين شريف ـــــــــــــــــــــــــ السكوت صاي
15ـ ادهم عبدالرحمن ــــــــــــــــــــــــ المحس تاجاب
16ـ نبيل محمد حامد ــــــــــــــــــــــــ المحس املي
17ـ قرشي عبدون ــــــــــــــــــــــــــــ المحس كبرنارتي
18ـ مدحت عثمان ــــــــــــــــــــــــــــ المحس فريق
19ـ مزمل خيري ـــــــــــــــــــــــــــــ المحس مشكيلة
20ـ سيف النصر محي الدين ـــــــــــــــــــ المحس مشكيلة
21ـ اسعد صلاح البدري ـــــــــــــــــــــــ المحس جدي
22ـ محمد خليل اسماعيل ـــــــــــــــــــــ المحس دفوي
23ـ نوري جليلة ــــــــــــــــــــــــــــ حلفا كولب
24ـ احلام وهبي ـــــــــــــــــــــــــــــ وادي حلفا
25ـ سلمي سلامة ـــــــــــــــــــــــــــــ دنقلا الحفير مشو
26؟ـ احمد كمبال ـــــــــــــــــــــــــــ دنقلا اكد
27ـ عثمان صبري ــــــــــــــــــــــــــــ المحس بدين
28ـ ابراهيم قناوي ـــــــــــــــــــــــــ المحس كرمة
29ـ خالد عبدالله ــــــــــــــــــــــــــــ دنقلا القولد

تحايانا من علي البعد لهادي النوبة فتي النوبة الفنان
مع خالص امنياتنا له بالشفاء العاجل
وكل سنة وانت طيب يا عبدالهادي

محمد فقير
المحس ــ جزيرة بدين ـ شبة

كـُـنتِ وكنــّا
أنشودة لجزيرة بدين
ـــــــــــــــــــ
محمد فـقــــير
:::::::::::::
أنتِ فـدين وأنتِ بـدين
كان الإسـمُ وكنتِ وكـُنا
إســـمٌ وثـني ؟؟
مـا في ذاك مَضـارْ
إســـم نوبي ؟؟
ذلـك عِــزٌ وبـطارْ
ذلك ـ يا مسـقط رأسي ـ مجـدٌ وفـَخـارْ
مع موسي جاء الإســمُ ؟؟
مع عيسي جاء ؟؟
مع أحمدُ، ذاك المُخــــتارْ ؟؟
كــــــلٌ مَـقـبــول
فلكلّ ٍ فيكِ حديثٌ وعبارةْ
لكـُلّ ٍ فيــكِ مقالٌ وإشارة ْ
لكـُلّ ٍ فيكِ رموزٌ وحضارة ْ
لكـُلّ ٍ فيك ِ امارة ْ
لكـُلّ ٍ فـــيك ِ مَـــزارْ
لكـُلّ ٍ اثـرٌ منـقــوشٌ فيكِ
لـكـــُلّ ٍ تـِــــــذكارْ
::::::::::::::::::::::::::::
كــنتِ هنــاك، وكنتِ بدين
وكنتِ وكنا
منذ خرجتِ عـروساً من جـوفِ النيل
يا بنت الـنيل وست الجيل
يا لؤلؤة الوادي، يا فاتنة ٌ سـمراء
كنتِ هناك، وكان الفصل ربيعاً
كان الطقس جميلآً
حين خرجت ِ إلي الدنيا
مُـشرقة ُ الوجـهِ وقــاراً ونضـارْ
حين خرجتِ الي الدنيا طارتْ نحوكِ كلّ ُ الأطيار
من كل بقاع ِ الحسن ِ الأخضر ِ من كلّ ِ الأشجـــارْ
إمتدت نحوكِ كلّ ُ الأبصار
حين خرجتِ الي الدنيا فاحَ العـِطـرُ العَـطـّارْ
عـِطرُ الأرض ِ البكـر ِ، عِـطرُ الأرض العـذراء، عـِطرُ النـوّارْ
حين خرجتِ الي الدنيا
غني القـِـمْريّ بلحن الحـب
زغـــردت الأشجــــارْ
رقص الموج علي الضفة
وإنتشــت الأزهــارْ
حين خرجتِ الي الدنيا
تجمعـتْ السُــحْـبُ من الآفــــاق
إشتعل البرق ضياءً
إحتفل الرعــدُ فـدوي
وإبتلت أرضك بالأمطــارْ
حين خرجتِ الي الدنيا
هَـبـتْ نسماتك باردةٌ ٌ نـَشـوي
أسكرت الخطاب علي طول الوادي
فجاء العـِرســان، جاء الفرســان
جاء رجالٌ سمرٌ أخـْيـارْ
جـاء الأبـْــرار
من مملكة النوبة جــاءؤا
من تلك الأديــارْ
جاءؤا يسعـون الي ارض الخير المدرارْ
من كرمة جـاءوا، جـاءوا من كجبارْ
من أرقـو، من دلقـو، من عـبري
من حلفا، ارضُ الحجر الناطـق بالأسرارْ
جاء بعانخي، ذاك السيف البتـارْ
جاء القائد تهراقا، ذاك الأسد المغـوارْ
جاءت كنداكة، في( شـُـوقــَر ِ )* عـِـزّ ٍ جـَـرّارْ
جاءؤا في ( سـِـقـِر ٍ )* نوبي ِالريـّس والبَحّــَارْ
عبروا النيل إليكِ
والقوا فيكِ عصا التـسـيـارْ
في ساحـتك الخضراء
أناخـوا قافـلة َ الأحـرارْ
قافلة َالتاريخ ِ الموغـل ِ في الأطـوارْ
قافلةَُ المجـدِ العابـق بالآثـارْ
عـندكِ ناموا، قاموا
عـبدوا ( آمون )* الجـبارْ
عبدوا النيل خـُرافيّ ُ المجري والتــيارْ
عندكِ جاء كتاب التوراة وجاء الإنجيل
عندكِ جاء الفــرقــانْ
شملتهم رحـَماتُ الرحمن
فـصاموا، قاموا بالليل، وصلوا في الأسحـارْ
فكنتِ وكنا
::::::::::::::::::::::::::::::::
كنتِ هناك وكنتِ بدين
وكـنتِ وكنـّا
انتِ الأُم وأنتِ الـدارْ
أنتِ القيمة والمقـدارْ
أنتِ فـدين وأنتِ بـدين
وكـنتِ وكُـنا
::::::::::::::::::::::::::::

*(شـُـوقــَــرْ) يعني سَـيرة(سيرة العريس)
*(ســقـرْ) بكسر السين والقاف يعني مـُرْكـَب
*(آمون) اسم إله النوبة القديم
ــــــــ
التعديل لإضافة أنني أتكلم المحسية والدنقلاوية بطلاقة

يا حكيمنا ومحامينا...

الإسم: عبدالإله محمد زمراوي
البلد: الأب، كرمة البلد
الأم: وادي خليل وسقدان (بدين)
معرفة اللغة النوبية، أفضل مليون مرة من العربية
التي تعلمناها في المدارس لكي لا ندفع التعريفة (لو تكلمت النوبية، تدفع تعريفة) ، بي بعض من اللكنة عند التحدث بالعربية...


بوست موفق جدا، خاصة وأنني إكتشفت مثلا بأن نجلاء من إندينا
وهي شعلة النشاط والأمل في توثيق أهم ما يدور بالوطن وفي الوطن،
فازددتُ فخراً بنوبيتي...

____________________________________________________________________
بعد (كرمة) يا سكوت ومحس ودنقلا مافي كلام، أقدم عاصمة إدارية وحضرية
في التاريخ. وبها الدفوفة الغربية (وكي قيل) والدفوفة الشرقية وفيها
كان يقيم ملوك الكوشيين ويرسلون تجريداتهم لمصر وفلسطين....

انا مناهل ابراهيم (مناهل غابات)
نوبيه حلفاويه من ارض الحجر ( سمنه , اتيرى , صرص )
انين اربيق القون كرجى نوبيق بجل
يااحلام اسمها اللغه النوبيه مارطانه ده مجرد تنبيه ايتها النوبيه
وتسلم ياحكيم

عبدالناصر عبدالرحمن
المحس قرية تـــــولا


اللغة النوبية 200%

اسمك أمين محمد سليمان
منطقتك : المحس
اسم قريتك : تولا
مدي اجادتك للغة النوبية : سجمان سجم شديد (صفر كبير جدا )
اية معلومات عن منطقتك قد تفيد : مولود و قضيت عمري كلو في أم درمان و لكن هناك حنين بصوره غريبه للبلد رغم إني ما زرتها ولا مره .

اها ناس تولا شرفوا
امين ابن عمي ياخي مرحب بيك
يا زول نعم فاتك الكتير بس اولادك عمك بيعالجو ليك الضرر
بالمناسبة ناس تولا بيشكلوا اغلبية هنا
عندك ادهم وناصر وصابر برضو
ـــــــــــــــــــــــــــــــــــــــــ
تسلم يا عزيزي
اتمني ان تكون اتصلت بوردي

بهاء الدين حسن عيسي
القرية تاجاب المحس ..
التحدث بالنوبية اولا وثانيا وثالثا .. بعد داك العربية ومكسر كمان

بهاء ود حلتي
ياخي منور والله
اها محسي عربيهو مكسر
ورطاني مية مية
ايه رايك تشتغل في المدرسة الدايرين نفتحها؟
تسلم ايها الرائع

مدحت اسحب الاغنية

لانها قفلت البوست

الناس ما قادره تخش

ناصر اخوي
اها ده طوالي اخوي الاكبر من ادهم
ولو ملاحظين اننا متميزين لغويا
يعني نوبيين قحح..
تسلم اخي
ـــــــــــــــــــــــ
تحت ود عمك امين برضو من تولا

Quote: ناصر اخوي اها ده طوالي اخوي الاكبر من ادهم

انا ما بعرف الاكبر منو بس مولود قبل وفاة الوالدة
باقل من ستة شهور

اهلا بحكيم الدار ويا قريبى

الاسم .....حامد محمد حامد عبد الله محمد عوض الله امن الله
المكان....جزيرة سمت ( وتشابكات اخرى)
اللغة النوبية اجيدهاتحدثا..ضعيف فى بعض المعانى

جزيرة سمت

جزيرة كاملة تحيط بها الماء من كل الجهات ,تقع شمال كرمة النزل بها مدارس ابتدائية ومتوسطة اظنها الان مرحلة الاساس

كان لاهل الجزيرة باع طويل فى نشر العلم والتعليم بالمنطقة يمتلكون دارا ضخما بالمزاد بحرى ومن هناك نبعت فكرة العون الذاتى لبناء المدارس وبقية الخدمات بالجزيرة ( فترة مايو) اشتهروا بمقاومة الظلم والحكومات الديكتاتورية وبالذات ضد مايو حيث كان نفر منهم يعمل فى النقابات منهم ..ميرغنى خالد رحمة الله عليه ...ادريس ابوبكر متعه الله بالصحة والعافية واخرون كثر لا اود ذكر اسمائهم .

حكيم ..ما تقول لى الصور حيث لم ازر المنطقة منذ 11 عاما
واذا عرفت اقوقلها بحاول او اى واحد من الشباب بالله ينزل لينا جزيرة سمت هنا.
كن بخير

حامد قريبي
اها رسلت لي صاحبي الباقر كم؟
ده رسله في الخاص سمح؟
سمت ما ادراك ما سمت؟

Quote: جزيرة كاملة تحيط بها الماء من كل الجهات ,تقع شمال كرمة النزل بها مدارس ابتدائية ومتوسطة اظنها الان مرحلة الاساس

كيم كمسن امنق سربفين ارتا
تن باسين اقر نجرا
سمت الجزيرة الجميلة
جزيرة العلم والراي السديد
بس 11 سنة عيب عليك كتيرة يا اخوي
بنحاول نقوقلها ليك

شلالات كجبار
سوف تظل هذه المنطقة الجميلة قبلة للسواح

استاذ مدحت الرجاء تعديل الاغنية في البوست حتي يسير بصورة طبيعية
وكذلك اناشد الباشمهندس بكري معالجة الخلل
لحينه سارفد البوست بصور اهم موسم النوبيين
الا وهو موسم النخيل من بدء الجبيد الي الحصاد



شجرة نخيل في طور الحمل (الجبيد)او طلع النخل
وتكون هذه المرحلة نهايات شهر امشير

ذكر النخيل ود لقاي ويسمي الختم او الادم عند السكوداوية
يقطع طلع الذكر ويتم ربط فسائله وتجفيفها للاستعمال عندما
تكون الانثي جاهزة للتلقيح...




طلع الذكر قبل قطعه




طلع النخيل بعد القطع للاعداد والتربيط استعدادا للتلقيح

عملية التلقيح



الدفيفيق الدابو ني



انق ادرون سبونكر تبل قيلنقا

عبد الحكيم أننقا

سلام بحجم الحضارة النوبية

غايتو ذكرتنا تعداد البلح زمان في البلد

الإسم : جلال الدين عثمان داود الملقب منذ الستينيات بأبي جهينة ( و لتلك التسمية قصة طويلة )
مكان الميلاد : عطبرة الغراء
الموطن الأصلي : قرية قبة سليم ( قديما كان إسمها ADAI FAAR و معناها المعبد القديم لوجود معابد نوبية على مرمى حجر منها
اللغة النوبية : أعتقد أن المستوى ممتاز ( رغم أنني أؤمن أن فوق كل مجيد للغة رجل مجيد أكثر منه )

في الحقيقة طولت جدا من البلد رغم عشقي لكل قرانا
زرت قرانا من وادي حلفا و حتى التاجاب شرقا و غرباً

دمتم

ابوجهينة
مسكاقمي
اهو ناس السكوت مريحين في اللغة مولود في عطبرة
ولغته مية مية
تدربت مع مولانا طارق محمد عثمان
وعلي صلة بسمير ضرغام ودكتور احمد عبدالعزيز
وكل اهلهم..

Quote: في الحقيقة طولت جدا من البلد رغم عشقي لكل قرانا زرت قرانا من وادي حلفا و حتى التاجاب شرقا و غرباً

اهو ده الكلام النحن عايزنه
تحكي لينا عن تجاربك ورحلاتك دي
وهسه بنشوف ليك زول يقوقل ليك قبة سليم
تسلم يا ابو جهينة وبرضو ورينا سر المسمي

ليبقى عاليا...

يا حكيم .. انا عملت مداخلة هنا بس ماظهر .. والبوست شكله كدة فيه خلل؟؟

Quote: بعد (كرمة) يا سكوت ومحس ودنقلا مافي كلام، أقدم عاصمة إدارية وحضرية في التاريخ. وبها الدفوفة الغربية (وكي قيل) والدفوفة الشرقية وفيها كان يقيم ملوك الكوشيين ويرسلون تجريداتهم لمصر وفلسطين....

شاعرنا النوبي الهميم عبدالاله زمراوي

اليك اروع ما شاهدته عن الحضارة النوبية عامة و كرمة خاصة
فيلم توثيقي من انتاج البي بي سي
يمكنك مشاهدة البقية علي الرابط
http://www.youtube.com/nabielogr

Quote: 1ـ موسي احمد جعفر ــــــــــــــــــــــــــ السكوت ابراقة 2ـ فيصل محمد خليل ــــــــــــــــــــــــــ وادي حلفا مجراب 3ـ هاني محمد عربي ــــــــــــــــــــــــــ سقدان شرق المحس 4ـ عبدالعزيز الكيلاني ــــــــــــــــــــــ السكوت صاي 5ـ نجلاء سيداحمد ـــــــــــــــــــــــــــ المحس بدين 6ـممدوح عثمان ـــــــــــــــــــــــــــــ السكوت عبود 7ـ اكرم عمارةــــــــــــــــــــــــــــــ دنقلا القولد 8ـ ماهر محمد صالح ـــــــــــــــــــــــــ السكوت نلوتة 9ـعلي سيد همت ـــــــــــــــــــــــــــــ السكوت عبري تبج 10ـ خضر حسين خليل ـــــــــــــــــــــــــ السكوت ابراقة 11ـ عرفة محمد سعيد ــــــــــــــــــــــــ السكوت عبري 12ـ عزام حسن فرح ــــــــــــــــــــــــــ السكوت كويكة 13ـ الفاتح شلبي ـــــــــــــــــــــــــــ السكوت نلوتة 14ـ نصرالدين شريف ـــــــــــــــــــــــــ السكوت صاي 15ـ ادهم عبدالرحمن ــــــــــــــــــــــــ المحس تاجاب 16ـ نبيل محمد حامد ــــــــــــــــــــــــ المحس املي 17ـ قرشي عبدون ــــــــــــــــــــــــــــ المحس كبرنارتي 18ـ مدحت عثمان ــــــــــــــــــــــــــــ المحس فريق 19ـ مزمل خيري ـــــــــــــــــــــــــــــ المحس مشكيلة 20ـ سيف النصر محي الدين ـــــــــــــــــــ المحس مشكيلة 21ـ اسعد صلاح البدري ـــــــــــــــــــــــ المحس جدي 22ـ محمد خليل اسماعيل ـــــــــــــــــــــ المحس دفوي 23ـ نوري جليلة ــــــــــــــــــــــــــــ حلفا كولب 24ـ احلام وهبي ـــــــــــــــــــــــــــــ وادي حلفا 25ـ سلمي سلامة ـــــــــــــــــــــــــــــ دنقلا الحفير مشو 26؟ـ احمد كمبال ـــــــــــــــــــــــــــ دنقلا اكد 27ـ عثمان صبري ــــــــــــــــــــــــــــ المحس بدين 28ـ ابراهيم قناوي ـــــــــــــــــــــــــ المحس كرمة 29ـ خالد عبدالله ــــــــــــــــــــــــــــ دنقلا القولد

بالله ياحكيم ماتنسى ولدنا اشرف عبدالودود من ابناء مشكيلة الخلص يبقى كدة 30

اصبحنا واصبح الملك لله
اهلي النوبيين شايفكم كترتو شديد خلاص
اتضامن مع الاخ فيصل بخصوص سحب الاغنية رغم انها عزيزة علينا
ولكنها اوقفت الصفحة التانية لمتصفحي البوست بواسطة الاكسبلورر

ميزو
اشرف بس يسجل حضور ويتسجل
لا تسجيل بالوكالة..
اهو طلع ليك دكتور من مشكيلة
ونشوف اشرف ده ما شرف ليه؟

Quote: 1ـ موسي احمد جعفر ــــــــــــــــــــــــــ السكوت ابراقة 2ـ فيصل محمد خليل ــــــــــــــــــــــــــ وادي حلفا مجراب 3ـ هاني محمد عربي ــــــــــــــــــــــــــ سقدان شرق المحس 4ـ عبدالعزيز الكيلاني ــــــــــــــــــــــ السكوت صاي 5ـ نجلاء سيداحمد ـــــــــــــــــــــــــــ المحس بدين 6ـممدوح عثمان ـــــــــــــــــــــــــــــ السكوت عبود 7ـ اكرم عمارةــــــــــــــــــــــــــــــ دنقلا القولد 8ـ ماهر محمد صالح ـــــــــــــــــــــــــ السكوت نلوتة 9ـعلي سيد همت ـــــــــــــــــــــــــــــ السكوت عبري تبج 10ـ خضر حسين خليل ـــــــــــــــــــــــــ السكوت ابراقة 11ـ عرفة محمد سعيد ــــــــــــــــــــــــ السكوت عبري 12ـ عزام حسن فرح ــــــــــــــــــــــــــ السكوت كويكة 13ـ الفاتح شلبي ـــــــــــــــــــــــــــ السكوت نلوتة 14ـ نصرالدين شريف ـــــــــــــــــــــــــ السكوت صاي 15ـ ادهم عبدالرحمن ــــــــــــــــــــــــ المحس تاجاب 16ـ نبيل محمد حامد ــــــــــــــــــــــــ المحس املي 17ـ قرشي عبدون ــــــــــــــــــــــــــــ المحس كبرنارتي 18ـ مدحت عثمان ــــــــــــــــــــــــــــ المحس فريق 19ـ مزمل خيري ـــــــــــــــــــــــــــــ المحس مشكيلة 20ـ سيف النصر محي الدين ـــــــــــــــــــ المحس مشكيلة 21ـ اسعد صلاح البدري ـــــــــــــــــــــــ المحس جدي 22ـ محمد خليل اسماعيل ـــــــــــــــــــــ المحس دفوي 23ـ نوري جليلة ــــــــــــــــــــــــــــ حلفا كولب 24ـ احلام وهبي ـــــــــــــــــــــــــــــ وادي حلفا 25ـ سلمي سلامة ـــــــــــــــــــــــــــــ دنقلا الحفير مشو 26؟ـ احمد كمبال ـــــــــــــــــــــــــــ دنقلا اكد 27ـ عثمان صبري ــــــــــــــــــــــــــــ المحس بدين 28ـ ابراهيم قناوي ـــــــــــــــــــــــــ المحس كرمة 29ـ خالد عبدالله ــــــــــــــــــــــــــــ دنقلا القولد

حصيلة اليوم التاني:ـــ
30ـ محمد فقير ــــــــــــــــــــــــــــ المحس بدين شبة
31ـ عبدالاله زمراوي ـــــــــــــــــــــــ المحس كرمة البلد
32ـ بركات بشير ـــــــــــــــــــــــــــ المحس كرمة البلد
33ـ عبدالخالق امن الله ـــــــــــــــــــــ المحس كرمة البلد
34ـ عبدالناصر عبدالرحمن ــــــــــــــــــ المحس تولا
35ـ امين محمد سليمان ـــــــــــــــــــــ المحس تولا
36ـبهاء الدين حسن عيسي ـــــــــــــــــــ المحس تاجاب
37ـ حامد محمد حامد ـــــــــــــــــــــــ المحس سمت
38ـ اشرف عبدالودود ـــــــــــــــــــــــ المحس مشكيلة
40ـ ارصد محمد جلال ـــــــــــــــــــــــ المحس دفوي
41ـ جلال الدين عثمان داؤودــــــــــــــــ السكوت قبة سليم
42ـ الشفيع عوض ــــــــــــــــــــــــــ السكوت ارو
43ـ محمد سيداحمد ــــــــــــــــــــــــ السكوت نلوتي
44ـ محمد سيد احمد السندةـــــــــــــــــ حلفا دغيم
45ـ مناهل ابراهيم ـــــــــــــــــــــــ حلفا صرص
46ـ كمال ادريس ــــــــــــــــــــــــــ دنقلا بنا

مناهل العزيزة
مناهل النوبية الهميمة
ارقن منقا فرقي؟؟؟؟
انقر ديا؟
ايوة بس احلام دي جديدة في المنبر وكمان بهناك في مجموعة استعرابية عاملين ليها
ارهاب عشان كده قلنا نخليها شوية والنصيحة تكون في اطار البيت النوبي
(ارابريق اربمينانيا)
اشريا؟
ــــــــــــــــ
تسلمي يا فخرنا

Quote: الإسم: عبدالإله محمد زمراوي البلد: الأب، كرمة البلد الأم: وادي خليل وسقدان (بدين)

سمع هـــــــــــــــــــس
محكمـــــــــــــــــــة
مولانا شخصيا ايه النور ده
ياما انتي ولادة يانوبة

Quote: معرفة اللغة النوبية، أفضل مليون مرة من العربية التي تعلمناها في المدارس لكي لا ندفع التعريفة (لو تكلمت النوبية، تدفع تعريفة) ، بي بعض من اللكنة عند التحدث بالعربية...

ايوة والكرتلة وجلد الصباح ياخي في واحد مما يجي المدرسة لحد ما يرجع بيته
كان بيكون زي الابكم خوف الجلد والعربي
ـــــــــــــــــ
بالمناسبة دايرين اشعار نوبية منك
دكتور نبيل عمل ليك مداخلة بخصوص حضارة كرمة في هذا البوست


وللجميع لكم اشعار مولانا الشاعر الفحل والثائر

سلامات يازول يا حكيم
صديقكم من السكوت جزيرة صاي صيصاب
للأسف لا اجيد اللغة وساحاول ما وسعني
من وقت وجهد عبر نوبة اونلاين


شكرًا لفكرة التعارف

...حسن بركية
...دنقلا
...وحدة الحفير الإدارية
...من بين غابات النخيل بالخضرة مكسية
رأت عيناي أجمل طفلة نوبية رعاها جدي
وأسقاها الثورة وأعطاها تاريخا واسماها
(بركية...بركمار)
...اللغة النوبية...أستاذ كبير
بركية المنطقة والأسرة لها وصل مع حلفا
وعبري وتبج وصاي وسكار...سرة ودغيم ...الخ

حسن بركية
سلام ياخي
انت شكيت مداخلتك دي وين؟
ـــــــــــ
خجلان عشان جايي متاخر؟
بركية عمنا المرحوم عبداللطيف بركية الرجل الكلس
اخو الاخوان ومكرم الضيفان الهاش الباش
الف رحمة ونور عليه
حزنت عند سماعي خبر وفاته وذهبت للعزاء
كان ود ابي
ولم ينقطع عنا يرحمهما الله
تسلم يا اصيل
وخليك قريب ايها المبدع

...حسن بركية
...دنقلا
...وحدة الحفير الإدارية
...من بين غابات النخيل بالخضرة مكسية
رأت عيناي أجمل طفلة نوبية رعاها جدي
وأسقاها الثورة وأعطاها تاريخا واسماها
(بركية...بركمار)
...اللغة النوبية...أستاذ كبير
بركية المنطقة والأسرة لها وصل مع حلفا
وعبري وتبج وصاي وسكار...سرة ودغيم ...الخ
...شاركت وماشايف المشاركة...

برج الاتصالات الوحيد فى منطقة مشكيلة ..



______

الاثار القديمة بالمنطقة ..




_____

مسيد كسبتة




_____


مركز صحى مشكيلة الجديد والذى شيد بعون ابناء مشكيلة داخل وخارج السودان ..




______

نادى مشكيلة وهو اول نادى قام بتركيب الطبق الهوائى فى بداية ظهور الديجيتال ..





_____

ابناء مشكيلة فى مناسبة عقد قرآن ..





_____
يتبـــع...

Quote: يتبـــع...

مزمل غلبنا الفتيش
الرجاء انزال الصور في الصفحة الاخيرة
صور جميلة بس الناس بتمشي علي الصفحة الاخيرة
تسلم ومنتظرين مواصلتك للعرض الجميل ده

اسمك : هشام كمال جلال احمد هاشم
منطقتك: السكّوت
اسم قريتك: جزيرة جزيرة صاى
مدي اجادتك للغة النوبية: إجادة تامة للفهم حالة بائسة تحدثاًً وياللاسف
مواصل للبلد وحأجيكم بصور عيد الاضحى فى جزيرة صاى
خالص الود

الشمالية
مقيم خارج الوطن
السعودية

........ لدن جعفر ...

سيد عبدالرحمن بيكاب

جزيرة صاي - ادو

هلا بمحمد فقير شبه
يا زول انت مختفي وين؟
شاعر ويتحدث اللغتين باجادة تامة؟
ياخي انت نمرة واحد في البوست ده
بس يمكن اول مرة اسمع بيك
يا سلااااااام
دة انتو عندكو حاجات يا نوبة
ـــــــــــــــــــ
بالله واصل وما تنقطع

محمد سيد احمد مصطفى
السكوت
نلوتى
كتب عنها الاقارب
ماهر محمد صالح
والفاتح شلبى
النوبية
استقبال جيد جدا
ارسال دون الوسط

ميمد سيدي
مرحب بنلوتة وشباب نلوتة
لدينا اهل في نلوة
عثمان وبكري عبدالقادر نصر

Quote: استقبال جيد جدا ارسال دون الوسط

الحلفاوي قال حكمة الله نقرأ ما نكتبش؟
ياخي طالما استقبالك كويس الارسال بيتحسن
بس لف الطبق شوية خلي الاشارة تكون مليانة
مرحب بيك محمد وسعيدين بيك
ابقي مواصل

Quote: ايوة والكرتلة وجلد الصباح ياخي في واحد مما يجي المدرسة لحد ما يرجع بيته كان بيكون زي الابكم خوف الجلد والعربي

زولك دهـ أحسن من زميلنا اللى ما لقى اي واحد يوزع ليه الكرت (لان الشباب ما بيتكلموا معاهـ طول ما الكرت معاهـ) مشى مكتب المعلمات ولقى استاذة بتتونس بالنوبية مع زميلتها ... مشى على طول ورمى ليها الكرت وجانا جاري ... والطريف لمن شاف الاستاذة جاية علينا قام جرى والاستاذة جرت وراهـ (الظاهر هي الاخرى كانت خايفة من الجلد).


يا حكيم ابقى عشرة على البوست دهـ, بس عندي طلب بسيط أرجوا أن تكتب بريدك الإلكتروني فى المشاركة الاولى ليتمكن غير الاعضاء من ارسال بياناتهم.

الفاتح اننقا
ضحكتني والله لامن شرقت بحكاية زولكم
ولكن يا الفاتح الكرتلة دي كانت قمة الاهانة
لنوبيتنا..وغير الكرتلة في حاجات تانية
في كتب التاريخ والجغرافيا
المهم دايرين نرفد البوست بكل الحاجات التي تهمنا
و دايرين نرفده بكتاب كبارة
لتعليم النوبية عشان الفايدة تكون عامة
للمراسلات من خارج المنبر علي البريد التالي
[email protected]

Quote: ولكن يا الفاتح الكرتلة دي كانت قمة الاهانة لنوبيتنا..وغير الكرتلة في حاجات تانية في كتب التاريخ والجغرافيا المهم دايرين نرفد البوست بكل الحاجات التي تهمنا و دايرين نرفده بكتاب كبارة

تمام يا حكيم

بس ما تنسى تحط البريد الالكتروني أعلى البوست فى الموضوع الرئيسي قبل إسمك ومنطقتك

تمام كده يا مدحت تسلم يدك

عبدالحكيم نصر

Quote: كنت اريدك ان تتحدث عن معمار هذه القبة الفريدة فقد سمعت ان اشعة الشمس تظل بها منذ شروق الشمس حتي مغيبها لان تلك الفتحات مبنية بطريقة فلكية مدروسة منتظرين شرح وافي منك

القُبة / القِباب :
عُرِفت القُبة في عِمارة المسجِد في عهد الدَولة الأمَوِية وأصبحت رمزاً وعُنصُراً أساسِياً في عِمارة المسجِد ، أخذ الفن الإسلامي في بناء القباب عن الساسانِيين والأقباط والبيزنطيين ، وأقبلوا على إستعمالها في الأضرحة حتى أطلقت الجزء على الكُل ، بِأن صارت كلِمة " قُبة " إسماً لِلضريح كُلِهِ ، وقد إنتشرت في العالم الإسلامي أنواع مختلِفة مِن القِباب ، ويرجع أقدمها إلى العصر الفاطمي ، وكانت وظيفة بِناء القُبة بِالماضي ، وظيفة هيكلِية ، لِقطع أكبر مسافة مُمكنة مِن الفراغ مِن غَير أعمِدة وسطِية.
ــــــــــــــ
المُقرنص / المقرنصات (الأقواس) :


وهي الأقواس المُقببة ، التي تتكَون مِن مجموعة مِن الحنايا المُقببة التي يتدلى أو يستقِر بعضُها فَوق بعض بِطبقات أو صُفوف طنفية ( إفريز فَوق زخارف جِدارية يحول دون تسرُب مياه المطر – يعني سبلوقة بِالسوداني ) وعادةً ما تكون مُتدرِجة بِشكل مُتناوِب وتُدعى تِلك الصفوف " حطات " وأبسطُها يبدأ بِواحدة ثم بِثلاث حنايا. ويُمكن أن يكون ذلك باكورة إستِعمالِهِ ومُبرر ظهورِهِ في زوايا القِباب المُشادة فَوق الحُجرات المُربعة ، والتي تُسمى " المثلثات الكروية " التي يُراد مِنها تشكيل واسطة مُتدرِجة لِنقل العزوم ( لِنقل التحميل على مداميك الزوايا ) إلى الحيطان الجانبِية ولَيس إلى الرُكن القائِم الذي أُلَغِي وحلت محله تِلك الحنايا التي يُراد مِنها التهَيِئة لِلشكل المُثمن الناشئ فَوق الشكل المُربع لِلحجرة لِيحتضِن تباعاً قاعدة أو " رقبة " القُبة المُتوافِق مع هيئتِها الدائِرِية. والمُثلثات الكروية هي كُتل على شكل مُثلثات قِمتها في الأسفل وقاعدتُها المُقَوسة والمطنفة إلى الأمام في الأعلى.
ــــــــــــــ
الكُوه / الكُوات (المُتدلِيات) :
وهي الفتحات الصغيرة الناتِئة المُثلثة الكرَوية المُسماة بِالمتدليات لِتدلي بعضها فَوق بعض كخلايا النحل ، وقد إستُعمِلت المُتدلِيات في صقلِية مِنذُ القرن العاشِر والحادي عشر لِلميلاد.


ــــــــــــــ
وأقول : والقُبة مِن مفهوم صوفي ترمُز إلى السماء ... المُنتهى ... لِذا تجِد أن الأقواس ( المُقرنصات ) التي تُبنى داخِل البنِيه التي تعلوها قُبة والنوافِذ ( الكُوات ) كُلُها تنشُد القُبة ... كُلُها تتجِه إلى أعلى.


ــــــــــــــ
وتُحاكي النافِذة المُثلث شكلاً - هذا إجتِهاد مِني – هذا المُثلث ( بِقُبه كويكة 48 نافِذة تقريباً ) بِضِلْعَيهِ المُتجِهان لأعلى يُمثِلان الجسد والروح وهُما في أتقى وضع لإنشادِهِما السماء العُليا المُتمثلة في القُبه ... وشكل الجسد والروح ( ضِلعي المُثلث ) وهُما مُفارِقا ضِلْعِهِما الثالِث الذي ركز بِالأرض ، كأنهُما لِلطين مُفارِقا لِحَيثُ < كَمَا بَدَأْنَا أَوَّلَ خَلْقٍ نُّعِيدُهُ وَعْدًا عَلَيْنَا إِنَّا كُنَّا فَاعِلِينَ > الأنبِياء 104


ــــــــــــــ
ورمزِية تقعُر الجِدار الخارِجي لِقُبه كويكة مع بِروز مُنتصفهِ ، تقودك إلى شكل الكِتاب المفتوح ، والكِتاب المفتوح إن وُجِد بَين مُفردات وجَو تعبُدِي كالجسد ... الروح ... السماء ... ولي ... صالِح ... ضريح ، حتماً ستنتهي إلى أن تقعُر الجِدار هو كِتاب مُقدس أو يرمز لِعلم لدُني.


ــــــــــــــ
وقُلت فوق القُبة :
وا شوقي لِلقُبه السمِح بُنيانا
وا شوقي لِلبلد البخيته أطيانا
كيفنو الخلاص (سيدي) والظُروف واطيانا
وإبليس اللعين ومكايدو ما خاتيانا

وا شوقي لِلقُبه السمِح قِنديلا
واشوقي لِلبلد البريد قُنديلا
وا شوقي لِلضريح الكبير دانقيلا
وا شوقي لِلبنِيه البِفوح مِنديلا

وا أسفاي على عُمري البعيد مِن بدري
وا أسفاي على شبابي الراح علي يا بدري
شوف (سيدي) كيف دمعي إندلق فوق صدري
ساعلك يا رب العِباد تلطُف علي في قدري

شوقي لِلقُبه البريدا ، البخيت سيدا ...
شوقي لِلبِعصِر جناي والإنخطف عيدا ...
شاحتك يا رب العِباد المحنه لي عيدا ...

شوقي لِلقُبه البريدا ، البخيت سيدا ...
شوقي لِلبِعصِر جناي والإنخطف عيدا ...
شاحتك يا رب العِباد المحنه لي عيدا ...

شوقي لِلقُبة والبِزور أوكاتا ...
بخيت الزارا ومسح واطاطا ...
يا سيدي السماح أكان أخطاطا ...

شوقي لِلقُبه الكُبار أحجارا ...
شوقي لِلقُبه البُشاش حُجارا ...
الدُنيا بِتغُش يــوت تُجارا ...

شوقي لِلقُبة العالي أعتابا ...
شوقي لِلقُبة القُمنا فوق أعتابا ...
سيدي بِدورو الخلِق يِبْقولنا عِتابا ...

شوقي لِلقُبة البِنايتا عَجابا ...
شوقي لِسيدي العِيالو نَجابا ...
تزيل المِحن يا الله ... سِوايتي الجابا ...

شكراً حكيم
بركات بشير نجار
كرمة البلد
اللغة النوبية 99%

الواحد في المية ده مشي وين يا بركات؟
كلام غريب جدا
ما سمعت الشاعر قال
ولم اري في عيوب الناس شيئا كنقص القادرين علي التمام
يا زول امشي تمها وتعال
ـــــــــــــــ
حبابك يا بركوتة
وكل سنة اونت طيب
والنوبة بخير
والسودان بخير

الاسم:نجلاء سيدأحمدالشيخ

المنطقة:شياخة توشى جزيرة بدين

القرية: ابوجاره

القبيلة محس

مدي اجادتك للغة النوبية:امى


لم تتاح لى فرصة زيارة المنطقة واتمنى ان ازورها






_______________________________


اها يااستاذ حكيم المعلومات اكتملت ارجواتشريفى و اعتمادى من ضمن الكوكبة النوبية

Quote: الاسم:نجلاء سيدأحمدالشيخ المنطقة:شياخة توشى جزيرة بدين القرية: ابوجاره القبيلة محس مدي اجادتك للغة النوبية:امى لم تتاح لى فرصة زيارة المنطقة واتمنى ان ازورها

يا زولة معلوماتك مكتملة
ومهمتنا نحل ليك مشكلة الامية بتاعت اللغة
واله اقول ليكي امشي للاستاذة سعاد ابراهيم احمد
منها تتبركي ومنها ناخدي الوصفة

Quote: اها يااستاذ حكيم المعلومات اكتملت ارجواتشريفى و اعتمادى من ضمن الكوكبة النوبية

والله يا استاذة النوبيين فرحانيين بيكي فرح مبالغة
اي زول بيقول لي ياخي البوست ده انجازه انه اكتشف نجلاء
اها بعد ده في كلام؟؟
ومولانا عبدالاله زمراوي شخصياذكرا الكلام ده في مداخلته
وهو من منطقتكم وبنشوف ليكي ناس يفصلوا ليكي بدين حتة حتة
تسلمي ايتها الانسانة العظيمة

عبدالحالق امن الله
كرمة البلد
رطانة ماية المية عربي مكسر
شكرا عبدالحكيم علي البوست

عبدالخالق
سلامات
اهو ده الكلام لغة فل
كلم قريبك بركات ده قول ليهو يتم الناقصة
تسلم يا عزيزي
وعاشت كرمة الحضارة

عبدالحالق امن الله
كرمة البلد
رطانة ماية المية عربي مكسر
شكرا عبدالحكيم علي البوست

عزام الذي بز العرب في لغة الضاد
ياخي ده شعر بتاع بادية البطانة
والدوبيت وناس الحاردلو والما عارف شنو؟
تسلم يا اخوي لقد رفعت راسنا عاليا
ــــــــــــــــــــ
هل الصورة الكبيرة هي صورة القبة من الداخل؟
يا عزام تاريخ بنايتها متين؟
والبناها منو؟
الشكل المعماري المميز ما موجود في قباب السودان
منتظرين تفصيل اكتر يا اصيل

بالجد دا بوست مية مية
تشكراً عليهو

ما شاء الله عليكم اهلنا

اينما حللتم تنثرون الفرح

الاخت نجلاء شكلك مشيت ذاكرت كويس و جيتى ولا استعنت بالبخرة ؟

يا ناس بدين كدة اتأكد لينا لو فى قرية اسمها تشى عندكم

Quote: الاخت نجلاء شكلك مشيت ذاكرت كويس و جيتى ولا استعنت بالبخرة ؟ يا ناس بدين كدة اتأكد لينا لو فى قرية اسمها تشى عندكم

بدين جزيرة كبيرة
فيها تشي وسلنارتي وورابية وسقدان
وشبة..وووو
ونجلاء اكيد زولة مجتهدة وذاكرت كويس

Quote: بالجد دا بوست مية مية تشكراً عليهو

ياخي الكلام ده عارفنو
بس انت وين معلوماتك
انت منو ؟ من وين ؟ لغتك كيف؟
اسمع انت مرفود شوف ليك مجموعة تانية
برلوم مفتري.....
ــــــــــــــــ
حبيبنا اشرف ده
معلوماته فل يا جماعة ابن مشكيلة ونوري
لغة نوبية مية مية وبجوارهم علي متون جبل نوري
دونت اتفاقية البقط..
تسلم يا اشرف
وشكرا لك علي تشرفنا ومعك صورة العظيم زيدان

محمد سيد احمد مصطفى
سكوت
نلوتى
كتب عنها اقربائى
ماهر محمد صالح
الفاتح شلبى
النوبية
استقبال جيد جدا
ارسال دون الوسط

Quote: الاسم:نجلاء سيدأحمدالشيخ المنطقة:شياخة توشى جزيرة بدين

يبدو ان نجلاء من نوبيي تشوسلوفاكيا.




واي واحد ما نوبي و مرتو نوبية برضو

يجي يعرفنا بنفسو و لو ما جاء راح ناخد بتنا

سامع يا طارق جبريل

استاذ فيصل اتشكك فى نوبيتك واعتقد انك ربطابى او عايش فى البطانة ههه

Quote: [يبدو ان نجلاء من نوبيي تشوسلوفاكيا. واي واحد ما نوبي و مرتو نوبية برضو يجي يعرفنا بنفسو و لو ما جاء راح ناخد بتنا سامع يا طارق جبريل

ياخ من محاسن الصدف بخارى محسى من بدين بس ما فرعنا

محسى نص نص اتوسخ بالشوايقه وش لابد من الخوف

Quote: محسى نص نص اتوسخ بالشوايقه وش لابد من الخوف

حرم يا نجلاء الكلام ده حيجيب ليكي الهواء بس
نحن قدها وقدود

وانت طيب وبكامل الصحة والعافية

Quote: الواحد في المية ده مشي وين يا بركات؟

الواحد في المية بسبب موقع كرمة البلد التى تعتبر منطقة
تداخل لغوي بين المحس والدناقلة، يعني عشان اتكلم مع حبوبتي
لازم اعرف شوية دنقلاوي، ونسبة معرفتي بالدنقلاوي 1% لزوم التواصل مع حبوتي
التى لا تتحدث المحسية الا في حالة الزعل والغضب.
وارجو ملاحظة مع ان الاثنين لغة نوبية الا ان الفرق بينهمها كبير ومتسع
تحياتي

Quote: بدين جزيرة كبيرة فيها تشي وسلنارتي وورابية وسقدان وشبة..وووو ونجلاء اكيد زولة مجتهدة وذاكرت كويس

شكرا يااستاذ حكيم على التوضيح

Quote: الاخت نجلاء شكلك مشيت ذاكرت كويس و جيتى ولا استعنت بالبخرة ؟ يا ناس بدين كدة اتأكد لينا لو فى قرية اسمها تشى عندكم

شكرا نصر الدين محمد شريف ( ياحاقد) انا ما ذاكرت انا عملت تلفون لى عمى وادانى المعلمات دى لان الوالد الله يرحموا توفى

وراشد سيد احمد خارج الوطن وهو موسوعة وعندو حكاوى كتيرة عن البلد ( راشد ده اخى البكر).




والله يا استاذة النوبيين فرحانيين بيكي فرح مبالغة
اي زول بيقول لي ياخي البوست ده انجازه انه اكتشف نجلاء
اها بعد ده في كلام؟؟
ومولانا عبدالاله زمراوي شخصياذكرا الكلام ده في مداخلته
وهو من منطقتكم وبنشوف ليكي ناس يفصلوا ليكي بدين حتة حتة
تسلمي ايتها الانسانة العظيمة

تسلم ويسلم مولاناعبد الاله فخر الامة النوبية

ميمد سيدي
مرحب بنلوتة وشباب نلوتة
لدينا اهل في نلوة
عثمان وبكري عبدالقادر نصر

Quote: استقبال جيد جدا
ارسال دون الوسط


الحلفاوي قال حكمة الله نقرأ ما نكتبش؟
ياخي طالما استقبالك كويس الارسال بيتحسن
بس لف الطبق شوية خلي الاشارة تكون مليانة
مرحب بيك محمد وسعيدين بيك
ابقي مواصل

والله يا ابوحميد رحبنا بيك فوق
ومستعدين نرحب بيك كل دقيقة
انت زولا من هين

الشفيع عوض بهاء الدين
قرية ارو - السكوت
اجادة تامة للنوبية
وقرية ارو اعتبرها من اجمل قرى الشمال ... تقع بين قريتي صواردة واشيمتو وشرق قرية نلوة

سلامات عبد الحكيم

سلامات الشفيع

ماتقول لي الفي الصورة دي اخونا صلاح حسنه

ياهو زاتو يا ممدوح
صلاح عثمان مصطفى (صلاح حسنه)
والصورة بالضبط خامس يوم عيد رمضان الماضي
مع التحية

Quote: الشفيع عوض بهاء الدين قرية ارو - السكوت اجادة تامة للنوبية وقرية ارو اعتبرها من اجمل قرى الشمال ... تقع بين قريتي صواردة واشيمتو وشرق قرية نلوة

هلا بناس ارو قرية الفن والجمال
والله من صوركم ظاهر انكم ناس اصيلين
يا الشفيع وانت ما محتاج لانك تقول انك
تجيد النوبية فالجواب يبان من عنوانه

،،،،،،،
مش برضه عباس عثمان منكم؟

ارصد محمد جلال
من قرية دفوي
دفوي تقع جنوب كجبار وغرب فريق ومشكيلة ..
والصور دي ان شاء الله تعجبكم..








محمد خليل وsamo حولو اي حاجة الصور دي ما مجانية (الصور من احمد سليمان )

ودي فوق البيعة
والتحية الى جميع المتداخلين
البوست دة ح يمشي قداااااااااااااام وممكن يصل رقم قياسي ..

Quote: ارصد محمد جلال من قرية دفوي دفوي تقع جنوب كجبار وغرب فريق ومشكيلة .. والصور دي ان شاء الله تعجبكم..

هسي باسم ودالمايقوما


مفتكرك من عرب الحاج يوسف

وما عرفناك رطاني ولا تايواني


























جهز الكتشينة يوم الخميس

مكرر

الاسم : كمال ادريس
البلد من جهة الوالد : جزيرة بنا
من جهة الوالدة : حلفا دغيم
مكان الميلاد: شندي
النشأة : بورسودان
السكن الحالي: بحري

الوصف: مناسب جميع القبائل السودانية

الامنية : رئيس جمهورية السودان الموحد بعد انفصال خاطئ

اسعد صلاح

اسمك : محمد سيد احمد
منطقتك : وادي حلفا
: دغيم
مدي اجادتك للغة النوبية : 100% وزيادة
اية معلومات عن منطقتك قد تفيد
حلفا دغيم ولا باريس
آخر زيارة : ادين كورى جولا (في العيد الكبير الفات )
اهاالمسجد كان في حينا وجنب بيتنا ومدرستنا

اووو السندة
البوست نور
حلفا دغيم ولا باريس ....
دغيم يالها من قرية انجبت افذاذ واحبة فسعاد من دغيم ومصطفي محمد طاهر
من دغيم وصديقي المرحوم اسامة محمد عثمان من دغيم هذه دغيم التي سكنت تحت
المياه اخي السندة في غفلة من الزمان

Quote: آخر زيارة : ادين كورى جولا (في العيد الكبير الفات )

يا زول انت زول واصل طيب ما تحكي منتظر شنو؟
سلمت اخي العزيز ونتشرف بك نوبيا هميما

Quote: الاسم : كمال ادريس البلد من جهة الوالد : جزيرة بنا من جهة الوالدة : حلفا دغيم مكان الميلاد: شندي النشأة : بورسودان السكن الحالي: بحري الوصف: مناسب جميع القبائل السودانية

يا زول حرم انت من اليوم المفروض تحكم السودان
موزع لحمتك علي كل السوادن
هكذا السودان
شكرا لك اخي كمال
ولتهنا بك النوبة وتهنأ انت بها

ارصد قريبي
وينك انت يا باشا؟
شكرا علي الصور الجميلة
واللحن الجميل
ودايرنكم تسوقوا البوست ده لمن المنبر ده يقفل


ـــــــــــــ
ارصد الرجاء حذف الاغنية للصفحة الجاية
لان هناك اغنية اخري تشتغل اتوماتيكيا
او جعلها غير اتوماتيكية
تسلم يا حبوب ودايرين مزيد من الصور عشان نشوف
ممتلكاتنا في دفوي

1ـ موسي احمد جعفر ــــــــــــــــــــــــــ السكوت ابراقة
2ـ فيصل محمد خليل ــــــــــــــــــــــــــ وادي حلفا مجراب
3ـ هاني محمد عربي ــــــــــــــــــــــــــ سقدان شرق المحس
4ـ عبدالعزيز الكيلاني ــــــــــــــــــــــ السكوت صاي
5ـ نجلاء سيداحمد ـــــــــــــــــــــــــــ المحس بدين
6ـممدوح عثمان ـــــــــــــــــــــــــــــ السكوت عبود
7ـ اكرم عمارةــــــــــــــــــــــــــــــ دنقلا القولد
8ـ ماهر محمد صالح ـــــــــــــــــــــــــ السكوت نلوتة
9ـعلي سيد همت ـــــــــــــــــــــــــــــ السكوت عبري تبج
10ـ خضر حسين خليل ـــــــــــــــــــــــــ السكوت ابراقة
11ـ عرفة محمد سعيد ــــــــــــــــــــــــ السكوت عبري
12ـ عزام حسن فرح ــــــــــــــــــــــــــ السكوت كويكة
13ـ الفاتح شلبي ـــــــــــــــــــــــــــ السكوت نلوتة
14ـ نصرالدين شريف ـــــــــــــــــــــــــ السكوت صاي
15ـ ادهم عبدالرحمن ــــــــــــــــــــــــ المحس تاجاب
16ـ نبيل محمد حامد ــــــــــــــــــــــــ المحس املي
17ـ قرشي عبدون ــــــــــــــــــــــــــــ المحس كبرنارتي
18ـ مدحت عثمان ــــــــــــــــــــــــــــ المحس فريق
19ـ مزمل خيري ـــــــــــــــــــــــــــــ المحس مشكيلة
20ـ سيف النصر محي الدين ـــــــــــــــــــ المحس مشكيلة
21ـ اسعد صلاح البدري ـــــــــــــــــــــــ المحس جدي
22ـ محمد خليل اسماعيل ـــــــــــــــــــــ المحس دفوي
23ـ نوري جليلة ــــــــــــــــــــــــــــ حلفا كولب
24ـ احلام وهبي ـــــــــــــــــــــــــــــ وادي حلفا
25ـ سلمي سلامة ـــــــــــــــــــــــــــــ دنقلا الحفير مشو
26؟ـ احمد كمبال ـــــــــــــــــــــــــــ دنقلا اكد
27ـ عثمان صبري ــــــــــــــــــــــــــــ المحس بدين
28ـ ابراهيم قناوي ـــــــــــــــــــــــــ المحس كرمة
29ـ خالد عبدالله ــــــــــــــــــــــــــــ دنقلا القولد




حصيلة اليوم التاني:ـــ
30ـ محمد فقير ــــــــــــــــــــــــــــ المحس بدين شبة
31ـ عبدالاله زمراوي ـــــــــــــــــــــــ المحس كرمة البلد
32ـ بركات بشير ـــــــــــــــــــــــــــ المحس كرمة البلد
33ـ عبدالخالق امن الله ـــــــــــــــــــــ المحس كرمة البلد
34ـ عبدالناصر عبدالرحمن ــــــــــــــــــ المحس تولا
35ـ امين محمد سليمان ـــــــــــــــــــــ المحس تولا
36ـبهاء الدين حسن عيسي ـــــــــــــــــــ المحس تاجاب
37ـ حامد محمد حامد ـــــــــــــــــــــــ المحس سمت
38ـ اشرف عبدالودود ـــــــــــــــــــــــ المحس مشكيلة
40ـ ارصد محمد جلال ـــــــــــــــــــــــ المحس دفوي
41ـ جلال الدين عثمان داؤودــــــــــــــــ السكوت قبة سليم
42ـ الشفيع عوض ــــــــــــــــــــــــــ السكوت ارو
43ـ محمد سيداحمد ــــــــــــــــــــــــ السكوت نلوتي
44ـ محمد سيد احمد السندةـــــــــــــــــ حلفا دغيم
45ـ مناهل ابراهيم ـــــــــــــــــــــــ حلفا صرص
46ـ كمال ادريس ــــــــــــــــــــــــــ دنقلا بنا

يا حكيم شكراًَ كتير .. انا زي التقول راجيه السؤال دامن زمان
الاسم : أفراح عبدالرحيم عمر
المنطقه : بدين - تشي
اجادة اللغه النوبيه : 90% رغم انو نشأت في الخرطوم لكن الجزور ما فتئت تشدني
نفسي اكتب بالحروف النوبيه .. والقي البرنامج
كان عندي كتب لمختار خليل كباره ومحمد جلال هاشم عن الحروف النوبيه وفقدتها اناء التسفار
لو عندكم فكرة مدرسة لغه نوبيه اونلاين
لي الفخر اكون تلميذه

تحيات عطرات
لاهلنا الطيبين فى كل مكان
الاخ الفاضل
عبد الحكيم نصر
فكرة جميلة
المنطقة: من مشو
شمال دنقلا
اعرف اللغة النوبية 100% دنقلاوي
وجودة النطق 85%
وبعضا من المحسية
نشط فى مجال العمل النوبى ببوسطن
بس رجاء من الاخوة
مراعاة ضبط تنزيل الاغانى
وتحويلها من التشغيل الزاتى
الى الاختيارى
عشان نستمتع اكتر
كدا الحكاية بقت زى اكشاك الليمون
دمتم

الحكيم / حكيم نصر

Quote: هل الصورة الكبيرة هي صورة القبة من الداخل؟ يا عزام تاريخ بنايتها متين؟ والبناها منو؟ الشكل المعماري المميز ما موجود في قباب السودان منتظرين تفصيل اكتر يا اصيل

تم تشييد قُبة سَيدي الشَيخ الولي/ شيخ إدريس علي الرِضى عام 1772 وقام الشَيخ / شيخ إدريس علي الرضى بِبِناء القُبة (الضريح) أثناء حياتِهِ
وأزعُم أن بُناة القُبة كان بِواسطة عمالة غير سودانِية ، فقد كان الأمر شائِع وقتذاك -جلب العمالة الماهِرة- وتعضيداً لِما جاء أعلاه ، كتب فرح أمبدة في صحيفة الصحافة الألِكتِرونِية بِالعدد رقم 4682 بِتاريخ 20/06/2006م ، تحت عِنوان [ قصر السُلطان علي دينار ... متحف جار علَيِهِ الزمن ] ما يلي :-

( شيد قصر السلطان علي دينار في العام 1912 تحت إشراف أحد المهندسين الأتراك يطلق عليه الحاج عبد الرازق وقد قدم من بغداد خصوصاً لبناء القصر، وعاونه في هذه المهمة العسيرة اثنان من المهندسين المصريين احدهما يسمي أحمد موسى والثاني عطية محمد، إضافة إلى نجارين يونانيين هما ديمتري شنا وتوماس راخوس ) إنتهى .

فنرى مِما جاء أعلاه شِيوع إستِجلاب العمالة الماهِرة مِن خارِج السودان ، وإن كان زمن السُلطان علي دينار مُتقدِم بـ140 سنة عن زمن بِناء قُبة كويكة ... ولكن يُعطي فِكرة عن ما هو شائِع ومقبول كفكرة ، خاصةً بِأن الشكل الهندسي لِلقُبة فريد جِداً عن القٌبب المُنتشِرة بِالخُرطوم العاصِمة والجزيرة وأرض البُطانة وشرق السودان.

إن بِناء قُبه كويكة بِشكلِها الهندسي الفريد الذي يُخالِف كُل القِباب - كُنتُ أتتبع القِباب في فِترة سِياحتى التي شمِلت شرق السودان ومُعظم الوسط وأجزاء قليلة مِن الغرب ، وقد دامت قُرابة أربعة سنوات - يجعلُنا نصِف قُبة كويكة بِالفريدة ، فإذا ما قارنا أي قُبه - بُنِيت قبل مائة عام - مِن قِباب سادتي المشايِخ بِالسودان ستجِدُها هندسِياً لا تُساوي شئ البته مُقارنةٌ مع قُبه (سَيِدي) شيخ إدريس علي المرضي ... فقُبه الإمام المهدي -مثلاً- هندسِياً الأن في غاية الجمال ... ولكِن ... هل كانت بِشكلِها الحالي قبل مائة عام ، لقد تم تشَويهُها ، وحسب الوصف العلمي تزويرُها ...
قُبة الإمام المهدي (زمان) 1898م


قُبة الإمام المهدي (اليَوم)



قُبة كويكة (1772م)

الاخ عبد الحكيم نصر
الاخوة النوبين
تحية طيبــة

انا ليس نوبية لكن بحمل لكم حب عميق و اعز اصدقائى من عبرى وماجاورها
احيكم جميعاومن هذا البوست ابعث حبى و شوقى الى الاخ الاستاذ/الفنان عـامر الجوهرى
و الاخوات فيرى فتحى المصرى و مـاجدة حسيب والدكتور انور جمال

ياربى بعدكدة ما بستحق الانضمام ليكم

باللة تعليم اللغة مهم جدا سجلنى لوسمحتة



Good Luck

الاسم : محمد ابراهيم عثمان
اللقب : حمودة
القرية : جزيرة سالي (مرتبطين بصلات قوية بجزيرة ملواد وسوري )(دناقلة يارسول الله ) امي جزورها من الخناق ..
مستوى اللغة كالاتي :
القراءة : صفر ..
الكتابة :صفر .
المخاطبة :10 % ..
الاستماع : 80 % ..

شكرا عبد الحكيم لهذا البوست التعارفي أخي الحبيب..

كلام والله!
هسي يلم فيكم بشاشا يشتت أفكاركم!




النجيضة:
محمد عبد الماجد الصايم
بدين (سلنارتي ـ وابية)
وأيضا الحلة الجديدة ـ وادي خليل!

أها هسي عثمان سيد صبري دا قريبي عدييييل!!
ولا كيف يا عمكـ!!

وبرضو دكتور إبراهيم قناوي
وبرضو عصام الدين نصر (أبو رامي)
والشيخ كامل محمد أحمد (هــوا تقيل)
وكمية من الناس!


__
آرابي بنجي!

سلام يا محامينا حكيم...

والله يبدو لي أنني لن أُبارح هذا المكان حتى يقضي الله
أمرا كان مفعولا. فمثلاً كان الواحد يجي يتاوق في هذا
المنبر ويجد المعرك الهوائية (الدونكشوتية) فيهرب حزينا
ولا يجد من "يطبطب" عليه. أما الآن فإنني بين أهلي الحقيقيين
المتحضرين الجميلين الذين يشبهونك في كل شىء.

إيه رأيك ياحكيم نمشي بهذا البوست حتى نسلمه لأولادنا
من بعدنا، يعني مافي طريقة نقيف بعد الجمال دة كلو. مستحيل!

من الأشياء التي أوقفتني، وجود بعض أعضاء المنبر من الذين
كنت اعتبرهم "من غير النوبيين"، فبالأمس نجلاء واليوم "بهاء
عيسى" وكمان محسي، والله أعرفه منذ وقت طويل ومفتكرو "آرابتود"...
فهنيئا لنا بهذه الكوكبة العظيمة....

أبوجهينة، وهو أستاذي جلال أديبٌ أريبٌ لا يشق له غبار وهو من
المجيدين لأدب الرواية ومقيم بالرياض، فعضوا عليه بالنواجذ.
أخي نبيل أغنياتك كلها جميلة خاصة تلك التي كتبها صديقي
العزيز مكي على إدريس، بالمناسبة ليه ما ندعو مكي للكتابة
هنا والتوثيق لأعماله المنتشرة وأبحاثه المجيدة؟

وبعدين عزّام دة ما يخوفكم، فهو معي هنا وبين قبضتي. نعم هو ملكٌ
نوبي ولكنه سرح في أرض البطانة حتى صار مثل الحردلو ولغته بين بين،
ما يجي يقول ليكم أنا بعرف النوبية كأهلها. على الأقل نريح أخونا
عزام هنا بدل ياخدو مننا "الأرابري" يعلمنا من فنون الرباعيات
ونعلمه اللغة النوبية القديمة، ويكون النفع مشتركا...

وشكراً جزيلا حكيم أن جعلت هذا ممكنا بعد أن كنا أيتاما في
هذا المنبر، نتحاوم المجانين، وسأعودُ لأكتب لكم عن كرمة
وطفولتنا فيها، بس عايز معاي عمنا حمزاوي وخالي بركات
وخال الوالدة عبدالخالق أمن الله ومدرسي محمد فقير علي، وهو
بالمناسبة شاعر كبير ويقيم في تورونتو ويكون هسى بردان شديد
وبقرأ في البوست....

ولنا عودة بعد حين....

Quote: محمد ابراهيم عثمان

يا زول ما تقول لي ولد ابراهيم عثمان الكان عنده مغلق
في سوق السجانة؟
غايتو كان ياهو ان بعرف ابوك اكتر منك وبعرف ناس بيتكم
كمان..
طيب لو ولده شنو تقول لي اللغة صفر وماعارف 10%وشنو وشنو؟
التقصير من منو؟اكيد منك؟
يا زول بس المدرسة.
ـــــــــــــ
تعرف يا محمد والله لما قريت سالي قلت اسالك من ابراهيم عثمان
وبعد داك لقيت الاسم مطابق غايتو لو ولده المنبر ده ضيق

تسلم عزيزي علي المرور وخليك مواصل

تحية للجميع
بما أنني من بدين فأراني أولي بالترحيب بالأستاذة نجلاء فلها التحية
ــــــــــ
والأخت أفراح عبدالرحيم هل أنت إبنة مولانا الراحل عبدالرحيم عمر شقيق محمد صالح عمر؟
ذاك رجل تعرفت عليه لفترة قصيرة في الرياض ثم فجعنا بوفاته المحزن
إن كان هو فرحمه الله رحمة واسعة وأحسبه من أهل الجنة ولا أذكي علي الله أحد

ـــــــــــ
أخونا الحكيم عبدالحكيم
شكراً لك علي بوست الموسم
والحقيقة ورغم أن لي مدة في سودانيز أون لاين إلاّ أنني مقل في المشاركة، والعتب علي الكسل
وهذه قصيدة أخري كنت قد نشرتها في هذا المنبر من قبل إلاّ أنني أعيد نشرها هنا ، وهي علي لسان (القرشي) النوبي ، شهيدنا البطل محمد فقير ، الذي وإن كنت قد ولدت قبله إلاّ أنه أكبر مني ، ويسعدني أن أحمل إسمه ، وما زال دمه حاراً ، وسوف يبقي حاراً ما دام للنوبة قضية ، وهو مع رفاقه الكرام قد أشعلوا الشرارة الأولي للثورة النوبية القادمة ، ليسعد الشهداء في مراقدهم ، ولتنطلق الكلمة ، عربية الكتابة ، نوبية الروح والمعني والمقصد

اموتُ وتحـيا كجـبارْ
ـــــــــ
بقلم الشهيد محمد فقير
ـــــــــ

أكتبُ بالعربية
لكني نوبي
نوبيُ المولد
نوبيُ النشأة والأحلام
نوبيُ الهم ونوبيُ التفكير
نوبيُ الروحِ ونوبيُ الوجدانْ
:::::::::::::::::::
أكتب بالعربية
لكني نوبي
نوبيٌ سمعي
ولساني نوبي
نوبيٌ ، مَسقط رأسي ارضٌ ذهبية ْ
ممتدة من مروي حتي اُسوان ْ
:::::::::::::::::::::::
أكتب بالعربية
لكني نوبي
نوبياً اغـفو
نوبياً اصـحو
نوبياً اشبع ْ
نوبياً اشعرُ أني جـُوعان ْ
::::::::::::::::::
أكتب يالعربية
لكني نوبي
نوبي الجينات
أجدادي تـِهْراقا وبـَعانخي
لا زيدٌ لا عمروٌ
لا أُوسٌ، لا عبسٌ، لا غـَطفان ْ
::::::::::::::::::::::
أكتب بالعربية
لكني نوبي
ولدتني كَـنداكة النوبية ْ
في قصرٍ مَـلـَـكي
غـذتـني بالعجـوة والقـنديل
سقتني ماء النيل
فـطمتــني بالتـَركيــج
وهـدتني للأيام
ملأي قلبي بالنوبية حتي الثـَمَلان ْ
::::::::::::::::::::
أكتب بالعربية
لكني نوبي
نوبيٌ من كجبارْ
كجبارٌ أرض الميلاد
كجبارٌ ـ يا حـمقي ـ
أرض الميعاد
كجبارٌ أمْـجـاد
كجبارٌ يا ـ قتلة ـ
تاريخٌ وحضارة ْ
كجبارُ جدارة ْ
كجبارُ منارة ْ
كجبارٌ في قليى
كجبارٌ في روحي مثل البركانْ
::::::::::::::::::
أكتبُ بالعربية
لكني نوبي
نوبيٌ من كجبارْ
كجبارٌ أرضي
كجبارٌ بـيتي
كجبارٌ قـبري
بدمي أروي كجبارْ
أموتُ وادفن في كجبارْ
أمـوتُ أمـوت أمـوتْ
وتحيـا كجـبـارْ
أمــا أن أسْـتسْـلم
امّا ان اتركَ كجـبارْ
محالٌ ذلك ، ما في الإمكانْ
كـجبـارٌ لي فــردوسٌ وجــنانْ

تورنتو اغسطس 2007

Quote: النجيضة: محمد عبد الماجد الصايم بدين (سلنارتي ـ وابية) وأيضا الحلة الجديدة ـ وادي خليل!

بالله ولدنا وقايلنك "آرابنتود"؟
سبحان الله الأسماء لا تشي أحيانا
"بالعرق" فالصايم إسمٌ مترددٌ في
مناطق الجزيرة كالصايم ديمة في
شرق الجزيرة وأسرة الصويم في مناطق
الجعليين. لكنني نسيت بأن هنالك اسرة كبيرة
في سلنارتي لنا معها نسبٌ كبير، منها عبدالمنعم
الصايم المقيم بواشنطون وهو إبن خالتي من جهة
آل حاكم بسقدان التي تنحدر منها أمي بنت الشيخ
عبدالله خليل الذي سميت الحلة الجديدة باسمه (وادي خليل),

سبحان الله نحنٌ قرايب ولا ندري يا إبن الصايم، فمرحى مرحى...

الاخ محمد فقير
نعم وبكل الفخر انا ابنة المرحوم مولاناعبدالرحيم عمر
تشرفت بمعرفتك

بالعكس ، لي الشرف يا أفراح
وحق لك أن تفخري به
وحق لنا أن نفخر به
ورغم معرفتي القصيرة به إلاّ أنني كنت أحبه جداً وأري فيه (الإنسان) كما أحب أن يكون الإنسان
فليس أجمل من تواضع العلماء
بالتأكيد كنت أنت طفلة صغيرة عند وفاته المفجع وربما لم تعرفيه جيداً ، لكننا عرفناه وأصابنا حزن شديد لفقده ،،
ألا رحمه الله
تحياتي لك والأسرة

استاذ حكيم // تحايا نواضر يا اصيل
اسمك: راشد أحمد فضل
منطقتك: جزيرة بدين(بقدمار) آخر زيارة يوليو 2009
الميلاد : كوستي
مدي اجادتك للغة النوبية: الكلام صفر الفهم موجود (one face)

راشد يا صديقي
ازيك يا اخي
كل سنة وانت طيب
ياخي ولكن خيبت ظني ساكت قول لغتي مية مية
لاني بقول انا كل اصحابي لغتهم تمام
ولة صاحبك رمرم ده ما ود كوستي ولغته احسن
مني ذاتو..
يا زول شوف الثالوث وللمدرسة طوالي
ــــــــــــ
شكرا عزيزي وهنالك وسائل للوصال عبر الشبكة
نتمني ان نتواصل عبرها

Quote: محمد عبد الماجد الصايم بدين (سلنارتي ـ وابية) وأيضا الحلة الجديدة ـ وادي خليل!

لا حولااااااااااااااا

ود الصايم ... قوم عديل كدهـ جيب لينا شهادة من لجنة البلد

ويا حكيم أطرح واحد من القائمة لغاية ما يجيب الشهادة

يا كمان أهرج لينا نوبي يا ود الصايم عشان نقطع الشك

والله اخاف بكري أبوبكر يجي يقول أصل انا من جزيرة نلوتى فى السكوت (وش ضاحك)

Quote: يا كمان أهرج لينا نوبي يا ود الصايم عشان نقطع الشك

إيكا نايقا إينا

عبد الإله يا عمنا
نتشرّف يا حبيب!
لينا كل الشرف والله!


___
عبد المنعم عمّي!

المناسبكم محسوب معاكم والا مامعاكم انا شريف وجعلي ( متزوج بنت ناس العمدة عبدالمجيد من صرص وفي حلفاالجديدة قرية 19)

الأخ محمد المسلمي ...
أنت غير محسوب معنا ..
أرجو أن تذهب الي تجمعات الجعلين والشوايقة !





ـــــ
يوست جميل
تحياتنا للجميع .

المسلمي
كان ما معانا زاتو معانا!

أطالب بحظر تجوال للصايم واولاد المسلمي
لانو طوالي بعد يه حيجي دكتور مصطفي يلصق ليهم الوشاح بتاع امنجية المنابر

السلام عليكم ورحمة الله و بركاته

الأسم : أحمد محمد الحسن أحمد درار
المنطقة: دنقلا
القرية : القولد
المعرفة باللغة النوبية: ما ناقش فيها اي حاجة , كما انني لم ازر القولد ولا مرة حتى الآن

Quote: أطالب بحظر تجوال للصايم واولاد المسلمي

بل شطب

قمر بوبا!!
هسي أمشي أجيب ليهم البوست الكارثة داكـ؟!

Quote: انا ليس نوبية

يا Huda AbdelMoniem انتي بالجملة الفوق دي بقيتي كده نوبية مية مية ناس فيري عادوكي يا البوست ده عاداكي التحية لك ولبنت الخلة فيري

احمد درار
مرحب بيك يا اخينا
هسه انت يسووا ليك شنو؟
زول كبير لغتك صفر
وما زرت المنطقة
غايتو
جهز البستلة والكراس والقلم والاستيكة
وبعدين ما تنسي تجيب معاك الكرباج

ــــــــــــــــــــــــــ
تسلم يا اخوي ما فاتك كتير
كتيرين اتعلموا اللغة عن كبر

ياعمك مسكاجرو (الجماعة ديل لو ماقبلوني معاهم بنتي قباء معاهم وود عمها العوض خاطب البنيةداخل معاهم يعني الريئس جو الجك معاهم حقو يترشح لريئاسةالجمعية والا الجمع ممنوع)

سلام يا حكيم وباقى الأهل
محمد (مكى) محمد,بالمناسبه مكى ده لقب الوالد لكن سار عليه أكثر من أسمه الحقيقى وهو عبدالمعز.
مسقط الرأس:الشلال (كنزى -شلالى),تقع الآن فى النوبه المصريه بعد تقسيم حدود 56.
مكان الميلاد:أمدرمان -بيت المال.
أجادة اللغة:
المتوكيه-(كنزيه -دونقلاويه) جيد.
الفدجاويه-(حلفاويه-محسيه-سكوتيه) 60-70%.
فى مرحلة تعلم الكتابة.
آخر زياره:2003
طبعا عندنا فروع فى حلفا وحلفا الجديده (عمى الاستاذ محمد سعدالدين شاطر) من هناك وصاى (والده جدى من صاى وتدعى زينب خليل وأقاربها آل داؤود تكرورى) كذلك فى دنقلا وعبرى وأقجه.ده طبعا خلاف الشلاليه فى بحرى وبرى.

Quote: هسي أمشي أجيب ليهم البوست الكارثة داكـ؟!

ياتو فيهم
بتاع الجا فتح البوست ومشي داك ولا القاعد في مكتبة العوض؟

يازول كما كنت بلا شبك معاك

__
انت عايز تفرتقا مش؟؟...بالله من دربك ده خت نفسك اقامة جبرية....الناس بعد تتلم عايزين نعمل ليهم جمعية سفيرية

Quote: إيكا نايقا إينا

يا ود الصايم

طبعاً انا شكيت فى نوبيتك المكسرة دي ودقيت تلفون لصديقي الشاذلي عبد المجيد (من كوبان) وقال إنك انت فعلاً من بدين تايوان (وش ما زال مستغرب)

تايوان كيف يا عمكـ!
غايتو جنس غايتو!


الدليل أهــو محمد عبد الماجد الصايم؟؟؟

محمد مكي
ازيك يا عزيز
يذكرك صديقي سردوب بكل خير
وانت واجهة مضيئة لنا
تسلم يا رائع وانت تتحدث كل لهجات اللغة النوبية
هنا روابط المهمة وكتاب كبارة وسنواصل في رفد البوست
وهناك بوست مجاور للاستاذ ولياب لشرح كيفية الكتابة
اسمح لي ان احني قامتي الطويلة لشخصك الكريم

Quote: بالله ياحكيم ماتنسى ولدنا اشرف عبدالودود من ابناء مشكيلة الخلص يبقى كدة 30

شكراً يا قريبى

Quote: الصايمنجي ديل كتار في جزيرة بدين واعتقد ان لهم شقين او ثلاتة والقب اتى في اعتقادي لالتزامهم بالدين .. احد هذه الفروع لهم خلوة في سلنارتى هي من اقدم الخلوات في تلك المنطقة .. و ظاهر جدهم الكبير كان صوام.. انا ما عارف محمد ده طلع لمنو!!!!

إذن انا كان معاي حق



لكن حسين العب سؤاله وجيه جداً

حكيم احييك للمرة التانية على البوست الموفق دا
وبالجد لامى شتات النوبيين المنتشرين فى اصقاع واركان الدنيا الاربعة
ودى فرصة طيبة إنو نتعارف اكتر وبشكل كبير
الاسم : اشرف عبدالودود محمدنور
المنطقة : المحس نورى _ مشكيلة
اللغة : مية المية وزيادة كمان
معلومات اضافية :
ــــــــــــــــ قرية نورى هى منطقة عريقة واثرية وهى منطقة ملوك وبها جبلين على ضفة النيل الشرقى
احد الجبلين دونت فيه اتفاقية البقط الشهيرة اما الجبل القبلى فكان مكتظاً بالسكان ويوجد نفق ارضى
يمر داخل النيل الى الجهة الغربية مناطق دفوى الى كوكا وكان موجوداً الى وقت قريب جداً
الاسم النوبى الاصلى للمنطقة : نور ويعنى الرب أو السيد
اما مشكليلة فهى غنية عن التعريف كما ذكر قريبى مزمل خيرى

مرحب بيك اشرف ابن نوري
واليك صورة احد الجبلين
وكما قلت هنا دونت اتفاقية البقط

ياخوانا دايرين نفتح المدرسة بس بقي فيها ناس مزعجين خلاص
يعني نحن ناقصين يجينا ود الصايم اللهم طولك يا روح
المهم لحد ما نكمل الترحيب هاكم الرابط ده اتعلموا الحروف
http://www.napata.org/Napata/language.html

http://www.napata.org/cons1.html

مسكاقجلو
يا الله
انا شفت البوست دا حسع
بالله دا كلام
انا زعلان منكم كلكم وبالذات عبدالحكيم
عليكم الله لمن تفقدوني في بوست عسل ذي دا
مش تسألوا مني
أها
اسمي مبارك شريف .. ولكن اي واحد بيناديني حمزاوي حتى حبوبتي كمان
وما حاوريكم اسم حمزاوي دا شنو .. ولكن ممكن تعرفوا من اخوي قمر بوبا( ابوهريرة )
أجيد اللغة النوبية ( الخطين 110 و 220 )
طبعاً ولدت في البلد وطلعت اتكلم المحسية
ومن حبي الشديد للنوبة تعلمت اللغة الدنقلاوية
يعني بتحدث المحسية والدنقلاوية مليون في المية
وتعلمت بعض اللغات في الدراسة ومن ضمنها العربية
القرية : كرمة البلد
ومنزلي يفتح على الدفوفة عدل
تقيف في الدفوفة وتعاين للغرب تشوف باب بيتي

طيب يا محمد الصائم ان ما اوريك

يا حمزاوي
والله قصرنا معاك
اعذرنا ياخي الضيوف كتار
وكمان انا مكلف ناس زمراوي وبركات يرحب بناس كرمة
ويودوهم المجلس بتاعهم وفي شافع عاق اسمه احمد بشير
لحد هسه هارب ما جا هو قباض الضيوف.
اها زول زيك المفروض يجي من بدري ويحضر ضبح التور
يعني تجي بايت في البوست
اها دي صور الدفوفة ورينا بيتك بوين؟

الاسم : سر الختم بخارى ابراهيم

المنطقة : المحس

القرية: فريق

اجادتي للغة النوبية : فوق المتوسط

وهي نفس منطقة الشفيف مدحت الذي وفى وكفى شرحا للمنطقة وتكريما لشهدائها الاماجد

حرم الموضوع وسع اوي زي ما بيقول عادل امام
دايرين واحد يرحب معاي بالضيوف
انا براي ما قادر وين الفاتح شلبي؟
المهم لحد ما نلقي فرقة
للتلاميذ الرجاء تحميل كتاب كبارة من الرابط
ادناه

http://www.ziddu.com/download/2921077/nubianlan.pdf.html.html

عم حمزاوي يا حبيب
أنا زاتي كنت غايب ياخ!
جيت الليلة أشوف الحاصل شنو لقيت الجماعة ملمومين!!


النجيضة: خلي (أبو هريرة) ينفعكـ!

اها يا ود الصايم
كنا بنقول العربي المفتري الضحاك ده من وين
طلعت نوبي من بدين
قادر الله
يا زول انت متاكد؟
والة اخدت ليك طرف كلام وجيتنا ناطي؟
غايتو بنودي طلبك للفحص

ـــــــــــــ
بالمناسبة لما تجي المدرسة تغير صورة بروفايلك
وتجينا زول علم اللخبطة ما بتنفع
عمك ولياب استاذ صارم خلاص
وكمان حمزاوي ده استاذ قديم
حيرفعوك اربعة كبار

الليلة الجلد شرطك

عبحكيم يا عمكـ
معقولة بس نقدر تاني على قراية الكُبر دي!
يادوب خلصنا من الموضوع دا تاني نرجع؟


تعرف .. زمان (مش أوي يعني) لمن كنت
بمشي مع أبوي الله يرحمه الجمعية في الرياض
الجماعة كانوا شغالين ليك فيني (أرابي بنجي)!
أها .. قمت قررت أتعلم اللغة النوبية وقعدت
معاهم في الجمعية مافي موضوع .. كشاتين ورطانة!
أها غايتو والحمد لله وصلنا لمرحلة الفهم 80 في المية
والكلام بين 30 و50 في المية (أغلبو كلام كشاتين) يعني
زي إنجليزي الجركانات وكــدا!!

لكن برضو ما بطال
ونأمل للوصول لمرحلة المية في المية في الجهتين!

Quote: حيرفعوك اربعة كبار

Quote: الليلة الجلد شرطك

من الجلد والا من الرفع

Quote: انا براي ما قادر وين الفاتح شلبي؟

انا موجود فى الاستقبال يا حكيم

ما شوفتني وانا برحب فى سري بخاري اللى نور البوست ... ألف مرحب يا بخاري

بس ود الصايم دهـ لاخمني كل مرة أجيب حاجة للضيوف الجداد يجي يمد يدهـ

ما فى واحد يحسم لينا ود الصايم دهـ

--------------------------------------

غايتو روتان تن كورجاد خالص