شيخ الأمين دا منو؟!

قناة النيل الأزرق استضافت "شيخ الأمين" وهو أحد رجال الطرق الصوفية. لم أسمع بالرجل من قبل، ولذلك لا أصدر أحكاماً قبل أن تكتمل لدي كل المعلومات. لفت نظري هيئة الرجل التي تختلف عما اعتدناه عن رجال الطرق الصوفية .. أو على الأقل الصور التقليدية الراسخة في أذهاننا. ربما تغيرت هذه الصورة كما تغيرت كثير من الأشياء الأخرى.. ونحن بعيدون عن البلد غير مواكبين للجديد هناك.
أرجو من يمتلك معلومات مدنا بها مشكوراً عن هذا الشيخ.

ما زال البرنامج مستمر حتى اللحظة بقناة النيل الأزرق.

استعنت بالعم قوقل فوجدت ما يلي عن شيخ الأمين

Quote: شيخ الأمين يحكي: حيراني جكسي ومحايتي بيبسي..! الحلقة الاولى الأمين عمر الأمين طه، من مواليد الخامس من نوفمبر 1965م بحي ود البنا، درس الإبتدائي في ود البنا والثانوي في أم درمان الأهلية والجامعة في السعودية.. هكذا تقول شهادة ميلاده، لكن حيرانه وجيرانه والأحباب، ينادونه بـ(شيخ الأمين) وكفي..! لم يوقفه أحد يوماً ليسأله: شيخ الأمين منو؟! حتى نحن لم نجرؤ على سؤاله، فقط إبتعدنا منه كثيراً ثم (مسكنا) مرافقه الصادق وسألناه: إنت زولك ده إسمو شيخ الأمين منو؟! بطوله الفارع وإبتسامته الوضيئة وتواضعه الجم، إستقبلنا (شيح الأمين) في مدخل مسيده (القصر) بحي ود البنا في ساعة متأخرة من الليل يسبق ترحيبه بنا عطر متدفق من بخور كان يشتعل في (مبخر) لا يشبه إلا مسيد شيخ الأمين..! شيخ الامين حكى عن كل شيء: فرية متاجرته بالزئبق الأحمر، وشبهة ثرائه الواسع، وكون حيرانه كلهم من الحناكيش وأولاد المصارين البيض، وإبتداعه لمدرسة جديدة في التصوف و...! (1) إبتدر حوارنا مع (شيخ الأمين)، زميلنا الدكتور فتح العليم عبد الله، أستاذ الحضارة بجامعة الخرطوم الذي أعلنت (صلعته الباهية) و(علامات أخرى كثيرة) إنه الأكبر سناً من بين رفاقه المحاورون: وجدي الكردي وأحمد يونس والأديب علي يس، (ناس حكايات) الذين كانوا ضيوفاً على شيخ الأمين.. سؤال فتح العليم الأول كان: من أين بدأ شيخ الأمين مملكة الحواريين الواسعة التي يتربع عليها الآن؟! حين تحدث شيخ الأمين، إستدارت إليه العيون والآذان، خاصة مرافقيه الذين جلسوا على ركبتيهم في تأدب، يتأرجح منهم الروؤس بين الأكتاف كلما تحدث الشيخ أو تبسمّ.. لم يتخل شيخ الأمين عن تميزه حتى وهو في أخص أوقات راحته، هكذا كانت تعلن جلابيته تركوازية اللون و(نعله) البني وشاله الذي إتخذ من ذات اللون شعاراً، هذا غير مسبحته البنية التي كانت تخالطها بعض حبات من سواد. قال شيخ الأمين: (أخذت الطريقة القادرية المكاشفية من الشيخ عبد الله يوسف قرشي المكاشفي، المكنى بود العجوز، وهو بدوره أخذ الطريق من الشيخ عبد الباقي المكاشفي (الشكينيبة). حين إلتقيت الشيخ عبد الله ود العجوز وهو في طريقه للحج أواخر السبعينات، كانت الشيوعية (موضة) في أم درمان، تحديداً في (حلتنا دي) حتى سموها (موسكو).. الشيخ ود العجوز وجد أن التصوف بين الشباب يكاد يكون معدوماً، فقال لي: (إنتبه للشباب وأعرف ميولهم واختلط بهم)، ثم طلب مني نشر المبادئ الصوفية بين الشباب، لأني حسب قوله: (أفهم لغتهم). بعدها ـ والحديث لشيخ الامين ـ بدأنا التأهيل بعد أن تخرجت في جامعة الملك عبد العزيز كلية إدارة الأعمال، وكانت أية خطوة يخطوها الشيخ ود العجوز تبدو فيها حكمته وبعد نظره، كنت أتخيل إني سأدرس في الجامعة إصول الفقه، أو أصول الشريعة لكن الشيخ عبد الله قال لي لا..! * ليه قال لا؟! ــ لانو حسب كلامو، سيأتي وقت لن يسأل فيه الناس إن كان شيخ الأمين حافظ للقرآن ومتفقه في الدين، بل سيسألون عن مؤهلاته، وأهو.. كلامو (مشى وجا). * يعني إنك لم تدرس الشريعة أو الفقه، فكيف جمعت حولك كل هذا الخلق؟! ــ مين القال ما درست الشريعة؟ أنا بدأت الفترة التأهيلية عند الشيخ ود العجوز ودرست على يده الشريعة والفقه، وعندما جاء لأم درمان قال لي: شوف يا شيخ الأمين: تفرش البرش، وتملا الكرش، وتدي القرش، وتذكر رب العرش..! * يعني شنو الكلام ده؟! ــ تفرش البرش، يعني أن تصلي بالناس، وتملأ الكرش يعني النفقة أو الأكل والشراب، وتدي القرش لو جاك زول متضايق، وذكر الله هو ذكر رب العرش، ويجب أن لا تقدم له كرت دعوة لزول تقول ليه أنا شيخ، ولا تكتب هذه زاوية، وشغلتك كان ربنا قبلها منك، الناس بتلم فيك براها، ولو ما قبلها منك، لو شلت ليك مكرفون ما في زول بقيف معاك..! من حكمة الشيخ ود العجوز انو قال لي يا ولدي لو إشتهرت بأي حاجة الناس بتشكرك، لكن الشهرة بحق الله دي الناس بتسمعك فيها ستين ألف حاجة، وكان بتقدر على جنس دا أمشي، وكان ما بتقدر شوف ليك شغلة غيرها..! * بتسمع ستين ألف حاجة.. منها حيرانك الجكسي ومحايتك البيبسي يا شيخ الأمين؟! ــ شوف الكلام ده أطلقو واحد في مجلة عربية تقول طلقا في نار..! في ذمتكم هسع لو جبت ليكم جردقة بتشربوها؟ لو عملت ليكم كسرة بي موية بتاكلوها؟ إشمعنا البيبسي عندنا بقى حرام؟! * طيب البيبسي عرفنا.. الجكسي جاك من وين؟! ــ من أرض الله الواسعة دي..حكاية الرقص المختلط ده كلام فارغ وما ممكن يحصل أبداً.. * لكن عندك بنات بيحضرو الذكر في مسيدك؟! ــ أيوة.. بس من وراء حجاب.. عندهم مكان مفصول تماماً من الرجال. * يعني من حيرانك بنات جامعات؟ ــ طبعاً.. * ممكن تقبل في حيرانك بنات منحرفات؟! ــ أكيد..ديل بالذات أنا بركّز عليهن..! * ليه؟! عشان كده .. (......)..! لتعرف ليه.. تابع بقية الحلقات المثيرة من حوار (حكايات) مع شيخ الامين تباعاً في أعدادنا المقبلة.

تحية...الموضوع جدير بالدارسة ....التناول الجاد يقتضي عدم شخصنة الامور وربطها بالشكل دون الموضوعية اللازمة في التحليل والرصد والتقييم....

الرجل اخذ الطريقة القادرية المكاشفية من الشيخ عبد الله يوسف المكاشفي المعروف بود العجوز...وبالتالي فان الاطار التصوفي للمذكور يفترض ارتباطه بنهج الطريقة القادرية المكاشفية وادبياتها وذوقها المعلوم...

تقييم ارتباط المذكور بالطريقة يقع علي عاتق من قام باجازته ومدي اتساق نهج الشيخ الامين مع الطريقة وما يطرحه شيخ الامين من اضافة....منهج الشيخ يقوم علي الركائز التي اوصاه بها شيخه:تفرش البرش...تملاء الكرش... وتذكر رب العرش ويقوم شيخ الامين بذلك بلطف ملحوظ...ويتزايد اتباعه بعضهم للاسلوب السهل في الذكر وبعضهم في ظني جريا علي منوال الظاهرة الامدرمانية في ابتداع كل ما هو جديد لكن المحصلة النهائية لتقييم المثال لا تقدح في سلوكهم العام او في حريتهم في اختيار الطريقة التي يرغبون اتباعها...

من ناحية اخري وفي اطار استراتيجية النظام في اسباغ التدين كمظهر عام للمجتمع نجد اضاْءاته الكاشفة للطرق الصوفية وتقديم الدعم لها كتحالف مؤقت لتحقيق توازن ما في مرحلة ما من مراحل المشروع الحضاري..التحالف المؤقت منشأه الاختلاف الفكري الواضح بين الفكر الصوفي والمنهج السلفي الذي يقوم عليه المشروع الحضاري المزعوم...عليه فان مثل هذه الظواهر ستستمر باستمرار الحاجة لها... وسنعود للمزيد..مع الاحترام التام لاهل الطريقة القادرية المكاشفية وكل اهل الذوق واللطف من احباب الله...

واحيانا يلعب دور الخاطبه

فقد تعرض احد الشباب لهذا الابتزاز وعندما رفض تم سحب المبلغ الذي استدانه منه لشراء منزل من الورثه فاصبح هو مالكا للمنزل (العهده علي الراوي )

منتهي البشاعه

يا أيمن كل عام وأنتم بخير
شيخ الأمين ده لو بتاع أمدرمان
معناتو ده البقولوا عليهو
محايتو بيبسى وحيرانوا جيكسى






____________________________
والله أعلم

الوليد
كل عام وإنت طيب

Quote: يا أيمن كل عام وأنتم بخير شيخ الأمين ده لو بتاع أمدرمان معناتو ده البقولوا عليهو محايتو بيبسى وحيرانوا جيكسى

واضح إنو الرجل معروف لكن نحن غير مواكبين ..
لكن لفت نظري هو الطريقة المختلفة التي يسير عليها الرجل في منهجه. حتى جمهوره من نوعية مختلفة كما يظهر.
يبدو أن الرجل مثير للجدل مما يدفع للمزيد للتعرف على الرجل وأسلوبه في التصوف.

اسال منو المكاشفي

Quote: اسال منو المكاشفي

المكاشفي دا منو؟ ههههههههههههههههههه

مشكور يا ود الخليفة على الفيديو ... يظهر إنو أخوك ما جايب خبر. الزول معروف جداً حتى على المستوى العربي..

الأخ هشام كمال
مشكور على الإضافة
وكل عام وأنت بخير.

سلامات يا ايمن
وشكرا للفت النظر و متابعة معاك البرنامج في التلفزيون، و الموضوع جيد و يستحق النقاش كموضوع عام، و من كم زاوية

اتخيل المكاشفي الواحد دا الداير يقفلو ليه جامعه الاحفاد كان معلق صورتو في البروفايل

Quote: اتخيل المكاشفي الواحد دا الداير يقفلو ليه جامعه الاحفاد كان معلق صورتو في البروفايل

ود الخليفة انت داير تخدم ام تهدم ؟؟


ما اراك الا في نفسك شيئ من حتى
خلاس تعال انت افتح جامعة احفاد تانية عشان صحيفتك تتملئ وتلاقي الله يوم القيامة بهذه الصحيفة المليئة بال....................

سلام ياشباب
هذا الشيخ وكما قال داعية باسلوب محدث لكنه يخالف المدرسة السعودية التي درس في جامعاتها.
تابعت الحلقة، وبحتث لاعرف عنه، فوجدت تركيزا من البعض على لقطة الطفل الذي ركع له مما يضع مليون علامة استفهام خاصة وان الشيخ لم يقم بزجره كما ينبغى.
بالنظر الى الواقع السوداني.. فان تديين السياسة نفر كثيرين من المساجد .. والرجل يحاول ان يجتذب الشباب القاصية انفسهم عن المسجد وعن التدين الذي كان روح اهل السودان قبل الافكار الاخيرة عن تعظيم شعيرة الصلاة وفضل الظهر وما اليها.
شيخ الامين ظاهرة تستحق الدراسة بالفعل

الاخ / ايمن .. كل عام وانت بالف خير

بجد فعلا شيخ الامين شخص يستحق ان نقف عند ونفهم مايدور

بوست موفق ومتابعين الموضوع مهم ..

مودتى ..

الأخ خالد
كل عام وانتم بخير

Quote: الاخ / ايمن .. كل عام وانت بالف خير بجد فعلا شيخ الامين شخص يستحق ان نقف عند ونفهم مايدور

وهذا ما أسعى له من خلال هذا البوست. أن نقف على الظاهرة بكل تفاصيلها.
أتمنى المزيد من المعلومات عن الرجل .. وطريقته.. وهل هو شيخ طريقة أم مجرد مجدد؟؟ أتمنى من الإخوة المتداخلين المساعدة في رفد البوست بكل المعلومات المتاحة.

سلام يا كمال

انا ما تابعت الحلقة من بدايتها و لسة ما لحقت اكون راي متكامل عن الشيخ و حقيقة سمعت اسمه قبل اسبوعين تقريبا بالصدفة، لكن حكاية الركوع دي، قبيحة، بس انا ما شفتها
الطريف انه في نهاية البرنامج لاحظت كيف انه كان يقود المجموعة المادحة معاهو و مشي وقف بالقرب من ثلاثة صور، و كان بينظر الي صورتة بصورة ملاحظة

بالتاكيد له اعمال صالحات و من انا حتي احكم علي نواياة و ما فعلة و ما سيفعلة و لكن من الصعب عدم تدوين بعض الملاحظات السالبة و لو ذهنيا
استغربت لحال امراة يبدو انها في ثلاثنياتها و هي تقول انها فخورة و انها في سنها ده تعلمت اشياء مهمة من الشيخ كالطهارة و الغسل و الوضوء؟

يصدف اني الايام دي بقرا في كتب عن التصوف اهداها لي والدي و اخي الكبير
و المفارقات عجيبة بين ما افهمه عن التصوف و ما يدعو اليه و الاغرب الاستدلال ببعض الايات في اماكن غريبة، مثلا ذكر اية "ان الله اشتري من المؤمنين انفسهم"*
و ربطها بضرورة القدرة المادية و الكدح في الدنيا؟
و مثال سيدنا عثمان بن عفان و قدرتة علي الشراء؟

ظاهرة تستحق الاهتمام فعلا


* هو غلط في الاية و صححه مقدم البرنامج!

_______________________

الاخ الكريم المكاشفي
الواحد تجنب الدخول في بوستيك عن الاحفاد لاسباب كثيرة و اسالك اخي ان تخاف الله في تعليقاتك عن الاف الخريجات و العاملين بالجامعة دي و كما ناقشك البعض في ذلك البوست
اذا كان لابد من مناقشة بعض الظواهر التي لا تعجب سواء بالجامعة او اي مكان اخر، الرجاء ان لا تعمم خوفا من ان تظلم من لا علم لك بهم و بهن

الأخ كمال إدريس
لك التحية ومشكور على الإضافة.
ما دعاني لفتح البوست هو الطريقة الجديدة بالنسبة لي .. فكما نعرف ارتباط التصوف بالزهد والبعد عن كل مظاهر الدنيا ومباهجها. ولكن طريقة الشيخ الامين مختلفة.. بجانب أنصاره فهم أيضاً مختلفون. لذلك يمكن ان يصبح الشيخ الامين بهذا الفهم ظاهرة تتطلب الدراسة للوقوف عليها من كل جوانبها. فهل للشيخ فهمه الخاص للتصوف ينافي ما عرفناه ويعرفه الجميع. هذا البوست ربما يفتح حواراً للوصول لرؤية واضحة حول الموضوع. أو هذا ما أرجوه.

الأخت رحاب
سلامات وكل عام وإنت بخير.
بصراحة أنا أول مرة أشاهد الرجل ولفت نظري منهجه المتفرد سواء اتفق أو اختلف معه البعض.
ولذلك أحاول أن أتعرف عليه بشكل أكبر من خلال هذا البوست حتى نقف على الظاهرة.
مع شكري ..

هو الشيخ الامين عمر الامين
شيخ الطريقة القادرية المكاشفية
وهو من اسرة البنا تلك الاسرة الشهيرة تسكن في امدرمان شمال بيت المال وشرق ود نباوي
واسلوبه في تربية مريديه ليس جديدا بل هذا النهج سلكه من قبله شيوخ كثيرون


ارجو من الاخوان المتداخلين عدم مساس هذا الشيخ بأي كلمة من يعرف شيئ عن سيرته فليكتبها بكل ادب واخلاق ومن لا يعلم شيئ لا يكتب ابدا وكثير من الحاقدين من ذلك التأييد الذي وجده هذا الشيخ في وسط الشباب يقولو ليك محايتو ببسي وحيرانو جكسي وهذا امر لا يليق والادب مع اي شخص ناهيك عن شيخ يربي في الشباب على تقوى الله


هذه العبارة غير مقبولة في حق هذا الشيخ وهي غيبة ولا شك ان السيئات ستكتب في صحيفتكم وستندمون يوم غدا يوم لاينع مال ولا بنون إلا من أتى الله بقلب سليم ألا هل بلغت الافاشهد

وأعتزر بلسان العجز والتقصير لسيدي الشيخ الامين عمر الامين عن انى لم ادافع عنه ولم انافح عنه كما ينبغى حيث اني محكوم بلوائح وقوانيين لهذا المنتدى الالكتروني
والعفو والعافية

الأخ المكاشفي
أولاً أحييك بتحية الإسلام: السلام عليكم ورحمة الله وبركاته .. وكل عام وأنت بخير.

Quote: ارجو من الاخوان المتداخلين عدم مساس هذا الشيخ بأي كلمة من يعرف شيئ عن سيرته فليكتبها بكل ادب واخلاق ومن لا يعلم شيئ لا يكتب ابدا وكثير من الحاقدين من ذلك التأييد الذي وجده هذا الشيخ في وسط الشباب يقولو ليك محايتو ببسي وحيرانو جكسي وهذا امر لا يليق والادب مع اي شخص ناهيك عن شيخ يربي في الشباب على تقوى الله

لا أعتقد ان تساؤلي أعلاه حمل أي إساءة ... ما جاء أعلاه هو من باب المعرفة عن هذا الرجل الذي أعتبره ظاهرة جديدة في التصوف بالسودان تستحق الدراسة للوقوف عليها من كافة أبعادها كما ذكر كثير من الإخوة المتداخلين. فلا تفترض يا أخي أن هذا التساؤل فيه إساءة أو ربما يجر لإساءة. لا نبتغى سوى المعرفة يا عزيزي.
مع الشكر

الإخوة المتداخلين الكرام.. أعتذر لكم إن جاء ردي على الاخ المكاشفي سابقاً لكم. سأعود لكم.

Quote: 17-11-2010, 07:33 م الوليد الرشيد وراق يا أيمن كل عام وأنتم بخير شيخ الأمين ده لو بتاع أمدرمان معناتو ده البقولوا عليهو محايتو بيبسى وحيرانوا جيكسى

الكلام دا انا بعتبروا إساءة للشيخ وإساءة واضحة ،،
انت وكل القراء عارفين مدلولات كلمة جكسي وكلمة ببسي هذا إستهزاء ومنتهى السخرية في حق هذا الشيخ وهذا المنبر نجمد الله ان صاحبه اصبح ينصف المظلومين

Quote: ارجو من الاخوان المتداخلين عدم مساس هذا الشيخ بأي كلمة

لا يا المكاشفي
وياخي خلي جلبابك واسع
وانت قبل يومين هابش جامعة حدادية ومدادية وعاوز تقفلها
ليه عاوز تمنع الناس تتكلم وتنتاول امر الشيخ الامين ده,.. طالما التناول حيكون بموضوعية واحترام للاشياء فهي ظاهرة طلت في السطح العام والليلة انا شفت الحلقة المبثة علي الهواء مباشرة والموضوع اصبح جدير بالنقاش والجدل والنقد ولك حق الدفاع عن الشيخ الامين بما تملك عن سيرته وخوارقه ان وجدت
ولكن طالما الشيخ ده متاح في العام امره سيصبح عرضة للتنوير والنقاش والفلفلة عشان لو كويس مممكن يكسب ولو القصة فيها كاني ماني الناس توضح السلبيات والايجابيات وهييك نقة وهييك مثافقة قد تكون دينينة او اجتماعية او غيره من المفيد ...

ومع تحياتي لصاحب البوست وضيوفه وعيدكم سعيد

------------
واها الوهابية الخايف منهم يا المكاشفي ديل
اتحزم والتزم وانتظرهم بجوكم نابلين حسسسسسسع

الأخ عبد الكريم الأمين
كل سنة وإنت طيب
بالضبط ما قلته هو الذي أعنيه. أن ننظر للظاهرة طالما أصبحت مشاعة .. ولا توجد فكرة فوق النقد مع مراعاة الموضوعية وعدم التجريح كما قلت.
لك شكري ومودتي.

Quote: Author: عبدالكريم الامين احمد ليه عاوز تمنع الناس تتكلم

طيب اوكي اتكلموا وانا بتكلم واوع واحد يجي يقول لي داير تقفل جامعة ليش ولا داير يدقوا الطالبات البلبسن كعب ليش ولا اطلبوا من شرطة الجمارك تمنع دخول الملابس الخليعة
زول واحد يجي يقول لي ،، وأي واحدة لابسة كعب يدخلوها شرطة النظام العام


والحشاش يملأ شبكتو

Quote: وهي غيبة ولا شك ان السيئات ستكتب في صحيفتكم وستندمون ----------- ارجو من الاخوان المتداخلين عدم مساس هذا الشيخ بأي كلمة ----------- خلاس تعال انت افتح جامعة احفاد تانية عشان صحيفتك تتملئ وتلاقي الله يوم القيامة بهذه الصحيفة المليئة بال.................... Almkikashfi

الاخ المكاشفي
دعوتك في محلها و شكرا لنصحك و انا عني ساحاول جاهدة ان اتبع نصحك ده، و اتمني انك بالمثل تفعل ما تقوله و تخاف الله في تعليقاتك
عن جامعة بحالها، فيها من فيها من الصالحين و الصالحات و التقيات و الخايفات ربهن

اسي انت كلامك لود الخليفة ده فرقة شنو من الغيبة الانت حذرت منها؟
انت اغتبت الاف الطالبات و العاملين، مش شخص واحد فقط
معقولة بس؟

الاخ ايمن

اعتذر عن دعوتي لك بسؤال شيخ المكاشفي للتعريف بشيخ اللمين

الاخ المكاشفي

انا اسف جدا لجرك لحوار مثل هذا

بالامكان ان تعرف بشيخك بصوره تليق بالمربي الفاضل بصوره لا تضطر معها لخرق لوائح المنبر كما ذكرت

،،،،،،،،،،،،،،،،،،،

التعديل بسبب اضطر اضطراراً

Quote: اعتذر عن دعوتي لك بسؤال شيخ المكاشفي للتعريف بشيخ اللمين

يا ود الخليفة. لا داعي للإعتذار. فأنا أخذت الموضوع من باب المزاح ليس أكثر. حتى انى لم أكن أعرف أن المقصود هو المكاشفي زميلنا بالمنبر. تيك إت إيزي.

الاخ ايمن كل عام وانت بخير ، شبحان الله لقد سبقتنى فى فتح هذا البوست ، بصراحة اسفت غاية الاسف ان يصل حال بعض شبابنا الى هذا المستوى ، شيخنا المكاشفى معليش هذا الرجل فرض نفسه كشخصية عامة يجب طرح افكاره ومناقشتها.

من الظاهر انه شيخ طبقة خاصة ، وذلك من خلال ضيوف السهرة .


لى عود خاصة من خلال ما ذكره عنه الشيخ محمد سيد عليه رحمة الله .

مرحبا اختي رحاب

Quote: لكن حكاية الركوع دي، قبيحة، بس انا ما شفتها

عشان تشوفيها تجديها في رابط ضمن الفيديو الاول اللي انزله الاخ ود الخليفة يعني بعدما يكتمل الفيديو تجدينه ضمن الملفات المصاحبة.

-------------------
اخي المكاشفي
اجد تنافرا بين طريقتك التي تنحو للمخاشنة والطريقة اللينة التي يتخذها شيخكم في الدعوة... ارجو ان اكون مخطئا.

الاخوان الكرام
عيدكم سعيد
طبعا انا عايش في أمدرمان وبعرف جامع شيخ الامين في ود البنا ومرة حضرت درس لهذا الرجل ولي علاقة صداقة مع الرجل الثاني في الطريقة هو شيخ مرتضي هو سليل عائلة البنا المشهورة بالغناء والطرب وهو أبن عم زميل البورد عاصم البنا
وهي أمتداد لمشايخ أجلاء ولكن هذا الشيخ أستطاع أن يجمع مجموعة من الشباب حوله واسلوب الدعوة لدي هؤلاء الناس جديد وسلس وموجه للشباب بالتحديد والان الاتباع كلهم من الشباب بنات واولاد وله مساهمات في حل كثير من القضايا الاجتماعية وكذلك أنشطة طوعية وأنسانية وهي تجربة تحتاج لدارسة بحق
ولان لديه مجموعة في الولايات المتحدة
اللهم صلي وسلم علي نبيك محمد وأنفعنا بعلم التابعين

لم تغادرنى الدهشه حتى الآن بعد مشاهدتى للحلقه و( شيخ ) الأمين لاول مره, حاولت قدر المستطاع الا احكم على الرجل بالانطباع ولكن, خلينا نقول انو ما قدرت اكون صوره ايجابيه عنه, كان ببالى وانا أشاهد الحلقه صور شتى لرجالات الصوفيه فى السودان, اكثرها الحاحا كانت للشيخ ابراهيم الحفيان فى مسيده المتواضع جدا والشديد الثراء الروحانى بامبده والرجل جالس فى رمضاء أمدرمان تتحلق حوله ارواح مريديه وهى مأخوذه تماما بفيوض العلم اللدنى والاشارات واللطائف الذى يلقيها شيخ ابراهيم فى قلوبهم وحتى فى أجواء ذاك الهجير, فلا تملك الا الخلود لسكينه تستجم فيها الروح ويسكن بعضها الى بعض بعد طول شتات ..

كل عام والجميع بخير ..
ربما لم تنجح الحلقه فى القاء الضوء على التفاصيل الايجابيه لشيخ الامين
وعلينا تحرى المزيد أن اردنا معرفته
تماما كما فعل صاحب البوست
شكرا له ..

الأخ حيدر؛
ومثلك:

Quote: حاولت قدر المستطاع الا احكم على الرجل بالانطباع

ولكن لا أدري لم تقافزت صورة [الحسن بن الصباح] وحواريوه في ذهني!

أتوقع ممن يعرفون [الشيخ] و[طريقته]، القاء المزيد من الضوء حتى يمكن
الحكم على غاياته.
__
تشكر أخي أيمن مبارك على إثارة هذا الموضوع الجاد..

مودتي للجميع..

زول شيخو الأمين وخاتي في بروفايلو صورة صدام!!
فتأمل!!

سلامات وكرا جزيلا لصاحب البوست علي الموضوع المهم,

حضرت الحلقه عن شيخ الأمين أمبارح,
وهالني ما رأيت !!!

في البدايه عايزه أقول للمكاشفي: حوارنا في منبر عام يقرأه الاف غيبه ؟,,
ده منبر مقروء, ونحن نتمني انه شيخ اللمين يقرأ وياريت لو يجي يحاورنا زاتو !!
بعدين ما نحن بنقول راينا في الرئيس والوزير والأمير, اشمعني عند شيخ اللمين بقت غيبه !!
يعني كلامك في المذيعات الشايل حالهم ما غيبه؟
طيب والله أنا أمبارح رأيت في الحلقه من مريدات الشيخ من هن أكثر تبرجا من مذيعات كثر !!!!!!
وقاعدات في الحلقه بثياب مبهرجه وشعور مصففه !!!!

شيخ اللمين أتانا بما لم نعهده من قبل من أهل الدين,
وكل بدعه ضلاله ..



المحيرني انه مازال الناس بتصنع الهة العجوه بأيديها !!!!!!!!

موقع شيخ الامين


قال الشيخ اثناء الحوار ان لديه موقع على الانترنت فقوقلته واتيت به .. واتمنى ان يتصل الحوار حول هذا الشيخ المثير للجدل

دخلتة المنبراليوم عشان انزل بوست لنفس الماده شيخ الامين السبب انو امبارح زارتنا مجموعه من البنات قروب زيارةعيد ولاحظته اتصالهم ع اهلهم في السعوديه عشان يحضروا السهره على قناة النبل الازرق عشان هم فيهاقاعدين حيران الشيخ الامين سالتهم قالوا ده شيخ الجكسي ياخي كيف ماتعرفي ووو---وللحديث بقيه ساواصل سردها لاحقا
حضرت السهره واتحفظ فى التعليق عن الشيخ ومتبعيه واوقفتني نقطة والدته وزوجته الملقبه بام الفقراء
شكرا لصاحب البوست لفتح النقاش



كل عاام والجميع بخبر

الأخ معتصم محمد صالح
مشكور جداً على رفد البوست بموقع شيخ الامين والذي أضاف الكثير للموضوغ.
لك تقديري

ألأخ/أيمن السلام عليكم وكل عام وأنتم بخير....وجميع المتداخلين..

سؤالك مشروع..وفى مكانه..لقد دار حديث كثير حول هذا الشيخ وظهوره المفاجىء وتركيز ألأعلام حوله..انا من أم درمان لم اسمع به إلا فى ألأعلام...

نفس السؤال هذا كان يدور فى عقلى..

Quote: وأعتزر بلسان العجز والتقصير لسيدي الشيخ الامين عمر الامين عن انى لم ادافع عنه ولم انافح عنه كما ينبغى حيث اني محكوم بلوائح وقوانيين لهذا المنتدى الالكتروني والعفو والعافية

يا أخ المكاشفى كل عام وانت بخير وشيخك بألف خير.....هناك أسئلة تحوم عن الظواهر التى تطرأ فجأة..وأرجو ان يكون بالك واسع..

ولماذا تدافع عنه؟؟ومن من؟..وكيف تريد الدفاع عنه؟وكيف ينبغى لك ذلك..

أنت الذى فتحت بوست ألأحفاد ولم ارد عليك فيه..مع العلم بأن بناتنا فيها..ولم تاتى بأسباب جوهرية لتقفيل الجامعة..وهذه وجهة نظرك واحترمناها...أحترم وجهة نظر ألأخرين.



لكم التحية جميعآ..

العزيز اسماعيل
كل سنة وإنت طيب

Quote: سؤالك مشروع..وفى مكانه..لقد دار حديث كثير حول هذا الشيخ وظهوره المفاجىء وتركيز ألأعلام حوله..انا من أم درمان لم اسمع به إلا فى ألأعلام... نفس السؤال هذا كان يدور فى عقلى..

يا سلام عليك يا اسماعيل. ليتنا جميعاً نمتلك هذا الفهم الواعي..
أعتقد ان شيخ الامين أصبح ظاهرة... مثله مثل العديد من الظواهر التي برزت بصورة سريعة. وكسائر الظواهر بعضها يذوب ويتلاشى، وبعضها يصمد، بحسب الظاهرة وتماسكها البنيوي والفكري.
ما زالت ظاهرة شيخ الأمين في بدايتها، حتى لو أكد البعض أن الشيخ معروف منذ زمن. ولكنه لم يستوي إلا أخيراً.
أعتقد ان سهرة الشيخ في قناة النيل الأزرق سيكون لها ما بعدها.
على الرغم من وجودي بالسودان هذه الأيام، لكني غير مطلع على الصحف السودانية. لكن سمعت أن الصحف اهتمت بتلك السهرة تحليلاً وتنقيباً ليس في مضمون السهرة، بل في الظاهرة نفسها.
وهذه إحدى حسنات السهرة... أضاءت على جوانب الظاهرة وتركت الأخرين لإكمال المشهد مثلما نفعل في هذا البوست.
المهم في الأمر أن أي فكرة غير منزهة من النقد .. فلا يوجد معصوم بعد المصطفى صلى الله عليه وسلم.
وما يزال الأعضاء حتى الآن مركزين نقاشهم في الفكرة والمنهج ولم يلجأ أحد ولله الحمد للتجريج أو الشخصنة .. ونرجو أن يستمر النقاش بنفس الطريقة.
لك شكري

Ismeil Abbas,

.لقد دار حديث كثير حول هذا الشيخ وظهوره المفاجىء وتركيز ألأعلام حوله..انا من أم درمان لم اسمع به إلا فى ألأعلام


هل ١٨ سنة تعني ظهور مفاجئي؟


امدرمان خشم بيوت، الزاوية في نص امدرمان و على قول أهل امدرمان المربع الذهبي


إنت في ياتو مربع؟

الأخت أماني
كل سنة وإنت طيبة ...
صحيح لا توجد فكرة فوق النقد. المهم أن نلتزم بأصول الحوار لنصل في النهاية لرؤية واضحة.
حتى الآن الأمور تسير بشكل جيد. أعتقد أن المعلومات المتاحة الآن عن شيخ الأمين لا بأس بها، وما زال البحث متصلاً في هذا الإطار.
لك وافر التقدير

تخريمة:
رسالتك وصلتني... أشكرك على الاهتمام...

الأخ خالد
مشكور على المرور

الأخ محمد عبد الرحمن
تشكر يا عزيزي على المرور.

الأخ محمد حيدر المشرف
كل عام وانت طيب

Quote: كان ببالى وانا أشاهد الحلقه صور شتى لرجالات الصوفيه فى السودان, اكثرها الحاحا كانت للشيخ ابراهيم الحفيان فى مسيده المتواضع جدا والشديد الثراء الروحانى بامبده والرجل جالس فى رمضاء أمدرمان تتحلق حوله ارواح مريديه وهى مأخوذه تماما بفيوض العلم اللدنى والاشارات واللطائف الذى يلقيها شيخ ابراهيم فى قلوبهم

ما ذكرته هو الانطباع المعروف عن الطرق الصوفية ورجالاتها. ربما تغير الحال الآن وبالتالي نحتاج لتغيير ما رسخ من صور قديمة.
لكن: ما قادر ألقى تبرير للطريقة الجديدة. الترف ومظاهر الثراء .. والاقتراب من الدنيا أكثر ألا تعتقد أنه يتعارض مع فكرة التصوف نفسها.
الرجل قال: أن فكرة التصوف ومنهجه وروحه لم يتغير. بمعنى آخر ما تغير هو المظهر دون المساس بالجوهر. وهذه في حد ذاتها مسألة أساسية في روح فكر التصوف.

Quote: اخي المكاشفي اجد تنافرا بين طريقتك التي تنحو للمخاشنة والطريقة اللينة التي يتخذها شيخكم في الدعوة... ارجو ان اكون مخطئا

الاخ كمال إدريس
شكرا جزيلا على التنبيه ، وأعترف بما ذكرت لي ، ولكن جهل بعضهم يضطرك للإبحار عكس هذا التيار
ومشكور اخي كمال مرة اخرى

الأخ هجو
كل سنة وإنت طيب
طبعاً الموضوع فرض نفسه. شيخ طريقة يلبس أزهى الثياب بعكس المألوف عن رجال الطرق الصوفية الذين كان الزهد عنوانهم، والبساطة طريقهم.. لذلك كان الموضوع موضع تعجب واستفهام. وكان لا بد من الغوص في الموضوع.

Quote: الظاهر انه شيخ طبقة خاصة ، وذلك من خلال ضيوف السهرة .

وضح هذا جيداً في الضيوف خاصة الشباب منهم. يظهر عليهم أثراً غير الذي عهدناه في المريدين والمتصوفة.

Quote: يا أخ المكاشفى كل عام وانت بخير وشيخك بألف خير.....هناك أسئلة تحوم عن الظواهر التى تطرأ فجأة..وأرجو ان يكون بالك واسع.. ولماذا تدافع عنه؟؟ومن من؟..وكيف تريد الدفاع عنه؟وكيف ينبغى لك ذلك.. أنت الذى فتحت بوست ألأحفاد ولم ارد عليك فيه..مع العلم بأن بناتنا فيها..ولم تاتى بأسباب جوهرية لتقفيل الجامعة..وهذه وجهة نظرك واحترمناها...أحترم وجهة نظر ألأخرين. لكم التحية جميعآ..

اخى اسماعيل دايما موضوعى وعقلانى
بوست ما فيه اى اساءه نحن نحترم صاحبه ودا سؤال مشروع جدا
نعم عندما شاهدت الحلقه كنت اتساءل من هذا الشيخ
لان طريقة لبسه فى الثوب والعمامه مختلف فكنت اظنه ضيف من مشايخ المغرب العربى
ولكن من كلامه عرفت انه من السودان ايه المانع ان نتعرف عليه اكثر من خلال هذا الخيط
من الذين بعرفونه اكثر
التحيه والاحترام للجميع

أسألوا زميلنا عصمت العالم ..
وأسألو زميلنا agab

وأذهبوا ونقبوا في إرشيف هذا المنبر وتحديدا إرشيف الربع الاول لعام 2008

من وجهة نظر شخصية
الامين دا شغلو شغل استهبال

الأخ أيمن أبو الحسن
قرأت قصيدة أبو العتاهية
قطعت منك حبائل الآمال وحططت عن ظهر المطي رحال
فعرفت الفرق بين المتصوفة في ذلك العصر ...لم أره ولكني تابعت الحلقة سمعاً ....يضاف إلى ظواهر 1989 وما ترتب عليها من آثار لا شك لن تصمد .
كل عام وأنتم بخير
هاتفني الريس ولم نلتق وفي القادمات لقاء إن شاء الله ما بقينا .

عيدكم مبارك جميعا

لا أريد أن أتحدث عن صوفيته ومدى صدقه ولكن..

إذا كان عنده لقمة عيش لجائع..

وإن كان يحفظ هؤلاء الشباب ويشغلهم عن المخدرات والهلس..

فذاك يكفى!

ايمن أبو الحسن
عيدك مبارك
ظاهر عليك اتفرجت علي الحلقة الماتعه
هذه يا أخي الصوفيه علي الطريق 4 2 4
ويبدو أن هناك من ينظر الي الامور بحسبانها موضه ومظاهر تتماهي مع العصر

في اعتقادي أن الدين الاسلامي عقيدة وهي لا تحتمل كل هذا الذي يحصل في قنوات السودان
ودونك قناة ساهور

تحياتي

ايمن والمتداخلون ...السلام عليكم ورحمة الله ..

Quote: تابعت الحلقة، وبحتث لاعرف عنه، فوجدت تركيزا من البعض على لقطة الطفل الذي ركع له مما يضع مليون علامة استفهام خاصة وان الشيخ لم يقم بزجره كما ينبغى.

حقيقة لا اعرف عن الشيخ الامين مايجعلني احكم على طريقته أوشخصه ولكن لى ملاحظة في ذات الحلقة المذكورة اضيفها لكلام الاخ كمال وهو ان احد الضيوف تحدث عن انضمامه واسرته الى طريقة الشيخ وقال نصاً( كل الانا فيهو ده من شيخ الامين ) واضاف نصاً (انا اتكلت على الشيخ ) في كل شي ...فاستغربت لعدم توكله على الله سبحانه وتعالى ..
لكن الجديد شنو .؟ نسبة كبيرة من الشعب السوداني تنتمي لهذه الطرق وكل خمسين واحد عندهم شيخ يتقربوا بيهو الى الله وكأن الله لايقبل لهم صلوات او عبادات الا عبر هؤلاء الاسياد والمشايخ..!! شوفوا في كم قبة وكم شيخ في السودن وكم درويش مغيبين نفسهم ومقضين حياتهم دروشة ورقص ولبس المقطع ومديح السيد واسرته حتى اصبحوا لايتقربون الى الله الا عبره ولايتوكلون الا عليه ومنهم من يطلب الرزق والمولود منه ...لايعلمونهم من الدين الا المديح -الا من رحم الله - وكأن الاسلام هو المديح ..الدين واضح وربنا سبحانه وتعالى اقرب الينا من حبل الوريد ولا يحتاج الى وسطاء او اسياد ...

في عرس واحدة من قريباتي ..العريس من اتباع(الشيخ) الامين ..وقت العقد كل (مريدي الشيخ وهم طبعا اصحاب العريس) جو عملو حلقة ذكر بالطريقة الصح... شئ حفاية وشي لابسين اخضر وشئ مدايح وشئ خطب واحاديث وشئ جري ورا الشيخ وحاجات كدة تتديك احساس بالاستهبال..
دة كلوووو كوووم
وبعد الواطة مغربت كووم تاني..
الحواريين ديل ذاااتهم وقت الحفلة انقلبوا شئ تاني..جبجبة ورقيص وفي نص الزفة وغايتو ..
يعني بيحبو الاستلام بالطريقة الصح ..
الشيخ دة بتاع شو وبيظهر شديد في الفيديوهات الفوق دي...


ــــــــــــــــــــــ
يعني ما بين العقد وحفل الزفاف شتان !!!
الشئ شنو؟؟ شيزوفرينيا؟؟؟

Quote: يعني ما بين العقد وحفل الزفاف شتان !!! الشئ شنو؟؟ شيزوفرينيا؟؟؟

يازولة انت ماخايفة يمسخوك ولا شنو ؟!!

اذكر ان احد مريدي البرهانية وهو فنان التقيته في جدة واتكلمنا عن الطريقة البرهانية وقلت ليهو انت هسي تقعد تغني وترقص فهل ده مابيتعارض مع طريقتك ؟ قال لي ابداً مايتعارض ..قلت ليهو يازول دي طريقة شنو ؟!! قال لي يازول انتبه لكلامك والله شيخنا هسي حاضر جلستنا دي وبسمع في كلامك ده وبكون زعلان فاحذر غضبه ..والله قالها هكذا ..قلت ليهو شيخك ده ربنا ولا شنو ؟!! الزول فت قام مشى خاف الشيخ يخسف بينا القعدة ويروح معاى في الكازوزة ...

غايتو الطرق الزي دي اساءة للدين ولم تخدم الاسلام بل خرّجت مجموعة من العاطلين والمداحين والدراويش والاتكالين والمستنكحين ...


ـــــــــــــــ
سارة كل سنة وانت طيبة ..

ساره و ود القاضي كيفنكم,,
أنا زيكم بستغرب لفكرة الشيوخ والطرق الصوفيه من أساسه,
وبعتقد انه ربك أقرب اليك من حبل الوريد وما عايز وسطاء,
وبعد الرسول (ص) توقفت اتلرسائل بين السماء والأرض,
واكتمل الدين ونزل الي الأرض وأصبح مسئوليه فرديه اختصرها ربنا في كلمة (إقرأ),, وعليك بالايمان والعمل الصالح لاغير,,
لكن طالما الطرق دي فيها زهد وارتقاء بالروح وتهذيب للجسد فهي عقلا (نوعا ما) تتماشي مع الدين,

أما عمّكم شيخ اللمين فهو مما تشوفو بيديك إحساس انه زول دنيا,,
وحتي لمّا يتكلم في الدين خطابه ضعيف جدا,
هو زي المعجب بفكرة عمرو خالد كده, مع انه عمرو خالد متمسك بمظهره (الشيك) ده لجذب الشباب للدعوه,
وبيتمني حسب تصريحه العوده لمظهر رجل الدعوه العادي, لكن هو يعلم انه اطلاق اللحيه وغيرها بقت بتنفر الشباب وهو مستهدف الشباب في دعوته,
وبعدين فهو وأسرته شكلهم زي أي مصريين عاديين بدون مبالغه في التأنق والترف والمظاهر,

زي ما علقت الأخت (نجمه) أنا استفزاني جدا مشهد عرض زوجته المسمينها أم الفقراء,
وهي شابه ترفل في النعيم وفُل ميك أب ومديه نفسها حقها خالص, بينما هو وحوارينه مدينها مكانه لا علم لي بكنهها !!!

أمّا مشهد دخوله للاستديو,
فاستغفر الله العظيم, حقيقي لا علم لي بما داخل نفس هذا الشيخ,
ما أدّاني أي إحساس برجل دين أو صوفي !!!!!!!!




----
بالمناسبه سيد البوست شكلو مشغول علي الاخر :)

تحياتي أستاذه أماني؛

Quote: لكن لما شفته اتذكرت (قارون), (فرعون موسي)

وعني، وقد كتبت أعلا البوست، فقد تقافزت صورة الحسن بن الصباح في ذهني!..
ومازلت انتظر معرفة المزيد عنه وطريقته حتى استكنه ماهية العلاقة بين الشيخين!

أخونا الجديد في سودانيز أون لاين محمد عبد الرحمن,
الشهير ب (طرطشه) وحقوق الملكيه الفكريه محفوظه للمفكر أمين ياسمين, المبلول في هذه الأيام من جميع الاتجاهات :)

مرحب بيك جدا في سودانيز وليك مثل تحيتك,
ماشاء الله عليك في شهر عامل 500 مداخله,
لو واصلت بالمعدل ده بكري حيبيع ليك الموقع لووووووول


والله ألف مرحب بيك ومنوّر البورد يا أخونا :)

Quote: وإن كان يحفظ هؤلاء الشباب ويشغلهم عن المخدرات والهلس.. فذاك يكفى!

تحياتي لصاحب البوست و رواده ..
سمعت عن شيخ الأمين قبل اربعة سنوات تقريبا و استفزني الفضول لرؤيته .. فذهبت لزيارة حلقته الدورية ( اظنها تقام ثلاثة مرات في الاسبوع لكن الرائجة هي حلقة الجمعة ).
و اهتممت بسؤال عدد كبير من اتباعه و مريديه.
لا اظن ما حصلت عليه من معلومات يشكل رأياً كلياً انما هي حصيلة مشاهدات قليلة و محاورات معدودة.
اغلب مريدي شيخ الامين هم من الشباب و الطبقة المرفهة منهم.
و ما لحظته عليهم ( و فيهم أصدقاء و اغلبهم صديقات لي ) له علاقة بما اقتبسته عن د.بله اعلاه .. فاتباعهم طريقة شيخ الامين لا يغير منهم شيئاً ملحوظاً .. بل تكون رحلة الجمعة بالنسبة لهم نوعا من الترفيه الروحي و التطهير النفسي. و يغيب اي اثر اخر خلال الاسبوع.
تحس انهم سعداء لأنهم مقاربون للدين. انهم يجدون مكاناً يهربون اليه كل جمعة يجعلهم يشعرون بالسعادة الروحية دون اي اعباء اخرى.
سواء كنت تعمل في بنك ربوي او فتاة "متبرجة" او بذئ اللسان فلا تكاليف عليك من اي نوع او ضغط. تستطيع ان تاتي هنا كل جمعة و تنعم بالصفاء الروحي و تذهب.بل يمكنك التعرف على اخرين من نفس طبقتك ولهم ذات اهتمامك فكأنك عضو في نادي ديني.
و يلعب اليقين دوراً هاماً هنا. اذكر اني ركبت مره مع سائق ركشة تصادف انه من اتباع شيخ الامين. أبوناشيخ الأمين كما كان يصر على تسميته.
قال لي بسعاده انه لم كان عاطلا لا يعمل. لكن أبونا شيخ الامين أصر عليه أن يتزوج. ففعلها و هو لا يملك قوت يومه. قال:
" و هدا انا الحمد لله الليلة مبسوط و سعيد و كلو عشان نصيحةابونا شيخ الامين ".
هذا رجل سعيد لأنه يؤمن بشيخ الامين. بينما لو كانت والدته هي من أصر عليه أن يتزوج لعد نفسه اليوم في مشكلة كبيرة و هو جوكي على ركشة و يتحمل مسئولية اسرة.


اعتقد ان شيخ الأمين شكل سوداني للاسلام اللايت المنتشر في كل العالم.
و لعل اخواننااهل علوم الاجتماع و الاقتصاد يفسرون لنا مثل هذه الظواهر التي بدأت في اوروبا و امريكا بالداعية البروتستنتي الأنيق كنجم تلفزيوني و يمتلك محطة تلفزة و يتكل عن الرب كأنه صديق قديم يلعب معه الجولف نهاية الاسبوع.
هذه الظواهر انسابت الى مجتمعاتنا لأسباب يقدر على تفسيرها اخواننا اهل العلوم المذكورة اعلاه.
فانتجت في المجتمعات السنية المرفهة ظاهرة كعمرو خالد و انتجت في المجتمعات الصوفية الفقيرة (فقيرة مقارنة بغيرها من العالم) شيخ الأمين و غيرهما.

بقي أن اشير ان حال التدين الذي لا يغير من السلوك شيئاً انما هو ظاهرة عامة جدا .. فنحن نعيش في عالم قاس يصعب ان تخرج من خطه لتصبح متدينا كما تريد. لذلك يلجأ الشباب الى اشكال التدين المظهري او التدين اللايت.
اطرف مثال لذلك يقابلني دوما على مواقع الانترنت ان تجد شابا في موقع يقوم بكتابة موضوع عن " فضيحة .. ادخل و شاهد الفنانة فلانة تمارس الجنس " و يرفع عليه فيديو جنسي للفنانة المذكورة او شبيهتها .. ثم تجد توقيعه اسف مداخلته : اللهم لا تزغ قلوبنا. او : كلنا غزة. او حديث نبوي عن الموت.
فيا عزيزي بلة موسى لا تامل ان يكون هناك تغيير .. و لا حتى تراكمي.
فميزة هذه الانواع من التدين انها تعطيك المبرر لما تفعله في بقية حياتك من سوء.
او هكذا اظنها.

الأخ حمور
لك تحياتي وشكري على التناول العميق لظاهرة "شيخ الأمين"

Quote: الاسلام اللايت

أعجبني المصطلح أعلاه ... ويتماهي فعلاً مع الظواهر التي أشرت أنت إليها.
أما شيخ الأمين فإختلافه مع الدعاة الجدد أمثال عمر خالد .. ان الاخير سعى للشباب وفرض نفسه كداعية شاب وسط هذه الشريحة بالذات، وبالتالي كيّف لغته وطريقته بما يتناسب مع هذه الشريحة. حتى طريقة ملبسه، وإهتمامه بأناقته كان مسألة ثانوية الهدف منها أم يكون قريباً منهم ليسهل عليه التأثير.. وقد كان له ذلك.
لكن شيخ الأمين هو شيخ طريقة صوفية لم يطرح نفسه بالصورة الموجودة لدى الدعاة الجدد. بجانب أن الصوفية نفسها كمنهج قامت على أشكال الزهد وأصبح الزهد ركناً أساسياً في التصوف. لا يمكن أن نقتنع بفلسفة أخرى للزهد. فالترف والغوص في مباهج الدنيا يتنافى تماماً مع الزهد المعروف لكل الناس.
بجانب ذلك التصوف كفكر قائم على نقاء الجوهر، ورفض فكرة المظهر وهذا ما يظهر في حياة مشائخ الطرق الصوفية منذ سنين متأخرة وحتى وقتنا الراهن.

حمور زيادة،


انشالله تكون إنت من الناس الإسلامهم heavey


لو الذهاب لي حضور حلقة الذكر نوع من الترفيه فدا أجمل ترفيه في طاعته الله و ذكره.


أما بخصوص كلامك على إنو حضور الذكر من المريدين ما غير حاجة فدي كذبته فيها لانو الدليل واضح كونوا ترك أنواع الترفيه المختلفة و إختار ذكر الله فهذة بداية تطهير النفس.

Quote: لا أريد أن أتحدث عن صوفيته ومدى صدقه ولكن.. إذا كان عنده لقمة عيش لجائع.. وإن كان يحفظ هؤلاء الشباب ويشغلهم عن المخدرات والهلس.. فذاك يكفى!

مداخلاتك دائما مريحة يا دكتور بلة , طالما الرجل يحفظ الشباب
كما اسلفت من خطر المخدرات ويقدم لقمة العيش للجائع , وأضيف
لا يدعوهم لارتداء الاحزمة الناسفة وتقتيل البشر فى غير معترك فسيظل
فى نظرى افضل مئات المرات من شيوخ العبوات الناسفة , الذين يحلقون
شنباتهم ويطلقون لحيهم ده غير شناتم البتقطع اللبن .
تحياتى لصاحب البوست وضيوفه .

الأخ فيصل
مشكور لمرورك

العزيز عبد الرحمن الحلاوي
تحياتي لك وللأسرة الكريمة. وكل عام وانتم بخير.
التصوف كما أعرف فكرة وأسلوب.. واستوقفتني ظاهرة شيخ الأمين بحسبان اختلافها في الفكرة والأسلوب عن التصوف الذي أعلم.
إلا إذا كان جد في الأمر جديد. وفوق كل ذي علم عليم.

Quote: اهاتفني الريس ولم نلتق وفي القادمات لقاء إن شاء الله ما بقينا

منذ اليوم الأول للعيد وحتى اللحظة أنا موجود بأفريقيا. أخبار صاحبك مقطوعة عني منذ سفره للأمارات. أتمني أن تكون قد وفقت في مقابلته.
لك تحيتى ومودتي التي تعلم...

أشرف مختار،


إنت شنو عشان يكون عندك راي شخصي في ولي من أولياء الله؟

الأخ خالد المحرب
لك التحية..
بالفعل هذا البوست أضاف كثير من المعلومات عن شيخ الأمين وهي الغاية التي كنت انشدها.
لك مودتي.

هجو الأقرع


تاسف انو الشباب بصلي و بذكر الله؟


سبحان الله....

Quote: فيها من الصالحين و الصالحات و التقيات و الخايفات ربهن

الاخت الكريمة رحاب
لقد سئلت هذا السؤال من قبل ، بل وقد طرحت هذا السؤال قبل أن اكتب حرف واحد في ذلك البوست ، وقد بينت ووضحت في معرض مداخلاتي وأكدت أن هذه الجامعة فيها الصالحات التقيات قبل أن أذكر مشكلة الزي واللبس الخليع ودونك مداخلاتي ارجو ان تراجعي البوست جيدا وتقريييي كل المداخلات بلطف
هذه واحدة

الشيئ الثاني : يسئلك الله يوم القيامة هل ما ذكرته من مشكلة موجودة ام لا بتلك الجامعة ؟؟؟ ارجو الاجابة على هذا السؤال فقط


ــــــــــــــــــــــــــــــــــــــــــــــــــــــــــــــــــ
أعتزر لصاحب البوست لخروج النقاش من مساره لكن لست من بدأ

Quote: الامين دا شغلو شغل استهبال

قول واحد

نبدء بالترحم علي الراحل سمندلاوي زميلنا في هذا الاسفير الواسع وندعو الله ان يتغمده هو وكل موتانا بواسع رحمته ومغفرته ...
سعيد بان هذا البوست لم ياخذ منحي خطاب عنيف كما حدث منذ شهور في ذات الموضوع واحي جميع المتداخليين ومبتدر البوست واحث الجميع علي الابقاء علي موضوعية الحوار بخطاب انساني ونقد بناء ...
وانوه الي كتاب حمور زيادة ففيه كثير من المعرفة والفائدة .. فامر Religion-lite انتشر في العقديين الماضيين في وسط اديان سماوية ووضعية وكان له تواجد في ستينات القرن الماضي في الغرب ....
امل ان يستمر تناول هذا الامر بواقعية وموضوعية ودون تعصب فالعمل الصالح هوالوسيط بين البشر وخالقهم وظهور الطرق في السودان له تاريخ طويل مرتبط بتعليم الدين وفق ما تيسر في مجتمعات وكيانات لها موروثات قديمة اجتماعية وروحية دون غلو واذكر ان والدي عليه الرحمة كان مقدما في طريقة تجانية في زمانه ولم اري لشيوخ تلك الطريقة ولا لشيخهم الاكبر والذي زرته وانا طفل في ستينات القرن الماضي في ضاحية من ضواحي القاهرة علامات تميزه من ورع وتواضع او زيا عن باقي الشيوخ والمريدين الذين رايتهم حينها في زواياهم في امدرمان او وسط وغرب السودان و كما شاهدت المرحوم محمد عثمان عبدة شيخ البرهانية في منزله في الخرطوم تلات في الستينات حين رافقت احد اقربائي لزيارته وكان مريضا وكان رجلا ضاحكا متواضعا مرحبا بزواره وكانت بينهم نخب عالية الرتب من الاجهزة النظامية والحكومية والمهنية ورايته في عزاء في قريتنا اتي للواجب وكان كذلك مثله مثل باقي المعزيين من اهلي النوبيين الا انه كان اكثرهم دعاء للمرحوم وسؤالا عن بقية الاهل ...ما اقصد انني لم اشاهد في زماني ذلك ما يميز شيوخ الطرق الا مزيد من ورع وبساطة وربما تغيرت الاحوال الان لدي بعضهم او لدي مريديهم والله عليم بما في القلوب وليس علينا الا ان نشغل عقلنا وتفكيرنا فيما نراه لا يوافق مفهوما عاما للدين ونخبوية تجعل في الدين كهنوتا و طبقية تتجاوز العمل النافع والصالح والخطاب الانساني ....
كما لحمور اصدقاء من مريدي هذا الشسخ فلي صديق نال درجات من علوم الدنيا وتقلد مناصب مهنية متقدمة ويبدو ان هنالك اعداد مثله رات في دعوته ما يلائمها كما وجد Religion-lite قبولا في اوساط شبيهة في الغرب...والمهم هنا هو كما اسلفت هو تقييم ما امكن لما في هذه التجربة والظاهرة الوحيدة في مجتمعنا من خير وما هو خطا في سودان يعج بطرق كثيرة منذ قرون طويلة رسمت في مخيلة الشعوب السودان اداء ومظهرا متواضعا عن الذي في هذه الظاهرة او التجربة ؟؟؟

واشير هنا الي مقال جيد عن ماهو الصواب والخطأ في تجربة Religion-lite في الغرب المسيحي ( المقال بالانجليزية وحيث انني لست مترجما محترفا وحتي لا يضيع المعني اترك للقراء المحترفيين امر ذلك ) :
The good and bad of religion-lite
http://www.smh.com.au/news/opinion/the-good-and-bad-of-...2/1140563858123.html

الأستاذ/ أبو بكر
إذا تطابقت ظاهرة "شيخ الأمين" مع مفهوم الإسلام لايت فهذا من شأنه أن يعرضها للنقد الشديد. فمفهوم الايت الذي أشرت له تجاهل بعض المبادي، أو بمعنى أدق تخلص من أعباء ينظر لها البعض بوصفها واجبات أساسية إن لم ترقى لدرجة الأركان. اهتم المجددون أصحاب مدرسة الإسلام لايت بالتغيير وكان ذلك على حساب الأصول وهو ما عرضهم للنقد الشديد.
في رأيي ظاهرة شيخ الأمين مختلفة بإعتبار إختلاف الفكرة نفسها. التصوف مدرسة مستقلة ولها قوانينن وحدود لم يتم تجاوزها طوال العقود الماضية حتى جاءت الظاهرة الجديدة لتفرز لنا واقعاً مختلفاً للصوفية.
ربما نكون على اعتاب مرحلة جديدة من التصوف.

Quote: ارجو من الاخوان المتداخلين عدم مساس هذا الشيخ بأي كلمة من يعرف شيئ عن سيرته فليكتبها بكل ادب واخلاق ومن لا يعلم شيئ لا يكتب ابدا وكثير من الحاقدين من ذلك التأييد الذي وجده هذا الشيخ في وسط الشباب يقولو ليك محايتو ببسي وحيرانو جكسي وهذا امر لا يليق والادب مع اي شخص ناهيك عن شيخ يربي في الشباب على تقوى الله

أها عدني من الحاقدين ديل يا المكاشفي :)

شيخك الأمين دا مش القاعد يجي الإمارات كل شهر شهرين , ينزل في أغلى فنادق دبي
يلتف حوله شباب وشابات من أبناء/ات الأغنياء ؟؟
شيخك الأمين دا ماعنده سيرة تتكتب ياأخينا, مستغل و جاهل في أبسط أمور الدين والتصوف

Quote: تحياتي لصاحب البوست و رواده .. سمعت عن شيخ الأمين قبل اربعة سنوات تقريبا و استفزني الفضول لرؤيته .. فذهبت لزيارة حلقته الدورية ( اظنها تقام ثلاثة مرات في الاسبوع لكن الرائجة هي حلقة الجمعة ). و اهتممت بسؤال عدد كبير من اتباعه و مريديه. لا اظن ما حصلت عليه من معلومات يشكل رأياً كلياً انما هي حصيلة مشاهدات قليلة و محاورات معدودة. اغلب مريدي شيخ الامين هم من الشباب و الطبقة المرفهة منهم. و ما لحظته عليهم ( و فيهم أصدقاء و اغلبهم صديقات لي ) له علاقة بما اقتبسته عن د.بله اعلاه .. فاتباعهم طريقة شيخ الامين لا يغير منهم شيئاً ملحوظاً .. بل تكون رحلة الجمعة بالنسبة لهم نوعا من الترفيه الروحي و التطهير النفسي. و يغيب اي اثر اخر خلال الاسبوع. تحس انهم سعداء لأنهم مقاربون للدين. انهم يجدون مكاناً يهربون اليه كل جمعة يجعلهم يشعرون بالسعادة الروحية دون اي اعباء اخرى. سواء كنت تعمل في بنك ربوي او فتاة "متبرجة" او بذئ اللسان فلا تكاليف عليك من اي نوع او ضغط. تستطيع ان تاتي هنا كل جمعة و تنعم بالصفاء الروحي و تذهب.بل يمكنك التعرف على اخرين من نفس طبقتك ولهم ذات اهتمامك فكأنك عضو في نادي ديني. و يلعب اليقين دوراً هاماً هنا. اذكر اني ركبت مره مع سائق ركشة تصادف انه من اتباع شيخ الامين. أبوناشيخ الأمين كما كان يصر على تسميته. قال لي بسعاده انه لم كان عاطلا لا يعمل. لكن أبونا شيخ الامين أصر عليه أن يتزوج. ففعلها و هو لا يملك قوت يومه. قال: " و هدا انا الحمد لله الليلة مبسوط و سعيد و كلو عشان نصيحةابونا شيخ الامين ". هذا رجل سعيد لأنه يؤمن بشيخ الامين. بينما لو كانت والدته هي من أصر عليه أن يتزوج لعد نفسه اليوم في مشكلة كبيرة و هو جوكي على ركشة و يتحمل مسئولية اسرة. اعتقد ان شيخ الأمين شكل سوداني للاسلام اللايت المنتشر في كل العالم. و لعل اخواننااهل علوم الاجتماع و الاقتصاد يفسرون لنا مثل هذه الظواهر التي بدأت في اوروبا و امريكا بالداعية البروتستنتي الأنيق كنجم تلفزيوني و يمتلك محطة تلفزة و يتكل عن الرب كأنه صديق قديم يلعب معه الجولف نهاية الاسبوع. هذه الظواهر انسابت الى مجتمعاتنا لأسباب يقدر على تفسيرها اخواننا اهل العلوم المذكورة اعلاه. فانتجت في المجتمعات السنية المرفهة ظاهرة كعمرو خالد و انتجت في المجتمعات الصوفية الفقيرة (فقيرة مقارنة بغيرها من العالم) شيخ الأمين و غيرهما. بقي أن اشير ان حال التدين الذي لا يغير من السلوك شيئاً انما هو ظاهرة عامة جدا .. فنحن نعيش في عالم قاس يصعب ان تخرج من خطه لتصبح متدينا كما تريد. لذلك يلجأ الشباب الى اشكال التدين المظهري او التدين اللايت. اطرف مثال لذلك يقابلني دوما على مواقع الانترنت ان تجد شابا في موقع يقوم بكتابة موضوع عن " فضيحة .. ادخل و شاهد الفنانة فلانة تمارس الجنس " و يرفع عليه فيديو جنسي للفنانة المذكورة او شبيهتها .. ثم تجد توقيعه اسف مداخلته : اللهم لا تزغ قلوبنا. او : كلنا غزة. او حديث نبوي عن الموت. فيا عزيزي بلة موسى لا تامل ان يكون هناك تغيير .. و لا حتى تراكمي. فميزة هذه الانواع من التدين انها تعطيك المبرر لما تفعله في بقية حياتك من سوء. او هكذا اظنها.

أخونا حمور زيادة

فسرت وأوجزت وأصبت

مع خالص التحايا وكل عام وأنتم بخير

عاصم فقيري

Quote: نهال كرار شيخك الأمين دا ماعنده سيرة تتكتب ياأخينا, مستغل و جاهل في أبسط أمور الدين والتصوف

اتنين

Quote: اتنين

ولافرق بينه وبين تجار الدين الكيزان


قول تلاتة :)

المكاشفي قول اربعه




صاحب البوست سلام
زي ما قال لك ناذر الخليفه كتب عنه من قبل
وحضر الينا نفس المشتنجين و المخمومين خمة اخونا المكاشفي ده.


طيب يا المكاشف اولا نحن لسنا ضد الصوفيه و التي عمدها الزهد.


نحن ضد المستغلين للدين
وشيخك اللمين ده هو الصوفيه في حلتها الانقاذيه الحديثه.

راكب بي ام دبليو موديل يمكن 2009
في بلد بشوارعها يموت الناس من الجوع!!




شيخط اللمين علاقاته الانقاذيه واسعه
واعفاءته الجمركيه تقول يا ليل.
ويحب الدنيا ومتاعها.....وشباب شنو البلمهم
يا د.بله بلا خجله منك؟؟؟ده بيحرص ان يشتت وعيهم
وما يدلهم على من اضاع احلامهم,ويبقى في محاولات حلول بسيطه لمشاكلهم.


يا فيصل الحسن يا اخوي
ما عشان متشنجي انصار السنه بيشجعوا الشباب على تفجير انفسهم
يصل بنا الحد مباركة الاستهبال الصوفي بشكله الانقاذي هذا.



اما ام الفقراء
واخت الفقراء

وقائمه طويله عريضه...كلهن نساء عاديات
اخته كانت تقيم بكندا هنا وضاربه الولفير على قول د.بيان زينا
اها بعد صادق شيخ اللمين الانقاذ وعرف دروبها
جائهم زياره وقال لهم ما اخدتوه الجنسيه كفاكم
خيرتكم شفتها والبلد دي ما نافعه معاكم قوموا معاي!!


اها بقدرة قادر قالوا حسه اخت الفقراء دي الناس الفايقه زي المكاشفي
ديل بيفتحوا لها باب العربيه التقول اميره وينحنوا كمان قدامها!!
وطبعا من عطايا امراء الخليج مركبها اخوها عربيه آخر موديل!!



اها قيل لونها الفي كندا البارده المافيها شمس دس ما كان فاتح قدر ما فتحت في السودان!!
يعني كريمات الدنقلاوي على سنجة عشره!!ويكون امثال المكاشفي هذا مصدقين انه
ده نور رباني!!


عقبال اخته وزوجته يدهوا شوية كريمات معاهم وبكره نلقى دراويشه
يتغنون هنا النور الرباني بوجهه!!

فضحتونا يا المكاشفي ربنا ينير بصيرتكم.
قال شيخ اللمين قال!!







ونكمل ولا نسكت عن شيخكم داك الاتزوج ابنة الكابتن المكسين حواره
هو فوق ال 70 واجبر حواره كابتن الطيران لتزوجيه ابنته ام 15 سنه!!
يا عيني عليها وامها وخيالنها رفضوا ولكن باسحارهم اجبروا الام على الموافقه!!



اها هذه الصبيه المسكينه
هي صارت ام فقراء ايضا على طريقتهم هذه!!



والمكاشفي يقول لك قولوا سبعه وقولوا....عشره.


اتقوا الله بشعبنا
شيء خزعبلات
وشيء اسلام سياسي
وشيء شيعه مشتنجين جدد عندنا
وشيء انصاؤ سنه يذبحون خفراء الاضرحه...

وآخرتها صوفيه متخمه تحب الاموال وتكنزها وتحب الحياة و النساء الجميلات!!

وقال صوفيه قال!!


اما يا زهير استغربت
لاستنادك بان له مريدين بامريكا كان هذه تعني شيئا
انت اللوتري ده عارفه بيجب بسطاء قدر شنو لهنا؟؟؟
اها فاكر كونه عنده انصار بامريكا دي يعني حاجه؟؟!!
ما المافيا لها انصار بامريكا ايضا؟؟!!

بس الزول ده نجيض وحيشغل تكنلوجيا زياده لتلميع اسمه
وبالتالي انهمار مزيد من الاموال عليه.مبروك عليه غباوة البعض.
وتوهمهم ان هذا اعتقاد به!! وكرامات!!


للرجل اموال وعلاقات يوظفها لمزيد من السطوة على الاتباع.


يا اخي ما سوداني الجياع ده
والله اي زول يفوز باليانصيب ممكن يبقى شيخ وينسجوا له سيره تحيركم ذاته.

الأخت تراجي
تحياتي ومشكورة كتير على الإضافـة.

الاخوان والاخوات التداخلين .. كل عام والجميع بخير

صاحب البوست .. تحياتى

الاخ المكاشفى الخضر .. سلام

عوزك بس تفسر هذه الطريقة من مشاهدة هذا الفيديو ولك التحية





هذا ليس بدين نبينا محمد صلى الله عليه وسلم حاشاه مارقص ولاتراقص ولايوجد دليل على ذلك في كتاب الله ولا صحيح سنة نبينا

ولا فى راى اخر افتونا يكرمكم الله ...

بعد إذنك يا خالد؛ وحتى تعم الفائده:

Quote: يا فيصل الحسن يا اخوي ما عشان متشنجي انصار السنه بيشجعوا الشباب على تفجير انفسهم يصل بنا الحد مباركة الاستهبال الصوفي بشكله الانقاذي هذا.

يا تراجى يا بت أمى ما مباركة لكن الربة اخير من الموت , قلنا
نشوف اخف الضررين , تحياتى يا عزيزة .

Quote: Quote: الامين دا شغلو شغل استهبال قول واحد

برضو مستهبل

في كل الفترات التي ارتدت فيها الصوفية أثوابا
لم أرى ما هو أكثر اثارة للجدل مثل هذا الثوب ....

عيدكم مبارك
خالص العزاء والحزن لرحيل لزميل سمندلاوي له الرحمة والمغفرة لذويه وابنائه وزوجته وأقاربه حسن العزاء
يامكاشفي قول (4)
زولك ده ما قادر يلزم البنيات ديل بأدنى التزام باللبس ؟ شوف اللبس والمكياج والبهرجة ؟
الشباب ما شاء الله عليهم غاية الحشمة والأدب ....
أعجبتني هذه المداخلة المستعارة من نفس البوست
سلامات وكرا جزيلا لصاحب البوست علي الموضوع المهم,

حضرت الحلقه عن شيخ الأمين أمبارح,
وهالني ما رأيت !!!

في البدايه عايزه أقول للمكاشفي: حوارنا في منبر عام يقرأه الاف غيبه ؟,,
ده منبر مقروء, ونحن نتمني انه شيخ اللمين يقرأ وياريت لو يجي يحاورنا زاتو !!
بعدين ما نحن بنقول راينا في الرئيس والوزير والأمير, اشمعني عند شيخ اللمين بقت غيبه !!
يعني كلامك في المذيعات الشايل حالهم ما غيبه؟
طيب والله أنا أمبارح رأيت في الحلقه من مريدات الشيخ من هن أكثر تبرجا من مذيعات كثر !!!!!!
وقاعدات في الحلقه بثياب مبهرجه وشعور مصففه !!!!

شيخ اللمين أتانا بما لم نعهده من قبل من أهل الدين,
وكل بدعه ضلاله ..



المحيرني انه مازال الناس بتصنع الهة العجوه بأيديها !!!!!!!!

_________________________________________________________________________ تسلمي _________________
الشفيع ابراهيم

تراجي ...سلامات ..

Quote: يا فيصل الحسن يا اخوي ما عشان متشنجي انصار السنه بيشجعوا الشباب على تفجير انفسهم يصل بنا الحد مباركة الاستهبال الصوفي بشكله الانقاذي هذا.

ياتراجي يبدوا انك بتخلطي مابين انصار السنة وبين اهل التكفير والهجرة ...انصار السنة المحمدية بالسودان اكثر اعتدالاً ودعوتها تقوم على الكتاب والسنة بفهم السلف الصالح وليست دعوة عنف وهذا مالمسناه فيها منذ ظهورها وهي اكثر الطرق الملتزمة دون تطرف او غلو ..واما التفجير ومانسبتيه اليهم هم اكثر من عانى منه في مساجدهم واحداث كثيرة في بدايات الانقاذ تؤكد ذلك ..وانصار السنة هي اكثر الطرق التى حاربت البدع والضلالات التى تقوم بها اغلب الطرق الصوفية لذلك ليس من العدل بل هو تجني ان تصفيها بما ليس فيها ..


احترامي وتقديري ..

مثل غيري من الاخوان و الاخوات حضرت الحلقة و ادهشتني أناقة الحاضرين بما فيهم الأمين و كنت قد تعرفت علي الامين في اوائل التسعينات حيث كان لديه محل تجاري بعمارة جاد غريب في السوق العربي و لفت نظري ان غالبية الزوار المحل من الجنس اللطيف و كان معه الشاب مرتضي البنا و الذي لم يظهر في الحلقة و هو زراعه اليمين ذي ما بيقولوا اهل التصوف و قد زرته يوماقبل خمسة عشرة سنة بمسيده بودنوباوي و هالني الحضور الكثيف و هذا يعني انه لم يظهر فجأة و بغض النظر عن الاتفاق و الاختلاف حول شخصه او طريقته فدعنا نقول لكل شيخ طريقة و للجميع رب يراقب و يحاسب
و اكثر مالفت نظري في الحلقة الأنسة التي قالت انها تعلمت سجود السهو و الاتيان بركعة المسبوق وكيفية الغسل و الطهارة و تقريبا عمرها تجاوز الخمسة و عشرون يعني ربع قرن و العيب ما فيها فأين دور الاب و الام و في ظل غياب هذه الادوار يجد الشابات و الشباب في امثال الامين متنفسا و مرشدا

هذا تواصل للمشروع الفاشل الاسمو "اعادة صياغة الانسان السودان"
ودا فرع "اعادة صياغة الانسان الصوفي في السودان"
نرطب كيف (احنا الكيزان) واكثر من نصف اهل البلاد متصوفه؟؟ بلا تقشف بلا زهد معاكم

ابحثوا عنه وقطعا ستجدونه عضوا بالمؤتمر الوطني ومؤيدا للبشير ضد الجنائية و و و
وكل عام وانتم بخير

أخي أيمن
لك التحية يا علم
الكلام دا لبعض من ظلم
السؤال ما حُرم
لكن الردود فيها البغم
العدّاد دا رامي ترم ترم
في الكتابة الـ من دون علم
والردود الساخرة من دون الفهم
دا منو البعلم الفي جوة القلوب لولا العشم
كل شي ياخي ما فيه القسم إنت وكتين الله ما أداك علم
وما فتحت قلب شفت جوّاه كان ظلام أو هو ظلم أو ملتزم
بس كيف بقيت تحكم من دون تشوف أو جاك علم
خلوا الخلق للخالقا سبحانه علم بالقلم
كمان علم الإنسان ما لم يعلم
دا الرقيص والسكسكة
لما يجوا من ناس
كُبار في غُنا
ورقيص
مافي
زولا
بقول
بغم
أو
لا أو نعم
أو حتى داك
أضعف الإيمان
نستنكره كان بي قلم
أو حتى بالقلب أو داك بي فم
أو في العدم اليعارض كل زول بأدب فهم
لكن لما يكون شي فيه حتى حتة دين مهما يغم
لي كل نفس وللناس جميع حتى لو فيها شياً من بــهم
قول ما مهم إنك تخلي الناس في حالا طالما ما قالوا ليك تعال وافتهم
أنا لا أدافع عن أحد لا زيد ولا عبيد؛ أنا بس بقول كل زول علم وكما فهم
أول شي بمسك لسانو عليه قبل ما يطرح مُثل أو يقيم دي القيم
وإنو الناس كلها آتيه يوم القيامة فرداً وكل آتيه عبداً دا المهم
أما تقبل بالتجاريب في كل حقل وكل مجال وكل علم
وتجي عند الدين تقيف زي ما وقف حمار سجم
معروف في كل شي تتعدد وسائل الفهم
وكل واحد بيختار الوسيلة الشايفا
توصل الزول للهدف حسب فهم
لو في زول تدخل في أصول
وقال ليك بطل للأصل
أو أنكره أو جاب
كمان عقيدة
تانية
غير
عقيدة
رسولنا المفتهم
أو أنكر المعلوم من
من الدين الفهم واللي افتهم
في الوقت داك تدي الأمر لولي الأمر عشان
يحاكمه بي كل شي مفرّز في القوانين وبي فهم
ومش ديلا بس؛ لي كل فرقة في ديننا دا من قام سلم

التحية

لجميع الإخوة المتداخلين

ورحم الله بكري السمندلاوي

خذوا الحكمة من الشيخ عبد الفتاح أبو شيمة ...


شكرا على المعلقة التي تقطر حكمة ...

الحكمة عندك يا منتصر يا شاعر
نحن عجايز خرّفنا وخلّونا سناير
ياخي أدينا حاجة من حقل الشاعر
ما تاخدنا في دوكة أخجلت تواضع وأخجلت مشاعر
وأنا بالجد لمشاعرك شاكر
-
سأل الرجل كي يعرف
ومجيئك كان كي تهرف
بأي كلام قد تعرف ولا تعرف
من أعطاك حق أن تُرجِِفْ
ترمي باللوم على العارف
ومن لم يعرف
رفقاً بخصال منسية
فكل شيء مربوط بالنية
وستبقى نسياً منسياً
لكن ذكراهم كم حيّة
من مات ومن أُبقي حيّا
فارفق بالنفس أيا خيّا
من أجل مكايدة بعض
نجري ونزايد في الركض
والجمل العاشق قد يمضي
من دون مكايدة تفضي
للنار ولهشيم الرمض
وأقول لك أخي امض
واسأل غيرك في الأرض
قد تجد إجابةً ترضي
للرب من قبل مفارقة الأرض
قد لا ترضيك وقد تُرضي
لكن لا تشبك نفسك في الرفض
فالجيل يسمّى بالرفض
لا يقبل حاشاه للعرض
وقد يخطئ أيضاً في العرض
لن يسلم لفظ في العرض
من دون مشاهدة العرض
وشهود أربعة تُمضي
صارت أحوالنا لا تُرضي
هجوم وسهام من مرض
خافوا يا قوم من عرض
كرّاسك يزيد من طول ومن عرض
تقرأه مذهولاً كمن قام لتوِّه من رمض
أخي ارض ربّك لا ترضِي
حزباً أو فكراً في الأرض
فالشأن سموات الأرض
إما أن تسمو أو تسفل في أعماق الأرض
لا يشغلنا بعضنا بعض
الزم خصيصتك واسترض
وعيوبك لا تغفل في الركض
نفسك نفسك هل تسترض
أم رب سمائك والأرض
هل ترضي السنّة والفرض
أم غير إلهك تسترضي
دعني في حالي يا بعضي
لا لن أنفعك في يوم العرض
فأنا مشغول في نبضي

شكرا منتصر

أيمن مالك تركت الجمل بما حمل

لا بهناك لا بهنا؟

ظاهرة شيخ الامين ليست بالحديثة
فمنذ زمن بعيد كنا نسمع بشيخ الامين الحيرانه جكسي ومحايته بيبسي ...
أجرت معه قناة هارموني في العام الاسبق لقاءات مطولة استمرت لعدة حلقات ...
ومؤخرا قناة النيل الأزرق ...
ما يقوم به من أذكار أعتقد أنه متاح في جميع مذاهب التصوف في السودان من ذكر ومدائح نبوية في شاكلةالحان أقرب للغناء والرقص...
في لقاءاته بهارموني نادى باتباع صور عصرية تتواءم مع العصر فبدل بهدلة أطفال الخلوة وضربهم بالسياط ولبسهم المرقع والمتسخ من الثياب والصلعة على الرؤوس ... نادى بأن تكون الخلوة مزودة بجميع متطلبات العصر التقنية لكي تكون عامل جذب للأطفال في إجازاتهتم الصيفية ...وللشباب ذاكرا بنفسه "مالوا؟ ما يشربوا بيبسي" لديه أتباع كثر منهم حملة دكتوراة استضافتهم كذلك قناة هارموني وتحدثوا بإيجابية عن الرجل والتزام الذكر .... والتصوف ...
مهما كانت غرابة الظاهرة فهي أفضل من ظواهر الغلو والتطرف التي تدفع بالشباب نحو هلاكهم وهلاك غيرهم
أملي أن لا يقسو الناس عليه بعدم دراية ومعرفة ...
والأخوة المقيمون في السودان هم الأقرب لنقل الحقيقة والحديث عنه...
مع أطيب تحية وكل عام وأنتم بخير...،،

أخي أبو شيمة

ماذا يضيرك لو أخذت كلامي بحسن نية .. وان كان ظاهره غير ذلك

ثم ما الذي يجعل الأمين شيخ وانت لا ؟ .. وهل كل من التف حوله حيران صار شيخا .. يحرم علينا انتقاده ؟




يعجبني أسلوبك الارتجالي في الرد ( قطع أخضر ) ..... ويبقى الود

أيمن الحلاوى ود حبوبة

كل عام وانتم بخير

موضوع جدير بالاهتمام ... بدون سخرية من المتداخلين افضل للفائدة العامة

الفراغ الروحي للشباب يقودهم للتطرف في كل شئ
وارجو عدم الخلط بين التصوف المعروف بالسمت الوسط والهدوء والسكينة
وما شاع هذه الايام من غريب القول والفعل
واستغفر الله لي ولك وللمتداخلين عموم ببركة دعاء الحجاج ما بين مكة ومنى وعرفات

العزيز التجاني
سلامي وتحياتي ...
التصوف كفكرة وبصرف النظر عن مسألة الخلاف تجاهه، لكنه ارتكز على قواعد معلومة، وجاءت ظاهرة شيخ الأمين لتخالف هذا الواقع. نحتاج لتبرير معقول يقنعنا بالظاهرة فإما أن نقبلها ونضيفها للمنهج الصوفي، أو نرفضها مثلما رفضنا الكثير من الظواهر التي برزت في واقعنا ثم تلاشت سريعاً.
"فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ"

لك تقديري ومودتي

هو يحاول ان يكون نسخة من الشيوخ العصريين الذين تعج بهم القاهرة هذه الايام و يملاؤن شاشات التلفزة ضجيجا
لا جديد فى ظاهرة شيخ الامين
فهو امتداد لشيوخ التصوف, الذين تعرفهم بلادنا منذ قديم الزمان
الجديد هو السمت العصرى الذى يتخذه و اتباعه
فكان القوم لا يريدون ان تفلت منهم الدنياو مباهجها, بعد ان ظنوا انهم امسكوا بمفاتيخ الاخرى
ما اتضح حتى الان هزال معرفة الرجل بدقائق الفقه
بل و ارتكب فاولا واضحا فى سعيه لتسويق نفسه سياسيا و ركوب موج العداء لليسار (ربما املا فى ترتدفه الانقاذ فى خيولها), حين ذكر ان احد كبار المتصوفة اوصاه بابعاد (شر) الشيوعية عن شباب بيت المال فى عام 1979م, و نسى انه فى ذلك الوقت كان عمره لا يتجاوز الرابعة عشرة, ليجمع فضيلة الكذب الى فضائله
ما اراه فى امر التصوف فى بلادنا ن هناك طبقة حفية, غالبا من اولاد المدن, تلتف حول الشيوخ, الذين لا يعلم سوى الله بنواياهم, تتخذ منه ساترا لقضاء ماربهم الشخصية

Quote: أخي أبو شيمة ماذا يضيرك لو أخذت كلامي بحسن نية .. وان كان ظاهره غير ذلك ثم ما الذي يجعل الأمين شيخ وانت لا ؟ .. وهل كل من التف حوله حيران صار شيخا .. يحرم علينا انتقاده ؟ يعجبني أسلوبك الارتجالي في الرد ( قطع أخضر ) ..... ويبقى الود

معذرةً أستاذ منتصر

أرجو ألأ تكون أسأت فهمي:

أولاً في مداخلتي الأخيرة ما يخصّك


هو ما فوق الشرطة.


ثانياً الكلام المنظوم الأخير

موجه لبعض من تخرج كلماتهم

في غير محلّها في التعليق عن الآخر


أما مسألة الشاعر

فقد رأيت في بروفايلك

أن المهنة شاعر

ولم أدخل مكتبتك من قبل

فأردت أن أرى بعض شعرك

باختيارك

ولم آخذ ما كتبت إلا بحسن نية

ولك العتبى حتى ترضى

ولك كل الود

-

يا جماعة الحلواني دا مشى وين؟


عايزك بي غادي يا ولدي

Quote: وهي غيبة ولا شك ان السيئات ستكتب في صحيفتكم وستندمون يوم غدا يوم لاينع مال ولا بنون إلا من أتى الله بقلب سليم ألا هل بلغت الافاشهد بالضبط ما قلته هو الذي أعنيه. أن ننظر للظاهرة طالما أصبحت مشاعة .. ولا توجد فكرة فوق النقد مع مراعاة الموضوعية وعدم التجريح كما قلت.

Quote: الاخ المكاشفي دعوتك في محلها و شكرا لنصحك و انا عني ساحاول جاهدة ان اتبع نصحك ده، و اتمني انك بالمثل تفعل ما تقوله و تخاف الله في تعليقاتك

Quote: شيخنا المكاشفى معليش هذا الرجل فرض نفسه كشخصية عامة يجب طرح افكاره ومناقشتها

.

أخي أيمن
السلام عليك وعلى ضيوفك

" من كان نهجه بين العموم . . يُرد عليه بين العموم "
وهي ليست غيبة !!
هكذا أفتى عليه رحمة الله الشيخ / محمد سيد حاج
الله ورسوله أعلم

ثم أقول

قد تركز النقاش حول شيخ الامين كظاهرة تستحق الوقوف عندها
أتفق مع ذلك . .
وفي تقديري الجانب الذي يستحق التركيز والبحث والمعالجة
هو الجانب الاخر من الظاهرة
جيل ما بين العقد الثالث والرابع من العمر
في رحلته بين التوهان والتخبط . . إلا من رحم ربي



إسماعيل حميم
______

من سكان بيت المال شرق ود البنا



.

الاحباب الكرام
أعتذر عن عدم تمكني من المتابعة معكم خلال اليومين الماضيين بسبب ارتباطات العيد المعروفة لديكم.
سوف أعود لكم بإذن الله...

الإخوة من خارج المنبر يمكنهم التواصل عبر ايميلي إدناه:
[email protected]

الأحباب الكرام
لكم التحية مجدداً
نعرف أن التصوف كمفهوم ارتب ط بالزهد والتقشف. بل إن أساس الفكرة كان يدعو للتفرغ للعبادة مصحوباً بشدة الزهد. وبعض غلاة المتصوفة سار في هذا الطريق لمدى بعيد، فحرموا على أنفسهم كل مباهج الدنيا وزينتها كما كان يفعل بعض مشايخ الصوفية مثل مالك بن دينار وبشر الحافي وغيرهم كثر.
أما أن تنقلب الصورة فهذا يتعارض مع أساس الفكرة وجوهرها.
فهل ظاهرة شيخ الأمين تدخل ربما في ما يمكن أن نسميه بالصوفية الجديدة؟

سلام للجميع :
أرجو أن يتركز الكلام مدحا أو قدحا علي المنهج ما علي الشخصيه ، يعني زي كلام إنو الزول ده مستهبل و كذا و كذا لا يجوز لانو مافي زول مطلع علي قلبو : الناس تتكلم في المنهج و تشوف هل البسوي فيه الشيخ و أتباعو من الاسلام في شئ ولا لا و نخلي الفي القلوب لعلام الغيوب .

Quote: من الظاهر انه شيخ طبقة خاصة ، وذلك من خلال ضيوف السهرة .

شيخ التجار اغلبهم تجار الاسبيرات مثل حاتم بكراوى وحسونة وعبد الصمد وغيرهم

من أقوال صاحبة الأدب الرفيع تراجي مصطفى الآتي :

Quote: Tragie Mustafa وحضر الينا نفس المشتنجين و المخمومين خمة اخونا المكاشفي ده.

Quote: اها بقدرة قادر قالوا حسه اخت الفقراء دي الناس الفايقه زي المكاشفي ديل بيفتحوا لها باب العربيه التقول اميره وينحنوا كمان قدامها!!

Quote: امثال المكاشفي هذا مصدقين انه ده نور رباني!! عقبال اخته وزوجته يدهوا شوية كريمات معاهم وبكره نلقى دراويشه يتغنون هنا النور الرباني بوجهه!!

سنة يالأدب والاخلاق .... أسي الكلام دا لو قالوا علاء الدين ولا بدر الدين لقامت القيامة
الله في
لوائح البورد كفيلة بوقف هذا الهراء والاستهزاء والسب والشتم

Quote: موضوع جدير بالاهتمام ... بدون سخرية من المتداخلين افضل للفائدة العامة

Quote: حين إلتقيت الشيخ عبد الله ود العجوز وهو في طريقه للحج أواخر السبعينات، كانت الشيوعية (موضة) في أم درمان، تحديداً في (حلتنا دي) حتى سموها (موسكو)..

هو دا السبب الذي يجعلكم تكيلون الشتائم والسب لهذا الشيخ الذي مجالسه كلها ذكر لله تعالى وصلاة على النبي صلى الله عليه وسلم
جزى الله خيرا شيخ الأمين فقد زاد من حلق الذكر في الارض التى تترآى لأهل السماء كما تترآى النجوم لأهل الأرض
أمض يا شيخ الأمين على هذا الطريق فلايضر السحاب نباح الكلاب

Quote: الأحباب الكرام لكم التحية مجدداً نعرف أن التصوف كمفهوم ارتب ط بالزهد والتقشف. بل إن أساس الفكرة كان يدعو للتفرغ للعبادة مصحوباً بشدة الزهد. وبعض غلاة المتصوفة سار في هذا الطريق لمدى بعيد، فحرموا على أنفسهم كل مباهج الدنيا وزينتها كما كان يفعل بعض مشايخ الصوفية مثل مالك بن دينار وبشر الحافي وغيرهم كثر. أما أن تنقلب الصورة فهذا يتعارض مع أساس الفكرة وجوهرها. فهل ظاهرة شيخ الأمين تدخل ربما في ما يمكن أن نسميه بالصوفية الجديدة؟

أيمن يا حبيبي
اقعد لك يوم في وجبة
مع واحد من الشيوخ هادول
وعاين برّاحة الإيد وكتين
تمتد بتاكل من وين؟
هل بياخد هبرة؟
وللا بياكل كسرة؟
ويمكن بي موية؟
أو ويكة خضرا؟
ما تحكم بس بي ظاهر الظاهر
الزهد ياخوي ماهو بالظاهر
الزهد أكيد هناك في الجوهر
ولا يخادعك مظهر
لو لقيت لك شيخ
سمين ومبغبغ تشكّك في المظهر
أما وزن الريشة مع عمراً ودّر
تعرف إنه أكيد بي وراه داك سر
كم يوم بيصوم الله أعلم وأقدر
ذكره كيف كيفنه الله أعلم أكتر

بس ركوب الفارهة دا شوفو رزق مسطر
في نفسه شن بيقول وهو راكب الأنضر
وللا لابس المنظر
كيف نضيف ومجيّر
شوف القلوب وين سارحة
هل في الملكوت
وللا جخ ومقاوحة
وين مشغول باله
في الليلة وبارحة
وللاّ في يوم بكرة
في محاشر جارحة
--
أما للأتباع فهي مدارس آهلة
فيها شي بيحير
فيها واحداً جاهم بي سكرته متودّر
ولما داك اتخرّج شوفو كيف متنوّر
ويجيه كم متعلم زاد ضلاله وأكتر
-
سبحان ربّي الغيّر
وهو لا بتبدّل ولا بتغيّر

لك كل الود

بوست جميل

إلا من تجاوزات بعض المتداخلين

أشهد ألا إله إلا الله .. وأشهد أن محمدا رسول الله...

قول ديشليون...

بس كدي يفسر لينا المنافحون عن الشيخ..

كيف يقبل الشيخ أن يسجد أحد الصبية الغرر

عند قدميه (الشريفتين)...

استغفر الله وأتوب إليه من كل ذنب عظيم..

الصوفية والباطنية منزلق خطير...إجتنبوه ما أستطعتم

أماتوا علينا ديننا.. سترك ياالله...

Quote: أمض يا شيخ الأمين على هذا الطريق فلايضر السحاب نباح الكلاب

الله المستعان وكفى...

كيف يمكن مناقشة هؤلاء...

اللهم لا إعتراض على حكمك يا الله.......

إحترامى للجميع.

Quote: قناة النيل الأزرق استضافت "شيخ الأمين" وهو أحد رجال الطرق الصوفية. لم أسمع بالرجل من قبل، ولذلك لا أصدر أحكاماً قبل أن تكتمل لدي كل المعلومات. لفت نظري هيئة الرجل التي تختلف عما اعتدناه عن رجال الطرق الصوفية .. أو على الأقل الصور التقليدية الراسخة في أذهاننا. ربما تغيرت هذه الصورة كما تغيرت كثير من الأشياء الأخرى.. ونحن بعيدون عن البلد غير مواكبين للجديد هناك. أرجو من يمتلك معلومات مدنا بها مشكوراً عن هذا الشيخ.

أخي السلام عليكم والزملاء الكرام
شيخ الأمين نسخة ممن سبقوه ..منذ أن تحول التصوف من نزعة زهدية إلى نزغة شيطانية-في غالبه-
تركب صاحب "الأحوال" فيقول مالم يقدر أن يقوله عاقل ..حتى يصل ببعضهم الحال إلى أن يقول:
أنا الذات الإلهية!
أنا أقول للشئ كن فيكون!- ربما الجنون أحسن من هذا الحال..
أخونا الطقي كان صوفيا..وسمع شيخه يقول: أنا الذات الإلهية...أنا...أنا.. ذلك الضلال..فتركهم منذ ذلك اليوم..
ومنهم من يسجدون له.. كحال هذا الشيخ "موديل 2010 فما فوق" ويطلبون منه ما لايطلب إلا من الواحد الأحد
الأمر تماما يأخي ك"موديلات" السيارات" المعروضة ..نفس الشكل مع تغييرات طفيفة لزوم الترويج التجاري..
الفرق بين بلة الغائب الذي ادعى علاج المرضى من الإيدز..وهذا..هو المستوى المعيشي والتعليم المظهري الذي يصفه أهلنابالمثل القائل: القلم ما زال بلم.. ولكن ما أكثر النافع من بعض الأقلام.. شوف المضحكة دي في الحج..وكلو بإسم الذّكر!!! مع اختلاف في المظهر..
http://www.youtube.com/watch?v=DWITb7sQFdE
الفرق: لباس أخضر لامع..ومظاهر عولمة وحضارة..من سيارات فارهة..وسفريات لأوربا وأمريكا..ولقاءات مع محطات تلفازية
بأسلوب عصري..ولي للألسن بالجهالة....دونما عِلم..
بس النتيجة واحدة = تجهيل الناس..والضحك عليهم بإسم الدين
أنا لا أتكلم في بيبسي ولا جكسي ولا كلام فارغ..ولا أتعرض لأمور خاصة
لكن هذا الذي يحصل عبارة عن "شيطنة" جديدة بإسلوب عصري:
الدين واااضح
عبادة خالصة لله
واتباع للرسول عليه الصلاة والسلام
وإذا كان ديننا قائما على الرقص
لما فُتحت أرض العالم
ألا فليصح من كان نائما

Quote: حين إلتقيت الشيخ عبد الله ود العجوز وهو في طريقه للحج أواخر السبعينات، كانت الشيوعية (موضة) في أم درمان، تحديداً في (حلتنا دي) حتى سموها (موسكو)..

حسب ما ذكره شيخ الامين لصحيفة حكايات انه مولود فى عام 1965م, فكيف يتفق انه يفهم, ناهيك عن ان يحارب الماركسية فى اواخر السبعينات و هو صبى فى الرابعة عشرة؟ هذا اذا غضضنا النظر عن ذهابه للحج فى تلك السن المبكرة
اخشى ان الشيخ الجليل يجمع ايضا فضيلة الكذب الى مزاياه الاخرى

و الله يا عوض من قريت كلامو أول مره الحته دي خلعتني شديد .. لكن قلت يمكن انا الغلطان في الحساب .. اصلو انا قريت الكمبوني و أولاد الحكومية كانو بيدورونا اننا ما بنعرف نحسب .. قلت يكون كلامم صاح

قبل سنوات.. زار شيخ الطريقة السمانية دولة قطر
وتم استقباله بحفاوة -كعادة بعض الدراويش "الرسميين..
بل رأينا بعض ممن يدّعي العلم يتتبع ريق الرجل بدعوى التبرك من الكوب الذي شرب منه-والجهالة -كالجنون- : فنون-
(طبعا لو أنت انتقدت هذا السخف سيرتفع عليك "سيف" مصلت..وهو : أنتم تكرهون الأولياء!! وهذه تجاوزها الشباب الواعي..والرجال الأذكياء..وصارت تهمة مبتذلة..لأن أي مسلم تقي..فهو لله ولي..ولأن الولاية ليست مظهرا ولاشكلا..ولاهي إنقطاع عن السير في الأرض.. والسعي للرزق...
المهم.. تتبعنا الرجل والبرامج التي عملتها له الكارثة/الجالية آنذاك.. وكانت إحداها-واأسفاه- في مدرسة الجالية..
جلسنا من بعيد نسمع ..فسمعنا العجب..كذب وتخليط ..وتعسّف للأدلة...وإلباس للحق بالباطل.. حتى وصل به الحال إلى تمجيد
الحلاج-الذي قال: ما في الجبّة إلا الله-! ..ووصفه بأنه شهيد قتله متأولون!! وطفق الضيف يحكي عقيدة ابن عربي بضربٍ للأمثال..وتشويه للحقيقة.. ثم خُتمت بالرقص إياه..
وكنت في ذلك الوقت قد كتبت محذرا من فتنة البرعي ..فقام أخو هذا الشيخ يردّ..وكان مما قال: إن شيخنا ابن تيمية يعلم الغيب..وينطر في اللوح المحفوظ...رددت على الجل..ورد عليه أحد القضاة القطريين..فلم يتكلم بكلمة ردا عليه..
الخلاصة..أن التصوف إن كان زهدا..فهذا قام به بعض الأوائل-مع ملاحظات في بعض أنواع تعبّدهم- أما مصادر التصوف الحالي ..فليست هي الكتاب والسنة..إنها مجموعة من الأحلام والقصص ..الفراسة غير الشرعية..وادعاء نزول الملائكة عليهم..إلخ لقد خلطوها بالعلوم الفلسفية فصارت غنوصية باطنية..لاتطهّر قلبا..ولاتزكّي نفسا..بل صارت مرتعا للشياطين
وسوسةً وتلبيسا..وللناس من الأتباع إغواءً وافتتانا..فيسجد أحدهم للشيخ كما يسجد المخلِص لله الواحد..عياذا بالله..
كان هذا المقال مما كتبته في بيان مصادرهم للتحذير من قطع هؤلاء للطريق المؤدي للحق.. وتلبيسهم وتشويشهم على الحق
فلا تأبهوا لهم فهم زبد جفاء لايقوى على الحق الدامغ للباطل الزاهق:
Re: د. المرتضى الزين يرد على د. غازي صلاح الدين في قراء...ot; لعالَم "ود

http://www.sh-elamin.com/ar/view/section/home

هذا هو موقع الشيخ الامين عمر الامين على الشبكه العنكبوتيه..
وباعتبار نحن اولاد امدرمان نعرف عن شيخ الامين الكثير
فقد عرف بحسن الخلق منذ نشاته وادبه وتواضعه الجم...
والرجل نحسب انه صالح ولا نزكى على الله احدا..
فالرجل يعطى الطعام على حبه يتيما وفقيرا ومسكينا
ويصرف على بعض الايتام والمساكين...
ويقضى حوائج الناس....
ويودى اوقاته واوراده ويرتاد المساجد...

عَنْ أَبِي سَعِيدٍ الخدري رضي الله عنه قَالَ : قَالَ رَسُولُ اللهِ صَلَّى اللَّهُ عَلَيْهِ وَسَلَّمَ : ( إِذَا رَأَيْتُمُ الرَّجُلَ يَتَعَاهَدُ الْمَسْجِدَ فَاشْهَدُوا لَهُ بِالإِيمَانِ ، فَإِنَّ اللَّهَ تَعَالَى يَقُولُ : ( إِنَّمَا يَعْمُرُ مَسَاجِدَ اللهِ مَنْ آمَنَ بِاللَّهِ وَاليَوْمِ الآخِرِ وَأَقَامَ الصَّلاَةَ وَآتَى الزَّكَاةَ ) الآيَةَ ) رواه الترمذي (2617) ، وأحمد في مسنده (27325)
ويعلم الناس مما علمه الله....

واخيرا لنا فى عبد الله بن عمر اسوة:

قال نافع : كان ابن عمر اذا اشتد عجبه بشيئ من ماله قربه لربه , و كان رقيقه – أى عبيده – قد عرفوا ذلك منه , فربما لزم أحدهم المسجد , فأذا رآه ابن عمر على تلك الحال الحسنة أعتقه فيقول له أصحابه : يا أبا عبد الرحمن و الله ما بهم الا أن يخدعوك ! فيقول ابن عمر: من خدعنا بالله انخدعنا له.
نسال الله لشيخ الامين التوفيق فى مساعيه،،،،

التصوف يقوم على تنقية النفس من العيوب، وتقويمها من أي إعوجاج. لذلك عرف المتصوفة بالأخلاق الفاضلة الظاهر منها أو الباطن. ارتبطوا بالزهد والتقشف. وتقوم الصوفية على جملة من المبادئ أبرزها الابتعاد عن الملذات والشهوات الدنيوية. ويعتبر الزهد هو أحد الأركان الأساسية في التصوف. اهتمام المتصوفة الأكبر ينصب على العبادة والعلم والتفقه، وبالتالي النأي عن كل مظاهر الدنيا ونعيمها الزائف.
فهل ثمة تعارض بين هذه المباي وبين طريقة شيخ الأمين؟

الأخ أمين سليمان
تحياتي

Quote: سلام للجميع : أرجو أن يتركز الكلام مدحا أو قدحا علي المنهج ما علي الشخصيه ، يعني زي كلام إنو الزول ده مستهبل و كذا و كذا لا يجوز لانو مافي زول مطلع علي قلبو : الناس تتكلم في المنهج و تشوف هل البسوي فيه الشيخ و أتباعو من الاسلام في شئ ولا لا و نخلي الفي القلوب لعلام الغيوب .

أتفق معك 100% . نحن بصدد الظاهرة - المنهج لا الشخصنة. لكن التناول من الطبيعي أن يعبر من الشكل للوصول لاستناجات المضمون باعتبار شكل هذه الظاهرة أمراً متفرداً عما سواه من المدارس المماثلة. اتفق معك أن نبقى في هذا الإطار من دون تجريح أو إيذاء شخصي لشيخ الأمين أو أتباعه.
لك شكري الجزيل.

أخي إسماعيل حميم
تحياتي

Quote: وفي تقديري الجانب الذي يستحق التركيز والبحث والمعالجة هو الجانب الاخر من الظاهرة جيل ما بين العقد الثالث والرابع من العمر في رحلته بين التوهان والتخبط . . إلا من رحم ربي

في تقديري النقطة التي طرحتها إذا حللناها ستقود لنتائج هامة عن ظاهرة شيخ الأمين كحالة وجدت القبول بين الشباب. لماذا فئة الشباب بالذات؟ هل الطريقة تستهدف الشباب بالدرجة الأولى دون غيرهم من شرائح المجتمع الأخرى؟ هل هو أمر مقصود لترسيخ فكر التصوف في وسط الشباب الذي عزف عن أمور دينه كما أشرت؟ ربما تكون الغاية التي يريدها شيخ الأمين هي ما ذهبت إليه، ولكن ألا يغير هذا من التصوف كمفهوم ومنهج. التصوف لا يفصل الظاهر عن الباطن ولذلك كانت دهشة معظم المتداخلين من ظاهرة شيخ الأمين بوصفها تؤكد على المظهر ، وبالضرورة يقود ذلك لقراءة الجوهر.

الأخ عبد الفتاح أوشيمة
مشكور يا عزيزي على الكلام الذي يمتلي بالحكم والمعاني الجميلة.
فقط أردت أن أقول انني شخصياً وحتى هذه اللحظة ما زلت أتناول الظاهرة تشريحاً وبحثاً. ولم أصل بعد لحكم نهائي عن الرجل وطريقته، وإن كنت استغربها كونها مختلفة في الطرح والمنهج.
مشكور يا عزيزي.

زعمت "الحكّامة"-حكّامة العدل والمساواة ...المروجة لمجزرة- 10 مايو:

Quote: يا فيصل الحسن يا اخوي ما عشان متشنجي انصار السنه بيشجعوا الشباب على تفجير انفسهم يصل بنا الحد مباركة الاستهبال الصوفي بشكله الانقاذي هذا.

أنصار السنة مش ناس تفجيرات..أنصار السنة فجّروا عليهم القنابل..زي ما إخوانك فجّروا الناس في 10 مايو
وكان مما قاله ود القاضي -جزاه ربي خيرا-ردا على البسوس -:-

Quote: ياتراجي يبدوا انك بتخلطي مابين انصار السنة وبين اهل التكفير والهجرة ...انصار السنة المحمدية بالسودان اكثر اعتدالاً ودعوتها تقوم على الكتاب والسنة بفهم السلف الصالح وليست دعوة عنف وهذا مالمسناه فيها منذ ظهورها وهي اكثر الطرق الملتزمة دون تطرف او غلو

جزاك الله خيرا يا فائز..
البسوس عارفة ..بس هي هنا دايرة تبيّن إنها -عندما تنتقد التصوف- تنتقده كعلمانية تفتح النار في كل الاتجاهات..
حتى لو أصاب رشاش نارها الطائش -بالباطل والبهتان - قوما وهي تعلم بذلك.. هي شاركت بالترويج والتشجيع لقتل أناس أبرياء في 10 مايو-أم درمان- ..فهل تخالف يا فائز عقيدتها البسوسية؟!
هذه عادة القوم هؤلاء : الرمي بالباطل والكذب.. وحالهم يصفه المثل القائل:- رمتني بدائها وانسلت

Quote: سلام ياشباب هذا الشيخ وكما قال داعية باسلوب محدث لكنه يخالف المدرسة السعودية التي درس في جامعاتها. تابعت الحلقة، وبحتث لاعرف عنه، فوجدت تركيزا من البعض على لقطة الطفل الذي ركع له مما يضع مليون علامة استفهام خاصة وان الشيخ لم يقم بزجره كما ينبغى

يا كمال ياخوي
الجماعة حيقولوا ليك: لا..لا ..لا..!!!
هو في "الظاهر" سجد ليهو
لكن في "الباطن" بيسجد قدام الكعبة!!
وعليها فقِس كل العمايل البتتعمل ..
أهو ياجماعة..شوف عين ..شفنا الصبي يسجد..وشيخو لازعل..ولا انزعج..الموضوع عندو عادي زي تقبيل اليد لزوم البركة:
http://www.sudanforum.net/showthread.php?t=73812
ماذا بقي:
الطواف ببيت شيخ الأمين 7مرات؟
صحي الكلام دا حااار...لكن لو خليناهو بيحرق بلدي كلها..
كفاية حرايق

Quote: والرجل نحسب انه صالح ولا نزكى على الله احدا.. فالرجل يعطى الطعام على حبه يتيما وفقيرا ومسكينا ويصرف على بعض الايتام والمساكين... ويقضى حوائج الناس.... ويودى اوقاته واوراده ويرتاد المساجد...

عمنا صديق الموج ..
العددتو ده ممكن انا احسب ليك بوذيين بيعملوهو ..
الكرم و خدمة الناس و اداء العبادة في مكانها ( دير/ معبد/ كنيسة / مسجد / قبة شيخ .. الخ الخ )
مافي زول انتقد شيخ الامين قال بخيل او طبعو كعب او ما بيصلي.
اعتقد انو الناس بتتكم في حته تانيه خالص.
خصوصا حته الشافع السجد ليو دي.
انا هسه كنت بحضر في الفيديو و اتمنى تشوفو.
يقوم شعرة الجلد.
باس يدو و دنقر سجد و اظنو باس رجلو.
شي فظيع.

عماد ..حمور ...السلام عليكم ...

Quote: أهو ياجماعة..شوف عين ..شفنا الصبي يسجد..وشيخو لازعل..ولا انزعج..الموضوع عندو عادي زي تقبيل اليد لزوم البركة:

Quote: خصوصا حته الشافع السجد ليو دي. انا هسه كنت بحضر في الفيديو و اتمنى تشوفو. يقوم شعرة الجلد. باس يدو و دنقر سجد و اظنو باس رجلو. شي فظيع.

من الفيديو يبدو ان شيخ الامين تفاجأ بسجود الطفل حيث لم يتوقع منه ذلك والظاهر ان شيخ الامين اقامه وتحدث اليه كما هو واضح في الفيديو ولايستطيع احد ان يجزم بأن الشيخ كان راض عن ذلك بل يظهر بأنه غير راضي ويعلم انه طفل يجهل عظم مافعل...

السلام عليكم
لي رجعة ليك يا الاخ المكاشفي لردك

حبيت اعلق عن الحديث عن لقطة سجود الطفل للشيخ الامين و الحق يقال من محلي القاعدة فيه ده و بي شوفة الفيديو المن كمبيوتري دي، صعب احكم انه كان راضي عن سجود الطفل ليه ام لا
رايت انه دنقر و رفعة بعد ما سجد ليه، و ما عارفاة تكلم معاه ام لا
و لا تزر وازرة وزر اخري
ما ممكن ناخد الرجل بجريرة الطفل ده

فضولا مني، و حبا في مناقشة جوهر الطريقة و البعد عن الحكم بالظاهر فقط من ملبس الشيخ و كلاس مريدية و ظواهر البعد عن التقشف، كنت احب ان اعرف من بعض من اخذوا الطريقة من الشيخ او ممن لهم دراية ان يوضحو لينا تعاليم طريقتهم اذا امكن
مثلا، ما هو منهجكم الروحي و السلوكي لعبادة الله؟
ما هو برنامجكم التربوي لتطهير النفس من الامراض مثل الرياء و الكبر و العجب و الحسد؟
ما هي تعاليمكم في معاونة بعضكم علي عبادة الله؟
ماذا تسمو بعضكم، الاخوان برضة؟
لا يوجد في السايت ما يوضح طريقتكم غير تركيزكم علي الذكر و حتي ده حاجة مشتركة بين الطرق الصوفية كلها ولا يميز نهجكم
مافي شيء يوضح للقاريء الطريقة مبنية علي شنو؟ وجدت ادناة صفات جميلة للمريد و لكن مافي توضيح من الشيخ في السايت او مريدية عن كيفية الوصول للصفات الحسنة دي و اعتقد انه ده من جوهر الاختلاف بين الطرق

اذا كان هناك من يعرف اي معلومة عن الاسئلة اعلاة و ما مشترك في سودانيز، الرجاء مكاتبتي علي عنوان الايميل في بروفايلي للاستفادة



Uploaded with ImageShack.us
مصدر الصورة سايت الشيخ الامين.

استوقفني انه الشيخ المكاشفي، ابو طريقكم وصف المريد بصفات مثل:

متوقفا عن الشبهات
قليل التدلل و كثير التحمل
قلبه محزون

منطقيا و في العادة الصفات دي مقرونة بالتقشف و البعد عن مظاهر الدنيا، و الادلة من احاديث و روايات لتسند جوهر الصوفية في منطقهم ده كثيرة
فكيف تجتمع الصفات المطلوبة في طريقتكم مع مظاهر البذخ و الدعوة للثراء؟

ارجو انه ما تستعمل سيرة سيدنا عثمان بن عفان رضي الله عنه بطرق غريبة في الاجابة عن التساؤل ده!

سلام تانى

الناس المأخوذين بسجود الطفل أمام الشيخ..
لازم تفرقوا بين سجود التشريف وسجود العبادة!

*

قصة غريبة سمعت عنه الناس بحكوا عنه اطراف كلام كدا

لكن رغم أعتقادي أنه دجال ومشعوذ لكن عاجبني في موضة الجلاليب حقته دي حاجة جميلة وظريفة وقمة التناسق وفيها شغل تطريز ابداع وجميل

تجنباً للمشاكل ما حا اجيب الصور لكن ممكن تتفرجوا عليها هنا

http://www.sh-elamin.com/ar/view/gallery

التعديل لإضافة رابط

الشيئ التاني

الزول دا شيخة ود العجوز وود العجوز دا بدور حولة جدل كتير واتهامات بالدجل والشعوذة واستخدام الجن وغيره

حصلت لي قصة في التسعينات ومقابلة مع ود العجوز بعد إذن صاحب البوست أسردها هنا


في يوم جيت لقيت ضجة وصوت نوبه ومديح سالت الشباب قالو ديل ناس فلانه ( وطبعا ناس الحلة بسموا البيوت بي أصحابها بيت ناس فلان وكل زول بسمي البيت بي اسم الزول القدرة أو البعرفه في البيت والبيت دا كان مسمي بي اسم المره صاحبة البيت) قالوا عندهم شيخ كبير وكارب بيجيهم أها كل مره نوبه ومرات صيوان كبير ولمبات ومرات بتجيبني الظروف قدام البيت داك اشوف كمية كبيرة من العربات وفي عربية لاندكروز تاتشر مميزة لونها بيجي عليها اريال لاسكلي طويل مميز يذكركني عربات الاتصال بتاعت سلاح الاشارة خمنت انها تكون حقت الشيخ الكارب دا والعرفت انه اسمه ود العجوز وكان الشباب في الحلة بتكلموا عنه انو شيخ تمام وفي بعضهم مشى اخد منه الطريقة في بيت ناس فلانه دي

وفي يوم كانت جا دفار الخدمة الوطنية نص الحي والشباب كلهم شردوا وحتى الكبار زاتهم دخلو وبما أني مقضي الخدمة الوطنية كنت ماشي بقدل في نصل الشارع ناداني أحد الاخوان من قدام بيته لمن جيت داخل بيته لقيت مره كبيرة قاعدة في سرير وقدامه تربيزة وموية باردة وعصير سلمت عليها وأتفحصتها رغم أنها كبيرة في السن لكن تحس أنها في سنين في عمرها مسروقة ولسه صغيرة والكبر جاها قبل مواعيدة لابسه خرق بالية وسفنجة كل سير مختلف عن التاني أزرق واخضر ومتلفحة بي توب لا تعرفه رمادي ولا ابيض ######ان لكن برضه تلمح فيها بقايا اثر جمال قديم عنيد مصر يطل ويقاوم ولونها ذهبي مميز واتخيل لي انها لونها أبيض الشقاوة والهجير حوله للذهبي وعجزو يودوه لون تاني ، المهم اخونا قال لي عليك الله وصل معاك المره دي بيت ناس فلانه ورحبت انها ترافقني واوصلها ومن ما مرقنا دار دورت فيها أسئلة لانها أثارت فضولي وعرفت أنها جاية من منطقة أبوزيد وهي أصلا من قبيلة كبيرة في غرب السودان ما اتذكر اسم القبيلة ، وطبعا السؤال المهم وسبب فضولي أنها ماشه بيت المره دي لي شنو قالت لي انها ماشه تلاقي ود العجوز وسالتها علاقتك شنو بي ود العجوز عرفت انو ود العجوز كان متزوج بنتها وطلقها وسالتها عن سبب الطلاق قالت لي انو الشيخ بتزوج البنات وبطلقن عشان يتزوج غيرهن وخمنت انو بنتها تكون جميلة عشان كدا ود العجوز اتزوجها وعرفت انو بنتها دي عندها ولد صبي من ود العجوز وانو مرافق ليه وسالته ليه مع ابوه ما يكون مع امه قالت انو هو بتزوج البتلد ولد بسوقوا معاه والبتلد بت بتقعد مع أمها
اكتر حاجة كانت محيراني أنو المره دي كانت شايلة في يدها جركان سالته عنها قالت انها عاوزه محاية من الشيخ المهم وصلنا البيت وبرضه كمية كبيرة من العربات والكروز المميز واقف تحت شجرة وكمية من الناس متحلقين

ونواصل

قدام البيت لقيت شباب من الحلة من الاخدو الطريقة قلت ليهم عاوز الشيخ قالوا قاعد في الصالون وادخل ليه من هنا واشاروا لي باب كبير دخلت طوالي قدام المره الصالون كبير وفيه اربعة كراسي فقط وفي زول واحد بس قاعد في كرسي عرفت انه الشيخ باقي الناس قاعدين في الواطه عمم وجلاييب كتار ولمحت في مقدمتهم عميد في الجيش بكامل زيه العسكري قالع الكاب ومتفرجخ في مواجهة الشيخ سلمت مد يده سلمت عليه عادي قال لي اقعد طوالي نطيت قعد في الكرسي الجنبه المره بركت في الوطه ووقعت بوس في يد الشيخ وبعد انتهت من البوس بقت مكرفسه ومندقرة للواطه في شي اشبه للركوع عندأقدام الشيخ الناس القاعدين كلهم ساكتين وعرفت انهم مستغربين في جرأتي وقعادي جنب الشيخ وبرضه لمحت التذمر في وش الشيخ تقلت دمي وعملت مجنون الشيخ قال مرحب حبابك يا ولدي قلت ليه المره دي لقيتها طاشه في الحله البي ورى قال لي كتر خيرك خلاص وصلت عاوز حاجة يا ولدي قلت ليه بس خلي الجماعة ديل يجيبو لي مويه نادى واحد قال ليه سوق المره وديها جوه وجيبوا موية لي ولدنا دا سالني أنت من وين (فهمت سؤاله يقصد من ياتو منطقة وياتو قبيلة) عملت رايح قالت ليه أنا ساكن بي وري بي جاي قال لي يا ولدي نحنا ناس خير وناس هدايه وكلام كتير المهم محاضرة نهاها بي انو دعاني اكون معاهم واخد الطريقة غايتو ما اتذكر اتخارجت كيف

لكن طلعت قرفان وزعلان من الشيخ دا واكتر حاجة مزعلاني عريسه للنسوان وطلقين وبرضه زعلان عشان الناس القاعدين قدامه في مهانة وذلة ديل

بعد داك سمعت عنه حكاوي كتيرة وعن انو بستخدم الجان وأنو دجال وجيت الخليج لقيت عنه قصص وشفت لي شركة كل العاملين فيها من حيرانه حكوا لي قصة انو صاحب الشركة دي كان عنده ازمة ومشاكل وديون جاب الشيخ دا حلاها ليه

Quote: http://www.sh-elamin.com/ar/view/section/home هذا هو موقع الشيخ الامين عمر الامين على الشبكه العنكبوتيه.. وباعتبار نحن اولاد امدرمان نعرف عن شيخ الامين الكثير فقد عرف بحسن الخلق منذ نشاته وادبه وتواضعه الجم... والرجل نحسب انه صالح ولا نزكى على الله احدا.. فالرجل يعطى الطعام على حبه يتيما وفقيرا ومسكينا ويصرف على بعض الايتام والمساكين... ويقضى حوائج الناس.... ويودى اوقاته واوراده ويرتاد المساجد... عَنْ أَبِي سَعِيدٍ الخدري رضي الله عنه قَالَ : قَالَ رَسُولُ اللهِ صَلَّى اللَّهُ عَلَيْهِ وَسَلَّمَ : ( إِذَا رَأَيْتُمُ الرَّجُلَ يَتَعَاهَدُ الْمَسْجِدَ فَاشْهَدُوا لَهُ بِالإِيمَانِ ، فَإِنَّ اللَّهَ تَعَالَى يَقُولُ : ( إِنَّمَا يَعْمُرُ مَسَاجِدَ اللهِ مَنْ آمَنَ بِاللَّهِ وَاليَوْمِ الآخِرِ وَأَقَامَ الصَّلاَةَ وَآتَى الزَّكَاةَ ) الآيَةَ ) رواه الترمذي (2617) ، وأحمد في مسنده (27325) ويعلم الناس مما علمه الله.... واخيرا لنا فى عبد الله بن عمر اسوة: قال نافع : كان ابن عمر اذا اشتد عجبه بشيئ من ماله قربه لربه , و كان رقيقه – أى عبيده – قد عرفوا ذلك منه , فربما لزم أحدهم المسجد , فأذا رآه ابن عمر على تلك الحال الحسنة أعتقه فيقول له أصحابه : يا أبا عبد الرحمن و الله ما بهم الا أن يخدعوك ! فيقول ابن عمر: من خدعنا بالله انخدعنا له. نسال الله لشيخ الامين التوفيق فى مساعيه،،،،

حمر انت امش وكل ليك نفرين بس خليك من زول بوكل ليهو عغشرات كل يوم وبينفق عليهم امش انت وكل ليك نفرين بس في شهر شوف بتقدر ولا بتكون عندك عزيمة وقدرة روحية وجسدية على ذلك ولنرى ؟

كتب ود القاضي:

Quote: من الفيديو يبدو ان شيخ الامين تفاجأ بسجود الطفل حيث لم يتوقع منه ذلك والظاهر ان شيخ الامين اقامه وتحدث اليه كما هو واضح في الفيديو ولايستطيع احد ان يجزم بأن الشيخ كان راض عن ذلك بل يظهر بأنه غير راضي ويعلم انه طفل يجهل عظم مافعل...

صح لسانك
وأزيدك في القصيد بيت
الزول اللّي كان ورا شيخ الأمين
برضو أسرع كي يمنع
حركة الصبي
الناس دي
ما بتشوف؟

ما ذنب هؤلاء
إذا كان التابع
وإن كان شخص
كبير في سنه
ناهيك عن صبي
أخطأ سواء
عن جهل
أو كان عامداً
يا جماعة الخير
أن لا شفت الحلقة
ولا بعرف شيخ الأمين
أنا عايز شفافية وأخلاق
في التعامل مع بوست

بدأ فقط بسؤال
من هو؟
قدم سيرة ذاتية
وإلا فلسانك حصانك
والسكوت أولى
من تكلم فليقل خيراً أو ليصمت
أو كما قال صلّى الله عليه وسلّم



ما تهمّزو وتلمّزو









أيمن إزيك

والتحية لجميع المشاركين

تحية الإسلام



السلام

Quote: من تكلم فليقل خيراً أو ليصمت

عبد الفتاح ابو شيمة اوفيت وكفيت ولم تترك لنا ما نقوله،، نور الله قلبك بنور الإيمان ،، وحفظك من هزات كل شيطان

تحياتي للجميع

لا أحد يملك حق إسكات أي عضو/ة هنا من المشاركة في الرأي, ولا إملاء الآخرين في أي الموضوعات يجب أن ينحصر النقاش أو النقد.
الشيخ الأمين شخصية عامة, طرح نفسه كشيخ طريقة صوفية وهو أبعد وأجهل ما يكون عن الصوفية
يستغل جهل وقلة معرفة من حوله من شباب وشابات في أمور الدين ويأسس لطريقة تعلي من قيمة المادة حيث لا وجود فيها لزهد الصوفية. ولا ثقافة الصوفية.

طفل يسجد لشيخ الأمين! ويتصاعد الاستنكار.

لا أتعجب من أن يتلقف أتباع المذهب الإرهابي التكفيري مذهب الكراهية وسفك الدماء شيئا كهذا ليبنوا به صرح ضلالاتهم الذي يريدون منه ان يزداد إلى أن يصل الأمر بنا لما يحدث في بلاد مثل باكستان من استهداف للصوفية بالتفجيرات والقتل.

لكن الشريط واضح أمام أعيننا جميعا.

الشريط ليس لطفل بل لشاب قصير القامة! هل كل قصير قامة هو طفل!

وهو لم يسجد لشيخ الأمين بل قبل قدميه.

المحبة هي خارج حدود فهم أتباع المذهب الإرهابي التكفيري، أما الصوفية فمبنية على المحبة التي تتدفق في كل ممارساتها : المحبة الإلهية، المحبة في الله، فتجد الفقراء يقبلون أيدي بعضهم بعضا عند السلام، ومحبة الشيخ هي ركن من أركان الطريق، والقصد منها الارتقاء في المحبة الإلهية، فكيف يفهم شيئا كهذا من ملأت الكراهية قلبه!


هذا نموذج آخر لافتراءات التكفيريين، وهي لا تثير سوى الضحك:

Quote: اللهم أجعلني صادق القول والعمل مع ناس سيدي الشيخ ووفقني في خدمتهم واسترني معهم

رَبَّنَا وَاجْعَلْنَا مُسْلِمَيْنِ لَكَ وَمِن ذُرِّيَّتِنَا أُمَّةً مُّسْلِمَةً لَّكَ وَأَرِنَا مَنَاسِكَنَا وَتُبْ عَلَيْنَا إِنَّكَ أَنتَ التَّوَّابُ الرَّحِيمُ

------------------------------------------

رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي رَبَّنَا وَتَقَبَّلْ دُعَاءِ

صدق الله العظيم

أخونا صاحب الشريط..جزاك الله خيرا
لقد دفعني تساؤلك هذا للتحرق والبحث عن الحقيقة
فغصت في أغوار التصوف: نشأةً وتاريخا..وعرضا لبعض مظاهر استغلال السذّج
كلماتنا هذه نرجو منهم أن يعتبروا كدواء-وإن كان أحيانا مّرا- فوالله إن الجُرح لعميق
هذا شريطي الجديد..يضيف إلى شريطك أخي الكريم..بل لايمنعني أن أطلّ على شريطك الذي ابتدرته

الرصد الأمين للتقلّب الصوفي التاريخي مِن النشأة إلى شيخ...دة الولد لشيخ الأمين

إزيك يا أيمن

والكلام ليك

إياك أعني واسمعي يا جارة

دا مثل عربي

قول واحد

ومن أعطاك حق تأمر
وتنهى
وتفرض رأيك وهو فطير
الملئ بالشتم المطير
كأنه من أبابيل طير
شياً جهل وشياً غفل
وما فضل إلا تقول أب جهل
يا أرضي احفظي ما عليك
ويا قمر هل
هل علينا كما المحل
وين الشعرا ديل فيمن تفضل
أين أسلوب الكتابة الما ممل
هوي يا أهل
راح خلاص زمان الجهل
والناس ديمة فاهمة
جد الحاصل من الحصل
وكتين أفلست وما لاقي حل
بقوا يجدّعوا في الرجل
تاركلهم الجمل بما حمل
ووقته قضاه فوق زحل
في وادي تاني
ما بتعرفوله داك محل
سخّر لوقته
يبني في داك التاج محل
كايس النضافة والحلل
مين اللي حرم زينة الأهل
ونعمة ربنا مين داير يقرّطا
يعتزل
النعمة كان ما ظهرت عليك
داك ما ياهو بي ذاته البخل
الناس المرقت كايسة الحلل
في نعمة الدنيا عمّالة تقدل
يقولوا ليك نحن الأهل
ونحن المهل
ونحن السعادة
نجيبا لي ناس أب جهل
يمين ما يجيبو حتى لي ورل

معليش يا جماعة الخير اعفو مننا

استنكار جمع غقير من الناس ل( الصوفية الجديدة ) نابع من ايمانهم العميق بان طريق الله او ( الطريق ) لا يجمعه اي شيئ مع حب الدنيا .... الفناء في حب الله يعني العبادة والرضاء بالقليل الذي قسمه الله ... لا أن يطارد ( الصوفي ) المال ويقتح شركات ... ويباهي بمال زواجه ويعرض الذهب على سيارة تحوم الحي الذي يسكنه .....

ربما يكون الشعب السوداني قد مل السياسة ولكنه لم يمل الدين ... ولا يمكن خداعه بهذه السهولة ... هناك مثل صيني يقول ( كثرة الثعالب تجعل الضحية تفكر اكثر في كيفة نجاتها ) .
طريق الله معروف يا شباب.

المداخلة أدناه وصلتني بالايميل من الأخ إدريس طه أنقلها للمنبر

Quote: أود شكر الأستاذ أيمن و المستنيرين من ضيوفه أعضاء منبركم الغر أمثال الأستاذ حمور زيادة و بقية الأخوة و الأخوات الكريمات ممن يصعب خداعهم أرى أن موضوع شيخ الأمين جاء نتيجة شجاعة و جرأة كبيرة من صاحب البوست و ذلك لأنه يتناول أمر مجموعة أكثر تعقيداً مما تظهر أولاً هناك ثلاثة محاور بالموضوع كلها تكشف أن أمر الشيخ ليس الحق و الدين أولها كون أنه كما أورد صاحب البوست تخلى عن أجمل ما يتحلى به الصوفيون و الذين جذبوا الناس بزهدهم في الدنيا و تواضعهم ثانيها قصة سجود الطفل و ان حاول البعض ادعاء أن الشيخ لم يكن راضياً و كأنهم علموا بما في قلبه ثالثها الكذب الواضح في كلامه عن الشيوعيين و ايراده ما لم يقبله العقل من تاريخ كان فيها يافعاً في الرابعة من عمره و أنه قد اختير من قبل ود العجوز ليكون فارس بيت المال الذي يطهرها من دنس الشيوعية ارجع و أشيد مرة أخرى بشجاعة من لم يخافوا في الحق قهر السلطان في الواقع أنها مافيا تتخذ من الصوفية الحديثة المشوهة ستاراً من سمح لهذا الشيخ بأن يتقدمه رجل شرطة هو المستفيد الأول من وفر له الأموال و سخر له أجهزة الدولة الأمنية ليفعل من خلالها ما يريد و منحته التسهيلات للمتاجرة بأموال تحتاج إلى غسيل و تبييض فيتاجر بها هو أما المصدر فلا أظنه يخفى عليكم هي مافيا و شبكة غرضها تسيير و تيسير الأمور عبر ممن انخرطوا فيها و وظفوا تلك العلاقات لتكريس أمر هذا الشيخ و هي دعوة عامة لمن أراد أن تمشي أموره أن يتبع هذا الشيخ و أعود لمن تكلموا عن عدم ةأخذ الرجل بالظاهر من لا يجب أن يأخذ الناس بظواهرهم هو من يعلم ما تخفي الصدور أما نحن فلنا الظاهر و من ذلك عدم ممانعة الشيخ من ان تتخذ مريداته من (الجكسي) أي مظهر متبرج أو سافر فهل هذا من الدين في شيء لنا الظاهر و من ذلك ارتداء الشيخ لباس الشهرة و الذي نهى النبي صلى الله عليه عن لبسه لنا الظاهر من حضور الشيخ لحفلات الأعراس و بقاءه فيها حتى ينفض السامر و هو يتفرج على الرقص و الهجيج و يميل رأسه طرباً يمنة و يسرى لنا الظاهر من البذخ الذي يتخذه الشيخ في مظهره و مسكنه و الله المستعان

مع شكري الجزيل للأخ إدريس طه

هذا الشيخ الكذاب
لقد كذب عندما زعم انه و هو صبى فى الرابعة عشرة قد كلفه ود العجوز بمقاومة الشيوعية فى بيت المال

كتب المحترم "شيمةط:

Quote: إياك أعني واسمعي يا جارة دا مثل عربي قول واحد ومن أعطاك حق تأمر وتنهى وتفرض رأيك وهو فطير الملئ بالشتم المطير كأنه من أبابيل طير شياً جهل وشياً غفل وما فضل إلا تقول أب جهل يا أرضي احفظي ما عليك ويا قمر هل هل علينا كما المحل وين الشعرا ديل فيمن تفضل أين أسلوب الكتابة الما ممل هوي يا أهل راح خلاص زمان الجهل والناس ديمة فاهمة جد الحاصل من الحصل وكتين أفلست وما لاقي حل بقوا يجدّعوا في الرجل تاركلهم الجمل بما حمل ووقته قضاه فوق زحل في وادي تاني ما بتعرفوله داك محل سخّر لوقته يبني في داك التاج محل كايس النضافة والحلل مين اللي حرم زينة الأهل ونعمة ربنا مين داير يقرّطا يعتزل النعمة كان ما ظهرت عليك داك ما ياهو بي ذاته البخل الناس المرقت كايسة الحلل في نعمة الدنيا عمّالة تقدل يقولوا ليك نحن الأهل ونحن المهل ونحن السعادة نجيبا لي ناس أب جهل يمين ما يجيبو حتى لي ورل

يا "شيمة" الشعر حكمة.. بس ما تدافعِ عن زلل
كلام الحق ليهم سمِح.. صحيح فيهو مرارة..بس ليه الزعل؟!
قصتنا مش قروش "الأمين"..ولا الوش.. لا الطول ..لا الشكِل..
قصتنا إنو شايفين غلط..شفنا الشّرِك..شفنا البِدع.. شفنا الخلل
سجود الناس ليهم كِتِر..وما شفنا تعليم للناس ..بل زاد الجهَل
الدين مش رقيص..ولا جلابية خضرا مكوية سيف.. ..ومش تجميل للمُقَل
الدين إخلاص القلِب .. الذِّكر بطريقة الرسول..ومعاهو التطبيق والعمل

Quote: يا "شيمة" الشعر حكمة.. بس ما تدافعِ عن زلل كلام الحق ليهم سمِح.. صحيح فيهو مرارة..بس ليه الزعل؟! قصتنا مش قروش "الأمين"..ولا الوش.. لا الطول ..لا الشكِل.. قصتنا إنو شايفين غلط..شفنا الشّرِك..شفنا البِدع.. شفنا الخلل سجود الناس ليهم كِتِر..وما شفنا تعليم للناس ..بل زاد الجهَل الدين مش رقيص..ولا جلابية خضرا مكوية سيف.. ..ومش تجميل للمُقَل الدين إخلاص القلِب .. الذِّكر بطريقة الرسول..ومعاهو التطبيق والعمل

يا شيخنا عماد
إنت عارفني كويس
أنا لا من ديلا ولا من ديلاك
أنا هنا في بورد
بتاع حوار
عايز الكلام يكون بي فهم
وعايز النطق من دون بلم
الزول يفكر قبل يغم
أو داك يخم
أو لي داك يشتم
وكلامي دا أنا ما بسمّيه شعر
أنا بسمّيه الجلمنتوش
البدخل توش
من دون رتوش
قال ما بخاف من زول
ولا حتى وحوش
وكلام الحق تقوله ليهم
لما يجوا يعرضوا نفسهم
مش اتبلى عليهم وهم هناك في حالُم
دا هنا أيمن طرح
سؤال
العنده إجابة عداه
حال
والماعنده إجابة يكون في حال
ما يبتدر بي شي في المقال
سجود الناس!
ياخي جاوزت المحل
وليد صغير قام اتغفّل
والود ما هو من حُوار
وبعدين من عادتم لو زول حُوار
ما بتقدم خطوة في داك جوار
كان ما نادوه تعال جوار
الكلام دا حار
الشافتو العين
ما الياهو دار
في هذا الحوار
حتى في دي الزول يحكم للعقل
يعاين كويس
ويتأمّل
قبلما يخش الحوار
الصورة دي يقلّبا
الدين مش رقيص..ولا جلابية خضرا مكوية سيف.. ..ومش تجميل للمُقَل
الدين إخلاص القلِب .. الذِّكر بطريقة الرسول..ومعاهو التطبيق والعمل
يا شيخنا إنت بتسمّيه رقيص
وداك بيسمّيه ذكر
حقو تسأله كيفن يكون ديّ الذكر
شوف شرحه كيف أو قصده هل!
من وين دا جاب هذا الكلام
هل في أصل
وللا بس دا كلام ساي حصل
أما الألوان فدا ما موضوعنا وما معتدل
الداير يتميز بيختار بكيفه أي حل
في دي ما شايف لي زلل
كان قلت تجميل المقل
يمكن حصل
إنه الرسول بي خلقته كان مكتحل
والزول بقلد في المقل
برضو ما لافقة العلل
الدين إخلاص القلِب .. الذِّكر بطريقة الرسول..ومعاهو التطبيق والعمل
الكل بدّعي إخلاص القلب
بس دا شي ما بعرفه غيره هوَّ رَبْ
والكل بقول تابع الرسول
بس يا شيخنا حاور كل زول
كيفن بقول
يا ها دي طريقة الرسول
هل عنده الدليل
وللا بس قاعد لي في ظلاً ظليل
كان جيت للتطبيق حبيب
قول لي كم واحد هنا
طبق على نفسه العمل
قول اللسان فات الأصل
وفرق كبير بين زول بغير
على دينه قاصد كل خير
وبين زول هناك شايل نفير
عشان يحطم كل دين غير دينه غير
علماني أو سجماني داك فايت النظير
-
معليش باقي الكلام ماهوَّ ليك
ولا الاقتباس ما كان موجه
ليك؛ إنما لي ديك اللي أنا بسميهم بعضهم
-
قول اتنين
(2)
ناس التصوف من قرون
كايسين لحل
لقوا في الحراك
يسدّوا لي درب المَلل
وإنت قاعد تقرا في الأشعار
ومع الأغاني ترقص زي خيلاً جفل
مع بوب وراب
كايس الخراب
ما لاقي باب
ولا زول يقول ليك ياحباب
ديل الشباب
ربنا حيحفظم رغم الدمار والخراب
اللي استراتيجتكم قايمة عليه وبي كل باب
تشدوا تحاربوا في الحجاب
وبالغنى والرقيص ساوين خراب
جارين كمان ورا دا السراب
علمانية لا بعرفوا الله ولا الصحاب
حقين رسولنا الفتحو لي ناس الدنيا
كم باب وباب
وإنتو يا ناس الخراب
عايزين تجبّدوا للشباب
الكاسو باب
يقيفوا فيه يمكن يقولولهم حباب
لا هم ديل شايلين رباب
ولا بعزفوا وتر الرباب
ديل في الذكر
دايبين دوب صحاب
راكبين ديمة لي دباب
بتعرفوا يعني إيه دباب
يا الما بتهش حتى الدباب
مالك مسويلنا العذاب
الدنيا لو دامت لزول
ما كان بسموها دار العتاب
أو خربانة أم طرطشة مويتك سراب
باكر بتنفعك أغانيك ديل يا رباب
وهم في مداحهم حيتسد ليهم كل باب
والله دا العجب العجاب
طيراً أبابيل يا حباب
خوفتينا والله رسلت العباب
وغرقنا في موج سراب
منو البقول
ومنو البيفرض لي رايو من دون حساب
مصيره بوست إما يستعدل يتوب
أو في خور عديل يصيبه اليباب

أيمن

يا ولدنا

ماتهتم بي مداخلاتي دي

كلامي موجه

اللي مسكوا دفة غلط للبوست

والله المعين

شوف ضيوفك بس


زيدوا الشتم
وختوا الختم
حيجيك يوم سرالختم
زيد الشتم
بالرق والشتم
لو قالو ليك ياخي احتشم
تقعد تبرطم
في شنو؟
ما تقول بغم
لو أصله في داك الفهم
ورّينا فهمك يا علم
زمانك يا فهم
إيش معناه القلتوه جهل
والتابعين كمان من الأهل
متعلمين ومتفهمين
شن بسووه الأمم
ممكن تقول لي بي فهم
شغل الحركة دا فيزياه بتولع كهارب في الظلم؟
واللا العصب لمّان يحرك للسكون بعمل فيلم؟
هناك جوة الجوة بينوّر ظلام يخرت ظلم؟
والكان سواد قلبه يغم
يرجع جديد يكتب قلم
استيكة يا ناس مكونة من( لا
إله إلا الله
مع شوية حركة أذان شغل بلال ما بتفهم
(لا "يمين" إله "شمال" إلا "يمين"
الله "شمال") يمين شمال ديل اتجاهات
كل حركة وفيها البركة
زي الترس الما بيندرس
والمروحة تلف وتلف
بتجيب هوا لين تلتزم
ولو ما حصل بس صُر وخُم
أو خم وصر
مافيش فرق
لو بتفهم
يا زول الصلاة
شن فيها من حركات
فوق تحت
تحت فوق
يمين شمال
شمال يمين
وطقْ طرقْ
سر وجهر
والنور بهر
واللا الطواف
تلف وتلف
وتاني تلف
لي سبعة تب مافيش وقّف
وفي السعي تسرع تأتلف
لا تقول تعب
شيل الخبب
ليه الصلاة مابقت زي يوغا
أو حاجة زي حرف الألف
وبي مسكنة شغل الولف
الكون دا ذاته ما بلف
لفّت شمس لفّ القمر
زار واعتمر
من الجذر
جاب مد وجر
وداك الشجر
ميل خطر
والزهر بيلف لي رقبته ويعتذر
بي درب الشمس
ما بيعبدا
دا بسبح في الفجر
لين الضهر
وتاني بمسي على الغروب
ولين ينتشر
داك الظلام
حتين يسر
والقوم هناك حتى الظلام معاهم تب ما ينستر
شابكين كمان فوقو السهر
بتعرفه يا زول السهر
هو شنو السهر
فوق الذكر
وناس بتسهر في السكر
وفي الغُنا مع الوتر
قال لي حر
ما إنت حر
لكن حريتك دي
ما تفرضا على البشر
خليك حر
بالجد حر
ما تفتكر
زولا بخُر
ويخاف حشر
لكنه تب ما بخاف بشر
لأنه بيحبه هو رب البشر
خليك كدا في درادرك منحدر
وبيجيك سيل يشيل زبد ويتبقى بِر
ومعاه بًر وبعد البحر راح يبقى بَر
وتاني نكرر
أنا ما مع زول مع الله بس
وما متّ بس مرّيت قريب جنب القبر

..
.
الأمين عمر الأمين طه، من مواليد الخامس من نوفمبر 1965م بحي ود البنا،
درس الإبتدائي في ود البنا والثانوي في أم درمان الأهلية
--------

ما دام يا ايمن من ود البنا
لازم يكون شيخ مهجج وعصرى .. بتاع جكسي وبيبيسى
( حيرانى جكسي ومحايتى بيببسى )
ما شايف صاحبنا عاصم والعليله بجهجو الغنا كيف ..
بس زولنا دا انحرف زاوية 45 درجة ..
وكشاهد على العصر ..
بالجد ما تتخيل عدد المعجبات او المؤمنات بشيخو دا
ودى من الظواهر البتحير فى البلد ..
ولا تجد لها تفسير ولا تبرير .. المدهش فى الامر ان كل
الحواريات جامعيات وفى وظائف رفيعة
بس البورة هى السبب .. فى معظم الحالات ..

-----

ما تشدها على شيخنا والله يرسل ليك
حوارية من الحواريات الا تسخطك

Quote: ممكن تقول لي بي فهم *شغل الحركة دا فيزياه بتولع كهارب في الظلم؟ واللا العصب لمّان يحرك للسكون بعمل فيلم؟* هناك جوة الجوة بينوّر ظلام يخرت ظلم؟* والكان سواد قلبه يغم يرجع جديد يكتب قلم*استيكة يا ناس مكونة من( لا إله إلا الله مع شوية حركة أذان شغل بلال ما بتفهم (لا "يمين" إله "شمال" إلا "يمين"*الله "شمال") يمين شمال ديل اتجاهات كل حركة وفيها البركة*زي الترس الما بيندرس والمروحة تلف وتلف*بتجيب هوا لين تلتزم ولو ما حصل بس صُر وخُم*أو خم وصر مافيش فرق*لو بتفهم يا زول الصلاة* شن فيها من حركات فوق تحت*تحت فوق يمين شمال*شمال يمين وطقْ طرقْ*سر وجهر والنور بهر*واللا الطواف تلف وتلف*وتاني تلف لي سبعة تب مافيش وقّف وفي السعي تسرع تأتلف لا تقول تعب*شيل الخبب ليه الصلاة مابقت زي يوغا*أو حاجة زي حرف الألف وبي مسكنة شغل الولف*الكون دا ذاته ما بلف لفّت شمس لفّ القمر* زار واعتمر من الجذر*جاب مد وجر وداك الشجر*ميل خطر والزهر بيلف لي رقبته ويعتذر* بي درب الشمس ما بيعبدا* دا بسبح في الفجر لين الضهر*وتاني بمسي على الغروب ولين ينتشر*داك الظلام حتين يسر*والقوم هناك حتى الظلام معاهم تب ما ينستر شابكين كمان فوقو السهر* بتعرفه يا زول السهر هو شنو السهر*فوق الذكر*وناس بتسهر في السكر وفي الغُنا مع الوتر*قال لي حر ما إنت حر* لكن حريتك دي ما تفرضا على البشر

ياشيمة...شغل الحركة الفي الصلاة
والفي الطواف..ما كيفنا..دا ماشرع البشر
دا أمر الخالق..وهو الحكيم..مالكَ الأمُر..
بس إله الحق ما قال نهتز في ذكرنا زي زول حارقو الجمُر..
أو نصرخ..ندوّر..متِل "حال الجنون" زي ما قال البرعي في الشّعِر..
ذكِر ربنا خضوع..وسكينة..تنتج خشوع ..تنتج تواضع..تنتج حول الكون فِكِر..
يا شيمة قلت:

Quote: وناس بتسهر في السكر وفي الغُنا مع الوتر

لكن صوفية زمانّا: لحّنت كمان مدايحا بالوتر
وبنفس ألحان الأغاني تجد التمايل والسهر
وعندك كمان-للتأكد- ساهور..تشوف المحن..تشوف الضرر
بنات تتمايل..ولحن يتكامل..بس سمّوه مديحابريئ..بس شيل الصبُر
إنت مابتعرف الفنان"الفلاني" البغنّي بالنهار مديح..وبالليل غنا حديث مع وتر؟
بس نقول شنو..غير الكلام..دا البنقدر نقولو لزوم حب الخير ودفع الخطر

لك شكري يا شيمة..وما تزعل!

أخي عماد إنت ليه مصر تختّني في خانة البدافع عن زيد أو عبيد
في أول مداخلة لي ارجع ليها أنا قلت لا أدافع عن أحد
أنا مشكلتي مع كتيرين اتداخلوا في هذا البوست أخلاقية
وتحليلاتي دي عايز أقول كل واحد عنده منطق
مفترض يشغل عقله
أو زي مدرس بدّي معطيات عشان تحل
المسألة بالطريقة العايزها وتمش تسأل بديك مفاتيح
أما الإجابة فعند الله ويمكن تلقى أو ما تلقى عندهم بس إنت المهم كيف تفتهم
وما تشيل ذنوب وتشيل تخم
دي الكلمة واحدة تنزل بالناس سبعين خريف
في جهنم
وآه يا ظلم
وماتجيب لنفسك كدر وهم
خلي العشم دايماً مهم
في الله وفي كل زول
حتى وإن كان سجم
بالله أحسن تذكر بي رزم
والله تكون غفلان سجم
بي سبحة تنزّل كم رقم
وللاّ بس في غفلة دايب منسجم
-
لو داير تعرف قصدي في ناس عندها أجندة أخرى
سياسية وعايزين يوهمونا بأنهم بتكلموا في الدين وفي صالح الدين وهم بعيدين
يا خي ما تركب معاهم سرج واحد
-
ثانيا فتش لي مداخلة بتحاول تلزمنا
نمشي في خطهم وللا نسيب ليهم الساحة
هذا البوست لم يكن عنوانه بيسأل عن ممارسات الصوفية
لعلمك كل الجماعات كما قلت من قبل لها إيجابياتها وسلبياتها
فالمطلوب النظر إلى الجزء المملوء من الكوب لا الفارغ
والنظر في فقه المرحلة والمصلحة والضرورة
أمامك شاب وشابة
إما أن يكونوا 180 درجة بعيد
أو بي نسبة وإن كانت ضعيفة يكون قريب
ياتو بنفع يا الحبيب
وياتو دا البتصطادو من قريب
اللي بمشي المساجد يا حبيب
وللا دا الدايرلو طبيب
زمان لما الكيزان كانوا كيزان
وناس السنة في الميدان
لكن حسي كلهم جروا ورا دنيا الإنسان
وبقوا سيان كان في المسجد أو في الميدان
تجارة مدورة في الأذهان
وين نان اللي تقولو وين نان
البلد اتقسمت وإنتو ساكين للكيمان
وأعداء الدين زرعوا الفتنة ودي الوقت بيحصد
في الحزنان
المسكين داك الغلبان
وإنتو لسع في كان يا ما كان
ياخي أنا وابن عمي على الغريب
كانت حكمة في زمناً كان
سايبين علماني ومعاه صهيوني
شابكين في بعض
دا الإسلام خير الأديان
ياشيمة...شغل الحركة الفي الصلاة
والفي الطواف..ما كيفنا..دا ماشرع البشر
دا أمر الخالق..وهو الحكيم..مالكَ الأمُر..
بس إله الحق ما قال نهتز في ذكرنا زي زول حارقو الجمُر..
أو نصرخ..ندوّر..متِل "حال الجنون" زي ما قال البرعي في الشّعِر..
ذكِر ربنا خضوع..وسكينة..تنتج خشوع ..تنتج تواضع..تنتج حول الكون فِكِر..طيب ما نخلي الخلق للخالق
يا أخي إنت الكيبورد اللي نحن حاضينينه دا كان وسيلة من وسائل الدعوة كنت بتحلم بيه
أهو دي الوقت مستغله
إبداع بشر لكن مفيد للدعوة
مالك معترض على وسائل ليها قرون
وبعدين ياخي الدكتور يكون درس بس ستة سنين إنت بتخضع ليه
وداك شيخ قضى عمرو كله في طريق يمكن وصل لي شي
زي ما إنت وصلت لي شي
مالك بتقبل هناك وما بتقبل هنا
إنت هسي يا شيخ عماد فهمك للدين زي فهم قبل أربعين سنة
وبعدين امشي اسألهم هم ليه اختاروا طريق الحركة
يعني ما حتلقى عندهم إجابة؟
أما أنا زول مجرد بنور تنوير كيف نتعامل مع بعض كيف يكون الحوار
مش الكجار
وبعدين يا أستاذ أنا اسمي عبدالفتاح أبوشيمة
أنا بنتي اسمها شيمة مش أنا هههههه
برضو إنت ما تزعل مني
ولو عندك مداخلة فيها كلمة مش ولا بد غيرها ياخي
ما بتشبهك ياخي
أما نمرة 3 للجماعة إياهم
إنتو لو بالجد مسلمين

اتحلّوا بي أدب نبينا الزين
اللي عامل البوال
بي كل فضل جوّال
واللي جاه يا خد حق
أدّاه رغم أفعال
بتقولوا في كلام اتجاوز الأقوال
والفاقدلو شي ما يقودن الأبطال
الناس بالخلق ما ربّت الأجيال
ياخي افترع لك بوست في أغلب الأحول
وخلوهم يحاوروكم وتتوضح الأحوال
ولي كل مقام مقال
لكن الإساءة مافي أي داع تُدال
ولا ديك سخريّاتك تصلح في أي مقال
إنتو لو بالجد مسلمين
ما تقولو قيل وقال
من غير دليل مفضال
المسلم دا ياهو الما بظلم
وهو من سلم المسلم
من لسانه وإيدو؛ عُلِم
-
وإن عدتم عدنا
--
ويا شيخ عماد نحن في السودان
بقينا لحم راس
وبي ضعف أدب الاختلاف
بقينا في تلاف
والبلد ذاتا ماشة في درب ماف
فأحسن نشتغل إيلاف
مش خلاف
وإلا كلنا
حنروح في رجلين الخلاف
لكن صوفية زمانّا: لحّنت كمان مدايحا بالوتر
وبنفس ألحان الأغاني تجد التمايل والسهر
وعندك كمان-للتأكد- ساهور..تشوف المحن..تشوف الضرر
بنات تتمايل..ولحن يتكامل..بس سمّوه مديحابريئ..بس شيل الصبُر
إنت مابتعرف الفنان"الفلاني" البغنّي بالنهار مديح..وبالليل غنا حديث مع وتر؟
بس نقول شنو..غير الكلام..دا البنقدر نقولو لزوم حب الخير ودفع الخطر

لك شكري يا شيمة..وما تزعل!--
كل شي فيه الغث والسمين
وناس الزمن ما في كل شي –محن- مليانين
هي بقت على كدا يا طيبين
ما تعمم الأحكام على كل زول يا عماد الدين
لا زم تفرز في مين ومين
الشيخ دا شفتو شايل مندلين؟
والشيخ البلحن شفتو شايل عود، وبقول الله معين؟
الله يكرم سامعين والعارفين
وبعدين تعال داك الفنان
آخير زمان
واللا لما بقى مقسم بين اتنين
ياخي ناس مسترزقين
شي بي كفر وشي بي وتر
ضاربين أنين
ولله كمان يامحسنين
ثانيا تعال
قنوات كتيرة مالية الدنيا
شابكة أغاني طول العمر طول السنين
أخير ياتو ناس السيرة والمديح
وللا ناس السيرة والنبيح
ياخي سيرة الرسول ما عرفناها في مدارس
لكن من ديل المادحين
ما كان حتلقوا زولا تجندوه يا أنصار السنة ويا كيران
كان ما الناس ديل حفظوا الدين
حتى بالشكل الشايفو إنت بس كحيان
ياخي ما تعمم للحكم
حكومة ما بتمسك جرم
ولي الله في كل شي حكم
علم بشر حاشاه إنه يكون ظلم
لخبتة الكيمان ما تلم
نحن دايرين ناس تلم
كل الكرور بس بي عشم
إنه في النهاية تحصل قسم
بي جاي تشيل وبي جاي تخم
وفي النهاية زي ما قلنا اول كل زول لو كان بفتهم
يعاين هناك يوم ما يقيف

نهال،


مداخلتك أكبر دليل على حقدك


أشكرك على وصف اخواني المقيمين في دبي بابناء الأغنياء

و سيدي شيخ الأمين عملوا و سيرتو بنعرفة انحنا



الجهل هو انتي

و الجاهل عدو نفسو

كتب عبدالفتاح أبوشيمة:

Quote: يا أخي إنت الكيبورد اللي نحن حاضينينه دا كان وسيلة من وسائل الدعوة كنت بتحلم بيه أهو دي الوقت مستغله إبداع بشر لكن مفيد للدعوة مالك معترض على وسائل ليها قرون وبعدين ياخي الدكتور يكون درس بس ستة سنين إنت بتخضع ليه وداك شيخ قضى عمرو كله في طريق يمكن وصل لي شي زي ما إنت وصلت لي شي مالك بتقبل هناك وما بتقبل هنا إنت هسي يا شيخ عماد فهمك للدين زي فهم قبل أربعين سنة وبعدين امشي اسألهم هم ليه اختاروا طريق الحركة يعني ما حتلقى عندهم إجابة؟ أما أنا زول مجرد بنور تنوير كيف نتعامل مع بعض كيف يكون الحوار مش الكجار وبعدين يا أستاذ أنا اسمي عبدالفتاح أبوشيمة أنا بنتي اسمها شيمة مش أنا هههههه برضو إنت ما تزعل مني ولو عندك مداخلة فيها كلمة مش ولا بد غيرها ياخي ما بتشبهك ياخي

هذا مربط الفرس يا استاذ عبدالفتاح
أنك خلطت هنا بين "الكمبيوتر" كمنتج بشري واختراع مادي
وبين الذكر كإذن إلهي..وعمل نبوي
العبادة ليس فيها اختراع ..أرجو أن تركّز على هذه النقطة جيدا
وفهم الدين في الأمور الفقهية والفروعية قد يتجدد حسب ظروف الزمان والمكان ..لكن في الذّكر والعبادة لا يتغير
فمثلا ظهرت مسائل فقهية جديدة حسب المستجدات العصرية وتعامل معها الفقهاء بالأدلة الشرعية
كأطفال الأنابيب، بطاقات الماسترد كارد، الموت السريري، التعامل مع البنوك الإسلامية..إلخ لكن ما سمعنا بعبادة يخترع الناس فيها ويزيدون إلا عند القوم..ونجد بعد ذلك من المثقفين-وا أسفاه- من يبرر لهم..
لم أركب مع أي مفتر في سرج واحد..منهجي واضح..وديننا ليس مبنيا على العواطف والتبريرات غير الشرعية

Quote: و سيدي شيخ الأمين عملوا و سيرتو بنعرفة انحنا

السلام على من أتبع الهدى...

ما قلنا حاجة...

بس أنت عندك سيد غير الله؟؟؟؟

حسبي الله ونعم الوكيل...

ربنا لا تزغ قلوبنا بعد إذ هديتنا...

كمال،


سيدي لا تعني الالوهية ولا العبوديه بل من أجل الإحترام و التادب مع رجل فضله الله علينا بالتقوه.


و لي عودة للرد على جميع المتداخلين.

Quote: سيدي لا تعني الالوهية ولا العبوديه بل من أجل الإحترام و التادب مع رجل فضله الله علينا بالتقوه.

أظنك تقصد التقوى!!!

دع عنك هذا يا محمد الجميل... ولكن كيف عرفت أن الله فضله عليّ أنا وغيري.. ربما فضله عليك أنت

طيب.. أما كان الأجدر أن تناديه يالسيد دون ياء النسبة...

أتقوا الله في المؤمنين الموحدين

شكلك شاطر في العربي يا كمال كرار


فضلوا علي و عليك دة إذا عاجبك..


الأجدر دي راجعة لي أنا..انتا دعك عن هذا......


الحمد لله متقين الله...انشالله تكون انتا متقي



عليك الله أعمل مراجعة للعربي!!!!!!!

ما العربي بس.. والحمد لله

3 لغات حية.. وحمدو في بطنو...

ومن الله الذي أداني عقل.. ولو باريت شيخك

أكان ما صححت الوضوء خلي العربي

مالك فقدت المنطق يا (محمد الجميل)...

فضلو عليك أيوة...

عليّ لما يشوف حلقة ودنو...

أقول ليك حاجة..الشطارة من الله

وكان علي شيخك ما بلقى الحبة...

أتق الله يا رجل

كتب الأخ فايز ود القاضي :

Quote: من الفيديو يبدو ان شيخ الامين تفاجأ بسجود الطفل حيث لم يتوقع منه ذلك والظاهر ان شيخ الامين اقامه وتحدث اليه كما هو واضح في الفيديو ولايستطيع احد ان يجزم بأن الشيخ كان راض عن ذلك بل يظهر بأنه غير راضي ويعلم انه طفل يجهل عظم مافعل...

الأخ العزيز فايز ، أتمنى أن يكون شغل الصوفية بهذا التبرير الذي ذكرته ، لو كان الأمر كما تحكي بهذا التوجيه الكريم منك لكان بالفعل كلام الأخ أبو شيمة في محله من عدم الإنكار عليهم وإشغال الأوقات بما هو أهم.
لكن الأمر ليس بهذه البساطة ، الشغل فيه اعتقادات وكتب ومصطلحات ودعاوى في غاية التخطيط والإحكام ، وكما يقولون : (من عرف حجة على من لم يعرف)
كدي شوف جماعة الشيخ ود المرين ديل في الهلالية فيهم أطفال ؟!
http://www.youtube.com/watch?v=nPToGrJagwg

أرجو مشاهدة المقطع إلى آخره وهو موجود على الهواء مباشرة في عصر الجمعة


وإنت من أهل الشرق ونحن من الشمال وتجمعنا الطريقة الختمية التي لها الصولات والجولات بين أهلنا
وأهديك هذه الأبيات من كتاب "شرح الراتب" :

يا معشر الخلق من جنٍّ ومن بشر==هل تنكروا فضلنا أم تجحدوا قدرنا
نحن الملوك وكل الملك أجمعه ==أعلاه وأسفله في طي قبضتنـــا
والأنبياء وجميع الرسل قاطبة ==من رشح نور بدا من ذات واردنا
وجود آدم منــا كان منشؤه==جمال يوسف من أنوار بهـــــجتنا
طوفان نوح لــــولا تداركنا==لأهلك الخلق إجمالاً وحـــــرمتنا
نار الخليل خبت من ريق تفلتنا==ونار موسى أضاءت من محاسننا
أيوب لما دعانا عند بلــــــوته ==أجابه الله إجلالاً لـدعوتنا
نحن المراغنة الأخيار من قـدم==الختم منا وغوث الكون خادمنا

Quote: هذا مربط الفرس يا استاذ عبدالفتاح أنك خلطت هنا بين "الكمبيوتر" كمنتج بشري واختراع مادي وبين الذكر كإذن إلهي..وعمل نبوي العبادة ليس فيها اختراع ..أرجو أن تركّز على هذه النقطة جيدا وفهم الدين في الأمور الفقهية والفروعية قد يتجدد حسب ظروف الزمان والمكان ..لكن في الذّكر والعبادة لا يتغير فمثلا ظهرت مسائل فقهية جديدة حسب المستجدات العصرية وتعامل معها الفقهاء بالأدلة الشرعية كأطفال الأنابيب، بطاقات الماسترد كارد، الموت السريري، التعامل مع البنوك الإسلامية..إلخ لكن ما سمعنا بعبادة يخترع الناس فيها ويزيدون إلا عند القوم..ونجد بعد ذلك من المثقفين-وا أسفاه- من يبرر لهم.. لم أركب مع أي مفتر في سرج واحد..منهجي واضح..وديننا ليس مبنيا على العواطف والتبريرات غير الشرعية

الشيح الكريم

عماد الدين




حولت هجومك إليّ مصراً على الاستمرار فيه
وأنا بعون الله لها
-
يا عزيزي هناك فرق بين الدين والتدين
التدين مربوط بالاستطاعة والدين نصوصه ملزمة
يعني التدين فيه حرية أكثر
الرسول ص لم يمنع المرأة بطريقتها المبتكرة كما تسميها
ولكن أخبرها الأفضل في الذكر
أذكروا الله ذكراً كثيراً
لم تحد له حدود
الدين من عند الله والتدين فعل بشري
وقد بشر من جزم الرسول صلّى الله عليه وسلّم بدخوله الجنة
لأنه ينام وليس في قلبه حقد لأحد
ومشاعركم التي تنامون بها تقوم على الانتقاد لخلق الله
الذي يولد الأحقاد في النفوس؛ وهو أمر لا يجوز
أنا لم أقل أن الكمبيوتر الجهاز هو الذي تقوم بواسطته
للدعوة أنا أقصد الإنترنت الذي فيه المشروع وغير المشروع
ألم يحرم بعضهم التلفاز عند ظهوره؟
كذلك الإنترنت يحرم بعضهم التعامل معه
إذن أي مجال فيه الصالح والطالح
والتعميم والجزم أن هذا كله خطا أو هذا كله صواب
فيه تعميم مخل
ويورد الكره والذل
الحب بين المسلمين يا أخي
أقول لك دخل بعض من أسميهم علمانيين تخفيفا لجرم بعضهم
في هذا البوست لثارات لمحاولة قتل الشخصية
لمجرد قول أو تصريح سمعوه؛ وهدفهم المستبطن
ليس محاربة الشخص في حد ذاته
أما أن أحذف مداخلةً لمجرد أنك تظن أنها خطأ
ناقشني بعلمية بإيراد ما يثبت عدم صحة المعطيات التي ضربت بها مثلاً
اثبت لي علمياً أنه لا علاقة للاستنان بحركات الشرائع
للمسلم في اختيار الوسائل التي يدير بها حركة دعوته واستقطابه لمن ينوي هدايتهم؛
هذه سمّها حياة، وليس مشترطاً أن تكون عبادة بدلاً من الذهاب
إلى اللهو اقض وقتك في الذكر؛ وهو يسميه ذكر وأنت تسميه
رقص والعياذ بالله؛ رجاء أستاذي لا تقولني ما لم أقله ولا تظن
بي ما لا أظنه بك؛ فإن كان قال لك ابنك أنك تكبره بعشرين
فأنا أيضاً أسن منك بعشرين،
لا تتعامل معي ولا مع الآخرين بالأفكار المكونة سابقاً؛ ولكن تمعّن في كلماتي جيداً وانظر إلى أهدافي ثم ارم بما عندك.
ما تفعلونه وما يفعلونه خطأ في توجيه السهام على الملأ
والملأ أقصدبه من القطب للقطب.
اجلسوا معاً وتفاهموا برفق.
فما اتفقتم فيه فقولوا آمين، وما اختلفتم فيه خذوه بالرفق؛
فمن يشادد الدين يغلبه؛ هناك فرق واضح بين الدين والتدين
إن تعامل المتدينين مع الدين؛ هو محاولات سعي للوصول إلى
درجات والكمال بالطبع لله.
اتهمتني وكأنني لا أعرف الفرق بين الشرائع المفترضة من المولى عزوجل وبين سعي البشر؛ كيف تقارن بين الكمبيوتر والشرائع؟
وكيف يذهب بك الظن؛ لا أريد أن أكرر ولكنك تعلم أن الوسائل التعليمية والتربوية تتعدد وتتنوع؛ فقد يعمل المدرس على أن يكون بهلواناً يستخدم التمثيل والألحان لإيصال ما هو مهم من أهداف خاصة وعامة إلى طلابه.
فلا تأخذوا الطقوس على أنها استبداع في الدين
الطقوس وسائل للوصول للأهداف وطرق للطرق التي تجمع ولا تفرق،
لم ولن نتجرأ ولا أنت ولا هم مثلاً
أن نجعل للصلاة المفترضة زيادات أو إضافات؛ ولكن إذا أردت أن تطرق الحياة فما الذي يضير
صلاتي ونسكي ومحياي ومماتي
المحيا التي نعيشها للخلافة باجتهادنا؛ إذا أردت أن تقضي وقتك
بدلاً من الذهاب للسباق كما قال في ذكر يراه هو ذكراً فما الذي يمنع قد يتخلله شيء من اللهو لمن لم يفهم عن الله ولكن الذي
يعيش الذكر بقلبه وهو في تلك الحالة لم تحرمه من ذلك
هل لأنك لم تجرب ولم تعرف ما يراه هو أنه مستمتع به ومستفيد منه.
هل تعلم مثلاً أن تجلية القلب مما علق به يمكن أن يتم بتكرار الذكر؛ ثم أرني ذكراً ليس مؤصلاً من أذكار
الدعاء لم تصرون أن تكون صيغُه فقط بشكل معين
هل من تكون لغتهم غير عربية لا يدعون الله أو حدد لهم
لفظ معين لا يتجاوزونه حتى إن كانوا يجهلونه
هل البحر يرفض الزيادة
أنت كنت معلماً ووسيلة الإيضاح تعرفها
الإنسان خلق لعمارة الأرض
وعمارة روحه لم تحدد له حدود
وبين الذكر كإذن إلهي..وعمل نبوي
السنة النبوية فيها سنة تقريرية
ما رأيك برقص الحبشة في المسجد
والسيدة عائشة تنظر من فوق كتف الرسول صلّى الله عليه وسلّم؛ أم يا ترى ذهب ظنكم أنهم ليسوا مسلمين
هل سمح لغير المسلمين بالاحتفال داخل المسجد النبوي؟
-
تبختر الصحابي ذو العصابة الحمراء التي تشبه العرضة عندنا
التي قيل فيها أنها لا تصلح إلا في هذا الموضع هل هي من التدين أم لا؟
وهل قال له أحد أنت تغير في الدين أو تقوم بتخريب العبادة ألم يكن في حالة ذكر جهادي في تلك اللحظة.
صلح الحديبية والاجتهاد من هذا وذاك
اتخاذ الموقع في بدر هل كان خروجاً على أمر الرسول
اعتراض أبي بكر على غناء الجواري؛ وتقرير الرسول
إنها حياة يا أخي
فهل أفضل حياة الذكر تلكم الصاخبة
أم حياة الغفلة الذاهبة
إلى أين أنتم سائرون بنا باختلافكم الذي لن يغير شيئاً يذكر
في واقع كل يتخندق فيه في مكانه لم لا تكون اللقاءات الودودة
في هدوء يقدم كل النصح لزميله؛ إن اتخاذ هذا الفضاء سلماً لتقليل كل من شأن الآخر هل يجوز في الدين وأعداء الدين يمكرون بكم وهم في واد وأنتم في واد.
هل يزيد هذا المسلمين قوة؛
النصيحة أن تقوم بها وأنت فعلاً تسعى لتحقيق أهدافها أما ما تفعلونه أنتم وهم من هجوم كاسح؛ لا يولّد إلا الأحقاد والإحن
وهذا ليس من الدين في شيء؛ والله أعلم

معذرة

لبعض التكرار

فإني أكتب في ظروف فنية صعبة


ولم يكتمل بعد خيطي

الأستاذ/ عبدالفتاح أبوشيمة
الحمد لله أنك وافقتني على أن العبادة ليس فيها ابتداع
أما بقية كلامك فليس فيه جديد يخالف الذي أشرت إليه أنا
أما من دخل للرد سواء الذين وصفتهم بأوصاف معينة أو غيرهم فلا شأن لي بهم
أنا رددت عليك خوفا من ان تلبّس على الناس بأن الاختراع في العلوم كالاختراع في العبادة..
طريقةالعبادة المشروعةوالذّكر المشروع وكيفياتها وعددها ومكانها... وااااحدة لاتتغير ولاتتبدل
أما ان تتحول العبادة إلى دفوف..ومعازف...وتمايل..وصعق..ووقوع..وصراخ...إلخ فهذا الذي نحذّر منه
أما قولك:
"""""تبختر الصحابي ذو العصابة الحمراء التي تشبه العرضة عندنا
التي قيل فيها أنها لا تصلح إلا في هذا الموضع هل هي من التدين أم لا؟"""
هذا يا أستاذ تبختر في حرب.. وفي موضع معيّن.. وهذا أذن فيها الرسول وهو الموحى إليه.. وأنت بنفسك نقلت الدليل": ..لاتصلح إلا في هذا الموضع.." فهل تبيح للصوفية التبختر والرقص في المواضع المختلفة بحجّتك هذه؟!
شكري لك

Quote: فلا تأخذوا الطقوس على أنها استبداع في الدين الطقوس وسائل للوصول للأهداف وطرق للطرق التي تجمع ولا تفرق، لم ولن نتجرأ ولا أنت ولا هم مثلاً أن نجعل للصلاة المفترضة زيادات أو إضافات؛

هذا تناقض يا أستاذ عبدالفتاح
إذا كنت أنا ولا أنت ولا إي إنسان أن يزيد في الصلاة المفترضة زيادات
لأنها عبادة محددة، بكيفيات محددة، بركعات محددة...إلخ فهل تستطيع
أن تُخرِج العبادة والذّكر من هذا المعيار؟
شكري لك

أيمن وضيوفه الكرام
تحية عطرة
شاهدت الحلقة ولكن لم أكملها ولم اشاهد سجود الطفل / الشاب الكبير في شكل طفل
سبب عزوفي عن تكملة الحلقة الشيخ نفسه الزول دا ما داخل لي رأسي خالص
لقد نشأت وترعرعت في منبت صوفي من اليعقوباب شمالاً مروراً بالشكينيبة
وشرقاً - طيبة الشيخ عبد الباقي وأبوحراز
معظم اصدقائي من المتصوفة بسماتهم السمحة التواضع/ الزهد في كل شيء
على مستوى شيوخهم وحيرانهم ولكن إلباس التصوف ثوب جديد ظاهرة دخيلة
على الصوفية تدل على الاحباط الذي اصاب طبقة الشباب والبحث عن مخدرات
سهلة التسويق . . .
هذا الجانب الظاهر للشيخ الأمين ولا حكم لنا بورعه وتقواه
لم اشاهد كرامة من كراماته ولم اجلس القرفصاء تحت قدميه
فالتقوى كما اشار رسولنا الكريم (هاهنا)
أما حكاية الفتاة/المرأة التي تعملت ابجديات دينها على يد الشيخ
يدل على سطحية متقعة وجهل صريح فهذه الابجديات ممكن للشخص ان يتعلمها
من خلال دراسته الابتدائية
او ممكن كان تسأل اي زول عادي أمي ناهيك على شيخ
عن كيفة تكلمة الصلاة في حالة إدراك ركعة
أو كيفة الغسل والتيميم

Quote: هذا تناقض يا أستاذ عبدالفتاح إذا كنت أنا ولا أنت ولا إي إنسان أن يزيد في الصلاة المفترضة زيادات لأنها عبادة محددة، بكيفيات محددة، بركعات محددة...إلخ فهل تستطيع أن تُخرِج العبادة والذّكر من هذا المعيار؟ شكري لك

التناقض
عندك يا أستاذ
الزول المتدين
ماهو المتبيّن
لي شمول الدين
الواضح وبين
الحاجة اللي
ماجا فيها
تفصيلاً
بيّن
ما ساكت
تقعد
تتحيّن
للثغرات
ولعيوب
بتبيّن
تقدر تحدد
حدود
للذكر
أو فهمنا
إيه الذكر
ذكر القرآن
إيه هي
حدوده
بتين اذكر
ومتين ما
اذكر
الصلاة على
النبي
وريني حدود
فيها الترغيب
من دون تحديد
هذا القرآن
كان قريت
وأنا واقف
أو قول داك
قاعد
والزول داك راقد
أو بسمع بي أذاني
لو كت متجاري
أو شاقي حواري
عن العيون
متداري
قول من جوال
وبي سيارتي
وجاري
منو البيحدد
الما حدّده الله
ولاحتى رسول الله
الوسائل
دي
ما ليها علاقة
بي تشديدا
قداسة
ولا بس تاخدنا
هاديك
حماسة
هل لو عمل
بخرج من دينه؟
زي ما بيقوله
ناس لازم
ما ندينه
مين أدى الحق
تقطع متتشمّت
يا اللي ماسك
دينه
أخوك في الإسلام
كيفن بتهينه
البدعو لي الله
بي كل حنينه
شابكين
في مظاهر
وسايبين
لحنينه
ونفسو كيف
قايم
عشان ناسو
يزينم
النضافة ما حلوة
مالكم مابينه
ما كل الناس
كايسين
لي زينه

ما الله بحب
الجمال
يا زينه
المهم يا صاحبي
الفيه دليل
امسك وزّينو
والمافيه دليل
قول الله
يعينه
ويهديه
لأجمل مافي
دينه
ما قالوا المسلم
طلّعوا ميتينه
شايفين الفيل
وتهبشو
في مسكينو
أعداء
الدين
وينكم
وهو وينه
بيعيث في فساد
وسايبين تلوينه
تجو للعاضين
لي جمر حنينه
تكون في الرافضين
لي ذكره حنينه
ما تلخبت ياخي
بين اصل
الدين
ووسائل بتعينو
في زمناً أغبر
كيفن صار متغبّر
وكل زول متشبّر
عن حقده يعبّر
لي كرهه لدينه
وإنتو بس
سايبينه
وتفلح لي في زول
رغم غناه
داك
يقول الله يحشرني
مع داك مسكينه
ويلم عليه الفقير
مسكينو
ومالو كان جمع له
أغنياء مساكنينه
ما هو أكترناس
ببعدوا عن دينه
الغنيانين والشايفين
نفسينم
ما بفيدوا الدين
لما قلبه يلينُ
وبدي للمسكين
من عنده
لدينه
داك هو المطلوب
يا حبيب
ما تعينه
ما تكسر مجاديف
الراجفين قاصدينه
قرّب ما كنت في زمان
بتعينو
ما هو داك سمان
بي سمن وسمينه
شفت عيب
ككيف
سبته لي ميتينه
كل شي في الدنيا
فيها زين وشينه
نسعى للتوفيق
بكرة ربي بعينه
يتجاوز الغفلات
وبفهم عن الله
كل طريق في دينه
وكان فاهم اسي كمان
وإنتو بتبهتوا فيه
برضو الله بعينو
بعدها الحسرات
راح تطال
من وماهو يدينه
كان داك من إنسان
أوهداك شيطونو
وللاّ نفساً آمرة
لا هي دي اللوامة
بس كيفن بيكون
وبي هناك الناس
كايسة بالإحساس
لي حد اطمئنانو
والأمر بالسوء
كيفن اطمئنانو
ياخي نوم مرتاح
ما تشيل حقد لي زول
يبشروك بالليل
ما بتشوف الويل
والسراط دا هناك
تمشي دون تكحيل
واللي داير يشوف
يمشي درب الخوف
وما يكون ملهوف
لعيوب وكفوف
ويبقى زول مكفوف
لا بصر لا شفوف
كان هنا جرّب خوف
وورا نفسه الخوف
يا ما بكرة يشوف
الأمن من خوف
وقت داك وقوف
أمام رب رءوف
أطعم العرروب
من كل جوع وكسوف
وكمان زاد ليهم
أمّنم من خوف
والفرق الناجية
ما لي جماعات
دول فرد من هنا
وفرد من هناك
أصل داك وقوف
في أمان الخوف
كل واحد بس
شايف نفسوشوف
لا سأل في أمه
لا أبوه الملهوف
ولا قال دا أخوي
يمكن يحامي لي
آتيه قال فرداً
ما في سنداً جدّا
ولا داك محامي
لي دفاع استعدا
ياخي فرداً فردا
بي كتابه العنده
وماف يزول بيسنده
لا هو عم لا جدّّّّة
اخدوا المسألة جَّدا
كل شي بتعدّا
حبة حبة وزبدة
مافي زبد بتعدّا
وللا ديك العدّة
والجمال والزهد
في النفس تتمدّا
ما هو مظهر ياخي
القلوب شن ودّا
هل تحب لي الله
والرسول بمودّة
وللا ساكت نجري
لي مظاهر باردة
القلب كيفنه دا الكلام الجد
والحوار بطور وللا واقف عندَ
والأمل في الله راح وللا امتدّ
هل حدود العين التشوف لي مدة
وللا ديك بصيرة كيف تشوف وتسنده
مافي شيتاً جدّ
دي المظاهر خردة
والجسم ذاته ما بروح
في مدة
دا كيف حتبقى الروح للأزل ممتدّة
بالمناسبة يا شيخنا قريت كتاب الروح
حق شيخكم
اقراه ياخي دا مفيد
في غلاء الروح
حتى بعد أن تخرج من جسدا
والكلام دا كله ما ليك
يا شيخ ليك ولي غيرك
سمح؟
كما يقولون ويقلن
والله أعلم
وهو خير الشاهدين
على الرغم من هذا الفضاء الواسع
الذي تكتبون فيه
شهادة لكل العالمين
وسيشهدون يوماً ما مسلمهم وكافرهم
دا طيعاً غير ما كتبه الكتبة الكرام
الذين يحلّون أكتافنا المهدودة الحيل
والله نحن مساكين وما عارفين
الله يستر علينا في الدارين
قول آمين

أيمن السلم دا طويل

شوية معليش ياخي

بس إن شاالله

بوستيك يطلع بينا

وما يودينا أسفل سافلين

قول يامعين

من تواضع لله رفعه

نكرّرها

ويتعنطظ بعضهم بلغته ولغاته

مما يدل على ضعف العلم و الفهم

والله أعزّ وأكرم

معليش شيخ عماد

والإخوة بجيكم والله يسهّل

الكلام بتاع التواضع دا ما موجّه ليك

سمح كما يقولون ويقلن

الركابي ....سلامات ...

Quote: الأخ العزيز فايز ، أتمنى أن يكون شغل الصوفية بهذا التبرير الذي ذكرته ، لو كان الأمر كما تحكي بهذا التوجيه الكريم منك لكان بالفعل كلام الأخ أبو شيمة في محله من عدم الإنكار عليهم وإشغال الأوقات بما هو أهم. لكن الأمر ليس بهذه البساطة ، الشغل فيه اعتقادات وكتب ومصطلحات ودعاوى في غاية التخطيط والإحكام ، وكما يقولون : (من عرف حجة على من لم يعرف)

انا لم اتحدث عن معتقدات شيخ الامين وطريقته ولكن قلت مارأيت في الفيديو وهو ظاهر وواضح للكل وهذا الرأى ليس دفاعاً عن طريقة شيخ الامين او عقيدته فانا حقيقة لا احب الطرق الصوفية مطلقاً ولا اقرأ ادبياتهم فقط كتبت عما رايته في الفيديو ...

Quote: وإنت من أهل الشرق ونحن من الشمال وتجمعنا الطريقة الختمية التي لها الصولات والجولات بين أهلنا

ليس كل شرقاوى ختمي ياعارف ..وانا لست بختمي -الحمدلله- ولا أؤمن بالطرق الصوفية وبشوف الطريق الى لله مامحتاج لوسيط او طريقة او شيخ فالله اقرب الينا من حبل الوريد ..ورغم اني زول عادي وغير ملتزم لكني شايف عقيدة اهل السنة والجماعة (الوهابية) هي العقيدة السليمة ...

شرحو






(نجماتك الكُتار)
هو الكلام دا ما كان موجّه ليك إنت يازول مفتهم
موجّه لي زول ممكن يمش شان يفتهم
هم منهم
ما منّي يازول يا فهم
أنا بس بأشر بي قلم
بقول لي كل زول
امش عليهم وافتهم
يمكن تجد رد أو داك فهم
دي خلافة الأرض
اللي أدّاها ربنا بالعلم
ما نبقى زي إبليس نطغي
ونتسجم
دا غروره دا الودّاه لي جهنم وكل دم
-
ما نبقى زيّه كمان دايماً ظُلُم
نتواضع عشان
ربنا يرفع للقدم

المداخلة ادناه وصلت من الأخ/ خالد أحمد هاشم

Quote: النساء فى الطريق الصوفي بين الشيخ ود بدر والشيخ الأمين ... تحدثنا الروايات الشفهية فى التراث الصوفى السودانى عن الشيخ العبيد ود بدر رضى الله عنه الصوفى الشهير - راجل أمضواًبان - والذى اشتهر بالحكم المسجوعة اللطيفة , تحدثنا بعض الروايات أن قد جاءه ذات يوم عدد من النسوة يطلبن منه بيعة الطريق الصوفى , وكان الطريق الصوفى آنذاك هو طريق الرجال حقا, حالا ومقالا واشتهر أهل الطريق فى ذلك الزمان بالمجاهدات والأذكار والأوراد والصيام والقيام وغير ذلك. جاء هؤلاء النسوة لينخرطن فى سلك هذا الطريق بكل ما فيه من مجاهدة وشدة , وكلهن شوق لما فيه من المقامات والأنوار والبركات , فما كان من الشيخ الا أن ردَّهُنّ بلطف , قائلا لهن حكمة اشتهرت بعدها وسط القوم حتى يومنا هذا : ) طريقْكَن , مُقنعاً سابل , وحسيساً ضابل , ووشيشاً للرجال ما بقابل .... الطاعة وحفظ البضاعة ) وما هذا الا شرح وتبسيط لحديث المصطفى صلى الله عليه وسلم ( اذا صلت المرأة خمسها وصامت شهرها وحفظت فرجها واطاعت زوجها قيل لها ادخلى الجنة .. ) وتحويله الى حكمة مسجوعة بلهجة سودانية خالصة أرشد فيها هؤلاء النسوة الى أهم ما يطلب منهن فى دين الله وفى الطريق اليه وهو الستر أولا وأخيرا ثم طاعة الزوج . تذكرت هذا الكلام وأنا أتابع تلك الحلقة من برنامج حُلَل البَرِيق ثانى أيام العيد من تقديم الأستاذ احمد الخضر والتى استضاف فيها الشيخ الأمين عمر وهو الشيخ الشهير بأمدرمان , الذى اشتهر عنه أن محايته بيبسى وحواره جكسى , والذى انقسم الناس فيه تماما بين مادح وقادح , وذلك أولا لان مظهره يختلف كثيرا عن مظهر الشيوخ الصوفية المألوف , فى ملبسه ومسكنه بل ونوعية اتباعه , وثانيا لان الشيخ قد التف حوله عدد من النساء والبنات فى عمر الزهور وقد وجدن منه المكانة التى لم تجدها أسلافهن من الشيخ العبيد فى ظاهرة تكاد تكون فريدة وجديدة على المجتمع السودانى . ولنقارن هنا بين أولئك النسوة اللاتى طلب منهن الشيخ العبيد ( المقنع السابل والحسيس الضابل والوشيش اللرجال ما بقابل ... الخ ) والنسوة المنتسبات الى الشيخ الأمين واللاتى ظهرن بكامل الزينة فى شاشة التلفزيون فى العيد السعيد وطافت الكاميرا ما شاء الله لها أن تطوف بينهن فأرتنا وجوههن من كل صنف ولون بل وأجرى المذيع معهن لقاءات متعددة تكلمن فيها عن ارتباطهن بالشيخ وكيف أنه علمهن ووجههن لطريق الخير وهكذا . وكان اللافت فى الأمر ليس وجود النساء فى ذلك المحفل ولكن كان الزينة المبالغ فيها وتركيز الكاميرا عليهن وكشف رؤوس البعض منهن مما يتنافى تماما مع الشريعة والأعراف والآداب الصوفية . ومع وجودهن فى صالة أفراح اكتمل المشهد تماما ! ! لدرجة أن عابرا عبر بجانبى وأنا أتابع فسألنى : ما هذا ... قلت له : انه عرس .... فانصرف مقتنعا ! ولكن لابد من الاشارة الى ان سبب التسجيل فى صالة أفراح كان هو انشغال غرفة الأستديو فى التلفزيون المخصَّصة لتسجيل هذا البرنامج بالصيانة , غير أنه قد كان من الأنسب أن تسجل الحلقة فى زاوية الشيخ نفسه بود البنا ليكون مظهرها اكثر تلقائية . والعجيب أن الشيخ الأمين يتبع نفس طريقة الشيخ العبيد الذى نصح النساء فى زمانه بتلك النصائح . اذ ان الشيخ العبيد قادرى والشيخ الأمين مكاشفى قادرى , ورغم الفارق الزمنى الكبير بين عصريهما ال أنه لم يعرف أبدا بروز العنصر النسائى هكذا لا فى هذه الطريقة ولا غيرها على مدى التاريخ الطويل للطرق الصوفية فى السودان ! ذكر الغزالى فى احياء علوم الدين أن احد الصالحين ذُكِر عنده أن احد الملوك قد اشتهر بانه كثير الصيام فقال ذلك الرجل الصالح : المسكين ترك حاله فدخل فى حال غيره , أى فعل ما يطلب من غيره , وذلك لأن من كان كثير المال فما يقربه الى الله تعالى الانفاق و الاطعام وليس الصيام ! وهكذا فكل انسان طريقه الى الله بحسب وضعه, فالنساء جميعا يبدأ طريقهن الى الله بالسترة والحشمة , ولسنا ممن يطلب من المرأة تغطية وجهها ولا الجلوس فى البيت ولكن الحشمة فى الخروج والحجاب الشرعى بتغطية الرأس وعدم المبالغة فى الزينة , ثم صلاتها , والتى هى فى بيتها أفضل من صلاتها فى المسجد , ثم طاعة زوجها , فان فعلت ذلك فازت برضوان الله بلا شك . فان كان لها بعد ذلك شئ من الأذكار والأوراد أو القيام والصيام أو الارتباط بالمشائخ فذلك خير وبركة , على أن يكون ذلك بعد المحافظة على أساس الأمر وهو الستر والحشمة وطاعة الزوج والصلاة فى ميقاتها . اننا لسنا ممن يبخس الناس اشياءهم ولا نقلل من قيمة الجهد الذى يبذله الشيخ ولكننى اردنا تصحيح مفهوم قد يكون عند كثير من النساء , فيستسهلن مسألة الحجاب والزينة اعتقادا بأن الطريق الى الله ما هو الا أذكار ومدائح وارتباط وجدانى . وواجب الشيخ أن ينبههن على ذلك حتى لا يغفلن عنه , وسقنا قصة الشيخ العبيد الذى هو من أئمة الصوفية فى عصره بلا شك لنبين كيف كان فهمه الثاقب لدينه و مجتمعه ليكون هذا حافزا للشيخ الأمين ليتبع ذات النهج مع رعيته التى هو مسئول عنها . ان الدافع لكتابة هذا المقال هو الغيرة على المنهج الصوفى من أن يساء اليه , فمثل هذه الحلقة تفتح بابا للقيل والقال والاساءة للمنهج الصوفى عامة واعتباره منهجا منفكا عن القيود الشرعية والآداب الاسلامية وهو أبعد ما يكون عن ذلك . وليس الدافع الاساءة للشيخ الأمين ومريديه فهو يجد منا الاحترام والتقدير لا التقديس . أتمنى أن يأتى اليوم الذى يكون فيه النقد البناء بين الجماعات الاسلامية ومن داخلها , النقد الخالص الذى يبتغى فيه الحق لا المراء والجدل وحب المنزلة والصدارة وحب الاساءة للآخرين وصلى الله على سيدنا محمد واله وسلم .

شكراً جزيلاً الأخ خالد. ولحين العودة للتعقيب.

Quote: هذا مربط الفرس يا استاذ عبدالفتاح أنك خلطت هنا بين "الكمبيوتر" كمنتج بشري واختراع مادي وبين الذكر كإذن إلهي..وعمل نبوي العبادة ليس فيها اختراع ..أرجو أن تركّز على هذه النقطة جيدا وفهم الدين في الأمور الفقهية والفروعية قد يتجدد حسب ظروف الزمان والمكان ..لكن في الذّكر والعبادة لا يتغير فمثلا ظهرت مسائل فقهية جديدة حسب المستجدات العصرية وتعامل معها الفقهاء بالأدلة الشرعية كأطفال الأنابيب، بطاقات الماسترد كارد، الموت السريري، التعامل مع البنوك الإسلامية..إلخ لكن ما سمعنا بعبادة يخترع الناس فيها ويزيدون إلا عند القوم..ونجد بعد ذلك من المثقفين-وا أسفاه- من يبرر لهم.. لم أركب مع أي مفتر في سرج واحد..منهجي واضح..وديننا ليس مبنيا على العواطف والتبريرات غير الشرعية

يا شيخ عماد


الله يرضى علينا وعليك

لا أدري إن كنت تنسى أو تتناسى أننا بدأنا هذا الحوار في خيط محدد العنوان والموضوع أقحمت فيه خلفيات ثقافية تراكمية عن التصوف وأهله.
إن عدم وجود الفهم الشامل للتدين وللدين الذي تعاني منه جماعات متعددة تجعلك تتخندق في التقسيم الفصامي الذي تتعامل به؛ كيف تسمى موقف صاحب العصابة؛ على أنه في حرب وما هي الحرب أو الجهاد أليس مبنياً على عقيدة؛ الدين لا تنفصل عقائده عن شرائعه عن معاملاته فكلها تندرج تحت هذا المفهوم الذي تشير إليه بأن الصلاة والنسك والمحيا والممات كلها لله رب العالمين؛ فكله دين. تبختر الصحابي ذو العصابة الحمراء التي تشبه العرضة عندنا
التي قيل فيها أنها لا تصلح إلا في هذا الموضع هل هي من التدين أم لا؟"""
هذا يا أستاذ تبختر في حرب.. وفي موضع معيّن.. وهذا أذن فيها الرسول وهو الموحى إليه.. وأنت بنفسك نقلت الدليل": ..لاتصلح إلا في هذا الموضع.." فهل تبيح للصوفية التبختر والرقص في المواضع المختلفة بحجّتك هذه؟!
هل هذا يعني أنك تفصل بين
الصلاة
والصوم : صلوا
والذكر: اذكروا وهنا الأمر كثيراً
هذا الذكر الكثير عندما يفرضه بالكثرة والكثرة بلفظ المولى
عندما يطلب الكثير من المولى عز وجل
هل تحصره في ...
وما الحكمة من تكثيره أهي لفائدة العبد أم يستفيد منها الرب والعياذ بالله
فمن كان محتاجا من البشر
هل كلهم سواء
واحد يرى ذنوبه كثيرة
ويرى أنه مهما أكثر من الاستغفار مثلاً يجد أنه لا يكفيه
يا أستاذ أنت خريج كلية تربية ومحتمل أنك درست شيئاً من علم النفس التعليمي
ما حاجات الإنسان
والجهاد جاهدوا
الحج
الزكاة
الدين المعاملة
الدين النصيحة
ما هذا الفهم الغريب

هذا هو الفهم بين التدين المتقوقع في أشياء محددة تهتم بها الجماعة الربط بين المشية المتبخترة في أمر الخروج للمبارزة بأمر من الرسول تسمي هذا حرب والاستئناس بالذكر يوم الخميس تسميه خروج على العبادة مالكم كيف تحكمون؟
لا تقطعوا الدين أجزاء ولا أريد أن أكرر أن الدين والتدين ملخص في قل إن صلاتي ونسكي ومحياي ومماتي لله رب العالمين.
أما كونك ترى في كل ما كتبته أنه مجرد إنشاء فهذا أيضاً فهم متعسر لما يشتمل عليه الحوار.
والأدهى والأمر أنك لم تفهم قصدي حتى الآن؛ إن محاولة إثناء كل مسلم للآخر بمنطق لا يفهمه الآخر.
يؤدي مع الفجور في الخصومة يؤدي إلى ما هو حادث من تفجيرات بالجملة في بلاد إسلامية عدة من أسبابها الأساسية هذا التراكم في كفّر هذا وارفض عمل هذا؛ فما يحدث في العراق من تقتيل وتفجير للأجساد بالجملة هو نتيجة إلى تجاوز أدب الخلاف والتماري في تخندق كل طائفة وكل فرقة في الوقت الذي كان ينبغي على الدعاة أن يسخروا جهودهم لمحاربة أعداء الدين.
والسودان يكيد له الأعداء لتحجيمه وإضعافه والمقصود بالطبع الدين والدين الإسلامي بشكل محدد. هل هذا أهم أمر الدين الذي يتعرض للهجوم، والدعوة التي تعرضت لهزة بسبب السياسة
إن الاهتمام بصغائر الأمور والفروع هو ما درجت عليه جماعات وخصوصاً بين من يسمون الصوفية ومن يسمون أنصار السنة والسلفية.
وعلى الرغم من انتشار العلم ووسائله التي أصبح في توافرها صيحة؛ إلا أننا محلك سر
تهملون ما يمكن أن يؤدي إلى الخروج النهائي من الدين، أو التوجه إلى الجحيم.
وكيف تدعي أن ما تفعله ليس مناصرةً لمن لديهم أجندة؛ أيعني ذلك أنه ما إذا تعرض شيخ ما إلى هجوم يستهدف قتل الشخصية وتشويه صورتها؛ ألا يحق بك أن تناصره؛ حوار توجه فيه السهام من دون وجه حق ويتكالب مسلمون على اختلاف مشاربهم لشخص مسلم بل داعية إلى الفلاح وإلى تزكية النفس؛ وأنت تقف في صف واحد مع م ن لا يهدفون هدفك مما تراه نصيحة؛ وكيف توجه النصيحة هل في هذا الفضاء الواسع والسنة حين تتناول أخطاء المسلم تشير إشارة إلى أن بعضهم فعل كذا وكذا أو ما بال أقوام يفعلون كذا وكذا.
وحين ندعوك إلى التثبت وفهم لماذا يفعل هو أو غيره ذلك؛ تتجاهل ذلك وكأن الأمر لا يعنيك وتناصر من يسخرون ومن يتهمون بالجهل
يا أخي أنت جامعي وهو جامعي أنت داعية وهو داعية كما تقول لعضو المنبر يا زميل
ويا أخ، و لك العتبى حتى ترضى
وما هي الفائدة؟
وهل حصدتم بعض ذنوب؟
وما الذي يضير من هاجمتموه؟
هل سيتناقص أتباعه أم سيتزايدون؟
أين من قيل عنه كيّس فطن
أي المؤمن؟
وتتجهون إلى ما يفرق بين الناس وتنمية الأحقاد والإحن من دون الاقتداء بسنة النبي الكريم صلّى الله عليه وسلّم وسيرته؛ اللهم اهدنا جميعاً إلى مافيه سواء السبيل
الحمد لله أنك وافقتني على أن العبادة ليس فيها ابتداع
ماذا تقصد بالعبادة هل هي الشعائر أم العقائد أم المعاملات
الوسائل فيها كل شيء ابتداع وإبداع وتطور
ولكن من ييفرّق بين الوسائل والأهداف
ومن يفرق بين الفهم الشامل للدين والفهم المحصور
من يفرق بين الأولويات وعظائم الأمور وصغائرها
العقيدة شيء في القلب يمكن أن يلتقي اثنان عند قبر
ويفعل أحدهم السنة والآخر يتجاوز بعض شيء
وأنت تجعل الاثنين قبوريّين كما تسمونهم
ولا تفرق بين شيخ وتابع؛ وفي من يتبع لا تفرّقون بين شخص وآخر
تطلقون الأحكام بتعميم مخل ويُدخِل في الإثم
يا أخي من تواضع لله رفعه
ومن تكبر مشكلته مشكلة
يقابل ربّه- وهو كريم- إن قُبل عمله أو رُدّ إليه
حتى العبادة المهمة مثل الصلاة قد تقبل من إنسان بسيط لأنه أداها على وجهها
وترفض من آخر لم يرزق الإخلاص والنية
إنما الأعمال بالنيات وإنما لكل امرئ ما نوى وما في قلبه حوى.(هذا لا أكتبه حديثاً إنما هو اقتباس)





وللكلام بقية


ومعذرة لتأخير الرد










مع تحياتي








للقرّاء والمشاركين

Quote: أيمن الأخ عبد الفتاح أوشيمة مشكور يا عزيزي على الكلام الذي يمتلي بالحكم والمعاني الجميلة. فقط أردت أن أقول انني شخصياً وحتى هذه اللحظة ما زلت أتناول الظاهرة تشريحاً وبحثاً. ولم أصل بعد لحكم نهائي عن الرجل وطريقته، وإن كنت استغربها كونها مختلفة في الطرح والمنهج. مشكور يا عزيزي.

يا أيمن ياخي
أنا بحبك في الله
وماجيت لهذا البوست إلا حباً فيك
لأني لا أحبذ الصراعات السياسية والرياضية والمذهبية
فخلافها يسمى الحالقة
وهي لا تحلق الشعر
إنما تحلق الدين كما ورد في الأثر
كما أن كثيرين يعرفون عن اللّذين تأخر دخولهم الجنة
لتخاصمهما؛
وأزيد كيف رفع عنا معرفة ليلة القدر؛ بعد أن كاد يصرّح بها الرسول صلّى الله
عليه وسلم؛ وللأسف كان هناك مسلمان يتلاحيان فقط يتلاحيان؛ يعني نقاش وجدل
وصرنا مضطربين هل هي 27 أم كذا أم كذا
فهل يفهم هؤلاء القوم ما أعني يا ترى
المهم:
طالما سألت سؤال من حقك تلقى ليه إجابة
وزي ما عايز بحث وتشريح
لكن نبّه لي ضيوفك من دون تجريح
لأنك سيد البوست صحيح
ومن حق إدارتك تكون تصريح
الضوء الأخضر للماشي صحيح
والفات لي دربه تديه تلويح
وإشارةً واضحة بي كل تلميح
لي فائدة الناس ما تمرق ميح
وما تسيب السهلة من دون تصحيح
لأنه برضو مشارك في فيح الفيح
لو ما اتيممت لي بحث صحيح
وفعلاً تشريح تشريح
جيب من ناسه من يفتي صحيح
ما يكون بس كلام ساي انطباعي قبيح
وصورة الساجد تاخد تشريح
من مختصين مش أعمى شحيح
يا زول دربك أخدر من دون تبريح
كان ظبطن ديل ماني جايي صريح
الكلمة دي صعبة يا حلاوي صحيح
كلام ود حبوبة داك مالي الريح
من زمناً أول ما حد يبيح
مشكلتي حبيب مع بعض ضيوفك مافي الراي
دا كل زول فيهم حر الراي
وأستاذنا كباشي كانتونا ون ديمة بقول العوج راي والعديل راي
مشكتي معاهم في الأدب الجاي
من رسولنا محمد بي جاي وبجاي
صلاتي عليه عظيم الراي
أدب بيسموه أدب الحوار
والتاني أدب الخلاف والاختلاف
غير إنه ذنوب برش بفباف
وبيكتل ناس لي عبد مناف
بيفجّر دانات وشي عربات دي مافيها خلاف
سببه يكون إسفاف واسفاف
بدو بيه الناس في درب خلاف
مع إنهم مسلمين
والكل بيقول ماسك في الدين
المسكة الياها ما تعرف وين
مسكة من النص وللا اليدين
مسكة بي إحساس أم من برة الراس

لك حبي وودي

وربما تكون هناك بقية لم تكتب

أخونا عبد الفتاح
سلامات...

Quote: يا أيمن ياخي أنا بحبك في الله وماجيت لهذا البوست إلا حباً فيك لأني لا أحبذ الصراعات السياسية والرياضية والمذهبية فخلافها يسمى الحالقة وهي لا تحلق الشعر إنما تحلق الدين كما ورد في الأثر كما أن كثيرين يعرفون عن اللّذين تأخر دخولهم الجنة لتخاصمهما؛ وأزيد كيف رفع عنا معرفة ليلة القدر؛ بعد أن كاد يصرّح بها الرسول صلّى الله عليه وسلم؛ وللأسف كان هناك مسلمان يتلاحيان فقط يتلاحيان؛ يعني نقاش وجدل وصرنا مضطربين هل هي 27 أم كذا أم كذا فهل يفهم هؤلاء القوم ما أعني يا ترى

أول تبادي أحبك الله الذي أحببتني فيه ... دامت المودة يا عزيزي.

كلامك أعلاه فيه يدل على حكمة كبيرة وأفق واسع نتمنى أن يسود بيننا على الأقل هنا في هذا المنبر.
فهذا باب من أبواب المعروف بين الناس.. الكلمة الطيبة وإبداء النصح بالصورة التي لاتؤذي الآخر، والتسامح الخ.
نرجو أن نطبق ذلك في حياتنا لأن هذا هو خلق المسلم الحق كما يجب أن يكون. فقد قال الله في محكم تنزيله: "خذ العفو وأمر بالعرف وأعرض عن الجاهلين‏" وقوله أيضاً: "وأتمروا بينكم بمعروف"
نحن نحاول ما استطعنا في هذا البوست ان ننبه من يحيد عن هذه المبادي. لا أريد إيذاء لأحد، ولم أضع هذا الخيط لأي هدف سوى المعرفة والحقيقة.
لك مودتي كاملة يا عزيزي.

الأخ ود القاضي

يبدو إنك أخطأت فهمي ، فأنل لم أقل إنك ختمي ، واستشهدت بالختمية في الشرق من باب وجودهم فقط وانتشار طريقتهم ، ولذلك قلت (بين أهلنا).
والدعوة السلفية أكثر انتشاراً في تلك البقعة الطيبة من بلادنا الغالية.
وحتى التبرير في قضية الفيديو ، أيضاً لم أحمله المحمل الذي بدا لك ، ولكن تعليقي كان على التبرير فقط.

@

Quote: أول تبادي أحبك الله الذي أحببتني فيه ... دامت المودة يا عزيزي.

أحبك الله

سبحانه

الذي أحببتني فيه











فوق

Quote: استنكار جمع غقير من الناس ل( الصوفية الجديدة ) نابع من ايمانهم العميق بان طريق الله او ( الطريق ) لا يجمعه اي شيئ مع حب الدنيا .... الفناء في حب الله يعني العبادة والرضاء بالقليل الذي قسمه الله ... لا أن يطارد ( الصوفي ) المال ويقتح شركات ... ويباهي بمال زواجه ويعرض الذهب على سيارة تحوم الحي الذي يسكنه ..... ربما يكون الشعب السوداني قد مل السياسة ولكنه لم يمل الدين ... ولا يمكن خداعه بهذه السهولة ... هناك مثل صيني يقول ( كثرة الثعالب تجعل الضحية تفكر اكثر في كيفة نجاتها ) . طريق الله معروف يا شباب.

بعد مداخلة لي كتب ماسبق أسامة المال ما برضو وسيلة بتغري الناس


عشان يوصلوا درجة حرب الناس

طريق الله دا صحيح معروف لكن كيف بس نفهم عن الله

الفهم من الله دا شي بتجلى

لما الذكر ينور حلة ويلبس حلة

ما شغل بس زي ضرب الجلة

كل زول شابك يرمي الجلة

ودايما ودايما تلقاه مجلّى

مشكلتنا في سهولة الانتقاد

لكن منو الـ لي نفسه قاد

وحصل هناك قبل الميعاد

وزاد لي زاده بي ذكراً زاد

Quote: عوض محمد أحمد هذا الشيخ الكذاب لقد كذب عندما زعم انه و هو صبى فى الرابعة عشرة قد كلفه ود العجوز بمقاومة الشيوعية فى بيت المال

والكلام دا كله

ما ليك لي كل الناس



كلمة كضاب وين حتوديك يا قاسي

تقولها كأنك ناسي

يا ربي حتنزل بيك في جهنم وللا حترجع تستغفر وسواس

الخلاك تقول في الناس وللا يمكن ناسي

إنه الكلمة ما بتنسى لناس -- لي كل إحساس

اتكتبت ليك لي يوم الناس

حسي ما قومتو قيامة الدنيا عشان صبي أصغر حاسي

الأربعتاشر في ناس ما بالغة والأربعتاشر حسي

في ثانوي وزمن الثانوي ما كنت تجندوا للحراس

كم مغفل نافع دورتوه كراسي

وانملت الدنيا بي عديم إحساس

لا هو بصلي ولا عنده إحساس

معذرة شيخنا مكاشفي

اتأخرنا عليك في الرد يا صاحي

الله ينوّر قلبك بالإيمان

ويكسيك حلل أهل العرفان

وكمان من همزات شيطان

ويفتح عليك فتح العارفين وعلو الشان

سيبك منهم ما بيعجبني حالم المتعدد للألوان

وبقول لهم: ما بعجبني الحال المايل

ولا شبيب النار في خمايل

جيت بي عقدك وإنت الشايل

وش قباحة لي وشا زايل

مالك جايب سيرة الناس ببلايل

وإنت في روحك ما انت السائل

بكرة بجيبوك وأكيد تتساءل

عن كل كلمة يقولها القايل

ويفتحوا ليك كم فايل

وفايل ما اتشطّرت منزّل فايل

لو جات منه ما هو مايل ومايل

لكن منك أبداً ما خايل يا الاسمك بالدين متشايل

في يوم تب مافيه ظلايل

غير ما تجي بي شقّا مايل

من ظلمك للناس وحبايل

شو ف لك زاداً يروي غلائل

يوم العطش الجد مو قايل

Quote: النساء فى الطريق الصوفي بين الشيخ ود بدر والشيخ الأمين ... تحدثنا الروايات الشفهية فى التراث الصوفى السودانى عن الشيخ العبيد ود بدر رضى الله عنه الصوفى الشهير - راجل أمضواًبان - والذى اشتهر بالحكم المسجوعة اللطيفة , تحدثنا بعض الروايات أن قد جاءه ذات يوم عدد من النسوة يطلبن منه بيعة الطريق الصوفى , وكان الطريق الصوفى آنذاك هو طريق الرجال حقا, حالا ومقالا واشتهر أهل الطريق فى ذلك الزمان بالمجاهدات والأذكار والأوراد والصيام والقيام وغير ذلك.

بل لأنه كان هناك الجهاد مع المهدية وليس كما قلتم عن الأوراد والصيام والقيام
لأن هذه الأشياء تقدر عليها المرأة مثلها مثل الرجل

والله أعلم:

خليه في حاله وإنت في حالك
بينكم ما تبقى الأحوال مرتبكة
هو لو كان جالك داخل حرمك
ومن خيرك حرمك
كنا قلنا ليك كم حق
لكن تفضل تنق وتنق
في شيتاً ما جايبله لي حق
وفي الآخر حيكسّر كم حُق
إنت تدق وهو يدق
طبلاً أجوف لو بندق
وهناك في الآخر النار بتبق
تاكل الأخضر وكل اليابس يروح الحق
راح تتقابلوا عند الله الحق
ويقولولك مالك وماله
حنكك شابك طق طقطق
كان يستاهل طقطيق بمدق
ونشيل وندق بالهون ومدق
امرقلو حقو ولو عندك حق
نشوف من بعد بي طبل ورق
هو كاس لرقايق
وداك علم حقايق
ما حقك بايق
ولا دمك رايق
نان مالك عاملها جقاجق
ارجع تاني لي طبل وفاقك دق
ويمكن نرجع لي قولة حق
وبطّل وبطل شغل الرق
متى ولدتكم أماتنا برق
ديل نحن الشق ونحن الطق
حتى هشابنا بنطقطقه طق
وحطبنا نشققه عشان داك سيفنا كمان يتطرّق
والتقابة تقول وج وج ونارا تبق
ونقرا الحق وقول الحق
وقول الحق أنا كان قاريه
بين نايم وصاحي
أو مسترخي
أو سارح وماحي
شن بيضيرك ما هو رحراح
يرفع ليك مقام ونواحي
ويسعد قلبك يشفيها جراح
ويزيد إيمانك ولو كنت مناحي
صلاتي على الرسول الماحي
قالك قولا لو سافي وماحي
ما تقول لي مساي صباحي
وإن ساهرت كمان صباحي
برضو الماحي يا هو الماحي
ديمة بحقق لي جميع أفراحي
كان أرزاق أو سهل مرواحي
كان غنيت به أو بيه بلاحي
أو دندتو ونا بسوي ملاحي
شن بيضيرك يازول لو صاحي
خليني أوقع لحن الماحي
وخليك انت ديمة تلاحي
وفي جدلك كان نايم وصاحي
وأنا بتصعد لي فوق يا صباحي
وأرق وأرق بي سلم ماحي
فوق للأبراج ورياح
حتى سحابك كان مالي وشاح
يبقى عمايلك وأقولك صاحي
ما عاملت لي صحبك صاح
مالك بس شايل لي نباح
في كل مسا وكل صباح
شابك بس في آح وآح
كمان شابكلي في حاج الماحي
ياخي دا أجمل زول مداح
دا العلمنا سيرة الأمة
ودا اللي كشف كتير لي غمة

هاك شوف هنا ياأيمن

يمكن يفيدك



أصل دا تلميذ دا

وكلهم شيوخ

أقرب للخيال .. حادثتين لي مع الشيخ عبد الله ود العجوز ..

Quote: يا شيخ عماد الله يرضى علينا وعليك لا أدري إن كنت تنسى أو تتناسى أننا بدأنا هذا الحوار في خيط محدد العنوان والموضوع أقحمت فيه خلفيات ثقافية تراكمية عن التصوف وأهله. إن عدم وجود الفهم الشامل للتدين وللدين الذي تعاني منه جماعات متعددة تجعلك تتخندق في التقسيم الفصامي الذي تتعامل به؛ كيف تسمى موقف صاحب العصابة؛ على أنه في حرب وما هي الحرب أو الجهاد أليس مبنياً على عقيدة؛ الدين لا تنفصل عقائده عن شرائعه عن معاملاته فكلها تندرج تحت هذا المفهوم الذي تشير إليه بأن الصلاة والنسك والمحيا والممات كلها لله رب العالمين؛ فكله دين. تبختر الصحابي ذو العصابة الحمراء التي تشبه العرضة عندنا التي قيل فيها أنها لا تصلح إلا في هذا الموضع هل هي من التدين أم لا؟""" هذا يا أستاذ تبختر في حرب.. وفي موضع معيّن.. وهذا أذن فيها الرسول وهو الموحى إليه.. وأنت بنفسك نقلت الدليل": ..لاتصلح إلا في هذا الموضع.." فهل تبيح للصوفية التبختر والرقص في المواضع المختلفة بحجّتك هذه؟! هل هذا يعني أنك تفصل بين الصلاة والصوم : صلوا والذكر: اذكروا وهنا الأمر كثيراً هذا الذكر الكثير عندما يفرضه بالكثرة والكثرة بلفظ المولى عندما يطلب الكثير من المولى عز وجل هل تحصره في ... وما الحكمة من تكثيره أهي لفائدة العبد أم يستفيد منها الرب والعياذ بالله فمن كان محتاجا من البشر هل كلهم سواء واحد يرى ذنوبه كثيرة ويرى أنه مهما أكثر من الاستغفار مثلاً يجد أنه لا يكفيه يا أستاذ أنت خريج كلية تربية ومحتمل أنك درست شيئاً من علم النفس التعليمي ما حاجات الإنسان والجهاد جاهدوا الحج الزكاة الدين المعاملة الدين النصيحة ما هذا الفهم الغريب هذا هو الفهم بين التدين المتقوقع في أشياء محددة تهتم بها الجماعة الربط بين المشية المتبخترة في أمر الخروج للمبارزة بأمر من الرسول تسمي هذا حرب والاستئناس بالذكر يوم الخميس تسميه خروج على العبادة مالكم كيف تحكمون؟ لا تقطعوا الدين أجزاء ولا أريد أن أكرر أن الدين والتدين ملخص في قل إن صلاتي ونسكي ومحياي ومماتي لله رب العالمين. أما كونك ترى في كل ما كتبته أنه مجرد إنشاء فهذا أيضاً فهم متعسر لما يشتمل عليه الحوار. والأدهى والأمر أنك لم تفهم قصدي حتى الآن؛ إن محاولة إثناء كل مسلم للآخر بمنطق لا يفهمه الآخر. يؤدي مع الفجور في الخصومة يؤدي إلى ما هو حادث من تفجيرات بالجملة في بلاد إسلامية عدة من أسبابها الأساسية هذا التراكم في كفّر هذا وارفض عمل هذا؛ فما يحدث في العراق من تقتيل وتفجير للأجساد بالجملة هو نتيجة إلى تجاوز أدب الخلاف والتماري في تخندق كل طائفة وكل فرقة في الوقت الذي كان ينبغي على الدعاة أن يسخروا جهودهم لمحاربة أعداء الدين. والسودان يكيد له الأعداء لتحجيمه وإضعافه والمقصود بالطبع الدين والدين الإسلامي بشكل محدد. هل هذا أهم أمر الدين الذي يتعرض للهجوم، والدعوة التي تعرضت لهزة بسبب السياسة إن الاهتمام بصغائر الأمور والفروع هو ما درجت عليه جماعات وخصوصاً بين من يسمون الصوفية ومن يسمون أنصار السنة والسلفية. وعلى الرغم من انتشار العلم ووسائله التي أصبح في توافرها صيحة؛ إلا أننا محلك سر تهملون ما يمكن أن يؤدي إلى الخروج النهائي من الدين، أو التوجه إلى الجحيم. وكيف تدعي أن ما تفعله ليس مناصرةً لمن لديهم أجندة؛ أيعني ذلك أنه ما إذا تعرض شيخ ما إلى هجوم يستهدف قتل الشخصية وتشويه صورتها؛ ألا يحق بك أن تناصره؛ حوار توجه فيه السهام من دون وجه حق ويتكالب مسلمون على اختلاف مشاربهم لشخص مسلم بل داعية إلى الفلاح وإلى تزكية النفس؛ وأنت تقف في صف واحد مع م ن لا يهدفون هدفك مما تراه نصيحة؛ وكيف توجه النصيحة هل في هذا الفضاء الواسع والسنة حين تتناول أخطاء المسلم تشير إشارة إلى أن بعضهم فعل كذا وكذا أو ما بال أقوام يفعلون كذا وكذا. وحين ندعوك إلى التثبت وفهم لماذا يفعل هو أو غيره ذلك؛ تتجاهل ذلك وكأن الأمر لا يعنيك وتناصر من يسخرون ومن يتهمون بالجهل يا أخي أنت جامعي وهو جامعي أنت داعية وهو داعية كما تقول لعضو المنبر يا زميل ويا أخ، و لك العتبى حتى ترضى وما هي الفائدة؟ وهل حصدتم بعض ذنوب؟ وما الذي يضير من هاجمتموه؟ هل سيتناقص أتباعه أم سيتزايدون؟ أين من قيل عنه كيّس فطن أي المؤمن؟ وتتجهون إلى ما يفرق بين الناس وتنمية الأحقاد والإحن من دون الاقتداء بسنة النبي الكريم صلّى الله عليه وسلّم وسيرته؛ اللهم اهدنا جميعاً إلى مافيه سواء السبيل الحمد لله أنك وافقتني على أن العبادة ليس فيها ابتداع ماذا تقصد بالعبادة هل هي الشعائر أم العقائد أم المعاملات الوسائل فيها كل شيء ابتداع وإبداع وتطور ولكن من ييفرّق بين الوسائل والأهداف ومن يفرق بين الفهم الشامل للدين والفهم المحصور من يفرق بين الأولويات وعظائم الأمور وصغائرها العقيدة شيء في القلب يمكن أن يلتقي اثنان عند قبر ويفعل أحدهم السنة والآخر يتجاوز بعض شيء وأنت تجعل الاثنين قبوريّين كما تسمونهم

عبدالفتاح أبوشيمة
أنصحك أن تتقي الله
نصيحة لي ولك
لا تعتقد أن هذا الذي تكتبه من شعر وتدافع فيه عن الخطأ لايكتبه الملَك :
(ما يلفظ من قولٍ إلا لديه رقيب عتيد)
تستدل بتبختر إبي دجانة على هذا الرقص والعبث؟ http://www.youtube.com/watch?v=FCtpgloWckA أقول لك هذه أذن فيها الرسول تقل لي:

Quote: وما هي الحرب أو الجهاد أليس مبنياً على عقيدة؛ الدين لا تنفصل عقائده عن شرائعه عن معاملاته فكلها تندرج تحت هذا المفهوم الذي تشير إليه بأن الصلاة والنسك والمحيا والممات كلها لله رب العالمين؛ فكله دين. تبختر الصحابي ذو العصابة الحمراء التي تشبه العرضة عندنا

هذا تلبيس وخلط..وهل الكلام عن العرضة !!!!هل الكلام عن قفز لاعب الكرة واحد يعمل تمارين الجمباز..؟!
نحن نتكلم عن مجموعة "حركات" وأعمال تعبدية بدعية-سمّاها العلماء سابقا ب(السماع) وانتقدوها..
قولك:

Quote: الدين لا تنفصل عقائده عن شرائعه

هذه حقيقة.ولكن هل ترى أن عقائده وعبادته يعمل فيها الإنسان "على كيفو" دون أدلة..؟ دون سنة كان عليها الرسول صلى الله عليه وسلم؟

Quote: وكيف توجه النصيحة هل في هذا الفضاء الواسع والسنة حين تتناول أخطاء المسلم تشير إشارة إلى أن بعضهم فعل كذا وكذا أو ما بال أقوام يفعلون كذا وكذا. وحين ندعوك إلى التثبت وفهم لماذا يفعل هو أو غيره ذلك؛ تتجاهل ذلك وكأن الأمر لا يعنيك وتناصر من يسخرون ومن يتهمون بالجهل

نعم أوجّه النصيحة في هذا الفضاء الواسع، كما نشر شيخ الأمين البدعة في "الفضائيات" الواسعة..
حرام علينا..وحلال عليكم؟

Quote: أن بعضهم فعل كذا وكذا أو ما بال أقوام يفعلون كذا وكذا

ياخوي لكل مقامٍ مقام.. ولقد خاطب رسول الله عليه الصلاة والسلام أباذر عندما وصف بلالا بأنه "ابن السوداء" فقال له:
"إنك امرؤ فيك جاهلية"
فمثلا إذا كتب شيخ الأمين مقالا في جريدة نكتب مثله ردا عليه..هل هذا عندكم لايجوز؟
سبحان الله

Quote: العقيدة شيء في القلب

وهذه ناقصة...فهي في القلب..ويصدقها اللسان..وتطبقها الجوارح
وهم أظهروا ما يخالف العقيدة ..وقالوا بذلك..ونشروا ذلك..وهاجموا من يخالفهم في ذلك..
وبعد هذا فإن من يعترض يُتّهم بإشانة السمعة!وحصد الذنوب! والمساهمة في زيادة الأتباع!!!..إلخ
يارجل والله أنا شخصيا من أبعد الناس عن التعرّض للأمور الخاصة
لكن من نشر البدعة..ننشر في وجهه السنة
ومن تكلم في التلفزيون نرد عليه في التلفزيون وفي غير التلفزيون
ومن تكلم في حلقة السوق..نرد عليه في حلقة السوق
ومن رقص في الموالد ونصب خيمته لينشر البدعة ننصب خيمتنا في تلك الموالد لنشر السنّة وبيان الحق
بعيدا عن أي تنطع
أو تكفير
أو تفجير(كما تحاول أن تلمّح وتطعن..ولعلمك نحن الذين اعتدوا علينا المتنطعون..وبشهادة الصادقين
أنا أبعد الناس عما تتهمنا به..)

Quote: ماذا تقصد بالعبادة هل هي الشعائر أم العقائد أم المعاملات الوسائل فيها كل شيء ابتداع وإبداع وتطور ولكن من ييفرّق بين الوسائل والأهداف

بالله يا عبدالفتاح أرجوك ألا تتكلم دون علم
هل العبادات تخترع لها وسائل وإبداع وتطور

والله "بدّعتم" ! في "البدعة" زاتا..حتى شارككم "المبدعون"-زعموا-! فتركوا "إبداعهم"! وشاركوكم البدعة!!!
فصرتم جميعا من "المبتدعين" وليس في الأصل- "إبداع"..والطيور على أشكالها..

نبدأ من حيث انتهيت

Quote: والله "بدّعتم" ! في "البدعة" زاتا..حتى شارككم "المبدعون"-زعموا-! فتركوا "إبداعهم"! وشاركوكم البدعة!!! فصرتم جميعا من "المبتدعين" وليس في الأصل- "إبداع"..والطيور على أشكالها..

سبحان الله

وسامحك وسامحنا الله

ولا إله إلا الله


هي ما واقعة أصلاً

ما قلت كان كدا كدا وكان كدا كدا

فمعناها شبهينا واتلاقين

والله صلاح دهب كشف نومتكم كلّكم الله يهدينا وإياكم

خليتهم قبلت علي؟


والله دي بقت حكاية:



بالله يا عبدالفتاح أرجوك ألا تتكلم دون علم




أولاً لسنا في موضع علم؛ نحن نتحاور في منتدى للحوار؛ أنتقد بعض المتحاورين في طريقة التناول في الحوار؛ يتركون لب الموضوع وكيفية تناول السنة في مثل هذا الأمر. حتى إن وجد خطأ لم يكن الرسول صلّى الله عليه وسلّم يتحدث عن أخطاء الناس هكذا ما بال أقوام ...
بل كان يغضب أشد الغضب حين يذهب الصحابي في ظنه وتشككه فيما في قلب الإنسان.
فمن الذي يكتب هنا من دون علم؛ هل هؤلاء أحسن من الصحابة ياعزيزي العلم في الحوار هو الفهم وتطبيق الفهم.


أولاً نحن هنا في هذا البوست لسنا في مجال بحث وعلم هنا سؤال مطروح من هو؟
علينا أن نجيب عن هذا السؤال بما نعرفه؛ وإلا فالصمت أولى؛ ولم يجبرنا أحد أن ندخل ونكتب ما يعد تجاوزاً ويؤدي إلى مزيد من الخلاف الذي هو موجود أصلاً ولا نتحلى بآداب الخلاف والاختلاف فيه. ياعزيزي حتى الفقه كله ممتلئ آراء مخالفة لبعضها ولكن باحترام وتوقير لكل عالم للآخر؛ وأنا هنا لا أدعي علماً وإنما أطالب بالتخلق بخلق التخاطب مع بعضنا، وحين أحذر وأنصح فسعيي لمصلحتك ومصلحتي ومصلحة كل الإخوة والأخوات المشاركين؛ لا ننجرف وننساق إلى التعصب للرأي ونحن لا ندري إلى أين يذهب بنا الظن والقول الذي يكون أحياناً فاحشاً وبذيئاً من بعضهم.
أكرر لست منتمياً فهذه الطريقة ولا تلك؛ فقط أطالب بالاجتهاد وإعمال العقل فيما ليس فيه نص؛ وما ليس أصلاً من الأصول، وهنا الاجتهاد في هذا البوست أن تسأل صاحب الشأن أو أي ممن يليه، أنت تقول أن ما تفعله ذكر فكيف ذلك؟

وليس مطلوباً منا أن نأتي بكل مراجع العلم كي نتحدث عن سيرة ذاتية تعريفية عن الرجل.
أنت وكثيرين منهم تحولوا إلى الدخول في قلوب هؤلاء المسلمين وعرفتم أنهم كذا وكذا
دخلتم فيما يعتقدونه من خلال مظاهر أنتم ترونها مخالفة للدين وهم لا يرون رأيكم فما الحل
إذن أنت ومن معك هم المطالبون بالبحث في العلم وأول خطوة؛ كيف هو يسمي ما يفعله ذكراً وأنت تسميه رقصاً كيف تلتقون وأنت لم تحاول أن تتعلّم كيف هم يعدّون ما يفعلونه ذكراً وأنت تعدّ ذلك رقصاً.
يا أخي العزيز هدانا الله جميعاً إذا كنت لم تفهم حتى الآن ما أرمي إليه في مداخلاتي فكيف أعتمد ما تقوله أنه منطلق من علم. هل غير هؤلاء القوم شعيرة الصلاة إلى شيء آخر؟
فتتهمهم بأنهم بدلوا سنة نبيّنا في شعيرة الصلاة، أركان الدين الخمسة هل أحدثوا فيها ما تسميه أنت بدعة؛ قلت لك هذه حياة حياة حياة يمكن أن يسخرها الإنسان كلها إلى عبادة
كونه يخصص وقتاً لما يسميه ذكراً قس بفهم موضوع المرأة وتوجيه الرسول صلّى الله عليه وسلّم، أوضح لها الأفضل ولم يقل لها أنك استبدعت في الدين.
للأسف أنك تتكلم عن العلم ولا تحاول أن تفهم ما أقوله؛ أنت تأخذ من كلامي ما تريد أن تفهمه وتترك ما لا تريد


هل العبادات تخترع لها وسائل وإبداع وتطور

حقو السؤال يكون هي العبادة ذاتا شنو؟:
الدعاء مخ العبادة
إن دعا الإنسان بالرطانة عديل حتقول ليه لا ما تدعو بالرطانة حيقول ليك إنت مالك أنا قاعد أدعوك ما بدعو الله؛ وإذا قلت صيغة دعاء ما قالها الرسول صلى الله عليه وسلم حتقول لي بدعة: هي البدعة ذاتا دايرة تعريف؛ ممكن تعرفنا بالله ياشيخ؟
قل إن صلاتي ونسكي ومحياي ومماتي لله رب العالمين
أن تعلم جيداً أنك تخلط بين شعيرة أوضح النبي صلّى الله عليه وسلّم كل تفاصيلها وبين الذكر يا أخي شخص يريد أن يقول مثلاً الله أكبر قل لي بربك ما الاختلاف ما إذا كان هذا الشخص يهتف بها في مظاهرة أو يقول في سره إذا كان الاثنان في تلك اللحظة يتيقّنان من أنهما يحسّان بأن الله مثلاً أكبر من كل شيء، أقصد أن يتذّكر هو المولى عز وجل ويعظم شأنه، هنا الماعون ما مهم المهم إنه تذكّر ووقّر وتواجد بذلك أيضاً. هل تستطيع أن تجزم بأن من قال في المظاهرة الله أكبر وهو يقفز وتمتد يده إلى عنان السماء لا يذكر الله في تلك اللحظة؟
اثنان يجلسان قرب بعض في مسجد ويتلوان القرآن أحدهما جسده كله ساكن ولاخر يهز رأسه أو يتمايل إلى الأمام والخلف هل تستطيع أن تجزم بأن المتحرك لا يذكر والآخر يذكر
وهنا لا أتحدث عن الواقف في الصلاة ويحرك الجوارح لأن الصلاة لها سمات وصفات معينة
يا ربي زولي دا حيكون فهمني وللا مصر يصنفنا؛ ويشكك في التقوى.
ياخوي أنا ما عالم زيك عشان كدا بقول ليك يا شيخ؛ لكني رأيت الشمس قبلك وزي ما إنت مترجم ومحرر أنا مترجم ومحرر وزي ما كنت مدرس برضي كنت مدرس لكن علم اللي إنت قاصده دا ذاك شرف لا أدعيه؛ بس كمان اتمنى إنك تحاول تفهم قصدي شنو من كل الإنشا دي.
وبعدين اختلاف تاني إنت بتسمي دا شعر وأنا ما بسميه شعر بل اسميه جلمنتوش
بتعرف الجلمنتوش أها دا ابتكار مني والكلام اللي بيحضرني بقوله يمكن يطلع نثر أو يكون شبه شعر لكن ما اسمه شعر؛ لأنه الشعر عنده مواصفات معينة.
وبعدين هل جاهلية اللي قالا الرسول صلى الله عليه وسلم؛ اللي قالوها الناس ديل؟
راجل جاهل قالوا وشتان ما بين هذا وذاك؛ فيك جاهلية تصف الحالة وليست إساءة أو اتهام بالجهل؛ والجاهلية غير الجهل؛ أها دفقنا هنا جردل حبر كامل لأنك بقيت تتحامل ولسع ما كملنا كلامنا؛ ماعجبك الشعر أها قلبناهو ليك نثر لكن برضو يمكن يجي وراه شعر كان الله هوّن وعشنا للوقت داك. أها كدي امشي شوف الخُلُقْ اللي اتحدث عنه مولانا دهب وقارن بينه وبين الدَّقة اللي أخدها يمكن تفهمني. الله كريم .
وما قلت ليك إرهابي قلت الخلاف بولّد الإحن والأحقاد التي تؤدي إلى الإرهاب كمان في ناس عديل منكم بيعملوا غسيل مخ لصبيان وشباب عشان يسووا إرهاب ويقولوا بي تكفير. وفي أي حلقة تدوّر المسألة كان إنتو وللا هم.






ونواصل إن مدّ الله في الأجال

ونصول مع من صال وجال
ونعتوا الناس بالجهال

دا طبعاً ما إنت ما تهب فيني تاني

في ناس قالوا جاهل وجهال

شيخ عمودي كيف الحال

هل يجوز إعطاء السلام في الآخر

أم أنه من عمل أولي التقوى فقط


التقوى في القلوب يا زول

والله يصلح الحال

Quote: أولاً نحن هنا في هذا البوست لسنا في مجال بحث وعلم هنا سؤال مطروح من هو؟ علينا أن نجيب عن هذا السؤال بما نعرفه؛ وإلا فالصمت أولى؛ ولم يجبرنا أحد أن ندخل ونكتب ما يعد تجاوزاً ويؤدي إلى مزيد من الخلاف الذي هو موجود أصلاً ولا نتحلى بآداب الخلاف والاختلاف فيه. ياعزيزي حتى الفقه كله ممتلئ آراء مخالفة لبعضها ولكن باحترام وتوقير لكل عالم للآخر؛ وأنا هنا لا أدعي علماً وإنما أطالب بالتخلق بخلق التخاطب مع بعضنا، وحين أحذر وأنصح فسعيي لمصلحتك ومصلحتي ومصلحة كل الإخوة والأخوات المشاركين؛ لا ننجرف وننساق إلى التعصب للرأي ونحن لا ندري إلى أين يذهب بنا الظن والقول الذي يكون أحياناً فاحشاً وبذيئاً من بعضهم. أكرر لست منتمياً فهذه الطريقة ولا تلك؛ فقط أطالب بالاجتهاد وإعمال العقل فيما ليس فيه نص؛ وما ليس أصلاً من الأصول، وهنا الاجتهاد في هذا البوست أن تسأل صاحب الشأن أو أي ممن يليه، أنت تقول أن ما تفعله ذكر فكيف ذلك؟

عبدالفتاح أبوشيمة
السلام عليكم
أرى أنني حاورتك بما أرى أنه فيه الكفاية مما يتعلق بالذّكر
وأن الذكر عبادة توقيفية لايجوز لأحد أن يخترع فيها
ويجتهد.. إلا أنه يصرّ على تكرار كلام ليس عليه دليل:

Quote: أكرر لست منتمياً فهذه الطريقة ولا تلك؛ فقط أطالب بالاجتهاد وإعمال العقل فيما ليس فيه نص؛ وما ليس أصلاً من الأصول

يا عبدالفتاح..الله يهدينا ويهديك ..الاجتهاد فيما ليس فيه نص لايدخل في موضوع الذّكر..الذكر هذا عبادة توقييييييييييييييييييييفية ..توقيقية يعني لايجوزلأحد من البشر-غير رسول الله صلى الله عليه وسلم- أن يشرّع فيها..ولذلك كان الصحابة لايجاملوا في هذه النقطة إطلاقا..أنكر عبدالله بن مسعود على بعض من تجمّع في مسجد لإقامة ذكر بطريقة مخالفة لطريقة الرسول في الذّكر-صلى الله عليه وسلم..
يقل لي "الإجتهاد وإعمال العقل" ...في الذّكر يا استاذ عبدالفتاح؟! سبحانك ربي..
إذن انتظروا إن لم يأتكم الذكر بفرقة الجاز عديل..
على كل حال لن أستمر في الجدال معك.. لان هذا قد يؤدي إلى المراءً..لكن أذكّر نفسي وإياك أخي الكريم بتفوى الله وألا يتكلم الإنسان في مسائل الشرع عامة والأذكار خاصة-بالعقل والهوى-
لك خالص شكري

الشيخ عماد
سلام الله عليكم وشابيب رحمته وفيوض بركاته

نواصل إن شاء الله:



الإجتهاد وإعمال العق في الذّكر يا استاذ عبدالفتاح

إنت نسيت إنه الاجتهاد فيه إعمال عقل وهو الفقه ذاته شنو؟
يعني عايزنا نقول آمين لي كل اللي تقوله من دون أن نفقه شيء
نحن بنفكر بي عقلنا والقرآن كتير ما يوجّه(أَلاَ)
للأسف لأنك ما أعملت عقلك في كلامي دا كله ما عرفتني قاصد شنو ذاته
وللا يمكن عارف ومتجاهل
أنا ما جايب حاجة من عندي ياخي
افهم عن الله وعن رسول الله
الجانب العملي اللي انتقدتك وغيرك فيه
هو الدين المعاملة والدين النصيحة
ولأني حنّستك عشان تخليني في حالي
إنت إذا وقفت أنا ما حأقيف إلى أن أصل إلى هدفي
الذي بدأته؛
ومشيك دا بكون أداني فرصة أكثر أفكر بعقلي في الطريقة اللي تخليكم إنت وهم ترجعوا إلى طريق الدين الصحيح الدين المعاملة؛
مش الضجيج
اللي ما سايبله فَرَقة ولا فجيج
ومسوي الضيق في كل فريج
عامل كتاحة وكل عجيج
وتبشرّنا كمان بهجيج!

إذن انتظروا إذا لم تسمعوا بالذكر بفرقة الجاز عديل

ليه عندك زول عارفه حيكوّن ليه فرقة دا ياتو شيخ كمان! نسأل الله السلام والسلامة
عيل خير قول الله ولا قولك
في الفرق الغنائية والمديح حسي في لكن تقول لي شيخ حيذكر الله بالجاز
الجاز دا إلاّ يولّعوا بيه الرتاين والتقّابة
ولي نارم الفي التكية الما بتتعابا
بالمناسبة إنتو عندكم تُقَّابة
ما في؟
أريتو حال التابة
مع ذلك كل أموركم في ارتيابا
شكّيتوا فينا وما فضل إلا تشكّوا في نفس التابة
كنت قلت ليك أمش لي بوست مولاّنا عصام دهب
عشان تشوف الفرق بين الشيخ والفقرا والحوار الغلابا
شوف شوف كيف الشيخ عالج موضوعه بي حكمة وطيابة
لاما الزول اتنازل عن عتابا وعقابا
لكن الحوار كان منكم أو كان منهم أريتو حالهم حال التابة
مستعدين للشكل بي كل رزم ورتابة
هو لكن يا شيخ شن ودّا ناسك ديل لي زول مسافر راجي القطر وما كان قاعد لي عيابة
كانوا مضيّفينّه أصحابا
وقاعد في أمان الله اتوجهن ليه رُقابا
وقتها الشيخ ولا جايب خبر للرقابة
تقول ناس أمن ديل الناس التعابا
مافيش في نفوسهم لا احترام لا مهابة
لي شيخاً وقور
ما مسوي حلقةً غلاّبا
يدوروها تبق زي لمبةً لبلابة

أيمن قول واحد

إن شاالله بوستيك

ما يجيه غير

غير زولاً بدي السؤال حقه

قول آمين

وبرضو كلامي لسّّّّّّّّّّّّّّّّّّّّّّّّّّا ما خلص

بعد ما شيخنا عماد قرر يمشي

يادوب بي رواقة نشوف باقي موضوعنا

وبعدين موضوع الرابط بتاع عصام دهب

اقرا التعليق دا كويس وكمان البوست

التعليق دا أنا ما كاتبه لي شيخ عماد

كاتبه ليك إنت

أيمن الحبيب

هاك دا موجه لي مولاّنا عصام وليك

أما عصام حأودّي ليه الكلام دا هناك في بوستيه

إنت مكاشفي شرد ماله هو كمان؟ ما يجي يشوف

سلوك أستاذ أستاذه





بوست عصام دهب
بدت قصة ضربة ضرابة
وقامت ديك الكترابة
ذاتك غلطان يا مولانا
القال منو تطبق السروال تتغابا
طين شنو البخليك تلوي رقابا
يشوفوك ديل كأنك مسوي حجابا
وكمان ديلك علامة مميزة عايزة إصابة
والكترابة حلت يا با
البي عكاز والبي مضرابا
كرتب كركب والكترابا
كان أخير توسيخ الطين وعيابة
بدل ما يجوك ناس المظهر بي تقابة
ونار لهلابة
ويجيك العجين بي نفرته الكضابة
الكل مهتمين بي مظهرم ما بي نجابة
وبدل ما تكون أنا وابن عمي قامت علي الكترابة
ووقعوا فيها ناس ما عندهم ذنب وصاروا كمان من الغرابة(أقصد الغريب)وليست الجهوية.
ما كل من طرطر بي فن يكون هو الغلاّبا
--
يخوانا الزول ما فقد المنطق
وشال لي سيفه صار متمنطق
يا هُوَّ أو لي غيرو يعلّق
إما بس هو أو إما يطلّق
ياخي طلّق طلق
خلّنا لي رجلينا نطلّق
بدل ما يحبسنا كيبورد معلّق
...
شال كرعينه وفر محلق
في أجواء طيرا ذاته متشفّق
الطير ما بعاين ويدقق
نظره شان يصطاد من دون ما يعرّق
بنشّن مظبوط مش ساي بيحلّق
--
صدق الحقُّ صدق الحقُّ
يا ما في ناس بهناك بندقّوا
كضّب كضِّب ما كله بحقو
بثبت ليك وتبقى في رقّو
ويظمّرو ليك بي طبله ورقُّو
زي داك البكون مايل شِقُّو

يا خي حقق وحقق
كمان اسأل وطبق
مش نحملها وفي أساها نروّق

ولك التحية والود

يا صاحب صاحبي يا أيها الأخ العزيز







طبعا يا أيمن جزء من المكتوب دا

لا ليك ولا لي شيخ عماد ولا عصام

دا لي ناس تانيين

كيف لايكون الامين ود البنا مدعيا وكذابا إذا كان أستاذه الذي اخذ منه الطريق (عبدالله ود العجوز) في نفسه مدعيا وكذابا ومحكوما من شيخ الصائم، فقد كان هنالك رجلا أخذ الطريق من شيخ الصائم ولكنه لم يتبع كلام شيخ الصائم ولم يسمع كلامه ودخل في أعمال أدت به إلى السجن فغضب الرجل وذهب واخذ الطريق من عبدالله ود العجوز الذي لم تكن لديه البصيرة ليعرف أن هذا الرجل قد اخذ الطريق أصلا من شيخ الصائم ولم يسأله بالشريعة إن كان قد اخذ الطريق من شيخ آخر قبله ، فحُكم عندها عبدالله ود العجوز وهنالك شهود على ذلك ، والآن ود العجوز يتبول على نفسه ولا يقابل الناس واسألوا الأمين نفسه من هذا الكلام .. وإذا لم يكن لعبدالله ودالعجوز بصيرة ولم ينفع نفسه فهل ينفع غيره ويعطى الطريق ويربى ويرشد؟ وإذا كان الأستاذ كذلك فكيف يكون التلميذ؟ وفى الآخر سيفلس ودالعجوز كما أفلس من أشياء أخرى لان أمواله أصلها حرام.
ومن أين أتى الصلاح للامين حتى يصبح شيخا أأتاه هبة وهو صغير؟ أم أتاه كسبا بالتعب والمشقة مثل سيدنا النبي عليه الصلاة والسلام ؟ وهل هو سائر على درب المصطفى عليه الصلاة والسلام أصلا حتى يصل لله ويكون شيخا؟ (ماجاءكم الرسول خذوه ..) فابسط مايؤخذ عليه بذخه الشديد (إن المبذرين كانوا إخوان الشياطين ).. ولو كان التمسك بالدنيا وزينتها يوصل لله لكان سيدنا النبي عليه الصلاة والسلام أمر مصعب بن عمير صاحب العز والجاه بعدم لبس جلد الخروف عندما لبسه زهدا في الدنيا ، ولِما كان سيدنا عمر بن الخطاب رضي الله عنه يلبس جلباب به سبعة وعشرون رقعة ولما أمر الصحابه بأخذ الفاتحة من أويس القرنى وهو من أكثر الناس زهدا وتقشفا فأين هو من هؤلاء ؟ بل وذهب به الادعاء ليقول إن سيدنا النبي عليه الصلاة والسلام كان جميل الزى ويده ناعمة.. فهل رأيت سيدنا النبي عليه الصلاة والسلام أصلا أنت أو شيخك حتى تلمس يده وتعرف أنها ناعمة ؟ فكيف تكون يد سيدنا النبي عليه الصلاة والسلام ناعمة وهو من كان يقول (اخشوشنوا فان النعمة لاتدوم) وليس هنالك من عمل واجتهد وتعب أكثر منه عليه الصلاة والسلام ..
فكيف يكون الامين شيخا في الطريق والطريق طريق زهد وتقشف وشرب حنظل ومر وليس بيبسى .. ولمْ (الجكس) وبالذات الساقطات منهن حتى يقوِم سلوكهن المنحرف كما قال فينهجن الطريق القويم والطريق طريق سُترة (طريق القوم ستار للفضايح ) أليس في هذا إساءة لمتبعاته في الطريق ؟ أليست إشانة سمعة بأن أصبحت كل واحدة منهن متهمة باحتمال أن تكون منحرفة السلوك ؟ فأي شيخ هذا ؟
وفى الآخر إن كنت قد كذبت في الامين او شيخه ف (إن الله يدافع عن الذين آمنوا) (ومن آذى لي وليا آذنته بالحرب ) (والله وكيل الشاهدين)..

صديق أو صديقة؛ خسارة فيك الاسم

كذبت و فشرت و زدت في الفجور.

الولي أبونا الشيخ عبدالله ود العجوز قبل مدة بسيطة كنت معه في عزاء في كرري و هو في كامل صحته و عافيته حفظه الله و رعاه و دة أكبر دليل على كذبك و فجورك. أبونا الشيخ عبدالله ود العجوز و سيدي الشيخ الأمين اتباعهم بالملايين إنت أو انتي شكلك رايحة ليك حاجة او خشيت هنا بي الصدفة. بغض النظر عن كلامك الحقير الولي أبونا الشيخ عبدالله و تلميذه العارف بالله سيدي الشيخ الأمين دخلوا ناس الاسلام و ربوا اليتامى و أسأل الناس البدرسوا فيهم. أنت أو انتي عملتي شنو غير ألسب و الشتائم لكن فعلاً السفيه نبذ الباشا. أفضل خلق الله الرسول صلي الله عليه و سلم في سفها زيك كدة نبذوه.

لجهلك و لسفاهتك فذهب أو اذهبي و تحققي من القصة الحقيقية الحصلت مع الشيخ دفع الله الصايم ديمة رحمة الله من الذين كانوا حاضرين يوم أن قام بزيارتهم العارف بالله أبونا الشيخ عبدالله لانني لن أقوم بسردها هنا لانها كرامة من كرامات أبونا الشيخ. أما عن الحديث الذي ذكره سيدي الشيخ الأمين عن يد المصطفي عليه أفضل السلام: كان صلى الله عليه وسلم رحب الراحة (أي واسع الكف) كفه ممتلئة لحماً، غير أنها مع غاية ضخامتها كانت لينة أي ناعمة. قال أنس رضي الله عنه: (ما مسست ديباجة ولا حريرة ألين من كف رسول الله صلى الله عليه وسلم). وأما ما ورد في روايات أخرى عن خشونة كفيه وغلاظتها، فهو محمول على ما إذا عمل في الجهاد أو مهنة أهله، فإن كفه الشريفة تصير خشنة للعارض المذكور (أي العمل) وإذا ترك رجعت إلى النعومة. وعن جابر بن سمرة رضي الله عنه قال: (صليت مع رسول الله صلى الله عليه وسلم صلاة الأولى، ثم خرج إلى أهله وخرجت معه فاستقبله ولدان فجعل يمسح خدي أحدهم واحداً واحداً. قال: وأما أنا فمسح خدي. قال: فوجدت ليده برداً أو ريحاً كأنما أخرجها من جونة عطار). أخرجه مسلم.

بعد دة يا سفيه أحسن تمشي تتعلم و تعال عشان اوريك باقي الحاجات...الجهل مصيبة و الجاهل عدو نفسو.