Quote: وهكذا ياإنعام يكون بقال قد كتب بكل ذكاء صك حياته كمناضل !!!
مرحب ياكمال..
قضيناعلي وهم معشعش في رؤوس البعض يسمي عنصريه.. بقال بالنسبه لي زميل وأخ يستحق التعامل اللطيف مادام لطيفا.. قاعدة تنطبق علينا جميعا.. فان لم نتبع قواعد السلوك الطيبه فإن الجميع ينفض من حولنا..
حدود المساحه في مناسبة الاجتماع البوردابي نحترمها ونعزها جدا.. بعضها تطور الي أواصر اجتماعيه قويه في شكل اخوه وصداقه عائليه.. مثل تلك التي تجمعني بك وبالعديدين هنا..
انتماء الزميل بقال السياسي في شكله الحالي لا يناسبني فكريا..ولكن سيظل بقال اخا وزميلا لي..يحتفظ برايه السياسي وأحتفظ برأيي ... وأتمني دائما عند النقاش والاختلاف ان يكون الاحترام هو منهجنا في الاختلاف.. ويسعدني ان اكون دائما في وضع أصرح به بآرائي دون تردد..وان يفهم من يتابع خطواتي كيف هو تفكيري وحدوده...
شكرا لك كمال علي ثقتك في مواقفي...وأود أن أحيي بقال أثناء غيابه علي روح المرح التي يتمتع بها...
رجعت من السفر ولا لسه??
Post: #11 Title: Re: منى خوجلي وبقال .. الف مبروك Author: انعام حيمورة Date: 01-02-2009, 10:37 PM Parent: #9
Quote: انا بقول الف مبروك مادام الناس بقت تخاف من الهكر جنى
انعام بالله عندى دبله وساعة وعلبة حلاوة وجيبا وبلوزة شيليهن لى من البت البياعة دى.. ان شاء الله المهمش ده ينفعها ..لووووووووووول وقولى ليها صديق قال ليك ماكانش العشم.. وجه مشوكش جدا،،،
Quote: انعام بالله عندى دبله وساعة وعلبة حلاوة وجيبا وبلوزة شيليهن لى من البت البياعة دى.. ان شاء الله المهمش ده ينفعها ..لووووووووووول وقولى ليها صديق قال ليك ماكانش العشم.. وجه مشوكش جدا،،،
انت يا عجوز يا اب عينن طايرة وزايغة داير تكاوش بلوم البورد كله! انت وبقال شوفوا ليكم شغلة! دا حلق ما عندكم ليهو اضنين! جنى
Post: #79 Title: Re: منى خوجلي وبقال .. الف مبروك Author: عماد محمود علي Date: 01-03-2009, 01:08 PM Parent: #28
Quote: انعام بالله عندى دبله وساعة وعلبة حلاوة وجيبا وبلوزة شيليهن لى من البت البياعة دى..
بالله هسع عليك الله ما بتختشي !!! بس ديل القدرتا تجيبهم للملكة ؟!! والله ليها حق ترميهم ليك في وشك العكر ده ... ياخي أقل حاجة الملكة دي بجيبوا ليها ( 000ر10 ) دولار قولت خير سااااكت والقماشات ديل بخلوها هي التختارن ( الكمية والنوعية ) وانت تدفع بس .. أها شيل عواليقك الجبته ده وإتخارج يامسنوح ... قال دبلة وساعة قال ..
بعيد كده من الموضوع : ياخي قالوا لي الاعواد كترت عليك .. أها شيلهم وديهم معااااك في الشيلة ، ولا أقول ليك دسهم في براميلك الكثيرة ديك ....
Post: #135 Title: Re: منى خوجلي وبقال .. الف مبروك Author: انعام حيمورة Date: 01-05-2009, 06:09 PM Parent: #28
Quote: انعام بالله عندى دبله وساعة وعلبة حلاوة وجيبا وبلوزة شيليهن لى من البت البياعة دى..
يا صديق الموج ...
بياعة شنو ياخ دي احلى منى في الدنيا !!
من ونستها ساي تستفيد وتحس بانك فعلا اضفت جديد ليك وكمان كل يوم !!
Quote: انعام بالله عندى دبله وساعة وعلبة حلاوة وجيبا وبلوزة شيليهن لى من البت البياعة دى.. ان شاء الله المهمش ده ينفعها ..لووووووووووول وقولى ليها صديق قال ليك ماكانش العشم.. وجه مشوكش جدا،،،
أسه بقال قال عايز يكمل قرايته اظنه في المرحله الثانويه اسه.. وبعدين قال عايز الشيلة من بره وأهم حاجه البدل والكرفتات يكون معاها عصايات بألوانها.. قلت ليه مافي مشكله..كله بنجيبه بس اهم حاجه هو يخلص قرايته..
اسمع ياصديق ان كان مالقيت الساعه والجيبه..انا بغرمهم لأني ماعايزه أعرض نفسي لمسائله قانونيه..حسب قانون الأحوال الشخصيه لعام 91 ولا 92 ماعارفه..ترد الخطيبه الهدايا لخطيبها في حالة فسخ الخطوبه! وعافية ليك الشاي والكيك وقراصة النبق الكنت بتاكلهم في بيتنا في كل زياراتك مع العصير والشاي.. قانون غريب..زي الأكله الخطيب ده مابيقولوا ليه أغرمه!
قلت ليك ياصديق..
ممكن تعفي لي البلوزه??
وعلي الرغم من كل شيء..مشتاقين كتير
Post: #31 Title: Re: منى خوجلي وبقال .. الف مبروك Author: انعام حيمورة Date: 01-02-2009, 11:38 PM Parent: #1
---------------
Post: #33 Title: Re: منى خوجلي وبقال .. الف مبروك Author: mohmed khalail Date: 01-03-2009, 00:22 AM Parent: #31
ايامك يا بقال
وسط الزهور متصور
Post: #137 Title: Re: منى خوجلي وبقال .. الف مبروك Author: انعام حيمورة Date: 01-05-2009, 07:14 PM Parent: #33
Quote: وسط الزهور متصور
وجه الصبوح منور !!
ايامه ساي ...
بقال من هنا اقول ليك ارجو ان تحافظ على علاقاتك الاجتماعية التي تنشئها بكل طيبة قلب ..
Post: #49 Title: Re: منى خوجلي وبقال .. الف مبروك Author: عماد محمود علي Date: 01-03-2009, 07:53 AM Parent: #31
Post: #138 Title: Re: منى خوجلي وبقال .. الف مبروك Author: انعام حيمورة Date: 01-05-2009, 07:18 PM Parent: #49
عمدة مع بشريات 2009
شعارنا
لا
للحرب
نعم للسلام وكلنا اخوان ..
قربت تبقى ( 3 مارس عيد)
Post: #34 Title: Re: منى خوجلي وبقال .. الف مبروك Author: نبيل عبد الرحيم Date: 01-03-2009, 00:24 AM Parent: #1
ألف مبروك لمنى وبقال
Post: #147 Title: Re: منى خوجلي وبقال .. الف مبروك Author: انعام حيمورة Date: 01-05-2009, 09:01 PM Parent: #34
Quote: ألف مبروك لمنى وبقال
نبيل عبد الرحيم
يباركوا ليك السمح دائما .. قول يارب
Post: #36 Title: Re: منى خوجلي وبقال .. الف مبروك Author: saadeldin abdelrahman Date: 01-03-2009, 00:58 AM Parent: #1
لذاذ انتو ياخ!
--------
Post: #148 Title: Re: منى خوجلي وبقال .. الف مبروك Author: انعام حيمورة Date: 01-05-2009, 09:30 PM Parent: #36
Quote: لذاذ انتو ياخ!
سعود يا سعود
اننت اللذيذ ياخ ..
تتذكر القصة اللذيذة ديك بس ياها ذاتا ..
___________
مآب بقت فصيحة جدا وبتسلم عليك خالص
Post: #37 Title: Re: منى خوجلي وبقال .. الف مبروك Author: osman righeem Date: 01-03-2009, 02:35 AM Parent: #1
منضال و اتلحس
Post: #47 Title: Re: منى خوجلي وبقال .. الف مبروك Author: عبدالوهاب علي الحاج Date: 01-03-2009, 07:36 AM Parent: #37
Quote: منضال و اتلحس
Post: #149 Title: Re: منى خوجلي وبقال .. الف مبروك Author: انعام حيمورة Date: 01-05-2009, 09:34 PM Parent: #37
Quote: منضال و اتلحس
ياخ يادوبا اخونا بقال مسك طريق النضال الصحي ياخ ..
قلنا نضال اجتماعي يا اخو الخير .. باركوه .. باركوه
Post: #38 Title: Re: منى خوجلي وبقال .. الف مبروك Author: Mannan Date: 01-03-2009, 04:07 AM Parent: #1
الشرق اتى والغرب أتى وتلاقت قمم يا مرحى ... مبروك لأخت الشهيد ولبقال الخطير الدى عرف من أين يؤكل الكتف فرحنا ليكم جد
نورالدين منان
Post: #39 Title: Re: منى خوجلي وبقال .. الف مبروك Author: Ridhaa Date: 01-03-2009, 04:10 AM Parent: #1
الأخت انعام سلام .....
مبروك الصلح بين بقال وبنات عوض خوجلي ......
اجمل تعليق ... ايامك يابقال بين الزهور متصور ...
خالص تحياتي لك ولضيوفك الكرام
Post: #40 Title: Re: منى خوجلي وبقال .. الف مبروك Author: محمد الجزولي Date: 01-03-2009, 05:30 AM Parent: #39
Quote: مبروك الصلح بين بقال وبنات عوض خوجلي ......
كده احسن (التوضيح ) عشان العقل مشى بعيد ..
Post: #41 Title: Re: منى خوجلي وبقال .. الف مبروك Author: منصوري Date: 01-03-2009, 05:55 AM Parent: #1
Quote: وحمار على السكين!
.......... دي أخبار سارة جداً مع تباليج السنة الجديدة مبروك عليهم ......... لكن الأخت إنعام يبدو أنها من الجيل الجديد، ماقدرت تفهم قول أخونا جني(حمار على السكين) ودي واضحة بيعنو بيها البطيخ.. لما تلقا ليك واحد فارش ليهو بطيخ مكومو مثلاً على شارع الثورة بالنص محطة الكبري.. تقول ليهو طيب ياخي نضمنو كيف بطيخك دا؟ طوالي يطلع سكينو من ضراعو ويروح موريك ليها يفتح فيها فتحة مربعة كدة... فهمتي يا نعام( موش حمار على السكين) المعنى المغاير.. ...... مرة حاضر لي شكلة مع واحد صاحب بطيخ وزبون.. أضحك فيها لامن أموت من الضحك؟ الزبون: عايز بطيخة العريبي: عزل زي ما عايز الزبون: طيب نضمنو كيف بطيخك دا؟ العريبي حمار على السكين) يشق البطيخة بالسكين ويوريها ليهو حمرة الزبون: يشتري ويشيلا البيت زوجة الزبون تشقق البطيخة وتضعها على صينية الغداء الزبون: أول فشقة.. قدفة من البطيخة تطلع زي السم مرة.. الزبون ينفجر من الغيظ ويخم ويلم ويكارن البطيخة المشققة من الصينية ويضعها في كيس ويروح قاذف بيها على هدوم صاحب البطيخ وسديريتو وعراقيهو دي بطيخة تدينا ليها؟ صاحب البطيخ يقول ليهو يازول هي ( أنا ماشارطتك على الحلاة... أنا شارطتك على الحمرة وفتحتها قدامك طلعت حمرة..الحلاة دي حسب نية الزول وعملو.. كان عملك صالح تطلع حمرة وحلوة وكان عملك فاسد تطلع بيضا ومرة. وكان من اللسع عملن ما بيدخلن لا النار ولا الجنة تطلع حمره ومرة
Post: #43 Title: Re: منى خوجلي وبقال .. الف مبروك Author: osman righeem Date: 01-03-2009, 06:26 AM Parent: #1
جلابي مهمش
Post: #44 Title: Re: منى خوجلي وبقال .. الف مبروك Author: خالد العبيد Date: 01-03-2009, 06:31 AM Parent: #1
عديلة منى قلبها ابيض من اللبن وبقال وليد حبوب قدر تجربتو السنة الجاية تجيكم تراجي وياسر طيفور وامنة مختار يتغدو عنكم وللضمان كده جهزو الاحتياطي المركزي بره البيت
Post: #45 Title: Re: منى خوجلي وبقال .. الف مبروك Author: Tragie Mustafa Date: 01-03-2009, 06:31 AM Parent: #1
طبعا الصلح ده اول هديه جلابيه لابراهيم بقال بعد خلاف تراجي معاه!
Quote: مبروك الصلح بين بقال وبنات عوض خوجلي
Post: #46 Title: Re: منى خوجلي وبقال .. الف مبروك Author: فيصل محمد خليل Date: 01-03-2009, 07:34 AM Parent: #45
وادرك شهرذاد الصباح فسكتت عن الكلام المباح.
ثم انهم باتوا تلك الليلة متعانقين.
Post: #48 Title: Re: منى خوجلي وبقال .. الف مبروك Author: مجدي عبدالرحيم فضل Date: 01-03-2009, 07:46 AM Parent: #46
شكراً
إنعاااااام
السماح وست السمااااااااح
مع تباشير العام الجديد
نبارك لكما هذا الصُلح المُبشر بالخير علي أبناء السمراء القارة
،،،،أبوقصي،،،،
Post: #50 Title: Re: منى خوجلي وبقال .. الف مبروك Author: malamih Date: 01-03-2009, 07:53 AM Parent: #48
أنعام حيمورة
البوست ده مفخخ ..! ولا
Post: #51 Title: Re: منى خوجلي وبقال .. الف مبروك Author: ALZOLZATOO Date: 01-03-2009, 08:02 AM Parent: #1
يا انعام كل عام وانت بخير
ده لو الصلح بتاع بنات خوجلي انا من اسع مشاكلهن ومعلن معاهن حالة الحرب والطوارئ مافي سلام ومافي كلام لكن لو في اجاويد نشوف راس السنة الجاي يمكن نعمل صلح الحديبية
_______________________ * جلابية : الزي الوطني ومايلبسه معظم اهل السودان
Post: #52 Title: Re: منى خوجلي وبقال .. الف مبروك Author: Deng Date: 01-03-2009, 08:49 AM Parent: #1
يا حليلك يا بقال.
يا منى خوجلي.
الورد ده جابو بقال ولا كان في التربيزة?
بعدين ده ورد بلاستيك ولا مقطوع من الشجر فريش?
دينق
Post: #53 Title: Re: منى خوجلي وبقال .. الف مبروك Author: Tragie Mustafa Date: 01-03-2009, 08:54 AM Parent: #52
منان انت من قيادات الهامش بواشنطون على فكره حتى الهظار فيه حساب
Quote: الشرق اتى والغرب أتى وتلاقت قمم يا مرحى ... مبروك لأخت الشهيد ولبقال الخطير الدى عرف من أين يؤكل الكتف فرحنا ليكم جد
نورالدين منان
كتف شنو الفضل في اخت الشهيد عشان ياكله بقال يا منان ؟؟؟ حسه لو بقال ده ولدك بترضى يعرس ولا يهظر ساكت مع واحدة قدر امه؟؟؟ هووووووي يا منان....الكلام ده فيه عنصريه انتبه لكتاباتك.
ده الفضل كمان؟؟؟
Post: #54 Title: Re: منى خوجلي وبقال .. الف مبروك Author: جعفر محي الدين Date: 01-03-2009, 09:10 AM Parent: #53
كل مرة يبرهن السودانيون بأن اختلاف الرأي لا يفسد للود قضية لكن الأعظم في مثل هذه الحالات هم الذين يسعون بين الناس بالود وبقيم الإصلاح
عاش السودانيون وعاشت مبادئهم السامية
Post: #70 Title: Re: منى خوجلي وبقال .. الف مبروك Author: كمال علي الزين Date: 01-03-2009, 11:17 AM Parent: #53
Quote: منان انت من قيادات الهامش بواشنطون على فكره حتى الهظار فيه حساب
أم حازم .. ياخي رديت ليك بي هناك وماجيتيني تاني .. قلتي حتى الهظار فيهو حساب .. (الكيل بي مكيالين) ده ..بفقدك كتير .. لأنو لما شيخنا صديقك (هجو) هظر .. جيتي قلتي بالحرف الواحد : يعني هجو عشان (مؤتمر وطني ) مايهظر ؟؟؟؟؟
أسي هظار سعادة السفير ده بقى محسوب ؟؟
Quote: هووووووي يا منان....الكلام ده فيه عنصريه انتبه لكتاباتك.
رغم إنو كلا (منان) ده مافيهو ريحة العنصرية ..(هظار ساي) وكلام أخونا ده كان العنصرية بعينها..
إلا إنو الكلام الكان فيهو عنصرية جد (مشيتيهو) لما جا من زول تاني (مؤتمر وطني مسكين كده) ..
______________________________________
بالمناسبة : مبروك يا(منى ) ناسبتي الحكومة
Post: #55 Title: Re: منى خوجلي وبقال .. الف مبروك Author: jini Date: 01-03-2009, 09:16 AM Parent: #1
Quote: منان انت من قيادات الهامش بواشنطون على فكره حتى الهظار فيه حساب
تراجى الباصوورد حقك اتهكر! الليلة ما براك! قيادات الهامش! اصلوا قيادات الناتو! خليل ابراهيم وعبدالواحد ذاتهم طعمهم شنو وفرقهم من البشير شنو! جنى
Post: #57 Title: Re: منى خوجلي وبقال .. الف مبروك Author: Tragie Mustafa Date: 01-03-2009, 09:23 AM Parent: #55
جني يا بابا انت مرازي بي مالك؟؟؟
Quote: تراجى الباصوورد حقك اتهكر! الليلة ما براك! قيادات الهامش! اصلوا قيادات الناتو! خليل ابراهيم وعبدالواحد ذاتهم طعمهم شنو وفرقهم من البشير شنو! جنى
منان يعرف ما اقصد وهذا كفايه!
Post: #56 Title: Re: منى خوجلي وبقال .. الف مبروك Author: عبد اللطيف بكري أحمد Date: 01-03-2009, 09:23 AM Parent: #1
Quote: كتف شنو الفضل في اخت الشهيد عشان ياكله بقال يا منان ؟؟؟ حسه لو بقال ده ولدك بترضى يعرس ولا يهظر ساكت مع واحدة قدر امه؟؟؟ هووووووي يا منان....الكلام ده فيه عنصريه انتبه لكتاباتك.
ده الفضل كمان؟؟؟
غايتو ياتراجي لغتك قدر ما الواحد يوديها يمين يوديها يسار يجد أنها صادرة من روح عدوانية لا تلقي بالاً لإخاء ولا لمواطنة ولا حتى لعلاقات عابرة!!!
لا يعقل أن تكوني بهذه القسوة في خطابك العام والخاص!!!
ياخي والله حاجة تحير!!!
Post: #58 Title: Re: منى خوجلي وبقال .. الف مبروك Author: العوض المسلمي Date: 01-03-2009, 09:24 AM Parent: #1
الهينيكان حقت بقال ,, والسكساكه حقت عبدالوهاب ,,
بتسوي اكثر من كده ,,,,
Post: #61 Title: Re: منى خوجلي وبقال .. الف مبروك Author: محي الدين جبريل Date: 01-03-2009, 09:47 AM Parent: #58
كده تمااااام يابقال وبنات خوجلى
وده حالنا بورداب الخرطوم ، أحباء حتى النخاع ، ولو إختلفنا ....
شكرا إنعام حيمورة ....
_____________________________________________
البحر رايق والقعوى متضايق ...................
Post: #62 Title: Re: منى خوجلي وبقال .. الف مبروك Author: محي الدين جبريل Date: 01-03-2009, 09:47 AM Parent: #58
حذف للتكرار
Post: #59 Title: Re: منى خوجلي وبقال .. الف مبروك Author: Deng Date: 01-03-2009, 09:34 AM Parent: #1
يا انعام حيمورة.
هذا اللقاء انا اعتبره لقاء ودي ساكت ولا أعتبره مؤتمر صلح, لأنو في ناس غايبة. أول حاجة لا يوجد اي تمثيل لقوى الهامش وكأن اخونا بقال ده اختذتوهو على غفلة. بعدين برضه شايف في واحدة من بنات خوجلي غير موجودة, ماجدة على ما أعتقد.
دينق
من رافضي هذا اللقاء
Post: #60 Title: Re: منى خوجلي وبقال .. الف مبروك Author: وليد محمد المبارك Date: 01-03-2009, 09:42 AM Parent: #59
سبب جديد عشان تراجي تكجن بقال زياده
قر قر قر قر قر قر
شيل شيلتك يا بقال ده ياه السبب الخلاك تكتب بوست الفاشر وتاريك عملت اتفاقية صلح مع الجلابة
هاهاهاهاهاهاهاهاهاهاااااااااااااااااااااااااي
__________________ المعذرة يا بقال ومنى بهظر والله متخيل تراجي بتعضيفي اصابعينا
يا تراجي خليك واسعة انا زول صحبك
Post: #63 Title: Re: منى خوجلي وبقال .. الف مبروك Author: nazar hussien Date: 01-03-2009, 10:14 AM Parent: #60
لمة وضحكة وباقة ورد
وخيال مبهول للآخر
تحياتي: انعام...بنتي خوجلي...وبقال
Post: #65 Title: Re: منى خوجلي وبقال .. الف مبروك Author: Zomrawi Alweli Date: 01-03-2009, 10:42 AM Parent: #63
يا مني هووي ما تغشونا الواد بقال دا ود زغير بعرفو وهو ما بتاع زواج يعني لغاية قبل 3 سنوات كان بقرا في النيلين وشوف عمتو لافيها كيف زي جدنا النوبي امتحتوب الثالث؟ وبعدين يا منى خوجلي عليكي الله اسع انتي ما كبيرة ومتزوجة وكان ما متزوجة الله معاكي
Post: #64 Title: Re: منى خوجلي وبقال .. الف مبروك Author: saadeldin abdelrahman Date: 01-03-2009, 10:24 AM Parent: #1
البحر رايق و القعوي متضايق!... لوووووول حد الوصول!
Post: #67 Title: Re: منى خوجلي وبقال .. الف مبروك Author: الصادق صديق سلمان Date: 01-03-2009, 11:01 AM Parent: #64
Quote: مبروك الصلح بين بقال وبنات عوض خوجلي ......
Quote: ثم انهم باتوا تلك الليلة متعانقين.
يا جماعة الشغلة صُلُح ... وللاّ عناق ؟؟
عشان لو صُلُح .. نبارك ولو عِناق .. برضو نبارك ..
..
Post: #68 Title: Re: منى خوجلي وبقال .. الف مبروك Author: Habib_bldo Date: 01-03-2009, 11:02 AM Parent: #64
إنعام من وين الإخبار الكاربة دي؟؟؟ سنتك سعيدة بالله يا نعومة حصلي (تراجي بي هناك فقعت مرارتها بالزعل) يمكن تدي للراجل بعض العذر
من بوست تراجي وثورتها على (بقال) وأنا بفتش في السبب وأقول يا ربي ليه الراجل باع القضية وباع المهمشين؟
إذا عرف السبب بطل العجب
ما علينا إلا التهنئة والتبريكات كان كدي واله كان كدي برضو....
Post: #66 Title: Re: منى خوجلي وبقال .. الف مبروك Author: أحمد الشايقي Date: 01-03-2009, 10:52 AM Parent: #1
Quote: عبد اللطيف بكري
شكرا يا ريس عبد اللطيف,
الصورة دي أي بوردابي مستعد يدفع عمره عشان ياخدها مع الملكات الثلاثـة,
Quote: وسط الزهور متصــور
دا متصــور وسط الحوريات ...................
حظك يا صاحبي,
أحمـد الشايقي
Post: #69 Title: Re: منى خوجلي وبقال .. الف مبروك Author: Ishraga Mustafa Date: 01-03-2009, 11:14 AM Parent: #66
Quote: بالله يا نعومة حصلي (تراجي بي هناك فقعت مرارتها بالزعل) يمكن تدي للراجل بعض العذر
من بوست تراجي وثورتها على (بقال) وأنا بفتش في السبب وأقول يا ربي ليه الراجل باع القضية وباع المهمشين؟
إذا عرف السبب بطل العجب
فى البداية مبروك تصافى النفوس- ده لو كانت فعلا معكرة- بين العزيزة منى خوجلى واخى بقال
اخى حبيب بلدو
من متابعتى بوست العزيزة تراجى عن يقال اعتقد لا علاقة له بالتصافى اللى حاصل هنا لانو فتحتو قبل البوست ده
وكل سنة وانت طيب والجميع بخير
Post: #71 Title: Re: منى خوجلي وبقال .. الف مبروك Author: وليد محمد المبارك Date: 01-03-2009, 11:23 AM Parent: #69
Quote: من متابعتى بوست العزيزة تراجى عن يقال اعتقد لا علاقة له بالتصافى اللى حاصل هنا لانو فتحتو قبل البوست ده
مااااااااااااااا سبب كافي للنفي حاول مرة اخرى
___________ والله يا تراجي ما جمجره مني لكني الليلة مبسوط للدين ومزاجي رااااااااااااااااااايق
Post: #72 Title: Re: منى خوجلي وبقال .. الف مبروك Author: البشير دفع الله Date: 01-03-2009, 11:42 AM Parent: #71
Quote: ونحن الان بصدد النضال الاجتماعي
كل التحايا والكلام السمح يا انعام
ومعاك بقول مبروك للملكة ولبقال
بس النضال الاجتماعي دي عجبتني شديد
كل الود
Post: #74 Title: Re: منى خوجلي وبقال .. الف مبروك Author: محمد البشرى الخضر Date: 01-03-2009, 12:14 PM Parent: #1
إطلاقا لا اشك في سلامة نيتك يا إنعام في نشر البوست و الصور لكن لا اتفق معك في عرضها في مكان موبوء بسوء الظن و سواد النية زي هنا كم تعليق سخيف مس - او سيمس - بقال في شخصه وكم إشارة اسخف في حق منى قيلت أو ستقال لا اقول انك تتحملي وزر هذا السخف لكن ليتك لم تتيحي الفرصة
Post: #75 Title: Re: منى خوجلي وبقال .. الف مبروك Author: وليد محمد المبارك Date: 01-03-2009, 12:20 PM Parent: #74
تصدق يا ود البري مع كل الاحترام
اسخف مداخلة في البوست ده مداخلتك الفوق دي
بوست قصد منه المداعبة والناس ماشه في الخط الانفتح عشانه البوست ليه موديه لي حته تانيه
؟؟؟
Post: #76 Title: Re: منى خوجلي وبقال .. الف مبروك Author: محمد البشرى الخضر Date: 01-03-2009, 12:32 PM Parent: #75
ومع كل إحترامي لوجهة نظرك يا ولّي لكن بعض التعليقات القريتها هنا تعدت حتة المداعبة للتعريض و السخرية وحتى المداعبة عندها حدود ما مفروض تتعداها في النهاية هي وجهات نظر طبعا
Post: #77 Title: Re: منى خوجلي وبقال .. الف مبروك Author: وليد محمد المبارك Date: 01-03-2009, 12:38 PM
Quote: في النهاية هي وجهات نظر طبعا
بالتأكيد
Post: #78 Title: Re: منى خوجلي وبقال .. الف مبروك Author: عبد العظيم احمد Date: 01-03-2009, 12:43 PM
دعوة للاستاذة منى خوجلى للمرور بقاهرة المعز
بورداب القاهرة فى انتظارك
Post: #80 Title: Re: منى خوجلي وبقال .. الف مبروك Author: كمال علي الزين Date: 01-03-2009, 01:20 PM Parent: #75
Quote: تصدق يا ود البري
بري وكر يا(وليد)
______________________ هاك العيون الكبار ديل
Post: #81 Title: Re: منى خوجلي وبقال .. الف مبروك Author: وليد محمد المبارك Date: 01-03-2009, 01:23 PM Parent: #80
استديها يا معلم
حلوه وملعوبة
كده حبايب
Post: #82 Title: Re: منى خوجلي وبقال .. الف مبروك Author: كمال علي الزين Date: 01-03-2009, 01:26 PM Parent: #81
Quote: استديها يا معلم
سكتني بي (حبايب ) دي بس
Post: #83 Title: Re: منى خوجلي وبقال .. الف مبروك Author: وليد محمد المبارك Date: 01-03-2009, 01:28 PM Parent: #82
شنو يا معلم انت اي سليمان عاداك ولا شنو ؟
على العموم انا بغلط في الحروف
انت بغلط في البشر عديييييييييييييييييييل كده
Post: #85 Title: Re: منى خوجلي وبقال .. الف مبروك Author: كمال علي الزين Date: 01-03-2009, 02:16 PM Parent: #83
Quote: شنو يا معلم انت اي سليمان عاداك ولا شنو ؟
(أبرى) و(أستبرأ)
Quote: على العموم انا بغلط في الحروف
انت بغلط في البشر عديييييييييييييييييييل كده
معليش ياعمك فقد تشابه علينا (البشر)
Post: #156 Title: Re: منى خوجلي وبقال .. الف مبروك Author: صباح حسين طه Date: 01-07-2009, 06:21 PM Parent: #82
بالله دا شنو الكلام البشبهك دا يا تراجي صحي القالوا كل كورة بما فيها تنضح انت لوصغرت عشرة سنوات وجيتي قعدت مع مني في محل بقال يمين كل العيون تغبيك الملكة مكسرة عشرات يا ريتوا حالك الباين إنوا لما انتهي اثر التحريض علي بقال عاد لسجيته السودانية ولقي بنات خوجلي عكس ما كان بصوروهم ليه أطيب من الطيبة ذاتها
كل سنه وجميعكم بخير.. فرحانين وملمومين وتامين.. ..... .....
صناعة الفرح شيء مهم.. ولا بد من أن نتعلم جميعا كيفية خلقه والأستمتاع به.. والا..فإننا كوم من الملل والجمود والعجز.. من يود أن يواصل حياته مع الملل والجمود والعجز؟ ..... ....
في الخرطوم ..التي .. شئنا أم أبينا...هي السودان المصغر.. هي روح قلب الأحداث المؤثره في كل الوطن..
تتواتر وتختلف فيه الأحداث..
تقوي وتضعف ثم تفاجئنا جميعا بما نود في وقت لا نوده..أو لا تأتينا بما نوده.. أو تعطينا كل ما نوده في لحظة مانوده.. ...... ......
هي معشوقتي ومعشوقتكم التي لا يبارح حبها القلوب ولا تغيب منها شمس التمني رغم الفقر والعوز.. رغم التناقضات في كل ما فيها..
رغم الساسه الذين يصنعون الخوف ويزرعونه في القلوب دون أن يهتز لهم رمش.. تبقي الخرطوم هي الحبيبه وهي الأخت الحنينه الكبيره.. ويبقي نخيلها وترابها هو طعم كل السودان.. ....... .......
في الخرطوم..للجميع من البشر أحلام وأمنيات لها مستوياتها واختلافاتها وطهرها وعنفها.. فيها.. تصير للأقدام الحافيه.. وتلك التي حشرت اقدامها في أحذيه جلديه غالية الزمن أو أخري رخيصه.. طعم الرغبه الجميله في مواصلة الحياه والأحتفال بها والسير في دروبها المختلفه.. ........ ........
ومن هنا..
كانت بداية عالم نقي من الايمان بالأنسانيه.. هي انسانيه تؤمن بان الخالق واحد..وأن السودان هو وطن الجميع.. وأن الخرطوم هي ملك وملتقي لأهل الوطن.. ....... .......
أعزائي... أعذروني أن لم أخاطبكم بالاسم الواحد.. فليس لذلك سبب سوي الظروف والوقت الذي ليس بيدي.. اذ أن الاحتفال مع بورداب الخرطوم هو مسعي سعيد ونبيل في حد ذاته.. يأخذ مي كل وقتي
......... .........
العنصريه هي حالة ذهنيه.. قد تتملك البعض منا فتتحكم فيه وفي تفكيره وفي احساسه بقيمته كأنسان.. ولا يعني هذا أنها لا توجد في الواقع.. بل يعني أنها عندما تصبح حالة حكم تعميمي.. وأمر للتفرقه بين الجميع.. وخطابه عاجزه ليس لها أسس تستند عليها سوي لونك ولوني ولون الآخر الافتح أو الأغمق.. أي انها لا تستند علي التحليل العلمي.. القائم علي التحليل السياسي والاقتصادي ومدلولاتهم التاريخيه المختلفه.. فانها تصبح حاله ذهنيه متحكمه فيمن يجد في قبحها الدرع الذي يظنه قوي للدفاع عما يتبناه.. ....... .......
عندما يتقابل ابن الشمال مع ابن الغرب.. قد يصيرا أصدقاء وقد لا يصيران.. وبنفس القدر..قد يتقابل شخصين من الغرب أو شخصين من الشمال..فيتعارفان ويصيران أصدقاء أو لا يصيران! ما يجمع الانسان مع الانسان الاخر.. أشياء عديده مختلفه.. طريقة التفكير .. الميول والهوايات والحب المشترك لقراءات أو غيره.. ولا يفرقهم حينئذ ان كان لهم نفس الدرجه من لون البشره..أو أنهم ينتميان لنفس الطبقه الاجتماعيه.. أو أن لهم وظائف متماثله في درجتها أو في دخلها المادي... ......... .........
ماذا يهمني ان كنت من الشمال أو من الغرب أو من الجنوب؟؟ ماذا سينقص ذلك من رصيدك الذي تستحقه من التقدير أو الاحترام؟؟ تعارفنا وجلسنا جميعا بشخصياتنا المختلفه وأشكالنا السودانيه المختلفه.. نختلف بأدب واحترام لحق الآخر فيما يود.. ........ ........
ماهي العنصريه؟؟
هل تحتاج العنصريه ان كانت موجوده لان نذكر بها الاخر؟؟ لماذا نفترض أن الاخر ليست له القدره علي التمييز والمعرفه للفعل العنصري؟؟ الفعل العنصري فعل بغيض.. فكيف يمكن أن نظن ان من تمارس عليه العنصريه غير قادر علي فهمه والاحساس به؟؟ ........ ........
Quote: شكرا لتحويل هذه المباركة الى موضوع نقاش حيوى حول العنصرية { رغم تحفظى على بعض التعليقات التى وردت والتى تنضح بتمييز ما دون الخوض فى تفاصيلها
مساء الخير..
............... ...............
غبار الخرطوم المعلق في سماء الخرطوم هذه.. يذكرني بكم المشاعر السلبيه المعلقه في بعض النفوس.. أعتقد أن لكل شيء دوره يكملها أثناء وجوده في الدنيا.. للعواطف دوره تكتمل حين يأتي ميقاتها.. مثل عمر الانسان الذي يكمل دورته ويصل الي نهايته.. مثل فصول السنه.. عمر الانسان والحيوان..حياتهما وما يحدث خلالها.. وحتي الأشياء التي يصنعها الانسان.. كل يستمر في دوره تبدأ في وقت محدد وتنتهي في ذلك الوقت.. هذا هو قانون الحياه... ........... ...........
اذا مالفرق بين الطبيعه والأنسان والحيوان؟؟ كلنا مخلوقين بأمر الله وحده.. الا أن للأنسان عقل يفكر ويستوعب ويطور ماحوله أو يهدمه.. فيخلق الفرق .. .......... ..........
علي كل حال.. قطعا ستنتهي دورة الغضب الذي لم نري له اسباب مبرره حتي الان.. وكذلك ستنتهي دورة الغضب المبرر.. التعب..والتجارب..والزمن سيهديء كل شيء.. فلكل شيء قطعا نهايه قادمه..
......... ......... سلام يا شروقه من خرطوم التحدي..
أعتقد أن اي موضوع مهما كان شكله أو صغر حجمه عند الآخرين هو موضوع مهم حتي وان كانت أهميته غير واضحه للآخرين..
متأكده أنك تتفقين معي في أن اي قول يصلح أن نخرج به بموضوع نقاش مفيد نتشارك فيه جميعا بوجهات نظر مختلفه.. الاختلاف مهم..لكنه قطعا الاختلاف الهادف القادر علي ايصال وجهة نظر "المناقش" دون تبخيس للآراء الأخري.. فاي راي هو مهم لمن يتبناه ويعلنه.. وكذلك قد يكون مهما للموضوع الخاص بالنقاش.. نعم لنتناقش بهدوء..وكذلك أود أن أضيف أن تحفظاتك افهمها علي أنها مرحله مؤقته حتي تتماسك أطراف الموضوع في النقاش.. ............ ............
اشراقه ..تأكدي أنني لن أتوقف عن الضحك لي ولك ولكل من يود..فالحياه لن تهزمني بأحزانها .. بل سأهزمها أنا تلك الأحزان بكم الفرح الكامن في الآمال والأحلام.. وبطريقتي أسخر منها كلما تعبت.. ومن قلب تلك السخريه تخرج ضحكاتي فرحه تنسيني الهموم..
كان ذلك في عام 1997أو 1998 وكنت في طريقي لبحر الغزال وأثناء وجودي في مدينة لوكي شوكي الكينيه.. اجتمعت هناك بعدد من صديقاتي العزيزات.. سمعت ماري تقول لشول عن احدي القريبات من قبيلة الدينكا..
"والله لو شوفتيها عرست جنس عرس.. والله راجلها دينكاوي حر!"
عندما سمعت الكلمة تجمدت للحظه.. لأن الكلمه بدت في ظاهرها كلمة عنصريه.. اذ ارتبط المعني في الأذهان بارث العبيد والأحرار.. الا أنني قررت أن أخضع الجمله للتحليل أكثر.. وفهمت أن ماري تقصد بكلمة "دينكاوي حر" انه لم يختلط باي قبيلة أخري.. كالذي يقول انا سوداني ابا عن جد..وهذا مصدر فخر عادي فيه حب للقبيله اكثر من الظن انه عنصري.. ............ ............
العنصريه كلمة محدده في الاتفاقيات الدوليه كفعل مشروحه عناصره والاضطهاد لها.... الجنس..العرق..الطبقه الدين..الانتماء لمجموعات اجتماعيه.. الا أن تحليل الاضطهاد نفسه وظروفه ومفهومه عند من يمارسه يحتاج لأكثر من تعريفات الاتفاقيات الدوليه.. يحتاج لأن نلجأ الي تحليل نعتمد فيه علي تحليل معني الكلمة التي تخرج من الشخص العادي دون مسك سلاح يدينها قبل أن ينفقه معناها.... فليست كل الكلمات التي تقال تقع تحت بنود الاتفاقيات الدوليه.. وما تمارسه النظم السياسيه الحاكمه علي مواطنيها.. يختلف عما يمارسه الافراد العاديون علي بعضهم.. حتي وان ظننا أن المنطلقات واحده.. .......... ..........
في تجمع غندهار.. كانت هناك مجموعه من الاطفال ..بعضهم تحملهم أمهاتهم علي أكتافهم.. رأيت طفلا لا تخلو اي مساحه في جسده من الاوساخ الشديده.. للأسف الشديد لم أستطع أن أحمله وقد كنت أود أن افعل.. لم افعل لقذارة ملابسه وجسده.. وليس في هذا ترفع او تكبر مني.. ليس فيه عنصريه أو طبقيه كما قد يتبادر الي أذهان البعض.. فبشكل عام..الفقراء والاغنياء يحبون النظافه.. كذلك أهل الغرب والشمال والجنوب والشرق واي انسان.. اذا تصرفي كان مبني علي كرهي وخوفي من القذاره وليس علي عرق الطفل أو طبقته التي ينتمي لها.. اقول هذا وانا واضعه ايضا في اعتباري أن الفقر الشديد والتشرد يؤديان مع الجهل..الي حالة الطفل الغير نظيفه.. ......... .........
لماذا تعشش كلمة العنصريه في رؤوس بعض الناس بمثل هذا الشكل القوي؟؟
ان جلسنا جميعا.. وأغمضنا الأعين بعد أن قرأنا هذا البوست.. وظللنا بأمانه نحلل مجموعة الآراء التي تكونت عقب قراءة عنوان البوست.. ثم بعد ذلك لمختلف المداخلات.. ثم ركزنا علي كل مداخله قرأناها.. سنعرف أن كل منا يتلقي المعلومه المعينه..بشكل يخصه هو ويتلون بطريقة تفكيره.. فالتلقي اختلف من شخص لآخر.. فهم البعض البوست في هدفه المقصود.. وخمن البعض له اسباب مختلفه.. وظن البعض ظنون فوق الطاقه يتحمل وزرها وحده.. بينما لم يعلن البعض عما دار في ذهنه.. ....... ....... الفكره واحده والفهم لها له اشكال متعدده.. وكذلك رد الفعل.. لاننا مختلفين في فهمنا للاشياء.. ربما ليس الاختلاف الكبير بين أغلبنا..لكننا مازلنا مختلفين.. ولا بد لنا من أن نحترم حقنا في الاختلاف .. واقول الاختلاف وليس تسبيب الضرر.. ........... ...........
الرضاء عن النفس هو الطريق للسلام! ننتعلم في الحياه ان نسعي لتحيق النجاح.. قد ننجح وقد نفشل في الوصول له.. الا ان الرضاء يستمر معنا.. فقد سعينا واجتهدنا وفعلنا ما نستطيع من أجل أن نصل لما نوده..
....... .......
اذا السعي في حد ذاته هو الطريق للرضاء.. والرضاء يعني التصالح مع النفس.. معه يضيع الحقد..وينهزم الانهزام نفسه.. الرضاء عن النفس لا يجعلنا نتطلع الي ماهو فوق قدراتنا.. والطموح غير التطلع.. الطموح مشروع ولكن التطلع فعل مدمر خاصه ان لم يلازمه ما يحتاج من قدرات.. ....... .......
الراضي عن نفسه انسان متصالح مع واقعه.. والمتصالح مع الواقع يعرف كيف يتصالح مع نفسه ومع الآخرين.. ....... .......
هذه الدنيا الواسعه المليئه بالشر والخير واحداث لا تتوقف كثيره ومتنوعه.. دنيا تجعلنا جميعا في حاجه الي قوه نأتي بها من داخلنا.. ونستعين فيها ايضا بالآخرين ليساعدونا في ان نقوي أكثر.. القوه من الداخل لا يصنعها الآخرين لنا...القوه في داخلنا نخلقها بالايمان بما لدينا من صفات عزيزه وجميله.. وأيضا تلك التي نكتسبها من تربيه لها أصول..اي تربيه متكامله واضحة وواثقة بأسسها...
تأديب النفس هو جزء اساسي في عملية التربيه الي نتلقاها في سنوات الطفوله الأولي وما يليها من سنوات... تأديب النفس فعل اخلاقي والزامي لكل من يري الأدب والإحترام قوانين ثابتة لحياتنا.. والتربيه الجيده لا تحتاج لمال لأن تثمر..فهي متاحة للجميع..يكفيها الحب والوعي مع لرقابة الذاتيه..
Quote: هل نستطيع ان نصنع من انفسنا شخصيات قياديه??
من هي الشخصية القيادية??
وماهي صفات الشخصيةالقياديه??
لا يستطيع اي انسان أن يقرر ان يكون قيادي فيكون قيادي..الا انه من الممكن ان تكون له بعض القدرات التي يمكن مع عوامل أخري..أن تمكنه من ان ينجح كشخصية قياديه..
ماهي هذه العوامل والعناصر??
ان كنا نتحدث هنا عن شخصية سياسية قياديه علي سبيل المثال... فان أول العوامل هو وجود المناخ الذي ينطلق منه الشخص القيادي.. وجود حزب او تنظيم سياسي له برنامج واضح يسعي الي تحقيقه.. وجود اتفاق جماهيري من داخل الحزب او التنظيم علي الشخصية القياديه.. ثم التفاف من الجماهير العامه حول البرنامج وثقة بالشخصيةالقياديه..
....... .......
لابد للشخصية القياديه من صفات تؤهله للقياده... مثل الوعي العميق مع التجربه..المرونه وسعة الصدر..حب الآخر والتفكير في الوطن والمواطنين قبل التفكير في النفس.. الانتماء القوي للجماهير ومحاولة كسب ثقتهم بالاخلاص لهم هو أمر مهم.. فالجماهير تحتاج لان تطمئن الي من يقودها..والكلمات مع الفعل هي الطريق لكسب الثقة.. الشخصية السياسيةالواعيه..هي التي تعلم تماما كيف تكسب ثقة وحب الأغلبيه ان لم يكن الجميع.. المنطق والوضوح مع إظهار الانتماء للجميع فعل مهم علي كل المستويات .. اذ لا يكفي ان تظن الشخصية الراجيه للقياده ان وجود تنظيم سياسي يدعمها كاف لوحده لان تقود به الجماهير ..
الخرطوم مدينة غريبه! ان خرجت منها تسمع عنها أخبار قد لا تسمعها وانت بداخلها.. وأي توقعات هي جائزه في حالتها.. لا تستطيع ان تعتمد علي نهاية واحده متوقعه! تسير في شارع .. تكون فيه أسير احساس سرعان مايتغير ان دلفت للشارع الذي يقع في الاتجاه الخلفي منه! هذه المدينه التي أذهلتنا قبل الآخرين.. باصوات هتافات هادره وأجساد محتشده في شوارعها في انتفاضة أبريل..تبدو الآن نائمه كأنها لم تنتفض قبلا علي الإطلاق..تبدو مشغوله بحياة من نوع غبي او ربمامن نوع يشبه التبلد والجمود.. لكن لا ضمان ان هذا الغباء الذي يظهر فيطمئن من يود ان يطمئن..هو مظهر مستمر..اوالتوقعات التي تبني عليه..هي توقعات واضحه ومحدده..
قالت لي صديقتي أن هذا البوست قد قفز رقم قراءه لعدد كبير في وقت وجيز.. قلت لها أن هناك أسباب لذلك تعددت.. البعض يقرأ رغبة في معرفة الحدث الذي يستدعي المباركه التي أتت في العنوان.. والبعض فهم أن الامر مجرد دعابه.. بينما فهم البعض ان الرساله في البوست هي طبيعية العلاقه بين البشر كبشر..وليس كبشر مصنفين بالعرق واللون والطبقه.. الا أن ما يثير اهتمامي أكثر في كل الموضوع.. هو نظرية البعض بأنه الأفضل لأن القراء يتسابقون علي قراءة البوستات التي يكتبها.. في ظني..أو ربما يقيني ان زيادة عدد القراء مع فقدان أسس أخري أساسيه.. لا تعني النجاح.. فصحف التابلويد هي الأكثر مبيعات..لما تنشره من فضائح ..والأكثر سقوطا أخلاقيا! والفضائح لا تعني نجاح او تقدم.. الفضائح هي الفضائحززوفقط تعني أن من يقرأها يستمتع بها كيفما كان شكل الأستمتاع! والبعض قد يقرأ تلك الفضائح ليتأكد من مستوي الانحدار أو مدي سرعة القفز العامودي للدرك الأسفل المصاحبة لكاتب المقال أو الموضوع أو الشتائم.... والذين يكتبون بلغة الفضائح..ولغة "جر الشكل" والذين يرتفع عدد قرائهم..لا يجب أن يفرحوا بالعدد.. فهو ليس دليلا علي النجاح علي الاطلاق.. الا اذا كان النجاح في مفهومهم معادل للفشل والسقوط..
....... .......
Post: #142 Title: Re: منى خوجلي وبقال .. الف مبروك Author: علاء الدين يوسف علي محمد Date: 01-05-2009, 08:14 PM Parent: #92
Quote: حسه لو بقال ده ولدك بترضى يعرس ولا يهظر ساكت مع واحدة قدر امه؟؟؟
حبوبة تراجي تناسب العرب و تتحدث العبرية
أفعالكم لا تشبه أقوالكم يبقى أقوالكم مجرد كلام شايلو الهوا بلاش نضال بلاش قرف
Post: #94 Title: Re: منى خوجلي وبقال .. الف مبروك Author: عبدالوهاب علي الحاج Date: 01-03-2009, 06:26 PM Parent: #91
Quote: ماذا يهمني ان كنت من الشمال أو من الغرب أو من الجنوب؟؟ ماذا سينقص ذلك من رصيدك الذي تستحقه من التقدير أو الاحترام؟؟ تعارفنا وجلسنا جميعا بشخصياتنا المختلفه وأشكالنا السودانيه المختلفه.. نختلف بأدب واحترام لحق الآخر فيما يود..
اطيب الامنيات بعلاقات صافية واخوية وودية بين الاعزاء الاخت الفاضلة مني خوجلي والاخ العزيز ابراهيم بقال واختلاف الرائ لايفسد ابدا للود قضية ومااحلي التصافي من بعد التجافي شكرا للاستاذة / انعام حيمورة
Post: #88 Title: Re: منى خوجلي وبقال .. الف مبروك Author: أحمد الشايقي Date: 01-03-2009, 05:03 PM Parent: #87
Quote: ومن هنا..
كانت بداية عالم نقي من الايمان بالأنسانيه.. هي انسانيه تؤمن بان الخالق واحد..وأن السودان هو وطن الجميع.. وأن الخرطوم هي ملك وملتقي لأهل الوطن.. ....... .......
ومن هنا.. بسم الله نبدأ..
اكيد يا ملكة
نقرأك وبشـوق
أحمد الشايقي
Post: #89 Title: Re: منى خوجلي وبقال .. الف مبروك Author: حسن مضوي Date: 01-03-2009, 05:06 PM Parent: #87
نسعد دوماً بالتصافي والتآخي والتوادد
نسعد دوماً بالعقول النيرة التي لا تخلط الكيمان في بعضها
شكراً لمنى وبقال ونهنئكم على اللفتة البارعة التي تحسب لكم
وشكراً استاذة أنعام على المجهود الذي بذل
تخريمة : يا استاذة أنعام ندعوك للأنضام لمنظمة أجاويد للصلح
كل سنه وجميعكم بخير.. فرحانين وملمومين وتامين.. ..... .....
صناعة الفرح شيء مهم.. ولا بد من أن نتعلم جميعا كيفية خلقه والأستمتاع به.. والا..فإننا كوم من الملل والجمود والعجز.. من يود أن يواصل حياته مع الملل والجمود والعجز؟ ..... ....
في الخرطوم ..التي .. شئنا أم أبينا...هي السودان المصغر.. هي روح قلب الأحداث المؤثره في كل الوطن..
تتواتر وتختلف فيه الأحداث..
تقوي وتضعف ثم تفاجئنا جميعا بما نود في وقت لا نوده..أو لا تأتينا بما نوده.. أو تعطينا كل ما نوده في لحظة مانوده.. ...... ......
هي معشوقتي ومعشوقتكم التي لا يبارح حبها القلوب ولا تغيب منها شمس التمني رغم الفقر والعوز.. رغم التناقضات في كل ما فيها..
رغم الساسه الذين يصنعون الخوف ويزرعونه في القلوب دون أن يهتز لهم رمش.. تبقي الخرطوم هي الحبيبه وهي الأخت الحنينه الكبيره.. ويبقي نخيلها وترابها هو طعم كل السودان.. ....... .......
في الخرطوم..للجميع من البشر أحلام وأمنيات لها مستوياتها واختلافاتها وطهرها وعنفها.. فيها.. تصير للأقدام الحافيه.. وتلك التي حشرت اقدامها في أحذيه جلديه غالية الزمن أو أخري رخيصه.. طعم الرغبه الجميله في مواصلة الحياه والأحتفال بها والسير في دروبها المختلفه.. ........ ........
ومن هنا..
كانت بداية عالم نقي من الايمان بالأنسانيه.. هي انسانيه تؤمن بان الخالق واحد..وأن السودان هو وطن الجميع.. وأن الخرطوم هي ملك وملتقي لأهل الوطن.. ....... .......
ومن هنا.. بسم الله نبدأ..
....... .......
امبراطورية ميم خلقة واخلاق جنى
Post: #93 Title: Re: منى خوجلي وبقال .. الف مبروك Author: نادية عثمان Date: 01-03-2009, 06:22 PM Parent: #90
Post: #109 Title: Re: منى خوجلي وبقال .. الف مبروك Author: عماد محمود علي Date: 01-04-2009, 08:54 AM Parent: #104
Quote: بخصوص هذه الصورة انا أكثر غيظا من تراجى
يعني شنو مايقعد كده وسط الناس الحلوين ديل ؟ أنت قايل هاميني ؟ ولا يهمني ولا حاجة !!! ولا بتتفقع مرارتي ولا شتين .. عاااادي جداً .... ولا بتغاااااظ زااااتو ... صورة أكثر من عادية .. يعني شنو ؟ يازول ماتزعل ولا حاجة !!! أدي الصورة دي لي معاوية يعمل ليك فيها دبلجة لامن تأأأأمين زاتو .. يقطع ليك رأس بقال ويخت صورتك محله وخلااااص . ليه فاقع كبدتك !!!! وأنــأ أكثــــر غيظــــاً منــــــــك ...... ( غايتو يابقال لو لقيتك إلا أأأكل كبدتك ) . وإنت يامنال لا جاي عرس بتك ولا حاجة !!! ويامنى خلاص البينا ولى وراح !!! ويا الكنداكة الفيك إتعرفت !!! بالله واحد فيكم ينزل لينا هنا بتاعت كل البينا بقى حكاية ديييييك !! لزوم تجفيف الدموع وكده .( من غير موسيقى ) علشان تسبك الدراما وكده ... كل البينا بقى حكاية .. حكاية طويلة بلا نهاية ... خلاص يازول نوم إرتاح .. كل البينا ولى راح .. طواكم إنتو وملاني جراح وإختار تعذيبي وشقايا وكل البينا بقى حكاية ..
Post: #105 Title: Re: منى خوجلي وبقال .. الف مبروك Author: JAD Date: 01-04-2009, 06:00 AM Parent: #1
بالله عليكم شوفوا الحسد عيار 75 دا ..
لا حول ولا قوة إلا بالله ..
Quote: كتف شنو الفضل في اخت الشهيد عشان ياكله بقال يا منان ؟؟؟ حسه لو بقال ده ولدك بترضى يعرس ولا يهظر ساكت مع واحدة قدر امه؟؟؟ هووووووي يا منان....الكلام ده فيه عنصريه انتبه لكتاباتك.
الأخت إنعام ..
تحية يا رايقة ..
عنوان البوست موزون ..
لكن طيرت قلبي .. ما قايل الكلام جد .. ()
جاد
Post: #107 Title: Re: منى خوجلي وبقال .. الف مبروك Author: Tragie Mustafa Date: 01-04-2009, 08:34 AM Parent: #105
هو القرد بنحسد على احمرار(....)؟؟؟؟ احسن لك تحترم روحك ايها المتخلف؟؟؟
Quote: بالله عليكم شوفوا الحسد عيار 75 دا ..
لا حول ولا قوة إلا بالله ..
Post: #106 Title: Re: منى خوجلي وبقال .. الف مبروك Author: Mannan Date: 01-04-2009, 08:18 AM Parent: #1
الصنديدة تراجى سلام
Quote: منان يعرف ما اقصد وهذا كفايه!
الموضوع ليس فيه عنصرية بل اعتبرته مدخلا لموضوع ممكن ان يدور حوله نقاش ثرى...ولا تنسى اننا نتعامل مع الهامش المهكور مند استقلال السودان ونريد جره الى خانة السودان الجديد..ومن لا نستطيع إقناعه نحاول تحييده ولا نعاديه فقد ينضم الى قوى الهامش وقوى السودان الجديد ويكون افضل منا... متابع حملاتك على بقال وليس كل ما يعرق يقال... واللقاء (حتى ولو كان لقاء مصالحة) فى تقديرى شاكوش فى جدار الإرث العنصرى... ولو عملتى زيهايا ام حازم وسند برضو حنقول نفس الكلام (ماركة مسجلة)... هو الكلام بفلوس؟؟؟
منان
Post: #108 Title: Re: منى خوجلي وبقال .. الف مبروك Author: Tragie Mustafa Date: 01-04-2009, 08:38 AM Parent: #106
تراجي منو قال لك مغيوظه؟؟؟ لما بتنسى الجيم تسويها حاء؟؟؟
Quote: بخصوص هذه الصورة انا أكثر غيظا من تراحى
تراجي لو مغيوظة بتمشي تعمل حركات زي بتاعت الاخوات ريا وسكينه دي لكن شوفتني يوم هببت لناس خاصموهم مشيت اتشربكته صاحبتهم؟؟؟؟
عالم وهم.
عارف يا ود محجوب ما ارفغ من بنات خوجلي ديل الا شلة الرجال الفارغين المبارين بوستاتهم بلا خجلة والانكى طبعا العامليني سياسين منهم؟؟؟؟؟زي حضرتك!!
باقي الشماسه الاسمهم بورداب فقط انا ما شغاله بيهم لانهم اصلا هنا لمثل هذه الفارغه اما لما راجل زيك يشيل ابريقه ومصلياته ويتحرك هنا بتحير.
كويس قلت (أنا) .. وإلا كنت أسي في الإنتينسف كير يونت
..
Post: #112 Title: Re: منى خوجلي وبقال .. الف مبروك Author: الصادق صديق سلمان Date: 01-04-2009, 11:09 AM Parent: #111
Quote: يعني شنو مايقعد كده وسط الناس الحلوين ديل ؟ أنت قايل هاميني ؟ ولا يهمني ولا حاجة !!! ولا بتتفقع مرارتي ولا شتين .. عاااادي جداً .... ولا بتغاااااظ زااااتو ... صورة أكثر من عادية .. يعني شنو ؟ يازول ماتزعل ولا حاجة !!!
Quote: ( غايتو يابقال لو لقيتك إلا أأأكل كبدتك ) . وإنت يامنال لا جاي عرس بتك ولا حاجة !!! ويامنى خلاص البينا ولى وراح !!! ويا الكنداكة الفيك إتعرفت !!! بالله واحد فيكم ينزل لينا هنا بتاعت كل البينا بقى حكاية ديييييك !!
عماد ياخوي .. ما ترسى على بر .. إنتا أسي صابر وللاّ قاعد تبكي ؟؟؟
قول قول يا عمك .. فضفض .. والله بعد الصور دي حتى لو قاعد تبكي .. ما فيها حاجة .. عااااادي
أقول ليك حاجة ... هاك المنديل دا ..
Quote: لزوم تجفيف الدموع وكده
Post: #114 Title: Re: منى خوجلي وبقال .. الف مبروك Author: عماد محمود علي Date: 01-04-2009, 12:14 PM Parent: #112
Quote: عماد ياخوي .. ما ترسى على بر ..
بر شنوالبرسى عليه ياالصادق يا أخوي .. بنات الخليفة ديل بيدن الزول فرصة علشان يرسى ولا يتسجم !!
Quote: إنتا أسي صابر وللاّ قاعد تبكي ؟؟؟
يا الصادق يا أخوي ما تخلي القالب مستور ... ياخي بنات الخليفة ديل أنت لو شفتهم على الطبيعة إلا تجوعر عدييييل كده ... بكاء شنو كمان ، البكاء العادي ده .. جوعير عدييييل كده والعجب لو لاقيتهم الأربعة ديل ( مديحة ، ماجدة ، منى ، منال ) ، ما تعرف تعاين وين ولا تبكي وييين زااااتو . تبكي لامن مخاخيتك يبلن صدر ودموعك تنزل تحت رجليك ... أها هسه شوف ديل أتنين بس ، لو جو الباقين ألا نخلي لبقال البورد ده ... ، أها يا أخوي صبر شنو البصروا في الحته دي .. حاولت وفشلت ... شوف بالله بقال ده بسمته لي أخر ضرس عنده .. مبسوط جنس إنبساطة ونحن دمنا فاير ودموعنا نازلة بس مطر ... ومزاجا معكر .
Quote: قول قول يا عمك .. فضفض ..
أها هسع فضفنا ياعمك وبرضه المغسا حااااصلة ... أنا غايتو بقال ده كان لحقته أمات طه مابكون خاطئ .
Quote: والله بعد الصور دي حتى لو قاعد تبكي .. ما فيها حاجة .. عااااادي
يسأل الله هسع دي عندك عااادي ؟!!!
Quote: أقول ليك حاجة ... هاك المنديل دا
يا أخوي مناديلك لمهن عليك وقشقش بيهم دميعاتك ديل سااااكت ، أنا مناديلي ياهن ديل :
بقال : ليك يوم يابعشوم ...... غايتو ما تنتظرني إن كان جيت الخرطوم إنشاء الله .
Post: #113 Title: Re: منى خوجلي وبقال .. الف مبروك Author: أحمد الشايقي Date: 01-04-2009, 11:38 AM Parent: #1
خمسة وخميسـة في عين الـ ما يصلي على النبي
أحمد الشايقي
Post: #118 Title: Re: منى خوجلي وبقال .. الف مبروك Author: Biraima M Adam Date: 01-04-2009, 02:55 PM Parent: #113
ب
بهذه الصورة صدق بقال وكذبت تراجى .. بقال مناضل ودا أختراق من الداخل لدفاعات الجلابة.
---------------------------------------- أنعام حيمورة .. يجازى محنك يا بت الناس !!
بريمة
Post: #119 Title: Re: منى خوجلي وبقال .. الف مبروك Author: وليد محمد المبارك Date: 01-04-2009, 03:21 PM Parent: #118
Quote: هو القرد بنحسد على احمرار(....)؟؟؟؟
معقولة عاد بعدين تجوا تقولوا ما قاصدين وما فاهمين المعني
هسع دي فرقها شنو من حلبك الليمونة لعمر ؟
__________________________
عموما البوست ده بوري انو الجلابة كما تقولون يستحقون حكم السودان 500 سنة جاي
اذا كان ده مستوى كتابة منى الجلابية مقارنة بي مستوى كتابة ممثلي الهامش
Post: #121 Title: Re: منى خوجلي وبقال .. الف مبروك Author: عبدالوهاب علي الحاج Date: 01-04-2009, 03:35 PM Parent: #119
Quote: عموما البوست ده بوري انو الجلابة كما تقولون يستحقون حكم السودان 500 سنة جاي اذا كان ده مستوى كتابة منى الجلابية مقارنة بي مستوى كتابة ممثلي الهامش
Quote: معقولة عاد بعدين تجوا تقولوا ما قاصدين وما فاهمين المعني
هسع دي فرقها شنو من حلبك الليمونة لعمر ؟
__________________________
عموما البوست ده بوري انو الجلابة كما تقولون يستحقون حكم السودان 500 سنة جاي
اذا كان ده مستوى كتابة منى الجلابية مقارنة بي مستوى كتابة ممثلي الهامش
والله ياوليد مساكين ناس الهامش الطلع ليهم ناطقين رسمين بدون تفويض ده كلو هين الايام جابت ليها نيابه عن كيانات غير سودانيه وكدة وتهديدات يمين غربى يسار غربى قد دانا هلاكهم .. يانعوم خلى ناس منى يعزمو بقال ده محشى عارفين بيعلو كيف ولا اعمل ليكم بوست اشرح ليكم فيه الطريقة ...
Post: #123 Title: Re: منى خوجلي وبقال .. الف مبروك Author: Biraima M Adam Date: 01-04-2009, 03:54 PM Parent: #122
Quote: ده كلو هين الايام جابت ليها نيابه عن كيانات غير سودانيه وكدة وتهديدات يمين غربى شمال غربى قد دانا هلاكهم ..
كله يهون مع المحشى .. واصل النضال يا بقال .. وما تنسى تقرى لأخوك الغرابى منعم سليمان قبل ما تأكل المحشى !
Post: #127 Title: Re: منى خوجلي وبقال .. الف مبروك Author: Tragie Mustafa Date: 01-04-2009, 07:59 PM Parent: #126
ومن يشهد للعروس غير امها؟؟؟
Quote: معقولة عاد بعدين تجوا تقولوا ما قاصدين وما فاهمين المعني
هسع دي فرقها شنو من حلبك الليمونة لعمر ؟
__________________________
عموما البوست ده بوري انو الجلابة كما تقولون يستحقون حكم السودان 500 سنة جاي
اذا كان ده مستوى كتابة منى الجلابية مقارنة بي مستوى كتابة ممثلي الهامش
قايل روحك يا وليد ما جلابي؟؟ ولعلمك ما عندي لكم لغة غير دي.
والليمونه و البطيخه ياها لغتكم يا جلابه وانتم اول من كتبها هنا.
Post: #128 Title: Re: منى خوجلي وبقال .. الف مبروك Author: وليد محمد المبارك Date: 01-05-2009, 09:03 AM Parent: #127
Quote: قايل روحك يا وليد ما جلابي؟؟ ولعلمك ما عندي لكم لغة غير دي.
والليمونه و البطيخه ياها لغتكم يا جلابه وانتم اول من كتبها هنا.
والله يا تراجي جلابي جنس جلبنه لكن ما بي مفهومك للجلابة
بل لعلمك انت لن تخيفي احد بهذه اللغة اكتبي كيفما شيئتي فهذا مفيد جدا ومعبر جدا ويكفينا شرح ومداخلات فقط ننسخ ما تكتبيه ونشرح للعالم المتابعة وكل زول حسب فهمو
ولغتك دي سترتد عليك وحينها سنسمع صراخ وعويل كالذي حدث عندما بادلك نفس اللغة دكين قد نكون اول من كتبها لكنك تظلين اخر من استخدمها ويصر على استخدامها في المنبر وبدون مبرر كمان
Post: #129 Title: Re: منى خوجلي وبقال .. الف مبروك Author: أحمد الشايقي Date: 01-05-2009, 09:08 AM Parent: #128
Quote: إبراهيــم بقــال
والشعر الغجري المجنون يسافر في كل الدنيا.....
أحمد الشايقي
Post: #130 Title: Re: منى خوجلي وبقال .. الف مبروك Author: عماد محمود علي Date: 01-05-2009, 09:21 AM Parent: #126
Quote: حليلك يا عماد يا أخوي ..
كان المناديل كملن كلمني عشان أرسل ليك كرتونة ..
يا الصادق يا أخوي أنا من يوم عرفته بالموضوع مشيت أشتريت لي تريلا عديل كده ... مليانة تكفي السودان وبريطانيا زااااتو ... بس وكتين تقرب تخلص برسل ليك تدف لي تريلا تاااااني شكلهن دموعي ديل ماايرين لي السترة نازلات مطر مطر ... الله غالب ياأخوي والله يجازي الكان السبب ... ( ماخلاص حب وإنتهى وتاني ما بندم عليه ) ... لينا الله ..
Post: #131 Title: Re: منى خوجلي وبقال .. الف مبروك Author: osman righeem Date: 01-05-2009, 11:32 AM Parent: #1
الاختان الغاليتان مني وإنعام
تحياتي مع وافر الموده
شاكر ومقدر للزياره المفاجأة ومردوده لكم في الافراح
بس كان تجيبوا بقال معاكم
Post: #132 Title: Re: منى خوجلي وبقال .. الف مبروك Author: انعام حيمورة Date: 01-05-2009, 02:42 PM Parent: #1
باين اتجاه البوست الصاروخي دا
جاب لي العين !!
راقدة عيانة لي يومين عشان ما تقولوا انعام دي مشت وين ... انا عيانة ابقى كويسة واجيكم
يا بقال مبرووووووووووك والله وربنا يكفيك شر شياطين الجن و (الانس)
...
عقبالك يا انعام..
.
Post: #140 Title: Re: منى خوجلي وبقال .. الف مبروك Author: عبدالغفار محمد سعيد Date: 01-05-2009, 07:57 PM Parent: #139
وليد محمد المبارك انا جيت هنا عشان اهنئ، لكنك كتلتنى بالضحك، الحاصل شنو؟
ألف مبروك لمنى خوجلى وبقال وعقبالك يا انعام
Post: #141 Title: Re: منى خوجلي وبقال .. الف مبروك Author: هشام حسن Date: 01-05-2009, 08:03 PM Parent: #140
Quote: بخصوص هذه الصورة انا أكثر غيظا من تراحى
حاقد..
Post: #144 Title: Re: منى خوجلي وبقال .. الف مبروك Author: علاء الدين يوسف علي محمد Date: 01-05-2009, 08:39 PM Parent: #141
Quote: حسه لو بقال ده ولدك بترضى يعرس ولا يهظر ساكت مع واحدة قدر امه؟؟؟
حبوبة تراجي تناسب العرب و تتحدث العبرية
أفعالكم لا تشبه أقوالكم يبقى أقوالكم مجرد كلام شايلو الهوا بلاش نضال بلاش قرف
Post: #154 Title: Re: منى خوجلي وبقال .. الف مبروك Author: عماد محمود علي Date: 01-07-2009, 01:10 PM Parent: #139
Quote: يا بقال مبرووووووووووك والله وربنا يكفيك شر شياطين الجن و (الانس)
حذيفـــــة يـــأخي إتصـلـــــح مـعانـــــا ... مبـــروك شــنو ياخ ..!!! غايتو أنا الثانية ديك . وشري جااااايه بإذن الرحمن .... حقي مابخلي تب ... هييييييييع أنا أخوك ياشيقوق .
Post: #145 Title: Re: منى خوجلي وبقال .. الف مبروك Author: ismeil abbas Date: 01-05-2009, 08:40 PM Parent: #1
Quote: راقدة عيانة لي يومين عشان ما تقولوا انعام دي مشت وين ... انا عيانة ابقى كويسة واجيكم
تحياتي لكل من مرة من هنا ..
إنعام........تسلمى من كل شر.....بس خففى شوية...
تحياتى للجميع .وربنا يقومك بالسلامة..وتتابعى موضوع بنت جامعة السودان زميلة شذى..الله معاك
خالص تحيانى لمنى واسيا
مودتى..............إسماعيل محمد احمد عباس........
Post: #146 Title: Re: منى خوجلي وبقال .. الف مبروك Author: علاء الدين يوسف علي محمد Date: 01-05-2009, 08:44 PM Parent: #145
Quote: قايل روحك يا وليد ما جلابي؟؟ ولعلمك ما عندي لكم لغة غير دي.
والليمونه و البطيخه ياها لغتكم يا جلابه وانتم اول من كتبها هنا
عجوز بني قريظة من خلّى عادتو قلت سعادتو
Post: #159 Title: Re: منى خوجلي وبقال .. الف مبروك Author: حواء سليمان ابراهيم Date: 01-07-2009, 10:01 PM Parent: #146
منوية مبروك المصالحة مع أخونا بقال وعقبال للبقية D : يعنى شردتى مشيتى السودان وما كلمتينى ؟؟؟؟ استنى لى لمن ترجعى ، بخلص منك حق قندهار ورأس السنة . المهم ، اجدعى لى رقم تلفونك فى السودان دايراك فى كلمة رأس