وصية .......محجوب شريف ..... رغم الفولة جات الاولى ... ماذا حل بها ؟؟؟؟؟؟؟؟؟

في ليلة الوفاء لمحجوب شريف يوم الثلاثاء في مسرح جامعة الاحفاد ..

كانت ليلة لا توصف بكل المقاييس ...

بكينا .. وطربنا .. ولقينا.. .. وتنفسنا .. وودعنا...

كانت كلمة محجوب شريف .. كلمة قوية اثرت في نفوس كل الحضور ..

وصانا وصية .. بخصوص الكشف ( أو الختة )الاتعملت ليه

وقال بالحرف الواحد :

تستمر الكشوفات لا لمحجوب شريف ولا لمي ولا لمريم ولا لاميرة ( وثقنا كل هذا الكلام)

تجمع ويوحد المكان وتصرف على من هم اسواء حالة مني ...

الذي يعاني من شيخوخة من المبدعين والكتاب..

الطفلة العندها فولة في رئتها منذ عمرها اربعة سنوات .... رغم الفولة جات الاولى ....

ورددنا وراه رغم الفولة جات الاولى ...

وبدأ هو الكشف بي عشر الف ...


هيلا هلب .. سودنا.. عقد الجلاد .. نفاج

ماذا حل بالوصية ؟؟؟؟؟؟؟؟؟؟؟؟؟؟

نقف من خلفكم

انعام حيمورة

يا انعام..... يا بصاق النحل يا بتاع كنانة انتي... كلامك اسمح من كلام محجوب شريف وانتي اسمح من بنوت الصحافة وانا ارجل من ناس الثورة.... وناس المنبر الما عبروكي اكعب من ديش اسماعيل باشا.... اين مني صفيحتين مريسة وجالون جاز وليت المنبر قطية من قش.....

يا سجيمان والله فيك الخير العبرتني ...

مع انو انا علقت مع (اشراقة والمهندس) اليوم داك بعد مارجعنا من حفلة شروق وقلت ليهم اليوم اول بوست لي وكتبت عن الموضوع الفلاني لكن لا عبروني ولا شتين.

وما العبرة في انهم يعبروني (انا) ابدا العبرة في الموضوع عشان والله انا بشوف كلام محجوب شريف دا مفروض يكون (أمر) للشعب السوداني مش اقتراح .....

وعشان ما نكون بتاعين شعارات واحتفالات بس . عايزين نكون بنفذ حقيقة في البتقال وأهم شي انو هو عمل خير وياريت نلقط الاعمال حسنة حسنة (عشن دا البنفعنا بعدين)

لسة بسأل ماذا حل بالوصية؟؟؟؟؟؟؟؟؟؟؟؟؟؟؟؟؟ !!!!!!!!!!

انعام حيمورة

سلام انعام حيمورة

سجيمان ما قصر معاك لكن تخليهو يستغل الموقف ...
وكل جميل حتما سنقرأه في لحظة ما ونكتب له ... بس مية موضوع في الصفحة الاولي محتاجة نفس طويل ..

محجوب شريف رجل عظيم من القلة النادرة التي احتفظت بذاتها كاملة خلال الطريق الطويل والمرهق
له ولك منا كل الحب والتحايا ...


---------
يا دكتور لسة منتظرك ...

الاخ الكريم/ جعفر

شكرا على المداخلة ....
يعني قصدك سي جس استغلالي ....

ابدا والله كل على سبيل المزح والمداعبة ...

وما في مشكلة الصبر طيب ...

وروحي رياضية جدا ...

انعام

الأخت إنعام حيمورة .. تحياتي لك وللإحفاد ولمحجوب شريف وللـ

التي رغم الفوله جات الأولى ..

وعندما تنادت الروابط للتضامن مع محجوب شريف .. خاطبهم أن يتم طباعة أعماله .. وتذهب دخول
مجهودات الروابط للآتي:

- مكتبات عامة للأطفال
- دعم المستشفيات الريفية
- دعم المبدعين والعمل الإبداعي

وحاجات في هذا الإتجاه .. ليظل السودان طويلا وعريضا وعميقا ..

الاخ محمد عبد الجليل

لك التحايا والامنيات بسودان تتحقق فيه كل الوصايا الطيبة

نتمنى ان نعمل بنفس الحماس الذي ترتب به و بدات به الليلة..

لك الشكر على مشاركتك