يا سلام عليك يا انعام لى كم يوم عاضة معاى شديد , جربت كل ما هو متاح , بما فيهو الغنا بكل انواعه و حتى مصطفى ذاتو الظاهر كان ناقصنى "مشرع حلم فسيح" الف شكر يا اخت
Post: #7 Title: Re: مشـرع الحـلم الـفسيـح Author: انعام حيمورة Date: 12-12-2009, 01:15 AM Parent: #3
يا مشرع الحلم الفسيح أنا بينى مابينك جزر تترامى .. والموج اللّديح القدرة والزاد الشحيح كملتو .. ما كِمل الصبر نتلاقى فى الزمن المريح ميعادنا فى وش الفجر يا مشرع الحلم الفسيح
يا مشرع الحلم الفسيح يا بعض منى .. وفينى ساكن أنا أصلى منك ومشتهيك و بيناتنا ليل الغربة ... داكِنْ هبّة هبوبك.. أفتح شبابيك المساكن وسـِّع دروبك .. ولـِّع مصابيح الأماكن يا مشرع الحلم الفسيح
يا مشرع الحلم الفسيح يومنا النـّهِـبْ .. أسلِبنا خوفنا كبـِّرنا قدرك .. مرتين وطـِّول قدر كتفك .. كتوفنا يا رغبة الرعد البيسكن .. بين غناوينا وحروفنا ضوِّى الدساكر والضفاف عبِّى الحناجر بالهتاف سدِّد مسامات الرِّعاف نوِّر مغاراتنا وكهوفنا
يا مشرع الحلم الفسيح أنا وإنت .. والمطر الفصيح حانطوِّع الزمن القبيح نأخد بعض .. شكل السما حدِّثنى دايماً .. كلما تنشف على البر الضفادع يهجر الضو المواضع وتسقط من الكف الأصابع حدثني دايماً كلما تحرد مراسيك السفن تسكن مرافيك الزعامات .. الدُمى حدثنى لو تاهت خطانا .. على الدروب المبهمة أو ربما.. تهدم آلات الشوارع .. وترجمْ العُزّى الصواقِع حدثنى لو مطرك همى .. حدثنى لو صادف الكى المواجع وضلك على الساحل رمى حدثنى لو مطرك همى علمنا دايماً كلما نبذر على أرضك شهيد يطلع شمس .. يبهر بأنوارو السما
يا مشرع الحلم الفسيح
Post: #19 Title: Re: مشـرع الحـلم الـفسيـح Author: انعام حيمورة Date: 12-12-2009, 08:30 AM Parent: #14
هارررون دياب
حدثنى لو صادف الكى المواجع وضلك على الساحل رمى
-- عارفة ناس الدوحة ديل مصطفى دا بجهجهم ..
جمعا ..
Post: #23 Title: Re: مشـرع الحـلم الـفسيـح Author: هاشم محمد الحسن عبدالله Date: 12-12-2009, 08:43 AM Parent: #19
شكرا لنعوم يازارعة الأمل والفرح فى نفوسنان ناس الدوحة متأثرين كثير بمصطفى سيداحمد لأنه قضى أيامه الأخيرة معهم قبل رحيله الفجعة، ربنا يرحمه بقدر ماأمتعنا، وربنا يحفظك لنا أيهاالنور والأمل الساطع أنعام حسن حيمورة ، ودمتى.
Post: #26 Title: Re: مشـرع الحـلم الـفسيـح Author: انعام حيمورة Date: 12-12-2009, 08:56 AM Parent: #23
هاشم محمد الحسن
أنا بينى مابينك جزر
تترامى .. والموج اللّديح
-- ما قصروا معاه ابدا والله ربنا يرحمو بركة الصباح ..
Post: #17 Title: Re: مشـرع الحـلم الـفسيـح Author: انعام حيمورة Date: 12-12-2009, 08:27 AM Parent: #12
العوض اخوي
حدثنى دائماً كلما
تحرد مراسيك السفن
تسكن مرافيك الزعامات .. الدُمى
-- صباحك موقف ياررب
Post: #16 Title: Re: مشـرع الحـلم الـفسيـح Author: انعام حيمورة Date: 12-12-2009, 08:23 AM Parent: #11
ياسر السيد
سدِّد مسامات الرِّعاف..
--
صباح النور
Post: #13 Title: Re: مشـرع الحـلم الـفسيـح Author: انعام حيمورة Date: 12-12-2009, 08:16 AM Parent: #10
الحبيبة بت الحبيبة واخت الحبيبات ..
مجدة
يا غضبة الرعد البيسكن بين غناوينا وحروفنا
ضوِّى الدساكر والضفاف..
--
بالاكتر وقاقدنك شديد
Post: #18 Title: Re: مشـرع الحـلم الـفسيـح Author: عبدالوهاب علي الحاج Date: 12-12-2009, 08:29 AM Parent: #13
Quote: نتلاقى في الزمن المريح ميعادنا في وش الفجر ..
ياسلاااااام يانعومي ياخ وانت تنتحلين صفة اعواد النعناع وتنعشي صباحي دا بعد ما فقدت فيهو الامل الله ينعش صباحاتك
بنغني بعدك نحن كيف وين نلقي انفاس الحروف او نحبس الدمع النزيف ورينا كيف نطلع نلم وانت السماالحاضن نجم ورينا كيف نقدر نجيب من لحنك الدافي الامل ومن صوت اناشيدك عشم نزرع بذورك في العيون ونقفل ابواب الوهم وكل يوم منك نشيد وكل مرة نشيل شهيد نسقي الحلم نسقي الحلم نسقي الحلم
صلاح خليفه اسماعيل 12-12-2009 نيويورك
Post: #34 Title: Re: مشـرع الحـلم الـفسيـح Author: انعام حيمورة Date: 12-13-2009, 08:16 AM Parent: #33
صلاح اسماعيل
القدرة والزاد الشحيح كملتو .. ما كِمل الصبر
شكرا للكلمات الجميلة ..
Post: #35 Title: Re: مشـرع الحـلم الـفسيـح Author: عبد اللطيف بكري أحمد Date: 12-13-2009, 10:07 AM Parent: #34
أنا أكثركم إستمتاعا بها: لأني لأول مرة أستمع إليها !!!