|
|
|
 Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
سلام كتير يا …
ماعارف ليه لسه بكتب ليكـ..مفروض اكون نسيت مش كده..؟
بس يا ستى عمرى ما قدرت..
ماعارف ممكن تقولى على شنو بالضبط..لا املكـ كرامة..ولا كبرياء..او حتى..(لايوق) ذاتو 
..لكـ ان تحكمى كما تشائين.. ربما لم اجد الفرصة يوما..لكى اضع نفسى فى خانة محددة..سنوات من الضياع من البداية الى النهاية.
ربما اخطئت فى حقكـ..حسب تقديراتكـ الخاصه..وربما وربما..لكن ثقى اننى لم اتعمد يوما
ان اسبب لكـ الأذى..لا يمكن ان احمل اصبعى لكى اثقب عيونى..!
| |
 
|
|
|
|
|
|
|
|
Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
شـــنو يا فردة البكا الفي الصقيعة دا؟
غايتو يا محمد انا خايف الخطوط تكون مشغولة وكدا
عاين الزول دا قال شنو وفرقك منو شنو هسي
تحاياي يا محمد
Quote:
*مامعقول
*ياخي مامعقول
*في رجاك لي متين
*انتظاري يطول
*وحقو ترجع لي حتي بي مسكول
*كل ما اضرب ليك الرقم مشغول
*انت شاغلو براك والله شاغلك زووول
* رمزك الشخصي
*وافتح الشفرة
*كلم الشاشة اتطلع
*واقرا
*فيها تلقي حروف خالده للذكري
*شوفا وارجع لي انشاء الله لوبكرة
*هوووووووي
*مامعقول والله مامعقول
*مرو كم ساعة مالقيتلي حلول
*ياخي بس خليك
*مرة زول مسؤل
*وفي رجاك لي متين
*انتظاري يطول
*وحقو ترجع لي
*حتي بي مسكول |
| |
|
|
|
|
|
|
|
 Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
الاخ محمد عوض
مساء الخير
هاهاها جاءك مرض حامد
ياصديقي كلنا في الهم شرحو ألله يعينك العشق ببهدل وأعمل حسابك أخوي ما تموت كمدا وكان عندها أحساس جندري ياحلليك يافنان
ح تكون من الذين يبكون علي ضفاف المنبر ومن عشاق البوسات العاطفية
لن نكسر حتي لو مكسرين فيك
بنعبر عن مشاعرنا بحرية
أيه رأيك في الشعار تمام معك
| |
|
|
|
|
|
|
|
|
|
Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
يا محمد ياخوي
دي أغنية توني بركستن
اسمعهامرة عند اللزوم
أنا overdosed منها
كمان لك مني هذه الابيات كتبتها بعد ان قرأت البوست بتاعك
رحلة سفر
رحلة سفر من غير دليل
سكة عذاب ممدودة من
عمران هواكي لي فيافي المستحيل
بتمها و برجعلك
بالتوفبق أخي
| |
|
|
|
|
|
|
|
|
 Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
كل شئ حدث بسرعة..لكنكـ لم تفكرى ابدا فى ما فعلت..ولم تجدى لى عذرا..ولم يخطر فى بالكـ
قط منحى فرصة ..من الخطأ الاول..يجب ان اعدم..لا مشكلة..لكن يجب ان احصل على رضاكـ..ايضا..حتى اموت فى سلام..لم اطلب شيئا منك..من قبل..رغم كل ما تملكين من مفاتيح..لكل شئ..!!الان لا شئ سوى رجاء بالسماح..لا غير..
انت تذهبين الان..بعيدا....
واحاول ان امارس حياتى كما يجب..ان اضغط على كل خلية فى
لكى تلتئم..اضحكـ واثرثر..وادخن..انوم..اصحى وتانى ارجع انوم..
كل مرة بقول..ياخى ح تاخد وقتها وترجع....خليت المكان..لانو غيركـ ماعندو طعم ولا رائحة..ولا يسوى ذاتو
افتعلت مليون مشكلة..بى وراكـ..كنت عاوز..سبب عشان امشى..او عشان تجى انتى..كلهم كانوا بقولوا الزول ده مالوا..؟
الحصل عليهو شنو..؟..فى كل مرة كانوا بفتكرو انى نبى...او كائن مبرمج على الاستقامة...وانو لازم اكون فى الخط..كما يشتهون هم..لم يعلمون ابدا ان من يحفظ توزانى..ويجعل كل شئ مرتبا..
فى دنياى..قد ذهب..بعيدا..!!
| |
|
|
|
|
|
|
|
|
|
Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
عدل بواسطة مُحَمَّدٍ عِوَضٌ احْمَدُ on 21-10-2010, 08:21 ص)
(عدل بواسطة مُحَمَّدٍ عِوَضٌ احْمَدُ on 21-10-2010, 08:21 ص)
(عدل بواسطة مُحَمَّدٍ عِوَضٌ احْمَدُ on 21-10-2010, 08:21 ص)
(عدل بواسطة مُحَمَّدٍ عِوَضٌ احْمَدُ on 21-10-2010, 08:21 ص)
| |
|
|
|
|
|
|
|
|
|
Re: oOoO إلى بوردابيـه oOoO (Re: هويدا شرف الدين)
|
ياولدنا
الحل موجود:
اديني الحاجات دي وانا اجيبها ليك لغاية خشم باب البيت وهي تترجاك انو تحن عليها بنظرة بس من الطرف الشمالي الشرقي بتاع عينك اليمين :
1. اسمها.
2. اسم امها.
3. اي حاجة من طرفها..منديل قدييم(مسلا). صورة(ان شاء الله هي في الروضة). لو بالعدم رقم تلفون احنكها ليك.
4. 30 مليون بس اتم بيها البيت الماداير يكمل ده.
ملحوظة : الارقام 1.و2.و3. ماضروري لوما قدرت عليهن
لكن 4 دي مافي طريقة طبعا
| |
|
|
|
|
|
|
|
|
 Re: oOoO إلى بوردابيـه oOoO (Re: osman righeem)
|
Quote: كر كر عليك يا محمد
اتاريهو الجري وراء الاشتراك
هنا بسببها
لكن برضو هدف نبيل
اركز يا محمد و الركزان في العشق أدب و دموع |
يا حبيبنا عثمان..؛ كيفـ حالكـ ياخى؟
بالعكس انا لما جيت هنا جيت شارد منها..قلتا نسيب اى مكان فيهو ريحة الحبيب
فى شان نرتاح..بعيد عنو..لكن طلع كضب ساى
| |
|
|
|
|
|
|
|
|
|
Re: oOoO إلى بوردابيـه oOoO (Re: معاذ الهادي)
|
Quote: اسمها.
2. اسم امها.
3. اي حاجة من طرفها..منديل قدييم(مسلا). صورة(ان شاء الله هي في الروضة). لو بالعدم رقم تلفون احنكها ليك.
4. 30 مليون بس اتم بيها البيت الماداير يكمل ده. |
شنو يا دكتور معاذ
الطب بقا ما جايب حقو..عاوزين تقلبو فقرا كمان
غايتو زولتنا من طرفها الا كان بوست..غير كده مافى شئ
| |
|
|
|
|
|
|
|
|
|
Re: oOoO إلى بوردابيـه oOoO (Re: احمد محمد بشير)
|
Quote: لو لقيت طريقة بالبورد دة ورينا.
دايريييين نتفكا من العزابة دي ياااااخ, كل يوم سوي الحلة وما عارف شنو. |
هنا اصلو ما شفنا حاجة يا ابوحميد
لكن فى سودانيز اون لاين طبعا كل حاجة واضحة..بما فيها العمر والجندر..يعنى على الاقل بتضمن
انك بتحب ليكـ فى انثى..موش حاجة تطلع ليك فى الاخر ضكر بى شنباتو!!
والحمدلله..بس انتا اتوكل وشاور..وبكرى والشباب ديل بتمو الباقى
| |
|
|
|
|
|
|
|
|
|
Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
كنت فعلا من يملك بكل سهولة ان يقودنى الى الوقت الصحيح.. الكلام الجميل.. والاحلام المستحيلة..لكن اخترت بكل بساطة ان تغلقى كل الأبواب.. فى وجه الجميع..شخص واحد يخطئ..اذن فــ يتم عقاب الجميع ايضا..,ولتكن الحلقة الاخيرة..فى كل الموضوع..! اهذا هو عدل المحبين..؟ ام هى شؤؤن خاصة بنا كـ بشر مختلفين عن بقية خلق الله..؟ يلا..يا ستى لسه منتظر بس..رضاك ما اكتر..ما ممكن الواحد يعتبرك زى اى واحدة مرت عليهو.. ليست قصة حب..ولا علاقة مكررة حاجة غير..الله فيها..وكل خطوة وكل كلمة كانت فيها محسوبه حاجة تلخبط..مش ..؟ اصلا احنا كده.. بنسوط..اى حاجة..لا معايير لاثوابت..ما بنقدر…نتأكد من حاجة.نهائى...ما بدروك ولابحمل بلاكـ......حلومر.. وبعد مرات..بنتعلق بى حاجات بعيدة..عن المنال..,والبشدها لينا..بنرخى ليهو.  .وبنسلمو رقابنا كمان.. ..يلا.. اهو كلام.. فيهو البخصنا سوا..وفيهو العموم..يعنى ما تشيلى..وتلصقى عليكى..انتى اكبر من مستوى النقد بالنسبة لى...دوما كنت فى نظرى صاحبة قداسه لا مثيل لها..شئ غير قابل لـ اللمس..وارفع من الاشتهاء الطبيعى.
| |
|
|
|
|
|
|
|
|
 Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
محمدن عوضن احمدو
سلامات
ونهديك هذه القصة فى زمن انعدمت فيه المشاعر النبيلة الصادقة:
--------------------------
أحب الرجل فتاته كما أحب الصوفى ربه ، وغرق كلاهما فى الشوق إلى لقاء الحبيب ولكن الفتاة وافاها أجلها فبنى لها الحبيب قبرا وكتب على القبر:
أيا معشـر العشـاق بالله خبِّروا ___________إذا اشتد عشقٌ بالفتى كيف يصنعُ
ومر الصوفى على القبر فقرأ ماكتبه الرجل ثم كتب تحته:
يُدارِى هَــواهُ ثم يَكتُم سِـرَّه _____________ مخــافةَ عُـذَّالٍ عـليهِ يُشنِّعُوا
ومر العاشق فقرأ ثم كتب:
وكيف يُدارِى والهَوى قاتلُ الفتى _______ وفى كــل يَـومٍ قلبـه يَتقطّعُ
ومر الصوفى فقرأ ثم كتب:
ومَن لم يجد صبراً لكتمـانِ سِرِّه _________ فليس له عندى سِوَى الموت أنفعُ
ومر العاشق فقرأ ثم كتب:
سَمِعنـا أطعنـا ثم مُتنـا فبلَّغُوا _________ سَلامِى علَى مَن كَان بِالوَصل يمَنعُ
ثم مات العاشق وبقى العشق للحى الذى لا يموت.
| |
|
|
|
|
|
|
|
|
|
Re: oOoO إلى بوردابيـه oOoO (Re: ombadda)
|
| Quote: ثم مات العاشق وبقى العشق للحى الذى لا يموت |
ombadda
تحياتى
القصة سمحة.. رغم انو فيها شبهه جنائية..وبتذكرنى حاجة قريتا لى الروائى السودانى أمير تاج السر واعتقد انها من الكتاب المقدس
وبتقول..
اذا اعجبتك امراة واعجبتها..فالتحما على بركة يسوع..فان لم تستطيعا فابكيا..فان نضب البكاء
فاقتلا نفسيكما
| |
|
|
|
|
|
|
|
|
 Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
يا بانقا..والله اتوقع انو نص زى ده ما يفوت على زول عندو ملكة التلحين
بعدين حقنا بره يل خوى
يا نسمة رسّيني ,,Quote: رسيني يا نسمة
بعدت مراسيكِ
قلبي الهواكِ سنين
ما تقولي ناسيكِ
اشتقت ليك لمّا
شوقي اشتكا ليكِ
قال ليك كفاية بعاد
الزول دا شاريكِ
***
احتار دليلي معاك
و السكة مقفولة
شوفي الدموع بعدك
يا نسمة مبهولة
لو تبسم الاقدار
و لو ترضي يا زولة
اهديكِ كل عمري
و الدنيا بى طولا
***
ياريت نجوم الليل
والقمرا و الآهات
و اللهفة و الاشواق
و الحسرة و الدمعات
تشرح لِك احوالي
من يوم قطارِك فات
اصلو العليّ كتير
ما بتوصفو الكلمات
***
مرات اقول ارجع
و اتناسى كل ذكراك
و اتناسى احلامي
و عمري اللِ زانو هواك
لا قدرت ابعد افوت
لا قدرت ابقى معاك
يا نسمة رسّيني
يا نسمة جد بهواك
محمد بدوي بانقا
July 2010 |
| |
|
|
|
|
|
|
|
|
 Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
2
البورد كما يقول كثيرون هنا..
يوزاى الحياة العادية...
.وهو نموذج مصغر لما يحدث خارجا..
قد تتعثر ببعض البشر..الذين لا يمكن احتمالهم..وقد تجد من يفهمونك جيدا..وتتمنى لو..استطعت..
العيش معهم حتى النهاية..
انا اتحدث عن بوردابية تغرى بالكتابة..وبالتحليق..فى الفضاء الرحب..
وكل احرفى تبحث عن عينيها..بشوق ..حقيقى..
لم استطع ان اطلب منها السماح لى بالكتابة عنها..
وقد لا تعرف انها المقصودة...بهذا البوست..
وقد يضرب بعضهم أخماسا فى أسداس..
لمعرفة من هى..
وهى أقرب اليهم..مما يظنون
| |
|
|
|
|
|
|
|
|
|
Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
3
قررت ان اكتب ..لأننى لا استطيع اخفاء كل هذا الجمال..
ليس لدى ما أخجل منه...وبالعامية كدا
..الداير يشوف..يشوف..
ومن يحلم ان يتحرر من كل وساوس النفس
ويخرج كل شئ الى الضوء
فمرحبا به معى..
.انا ..ارسم هنا
.وجه احبه..
..وجه لم أراه..
اضع ملامح...
احلم بها...
.وطالما تمنيتها..
| |
|
|
|
|
|
|
|
|
|
Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
4
الناس هنا..تسمــــــــى..أو..من يكتب عن شخصية مفتون بها..
(مكسر)...وفى رواية اخرى (بكاى)..
يحاولون بشتى السبل..وضع أطر محددة لأى علاقة..
الحب عندهم تهمه يحاولون نفيها عنهم.. بألصاقها بأقرب طرفين..قريبين من بعضهما..
على نحو حميم..وصادق..
هى.. لا تخضع لتلك التصنفيات..لدى..
أحبها..؟
كلا..ما بيننا يكبر... ويكبر... ليفوق كل هذا ..
انتظر ان يحدث ما بيننا ما هو مختلفا بكثير عن.. الاخرين..
ومعها لم يكن لى حق الأختيار..أبدا..
أجعل كل شئ يسير كما هو..بدون تخطيط مسبق..
بتلقائية ..بألفه.. ومحبة .و.... بطقس هادئ..
..سنمضى..نحو نهايه..
ستكون جميلة فى كل الاحوال
| |
|
|
|
|
|
|
|
|
|
Re: oOoO إلى بوردابيـه oOoO (Re: ياسر بيناوي)
|
Quote: يا بكري البوردابية فلانة لا تستطيع الدخول
الله يكون في عونكـ ياحبة
الموضوع دا حار شديييييييييد
خالص الود |
الله يخليكـ يا بيناوى..وتشكر على المرور
الحار اكتر من الشاكوش طناش بكرى ده..يا عمكـ
| |
|
|
|
|
|
|
|
|
 Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
5
فى صباح اليوم...
فكرت فى ان اكتب لك مرة اخرى..
فى خاطرى انك الأجمل..
الوحيدة التى تستحق ان امارس من اجلها فعل الكتابة..
مزاجى معتدل للحد البعيد ينافس مزاج ذلك الشاعر الأنجليزى..
الذى يقول:
Quote: السماء كانت جميلة
والشمس كانت مشرقة
والنحل يطن
والزهور متفتحة
وعندها أدركت انا
أننى الوردة.. |
Quote: مثخن بالجراح..وجودى دونكـ
.والفارون من جحيم الأرض الى القبر
لم يبلغوك عذابى..
المساء ذلك الذى دونها موجع وبليد..
تقوس حتى النهر..
خاط عبأته بالضوء مرارا ..
ثم تمادى جدا ..
سياط المطر الليلى..ترواد فى مكر
ذكرى ماطرة بللت الروح
ثم أيقظت الأمس..والعشق الذى
خريفيا كان.. بدا متحفزا كغيمة..تثأب..
وألقى وداعه..عندما توقف المطر |
| |
|
|
|
|
|
|
|
|
|
Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
6
ربما كنت عاجزا على الدوام..عن منحك ما تستحقين...
كل هذه الحروف احس بأنها ضئيلة
ولا تليق بعظمة بنت مثلكـ
.لأننى..
.. لم اعرف من قبل شخصا...
اتفق..الكل..حبه...وأحترامه..غيركـ
شخصيا تمنيت لو كنت اعرفك من زمان طويل.....
.فـ لربما كانت حياتى ستكون أفضل
كثيرا مما هى عليه الان..
لكننى احمد الله كثيرا على وجودك.. الان..
على ثقتك الجميلة فى..
على تواصلكـ..
الذى لم اكن أحلم به..أبدا..
الذى.. جعلنى احس بأننى أحيا..فى هذا العالم..
ان اخرج قليلا من عزلتى..
الى الشمس.
| |
|
|
|
|
|
|
|
|
|
Re: oOoO إلى بوردابيـه oOoO (Re: Baha Elhadi)
|
حرام بعد الزرعتو معاك
بعد اخلاصي ووفائي
يتاسف قليبي اسي ويكون موت الاماني جزائي
لما سالتك هل حبيتي تاني سواي
سكاتك طال بلا اسباب وما قائل السكات فوق راي
اتوقعت منك كلمه تشفي جروحي تبقي دواي
لما نطقتي
قلتي لي ايوه عشقت ما برجاك
خليني النشوف دنياي
| |
|
|
|
|
|
|
|
|
|
Re: oOoO إلى بوردابيـه oOoO (Re: هويدا شرف الدين)
|
| Quote: حرام بعد الزرعتو معاك
بعد اخلاصي ووفائي
يتاسف قليبي اسي ويكون موت الاماني جزائي
لما سالتك هل حبيتي تاني سواي
سكاتك طال بلا اسباب وما قائل السكات فوق راي
اتوقعت منك كلمه تشفي جروحي تبقي دواي
لما نطقتي
قلتي لي ايوه عشقت ما برجاك
خليني النشوف دنياي
|
..
ازيكـ يا هويدا
مستقبل البوست معاكـ ح يكون مشرق جدا
اصلللللللللو ما قصرتى
يديك العافيه على القصيد..و
برجاكـ
| |
|
|
|
|
|
|
|
|
 Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
7
الله سبحانه وتعالى وحده هو من يحدد لنا الخطى..
التى سوف نسير عليها بدقة متناهية..
لذلك لن أبكيك ..ولن ألومك ابدا ..
لم تتركى سببا واحدا لجعلى أحزن ..كنت ولا تزالين نعم الرفقة..وأحن على كل الجراح
ولن يكن لك ألا الحب سواء ان كان تواصلنا مستمرا او كما انقطع الان..
ربما تعتقدين اننى أبالغ فى حديثى هذا
كلا..
لكن لكن كما قلت لك من قبل ..
لن أخفى عليك شيئا ابدا..الناس تقول ان العلاقات عبر هذه الشبكة يظهر كلا الطرفين محاسنه فقط للأخر
و احاول..بكل جهدى..
ان أكسر هذه القاعدة وأبدو لك بمظهرى الحقيقى محمد الذى أعرفه انا ولم يعرفه الاخرون..
| |
|
|
|
|
|
|
|
|
|
Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
8
بثقه كاملة
اقول..
ان العلاقات الجميله لا تحتاج..ابدا..الى أطار..
محدد....يكفى فقط ان تستمر مع شخص بدون ان يتسرب اليكـ الملل..انسان يكفيك منه القليل
والقليل جدا..
بطريقة اخرى..
ليت كان قلب..لأحببتك..فعلا..
ولأعلنت وكتبت
ذلك..فى كل..
الأنحاء..
قلبى أصابه الوهن..
ولا يحتمل..كل هذه الرقه..
وحتما سيطل على دنياكـ المرحه يوما..
رجل خرافى..ليطول سمائك ..المرصعه بالنجوم..
حتما ينتظرك..مستقبل عامر بالسعاده..
ومشرق بالحب..الحقيقى
| |
|
|
|
|
|
|
|
|
|
Re: oOoO إلى بوردابيـه oOoO (Re: مُحَمَّدٍ عِوَضٌ احْمَدُ)
|
باب الروح متاكي إنسربي
صاحيات الحدائق أرعي
قبال منجنيق الخوف يعاود ضربي
قبل الطير وصعلوك النحل منكبي
هشي العافية من تمري المخمر وعبي
وزي ما النيل طبق مركوبو مارق للبحر مدبي
أدخلي في الجسد محمومة بالمرض اليحير طبي
وأفتحي باب ضريحك يدخل الدرويش مغبي
وأدبغي جلدي بقطران مهيج لبي
زي أتر النعال فوق الرمال متربي
كان بهل الجمر منقد سماي شن ذنبي
مادام الشرار وسط الرمال متخبي
لابد من فضيحة النار تولع جنبي
الشاعر : عاطف خيرى
رد الله غربته
| |
|
|
|
|
|
|
|
|
|
Re: oOoO إلى بوردابيـه oOoO (Re: محمد الجيلى)
|
Quote: تضامُني مع البوردابية في عِز محنتها
{وقعت ليها في واحد ويكة بس}
ــــ
ربنا يوفقكم يا حنين
|
ابوحميد ..سلامات..وربنا يسمع منك..ونتفكا من حكاية الوكوكة دى
غايتو ما بخليها الا تغنى خلاص كفاية..وتجى راجعة
| |
|
|
|
|
|
|
|
|
|
Re: oOoO إلى بوردابيـه oOoO (Re: ابوبكر قسومة)
|
| Quote: أتاريك ممكون وصابر ,,ربنا ينولك اللي في بالك محمد أخوي |
حبابك ياابوبكر يازميل
نورت البوست وسودانيز اون لاين كمان
والله صبر مافى لو فى صبر كان قطعنا الحكاية دى فى مصارينا وسكتنا
| |
|
|
|
|
|
|
|
|
|
Re: oOoO إلى بوردابيـه oOoO (Re: احمد الأمين على إدريس)
|
الاخ محمد
انا اتفق مع الاخ بهاء في تغيير صورة البروفايل بتاعة القرد والقردة دي
خت ليك صورة بتاعة لا لقهر النساء امورك بتزبط وبعد ما تعقد ان شاء الله ترجع قدو قدو تاني لووووووووووووووولز
ربنا يفك كربتك لو صحي سارة ومني مدني تكون انت زول عزال عديل كده ههههههههههه
تحياتي
زاتوووو
| |
|
|
|
|
|
|
|
|
|
Re: oOoO إلى بوردابيـه oOoO (Re: ALZOLZATOO)
|
يا زاتو اهلا وسهلا بيك
القرود ديل اصحابى شديد ياخى..مالكم عليهم..!
وبعدين يا عمك احنا اصلا حنان بعد العقد وقبلو..وبعد الشاكوش ذاتو..ما منكن ابقى زى قدو قدو
انا حر..وفعايل زى دى اصلو ما بنعملا.
Quote: الاخ محمد
انا اتفق مع الاخ بهاء في تغيير صورة البروفايل بتاعة القرد والقردة دي
خت ليك صورة بتاعة لا لقهر النساء امورك بتزبط وبعد ما تعقد ان شاء الله ترجع قدو قدو تاني لووووووووووووووولز
ربنا يفك كربتك لو صحي سارة ومني مدني تكون انت زول عزال عديل كده ههههههههههه
تحياتي
زاتوووو |
| |
|
|
|
|
|
|
| |
مُحَمَّدٍ عِوَضٌ احْمَدُ
Baha Elhadi
Mohamed Bannaga
abas
الامين موسى البشاري
زهير عثمان حمد
خدر
محمد زكريا
هويدا شرف الدين
عمر عبد الله فضل المولى
إدريس البدري
معاذ الهادي
osman righeem
احمد محمد بشير
ombadda
إدريس محمد إبراهيم
ياسر بيناوي
رشيدة عثمان فقيري
ابوبكر قسومة
محمد الجيلى
احمد الأمين على إدريس
ALZOLZATOO
فيس بوك
تويتر
انستقرام
يوتيوب
بنتيريست