Post: #1
Title: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-24-2006, 01:36 AM
Parent: #0
عم علي سيد اللبن
منذ زمن بعيد ..... فهذا الرجل .... الذي يستحق وقفات .. ولست وقفة واحدة .......
هو ذلك الشيخ الوقور ..... سمح الاخلاق .... سمح الصفات ... سمح الملامح ....
يأتي الينا منذ قبل أن نولد وقبل ان يولد حتى أكبرنا ... يأتي يوميا الى السجانة والحلل
والقريبة منها .... يكب اللبن لكل أسرة .... يمطتي ذلك الحمار المميز العالي أبيض اللون شاهق
القامة...
ولكن هل كان يميزنا نحن أسرة حيمورة أم انه هكذا مع كل الاسر .....؟؟؟؟
له العديد من المواقف والذكريات .... ستأتي تباعاً...
حتى يومنا هذا نذكر حكاياته وكلامه الطيب وحكمه .... (دوام الحال من المحال) هذه كانت حكمته
الشهيرة لنا نحن اسرة (حسن احمد يوسف) ...
ذهبنا لنسلم على عضوة البورد منى خوجلي في جلسة صغيرة جدا ... جمعتنا ...
( منى خوجلي - اشراقة حيمورة - شاهين شاهين وأحمد القاسم )
هذا الاخير أتدرون من هو (أحمد علي القاسم )
هو أبن عم علي سيد اللبن
كم كانت مفاجاتنا (انا واشراقة) حينما سأل عن (عثمان حيمورة) أتعرفونه ؟ اشراقة قال ليه دا
ابوي ....
: يا سلام ...
: اتذكرون - علي سيد اللبن -
: هو أبوي ...
كم دهشنا وكم كانت فرحتنا لهذا البلد الحنون - سودانيزاونلاين.كم - لتحتف علينا بأبن على ود سيد اللبن
واترك المساحة هنا ...
للذكريات ولحكاوي أبونا على سيد اللبن - حتى نسجل له وقفة بل وقفات ...
و نواصل
|
Post: #2
Title: Re: عم علي........... سيد اللبن ....... الرجل الذي يستحق وقفة
Author: ابو جهينة
Date: 08-24-2006, 03:07 AM
Parent: #1
يا سلام عليك يا إنعام.
وفاءك لذكريات عن أمثال هؤلاء الرجال نادرة جدا.
عادت بي الذاكرة إلى عطبرة .. و سيد اللبن و حجة المررو ( الفول السوداني ) و بتاع الداندرمة و حتى الجمالي ال بيبيع الحرجل و المحريب ..
واصلي لغاية ما أجمع أطراف الذكرى.
أرقدي عافية
|
Post: #3
Title: Re: عم علي........... سيد اللبن ....... الرجل الذي يستحق وقفة
Author: حمزة فاروق
Date: 08-24-2006, 04:28 AM
Parent: #1
العزيزة الصديقة انعام
الوقفة للعم علي وكل اولئك الذين يصنعون الفرح ويزرعون البسمة في ربوع سوداننامن امثال العم علي.
ياه ياانعام فقد ارجعتني بحديتك عن العم علي الى زمن بعيد بمدينة الدويم : بت اللمين بائعة اللبن تلك المرأة البشوشةالكريمة التي اشك في انها كانت تكسب من بيعها للبن فقد كانت تجامل كل الجيران فتعطي رطل او رطلين زيادة للمرأة الوالدة(النفساء) و قدرهم للطفل الفطيم وهكذا .
ولا انسى جدنا ود الفضيل بملابسه ناصعة البياض وعمامته البيضاء وقد كتب عليها بالاحمر كلمة الموت وصوته الوقور يأتنا مع نفحات الصبح يا نايم سبح الدائم و يالنائمين فوق المخدة قيام الليل فوقه المودة و الكثير من الدرر و يختمها بكلمة المووووت وكنا نجزع عند سماعنا لكلمة الموت ونختبي وراء اهلنا وبعدها نصلي معهم الصبح .
كذلك بائع السمك الذي كان ينادي بأعلى صوته ياحي يا قيوم و قد كنا نفرح عند سماع صوته لانه اذا مر بمربوعنا باي بيت حتما سنأكل من ذلك السمك فقد كان عرفا عند الجيران أن من يشترى السمك يشترى ما عند الرجل كله وبعد ان يحمره يوزع للبقية من الجيران من باب لا يصح ان يشم الجار رائحة السمك دون ان يذوق منه، شوفتي ياانعام الزمن كان سمح كيف .
و غيرهم يأنعام فنسأل الله الرحمة و المغفرة لمن مات منهم و الصحة وطولة العمر لمن هم على قيد الحياة.
اتمنى ان اعرف اخبارك واخبار الآسرة و رقم تلفونك .
أميرة فاروق
|
Post: #4
Title: Re: عم علي........... سيد اللبن ....... الرجل الذي يستحق وقفة
Author: Ishraga Haimoura
Date: 08-24-2006, 04:57 AM
Parent: #1
إنعام
عم على يستحق الوقوف بإجلال
الرجل المترع إنسانية
كان أباً للصغير وصديقاً للكبير
كان صديقاً لجدي -رحمه الله- وكان وجوده في بيتنا في رمضان من الأشياء المفرحة للجميع.... حين كان عم علي يتغيب عن مائدة إفطار جدي في رمضان، كان جدي يعاتبه ولا يقبل منه عذراً.
كانت عمامته وملابسه ناصعة البياض تولد لدي إحساس بأنه أكبر من البشر العاديين.... لذا كنت أسعد أيما سعادة حين ينتبه لوجودي ويخصني بالحديث....
كنا نسكن في البيت الكبير في السجانة أبي وعمي وعماتي وكان من عادة عم علي أن يقدم رطلين لبن لكل امرأة في هذا المنزل الكبير تضع مولوداً لمدة أربعين يوم.
حين انتقلنا للسكن في الصحافة ظننا أنه سينقطع عنا بحكم المسافة ولكنه أصر على أن يواصل عطاءه وزياراته الصباحية لنا حتى في الصحافة قائلاً: "لبني دا ربى أبواتهم الكبار ديل ولازم يربيهم هم كمان"
حين سافر والدي ووالدتي لأداء فريضة الحج حضر عم علي لتفقدنا ومعه (خروف) كبير... حزنت جدأً لذبحه لأنه خروف عم علي.
..........
|
Post: #78
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 09-26-2006, 06:06 AM
Parent: #4
الاخت اشراقة
عمكم والدي يحبكم ويقدركم ايما تقدير....
عندما اخبرته انني وجدتكم نزلت منه دمعات احسبهن عزيزات وتعبر عن حبه لكم
قلت له:بنات حيمورة كتبن عنك كلام جميل ياابوي؟قال لي دة من اصلهن...
......
جدكم حيمورة عليه الرحمة.. زارنا في الكلاكلة سنة 1973 وكان ابوي جاء من الحج ..
ابي لم تكن علاقته بكم( لبن) بل اصبحت علاقة اقوي من زلك اسرية..
احمد الله ان جعلني سببا في امتداد واحياء علاقة اسرتي بال حيمورة...لا ن والدي يحبكم..
|
Post: #5
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-24-2006, 05:21 AM
Parent: #1
العزيز / أبو جهينة ..
ازيك وكيف اخبارك وكيف احوالك .. حقيقة كنت اتمنى ان اراك في زواج ابتكم ... ولكن لم اتمكن في الحضور في ذلك اليوم ...
فعلا الذكريات حلوة خاصة الواحد لما يتجاذب الحديث مع من عاش معه هذه الذكريات .....
عمي علي الله يديم عليه العافية ... وندعو ليه بموفور الصحة لانه الايام دي مريض ..
ونكرمه بالحديث عنه وعن خصاله ...
لك كل الشكر ابو جهينة على المشاركة التي اتمنى ان تكون متواصلة
نواصل
|
Post: #6
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-24-2006, 05:31 AM
Parent: #1
اولاد فاروق
لكم اشتاق اليكم .. ولكم افتقدكم ... ولكم تزرف مني دمعات حينما اتذكركم .. جميعا بدون فرز ...
وخاصة لما اجي مارة بذلك الحي الذي شاطرتكم فيه ( طعم العزوبية ) فالرغم من وجود أربعة بنات بالبيت الا انه كان بيت عزابة (ولاشنو)....
Quote: فتعطي رطل او رطلين زيادة للمرأة الوالدة(النفساء)
|
هذا ما كان يفعله عم علي بس أربعين يوما وكمان عندما يكون بالبيت اكثر ( من نفساء) كل جك براه
زكريات جميلة جدا جدا جدا وما يجملها صفاء ونقاء النفوس في ذلك الزمان ....
تحياتي لكم جميعا وخاصة صغيرتي - ايناس-
اميرة اشكرك على المشاركة
وياريت نواصل
ونواصل
|
Post: #7
Title: Re: عم علي........... سيد اللبن ....... الرجل الذي يستحق وقفة
Author: Muna Khugali
Date: 08-24-2006, 05:45 AM
Parent: #6
انعام...
أنـا ماشية لعم علي..أسلم عليه وابوس راسه واشم ريحة الخليفة فيه..
وبـ داك اجي احكي ليكم عن جـنة اللقاء وكـل ماقلناه وسـمعناه ..
منتظـرة بس شـاهين وقاسـم يجـوا ياخـدوني..
مشـتاقين ياجماعـة..
مـني
|
Post: #10
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-24-2006, 05:59 AM
Parent: #7
الحبيبة منى انتظر طلتك ... حمد لله على السلامة ...
Quote: أنـا ماشية لعم علي..أسلم عليه وابوس راسه واشم ريحة الخليفة فيه..
|
اوعي تفوتيني ذي ما عملت اشراقة ....
وبالمناسبة دي يا أشراقة كدي ورينا الحصل شنو مشيتوا ولا لا وكيف كان اللقاء اذا مشيتوا ...
ونواصل
|
Post: #8
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-24-2006, 05:52 AM
Parent: #1
Quote: حتى يومنا هذا نذكر حكاياته وكلامه الطيب وحكمه .... (دوام الحال من المحال) هذه كانت حكمته
الشهيرة لنا نحن اسرة (حسن احمد يوسف) ...
|
كان لنا بيت صغير جدا جدا نستأجره مجاور لبيت (الاسرة الكبيرة) في السجانة ... كان عمي علي بعد ما يمشي البيت الكبير بجي عشان يكب لينا نحن ...
الحوش بشيل سريرين كبار وثلاث صغار بعد كدة ما بتقدر تنزل كراعك ... يقوم الصباح عمي علي يجي يدق الباب .... وينتظر حتى يتم زح سرير ابوي شوية بس بقدر ما يمرق الحلة ... واني تتعتزر ليه معليش يا عمي على .. الحوش ضيق ..
يرد عليها ويقول ليها حكمته المشهور هذه (دوام الحال من المحال) بكرة تسكنوا في بيت كان زول دق ليكم الباب ما تسمعوه ....
وكل يوم تتكرر هذه الصورة
الى ان رحلنا من السجانة للصحافة وما كان الا ان اتي وبالفعل وجد الحوش الكبير .. البدقو ليه الباب ما ينسمع ....
وكل ماضيف يجينا ويدق الباب ما نسمعوا نتذكر .. كلام عمي علي...
ونواصل
|
Post: #9
Title: Re: عم علي........... سيد اللبن ....... الرجل الذي يستحق وقفة
Author: Ishraga Haimoura
Date: 08-24-2006, 05:53 AM
Parent: #1
الأخ حمزة فاروق
| Quote: ولا انسى جدنا ود الفضيل بملابسه ناصعة البياض وعمامته البيضاء وقد كتب عليها بالاحمر كلمة الموت |
انت يا زول كان كده ود عمنا لزم....
مرحب بيك
|
Post: #11
Title: Re: عم علي........... سيد اللبن ....... الرجل الذي يستحق وقفة
Author: علاء الدين حيموره
Date: 08-24-2006, 06:16 AM
Parent: #9
الاخوات أنعام _ أشراقة _ منى خوجلي
الف تحية ...
فالعم على لا تستطيع الكلمات ان توفيه حقه فهو كان أبا لنا وطرقات الباب بعصاه تنبىء بقدوم الصباح وبشاشته تسر القلب فكان أحن علينا من اهلنا حتى ...
كان يبدأ من بيتنا لان خروج الوالد للعمل كان مبكرا فالوالد وقتها كان عاملا في مصلحة المخازن وكان العمال هم اول الكادحين الذين يخرجون الى الشارع ممتطين عجلاتهم الرالي ..
فالعم على لا يستطيع ان يرجع ومواعينه فيها آثار اللبن فكنا نأتي بخرطوش ماء طويل وكان يغسل مواعينه حتى لا تتسبب في أن يتقطع لبن الغد .
لا يسأل العم عن قيمة اللبن فاذا حس بان هنالك عجز مادي في البيت لاينظر ولا يطلب فالمال لا يعنى له شيء فأسعاد الاخرين كان الاهم له ودعوات الزبائن له بالعافية كانت أجمل الهدايا التي يتلقاها ..
فهو أنسان رائع بمعنى الكلمة ... أتمنى له العافية وأتمنى التواصل مع أبناءه
لقد علمت ان له ابن في مدينة الخرج بالمملكة العربية السعودية .. أتمنى ان القاه
ويتواصل الحديث الجميل عن العم علي
|
Post: #12
Title: Re: عم علي........... سيد اللبن ....... الرجل الذي يستحق وقفة
Author: Ishraga Haimoura
Date: 08-24-2006, 06:19 AM
Parent: #1
مشينا يا إنعام.....
أحكي ليك من وين ؟؟؟؟ ولا وين؟؟؟؟؟
أحكي ليك من البداية.... رجعنا من منزل العزيزة المضيافة منى خوجلي، في الصباح الباكر أخبرت الوالد بأني قد وجدت عم علي ..... سعد أيما سعادة وسألني: إن شاء الله تكوني أخدتي منهم وصف البيت؟؟ كان سعيداً جدا وكذلك الوالدة وفرحوا جداً حين أخبرتهم بأن ابن عم علي سيأتي ويأخذنا إليه في الغد.
وصل أحمد علي القاسم بوجهه البشوش الموروث عن والده وأقل ثلاثتنا إلى الكلاكلة ونحن في غاية السعادة ، كان في انتظارنا عم علي وأولاده وبناته .... استقبال يشعرك بالسعادة..... إلفة وود عجيبين..... حفاوة تشعرك بالخجل.....
أكثر ما هزني يا إنعام منظر والدي وهو يحتضن عم علي ويقبل رأسه وعم علي تسيل دموعه ......
-اللغة لا تسعفني هنا لوصف احتشاد المشاعر وجيشانها في هذه اللحظة-
سلمت عليه وسألته: عرفتني يا عم علي؟؟؟ هز رأسه إيجاباً وسألني: "إنتي مش التومة؟؟؟ فرحت جداً وشعرت بالفخر لإحساسي بأنه لا زال لي مكان في ذاكرة عم علي ....
نواصل
|
Post: #13
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-24-2006, 06:58 AM
Parent: #1
اشراقة
والله لما دموعي جرت .... لذكرى هذا الرجل الطيب الودود ...
وواصلي
ونواصل
|
Post: #14
Title: Re: عم علي........... سيد اللبن ....... الرجل الذي يستحق وقفة
Author: سجيمان
Date: 08-24-2006, 07:11 AM
Parent: #1
التحية لعم علي
والتحية ليك يا إنعام يا شرط للأرض
|
Post: #16
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-24-2006, 07:27 AM
Parent: #1
الرائع لؤي
سلامات
قلت اكتبها ( الحلال ) تبقى قري .. وفعلا وقفت عندها كتير ..
بكتب مباشرة يعني ما بعمل توم وشمار .. وبشوت طوالي ياقون يا أوت ...
لك الود
|
Post: #17
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-24-2006, 07:35 AM
Parent: #1
الدكتور سي جي لك الشكر والشكر
وعلى فكرة سي جي (دكتورة هندية) مع ناس اخوي في السعودية ، انت تكون من سي جي عملتها سجيمان
عارفة امورك ...
وين من أيام قاهرة المعز ....
التحية مليون لعم علي
ونواصل
|
Post: #18
Title: Re: عم علي........... سيد اللبن ....... الرجل الذي يستحق وقفة
Author: هشام حامد العبيد
Date: 08-24-2006, 09:58 AM
Parent: #17
تحياتي لكاتبةالموضوع
مادام الكلام جاب ناس اللبن اليكم هذا الرابط وانظروا كم عظيم هو ذلك بائع اللبن
اضعط هنا
من مذكراتي.....يوم أن تم اختطافي
التحية والإجلال لكل بائعي وبائعات اللبن
هشام حامد العبيد
|
Post: #19
Title: Re: عم علي........... سيد اللبن ....... الرجل الذي يستحق وقفة
Author: Ishraga Haimoura
Date: 08-26-2006, 04:50 AM
Parent: #1
أحمد علي القاسم
(أخي بالرضاعة)........ في انتظارك
لتقدم لنا إضاءات في حياة هذا الأب العظيم
لك وله ألف تحية
|
Post: #21
Title: Re: عم علي........... سيد اللبن ....... الرجل الذي يستحق وقفة
Author: عماد محمود علي
Date: 08-26-2006, 05:36 AM
Parent: #19
 الكريمة نعومة
يسعد صباحك بكل خير ، ، ، ،،
عمنا علي رمز من رموز الكفاح في وطن الجهاد ، رجل تعتصر القلوب ألماً لفراقه ، رجل يستحق أن نفرد له مساحات ومساحات ليس عبر البورد أو البوست إنما عبر قلوبنا المحبة لهذا الرجل العصامي النبيل . تحية حب وإحترام لك عم علي وأدام الله عزك وأسعدك وهنيئاً لك أحمد علي بهذا الوالد العظيم . شكراً نعومة على هذه الوقفة الراقية مثلك ز
الاخت الفضلى إشراقة
Quote: أكثر ما هزني يا إنعام منظر والدي وهو يحتضن عم علي ويقبل رأسه وعم علي تسيل دموعه ......
-اللغة لا تسعفني هنا لوصف احتشاد المشاعر وجيشانها في هذه اللحظة |
والله يا إشراقة أبكيتيني ولا أدري ماذا أو أقول ، فالموقف فعلاً يصعب وصفه ولكنه يحكي عن عظمة الاثنين العم حيمورة والعم علي فهذه اللحظات لوحة رائعة تحكي عن طيبة أهل السودان ووفاءهم وإخلاصهم . ولأحمد علي أقول هذا الشبل من ذاك الأسد . وسلام مربع لكم جميعاً آل حيمورة وآل عم علي وآل خوجلي كمان .
|
Post: #20
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-26-2006, 05:27 AM
Parent: #1
الاخ الكريم
هشام حامد العبيد
لك الف تحية
Quote: كان قادما من هناك (بائع اللبن) الذي يزودنا يوميا باللبن وهو يمتطى حماره فشاهد تلك المرأة وهي تحمل صغير معها في الحمار وبما ان ذلك الرجل يقوم بتزويدنا باللبن كل يوم .
– ففي تلك الفترة كان يطوف اصحاب اللبن عبر البيوت لتوزيع اللبن – وما ان وصل الى منزلنا وطرق الباب فأحضرت الوالدة اناء اللبن لتشتري منه فاذا به يقول للوالده: (انا شفت لى ولد بشبه ولدك سايقاو مرأة ماشة على كده – ويشير بيده الى الاتجاه الذي سلكته تلك العجوز الشمطاء) |
هكذا هم .. أسياد اللبن... يتميزون عن غيرهم في الطيبة وسماحة الاخلاق ...
واكيد كان دا كان عمي علي ما كان انتظر لحدي ما جاء كب اللبن وكلم امك كان طارد هذه العجوز الشمطاء تاركاً بيعه ... حتى يرجعك هو بنفسه .. سالما غانما ...
التحية لكل أسياد اللبن....
والتحية لعم علي
ونواصل
|
Post: #22
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-26-2006, 05:49 AM
Parent: #1
الاخ عمدة (دي على وزن نعومة)
كيف امورك سعيدة جدا بطلتك علينا
حقيقة كلامك في محلو .... الرائعون يستحقون دائما الوقفات ....
اما
بس دي ذكرتني بي .. الكاشف اخوي
عارف القصة ولا احكيها ليك
لك الود
ونواصل
|
Post: #23
Title: Re: عم علي........... سيد اللبن ....... الرجل الذي يستحق وقفة
Author: عماد محمود علي
Date: 08-26-2006, 10:33 AM
Parent: #22
الاخت إنعام
مساء الفل
| Quote: حقيقة كلامك في محلو .... الرائعون يستحقون دائما الوقفات .. |
وحقيقي أنت من هؤلاء الرائعون .
| Quote: عارف القصة ولا احكيها ليك |
أحكيها لي علشان نستمتع بحكاويك الشيقة . حتى ولو كنت أعرفها .
|
Post: #24
Title: Re: عم علي........... سيد اللبن ....... الرجل الذي يستحق وقفة
Author: Rashid Elhag
Date: 08-26-2006, 10:50 AM
Parent: #23
الأخت إنعام...والله إنتي البتذكري عم علي سيد اللبن ماك هينة...هذا الوفاء النادر والإحترام والتقدير لعم علي إنما يدل علي أصالة معدنك..ونقاء وطهارة تربتك....دمتم لبعض يا آل حيمورة....التحايا
|
Post: #26
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-26-2006, 01:44 PM
Parent: #24
الاخ العزيز راشد
كيف الامور انشاء الله تمام التمام
شكرا جزيلا على المشاركة
| Quote: والله إنتي البتذكري عم علي سيد اللبن |
لانو وبدون مبالغة يستحق الذكرى
بكرة حا انزل مفأجاة ليكم وهي صورة حديثة جدا لعم علي سيد اللبن
وشكرا على التواصل
ونواصل
|
Post: #25
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-26-2006, 01:37 PM
Parent: #23
الاخ عمدة
تحياتي ومساءك فل
اشكرك من دواخلي لهذا التواصل
| Quote: وحقيقي أنت من هؤلاء الرائعون |
دي ما كنيرة علي شديد
اما عن القصة بتاعت الكاشف اخوي :
قالوا عائشة الفلاتية في لقاء فني بسالوا فيها ويسألوا فيها قام جاء سؤال انتي ياعائشة بتعرفي تقري وتكتبي .. قالت ليهم انا والكاشف اخوي دا ما بنعرف بقرأ ونكتب
مش يا اشراقة ياها كدة....
وفرحانة جدا بمشاركتك
ولك الود
ونواصل
|
Post: #27
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-26-2006, 03:24 PM
Parent: #1
عم علي ....
استعد في هذا الليل للقاءه يوم غدٍٍ .... لقاءه شخصياً .... تحصلت على صورته الفوتوعغرافية سأنزلها في الصباح الباكر بإذن الله وبعد ما امشي اشوفه واطمئن على صحته بجي بحكي ليكم ....
دي دعوة مفتوحة العايز يشوف عمي علي ينتظرنا ( منى خوجلي - انعام عبد الحفيظ - شاذلي - وشاهين شاهين وانا ) في الكلاكلة اللفة ونمر ناخدو معانا ....
وكيف يارب تكون روعة اللقاء ...
منى ماشة تشم فيه ريحة الخليفة ....
وانا بشم فيه عبق الزمان .... وعبق ( حيمورة جدنا الكبير)
ونواصل
|
Post: #29
Title: Re: عم علي........... سيد اللبن ....... الرجل الذي يستحق وقفة (صورة)
Author: Rashid Elhag
Date: 08-27-2006, 02:07 AM
Parent: #28
يا إنعام الصورة ما واضحة...الرجاء إعادة تنزيلها...سأضع هذه الصورة حتي تأتينا بالصورة المنتظرة...ولك الشكر
سيد اللبن جا...مرقت لي زهرا...مازلت أتذكر هذه الأغنية الشعبية...يا سلام
|
Post: #30
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-27-2006, 02:12 AM
Parent: #1
|
Post: #31
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-27-2006, 02:26 AM
Parent: #30
|
Post: #32
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-27-2006, 02:29 AM
Parent: #1
الحجم بس طلع صغير يا جماعة وانشاء الله تكون واضحة لانو بالحجم الكبير ابت تظهر وكدي كان ما واضحة نظبط حجمها تاني
لك الود
|
Post: #33
Title: Re: عم علي........... سيد اللبن ....... الرجل الذي يستحق وقفة
Author: الصادق صديق سلمان
Date: 08-27-2006, 02:43 AM
Parent: #1
الأخوات انعام واشراقة حيمورة
تحية طيبة
والله يا انعام موضوعك حلو شديد خلاص (ياسلام)
زي ناس عم على ديل ناس مافي زيهم - جيلنا نحن
دا خرب الدنيا وجلس على تلها.
إشراقة
ذهب بمخيلتي معك إلى ذلك اللقاء بين السيد والوالد
وبين السيد العم علي وكأني كنت واقفاً عند احتضن أحدهما
الآخر والماء تملأ عيناي.
موقف عجيب وحبيب إلى نفسي.
أحيي الوالدين العم علي والعم الوالد (عم حيمورة) وأدعوا
الله لهما بالصحة والعافية وطول العمر وبما ان لهما ذرية
صالحة مثلكم ومثل ابوالقاسم فإن سعيهما لم يخب.
أبوفتحية
|
Post: #34
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-27-2006, 02:49 AM
Parent: #1
ابو فتحية
كل الشكر والتقدير على المشاركة والمرور و ما قلته حقيقة ...
تسلم
لك الود
ونواصل
|
Post: #35
Title: Re: عم علي........... سيد اللبن ....... الرجل الذي يستحق وقفة
Author: عماد محمود علي
Date: 08-27-2006, 05:10 AM
Parent: #34
Quote: منى ماشة تشم فيه ريحة الخليفة ....
وانا بشم فيه عبق الزمان .... وعبق ( حيمورة جدنا الكبير) |
وأنا أشم فيه أصالة شخصك وجمال كلماتك ووفاء قل ما يجود به الزمان . شكراً نعومة .
|
Post: #36
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-27-2006, 05:31 AM
Parent: #1
العمدة
لك الشكر يا اصيل انت
وحا نحس ليك احساسك وبجي احدثك ... وحا اسلم ليك عليه اقول ليه عماد بسلم عليك يابة..
لك الود
|
Post: #37
Title: Re: عم علي........... سيد اللبن ....... الرجل الذي يستحق وقفة
Author: Rashid Elhag
Date: 08-27-2006, 08:38 AM
Parent: #36
الفاضلة إنعام....هذا أفضل ما إستطعت...تحياتي
عم علي....أمد الله في عمره
|
Post: #39
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-28-2006, 02:12 AM
Parent: #37
الاخ راشد الحاج
لك كل الشكر والتقدير هذا هو المطلوب .. صورة واضحة ... وجميلة ...
اكرر لك كل الشكر ...
وما عدمناك
ونعم أمد الله في عمرة ويديم عليه الصحة والعافية
|
Post: #38
Title: Re: عم علي........... سيد اللبن ....... الرجل الذي يستحق وقفة
Author: عماد محمود علي
Date: 08-27-2006, 11:37 AM
Parent: #36
| Quote: لك الشكر يا اصيل انت |
وهي الأصالة تفوتك تمشي وين بس !!!
| Quote: وحا اسلم ليك عليه اقول ليه عماد بسلم عليك يابة.. |
ما قلت ليك الأصالة تخليك تمشي وين !!! تسلمي إنت ويسلم عم علي وتسلموا جميعاً ويسلم كل زوار بوست ( عم علي .... سيد اللبن ) وتحية قلبية بي شوقي مروية سلام من الأعماق يا عم علي يا نسمة صيفية .
|
Post: #40
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-28-2006, 04:14 AM
Parent: #1
مشيت
وجيت
|
Post: #41
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-28-2006, 04:56 AM
Parent: #1
استعداد
لما الواحد يكون صابح عليه العيد اكان صغير ولا كان كبير بتجيه فرحة من داخل قلبه ما بقدر ينوم بالليل وحتى كان نام ليه ساعة ولا ساعتين بصحا الفجر ويبدأ في تجهيزاته لاستقبال العيد ... عمي علي كان عيد امبارح بالنسبة لي .... لم انم او نمت وانا خاتة في راسي اني ماشة لعم علي ....
صحيت الصباح مشيت الشغل .... يومي كان ملخبط جدا ... كل همي ارجع البيت عشان الاستعداد لهذا اللقاء .... ما فطرت في الشغل .. ولا اتغديت في البيت ...
وانا داخلة ومارقة أجهز وأجهز ....
طالعة لي الايام دي في موضة توب ... لي مرة واحدة بس البس توب ...اطلع بيه .. الثالثة فضلت تكون لعم علي ..... وبالفعل ...
نسقنا امورنا ...
مشية....
انتظرت انعام عبد الحفيظ ... جات وكان لقاء جميل وكأننا نعرف بعض من زمن .. دون حواجز ودون برتكولات .. وانتظرنا حتى تأتي البقية ...
د. محمد و هوي .. ومنى ثلاثيتهم ...
وكان منظرنا في الشارع كمنظر اطفال العيد وهم ماشين يتفسحوا ... وفي الشارع يتلفتوا لي بعض ( ديل سبقونا .. ديل ورنا .. ديل قدامنا ) ...
كنت وانعام عبد الحفيظ في عربة (شاركتنا بنت اختي داليا بت التوم !! ) المشوار .... ولما كانت الكلالة اقرب قلي منهم كانت عربتنا تسبق عربتهم ... وهم ورانا والزمن طويل ....
المهم الى ان وصلنا نقطة توقفنا فيها عند الكلاكلة .. اصلنا بالاخ (أحمد ود عمي علي) حتى يأخنا الى دارهم .....
وأخذا الى دارهم
حا أقول ليكم حاجة لم تكن متوقعة أو بالاحرى ما كانت في حساباتنا ..... قبل ما نصل البيت بثلاثة دقائق .....
الكهرباء قطعت
قلبت موازين احمد وموازيني وموازين منى خوجلي ذاتها (ههههههههها)
المهم !!!!!
دخلنا بيت رحب واسع جميل كجمال سيده ....
وجدناوه
تتصوروا ..... عمي علي ............
يرقد في سرير عالي .. واسع ...
قدمت منى خوجلي لتسلم عليه اولاً بالفعل .... سلمت في خشوع وامتثال ... وحب ... وتقبل يده ... وفي صوت خافت ياتي سلامه ويحاول النهوض ولكنه لم يستطع ...
وجاء دوري ....
وانحنيت انا الاخرى ... اسلم واقبل يده .... وياتيني صوته مرحبا بي واعرف نفسي
عمي علي ( انا انعام بت حيمورة) .. يقول لي يا سلام ... يا سلام ...
وسلم من بعدنا الكل ....
لا استطيع ان اوصف سلامهم لاني حينها كنت في عالم آخر ..... عالم اعادني الى الوراء عقدين من الزمان ...
وجلسنا وتحادثنا مع اسرته الكريمة وكان لقاء جميل .....
وعدنا
وفي انتظاري اهل بيتي لسألوني عن اللقاء ...... وحتى الساعات الاولى من الصباح وانا احكي ليهم ....
ونواصل
|
Post: #42
Title: Re: عم علي........... سيد اللبن ....... الرجل الذي يستحق وقفة
Author: عماد محمود علي
Date: 08-28-2006, 05:05 AM
Parent: #41
وراك والزمن طويل يا بنت حيمورة
|
Post: #43
Title: Re: عم علي........... سيد اللبن ....... الرجل الذي يستحق وقفة
Author: بدرالدين شنا
Date: 08-28-2006, 05:22 AM
Parent: #1
الغالية إنعام حيمورة
سلامي وإحترامي وثنائي
| Quote: ولكن هل كان يميزنا نحن أسرة حيمورة أم انه هكذا مع كل الاسر .....؟؟؟؟ |
أجمل ما في هذا السؤال أن الإجابتن (نعم أو لا) في صالح عم علي
فإن كانت الإجابة نعم فأنتم تستحقون مادام ديدنكم الوفاء لأهل العطاء
وإن كانت الإجابة لا فهذا يضيف إلى رصيده الذي وضعتيه هنا رصيداً آخر
تحياتي لأسرة حيمورة والعم علي وكل جميل
دي نوع البوستات البتهيج مشاعري وبتخليني أبكي
|
Post: #44
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-28-2006, 05:27 AM
Parent: #1
الاخ بدر الدين شنا
لك الشكر والعرفان ...
على المشاركة الثرة وهو فعلا في الحالتين كسبان بل وفي كل الحالات فهو شخص نادر جدا جدا
امد الله في عمره ويديم عليه الصحة وموفور العافية
انا كل يوم ببكي بالبوست دا هسي طالعة لي من بكية صديقتي رسالت لي رسالة بالهوت ميل دخلت عشان أنزلها لقيتك قلت احيك بعدين انزلها ..
لك الود
|
Post: #45
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-28-2006, 05:46 AM
Parent: #1
هذه رسالة وصلتني بالهوت ميل من صديقتي وزميلتي (ندى عباس)
Quote: عم..علي ...
وتفجرت طاقة إشتهاءنا ...
لبرد الصباح ... ولمة ... الشاي في المغرب....!!
لتدافعنا .. على اللبن .. حيث الافضلية للأسبق... (كباية اللبن الفاضية).... !!!
عم علي ... ( وضافايرنا.. ولعب الكورة للاولاد في الشارع) .. (وطاقة الطفولة واحلام باكر)
كلو هذا .. على كباية لبن عم علي ...!
....
احسسنا الان بمعاناة عم علي .. وكأنما انتبهنا فجأة الى .. صعوبة مهنة ... !!! فهنالك أناس لا نحس بمعناتهم ( أنهم العظماء .. لا يكونون الا من وراء ستار ... !!!) لهم المحبة دوماً ..... والامتنان ..
!!!!
عم علي .. يسكن أحلامنا الصغيرة
وتفاصيل طفولتنا التي نختبئ اليها .. كلما استوغلنا في العادية ... التي أصبحت تملأنا .. !! تملأ حياتنا.. !!
نشكرك إنعام ... لطاقة النور هذ ه....
وكل المحبة للأعمام ... علي....!!
انعام ... المدهشة ... !!!
أطل عليك .. كل صباح ... فأفأجأ .. بمزيد من روائعك .. وازداد توغلا بمحبتك ... !!!
ندى عباس
|
|
Post: #46
Title: Re: عم علي........... سيد اللبن ....... الرجل الذي يستحق وقفة
Author: Ishraga Haimoura
Date: 08-28-2006, 06:23 AM
Parent: #1
Quote: عم علي .. يسكن أحلامنا الصغيرة
وتفاصيل طفولتنا التي نختبئ اليها .. كلما استوغلنا في العادية ... التي أصبحت تملأنا .. !! تملأ حياتنا.. !!
نشكرك إنعام ... لطاقة النور هذ ه....
وكل المحبة للأعمام ... علي....!! |
فعلا صديقتي ندى
عم علي يسكن تفاصيلنا المحببة
يسكن دواخلنا الندية
يستدعي طفولتنا البهية
.....
التحية لكل عم علي
|
Post: #47
Title: Re: عم علي........... سيد اللبن ....... الرجل الذي يستحق وقفة
Author: عماد محمود علي
Date: 08-30-2006, 00:55 AM
Parent: #46
لفوق لفوق لفووووووووووووووووووووق علشانك يا عمي علي يا جميل .
|
Post: #48
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-30-2006, 02:07 AM
Parent: #1
نعم اخي عماد هو جميل ......
بصفاته بنبله بكرمه باخلاقه العالية بهدوءه برزانته .. نعم هو كذلك .....
فهو:
نعم الاب
نعم العم
نعم الخال
نعم الصديق
نعم الوفي
وونواصل
|
Post: #49
Title: Re: عم علي........... سيد اللبن ....... الرجل الذي يستحق وقفة
Author: عماد محمود علي
Date: 08-31-2006, 00:51 AM
Parent: #48
عمي علي أيها الرجل الطيب النبيل
تحية قلبية تحملها لك نسمات الصباح الباردة لتغطي بها جسدك الطاهر .
|
Post: #50
Title: Re: عم علي........... سيد اللبن ....... الرجل الذي يستحق وقفة
Author: غادة عبدالعزيز خالد
Date: 08-31-2006, 00:56 AM
Parent: #49
وقفة لعم علي سيد اللبن
بعدها عودة
كل الود و التقدير
يا انعام
غادة
|
Post: #51
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 08-31-2006, 03:29 AM
Parent: #1
البشوشة غادة
اسعدتني حضورك جدا في حضرة عمي علي
وننتظر عودتك بمرحب بك
|
Post: #52
Title: Re: عم علي........... سيد اللبن ....... الرجل الذي يستحق وقفة
Author: انعام عبد الحفيظ
Date: 09-02-2006, 05:21 AM
Parent: #1
انعام حيموره
وين انتى ؟؟؟؟؟
يلا واصلي سكب الذكريات الجميلة
في انتظارك
مودتي واحترامي
|
Post: #53
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 09-03-2006, 03:18 AM
Parent: #1
العزيزة انعام
لك الود وكل الاشواق
انا قاعدة ...
برتب في افكاري وجاية ...
ويسعدني وقوفك معي
لك الود
ونواصل
|
Post: #54
Title: Re: عم علي........... سيد اللبن ....... الرجل الذي يستحق وقفة
Author: عماد محمود علي
Date: 09-03-2006, 04:15 AM
Parent: #53
فالنقف في خندقٍ واحد من أجل الحلوين ، ، .
|
Post: #55
Title: Re: عم علي........... سيد اللبن ....... الرجل الذي يستحق وقفة
Author: saadeldin abdelrahman
Date: 09-03-2006, 04:26 AM
Parent: #1
التحية لعمي علي و اخينا احمد و للأستاذة منى و القاص المبدع شاهين
و لكن انعام* 2 و اشراقة..
الناس الاصيلين ديل عصب الحياة و كل حلاوة السودان في جلسة معهم يسقوك
فيها من خالص طيبتهم و دفق قلوبهم و لطف نوادرهم و تجاربهم.. لا زلت
أذكر تلك المرات التي كنت اتناول فيها العشاء مع جدي علي (أيضا)..رحمه الله
و حكاويه عن الراية الزرقاء و المهدية و لا أزال اذكر اصراره علي أن أشرب
(باقي الفطيرة بي لبن) من الكورة المنقوشة بالنجوم و الاهلة و ذلك لأن تلك
البقية بها البركة.. رحم الله جدي على الشيخ النذير رحمة واسعة و اطال لنا في
عمر عم علي ابوالقاسم و متعه بالصحة و العافية انه سميع قريب مجيب الدعاء.
|
Post: #56
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 09-03-2006, 04:36 AM
Parent: #1
الاخ عماد
نحي صمود عمي علي وصمود امثاله
|
Post: #57
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 09-03-2006, 04:48 AM
Parent: #1
الاخ سعد الدين ابراهيم
لك الشكر والتحية على المشاركة الغالية ...
ودايما جدودنا هم رمز للاصالة ....
رحم الله جدودنا
وأمد لينا في عمر
عمي علي سيد اللبن
ونواصل
|
Post: #58
Title: لهم الوقفة ولك الإنحناءة..
Author: ابي عزالدين البشري
Date: 09-03-2006, 07:14 AM
Parent: #1
.
الأستاذة إنعام
الكتابة عن الشرفاء شرف. وهؤلاء هم الفاعلون - حقا - في مجتمعنا.
ويعجبني ولده الذي يعتز بوالده وهو أيضا يستحق -تلك الوقفة - أيضا، وأنت تستحقين الانحناءة وأنت تقفين وقفة الوفاء والإجلال.
حمار اللبن، صاج الكسرة، طورية الطين، المنجل ، الكوريك،الزردية المترار سعن هز الروب و .. كلها أدوات بسيطة بأيدي بسطاء ولكنهم عظماء، رجالا ونساء على السواء . أقبل الأرض التي تحملهم ثم أحييهم. نساء صبرن وصن أنفسهن؛ فولدن رجالا ونساء. ورجال عفوا عن مد أيديهم إلى الناس - مسألة- وعن مد أيديهم إلى حق الغير. عاشوا شرفاء وسيموتون شرفاء.
سلام على الفقراء ( الشرفا). وأحب جلوسي في موائدهم التي يحلو طعم الملح فيها بالعرق، ولعنة على موائد.. دسمة ، دنسة.. وأعف عن الباقي.
ولك التحية فقد أصبت في من يجب أن نكتب عنهم و أحسنت الاختيار.
.
|
Post: #59
Title: Re: لهم الوقفة ولك الإنحناءة..
Author: انعام حيمورة
Date: 09-03-2006, 07:26 AM
Parent: #58
الاستاذ / ابي عز الدين البشري ....
لي حقا الشرف بطلتك البهية ...
| Quote: ويعجبني ولده الذي يعتز بوالده |
وهو حقيقة اب ووالد يعتز به .... ففهذه الايام اعد العدة للحديث عن اسرته وعن اولاده النوابغ ماشاء الله عليهم فقد عملهم واحسن تعليمهم ففيهم البروف وفيهم الدكتور وفيهم المهندس ...
وهذا الحمار الذي علمه صاحبه الشموخ واتذكره وكانه امامي الان ... ولهذا الحمار العديد من القصص .... ايضا سأفسح لها المجال ...
اكرر لك خالص الشكر والتقدير
ونواصل
|
Post: #60
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 09-10-2006, 05:48 AM
Parent: #1
عم علي ....
الحمد لله الايام دي عمي علي صحته عال العال وتماثل للشفاء ...
تودع الخرطوم اليوم ابنه البار (د. احمد على القاسم) متجها الى دولة الامارات بعد انقضاء اجازته السنوية.
نتمنى له اقامة طيبة ويعود ويلقانا طيبين ...
يظهر انو ( د. أحمد ) لم يجد سانحة لدخول البورد (فقد هرب منه) وهو في السودان فننتظر عودته الى غربته حتى يمدنا بالمادة التي وعدنا بها عن عمي علي ....
أشكر جدا حضورك ...
اشكر جدا حضور الغالية منى ...
اشكر فرصة لقاءنا بعم علي ...
اشكر جدا اسرتك الطيبة التي اتحفتنا بكرمها ...
واشكر كل الذين شاركوا ....
((( سافر ..... محطات الوداع ضحت قدامك وراك .. سافر )))
والى ان نلتقى لك منى الف سلام
لا اله الا الله
|
Post: #61
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 09-18-2006, 04:58 AM
Parent: #1
احمد القاسم الف حمد لله على السلامة
في انتظارك ... في انتظارك
|
Post: #62
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 09-18-2006, 07:04 AM
Parent: #61
|
Post: #63
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 09-18-2006, 07:42 AM
Parent: #62
بنت البلد انعام
الاصيلة اشراقة
الرائعة مني خوجلي
الاخت انعام عبد الحفيظ
الجبيب ابو جهينة
لؤي شمت
حمزة فاروق
د راشد الحاج شكرا علي الصورة التي فاجتني بها انعام حيمورة
عماد محمد علي انت الرائع انت صديقي
د سي جي مان ..ظريف البورد
الجميل بدرالدين شنا
اخي هشام العبيد
الزولة الفاهمة غادة عبد العزيز خالد
ابو فتحية الصادق
الاستاز ابي البشري
ود اهلناال فتاي العلوم سعد الدين عبد الرحمن
الاخت ندي عباس
شكرا لكم
والدي والد الكل...افخر به وبكم
علمنا الكثير ......
ولي عودة انشاء الله...
وابقوا عافية..
|
Post: #64
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 09-19-2006, 05:02 AM
Parent: #1
احمد عم علي
الف حمد لله على السلامة
عم علي
يستحق اكثر من ذلك ..
كنت اود ان اعمل معك مقابلة حتى اجمع خيوط كثيرة عن عمي علي ولكن زحمة السودان وجريه لم اوفق في ذلك ..
فارجو سرد ما لا نعرفه وتعرفه انت ..
كل الود
ويستاهل عمي علي اكثر من ذلك ...
|
Post: #65
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 09-19-2006, 06:12 AM
Parent: #64
|
Post: #66
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 09-19-2006, 06:21 AM
Parent: #1
احمد
في انتظارك
وظبط الصورة وأكان غلبتك رسلها لي راشد الحاج ...
|
Post: #67
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 09-23-2006, 04:40 AM
Parent: #66
العزيزة انعام
حاولت جاهدا ان اصغر الصورة...
فقدت معها كل ما كتبت اعلاه...ولكن صورة عمكم علي كما قال صديقي عصام الطيب( بعجت البوست)...
د.راشد الحاج وناس الاي تي...ويا بكري ابوبكر..
عليكم الله صلحوا لي صورة ابوي دي...و صغروها شوية ولكم جزيل الشكر
|
Post: #68
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 09-23-2006, 05:15 AM
Parent: #1
عمي علي رمضان كريم وكل سنة وانت طيب ادام الله عليك الصحة والعافية وطول العمر
الاخ احمد رمضان كريم وكل سنة وانت طيب
| Quote: عليكم الله صلحوا لي صورة ابوي دي |
حلوة شديد عجبتني
راجع ايميل راشد الحاج فوق ورسل ليه الصور attachments وهو بظبتها ليك
لك الود
|
Post: #69
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 09-23-2006, 05:39 AM
Parent: #68
انعام
والدي بداء ببيع اللبن في نهاية الاربعينات من القرن الماضي بعد 1946.....
تعرف والدي علي جدكم عمي حيمورة في 1958..و باقي القصة عند العمة حنانة والدتكم ولها التحايا..
اللبن كان يبداء والدي توزيعه في كل مناطق السجانة وحي الزهور..والحلة الجديدة..
لا انسي انه سنة 1972..وقرب مسجد ابراهيم مالك الحالي وكان خريفا ومطرا..كان فجرا وظلام..
جاء ابي علي تاكسي ولا يحمل سوي عصاه..
الامطار الغزيرة..وسلك كهرباء عاري..مات الحمار ...وقفز ابي بعيدا انقزه الله وعصاه التي كانت في يمناه..
هزه الحادثة مازالت مسجلة في زاكرتنا جميعنا....
اخواتي يبكين...وامي تطمئنهن...
وناس كفارة وسلامة في البيت...
ولي عودة..
|
Post: #70
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 09-23-2006, 05:41 AM
Parent: #69
رمضان كريم
وجعله الله شهر عبادة ومغفرة للجميع...
شكرا يا اصيلة..
|
Post: #71
Title: Re: عم علي........... سيد اللبن ....... الرجل الذي يستحق وقفة
Author: Ishraga Haimoura
Date: 09-23-2006, 06:04 AM
Parent: #1
كل سنة وانت طيب يا عم علي
وربنا يديك الصحة والعافية
ويدي أولادك كلهم الصحة والعافية ويقدرهم على فعل الخير
سلام أخي أحمد كل عام وأنت بخير ورمضان كريم
|
Post: #72
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 09-23-2006, 06:11 AM
Parent: #1
رمضان كريم
لكل زوار بوست عم على خاصة
والبورداب عامة
وكل سنة وانتو طيبين
|
Post: #73
Title: Re: عم علي........... سيد اللبن ....... الرجل الذي يستحق وقفة
Author: Tumadir
Date: 09-23-2006, 06:18 AM
Parent: #72
كنا يوم بنعمل الغاز "غلوتيات"
والزول يقول حاجة والناس الباقيين يعرفوها شنو
قام همرور اخوى "ابو قصى" عضو البورد ده قال لينا:
حاجة كرعينها اربعه
وراسها راس زول
وبالجنبات صفيح
دى شنو؟
وقعدنا نخمن وما عرفنا ..اها لمن قنع مننا ..قال اوريكم ليها ..قلنا ايوة
قال شنو؟ قال: سيد اللبن
اها كل ما تجى سيرة سيد اللبن بتذكر الغلوتية دى ....
نحن بنحب اللبن وامنا من القضارف عندهم بقر ..وبشربوا الحليب الصافى من بقرتو للكورة ..
فدايما سيرة اللبن عندى ليها مقام خاص ..حياهم الله اينما وجدوا وشكرا على نبلك وتذكر عمى على ..
"مع انه عمى على . معروف بأنه .هو بياع الزيت" حسب اللعبة الشعبية
عمى على بياع الزيت
مخلايتو مربوطة بخيط
والهون ضرب التلفون .....الخ
|
Post: #74
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 09-23-2006, 06:26 AM
Parent: #1
الرائعة جدا الاستاذة / تماضر
كل سنة وانتي طيبة - رمضان كريم
حقيقة اسعدني وجودك معي واستمتعت جدا بالغلوتية التي ذكرتيها...
واحي فيك روح التراثية ...
دمتي متحفة لنا
انعام
|
Post: #75
Title: رمضان كريم...
Author: ابي عزالدين البشري
Date: 09-25-2006, 05:11 AM
Parent: #1
رمضان كريم
تصوموا وتفطروا
على خير
|
Post: #76
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 09-25-2006, 06:52 AM
Parent: #1
ابي عز الدين البشرى
رمضان كريم وكل سنة وانت طيب
|
Post: #77
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 09-25-2006, 07:26 AM
Parent: #76
رمضان كريم..
في رمضان تختلف مواعيد اللبن...في الايام العادية كان والدي يبداء من الساعة الثانية فجرا وفي رمضان يبداء البرنامج بعد منتصف النهار ويدهب والدي لتوزيع اللبن وكنا نفتقده في افطار رمضان كثيرا...ولكن كان يشدد علينا ان صينية الافطار لازم تكون يوميا امام البيت سواء حضر هو ام لم يحضر...
لك التحية ابي ومتعك الله بالصحة وبارك لك في رمضان وعتقك..
تماضر شيخ الدين
لك الف شكر علي المرور..
تحياتي لك ولاسرتك..
|
Post: #79
Title: Re: عم علي........... سيد اللبن ....... الرجل الذي يستحق وقفة
Author: Rashid Elhag
Date: 09-26-2006, 01:47 PM
Parent: #77
الأخ العزيز دكتور أحمد القاسم...رمضان كريم....لقد تأثرت كثيرآ بقصة والدك مع آل حيمورة ....وإحياءك لهذه العلاقة...وحريآ بك أن تفخر بوالدك...فهو إنسان نادر... رجل عصامي....قام بواجبه تجاه ربه وأسرته ومجتمعه وبلده....لذلك فهو يستحق منا كل هذا الحب والوفاء....والدك من جيل لن يتكرر مرة ثانية في بلادنا المنكوبة بكل فساد أخلاقي ولا أخلاقي...فقد جاء والدك من جيل تربي علي مخافة الله وعلي المبادئ والأخلاق والفضائل الإسلامية السمحة...كل هذا ممزوج بطيبة أهلنا البسطاء في بلادنا الحبيبة....قصة والدك مع آل حيمورة هي قصة واقعية ترقي إلي أعلي درجات الكمال في الوفاء والإمتنان والصدق مع النفس والآخرين...وتستحق بجدارة ومن ناحية أدبية رفيعة... أن تكتب في كتاب ... أو تمثل في فيلم....فهنئآ لك والدك....وهنيئآ لكم علاقتكم الممتدة مع آل حيمورة....ولك صادق ودي ومحبتي وكل عام وأنت بخير
أخوك راشد الحاج
|
Post: #80
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 09-27-2006, 02:41 AM
Parent: #1
الاخ راشد الحاج
كل عام وانت بخير
لك كل الشكر والتقدير لما تبذله معي من مجهود في تنزيل الصور ...
كتر الله خيرك
|
Post: #81
Title: Re: عم علي........... سيد اللبن ....... الرجل الذي يستحق وقفة
Author: احمد العربي
Date: 09-27-2006, 02:57 AM
Parent: #80
إنعام حيموره
عبير يفوح في هذه الحديقه
تحية لك على هذا الجمال
صديقي احمد القاسم
البحر بلا عباب كيف يكون علي سيد اللبن
وانت الشبل منه
تحيه لك والدنا علي يا سماء امطرت محبه
اطال الله في عمرك
ومتعك بالصحه والعافيه
|
Post: #82
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 09-27-2006, 03:36 AM
Parent: #1
الاخ أحمد العربي
لكل كل الشكر والتقدير على المرور
واطال الله في عمر عمي علي ويديها الصحة والعافية آمين يارب
|
Post: #83
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 09-28-2006, 07:03 AM
Parent: #82
الاخ
د راشد الحاج لك الف شكر علي تصغير الصورة ومشاعرك الصادقة تجاه والدنا وان دل فانك (زول ما هين)...
ابي وانا صغير وعلي قدر ماكنا نملك كان يصر علينا ان ندعو كل اصحابنا في المدارس والحي و يقول (انتو اعزموهم وانا بضبح ليكم حمل واحيانا عتود) وبالعدم شاي مغربية .....
كان بقول معرفة الرجال كنز...وحدسي يقول لي انك يا راشد مكسب وكنز...تحياتي لك ولاهلك اخي...
صديقي احمد العربي...
شكرا لك ...تحياتي لاسرتك
|
Post: #84
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 09-28-2006, 07:28 AM
Parent: #1
Quote: تعرف والدي علي جدكم عمي حيمورة في 1958..و باقي القصة عند العمة حنانة والدتكم ولها التحايا..
|
طبعا زمني دا كلو راجياك تتكلم لينا عن عمي علي تجي في الحتة الصغيرونة دي وترجع لي الكورة لي معلبي ما عندك مشكلة ...
بقعد مع الحاجة وبجي انزل ..
لك الود
ونواصل
|
Post: #85
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 09-30-2006, 02:18 PM
Parent: #84
الاخت انعام
شكرا جزيلا يا رائعة.......
بكتب في كلام عن عمكم علي واشكرك جدا لانك بدات الموضوع والمادة متوفرة بس برتب فيها تاريخيا وراجع انشاء الله....
شكرا جميلا لكم ال حيمورة ..
تحياتي للعم حسن وانشاء الله بلغ العافية..
|
Post: #87
Title: Re: عم علي........... سيد اللبن ....... الرجل الذي يستحق وقفة
Author: انعام عبد الحفيظ
Date: 10-04-2006, 07:25 AM
Parent: #85
Quote: بكتب في كلام عن عمكم علي واشكرك جدا لانك بدات الموضوع والمادة متوفرة بس برتب فيها تاريخيا وراجع انشاء الله....
|
في انتظارك احمد على القاسم
|
Post: #86
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 09-30-2006, 02:26 PM
Parent: #1
احمد في انتظارك ..
الحمد لله الوالد بلغ الصحة واصر ونزل الشغل كمان (ذي ما قلت لي عمك على اليوم اصر يمشي السوق )
الله يديهما طولة العمر والصحة والعافية ...
لك الود
|
Post: #88
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 10-17-2006, 05:15 AM
Parent: #1
صديقتي الانسانة الرقيقة (ندى حسن عبد القادر)
حكت لي اليوم انها بينما كانت صغيرة ذهبت الى الحج في رفقة اسرتها وعندما جاءت اطلق عليها
عمها صديق سيد اللبن لقب (الحويجة) تصغير لحجة فقد ترك هذا اللقب اثر في نفسها ظلت تذكره به
حتى يومنا هذا وهي سعيدة بهذا اللقب وتترحم عليه وسردت لي حكايا شبيهة جدا بحكايا عم علي سيد
اللبن ...
|
Post: #89
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 10-19-2006, 07:52 AM
Parent: #88
Sorry got a problem in my Arabic Keyboard..
Thanks Inam and regards to Hwaija Nada
Salam
Ahmed Ali Elgasim
|
Post: #90
Title: Re: عم علي........... سيد اللبن ....... الرجل الذي يستحق وقفة
Author: Mutwali Malik
Date: 10-20-2006, 07:10 PM
Parent: #89
متابعة - اعجاب - واستمتاع
لكم التحية من عم علي اليك يا انعام ولك ان تفخر اخي وصديقي احمد علي القاسم
|
Post: #92
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 10-21-2006, 03:15 AM
Parent: #90
الاخ متولي
كيف كل سنة وانتي طيب شكرا على المتابعة ، على الرغم من انو رمضان فعل فعله ، خاصة وانو في
ناس في رمضان ما بتحب اللبن ولكن الغالبية بتحبوا خاص الرقاق والسحور بالبن ، وكل مع بشريات
العيد (التمن) بتكتر ونعود تاني لي شاي الصباح وشاي المغرب بالبرمي الزول ...
كل عام وعمي على وانت بخير
|
Post: #91
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 10-21-2006, 02:59 AM
Parent: #89
احمد القاسم
عساك طيب ... تحياتك وصلت .. وكل عام وانت بخير واديني تلفون لي عم على لزوم العيد
كل عام وانتم بخير
|
Post: #93
Title: كل عام وأنتم بخير
Author: ابي عزالدين البشري
Date: 10-23-2006, 01:34 AM
Parent: #1
|
Post: #94
Title: Re: كل عام وأنتم بخير
Author: Ahmed El Gasim
Date: 10-25-2006, 03:06 AM
Parent: #93
الاحباب الاخوان
كل عام وانتم بالف خير
اختي انعام حيمورة
لك الف تحية وزي ما قال ليك د راشد(انتي البتذكري عمك علي سيد اللبن ماهينة التلفون انشاء الله يكون جمع معاك)....
الاستاذ الاديب
ابي البشري
احييك واحي معك كل اهلي في الدويم الراقية التي لها مكانة عزيزة في قلبي وقلب عمك علي القاسم(سيد اللبن)...وتحياتي لك ولاسرتك وكل سنة وانتم طيبي
|
Post: #95
Title: Re: كل عام وأنتم بخير
Author: انعام عبد الحفيظ
Date: 10-28-2006, 02:11 AM
Parent: #94
احمد القاسم
انعام حيموره
كل سنة وعم علي بتمام الصحة والعافية
|
Post: #99
Title: Re: كل عام وأنتم بخير
Author: انعام حيمورة
Date: 10-28-2006, 07:11 AM
Parent: #95
وانتي بالف خير يا نعومة
مقدمة ليك دعوة عيدية لعم علي رايك شنو ؟؟؟؟
في انتظارك ..
|
Post: #98
Title: Re: كل عام وأنتم بخير
Author: انعام حيمورة
Date: 10-28-2006, 04:06 AM
Parent: #93
ابي عز الدين البشرى
كل عام وانت بالف خير وربنا يديك العافية ويخلي ليك اولادك يارب
|
Post: #96
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 10-28-2006, 02:56 AM
Parent: #1
الاعزاء
كل سنة وانتو طيبين وربنا يحقق الاماني
|
Post: #97
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 10-28-2006, 03:47 AM
Parent: #1
احمد القاسم كل سنة وانت طيب والله اتصلت كتير لكن لم اوفق يظهر انو (منير) معيد وزايق من ذي
ناس انعام ديل !!!!!
وانشاء الله حا امشي ليهم خاصة اشراقة متذكرة البيت كويس ...
تحياتي لهم ولك وكل سنة وهم وانت طيبين
|
Post: #100
Title: Re: عم علي........... سيد اللبن ....... الرجل الذي يستحق وقفة
Author: انعام عبد الحفيظ
Date: 10-31-2006, 09:02 AM
Parent: #97
انعام زوغة منير هي جنس زوغة لكن
وما لميت فيهو الا بعد قرأ كلامك ده
|
Post: #101
Title: Re: عم علي........... سيد اللبن ....... الرجل الذي يستحق وقفة
Author: علاء الدين حيموره
Date: 10-31-2006, 04:09 PM
Parent: #100
كل سنة وانت طيب يا عم علي .. ربنا يحفظك ويخلي ليك اولادك ويحفظهم من كل بلاء
كل سنة واي واحد دخل في البوست ده طيب
احمد اظهر لينا بالله
|
Post: #103
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 11-11-2006, 07:13 AM
Parent: #101
العزيز ود حيمورة
اسف جدا وتحياتي لكم جميعا اخوتي وخاصة لهبة!
تقبلوا تحيات عمكم علي وهو بخير والحمدلله...
سابدا اليوم بانزال بعض من سيرة لوالدنا احتفاء بهذا والشكر لكم ال حيمورة ودمتم ...
شكرا جميلا علاء
انعام وانعام...
|
Post: #104
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 11-11-2006, 07:16 AM
Parent: #100
سم: علي القاسم احمد محمد يحي
الميلاد:الكلاكلة في عشرينات القرن الماضي وفي روايات اخري 1918
ينتمي كما معظم اهل الكلاكلة للجعليين والكواهلة(وهم اساس المنطقة) التي يرجع اصلها الي حوالي 450 عام جنوب الخرطوم...ويعمل جل السكان بزراعة الجروف والزراعة المطرية والرعي
كان والدي يعمل ايضا بالرعي والزراعة..
لم يكن التعليم متوفرا في المنطقة الا القليل الدين تعلمو وبرزوا في مجالاتهم و منهم القاضي احمد الهاشمي والفكي دفع الله واولاد الشيخ النزير خالد و كانوا لبنة العلم للمنطقة كلها....
والدي علي القاسم تعلم القليل والبدايات بالخلاوي وبدابتعلم الكتابة والقراءة في سن الثاتية عشرة وحفظ جل كتاب الله الكريم قبل سن الخامسة والعشرين ...لكنه اصر علي مواصلة التعليم وكان ان جمع نفر من اقرانه رغم ان اعمارهم تخطت العشرين من العمر وكلفوا الشيخ احمد ود الشيخ النزير ان يدرسهم ويعلمهم اصول دينهم ودنياهم..تخلي معظم الطلبة ولم يتبقي مع والدي للدراسة الا 3!!! اصر والدي من البداية علي تخصيص مرتب من ماله للشيخ والزم من معه وعندما قل العدد اصبح يدفع من عنده وكانت الدراسة المنتظمة بعد المغرب..تقول والدتي انها كانت تري الشيخ فكي احمد ياتي بحماره من القبة لصنقعت وكان نورا علي راسه...يحمل فانوسه وكتبه......... .... يضحك والدي بان احدهم برر زلك بانه مضيعة للوقت!!اعترض ابي واصر علي مواصلة الدراسة الدينية!!واثني عليه شيخ احمد(وهو خريج الازهر الشريف) ويبدو ان شيخ احمد وجد ضالته في ابي و اصبح محور اهتمامه في نقل رسالة العلم والدين بالكلاكلة صنقعت التي كانت تفتقر لزلك!!وواظب ابي ربما لعشرات السنين مع شيخ احمد حتي ولادتي وسماني والدي (احمد ) تيمنا بالشيخ احمد استازه ويكفي ان جدتي ام والدتي لم تكن تناديني الا ب(فكي احمد) كما كان يحلو لهم بمناداة شيخ احمد احتراما...وقد عاصرت الشيخ احمد في طفولتي لانه كان يزور ابي حبا في الله وكان ابي وقتها قد حفظ جل الصحف الكريم...واصبح علما في المنطقة لعلوم التوحيد ومازال يجيدها ومرجع للناس في علوم الفقه والمواريث والارث..
وفي الاربعينات اصبح عضو لمؤتمر الخريجين بالكلاكلات مع العم شريف خوجلي والعم الفاضل والعم المرحوم فكي عبد الله اسماعيل وبعض ممن استنارو بالعلم ايامها وكانوا لبنة للتعليم في المنطقة و اصبحت الكلاكلة القبة منارة العلم للمنطقة ...(تاريخ الكلاكلات للاستاد سعد الدين محمد احمد ).
في الخمسينات تبرع والدي من اراضيه بالكلاكلة صنقعت بقطعتين:
1.في احدهما بني مسجد الكلاكلة صنقعت وسط وفنائه وهي مساحة فدانين وربما اكثر ومازال المسجد معلم بارز ولايبعد كتيرا من منزلنا..ورشح والدي احد اباء المنطقة ليدرس الدين والقران واصبح شيخ يوسف قسم الخالق اماما لمسجد وسط حتي وفاته(شيخ يوسف) 1982 له الرحمة....
2.وخلف منزلنا مباشرة بني والدي خلوة صنقعت وسط وفيها تعلمت القران علي يد شيخنا محمد احمد ود الفكي خوجلي وهو ابن خالة ابي من الكلاكلة القبة له الرحمة والمغفرة وما زلت ازكر ترتيله لبداية سورة البقرة والتجويد الخ...
الخلوة مازالت قائمة ويهتم بها الشباب قبل الكبار وبها معهد دراسي اكاديمي وديني وخصص لها اهل صنقعت شيخ ليفقه الناس في الدين خاصة الصغار ليقوموا علي نهج اسلافهم واجدادهم واراها واشهد انها تقوم بمهمتها بكل مسؤلية ولها دور بارز في رسالة العلم والدين..
ابي يوصينا بالخلوة دوما بان نهتم بها ونصينها ان احتاجت وان لا نتقاعس وان تقاعس الجميع عنها لان رسلاة الخلوة سامية ووجودها مهم...اخوتي في السودان يهتمون بها خاصة اصغرنا (منير) ...
ونواصل...
|
Post: #102
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 11-01-2006, 01:17 AM
Parent: #1
ابو هبة كل سنة وانت وهبوية وام هبوية طيبيين
|
Post: #105
Title: Re: عم علي........... سيد اللبن ....... الرجل الذي يستحق وقفة
Author: علاء الدين حيموره
Date: 11-11-2006, 01:21 PM
Parent: #102
وانتو كلكم طيبين يا انعام
عزيزي احمد نوارة البورت
الف تحية ليك ونحن متابعين ...
|
Post: #106
Title: Re: عم علي........... سيد اللبن ....... الرجل الذي يستحق وقفة
Author: انعام حيمورة
Date: 11-12-2006, 03:07 AM
Parent: #1
انها سيرة مشرفة جدا ... عم علي ..
ربنا يديه طولة العمر ويجازيه بحسنات على قدر ما قام به ....
التحية لعم على ولابنائه النوابغ ...
حفظكم الله
|
Post: #107
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 11-13-2006, 08:57 AM
Parent: #106
..| Quote: انها سيرة مشرفة جدا ... عم علي .. |
انعام
شكرا يا رائعة ويحفظك الله واسرتك
و نواصل
|
Post: #108
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 11-13-2006, 09:00 AM
Parent: #107
اهتمام والدنا بالعلم لم يكن جديدا...عندما تم قبول اخي الاكبر سليمان لدراسة الهندسة اتي بعض الاهالي وقالوا لابي (ما تشوف ليهو وظيفة ويساعدك في تربية الاولاد الصغار؟؟)وقال لي ابي ان هدا الكلام زاده ايمانا بان العلم ضرورة وان هؤلاء لايعرفون ما يقولون !!واصر ابي علي اخي وابن عمي وابن خالي وخالي واخي التاني ودرسوا جميعهم بجامعة الخرطوم في كليات مختلفة في الستينات وبداية السبيعينات....عدا ابن عمي فقد درس بالكلية الحربية في منتصف الستينات...هؤلاء كانوا يوميا يدهبون بين الخرطوم والكلاكلة في بص يحمل اللبن لسكان السجانة والخرطوم.. وقال لي خالي والدك يحب العلم وصحبة المتعلمين وهو ما جعله صديق لال حيمورة خاصة العم عثمان حيمورة والد الزميلة اشراقة ....والدنا بداء في توزيع اللبن في السجانة من منتصف الاربعينات وكان المشوار بين الخرطوم والكلاكلة لبائعي اللبن عبارة عن قافلة حمير يبداءون بحليب الاغنام والضان عند منتصف الليل ويبداوون السير عند الثانية والنصف صباحا واخبرني والدي بانهم ينامون والحمار ياخدك دون تعب او كلل ويقطع مسافة 22 كلم زهابا ومثلها ايابا يوميا..والحمار يحفظ الزباين دون ان تقوده(جربتها كثيرا لدلك ازعل لوصف الحمار بالغباء!!)
ونواصل...
|
Post: #109
Title: Re: عم علي........... سيد اللبن ....... الرجل الذي يستحق وقفة
Author: Ahmed El Gasim
Date: 11-13-2006, 09:01 AM
Parent: #107
اهتمام والدنا بالعلم لم يكن جديدا...عندما تم قبول اخي الاكبر سليمان لدراسة الهندسة اتي بعض الاهالي وقالوا لابي (ما تشوف ليهو وظيفة ويساعدك في تربية الاولاد الصغار؟؟)وقال لي ابي ان هدا الكلام زاده ايمانا بان العلم ضرورة وان هؤلاء لايعرفون ما يقولون !!واصر ابي علي اخي وابن عمي وابن خالي وخالي واخي التاني ودرسوا جميعهم بجامعة الخرطوم في كليات مختلفة في الستينات وبداية السبيعينات....عدا ابن عمي فقد درس بالكلية الحربية في منتصف الستينات...هؤلاء كانوا يوميا يدهبون بين الخرطوم والكلاكلة في بص يحمل اللبن لسكان السجانة والخرطوم.. وقال لي خالي والدك يحب العلم وصحبة المتعلمين وهو ما جعله صديق لال حيمورة خاصة العم عثمان حيمورة والد الزميلة اشراقة ....والدنا بداء في توزيع اللبن في السجانة من منتصف الاربعينات وكان المشوار بين الخرطوم والكلاكلة لبائعي اللبن عبارة عن قافلة حمير يبداءون بحليب الاغنام والضان عند منتصف الليل ويبداوون السير عند الثانية والنصف صباحا واخبرني والدي بانهم ينامون والحمار ياخدك دون تعب او كلل ويقطع مسافة 22 كلم زهابا ومثلها ايابا يوميا..والحمار يحفظ الزباين دون ان تقوده(جربتها كثيرا لدلك ازعل لوصف الحمار بالغباء!!)
ونواصل...
|
|
