تواصل خريجي مدرسة الخرطوم القديمة الثانوية بنين وبنات

سلام يا شباب
على الرغم من أن الأكثرية هنا في هذا المنبر من خريجي
مدرسة الخرطوم القديمة الثانوية العليا بنين وبنات
إلا أنه لا يوجد بوست للتواصل، يعني مدرسة ما عندها
وجيع؟!

أها قلنا فتح نافذة للتواصل وطعمناها بمدرسة القديمة
بنات

تخرجت منها دفعة 91 - 92
الفصل الأول خالد
الفصل الثاني خالد
الفصل الثالث بكر

ومن دفعتي في هذا المنبر
أحمد الشريف وأباذر على خليفة

كان مدير المدرسة لحظة تخرجنا هو الأستاذ مصطفى عابدين
ووكيل المدرسة هو الأستاذ عوض الجيد إبراهيم
وكان أبو فصلنا ثالثة بكر هو الأستاذ بدر الدين بتاع الفيزياء
ومن أساتذتنا الذين أكن لهم كل التقدير والاحترام
الأستاذ النابغة أستاذ الطيب أستاذ الرياضيات الإضافية
الأستاذ التيجاني - أستاذ الرياضيات الأولية
وأستاذ كمال شرفي - للغة الإنكليزية
والأستاذ مهدي - كيمياء
والأستاذ الحاج محمود - كيمياء
والأستاذ أسامة جلال - الأحياء
والأستاذ خالد أبو شنب - الأحياء
والأستاذ محمد أحمد - الفنون
والأستاذ الحنان - اللغة الفرنسية
ومن الأستاذة الفطاحلة الأستاذ محمد عطية، أستاذ الرياضيات بمدرسة
القديمة بنات
والأستاذ الفاضلابي - اللغة العربية
والأستاذ النابغة أمين نوري من مدرسة الخرطوم الجديدة، أستاذ اللغة العربية
وكان يشارك في التدريس بمدرسة الخرطوم القديمة، وحتى الآن أذكر
بيت شعره المفضل:
شعثٌ مفارقنا تغلي مراجلنا
نأسوا بأموالنا آثار أيدينا

من المواقف الطريفة فيها والعالقة بالذاكرة
هتافات الأدبيين في كرة القدم وهو:
لا ستاتيكا ولا ديناميكا
يا تأريخ بالدم نفديكا
لوول

كان عدد الفصول بها أربعة وعشرون فصلاً
ثمان فصول لكل صف وهي:
1) بكر
2) عمر
3) عثمان
4) علي
5) خالد
6) أبوعبيدة
7) عباس
8) مسلم
في السنة الثالثة فصل بكر للرياضيات الإضافية
وفصول عمر و عثمان وعلي للعلمي أحياء
وبقية الفصول أدبية

يالنذير بالله بعدين أعمل لينا بوست لخريجى مدرسة البيلى ...

Quote: يالنذير بالله بعدين أعمل لينا بوست لخريجى مدرسة البيلى ...

لوووووووووووووووووول @ مزمل

ح نكون أنا وإنتا بس
تعرف يا مزمل أكتر زول واصل معاي من دفعتنا
وما إتفارقنا ودائماً في فصل واحد
محمد أحمد عبد القادر الإعيسر
الزول دا معاي 12 في فصل واحد
وإتفارقنا في القديمة، قلتا ليهو
ياخي عملت لي وجع وش لووول
حالياً على ما أعتقد في لندن

تحياتي لك وللإعيسر

فعلاً دكتور محمد مقيم فى لندن وأعتقد أنو أخد الجنسية كمان .!
ياريت واحد من الأعضاء أو القراء يجيب لينا خبرو ا ..

تحياتى ...

ظاهر انكم قريتوا في عهد الانقاد
من اسماء فصولكم دي

سلام يا حجازى برلوم,,
أولى وتانية عمر وتالتة أبوعبيدة..ويا تاريخ بالدم نفديكا
نفس التفاصيل والملامح والشبه وأضف إليها فصل (أولاد بحرى)..

حصل قبلا أن فتح بوست للتواصل بواسطة جنابو محمد عبدالمنعم
التلب ولكن لم يجد حظه من الإهتمام,,

سأعود يا حبيب..

تحياتى,,

Quote: فعلاً دكتور محمد مقيم فى لندن وأعتقد أنو أخد الجنسية كمان .! ياريت واحد من الأعضاء أو القراء يجيب لينا خبرو ا .. تحياتى ...

والله يا مزمل إنتا راجل عمدة عديل كدا
وعارف أخبار الناس دي كلها، عليك الله
أفتح لينا موقع لمدرستنا الإبتدائية
ونفتش الناس، وممكن الناس تتلاقي ونعمل
قعدة، ونشوف الزمن دا غيرنا قدر شنو
وإن شاء الله أول ما أجيء السودان يامزمل
ح أزورك فيس تو فيس

تحياتي ليك يا ملك

Quote: ظاهر انكم قريتوا في عهد الانقاد من اسماء فصولكم دي

هلا وغلا بماما دومة والله منورة البوست
وإنتي من خريجي مدرسة الخرطوم القديمة بنات
القدامي، ومن بنات الخرطوم القديمة من البوردابيات
سمارت وسمرية، واللي جابك يجيب عقابك

بالمناسبة يا ماما دوما الفصول دي من قبل الإنقاذ
وحتى عمر البشير إتخرج من الخرطوم القديمة
ولو ما أخاف الكضب فصلو كان اسمو أبو عبيدة

تحياتي ليك يا ملكة، وأحكي لينا عن الخرطوم القديمة
زمان

سلام يا خالتى دوما

Quote: ,,ظاهر انكم قريتوا في عهد الانقاد من اسماء فصولكم دي

إنتو أسامى فصلولكم كانت شنو فى
عهد أبوالزهور!!!

Quote: سلام يا خالتى دوما Quote: ,,ظاهر انكم قريتوا في عهد الانقاد من اسماء فصولكم دي إنتو أسامى فصلولكم كانت شنو فى عهد أبوالزهور!!!

لوووووووووووووووووووووول @ أيمن
والله كتلتني بالضحك الله يجازي محنك
بي مناسبة أبو الزهور دي قالوا:
كان في واحد جنو سكر وهاجر أمريكا
وطول شديد في الغربة، أها لمن رجع
السودان في عهد نميري لمن قفل البارات
مشى يسكر لقى البارات كلها مقفلة
قال ليهم يا جماعة الحاصل شنو؟!
قالوا ليهو: الرئيس قفل البارات وحرم الخمرة
قال ليهم: يا جماعة الأزهري دا جنى وللأ شنو؟!
لوووووووووووول
وبقى مثل للزول البهاجر طويل في الغربة
بسموهو الأزهري دا جنا ولأ شنو

قبل كدا ضربت تلفون لي واحد من وكالات السفر
السودانية في أمريكا، علشان أسافر السودان
قام قال لي عايز ياتو خطوط، قلتا ليهو
الـ"تي دبليو آيه"
قال لي: لااااااااااااا حولاااااااااااا
الأزهري دا جنا وللأ شنو؟! يا زول إنت من متين
ما رجعت السودان، الـ "تي دبليو آيه" دي
زمااااااااااان وقفت لووووووووووووول
ودي كانت الخطوط اللي سافرت بيها لأمريكا

تحياتي ليك يا ملك

Quote: سلام يا حجازى برلوم,, أولى وتانية عمر وتالتة أبوعبيدة..ويا تاريخ بالدم نفديكا نفس التفاصيل والملامح والشبه وأضف إليها فصل (أولاد بحرى).. حصل قبلا أن فتح بوست للتواصل بواسطة جنابو محمد عبدالمنعم التلب ولكن لم يجد حظه من الإهتمام,, سأعود يا حبيب.. تحياتى,,

العزيز أيمن الطيب
تحياتي ليك يا ملك
بس ما وريتنا دفعة سنة كام؟!
ومن دفعتك البورداب منو؟!
بس أوع تطلع من جماعة الأزهري دا جنا وللأ شنو؟!
لوول

وبالمناسبة بوست جنابو محمد عبد المنعم ما شفتو
بكون كنتا غاطس في غطساتي الطويلة دي

تحياتي ليك يا ملك

لكم السلام



تخرجت من الخرطوم الثانوية القديمة

العام 1971

كان الناظر الاستاذ غزالي السراج ...


من ايام " حصة الكديت " فى المدارس لو فيكم البيعرفها غير زميلى ودفعتى

العميد معاش يوسف محمد يوسف !!!!


لى عودة إن شاء اللة

Quote: لكم السلام تخرجت من الخرطوم الثانوية القديمة العام 1971 كان الناظر الاستاذ غزالي السراج ... من ايام " حصة الكديت " فى المدارس لو فيكم البيعرفها غير زميلى ودفعتى العميد معاش يوسف محمد يوسف !!!! لى عودة إن شاء الله

عزيزنا الدكتور عارف عفان
شكراً جزيلاً ومنور البوست، وأهو طلعت
أقدم من ماما دوما، لأنو ماما دومة في بوست
مجاور قالت إتخرجت من مدرسة القديمة بنات سنة 74
ويا ريت يا د. عارف تورينا من دفعاتكم الزمان
من الوزراء والرؤساء الذين حكموا السودان منو؟
المعلومة اللي أنا عارفها إنو عمر البشير تخرج
من مدرسة الخرطوم القديمة لكن سنة كام ما عارفو
وبالمناسبة هل كانت تسمية الفصول نفسها كما أوردتها
أعلاه؟ وللأ متغيرة ؟! وكان كم عدد الفصول؟

تحياتي ليك يا ملك

Quote: وحتى عمر البشير إتخرج من الخرطوم القديمة

وكذلك على عثمان محمد طه, وقد حفظوا لها الجميل بهدمها وتحويلهاالى شارع زلط .

يا سلام مدرستنا الجميلة ,,

عمر عبدالله عبدالرحمن
دفعة 1983م

من دفعتنا في المنبر
عوض هارون ,, الفنان ابراهيم عبدالحليم(كنب واحدة) واظن الاخ ابوهريرة


((( الغريبة قبل ايام كنت بفكر في استاذ الفنون الجميلة الاستاذ عمر الحميدى , الممثل والرسام والقاص ,,, الخ ولماذا لم يهتم به اهل المسرح))

كتر بالنابر الناس دي كتيرة بلحيل ,,

سلامات

دفعة 85-86

الفصول على وعثمان

الابناء الاعزاء

لكم التحية والسلام

يااخى احنا اقدم من دوما وابو دوما كمان .. بس ما بنصل زمن عمر البشير ..

مع مراعاة انو الجماعة بتاعين الاقاليم ديل بيدخلوا المدرسة كبار ...


جماعة مواليد واحد يناير وكدة !!!

للاجابة على اسئلتكم عن فترة " إخناتون الثاني " بتاعتنا ديك


الذاكرة تعبت كحال البلد " من كترة هموم الهجرة والاغتراب "

لذا ادعو العميد يوسف ، يمكن نقدر نتذكر مع بعضنا

تفاصيل ناس على عثمان وغازي صلاح الدين والشفيع خضر وغيرهم

ومن الاساتذة الاجلاء بوستى ، حسن عابدين ، الشايقى ، مولانا جعفر .. الخ


العميد يوسف ذاكرة عسكرية ومؤكد سيكون اكثر فائدة منى ..

حتى نلتقى لكم التحية ....

ياسلام الاخ النذير
وسلام كتير لك القديماب
بنين وبنات
رغم ان فترة الدراسة بالثانوى العالى 3 سنوات الا انها من اكثر سنين العمر ذكريات وساعود لها لاحقا
ولقد سبقنى فى فتح بوست الاخ احمد موسى
وتليته باخر
لكن من الجميل ان تستمر العلاقه بين خريجى هذه القلعة العريقة التى خرجت اجيال ممن خطوا وسطروا الحياة السودانية فى مختلف المجالات
لقد درست بالقديمة 79 - 82
ولكن يهمنى جدا ان انقل لكثيرين ممن درسوا بالقديمه
خبر وفاة عمنا ومربينا الفاضل الصول (بابكر رزق الله) صول التدريب العسكرى (الكديت ) من حوالى الشهرين
ربنا ارحمه رحمة واسعة واسكنه مع الصديقين والشهداء
لقد كان المرحوم نعم المربى الغيور على مهنته وعلى ابنائه الطلبه
ولقد كان سجلا للترابط بين ابناء مدرسة الخرطوم القديمة
السابقين واللاحقين فى مجال التدريب العسكرى ولى عودة لابنائه خريجى الكديت
ولى عودة لدفعتى فى الدراسة فى ذلك الزمان الجميل وذكرياته الثرة
الناظر حسن عبيد الشايقى
والاستاذه الاجلاء
مصطفى بوستك الكيمياء
جرجس محارب
عبد المنعم تنقو شعبة العلوم
الرياضيات
اسكتش
العربى
كدوده
النورانى الحاج الفاضلابى
الانجليزى الاستاذ عزالدين
الفنون عمر الحميدى
الموسيقى الصول عود الصندل
واسف جدا لمن لم تسعفنى ذاكرتى بتذكرهم فى هذه اللحظات وارجو ان يذكرهم غيرى
ولنا عودة ان امد الله فى الاجال

" البرلومات .. يصعدوا الى الرصيف .. و يخلونا نتفسح شوية فى دروب الذكريات !! "

ولدنا النذير

تحياتى

ما ان يذكر اسم مدرسة الخرطوم الثانوية القديمة و الا تجتر الذاكرة احلى سنوات العمر !!

اربعة سنوات هى زاد العمر ... الذى ما زلنا ننهل منه حتى الآن !

اربعة سنوات صقلت فيها شخصياتنا .. التى نعتد بها حتى الان و الى الممات !

اربعة سنوات كانت تجربة حياة متكاملة .. لاننا مارسنا فيها كل نواحى الحياة .. اكسبتنا كل مستلزمات المستقبل !

اربعة سنوات كان فيها الاستعداد لان يصبح كل طالب منا .. انسان ليه قيمة .. و احسب انه تحقق !

هذه مقدمة لابد منها... لان الحديث عن الخرطوم الثانوية القديمة .. حديث عن سنوات لها ايقاع ما زال صداه يهيج الاشجان ... يطيب لنا التحدث عنها

مهما تعددت المنابر .




نواصل

Quote: Quote: وحتى عمر البشير إتخرج من الخرطوم القديمة وكذلك على عثمان محمد طه, وقد حفظوا لها الجميل بهدمها وتحويلهاالى شارع زلط .

عزيزنا قلقو، بالله عليك الله شوفت الناس
دي مسحت المدرسة الجميلة من وجه الأرض
ومعظم وزرائها وحتى رئيسها درس فيها
وزي ما بقولوا أهلنا الحسنة في الملعون
زي الشرا في القندول

تحياتي ليك يا ملك

Quote: يا سلام مدرستنا الجميلة ,, عمر عبدالله عبدالرحمن دفعة 1983م من دفعتنا في المنبر عوض هارون ,, الفنان ابراهيم عبدالحليم(كنب واحدة) واظن الاخ ابوهريرة ((( الغريبة قبل ايام كنت بفكر في استاذ الفنون الجميلة الاستاذ عمر الحميدى , الممثل والرسام والقاص ,,, الخ ولماذا لم يهتم به اهل المسرح)) كتر بالنابر الناس دي كتيرة بلحيل ,,

هلا وغلا بحبيب آل البيت عمار
تعرف يا عمار أول مرة أعرف إنو
اسمك الحقيقي عمر وغيرتو لعمار
ورحب بيك في حوش القديمة الواسع
ونجر ليك أكبر بنبر، وضحكتني حكاية
البنابر دي لوول، وزي ما قلتا ناس
القديمة أكتر ناس، وكل ما أمشي بلد
في الدنيا بلقى ناس القديمة وراي وراي زي ضلي
زي ما قال شاعرنا الكبير إسماعيل حسن

تحياتي ليك يا ملك وفي إنتظار دفعتك هارون وإبراهيم
وأبو هريرة

Quote: سلامات دفعة 85-86 الفصول على وعثمان

هلا وغلا بي الدكتور الصادق
مرحب بيك ومنور البوست
وإنت يا أخوي مالك مباريني
من بوستات أركويت لي الخرطوم
القديمة
تحياتي ليك يا ملك وأبقى أظهر

Quote: الابناء الاعزاء لكم التحية والسلام يااخى احنا اقدم من دوما وابو دوما كمان .. بس ما بنصل زمن عمر البشير .. مع مراعاة انو الجماعة بتاعين الاقاليم ديل بيدخلوا المدرسة كبار ... جماعة مواليد واحد يناير وكدة !!! للاجابة على اسئلتكم عن فترة " إخناتون الثاني " بتاعتنا ديك الذاكرة تعبت كحال البلد " من كترة هموم الهجرة والاغتراب " لذا ادعو العميد يوسف ، يمكن نقدر نتذكر مع بعضنا تفاصيل ناس على عثمان وغازي صلاح الدين والشفيع خضر وغيرهم ومن الاساتذة الاجلاء بوستى ، حسن عابدين ، الشايقى ، مولانا جعفر .. الخ العميد يوسف ذاكرة عسكرية ومؤكد سيكون اكثر فائدة منى .. حتى نلتقى لكم التحية

لووووووووووووووول @ د. عارف
والله يا د. عارف ضحكتني بموضوع مراعاة فروقات السن
لطلبة الأقاليم، لكن برضو تراعي لكون عمر البشير
راجل بليد وبكون دخلوهو المدرسة عمرو 12 سنة
وبكون ربت كم تربيتة كدا لوول
وشكراً على إثراء البوست بذكر عدد
من الوزراء

تحياتي ليك يا ملك وفي إنتظار سعادة العميد الطيب

Quote: ياسلام الاخ النذير وسلام كتير لك القديماب بنين وبنات رغم ان فترة الدراسة بالثانوى العالى 3 سنوات الا انها من اكثر سنين العمر ذكريات وساعود لها لاحقا ولقد سبقنى فى فتح بوست الاخ احمد موسى وتليته باخر لكن من الجميل ان تستمر العلاقه بين خريجى هذه القلعة العريقة التى خرجت اجيال ممن خطوا وسطروا الحياة السودانية فى مختلف المجالات لقد درست بالقديمة 79 - 82 ولكن يهمنى جدا ان انقل لكثيرين ممن درسوا بالقديمه خبر وفاة عمنا ومربينا الفاضل الصول (بابكر رزق الله) صول التدريب العسكرى (الكديت ) من حوالى الشهرين ربنا ارحمه رحمة واسعة واسكنه مع الصديقين والشهداء لقد كان المرحوم نعم المربى الغيور على مهنته وعلى ابنائه الطلبه ولقد كان سجلا للترابط بين ابناء مدرسة الخرطوم القديمة السابقين واللاحقين فى مجال التدريب العسكرى ولى عودة لابنائه خريجى الكديت ولى عودة لدفعتى فى الدراسة فى ذلك الزمان الجميل وذكرياته الثرة الناظر حسن عبيد الشايقى والاستاذه الاجلاء مصطفى بوستك الكيمياء جرجس محارب عبد المنعم تنقو شعبة العلوم الرياضيات اسكتش العربى كدوده النورانى الحاج الفاضلابى الانجليزى الاستاذ عزالدين الفنون عمر الحميدى الموسيقى الصول عود الصندل واسف جدا لمن لم تسعفنى ذاكرتى بتذكرهم فى هذه اللحظات وارجو ان يذكرهم غيرى ولنا عودة ان امد الله فى الاجال

عزيزنا منعم التلب
تحياتي وشكراً جزيلاً على إثراء البوست
بمداخلتك الثرة، وألف رحمة ونور تتنزل
على روح حضرة الصول
وباين عليك ذاكرتك حديد، وشكراً
لإخطارنا بأن هذا البوست هو الثالث
من نوعه ومدرسة الخرطوم القديمة تستاهل
آلاف البوستات

تحياتي ليك يا ملك وفي إنتظار عودتك
على أحر من الجمر

Quote: " البرلومات .. يصعدوا الى الرصيف .. و يخلونا نتفسح شوية فى دروب الذكريات !! " ولدنا النذير تحياتى ما ان يذكر اسم مدرسة الخرطوم الثانوية القديمة و الا تجتر الذاكرة احلى سنوات العمر !! اربعة سنوات هى زاد العمر ... الذى ما زلنا ننهل منه حتى الآن ! اربعة سنوات صقلت فيها شخصياتنا .. التى نعتد بها حتى الان و الى الممات ! اربعة سنوات كانت تجربة حياة متكاملة .. لاننا مارسنا فيها كل نواحى الحياة .. اكسبتنا كل مستلزمات المستقبل ! اربعة سنوات كان فيها الاستعداد لان يصبح كل طالب منا .. انسان ليه قيمة .. و احسب انه تحقق ! هذه مقدمة لابد منها... لان الحديث عن الخرطوم الثانوية القديمة .. حديث عن سنوات لها ايقاع ما زال صداه يهيج الاشجان ... يطيب لنا التحدث عنها مهما تعددت المنابر . نواصل

أوه أوه سعادة جنابو العميد يوسف محمد يوسف
سلامات ومنور البورد
وشكراً جزيلاً على مداخلتك القيمة والتى تحكي
الأيام الخوالي أيام الثانوي أربعة سنوات
وفي إنتظار عودتك لتحكي لنا عن مشاهير تلك الفترة

تحياتي ليك يا ملك

يا شباب جكس القديمة بنات ويييييييييين
عايزين تحلية شوية وللأ شنو؟!

للتواصل من خارج المنبر:
[email protected]

سلام يا ود حجازى
والله نسيت اسماء الاساتذه والفصل بتاعنا كان على والدفعه سنه 86
لكن بتذكر عم بابكر الصول بتاع الكديد وعمك زيتون وعبدالقيوم والدفعه 35 وفرقه الموسيقى
بتذكر ميدان الباسكيت وميدان التجاريه لكره القدم
فتره الثانوى مرت بسرعه مذهله..........جئت اليها من الخرطوم الاميريه المتوسطه.........قبلها كات برى المحس الابتدائيه مرتع الطفوله
ذكريات خربتها الغربه والابتعاد عن الوطن
شكراً لك لاستعاده بعضها


======
سنواصل ان ذكرتونى

Quote: سلام يا ود حجازى والله نسيت اسماء الاساتذه والفصل بتاعنا كان على والدفعه سنه 86 لكن بتذكر عم بابكر الصول بتاع الكديد وعمك زيتون وعبدالقيوم والدفعه 35 وفرقه الموسيقى بتذكر ميدان الباسكيت وميدان التجاريه لكره القدم فتره الثانوى مرت بسرعه مذهله..........جئت اليها من الخرطوم الاميريه المتوسطه.........قبلها كات برى المحس الابتدائيه مرتع الطفوله ذكريات خربتها الغربه والابتعاد عن الوطن شكراً لك لاستعاده بعضها ====== سنواصل ان ذكرتونى

يا ألف مرحب بي أبو الفن محمد زكريا
منور البوست، تعرف يا بو حميد شكلك كدا
النوع اللي بكد الحصص، ياخي فصلك ما عارفنو؟
وحتى الأساتذة؟ لووول
ويا ريت لو واحد من دفعة 86 يذكر لينا أبو حميد
دا

وفي إنتظار عودتك

كانت اسماء فلاسفه وعلماء سقراط بن سينا الفارابي وكدا

Quote: هلا وغلا بحبيب آل البيت عمار تعرف يا عمار أول مرة أعرف إنو اسمك الحقيقي عمر وغيرتو لعمار

Quote: ثمان فصول لكل صف وهي: 1) بكر 2) عمر 3) عثمان 4) علي 5) خالد 6) أبوعبيدة 7) عباس 8) مسلم في السنة الثالثة فصل بكر للرياضيات الإضافية وفصول عمر و عثمان وعلي للعلمي أحياء وبقية الفصول أدبية

السادة الرافضة

بوست مؤسف

أن يبدل عمر اسمه إلى عمار أو أي اسم آخر فهذا شأنه
أما تبديل اسم النهر أبو بكر ببكر كراهية في أبي بكر الصديق
فهذا غلو وإسراف وتزييف لتاريخ المدرسة

معذرة إن كان استنتاجي خاطئ

ولكم تقديري

سلامات مره أخري

نعم أسماء الفصول كانت علي عثمان ابوبكر مسلم ابوعبيده...

الاساتذه

محمد علي ..رياضيات

ميرغني يوسف ...أسطورة الفيزياء ...

مارتن...انجليزي

عوض...كيمياء

بوب...تربيه اسلاميه

التيجاني ...رياضيات

النوراني الحاج الفاضلابي ...لغه عربيه ...



الله ياخ ..كانت أيام ..

جايييكم ثاني

الخرطوم القديمة

مكعب يتكون من
الاستاذ والمربي الفاضل له الرحمة حسن العبيد (الشايفي)
وعم على بتاع الليمون
عم بابكر الصول (له الرحمة والمغفرة)
والعوامة في شاطي النيل الازرق ,,,,
والاتوستوب (الملح) تحت النفق
وفريق الباسكت بول
واستاذ كدودة
ومستر جون

ده في زمن ,,,,


النذير ,,, عشان ما يشوت ليك بالبوز اكتب ليهم اسم النهر ابوبكر الصديق ( رغم ان الناس كان بتقول ليه (بكر) ’’’

والله ايام يازمان

سلام النذير

من خريجي القديمة 80

الناظر المرحوم حسن عبيد الشايقي له الرحمة

مصطفي كيمياء له الرحمة

اسكتش

كفتريا

عوض كبك

كدودة

النوراني

عصام بتاع الانقليزي

مولانا القيافة

كشك الليمون

حمدي جيلي وجمال نوبي

الحبوب والكديك

كشك السيجائر

يالها من اماكن وشخوص

حصة الفنون عمر الحميدي

حوض السباحة

1983
التيجاني ...رياضيات
كدودة لغة عربية
النوراني الحاج الفاضلابي لغة عربية

يــــاولــيــداتـــى إزيـــكـم كـلـكـم!!!!.

أنـا خــريــج 1965

أولـــى: إبـــن ســــيــنـا

ثــانــيــة: مــعــرى

ثــالـثـة: حـافــظ

رابــعــة: لــيـونـاردو

والـمـنـزل: خـالـد

نـحــن دفــعـة اكــتــوبــر الــعــظــيــم.

جــايــكـم بــصــور أطـنـان.

فــأنـا كــنــت عــضــو ثـم رئـيــس جــمــعــيـة الــتــصــويـر

لــكــن عـشــان مـا أزحــم لــيــكــم الــبــوســـت حــأفــــتـح بــوســـت

تــوثــيــقـى لــلـذكـــريــات الــهـامــة.



نـــبــدأ بــصــورة الـدفــعــة.

ابريل 1976
لكن يا النذير الدكتورة سلافة العاقب فتحت بوست الخرطوم الثانوية بنات واخونا احمد موسى كان اظنه فتح بتاع الاولاد.

يابروف عبد الرحمن ناس 1965 برضو كان عندهم الردا الرصاصى ولا شنو؟

استاذ عصام بتاع الانجليزى اظنه التحق بالمدرسة سنة 75 ونحن كنا سنة تانية.

بعدين ياجماعة نسيتو بتاع السيجاير الكان بقعد برة جمب بوابة الجامعة واظن كان اسمه عمر الله يديهو العافية أظنه لغاية هسة طالبنى قروش .

اجمل شى بتذكره انو المرحوم حسن عبيد الشايقى كان طاردنى من المدرسة وقال لى جيب ولى أمرك قمت جبت واحد من اولاد الحلة اكبر منى شوية ولما جينا قدام حسن عبيد اداهو نهرة صاحبنا طوالى دور على المحطة وقال لى دبر حالك انا ماعندى معاك شغلة وغايتو بى جاى جاى مشينا الحكاية وقال لى خلاص امشى فصلك . رحمة الله عليهو.

لكن أهم ذكرى كانت الدورة المدرسية عام 76 وكان مدربنا الكابتن يوسف مرحوم.

تحية طيبة ابننا النذير ... ما تقومون به هو صورة من صور الوفاء لرجال ساهموا في تشكيل الوعي وبذر بذزور الاستنارة لاجيال تمضي في طريق الحياة تقدم العطاء هي الاخري لكنها تذكر بالفضل سيرة المعلمين وصروح العلم علي مدي الزمان وفي اي مكان .

للتصحيح ولكوني ممن تلقوا العلم في الزمن الجميل في تلك المؤسسة التربوية الخالدة في الذاكرة فان( بكر )الذي ذكرت هو ابوبكر الصديق رضي الله عنه...مالم يكن الاسم قد تغير خلال الحقبة التي تلقيتم فيها التعليم....


شاكرا لك اهتمامك داعيا لك بالخير

Quote: فان( بكر )الذي ذكرت هو ابوبكر الصديق رضي الله عنه...مالم يكن الاسم قد تغير خلال الحقبة التي تلقيتم فيها التعليم....

أخــى عــابـدون:

تــحــيـاتـى.

ويـــن أراضـــيـك؟

Quote: يابروف عبد الرحمن ناس 1965 برضو كان عندهم الردا الرصاصى ولا شنو؟

أظـــن مـن ســـنـة أولـى لــغـايــة مـاإتـخـــرجـنــا كان الـرداء الـكـاكــى!!

والله نـســـيـت.

لــك الــتــحــيــة.

أخـــى عــابـدون:

لـــقـد كــتـبـت:

Quote: لكن أهم ذكرى كانت الدورة المدرسية عام 76 وكان مدربنا الكابتن يوسف مرحوم

يــوســـف مــرحــوم دا يــاعـبـدون صــديـق عــزيـز وتــوثـقــت عــلاقــتـنا بـه بــعـد دخــولـنـا الـجـامـعـة

وكـان فـى مـكـتـب الإشــراف الــريـاضـى وبـعـديــن دربــنـا بــعـد الـصــبـى وقــبـل عـبـدالـفــتـاح حــمـد عــلــيــهـمـا رحـمـة الله.

لــكـن الـمـهـم إنــه لـــعــب ضـــدنـا فــى أشـــهـر مــباراة فى كأس الــثـانــويــات

الصورة أدناه تضم عـددا من اللاعــبـين الــدولـيـيـن فى نهائيات كأس المدارس الثانوية بين فريقنا الخرطوم الثانوية وألإنجيلية المصرية

بـــدار الــريــاضـــة بــالـخــرطــوم.

وكنا قـبـلـهـا قد هزمنا مدرسة وادى سيدنا فى المباراة قبل النهائية بخمســة أهداف مقابل واحد من ضربة جزاء.

وأنتهت هذه المباراة النهائية بالتعادل السلبى بدون أهداف حتى بعد الوقت الإضافى.

وأذكر أن المربى الكبير هاشم ضيف الله قرر عدم حسم هــذه المباراة بضربات الجزاء.

لأنه قال عن فريقنا إنه فريق "رجال" لعب ضد فريق يضم سبعة من الدوليين وفاز لعبا.

فلايمكن أن يخسر نتيجة بضربات الجزاء. فكان القرار الفريد فى تاريخ المنافسات حيث تقرر أن تتفاسم المدرستان الكاس ستة أشـهر لكل منمـهما.

وكان فريقنا الخرطوم الثانوية الحكومية يضم من الشمال وقوف السر شبو (السجانة أوثلاثة!) عبدالله خليل (بحرى) السر (؟)

على حمور (بحرى) اللواء التيجانى (بحرى) محمد عبدالقادر (؟) قسم السيد ترازستر (برى) عبدالله بوى (بحرى) وجلوس من اليمين الى الشمال عمر صباح الخير (برى)

إبراهيم عمر (بحرى) موسى إسماعيل (بحرى) عبدالرحمن إبراهيم (بحرى)

ويـظـهـر فـى الـفـريـق الأخـر يـوســف مـرحـوم وإبـراهـيـم كـبـيـر عبدالله ربيع ونجم الدين ودسوقى

وغــاب عـن الـصـورة لاعــب الــخـرطوم الـثـانـويـة الـدكــتـور مـحـمد خـير الـزبـيـر لاعــب شــمـبات

ومــن الإنـجـيـلــيـة ســمـيـر مـحـمـد عــلــى حارس مــرمـى الأهــلـى والـفـريـق الـقـــومـى



<

أخــى عــابـدون:

وهـــذه مــباراة مــســـحــنـا فــيـهـا فــريــق مــدرســة الــتـجـارة الــثـانــويـة -- جــيـرانــا.

ويــظــهـر فـى الـصـــورة الــمــرحــوم تــاج الــديـن الـــكــو عــازف الإيــقـاع بــفــرقــة أضــواء بــحــرى

ومـــرتــضـى مــحـمـد فــؤاد وشــخـصـى بالــرقــم عــشــرة بــعــد تــهــديــفـى:

<


يــالــهـا مــن ذكــريـات.

كــــتـر الله خــيــرك يــاالــنــذيـــر حــجـازى.

تحياتي ووافر شكري لك من تداخل هنا
وسأعود إليكم فرداً فرداً

Quote: كــــتـر الله خــيــرك يــاالــنــذيـــر حــجـازى.

حبيبنا بروف عبد الرحمن والله كتر خيركم إنتو
وبالأخص أنت فقد زينت البوست بأجمل الذكريات
عن مدرستنا الحبيبة، وبالمناسبة ماما دوما
كانت العمدة هنا لأنها أقدم زول، وجاء الدكتور
عارف وإستلم منها العمودية وطلعها برلومة
وهاأنت الآن تستلم العمودية من الدكتور عارف
فأنت من أقدم الدفع، لكن حواء والدة وإحتمال
يظهر لينا واحد جديد من دفعة 1960

تحياتي ومودتي
لكم فرداً فرداً

والله كانت ايام يابروف وماشاء الله عليك كان كفر وسلة كمان وياريت يجونا ناس مولانا عادل واخونا احمد موسى الدكتورة سلافة الله يديها العافية اظنها مشغولة مع منظمات كدة اظنها لرعاية الاطفال فى مناطق تعتبر خطرة فى غرب السودان انشاء الله ربنا يحفظها .

يابروف ناس مدرسة التجارة ديل شكلهم كدة كان حركتهم خفيفة وغايتو زمنا داك ماحضرت ليهم اى نشاط ماعارف ليه وحتى فى الدورة المدرسية ماكان ليهم نشاط يذكر.

بوست رائع يا نذير ...

والخرطوم القديمة علامة فارقة ومعلم لا ينسى فى مسيرة العلم والتنوير

ولعل قربها المكانى من ارض النضال ( جامعة الخرطوم ) أضاف اليها ابعادا اخرى

....

مستمتع جدا بمداخلات عمنا عبد الرحمن وصوره التاريخية

محمد عيد ميرغنى

دفعة منعم التلب ( 79 - 1982 )

عمر - عمر - عثمان

ومعنا فى هذا المنبر ...

منصور عبد الرازق

كمال محمد الحسن الشادى


ومن دفعتنا نجوم الكورة ..

طارق احمد آدم

عادل خليفة

شريف

واحنا كنا اول دفعة تلبس البنطلون البنى والقميص الابيض

الناظر كان .. حسن عبيد الشايقى رحمه الله

ومن الاساتذه .. حسن عابدين

كدوده والنورانى الحاج الفاضلابى وعبد اللطيف

مصطفى بوستيك الله يرحمه

اسكتش بتاع الرياضيات

القاص الكبير .. عمر الحميدى

منير بتاع التاريخ

* الله يسامح الذين اقتلعوا جذرها النابض وشتلوا مســخا جديدا بدلا عنها

النذير
مراحب يا زميل
مالك مقوم علينا الضرس
أولى عمر+تانيةعمر+تالتةعمر
دفعة 74 - 77
من الأساتذة
الناظر السراج
الوكيل حسن عبيد الشايقى
والاستاذه الاجلاء
مصطفى حسن بوستى للكيمياء
جرجس محارب رزق - فلوكسواجن زرقاء -
الرياضيات مصطفى عابدين
العربى
كدوده والنوراني الحاج الفاضلابى
الانجليزى الاستاذ عزالدين
مواقف ..
** الوحيد على ما أظن الكان عندو عربية
هو جرجس محارب رزق والباقي مدرسين على طلبة ،، بالباص و الأبونيه كمان.
** طرد الوكيل حسن عبيد الشايقي ، عصام محمد خير عثمان ، إبن وزير التربية،
وحلق ليهو صلعة وطالبوا بإحضار ولي أمره.لانو جاء لابس شارلستون ومربي شعرو.
وجاء عمنا محمد خير عثمان ووقف أمام الوكيل وهو الوزير
ووقع على تعهد وتم جلد عصام،، ولم يبرح حسن عبيد مقعده؟؟
** أحمد آدم عافية من دفعتي
وكذلك ماجد طلعت فريد
وخالد علي دنقلا
وإبن نفيسة أحمد الأمين لا أذكر إسمه بفعل تعرية الذاكرة.
وأخونا محمد صلاح ،، الحلبي ،،
من أولاد نمرة تلاتة.
سمعت إنو بقى ضابط وأحيل للتقاعد.


كل ديل درسوا هناك
وغيرهم من أبناء الجزيرة الزي حالاتنا
وكذلك أبناء أم ضواً بان والعيلفون.
وللعلم سكنت بالداخلية
وبيتنا على مرمى حجر ببري.
مودتى لك يا مقلب الأوجاع،،
ما عادت القديمة قديمة،،
حيث جرى رميها بأحد شوارع أبوحشيش
وما عاد زمنها كعهده جميل.

النذير
تحية
فاتني ذكر رجل له قامة
في مسيرة التعليم في القديمة
وعموم السودان
الأستاذ حسن فضل المولى
شعبة العلوم.
أمد الله في أيامه إن كان حياً
ورحمة تنزل عليه إن لحقه سبيل الاولين والآخرين.
**
تميزت القديمة بميزة لم تنلها
حتى حنتوب وطقت ووادي سيدنا،،
كل كتب المقررات الدراسية،
مؤلفوها ومن كتبت أسمائهم على أغلفتها،
هم المدرسون الواقفون أمامنا ويدرسونا،
وهذا في كل المواد.
مع المودة

ممنوع دخول طالبات القديمة بنات الا بأذن الوكيل


بالاضافة انو البوست غير جاذب صورو كلها اردية وكرعين مكلوجات


تموتو فى اللـبنى ...


،،،،،

من اولاد المقرن الثانوية

صاحب البوست حجازي

والاخوة الافاضل زملاء الخرطوم القديمة

ماأجمل ذكريات هذا الصرح الشامخ .

انا دفعة 81-84

نهر علي

ناظر المدرسة : المرحوم حسن عبيد
الوكيل : حسن عابدين
اسكتش - بابا عبده - عمر الحميدي

ومن دفعة فريق كرة القدم نادر علي ناصر

وأذكر مبارتنا في نهائي الدورة المدرسية امام مدرسة العروبة وكانت بإستاد الخرطوم
والتي قدمنا فيها مبارة كانت مميزة جدا رغم اننا كلنا طلبة نظاميين وليس هناك اي لاعب من خارج المدرسة اما فريق العروبة فكان مدجج بالنجوم - طارق احمد ادم وشريف والثعلب والبقية ..
وقد اثارت هذه المبارة مشكلة جلب المدارس لاعبين من خارج المدرسة وتسجيلهم ليلعبوا في فريق كرة القدم فقط . لما قدمناه من مستوى رفيع .

ومن الدفعة

اولاد الذوات
محمد الفاتح بشارة
المعز محمد بشير الوقيع
امجد حسين
محمد بشير محمد علي
ومن اولاد بري
طارق الامين البدراوي

ولنا عودة

Quote: جرجس محارب رزق - فلوكسواجن زرقاء

ياخي دي بالغت فيها ,,
الله يعطيه العافية ان كان حيا,,والرحمة والمغفرة ان كان ميتا
لم تكن له هواية الا طردي من حصة الكيمياء بسب وبدون سبب ,

_______________

أظن أنه سيكون هنا
بحر من سيل الذكريات الطريفة والجميلة،

من ضمن ما أذكر أنني طلبت من الوالد رحمه الله،
أن يشتري لي بنطلوناً،،وهو يعلم أن اللبس الرسمي
هو الرداء ،، فإستهجن ذلك وطلب تفسيراً للأمر.
لم أستطع توفير السبب .
ولكنه قبل طلبي
ومن يومها وأنا قادي سلك مع الجماعة
للبركس حيث مطايب الطعام ولذيذ الشراب.
***
عمار لك التحية.

شكراً لجميع الأعزاء القديماب لإثراء البوست
سأعود إليكم فرداً فرداً عندما أجد متسعاً
من الوقت.

ملحوظة: واحد يربط لي بتاع مدرسة المقرن دا
في أقرب كراع عنقريب لحدي ما أجيهو راجع

Quote: Quote: جرجس محارب رزق - فلوكسواجن زرقاء ياخي دي بالغت فيها ,, الله يعطيه العافية ان كان حيا,,والرحمة والمغفرة ان كان ميتا لم تكن له هواية الا طردي من حصة الكيمياء بسب وبدون سبب ,

وفى زمنا برضو كان عنده هواية طرد ابو الريش .

ياعمار انا قبل فترة كدة يعنى سنة او اقل اظنه سمعت انو جرجس محارب توفى الى رحمة الله والكلام دا كان فى بوست الخرطوم القديمة الاولانى .

كتب هشام عوض الكريم:

Quote: السادة الرافضة بوست مؤسف أن يبدل عمر اسمه إلى عمار أو أي اسم آخر فهذا شأنه أما تبديل اسم النهر أبو بكر ببكر كراهية في أبي بكر الصديق فهذا غلو وإسراف وتزييف لتاريخ المدرسة معذرة إن كان استنتاجي خاطئ ولكم تقديري

الأستاذ هشام عوض الكريم
تحية طيبة

يا زول قول بسم الله الرحمن الرحيم
رافضية شنو؟! هسا مصنفني كدا طوالي
علشان رحبت بي عمار؟! وبعدين أسماء
الفصول كنا ننطقها كما أوردته سابقاً
فعلى سبيل المثال بكري صاحب المنبر
بنسميهو بكري بدلاً عن أبو بكر
المشكلة وين؟! وفي غربنا الحبيب بسموهو
أبكر أو ابكرينا المشكلة وين؟!
ولو بتعرف الغلو في الإيمان ياهو إنت
نحن نقدس الله ولا نقدس البشر كما تفعل أنت.

أرجو منك إعتذار تقيل لوصفك بالبوست
بأنه غير موفق، وأنه يحمل أجندة خفية
لوول

والله محن

تحياتي

الأخ النذير والمتداخلين ...

تحياتي ...

زي ما ذكر ليك أحد الأخوة ... كان في بوست باسم الخرطوم القديمة (بنين) وواحد تاني بإسم الخرطوم الثانوية (بنات) ........ وحقيقة كانوا بوستين ثريات جداً.

إضافة لذلك، قامت في تلك الفترة جمعية لخريجي الخرطوم القديمة (من فترة ما تابعت وصلت لحدي وين).

قبل ما أنسى، أنا خريج 1978

وعايز أقول حاجة لأخونا محمد عبدالمنعم التلب:

أستاذ الكيمياء - عليه رحمة الله - إسمو (مصطفى بوستي)، وليس (مصطفى بوستك).

أما الصول (عود الصندل)، فقد كان صول مدرسة التجارة الثانوية، بينما صول الخرطوم القديمة هو الموسيقار (الصول) وعمّنا رابح مرداس عليه رحمة الله، وقد تتلمذت على يديه، وكنت في الفترة 1976 - 1978 رئيساً لجمعية الموسيقى وعازف على آلة الساكسفون. عمنا الصول رابح، يمكن أن يُقال فيه الكثير، وأنا بصدد جمع مادة عنه ربما أفتح بها بوست للتوثيق.

تحياتي.

سلامات النذير وحياك الله علي فتح نافذ ذكريات مدارسنا العريقه.

عاوزين نحكي عن القديمه بنات لكن عبدالدائم طلب الاذن من الوكيل


طيب يا حضرة الوكيل : ممكن نحكي ؟

رحـــلـــة جــمــعـيـة الــتـاريـــخ إلـى بـــورتـســـودان

مـدخــل مــحــطـة الــســكـة حــديـد بــبــورتــســـودان



14 يـــنــايـــر 1963

ويــظــهـر فـى الـســورة الأســــتاذ الـعـظـيـم جــعــفـر (أبو الـجــعـافــر) الـمـشــرف عــلـى الـرحـلـة
بــدلا عــن الـدكــتـور مـحـمـد ســعـيــد الـقــدال الـمـشــرف عـلـى الـجـمـعــيـة.

نسيت أقول إنو في دفعتنا، كان وكيل المدرسة هو الأستاذ/ حسن عبيد، أما المدير، فكان المربي الكبير الأستاذ عبدالرحمن السراج، ثم خلفه الأستاذ/ الطيب السلاوي.

مافي زول هنا كان من ناس (الكديت) والاّ شنو؟ ما شايفكم إتذكرتوا الصول (بابكر).
طبعاً الكديت كان علاقتنا بيهو إننا (في جمعية الموسيقى)، كنا بنعزف ليهم المارشات لما يكون في طابور.

ســــلام يـامـحـمـد أبــو الــريـش

Quote: نسيت أقول إنو في دفعتنا، كان وكيل المدرسة هو الأستاذ/ حسن عبيد، أما المدير، فكان المربي الكبير الأستاذ عبدالرحمن السراج، ثم خلفه الأستاذ/ الطيب السلاوي. مافي زول هنا كان من ناس (الكديت) والاّ شنو؟ ما شايفكم إتذكرتوا الصول (بابكر). طبعاً الكديت كان علاقتنا بيهو إننا (في جمعية الموسيقى)، كنا بنعزف ليهم المارشات لما يكون في طابور.

نــحــن نـاظــرنـا كان تــلــودى شـــاعـر الـحـقـيـبـة الـشـــهـيـر والـوكـيـل إبــراهـيـم شـــبـيـكـة

الـذى صــار نــاظــرا فـيـمـا بـــعـــد. ثــم خــلــفــه عــبـدالـبـاقـى مــحــمــد عـبـدالـبـاقـى.

أمــا صــولات الـكـديـت فــكـانــا يــوســــف والــمــرضـى. وكان مــن مــهـامــهـمـــا الـجــلـد بــحـقـد مــبـالـغ فــيــه.

وطــبــعـا إنــجـلـدنـا كــثــيــر عـشــان الإشــتراك فــى الإضــرابـات والــمـظـاهــرات.

وكـان الـشــرط للــرجــوع للــدراســه كــمـيــة مــن الــجـلـدات مــع تــوقــيــع ولـى الأمــر.

أمــا صــولــنـا لــلـمــوســيـقـى فـكان الــعـم رابــح الـراجــل الـعـظــيـم الـفــنـان.

ولـــكــنـى فـصـــلــت مــن فـرقـــة الــمـوســيـقـى لــرفــضـى الـمـشــاركـة فـى عــيـد الــعـلـم

تـحـت رعـايـة الـلــواء طــــلــعــت فــريــد.

كــان ورانــا شــاب إســـمـة مــجــدى أبــو الــريــش. هــل هــنـاك أى عــلاقــة؟؟

لــك الــود.

Quote: كــان ورانــا شــاب إســـمـة مــجــدى أبــو الــريــش. هــل هــنـاك أى عــلاقــة؟؟

مجدي عبدالمنعم أبوالريش
وصلاح مزمل أبوالريش
هما أبناء عمومتي
وشقيقي المرحوم محي الدين أبوالعزائم
جميعهم كانوا أبناء دفعة واحدة. شارك جميعهم في جمعية موسيقى الخرطوم الثانوية (لم يضاف للأسم كلمة "القديمة" وقتها)، كما شاركوا أيضاً في فرقة (هارامبي) التي كانت (فرع) لفرقة إقليمية أفريقية.

Quote: سلامات النذير وحياك الله علي فتح نافذ ذكريات مدارسنا العريقه. عاوزين نحكي عن القديمه بنات لكن عبدالدائم طلب الاذن من الوكيل طيب يا حضرة الوكيل : ممكن نحكي ؟

غاليتنا محاسن إبراهيم
مرحب بيك ومنورة البوست
والجابك يجيب عقابك
إنتي التانية بعد ماما دوما
من القديمة بنات

تحياتي ليك يا ملكة

الأعزاء
عمار
أحمد الصديق
عابدون
البروف عبد الرحمن
أبو الريش

لكم من شكري أجزله على إثراء
البوست، ومزيد من الصور يا بروف
وبالمناسبة يا بروف عبد الرحمن
ما وريتنا أنت ياتو واحد في الصور

تحياتي للجميع

الحمد لله لقينا زول قدرنا
محمد أبوالعزائم أبوالريش
تحية يا زول.
طبعاً عرفتك لأنك علم.
وأعتقد إنت عاصرت
الزول الفنان جداً
عبـاس تلـودي؟؟

حسن عبيد كان مشهور بحاجتين:
حلق الشعر،،ومعرفة مكان كيس السعوط.
هههههههههههها
الله يديك العافية يا أبوالريش
وأدينا موبايلك في الخاص.

Quote: وإبن نفيسة أحمد الأمين لا أذكر إسمه بفعل تعرية الذاكرة

كان اسمه عصام ..

يا احمد الصديق يظهر انك دفعة لأنه عصام كان معاى فى نفس الفصل وبتذكر كان معانا أزهرى ود ام دوم ومحمد احمد التكينة كان قاعد قصاد الشباك الجنوبى وفى الزمن داك كنا متهمنه انو من جهاز الامن بتاع النميرى وفعلا بعدها عرفت انو اشتغل كضابط فى الشرطة ومن اولاد بحرى كنت انا ومعاى احمد كمال ومنير الحلبى ومن اولاد الجزيرة كان محمد احمد جمعة ..

اظن الفصل كان عمر فى الزمن داك .. وبعدين ياجماعة كان استاذ الانجليزى قبل استاذ عصام كان واحد محسى او دنقلاوى نسيت اسمه ..

القديماب

فتش على طريقة تلمنى في زملائي دفعة 83

صلاح حران (من الديم)
سمير قرشي (اخر عهدي به محاضر في جامعة الخرطوم)
عمر مقلد (الصحافة مربع 30 واظنه مقيم بالسعودية)
عادل محمود (اولاد بري تخرج من كلية تجارة الفرع)

طبعا الحمد لله ببركات سودانيز اون لاين لميت في ابراهيم عبدالحليم

فوق ...

استاذ الانجليزى كان اسمه سيد ..
فى زول عنده اخبار عن استاذ سيد ياجماعة وكان استاذ الجغرافيا برضو اسمه استاذ عمر كان عنده فولكس لبنية كدة واظنه برضو كان وقتها لسة جديد منقول من مدرسة تانية.

Quote: يا زول قول بسم الله الرحمن الرحيم رافضية شنو؟! هسا مصنفني كدا طوالي علشان رحبت بي عمار؟! وبعدين أسماء الفصول كنا ننطقها كما أوردته سابقاً فعلى سبيل المثال بكري صاحب المنبر بنسميهو بكري بدلاً عن أبو بكر المشكلة وين؟! وفي غربنا الحبيب بسموهو أبكر أو ابكرينا المشكلة وين؟! ولو بتعرف الغلو في الإيمان ياهو إنت نحن نقدس الله ولا نقدس البشر كما تفعل أنت. أرجو منك إعتذار تقيل لوصفك بالبوست بأنه غير موفق، وأنه يحمل أجندة خفية لوول والله محن

Quote: النذير ,,, عشان ما يشوت ليك بالبوز اكتب ليهم اسم النهر ابوبكر الصديق ( رغم ان الناس كان بتقول ليه (بكر) ’’’

السيد النذير
أخي لو كنت سميت بوستك "تواصل خريجي مدرسة الخرطوم القديمة من الصابئة والراوندية والشيعة والرافضة" ما دخلته
أعي سيدي أن اسم أبو بكر حرف إلى با بكر وأبكر وخلافهما وأننا في السودان نختصره إلى بكري ولكن بكر اسم مختلف تماما ولقد لفت نظرك العديد من الأخوان أعلاه إلى ذلك ولكنك لم تعدل ما كتبت إلى هذه اللحظة

درست في الخرطوم القديمة ......... أولى .... أبو بكر .......... وثانية ..... أبو بكر ............ وثالثة ..... أبو بكر

ولم اسمع اسم بكر ولو مرة واحدة وقد خابرت من بناحيتنا ممن سبقونا أو أعقبونا بالدراسة في القديمة وكلهم لم يسمع أن نهر أبو بكر غير إلى بكر أو كان ينادى اختصارا ببكر

من يقرأ مطلع رابطك هذا يظن أن القديمة مدرسة بقم
وما أعلمه أنها بالخرطوم ومعظم طلابها من المسلمين, ويا أخي كل كلمة تكتبها تخبر أنك رافضي فلم الإنكار؟

Quote: ولو بتعرف الغلو في الإيمان ياهو إنت

هل تمزح سيدي؟

Quote: نحن نقدس الله ولا نقدس البشر كما تفعل أنت.

أنا لا أقدس الشيخين (الصديق والفاروق) أو صنمي قريش كما تسمونهما ولا أظن أن أحدا من أهل السنة والجماعة يفعل ذلك.

السيد عمار

سوف أرد عليك في رابطك:

داير ابقى سلفى ,, يا عماد وموسى ودكنور عارف الركابي وبق... جيبوا لي حاجاتكم ,,

والذي افترعته ساخرا من أهل السنة والجماعة أو في الرابط:

التشيُّع لأهلِ البيت ... بعيداً عن التخَندُق الطائفي ....

فقد كثر المشاركين في هذا الرابط من طلبة الخرطوم القديمة ولا أعتقد أن دينكما يهمهم قي شيء
ولا أحب أن أخرج بالبوست إلى غير ما خصص له

الأخ عابدون

اسم ابن السيدة الوزيرة السابقة نفيسة أحمد الأمين حسام وليس عصام
ود. حسام كمال يقيم في المملكة المتحدة على ما أعتقد

تحياتي لكم جميعا

د. هشام مصطفى عوض الكريم
دالاس, تكساس

Quote: أنا لا أقدس الشيخين (الصديق والفاروق) أو صنمي قريش كما تسمونهما ولا أظن أن أحدا من أهل السنة والجماعة يفعل ذلك

الدكتور هشام مصطفى
تحياتي مجدداً

يا زول إنت مالك عايز تلصق فيني الرافضية
دي، تعرف أنا الرافضية دي ذاتها ما عارفها
شنو، وبالمناسبة أنا لا سنة ولا شيعي أنا مسلم
والسلام، واحترم جميع المذاهب والطوائف الدينية
وعمار والأزهري الشعيين أعتبرهما أصدقائي
وبصراحة أكتر، أنا الدين دا ماليش فيهو كتير
وما بهمني شيعي أو سني، بتهمني أخلاقهم فقط
ولا أتعامل مع الناس حسب أديانها، وبالمناسبة
كلمة بكر ليست شتيمة فهو اسم قبيلة عربية
عريقة، وكذلك أبو بكر ليس اسم بل كنية
وليس اسمه الحقيقي، وفي زمنا اختصارات الأسماء
قد كثرت، فمثلاً لا نقول "الإنتر نت" بل نقول
"نت" والسلام.

تحياتي

Quote: الأخ عابدون اسم ابن السيدة الوزيرة السابقة نفيسة أحمد الأمين حسام وليس عصام ود. حسام كمال يقيم في المملكة المتحدة على ما أعتقد

والله يادكتور خليتنى اشكك لكن هل انت من نفس الدفعة وهل كنت معانا فى نفس الفصل يعنى هل عرفت بقية الاسماء التى ذكرتها انا؟ والدورة المدرسية عام 76 فقد كنت انا حارسا لمرمى الخرطوم الثانوية فى تلك الفترة .

الأخ عبدون:
إذا كنت دفعة 74- 77 فأنت دفعت شقيقي قاسم مصطفى عوض الكريم ود. مهند محمد حسن حابر وحسن مكي حسن أبو و د.جمال الشلالي ود. هشام محمد عبد الرحيم.
د. حسام كمال كان قدامك بدفعة فهو دفعة 73- 76 وهو دفعة شقيقي د الفاتح مصطفى عوض الكريم
أحمد أدم (عافية) كان حارس مرمى فريقنا النيل الأزرق
ودرس في القديمة دفعة 68 – 72 أنا مندهش من أنه كان دفعتكم
وتحياتي

الأخ نزار
أعتذر اشد الاعتذار لنعتك بالرافضي والشيعي وأنت لست كذلك
فقط يا سيدي اسم النهر أبو بكر وليس بكر فرجاء تعديله
ولقد كتبت في أول مداخلاتي

Quote: معذرة إن كان استنتاجي خاطئ

فكان الأولى بك أن تعدل مداخلتك من بكر إلى أبي بكر وتصوبني بدلا عن

Quote: محن

ومعذرة لتحريف البوست عن مساره
وتحياتي لك

سلام لكل المتداخلين.
وشكرا لفتح باب الذكريات وما اكثرها واجملها ....في بعض الاحيان تطفو الي السطح بعض هذه التداعيات والانسان يحتاج لتسجيل بعض ما جرى للحقيقه والتاريخ وحفظ لوجود ناس كانو ولا زالو جزء من تاريخ هذه الامه.

نحن خريجين دفعة 78-79- الخرطوم القديمه بنات
عاصرنا شابات الان بعضهم مل البصر وبعضهم لا نعلم عنه شيئا ...امنياتي لهم بالصحه والعافيه.

من الاساتذه الذين لم تخطئم الذاكره :

استاذ امين نورى- لغه عربيه : كان من الاساتذه المحبوبين ومتمكنيين من علمهم بصوره جعلت كل الطالبات يحرصن علي حضور حصته حتي وان كانت ليس في فصولهم.

استاذه ميمون الخاتم : بنفس مستوى الاداء وحب الماده

استاذه اروى : جغرافي

استاذه هدى : تاريخ

استاذه التي حببتني في اللغه الانجليزيه والتي احفظ لها بكثير من الموده ولاامتنان : ليلي اليمني
لي معها ذكريات تخص جزء من بنات اسرتها والتي واحده منهم زاملتني بكرسي الدراسه ((صفاء محمد حسن))
استاذ اللغه العربيه : علي و الذى لا اذكر باقي اسمه . كان يبدا دائما الحصه بالعبر الابويه والنصائح لبناته ويالها من ايام ويالها من قيم

كل بنات الخرطوم القديمه يذكرون استاذا كان يشهد له بقوة الشخصيه والاصرار علي ممارسة دوره الابوى قبل العلم ....من منا لم يذكر استاذ البطل وهذا كان اللقب ...لانعرف حتي الان اسمه الحقيقي .
استاذه الفيزياء : سلوى ابو العزائم : لي مساجلات وعلاقات صداقه حميميه جمعتني باسرتها ببرى المحس ...سارجع لها لاحقا .
استاذ الدين ((ساتي)) : لنا معه ذكريات لا تنسي .

سنواصل اعزائي

عادل سمير توفيق

دفعة 74-77

بجيكم راجع..

الاخت محاسن تحية طيبة
حاديك هدية علشانك انتى بس ، سبق ان تم فتح بوستين للخرطوم القديمة بنات
البوست الاول كان باسمى وهو عبارة عن تساؤل ليه البنات ما بيحكو ذكرياتهم باسم :

تواصل خريجات مدرسة الخرطوم القديمة والجديدة بنات وام درمان الثانوية بنات وبحرى بنات


والتانى كتبته زميلتنا الدكتورة سلافة العاقب تحياتنا لها اينما كانت بعنوان


الخرطوم القديمة بنات....علي مر الدهور والازمنة


،،،،،

اها يا النذير عندك كلام تانى البرشنى بالموية بنات القديمة برشوه بماء الورد

،،،،،،،،،،،،

عادل سمير توفيق

دفعة 74-77

مبروك الاسم الجديد
يا محاسن امسكن فى عادل سمير ده قوى فوالدته احدى رائدات التعليم فى القديمة بنات
وكانت بتجيبو معاها لما هو كان (صغيرونى) المدرسة

، ،،،

الأخ أحمد صديق ..

Quote: وأعتقد إنت عاصرت الزول الفنان جداً عبـاس تلـودي؟؟

رغم إنو عباس تلودي صديق شخصي ....
إلا إنو قدامنا بي كم دفعة.

الأستاذة محاسن ابراهيم ..

Quote: استاذه الفيزياء : سلوى ابو العزائم : لي مساجلات وعلاقات صداقه حميميه جمعتني باسرتها ببرى المحس ...سارجع لها لاحقا .

ياخ ما ترجعي ليها هسة ..... ليه (لاحقاً).
صراحة عايز أعرف .. صداقتك كانت مع منو في بري المحس .......... (الكلام دخل الحوش)

اها يا محمد فتحت لي طاقة شجون مع يرى المحس وسكانها الذين احييهم فردا فردا

انا كتببت عن هذه الحميميه في بوست برى وهاك يا حكي وتداخلت مع الشباب : ماضي وحيدر امين .

طيب نحكي من البدايه:

كانت برى المحس الابتدائية _ الناظره كانت بتول ياسين ووكيلتها نفيسه ياسين

عاشرت وزاملت حبييبات الدراسه والعلاقه الممتده : امال واحلام امين(( لازلت صلتي بدريه المبشره تركت لنا مساحه من التواصل) وامال الامين محمد نور التي انقطه خبرها عني

هل تسنح لي بتحية صديقات الدهر دريه والشفه وبناتها ...ربنا يديهم العافيه فقد جمعتني بدريه مصلحة الجمارك قبل ان يفرقو بنا بالاحاله للصالح العام.

انا لم تنفك علاقتي ببرى ممتده منذ نعومة اظفارى وحتي الان .

ننتهي من برى المحس الابتدائيه ونقفز للثانوى العالي : حيث الاستاذه المربيه ((سلوى ابوالعزائم)) وتاني الايام جمعتني
ببيقية الرهط : فقد اجتمعنا ثانية في رحاب الخرطوم القديمه واضف اليهم هذه المره التومات اماني وامال عبدالقادر واختهم الصغرى اشراقه.
افتكر حكيت كتير

ولللان لم احكي عن علاقاتي بالجامعه واجتماعي بعفاف قسومه واخلاص الامين ويوسف عبدالمجيد وامنه هاشم
كفايه عليك محمد واظني مليتك رقي .

سلام لكل القديمات الحلوين
وشكراً لكم لإثراء البوست

يا مولانا عادل سمير، ياخي
الصورة دي إنتا شاحدها؟! لوول
صورتك يا أخوي لا تكاد تُرى بالعين
المجردة لوول
كبرها وجيبها لينا تاني

تحياتي للجميع

أووووووو محاسن بتنا والله ...

صحيح .. شفت مداخلاتك في بوست بري .... لكني طشيت، ولخبطت بي زول تاني ..... عذراً.

Quote: د. حسام كمال كان قدامك بدفعة فهو دفعة 73- 76 وهو دفعة شقيقي د الفاتح مصطفى عوض الكريم

ياباشمهندس هشام الدفعة الفوق دى ياها دفعتى ذاتها و د. حسام كان معاى فى نفس الفصل.

استاذ كدودة واجمل حصة بلاغة ,,
جيل من المعلمين يحتاجوا ان نقف لهم اجلال فقد كادوا ان يكون رسلا لهم الحية والتقدير
في عام 1984م في الصف الثاني علي ,,
الحصة فاضية ,, دخل علينا الاستاذ كدودة لاول مرة نيابة عن الاستاذ الغائب ,
سلم على عجل ,
والتفت نحو السبورة مباشرة ,,

Quote: الصغيرة شجيرة الأراك ياقمر عشرة الفي سماك شاغلة روحي وقلبي المعاك وين لقيتك لامن آباك القمر بوبا عليك تقيل العيون الما بدمعن نامن أو صاحيات يبرقن لا بصيدن لا بعشقن سرهن في الجوف يحرقن كشفن رموشن أو غمضن كلو موت ماتقول برحمن القمر بوبا عليك تقيل الصغيرون الما كبير الرقيبة قزازة عصير السنون براقن يشين العيون متل الفناجين مابتحش قشة تناقير مابتشيل جردل على الزير الزراب فوقا تقول حرير شتتي شبار يامضمير خلي قلوب الصبيان تطير انتي ريحتك دمور فرير ولا بت السودان اصيل القمر بوبا عليك تقيل الجزير ام بحرا حما فيك روحي وحبي النما مابسيبا ان بقا في السما ما بخلي الناس تظلما روحي في دربك سالمة يا غرق يا جيت حازمة القمر بوبا عليك تقيل القديما قديما الحمام الوديزين في موجو عام يا مرايقة قليلة كلام وا حلاتا تقول السلام القمر بوبا عليك تقيل الغزال الفوق في السلم المحبة تزيد الألم كل يوم اصبح لي في هم سيسبان عودك منظم شمعدان نفسك يامختم البرتكان نهدك مدردم القمر بوبا عليك تقيل الصغيرون ام الجنا ياكريم ربي تسلما تبعد الشر من حلتا جنة للأم الولدتا الفي جبل عرفات وضعتا تسلم البطن الجابتا دي ترباية حبوبتا التميرة الفي سبيطتا الصفار صابغ خضرتا معزورة امها كان دستا وا هلاكي النار شافتا معزباني انا ود حلتا القمر بوبا عليك تقيل الدفيفيق الدابو ني البسيمتو بتكويني كي اهلو ضنو عليها وعلي حبها النساني والدي ما بخليك ان بقيت حي يا قصيبة السكر الني نهدك الما رضع جني ووب على امك ووبين علي القمر بوبا عليك تقيل الديوان الديمة مقشوش بالزهور والورد معروش بالحرير الأصلي مفروش ريحتو مايقوما بلا رتوش كان دا وصفو ماهو مغشوش قدروا الساكنينو في الحوش القمر بوبا عليك تقيل بحر الدمير العض ونزل مرة يسقي الفل والنخل فيهو عام وزينا وقدل ياهنينة البيك عقلي انشغل بعت روحي عشان ليك اصل وانت ابعد لي من زحل يا قمر بوبا عليك تقيل المبارك شيخ الضهر العليك ساسكت وفتر قلي جنيت ولا دستر واي أنا المرضان مكنتر جابو لي حكيم خير وشر قلي يا زول مرضك كتر سببك كم شلاخا خضر القمر بوبا عليك تقيل

متبها كاملة غير مبالي بهردلتنا , ولا اندهاشنا ,,
عندما التفت بدء في شرحه لدرس التشبيه واقاسمه ,,,, تارك مؤلف على الجارم على الجنب ومبحرا مع وردي , واتذكر تماما عندما رن الجرس طالبناه بالمواصلة لان يكمل الدرس الاغنية , ولكن هيهات في زمن المعلم الذي يحترم المواعيد ,,

الــنــذيـــر تـــحـياتــى:

Quote: وبالمناسبة يا بروف عبد الرحمن ما وريتنا أنت ياتو واحد في الصور

المــشــكـلـة إنــو أنــا الـبــصــور دايــمـا.

لــكـن فــى فــريـق كــرة الـقـدم فـى مـباراتــنـا مــع الإنـجـيـلـيـة

أنـا فـى الـصـف الأمـامـى الـجـالـس رقـم 2 فـى يـمـيـن الـصـورة جـوار كـابـتـن دســـوقـى.

أمــا فـى مـباراة كــرة الـســلـة، فــأنـا رقــم 10 الـشــايـت الـكـورة.

Quote: ومزيد من الصور يا بروف

ودى بالـزى الـمـدرســى فـى ثـانـيـة والإشـــارة بـتـاعـة الـمــدرســة جـزء مــن الـزى.



الـمـرة الأولــى لــعــدم وضــعـهـا تـجــلـد 3 جــلـدات مــن عــم يـوســف أو الـمــرضـى الـصـولات

الـمــرة الـثـانــيـة 5 جـــلــدات

الــمـرة الـثـالــثـة تــمـشــى الـبـيـت ومـاتـجــى إلا تـجـيـب ولـى الأمــر وتـجــلــد 10 جــلــدات.

شكرا عبدالدائم
تخيل بوست بنات القديمه وخريجاتها دا ياام كنت بعيده من النت او ما ركزت فيهو لانو يهمني جدا ان اكتب عن تلك المرحله من تاريخنا.

نحن عاصرنا انتفاضات الطلبه ضد نظام مايو وحضرنا امحاولات استقطاب النظام لشباب وشابات الثانوى تحت ما يسمس بشعب الطلاب ولا انس زيارات مصطفي الهادى للمدرسه والناظر كان الاستاذ محمد سعيد معروف .

ساحكي عنها بالتفصيل لاحقا انشاء الله.


عادل سمير : تحياتي

نفس اعرف من هي تلك المربيه الفاضله (( والدتكم الموقره))

والصوره دى في اى مدرسه ...شكلها القديمه بشكلها العريق ومبانيها الجميله ....تخميني صاح؟

شكراً جزيلاً يا بروف عبد الرحمن
وبمناسبة الصور صورتك الآخيرة دي بتشبه
أوكامبو لوول، تحياتي:

وشكراً لمولانا عادل سمير، ويا عادل
دفعتكم دي نصها هنود وللأ شنو؟!
وبالمناسبة هل الدراسة في الثانوي
قديماً باللغة العربية أم الإنكليزية

تحياتي للجميع، وشكراً للغالية محاسن
وأبو الريش وعابدون وبروف عبد الرحمن
ومولانا عادل سمير وعمار وأحمد الصديق
على إثراء البوست

Quote: نفس اعرف من هي تلك المربيه الفاضله (( والدتكم الموقره))

أكيد يا محاسن بتكون درستك (ست ماتيلدا)

Quote: الأخ نزار أعتذر اشد الاعتذار لنعتك بالرافضي والشيعي وأنت لست كذلك فقط يا سيدي اسم النهر أبو بكر وليس بكر فرجاء تعديله ولقد كتبت في أول مداخلاتي Quote: معذرة إن كان استنتاجي خاطئ فكان الأولى بك أن تعدل مداخلتك من بكر إلى أبي بكر وتصوبني بدلا عن Quote: محن ومعذرة لتحريف البوست عن مساره وتحياتي لك

العزيز الدكتور هشام
تحياتي مجدداً

يا زول مافي مشكلة والبيناتنا عامرة
لكن حكاية بكر دي إنت مكبر بيها الموضوع
في لا شيء، فبكر ليست إساءة، فإن كانت
إساءة لمسحتها، ولكنها لا تضر ولا تنفع
ومطالبتك لي بمسحها، والله شكلك كدا
النوع اللي بحكها مع الزول لحدي ما تجيب
الدم لوول، وبعدين إنت شكلك كدا أنصاري
سنة النوع أبو كديس.

تحياتي وشكراً لك على إثراء البوست

أخي النذير:
لا يا أخي أنا لست أنصار سنة وأبعد ما أكون عن التعصب
ولكن ساءني كثرة روابط الشيعة بالمنبر وهجومهم على الصحابة كالشيخين وأم المؤمنين
حتى وكأن الانتساب لاسمي أبو بكر وعمر صار مسبة

عام 1970 كان عاما تاريخيا للمدرسة
إذ لم تكن فيه شهادة وسطى (ثانوية عامة) نسبة للسلم التعليمي الجديد
وتم زيادة عدد الأنهار من 4 إلى 6 بإضافة نهري أبو عبيدة وخالد
وتم تحويل لغة التدريس إلى العربية (تعريب المناهج)
وألغي نظام الجلد (منعت عقوبة الجلد), والتي أعيدت في النصف الثاني من السبعينات عندما عمت الفوضى وكثرت الإضرابات
وكانت أخر سنة يدير فيها المدرسة الناظر القدير الغزالي السراج والد زميلنا أبو بكر الغزالي
والذي خلفه على إدارة المدرسة الناظر عبد الرحمن دياب
عام 71 أيضا كان مهما فلأول مرة تفرض رسوم مدرسية على الطلاب ولأول مرة يقبل طلاب غير مستحقين في مقابل رسوم باهظة لدعم ميزانية المدرسة
وقد تم إعلان كل هذه التغيرات في اجتماع الإدارة بالطلاب في مطلع العام الدراسي والذي كان أخر لقاء للمدير السابق الغزالي السراج بالطلاب
وتحدث فيه عن الطلاب الطالب عبد الله عطية (دفعة 1968 – 1972) مبينا أن ليس كل الطلاب قادرين على دفع الرسوم وكان رد الناظر السراج بأنه تم استحداث نظام يتم بموجبه إعفاء الطلاب غير المستطيعين من الرسوم
أرجو أن يكون فيما ذكرت إجابة على تساؤلات بعض الأخوة

أهلاً بالجميع
أبو الريش
أكان كده أنا أكبر منك!!


وبقيت دفعتك بالرقعة بس!!
هههههههههههههههها

أخي الذي ذكر أحمد آدم
من دفعة 68 الى 72
يبدو أنه أخطأ التقدير
أحمد عافية
درس بالقديمة من 74 الى 77
ويبدو أنه رقع أيضاً بإتحاد المعلمين
وبالأمارة كان في الكديت...

أسأل أيضاً عن التاج
من أولاد بحري
زول أخدر وعندو شعر سبيبي طويل،
ومرضان كرة سلة
رقع معانا بإتحاد المعلمين 78 ؟؟؟

عذراً .... ذكرت في مداخلة فوق إنو الناظر كان (عبدالرحمن السراج) .... والصحيح أنه الأستاذ/ عبد الرحمن دياب.

أحمد الصديق .... مافي مشكلة يا دفعة ....

عموماً أنا إمتحنت الشهادة في 1978

Quote: يا سلام مدرستنا الجميلة ,, عمر عبدالله عبدالرحمن دفعة 1983م من دفعتنا في المنبر عوض هارون ,, الفنان ابراهيم عبدالحليم(كنب واحدة) واظن الاخ ابوهريرة

عمار يا دفعة
شفت السنين بتجرى كيف.
بالمناسبة عادل محمود رحلوا المنشية. اظن تلفونوا معاى

لرفد هذا البوست
اغنية حوار فى اول تعاون فنى لى مع مدنى النخلى
اتمنى تعجبكم
ابراهيم عبد الحليم

سلام متداخلي وقارى البوست.

تحياتي محمد ابن برى الحبيبه.

ست ماتيلدا نحن ما حضرناها. .....لكن سمعنا بسيرتها الحافله وبصماتها في مسيرة تعليم البنات ...احييها
لكن عاصرنا اجمل فترات الخرطوم القديمه والتي كانت وكيلتها المربيه الفاضله (خديجه عبدالله)
كانت فتره تمتاز بالحسم والانضباط المبالغ العالي المقام

كانت النظره انجيلا وكان في فتره محمد سعيد معروف وهناك ناظر لم استجمع اسمع بالكامل لانه لم يستقر كثيرا بالمدرسه اسمه افتكر عبدالرحمن.

كنا سته انهر لذا عدد الفصول كان 18 فصلا.

ومن اسماء الفصول :
اتذكر في السنه الثالثه كان ابن رشد(( علمي + جغرافيا))
كورى ( علمي احياء))
نيوتن (( علمي رياضيات))
وفصلين لللادبي لم استحضر اسمائهم.
اتذكر تماما اننا كنا دفعه مميزه للغايه والنسب التي تم احرازها كانت مهوله وبشكل ملفت .

هناللك بصين للمدرسه واحد يتجه لمنطقة وسط الخرطوم يقوده العم عثمان
والاخر يتجه للاطراف وهي المقرن (( هل تصدقو ان هذه هي الاطراف))

لان بنات المناطق الابعد كانو من ضمن الداخليات وهي لبنات توتي وجبل اولياء ....دنيا

الداخليه كان لها نظام ضبط عالي للغايه : الدخول والخروج.

من النظم التي كانت متبعه انه لايتم خروج اى من بنات الداخليه خارج المدرسه الا باذن او يوم الخميس يتم تسليمها لولي امرها المسجل ومعروف لدى الجميع .
لا اتباهي ولا ادع شي لم يكن حقيقي : كل طالبات المدرسه في تلك الازمان كان لديهم احساس بالمسئوليه والانكباب علي العلم والتزود بالثقافه وكذلك الاستناره السياسيه كانت متوفره للغايه .
ساعود ثانيا

يا محاسن من خلال البوست ادناه ممكن تحصلى الفاتك وبالذات عن والدة عادل سمير

الخرطوم القديمة بنات....علي مر الدهور والازمنة


بالنسبة لدفعتك ايام ( الخرطوم الثانوية ) كان لدى اخت صديقى وزميلى اسمها سعاد عبدالمحمود حسين
نفس دفعتك امتحنت علمى وساكنة الصحافة شرق مربع 36 ، ودرست جامعة القاهرة الفرع كلية التجارة
اكن لها كل التقدير والامتنان بتشكيل جزء كبير من شخصيتى علميا" واجتماعيا" ، التحية لها ولزوجها حسن على عبدالرحمن ببنك السودان ولابنائها .

مولانا عادل سمير ..
من اين اتيت بتلك الصورة التى انمحت من الذاكرة تماما ؟
اتاريك سـغيرونى وجاهل . (عشان طلعنا دفعة) وانا قايلك من ارباب المعاشات .
هل تستطيع ذكر اسماء الزملاء التى بالصورة ؟
الأخ ابوالريش

Quote: رغم إنو عباس تلودي صديق شخصي .... إلا إنو قدامنا بي كم دفعة.

كذلك من نفس الدفعة اذكر الممثل الموهوب ( محمد عبدالرحيم قرنى) .

أخـــى عــابـدون

تــحـيـاتــى

Quote: يابروف ناس مدرسة التجارة ديل شكلهم كدة كان حركتهم خفيفة وغايتو زمنا داك ماحضرت ليهم اى نشاط ماعارف ليه وحتى فى الدورة المدرسية ماكان ليهم نشاط يذكر.

الـتـجارة الــثـانــويـة كـانـت مــلــطــشــتـنـا.

يــعـنـى فـى كـرة الـقـدم كان خـمـسـة كـان ســبـعـة أهــداف.

فــريــق الـخـرطـوم الـثـانــويـة كـان عــاتــى خــلاس.

ونـفـس الــشــئ فــى الـســلـة، ؤغـمـا عـن إنـه كان عــندهـم لاعــبـيـن كــويـســيـن

زى الــســفـيـر عــلـى يــــوســــف.

بــس عـنـدى مــلاحــظــة إنــه أغــلـب لاعــبــى الخــرطـوم الـثـانــويـة كـانـوا مـن أولاد بــحــرى

زى مـاشــايـف فـى صـورة مــباراة الإنـجـيـلــيـة.

والـباســكـت بـول تــقــريـبـا مـاعــدا واحــد أو إثـنـيـن بـس كانـوا مـن الـخـرطـوم أو ثـلاثـة.

حـســع فـى صـورة مـباراة الســـلـة، الخـمـسـة الـفـى الـمـيـدان:

الـمـرحـوم تـاج الـديـن الـكــو ومـرتـضـى مـحـمـد فـؤاد وســيـد أحـمـد حـمـد ومـوسـى إســمـاعـيـل وأنـا

كـنا كـلـنـا مـن بـحــرى.

حـــرام عــلــيــك يـالــنــذيــر:

Quote: شكراً جزيلاً يا بروف عبد الرحمن وبمناسبة الصور صورتك الآخيرة دي بتشبه أوكامبو لوول:

مـالـك دايـــر تــجــيــب لــيــنـا الـهــوا يــاخـــى!!!

تـــحـــيـاتــى

يااااااااااااه على الخرطوم القديمة زمان

قبل ما يرحلوها بري

كانت لنا أيام وذكريات لايستوعبها بوست وسأرويها بمذكراتي في يوم ما..

تحياتي لك النذير

الأعزاء إبراهيم عبد الحليم ومحاسن شكراً
لكما لإثراء البوست

تحياتي وكل عام وأنتم بخير

تحية ...جميل ان تعودون بنا الي الذكريات عن هذا الصرح العظيم ...والذكريات صدي السنين الحاكي ..ما قال شوقي..

انا من دفعة 68-69..المدير ..عبد الباقي محمد لسنتين ثم السراج..الاساتذة الكرام ..زمحجوب عمر باشري ...محمد سعيد الق معروف ..محمد سعيد القدال...حسن عبيد ..عبد المنعم .جرجس محارب ..حسن عابدين..الخير .. جناح .العريفي ..مستر اوتس .. الشفيع امين المكتبة .. واخرون من العقد الفريد

النشاط المدرسي ..جمعية التصوير..ابراهيم عبد المنعم 0 (الدبلوماسي الجميل ..والفنان محمد حامد شداد وشخصي الضعيف واخرون)..التربية العسكرية .زالصول المرضي ..هشام والكو .جمعية اللغة الانجليزية ..المستر اوتس والاستاذ الحبوب محجوب غمر باشري .زسمير فضل بخيت ( القاضي.. محمد خضر ابراهيم ..ابراهيم عبد الوهاب وشخصي )..جمعية السير علي الاقدام ...مولانا يوسف عربي ..محمد عطرون وشخصي ... جمعية التاريخ ..عبد المحسن علي عمر ... كرة القدم الكباتن قسم السيد ترانسيستور ..يوسف ابو صلعة ...الحاج قسم السيد ...بارود .سليمان الحاج .. عثمان عابدين

الدفعة من اصدقاء العمر ..المهندس يف الدين عبد الجليل ..المهندس عبد العزيز شطة ..المستشار عبد الرحمن ابراهيم الخليفة ..اللواء الفاتح عروة قبل انتقاله الي بحري ..اللواء ابو العباس عبد الرحمن قبل انتقاله الي الفاشر..الدكاترة مصطفي سيد احمد ..محمد عبد الله حاكم ..عبد الله جابر .عثمان محجوب ..زين العابدين سعيد ياسين .. احمد الحسن البروف هاشم محجوب .. الطيار سليمان الخولي .الطيار المعتصم عبد الحليم ..يرحمه الله ..الطيار كمال مبارك .. هاشم ابورنات ...محمد حامد شداد .زالنعيم عدلان .. محمد خضر ...ابراهيم عبد الوهاب ... عبد الله علي ..محمد الحاج ضرار .ختمي .. عمر سعد يرحمه الله( يا ناس انتو)...( وين انتو)

.كنا اول دفعة يتم تدرسيها اللغة الانجليزية عن طريق التلفزيون .. واول دفعة تتلقي منهج التاريخ الافريقي عن استاذنا المرحوم محمد سعيد القدال ..


سيتواصل سرد الذكريات

هدية لكل الجلاكيم هنا ..

سلام يا ناس الخرطوم القديمة
عساكم بخير

كيفك يا عبدون انت برضه هنا متعك الله بالصحة والعافية ما تستغرب
لانه انا من الخرطوم القديمة لكن من دفعة ( 69-72 )

الناظر / محمد الغزالى السراج
الوكيل / محمد سعيد معروف ( رحمهم الله )
الفصل / اولى (ج)
الاستاذة وعلى ما اذكر ومعذرة اذا خانت الذاكرة

الانجليزى - عبد المنعم - عبد العزيز - محمد الحسن ( الان سفير بتركيا )
العلوم / جرجس / مصطفى بوستى / حسن عبيد الشايقى / حسن فضل المولى
العربى / النورانى / جعفر محمد عثمان
التاريخ / العراقى
الجغرافيا / عبيد على ما اذكر / استاذ عبد الله
الرياضيات مصطفى عابدين

الدفعة وعلى ما اذكر من بحرى

قرن شطة (منعم ) / مصطفى نوارى / مزاحم الضوى / حاتم / صلاح / سيف الدولة / نادر حيدر عبيد
هولاء من بحرى على ما اذكر
الخرطوم ما اذكر / محمد الحسن الامين / رشاد البلك / حجزى / عبد القادر عبد الرزاق / كمال المرضى / الفاتح حمد / احمد عافية
جمال ( جنابو ) عبد المنعم كرار ( الله يرحمه ) وغيرهم لم تسعفنى الذاكرة
مبارك من برى / رياض / صلاح / زهير محمد محمود

اما الورانا والقدامنا على ما اذكر
جنابو / يوسف ابو صلعة لاعب النيل ود الجاك لاعب القوز / السر المقدم / محجوب عروة / هاشم السمكة / السمؤل اما الجمعيات فاذكر فى الكديت
عمنا الصول يوسف / وعمنا بابكر ( الله يرحمهم )
وارجو ان تزعفنى الذاكرة
اما اشهر رحلة هى التى قمنا بها لكسلا كانت كشفية وتاريخية وموسيقى وعلى ما اذكر اول فنان قابلناه فى ذلك الوقت الفنان ترباس حيث غنى لنا فى حديقة بالسواقى واعتقد الاخ يوسف يذكر هذه الرحلة وكان معنا فنان حقيبة برضة درس فى الخرطوم لكن اسمه راح على فهل تذكر يا يوسف اسمه

لنا لقاء بعد التعليق من الدفعة انشاء الله

اخوكم / فيصل عبد الله محمود

يــا مـحمــد الـكـامـل ســـلام:

يــاخــى إنــت لــخــبـطـتـنـى.

قــســـم الـســيـد تــرانـزســتـر كان دفــعـتـى 1965 ولــعـبـنـا سـوا فـى كل الـمـباريـات مــن ســنـة أولـى لـغـايـة رابـعـة.

و عــبـدالـرحمـن إبـراهــيــم الـخـلـيـفـة كـان الـدفـعـة الـورانـا،

دفـعـة صــفـوت ومـحـمـد ســيـدأحـمـد والـفـاتـح عـروة وعــلـى عـثـمـان -- عــلـى مـاأظـن!

بـس أخـوه الـســفـيـر عـبـدالله إبـراهـيـم كـان دفـعـتـنـا.

والـمـســتـشــار مــحـجــوب أخــوهـم كان قـدامـنـا بـثـلاثـة ســنـيـن.


فــكــيـف إنـت دفــعـة 68-- 69؟؟؟؟

صـاح إبـراهـيـم عـبدالـمــنـعـم كان مــعـانـا فـى جـمـعـيـة الـتـصـويـر بـس ورانـا بـســنـتــيـن.

وأخــوه الـفـاتـح كان ورانـا بـســنـه دفـعـة تـاج الـديـن الـكـو وبــارود ومـحـمـد عـبـدالـبـاقـى!!!

فــعــلا عـبـدالـباقـى مــحـمـد كـان الـنـاظـر لـمـن تـخــرجـنـا، ودكــتـور الـقـدال قـبال مـايــتـم الـدكـتـوراة ويـجـى جـامـعـة الــخــرطـوم كان أســتـاذ الـتـاريـخ

والـعـريـفـى أســتاذ الـفـنـون و مــصـطـفـى عـابـديــن أخــو عـثـمـان عـابـديـن وأوتـس بـتـاع الإنـجـلـيـزى وولـده وعـبدالـمـنــعــم الـفـنـان.

هــل إنــتــو حـضـرتــو مــلـكال الـثـانـويـة؟؟

الله يــفـتـح عـلـيـك ذكـــرتــنـا الـمـاضـى و"أنـفــرد" حـبـل الـذكــريـات!

فـلـك الــود.

تقديراً لمدرستي
لطُلاّبها
و أساتذتها الأجِلاّء
قُمت بمسح صور مُداخلات فاتح البوست الغير مُحْترم
والذي أسْتنْكِر بِشِدّة تصدِّيه لفتح مِثل هذا البوست
من باب
فاقد الشيء لا يُعْطيه

الأخ علاء ....

الأفضل أن يتم علاج ما جاء أعلاه في البوست المعني.
قد يكون حساب الأخ نذير مهكّر ... أو غير ذلك .... لا أدري.

في كل الأحوال ... من المؤكد أن البوست المعني/ المداخلات سيتم حذفها .. والإدارة كفيلة بذلك، أرجو أن لا يتم نشرها في بوستات أخرى.

لذا، أرجو شاكراً، التكرم بحذف الكوت أعلاه حتى نضمن استمرارية هذا البوست الذي لا يحمل في طياته عداءات، بل ذكريات، ولا شئ غيرها.

شكراً لك.

الأخ أبو الرِّيش
حساب هذا المعتهو غير مُهكّر
دة أسلوبو
فتح لي بوست قبل أيّام و بيسأل عن
من أين لك هذا؟
لي أنا
و سأل عنِّي و قال:
وين مُربِّي الأجيال دة

مع إنُّو كونك تكون مالك مدرسة ما معناها إنّك أُسْتاذ
أها الموضوع جاب الموضوع
ديك مدرسة و دي مدرسة
و أنا خِرِّيج من الخرطوم القديمة أرفض أن يفتح بوست بإسمها هذا المعتوه
بالمُناسبة
البوست القلتو ليك الفتحو هو بنفس أسلوبو الفوق دة
موجود و مكبشر بالكامل
بجيبو ليهو حِتّة حِتّة

تحية للاخ علاء.... يا اخي علاء بحق الحرف والكلمة والمعني .....وسمو النفس فوق مزالق تاخذنا الي متاهات البعد عن الاخر..وعدم التواصل البناء ..

الخلاف السياسي يجب الا يحول دون سمو المعاني..زبالانقاذ اصدقاء لنا ..ناس علي عثمان وغيرهم يعلمون اختلافنا معهم سياسيا لكن ذلك لا يكون مدعاة للبغض او الكره ...

ان جاءاك ما يسئ من اي شخص فقابله بالتي هي احسن...ان كان النذير او غيره ...ومن هنا ندعو النذير لمصافحتك لوجه الله مع بقاء الخلاف السياسي...فالنجعل من انفسنا قدوة ومثل ...هاجسنا الوطن المعافي ..وسيرة السوداني الذي يحمل من النبل ويفيض...

انتما اخوان في الرضاعة اسفيريا..ان لم يكن يجري النبيل في عروقكم ...فهل نسمع عنكما ما يعيدكم الي سيرة السوداني الذي اعني ..ارجو ذلك ...ومعذرة ان جاء حديثي بما لا تهوي او تريد ....ويا النذير شن قولك

تحية للاخ علاء.... يا اخي علاء بحق الحرف والكلمة والمعني .....وسمو النفس فوق وزالق الشيطان ..وسعينا للحوار المعافي..زوالجدل البناء.زرغم اختلاف الراي...بحق كل ذلك نربأ بكم تداول الاحرف التي تاخذنا الي متاهات البعد عن الاخر..وعدم التواصل البناء ..

الخلاف السياسي يجب الا يحول دون سمو المعاني..زبالانقاذ اصدقاء لنا ..ناس علي عثمان وغيرهم يعلمون اختلافنا معهم سياسيا لكن ذلك لا يكون مدعاة للبغض او الكره ...

ان جاءاك ما يسئ من اي شخص فقابله بالتي هي احسن...ان كان النذير او غيره ...زومن هنا ندعو النذير لمصافحتك لوجه الله مع بقاء الخلاف السياسي...فالنجعل من انفسنا قدوة ومثل ...هاجسنا الوطن المعافي ..وسيرة السوداني الذي يحمل من النبل ويفيض...

انتما اخوان في الرضاعة اسفيريا..ان لم يكن يجري النبيل في عروقكم ...فهل نسمع عنكما ما يعيدكم الي سيرة السوداني الذي اعني ..ارجو ذلك ...ومعذرة ان جاءا حديثي بما لا تهوي او تريد ....ويا النذير شن قولك

تحية ....مشكور يا عبد الرحمن .زانت والنذير والاخرين فان ذكي الخرطوم الثانوية القديمة اهاجت اشجاني ... مثلما اهاج الهوي انين السواقي...السيد علي عثمان كان في السنة الثالثة حين اتينا ..اما ابراهيم عبد المنعم فكان قبلنا بدفعة واحدة... قسم السيد كان في السنة الرابعة هو واسامة التيجاني لكن اخاه الحاج كان معنا ...الفاتح وهاشم ابورنات و ابو العباس والاخرين الذين جاء ذكرهم كانوا دفعتنا..زالقدال لم يكن حاصلا علي الدكتوراة حين كنا تلقي العلم علي يديه ... معهد مريدي كان بجورنا وكان به الشاعر محجوب شريف وابن خالتي ابراهيم عبد الله ومن وقتها كانت شاعريته... اما محجوب ابراهيم فكان في السنة الرابعة وقتذاك..اما عبد الرحمن شقيقه فكان معنا وكان من دعاة القومية العربية ... السمؤل فنان المدرسة كان في الدفعة التي بعدنا بسنة هو و سعادة العميد يوسف ابو صلعة...

اذكر انني ارسلت خطابا من كندا الي عبد الرحمن ابراهيم ظانا انه في امريكابعنوان خطأ لشخص اخر يدعي عبد الرحمن ابراهيم فهل هذا الشخص هو حضرتكم...

انا سعيد بالتعرف علي شخصكم الكريم...ونحتاج ان نقول الكثير عن تلكمو الايام الخالدة في الذاكرة ...وفي الوجدان

لكم جميعا احترامي ..وسنعود...

مع هؤلاء الاساتذة عندى معهم حتى الان لا زال صلات طيبة
الاستاذ عبدالمنعم ابو الحسن يسكن الحاج يوسف مربع واحد كان بلبيا ورجع لديه ابن اسمه احمد
الاستاذ مصطفى عابدين وهو قريبنا ببرى زرته ابان اجازتى الاخيرة للسودان اواخر عام ٢٠٠٩ وشلت معاه الفاتحه فى اخوه المقتول عثمان عابدين والقصة معروفة للجميع بقتيل برى ومدير احد البنوك الذى قتله ولده. كذلك شلت معاه الفاتحة على روح ابن اخيه وزميلنا العقيد محمد صلاح عابدين الذى استشهد فى ضربة ام درمان كاعلى رتبة
الاستاذ مصطفى عابدين مؤيض بالسكرى والضغط الخ ولكن الابتسامة ياها ذاتها
الاجازة دى التقيت فيها بمحمد ابوالعزائم ابوالريش


إبراهيم

يا ريت الناس ما تنسوا ذكرى الاستاذة المصريين ,,

اساتذة الرياضيات والفيزياء ,,,

Quote: يا ريت الناس ما تنسوا ذكرى الاستاذة المصريين ,, اساتذة الرياضيات والفيزياء ,,,

الأخ عمّار .....
طيب .... رأيك شنو أعمل ليك Combination لمسألة (الأساتذة المصريين) و(الخرطوم القديمة) و(ذكرى ثورة أكتوبر) التي تحل اليوم ..... ((كل عام والجميع بخير))

طبعاً جرت العادة أن تكون ذكرى أكتوبر المجيد عطلة رسمية، وتبدأ الإذاعة منذ الصباح الباكر في بث أناشيد أكتوبر التي كان يحفظها الجميع عن ظهر قلب. منذ منتصف السبعينات (في العهد المايوي) بدأ الإهتمام بأكتوبر يقل، حتى تم إلغاء الإجازة، وذلك بالسكوت عن إعلانها.
في السنة الثانية (أظن العام كان 1977)، في حصة الكيمياء، وكانت مع الأستاذ/ جرجس محارب، دخل الأستاذ الفصل، وكالعادة إتجه للسبورة ليكتب التاريخ. طريقة كتابة التاريخ التي اعتدنا عليها كانت بكتابة اليوم والشهر(عددي) ثم السنة، مثال: (15/12/1999)، في ذلك اليوم كتب الأستاذ جرجس التاريخ: 21 أكتوبر 1977، لم يكتبه 21/10/1977، لا أدري إن كان قصدها أم لا، ولكن عندما رأيتها مكتوبة هكذا (21 أكتوبر)، بكيت من الغيظ، فقد كانت المرة الأولى التي يحل فيها هذا التاريخ وأنا جالس على مقعد الدراسة.

ابو العزايم يادفعة انا بتذكر شكلة كانت مرة واظنها سنة 77 ( السنة التانية ) مع الاستاذ جرجس فى المعمل مع ابو الريش بس ما متأكد انو دا انت بالذات .. هل تتذكر واقعة زى دى؟

تحيه اخوانا واخواتنا المتداخلين والقارئين.

ياعمار : انا شخصيا لم انس دور المعلمين المصريين ومساهماتهم في تدريس هذه المواد الهامه بصوره سلسه للغايه : كيمياء وفيزياء ورياضيات واحياء.

انا اتذكر تماما
استاذه نبيله - احياء

استاذ غليني : كيمياء

استاذ موريس : فيزياء


اتمني ان تكتب بنات الخرطوم القديمه عن اسهامات هوىء الاساتذه .


ممكن اضيف اسهامات استاذاتنا السودانيين الاجلاء

من من لم يذكر شعبة الرياضيات واساتذاتها واستاذاتها النوابغ :

عبدالرحيم وسعديه.

اما الفرنسي : استاذتنا حفيظه ومن بعدها الاساتذه الفرنسيين الزائرين .

لك التحيه مدرستنا العريقه ولكم اساتذاتنا الذين لم يبخلو علينا بعصارة فهمهم

كتب الأخ فيصل عبد الله محمود:

Quote: لانه انا من الخرطوم القديمة لكن من دفعة ( 69-72 ) الدفعة وعلى ما اذكر من بحرى قرن شطة (منعم ) / مصطفى نوارى / مزاحم الضوى / حاتم / صلاح / سيف الدولة / نادر حيدر عبيد هولاء من بحرى على ما اذكر الخرطوم ما اذكر / محمد الحسن الامين / رشاد البلك / حجزى / عبد القادر عبد الرزاق / كمال المرضى / الفاتح حمد / احمد عافية جمال ( جنابو ) عبد المنعم كرار ( الله يرحمه ) وغيرهم لم تسعفنى الذاكرة

الأخ فيصل:

أنا درست قي القديمة 1971 - 1974
وكنا أول دفعة تدرس ثلاث سنوات
لو افترضنا أخي أنك دفعة 1968 - 1972 فمصطفى نواري و عبدالنعم كرار ليسوا دفعتك وأعتقد إنهما امتحنا شهادة عام 1971 ولم نعاصرهما في الخرطوم القديمة (أعرف مصطفى من كلية الهندسة والمرحوم المقدم عبد المنعم تربطنا بأسرته علاقة جيرة وصداقة عائليه)
أحمد أدم (عافية ) كان حارس مرمى فريق الحلة (النيل الأزرق) قبل انتقاله إلى الإتحاد على ما أعتقد ثم الهاشماب فالهلال وحضرناه سنة في القديمة حيث امتحن شهادة سنة 1972
الدفعة التي امتحنت شهادة سنة 1972 كان فيها د محمد حسين حسن أبو والطاهر صباحي وبروف أسامة عوض الكريم وبروف كمال شرف والسفيران أبوبكر صالح محمد نور وعامر أحمد المرضي جبارة بالإضافة لأحمد أدم (عافية)
أخي أكتب ما أكتب من الذاكرة وهي أحيانا تخون فالرجاء تصويبي إن أخطأت, وشكرا

لأخ أحمد صديق
أحمد أدم كان يلعب في فريق حلتي وأعرفه جيدا ودرسنا معا بالقديمة سنة واحدة 1971 - 1972 حيث أنه امتحن الشهادة سنة 1972
كان يقود الكديت في المدرسة وأذكر جيدا كان في استعراض للكديت في المدرسة وكان قائده أحمد أدم (أنا لم أكن في الكديت)
وكان بديهم أوامر على ما أذكر "يمين دور" و"شمال دور" قال ليهم على شنئ مماثل ل "داير ما يدور" وأعتقد إنهم كان مفروض يلفوا 180 درجة جماعة لفوا يمين والباقين شمال وحصلت دربكة شوهت من استعراض كان جميلا جدا ولا يقل روعة من استعراضات الجيش في واحد كانون الثاني (يناير) من كل عام في شارع الجامعة (حدائق الشهداء) أمام القصر (مع الفرق)
بعد الاستعراض كان الصديق أشرف زكي الحاج (دفعة 1969 – 1973 ) غاضبا وقال "نحن أحمد أدم ده ألف مرة قلنا ليه ما يستعمل "داير ما يدور" يقول شمال دور مرتين أو يمين دور" الكلام ده كان في أوائل سنة 1972
يا انتو قاصدين أحمد أدم ثاني غير أحمد أدم بتاع الهلال والفريق القومي يا الزول ده قرأ القديمة مرتين.

وبالمناسبة الطالبين الوحيدين الذين أعرف أنهما درسا في القديمة ولعبوا فريق قومي كرة قدم هما عمار خالد وأحمد أدم هل هناك آخرون؟؟؟

الاخ هشام اسعدت مساءا وكيف حالك
شكرا على المداخلة ومعليش الكبر حصل والله
من ناحية الجماعة ديل دفعتى متاكد احمد عافية ما متاكد يمكن الدفعة الورانا بس اشتهر بحراسة المرمى وجنه كورة وكديت
لكن عبد المنعم كرار الله يرحمة زاملنى انا والاخ كمال المرضى برحلة كشفية سيرا على الاقدام واتذكر انه لديه اهل عزمونا
بحى فى مدنى يسمى الحي البريطانى وعلى ما اذكر كان مدربنا فى الكشافه ( الاخ صلاح طه) الملقب( بصلاح حريقه ) لانه والده
كان بالدفاع المدنى على ما اذكر وبرضه الاخ عبد القيوم من بحرى الهجرة ومتاكد من الكلام ده وقرن شطة برضة دفعتى بس انا فى (ج)
والاخ قرن شطه على ما اعتقد فى عمر ولا ابو بكر ما متاكد ومحمد الحسن الامين كان جارى فى درجين جنب بعض وانا برضة السنين متلخبطه على
وعلى فكرة انا ما قعدت فى السودان كتير لى حوالى 25 سنه بالسعودية وحصل لى حادث بالسودان فقدت فيه عمى محتمل يكون اثر على الذاكرة الخربة
اما من ناحية الايام الجميلة التى قضيناها بالخرطوم القديمة فبعضها لن ينسى اخى هشام

دام الود بيننا ولنا لقاء انشاء الله

اخوكم / فيصل عبد الله محمود

أخي فيصل
أنا برضه كنت في السعودية (جامعة الملك سعود في الدرعية) قبل هجرتي إلى هذا المنفى في أقصى الأرض
أخي على ما أعتقد انك كنت دفعة 1967 – 1971 في القديمة ولم نتعاصر في القديمة
ولكن تربطنا ذكريات مشتركة يجمعنا بها هذا الصرح العتيق
أخي فيصل طاب مساؤك ولنا عودة

اخى هشام عوض الكريم
عساك بخير وعافية
اخى هشام سعدت جدا بان اجد احد الاخوة زملاء دراسة ومغترب ولى عظيم الشرف بمعرفتك
وفعلا هذه الدنيا تجمع لتفرق وتفرق لتجمع ولا تنسى ان هناك زملاء دراسة ودفعة ومحتمل تكون انت
من الزملاء وليس الدفعه ولكن كما قلت فى الاخر تربطنا ذكريات مشتركة بهذا الصرح العتيق
ومع العلم كان لنا اصدقاء بالدرعية منهم الاخ على حمد وكان يعمل بقسم الاسكان وهو من الدبيبه
وكذلك الاخ عبد الحفيظ محمد الحسن والذى يعمل بمستشفى الملك خالد ومتزوج بشقيقة الدكتور
حمور الله يرحمه ويسكنه فسيح جناتة يارب وله فضل عظيم بعد الله على وهو اجراء عملية بالمستشفى
لا اطيل الحديث ونعود لذكريات القديمة
مع الاخ عبد المنعم وكمال المرضى الفاتح حمد والشله
ايضا من الدفعه الله يطراه بالخير الدكتور عادل فضل عبيد واين هو الان لا اعلم وزملاء كثر لان المدرسة
كانت بها عدة انهر وعلى ما اذكر ايضا كانت تحتنا على طول مدرسة رمبيك الثانوية والتى
درس بها عضو الحركة الشعبية الاستاذ / لام اكول وكان مشهور بتفوقه فى الرياضيات
والاخ الدكتور نادر واخوه الدكتور معز حيدر عبيد ابناء عم عادل فضل عبيد
انا متاكد تماما من الشله والدفعةومن الزملاء بالمدرسة ايضا هاشم المعروف بالسمكة ويوسف ابو صلعة وهو الان بجده
والاخ جمال يوسف جنابو والاخ عمر وكان ضابط بالسجون والاخ مرغنى وعبد الهادى والدكتور محمد المشرف وهو الان هنا بالسعودية ويعمل
بمستشفى القوات المسلحة بالرياض

ولى ذكريات انا والاخ كمال المرضى مع استاذ الانجليزى من بحرى وهو الاستاذ عبد المنعم والذى عمل بالتلفزيون مذيع
لنشرة الاخبار بالانجليزى وايضا عمل فترة بالسعودية
فى حديثك قلت انت فى المنفى اين هذا المنفى اخى هشام ؟
انا طبعا لا زلت بالرياض وبعد ثلاثة وعشرون عاما زرت السودان ايام الانتخابات وعدت سريعا ووجدته قد تغير
ولنا شوق بحر اخى للسودان وللذكريات الجميله بالاخص الزملاء الذين تقلدوا مناصب بالدولة لنعيد الذكريات

دام الود بيننا ولنا لقاء انشاء الله

اخوكم / فيصل عبدالله

شكراً جزيلاً كل القديماب الحلوين
وشكراً لكل فرد كتب أو مر من هنا

لقد وصلتي عدة إيميلات من أبناء القديمة
وساقوم بنشرها على التتابع

تحياتي للجميع

هذه مشاركة من الزميل عمر عبد الله من أبناء مدرسة
الخرطوم القديمة:
الاعزاء بدولة النت
ذكريات كثيفة حول الخرطوم القديمة
وصور كتيرة موجودة لدى بس وين نلقى الاسكنر ...

يا عزيزى مزمل خيرى ما شاء الله على قوة ذاكرتك .. وربنا يحفظك
اسماعيل احمد عبدالقادر فى الصور دى موجود
وسعيدين بالتواصل
ودمتم
عمر عبد الله
ومرفق معها هاتين الصورتين:

Dear Nazeer,

Beautiful and Nice post, took me 23 years back. I am 87 school graduate spent the best 3 years of my life. a time, I would claim, we had the best high school teachers in the country:

Mustafa Abdeen- Principal
Awad Aljeed - Geog.
Mahdi - chemistry
Badredeen - Elect
Migani Yousif - light
Tigani - Prel. Math
Al-kotsh - Additional
Abu alnoam - nick name- Relig
Al-pop - Relig.
Al-norani - Arabic

and many other i can't call. I went for a vacation to Sudan last year, and made an effort and search to visit and see my teachers (after 22 years) and I was lucky enough to see Ustaz Altigani and ustaz Badreleen, they were never changed and they surprised me with their strong memories about 87 patch students and even remembering funny situations. They were glad with my visit, really we owe them a lot. sorry for writing in English (don't have Arabic keyboard) otherwise I wouldn't stop.

thanks
hisham
________________________________________

Hisham Himmet
Senior Bridge Engineer
City Of Philadelphia
Streets Department
Bridge Section
830 MSB - 1401 JFK Blvd
Phila, PA 19102
Phone: (215) 686-5183
Fax : (215) 686-5059
E-mail: [email protected]

ووصلتني كذلك رسالة - خاصة - من صديقي
العزيز هشام مصطفى صالح - قائد الكديت في دفعتنا
ويبدي إستعداده بالمشاركة بما وصل إليه الكديت
من عام 1989 - 1992 مع إرفاق بعض الصور

مرحب بجميع المشاركين عبر الإيميل

هو بالله انت يا النذير قريت مدارس
واتعرضت لعمليات تربية وتعليم زينا كدا .. سبحان الله !!
طيب لغة الشوارع والشماشة دي جبتها من وين ؟





محمد ابو العزائم الفوق دا قال لي في مداخلة ما ممكن تكون دي كتابة النذير
الزول دا احتمال يكون حسابو مهكور تصدق ؟ شفت الناس دي مغشوشة فيك لياتو درجة
أها يا ود ابو الريش شوف امس القريبة دي الصعلوق دا كاتب لي شنو لما عرضت ليهو الكلام الكاتبو هو بيدو :

Quote: شوف يا كيبوردي يا عفــن يا جبـأن أنا ما كيبوردي و######## زيك، وبشتم الناس بدون سبب، وما فعلته كان أضعف الإيمان، وبعرف بلم فيك برة المنبر دا وأنظمك كويس، وتف في وشك وفي وش العلمك الإنترنت

هنا Re: بدون زعل: لماذا يصر السودانيون على العيش في مصر؟!
برضو تقول لي حسابو مهكور

______________
ملحوظة : لن امسح هذه المداخلة مهما حصل الا باعتذار واضح وفي بوست منفصل

الأخ عبدالوهاب ..

حقيقة الأمر أنا ما قلت (ما ممكن تكون دي كتابة النذير)، بل عضو تاني قال الكلام ده، وأنا قلت (تأميناً برضو على كلام عضو تاني) إنو تهكير حسابو أمر وارد، أو شئ بهذا المعنى، وما ممكن أقول دي ما كتابتو لأني ببساطة ما بعرفو.
الشئ العايز أقولو يا عبدالوهاب، إني ما بدافع عن النذير، ولا يمكن أدافع عن أسلوب رخيص زي ده، بس كنت بقدّم الإحتمال الأفضل (تكضيب شينة)، وغرضي - لا يزال - عدم المساهمة في نشر مثل هذه الألفاظ عبر البوستات.

الكلام الإتكتب في حقك (بالتالي في حق الموقع) مرفوض ولا يقره عاقل. كل ما في الأمر إنو هذا البوست يؤمه الآن أخوة وأساتذة أفاضل وأجلاء أتمنى عليك أن لا نشركهم في ما حدث.

ملحوظة:
هذا البوست بعد كتابته بعنوان (تواصل خريجي مدرسة الخرطوم القديمة) أصبح خارج ملكية كاتبه .. وأصبح ملك لكل منتمي لهذا الصرح التاريخ.

إحترامي

Quote: تقديراً لمدرستي لطُلاّبها و أساتذتها الأجِلاّء قُمت بمسح صور مُداخلات فاتح البوست

شكراً علاء

السيد عبد الوهاب علي الحاج:
نعلم أن ما نعت به مسيء ويخرج عن حدود ما هو مسموح به في هذا الموقع
ولا أدري إن كنت درست في القديمة أو لا
ولا أرى داعيا أن يعتذر إليك أحد سوى من أخطأ قي حقك ولا أظنه فاعل وأعلم أن بينك وبينه إحن وخصومة أظنها سياسية
وقدرك سيدي أجل من تنعت بمثل هذا الكلام
وأربأ بك أن ترى عرضه لائقا في رابط مدرستنا أو رابط أي مدرسة كانت
وأضم صوتي لصوت الأخ محمد أبو العزائم أبو الريش راجيا حذفه تأسيا بالأخ علاء
ودمت

الأخ فيصل
جامعة الملك سعود كبيرة جدا ويعمل بها الكثير من السودانيين
وكانت علاقتنا محصورة بمن كانوا يعملون في كلية الهندسة وجيراننا في كلية العلوم
ومن كانوا يلعبون كرة القدم
المنفي الذي أعنيه هو مقري الحالي في مدينة دالاس بولاية تكساس الأمريكية
وأما أخر عهدي بالسودان وأهله فلا تسأل
أبناء دفعتي كثيرون كنا حوالي ال 330 طالبا
منهم من زاملونا في الدراسة في هندسة الخرطوم كالمرحوم مأمون حسين حسن أبو وعبد العظيم حسب الرسول و عبد الدائم حسن أحمد و الأمين بابكر الأمين والأمين ميرغني الأمين الحاج وأسامة أيو الريش (معمار) وصديقي مصطفى عبد الجليل مختار (والذي درس سنة واحدة في القديمة ثم تحول للجديدة ) ومن درسوا كلية الحربية أذكر منهن الصديق شاكر علي الطاهر ومن درسوا بطب الخرطوم أذكر منهم صديقي أحمد محمد مضوي ويوسف الكردفاني وصالح حمدي القباني وصلاح هرون وصلاح مكي حسن أبو وخالد محمد علي عامر وعمر حسب النبي وكلية الزراعة منهم الطاهر يعقوب و أعتقد أن الأخ شمعون عبد السلام درس زراعة أيضا وكلية البوليس كانوا عماد ود المقرن ورفيق الصبا المرحوم نادر علي مصطفى والذين درسوا بمصر أذكر منهم الأخوان محمد أحمد القاضي وأمير الخضر وضياء الدين إبراهيم المفتي وسقراط وفتح الرحمن عثمان عوض الكريم و محمد عبد الوهاب مقلد ومن درسوا في إنجلترا منهم الأخ المرحوم صلاح هاشم ومعتصم داؤود عبد اللطيف كما أظن أن الأخ هاشم ملاح أيضا درس في إنجلترا ومن درسوا في أمريكا منهم الأخ علي بن عوف سلمان ومرتضى محجوب علي باشا وشرق أوروبا منهم علي إبراهيم قاسم مخير وبابكر محمد عبد الكريم بدري والفاتح النذير دفع الله وأبو بكر الغزالي السراج وأحمد عبد المنعم فهميوأعتقد أن الأخ صلاح محمد الحسن أيضا درس في شرق أوروباوأعتقد أن طلال الزبير حمد الملك درس في فرنسا. أما من درسوا في الفرع (جامعة القاهرة فرع الخرطوم) والمعهد الفني فباقي الدفعة
أخي فيصل ظروف عملي لا تسمح لي بالدخول إلى المنبر كثيرا
ولكن أرجوا أن يستمر التواصل بيننا عبر المنبر
تمنياتي لك ولأسرتك بالخير والتوفيق
ودمت

هشام سلام ، متذكرني ؟؟ أنا كنت دفعت القاسم أخوك في الاميرية و القديمة و كان معانا الفاتح أيضا

سلامات يا جماعه.
تداخلاتكم وذكرياتكم ممتعه ومفيده وثره .....وما اجملها من ذكريات.

لكن لدى ملاحظه : قلة او انعدامه حتي اني بحس اني كاني بونس نفس عن تلك الفتره الخصبه من حياتنا الدراسيه.

اين انتم صديقات وزميلات تلك الفتره؟

اين دز سلافه وذكرياتها الممتعه ؟ ...اين الاخريات ؟

تحياتى للجميع ...

دفعة 73-76 - أولى أبوبكر .تانية أبو بكر ... تالتة أبوبكر
المدير الأستاذ عبد الرحمن دياب الوكيل الأستاذ حسن عبيد

الأساتذة:
مصطفى عابدين ... النورانى ... جرجرس ... فتح الرحمن .. أحمد عبد الله .. مولانا السمح و الشين ...اسكتش .. مصطفى بوستى .. ثروت ... ..الخ

تحياتى با عادل وسلامى لعمر أبو شام

أمير

الاخ هشام اسعد الله اوقاتك بكل خير
كيف حالك وانت زى ما قلت بالمنفى لا حول ولا قوة الا بالله
الله يعينك يمكن نحنا شوية احسن بنشتم رائحة السودان وكان هفت لينا بنركب الباخرة ونعدى
لكن انت الله يكون فى عونك اخى هشام والله ما تصور كم سعدت بمعرفتك عبر هذا البوست
واتمنى ان يتم التواصل بيننا ان شاء الله وما يهمك انا مواصل الايام دى بس لانه فى اجازة من العمل
وعذابى لانه المدام بالسودان لوفاة والدتها الله يرحمها
ومقيم انا بالسعودية منذ 1977 وعملت بعدة شركات ومرافق حكومية ونهاية المطاف شركة اصول
المالية تابعة لهيئة سوق المال ولكن للاسف لم تتوفق وقللت من الموظفين
نعود لذكريات القديمة العرقة انت كويس المتذكر زملاء الدراسة ومواقعهم الان انا من زمن افتقدت كثير من الزملاء
وكان معنا الاخ على حمد وهو من ابناء برى وشقيق عبد الفتاح حمد الله يرحمه وقبلت معه اح الزملاء والذى كان يعمل
مع الشريف زين العابدين الهندى ببريطانيا على ما اعتقد واستعدنا بعض الذكريات وعلمت منه ايضا بوفاة احد الزملاء من برى
وايضا كان بالسعودية ولكن لم اكن اعرفه واظنه كان بالدمام وهو الاخ ( عصام خضر ) توفى الله يرحمه
والى الان بسال عن بعض الزملاء
وهم :-
الدكتور / اذهرى عوض الكريم
الدكتور / عادل فضل عبيد الملقب ب ( عادل كنشاسا ) لانه والده كان سفير السودان بكنشاسا
المعز حيدر عبيد ابن عم عادل
حسن مرغنى الملقب ب ( حسن فش )
التاج النجومى ( لاعب التنس المشهور )
سيف الدولة ( وكان زول بتاع موسيقى من ابناء بحرى
وناس كتار لا نعرف لهم جهة فالرجاء من يعرف ان يخل البوست ويعرفنا وكتر الله خيركم
الاخ هشام يمكن تكون تعرف من هولاء لانك قلت قريت سنه بالقديمة 71 بالتاكيد تكون عاصرتهم
وانا متاكد نكون اتقابلنا لكن بطول المده لانه 71 انا موجود بالخرطوم القديمة متاكد
لنا لقاء انشاء الله والسلام ختام
دام الود بيننا

فيصل عبد الله محمود

Quote: وكان معنا الاخ على حمد وهو من ابناء برى وشقيق عبد الفتاح حمد الله يرحمه وقبلت معه اح الزملاء والذى كان يعمل مع الشريف زين العابدين الهندى ببريطانيا

على حمد موجود الان بامريكا وكان بالسعودية

الأخ عادل سمير

طبعا أذكرك جيدا
فقد درسنا عامين معا في الأميرية الخرطوم
ولم نتعاصر في القديمة
ولكن أذكر زياراتك لمنزلنا في الخرطوم شرق وصداقتك مع قاسم
أتابع أخبارك من الموقع
وسرني جدا إخلاصك لعملك ونجاحك فيه
تمنياتي لك ولأسرتك الكريمة بالمزيد من التوفيق والنجاح
ويا عادل صحيح الواحد كبر شوية لكن ذاكرته ما زالت بخير
ودمت

الأخ فيصل:

أولا البركة فيكم في نسيبتكم , صادق دعواتنا للفقيدة بالمغفرة والجنان ولحرمكم المصون ولكم ولأسرتكم بالصبر والسلوان
وحقيقة أخي الرياض جافة جدا ومن دون رفيقة قاحلة كالصحراء

ثانيا
الأخوان الذين ذكرت لا أعرفهم عدا تاج السر النجومي ابن حلتي وشقيق حسن النجومي ( القديمة دفعة 1972 – 1975) وتاج درس هندسة جامعة الخرطوم.


من الأساتذة الذين درسونا ولم يذكرهم أحد
أستاذ ثروت رياضيات وهو مصري وأستاذ السنهوري
وفي اللغة الإنجليزية أستاذ سيد وأستاذ بدر الدين
واللغة الفرنسية أستاذ أحمد أبكر (ديجون) كما كان يسميه زملائه في فرنسا وكان عندنا أستاذ كاميروني لا أستحضر اسمه
اللغة العربية أستاذ إبراهيم السيد وكان من أميز الأساتذة
والدين مولانا السمح ومولانا الشين

وأذكر من النوادر أنه مولانا السمح مرة في حصة الدين كان بتكلم عن الإحصان وإنه الشباب مفروض يتعجلوا الزواج والأسر ما مفروض ترفض أي واحد يتقدم ليها قام واحد من أولاد بحري (من دون ذكر أسماء) ساكن قريب من ناس مولانا قال .. "يعني لو أي واحد أتقدم لأسرة مفروض يدوه طوالي".. مولانا رد بالإيجاب قام زميلنا قال ليهو .."أنا عايز يد بنتك فلانة".. مولانا قال ليه.. "أسكت يا قليل الأدب".. ولما لاحظ إنه يناقض في نفسه طلع خلى لينا الفصل وسط ضحكاتنا. كويس الزمن داك ما كان في جلد.
ودمت

أخونا النذير صاحب البوست و الزملاء
تحية و سلام
حقية تاوقت للبوست كم مرة و ما خشيت لسبببين
السبب الأول انى كانت خايف من الأشبال, لكن الحمد لله الخبرات المعتقة ظهرت و كمان بدت تسيطر على الملعب
السبب الثاني هو عنوان البوست المحصور على الخريجين, و أنا دخلت القديمة سنة 72 و ما تخرجت منها, لكن خرجت بعد سنة و نصف و حولت
للجديدة لأنها مدرسة حلتنا, اذا كان الفترة دى كافية لقبولى عضوا منتسبا أكون شاكر

من العجائز الشجعونى على الدخول البروف عبد الرحمن, آفيولق يا بروف, و ان شاء الله نشوفك في تورنتو الأسبوع الجاي حسب وعدك..
العجوز التاني ود حلتنا محمد الكامل عبد الحليم, و د السجانة ذلك الحي المتميز بأهله و مواهبهم و نشاطاتهم المتعددة, و برضو يا كامل تورنتو في
انتظارك حسب الوعد
العجوز الثالث هو أخونا قلقو , أزال الله قلقك و ردك لأهلك طيب من بلاد الجنقو, و تحياتنا للوالدة و الأهل
العجوز الرابع و المتربع على البوست و ما خد راحته هو أخونا الدكتور هشام عوض الكريم, شايفك ذكرت انى صديقك يا هشام,
دي صداقتكم كده بالله يا ناس أمريكا, لا زيارة و لا تلفون و لا ايميل حتى لو كان فورورد زي الموضة الزمن ده

تحية لكل الزملاء
مصطفى عبد الجليل مختار
كان مفروض أكون خريج 74

الأخ مصطفى عبد الجليل
أولا يا سيدي أنا ضيعت نمرة تلفونك من المكالمة الوحيدة في عيد الفطر السنة الماضية ولم أستطع الاتصال بك وحاولت أجيب نمرة تلفونك من بعض الأصدقاء في واشنطن وحتى من الخرطوم ولكن لم أوفق
ثانيا لم أكن أعلم إنك عضو في المنبر وليك خمسة سنين كمان
ثالثا إحنا دخلنا القديمة سنة 1971 وليس 1972 وغادرناها عام 1974
رابعا الرجاء إرسال إيميل أو مخابرتي في هاتفي وتجدهما في بروفايلي
سلامي الحار لك ولأسرتك ودمت

للتصحيح

أستاذ ثروت كان أستاذ فيزياء
أستاذ الرياضيات الذي أعنيه هوأستاذ الفولي
وكلاهما مصري
وأستاذ الفولي كان الأستاذ اللدود لزميلنا شبيكة
ومازلنا نذكر نوادرهما
كما كان أستاذ بوستي الأستاذ اللدود لزميلنا المهندس أسامة أبو الريش
كان زمن

ثم انقضت تلك السنون وأهلها ****** فكأنها وكأنهم أحلام

*

Up عشان خاطر ابن دفعتنا مولانا سمير توفيق .
مع تحياتى .

نظرة إلى حين فراغ

تحية يا مصطفي ومثلها لاسرتك الكريمة...طبعا ذكريات الخرطوم الثانوية اهاجت اشجاني مثلما اهاج الهوي انين السواقي ..زجمال الذكريات من جمال الرفاق وصدق العلاقات وتنوع الاهتمامات ...الروابط موصولة مع الكثير من الزملاء ..زياتي علي راسهم اخي وصديقي ورفيق الصبا شقيقكم المهندس سيف الدين ..زهذا الرجل المتدفق بالاريحية والطيبة والسمو..زتزاملنا في الابتدائي(الكتاب) وفي الخرطوم الاهلية الوسطي وفي الخرطوم الثانوية القديمة والعجيب اننا كنا متجاورين طوال تلكمو السنوات فكيف لا نكون متجاورين قلبا...رفقة سيف الدين كتاب بحاله لذلك تجدنا علي الخط باستمرار نبدأ السؤال ضحكا ونختمه رضاءا ونستمر...الي ان يرث الله الارض وما عليها...انتظر زيارتك لاسرتي في مسيسوغا...

الاهتمام بالزمن الجميل ناتج عن فداحة الواقع...الواقع المهزوم سلفا برؤانا المتجددة وسعينا المتجدد لخير الانسان ...سلوكا وعملا واستعدادا...مقالاتك عن مياه النيل تجد اهتمامي ...فانت من النابغين منذ اعتلائك عرش الشهادة السودانية متفوقا مع المتفوقين.... فهل نطمع في المزيد...

لك التيحات ومثلها الي صديقي الصدوق الباشمهندس سيف الدين

يا قلقو ، حسب الذاكرة ، الصورة دي كانت حوالي 1975
الصف الأول جلوسا من اليمين لليسار
الباقر ، مالك شرف طاهرالآن عايش في انجلترا ، محمود حسن الجندي درس زراعة في الخرطوم و الآن في الخرطوم ، محمود محمد عبد الكريم شقيق زميلنا المرحوم عبد الكريم محمد عبد الكريم مهندس ، عادل سمير توفيق قاضي و معار مستشار قانوني للبنك المركزي لدولة الإمارات ، معتصم إدريس بخاري طبيب في إنجلترا.
الصف الثاني وقوفا من اليمين لليسار الأول ما متذكر، التاني علي عثمان علي في الخرطوم ، هشام صالح عتيق ، صلاح التوم ، مهند محمد حسن جابر طبيب في السعودية يمسك بصورة المرحوم مع محمد عبد العال طبيب بالخرطوم ، خلف صورة المرحوم عبد الكريم يقف سامر علي متولي و هو موجود في كندا منذ 20 عاما ، علي جمال ، عمر (من أولاد الربعة ، خالو عباس الربعة) ، الأخير علاء مصطفى أبو العلا .
الصف الأخير بعد العمود ، الهادي من أولاد نمرة تلاتة ، آخر واحد من اليسار عادل الجريفاوي.

النزير سلامات
أنا أتخرجت سنة 91 - 92 و تقريباً نحن دفعة بس أنا كنت في عمر ( عمر بن الخطاب منعاً لأي لبس ) من دفعتي البعرفهم هنا في المنبر الأخ عطا عبد الوهاب


أنا برضو كنت عضو جمعية المسرح و لو بتذكر كنا ناس بتاعين إزعاج و بنعمل بروفاتنا على المسرح في فسحة الفطور.



برضو بتذكر الإحتفال العملوا الإتحاد و الكيزان أعلنوا فيهو الجهاد

Quote: النزير سلامات أنا أتخرجت سنة 91 - 92 و تقريباً نحن دفعة بس أنا كنت في عمر ( عمر بن الخطاب منعاً لأي لبس ) من دفعتي البعرفهم هنا في المنبر الأخ عطا عبد الوهاب أنا برضو كنت عضو جمعية المسرح و لو بتذكر كنا ناس بتاعين إزعاج و بنعمل بروفاتنا على المسرح في فسحة الفطور. برضو بتذكر الإحتفال العملوا الإتحاد و الكيزان أعلنوا فيهو الجهاد

أوه أوه العريس خالد عبد الله
تحياتي يا ملك

ياخي يوم إعلان الجهاد دا بتنسي؟! لوول
ياخي دا أنا جاتني فيهو كراع كرسي طائرة لوول
بالمناسبة الأعلنوا الجهاد أنصار السنة، وبعديهم
جوا الكيزان، وكان السبب هو واحدة من بنات بحرى
على ما أذكر اسمها ندى، ومسكت المايك وخاطبت الجموع
قائلة: أحبتي ...
الجماعة اللي في المسرح: اوووووووووووووو
تاني: أحبتي...
الجماعة: اوووووووووووو
لوول
وبعد دا عينك ما تشوف إلا النور لووول
والله أتدقينا جنس دق لوول

ياخي المسرح دا كان أجمل حاجة في المدرسة وقد كتبت
عليه:"أعطني مسرحاً أعطيك شعباً"

وبالمناسبة يا خالد برضو بتتذكر الهندي اللي كان
بعمل من الورق ورود لوول ويقوم يشمها؟!
الجماعة شابكنو: هندددددددديييييييييي
هندييييييييييييييي
لووول

تحياتي ليك يا ملك

شكرا مولانا سمير على الماسينجر.

Quote: الصف الثاني وقوفا من اليمين لليسار الأول ما متذكر،

فى الغالب الأعم يكون الفنان عباس تلودى .الرابع منو عادل احمد توفيق من ابناء نمرة تلاتة وجنبو ملاصق للعمود ازهرى ابراهيم من ابناء حى المطار وبعد العمود النورانى قسم السيد ومصعب محمد ابراهيم من ابناء الحريف غرب ..ولا أدرى ماذا فعل الزمان بهم .

والأخ خـــالــد عبــدالله مـحـمــود.

Quote: أنا برضو كنت عضو جمعية المسرح و لو بتذكر كنا ناس بتاعين إزعاج و بنعمل بروفاتنا على المسرح في فسحة الفطور.

الأخ الـنــذيـــر

Quote: ياخي المسرح دا كان أجمل حاجة في المدرسة وقد كتبت عليه:"أعطني مسرحاً أعطيك شعباً"

يـــالـكـمــا مــن رائــعــيـــن.

ذاك الــمــســرح بــنينـاه نـحــن الـطــلاب وكــنـت يـومــهـا فـى الســنـة الـثـالثـة حــافـظ.

وكـان أســاتـذة الـفــنـون الـجـنــيــد وعـــوض كــرار ومـنـصــور وعــريــفـى وعــبـدالله خــيـر الله وجـنـاح

ســـنـدنـا الـقــوى الـمــتــيـن فـى الـتـصـمـيـم والـديــكــور والأزيــاء

وقــد قــدمــنـا فــيـه مـســـرحــيـات ضـاقـت بالـمـيـدان الأعــداد الـكـبــيـرة

مــن طــلاب الـخـرطـوم الـثـانــويــة والـتـجــارة ومــلـكال الـثـانــويــة ومــعـهــد مــريـدى

وطــلاب الـجـامــعـة وعــشــاق الـمــســرح مـن الـعـاصـمـة الـمـثــلـثـة

ومـصـورى وزارة الإعــلام. هــل تـصـدق أن أخـبـار الـمـســرح الـمـدرسـى

بالـخــرطـوم الـثـانــويــة كـانـت تـنـشـــر بـالصـحــف وتــذاع فـى الإذاعــــة.

لــنـا الله وللـســـودان ولــلــثــقـافــة ولــلــفـنـون.

أيــا مــاضــيـا جــمـيـلا قــد قــبـر!!!!!!!

وكان مــن الـمـهـتـمـيـن بالـمـســرح أيــضـا الشــاعــر الـكبـيــر كــرف،

وأســـتاذ الـفـولـى وأســتاذ الـخـطــيـب.

وقـد تــم تـعـيـيـنـهـما فـيـمابـعـد

كـمـســتشــاريـن ثـقـافـييـن بالـقـاهــرة.

وكان مــن بــيـن أســاتـذتـنـا الأفــاضــل

الــمـناضــلان مـحـمـد ســعــيـد الـقـدال وصــلاح ســلــيـمان كـمـســتـشــاريـن تـاريـخـيــيـن.

وكان فـيـهـم أســتاذة الــفـنـون عــوض كــرار ولاعــب أبـو ســعـد عـبـدالله خـــير الله

والـجـنــيــد ومـنـصــور وعــريــفـى ومحمد عـلــى جـنـاح.

وعــــبارة "أعطني مسرحاً أعطيك شعباً" كــتـبـهـا الـفــنـان الـمــتـصــوف عـــريــفـى.

وقـد صـار لاحـــقـا رئــيـســا لـشـــعـبـة ا لـفــنـون بــعـد نــقـل أســـتاذ الـجــنـيــد ومــن بـعـده عــوض كـــرار.

وقـد أبـدع أولـئـك الـفـنـانـون فــى تـصــمـيـم الأزيــاء والـديــكـور.

وكانــت أولـى مــســرحــياتــنـا شــــعــريــة أحــمـد شـــوقـــى

مــصــرع كــيــلـيـوباتـــرا. وكــنـت أنــا أنــطــونــيـو.

ولــعـب دوركـيـلـيــوبـاتـــرا بإبـــداع الأســتـاذ شـــــوقــى عـــــزالـديــن الأمــيـن.


أنـا أرقـد فـى زى الـقائـد الـرومانـى أنـطــونـيـو
مـخضـبا بـدمـى فـى حــجـر شـوقى عــزالديـن الأمـيـن
الـذى مـثـل دور كـيـلـيـوباتـرا بـإبــداع.

وكانــت مـســرحـيـة الــعـام الـذى تــلاه هــى

رائــــعـة شـــكـســـبـيـــر بالإنـجـلـيـزيــة،

يــولــيـوس قــيــصــر.

وقــمـت فــيـــهــا مــرة أخــرى بــدور مــارك أنـــتــونــى.

وكأنــمـا أدمــنـت دور مـــنـاجــاة الــنـــفـس (الـــســـولــوكــوى).

فـمــرة أخـــرى أســنـد إلــى دور مــاكـبــث

ومــنــاجــاتــه فـى الـعام اللاحــق.

و كـنـت أتــخـيـل فـى ذهــنـى

وأنــا أؤدى دور الــقـائــد أو الـبـطـل الـكــســير

ومــناجـاتــه لــنــفـســه

صـــورة الـبـــطـل الأســــير عـثــمان دقــنـة

وقـــائــد الـثــورة اللـيـبـيـة "أســد الـصــحـراء"

عــمـر الــمـخــتــار وهـو يـنـتـظــر مـشــنـقـتـه.

فــيــغــمــرنـى حــزن طـاغ،

وتــغــرورق عــيــنــــاى بـــدمـــع صــادق وهـــو مـايـســمـى فـى

ســـيـكـولـوجــيـة الـتــمـثــيــل

"إســـقـاط الـتـقـمـص والـحــلـول الـنـفـســى مـن الـذاكــرة عــلـى الـمـوقـف الـدرامـى".

وهــذا أمــر لـم أعــرفــه يــومــهــا ولـكـنـهــا كـانــت خـاطـــرة تــلــح

(لــربــمـا لـشـــغــفـى بـســـيـرتـيــهـمـا مــنـذ أيـام الـطـفـولـة وقـصـص والـدى عــلـيـه رحـمـة الله

وحـــبـوبـة رضــيــنـا أســكـنـهـا الله جــنـانــه فــقـد شـــهـدت الـتـاريـخ مـنـذ الـعـهـد الـتـركـى حـتى حـكـومــة نــوفـمـبـر

وعـاصــرت الـثـورات بـمـافــيـهـا ود حـــبـوبـــة وعـــلـى ديــنـار واللــواء الأبـيـض 1924)

ومـــع مـاكـبـث مــثـلـنا فــى ذلـك الـعـام مســـرحـية أخـرى:

هــى رائــعـة بـرنـارد شــو "الســـلاح والــرجــل Arms and the Man"

وأشـــرف عــلــيـنـا أســـتاذ أوتــس الأيــرلــنـدى وولـــده اللـذى كـان أيــضــا أســـتـاذا للـغــة الإنــجــلـيـزيــة.

لــك الــود أبــدا

يـاخــرطــوم يـاثــانــويــة.

فوق

تضامنا مع مولانا عادل سمير برضو فوق .

من أساتذة جيلنا كان الأستاذ العوض ............. أسعفوني بالإسم الكامل.
كان أمين المكتبة

هو شاعر أغنية :

يا نسيم أرجوك .. روح لها وحييها
بالغرام البي ..... والشجون أحكيها

عليه رحمة الله

الأخ ابوالريش ..
امين المكتبة المرحوم العوض احمد الحسين , وله ديوان قصائد يدعى (مشاعر انسان).
رحمه الله رحمة واسعة واجعل الجنة مثواه .

Quote: يااااااااااااه على الخرطوم القديمة زمان قبل ما يرحلوها بري كانت لنا أيام وذكريات لايستوعبها بوست وسأرويها بمذكراتي في يوم ما.. تحياتي لك النذير

ياااااااااااااااا لهُ من صيدٍ ثمييييييييييييييييين
البروف الأديب معز عمر بخيت منور البوست والله
وتستاهل ضبيحة.

وشفتوا القديمة بتخريج ناس علامة كيف؟!

في إنتظار قدومك مرة أخرى للحكي عن هذه
المدرسة العملاقة، وحبذا لو كانت قصيدة

تقبل كل تقديرنا
وفائق إعزازنا

صـــورة مــن الـزمــن الـجـمــيـل

الــمــودة الـعــمــيـقــة بــيـن الـطلــبـة وأســـاتـذتـــهــم

الـمــبـنــيــة عــلـى الإحــتـرام والـصـداقـة الأخــويــة.

بــعـض أفــراد شــــلـة دافــورى رمــضــان بــعــد حـصــة الــفــنــون

أمـام بــرنــدة الأســــتـوديـــو فــى مـيــدان كــرة الـســــلـة

ويــبــدو مـن الــخــلـف مـنـزل نـاس الـفـاتـح وإبــراهــيـم عـبـدالـمـنــعـم.



وقــوف مـن يـسـار الـصـورة عـــوض (الأشـــول) وجـلال الـجـزولـى (ود نـيـكـولا) ومـحـمـد الأمـيـن إدريـس (حـرجـم)

وجــلــوس مـــن يــســـار الـصــورة قــســم الــســيـد (تــرانـزســـتـور لاعــب بـرى) وأســتاذ الـفـنـون عـبـدالله خــيـر الله (أخــونـا الـكـبـيـر)

لاعــب أبــو ســـعـد الـمـبـدع وســـكـرتـيـر الـنـادى فـيـما بـعـد ومـحــمـد الأمــيـن (وكـنـا نـغــيـظـه بـلـقـب أســتـاذ الـريـاضـة "كــربـيـش")

وكــنـا فـى رمــضـان مــن بـعـد الـحـصـص وإلـى أن يــحـيـن مــوعــد الإفــطـار

نــلــعــب الـكـرة فـى الـمــيـدان الـشـــرقـى لـجـامـعـة الـخـرطــوم.

وكــان أعـظـم أيــامــنـا يــوم الـخـمـيـس بــعـد الـكاديـت حـيـث كــنــا نـــلـعــب بالـبــوتــات.

أمــا فـى غــيـر رمــضـان فــكــنـا نــلــعـب الـبـنـق بــونــق أو الـشـــطــرنــج (تــفـكـيـر مــقــلــوب).

ولـــكــن مــع ذلـك يــالــهـا مــن أيــام....لـيــتــهــا تــعــود!!!!!!

عزيزنا البروف عبد الرحمن، شكراً جزيلاً على
إثراء البوست ومدنا بمعلومات قيمة عنا
مدستنا الحنون.

تحياتي ليك يا ملك

صـــورة أخـــرى مــن الــزمــن الـجــمــيــل

صــــورة مــن عــمـق الـجــمـــال والـبــراءة والـصــدق والــمـودة والإخــاء.

رحــلـة جــمـعــيـة الــتـاريــخ إلــى ود رمــلـى عــام 1964

وتــضــم لــفـيـفـا مــن الـزمــلاء:



فــيـهـم الـشــيـوعــى والأخ الـمـســلـم والـمـســـتـقــل

والــقــومـى الـعـربــى والـنـاصــرى والـوطـنـى الإتــحـادى.

جــمــعــهـم حـبـهـم للــتــاريــخ ورســـالــتـهــم نــحــو الــوطــن.

مـــاعــرفــوا ذلـك الـنـوع مــن

الـخـصـومـة الـقــبـيــحــة الـمـتــفـشـــيـة الــيـوم!

ولا مـارســوا اللــؤم فــى الــمــعـامــلــة الــســائــد الآن!

فــمــاذا دهـــى أجــيـالــنـا اللاحـــقــة؟؟

ومـــاذا دهــى أمــتـنـا؟؟؟

أخــى الـكــريــم مـحـمـد الـكامــل عـبـدالـســلام

كــل عــام وأنـتــم بــخــيــر.

لــك الـعـتــبـى حــتـى تــرضــى فــأنــا لــم أر مــداخــلــتـك الـتى تــقـول فــيــهــا:

Quote: اذكر انني ارسلت خطابا من كندا الي عبد الرحمن ابراهيم ظانا انه في امريكا بعنوان خطأ لشخص اخر يدعي عبد الرحمن ابراهيم فهل هذا الشخص هو حضرتكم...

أنـا لا أذكــر إســتـلام خــطـاب مـن كــنـدا الـتى زرتــهـا ثـلاث مــرات بـعـد قـدومـى للــولايـات الـمـتـحـدة عــام 1980.

عـبـدالـرحـمـن إبــراهـيـم شــقـيـق الـســفـيـر عـبدالله إبـراهـيـم كـان فـى كــنـدا وأنــا كـنـت فـى بــوســـطــن.

والـخـلـط وارد حــيـث أنـه فـى إنـتـخـابات إتـحـاد طـلاب جــامــعـة الـخــرطـوم فــقــدت أصــواتـا كـثــيـرة

نـتـيـجـة لـهـذا الـخــلـط فــقـد كان عـبـدالـرحـمـن إبـراهــيـم (بعد تـحولـه إلـى أخ مــســـلـم)

وعــبدالـرحـمـن إبـراهـيــم مـحــمــد (أب زرد) مــرشــحـيـن فـى قـائــمـة الإتــجـاه الإســلامــى

أمــا أنـا عــبـدالـرحـمـن إبــراهـيـم مـحـمـد فـكـنـت فـى الـخــرطـوم الـثـانـويـة مــســتـقـل.

وفـى الـجـامــعـة فـى المــؤتـمـر الإشــتـراكـى الـديــمـقـراطـى (مـن أحــزاب الـوســـط).

وكان الـتـصـويــت عــلـى أســاس الـتـمـثـيـل الـنـســـبـى.

أنــا لاأدرى إن كـنـت تـذكــرنـى فـأنـا كـنـت راس هــوس فـى الـخـرطــوم الـثـانــويــة

خـاصـة فـى الـمـظـاهـرات وكــنـت دائـمـا أقــود الـهـتـافـات.

والـمـواجــهـات مــع إدارة الـمـدرســـة وبـالـذات الـنـاظــر عــبـدالـبـاقـى مـحـمـد

هــل تــذكـــر نــدوة الأتــحـاد حـول الـمـنـاهــج والــمـقــررات خــلـف مـكـتـب الـنـاظـر؟

والـتى أعــقــبـت الإضــراب ونــحـن فـى الـســنـة الـرابــعـة؟

فـأنـا الـذى ألــقـيـت خــطـاب الإضــراب والـمـطالـب!

وكان مـن دفــعـتـنـا عـبدالله الـســفـاح ودكـتـور نـورالـديـن ســاتـى

ومـحـمـد أحـمـد الـحـاج وعــلـى الـســنـوســى ومـحـمـد ســيـد مـحـمـد

وأزهــرى إبـراهـــيـم وحـمـدى الله جـابـو ودفـع الله إبـراهـيـم لاعــبـى فـريـق كــوبـر.

وكـان فـى أيــامـنـا مـدرســة مـلـكـال الـثـانــويـة (مـؤقـتـة لـمدة ســنـتـيـن)

وكـانت داخــلـيـتـهـا جــوار الـســفــرة ومـن ضـمـن طـلـبـتـهـا

حـمـزة وســبـت بـخـيــت لاعــبـى كـرة الـقـدم

ومــصـبـاح عـبـدالله ســعـيـد عـمـارة ودكـتـور مـحـمـد يـوســف

ودكـتـور مـروان حـامـد الـرشــيـد ومـحـمـد آدم (أبــونـا).

قــدرت تـتـذكــرنـى؟؟؟

هــل لـك عــلاقــة بـإبــراهــيـم كـامــل عــبـدالـســلام

الـذى كـان أمــامــنـا فـى بـحـرى الأمــيـريـة وفـى الــخــرطـوم الـثـانــونــيـة

دفــعـة فــؤاد عــلـى مــرســـى واللـواء ســيـد أحـمـد حـمـد؟



صـورتـى فـى الـسـنـة الأولــى *** وفــى الـســنـة الـثـانـــيــة *** وفـى الـسـنة الـرابـعة فـى الـصـورة أعـلاه

فــهــل إســـتـطــعــت تــذكــــرى؟؟

Quote: العجوز الثالث هو أخونا قلقو , أزال الله قلقك و ردك لأهلك طيب من بلاد الجنقو, و تحياتنا للوالدة و الأهل

حبيبنا باشمهندس مصطفى مختار ,
ياصديقى العزيز عندما كنت انت فى الخرطوم القديمة كنت بى دقنك وشنباتك ومغامراتك (البريئة). اما انا حينها كنت فى روضة الأمنيات العذبة الكانت الدادا بتاعتنا بتوودينى ليها الصباح وترجعنى منها الضهر. لكن تعرف يادرش انت ومولانا عادل سمير تكونوا دفعة واحدة , اما انا فأرجوكم افرزونى منكم .
لك صديقى مصطفى ولأسرتك الكريمة ولصديقى مولانا عادل سمير كل التحايا والأمنيات الطيبة بالعيد السعيد, وردكم الله الينا غانمين سالمين .

تحية طيبة لك يا بروف....صورتكم اعادتني الي زمن جميل وتذكرت شخصكم وهو يتحرك بفاعلية بين الجموع وبشجاعة كان يفتقدها الكثيرون...ليس لي علاقة بالمذكور لكن صداقاتي ممتدة مع الكثيرين الذين ذكرتهم من اسماء جديرة بالتواصل والاحترام...عبد الرحمن ابراهيم الخليفة هو من دفعتي...محمد حامد شداد وبقية العقد الفريد من اصدقاء الزمن الجميل ...نقيم والاسرة في كندا لزوم تعليم الابناء ولزوم ما يلزم ايضا...


سعيد جدا بالتواصل مع شخصكم الكريم فمثلك جدير بالاحتفاء و التواصل لاسيما التقارب الفكري وسعينا المتواصل نحو مجتمع حر وعالم تسوده العدالة والحرية

لك الحب والاحترام

الى جميع الاخوة سلامات
وكل عام وأنتم بخير

Quote: ولى عودة لدفعتى فى الدراسة فى ذلك الزمان الجميل وذكرياته الثرة الناظر حسن عبيد الشايقى والاستاذه الاجلاء مصطفى بوستك الكيمياء جرجس محارب عبد المنعم تنقو شعبة العلوم الرياضيات اسكتش العربى كدوده النورانى الحاج الفاضلابى الانجليزى الاستاذ عزالدين الفنون عمر الحميدى الموسيقى الصول عود الصندل واسف جدا لمن لم تسعفنى ذاكرتى بتذكرهم فى هذه اللحظات وارجو ان يذكرهم غيرى ولنا عودة ان امد الله فى الاجال

وتلك ايضاً كانت دفعتى
وأذكر أيضاً الأخ الزميل عباس فى رئيس الكديت وكان وكأنه عسكرى خريج الكلية الحربية

فى ذلك الوقت كان المحظوظين هم من يقبلون فى الخرطوم القديمة أو مدرسة الجيلى الثانوية حيث كانت مدرسة داخلية
وكانت المدارس الثانوية محدودة والنتافس حاد جداً وكانت الخرطوم القديمة حلم لكل الطلاب وأيضاً كانت البوابة لدخول جامعة الخرطوم
وكان قرب المدرسة من داخليات طلاب جامعة الخرطوم (البركس) حافز كبير للاجتهاد وكان هؤلاء الاساتذة الذين ذكرتهم من الأفذاذ
وكل واحد فيهم مدرسة قائمة بذاتها والحديث عن الأستاذ كدودة والأستاذ النورانى الفاضلابى له مذاق خاص

صباح الخير مدرستي --- صباح الخير والنورِ
إليك اشتقتُ في أمسي --- وزاد اليوم تفكيري

يا القديماب لا اسكت الله لكم حساً أبداً

أخــى الـكـريـم مـحــمـد الـكـامــل عــبـدالـحـلــيـم

لــك الـتـحـايـا الـطـيـبـات والـســـلام.

رجـائـى مـكـاتـبـتـى عـلـى إيــمـيــلــى الـذى أرســلــتـه لـك عــلـى الـمـاســنـجــر:

وإرســال رقــم هـاتــفـك.

آســـف يــادوب شـــفــت الـمـداخــلـة

وإلـى فـيـض مـن الـذكـــريـات جـمــيــل.

لــك كـل الــود وأطـيـب الـمـنـى.

تحية يا بروف .....لك العتبي في تاخير الرد ....جئت للتو من رحلة عمل ولم تتاح لي فرصة التواصل ....سعيد بالتواصل مع شخصكم الجميل واتابع بمزاج عال استطرادكم الجميل في موقع اخر....وجود امثالكم في هذا المنبر شرف كبير لنا واضافة نوعية به....نحاول اعلاء ثقافة الحوار ونحن نشهد واقعا يتسم باعلي درجات الاستقطاب والتناول الذي يصل الي درجة الخصومة ناهيك عن الهتر الهاتر الذي لا يفضي بطبيعة الحال الي شي...

لك الاحترام وسارسل لك هاتفي وبريدي الخاص